ချစ်ကြည်ရေးခရီးလည်ပတ်ရန် အိန္ဒိယရေတပ်မှ စစ်ရေယာဉ်နှစ်စင်း ရောက်ရှိ

NoahJune222

News Image

  • ချစ်ကြည်ရေးခရီးလည်ပတ်ရန် အိန္ဒိယရေတပ်မှ စစ်ရေယာဉ်နှစ်စင်း ရောက်ရှိ

နေပြည်တော် မေ ၄

 

ပြည်ထောင်စုသမ္မတမြန်မာနိုင်ငံတော်သို့ ချစ်ကြည်ရေးခရီးလည်ပတ်ရန်အတွက် အိန္ဒိယရေတပ်မှ စစ်ရေယာဉ် INS Satpura (F-48)နှင့် INS Sunayna(P-57)တို့သည် ယနေ့ညနေပိုင်းတွင် ရန်ကုန်မြို့ရှိ သီလဝါဆိပ်ကမ်း MITT တံတားသို့ရောက်ရှိလာရာ တပ်မတော်(ရေ)မှ အရာရှိကြီးများ၊ အရာရှိ၊ စစ်သည်များနှင့် တာဝန်ရှိသူများက ကြိုဆိုနှုတ်ဆက်ကြသည်။

 

အဆိုပါ စစ်ရေယာဉ်များတွင် အရာရှိ၊ စစ်သည်စုစုပေါင်း ၅၂၇ ဦး လိုက်ပါလာပြီး မေ ၆ ရက်အထိ သုံးရက်ကြာနေထိုင်၍ ရန်ကုန်မြို့ရှိ အထင်ကရနေရာများသို့ လေ့လာလည်ပတ်သွားမည်ဖြစ်ကာ ချစ်ကြည်ရေး အားကစားပြိုင်ပွဲများလည်း ယှဉ်ပြိုင်ကစားသွားမည်ဖြစ်ကြောင်း သိရသည်။

 

သတင်းစဉ်

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

(၃၄) ကြိမ်မြောက် အမျိုးသားအဆင့် မုတ်သုံဖိုရမ် ကျင်းပ
(၃၄) ကြိမ်မြောက် အမျိုးသားအဆင့် မုတ်သုံဖိုရမ် ကျင်းပ
နေပြည်တော် မေ ၇ ပို့ဆောင်ရေးဝန်ကြီးဌာန မိုးလေဝသနှင့် ဇလဗေဒညွှန်ကြားမှုဦးစီးဌာနက ဦးစီး၍ (၃၄)ကြိမ်မြောက် အမျိုးသားအဆင့် မုတ်သုံ ဖိုရမ်ဆွေးနွေးပွဲကို ယနေ့တွင် မိုးလေဝသနှင့် ဇလဗေဒညွှန်ကြားမှုဦးစီးဌာန ဘက်စုံသဘာဝဘေး ကြိုတင်သတိပေး ဗဟိုဌာန (Multi-Hazard Early Warning Center) အစည်းအဝေးခန်းမ၌ ကျင်းပသည်။ အခမ်းအနားသို့ သဘာဝဘေးအန္တရာယ် စီမံခန့်ခွဲရေး ဆောင်ရွက်နေသော ဌာနများ၊ စိုက်ပျိုးရေးဆောင်ရွက်နေသောဌာနများ၊ ရေနှင့်ပတ်သက်၍ ဆောင်ရွက်နေသော ဌာနများ၊ အခြားဆက်စပ်ဌာနများမှ ဌာနဆိုင်ရာ ကိုယ်စားလှယ်များနှင့် မိုးလေဝသနှင့် ဇလဗေဒညွှန်ကြားမှု ဦးစီးဌာနမှ အရာထမ်း၊ အမှုထမ်းများ တက်ရောက်ကြသည်။ အခမ်းအနားတွင် ပို့ဆောင် ရေးဝန်ကြီးဌာန မိုးလေဝသနှင့် ဇလဗေဒညွှန်ကြားမှု ဦးစီးဌာန ညွှန်ကြားရေးမှူးချုပ် ဒေါက်တာ ကျော်မိုးဦးက အဖွင့်အမှာစကား ပြောကြားသည်။ ဆွေးနွေး (၃၄)ကြိမ်မြောက် မုတ်သုံဖိုရမ်တွင် ၂၀၂၆ ခုနှစ် မိုးရာသီကာလ (အနောက်တောင် မုတ်သုံရာသီ ကာလ)အတွက် မိုးလေဝသနှင့် ဇလဗေဒဆိုင်ရာ ယေဘုယျ ခန့်မှန်းချက်များကို တင်ပြ ဆွေးနွေးခြင်း၊ စိုက်ပျိုးရေးမိုးလေဝသအခြေအနေနှင့် ၂၀၂၆ ခုနှစ်တွင် ဖြစ်ပေါ်နိုင်သည့် အယ်လ်နီညို အခြေအနေနှင့် ပတ်သက်၍ တင်ပြခြင်း၊ မြန်မာနိုင်ငံနှင့် ငလျင်ဘေးအန္တရာယ်အကြောင်း တို့ကို ရှင်းလင်းတင်ပြခြင်း၊ ရာသီအလိုက် ခန့်မှန်းချက်များကို အသုံးပြုသည့် သက်ဆိုင်ရာကဏ္ဍ အသီးသီးမှ ပြီးခဲ့သည့် ၂၀၂၅- ၂၀၂၆ ခုနှစ် ဆောင်းရာသီကာလ အတွင်း ကြုံတွေ့ခဲ့ရသော ရာသီဥတုနှင့် မိုးလေဝသဆိုင်ရာ အတွေ့အကြုံများနှင့် သင်ခန်းစာများကို ဆွေးနွေးခြင်းနှင့် လာမည့် ၂၀၂၆ ခုနှစ် မိုးရာသီကာလအတွက် ကဏ္ဍအလိုက် ကြိုတင်ပြင်ဆင်မှု အခြေအနေများ ဆွေးနွေးခြင်း၊ ဖြည့်စွက် အကြံပြုချက်များကို ဆွေးနွေးခြင်းများ ဆောင်ရွက်ခဲ့ကြကြောင်း သိရသည်။ သတင်းစဉ်MDN
Fri, 8-May-2026
မကွေးတိုင်းဒေသကြီး၏ စိုက်ပျိုး၊ မွေးမြူရေးကဏ္ဍ တိုးမြှင့်လုပ်ကိုင်နိုင်ရေး ကွင်းဆင်းဆောင်ရွက်
မကွေးတိုင်းဒေသကြီး၏ စိုက်ပျိုး၊ မွေးမြူရေးကဏ္ဍ တိုးမြှင့်လုပ်ကိုင်နိုင်ရေး ကွင်းဆင်းဆောင်ရွက်
နေပြည်တော် မေ ၇ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဒေါက်တာရဲတင့်ထွန်းသည် ယမန်နေ့နံနက်ပိုင်းက မကွေး တိုင်းဒေသကြီး မြို့သစ်မြို့နယ် မင်းရပ်ကျေးရွာ တောင်သူဦးငွေစိုး ၏ လယ်မြေတွင် လက်ဆွဲကောက် စိုက်စက်ဖြင့် တိုက်ရိုက်အစေ့ချ စိုက်ပျိုးထားသော အောင်နိုင်တိုး နွေစပါးစံပြစိုက်ခင်း၌ ဒေသခံ တောင်သူများနှင့် တွေ့ဆုံသည်။ တွေ့ဆုံစဉ် ဒုတိယဝန်ကြီးက မကွေးတိုင်းဒေသကြီးသည် နိုင်ငံတော်မှ သတ်မှတ်ထားသော ပန်းတိုင်သီးနှံ ၁၃ မျိုးလုံးကို စိုက်ပျိုးထုတ်လုပ်နိုင်သော ရေ၊ မြေ၊ ရာသီဥတု အဆင်ပြေ သင့်လျော်သည့် ဒေသဖြစ်သည့် အပြင် လက်ရှိနွေစပါး၊ မိုးစပါးများ စိုက်ပျိုးရာတွင်လည်း ထိုက်လျောက် သင့်လျော်စွာ အောင်မြင်ဖြစ်ထွန်းမှုရှိပါကြောင်း၊ သို့ရာတွင် စပါးစိုက်ပျိုးသူတောင်သူများအနေဖြင့် ကုန်ကျမှုစရိတ် လျှော့ချနိုင်ရေးအတွက် သွင်းအားစု ဓာတ်မြေဩဇာများ ထည့်သွင်း အသုံးပြုရာတွင် လိုအပ်သော အချိန်တွင် သဘာဝမြေဩဇာများ ဖြင့် ရောစပ်ထည့်သွင်းခြင်းများ ပြုလုပ်ဆောင်ရွက်ကြရန် လိုအပ်ပါကြောင်း၊ ထို့အပြင် မျိုးစပါးများကို