ကျူးဘားက အမေရိကန်အတွက် အမျိုးသားလုံခြုံရေး အန္တရာယ်ဟု အမေရိကန် နိုင်ငံခြားရေးဝန်ကြီးပြော

NoahJune222

News Image

  • ကျူးဘားက အမေရိကန်အတွက် အမျိုးသားလုံခြုံရေး အန္တရာယ်ဟု အမေရိကန် နိုင်ငံခြားရေးဝန်ကြီးပြော

     ကျူးဘားနိုင်ငံသည် အမေရိကန်နိုင်ငံအတွက် အမျိုးသားလုံခြုံရေးအန္တရာယ်ဖြစ်လာနေကြောင်းနှင့် ငြိမ်းငြိမ်းချမ်းချမ်းနှင့် သဘောတူညီချက်ရရှိရေးမှာ ဖြစ်လာနိုင်ဖွယ် သိပ်မရှိကြောင်း အမေရိကန်နိုင်ငံခြားရေးဝန်ကြီး မာကိုရူဘီယိုက မှတ်ချက်ပြုပြောထားသည်။

၁၉၉၆ ခုနှစ်တွင် အမေရိကန်နိုင်ငံသားများ သေဆုံးစေသည့် လေယာဉ်နှစ်စင်းကို ပစ်ချသည်ဟူသော စွပ်စွဲချက်ဖြင့် ကျူးဘားသမ္မတဟောင်း ရောကက်စထရိုကို အမေရိကန်အစိုးရက လူသတ်မှုဖြင့်တရားစွဲဆိုပြီးနောက် မာကိုရူဘီယိုက ယခုကဲ့သို့ပြောခြင်းဖြစ်သည်။

အမေရိကန်နိုင်ငံအနေဖြင့် သံတမန်ရေးအရသာ ဖြေရှင်းလိုကြောင်း၊ သို့သော်အမေရိကန်နိုင်ငံကို ပြည်ပအန္တရာယ်များမှ ကာကွယ်ရေးအတွက် အမေရိကန်သမ္မတ ဒေါ်နယ်ထရမ့်တွင် အခွင့်အရေးနှင့်တာဝန်ရှိကြောင်း မာကိုရူဘီယိုကပြောသည်။

သို့ရာတွင် မာကိုရူဘီယို၏ ပြောဆိုချက်များသည် အလိမ်အညာများသာဖြစ်နေကြောင်း၊ ကျူးဘားနိုင်ငံအနေဖြင့် အမေရိကန်နိုင်ငံအတွက် မည်သည့်အခါကမျှ အန္တရာယ်ဖြစ်စေခြင်းမရှိကြောင်း ကျူးဘားနိုင်ငံခြားရေးဝန်ကြီး ဘရူနိုရိုဒရီဂက်ကတုံ့ပြန်ထားသည်။

အလားတူ ကျူးဘားနိုင်ငံသည် ဒေသတစ်ခုလုံးတွင် အကြမ်းဖက်သမားများကို အားပေးထောက်ပံ့ပေးနေခြင်းဖြစ်သည် ဟူသော မာကိုရူဘီယို၏ စွပ်စွဲချက်များကိုလည်း   ဘရူနိုရိုဒရီဂက်ကငြင်းဆိုကာ အမေရိကန်အနေဖြင့်     စစ်ရေးအရ ကျူးကျော်ရန် အကြောင်းရှာနေခြင်းဖြစ်ကြောင်း ပြောထားသည်။ 

MDN

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ပြည်ထောင်စုအစိုးရအဖွဲ့အစည်းအဝေးသို့ တက်ရောက်အမှာစကားပြောကြား , ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ပြည်ထောင်စုအစိုးရအဖွဲ့အစည်းအဝေးသို့ တက်ရောက်အမှာစကားပြောကြား
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် ပြည်ထောင်စုအစိုးရအဖွဲ့အစည်းအဝေးသို့ တက်ရောက်အမှာစကားပြောကြား
နေပြည်တော် ဇွန် ၉ပြည်ထောင်စုသမ္မတမြန်မာနိုင်ငံတော် ပြည်ထောင်စုအစိုးရအဖွဲ့အစည်းအဝေးကို ယနေ့နံနက်ပိုင်းတွင် နေပြည်တော်ရှိ နိုင်ငံတော်သမ္မတရုံးတော် ပြည်ထောင်စုအစိုးရအဖွဲ့ အစည်းအဝေးခန်းမ၌ကျင်းပပြုလုပ်ရာ နိုင်ငံတော်သမ္မတ ဦးမင်းအောင်လှိုင် တက်ရောက်အမှာစကား ပြောကြားသည်။အစည်းအဝေးသို့ ဒုတိယသမ္မတများဖြစ်ကြသည့် ဦးညိုစောနှင့် ဒေါ်နန်းနီနီအေး၊ ပြည်ထောင်စုဝန်ကြီးများနှင့် နေပြည်တော်ကောင်စီဥက္ကဋ္ဌတို့တက်ရောက်ကြပြီး တိုင်းဒေသကြီးနှင့်ပြည်နယ်ဝန်ကြီးချုပ်များက Video Conferencing ဖြင့် တက်ရောက်ကြသည်။နိုင်ငံ၏ စီးပွားရေးဖွံ့ဖြိုးတိုးတက်ခြင်းသည် ပြည်သူများတွင် ဥစ္စာဓနများ ပေါများခြင်းပင်ဖြစ်ဦးစွာ နိုင်ငံတော်သမ္မတက အဖွင့်အမှာစကားပြောကြားရာတွင် မိမိတို့အစိုးရအဖွဲ့၏ အဓိကလုပ်ငန်းမှာ နိုင်ငံဖွံ့ဖြိုးတိုးတက်အောင် ဆောင်ရွက်ရန်ဖြစ်ပြီး တည်ငြိမ်အေးချမ်းမှုရှိစေရေးအတွက်လည်း ဆောင်ရွက်သွားရန်ဖြစ်ကြောင်း၊ နိုင်ငံ၏စီးပွားရေးဖွံ့ဖြိုးတိုးတက်ခြင်းသည် ပြည်သူများတွင် ဥစ္စာဓနများပေါများစေခြင်းပင်ဖြစ်ကြောင်း၊ ထို့ကြောင့် ဥစ္စာဓနများပေါများစေရေးအတွက် အစိုးရနှင့်သက်ဆိုင်ရာဝန်ကြီးဌာနများ၊ တိုင်းဒေသကြီးနှင့်ပြည်နယ်အစိုးရအဖွဲ့များက ဆောင်ရွက်ပေးရသည်များရှိသကဲ့သို့ ပြည်သူလူထုအနေဖြင့်လည်း ကိုယ်တိုင်ကိုယ်ကျ ဝိုင်းဝန်းလုပ်ကိုင်ဆောင်ရွက်သွားကြရမည်ဖြစ်ကြောင်း၊ မိမိတို့အစိုးရအနေဖြင့် စိန်ခေါ်မှုများစွာရှိနေပြီး လိုအပ်ချက်များလည်းရှိကြောင်း၊ အစိုးရ၏အားနည်းချက်များကို အမြဲပြင်ဆင်ဆောင်ရွက်သွားကြရမည်ဖြစ်ကြောင်း။မကြာမီရက်ပိုင်းအတွင်းက မိမိအနေဖြင့် တောင်ငူဒေသသို့သွားရောက်၍ ဖွံ့ဖြိုးရေးလုပ်ငန်းများ ဆောင်ရွက်နိုင်မည့် အခြေအနေများကို ကြည့်ရှုစစ်ဆေးခဲ့ပြီး နွေစပါးစံကွက်ရိတ်သိမ်းခြင်း ဆောင်ရွက်နေမှု၊ သီးနှံပင်များအတွက် အလွယ်တကူသုံးစွဲနိုင်သည့် တန်ဖိုးနည်းသဘာဝပိုးသတ်ဆေးနှင့် အာဟာရဖျော်ရည်များ ထည့်သွင်းမြေပြုပြင်ခြင်း လုပ်ငန်းဆောင်ရွက်နေမှုနှင့် စပါးခွံမီးသွေးထုတ်လုပ်မှု သရုပ်ပြသခြင်းတို့ကို သွားရောက်ကြည့်ရှုခဲ့ကြောင်း၊ တောင်သူများအနေဖြင့် စိုက်ပျိုးရေးနှင့် မွေးမြူရေးလုပ်ငန်းများ ပိုမိုတိုးချဲ့လုပ်ကိုင်နိုင်ရေး လိုအပ်ချက်များရှိနေသေးသည်ကို တွေ့ရှိရကြောင်း၊ ခရိုင်များအလိုက် ဖွင့်လှစ်ထားသည့် အခြေခံပညာနှင့် စက်မှု၊ စိုက်ပျိုး၊ မွေးမြူရေး အထက်တန်းကျောင်းများကို စိုက်ပျိုးမွေးမြူရေးလုပ်ငန်းများအတွက် လိုအပ်သည့် လူသားအရင်းအမြစ်များ မွေးထုတ်ပေးနိုင်ရန်ရည်ရွယ်၍ ဖွင့်လှစ်သင်ကြားပေးနေခြင်းဖြစ်သဖြင့် ကျောင်းသား ကျောင်းသူများ စိတ်ပါဝင်စားစွာ တက်ရောက်ပညာသင်ယူကြစေရေး အားပေးတိုက်တွန်း ဆောင်ရွက်စေလိုကြောင်း။မိမိတို့နိုင်ငံတွင် စိုက်ပျိုးရေးကဏ္ဍနှင့် မွေးမြူရေးကဏ္ဍတို့ကိုနှိုင်းယှဉ်ပါက မွေးမြူရေးကဏ္ဍတွင် လုပ်ငန်းဆောင်ရွက်မှုများ ပိုမိုအားနည်းလျက်ရှိနေသည်ကို တွေ့မြင်ရကြောင်း၊ မွေးမြူရေးလုပ်ငန်းများ ဖွံ့ဖြိုးတိုးတက်လာမှသာလျှင် ပြည်သူများအနေဖြင့် အသား၊ ငါး၊ နို့နှင့် ဥအမျိုးမျိုးတို့ကို သက်သာသောဈေးနှုန်းများဖြင့် ပြည့်ပြည့်ဝဝ ဝယ်ယူစားသုံးနိုင်မည် ဖြစ်ကြောင်း၊ အသား၊ ငါး၊ ဥအမျိုးမျိုးနှင့် ဟင်းသီးဟင်းရွက်များကိုလိုအပ်သည့် ပမာဏအလိုက် မျှမျှတတ စားသုံးနိုင်ရန်လိုကြောင်း၊ ထိုသို့စားသုံးနိုင်မှသာလျှင် ကျန်းမာကြံ့ခိုင်သန်စွမ်းသည့် ကိုယ်ခန္ဓာနှင့် ကျန်းမာရေးညီညွတ်မျှတမှုကို ရရှိစေနိုင်မည်ဖြစ်ကြောင်း၊ အသား၊ ငါးတို့ကို စားသုံးခြင်းမှရရှိလာမည့် ကျန်းမာရေးဆိုင်ရာ အကျိုးကျေးဇူးများကိုလည်း မှန်မှန်ကန်ကန်သိရှိနိုင်ရေးနှင့် ပြည့်ပြည့်ဝဝစားသုံးတတ်စေရေး အသိပညာပေးခြင်းများလည်း ဆောင်ရွက်ပေးကြရန်လိုကြောင်း၊ ထို့ကြောင့် စိုက်ပျိုးမွေးမြူရေးလုပ်ငန်းများကို အောင်မြင်မှုရှိစေရေးနှင့် ပြည်တွင်းစားသုံးမှုဖူလုံမှုရှိစေရေး၊ အသား၊ ငါး များအား ပြည်ပသို့တင်ပို့နိုင်ရေး စနစ်တကျ ကြိုးစားအားထုတ်ဆောင်ရွက်သွားကြရန်လိုကြောင်း။ကျောင်းနေအရွယ်ကလေးငယ်အားလုံး ကျောင်းနေနိုင်ရေး အားလုံးက ဝိုင်းဝန်းဆောင်ရွက်ကြစေလိုပညာရေးနှင့်ပတ်သက်၍ ယခုအခါကျောင်းများ ပြန်လည်ဖွင့်လှစ်လျက်ရှိပြီး ယနေ့အချိန်အထိ ဘုန်းတော်ကြီးသင် ပညာရေးကျောင်းများအပါအဝင် ကျောင်းသား ကျောင်းသူ ၆ ဒသမ ၇ သန်းကျော်ကျောင်းအပ်နှံခဲ့ကြောင်း၊ တိုင်းဒေသကြီးနှင့်ပြည်နယ်များအလိုက် ကျောင်းအပ်ရာခိုင်နှုန်းများ တိုးတက်လာသည်ကိုတွေ့ရှိရကြောင်း၊ ကျောင်းနေအရွယ် ကလေးငယ်အားလုံး ကျောင်းနေနိုင်ရေး အားလုံးကဝိုင်းဝန်းဆောင်ရွက်ကြစေလိုကြောင်း၊ အကြောင်းအမျိုးမျိုးကြောင့် ခေတ္တပိတ်ထားရသည့်ကျောင်းများအား ပြန်လည်ဖွင့်လှစ်နိုင်ရေးဆောင်ရွက်ပြီး ကျောင်းနေရာခိုင်နှုန်းများတိုးတက်အောင် ဆောင်ရွက်သွားကြရန်လိုကြောင်း။အခြေခံပညာကျောင်းများနှင့်ပတ်သက်၍ သတ်မှတ်ထားသည့် စံကိုက်ကျောင်းများဖြစ်ရန်လိုကြောင်း၊ သို့မှသာ ပညာသင်ကြားမှုများ အဆင်ပြေချောမွေ့စေမည်ဖြစ်ကြောင်း၊ စာသင်ကျောင်းအဆောက်အအုံများ တည်ဆောက်ရာတွင် သတ်မှတ်ချက်များနှင့်အညီ တည်ဆောက်ရန်နှင့် ရေရှည်အတွက် Master Plan များ စနစ်တကျ ရေးဆွဲဆောင်ရွက်သွားရန်လိုကြောင်း၊ စာသင်ကျောင်းများ စနစ်တကျဖြစ်စေရေး တိုင်းဒေသကြီးနှင့်ပြည်နယ်များအလိုက် အစိုးရအဖွဲ့များအနေဖြင့် ဆောင်ရွက်သွားကြစေလိုကြောင်း၊ မိမိတို့အနေဖြင့် အဆင့်မီသည့်ပညာရေးစနစ်ကို ဆောင်ရွက်ရာတွင် ရုပ်ပိုင်းဆိုင်ရာများ စနစ်တကျဖြစ်ရန်လိုသကဲ့သို့ သင်ကြားရေးပိုင်းဆိုင်ရာများကိုလည်း စနစ်တကျဖြင့် ထိထိရောက်ရောက် သင်ကြားပြသပေးနိုင်ရန် လိုကြောင်း၊ ထိုကဲ့သို့ မှန်ကန်ထိရောက်သည့် ပညာရေးဖွံ့ဖြိုး တိုးတက်ရေး ရင်းနှီးမြှုပ်နှံမှုလုပ်ငန်းများကို ဆောင်ရွက်ထားရှိမှသာ နောင် ၁၀ နှစ်ခန့်တွင် နိုင်ငံအတွက်အသီးအပွင့်များကို ခံစားနိုင်မည်ဖြစ်ပြီး နိုင်ငံတော်အတွက် အခြေခံကောင်းများရှိပြီးဖြစ်သည့် မျိုးဆက်သစ်များထွက်ပေါ်လာမည်ဖြစ်ကြောင်း။ပညာရေးတွင် မူလတန်းအဆင့်ပညာရေးရှိသူ၊ အလယ်တန်းအဆင့်ပညာရေးရှိသူ၊ အထက်တန်းအဆင့်ပညာရေးရှိသူဟူ၍ သုံးပိုင်းတွေ့ရမည်ဖြစ်ပြီး ၎င်းတို့အဆင့်အလိုက် ဆောင်ရွက်၍ရနိုင်သည့် လုပ်ငန်းများကိုလည်းခွဲခြမ်း၍ ရနိုင်မည်ဖြစ်ကြောင်း၊ ယေဘုယျအားဖြင့် ပညာရေးအားနည်းသူများသည် သာမန်အလုပ်အကိုင်ဖြင့် အသက်မွေးဝမ်းကျောင်းပြုကြရပြီး မိမိတို့နိုင်ငံလူဦးရေ၏ ထက်ဝက်ခန့်ရှိကြောင်း၊ ၎င်းတို့အတွက် လုပ်ငန်းခွင်ဆိုင်ရာသင်တန်းများကို ဆောင်ရွက်ပေးရန်လိုကြောင်း၊ အလယ်တန်းအဆင့်ရှိသူများသည်လည်း အလုပ်အကိုင်အခွင့်အလမ်းနှင့်ပတ်သက်၍ ကန့်သတ်ချက်များရှိမည်ဖြစ်ကြောင်း၊ ပညာရေးအရအဆင့်မြင့်တန်းအဆင့်တွင် ရှိသူများအနေဖြင့် အလုပ်အကိုင်များစွာရှိမည်ဖြစ်ပြီး ၎င်းတို့၏ ကြိုးစားအားထုတ်မှုများအလိုက် နယ်ပယ်အသီးသီးတွင် အောင်မြင်သူများဖြစ်လာနိုင်မည်ဖြစ်ကြောင်း၊ ထို့ကြောင့် မိမိတို့အနေဖြင့် တိုင်းပြည်၏ပညာရေးကိုမဖြစ်မနေ အဆင့်မြှင့်တင်နိုင်ရေး ဆောင်ရွက်နေခြင်းပင်ဖြစ်ကြောင်း၊ ပညာရေးအဆင့်မြှင့်တင်မှုကို အထောက်အကူပြုရန်အတွက် တက္ကသိုလ်များအားလုံးတွင် ဥပဒေဘွဲ့နှင့် စီးပွားရေးဆိုင်ရာဘွဲ့များကို သင်ကြားစေခဲ့ကြောင်း၊ ထိုသို့သင်ကြားပေးခြင်းဖြင့် ဥပဒေအမြင်နှင့် စီးပွားရေးအမြင်များ ရှိလာမည်ဖြစ်ကြောင်း၊ တိုင်းဒေသကြီးနှင့် ပြည်နယ်များအလိုက် ဥပဒေပညာနှင့် စီးပွားရေးပညာတတ်ကျွမ်းသူများ ပေါကြွယ်ဝစွာမွေးထုတ်ပေးခြင်းဖြင့် နိုင်ငံဖွံ့ဖြိုးတိုးတက်ရေးအတွက် များစွာအကျိုးရှိမည်ဖြစ် ကြောင်း၊ အခြားဘာသာရပ်များအလိုက်လည်း ထူးချွန်သည့်သူများကို မွေးထုတ်ပေးနိုင်ရေး မိမိတို့အနေဖြင့် ဆောင်ရွက်ပေးလျက်ရှိကြောင်း။MSME လုပ်ငန်းသည် မိမိတို့နိုင်ငံ၏ ပကတိအခြေအနေနှင့်ကိုက်ညီသည့် စီးပွားရေးလုပ်ငန်းဖြစ်နိုင်ငံ၏စီးပွားရေး ဖွံ့ဖြိုးတိုးတက်ရေးအတွက် ပကတိအခြေအနေနှင့်ကိုက်ညီသည့် စီးပွားရေးလုပ်ငန်းမှာ အသေးစား၊ အငယ်စားနှင့် အလတ်စား စီးပွားရေး (MSME) လုပ်ငန်းများပင်ဖြစ်ကြောင်း၊ ထို့ကြောင့် MSME လုပ်ငန်းများ ဖွံ့ဖြိုးတိုးတက်လာစေရေး