ဇန်နဝါရီ ၁၂ ရက်မှ ၂၉ ရက်အထိ နယ်သာလန်နိုင်ငံ သည်ဟိတ်ဂ်မြို့ရှိ အပြည်ပြည်ဆိုင်ရာတရားရုံး၌ ပြုလုပ်လျက်ရှိသည့် ဂမ်ဘီယာနိုင်ငံနှင့် မြန်မာနိုင်ငံတို့၏ အမှုနှင့်ပတ်သက်၍ ကြားနာပွဲ (Oral Hearing) အပေါ် မြန်မာနိုင်ငံ ကိုယ်စားလှယ်အဖွဲ့ခေါင်းဆောင် နိုင်ငံတော်သမ္မတရုံးဝန်ကြီးဌာန (၂) ပြည်ထောင်စုဝန်ကြီး ဦးကိုကိုလှိုင်၏ မိဘပြည်သူများထံ အသိပေးတင်ပြချက် (အပိုင်း - ၃)

dpWEB1234

News Image

  • ဇန်နဝါရီ ၁၂ ရက်မှ ၂၉ ရက်အထိ နယ်သာလန်နိုင်ငံသည် ဟိတ်ဂ်မြို့ရှိ အပြည်ပြည် ဆိုင်ရာတရားရုံး၌ ပြုလုပ်လျက်ရှိသည့် ဂမ်ဘီယာနိုင်ငံနှင့် မြန်မာနိုင်ငံတို့၏အမှုနှင့် ပတ်သက်၍ ကြားနာပွဲ (Oral Hearing) အပေါ် မြန်မာနိုင်ငံ ကိုယ်စားလှယ် အဖွဲ့ခေါင်းဆောင် နိုင်ငံတော်သမ္မတရုံးဝန်ကြီးဌာန (၂) ပြည်ထောင်စု ဝန်ကြီး ဦးကိုကိုလှိုင်၏ မိဘပြည်သူများထံ အသိပေး တင်ပြချက် (အပိုင်း - ၃)

အဲ့တော့ စိတ်ပိုင်းဆိုင်ရာမှာလည်း ကျွန်တော်တို့ပြောတဲ့ ကျွန်တော်တို့လျှောက်လဲမဲ့ အချက်တွေက တစ်ချက်ကလေးမှ အမှားမခံပါဘူး။ တစ်ခုခု အမှားခံလိုက်တာ မှားသွားတာနဲ့တစ်ပြိုင်နက် တိုင်းပြည်အတွက်ကို ရေရှည်မှာ ထိသွားမဲ့အချက်တွေလည်း အများကြီးရှိနိုင်ပါတယ်။ အဲ့ဒါကိုလည်းပဲ ဂရုစိုက်ပြီးတော့မှ ကျွန်တော်တို့က လေ့လာ ဖတ်ရှု အသေးစိတ်ကို ပြန်ပြီးတော့မှ ဘယ်လို တုံ့ပြန်မလဲ ဆိုတာ စဉ်းစားနေရသလို တစ်ဖက်မှာလည်းပဲ ကိုယ့်ဘေးနားကပ်ပြီးတော့မှ တစ်ဖက်က လျှောက်လဲချက်တွေ အများကြီးထဲမှာ ကိုယ့်နိုင်ငံအပေါ်မှာ အမျိုးမျိုး စွပ်စွဲပြောကြားနေတာတွေကိုလည်းပဲ နားစိုက်ထောင်ပြီးတော့မှ နာခံချင်သည်ဖြစ်စေ မနာခံချင်သည်ဖြစ်စေ မှတ်သားနေရတဲ့ အခြေအနေမျိုး ကလည်း ရှိပါတယ်။ ဒါ့ကြောင့်မလို့ တော်တော်လေးတော့ အခုချိန်မှာတော့ ဖိအားတွေများတာတွေ ရှိပါတယ်။ အဲ့တော့ ကိုယ်ရော စိတ်ရော နှစ်ခုလုံး ပင်ပန်းနေသော်ငြားလည်းပဲ ကျွန်တော်တို့မှာ အား နှစ်အား ရှိပါတယ်။ ပထမ တစ်အားကတော့ ကျွန်တော်တို့ရဲ့ ရှေ့မှာ ရှိနေတဲ့ “မြန်မာ” ဆိုတဲ့ ဆိုင်းဘုတ်ပါပဲ။ ကျွန်တော်တို့က မြန်မာနိုင်ငံကို ကိုယ်စားပြုပြီးတော့မှ ကမ္ဘာ့တရားခွင်မှာ လာပြီးတော့မှ ရင်ဆိုင်နေရတာ ဖြစ်ပါတယ်။ ဒါကြောင့်မလို့ ကျွန်တော်တို့ ဘာပဲဖြစ်ဖြစ် လဲကျသွားလို့  မဖြစ်ဘူး။ ဒီပွဲမှာ မရရအောင် ကြိုးစားရမယ်ဆိုတဲ့ စိတ်ဓာတ် နဲ့ ကျွန်တော်လုပ်ပါတယ်။ ဒါက