ပုလဲဆိပ်ကမ်းတိုက်ခိုက်ခံရမှုမှ သူရဲကောင်းတစ်ဦးကို အသက်ပြန်သွင်းလိုက်တဲ့ အမေရိကန်ရေတပ်

NoahJune222

News Image

  • ပုလဲဆိပ်ကမ်းတိုက်ခိုက်ခံရမှုမှ သူရဲကောင်းတစ်ဦးကို အသက်ပြန်သွင်းလိုက်တဲ့ အမေရိကန်ရေတပ်

၁၉၄၁ ခုနှစ် ဒီဇင်ဘာလ ၇ ရက်ဆိုတာအမေရိကန်သမိုင်းမှာ မေ့ပျောက်လို့ မရနိုင်တဲ့နေ့ရက်တစ်ခု ဖြစ်ပါတယ်။ အကြောင်းရင်းကတော့ ပုလဲဆိပ်ကမ်းကို ဂျပန်တို့က လာရောက်ဗုံးကြဲတိုက်ခိုက်သွားလို့ ဖြစ်ပါတယ်။ ပုလဲဆိပ်ကမ်းဗုံးကြဲ တိုက်ခိုက်ခံရမှုမှာ အမေရိကန် စစ်ရေယာဉ်အများအပြား နစ်မြုပ်ခဲ့ရပြီး အဲဒီစစ်ရေယာဉ်တွေထဲမှာ USS Utah ဆိုတဲ့ စစ်ရေယာဉ်တစ်စင်းကလည်း အပါအဝင်ဖြစ်ပါတယ်။

တစ်နည်းပြောရမယ်ဆိုရင် အဲဒီစစ်ရေယာဉ်တွေဟာ အမေရိကန်ရေတပ်အတွက်တော့   တကယ့်ကို သူရဲကောင်းတွေပါပဲ။

ဒါကြောင့်လည်း ပုလဲဆိပ်ကမ်းတိုက်ခိုက်ခံရမှုမှာ နစ်မြုပ်သွားတဲ့စစ်ရေယာဉ်များရဲ့အမည်ကို နောက်ထပ် စစ်ရေယာဉ်များမှာ အသုံးပြုခြင်း မရှိခဲ့ပါဘူး။

ဒါပေမဲ့အခုတော့ အမေရိကန်ရေတပ်က ပုလဲဆိပ်ကမ်းသူရဲကောင်းတစ်ဦးကို ပြန်လည်အသက်သွင်းလိုက်ပါပြီ။ အဲဒါကတော့ မကြာခင်တပ်တော်ဝင်တော့မယ့် အဆင့်မြင့်တိုက်ခိုက်ရေး ရေငုပ်သင်္ဘောကို USS Utah လို့အမည်ပေးလိုက်တာ ဖြစ်ပါတယ်။ အမေရိကန် ရေတပ်အနေနဲ့ အခုလိုမျိုးပုံစံနဲ့ စစ်ရေယာဉ်ကို နာမည်ပေးခြင်းက ပထမဆုံးလည်း ဖြစ်ပါတယ်။

Ref: IE

ကိုထက်

MWD

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ပင်လယ်ပြင်ခရီးအတွက် မိုးလေဝသခန့်မှန်းချက်
ပင်လယ်ပြင်ခရီးအတွက် မိုးလေဝသခန့်မှန်းချက်
(၂၀၂၆ ခုနှစ်၊ ဧပြီလ ၂ ရက်နေ့၊ နံနက် ၁၀:၃၀ နာရီအချိန်ထုတ်ပြန်ချက်) ဘင်္ဂလားပင်လယ်အော်အ‌ခြေအနေ။ ဘင်္ဂလားပင်လယ်အော်မြောက်ပိုင်းနှင့် အနောက်အလယ်ပိုင်းတို့တွင် အများအားဖြင့် သာယာနေပြီး ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်အနည်းငယ်မှ တိမ်အသင့်အတင့် ဖြစ်ထွန်းနေပါသည်။  ရန်ကုန်မှ တနင်္သာရီကမ်းရိုးတန်းတစ်လျှောက် ပင်လယ်ပြင်ခရီးအတွက် မိုးလေဝသခန့်မှန်းချက် ယနေ့မွန်းတည့်မှ နောက်(၂၄)နာရီအတွင်းခန့်မှန်းချက်  မိုးလေဝသအ‌ခြေအနေ။ နေရာကွက်ကျား မိုးထစ်ချုန်းရွာမည်။  အမြင်တာ။ ၄ မိုင်၊ မိုးရွာစဉ် ၁ မိုင်ခန့်။  ရေပြင်လေ။ အနောက် (သို့) အနောက်မြောက်၊ တစ်နာရီပင်လယ်မိုင် ၅-၁၀ မိုင်၊ တစ်ခါတစ်ရံ မိုင် ၂၀ မှ ၂၅ မိုင်။  လှိုင်းအ‌ခြေအနေ။ လှိုင်းအနည်းငယ်မှ လှိုင်းအသင့်အတင့်ရှိမည်။  လှိုင်းအမြင့်။ ၃ ပေမှ ၅ ပေခန့်။  ရန်ကုန်မှ ရခိုင်ကမ်းရိုးတန်းတစ်လျှောက် ပင်လယ်ပြင်ခရီးအတွက် မိုးလေဝသခန့်မှန်းချက်  ယနေ့မွန်းတည့်မှ နောက်(၂၄)နာရီအတွင်း ခန့်မှန်းချက်  မိုးလေဝသအ‌ခြေအနေ။ တိမ်အသင့်အတင့် ဖြစ်ထွန်းမည်။  အမြင်တာ။ ၅ မိုင်။  ရေပြင်လေ။ အနောက် (သို့) အနောက်မြောက်၊ တစ်နာရီပင်လယ်မိုင် ၅-၁၀ မိုင်၊ တစ်ခါတစ်ရံ မိုင် ၂၀ မှ ၂၅ မိုင်။  လှိုင်းအ‌ခြေအနေ။ လှိုင်းအနည်းငယ်မှ လှိုင်းအသင့်အတင့်ရှိမည်။  လှိုင်းအမြင့်။ ၃ ပေမှ ၅ ပေခန့်။ Crd> မိုး/ဇလMDN
