နေပြည်တော်ကောင်စီဥပဒေကို ပြင်ဆင်သည့်ဥပဒေ
News Image
နေပြည်တော်ကောင်စီဥပဒေကို ပြင်ဆင်သည့်ဥပဒေ
moi
MM-News-Category
ဆက်စပ်သတင်းများ
သြစတြီးယားနိုင်ငံမှ ယူကရိန်းနိုင်ငံသို့ ၂၀၂၂ ခုနှစ်မှစ၍ ဒေါ်လာ ၂၂ ဘီလီယံနီးပါးတန်ဖိုးရှိ ငွေသားနှင့်ရွှေများ လျှို့ဝှက်ပေးပို့မှုရှိကြောင်းနှင့် ယင်းကိစ္စနှင့်ပတ်သက်၍ ရှင်းလင်းချက်ပေးရန် သြစတြီးယားနိုင်ငံရေးသမားတစ်ဦးက ဘဏ္ဍာရေးဝန်ကြီးဌာနကို တောင်းဆိုကြောင်း သိရသည်။ ယူကရိန်းနိုင်ငံသို့ ယူရို ၁၂ ဘီလီယံ (ဒေါ်လာ ၁၄ ဘီလီယံခန့်) နှင့် ဒေါ်လာ ၇ ဒသမ ၇၅ ဘီလီယံခန့်ရှိသော ငွေသားနှင့် ရွှေတင်ပို့မှု ပေါင်းအကြိမ်ရေ ၁၀၃၀ ကို စစ်ဇုန်အတွင်းသို့ သယ်ယူပို့ဆောင်ခဲ့ခြင်း ဖြစ်ကြောင်း သြစတြီးယားလွတ်မြောက်ရေးပါတီ၏ အထွေထွေအတွင်းရေးမှူး ခရစ္စတီယန်ဟာဖနက်ကာကပြောသည်။သာမန်နိုင်ငံသားတစ်ဦးအနေဖြင့် ယူရို ၁၂၀၀၀ ထုတ်ယူပါက ငွေကြေးအရင်းအမြစ်ကိုသက်သေပြရပြီး ယူရို ၁၀၀၀၀ ထက်ပို၍ နယ်စပ်ဖြတ်ကျော်ပါက ကြေညာရသော်လည်း ယူကရိန်းသို့ အလုံးအရင်းဖြင့်ပေးပို့မှုများကိုမူ ဘဏ္ဍာရေးဝန်ကြီးဌာနက စုံစမ်းစစ်ဆေးခြင်း မရှိဘဲ လျစ်လျူရှုထားကြောင်း ၎င်းကဝေဖန်သည်။ယင်းကိစ္စနှင့်ပတ်သက်၍ အပြည်ပြည်ဆိုင်ရာ ငွေကြေးခဝါချမှုတိုက်ဖျက်ရေး စည်းမျဉ်းအတိုင်းစစ်ဆေးပြီး လွှတ်တော်သို့ အစီရင်ခံတင်ပြရန် ၎င်းကတောင်းဆိုထားသည်။ ယူကရိန်းနိုင်ငံတွင် အဂတိလိုက်စားမှုနှင့် ငွေအလွဲသုံးစားမှု သတင်းထွက်ပေါ်နေစဉ် ၎င်းက ယခုကဲ့သို့တောင်းဆိုခြင်း ဖြစ်သည်။ Ref: RTMWD
Wed, 13-May-2026
Wed, 13-May-2026
Wed, 13-May-2026
ဝန်ကြီးချုပ်ဟောင်း သက်ဆင်ရှင်နာဝပ်သည် ၎င်း၏ခံဝန်ကာလအတွင်း နိုင်ငံရေးတွင် ပါဝင်ပတ်သက်ခြင်းမရှိဘဲ ငြိမ်သက်နေမည်မဟုတ်ကြောင်း၊ လက်ရှိတွင် နိုင်ငံရေးမှ အပြီးတိုင် အနားမယူသေးဘဲ ပြစ်ဒဏ်ကာလ ကုန်ဆုံးသည်အထိသာ သိုသိပ်စွာနေနေခြင်းဖြစ်ကြောင်း ပညာရှင်တစ်ဦး က သုံးသပ်ပြောကြားခဲ့သည်။တစ်နှစ်ထောင်ဒဏ်အနက် ၂၄၃ ရက် ကျခံပြီးနောက် တနင်္လာနေ့ (မေ ၁၁) တွင် ခံဝန်ဖြင့် လွတ်မြောက်လာခဲ့သည့် သက်ဆင်သည် နိုင်ငံရေး လောက ၏အာရုံစိုက်မှုကို တစ်ကျော့ပြန် ရရှိလာခဲ့သည်။ချူလာလောင်ကွန်းတက္ကသိုလ်မှ နိုင်ငံရေးသိပ္ပံပညာရှင် စတီသွန်း သာနာနီ သီချော့ (Stithorn Thananithichot) က သက်ဆင်သည် လွတ်မြောက် လာပြီးနောက် စိတ်အားထက်သန်ပြီး တက်ကြွနေသည်ကို တွေ့ရကြောင်း