ပထမတစ်ချက်ပါ။ နောက်တစ်ချက်ကတော့ ကျွန်တော်တို့ရဲ့နောက်မှာ ရှိနေတဲ့ ပြည်သူလူထုရဲ့ အားပေးထောက်ခံမှုပဲ ဖြစ်ပါတယ်။ ဒီအားတွေနဲ့ပဲ ကျွန်တော်ဆက်ပြီးတော့မှ ရပ်တည်ပြီးတော့မှ ရင်ဆိုင်နေတာ ဖြစ်ပါတယ်။ အဲ့တော့ ရှေ့ဆက်ပြီးတော့လည်းပဲ မကြာခင်မှာ ကျွန်တော်တို့ မြန်မာဘက်က လျှောက်လဲမဲ့ အပိုင်းကို ရောက်လာပါပြီ ပိုပြီးတော့မှ အရေးကြီးတဲ့ အပိုင်းကို ရောက်လာပါပြီ။ ဒီအတွက်လည်းပဲ မိဘပြည်သူတွေရဲ့အားပေးထောက်ခံမှုကို ကျွန်တော်တို့ အများကြီးပဲ မျှော်လင့်ပါတယ်။ အခုလည်းပဲ တကယ့်ကို စိတ်ရောကိုယ်ပါ လှိုက်လှိုက်လဲလဲ အားပေးကြတဲ့အတွက်လည်း ထပ်ပြီးတော့မှ အထူးကျေးဇူးတင်ကြောင်းလည်းပဲ ပြောချင်ပါတယ်။   

News Video

MM-News-Category
နိုင်ငံရေးကဏ္ဍသတင်းများ
နိုင်ငံရေး-ပြည်တွင်းသတင်းများ

ဆက်စပ်သတင်းများ

စိန့်ပီတာစဘတ်မြို့ရှိ အစ္စရေးကောင်စစ်ဝန်ချုပ်ရုံးက ဝန်ဆောင်မှုပေးခြင်း လုပ်ငန်းများကိုရပ်ဆိုင်း
စိန့်ပီတာစဘတ်မြို့ရှိ အစ္စရေးကောင်စစ်ဝန်ချုပ်ရုံးက ဝန်ဆောင်မှုပေးခြင်း လုပ်ငန်းများကိုရပ်ဆိုင်း
ရုရှားနိုင်ငံ     စိန့်ပီတာစဘတ်မြို့ရှိ အစ္စရေးကောင်စစ်ဝန်ချုပ်ရုံးသည် ၎င်းတို့၏ ကောင်စစ်ဝန်ဆိုင်ရာ ဝန်ဆောင်မှုပေးခြင်း လုပ်ငန်း များကို ရပ်ဆိုင်းလိုက်ကြောင်း အဆိုပါရုံးကထုတ်ပြန်သည်။ အစ္စရေးကောင် စစ်ဝန်ချုပ်ရုံးအနေဖြင့် ၂၀၂၆ ခုနှစ်   မတ်လ ၂ ရက်မှစတင်၍ နောက်ထပ်အကြောင်းကြားစာ မထုတ်ပြန်မချင်း ကောင်စစ်ဝန်ဆိုင်ရာ ဝန်ဆောင်မှုများကို ပေးအပ်မည်မဟုတ်ဟု ၎င်းတို့၏ Telegram တွင်ဖော်ပြထားသည်။ထို့ပြင်      ပြည်သူများအနေဖြင့် ကောင်စစ်ဝန်ဆိုင်ရာ  သတင်းအချက်အလက်များကို ၎င်းတို့၏ လူမှုကွန်ရက် စာမျက်နှာများတွင် ဆက်လက်စောင့်ကြည့်ရန် ကောင်စစ်ဝန်ချုပ်ရုံးက တိုက်တွန်းထားကြောင်း သိရသည်။         Ref: IvMWD
Wed, 4-Mar-2026
တရုတ်နိုင်ငံအနေဖြင့် အီရန်အား အမေရိကန်နှင့် အစ္စရေး၏ တိုက်ခိုက်မှုများအပေါ် အလွန်အမင်း စိုးရိမ်ကြောင်း တရုတ်သံတမန် ပြောကြား
တရုတ်နိုင်ငံအနေဖြင့် အီရန်အား အမေရိကန်နှင့် အစ္စရေး၏ တိုက်ခိုက်မှုများအပေါ် အလွန်အမင်း စိုးရိမ်ကြောင်း တရုတ်သံတမန် ပြောကြား
