နေပြည်တော်ကောင်စီဥပဒေကို ပြင်ဆင်သည့်ဥပဒေ
News Image
နေပြည်တော်ကောင်စီဥပဒေကို ပြင်ဆင်သည့်ဥပဒေ
moi
MM-News-Category
ဆက်စပ်သတင်းများ
လွှတ်တော်ကိုယ်စားလှယ်များခင်ဗျား-တတိယအကြိမ် ပြည်သူ့လွှတ်တော် ပထမပုံမှန်အစည်းအဝေးကို တက်ရောက်လာကြတဲ့ ပြည်သူ့လွှတ်တော်ကိုယ်စားလှယ်များနဲ့ ဧည့်သည်တော်များ အားလုံးကိုယ်စိတ်နှစ်ဖြာ သုခချမ်းသာရရှိကြ၍ ကောင်းကျိုးလိုအင်ဆန္ဒများပြည့်ဝလျက် ကျက်သရေမင်္ဂလာအဖြာဖြာနဲ့ ပြည့်စုံကြပါစေကြောင်း ဦးစွာဆုမွန်ကောင်းတောင်းရင်း နှုတ်ခွန်းဆက်သအပ်ပါတယ်။ကိုယ်စားလှယ်များက ပြည်သူများကိုယ်စား ကျွန်တော့်ကို ပြည်သူ့လွှတ်တော်ဥက္ကဋ္ဌအဖြစ် ရွေးကောက်တင်မြှောက်ပေးခဲ့ကြတဲ့အတွက် လွှတ်တော်ကိုယ်စားလှယ်များနှင့် ပြည်သူများအားလုံးကို အထူးကျေးဇူးတင်ဝမ်းမြောက်ဝမ်းသာဂုဏ်ယူပါကြောင်းနှင့် ကျွန်တော့်ဘဝရဲ့ တစ်သက်တာအမှတ်တရအဖြစ် ရင်ဝယ်လေးစားစွာ သိမ်းဆည်းထားပါကြောင်း ပြောကြားလိုပါတယ်။လွှတ်တော်ကိုယ်စားလှယ်များခင်ဗျား-ဒီနေ့ဟာ လွတ်လပ်ပြီးတရားမျှတသော ပါတီစုံဒီမိုကရေစီအထွေထွေရွေးကောက်ပွဲကြီး အောင်မြင်စွာကျင်းပပြီးစီးတဲ့အတွက် ပြည်သူလူထုတစ်ရပ်လုံး လိုလားတောင်းတသည့် ပါတီစုံဒီမိုကရေစီစနစ် ဖြစ်ထွန်းပေါ်ပေါက်လာစေရန် ပြည်သူ့ဆန္ဒနဲ့အညီ တတိယအကြိမ် ပြည်သူ့လွှတ်တော်ကြီး ပေါ်ပေါက်လာတဲ့ သမိုင်းမှတ်တမ်းတင် ဂုဏ်ယူစရာနေ့တစ်နေ့လည်း ဖြစ်ပါတယ်။ကိုယ်စားလှယ်များက ကျွန်တော့်ကို ယုံကြည်စွာ တာဝန်အပ်နှင်းမှုအပေါ် အလေးအနက်ခံယူပြီး ဒီတာဝန်ကိုကျေပွန်စေရန် ဖွဲ့စည်းပုံအခြေခံဥပဒေ၊ သက်ဆိုင်ရာဥပဒေများ၊ နည်းဥပဒေများနဲ့အညီ အကောင်းဆုံးကြိုးပမ်းဆောင်ရွက်သွားမှာဖြစ်ကြောင်းလည်း အလေးအနက်ထား ကတိပြုအပ်ပါတယ်။ လွှတ်တော်ကိုယ်စားလှယ်များ တစ်ဦးနှင့်တစ်ဦး ရင်းရင်းနှီးနှီး ချစ်ချစ်ခင်ခင် ပွင့်ပွင့်လင်းလင်းနဲ့ ဒီမိုကရေစီကျင့်စဉ်အတိုင်း တက်ညီလက်ညီ ဝိုင်းဝန်းဖော်ဆောင်သွားကြစေလိုပါတယ်။ ဒါ့အပြင် သဘောထားကြီးခြင်း၊ သည်းခံခွင့်လွှတ်ခြင်း၊ အပြန်အလှန်လေးစားခြင်း၊ အပြန်အလှန် ပူးပေါင်းဆောင်ရွက်ခြင်းတို့ဖြင့် အားလုံးနဲ့အတူ နိုင်ငံတော်နဲ့ ပြည်သူများအတွက် ပိုမိုကောင်းမွန်တဲ့အနာဂတ် တစ်နည်းပြောရရင် ပိုမိုခိုင်မာပြည်မြန်မာကြီးကို ဖော်ဆောင်ပေးနိုင်မယ်လို့ အလေးအနက် ယုံကြည်ပါကြောင်းလည်း