အစဉ်အမြဲဝယ်ယူသုံးစွဲခြင်း ထက် စပါးစိုက်တောင်သူများ ပူးပေါင်းဆောင်ရွက်၍ မျိုးထုတ် စိုက်ခင်းများဖြင့် ကိုယ်တိုင်မျိုးစေ့ ထုတ်ယူခြင်း လုပ်ငန်းများပါ ဆောင်ရွက်ကြစေလိုပါကြောင်း၊ မျိုးကောင်း၊ မျိုးသန့်များနှင့် နည်းပညာအကူအညီများ လိုအပ် လာပါက နီးစပ်ရာ စိုက်ပျိုးရေးဦးစီးဌာနမှ တာဝန်ရှိသူများကို အချိန်မရွေး အကူအညီတောင်းခံနိုင်ပါကြောင်း ပြောကြားပြီး တက်ရောက်လာကြသည့် တောင်သူများ၏ တင်ပြမှုများအပေါ် ဒုတိယဝန်ကြီးက သက်ဆိုင်ရာဌာနများနှင့် ပေါင်းစပ်ညှိနှိုင်း ဆောင်ရွက်ပေးသည်။ ယင်းနောက် အောင်နိုင်တိုး နွေစပါး စံပြစိုက်ခင်းကို ကွင်းဆင်း ကြည့်ရှုစစ်ဆေးပြီး ယူရီးယား ဓာတ်မြေဇာများကို ချိုသာသော ဈေးနှုန်းဖြင့် တောင်သူများ လက်ဝယ်အရောက် ရောင်းချပေး နေမှုကို ကြည့်ရှုအားပေးသည်။ ထို့နောက် ဒုတိယဝန်ကြီးသည် ရှားပင်လှကျေးရွာအုပ်စု ရွှေတင့်ထူး စိုက်ပျိုးမွေးမြူရေးဇုန်သို့ ရောက်ရှိ ရာ မကွေးမြို့နယ် စိုက်ပျိုးရေး ဦးစီးဌာနမှူးက ဇုန်အတွင်း လုပ်ငန်းဆောင်ရွက်နေမှု အခြေ အနေများကို ရှင်းလင်းတင်ပြပြီး ဇုန်အတွင်း လက်ရှိ တောင်သူများက လိုအပ်ချက်များကို ဝိုင်းဝန်း ဆွေးနွေးတင်ပြကြရာ ဒုတိယဝန်ကြီးက မြေပြုပြင်စိုက်ပျိုးဆဲ ကာလတွင် ရေခံ၊ မြေခံ ပေါ်မူတည်၍ ပုံမှန်စိုက်စနစ်အစား အကျိုး ဖြစ်ထွန်းလွယ်ကာ ပိုမိုသင့်လျော် သည့် စိုက်စနစ်အား အနည်းငယ်စီ စမ်းသပ် ပြောင်းလဲစိုက်ပျိုးရန်၊ ဇုန်အတွင်း အရိပ်ရအပင်၊ လေကာပင်များ စနစ်တကျစိုက်ပျိုး ထားကြရန်၊ စိုက်ပျိုးရေးနှင့် မွေးမြူရေးလုပ်ငန်း လုပ်ကိုင်သူ တောင်သူများ အချင်းချင်း အကျိုးတူ ပူးပေါင်းလက်တွဲ ဆောင်ရွက်ကြရန် ဆွေးနွေး မှာကြားခဲ့ကြောင်း သိရသည်။ သတင်းစဉ်MDN
Fri, 8-May-2026
ပြည်ထောင်စုဝန်ကြီး ဦးထိန်လင်း တပ်ကုန်းမြို့ရှိ မြန်မာ့အသံနှင့်ရုပ်မြင်သံကြား၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ဇေယျာသီရိမြို့နယ်ရှိ သတင်းစာတိုက်ဝန်ထမ်းများနှင့် တွေ့ဆုံ၊ လုပ်ငန်းများ ကြည့်ရှုစစ်ဆေး
ပြည်ထောင်စုဝန်ကြီး ဦးထိန်လင်း တပ်ကုန်းမြို့ရှိ မြန်မာ့အသံနှင့်ရုပ်မြင်သံကြား၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ဇေယျာသီရိမြို့နယ်ရှိ သတင်းစာတိုက်ဝန်ထမ်းများနှင့် တွေ့ဆုံ၊ လုပ်ငန်းများ ကြည့်ရှုစစ်ဆေး