အီရန်အား အမေရိကန်နှင့်အစ္စရေးတို့က ဖေဖော်ဝါရီ ၂၈ ရက်၌ စစ်ရေးအရတိုက်ခိုက်မှုများ လုပ်ဆောင် ခဲ့သည့်အပေါ် တရုတ်နိုင်ငံက အလွန်အမင်း စိုးရိမ်ကြောင်း ကုလသမဂ္ဂ (UN) ဆိုင်ရာ တရုတ်နိုင်ငံ အမြဲတမ်းကိုယ်စားလှယ် ဖုချုံးက ပြောကြားခဲ့သည်။ သက်ဆိုင်ရာ နိုင်ငံအားလုံးအနေဖြင့် ကုလသမဂ္ဂပဋိညာဉ်စာတမ်းပါ မူဝါဒများနှင့် ရည်ရွယ်ချက် များအား လိုက်နာသင့်သည်ဟူသောအချက်ကို တရုတ်နိုင်ငံက အစဉ်တစိုက်ထောက်ခံအားပေးကာ နိုင်ငံတကာဆက်ဆံရေးနယ်ပယ်၌ အင်အားသုံးခြင်း သို့မဟုတ် အင်အားသုံး၍ ခြိမ်းခြောက်ခြင်းကို ဆန့်ကျင်ရှုတ်ချကြောင်း ကုလသမဂ္ဂလုံခြုံရေးကောင်စီ အရေးပေါ်အစည်းအဝေး၌ ဖုက ပြောကြားခဲ့ သည်။ "အီရန်နှင့် ဒေသတွင်းက တခြားနိုင်ငံများ၏ အချုပ်အခြာအာဏာ၊ လုံခြုံမှု၊ နယ်မြေပိုင်နက် ပြည့်စုံမှု တို့ကို လေးစားရမှာဖြစ်ကြောင်း တရုတ်နိုင်ငံက အလေးအနက်ပြောကြားလိုပါသည်" ဟု ၎င်းက ပြောသည်။ အဆိုပါ ပဋိပက္ခကြောင့် အရပ်သားထိခိုက်သေဆုံးမှု အများအပြားရှိနေသည့်အပေါ် တရုတ်နိုင်ငံအနေဖြင့် အလွန်အမင်း ဝမ်းနည်းမိကြောင်း၊ စစ်ရေးပဋိပက္ခများတွင် အရပ်သားများကို အမြဲတစေ အကာအကွယ်ပေးရမည့် အနီရောင်စည်းကို ကျော်လွန်ခြင်းမပြုသင့်သလို မဆင်မခြင် အင်အားသုံးခြင်းကိုလည်း လက်သင့်မခံကြောင်း တရုတ်နိုင်ငံ အမြဲတမ်းကိုယ်စားလှယ်က ပြောကြား ခဲ့သည်။ "သက်ဆိုင်ရာ နိုင်ငံအားလုံးအနေဖြင့် နိုင်ငံတကာလူသားချင်းစာနာမှုဆိုင်ရာဥပဒေအပါအဝင် နိုင်ငံတကာ ဥပဒေမှာ ပြဋ္ဌာန်းထားသည့် တာဝန်ဝတ္တရားတွေကို ကျေပွန်စွာထမ်းဆောင်ရန်၊ အရပ်သားတွေ ဘေးကင်း လုံခြုံမှုရှိရေး ထိထိရောက်ရောက်ဆောင်ရွက်သွားရန်နှင့် အရပ်ဘက် အဆောက်အအုံတွေ အပေါ် တိုက်ခိုက်မှုတွေကို ရှောင်ကြဉ်ကြရန် တရုတ်နိုင်ငံက တိုက်တွန်းပါသည်" ဟု ၎င်းက ပြောကြားသည်။အရှေ့အလယ်ပိုင်းဒေသ၌ တင်းမာမှုများ အရှိန်မြင့်တက်ကာ ပိုမိုကျယ်ပြန့်လာခြင်းက မည်သူ့အတွက်မျှ အကျိုးရှိစေမည်မဟုတ်ကြောင်း ဖုက အလေးထားပြောဆိုခဲ့ပြီး အင်အားသုံးခြင်းမှာ နိုင်ငံတကာ အငြင်းပွားမှုများကို ဖြေရှင်းရာတွင် မှန်ကန်သည့်နည်းလမ်းမဟုတ်သည့်အပြင် အမုန်းတရားနှင့် ထိပ်တိုက်ရင်ဆိုင်မှုများကိုပါ အရှိန်မြင့်တက်စေမည်ဖြစ်ကြောင်း ဆက်လက်ပြောကြား ခဲ့သည်။"တွေ့ဆုံဆွေးနွေးမှုနှင့် ညှိနှိုင်းမှုကသာ သဘောထားကွဲလွဲမှုတွေကို ဖြေရှင်းနိုင်သည့် တစ်ခုတည်း သော နည်းလမ်းဖြစ်ပါသည်" ဟု ၎င်းက ပြောကြားခဲ့ကာ တင်းမာမှုပိုမိုအရှိန်မြင့်တက်လာသည့် သံသရာ စက်ဝန်းကို တားဆီးရေးအတွက် စစ်ရေးအရ တိုက်ခိုက်မှုများကို ချက်ချင်းရပ်တန့်ရန် တရုတ်နိုင်ငံက