ပြောကြားလိုပါတယ်။လွှတ်တော်ကိုယ်စားလှယ်များခင်ဗျား-ဖွဲ့စည်းပုံအခြေခံဥပဒေအရ နိုင်ငံတော်ရဲ့အချုပ်အခြာ မဏ္ဍိုင်သုံးရပ်အနက် ဥပဒေပြုရေးမဏ္ဍိုင်သည် လွှတ်တော်၏ အဓိကတာဝန်ဖြစ်ပါတယ်။ ထို့အပြင် နိုင်ငံတော်အာဏာမဏ္ဍိုင်သုံးရပ်ကို တတ်နိုင်သမျှ ပိုင်းခြားသုံးစွဲခြင်းနဲ့ အချင်းချင်း အပြန်အလှန်ထိန်းကျောင်းခြင်းတို့ ပြုရမှာဖြစ်ပြီး ပြည်သူကို ကိုယ်စားပြုခြင်းကိုလည်း ဆောင်ရွက်သွားရမှာဖြစ်ပါတယ်။ ဒီလိုဆောင်ရွက်တဲ့နေရာမှာ တည်ဆဲဥပဒေ၊ နည်းဥပဒေ၊ စည်းမျဉ်း၊ စည်းကမ်းများကို ချမှတ်အကောင်အထည်ဖော်ဆောင်ရွက်လျက်ရှိတဲ့ နိုင်ငံရေးရည်မှန်းချက်၊ ခေတ်စနစ်အခြေ အနေများနဲ့ ကိုက်ညီမှုရှိစေရန်ပြင်ဆင်ခြင်း၊ ပယ်ဖျက်ခြင်း၊ အသစ်ပြဋ္ဌာန်းခြင်းတို့ကို ဆောင်ရွက်ကြရမှာဖြစ်ပါတယ်။လွှတ်တော်ကိုယ်စားလှယ်များဟာ ပြည်သူက ရွေးချယ်တင်မြှောက်ပေးလိုက်တဲ့ ပြည်သူ့ကိုယ်စားလှယ်များဖြစ်တာနဲ့အညီ ပြည်သူများနဲ့ ထိတွေ့ဆွေးနွေးပြီး ပြည်သူ့အသံ၊ ပြည်သူ့ဆန္ဒကို ပြည်သူ့ကိုယ်စား ဖော်ဆောင်ပေးရန်အတွက် ကြိုးပမ်းဆောင်ရွက်ကြရမှာဖြစ်သကဲ့သို့ နိုင်ငံတော်နဲ့ ပြည်သူ့ကောင်းကျိုးအတွက် လွှတ်တော်ရဲ့ဆောင်ရွက်ချက်များကိုလည်း ပြည်သူများ နားလည်သဘောပေါက်စေရန် ပြန်လည်မျှဝေပေးရမှာက လွှတ်တော်ကိုယ်စားလှယ်များရဲ့တာဝန်ပဲဖြစ်ပါတယ်။လွှတ်တော်ကိုယ်စားလှယ်များခင်ဗျား-အချုပ်အားဖြင့် မိမိတို့လွှတ်တော်ကိုယ်စားလှယ်တွေဟာ လွှတ်တော်ရဲ့လုပ်ငန်းတာဝန်တွေကို ထမ်းဆောင်တဲ့နေရာမှာ နိုင်ငံတော်နဲ့ ပြည်သူလူထု၏အကျိုးစီးပွား ဖွံ့ဖြိုးတိုးတက်ရေးကိုရှေးရှုပြီး အချင်းချင်း စည်းလုံးညီညွတ်စွာဖြင့် လက်တွဲပူးပေါင်းဆောင်ရွက်ကြပါစို့လို့ တိုက်တွန်းရင်း နိဂုံးချုပ်ပါတယ်ခင်ဗျား။MOI
Tue, 17-Mar-2026
, 
, 
, 
, 
နေပြည်တော် မတ် ၁၆တတိယအကြိမ် ပြည်သူ့လွှတ်တော် ပထမပုံမှန်အစည်းအဝေး ပထမနေ့ကို ယနေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်သူ့လွှတ်တော် အစည်းအဝေးခန်းမ၌ စတင်ကျင်းပသည်။အစည်းအဝေးသို့ တိုင်းဒေသကြီးနှင့်ပြည်နယ်များမှ ရွေးကောက်ခံ ပြည်သူ့လွှတ်တော်ကိုယ်စားလှယ်များနှင့် တပ်မတော်သား ပြည်သူ့လွှတ်တော်ကိုယ်စားလှယ်များ တက်ရောက်ကြသည်။ဦးစွာ အစည်းအဝေးသို့ တက်ရောက်လာကြသည့် ပြည်သူ့လွှတ်တော်ကိုယ်စားလှယ်များက ပြည်သူ့လွှတ်တော်ဥက္ကဋ္ဌနှင့် ဒုတိယဥက္ကဋ္ဌတို့ ရွေးကောက်တင်မြှောက်ခြင်းပြီးသည်အထိ အစည်းအဝေးကို ကြီးကြပ်ကွပ်ကဲနိုင်ရန် ပြည်သူ့လွှတ်တော်ကိုယ်စားလှယ်တစ်ဦးအား သဘာပတိအဖြစ်တင်မြှောက်ကြရာ သဘာပတိလောင်းအဖြစ်တင်မြှောက်ရန် အမည်စာရင်းတင်သွင်းသူ နှစ်ဦးရှိသည့်အတွက် လျှို့ဝှက်ဆန္ဒမဲပေးရွေးချယ်ရာ မဲအများဆုံးရရှိသည့် ဒဂုံမဲဆန္ဒနယ်မှ ဒေါက်တာနန္ဒကျော်စွာကို သဘာပတိအဖြစ် ရွေးချယ်တင်မြှောက်ကြသည်။ ထို့နောက် သဘာပတိ ဒေါက်တာနန္ဒကျော်စွာက ပြည်သူ့လွှတ်တော်၏ရှေ့မှောက်၌ သဘာပတိအဖြစ် ကတိသစ္စာပြုပြီး ကတိသစ္စာပြုလွှာပေါ်တွင် လက်မှတ်ရေးထိုးကာ နှုတ်ခွန်းဆက်စကား ပြောကြားသည်။ယင်းနောက် သဘာပတိက တတိယအကြိမ် ပြည်သူ့လွှတ်တော် ပထမပုံမှန်အစည်းအဝေးသို့ တက်ရောက်ခွင့်ရှိသည့် ပြည်သူ့လွှတ်တော်ကိုယ်စားလှယ် (၃၇၃) ဦးရှိသည့်အနက် ကိုယ်စားလှယ်အားလုံး တက်ရောက်ကြသည့်အတွက် ရာနှုန်းပြည့်ဖြင့် တတိယအကြိမ် ပြည်သူ့လွှတ်တော် ပထမပုံမှန်အစည်းအဝေး အထမြောက်ကြောင်းနှင့် အစည်းအဝေးကို စတင်ကျင်းပကြောင်း ကြေညာသည်။ဆက်လက်၍ ပြည်သူ့လွှတ်တော်ကိုယ်စားလှယ်များက သဘာပတိရှေ့မှောက်၌ ကတိသစ္စာပြုကြပြီး ကတိသစ္စာပြုလွှာပေါ်တွင် လက်မှတ်ရေးထိုးကြသည်။ထို့နောက် ပြည်သူ့လွှတ်တော်ဥက္ကဋ္ဌ ရွေးချယ်တင်မြှောက်ရာ ရပ်စောက်မဲဆန္ဒနယ်မှ ဒေါက်တာပွင့်ဆန်းက ပြည်သူ့လွှတ်တော်ဥက္ကဋ္ဌလောင်းအဖြစ် ဇေယျာသီရိမဲဆန္ဒနယ်မှ ဦးခင်ရီတစ်ဦးတည်းကိုသာ အမည်စာရင်းတင်သွင်းပြီး ပုသိမ်မဲဆန္ဒနယ်မှ ဦးသန်းထွန်းက ထောက်ခံသည့်အတွက် ၂၀၁၃ ခုနှစ် ပြည်သူ့လွှတ်တော်ဆိုင်ရာ နည်းဥပဒေ (၁၁)အရ ဇေယျာသီရိမဲဆန္ဒနယ်မှ ဦးခင်ရီအား ပြည်သူ့လွှတ်တော်ဥက္ကဋ္ဌအဖြစ် တင်မြှောက်ကြောင်း သဘာပတိကကြေညာသည်။ယင်းနောက် ပြည်သူ့လွှတ်တော် ဒုတိယဥက္ကဋ္ဌအဖြစ် ရွေးကောက်တင်မြှောက်ရာ စစ်ကိုင်းမဲဆန္ဒနယ်မှ ဦးသက်ပုံက ပြည်သူ့လွှတ်တော် ဒုတိယဥက္ကဋ္ဌလောင်းအဖြစ် တပ်ကုန်းမဲဆန္ဒနယ်မှ ဦးမောင်မောင်အုန်းတစ်ဦးတည်းကိုသာ အမည်စာရင်းတင်သွင်းပြီး ပုဗ္ဗသီရိမဲဆန္ဒနယ်မှ ဦးလှဆွေက ထောက်ခံသည့်အတွက် ၂၀၁၃ ခုနှစ် ပြည်သူ့လွှတ်တော်ဆိုင်ရာ နည်းဥပဒေ (၁၃)အရ တပ်ကုန်းမဲဆန္ဒနယ်မှ ဦးမောင်မောင်အုန်းအား ဒုတိယဥက္ကဋ္ဌအဖြစ်တင်မြှောက်ကြောင်း သဘာပတိကကြေညာသည်။ဆက်လက်၍ ပြည်သူ့လွှတ်တော်ဥက္ကဋ္ဌနှင့် ဒုတိယဥက္ကဋ္ဌအဖြစ် ရွေးကောက်တင်မြောက်ခြင်းခံရသည့် ဦးခင်ရီနှင့် ဦးမောင်မောင်အုန်းတို့က သဘာပတိ၏ရှေ့မှောက်၌ ကတိသစ္စာပြုကြပြီး