တိုင်းဒေသကြီးနှင့် ပြည်နယ်များအလိုက် ကြိုးပမ်းဆောင်ရွက်သွားကြရန်လိုကြောင်း၊ ဒေသတွင်းမှထွက်ရှိသည့် ကုန်ကြမ်းများဖြင့် MSME ကုန်ထုတ်လုပ်ငန်းများကို ဆောင်ရွက်ရမည်ဖြစ်ကြောင်း၊ ကုန်ကြမ်း၊ သွင်းအားစု၊ အရင်းအနှီးနှင့် လူသားအရင်းအမြစ်များသည် MSME လုပ်ငန်းများအတွက် မဖြစ်မနေလိုအပ်ကြောင်း၊ ပြီးခဲ့သည့်နှစ်များမှစတင်၍ MSME လုပ်ငန်းများ ဖွံ့ဖြိုးတိုးတက် လာသည်ကိုတွေ့ရကြောင်း၊ စိုက်ပျိုးရေးနှင့် မွေးမြူရေးလုပ်ငန်းများ ဖွံ့ဖြိုးတိုးတက်အောင်ဆောင်ရွက်သကဲ့သို့ MSME ကုန်ထုတ်လုပ်ငန်းများကိုလည်း နိုင်ငံ၏ အဓိကစီးပွားရေးမောင်းနှင်အားတစ်ခုဖြစ်လာအောင် ဆောင်ရွက်သွားရန်လိုကြောင်း၊ နိုင်ငံ၏အခြေအနေအရ MSME ကိုဗဟိုပြု၍ နိုင်ငံ၏စီးပွားရေးကို မြှင့်တင်ဆောင်ရွက်သွားရမည်ဖြစ်ကြောင်း၊ အလားတူ အကြီးစားစီးပွားရေးလုပ်ငန်းများဖြစ်သည့် သံနှင့် သံမဏိလုပ်ငန်းများ၊ အထည်ချုပ်လုပ်ငန်းများ၊ လျှပ်စစ်ပစ္စည်းများနှင့် နည်းပညာဆိုင်ရာပစ္စည်းများ၊ မော်တော်ယာဉ်ထုတ်လုပ်ခြင်းများ စသည့်နည်းပညာကိုအခြေခံသည့် ကုန်ထုတ်လုပ်ငန်းများကို ဆောင်ရွက်သွားကြရမည်ဖြစ်ကြောင်း၊ အဆိုပါလုပ်ငန်းများကို အဆင့်မြင့်ပညာပြီးဆုံးပြီးဖြစ်သည့် ပညာတတ်လူသားအရင်းအမြစ် များဖြင့် ဆောင်ရွက်သွားရမည်ဖြစ်ကြောင်း။စက်မှုကုန်ထုတ်လုပ်ငန်းများတိုးတက်လာမှသာ နိုင်ငံ၏ GDP လည်းတိုးတက်လာမည်နိုင်ငံအတွင်းရှိ ပုဂ္ဂလိကပိုင်စက်ရုံများ၊ နိုင်ငံပိုင်စက်ရုံများအားလုံး စဉ်ဆက်မပြတ်လည်ပတ်နေရန်လိုပြီး ကုန်ထုတ်စွမ်းအားများ ပြည့်မီအောင် ဆောင်ရွက်နေရန်လိုကြောင်း၊ စက်ရုံများလည်ပတ်မှုမရှိဘဲ ရပ်နားထားရခြင်းသည် နိုင်ငံတော်အတွက် နစ်နာဆုံးရှုံးမှုများပင်ဖြစ်ကြောင်း၊ စက်မှုကုန်ထုတ် လုပ်ငန်းများတိုးတက်လာမှသာ နိုင်ငံ၏ GDP လည်း တိုးတက်လာမည်ဖြစ်ကြောင်း၊ သို့ဖြစ်၍ စက်မှုလုပ်ငန်းများ ပိုမိုဖွံ့ဖြိုးတိုးတက်လာစေရေးနှင့် လုပ်ငန်းဆောင်ရွက်မှုစွမ်းပကားများ မြှင့်တင်နိုင်ရေးအတွက် သက်ဆိုင်ရာဝန်ကြီးဌာနများအလိုက်မှ ကြိုးပမ်းဆောင်ရွက်သွားကြရန်လိုကြောင်း။စိုက်ပျိုးမွေးမြူရေးလုပ်ငန်းများအတွက် မြေနှင့်ရေကို အကျိုးရှိစွာအသုံးချစိုက်ပျိုးရေးနှင့် မွေးမြူရေးလုပ်ငန်းများတွင် ရေကိုအကျိုးရှိစွာဖြင့် စနစ်တကျအသုံးချရန်လိုကြောင်း၊ စိုက်ပျိုးရေးလုပ်ငန်းများတွင် စိုက်ပျိုးရေနှင့် အောင်ရေရရှိရေးသည် အလွန်အရေးကြီးကြောင်း၊ နိုင်ငံတော်တွင်ပိုင်ဆိုင်ထားရှိပြီးဖြစ်သည့် သဘာဝအရင်းအမြစ်များဖြစ်သော မြေနှင့်ရေတို့ကို