တိုက်တွန်းကြောင်း အလေးအနက်ပြောကြားခဲ့သည်။ ဆက်လက်၍ သက်ဆိုင်ရာနိုင်ငံများအနေဖြင့် နိုင်ငံရေး သဘောထားမှန်ကန်မှုကို လက်တွေ့ပြသရန်၊ တွေ့ဆုံဆွေးနွေးမှုနှင့် ညှိနှိုင်းမှုများကို တတ်နိုင်သမျှ အမြန်ဆုံးပြန်လည်စတင်ရန်၊ နိုင်ငံရေးနည်းလမ်း အရ အဖြေရှာရန် ကြိုးပမ်းသည့်လမ်းကြောင်းမှန်ပေါ်သို့ ပြန်လည်ဦးတည်ရန်လည်း တရုတ်နိုင်ငံ အမြဲတမ်းကိုယ်စားလှယ်က တိုက်တွန်းခဲ့သည်။"တရုတ်နိုင်ငံအနေဖြင့် ငြိမ်းချမ်းရေးကြိုးပမ်းမှုတွေကို ဆက်လက်ဖော်ဆောင်ပြီး အရှေ့အလယ်ပိုင်း ဒေသမှာ တည်ငြိမ်အေးချမ်းမှု အမြန်ဆုံးပြန်လည်ရရှိစေဖို့ နိုင်ငံတကာအသိုင်းအဝိုင်းနဲ့အတူ လက်တွဲ လုပ်ဆောင်သွားရန် အသင့်ရှိပါသည်" ဟု ၎င်းက ပြောကြားခဲ့သည်။ကိုးကား - Xinhua
Tue, 3-Mar-2026
အဆုံးမရှိသည့် စစ်ပွဲတစ်ခု မဟုတ်ကြောင်း နေတန်ယာဟု ပြောကြား
အဆုံးမရှိသည့် စစ်ပွဲတစ်ခု မဟုတ်ကြောင်း နေတန်ယာဟု ပြောကြား
အစ္စရေးဝန်ကြီးချုပ် ဘင်ဂျမင် နေတန်ယာဟုက အရှေ့အလယ်ပိုင်းတွင် အရှိန်မြင့်တက်နေသော ပဋိပက္ခများသည် အဆုံးမရှိသောစစ်ပွဲဖြစ်လာ လိမ့်မည်ဟူသော ဝေဖန်မှုများကိုပယ်ချလိုက်ပြီး ယင်းအစား အဆိုပါ စစ်ပွဲသည် အီရန်နိုင်ငံတွင် ငြိမ်းချမ်းရေးနှင့် ဒီမိုကရေစီကို ဖော်ဆောင်ပေးလိမ့်မည်ဟု အခိုင်အမာ ပြောကြားခဲ့သည်။တနင်္လာနေ့ (မတ် ၂) က Fox News ရုပ်သံလိုင်းမှ Sean Hannity နှင့် ပြုလုပ်ခဲ့သော အင်တာဗျူးတွင် နေတန်ယာဟုက "ယင်းက အဆုံးမရှိသည့် စစ်ပွဲတစ်ခု မဟုတ်ပါ ၊ ကျွန်တော်တို့ အိပ်မက်တောင် မမက်ဖူးသေးသည့် ငြိမ်းချမ်းရေးခေတ်သစ်တစ်ခုကို ဆောင်ကြဉ်းပေးမည့်အရာပါ" ဟု ပြောဆိုခဲ့သည်။အစ္စလာမ္မစ်သမ္မတနိုင်ငံ (အီရန်) အနေဖြင့် နျူကလီးယား လက်နက်ပိုင်ဆိုင်ခြင်းမှ တားဆီးရန် ယခုကဲ့သို့ အရေးယူဆောင်ရွက်မှုများ လိုအပ်ကြောင်း ၎င်းက ထပ်လောင်းပြောကြားခဲ့သော်လည်း အီရန်သည် နျူကလီးယားလက်နက်ရရှိရန် နီးစပ်နေပြီဖြစ်ကြောင်း သက်သေ အထောက်အထား တစ်စုံတစ်ရာ ပြသခဲ့ခြင်း မရှိပေ။အမေရိကန်သမ္မတ ထရမ့်ကလည်း ထိုပြောဆိုချက်များကို ထောက်ခံခဲ့သော်လည်း ၎င်းတို့၏ အဆိုမှာ အမေရိကန် ထောက်လှမ်းရေးအဖွဲ့၏ အကဲဖြတ်ချက်နှင့် ဆန့်ကျင်ဘက်ဖြစ်နေသည်။ ထောက်လှမ်းရေးအဖွဲ့ ၏ အကဲဖြတ်ချက်အရ အီရန်သည် "စစ်ရေးအရ အသုံးပြုနိုင်သော" တိုက်ချင်းပစ် ပဲ့ထိန်းဒုံးကျည်ထုတ်လုပ်နိုင်ရန် ဆယ်စုနှစ်တစ်ခုခန့် လိုအပ်နေသေးကြောင်း