ကတိသစ္စာပြုလွှာပေါ်တွင် လက်မှတ်ရေးထိုးကြသည်။ထို့နောက် သဘာပတိက ၂၀၁၃ ခုနှစ် ပြည်သူ့လွှတ်တော်ဆိုင်ရာ နည်းဥပဒေ ၁၅အရ ပြည်သူ့လွှတ်တော်ဥက္ကဋ္ဌ ဦးခင်ရီကို တာဝန်လွှဲအပ်သည်။ယင်းနောက် ပြည်သူ့လွှတ်တော်ဥက္ကဋ္ဌက နှုတ်ခွန်းဆက်စကားပြောကြားရာတွင် တတိယအကြိမ် ပြည်သူ့လွှတ်တော် ပထမပုံမှန်အစည်းအဝေးကို တက်ရောက်လာကြတဲ့ ပြည်သူ့လွှတ်တော်ကိုယ်စားလှယ်များနှင့် ဧည့်သည်တော်များအားလုံး ကိုယ်စိတ်နှစ်ဖြာ သုခချမ်းသာရရှိကြ၍ ကောင်းကျိုးလိုအင်ဆန္ဒများပြည့်ဝလျက် ကျက်သရေမင်္ဂလာအဖြာဖြာနှင့် ပြည့်စုံကြပါစေကြောင်း ဦးစွာဆုမွန်ကောင်းတောင်းရင်း နှုတ်ခွန်းဆက်သပါကြောင်း။ကိုယ်စားလှယ်များက ပြည်သူများကိုယ်စား ကျွန်တော့်ကို ပြည်သူ့လွှတ်တော်ဥက္ကဋ္ဌအဖြစ် ရွေးကောက်တင်မြှောက်ပေးခဲ့ကြတဲ့အတွက် လွှတ်တော်ကိုယ်စားလှယ်များနှင့် ပြည်သူများအားလုံးကို အထူးကျေးဇူးတင် ဝမ်းမြောက်ဝမ်းသာဂုဏ်ယူပါကြောင်းနဲ့ ကျွန်တော့်ဘဝရဲ့ တစ်သက်တာအမှတ်တရအဖြစ် ရင်ဝယ်လေးစားစွာ သိမ်းဆည်းထားပါကြောင်း။ဒီနေ့ဟာ လွတ်လပ်ပြီးတရားမျှတသော ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာကျင်းပပြီးတဲ့နောက်မှာ ပြည်သူလူထုတစ်ရပ်လုံး လိုလားတောင်းတသည့် ပါတီစုံဒီမိုကရေစီစနစ် ဖြစ်ထွန်းပေါ်ပေါက်လာစေရန် ပြည်သူ့ဆန္ဒနဲ့အညီ တတိယအကြိမ် ပြည်သူ့လွှတ်တော်ကြီး ပေါ်ပေါက်လာတဲ့ သမိုင်းမှတ်တမ်းတင် ဂုဏ်ယူစရာနေ့တစ်နေ့လည်း ဖြစ်ပါကြောင်း။ကိုယ်စားလှယ်များက ကျွန်တော့်အား ယုံကြည်စွာ တာဝန်အပ်နှင်းမှုအပေါ် အလေးအနက်ခံယူပြီး ဒီတာဝန်ကိုကျေပွန်စေရန် ဖွဲ့စည်းပုံအခြေခံဥပဒေ၊ သက်ဆိုင်ရာဥပဒေ၊ နည်းဥပဒေများနှင့်အညီ အကောင်းဆုံး ကြိုးပမ်းဆောင်ရွက်သွားမှာဖြစ်ကြောင်းလည်း အလေးအနက်ထား ကတိပြုအပ်ပါတယ်။ လွှတ်တော်ကိုယ်စားလှယ်များ တစ်ဦးနှင့်တစ်ဦး ရင်းရင်းနှီးနှီးချစ်ချစ်ခင်ခင် ပွင့်ပွင့်လင်းလင်းနှင့် ဒီမိုကရေစီကျင့်စဉ်အတိုင်း တက်ညီလက်ညီ ဝိုင်းဝန်းဖော်ဆောင်သွားကြစေလိုပါတယ်။ ဒါ့အပြင် သဘောထားကြီးခြင်း၊ သည်းခံခွင့်လွှတ်ခြင်း၊ အပြန်အလှန်လေးစားခြင်း၊ အပြန်အလှန် ပူးပေါင်းဆောင်ရွက်ခြင်းတို့ဖြင့် အားလုံးနှင့်အတူ နိုင်ငံတော်နှင့် ပြည်သူများအတွက် ပိုမိုကောင်းမွန်တဲ့အနာဂတ် တစ်နည်းပြောရရင် ပိုမိုခိုင်မာပြည်မြန်မာကို ဖော်ဆောင်ပေးနိုင်မယ်လို့ အလေးအနက် ယုံကြည်ပါကြောင်း။ဖွဲ့စည်းပုံအခြေခံဥပဒေအရ နိုင်ငံတော်ရဲ့အချုပ်အခြာမဏ္ဍိုင်သုံးရပ်အနက် ဥပဒေပြုရေးမဏ္ဍိုင်သည် လွှတ်တော်၏ အဓိကတာဝန်ဖြစ်ပါတယ်။ ထို့အပြင် နိုင်ငံတော်အာဏာမဏ္ဍိုင်သုံးရပ်ကို တတ်နိုင်သမျှ ပိုင်းခြားသုံးစွဲခြင်းနှင့် အချင်းချင်း အပြန်အလှန်ထိန်းကျောင်းခြင်းတို့ ပြုရမှာဖြစ်ပြီး ပြည်သူကို ကိုယ်စားပြုခြင်းကိုလည်း ဆောင်ရွက်ရမှာဖြစ်ပါတယ်။ ဒီလိုဆောင်ရွက်တဲ့နေရာမှာ တည်ဆဲဥပဒေ၊ နည်းဥပဒေ၊ စည်းမျဉ်း၊ စည်းကမ်းများကို ချမှတ်အကောင်အထည်ဖော် ဆောင်ရွက်လျက်ရှိတဲ့ နိုင်ငံရေးရည်မှန်းချက်၊ ခေတ်စနစ်အခြေအနေများနှင့် ကိုက်ညီမှုရှိစေရန်ပြင်ဆင်ခြင်း၊ ပယ်ဖျက်ခြင်း၊ အသစ်ပြဋ္ဌာန်းခြင်းတို့ကို ဆောင်ရွက်ကြရမှာဖြစ်ပါကြောင်း။လွှတ်တော်ကိုယ်စားလှယ်များဟာ ပြည်သူက ရွေးကောက်တင်မြှောက်ပေးလိုက်တဲ့ ပြည်သူ့ကိုယ်စားလှယ်များဖြစ်သည်နှင့်အညီ ပြည်သူများနှင့် ထိတွေ့ဆွေးနွေး၍ ပြည်သူ့အသံ၊ ပြည်သူ့ဆန္ဒကို ပြည်သူကိုယ်စား ဖော်ဆောင်ပေးရန်အတွက် ကြိုးပမ်းဆောင်ရွက်ကြရမှာဖြစ်သကဲ့သို့ နိုင်ငံတော်နှင့် ပြည်သူ့ကောင်းကျိုးအတွက် လွှတ်တော်ရဲ့ဆောင်ရွက်ချက်များကိုလည်း ပြည်သူများ နားလည်သဘောပေါက်စေရန် ပြန်လည်မျှဝေပေးရမှာက လွှတ်တော်ကိုယ်စားလှယ်များရဲ့ တာဝန်ပဲဖြစ်ပါကြောင်း။အချုပ်အားဖြင့် မိမိတို့လွှတ်တော်ကိုယ်စားလှယ်တွေဟာ လွှတ်တော်ရဲ့လုပ်ငန်းတာဝန်များကို ထမ်းဆောင်တဲ့နေရာမှာ နိုင်ငံတော်နှင့် ပြည်သူလူထု၏ အကျိုးစီးပွား ဖွံ့ဖြိုးတိုးတက်ရေးကိုရှေးရှုပြီး အချင်းချင်းစည်းလုံးညီညွတ်စွာဖြင့် လက်တွဲပူးပေါင်းဆောင်ရွက်ကြပါစို့လို့ ပြောကြားပါသည်။ထို့နောက် တတိယအကြိမ် ပြည်သူ့လွှတ်တော် ပထမပုံမှန်အစည်းအဝေး ပထမနေ့ကို ရပ်နားလိုက်ပြီး အစည်းအဝေးဒုတိယနေ့ ကျင်းပမည့် နေ့ရက်နှင့်အချိန်ကို အသိပေးကြေညာသွားမည်ဖြစ်ကြောင်း သိရသည်။MOI
Mon, 16-Mar-2026
အမေရိကန်သမ္မတ ဒေါ်နယ်ထရမ့်သည် ၎င်း၏ အုပ်ချုပ်ရေးအဖွဲ့၏ အပြတ်အသတ်အောင်နိုင်မှုကို သံသယဖြစ်စေရန်ရည်ရွယ်ပြီး အီရန်နိုင်ငံ နှင့်ပူးပေါင်းကြံစည်နေသည်ဟုစွပ်စွဲကာ မီဒီယာအဖွဲ့အစည်းများကို နိုင်ငံတော်သစ္စာဖောက်မှု (Treason) စွဲချက်များဖြင့် အရေးယူမည်ဟု ခြိမ်းခြောက်လိုက်သည်။တနင်္ဂနွေနေ့ (မတ် ၁၅) က ၎င်း၏ Truth Social ပလက်ဖောင်း၌ ရေးသားရာတွင် ထရမ့်က "သတင်းတု" (Fake news) ထုတ်လွှင့်နေသည့် မီဒီယာများသည် အီရန်နိုင်ငံက