မှတ်ချက်ပြုခဲ့သည်။ သက်ဆင်၏ နိုင်ငံရေးအခန်းကဏ္ဍသည် နေအိမ်မှ တစ်ဆင့် အလွတ်သဘော တိုင်ပင်ဆွေးနွေးမှုများ ပြုလုပ်ခြင်းကဲ့သို့သော သွယ်ဝိုက်သည့်နည်းလမ်းများဖြင့် တဖြည်းဖြည်း ပြန်လည်ပေါ်ထွက်လာ နိုင်ကြောင်း ၎င်းကခန့်မှန်းခဲ့သည်။ ထို့အပြင် သက်ဆင်၏ နိုင်ငံရေးကွန်ရက်နှင့် မိသားစုဝင်များသည် ၎င်း၏ဩဇာအာဏာကို ဆက်လက် မျှော်လင့်နေကြပြီး ၎င်း၏လမ်းစဉ်အတိုင်း အနီးကပ် လျှောက်လှမ်းနေကြဆဲဖြစ်ကြောင်း ဖြည့်စွက်ပြောကြားခဲ့သည်။"သူက ဘာမှမလုပ်ဘဲ ငြိမ်ငြိမ်လေးထိုင်ပြီး မြေးတွေကိုပဲ ကြည့်နေမယ် လို့ ထင်နေတဲ့သူတွေရှိရင်တော့ မှားပါလိမ့်မယ်" ဟု စတီသွန်းက ဆိုသည်။နိုင်ငံရေးတက်ကြွလှုပ်ရှားသူ ဂျာတူပွန် ပရွန်ပန် (Jatuporn Prompan) ကမူ ပိုမိုပြတ်သားသော သဘောထားကိုဖော်ပြခဲ့ပြီး နိုင်ငံရေးတွင် ဆက်လက်ပါဝင်ပတ်သက်နေပါက သက်ဆင်၏ လူထုထောက်ခံမှုကို ကျဆင်းစေနိုင်သည့်အပြင် ဥပဒေကြောင်းအရ အန္တရာယ်များနှင့် ထပ်မံ ရင်ဆိုင်ရနိုင်ကြောင်း သတိပေးခဲ့သည်။ အကယ်၍ သက်ဆင်သည် ကြားခံလူများမှတစ်ဆင့် ဩဇာလွှမ်းမိုးရန် ကြိုးပမ်းနေသည်ဟု ယူဆ ရပါက အငြင်းပွားမှုများ တစ်ကျော့ပြန် အားကောင်းလာနိုင်ကြောင်းလည်း ၎င်းက ဆိုသည်။တစ်ချိန်တည်းမှာပင် ဝန်ကြီးချုပ် အနုတင် ချန်ဗီရာကူးလ် (Anutin Charnvirakul) က သက်ဆင်နှင့်တွေ့ဆုံရန် အသင့်ရှိကြောင်း တနင်္လာနေ့ (မေ ၁၁) တွင် အတည်ပြုပြောကြားခဲ့သည်။ အနုတင်က ၎င်းသည် သက်ဆင် လက်ထက်တွင် လက်အောက်အရာရှိအဖြစ် တာဝန်ထမ်းဆောင်ခဲ့ဖူးသူဖြစ်ကြောင်း ပြောကြားကာ တွေ့ဆုံမှုကြောင့် နိုင်ငံရေးတင်းမာမှုများ မြင့်တက်လာနိုင်သည် ဟူသော ခန့်မှန်းချက်များကို ပယ်ချခဲ့သည်။ကလောင်ပရမ်ဗဟိုအကျဉ်းထောင်မှ လွတ်မြောက်လာပြီးနောက် သက်ဆင်ကို အီလက်ထရွန်နစ် ခြေချုပ်ကိရိယာ (EM) တပ်ဆင်ပေးခဲ့ပြီး ခံဝန်စည်းကမ်းချက်များကို အသိပေးခဲ့သည်။ အဆိုပါ စည်းကမ်းချက်များတွင် မှတ်ပုံတင်ထားသော နေအိမ်လိပ်စာတွင်သာ နေထိုင်ရန်၊ လစဉ် ခံဝန်အရာရှိထံ အစီရင်ခံရန် ၊ ဘန်ကောက်မြို့ပြင်ပသို့ သွားလာလိုပါက ခွင့်ပြုချက်တောင်းခံရန်နှင့် ပြည်ပသို့ ထွက်ခွာခြင်းမပြုရန်တို့ ပါဝင်သည်။၎င်း၏လှုပ်ရှားမှုများကို စောင့်ကြည့်ကြီးကြပ်သွားမည်ဖြစ်ပြီး ဆွေမျိုးမတော်စပ်သည့် အကျဉ်းသားဟောင်းများနှင့် ဆက်သွယ်ခြင်းကို ရှောင်ကြဉ်ရမည်ဖြစ်သည်။ အဆိုပါ စည်းကမ်းချက်တစ်စုံတစ်ရာကို ဖောက်ဖျက်ပါက ၎င်း၏ခံဝန်အခြေအနေကို