သိရှိရသည်။သမ္မတ ထရမ့်ကမူ အမေရိကန်၏ အီရန်စစ်ဆင်ရေး ကြာမြင့်မည့်ကာလနှင့် အီရန်နိုင်ငံကို မည်သူကဆက်လက်အုပ်ချုပ်မည်ဆိုသည့် နောက်ဆက်တွဲကိစ္စရပ်များနှင့်ပတ်သက်၍ ရှုပ်ထွေးသော ပြောဆိုချက်များကို ပေးခဲ့သည်။ တနင်္လာနေ့ (မတ် ၂) က CNN မှ Jake Tappe r နှင့် အင်တာဗျူးတွင် ထရမ့်က "ထိုစစ်ပွဲကို အကြာကြီး မဖြစ်စေချင်ပါ၊ ကျွန်တော်ကတော့အမြဲတမ်း လေးပတ်လောက်ပဲ ကြာမည်ဟု ထင်ခဲ့တာ၊ ယခုဆိုလျှင် ကျွန်တော်တို့ သတ်မှတ်ထားသည့် အချိန်ဇယားထက်တောင် နည်းနည်း စောနေပါပြီ" ဟု ပြောကြားခဲ့သည်။အမေရိကန်၏ အီရန်အပေါ် တိုက်ခိုက်မှု အရှိန်အဟုန်အပြင်းဆုံးလှိုင်း (Big Wave) မှာ လာရန် ရှိသေးကြောင်းလည်း ထရမ့်က CNN သို့ ပြောကြားခဲ့သည်။ ၎င်းက သတင်းထောက်များအား စစ်ပွဲရည်မှန်းချက်များကို ရှင်းလင်းပြောကြားရာတွင် အီရန်၏ ဒုံးကျည် စွမ်းဆောင်ရည်များကို ဖျက်ဆီးရန်၊ ရေတပ်ကို ချေမှုန်းရန်၊ နျူကလီးယား ရည်မှန်းချက်များကို ရပ်တန့်ရန်နှင့် လက်နက်ကိုင်အဖွဲ့များကို လက်နက် ထောက်ပံ့နေမှုများကို အဆုံးသတ်ရန်ဖြစ်ကြောင်း ပြောဆိုခဲ့သည်။ ထို့အပြင် မြေပြင်တပ်ဖွဲ့များ စေလွှတ်မည့်ကိစ္စကိုလည်း အပြီးတိုင် ပယ်ချထားခြင်းမရှိကြောင်း New York Post သို့ ပြောကြားခဲ့သည်။အမေရိကန် နိုင်ငံခြားရေးဝန်ကြီး မာကို ရူဘီယိုကလည်း ထရမ့်၏ ပြောဆိုချက်ကို ထောက်ခံခဲ့ပြီး "အပြင်းထန်ဆုံး တိုက်ခိုက်မှုများလာရန် ရှိပါသေးသည်" ဟု ဆိုသော်လည်း ထရမ့်အစိုးရအဖွဲ့အနေဖြင့် အီရန်အပေါ်ဆောင်ရွက်နေသော စစ်ဆင်ရေးရည်မှန်းချက်များကို "မြေပြင် တပ်ဖွဲ့များမပါဘဲ အောင်မြင်နိုင်လိမ့်မည်" ဟု ယုံကြည်ကြောင်း ပြောကြားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 3-Mar-2026
တရုတ်နှင့် ရုရှားနိုင်ငံတို့ ကျောထောက်နောက်ခံပြုထားသည့် လုံခြုံရေးအဖွဲ့အစည်းက အီရန်နိုင်ငံအပေါ် တိုက်ခိုက်မှုများကို ရှုတ်ချ
တရုတ်နှင့် ရုရှားနိုင်ငံတို့ ကျောထောက်နောက်ခံပြုထားသည့် လုံခြုံရေးအဖွဲ့အစည်းက အီရန်နိုင်ငံအပေါ် တိုက်ခိုက်မှုများကို ရှုတ်ချ