Artificial Intelligence (AI) နည်းပညာကိုအသုံးပြု၍ ဖန်တီးထားသော မှားယွင်းသည့် သတင်းအချက်အလက်များကို ဖြန့်ဝေနေကြောင်း စွပ်စွဲခဲ့သည်။"အမှန်တရားမှာ အီရန်သည် အကြီးအကျယ်ပျက်စီးဆုံးရှုံးနေခြင်းဖြစ်ပြီး ၎င်းတို့ 'အနိုင်ရသည်' ဟု ပြောဆိုနေသော တိုက်ပွဲများသည် AI နည်းပညာ ဖြင့် ဖန်တီးထားခြင်းသာ ဖြစ်သည်။ ထိုအကြောင်းအရာများကို အကျင့်ပျက် မီဒီယာများက ဖြန့်ဝေပေးနေခြင်း ဖြစ်သည်" ဟု ထရမ့်က ရေးသား ခဲ့သည်။ထရမ့်၏ အဆိုအရ အီရန်သည် အမေရိကန်၏ စစ်ဘက်ဆိုင်ရာ ပိုင်ဆိုင်မှုများဖြစ်သည့် လေယာဉ်ဆီဖြည့်သည့် လေယာဉ်များနှင့် ရေတပ် သင်္ဘောများ တိုက်ခိုက်ခံခဲ့ရသည်ဟု ပြသသည့် အတုအယောင် ဗီဒီယိုဖိုင်များကို ဖန်တီးဖြန့်ဝေနေကြောင်း သိရှိရသည်။ထို့အပြင် ၎င်းက အမှန်တကယ်မဟုတ်သည့် Kamikaze ရေယာဉ်များ နှင့် USS Abraham Lincoln လေယာဉ်တင်သင်္ဘော မီးလောင်နေသည့် ပုံများသည် အီရန်၏စစ်ရေးအောင်မြင်မှုကို ပုံဖော်ရန် AI ဖြင့် ဖန်တီးထားသည့် ဝါဒဖြန့်မှုများသာ ဖြစ်ကြောင်း ပယ်ချခဲ့သည်။ ဖေဖော်ဝါရီလ ၂၈ ရက်တွင် တိုက်ခိုက်မှုများစတင်ဖြစ်ပွားခဲ့ပြီးနောက်ပိုင်း အမေရိကန် လေယာဉ်တစ်စင်းသာ ထိခိုက်ပျက်စီးခဲ့ပြီး ဝန်ဆောင်မှုမပေးနိုင်ဘဲ ရပ်နားထားရကြောင်း ၎င်းက အခိုင်အမာ ပြောကြားခဲ့သည်။ထရမ့်က အဆိုပါသတင်းများကို ဖော်ပြသည့် မီဒီယာများကို "အကျင့်ပျက် မျိုးချစ်စိတ်မရှိသော သတင်းအဖွဲ့အစည်းများ" ဟု ခေါ်ဆိုခဲ့ပြီး တမင် သက်သက် ဖန်တီးထားသော သတင်းတုများကို ဖြန့်ဝေသည့်အတွက် "နိုင်ငံတော်သစ္စာဖောက်မှု (Treason) ဖြင့် အရေးယူခံရသင့်သည်" ဟု ထပ်လောင်းပြောကြားခဲ့သည်။အမေရိကန်နှင့် အစ္စရေးတို့သည် ဖေဖော်ဝါရီလနှောင်းပိုင်းတွင် အီရန် နိုင်ငံအပေါ် ပူးတွဲတိုက်ခိုက်မှုများ စတင်ခဲ့ပြီးနောက် အီရန်ဘက်မှလည်း တန်ပြန်တိုက်ခိုက်မှုများ ပြုလုပ်ခဲ့သည်။ သတင်းများအရ အမေရိကန် လေယာဉ် ၁၀ စင်းကျော် ထိခိုက်ပျက်စီး သို့မဟုတ် ဖျက်ဆီးခံခဲ့ရကြောင်း၊ ယင်းတို့အထဲတွင် ဆော်ဒီအာရေဗျ၌ ထိခိုက်ခဲ့သည့် လေယာဉ်ဆီဖြည့်သည့် လေယာဉ်များ၊ မိတ်ဖက်တပ်ဖွဲ့အချင်းချင်း ပစ်ခတ်မိခြင်း (Friendly fire) ကြောင့် ဆုံးရှုံးခဲ့ရသည့် တိုက်လေယာဉ်များ၊ ဒရုန်းယာဉ်အများအပြား၊ အီရတ်တွင် ပျက်ကျခဲ့သည့် လေယာဉ်ဆီဖြည့်သည့် လေယာဉ်တစ်စင်းတို့အပြင် ဒေသတွင်းရှိ စစ်အခြေစိုက်စခန်းများပါ ထိခိုက်ပျက်စီးမှုများရှိကြောင်း သိရှိရသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Mon, 16-Mar-2026
