ထိုင်းနိုင်ငံတွင် သင်္ကြန်ကာလ ပထမနှစ်ရက်အတွင်း ယာဉ်မတော်တဆမှုများကြောင့် ၇၁ ဦး သေဆုံး

KookieSpace97

News Image

  • ထိုင်းနိုင်ငံတွင် သင်္ကြန်ကာလ ပထမနှစ်ရက်အတွင်း ယာဉ်မတော်တဆမှု များကြောင့် ၇၁ ဦး သေဆုံး

ထိုင်းနိုင်ငံတွင် သင်္ကြန်ရုံးပိတ်ရက် ပထမနှစ်ရက်အတွင်း ဖြစ်ပွားခဲ့သည့် ယာဉ်မတော်တဆမှုများကြောင့် လူပေါင်း ၇၁ ဦး သေဆုံးပြီး ၃၁၇ ဦး ဒဏ်ရာရရှိခဲ့ကြောင်း သိရှိရသည်။ သောကြာနှင့် စနေ (ဧပြီ ၁၀ နှင့် ၁၁) နေ့များတွင် ဖြစ်ပွားခဲ့သော ယာဉ်မတော်တဆမှုပေါင်း ၃၄၄ ကြိမ်မှ ထိခိုက်သေဆုံးသူများ ဖြစ်ကြောင်း ပြည်သူ့ကျန်းမာရေးဝန်ကြီးဌာန ဒုတိယအမြဲတမ်းအတွင်းဝန် ဒေါက်တာ ဆိုဖွန် အီယန်သီရိသဝမ် (Dr Sophon Iamsirithaworn) က တနင်္ဂနွေနေ့ (ဧပြီ ၁၂) တွင် ပြောကြား ခဲ့သည်။

Nan ပြည်နယ်တွင် မတော်တဆမှု အများဆုံး (၁၇ ကြိမ်) ဖြစ်ပွား ခဲ့သည်။ မြောက်ပိုင်းပြည်နယ်များဖြစ်သည့် Nan နှင့် Lampang ပြည်နယ်တို့တွင် ဒဏ်ရာရရှိသူ ၁၇ ဦးစီဖြင့် အများဆုံးဖြစ်ခဲ့ပြီး၊ Prachin Buri နှင့် Phitsanulok ပြည်နယ်တို့တွင် သေဆုံးသူ ၄ ဦးစီဖြင့် အများဆုံး ဖြစ်ပွား ခဲ့သည်။

စနေနေ့ (ဧပြီ ၁၁) တစ်ရက်တည်းတွင်ပင် တစ်နိုင်ငံလုံး၌ ယာဉ် မတော်တဆမှု ၂၀၈ ကြိမ် ဖြစ်ပွားခဲ့ရာ ၅၀ ဦး သေဆုံးပြီး ၁၈၅ ဦး ဒဏ်ရာ ရရှိခဲ့သည်။ မတော်တဆမှုဖြစ်ပွားရသည့် အဓိကအကြောင်းရင်းမှာ အရှိန်ပြင်းစွာမောင်းနှင်ခြင်း (၄၅ ရာခိုင်နှုန်း) နှင့် အရက်သေစာ သောက်စားပြီး မောင်းနှင်ခြင်း (၂၅ ရာခိုင်နှုန်း) တို့ကြောင့် ဖြစ်သည်။ မတော်တဆမှု များ၏ ၆၁ ရာခိုင်နှုန်းမှာ မော်တော်ဆိုင်ကယ်များ ဖြစ်ကြောင်း သိရှိ ရသည်။

သင်္ကြန်ကာလ ခရီးသွားအများစုမှာ ၎င်းတို့၏ခရီးစဉ်အသီးသီးသို့ ရောက်ရှိ နေကြပြီဖြစ်သော်လည်း သင်္ကြန်ကာလ လမ်းဘေးကင်းလုံရေး လှုပ်ရှားမှု များကိုမူ ဆက်လက်ဆောင်ရွက်နေကြောင်း ဒေါက်တာ ဆိုဖွန်က ပြောကြားခဲ့သည်။

ကိုးကား- Bangkok Post

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ထိုင်းနိုင်ငံတွင် သင်္ကြန်ကာလ ပထမနှစ်ရက်အတွင်း ယာဉ်မတော်တဆမှု များကြောင့် ၇၁ ဦး သေဆုံး
ထိုင်းနိုင်ငံတွင် သင်္ကြန်ကာလ ပထမနှစ်ရက်အတွင်း ယာဉ်မတော်တဆမှုများကြောင့် ၇၁ ဦး သေဆုံး
ထိုင်းနိုင်ငံတွင် သင်္ကြန်ရုံးပိတ်ရက် ပထမနှစ်ရက်အတွင်း ဖြစ်ပွားခဲ့သည့် ယာဉ်မတော်တဆမှုများကြောင့် လူပေါင်း ၇၁ ဦး သေဆုံးပြီး ၃၁၇ ဦး ဒဏ်ရာရရှိခဲ့ကြောင်း သိရှိရသည်။ သောကြာနှင့် စနေ (ဧပြီ ၁၀ နှင့် ၁၁) နေ့များတွင် ဖြစ်ပွားခဲ့သော ယာဉ်မတော်တဆမှုပေါင်း ၃၄၄ ကြိမ်မှ ထိခိုက်သေဆုံးသူများ ဖြစ်ကြောင်း ပြည်သူ့ကျန်းမာရေးဝန်ကြီးဌာန ဒုတိယအမြဲတမ်းအတွင်းဝန် ဒေါက်တာ ဆိုဖွန် အီယန်သီရိသဝမ် (Dr Sophon Iamsirithaworn) က တနင်္ဂနွေနေ့ (ဧပြီ ၁၂) တွင် ပြောကြား ခဲ့သည်။Nan ပြည်နယ်တွင် မတော်တဆမှု