ပေကျင်းနှင့် မော်စကိုတို့ ကျောထောက်နောက်ခံပြုထားသော ဒေသတွင်းလုံခြုံရေးအဖွဲ့အစည်းတစ်ခုဖြစ်သည့် ရှန်ဟိုင်းပူးပေါင်းဆောင်ရွက်ရေး အဖွဲ့ (SCO) က အီရန်နိုင်ငံအပေါ် အမေရိကန်နှင့် အစ္စရေးတို့၏ တိုက်ခိုက်မှုများကို ပြစ်တင်ရှုတ်ချလိုက်သည်။ရှန်ဟိုင်းပူးပေါင်းဆောင်ရွက်ရေးအဖွဲ့ (SCO) အဖွဲ့ဝင်နိုင်ငံများက “အရှေ့အလယ်ပိုင်းဒေသ ဖြစ်ပေါ်တိုးတက်မှုများနှင့် အီရန်အစ္စလာမ္မစ် သမ္မတ နိုင်ငံအပေါ် လက်နက်ကိုင်တိုက်ခိုက်မှုများအပေါ် အထူးစိုးရိမ်ပူပန်ကြောင်း” တနင်္လာနေ့ (မတ် ၂) တွင် ထုတ်ပြန်သည့်ကြေညာချက်၌ ဖော်ပြထား သည်။ “အင်အားသုံးဖြေရှင်းခြင်းကို လက်မခံနိုင်ပါ ၊ လက်ရှိ ပဋိပက္ခကို ဖြေရှင်းရန် တစ်ခုတည်းသောနည်းလမ်းမှာ ဆွေးနွေးညှိနှိုင်းခြင်း၊ အပြန် အလှန်လေးစားခြင်းနှင့် အဖွဲ့ဝင်တစ်ခုချင်းစီ၏ တရားဝင် အကျိုးစီးပွားများကို ထည့်သွင်းစဉ်းစားခြင်းတို့ပင် ဖြစ်သည်” ဟု SCO က ဆိုသည်။မော်စကိုနှင့် ပေကျင်းတို့သည် အဆိုပါဒေသတွင်းလုံခြုံရေးအဖွဲ့ကို ၂၀၀၁ ခုနှစ်တွင် စတင်တည်ထောင်ခဲ့ခြင်းဖြစ်သည်။ ယခုအခါ အဖွဲ့ဝင် ၁၀ နိုင်ငံ ရှိပြီး အီရန်နိုင်ငံသည် ၂၀၂၃ ခုနှစ်တွင် အဖွဲ့ဝင်အဖြစ် ဝင်ရောက်ခဲ့သည်။ အနောက်နိုင်ငံများ ဦးဆောင်သည့် ကမ္ဘာလုံးဆိုင်ရာအဖွဲ့အစည်းများ၏ လွှမ်းမိုးမှုကိုစိန်ခေါ်ရန် ရည်မှန်းချက်ထားသော်လည်း SCO သည် အဖွဲ့ဝင်များအကြား (အထူးသဖြင့် ပြီးခဲ့သည့်နှစ်က စစ်မက်အနည်းငယ် ဖြစ်ပွားခဲ့သော အိန္ဒိယနှင့် ပါကစ္စတန်တို့ကြား) ပြင်းထန်သော အားပြိုင်မှုများကြောင့် မကြာခဏဆိုသလို အဟန့်အတားများနှင့် ကြုံတွေ့နေရသည်။ကိုးကား- CNNPhoto: Reutersဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 3-Mar-2026
အီရန်အကျပ်အတည်းအပေါ် တုံ့ပြန်မှုနှေးကွေးခြင်းကြောင့် ဥရောပ ကော်မရှင်ဥက္ကဋ္ဌ ဝေဖန်လှောင်ပြောင်ခံရ
အီရန်အကျပ်အတည်းအပေါ် တုံ့ပြန်မှုနှေးကွေးခြင်းကြောင့် ဥရောပ ကော်မရှင်ဥက္ကဋ္ဌ ဝေဖန်လှောင်ပြောင်ခံရ
အီရန်နိုင်ငံအတွင်းဖြစ်ပွားနေသည့် စစ်ရေးအကျပ်အတည်းနှင့်ပတ်သက်၍ ဥရောပသမဂ္ဂ (EU) ၏ တုံ့ပြန်မှုသည် အရေးပေါ်အခြေအနေနှင့် လျော်ညီမှုမရှိဘဲ နှေးကွေးလွန်းသည်ဟုဆိုကာ ဥရောပကော်မရှင်ဥက္ကဋ္ဌ အာဆူလာ ဗွန်ဒါလီယန်သည် နိုင်ငံတကာတွင် လှောင်ပြောင်ဝေဖန်မှု များနှင့် ရင်ဆိုင်နေရသည်။ အမေရိကန်နှင့် အစ္စရေးတို့သည် စနေနေ့ (ဖေဖော်ဝါရီ ၂၈) တွင် အီရန်နိုင်ငံအပေါ် စစ်ရေးအရတိုက်ခိုက်မှုများ ပြုလုပ်ခဲ့ရာ အီရန်အဆင့်မြင့်ခေါင်းဆောင် အယာတိုလာ အလီ ခါမေနီ အပါအဝင် အဆင့်မြင့်အရာရှိများနှင့် အရပ်သားရာပေါင်းများစွာ သေဆုံး ခဲ့ရသည်။ အီရန်ဘက်ကလည်း အစ္စရေးနှင့် ပင်လယ်ကွေ့ဒေသရှိအမေရိကန်စခန်းများကို