စလိုဗက်ကီးယားနိုင်ငံအတွက် ရုရှားရေနံတင်သွင်းရာတွင် အသက်သွေးကြောသဖွယ် အရေးပါသည့် ဒရူဇ်ဘာ (Druzhba) ရေနံပိုက်လိုင်းကို ယူကရိန်းသမ္မတ ဗလာဒီမာ ဇီလန်စကီးအနေဖြင့် မည်သည့်အခါမျှ ပြန်လည်ဖွင့်လှစ်ပေးတော့မည်မဟုတ်ကြောင်း စလိုဗက်ကီးယား ဝန်ကြီးချုပ် ရောဘတ်ဖီကိုက တရားဝင် ပြောကြားလိုက်သည်။ ပြီးခဲ့သည့် ဇန်နဝါရီလနှောင်းပိုင်းတွင် ယူကရိန်းဘက်က ရုရှား၏ ဒရုန်း တိုက်ခိုက်မှုကြောင့် ပိုက်လိုင်းပျက်စီးသွားခဲ့ရသည်ဟုဆိုကာ ရေနံစီးဆင်းမှု ကို ရပ်တန့်ခဲ့သော်လည်း ဘရာတီစလာဗာနှင့် ဘူဒါပက်စ်တို့ကမူ ယင်းပြောဆိုချက်ကိုငြင်းဆန်ကာ ယူကရိန်း၏ နိုင်ငံရေးအရ အကျပ်ကိုင် ခြိမ်းခြောက်မှုတစ်ခုသာဖြစ်ကြောင်း တုံ့ပြန်ထားသည်။ဝန်ကြီးချုပ်ဖီကိုက အဆိုပါဖြစ်ရပ်သည် ယူကရိန်းအပေါ် စစ်ရေးအရ ငွေကြေးထောက်ပံ့ခြင်းကို ဆန့်ကျင်ပြီး ငြိမ်းချမ်းရေးကိုသာ လိုလားသည့် စလိုဗက်ကီးယားနှင့် ဟန်ဂေရီတို့၏ ရပ်တည်ချက်ကြောင့် ဇီလန်စကီး က ၎င်းတို့အား အပြစ်ပေးခြင်းဖြစ်ကြောင်း စွပ်စွဲခဲ့သည်။ထို့အပြင် ပိုက်လိုင်းအခြေအနေကိုစစ်ဆေးရန်အတွက် အချက်အလက်ရှာဖွေရေး အဖွဲ့ စေလွှတ်ခွင့်မရရှိခြင်းအပေါ် ဥရောပသမဂ္ဂ (EU) ၏ မူဝါဒကိုလည်း ၎င်းက ပြင်းထန်စွာ ဝေဖန်ခဲ့သည်။ EU အနေဖြင့်ယူကရိန်းအပေါ် ကြီးမားသည့်ဘဏ္ဍာရေးဆိုင်ရာ ဖိအားပေးနိုင်သည့် အခွင့်အရေးရှိသော်လည်း တမင်သက်သက် ရှောင်လွှဲနေပြီး ယူကရိန်း၏ အကျိုးစီးပွားကိုသာ ဦးစားပေးနေကြောင်း ဝန်ကြီးချုပ် ဖီကိုက ထောက်ပြ ပြောဆိုခဲ့သည်။ဟန်ဂေရီဝန်ကြီးချုပ် ဗစ်တာ အော်ဘန်ကလည်း ယူကရိန်းအစိုးရသည် တစ်စုံတစ်ခုကို ဖုံးကွယ်ရန်အတွက်သာ ယခုကဲ့သို့ စစ်ဆေးခွင့်များကို တားဆီးနေခြင်းဖြစ်သည်ဟု သုံးသပ်ထားသည်။ ယူကရိန်း၏ EU နှင့် NATO အဖွဲ့ဝင်ဖြစ်လာရေးကို ကန့်ကွက်ထားခြင်းနှင့် ရုရှား-ယူကရိန်း ပဋိပက္ခတွင် စစ်ရေးအရ ငွေကြေးထောက်ပံ့ရန် ငြင်းဆန်ထားခြင်းတို့ကြောင့် ဟန်ဂေရီနှင့် စလိုဗက်ကီးယား နိုင်ငံတို့သည် ယူကရိန်းနှင့် သံတမန်ရေးရာတင်းမာမှုများ ဖြစ်ပေါ်လျက်ရှိသည်။ လက်ရှိတွင် အဆိုပါပိုက်လိုင်းပြဿနာသည် အဖွဲ့ဝင်နိုင်ငံအချင်းချင်းကြား စွမ်းအင်လုံခြုံရေးနှင့် နိုင်ငံရေးရပ်တည်ချက်တို့အပေါ် ကြီးမားသော စိန်ခေါ်မှုတစ်ရပ် ဖြစ်လာနေသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Mon, 16-Mar-2026