အများဆုံး (၁၇ ကြိမ်) ဖြစ်ပွား ခဲ့သည်။ မြောက်ပိုင်းပြည်နယ်များဖြစ်သည့် Nan နှင့် Lampang ပြည်နယ်တို့တွင် ဒဏ်ရာရရှိသူ ၁၇ ဦးစီဖြင့် အများဆုံးဖြစ်ခဲ့ပြီး၊ Prachin Buri နှင့် Phitsanulok ပြည်နယ်တို့တွင် သေဆုံးသူ ၄ ဦးစီဖြင့် အများဆုံး ဖြစ်ပွား ခဲ့သည်။စနေနေ့ (ဧပြီ ၁၁) တစ်ရက်တည်းတွင်ပင် တစ်နိုင်ငံလုံး၌ ယာဉ် မတော်တဆမှု ၂၀၈ ကြိမ် ဖြစ်ပွားခဲ့ရာ ၅၀ ဦး သေဆုံးပြီး ၁၈၅ ဦး ဒဏ်ရာ ရရှိခဲ့သည်။ မတော်တဆမှုဖြစ်ပွားရသည့် အဓိကအကြောင်းရင်းမှာ အရှိန်ပြင်းစွာမောင်းနှင်ခြင်း (၄၅ ရာခိုင်နှုန်း) နှင့် အရက်သေစာ သောက်စားပြီး မောင်းနှင်ခြင်း (၂၅ ရာခိုင်နှုန်း) တို့ကြောင့် ဖြစ်သည်။ မတော်တဆမှု များ၏ ၆၁ ရာခိုင်နှုန်းမှာ မော်တော်ဆိုင်ကယ်များ ဖြစ်ကြောင်း သိရှိ ရသည်။သင်္ကြန်ကာလ ခရီးသွားအများစုမှာ ၎င်းတို့၏ခရီးစဉ်အသီးသီးသို့ ရောက်ရှိ နေကြပြီဖြစ်သော်လည်း သင်္ကြန်ကာလ လမ်းဘေးကင်းလုံရေး လှုပ်ရှားမှု များကိုမူ ဆက်လက်ဆောင်ရွက်နေကြောင်း ဒေါက်တာ ဆိုဖွန်က ပြောကြားခဲ့သည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 12-Apr-2026
ဒုတိယဝန်ကြီး ဒေါ်သန်းသန်းလင်း အကြိမ်(၃၀)မြောက် အာဆီယံဘဏ္ဍာရေးဝန်ကြီးများအစည်းအ‌ဝေး၊ (၁၃)ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများအစည်းအဝေးနှင့် ဆက်စပ်အစည်းအဝေးများတက်ရောက်
ဒုတိယဝန်ကြီး ဒေါ်သန်းသန်းလင်း အကြိမ်(၃၀)မြောက် အာဆီယံဘဏ္ဍာရေးဝန်ကြီးများအစည်းအ‌ဝေး၊ (၁၃)ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများအစည်းအဝေးနှင့် ဆက်စပ်အစည်းအဝေးများတက်ရောက်
နေပြည်တော် ဧပြီ ၁၁၂၀၂၆ ခုနှစ်၏ အာဆီယံအလှည့်ကျ သဘာပတိ အဖြစ်ဆောင်ရွက်သည့် ဖိလစ်ပိုင်နိုင်ငံက Virtual အစီအစဉ်ဖြင့် ဧပြီ ၉ ရက်မှ ၁၀ ရက်အထိကျင်းပသည့် (၁၃)ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေး၊ အကြိမ်(၃၀)မြောက် အာဆီယံဘဏ္ဍာရေးဝန်ကြီးများ အစည်းအဝေးနှင့်ဆက်စပ်အစည်းအဝေးများကို ဘဏ္ဍာရေးနှင့်အခွန်ဝန်ကြီးဌာန ပြည်ထောင်စုဝန်ကြီးကိုယ်စား ဒုတိယဝန်ကြီး ဒေါ်သန်းသန်းလင်း ခေါင်းဆောင်သော ကိုယ်စားလှယ်အဖွဲ့ တက်ရောက်သည်။အစည်းအဝေး၏ ပထမနေ့ဖြစ်သော ဧပြီ ၉ ရက် နံနက်ပိုင်းတွင်ကျင်းပသည့် (၁၃)ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများနှင့် အမေရိကန်ပြည်ထောင်စု၊ ဘဏ္ဍာရေးဝန်ကြီးဌာနတို့ ပူးတွဲကျင်းပသည့် AFMGM US-ASEAN Business Council အစည်းအဝေး၊ ဥရောပသမဂ္ဂနှင့်ပူးတွဲကျင်းပသည့် AFMGM EU-ASEAN Business Council အစည်းအဝေး၊ အာဆီယံစီးပွား ရေးအကြံပေးအဖွဲ့နှင့်ပူးတွဲကျင်းပသည့် AFMGM-ASEAN Business Advisory Council အစည်းအဝေး၊ ဗြိတိန်နိုင်ငံ ဘဏ္ဍာရေးဝန်ကြီးဌာနနှင့် ပူးတွဲကျင်းပသည့် AFMGM UK-ASEAN Business Council အစည်းအဝေးများတွင် အမေရိကန်ပြည်ထောင်စု၊ ဥရောပသမဂ္ဂ၊ ဗြိတိန်နိုင်ငံတို့နှင့် အာဆီယံနိုင်ငံများအကြား ရင်းနှီးမြှုပ်နှံမှုအခြေအနေများ၊ အရင်းအနှီး ဈေးကွက်များ ဖွံ့ဖြိုးတိုးတက်ရေးကိစ္စများ၊ အာမခံနှင့် MSME များတွင် ဘဏ္ဍာငွေဖြည့်ဆည်းပေးနိုင်ရေးနှင့် AI အသုံးပြုမှုတိုးမြှင့်ရေး၊ နယ်စပ်ဖြတ်ကျော်ငွေပေးချေမှုကိစ္စများ၊ Cybersecurity များ တိုးမြှင့် ဆောင်ရွက်ရေးတို့ကို ရှင်းလင်းတင်ပြရာ အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများက အကြံပြုဆွေးနွေးကြသည်။အစည်းအဝေး၏ ဒုတိယနေ့ဖြစ်သော ဧပြီ ၁၀ ရက် နံနက်ပိုင်းတွင် ကျင်းပသည့် အကြိမ်(၃၀)မြောက် အာဆီယံဘဏ္ဍာရေးဝန်ကြီးများ အစည်းအဝေးတွင် ဘဏ္ဍာရေးပူးပေါင်းဆောင်ရွက်မှု အစီအစဉ်အရ အာဆီယံအခြေခံအဆောက်အအုံရန်ပုံငွေ (ASEAN Infrastructure Fund–AIF) ဖြင့် ဆောင်ရွက် သည့်စီမံကိန်းကိစ္စရပ်များ၊ အာဆီယံအာမခံဆိုင်ရာ ပူးပေါင်းဆောင်ရွက်မှု၊ အာဆီယံနယ်စပ်ဖြတ်ကျော် မှုဆိုင်ရာကိစ္စရပ်များ၊ အာဆီယံအခွန်နှင့် အကောက်ခွန်ဆိုင်ရာပူးပေါင်းဆောင်ရွက်မှု၊ အာဆီယံပြတင်း တစ်ပေါက်စနစ်အကောင်အထည်ဖော်မှုများ၊ အာဆီယံငွေတိုက်ဆိုင်ရာကိစ္စရပ်များနှင့် အာဆီယံအရင်းအနှီးဈေးကွက် ဖွံ့ဖြိုးတိုးတက်ရေးတို့၏ ဆောင်ရွက်မှုအခြေအနေများကို ဆွေးနွေးတင်ပြကြရာ အာဆီယံဘဏ္ဍာရေးဝန်ကြီးများက ဖြည့်စွက်ဆွေးနွေးကြပြီး အစည်းအဝေးက မှတ်တမ်းတင်သည်။ဆက်လက်၍ အာရှဖွံ့ဖြိုးရေးဘဏ် ဥက္ကဋ္ဌကတင်ပြသည့် ASEAN Climate Finance Policy Platform နှင့် စပ်လျဉ်းသည့် သဘောတရားစာတမ်း (Concept Note) ကို အစည်းအဝေးက အတည်ပြုသည်။ထို့နောက် နိုင်ငံတကာငွေရေးကြေးရေး အဖွဲ့အစည်းများဖြစ်ကြသည့် အပြည်ပြည်ဆိုင်ရာ ငွေကြေးရန်ပုံငွေအဖွဲ့၊ အာရှဖွံ့ဖြိုးရေးဘဏ်နှင့် ကမ္ဘာ့ဘဏ်တို့မှ တာဝန်ရှိသူများက ကမ္ဘာလုံးဆိုင်ရာနှင့် ဒေသဆိုင်ရာစီးပွားရေးတိုးတက်မှုများနှင့် သုံးသပ်ချက်များ၊ အရင်းအနှီးဈေးကွက် ပိုမိုပေါင်းစည်းဆောင်ရွက်နိုင်ရေးအတွက် digital platforms များတည် ဆောက်ခြင်းနှင့် fintech ကဲ့သို့သော ဘဏ္ဍာရေးဆိုင်ရာနည်းလမ်းများ အသုံးပြုဆောင်ရွက်နိုင်ရေးကိစ္စရပ်များကို ရှင်းလင်းတင်ပြကြရာ အာဆီယံ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများက အမြင်ချင်းဖလှယ်ဆွေးနွေးကြသည်။မွန်းလွဲပိုင်းတွင်ကျင်းပသည့် (၁၃) ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌ များအစည်းအဝေးတွင် အိမ်ရှင်ဖိလစ်ပိုင်နိုင်ငံက ၎င်း၏အလှည့်ကျ သဘာပတိအဖြစ်ဆောင်ရွက်သည့် ကာလအတွင်းဆောင်ရွက်မည့် Priority Economic Deliverables (PEDs) ကိစ္စရပ်များ၊ ASEAN Economic Community (AEC) Strategic Plan 2026-2030 တွင်ပါဝင်သော Finance Sectoral Plan ၏ ဆောင်ရွက်မှုအခြေအနေများ၊ အာဆီယံဘဏ္ဍာရေးနှင့် ငွေရေးကြေးရေးပေါင်းစည်းမှုဆိုင်ရာ လမ်းပြမြေပုံ အကောင်အထည်ဖော်မှုအခြေအနေများ၊ ASEAN