နေပြည်တော် မေ ၇ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးထိန်လင်းသည် ယနေ့နံနက်ပိုင်းတွင် နေပြည်တော် တပ်ကုန်းမြို့ရှိ မြန်မာ့အသံနှင့် ရုပ်မြင်သံကြားမှ အရာထမ်း၊ အမှုထမ်းများနှင့် ဇေယျာသီရိမြို့နယ် ခရေပင်လမ်းခွဲရှိ သတင်းနှင့်စာနယ်ဇင်းလုပ်ငန်း သတင်းစာတိုက်များမှ အရာထမ်း၊ အမှုထမ်းများအား သီးခြားစီတွေ့ဆုံပြီး လုပ်ငန်းပိုင်းဆိုင်ရာများ မှာကြားသည်။ ထိုသို့ တွေ့ဆုံစဉ် ပြည်ထောင်စုဝန်ကြီးက နိုင်ငံတော်အစိုးရ၏ လမ်းညွှန်ချက်များနှင့် ဆောင်ရွက်ချက်များအား ပြည်သူလူထုက ထဲထဲဝင်ဝင်သိရှိ နားလည်စေရန်နှင့် အသိပညာဗဟုသုတများရရှိစေရန်အတွက် ပြန်ကြားရေးဝန်ကြီးဌာနအနေဖြင့် အဓိကကျသော အခန်းကဏ္ဍမှ တာဝန်ယူဆောင်ရွက်ရမည်ဖြစ်ကြောင်း၊ စိုက်ပျိုးရေးနှင့်မွေးမြူရေးကို အခြေခံသည့် နိုင်ငံဖြစ်သည့်အားလျော်စွာ ကျေးလက်နေပြည်သူများအတွက် အကျိုးရှိစေမည့် သတင်းအချက် အလက်များကို ဦးစားပေးထုတ်လွှင့်ပေးရန် လိုအပ်ကြောင်း၊ ထို့ပြင် ဒေသတစ်ခု ထုတ်ကုန်တစ်ခု (One Region ၊ One Product) မူဝါဒဖြင့် အကောင်အထည်ဖော်နေသည့် အသေးစား၊ အငယ်စားနှင့်အလတ်စား စီးပွားရေးလုပ်ငန်း (MSME)များ ဖွံ့ဖြိုးတိုးတက်ရေးအတွက် မီဒီယာကဏ္ဍမှ ပံ့ပိုးကူညီပေးရန်နှင့် ပြည်တွင်းခရီးသွားလုပ်ငန်းများ ပိုမိုအားကောင်းလာစေရန် ဆွဲဆောင်မှုရှိသောအစီအစဉ်များ ဖန်တီးတင်ဆက်သွားရန် လိုအပ်ကြောင်း။ ဝန်ထမ်းများအားလုံးသည် မိမိတို့၏ အတတ်ပညာနှင့်အနုပညာကိုပေါင်းစပ်ကာ နိုင်ငံတော်၏ မူဝါဒများကို ပြည်သူများထံ ထင်သာမြင်သာရှိအောင် ထိရောက်စွာ ပြန်ကြားပေးကြရန်လိုအပ်ကြောင်း၊ ပညာရေးနှင့်ကျန်းမာရေးဆိုင်ရာ အသိပညာပေးလုပ်ငန်းများကို Program များတွင် ထည့်သွင်းရန် လိုအပ်ကြောင်းနှင့် သတင်းထုတ်ပြန်ရေးဆိုင်ရာ မူဝါဒများကို လိုက်နာဆောင်ရွက်ရန် ရှင်းလင်းပြောကြားသည်။ တွေ့ဆုံပွဲအပြီးတွင် ပြည်ထောင်စုဝန်ကြီးသည် မြန်မာ့အသံနှင့်ရုပ်မြင်သံကြားတွင် ဂြိုဟ်တုစလောင်းများ တပ်ဆင်အသုံးပြုနေမှုနှင့် water cooling Aircon System တပ်ဆင်ထားရှိမှုတို့ကိုလည်းကောင်း၊ ဝန်ထမ်းများ ကိုယ်လက်ကြံ့ခိုင်ရေး