Thu, 2-Apr-2026
မြန်မာ့မီးရထားအနေဖြင့် မဟာသင်္ကြန်နှစ်သစ်ကူးရုံးပိတ်ရက်ကာလအတွင်း ခရီးသွားပြည်သူများနှင့် ဌာနဆိုင်ရာဝန်ထမ်းများ အဆင်ပြေစွာ ခရီးသွားလာနိုင်ရန်အတွက် အထူးရထားများတိုးချဲ့ပြေးဆွဲပေးမည်
မြန်မာ့မီးရထားအနေဖြင့် မဟာသင်္ကြန်နှစ်သစ်ကူးရုံးပိတ်ရက်ကာလအတွင်း ခရီးသွားပြည်သူများနှင့် ဌာနဆိုင်ရာဝန်ထမ်းများ အဆင်ပြေစွာ ခရီးသွားလာနိုင်ရန်အတွက် အထူးရထားများတိုးချဲ့ပြေးဆွဲပေးမည်
နေပြည်တော် ဧပြီ ၁ ပို့ဆောင်ရေးနှင့်ဆက်သွယ်ရေးဝန်ကြီးဌာန၊ မြန်မာ့မီးရထားသည် မဟာသင်္ကြန်နှစ်သစ်ကူး ရုံးပိတ်ရက်ကာလအတွင်း ခရီးသွားပြည်သူများနှင့် ဌာနဆိုင်ရာဝန်ထမ်းများ အဆင်ပြေစွာ ခရီးသွားလာနိုင်ရန်အတွက် ပုံမှန်ပြေးဆွဲလျက်ရှိသည့် ရထားများအပြင် ရန်ကုန်-နေပြည်တော်-ရန်ကုန်၊ ရန်ကုန်-ပြည်-ရန်ကုန်နှင့် ရန်ကုန်-မော်လမြိုင်-ရန်ကုန် ခရီးစဉ်များကို အထူးရထားများ တိုးချဲ့ပြေးဆွဲပေးသွားမည်ဖြစ်ပါသည်။ ရန်ကုန်-နေပြည်တော်ရထားလမ်းပိုင်းတွင် အဆန်အထူး DEMU (စပိန်) ရထားသည် ရန်ကုန်မှ မနက် ၆ နာရီခွဲမှာ စတင်ထွက်ခွာပြီး နေပြည်တော်သို့ မွန်းတည့် ၁၂ နာရီမှာ ရောက်ရှိမှာဖြစ်သည်။ အစုန်အထူး DEMU (စပိန်)ရထားသည် နေပြည်တော်မှ မွန်းလွဲ ၁၂ နာရီခွဲမှာ စတင်ထွက်ခွာပြီး ရန်ကုန်သို့ ညနေ ၆ နာရီခွဲမှာ ရောက်ရှိမှာဖြစ်သည်။ အဆိုပါ အဆန်အထူး DEMU (စပိန်) ရထားနှင့် အစုန်အထူး DEMU (စပိန်) ရထားတို့ ပြေးဆွဲမည့်နေ့ရက်များမှာ ဧပြီလ (၁၀ ၊ ၁၁၊ ၁၂၊ ၁၉ ၊၂၀) ရက်များဖြစ်ပါသည်။ ရန်ကုန်-ပြည်ရထားလမ်းပိုင်းတွင် အဆန်အထူးလေအိတ်ရထားသည် ရန်ကုန်မှ မွန်းလွဲ (၁) နာရီမှာ စတင်ထွက်ခွာပြီး ည (၈) နာရီ (၅၅) မိနစ်အချိန်မှာ ပြည်မြို့သို့ ရောက်ရှိမှာဖြစ်သည်။ အစုန်အထူးလေအိတ်ရထားသည် ပြည်မြို့မှ ည (၁၀) နာရီခွဲမှာ စတင်ထွက်ခွာပြီး နံနက် (၆) နာရီခွဲ အချိန်မှာ ရန်ကုန်မြို့သို့ရောက်ရှိမှာဖြစ်သည်။ အဆိုပါ အဆန်အထူးလေအိတ်ရထားနှင့် အစုန်အထူး လေအိတ်ရထားတို့ ပြေးဆွဲမည့်နေ့ရက်များမှာ ဧပြီလ (၁၀၊ ၁၁၊ ၁၂၊ ၁၉၊ ၂၀)ရက်များဖြစ်ပါသည်။ ရန်ကုန်-မော်လမြိုင်ရထားလမ်းပိုင်းတွင် အဆန်အထူးလေအိတ်ရထားသည် ရန်ကုန်မှ မနက် (၉) နာရီ (၁၅) မိနစ်မှာ စတင်ထွက်ခွာပြီး မော်လမြိုင်သို့ ညနေ (၆) နာရီအချိန်မှာ ရောက်ရှိမှာဖြစ်ကာ ပြေးဆွဲမည့်နေ့ရက်မှာ ဧပြီလ (၁၀၊ ၁၁၊ ၁၂၊ ၁၉၊ ၂၀) ရက်များဖြစ်သည်။ အစုန်အထူး လေအိတ်ရထားသည် မော်လမြိုင်မှ မနက် (၉) နာရီ (၁၅) မိနစ်မှာ ထွက်ခွာပြီး ရန်ကုန်မြို့သို့ ညနေ (၅) နာရီ (၅၅) မိနစ်အချိန်မှာ ရောက်ရှိမှာဖြစ်သည်။ အဆိုပါ အထူးလေအိတ်ရထားပြေးဆွဲမည့် နေ့ရက်များမှာ ဧပြီလ (၁၁၊ ၁၂၊ ၁၉၊၂၀၊ ၂၁) ရက်များဖြစ်ပါသည်။ အထက်ပါနေ့ရက်များအလိုက် ထပ်မံတိုးချဲ့ပြေးဆွဲပေးမည့် အထူးရထားများ၏ လက်မှတ်ခနှုန်းထားနှင့် ရပ်တန့်မည့်ဘူတာများမှာ နေ့စဉ်ပုံမှန်ပြေးဆွဲပေးလျက်ရှိသည့် ရထားများအတိုင်းဖြစ်ကြောင်းနှင့် ရထားစီးခရီးသွားပြည်သူများ အဆင်ပြေစွာ သွားလာနိုင်ရေးအတွက် ရန်ကုန်-ပြည်-ရန်ကုန်နှင့် ရန်ကုန်-မော်လမြိုင်-ရန်ကုန်လမ်းပိုင်းတွင် အထက်တန်းလက်မှတ်အား (၃) ရက်ကြိုတင်၍လည်းကောင်း၊ ရိုးရိုးတန်းလက်မှတ်အား (၁) ရက်ကြိုတင်၍လည်းကောင်း သက်ဆိုင်ရာဘူတာများတွင် ဝယ်ယူနိုင်ကြောင်း၊ ထို့အပြင် ရန်ကုန်-နေပြည်တော်-ရန်ကုန်လမ်းပိုင်းအတွင်း ပြေးဆွဲလျက်ရှိသည့် ပုံမှန်ရထားများနှင့် အထူးရထားများအတွက် Online မှ လက်မှတ်ရောင်းချခြင်းနှင့် ငွေပေးချေခြင်း (Online Railway Ticketing and Payment System - ORTP) စနစ်ဖြင့် ကြိုတင်ဝယ်ယူနိုင်ပြီး ခရီးစဉ်အစအဆုံးဘူတာများအတွက် (၇) ရက်နှင့် ကြားဘူတာများအတွက် (၃) ရက် ကြိုတင်၍ ဝယ်ယူနိုင်မည်ဖြစ်ပါသည်။ အထက်ပါ ထပ်တိုးပြေးဆွဲပေးသည့် ရန်ကုန်-ပြည်နှင့် ရန်ကုန်-မော်လမြိုင် အစုန်/အဆန် အထူးလေအိတ်ရထားများတွင် အထက်တန်း (၆) တွဲနှင့် ရိုးရိုးတန်း (၈) တွဲ၊ ဘရိတ်တွဲ (၁) တွဲဖြင့် ဝန်ချိန်ပြည့်ပြေးဆွဲပေးသွားမည်ဖြစ်သည်။ သင်္ကြန်အကြိုနေ့ဖြစ်သည့် ဧပြီလ ၁၃ ရက်နေ့မှ သင်္ကြန်အတက်နေ့ဖြစ်သည့် ၁၆ ရက်နေ့အထိ ပုံမှန်ပြေးဆွဲလျက်ရှိသည့် လူစီးအမြန်ရထားအချို့ ပြေးဆွဲမှုခေတ္တရပ်နားထားမည်ဖြစ်ရာ ရန်ကုန်-မန္တလေးရထားလမ်းပိုင်းတွင် အမှတ် (၇) အဆန်၊ (၈) အစုန်၊ (၃၁) အဆန်၊ (၃၂) အစုန်၊ (၃၃) အဆန်၊ (၃၄) အစုန် ရန်ကုန်-နေပြည်တော်-ရန်ကုန်ခရီးစဉ် DEMU ရထားများ၊ အမှတ် (၂၇) အဆန်၊ (၂၈) အစုန် နေပြည်တော်-မန္တလေး-နေပြည်တော် ခရီးစဉ် BEL ရထား၊ အမှတ် (၁) အဆန်၊ (၂) အစုန် ရန်ကုန်-မန္တလေး-ရန်ကုန်ခရီးစဉ်စာပို့ရထား၊ အမှတ် (၁၅) အဆန်၊ (၁၆) အစုန်၊ ရန်ကုန်-ပဲခူး-ရန်ကုန် DEMU ရထား၊ အမှတ် (သ-၃၀၁) အဆန်၊ (၃၀၂)အစုန် သာစည်-မန္တလေး-သာစည် ခရီးတို RBE ရထား၊ ရန်ကုန်-ပြည်လမ်းပိုင်းတွင် အမှတ် (၇၁) အဆန်၊ (၇၂) အစုန် ရန်ကုန်-ပြည်-ရန်ကုန်ခရီးစဉ် လူစီးအမြန်ရထား၊ အမှတ် (၆၅) အဆန်၊ (၆၆) အစုန် အင်းစိန်-ဥက္ကံ-အင်းစိန် ခရီးစဉ်စာပို့ရထားတို့ဖြစ်သည်။ ထို့အတူ ရန်ကုန်မြို့ပတ်ရထားများကိုလည်း ဧပြီလ ၁၃ ရက်နေ့မှ ၁၆ ရက်နေ့အထိ ခေတ္တရပ်နားထားမည်ဖြစ်သည်။ ရန်ကုန်-ပုဂံလမ်းပိုင်း၌ အမှတ် (၆၁) အဆန်၊ (၆၂) အစုန် ရန်ကုန်-ပျဉ်းမနား-ပုဂံခရီးစဉ်ရထားများကို ဧပြီလ ၁၄ ရက်နေ့မှ ၂၀ ရက်နေ့အထိ ပြေးဆွဲမှု ခေတ္တရပ်နားထားမည်ဖြစ်ပြီး ရထားခရီးစဉ်အားလုံး ဧပြီလ ၁၇ ရက်နေ့မှစ၍ ပုံမှန်အတိုင်း ပြန်လည်ပြေးဆွဲပေးသွားမည်ဖြစ်သည်။ ရန်ကုန်-မန္တလေးလမ်းပိုင်း၌ အမှတ် (၁၂) အစုန်လူစီးအမြန်ရထား၊ ရန်ကုန်-မော်လမြိုင်လမ်းပိုင်း၌ အမှတ် (၁၁) အဆန်၊ အမှတ်(၈၁) အဆန်၊ အမှတ် (၈၂) အစုန်လူစီးအမြန်ရထား၊ ရန်ကုန်-ပြည်လမ်းပိုင်း၌ အမှတ် (၆၃) အဆန်၊ အမှတ် (၆၄) အစုန် လူစီးစာပို့ရထား၊ သာစည်-တောင်ကြီးလမ်းပိုင်း၌ အမှတ် (၁၄၁) အဆန်၊ အမှတ် (၁၄၂) အစုန်စာပို့ရထား၊ ပျဉ်းမနား-တောင်တွင်းကြီးလမ်းပိုင်း၌ အမှတ် (၁၀၃) အဆန်၊ အမှတ် (၁၀၄) အစုန်လော်ကယ်ရထား၊ လက်ပံတန်း-သာရဝေါလမ်းပိုင်း၌ အမှတ် (၁၉၅) အဆန်၊ အမှတ် (၁၉၆) အစုန်လော်ကယ်ရထား၊ မြစ်ကြီးနား-မိုးကောင်းလမ်းပိုင်း၌ မိုးကောင်း (၁)၊ မိုးကောင်း (၂) လူစီးရထားနှင့် ပုသိမ်-ကြံခင်းလမ်းပိုင်း၌ အမှတ် (၁၈၁) အဆန်၊ အမှတ် (၁၈၂) အစုန်လူစီးရထားများအား သင်္ကြန်ကာလရုံးပိတ်ရက်အတွင်း နေ့စဉ်ပုံမှန်ပြေးဆွဲပေးသွားမည်ဖြစ်သည်။ ထို့အတူ ရှုခင်းကြည့်ရထားများဖြစ်သည့် ပြင်ဦးလွင်-ဂုတ်ထိပ်၊ တောင်ကြီး-ပေါမူ ခရီးစဉ်များကိုလည်း သင်္ကြန်ပိတ်ရက်ကာလအတွင်း စီးနင်းလိုသည့်ခရီးသည်များရှိပါက ပြေးဆွဲပေးသွားမည်ဖြစ်ကြောင်း သိရသည်။သတင်းစဉ်MDN
Thu, 2-Apr-2026
အမေရိကန်သတင်းထောက်တစ်ဦးအား ပြန်ပေးဆွဲမှု၌ ပါဝင်ခဲ့သည်ဟု ယူဆရသူတစ်ဦးကို ဖမ်းဆီးဟု အီရတ်ပြော
အမေရိကန်သတင်းထောက်တစ်ဦးအား ပြန်ပေးဆွဲမှု၌ ပါဝင်ခဲ့သည်ဟု ယူဆရသူတစ်ဦးကို ဖမ်းဆီးဟု အီရတ်ပြော
     အီရတ်နိုင်ငံ ဘဂ္ဂဒတ်မြို့တွင်ဖြစ်ပွားသည့် အမေရိကန်သတင်းထောက်တစ်ဦးအား ပြန်ပေးဆွဲမှု၌ ပါဝင်ခဲ့သည်ဟု ယူဆရသူတစ်ဦးကို ဖမ်းဆီးရမိထားကြောင်း အီရတ်ပြည်ထဲရေးဝန်ကြီးဌာနက ထုတ်ပြန်သည်။လုံခြုံရေးတပ်ဖွဲ့ဝင်များသည် အဆိုပါပြန်ပေးဆွဲမှုတွင် ပါဝင်သည်ဟု ယူဆရသူတစ်ဦးကို ဖမ်းဆီးခဲ့ပြီး ပြစ်မှုကျူးလွန်ရာတွင် အသုံးပြုခဲ့သည့် မော်တော်ယာဉ်ကိုလည်း သိမ်းဆည်းရမိခဲ့ကြောင်း ပြည်ထဲရေးဝန်ကြီးဌာန၏   ထုတ်ပြန်ချက်တွင် ဖော်ပြထားသည်။ပြန်ပေးဆွဲသူများနှင့် ဖမ်းဆီးခံသတင်းထောက်တို့ လိုက်ပါလာဖွယ်ရှိသော အဆိုပါမော်တော်ယာဉ်သည် ရဲတပ်ဖွဲ့ထံမှ ထွက်ပြေး လွတ်မြောက်ရန် ကြိုးပမ်းစဉ် တိမ်းမှောက်သွားခဲ့ခြင်းဖြစ်ပြီး  ပြန်ပေးဆွဲသူအား ဖမ်းဆီးရမိချိန်တွင် ၎င်းထံမှ ပုဂ္ဂလိက