Taxonomy for Sustainable Finance Version 4 ထုတ်ဝေမည့်ကိစ္စများ၊ အာဆီယံနှင့်အာရှဖွံ့ဖြိုးရေးဘဏ်တို့၏ မဟာဗျူဟာပူးပေါင်းဆောင်ရွက်မှု (ASEAN-ADB Strategic Partnership) တိုးချဲ့ဆောင်ရွက်မှုဆိုင်ရာကိစ္စရပ်များကို ဆွေးနွေးကြရာ အစည်းအဝေးက မှတ်တမ်းတင်သည်။ထို့နောက် (၁၃)ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေး ပူးတွဲကြေညာချက်ကို အပြီးသတ်ဆွေးနွေးအတည်ပြုကြပြီး အစည်းအဝေးကို ညနေပိုင်းတွင် ရုပ်သိမ်းခဲ့သည်။အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများအစည်းအဝေးကို ယခုနှစ်တွင် ဖိလစ်ပိုင်နိုင်ငံက အိမ်ရှင်အဖြစ်လက်ခံကျင်းပခြင်းဖြစ်ပြီး လာမည့်နှစ်တွင် စင်ကာပူနိုင်ငံက အိမ်ရှင်အဖြစ် လက်ခံကျင်းပမည်ဖြစ်ကြောင်း သိရသည်။moi
Sun, 12-Apr-2026
(၂၂) ကြိမ်မြောက် အာဆီယံဗဟိုဘဏ်ဥက္ကဋ္ဌများအစည်းအဝေး၊ (၁၃) ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများအစည်းအဝေးနှင့် ဆက်စပ်အစည်းအဝေးများသို့ မြန်မာနိုင်ငံတော်ဗဟိုဘဏ်ဒုတိယဥက္ကဋ္ဌ ခေါင်းဆောင်သော ကိုယ်စားလှယ်အဖွဲ့တက်ရောက်
(၂၂) ကြိမ်မြောက် အာဆီယံဗဟိုဘဏ်ဥက္ကဋ္ဌများအစည်းအဝေး၊ (၁၃) ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများအစည်းအဝေးနှင့် ဆက်စပ်အစည်းအဝေးများသို့ မြန်မာနိုင်ငံတော်ဗဟိုဘဏ်ဒုတိယဥက္ကဋ္ဌ ခေါင်းဆောင်သော ကိုယ်စားလှယ်အဖွဲ့တက်ရောက်
နေပြည်တော်ဧပြီ ၁၁(၂၂) ကြိမ်မြောက် အာဆီယံဗဟိုဘဏ်ဥက္ကဋ္ဌများ အစည်းအဝေး (22ndASEAN Central Bank Governors’ Meeting-ACGM)၊ (၁၃) ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများအစည်းအဝေး (13th ASEAN Finance Ministers’ and Central Bank Governors’ Meeting-AFMGM) နှင့် ဆက်စပ်အစည်းအဝေးများကို ဧပြီ ၉ ရက်နှင့် ၁၀ ရက်တို့တွင် ဖိလစ်ပိုင်နိုင်ငံမှ အိမ်ရှင်အဖြစ်ကြီးမှူး၍ Fully Virtual စနစ်ဖြင့်ကျင်းပရာ မြန်မာနိုင်ငံတော်ဗဟိုဘဏ်ဒုတိယဥက္ကဋ္ဌ ဒေါက်တာစန္ဒာဦး ခေါင်းဆောင်သည့်ကိုယ်စားလှယ်အဖွဲ့ Video Conferencing ဖြင့် တက်ရောက်သည်။ဧပြီ ၉ ရက်တွင် ဆက်စပ်အစည်းအဝေးအဖြစ်ကျင်းပသည့် အာဆီယံဗဟိုဘဏ်ဥက္ကဋ္ဌများနှင့် ငွေရေးကြေးရေးအဖွဲ့အစည်းများ၏အမှုဆောင် အရာရှိချုပ်များအစည်းအဝေးတွင်အာဆီယံ ဘဏ်များအသင်းက အာဆီယံအခြေပြု Artificial Intelligence ဆိုင်ရာ စီမံခန့်ခွဲမှုနည်းလမ်းများနှင့် အာဆီယံဒေသတွင်း လိမ်လည်လှည့်ဖြားမှုများဆိုင်ရာ စီမံခန့်ခွဲမှုနည်းလမ်းများနှင့်စပ်လျဉ်း၍ ရှင်းလင်းတင်ပြမှုများအပေါ် အာဆီယံဘဏ္ဍာရေးနှင့် ဗဟိုဘဏ်ဥက္ကဋ္ဌများက အမြင်ချင်းဖလှယ်ဆွေးနွေးခဲ့ကြသည်။ထို့နောက် ငွေရေးကြေးရေးကြံ့ခိုင်မှုရှိရေးဆိုင်ရာ အဆင့်မြင့်စကားဝိုင်းဆွေးနွေးပွဲကို ဆက်လက်ကျင်းပရာ ငွေရေးကြေးရေးကြံ့ခိုင်မှုနှင့်စပ်လျဉ်း၍ ငွေရေးကြေးရေးတည်ငြိမ်ရေး ဆောင်ရွက်ချက်များ၏ အရေးပါမှုအခြေအနေများ၊ ထွန်းသစ်စနိုင်ငံများ၏ ဈေးကွက်စီးပွားရေးတွင် ပြည်တွင်းအပ်ငွေများနှင့်စပ်လျဉ်း၍ ဒစ်ဂျစ်တယ်ငွေကြေးများ၏ အခန်းကဏ္ဍဆိုင်ရာကိစ္စရပ်များ၊ ယင်းနှင့်စပ်လျဉ်း၍ ဗဟိုဘဏ်များ၏ အကောင်အထည်ဖော်ဆောင်ရွက်ချက်များနှင့် မဟာဗျူဟာနည်းလမ်းများ၊ အားလုံးပါဝင်သော လုံခြုံစိတ်ချရသည့် ဒစ်ဂျစ်တယ်ငွေရေးကြေးရေးဆိုင်ရာ အခန်းကဏ္ဍများ စသည့်ကိစ္စရပ်များအပေါ် အာဆီယံဘဏ္ဍာရေးနှင့် ဗဟိုဘဏ်ဥက္ကဋ္ဌများက အမြင်ချင်းဖလှယ်ဆွေးနွေးကြသည်။ချိတ်ဆက်အသုံးပြုဆောင်ရွက်လျက်ရှိအဆိုပါ အဆင့်မြင့်စကားဝိုင်းဆွေးနွေးပွဲတွင် မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဒေါက်တာ စန္ဒာဦးက အာဆီယံနိုင်ငံများမှ နိုင်ငံအလိုက် ငွေရေးကြေးရေးကြံ့ခိုင်မှုရှိရေးဆိုင်ရာ ဆောင်ရွက်ချက်များနှင့်စပ်လျဉ်း၍ မြန်မာနိုင်ငံတော်ဗဟိုဘဏ်အနေဖြင့် MMQR (Myanmar QR) စနစ်အား ၂၀၂၅ ခုနှစ် ဖေဖော်ဝါရီ ၂၇ ရက်တွင် တရားဝင်စတင်မိတ်ဆက်ခဲ့ပြီး MMQR သည် National QR Standard ဖြစ်ပြီး ဘဏ်များနှင့် မိုဘိုင်း Wallet များကြား ငွေပေးချေမှုများကို တစ်ပြေးညီ အပြန်အလှန်ချိတ်ဆက် အသုံးပြုဆောင်ရွက်လျက်ရှိသည့်အခြေအနေများ၊ မြန်မာနိုင်ငံတော်ဗဟိုဘဏ်၏ဦးဆောင်မှုဖြင့် ဒစ်ဂျစ်တယ် ငွေရေးကြေးရေးဆိုင်ရာ မြှင့်တင်ဆောင်ရွက်မှုများ၊ ပုဂ္ဂလိကကဏ္ဍနှင့်ချိတ်ဆက်ဆောင်ရွက်မှုအခြေအနေများ၊ စားသုံးသူအကာအကွယ်ပေးရေးနှင့် စပ်လျဉ်းသည့်ကိစ္စရပ်များ၊ ဒစ်ဂျစ်တယ်ငွေရေး ကြေးရေးဝန်ဆောင်မှုများတွင် ဆုံးရှုံးနိုင်ခြေများ အတွက်ဆိုက်ဘာလုံခြုံရေး၏ အရေးပါမှုအခြေအနေများ၊ ဒစ်ဂျစ်တယ်ငွေရေးကြေးရေးဆိုင်ရာ အများပြည်သူသို့ အသိပညာပေးရေးဆောင်ရွက်မှုအခြေအနေများကို ဆွေးနွေးသည်။ဧပြီ ၁၀ ရက်တွင် ကျင်းပသည့် (၂၂) ကြိမ်မြောက် အာဆီယံဗဟိုဘဏ်ဥက္ကဋ္ဌများ အစည်းအဝေးနှင့် (၁၃) ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေးတွင် ၂၀၂၅ ခုနှစ် အာဆီယံစီးပွားရေးအသိုက်အဝန်းဆိုင်ရာ တိုးတက်မှုအခြေအနေများနှင့် ယင်းအပေါ် အကဲဖြတ်လေ့လာခဲ့ရာတွင် တွေ့ရှိခဲ့သည့်ရလဒ်များနှင့် အကြံပြုချက်များ၊ ၂၀၂၅ ခုနှစ် မလေးရှားနိုင်ငံမှ အာဆီယံအလှည့်ကျဥက္ကဋ္ဌအဖြစ် ဆောင်ရွက်စဉ်ကာလအတွင်း အဆိုပြုခဲ့သည့် လုပ်ငန်းစဉ်များနှင့်စပ်လျဉ်း၍ ဆက်လက် ဆောင်ရွက်ရမည့်အခြေအနေများ၊ ၂၀၂၆ ခုနှစ်တွင် ဦးစားပေးဆောင်ရွက်မည့်လုပ်ငန်းစဉ်များ၊ ၂၀၂၆-၂၀၃၀ ခုနှစ်များတွင် ဆက်လက်ဆောင်ရွက်မည့် မဟာဗျူဟာလုပ်ငန်းစဉ်များ၊ အာဆီယံငွေကြေးဖလှယ်မှုအစီအစဉ်ဆိုင်ရာနားလည်မှုစာချွန်လွှာ လက်မှတ်ရေးထိုးရေးကိစ္စရပ်များ၊ အာဆီယံငွေကြေးနှင့် ငွေရေးကြေးရေးပေါင်းစည်းရေးလမ်းပြမြေပုံအရဆောင်ရွက်လျက်ရှိသည့် သက်ဆိုင်ရာလုပ်ငန်းကော်မတီများ၏ တိုးတက်မှုအခြေအနေများ၊ အာဆီယံဒေသအတွင်းရှိ စီးပွားရေးလုပ်ငန်းများနှင့် ရင်းနှီးမြှုပ်နှံမှုများကို