မကွေးတိုင်းဒေသကြီး၊ ကံမမြို့နယ်၌ PDF အမည်ခံ အကြမ်းဖက်အဖွဲ့က ကျေးရွာအုပ်စု အုပ်ချုပ်ရေးမှူး တစ်ဦးအား ဖမ်းဆီးခေါ်ဆောင်၍ သေနတ်ဖြင့် ပစ်ခတ်သတ်ဖြတ်

dpWEB1234

News Image

  • မကွေးတိုင်းဒေသကြီး၊ ကံမမြို့နယ်၌ PDF အမည်ခံ အကြမ်းဖက်အဖွဲ့က ကျေးရွာအုပ်စု အုပ်ချုပ်ရေးမှူး တစ်ဦးအား ဖမ်းဆီးခေါ်ဆောင်၍ သေနတ်ဖြင့် ပစ်ခတ်သတ်ဖြတ်
တိုင်းဒေသကြီးနှင့် ပြည်နယ်များရှိ မြို့နယ်အချို့တွင် အုပ်ချုပ်ရေးပိုင်းဆိုင်ရာ တာဝန်ရှိသူ များအား ပြည်သူလူထုအတွင်း အကြောက်တရားများ လွှမ်းမိုးစေရန် လည်းကောင်း၊ ၎င်းတို့နှင့်အမြင်အယူအဆမတူသူ အပြစ်မဲ့ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍ လည်းကောင်း၊ “ငါနှင့်မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင်အကြမ်းဖက်သမားများက ဓား၊ သေနတ်များ အသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ အောက်တိုဘာ ၂၉ ရက် နံနက် ၆ နာရီတွင် မကွေးတိုင်းဒေသကြီး၊ ကံမမြို့နယ်၊ ကျီးမီးကျေးရွာအုပ်စု အုပ်ချုပ်ရေးမှူး ဒေါ်သင်းသင်းနွယ် (၅၁)နှစ်သည် ၎င်း၏နေအိမ်၌ ရှိနေစဉ် PDF အမည်ခံ အကြမ်းဖက်အဖွဲ့ အင်အား(စိစစ်ဆဲ)က ဆိုင်ကယ်များဖြင့် ရောက်ရှိလာပြီး ဒေါ်သင်းသင်းနွယ်အား အကြမ်းဖက်ဖမ်းဆီးခေါ်ဆောင်သွားကာ ကျီးမီးကျေးရွာတောင်ဘက် မီတာ ၁၀၀ ခန့်အကွာရှိ ရေနံ့သာ-ကျီးမီး-ကျောက်ပဒေါင်းကျေးရွာ သွားလမ်းဘေး၌ သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ဒေါ်သင်းသင်းနွယ်တွင် ကျည်ထိမှန် ဒဏ်ရာများရရှိကာ သေဆုံးသွားခဲ့ကြောင်း သိရသည်။
ထိုသို့ အုပ်ချုပ်ရေးပိုင်းဆိုင်ရာ တာဝန်ရှိသူ တစ်ဦးအား “ငါနှင့်မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ သေနတ်ဖြင့် ပစ်ခတ်သတ်ဖြတ်မှု ကျူး လွန်ခဲ့သူ အကြမ်းဖက်သမားများအား ဖော်ထုတ်ဖမ်းဆီး၍ ဥပဒေနှင့်အညီ အရေးယူနိုင်ရေး လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းစဉ်များနှင့်အညီ ဆက်လက်ဆောင်ရွက် လျက်ရှိကြောင်း သတင်းရရှိပါသည်။
MOHA
MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

မြဝတီမြို့နယ် မေတ္တာလင်းမြိုင်ကျေးရွာအနီး အွန်လိုင်းလိမ်လည်မှုနှင့် လောင်းကစားမှုများ လုပ်ကိုင်နေသည့် တရားမဝင်ပြည်ပနိုင်ငံသားများအား ဖမ်းဆီးထိန်းသိမ်းနိုင်ခဲ့
မြဝတီမြို့နယ် မေတ္တာလင်းမြိုင်ကျေးရွာအနီး အွန်လိုင်းလိမ်လည်မှုနှင့် လောင်းကစားမှုများ လုပ်ကိုင်နေသည့် တရားမဝင်ပြည်ပနိုင်ငံသားများအား ဖမ်းဆီးထိန်းသိမ်းနိုင်ခဲ့
နေပြည်တော် ဖေဖော်ဝါရီ ၂၆မြန်မာနိုင်ငံအနေဖြင့် ကမ္ဘာတစ်ဝန်းရှိ လူသားမျိုးနွယ်အားလုံး၏ လူမှုဘဝများကို ထိခိုက်ပျက်စီးစေပြီး အလုံးစုံအန္တရာယ်ပေးလျက်ရှိသည့် အွန်လိုင်းလိမ်လည်မှုများ၊ အွန်လိုင်းလောင်းကစားမှုများ တိုက်ဖျက်ရေးလုပ်ငန်းစဉ်များကို အမျိုးသားရေး တာဝန်တစ်ရပ်အဖြစ်ခံယူကာ အထူးအလေးထားတိုက်ဖျက်ဆောင်ရွက်လျက်ရှိသည်။ ထိုသို့ ဆောင်ရွက်လျက်ရှိရာ အွန်လိုင်းလိမ်လည်လောင်းကစားမှုများကို အများဆုံးအခြေချ လုပ်ကိုင်လျက်ရှိကြသည့် ရွှေကုက္ကိုလ်နယ်မြေနှင့် KK Park နယ်မြေများ၌ လုံခြုံရေးတပ်ဖွဲ့ဝင်များ၊ အုပ်ချုပ်ရေးအဖွဲ့အစည်းများသည် နယ်မြေခံတာဝန်ရှိသူများနှင့်အတူ ပူးပေါင်းစစ်ဆင်ရေးအဖွဲ့များဖြင့် တရားမဝင်လုပ်ငန်းများ ဆောင်ရွက်ခြင်းနှင့် တရားမဝင်ပြည်ပနိုင်ငံသားများ အခြေချနေထိုင်ခြင်းမရှိစေရေး ဝင်ရောက်ရှင်းလင်းခြင်း၊ တရားမဝင်အဆောက်အအုံများအား ဖြိုချဖျက်ဆီးခြင်းများ ဆောင်ရွက်ခဲ့ရာ မြဝတီ - မဲ့ထော်သလေး (KK Park) နယ်မြေအတွင်းရှိ တရားမဝင်အဆောက်အအုံများကို စနစ်တကျ ဖြိုချဖျက်ဆီးခြင်းနှင့် ရွှေကုက္ကိုလ်နယ်မြေအတွင်း၌ အွန်လိုင်းလောင်းကစားမှု၊ အွန်လိုင်းလိမ်လည်မှုများ ကျူးလွန်ခဲ့ကြသည့် ပြည်ပနိုင်ငံသားများကိုလည်း ဖော်ထုတ်ထိန်းသိမ်းနိုင်ခဲ့ကြောင်း သတင်းထုတ်ပြန်ခဲ့ပြီးဖြစ်သည်။ထိုသို့ တရားမဝင်အွန်လိုင်းလိမ်လည်မှုများ၊ အွန်လိုင်းလောင်းကစားမှုများ တိုက်ဖျက်ရေးလုပ်ငန်းစဉ်များကို ဆောင်ရွက်လျက်ရှိရာ ယနေ့မွန်းလွဲပိုင်းတွင် မြဝတီမြို့နယ် မေတ္တာလင်းမြိုင် ကျေးရွာအနီးတွင် အွန်လိုင်းလိမ်လည်မှုနှင့် လောင်းကစားမှုများ လုပ်ကိုင်နေကြသည့် တရုတ်နိုင်ငံသား ၁၄၈ ဦး၊ ထိုင်းနိုင်ငံသားသုံးဦး၊ ဖိလစ်ပိုင်နိုင်ငံသားသုံးဦး၊ ကမ္ဘောဒီးယားနိုင်ငံသားတစ်ဦးနှင့် ရုရှားနိုင်ငံသားတစ်ဦး စုစုပေါင်း ၁၅၆ ဦးတို့ကို RC ငါးထပ်အဆောက်အအုံတစ်ခုအတွင်း၌ ဖော်ထုတ်ဖမ်းဆီးထိန်းသိမ်းနိုင်ခဲ့ပြီး အွန်လိုင်းလိမ်လည်လောင်းကစားမှု ကျူးလွန်ရာတွင် အသုံးပြုသည့် All In One ကွန်ပျူတာအလုံး ၁၁၀၊ မိုဘိုင်းဖုန်း အလုံး ၂၂၀၀ နှင့် လုပ်ငန်းသုံးပစ္စည်းများကို စိစစ်တွေ့ရှိဖမ်းဆီးရမိခဲ့ကြောင်းနှင့် ဖော်ထုတ်ရှင်းလင်းခြင်းများကို ဆက်လက်ဆောင်ရွက်လျက်ရှိကြောင်း သိရသည်။ထိုသို့ ဖော်ထုတ်ထိန်းသိမ်းနိုင်ခဲ့သည့် ပြည်ပနိုင်ငံသားများကို မြဝတီမြို့ မြို့မရဲစခန်းတွင် ထိန်းသိမ်းထားရှိပြီး ဌာနဆိုင်ရာပူးပေါင်းအဖွဲ့များက လိုအပ်သည့် ကိုယ်ရေးအချက်အလက်များနှင့် မှတ်တမ်းများ စာရင်းကောက်ယူခြင်းလုပ်ငန်းများ ဆောင်ရွက်လျက်ရှိသည်။ဖမ်းဆီးရမိသည့် တရားမဝင် အွန်လိုင်းလောင်းကစားမှုများ၊ အွန်လိုင်းလိမ်လည်မှုများအပါအဝင် ဒုစရိုက်လုပ်ငန်းများတွင် ပါဝင်ခဲ့ကြသည့် ပြည်ပနိုင်ငံသားများအား လူသားချင်းစာနာထောက်ထားမှုနှင့် ချစ်ကြည်ရင်းနှီးမှုတို့ကို ရှေးရှု၍ သက်ဆိုင်ရာနိုင်ငံများသို့ အမြန်ဆုံးပြန်လည်လွှဲပြောင်းပေးအပ်နိုင်ရေး ဆောင်ရွက်သွားမည်ဖြစ်ပြီး သိမ်းဆည်းရမိသည့် အွန်လိုင်းလိမ်လည်လောင်းကစားမှုကျူးလွန်ရာတွင် အသုံးပြုခဲ့သည့် ပစ္စည်းများကိုလည်း ထပ်မံအသုံးပြုနိုင်ခြင်းမရှိစေရေး လုပ်ထုံးလုပ်နည်းများနှင့်အညီ ဆောင်ရွက်သွားမည်ဖြစ်သည်။နိုင်ငံတော်အစိုးရအနေဖြင့် အွန်လိုင်းလိမ်လည်လောင်းကစားမှုကျူးလွန်မှုများကို အမျိုးသားရေးတာဝန်တစ်ရပ်အဖြစ်ခံယူကာ မြန်မာနိုင်ငံအတွင်း လုံးဝအခြေမပြုနိုင်ရေး ပြည်တွင်းအင်အားစုများအပြင် အိမ်နီးချင်းနိုင်ငံအစိုးရများနှင့်လည်း ပေါင်းစပ်ညှိနှိုင်း၍ ဆက်လက်ဆောင်ရွက်သွားမည်ဖြစ်ကြောင်း သတင်းရရှိသည်။     https://www.moi.gov.mm/index.php/news/80436
Fri, 27-Feb-2026
ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ အစည်းအဝေးအမှတ်စဉ် (၁/၂၀၂၆) ကျင်းပ
ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ အစည်းအဝေးအမှတ်စဉ် (၁/၂၀၂၆) ကျင်းပ