ကမ္ဘာ့စွမ်းအင်သယ်ယူပို့ဆောင်ရေးအတွက် အရေးပါသည့် ဟော်မုဇ် ရေလက်ကြားမှတစ်ဆင့် အိန္ဒိယနိုင်ငံ၏သင်္ဘောများ ဘေးကင်းစွာ ဖြတ်သန်းသွားလာနိုင်ရေးအတွက် အိန္ဒိယနိုင်ငံသည် အီရန်နိုင်ငံနှင့် သံတမန်ရေးရာ တိုက်ရိုက်ဆွေးနွေးမှုများကို အရှိန်အဟုန်မြှင့် လုပ်ဆောင် လျက်ရှိသည်။ အိန္ဒိယနိုင်ငံခြားရေးဝန်ကြီး အက်စ် ဂျိုင်ရှန်ကာက ယင်းကဲ့သို့ ဆွေးနွေးညှိနှိုင်းခြင်းသည် ပဋိပက္ခများကို အဖြေရှာရန်အတွက် အထိရောက်ဆုံးနည်းလမ်းဖြစ်ကြောင်း ပြောကြားခဲ့သည်။ အမေရိကန်သမ္မတ ဒေါ်နယ်ထရမ့်က အီရန်၏ တိုက်ခိုက်မှုများမှ ကာကွယ်ရန် ရေတပ်အင်အားစုများစေလွှတ်ရန် တိုက်တွန်းထား သော်လည်း အိန္ဒိယအနေဖြင့် စစ်ရေးဖိအားပေးခြင်းထက် သံတမန်နည်းလမ်းဖြင့်သာ ချဉ်းကပ်လျက်ရှိသည်။ ယင်းသံတမန်ရေးရာကြိုးပမ်းမှု များ၏ အစိတ်အပိုင်းအဖြစ် ဝန်ကြီးချုပ် နာရန်ဒရာမိုဒီသည် အီရန် သမ္မတ မာဆွတ် ပီဇက်ရှ်ခီယန်နှင့် ဖုန်းဖြင့် ဆွေးနွေးခဲ့သကဲ့သို့ နိုင်ငံခြားရေး ဝန်ကြီး ဂျိုင်ရှန်ကာသည်လည်း အီရန် နိုင်ငံခြားရေးဝန်ကြီး အဘတ်စ် အာရက်ချီနှင့် ဖေဖော်ဝါရီလကုန်ပိုင်းမှစ၍ လေးကြိမ်တိုင်တိုင် ဆွေးနွေးခဲ့ပြီးဖြစ်သည်။အဆိုပါ ဆွေးနွေးမှုများ၏ရလဒ်အဖြစ် အိန္ဒိယအလံတင်ထားသော ဂက်စ်တင် သင်္ဘောအချို့ကို ဟော်မုဇ်ရေလက်ကြားမှတစ်ဆင့် ဘေးကင်းစွာ ဖြတ်သန်းခွင့် ရရှိခဲ့သည်။ သို့သော်လည်း ၎င်းသည် နှစ်နိုင်ငံအကြား ပုံသေ သဘောတူညီချက် (Blanket Arrangement) ရယူထားခြင်းမဟုတ်ဘဲ သင်္ဘော တစ်စီးချင်းစီ၏ အခြေအနေအရ သီးခြားညှိနှိုင်းဆောင်ရွက်နေခြင်းဖြစ်ကြောင်း ဂျိုင်ရှန်ကာက ရှင်းပြခဲ့သည်။ နှစ်နိုင်ငံအကြား ရှိရင်းစွဲ ခိုင်မာသော သက်တမ်းရင့်ဆက်ဆံရေးကိုအကြောင်းပြု၍ အိန္ဒိယ သင်္ဘောများအတွက် လမ်းကြောင်းဖွင့်ပေးထားခြင်းကို အီရန်ဘက်ကလည်း အတည်ပြုထားသည်။ ဝန်ကြီး ဂျိုင်ရှန်ကာကမူ ထိုသို့သော အပြုသဘော ဆောင်သည့် ဆွေးနွေးမှုများသည် အိန္ဒိယအတွက်သာမက ကမ္ဘာ့ရေကြောင်း သွားလာမှု လုံခြုံရေးအတွက်ပါ ပိုမိုကောင်းမွန်သည့်ရလဒ်များ ဖြစ်ပေါ်စေလိမ့် မည်ဟု ယုံကြည်ကြောင်း ထပ်လောင်းပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Mon, 16-Mar-2026