ပတ်ဝန်းကျင်နှင့် သဟဇာတဖြစ်မှုအလိုက် စနစ်တကျခွဲခြားသတ်မှတ်ခြင်းဆိုင်ရာ စတုတ္ထအကြိမ် အစီရင်ခံစာထုတ်ဝေမှုနှင့် စပ်လျဉ်းသည့်အခြေအနေများ စသည့်ကိစ္စရပ်များအပေါ် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများက အမြင်ချင်းဖလှယ်ဆွေးနွေးခဲ့ကြပြီး အတည်ပြုချက်ရယူသည့် ကိစ္စရပ်များကို အတည်ပြုပေးခဲ့ကြသည်။အမြင်ချင်းဖလှယ်ဆွေးနွေးထို့အပြင် ဆက်စပ်အစည်းအဝေးဖြစ်သည့် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများနှင့် အပြည်ပြည်ဆိုင်ရာငွေရေးကြေးရေးအဖွဲ့အစည်းများ အစည်းအဝေးတွင် အရင်းအနှီးဈေးကွက်များပေါင်းစည်းရာ၌ ငွေရေးကြေးရေးဆိုင်ရာ တီထွင်ဆန်းသစ်မှုများ၏ အခန်းကဏ္ဍများ၊ ရင်းနှီးမြှုပ်နှံမှုများတွင် ပွင့်လင်းမြင်သာမှုနှင့် ဘဏ္ဍာရေးစည်းမျဉ်းဆိုင်ရာ ကိစ္စရပ်များအတွက် အပြည်ပြည်ဆိုင်ရာ ငွေရေးကြေးရေးအဖွဲ့အစည်းများမှ ရှင်းလင်းတင်ပြမှု များအပေါ် အာဆီယံဘဏ္ဍာရေးနှင့် ဗဟိုဘဏ်ဥက္ကဋ္ဌများက အမြင်ချင်းဖလှယ်ဆွေးနွေးခဲ့ကြသည်။ထို့နောက် (၁၃) ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေး၏ ပူးတွဲကြေညာချက်အား အပြီးသတ်ဆွေးနွေး၍ အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများကအတည်ပြုခဲ့ကြပြီး (၁၄) ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများအစည်းအဝေးကို လာမည့် ၂၀၂၇ ခုနှစ်တွင် စင်ကာပူနိုင်ငံကအိမ်ရှင်အဖြစ်လက်ခံ ကျင်းပသွားမည်ဖြစ်ကြောင်း သိရသည်။moi
Sun, 12-Apr-2026
လျှပ်စစ်နှင့်စွမ်းအင်ဝန်ကြီးဌာနနှင့် တရုတ်ပြည်သူ့သမ္မတနိုင်ငံ North Petro-Chem Corporation (Myanmar) Limited တို့အကြား ထောက်ရှာပင်-ကမ်းနီရေနံမြေတွင် ရေနံတိုးမြှင့်ထုတ်လုပ်ရန်အတွက် ရေနံတိုးတက်ထုတ်ယူရရှိရေးစာချုပ် လက်မှတ်ရေးထိုးပွဲ ကျင်းပ
လျှပ်စစ်နှင့်စွမ်းအင်ဝန်ကြီးဌာနနှင့် တရုတ်ပြည်သူ့သမ္မတနိုင်ငံ North Petro-Chem Corporation (Myanmar) Limited တို့အကြား ထောက်ရှာပင်-ကမ်းနီရေနံမြေတွင် ရေနံတိုးမြှင့်ထုတ်လုပ်ရန်အတွက် ရေနံတိုးတက်ထုတ်ယူရရှိရေးစာချုပ် လက်မှတ်ရေးထိုးပွဲ ကျင်းပ
နေပြည်တော် ဧပြီ ၁၁လျှပ်စစ်နှင့်စွမ်းအင်ဝန်ကြီးဌာနသည် ကုန်းတွင်း၊ ကမ်းလွန်ရေနံနှင့် သဘာဝဓာတ်ငွေ့ရှာဖွေ၊ တူးဖော်၊ ထုတ်လုပ်ခြင်းလုပ်ငန်းများဆောင်ရွက်နိုင်ရန် အပြည်ပြည်ဆိုင်ရာ တင်ဒါများခေါ်ယူခဲ့ပြီး တင်ဒါအောင်မြင်သည့် ပြည်တွင်း၊ ပြည်ပကုမ္ပဏီများနှင့် စာချုပ်များချုပ်ဆို၍ နိုင်ငံတော်အတွက် နစ်နာမှုမရှိစေရေးတာဝန်ယူ၍ စိစစ်ဆောင်ရွက်လျက်ရှိသည်။လျှပ်စစ်နှင့်စွမ်းအင်ဝန်ကြီးဌာနနှင့် North Petro-Chem Corporation (Myanmar) Limited တို့အကြား ထောက်ရှာပင်- ကမ်းနီရေနံမြေတွင် ရေနံတိုးမြှင့်ထုတ်လုပ်ရန်အတွက် ရေနံတိုးတက်ထုတ်ယူရေး စာချုပ်လက်မှတ်ရေးထိုးပွဲအခမ်းအနားကို ယမန်နေ့က