နေပြည်တော် ဖေဖော်ဝါရီ ၂၆ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ အစည်းအဝေးအမှတ်စဉ် (၁/၂၀၂၆) ကို ယနေ့မွန်းလွဲပိုင်းတွင် ကာကွယ်ရေးဝန်ကြီးဌာန အစည်းအဝေးခန်းမ၌ ကျင်းပရာ ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ဥက္ကဋ္ဌ ကာကွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး မောင်မောင်အေး တက်ရောက်အမှာစကားပြောကြားသည်။အစည်းအဝေးသို့ ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ဝင်များဖြစ်သည့် ပြည်ထောင်စုဝန်ကြီးများ၊ အတွင်းရေးမှူးစစ်ရေးချုပ် ဒုတိယဗိုလ်ချုပ်ကြီး ဇော်ဟိန်းနှင့် တာဝန်ရှိသူများ တက်ရောက်ကြပြီး တိုင်းဒေသကြီးနှင့် ပြည်နယ်ပြည်သူ့စစ်မှုထမ်းဆင့်ခေါ်ရေးအဖွဲ့ဥက္ကဋ္ဌများ ဖြစ်သည့် တိုင်းဒေသကြီးနှင့် ပြည်နယ်ဝန်ကြီးချုပ်များက Online ဖြင့် တက်ရောက်ကြသည်။ဦးစွာ ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ဥက္ကဋ္ဌ ဗိုလ်ချုပ်ကြီး မောင်မောင်အေးက ပြည်သူ့စစ်မှုထမ်းဆင့်ခေါ်မှုနှင့် ပတ်သက်၍ “စည်းကမ်းတကျဆင့်ခေါ်မှုကို အလေးထားရန်” လမ်းညွှန်ထားရှိမှုအပေါ် အဆင့်ဆင့်သော ပြည်သူ့စစ်မှုထမ်းဆင့်ခေါ်ရေးအဖွဲ့များအနေဖြင့် အလေးထားလိုက်နာဆောင်ရွက်ကြရန် ဦးစွာမှာကြားလိုကြောင်း၊ နိုင်ငံတော်ကာကွယ်ရေးအတွက် နိုင်ငံသားတိုင်းတွင် တာဝန်ရှိပြီး ဥပဒေအရ အသက်သတ်မှတ်ချက်နှင့် ကိုက်ညီအကျုံးဝင်သူများအနေဖြင့် သတ်မှတ်ကာလအလိုက် အဆင်ပြေချောမွေ့စွာ တာဝန်ထမ်းဆောင်နိုင်ရေး စီမံဆင့်ခေါ်ဆောင်ရွက်လျက်ရှိကြောင်း၊ ပြည်နယ်နှင့် တိုင်းဒေသကြီးအဖွဲ့များအနေဖြင့်လည်း ရည်မှန်းချက်တာဝန်များကို အောင်မြင်အောင် ဆောင်ရွက်ကြရန်လိုအပ်ကြောင်း၊ ယနေ့အထိ ပြည်သူ့စစ်မှုထမ်းသင်တန်း အမှတ်စဉ် (၁၉) အထိ သင်တန်းဆင်းခဲ့ပြီး နိုင်ငံတော်ကာကွယ်ရေးနှင့် လုံခြုံရေးတာဝန်များကို ကျေပွန်စွာထမ်းဆောင်လျက်ရှိကြောင်း၊ ၎င်းတို့ထဲမှ သူရဲကောင်းမှတ်တမ်းဝင်တံဆိပ်၊ သူရဲကောင်းလက်မှတ်၊ ဂုဏ်ထူးဆောင်လက်မှတ်နှင့် အကြီးအကဲများ၏ ချီးကျူးဂုဏ်ပြု လက်မှတ်များရရှိခဲ့သူ ၇၄ ဦးထိရှိပြီဖြစ်ကြောင်း၊ လက်ရှိချိန်တွင် ပြည်သူ့စစ်မှုထမ်းသင်တန်းအမှတ်စဉ် (၃) ခု ဖွင့်လှစ်တက်ရောက်လေ့ကျင့်လျက်ရှိကြောင်း။ပြည်သူ့စစ်မှုထမ်းများ ဆင့်ခေါ်ရာတွင် ပြည်သူနှင့် တိုက်ရိုက်ထိတွေ့ဆက်ဆံရသည့် ရပ်ကွက်၊ ကျေးရွာအုပ်ချုပ်ရေးအဖွဲ့များ၊ မြို့နယ်အဖွဲ့များအနေဖြင့် လူမှုဆက်ဆံရေးကောင်းမွန်စေရေး၊ ငွေကြေးဆိုင်ရာ မသမာမှုများမရှိစေရေး၊ သတ်မှတ်လုပ်ထုံးလုပ်နည်းများနှင့်အညီ ဆောင်ရွက်မှုရှိစေရေးတို့အတွက် တာဝန်ရှိသူအဆင့်ဆင့်က စိစစ်ကြပ်မတ်ပေးရန်လိုကြောင်း၊ ထို့အတူ ဥပဒေ၊ နည်းဥပဒေ၊ လုပ်ထုံးလုပ်နည်းများနှင့်အညီ ကြိုးစားဆောင်ရွက်နေသူမြို့နယ်၊ ရပ်ကွက်၊ ကျေးရွာအုပ်ချုပ်ရေးမှူးများကို မမှန်သတင်းများဖြင့်လည်းကောင်း၊ တစ်ဆင့်ကြားသိရသည့် သတင်းမှားများဖြင့်လည်းကောင်း တိုင်ကြားမှုများရှိနေသည်ကိုလည်း တွေ့ရှိရကြောင်း၊ မှန်ကန်မှုမရှိဘဲ လုပ်ကြံပြောဆိုဝါဒဖြန့်ခြင်း၊ မမှန်မကန်တိုင်ကြားခြင်းများရှိပါက တိကျစွာဖော်ထုတ်၍ အရေးယူသွားရန်လိုအပ်ကြောင်း၊ မမှန်မကန်တိုင်ကြားသဖြင့် တိုင်ကြားသူကို အရေးယူခဲ့ရသည်များလည်းရှိပြီး အရေးယူရန်ဆောင်ရွက်ဆဲအမှုများလည်းရှိကြောင်း၊ အလားတူ လေ့ကျင့်ရေးသင်တန်းကျောင်းများသို့ မပို့ဆောင်မီစုရပ်များတွင် စိစစ်ရာ၌ အသက်မပြည့်သေးသူများ၊ အသက်ကျော်လွန်သူများတွေ့ရှိရသဖြင့် ပြန်လည်စေလွှတ်ပေးခဲ့ရသည်များရှိ၍ စစ်မှုထမ်းသက်နှင့် အကျုံးဝင်သူများကို သေချာစွာ စိစစ်ဆင့်ခေါ်ရန်လိုအပ်ကြောင်း။ပြည်သူ့စစ်မှုထမ်းဆင့်ခေါ်ရေးနှင့် ပတ်သက်၍ တာဝန်ရှိသူများ၊ ကြားခံလူများက ဥပဒေကို လက်တစ်လုံးခြားဆောင်ရွက်မှုများနှင့် မတရားပြုလုပ်ခြင်းများမှန်ကန်ပါက ထိရောက်စွာ အရေးယူသွားနိုင်ရေးကြပ်မတ်ဆောင်ရွက်သွား ရန်လိုအပ်ကြောင်း၊ လက်ရှိအနေအထားတွင်လည်း အရေးယူပြီး၊ အရေးယူဆဲအမှုများလည်း ရှိနေပါကြောင်း။ပြည်သူ့စစ်မှုထမ်းဥပဒေ၊ နည်းဥပဒေများနှင့် ပတ်သက်၍ ပြည်သူလူထုအသိပညာပေးမှုများကိုလည်း ကျယ်ကျယ်ပြန့်ပြန့် လုပ်ဆောင်ပေးရန်လိုကြောင်း၊ ဗဟိုအဖွဲ့အနေဖြင့် စာရင်းဇယားမှန်ကန်ရန်နှင့် ရေရှည်တွင်မှတ်တမ်းထည့်သွင်းမှုလွယ်ကူစေရန်အတွက် ပြည်သူ့စစ်မှုထမ်း ကိုယ်ရေးအချက်အလက်စီမံခန့်ခွဲမှုစနစ်( National Service Information Management System - NSIMS) ကို အကောင်အထည်ဖော်ဆောင်ရွက်လျက်ရှိကြောင်း၊ ဗဟိုအဖွဲ့အနေဖြင့် နေပြည်တော်ကောင်စီနှင့် ပြည်နယ်၊ တိုင်းဒေသကြီး ပြည်သူ့စစ်မှုထမ်းဆင့်ခေါ်ရေးအဖွဲ့များက တင်ပြလာသည့် ကင်းလွတ်ခွင့်၊ လျှော့ပေါ့ခွင့်၊ ရွှေ့ဆိုင်းခွင့်များနှင့် ပတ်သက်၍ အလေးထားစိစစ်၍ ခွင့်ပြုပေးလျက်ရှိကြောင်း၊ ထိုသို့ ခွင့်ပြုခဲ့သူများမှ ရွှေ့ဆိုင်းခွင့်ပြုခဲ့သူများအား နေပြည်တော်ကောင်စီနှင့် ပြည်နယ်၊ တိုင်းဒေသကြီး ပြည်သူ့စစ်မှုထမ်းဆင့်ခေါ်ရေးအဖွဲ့များအနေဖြင့် စနစ်တကျ မှတ်တမ်းရေးသွင်း၍ ပြန်လည်ဆင့်ခေါ်ရမည့်အချိန်တွင် ရာနှုန်းပြည့်ပြန်လည်ဆင့်ခေါ်နိုင်ရေး စနစ်တကျကြပ်မတ်ဆောင်ရွက်ပေးရန်လိုအပ်ကြောင်း။သတ်မှတ်အချိန်ကာလအတိုင်း ပြည်သူ့စစ်မှုထမ်းတာဝန်ကို ကျေပွန်စွာ ထမ်းဆောင်ခဲ့ပြီး တပ်မတော်မှနုတ်ထွက်ခဲ့သူများမှ ပြန်လည်နေရာချထားမှုခံယူလိုသူများအတွက် “စစ်မှုထမ်းတာဝန်ကျေပွန်စွာ ထမ်းဆောင်ခဲ့သူများ အလုပ်အကိုင်ရရှိရေး စီမံခန့်ခွဲမှုကော်မတီ” ကို ဖွဲ့စည်းထားကြောင်း၊ ယင်းစီမံခန့်ခွဲမှုကော်မတီ၏ အောက်တွင် လုပ်ငန်းကော်မတီ (၅) ခု ဖွဲ့စည်းထားရှိပြီး စီမံဆောင်ရွက်လျက်ရှိကြောင်း၊ ယခုအခါ စစ်မှုထမ်းကာလပြည့်မြောက်၍ တာဝန်ကျေပွန်ခဲ့သည့် ပြည်သူ့စစ်မှုထမ်းများကို သက်ဆိုင်ရာသင်တန်းများပေး၍ အစိုးရအမှုထမ်း၊ ပြည်ပအလုပ်အကိုင်များ၊ ကုမ္ပဏီအလုပ်အကိုင်များ၊ ပုဂ္ဂလိကအလုပ်အကိုင်များ၊ ကိုယ်ပိုင်အသက်မွေးဝမ်းကျောင်းအလုပ်အကိုင်များ လုပ်ကိုင်နိုင်ရေး စတင်ဆောင်ရွက်ပေးလျက်ရှိကြောင်း ပြောကြားသည်။ထို့နောက် ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ဝင်များ၊ နေပြည်တော်ကောင်စီ၊ တိုင်းဒေသကြီး၊ ပြည်နယ်ပြည်သူ့စစ်မှုထမ်းဆင့်ခေါ်ရေးဥက္ကဋ္ဌများက သက်ဆိုင်ရာကဏ္ဍအလိုက် အကြံပြုဆွေးနွေးရာ ပြည်သူ့စစ်မှုထမ်းဆင့်ခေါ်ရေးဗဟိုအဖွဲ့ဥက္ကဋ္ဌက လိုအပ်သည်များကို ပေါင်းစပ်ညှိနှိုင်းပေးပြီး နိဂုံးချုပ်အမှာစကားပြောကြားကာ အစည်းအဝေးကို ရုပ်သိမ်းခဲ့ကြောင်း သတင်းရရှိသည်။moi
Fri, 27-Feb-2026
အီရန်ကိုတိုက်လျှင် ကြုံတွေ့မည့်အန္တရာယ် သတိပေးမှု ထရမ့် ဝေဖန်
အီရန်ကိုတိုက်လျှင် ကြုံတွေ့မည့်အန္တရာယ် သတိပေးမှု ထရမ့် ဝေဖန်