ပြန်လည်သုံးသပ်သွားမည်ဖြစ်သည်။ရှေ့နေဖြစ်သူ၏ ပြောကြားချက်အရ သက်ဆင်သည် မေလ ၂၅ ရက်၊ ဇွန်လ ၂၇ ရက်၊ ဇူလိုင်လ ၂၉ ရက်နှင့် ဩဂုတ်လ ၃၁ ရက်နေ့တို့တွင် အစီ ရင်ခံရမည်ဖြစ်ပြီး ခံဝန်ကာလသည် စက်တင်ဘာလ ၉ ရက်နေ့တွင် ကုန်ဆုံးမည်ဟု မျှော်လင့်ရသည်။ ထို့အပြင် သက်ဆင်သည် ဘန်ကောက် ရှိ ဆေးရုံတစ်ခုတွင် ကျန်းမာရေးစစ်ဆေးမှုများ ခံယူရန်လည်း ရှိနေသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 12-May-2026
မော်ရိုကိုနိုင်ငံတွင် ပြုလုပ်သည့် African Lion စစ်ရေးလေ့ကျင့်မှုအတွင်း ပျောက်ဆုံးသွားခဲ့သော အမေရိကန်စစ်သည်နှစ်ဦးအနက် တစ်ဦး၏ ရုပ်အလောင်းကို အတ္တလန်တိတ် သမုဒ္ဒရာအတွင်းမှ ပြန်လည်ဆယ်ယူ ရရှိခဲ့ကြောင်း စစ်ဘက်ဆိုင်ရာတာဝန်ရှိသူများက တနင်္ဂနွေနေ့ (မေ ၁၁) တွင် ပြောကြားခဲ့သည်။သေဆုံးသူမှာ ဗာဂျီးနီးယားပြည်နယ်၊ ရစ်ချ်မွန်မြို့မှ အသက် ၂၇ နှစ် အရွယ် လေကြောင်းရန်ကာကွယ်ရေးတပ်ဖွဲ့မှ အရာရှိ ဒုတိယဗိုလ် Kendrick Lamont Key Jr. ဖြစ်ကြောင်း အတည်ပြုထားသည်။ ၎င်း၏ ရုပ်အလောင်းကို မေလ ၉ ရက် ဒေသစံတော်ချိန် နံနက် ၈:၅၅ နာရီခန့်တွင် စစ်သည်နှစ်ဦး ရေထဲသို့ကျသွားသည်ဟု ယူဆရသည့်နေရာမှ တစ်မိုင်ခန့်အကွာရှိ ကမ်းခြေတစ်လျှောက်တွင် မော်ရိုကိုစစ်ဘက် ရှာဖွေရေးအဖွဲ့က တွေ့ရှိခဲ့ခြင်း ဖြစ်ကြောင်း ကြည်းတပ်က ဆိုသည်။အမေရိကန်ကြည်းတပ်၏ ထုတ်ပြန်ချက်အရ ဒုတိယဗိုလ် Key သည် အမှတ် (၁၀) လေကြောင်းနှင့်ဒုံးကျည်ကာကွယ်ရေး ကွပ်ကဲမှုဌာနချုပ်၊ အမှတ် (၄) လေကြောင်းရန်ကာကွယ်ရေးတပ်ရင်း၊ အမှတ် (၅) တပ်ခွဲ၊ Charlie Battery မှ တပ်စုမှူးတစ်ဦး ဖြစ်သည်။Key နှင့် အခြားအမေရိကန်စစ်သည်တစ်ဦးတို့သည် မေလ ၂ ရက်နေ့က Tan-Tan မြို့အပြင်ဘက်ရှိ ချောက်ကမ်းပါးများ၊ သဲကန္တာရများနှင့် ကုန်းမြင့်လွင်ပြင်များရှိရာ Cap Draa လေ့ကျင့်ရေးနယ်မြေအနီးတွင် ပျောက်ဆုံးသွားခဲ့ခြင်းဖြစ်သည်။ ၎င်းတို့နှစ်ဦးသည် ထိုနေ့အစောပိုင်းက African Lion 26 စစ်ရေးလေ့ကျင့်မှုတွင် ပါဝင်ခဲ့ကြသော်လည်း တာဝန်ပြီးဆုံး၍ အနားယူချိန်အတွင်း တောင်တက်ခရီးထွက်စဉ် ချောက်ကမ်းပါးပေါ်မှ ပြုတ်ကျသွားခဲ့ခြင်းဖြစ်ကြောင်း တာဝန်ရှိသူများက ပြောကြားခဲ့သည်။ဒုတိယမြောက် စစ်သည်မှာမူ ယခုထက်ထိ ပျောက်ဆုံးနေဆဲဖြစ်ပြီး ရှာဖွေကယ်ဆယ်ရေးလုပ်ငန်းများကို ဆက်လက် လုပ်ဆောင်လျက်ရှိသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 12-May-2026