အကျိုးရှိရှိနှင့်မှန်မှန်ကန်ကန် အသုံးချနိုင်ရန်လိုကြောင်း၊ ထိုသို့ဆောင်ရွက်ရာတွင် ပညာရှင်များဖြင့် စနစ်တကျ ဆောင်ရွက်သွားရန်လိုကြောင်း၊ စိုက်ပျိုးရေးလုပ်ငန်းများ ဆောင်ရွက်ရာတွင် လူတစ်ဦးကဲ့သို့စဉ်းစား၍ ဂရုစိုက်ဆောင်ရွက်ကြရန်လိုပြီး လူတစ်ဦးရှင်သန်ရေး၊ ကျန်းမာကြံ့ခိုင်ရေးတို့အတွက် လိုအပ်သည့် ရေ၊ အစားအစာနှင့် ကျန်းမာရေးဂရုပြုမှုများ အမြဲမပြတ် ဆောင်ရွက်ပေးရန်လိုသကဲ့သို့ စိုက်ပျိုးရေးလုပ်ငန်းတွင်လည်း ထိုနည်းတူပင်ဖြစ်ကြောင်း၊ မြေကိုတန်ဖိုးရှိစွာဖြင့် အသုံးချရန်လိုပြီး မြေဆီမြေဩဇာများ ကောင်းမွန်အောင် မြေကိုပြုပြင်ဆောင်ရွက်ခြင်းများ ပြုလုပ်ရမည်ဖြစ်ကြောင်း၊ မြေဆီဩဇာကောင်းနှင့် ရေအရင်းအမြစ်ရရှိနိုင်ရန် ခက်ခဲသည့်နိုင်ငံများ၌ပင် ခေတ်မီနည်းပညာများကိုအသုံးပြု၍ စိုက်ပျိုးရေးလုပ်ငန်းများကို အောင်မြင်စွာဆောင်ရွက်လျက်ရှိကြောင်း၊ ထို့ကြောင့် တိုင်းဒေသကြီးနှင့် ပြည်နယ်များအလိုက် စိုက်ပျိုးမွေးမြူရေးလုပ်ငန်းများ တိုးတက်ဖြစ်ထွန်းအောင် ကြိုးပမ်းဆောင်ရွက်ကြရန်လိုကြောင်း။ရေကိုအကျိုးရှိစွာအသုံးချရန်နှင့်ပတ်သက်၍ မိမိတို့တစ်နိုင်ငံလုံးရှိ မြစ်ချောင်းများမှ စီးဆင်းလာသည့် ရေများ၏ ၂၀ ရာခိုင်နှုန်းခန့်ကိုသာ ပြန်လည်အသုံးချနိုင်ပြီး ကျန်ရှိသည့် ၈၀ ရာခိုင်နှုန်းခန့်မှာ အသုံးပြုနိုင်မှုမရှိသေးသည်ကို အချက်အလက်များအရသိရှိရကြောင်း၊ အဆိုပါရေများကို စိုက်ပျိုးရေးလုပ်ငန်းများနှင့် အခြားအကျိုးရှိသည့်နေရာများတွင် အသုံးချနိုင်ရန်လိုကြောင်း၊ အပြည့်အဝအသုံးချနိုင်ရန်အတွက် ရေသိုလှောင်ထိန်းသိမ်းရန် နေရာများလိုအပ်ကြောင်း၊ တည်ငြိမ်အေးချမ်းမှုနှင့် တရားဥပဒေစိုးမိုးမှု အပြည့်အဝဆောင်ရွက်နိုင်ရန် ကန့်သတ်ချက်များရှိနေသည့် အချို့ဒေသများ၌ မြစ်ချောင်းများအနီး တရားမဝင်ရွှေတူးဖော်သည့်လုပ်ငန်းများကို အလွန်အကျူးလုပ်ဆောင်လာမှုများကြောင့် မြစ်ချောင်းများတိမ်ကောခြင်း၊ နုန်းပို့ချမှု များပြားခြင်းနှင့် ရေစီးကြောင်းပျက်စီးခြင်းများ ဖြစ်ပေါ်လျက်ရှိကြောင်း၊ ဒေသအလိုက်မှ အုပ်ချုပ်ရေးဆိုင်ရာ တာဝန်ရှိသူများအနေဖြင့် နိုင်ငံ၏အဖိုးတန် ရေသယံဇာတများ ပျက်စီးမှုမရှိစေရေး၊ သဘာဝပတ်ဝန်းကျင် ထိန်းသိမ်းနိုင်ရေး၊ ရေကြီးရေလျှံခြင်းများ မဖြစ်ပေါ်စေရေးတို့အတွက် တရားမဝင် ရွှေတူးဖော်ခြင်းလုပ်ငန်းများကို ထိထိရောက်ရောက် နှိမ်နင်းဆောင်ရွက်သွားရန်လိုကြောင်း၊ ဒေသခံပြည်သူလူထုအနေဖြင့်လည်း မိမိတို့ဒေသအလိုက် တရားမဝင်ရွှေတူးဖော်ခြင်းများ လုပ်ဆောင်မှုမရှိစေရေး သက်ဆိုင်ရာသို့ သတင်းပေးပို့ဆောင်ရွက်ခြင်းဖြင့် နိုင်ငံ့အကျိုးစီးပွားကို ဝိုင်းဝန်းပူးပေါင်း ထိန်းသိမ်းနိုင်ရန်လိုကြောင်း၊ နိုင်ငံအတွင်းရှိ မြစ်ချောင်းများ၌ နုန်းဆယ်ခြင်းလုပ်ငန်းများ၊ ရေအရင်းအမြစ်ထိန်းသိမ်းခြင်းလုပ်ငန်းများကို ဆောင်ရွက်သွားရမည်ဖြစ်ပြီး ရေသယံဇာတကို အကျိုးရှိရှိ အသုံးချသွားနိုင်ရေး စီမံဆောင်ရွက်သွားကြရမည်ဖြစ်ကြောင်း၊ မြစ်ချောင်းများ၌ မြေအောက်တမံများတည်ဆောက်၍ ရေအရင်းအမြစ်များကို ထိန်းသိမ်းနိုင်ပြီး မြေဆီ၏အစိုဓာတ်ကို ထိန်းသိမ်းဆောင်ရွက်နိုင်မည်ဖြစ်ပြီး စိုက်ပျိုးရေးလုပ်ငန်းများအတွက် လိုအပ်သည့်ရေအရင်းအမြစ်များကို လုံလောက်စွာရရှိနိုင်မည်ဖြစ်ကြောင်း၊ ရေသုံးစွဲရာတွင် အဟောသိကံ အသုံးပြုခြင်းမဖြစ်စေဘဲ ရေသုံးစွဲမှုများကို စနစ်တကျဖြစ်အောင် ဆောင်ရွက်တတ်သည့် ပညာရပ်များကို အခြေခံပညာနှင့် စက်မှု၊ စိုက်ပျိုး၊ မွေးမြူရေး အထက်တန်းကျောင်းများအပါအဝင် စာသင်ကျောင်းများ၌ သင်ကြားပေးသွားကြရန်လိုကြောင်း၊ ရေအရင်းအမြစ်များကို အကျိုးရှိရှိစီမံအသုံးချနိုင်မှုမရှိဘဲ အထက်မှအောက်သို့စီးဆင်းကာ မြစ်ချောင်းများအတွင်း စီးဝင်ခြင်း၊ ထိုမှတစ်ဆင့် ပင်လယ်အတွင်းသို့ရောက်ရှိသွားခြင်းသည် နိုင်ငံတော်အတွက် နစ်နာဆုံးရှုံးမှုတစ်ခုပင်ဖြစ်သည်ကို သိရှိနားလည်ကြရန်လိုကြောင်း။နိုင်ငံတွင်းရှိ မြစ်များ၊ ချောင်းများအတွင်း ရေအားလျှပ်စစ်ထုတ်လုပ်ခြင်းလုပ်ငန်းများကို အောင်မြင်စွာဆောင်ရွက်နိုင်ပြီး လျှပ်စစ်ဓာတ်အားလိုအပ်ချက်ကို ဖြည့်ဆည်းပေးနိုင်ကြောင်း၊ သို့သော်လည်း ရေရှည်ဖြစ်ပေါ်လာမည့် အကျိုးရလဒ်ကို သိရှိနားလည်ခြင်းမရှိဘဲ နိုင်ငံဖွံ့ဖြိုးတိုးတက်လာမည့်အရေးကို မလိုလားကြသည့် ပြည်တွင်း၊ ပြည်ပမှ သွေးထိုးလှုံ့ဆော်နေကြသူများ၏ စကားများကိုနားယောင်ကာ ကန့်ကွက်ခဲ့မှုများကြောင့် နိုင်ငံတော်တွင် ဖြစ်ပေါ်လာခဲ့သင့်သည့် ရေအားလျှပ်စစ်ဓာတ်အားထုတ်လုပ်ခြင်း စီမံကိန်းကြီးများသည် ယခုအချိန်အထိ နှောင့်နှေးနေရဆဲဖြစ်ကြောင်း၊ ကန့်ကွက်မှုများမရှိခဲ့ပါက ယခုအချိန်တွင် မိမိတို့နိုင်ငံ၌ လျှပ်စစ်ဓာတ်အားများ လုံလောက်စွာဖြင့် ရရှိနေမည်ဖြစ်ကြောင်း၊ ထို့ကြောင့် အရှည်ကိုမျှော်တွေး၍ အားလုံးက စဉ်းစားဆောင်ရွက်ကြရန်လိုကြောင်း။ဒေသအလိုက်မွေးမြူရေးလုပ်ငန်းများ တိုးတက်အောင်ဆောင်ရွက်ရန်လိုမွေးမြူရေးနှင့်ပတ်သက်၍လည်း သက်ဆိုင်ရာ တိုင်းဒေသကြီးနှင့် ပြည်နယ်များအလိုက်တွင် မွေးမြူရေးဇုန်များကို ဖော်ဆောင်ပေးလျက်ရှိကြောင်း၊ ဇုန်များအလိုက် သတ်မှတ်ထားသည့်အတိုင်း မွေးမြူထုတ်လုပ်နိုင်မည်ဆိုပါက ဒေသအတွင်း အသား၊ ငါး