အီရန်ကို တိုက်ခိုက်လျှင် ကြုံတွေ့ရနိုင်သည့် အန္တရာယ်များကို ထိပ်တန်းစစ်ဗိုလ်ချုပ်က သတိပေး ခဲ့သည်ဟူသော သတင်းများအပေါ် ဒေါ်နယ်ထရမ့် (Donald Trump)က ပြင်းပြင်းထန်ထန် တုန့်ပြန် ဝေဖန်ခဲ့သည်ဟု အယ်လ်ဂျာဇီးယားမှ ဖော်ပြခဲ့သည်။ အီရန်ကို တိုက်ခိုက်မည်ဆိုပါက ရေရှည်စစ်ပွဲအတွင်း ပိတ်မိသွားနိုင်ခြင်း၊ အမေရိကန်တပ်ဖွဲ့ဝင်များ ထိခိုက်ကျဆုံးမှုများ ရှိလာနိုင်ခြင်းတို့အပါအဝင် ဖြစ်လာနိုင်ခြေရှိသည့် နောက်ဆက်တွဲဆိုးကျိုးများကို အမေရိကန်ပူးတွဲ စစ်ဦးစီးချုပ်များအဖွဲ့ဥက္ကဋ္ဌ ဗိုလ်ချုပ်ကြီး ဒန်ကိန်း (Dan Caine) က သတိပေးခဲ့ သည်ဟု မီဒီယာများမှ ဖော်ပြခဲ့ သည်။မီဒီယာများ၏ ဖော်ပြချက်တွင် အမေရိကန်က အီရန်ကို စတင်တိုက်ခိုက်မည်ဆိုလျှင် အီရန်ဘက်မှ ပြန်လည်တုန့်ပြန်လာမည့် အခြေအနေများအား ဟန့်တားရန် အမေရိကန်၌ အရေးပါသည့် ခဲယမ်းများ လုံလောက်မှုမရှိခြင်း၊ ဒေသတွင်းမဟာမိတ်များ၏ ထောက်ခံမှုအားနည်းနေခြင်း အစရှိသည့် အခြေအနေ များက အဟန့်အတား ဖြစ်စေနိုင်ကြောင်း ဗိုလ်ချုပ်ကြီးကိန်းက ထရမ့်ကို ပြောကြားခဲ့သည်ဟု The Washington Post သတင်းစာမှ ဖော်ပြခဲ့သည်။အစ္စရေးနှင့် ယူကရိန်း ကဲ့သို့သော မဟာမိတ်များကို ကူညီထောက်ပံ့ ပေးနေရမှုကြောင့် ဒုံးကျည် ကာကွယ်ရေး စနစ်သုံး ခဲယမ်းများ အပါအဝင် အမေရိကန်၏ လက်ကျန် ခဲယမ်းပမာဏမှာ နည်းပါး နေပြီဖြစ်ကြောင်း ကိန်းက အစီအရင်ခံခဲ့သည်ဟု မီဒီယာများက ဖော်ပြခဲ့သည်။ဗိုလ်ချုပ်ကြီးကိန်းအနေဖြင့် အီရန်စစ်ဆင်ရေး၏ အတိုင်းအတာ၊ ရှုပ်ထွေးနက်နဲမှုနှင့် အမေရိကန် တပ်ဖွဲ့ဝင်များ အထိအခိုက်အကျဆုံး ရှိလာနိုင်ခြေတို့အပေါ် စိုးရိမ်ပူပန်မှုများ ရှိနေသည်ဟု ထိုအကြောင်း အရာနှင့်ပတ်သက်သည့် အတွင်းပိုင်းဆွေးနွေးမှုများကို သိရှိသူတစ်ဦးအား ကိုးကားပြီး The Washington Post သတင်းစာက ဖော်ပြခဲ့သည်။ထိုသတင်းများနှင့်ပတ်သက်ပြီး ထရမ့်က ဖေဖော်ဝါရီ ၂၃ ရက်တွင် လူမှုမီဒီယာပေါ်၌ တုန့်ပြန်ရာမှာ ဗိုလ်ချုပ်ကြီး ကိန်းသည် အီရန်နှင့်စစ်ပွဲဖြစ်ပွားလျှင် အလွယ်တကူအနိုင်ရလိမ့်မည်ဟု ယုံကြည်ထား ကြောင်း ထရမ့်က ရေးသားခဲ့သည်။ ထို့ပြင် The Washington Post သတင်းစာ၏ ရေးသားချက် အပေါ် ဗိုလ်ချုပ်ကြီးကိန်း၏ရုံးက တုန့်ပြန်ရာတွင် ၎င်း၏တာဝန်မှာ အမေရိကန်၏လုံခြုံရေးဆိုင်ရာ ဆုံးဖြတ်ချက်များ ချမှတ်သည့် အရပ်ဘက်ခေါင်းဆောင်များထံ စစ်ရေးအရရွေးချယ်နိုင်သည့် နည်းလမ်း မျိုးစုံနှင့်အတူ နောက်ဆက်တွဲ အကျိုးသက်ရောက်မှုများ တင်ပြရန် ဖြစ်သည်ဟု ထုတ်ပြန်ခဲ့သည်။Axios အွန်လိုင်း သတင်းဌာနကလည်း ဗိုလ်ချုပ်ကြီးကိန်း၏ စိုးရိမ်မှုများနှင့်ပတ်သက်ပြီး သမ္မတ ထရမ့်နှင့် ဆွေးနွေးမှုများကို ထပ်ဆင့်ဖော်ပြခဲ့သည်။ ဖေဖော်ဝါရီ ၂၃ ရက် ညနေပိုင်းတွင် ထွက်ပေါ် လာသည့် Axios ၏ သတင်းအရ လွန်ခဲ့သည့် သီတင်းပတ်အနည်းငယ်အတွင်း အီရန်အရေးနှင့် ပတ်သက်၍ သမ္မတထရမ့်ကို စစ်ဘက်ဆိုင်ရာ အစီအရင်ခံစာ တင်ပြနေသူမှာ ဗိုလ်ချုပ်ကြီးကိန်း တစ်ဦးတည်းသာ ရှိကြောင်းသိရသည်။အရှေ့အလယ်ပိုင်းဒေသရှိ အမေရိကန် စစ်ဆင်ရေးများကို ကြီးကြပ်ကွပ်ကဲသည့် အမေရိကန် ဗဟို စစ်ဌာနချုပ် (CENTCOM) ၏ အကြီးအကဲ ရေတပ်ဗိုလ်ချုပ်ကြီး ဘရက်ဒ်ကူးပါး (Brad Cooper) သည် ဇန်နဝါရီလ ကတည်းကပင် အစည်းအဝေးများသို့ ဖိတ်ကြားခြင်းမခံရတော့ဘဲ သမ္မတထရမ့် နှင့်လည်း စကားပြောဆိုခွင့်မရတော့ကြောင်း Axios သတင်းဌာနက ဖော်ပြခဲ့သည်။ သမ္မတ ထရမ့် ကမူ ထိုသတင်းများသည် သတင်းအမှားများဖြစ်ပြီး ဗိုလ်ချုပ်ကြီးကိန်းသည် အီရန်နှင့် စစ်ဖြစ်ရေးကို ဆန့်ကျင်နေသည်ဆိုသည့် ဖော်ပြချက်များကို ငြင်းဆိုခဲ့သည်။ “ဗိုလ်ချုပ်ကြီးက အီရန်ကို မတိုက် ခိုက်ရန် သို့မဟုတ် မိမိ ဖတ်နေရသည့် သတင်းတွေထဲကလို အကန့်အသတ်ဖြင့် တိုက်ခိုက်မှုတွေကို မလုပ်ဆောင်ရန် မည်သည့်အချိန်ကမျှ မပြောခဲ့ပါ။ ၎င်းသိတာ တစ်ခုပဲရှိပါသည်၊ ယင်းက မည်ကဲ့သို့ အနိုင်ယူရမလဲဆိုတာပဲ။ အကယ်၍ ၎င်းကိုတိုက်ခိုက်ရန် အမိန့်ပေးလိုက်မည်ဆိုပါက ၎င်းက ရှေ့ဆုံး ကနေဦးဆောင်သွားမှာပါ”ဟု ထရမ့်က ပြောကြားခဲ့သည်။ကိုးကား - CNI International News