နေပြည်တော် Park Royal Hotel ၌ ကျင်းပခဲ့ရာ ပြည်ထောင်စုဝန်ကြီး ဦးကိုကိုလွင်၊ ဒုတိယဝန်ကြီးများ၊ အမြဲတမ်းအတွင်းဝန်၊ ညွှန်ကြားရေးမှူးချုပ်များ၊ ဦးဆောင်ညွှန်ကြားရေးမှူးများနှင့် ကုမ္ပဏီမှ တာဝန်ရှိသူများ တက်ရောက်ကြသည်။ဦးစွာ ပြည်ထောင်စုဝန်ကြီးက မိမိတို့နိုင်ငံတော်အစိုးရအဖွဲ့အသစ်အနေဖြင့် နိုင်ငံတော်၏ စာမျက်နှာသစ်စတင်ဖွင့်လှစ်သည့် အခါသမယတွင် နိုင်ငံတော်နှင့် ပြည်သူများအတွက် အထူးလိုအပ်နေသော ရေနံစိမ်းတိုးမြှင့် ထုတ်လုပ်နိုင်ရန် သဘောတူစာချုပ်ချုပ်ဆိုနိုင်ခြင်းသည် လွန်စွာဂုဏ်ယူဖွယ်ဖြစ်ပါကြောင်း၊ ရေနံစိမ်းများ တိုးမြှင့်ထွက်ရှိလာပါက နိုင်ငံတော်အတွက် လိုအပ်သည့် စက်သုံးဆီများ တိုးမြှင့်ချက်လုပ်လာနိုင်မည်ဖြစ်သည့်အတွက် ပြည်သူများအတွက် ချက်ချင်းလက်ငင်း အကျိုးကျေးဇူးဖြစ်ထွန်းစေမည့် စီမံကိန်းတစ်ခုဖြစ်ပါကြောင်း။မြန်မာ့ရေနံမြေများ၏ သက်တမ်းသည် နှစ်ပေါင်း ၁၀၀ ဝန်းကျင်ရှိနေသည့် သက်တမ်းရင့် ရေနံမြေများဖြစ်ပါကြောင်း၊ ယနေ့စာချုပ်ချုပ်ဆိုသည့် ထောက်ရှာပင်-ကမ်းနီ ရေနံမြေသည်လည်း သက်တမ်းနှစ် ၅၀ ခန့်ရှိပြီဖြစ်ရာ အထွက်တိုးလာစေရန်အတွက် ခေတ်မီနည်းပညာများကို အသုံးပြု ရမည်ဖြစ်သည်နှင့်အညီ မှန်ကန်သည့် နည်းပညာရွေးချယ်အသုံးပြုနိုင်မှု၊ သင့်လျော်သည့် စက်ပစ္စည်းကိရိယာ ‌ရွေးချယ်အသုံးပြုနိုင်မှု၊ လိုအပ်သည့် လူ့စွမ်းအားအရင်းအမြစ်နှင့် အရင်းအနှီး စိုက်ထုတ်နိုင်မှု၊ အတွေ့အကြုံရှိမှု စသည့်လိုအပ်ချက်များကို ဟန်ချက်ညီဖြည့်ဆည်းနိုင်ရန် လိုအပ်သည်ဖြစ်ရာ ယင်းအခြေခံလိုအပ်ချက်များကိုစိစစ်ပြီး အသင့်လျော်ဆုံးဖြစ်သည့် အဖွဲ့အစည်းအားရွေးချယ်၍ စာချုပ်ချုပ်ဆိုခဲ့ခြင်းဖြစ်ပါကြောင်း။တိုးတက်ထွက်ရှိလာမည်ထို့အပြင် ပြည်တွင်းရေနံစိမ်းလိုအပ်ချက်ကို ထပ်မံဖြည့်ဆည်းနိုင်ရန် ပြည်တွင်းတိုင်းရင်းသားလုပ်ငန်းရှင်များအနေဖြင့် ရေနံတူးဖော်ခြင်းလုပ်ငန်းကို စနစ်တကျဆောင်ရွက်လာတတ်စေရန်နှင့် သဘာဝပတ်ဝန်းကျင် ထိခိုက်ပျက်စီးမှုများမှ ကာကွယ်စေရန် ရည်ရွယ်ချက်များဖြင့် ရေနံလက်ယက်တွင်းများ တူးဖော်နေခြင်းကို ပိတ်သိမ်းစေပြီး ပြည်တွင်းလုပ်ငန်းရှင်အဖွဲ့အစည်း ၃၆ ခုအား နည်းစနစ်ကျတွင်း (Standard Well) တူးဖော်ထုတ် လုပ်နိုင်ရန် ခွင့်ပြုပေးခဲ့ပြီးဖြစ်ရာ မကြာမီအချိန်အတွင်း စတင်ဆောင်ရွက်နိုင်မည်ဖြစ်သည့်အတွက် ရေနံစိမ်းများ တိုးတက်ထွက်ရှိလာမည်ဖြစ်ပါကြောင်း။နိုင်ငံတော်အနေဖြင့် စက်သုံးဆီသုံးစွဲမှု ၉၇ ရာခိုင်နှုန်းကို ဝယ်ယူတင်သွင်းနေရသည်ဖြစ်ရာ ယခုကဲ့သို့ ကမ္ဘာတစ်ဝန်း စက်သုံးဆီအခက်အခဲများ ဖြစ်ပေါ်လာချိန်တွင် မိမိတို့ပြည်သူများအနေဖြင့် လွန်စွာခက်ခဲသည့် အခြေအနေတစ်ရပ်ကို ရင်ဆိုင်နေကြရပါကြောင်း၊ ယင်းအခက်အခဲများမှ လွတ်မြောက်နိုင်ရေးအတွက် ရေနံနှင့် သဘာဝဓာတ်ငွေ့များ ပိုမိုတူးဖော်ထုတ်လုပ်နိုင်ရန် ဆောင်ရွက်နေသကဲ့သို့ ထွက်ရှိလာသည့် ရေနံစိမ်းများကိုလည်း ကိုယ်တိုင်ချက်လုပ်နိုင်ရန် လျှပ်စစ်နှင့် စွမ်းအင်ဝန်ကြီးဌာနအနေဖြင့် ကြိုးစားဆောင်ရွက်လျက်ရှိပါကြောင်း၊ နိုင်ငံတော်တွင် ရေနံ ချက်စက်ရုံအသစ်များ ထပ်မံထွက်ပေါ်လာစေရေးအတွက် စီမံဆောင်ရွက်နေပြီး ၁၉၈၂ ခုနှစ်ကတည်းက တည်ဆောက်ထားခဲ့သည့် သံပရာကန်ရေနံချက်စက်ရုံကိုလည်း အဆင့်မြှင့်တင်ခြင်း၊ စွမ်းအားပြည့်လည်ပတ်နိုင်ရန် ပြုပြင်မွမ်းမံခြင်းများ ဆောင်ရွက်သွားမည်ဖြစ်ပါကြောင်း ပြောကြားသည်။ထို့နောက် North Petro-Chem Corporation (Myanmar)Limited ဥက္ကဋ္ဌက ကျေးဇူးတင်စကားပြောကြားပြီး စာချုပ်ပါ ကတိကဝတ်များအတိုင်း ရလဒ်ကောင်းများ အမြန်ဆုံးပေါ်ထွက်လာစေရေး ကြိုးပမ်းဆောင်ရွက်သွားမည်ဖြစ်ပါကြောင်း ကတိပြုပြောကြားခဲ့ကြောင်း သိရသည်။moi
Sun, 12-Apr-2026
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ထံသို့ နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် ဘရာဇီးလ်နိုင်ငံ ဆောင်ပိုလိုမြို့အခြေစိုက် မြန်မာဂုဏ်ထူးဆောင်ကောင်စစ်ဝန် မစ္စတာ ရီကာဒိုစီကာရီ (Mr. Ricardo Cateb Cury) ထံမှ ဝမ်းမြောက်ကြောင်း သဝဏ်လွှာပေးပို့
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ထံသို့ နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် ဘရာဇီးလ်နိုင်ငံ ဆောင်ပိုလိုမြို့အခြေစိုက် မြန်မာဂုဏ်ထူးဆောင်ကောင်စစ်ဝန် မစ္စတာ ရီကာဒိုစီကာရီ (Mr. Ricardo Cateb Cury) ထံမှ ဝမ်းမြောက်ကြောင်း သဝဏ်လွှာပေးပို့
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ထံသို့ နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် ဘရာဇီးလ်နိုင်ငံ ဆောင်ပိုလိုမြို့အခြေစိုက် မြန်မာဂုဏ်ထူးဆောင်ကောင်စစ်ဝန် မစ္စတာ ရီကာဒိုစီကာရီ (Mr. Ricardo Cateb Cury) ထံမှ ဝမ်းမြောက်ကြောင်း သဝဏ်လွှာပေးပို့moi
Sun, 12-Apr-2026
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ထံသို့ နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် ရုရှားဖက်ဒရေးရှင်းနိုင်ငံသမ္မတ၏ အကြံပေးပုဂ္ဂိုလ် မစ္စတာ အန်တွန်ကိုဗျာကော့ဗ်ထံမှ ဝမ်းမြောက်ကြောင်း သဝဏ်လွှာပေးပို့
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ထံသို့ နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် ရုရှားဖက်ဒရေးရှင်းနိုင်ငံသမ္မတ၏ အကြံပေးပုဂ္ဂိုလ် မစ္စတာ အန်တွန်ကိုဗျာကော့ဗ်ထံမှ ဝမ်းမြောက်ကြောင်း သဝဏ်လွှာပေးပို့
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ထံသို့ နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် ရုရှားဖက်ဒရေးရှင်းနိုင်ငံသမ္မတ၏ အကြံပေးပုဂ္ဂိုလ် မစ္စတာ အန်တွန်ကိုဗျာကော့ဗ်ထံမှ ဝမ်းမြောက်ကြောင်း သဝဏ်လွှာပေးပို့moi
Sun, 12-Apr-2026
© Copyright 2024 SAC All Rights Reserved.