ဒုံးကျည်နှင့်ဒရုန်း ရာပေါင်းများစွာဖြင့် ပြန်လည် တုံ့ပြန်တိုက်ခိုက်ခဲ့သည်။ထိုကဲ့သို့ စစ်ရေးတင်းမာမှုများ အထွတ်အထိပ်သို့ရောက်ရှိနေချိန်တွင် ဥရောပကော်မရှင် ဥက္ကဋ္ဌ ဗွန်ဒါလီယန်က အခြေအနေများကို ဆွေးနွေးရန် အရေးပေါ်အစည်းအဝေးအား ရုံးပိတ်ရက်အပြီး တနင်္လာနေ့ (မတ် ၂) မှ သာ ကျင်းပမည်ဟု ကြေညာခဲ့ခြင်းက ဝေဖန်မှုများကို မီးလောင်ရာ လေပင့်ဖြစ်စေခဲ့သည်။ လူမှုကွန်ရက်အသုံးပြုသူများနှင့် သတင်းမီဒီယာများက EU ၏ လုပ်ဆောင်ပုံမှာ အရေးပေါ်အခြေအနေထက် ရုံးပိတ်ရက် အနားယူမှုကို ပိုမိုဦးစားပေးနေသည်ဟု ရှုမြင်ကြပြီး "ရုံးချိန်ကို လေးစားပါ" ဟူသော စကားရပ်ဖြင့် ခနဲ့ကာ လှောင်ပြောင်ခဲ့ကြသည်။ အချို့ကမူ EU ၏ ယခုကဲ့သို့ ကြန့်ကြာနေမှုသည် ပထဝီနိုင်ငံရေးအရ မစွမ်းဆောင်နိုင်မှုကို ပြသနေခြင်းဖြစ်ကြောင်း သို့မဟုတ် အကျပ်အတည်းမှာ အလိုအလျောက် ပြေလည်သွားမည့်အချိန်ကို စောင့်ဆိုင်းနေခြင်းဖြစ်နိုင်ကြောင်း ထောက်ပြခဲ့ကြသည်။ဥရောပနိုင်ငံများအကြားတွင်လည်း တုံ့ပြန်မှုများကွဲပြားလျက်ရှိရာ ပြင်သစ်၊ ဂျာမနီနှင့် ဗြိတိန်တို့က အမေရိကန်-အစ္စရေးတို့၏ တိုက်ခိုက်မှု တွင် ပါဝင်ခြင်းမရှိကြောင်း ပြောဆိုသော်လည်း အီရန်၏ တုံ့ပြန်မှုကို ရှုတ်ချခဲ့ကြသည်။ အခြားတစ်ဖက်တွင်မူ စပိန်နှင့် နော်ဝေနိုင်ငံတို့က ထိုတိုက်ခိုက်မှုများသည် ဒေသတွင်းတင်းမာမှုကို ပိုမိုဆိုးရွားစေမည်ဟု သတိပေးခဲ့ကြသည်။ကမ္ဘာ့အင်အားကြီးနိုင်ငံများဖြစ်သော ရုရှားနှင့် တရုတ်နိုင်ငံတို့ကမူ အမေရိကန်-အစ္စရေးတို့၏ လုပ်ဆောင်ချက်သည် နိုင်ငံတကာဥပဒေနှင့် အချုပ်အခြာအာဏာကို ချိုးဖောက်ခြင်းဖြစ်သည်ဟု ပြင်းထန်စွာ ရှုတ်ချခဲ့ကြပြီး စစ်ရေးအရတိုက်ခိုက်မှုများကို ချက်ချင်းရပ်တန့်ကာ သံတမန် ရေးရာ နည်းလမ်းဖြင့်ဖြေရှင်းရန် တောင်းဆိုခဲ့ကြသည်။ ထို့ပြင် အိန္ဒိယ၊ ဘရာဇီးနှင့် အာဖရိကသမဂ္ဂတို့ကလည်း ဒေသတွင်းစစ်မီး မကူးစက် စေရန် ဘက်ပေါင်းစုံမှ ထိန်းထိန်းသိမ်းသိမ်းဆောင်ရွက်ကြရန် တိုက်တွန်းထားကြသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 3-Mar-2026
ယူကရိန်း၊ ရုရှားနှင့် အမေရိကန်တို့၏ နောက်တစ်ကြိမ် ငြိမ်းချမ်းရေး ဆွေးနွေးပွဲ ယခုသီတင်းပတ်အတွင်း ကျင်းပမည်
ယူကရိန်း၊ ရုရှားနှင့် အမေရိကန်တို့၏ နောက်တစ်ကြိမ် ငြိမ်းချမ်းရေးဆွေးနွေးပွဲ ယခုသီတင်းပတ်အတွင်း ကျင်းပမည်