Thu, 26-Feb-2026
ဖိလစ်ပိုင်တွင် အမေရိကန် အထူးစစ်ဆင်ရေးလေယာဉ် လမ်းလယ်ကျွန်းကိုတိုက်မိပြီး မတော်တဆမှုဖြစ်ပွား
ဖိလစ်ပိုင်တွင် အမေရိကန် အထူးစစ်ဆင်ရေးလေယာဉ် လမ်းလယ်ကျွန်းကိုတိုက်မိပြီး မတော်တဆမှုဖြစ်ပွား
ဖိလစ်ပိုင်နိုင်ငံတွင် အမေရိကန်နှင့် ဖိလစ်ပိုင်နှစ်နိုင်ငံ ပူးတွဲစစ်ရေးလေ့ကျင့်မှုပြုလုပ်နေစဉ်အတွင်း အမေရိကန်လေတပ်၏ C-146A Wolfhound အထူးစစ်ဆင်ရေး သယ်ယူပို့ဆောင်ရေး လေယာဉ်တစ်စင်းသည် လမ်းမပေါ်၌ ပျံတက်ရန်ကြိုးပမ်းစဉ် လမ်းလယ်ကွန်ကရစ်ဘောင်ကို တိုက်မိကာ မတော်တဆမှု ဖြစ်ပွားခဲ့သည်။ အဆိုပါဖြစ်စဉ်သည် ပန်ဂါစီနန်ပြည်နယ်၊ လာအိုအက်မြို့ရှိ လမ်းမတစ်ခုပေါ်တွင် "အရန်ပြေးလမ်း" (Alternative landing strip) အသုံးပြု၍ အတက်အဆင်းပြုလုပ်သည့် လေ့ကျင့်ခန်းအတွင်း ဖြစ်ပွားခဲ့ခြင်းဖြစ်သည်။သတင်းရင်းမြစ်များ၏ အဆိုအရ လေယာဉ်သည် လမ်းမပေါ်သို့ အောင်မြင်စွာ ဆင်းသက်နိုင်ခဲ့သော်လည်း ပြန်လည်ပျံတက်ရန် ပြင်ဆင်စဉ် လမ်းကြောင်းချော်သွားကာ လမ်းလယ်ကွန်ကရစ်ဘောင်ကို တိုက်မိခဲ့ခြင်း ဖြစ်သည်။ ထိုမတော်တဆမှုကြောင့် လေယာဉ်ပေါ်ပါရှိသည့် အမေရိကန်စစ်သည် ၅ ဦးစလုံး ထိခိုက်ဒဏ်ရာရရှိခဲ့ပြီး လေယာဉ်မှူးအပါအဝင် ၃ ဦးကို ဆေးရုံသို့ ပို့ဆောင်ခဲ့ရသည်။ အမေရိကန် အင်ဒို-ပစိဖိတ် စစ်ဌာနချုပ် (INDOPACOM) ကမူ ဒဏ်ရာရစစ်သည်များအနက် တစ်ဦးမှာဆေးရုံမှဆင်းသွားပြီဖြစ်ပြီး ကျန်တစ်ဦးမှာ အခြေအနေတည်ငြိမ်စွာဖြင့် ဆေးကုသမှုခံယူနေကြောင်း ထုတ်ပြန်ခဲ့သော်လည်း ဒဏ်ရာရရှိသူအရေအတွက် ကွဲလွဲနေမှုအပေါ် ရှင်းလင်းပြောကြားခြင်း မရှိသေးပေ။ဖိလစ်ပိုင်ကာကွယ်ရေးဝန်ကြီးဌာနက အဆိုပါစစ်ရေးလေ့ကျင့်မှုသည် သဘာဝဘေးအန္တရာယ်များကြောင့် ပုံမှန်လေဆိပ်များ အသုံးမပြုနိုင်သည့် အခြေအနေအတွက် ကြိုတင်ပြင်ဆင်ခြင်းဖြစ်ပြီး သက်ဆိုင်ရာအရပ်ဘက်နှင့် စစ်ဘက်အာဏာပိုင်များအကြား အပြည့်အဝ ညှိနှိုင်းဆောင်ရွက်ထားခြင်းဖြစ်ကြောင်း အတည်ပြုခဲ့သည်။ မတော်တဆမှုကြောင့် လေယာဉ်ပျက်စီးမှုရှိခဲ့သော်လည်း အရပ်သားထိခိုက်မှု မရှိခဲ့ကြောင်း သိရှိရသည်။C-146A Wolfhound လေယာဉ်သည် Dornier 328 ကို စစ်ဘက်သုံးအဖြစ် အသွင်ပြောင်းထားပြီး အမေရိကန် အထူးစစ်ဆင်ရေးဌာနချုပ်၏ လက်အောက်တွင် ကမ္ဘာတစ်ဝှမ်းရှိ ခက်ခဲသောဒေသများသို့ လူအင်အားနှင့် ရိက္ခာများကို လျင်မြန်စွာ ပို့ဆောင်ပေးရန် အသုံးပြုသည့် လေယာဉ် အမျိုးအစားဖြစ်သည်။ လက်ရှိတွင် နှစ်နိုင်ငံတာဝန်ရှိသူများက အဆိုပါ မတော်တဆမှုဖြစ်ပွားရသည့် အကြောင်းရင်းအသေးစိတ်ကို စုံစမ်း စစ်ဆေးလျက်ရှိသည်။ကိုးကား- VN ExpressPhoto: Newsဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 26-Feb-2026
တရုတ်စစ်ဘက်ဝန်ထမ်းများအား ‘တရားမဝင် လေ့ကျင့်သင်ကြားပေးမှု’ စွဲချက်ဖြင့် အမေရိကန် F-35 လေ့ကျင့်ရေးလေယာဉ်မှူးဟောင်း အဖမ်း ခံရ
တရုတ်စစ်ဘက်ဝန်ထမ်းများအား ‘တရားမဝင် လေ့ကျင့်သင်ကြားပေးမှု’ စွဲချက်ဖြင့် အမေရိကန် F-35 လေ့ကျင့်ရေးလေယာဉ်မှူးဟောင်း အဖမ်းခံရ