လေ့ကျင့်ခန်းများဆောင်ရွက်နိုင်ရေးနှင့် အပန်းဖြေနိုင်ရေး ဆောင်ရွက်ထားရှိမှုတို့ကိုလည်းကောင်း လှည့်လည်ကြည့်ရှုစစ်ဆေးခဲ့သည်။ ထို့နောက် နေပြည်တော်အသံလွှင့်ရုံ အမှတ်(၁)ရှိ မေယု FM ရေဒီယိုနှင့် အမှတ်(၂)ရှိ သပြေရေဒီယိုအစီအစဉ်များ ထုတ်လွှင့်နေမှုနှင့်ရေဒီယိုထုတ်လွှင့်ရေး စက်ပစ္စည်းများကို လှည့်လည်ကြည့်ရှုစစ်ဆေးပြီး ဝန်ထမ်းများအား ချီးမြှင့်ငွေများပေးအပ်သည်။ ဆက်လက်၍ တပ်ကုန်းမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးရှိ ကလေးစာဖတ်ခန်း၊ ပြည်သူ့စာကြည့်တိုက်အတွင်း၌ ကျောင်းသူများ လာရောက်စာပေဖတ်ရှုနေမှု၊ စာကြည့်တိုက်အတွင်းစာအုပ်များ စနစ်တကျထားရှိမှု အခြေအနေတို့ကို လှည့်လည်ကြည့်ရှုပြီး ဝန်ထမ်းများအား ချီးမြှင့်ငွေများ ပေးအပ်ကာ စာအုပ်စာစောင်ချစ်မြတ်နိုးသူများအသင်း (Book Club)အဖွဲ့ဝင်များ စာဖတ်ဝိုင်းဆွေးနွေးပွဲကျင်းပနေမှုကို ကြည့်ရှုအားပေးရာ စာရေးဆရာများက အမှတ်တရလက်ဆောင်အဖြစ်  ၎င်းတို့ရေးသား ထုတ်ဝေထားသည့် စာအုပ်များကို ပြည်ထောင်စုဝန်ကြီးထံ ပေးအပ်ကြသည်။ သတင်းစဉ်MDN
Fri, 8-May-2026
တောင်ကြီးမြို့၌ ယာဉ်စည်းကမ်း၊ လမ်းစည်းကမ်း အသိပညာပေးဟောပြောပွဲကျင်းပ
တောင်ကြီးမြို့၌ ယာဉ်စည်းကမ်း၊ လမ်းစည်းကမ်း အသိပညာပေးဟောပြောပွဲကျင်းပ
တောင်ကြီး မေ ၇ ရှမ်းပြည်နယ် လူငယ်ရေးရာကော်မတီက ကြီးမှူးကျင်းပသော ယာဉ်စည်းကမ်း၊ လမ်းစည်းကမ်း အသိပညာပေးဟောပြောပွဲကို ယနေ့မွန်းလွဲပိုင်းက တောင်ကြီးမြို့ မြို့တော်ခန်းမ၌ ကျင်းပသည်။ အခမ်းအနားတွင် ရှမ်းပြည်နယ်ဝန်ကြီးချုပ် ဦးစိုင်းထိန်စိုးက ရှမ်းပြည်နယ်အတွင်း ယာဉ်တိုက်မှု၊ သေဆုံးမှု လျော့ကျလာစေရေးအတွက် ကျောင်းများ၊ တက္ကသိုလ်များ၊ အသင်းအဖွဲ့များ၊ အဝေးပြေးယာဉ် ရပ်နားစခန်းတွင် အသိပညာပေးဟောပြောပွဲများ တိုးမြှင့်ဆောင်ရွက်ကြရန် အဖွင့်အမှာစကားပြောကြားပြီး ဟောပြောမည့် တာဝန်ရှိသူနှစ်ဦးအား အမှတ်တရ လက်ဆောင်ပစ္စည်းများပေးအပ်၍ ယာဉ်စည်းကမ်း၊ လမ်းစည်းကမ်း အသိပညာပေး ဗီဒီယိုကို ကြည့်ရှု အားပေးသည်။ ထို့နောက် ခန်းမအတွင်း ခင်းကျင်းပြသထားသော ပြခန်းများကို ကြည့်ရှုအားပေးပြီး ရှမ်းပြည်နယ်ယာဉ်ထိန်းတပ်ဖွဲ့မှူးရုံးမှ ဒုတိယရဲမှူး က