ယူကရိန်းပဋိပက္ခကို ဖြေရှင်းရန်အတွက် မော်စကို၊ ကိယက်ဗ်နှင့် ဝါရှင်တန် တို့အကြား နောက်တစ်ကြိမ်ဆွေးနွေးပွဲကို ယခုသီတင်းပတ်အတွင်း ကျင်းပ သွားရန် မျှော်လင့်ရကြောင်း ယူကရိန်းသမ္မတ ဗလာဒီမာ ဇီလန်စကီးက တနင်္လာနေ့ (မတ် ၂) တွင် ပြောကြားခဲ့သည်။ မူလက မတ်လ ၅ ရက်မှ ၈ ရက်အတွင်း ကျင်းပရန်စီစဉ်ခဲ့သော်လည်း ယခုအခါ မတ်လ ၅ ရက် သို့မဟုတ် ၆ ရက်တွင် စတင်နိုင်ဖွယ်ရှိနေသည်။ ဆွေးနွေးပွဲကျင်းပမည့်နေရာနှင့်ပတ်သက်၍ ယခင်က အာရပ်စော်ဘွားများ ပြည်ထောင်စု (UAE)၊ အဘူဒါဘီမြို့တွင်ကျင်းပရန် လျာထားသော်လည်း အရှေ့အလယ်ပိုင်းရှိ အမေရိကန်၊ အစ္စရေးနှင့် အီရန်တို့အကြား တင်းမာမှုများကြောင့် တူရကီ သို့မဟုတ် ဆွစ်ဇာလန်နိုင်ငံသို့ ပြောင်းရွှေ့ ကျင်းပနိုင်ခြေရှိကြောင်း ဇီလန်စကီးက ဆိုသည်။ရုရှားနှင့် ယူကရိန်းတို့သည် အမေရိကန်၏ ကြားဝင်စေ့စပ်မှုဖြင့် လပေါင်းများစွာ ဆွေးနွေးမှုများ ပြုလုပ်ခဲ့ကြပြီး ယခုအခါ အဆိုပါလုပ်ငန်းစဉ်သည် နောက်ဆုံးအဆင့်သို့ ချဉ်းကပ်နေပြီဟု သတင်းများက ဖော်ပြနေသည်။ ဖေဖော်ဝါရီလလယ်က ဂျီနီဗာတွင် ပြုလုပ်ခဲ့သည့် ဆွေးနွေးပွဲတွင် နှစ်ဖက်ကိုယ်စားလှယ်များက လုံခြုံရေးဆိုင်ရာ ကန့်သတ်ချက်များနှင့် လက်တွေ့အကောင်အထည်ဖော်မည့် နည်းလမ်းများကို အသေးစိတ်ညှိနှိုင်းခဲ့ကြသည်။ ရုရှားဘက်မှ အဓိကစေ့စပ်ညှိနှိုင်းသူ ဗလာဒီမာ မီဒင်စကီး ကလည်း ဆွေးနွေးမှုများသည် ခက်ခဲသော်လည်း အပြုသဘောဆောင်သည့် လုပ်ငန်းသဘောမျိုး ဖြစ်ခဲ့သည်ဟု မှတ်ချက်ပြုထားသည်။အခြားတစ်ဖက်တွင်မူ အမေရိကန်က အီရန်အပေါ် တိုက်ခိုက်မှုများပြုလုပ်ခဲ့ခြင်းကြောင့် ရုရှား၏ ယုံကြည်မှုအပေါ် မေးခွန်းထုတ်မှုများရှိနေ သော်လည်း ကရင်မလင်ပြောရေးဆိုခွင့်ရှိသူ ဒမီထရီ ပက်စကော့ဗ်ကဆွေးနွေးပွဲများကို ဆက်လက်လုပ်ဆောင်ရန်မှာ ရုရှား၏ အကျိုးစီးပွား ဖြစ်ကြောင်းနှင့် အမေရိကန်၏ စေ့စပ်ညှိနှိုင်းမှုကြိုးပမ်းချက်များကို အလေးထားဆဲဖြစ်ကြောင်း ပြောကြားခဲ့သည်။ သို့သော်လည်း ရုရှား အနေဖြင့် လက်ရှိအခြေအနေကို သတိကြီးစွာသုံးသပ်နေပြီး "မိမိ ကိုယ်ကိုယ်သာ ယုံကြည်သည်" ဟု ပက်စကော့ဗ်က ဖြည့်စွက်ပြောဆိုခဲ့သည်။ ယခုလာမည့် ဆွေးနွေးပွဲတွင် နိုင်ငံသုံးနိုင်ငံမှ ခေါင်းဆောင်များထံတင်ပြရန် အဆိုပြုချက်မူကြမ်းများကို ရေးဆွဲသွားကြမည်ဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 3-Mar-2026
© Copyright 2024 SAC All Rights Reserved.