လုံခြုံရေး ကုမ္ပဏီတစ်ခု၏ ဝန်ထမ်း သက်သေခံကတ်ပြားကို တွေ့ရှိခဲ့ကြောင်း၊ အဆိုပါအမှုနှင့် ဆက်နွှယ်သူအားလုံးကို ရှာဖွေဖော်ထုတ်ရန် ဆက်လက် လုပ်ဆောင်လျက်ရှိကြောင်း ထုတ်ပြန်ချက်တွင် ဆက်လက်ဖော်ပြထားသည်။ အဆိုပါအမေရိကန်နိုင်ငံသား သတင်းထောက်သည် ဘဂ္ဂဒတ်မြို့လယ်ကောင်ရှိ ၎င်းတည်းခိုရာ ဟိုတယ်အနီးတွင် ပြန်ပေးဆွဲခံခဲ့ရခြင်းဖြစ်ကြောင်း Shafaq သတင်းဌာန၏ ဖော်ပြချက်အရ သိရသည်။ MWD
Thu, 2-Apr-2026
မောင်းသူမဲ့ ကုန်တင်ယာဉ်မောင်းနှင် ပြေးဆွဲသည့် စင်္ကြံလမ်းမကြီးကို ရုရှားစတင်ဖွင့်လှစ်
မောင်းသူမဲ့ ကုန်တင်ယာဉ်မောင်းနှင် ပြေးဆွဲသည့် စင်္ကြံလမ်းမကြီးကို ရုရှားစတင်ဖွင့်လှစ်
      ရုရှားနိုင်ငံသည် စိန့်ပီတာစဘာ့၊ မော်စကိုနှင့် ကာဇန်စသည့်မြို့ကြီးများကို ဆက်သွယ် ပေးထားသည့် စင်္ကြံလမ်းမကြီးဖြစ်သော M-12 Vostok အဝေးပြေးလမ်းမကြီးတစ်လျှောက်တွင် မောင်းသူမဲ့ကုန်တင်ယာဉ်  မောင်းနှင်ပြေးဆွဲခြင်းလုပ်ငန်းများကို စတင်လိုက်ပြီဖြစ်ကြောင်း သမ္မတရုံးက မတ်လ ၃၁ ရက်တွင် ထုတ်ပြန်သည်။ယခုကဲ့သို့ ဆန်းသစ်တီထွင်မှုများ၏ ကောင်းမွန်သည့်ဥပမာတစ်ခုမှာ စီးပွားရေး တိုးတက်မှုအတွက် ထိရောက်မှုရှိကြောင်း     သက်သေပြပြီးဖြစ်သည့် မောင်းသူမဲ့ သို့မဟုတ် လူမဲ့သယ်ယူပို့ဆောင်ရေး စနစ်ပင်ဖြစ်ကြောင်း၊ မိမိတို့၏ လူမဲ့မောင်းနှင်နိုင်သည့်ယာဉ်များသည် မတော်တဆဖြစ်ပွားမှုမရှိဘဲ ကီလိုမီတာ ၁၃ သန်းအထိ မောင်းနှင်ခဲ့ပြီးဖြစ်ကြောင်း မောင်းသူမဲ့ ကုန်တင်ယာဉ်ပြေးဆွဲခြင်းလုပ်ငန်းများ စတင်ဖွင့်လှစ်သည့်အခမ်းအနားတွင် ရုရှားသမ္မတ ဗလာဒီမာပူတင်က ပြောကြားသည်။ထို့ပြင် မောင်းသူမဲ့ သို့မဟုတ် လူမဲ့ကုန်တင်ယာဉ်များကို အသုံးပြုခြင်းဖြင့် ရရှိလာနိုင်မည့် စီးပွားရေးအကျိုးအမြတ်များကို ရုရှားသယ်ယူပို့ဆောင်ရေး ဝန်ကြီး အန်ဒရေနီကီတင်က မီးမောင်းထိုးပြသခဲ့သည်။ စမ်းသပ်မောင်းနှင်မှုတစ်ခုတွင် အလိုအလျောက်မောင်းနှင်သည့် လူမဲ့ကုန်တင်ယာဉ်တစ်စီးသည် ကာဇန်နှင့် စိန့်ပီတာစဘာ့မြို့အကြား ၁၆၀၀ ကီလိုမီတာခရီးကို ၂၄ နာရီအတွင်း အပြီးသတ်မောင်းနှင် နိုင်ခဲ့သော်လည်း သာမန်ယာဉ်မောင်းတစ်ဦး မောင်းနှင်သည့် ကုန်တင်ယာဉ်မှာမူ   အဆိုပါခရီးစဉ်အား မောင်းနှင်ရာတွင် ၅၈ နာရီအထိ ကြာမြင့်ကြောင်း သိရသည်။ရုရှားနိုင်ငံသည် မောင်းသူမဲ့ သို့မဟုတ် လူမဲ့ကုန်တင်ယာဉ်များ စတင်မောင်းနှင်သည့် စမ်းသပ်မှုကို ၂၀၂၃ ခုနှစ်တွင် စတင်ခဲ့ခြင်းဖြစ်ပြီး လွန်ခဲ့သည့် သုံးနှစ်အတွင်း အလိုအလျောက်မောင်းနှင်သည့် ကုန်တင်ယာဉ် အရေအတွက်မှာ သုံးစီးမှ ၉၅ စီးအထိမြင့်တက်လာခဲ့ပြီး ၂၀၃၀ ပြည့်နှစ်ခန့်တွင် လူမဲ့ကုန်တင်ယာဉ်အရေအတွက်သည် အစီးပေါင်း ၄၀၀၀ အထိ ရှိလာနိုင်ကြောင်းသိရသည်။MWD