၂၀၂၃ ခုနှစ် နှောင်းပိုင်းမှစ၍ တရုတ်စစ်ဘက်ဝန်ထမ်းများအား "တရားမဝင် လေ့ကျင့်သင်ကြားပေးခဲ့သည်" ဟူသော စွဲချက်ဖြင့် အမေရိကန် F-35 လေ့ကျင့်ရေးလေယာဉ်မှူးဟောင်းတစ်ဦးကို အမေရိကန် အာဏာပိုင်များက ဖမ်းဆီးလိုက်သည်။ အမေရိကန် တရားရေးဝန်ကြီးဌာန၏ ထုတ်ပြန်ချက်အရ အသက် (၆၅) နှစ်အရွယ် ဗိုလ်မှူးဟောင်း ဂျရယ်ဘရောင်း (Gerald Brown) ကို ဖေဖော်ဝါရီလ ၂၅ ရက်နေ့က အင်ဒီယားနားပြည်နယ်၊ ဂျက်ဖာဆင်ဗေးလ်မြို့တွင် ဖမ်းဆီးခဲ့ခြင်းဖြစ်သည်။ ၎င်းသည် "အမေရိကန် လက်နက်ခဲယမ်းတင်ပို့မှု ထိန်းချုပ်ရေးအက်ဥပဒေ (AECA)" ကို ချိုးဖောက်ကာ တရုတ်စစ်ဘက်လေယာဉ်မှူးများထံ ခွင့်ပြုချက်မရှိဘဲ ကာကွယ်ရေးဆိုင်ရာဝန်ဆောင်မှုများ ပေးအပ်ရန် ကြံစည်မှု၊ ပေးအပ်မှုတို့ဖြင့် စွဲချက်တင်ခံထားရသည်။စွဲချက်မှတ်တမ်းအရ ဂျရယ်ဘရောင်းသည် ၂၀၂၃ ခုနှစ် ဩဂုတ်လအတွင်းက အမေရိကန်နှင့် နိုင်ငံခြားသား ကြံရာပါအချို့နှင့်ပူးပေါင်း၍ တရုတ်တိုက်လေယာဉ်မှူးများကို လေ့ကျင့်ပေးရန်စီစဉ်ခဲ့ကြောင်း သိရှိ ရသည်။ နိုင်ငံခြားသားများအား ထိုကဲ့သို့ လေ့ကျင့်သင်ကြားပေးခြင်းသည် အမေရိကန် နိုင်ငံခြားရေးဝန်ကြီးဌာန၏ ခွင့်ပြုချက်တစ်စုံတစ်ရာမရှိဘဲ ဆောင်ရွက်ခဲ့ခြင်းဖြစ်သည်။ဘရောင်းသည် ၂၀၂၃ ခုနှစ် ဒီဇင်ဘာလတွင် လေ့ကျင့်ရေးလုပ်ငန်းများစတင်ရန် တရုတ်နိုင်ငံသို့ သွားရောက်ခဲ့ပြီး ယခုလအစောပိုင်းတွင် အမေရိကန်သို့ ပြန်မလာမီအထိ တရုတ်နိုင်ငံ၌ နေထိုင်ခဲ့သည်။ အဆိုပါ အမေရိကန် ဗိုလ်မှူးဟောင်းသည် ဖေဖော်ဝါရီလ ၂၆ ရက်နေ့တွင် အင်ဒီယားနားတောင်ပိုင်းခရိုင် ဖက်ဒရယ်တရားရုံး၌ ပထမဆုံးအကြိမ် ရုံးထုတ်စစ်ဆေးခြင်းခံရမည်ဖြစ်သည်။FBI ၏ တန်ပြန်ထောက်လှမ်းရေးနှင့် ထောက်လှမ်းရေးဌာနခွဲ အကြီးအကဲ ရိုမန် ရိုဇာဗစကီး (Roman Rozhavsky) က ဗိုလ်မှူးဟောင်း ဂျရယ် ဘရောင်းကို "မိမိကာကွယ်စောင့်ရှောက်ပါမည်ဟု သစ္စာဆိုထားသူများကို ပြန်လည်ရင်ဆိုင်ရန် တရုတ်လေယာဉ်မှူးများအား လေ့ကျင့်သင်ကြားပေးခြင်းသည် သစ္စာဖောက်မှုပင်ဖြစ်သည်" ဟု ဝေဖန်ပြစ်တင်ခဲ့သည်။ "ဂျရယ်ဘရောင်းကို ဖမ်းဆီးခြင်းသည် အမေရိကန်၏ ရန်သူများနှင့် ပူးပေါင်းပြီး စစ်သည်များနှင့် အမျိုးသားလုံခြုံရေးကို အန္တရာယ်ဖြစ်အောင် လုပ်ဆောင်သူများကို FBI နှင့် သက်ဆိုင်ရာဌာနတွေက အစွမ်းကုန် အရေးယူသွားမည်ဆိုသည့် သတိပေးချက်ပဲဖြစ်ပါသည်" ဟု ရိုဇာဗစကီး က ပြောကြားခဲ့ပြီး တရုတ်နိုင်ငံသည် "၎င်းတို့၏ စစ်ဘက်စွမ်းရည်မြှင့်တင်ရန်အတွက် အမေရိကန်စစ်သည်များနှင့် စစ်မှုထမ်းဟောင်းများ၏ ကျွမ်းကျင်မှုများကို အသုံးချနေသည်" ဟုလည်း စွပ်စွဲခဲ့သည်။အဆိုပါ သတင်းအချက်အလက်များနှင့်ပတ်သက်၍ တရုတ် အာဏာပိုင်များဘက်မှ တစ်စုံတစ်ရာ မှတ်ချက်ပေးပြောဆိုခြင်း မရှိသေးပေ။ဗိုလ်မှူးဟောင်း ဘရောင်းသည် အမေရိကန်လေတပ်တွင် ၂၄ နှစ်ကြာ တာဝန်ထမ်းဆောင်ခဲ့ပြီး ၁၉၉၆ ခုနှစ်တွင် အနားယူခဲ့သူဖြစ်သည်။ ၎င်းသည် နျူကလီးယားလက်နက် တပ်ဆင်နိုင်သည့် စနစ်များကို ကိုင်တွယ်ရသော တပ်ဖွဲ့များကို ကွပ်ကဲခဲ့ဖူးသကဲ့သို့ တိုက်ခိုက်ရေးတာဝန်များကိုလည်း ဦးဆောင်ခဲ့သူဖြစ်သည်။ ထို့အပြင် F-4၊ F-15 နှင့် F-16 တိုက်လေယာဉ်များ၊ A-10 တိုက်ခိုက်ရေးလေယာဉ်များအတွက် လေယာဉ်မှူးများကို လေ့ကျင့်ပေးခဲ့သူဖြစ်ပြီး F-35 လေယာဉ် မောင်းနှင်မှု ပုံတူလေ့ကျင့်ရေး (Flight Simulator) သင်တန်းများကိုလည်း