ယာဉ်တိုက်မှုအန္တရာယ် စုပေါင်းကာကွယ်ခေါင်းစဉ်နှင့် ရှမ်းပြည်နယ် ကုန်းလမ်းပို့ဆောင်မှုဦးစီးဌာန ယာဉ်မောင်းစစ်ဆေးရေးဌာနမှ တာဝန်ရှိသူက ယာဉ်စည်းကမ်း၊ လမ်းစည်းကမ်းဆိုင်ရာများကို အသိပညာပေးဟောပြောကြပြီး တက်ရောက်လာသူများက သိရှိလိုသည်များကို မေးမြန်းဆွေးနွေးခဲ့ကြကြောင်း သိရသည်။ မောင်မောင်သန်း(တောင်ကြီး)MDN
Fri, 8-May-2026
၂၀၂၄ ခုနှစ်၊ လူဦးရေနှင့် အိမ်အကြောင်းအရာသန်းခေါင်စာရင်း၏ နေပြည်တော်အစီရင်ခံစာ ထုတ်ပြန်
၂၀၂၄ ခုနှစ်၊ လူဦးရေနှင့် အိမ်အကြောင်းအရာသန်းခေါင်စာရင်း၏ နေပြည်တော်အစီရင်ခံစာ ထုတ်ပြန်
နေပြည်တော် မေ ၇ ၂၀၂၄ ခုနှစ်၊ လူဦးရေနှင့် အိမ်အကြောင်းအရာ သန်းခေါင်စာရင်း၏ နေပြည်တော်အစီရင်ခံစာ ထုတ်ပြန်ခြင်းအခမ်းအနားကို ယနေ့နံနက် ၁၀ နာရီက ပြည်ထောင်စုနယ်မြေ နေပြည်တော်ကောင်စီ ဇမ္ဗူသီရိခန်းမ၌ ကျင်းပသည်။ အခမ်းအနားသို့ ဗဟိုသန်းခေါင်စာရင်းကော်မရှင်ဥက္ကဋ္ဌ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်၊ နေပြည်တော်ကောင်စီဥက္ကဋ္ဌ ဦးကံမြင့်သန်း၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ဒုတိယဝန်ကြီး ဒေါက်တာ ခိုင်ခိုင်စိုး၊ နေပြည်တော်ကောင်စီအဖွဲ့ဝင်များ၊ ခရိုင်၊ မြို့နယ်၊ စီမံခန့်ခွဲရေးနှင့်အုပ်ချုပ်ရေးအဖွဲ့အဖွဲ့ဝင်များ၊ နေပြည်တော်ကောင်စီမှ စာရင်းအင်းဆိုင်ရာဆက်စပ်ဌာနများမှ တာဝန်ရှိသူများ တက်ရောက်ကြသည်။ ဦးစွာ ပြည်ထောင်စုဝန်ကြီးက ၂၀၂၄ ခုနှစ်၊ လူဦးရေနှင့်အိမ်အကြောင်းအရာသန်းခေါင်စာရင်းကို ၂၀၂၄ ခုနှစ် အောက်တိုဘာတွင် အောင်မြင်စွာကောက်ယူခဲ့ပြီး မိမိတို့ဝန်ကြီးဌာနအနေဖြင့် ရှေ့ပြေးလူဦးရေစာရင်း၊ သန်းခေါင်စာရင်းပင်မအစီရင်ခံစာဖြစ်သည့် ပြည်ထောင်စုအစီရင်ခံစာ၊ အနှစ်ချုပ်အစီရင်ခံစာနှင့် စာရင်းအင်းအသုံးပြုသူများအတွက် စာရင်းဇယားများပါဝင်သည့် အစီရင်ခံစာများကို သတ်မှတ်ကာလ များအတွင်း တစ်ဆင့်ပြီးတစ်ဆင့် ထုတ်ပြန်ကြေညာခဲ့ပြီးဖြစ်ပါကြောင်း၊ နေပြည်တော်၊ တိုင်းဒေသကြီး၊ ပြည်နယ်အစီရင်ခံစာများကို ဆက်လက်ရေးသားပြုစုခဲ့ရာ သန်းခေါင်စာရင်း ရာနှုန်းပြည့်ကောက်ယူနိုင်ခဲ့သည့် နေပြည်တော်၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ရာနှုန်းပြည့်နီးပါး