Thu, 2-Apr-2026
ငါး၊ ပုစွန်သားပေါက်ပွားသည့် ရာသီချိန်တွင် ငါးနှင့် သက်ရှိသယံဇာတများ ထိန်းသိမ်းနိုင်ရေးအတွက် ကမ်းဝေးငါးဖမ်းရေယာဉ်များ ငါးမဖမ်းရကာလနှင့် ငါးမဖမ်းရဧရိယာများသတ်မှတ်
ငါး၊ ပုစွန်သားပေါက်ပွားသည့် ရာသီချိန်တွင် ငါးနှင့် သက်ရှိသယံဇာတများ ထိန်းသိမ်းနိုင်ရေးအတွက် ကမ်းဝေးငါးဖမ်းရေယာဉ်များ ငါးမဖမ်းရကာလနှင့် ငါးမဖမ်းရဧရိယာများသတ်မှတ်
မြိတ် ဧပြီ ၁ငါး၊ ပုစွန်သားပေါက်ပွားသည့်ရာသီချိန်၌ ငါးနှင့်သက်ရှိသယံဇာတများ ထိန်းသိမ်းနိုင်ရေးအတွက် မြန်မာ့ပင်လယ်ငါးလုပ်ငန်းရေပြင်အတွင်းရှိ ငါးဖမ်းကွက်များအတွင်း ကမ်းဝေးငါးဖမ်းရေယာဉ်များကို ဧပြီ ၁ ရက် မှ စတင်ကာ ငါးမဖမ်းရကာလနှင့် ငါးမဖမ်းရဧရိယာများကို ငါးလုပ်ငန်းဦးစီးဌာနက ငါးမဖမ်းရကာလ သုံးလ သတ်မှတ်ဆောင်ရွက်ခဲ့ရာ ငါးဖမ်း ရေယာဉ်များ ဆိပ်ကမ်းများသို့ ပြန်လည်ဝင်ရောက်လျက်ရှိကြသည်။“ငါးမဖမ်းရ ရာသီ၊ ငါးမဖမ်းရ ကာလ၊ ငါးမဖမ်းရဧရိယာများ သတ်မှတ်ရတဲ့ အဓိကအကြောင်းရင်းက ငါးမျိုးပြုန်းတီးမှုကာကွယ်ဖို့၊ ငါးသယံဇာတတွေ တိုးပွားလာဖို့အတွက် ရည်ရွယ်ပြီးတော့ ငါးတွေ ပေါက်ပွားနိုင်တဲ့ ရာသီမှာ ထိန်းသိမ်းတဲ့အနေနဲ့ ဆောင်ရွက်တာဖြစ်ပါတယ်။ ဒီလိုဆောင်ရွက်တာက သုတေသနရလဒ်တွေအပေါ်မှာ အခြေခံ ပြီး ဆောင်ရွက်ခဲ့တာဖြစ်ပါတယ်” ဟု မြိတ်ခရိုင် ငါးလုပ်ငန်းဦးစီးဌာန ဒုတိယညွှန်ကြားရေးမှူး ဦးဇော်မင်းဦးက ပြောသည်။ မြန်မာ့ပင်လယ်ငါးလုပ်ငန်းရေပြင်အတွင်း ငါးဖမ်းလုပ်ငန်းလုပ်ကိုင်ဆောင်ရွက်နေသော ကမ်းဝေးငါးဖမ်း ရေယာဉ်များအားလုံးကို ငါးနှင့် သက်ရှိသယံဇာတများ ထိန်းသိမ်းနိုင်ရေးအတွက် ငါးမဖမ်းရကာလနှင့် ငါးမဖမ်းရ ဧရိယာများအတွင်း ဧပြီ ၁ ရက်မှ ဇွန် ၃၀ ရက်အထိ ငါးဖမ်းဆီး ခြင်းမပြုလုပ်ရန် တားမြစ်ထားရှိပြီး မတ် ၃၁ ရက် နောက်ဆုံးထားရှိ၍ ဆိပ်ကမ်းများသို့ ပြန်လည်ဝင်ရောက်ကြရန် ငါးလုပ်ငန်းဦးစီးဌာနက ညွှန်ကြားထားခဲ့သည်။ငါးမဖမ်းရ ရာသီ၊ ငါးမဖမ်းရ ကာလ စတင်သတ်မှတ်ချက်များကို ညွှန်ကြားချက် ထုတ်ပြန်ချက်များ ဆောင်ရွက်ခြင်းအပေါ် ငါးဖမ်းလှေ များအနေဖြင့် ဆိပ်ကမ်းများသို့ ပြန်လည်ဝင်ရောက်ရမည်ဖြစ်ပြီး အကယ်၍ ဆိပ်ကမ်းများသို့ ပြန်လည်ဝင်ရောက်လာခြင်းမရှိပါက စည်းကမ်းပျက်သည့်ငါးဖမ်းလှေများကို ဥပဒေအရ အရေးယူ ဆောင်ရွက်သွားမည်ဖြစ်ကြောင်း၊ ငါးဖမ်းလှေများကို VMS ထိန်းချုပ်ရေးစင်တာမှ စောင့်ကြည့်လျက်ရှိရာ ယနေ့တွင် ပင်လယ်ပြင်၌ ငါးဖမ်းလှေများ ပြန်လည်ဝင်ရောက်လျက်ရှိကြကြောင်း သိရသည်။ငါးမဖမ်းရ ကာလ၊ ငါးမဖမ်းရ ဧရိယာများ သတ်မှတ်ဆောင်ရွက်ခြင်း