ပို့ချခဲ့သူဖြစ်သည်။နိုင်ငံခြားစစ်ဘက်ဝန်ထမ်းများကို လေ့ကျင့်သင်ကြားပေးမှုကြောင့် အမေရိကန်လေယာဉ်မှူးဟောင်းတစ်ဦး ဖမ်းဆီးအရေးယူခံရခြင်းမှာ ယခုအကြိမ်သည် ပထမဆုံးမဟုတ်ပေ။ ၂၀၂၂ ခုနှစ် အောက်တိုဘာလအတွင်းကလည်း အမေရိကန် မရိန်းတပ်ဖွဲ့ လေယာဉ်မှူးဟောင်း ဒန်နီရယ် ဒတ်ဂန် (Daniel Duggan) သည် တရုတ်လေယာဉ်မှူးများအား လေယာဉ်တင်သင်္ဘောပေါ်မှ တက်ရောက်ခြင်းနှင့် ဆင်းသက်ခြင်းဆိုင်ရာ နည်းဗျူဟာများ၊ နည်းစနစ်များကို လေ့ကျင့်သင်ကြားပေးခဲ့သည့် စွဲချက်ဖြင့် သြစတြေးလျနိုင်ငံတွင် ဖမ်းဆီးခြင်းခံခဲ့ရဖူးသည်။ကိုးကား- VN Expressဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 26-Feb-2026
အမေရိကန်၏ တိုက်ခိုက်မှုဖြစ်လာနိုင်ခြေအပေါ် အီရန်က အခြေအနေနှစ်ရပ်ဖြင့် ပြင်ဆင်နေ
အမေရိကန်၏ တိုက်ခိုက်မှုဖြစ်လာနိုင်ခြေအပေါ် အီရန်က အခြေအနေနှစ်ရပ်ဖြင့် ပြင်ဆင်နေ
အီရန်နိုင်ငံအနေဖြင့် ငြိမ်းချမ်းရေး သို့မဟုတ် စစ်ပွဲ ဟူသည့် အခြေအနေနှစ်ရပ်လုံးအတွက် အသင့်ရှိနေကြောင်း ထုတ်ဖော်ပြောကြားလိုက်သည်။ နှစ်နိုင်ငံအကြား နျူကလီးယားဆိုင်ရာဆွေးနွေးမှုများ ဆက်လက် လုပ်ဆောင်နေသော်လည်း အမေရိကန်က ဒေသတွင်း၌ စစ်အင်အား သိသိသာသာ တိုးမြှင့်ချထားလျက်ရှိသည်။အမေရိကန်သမ္မတ ဒေါ်နယ်ထရမ့်က ယခင်က ခြိမ်းခြောက်ပြောဆိုခဲ့ဖူးသည့်အတိုင်း အီရန်နိုင်ငံအား တိုက်ခိုက်ရန် ဆုံးဖြတ်လာခဲ့ပါက စစ်ပွဲအတွက်အသင့်ရှိနေကြောင်း ပြသသည့် ခြေလှမ်းများကို အီရန် ဘက်က လုပ်ဆောင်လာခဲ့သည်။လွန်ခဲ့သည့် လအနည်းငယ်အတွင်း အီရန်သည် ၎င်း၏ အဓိကကျသော ဒုံးကျည်စခန်းများနှင့် ပြင်းထန်စွာပျက်စီးနေသည့် လေတပ်စခန်းများကို ပြန်လည်ပြုပြင်ခြင်းများ ပြုလုပ်ခဲ့သကဲ့သို့ နျူကလီးယားအစီအစဉ်များကိုလည်း ပိုမိုလျှို့ဝှက်စွာ လုပ်ဆောင်ခဲ့သည်။ ထို့အပြင် နိုင်ငံတော် လုံခြုံရေးဆိုင်ရာ အဆောက်အအုံများတွင် စစ်ပြန်များကို ခန့်အပ်ခြင်း၊ ပါရှန်ပင်လယ်ကွေ့အတွင်း ရေကြောင်းစစ်ကစားမှုများပြုလုပ်ခြင်းနှင့် ပြည်တွင်းရှိ အတိုက်အခံများကို အပြင်းအထန် နှိပ်ကွပ်ခြင်းစသည့် လုပ်ဆောင်ချက်များကို လုပ်ဆောင်လျက်ရှိသည်။အင်္ဂါနေ့ (ဖေဖော်ဝါရီ ၂၄) တွင် အီရန်တော်လှန်ရေးအစောင့်တပ် (IRGC) ၏ ကြည်းတပ်ဖွဲ့ဝင်များသည် နိုင်ငံတောင်ဘက်ကမ်းရိုးတန်း၌ စစ်ရေး လေ့ကျင့်မှုများ ပြုလုပ်ခဲ့ကြောင်း အီရန်အစိုးရပိုင် Islamic Republic of Iran Broadcasting (IRIB) သတင်းဌာနက ဖော်ပြခဲ့သည်။ အီရန် တာဝန်ရှိသူများသည် အမေရိကန်ပြည်ထောင်စုထံ သတင်းစကားပါးရန် ကြိုးပမ်းနေခြင်းဖြစ်ကြောင်း ကျွမ်းကျင်သူများက ဆိုသည်။“အီရန်၏ နည်းဗျူဟာကတော့ စစ်ပွဲဖြစ်လာပါက အထိအခိုက် အကျိုးဆက်တွေ အရမ်းကြီးမားလိမ့်မည်ဆိုသည်ကို အမေရိကန် သိသွားအောင် ကြိုးပမ်းနေတာပါ” ဟု Johns Hopkins တက္ကသိုလ်မှ ပါမောက္ခ Vali Nasr က ပြောကြားခဲ့သည်။ “ယင်းက ပြီးခဲ့သည့် ဇွန်လတုန်းက အခြေအနေမျိုး မဟုတ်သလို ဗင်နီဇွဲလား အခြေအနေမျိုးနှင့်လည်း တူမှာမဟုတ်ပါ ၊ အမေရိကန်အနေဖြင့် ရင်းနှီးပေးဆပ်ရမည့် တန်ဖိုးတချို့ ရှိလာမှာဖြစ်ပြီး အီရန်ကို အမှန်တကယ် မတိုက်ခိုက်ခင်မှာ အဆိုပါအကျိုးဆက်တွေကို ကြိုတင်တွက်ချက်ရပါလိမ့်မည်” ဟု ၎င်းက ဆိုသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 26-Feb-2026
© Copyright 2024 SAC All Rights Reserved.