ကောက်ယူနိုင်ခဲ့သည့် ပဲခူးတိုင်းဒေသကြီးတို့၏ အစီရင်ခံစာများကို ဦးစားပေးရေးသားပြုစုခဲ့သည့်အတွက် ယခုအခါ နေပြည်တော်အစီရင်ခံစာကို ထုတ်ပြန်နိုင်ခဲ့ပြီဖြစ်ပါကြောင်း။ နေပြည်တော်အစီရင်ခံစာတွင် နေပြည်တော်၏ လူဦးရေဆိုင်ရာအချက်အလက်များအပြင် ရွှေ့ပြောင်းသွားလာခြင်း၊ ပညာရေး၊ လုပ်သားအင်အား၊ မသန်စွမ်းမှု၊ အိမ်အကြောင်းအရာ၊ မွေးဖွားခြင်းနှင့် သေဆုံးခြင်းအကြောင်းအရာ စသည့်အခန်းကဏ္ဍများ စုံစုံလင်လင်ပါဝင်ပါကြောင်း၊ ယင်းအချက်အလက်များသည် ဒေသတွင်း၌ လက်ရှိဖြစ်ပေါ်နေသည့် လူဦးရေပြောင်းလဲလာမှုနှင့် မြို့ပြနှင့် ကျေးလက်အလိုက် လူဦးရေအခြေအနေ၊ ပညာရေးအဆင့်အတန်း၊ လုပ်သားအင်အားအခြေအနေနှင့် အလုပ်လုပ်ကိုင်မှု၊ ရွှေ့ပြောင်းသွားလာမှုနှင့် ပြည်သူများ၏ လူနေမှုအဆင့်အတန်း စသည့် လက်ရှိကာလအခြေအနေကို ဖော်ပြနေပါကြောင်း၊ သန်းခေါင်စာရင်းမှဖော်ထုတ်ရရှိသည့် အချက်အလက်များသည် မြန်မာနိုင်ငံ၏ ရေရှည်တည်တံ့သော ဖွံ့ဖြိုးတိုးတက်မှုစီမံကိန်းနှင့် အမျိုးသားရေးရည်မှန်းချက်များအတွက် လမ်းပြမြေပုံအဖြစ် ပေးစွမ်းနိုင်မည်ဖြစ်ပါကြောင်း၊ ထို့ပြင် ကုလသမဂ္ဂ၏ ရေရှည်တည်တံ့သော ဖွံ့ဖြိုးတိုးတက်မှုပန်းတိုင်များကို ဖော်ဆောင်ရာတွင်လည်း မြန်မာနိုင်ငံ၏ ဆောင်ရွက်ချက်များအဖြစ် နိုင်ငံတကာက အသိအမှတ်ပြုနိုင်မည်ဖြစ်ပါကြောင်း။ မြန်မာနိုင်ငံသည် အာဆီယံအဖွဲ့ဝင် နိုင်ငံတစ်နိုင်ငံဖြစ်သည်နှင့်အညီ အာဆီယံစာရင်းအင်းကဏ္ဍနှင့် နိုင်ငံတကာ စာရင်းအင်းကဏ္ဍများအတွက်လည်း မိမိတို့နိုင်ငံ၏ အချက်အလက်များကို ပံ့ပိုးပေးနိုင်မည် ဖြစ်သကဲ့သို့ အမျိုးသားညွှန်းကိန်း မူဘောင်အတွက်လည်း အညွှန်းကိန်းများကို ပံ့ပိုးပေးနိုင်မည်ဖြစ်ပါ ကြောင်း၊ ယနေ့ထုတ်ပြန်သည့် နေပြည်တော် သန်းခေါင်စာရင်းအစီရင်ခံစာသည် နေပြည်တော်၏ စာတတ်မြောက်မှုနှုန်း၊ ပညာရည်အဆင့်အတန်း၊ ကျောင်းဆက်မတက်သည့် အခြေအနေများအပေါ် သုံးသပ်၍ ပညာရေးကဏ္ဍတိုးတက်မြင့်မားရေးအတွက် လိုအပ်သည့်အစီအမံများရေးဆွဲနိုင်ရေး ညွှန်ပြပေးသကဲ့သို့ လုပ်သားအင်အား၊ အလုပ်အကိုင်အခြေအနေနှင့် အလုပ်လက်မဲ့နှုန်းတို့ကလည်း နေပြည်တော်တွင်ရှိသည့် ပြည်သူများ၏ လူမှုစီးပွားဘဝ ဖွံ့ဖြိုးတိုးတက်လာစေရေးအတွက် သန်းခေါင်စာရင်းအချက်အလက်များကိုအသုံးချ၍ ဖော်ဆောင်ပေးနိုင်မည်ဖြစ်ပါကြောင်း ပြောကြားသည်။ ထို့နောက် နေပြည်တော်ကောင်စီဥက္ကဋ္ဌက ၂၀၂၄ ခုနှစ်၊ လူဦးရေနှင့်အိမ်အကြောင်းအရာသန်းခေါင်စာရင်း၏ နေပြည်တော်အစီရင်ခံစာထုတ်ပြန်နိုင်မှုနှင့် အစီရင်ခံစာပါအချက်အလက်များကို အခြေခံကာ ဒေသဖွံ့ဖြိုးတိုးတက်ရေးအတွက် စီမံဆောင်ရွက်မည့် လုပ်ငန်းအခြေအနေကိုလည်းကောင်း၊ ဒုတိယဝန်ကြီး က သန်းခေါင်စာရင်းကောက်ယူခြင်းမှရရှိနိုင်မည့် အချက်အလက်များအပေါ်အခြေခံကာ မူဝါဒများ၊ စီမံကိန်းများရေးဆွဲချမှတ်နိုင်ရေးနှင့် နေပြည်တော်အစီရင်ခံစာနှင့်ပတ်သက်၍ ဖော်ထုတ်ရရှိနိုင်မည့် အခြေအနေကိုလည်းကောင်း ရှင်းလင်းဆွေးနွေးတင်ပြသည်။ ယင်းနောက် ဗဟိုသန်းခေါင်စာရင်းကော်မရှင်ဥက္ကဋ္ဌ ပြည်ထောင်စုဝန်ကြီးက သန်းခေါင်စာရင်းဆိုင်ရာ နေပြည်တော်အစီရင်ခံစာများကို လွှဲပြောင်းပေးအပ်ရာ နေပြည်တော်ကောင်စီဥက္ကဋ္ဌက လက်ခံရယူခဲ့ကြောင်း သိရသည်။ သတင်းစဉ်MDN
Fri, 8-May-2026
ကျိုက်ထိုမြို့နယ်၌ အခြေခံမွေးမြူရေးပညာပေးသင်တန်း ဖွင့်လှစ်
ကျိုက်ထိုမြို့နယ်၌ အခြေခံမွေးမြူရေးပညာပေးသင်တန်း ဖွင့်လှစ်
ကျိုက်ထို မေ ၇ မွန်ပြည်နယ် ကျိုက်ထိုမြို့နယ်တွင် စိုက်ပျိုးရေး၊ မွေးမြူ‌ရေးနှင့် ဆည်မြောင်းဝန်ကြီးဌာန မွေးမြူရေးနှင့်ကုသရေးဦးစီးဌာနက ရက် (၁၀၀) စီမံချက်ဖြင့် စီစဉ်ဖွင့်လှစ်သည့် အခြေခံမွေးမြူရေးပညာပေးသင်တန်းဖွင့်ပွဲ အခမ်းအနားကို ယနေ့နံနက်ပိုင်းက မွေးမြူရေးနှင့် ကုသရေးဦးစီးဌာနရုံး၌ ကျင်းပသည်။ ဦးစွာ မွေးမြူရေးနှင့်ကုသရေးဦးစီးဌာနမှ မြို့နယ်ဦးစီးမှူး လက်ထောက်ညွှန်ကြား‌ရေးမှူး ဒေါက်တာဖြိုးဝင့်ကိုက အမှာစကားနှင့် သင်တန်းဖွင့်လှစ်ရခြင်းရည်ရွယ်ချက်ကို ရှင်းလင်းပြောကြားသည်။ အဆိုပါသင်တန်းတွင် မွေးမြူရေးနှင့် ကုသရေးဦးစီးဌာနမှူးနှင့် ဝန်ထမ်းများက တိရစ္ဆာန်ကျန်းမာရေး‌ စောင့်ရှောက်မှုဆိုင်ရာ သိကောင်းစရာများ၊ ပဋိဇီဝဆေးယဉ်ပါးမှုအကြောင်း၊ ကောင်းမွန်သောတိရစ္ဆာန် မွေးမြူရေးကျင့်စဉ်၊ ဇီဝလုံခြုံမှု၊ နွား၊ ဝက်၊ ကြက်၊ ဆိတ် မွေးမြူရေး စသည့် ဘာသာရပ်တို့ကို နှစ်ရက်ကြာ ဆွေးနွေးပို့ချသွားမည်ဖြစ်ကြောင်း သိရသည်။ပြည့်ဖြိုး(ပြန်/ဆက်)MND
Fri, 8-May-2026
© Copyright 2024 SAC All Rights Reserved.