သည် ငါးများပေါက်ပွားနိုင်သည့် ရာသီတွင် ငါးနှင့်သက်ရှိသယံဇာတများ ထိန်းသိမ်းနိုင်ရန် သုတေသနရလဒ်များဖြင့်ဆောင်ရွက်ခဲ့ခြင်းဖြစ်ကာ တနင်္သာရီကမ်းရိုးတန်းပင်လယ်ရေပြင်၏ ငါးနှင့်ငါးနေထိုင်ကျက်စားသည့် ရေအောက်ဇီဝဗေဒအခြေအနေများနှင့် မြန်မာ့ငါးလုပ်ငန်းရေပြင်အတွင်း ငါးသယံဇာတများ ရေရှည်တည်တံ့စွာတည်ရှိစေရန် သုတေသနပညာရှင်များဖြင့် သုတေသနလုပ်ငန်းကို ဖေဖော်ဝါရီတွင် မီတာ ၂၀ အောက် တနင်္သာရီကမ်းရိုးတန်းရေပြင်၌ ရက်ပေါင်း ၃၀ ကြာ ငါး သယံဇာတ သုတေသနပြုလုပ်ငန်းများ ဆောင်ရွက်ခဲ့ကြပြီးဖြစ်သည်။တနင်္သာရီကမ်းရိုးတန်းရေပြင်တွင် မြိတ်ခရိုင်အခြေပြု ကမ်းဝေး ငါးဖမ်းလုပ်ငန်းလုပ်ကိုင်နေသည့် ငါးဖမ်းရေယာဉ် ၁၁၈၆ စင်းရှိကာ ရေလုပ်သားဖြင့် ရေလုပ်ငန်းကို လုပ်ကိုင်ဆောင်ရွက်လျက်ရှိကြသည်။ ငါးသယံဇာတများကို ယခင်က မိရိုးဖလာဖမ်းဆီးရောင်းချခြင်း၊ စားသောက်ခြင်းများသာရှိခဲ့ပြီး ယနေ့အချိန်အခါတွင် ခေတ်စနစ်များ ပြောင်းလဲလာ၍ နည်းပညာများတိုးတက်လာကာ လူနေမှုဘဝဖွံ့ဖြိုးတိုးတက်လာသည်နှင့်အမျှ ငါးသယံဇာတများကို ခေတ်မီနည်းပညာများ ဖြင့် ဖမ်းဆီးကြကာ ပြည်တွင်းပြည်ပသို့တင်ပို့ရောင်းချခြင်း၊ ရေပေါ်ရေအောက် ငါးသယံဇာတများ မွေးမြူထုတ်လုပ်ခြင်း၊ အအေးခန်းစက်ရုံ များဖြင့် တန်ဖိုးမြှင့်ထုတ်ကုန်များ ထုတ်လုပ်ဆောင်ရွက်လာကြကြောင်း သိရသည်။ခိုင်ထူး (ပြန်/ဆက်)moi
Thu, 2-Apr-2026
သင်္ကြန်ပွဲတော်ကာလအတွင်း စတုဒိသာမဏ္ဍပ်များအနေဖြင့် နေ့အလိုက် မြန်မာ့ရိုးရာလက်ဖက်၊ ထမနဲနှင့်သင်္ကြန်နှင့် လိုက်ဖက်သည့် ရွှေရင်အေး၊ မုန့်လက်ဆောင်း၊ မုန့်လုံးရေပေါ်တို့ကို ဧည့်ခံကျွေးမွေးမည်
သင်္ကြန်ပွဲတော်ကာလအတွင်း စတုဒိသာမဏ္ဍပ်များအနေဖြင့် နေ့အလိုက် မြန်မာ့ရိုးရာလက်ဖက်၊ ထမနဲနှင့်သင်္ကြန်နှင့် လိုက်ဖက်သည့် ရွှေရင်အေး၊ မုန့်လက်ဆောင်း၊ မုန့်လုံးရေပေါ်တို့ကို ဧည့်ခံကျွေးမွေးမည်
မြစ်ကြီးနား ဧပြီ ၁၂၀၂၆ ခုနှစ် (မြန်မာသက္ကရာဇ် ၁၃၈၇ ခုနှစ်) တွင် ကျရောက်တော့မည့် မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို ကချင်ပြည်နယ်၏ မြို့တော်မြစ်ကြီးနားမြို့၌ မြန်မာ့ရိုးရာယဉ်ကျေးမှုနှင့်အညီ စည်ကားသိုက်မြိုက်စွာကျင်းပပြုလုပ်နိုင်ရေး စီစဉ်ဆောင်ရွက်လျက်ရှိပြီး ယခုနှစ်တွင် ဆွမ်ပရာဘွမ်လမ်းမကြီးပေါ်တွင်လည်းကောင်း၊ မင်းရပ်ပြည်သူ့ရင်ပြင်တွင်လည်းကောင်း၊ ဧရာဝတီရှုခင်းသာ အပန်းဖြေစခန်းနေရာတွင်လည်းကောင်း လမ်းလျှောက်သင်္ကြန်ပွဲတော်များကို ကျင်းပပြုလုပ်သွားမည်ဖြစ်ကြောင်း ကျင်းပရေး ဦးစီးကော်မတီထံမှ သိရသည်။ယခုနှစ်တွင် မဟာသင်္ကြန်ပွဲတော်ကို ဆွမ်ပရာဘွမ်လမ်းမကြီး ကျောက်စိမ်းတုံးမီးပွိုင့်မှ မီးရထား သံလမ်းကူးနေရာအထိ လမ်းအရှည်ပေ ၉၅၀ ပေါ်တွင် ဗဟိုမဏ္ဍပ်ကို (၁၂၂ ပေ x ၃၆ ပေ x ၄ ပေ) ဖြင့် တည်ဆောက်လျက်ရှိပြီး လမ်းလျှောက်သင်္ကြန်ပွဲတော်ကိုလည်း အဆိုပါဆွမ်ပရာဘွမ်လမ်းမကြီးပေါ်တွင် ကျင်းပပြုလုပ်သွားမည်ဖြစ်ကြောင်းနှင့် လမ်းလျှောက်သင်္ကြန်အတွင်း စတုဒိသာမဏ္ဍပ်များ၊ မြန်မာတို့၏ ဒြပ်မဲ့ယဉ်ကျေးမှုအမွေအနှစ် ရိုးရာသနပ်ခါး (နံ့သာလိမ်းခြယ်) မဏ္ဍပ်များနှင့်လောင်းလှေများဖြင့် ရေပက် ကစားနိုင်ရေး လုပ်ငန်းများဆောင်ရွက်လျက်ရှိကြောင်း မြို့နယ်စည်ပင်သာယာရေးအဖွဲ့ အမှုဆောင်အရာရှိ ဒုတိယညွှန်ကြားရေးမှူး ဦးလှမိုးကပြောသည်။ထို့အပြင် ဗဟိုမဏ္ဍပ်တွင် ကချင်ပြည်နယ်အစိုးရအဖွဲ့၊ ဝန်ကြီးများ၊ တိုင်းစစ်ဌာနချုပ်နှင့် တက္ကသိုလ်များမှ ယိမ်းအဖွဲ့ ၁၈ ဖွဲ့တို့က ကပြဖျော်ဖြေယှဉ်ပြိုင်သွားမည်ဖြစ်ပြီး သင်္ကြန်ပွဲတော်ကာလအတွင်း စတုဒိသာမဏ္ဍပ်များအနေဖြင့် နေ့အလိုက် မြန်မာ့ရိုးရာလက်ဖက်၊ ထမနဲနှင့် သင်္ကြန်နှင့်လိုက်ဖက်သည့် ရွှေရင်အေး၊ မုန့်လက်ဆောင်း၊ မုန့်လုံးရေပေါ် စသည်တို့ကို နံနက်ပိုင်းတွင် လူဦးရေ ၆၀၀၀၊ ညနေပိုင်းတွင် လူဦးရေ ၆၀၀၀ ဖြင့် တစ်ရက်လျှင် လူဦးရေ ၁၂၀၀၀ စာဧည့်ခံကျွေးမွေးသွားမည်ဖြစ်ကြောင်း သိရသည်။ထို့အတူ ဆွမ်ပရာဘွမ်လမ်းမကြီးပေါ်ရှိ လမ်းလျှောက်သင်္ကြန်ပွဲတော်တွင် ဂါလန် ၅၀၀၀၀ ဆံ့ ရေလှောင်ကန် နှစ်ကန်တူးဖော်ဆောင်ရွက်ထားပြီး ရေလုံလောက်စွာရရှိရေး ဆောင်ရွက်ထားပြီးဖြစ်ကြောင်းနှင့် လမ်းလျှောက်သင်္ကြန်အတွင်း ရေပန်းများ၊ ပုသိမ်ထီး၊ ရောင်စုံထီးအလှများ တပ်ဆင်ဆောင်ရွက်သွားမည်ဖြစ်ကြောင်းသိရသည်။ ယခုနှစ် သင်္ကြန်ပွဲတော်ကို တစ်မူထူးခြားပြီး စည်ကားသိုက်မြိုက်စွာကျင်းပနိုင်ရေးအတွက် ဆွမ်ပရာဘွမ်လမ်းမကြီး လမ်းလျှောက်သင်္ကြန်ပွဲတော်အပါအဝင် မြစ်ကြီးနားမြို့ မင်းရပ်ပြည်သူ့ရင်ပြင်အတွင်း၌လည်း ဧရာဦးပန်းခြံနှင့် မင်းရပ်ပြည်သူ့ရင်ပြင်အကြား အရှည်ပေ ၆၀၀ ရှိ ကမ်းနားလမ်းတစ်လျှောက်တွင် လမ်းလျှောက်သင်္ကြန်ပွဲတော်အဖြစ် ကျင်းပသွားမည်ဖြစ်ကြောင်း သိရသည်။ထို့အပြင် စီတာပူရပ်ကွက် ဧရာဝတီမြစ်ကမ်း ဘေးရှိ ဧရာဝတီရှုခင်းသာတွင်လည်း သဲသောင်ပြင် လမ်းလျှောက်သင်္ကြန်ပွဲတော်အဖြစ် ကျင်းပသွားမည်ဖြစ်ပြီး အဆိုပါဧရာဝတီရှုခင်းသာသည် ဧရာဝတီ မြစ်ဘေးတွင်ရှိသည့်အတွက် အများပြည်သူပျော်ရွှင် စွာဆင်နွှဲရာတွင် ဧရာဝတီမြစ်အတွင်း ရေကစားခြင်းနှင့် ပြည်သူများအန္တရာယ်တစ်စုံတစ်ရာ မဖြစ်ပေါ်စေရေးတာဝန်ရှိသူများက လုံခြုံရေးအစီအစဉ်များ ချမှတ်ဆောင်ရွက်၍ စည်ကားစွာကျင်းပပြုလုပ်သွားမည်ဖြစ်ကြောင်း သိရသည်။ပြည်နယ်(ပြန်/ဆက်)moi
Thu, 2-Apr-2026
© Copyright 2024 SAC All Rights Reserved.