များ၏ ဈေးနှုန်းများမှာ ထိုက်သင့်သလောက်ကျဆင်းလာမည်ဖြစ်ကြောင်း၊ မွေးမြူရေးလုပ်ငန်းသည် အရင်းအနှီးကြီးမားသည်ဖြစ်သော်လည်း စနစ်တကျဖြင့် စီမံဆောင်ရွက်သွားမည်ဆိုပါက အကျိုးအမြတ်များစွာရရှိစေနိုင်သည့် လုပ်ငန်းတစ်ခုဖြစ်ကြောင်း၊ အလုပ်ကိုအမှန်တကယ်အောင်မြင်အောင် ဆောင်ရွက်ကြစေလိုကြောင်း၊ အစိုးရအနေဖြင့် မြစ်ချောင်းများအတွင်းသို့ ငါးသယံဇာတများကို နှစ်စဉ်ထည့်သွင်းပေးလျက်ရှိကြောင်း၊ အားလုံးအမှန်တကယ် အလုပ်လုပ်ရန်လိုကြောင်း၊ တစ်ဖက်မှလည်း လုပ်ငန်းဆောင်ရွက်နိုင်သူများက မွေးမြူရေးဇုန်များကို အကောင်အထည်ဖော် ဆောင်ရွက်သွားကြရန်လိုကြောင်း၊ ထို့ကြောင့် မွေးမြူရေးလုပ်ငန်းများ တိုးတက်လာစေရေး တိုင်းဒေသကြီးနှင့် ပြည်နယ်များအလိုက် ကြိုးပမ်းဆောင်ရွက်သွားကြရန်လိုကြောင်း။မြေပြင်တွင်ဖြစ်ပေါ်နေသည့် အခြေအနေမှန်များကို အချိန်နှင့်တစ်ပြေးညီ မှန်မှန်ကန်ကန် သိရှိအောင်ဆောင်ရွက်လက်ရှိအချိန်တွင် ကျောင်းများဖွင့်လှစ်သင်ကြားလျက်ရှိနေပြီဖြစ်သဖြင့် သင်ကြားရေးဝန်ထမ်းများနှင့် ကျောင်းသား ကျောင်းသူများ ဘေးကင်းလုံခြုံစွာဖြင့် စာပေသင်ကြားနိုင်ရန်လိုကြောင်း၊ အထူးသဖြင့် အဖျက်အမှောင့်လုပ်ငန်းများ ဖြစ်ပေါ်ခဲ့သည့်ဒေသများ၌ လုံခြုံရေးကိစ္စရပ်များကို အထူးအလေးထား ဆောင်ရွက်သွားကြရန်လိုကြောင်း၊ လုံခြုံရေးဆိုင်ရာတာဝန်ရှိသူများနှင့် အုပ်ချုပ်ရေးပိုင်းဆိုင်ရာ တာဝန်ရှိသူများပူးပေါင်း၍ လုံခြုံရေးလုပ်ငန်းများကို ဆောင်ရွက်သွားကြရန်လိုကြောင်း၊ မြေပြင်တွင် ဖြစ်ပေါ်နေသည့် အခြေအနေမှန်များကို အချိန်နှင့်တစ်ပြေးညီ မှန်မှန်ကန်ကန် သိရှိအောင်ဆောင်ရွက်ထားရန်နှင့် အထက်ဌာနများသို့ အချိန်နှင့်တစ်ပြေးညီ တင်ပြဆောင်ရွက်သွားနိုင်ရန်လိုကြောင်း၊ မိမိတို့အနေဖြင့် အခြေအနေမှန်များကို အချိန်နှင့်တစ်ပြေးညီသိရှိမှသာလျှင် အမြန်ဆုံးနှင့် အမှန်ကန်ဆုံး ဖြေရှင်းဆောင်ရွက်ပေးနိုင်မည်ဖြစ်ကြောင်း၊ ပြည်ထောင်စုဝန်ကြီးများ၊ တိုင်းဒေသကြီးနှင့် ပြည်နယ်ဝန်ကြီးချုပ်များအနေဖြင့်လည်း မိမိတို့ဝန်ကြီးဌာနအလိုက်၊ ဒေသများအလိုက် မြေပြင်တွင်ဖြစ်ပေါ်နေသည့် အခြေအနေမှန်များကို သိရှိနားလည်အောင် မြေပြင်ကွင်းဆင်းစစ်ဆေးခြင်း၊ ထိတွေ့ဆက်ဆံခြင်းများဖြင့် ကွပ်ကဲကြပ်မတ် ဆောင်ရွက်သွားကြရန်လိုကြောင်း ပြောကြားသည်။ပြည်ထောင်စုဝန်ကြီးများက ရှင်းလင်းတင်ပြထို့နောက် ပြည်ထောင်စုဝန်ကြီးများက သက်ဆိုင်ရာကဏ္ဍအလိုက် ဆွေးနွေးတင်ပြကြသည်။ပြည်သူ့ဆက်ဆံရေးကောင်းမွန်ရမည်ဖြစ်သကဲ့သို့ ဝန်ထမ်းများအချင်းချင်း ညီညွတ်မျှတစွာဖြင့် အထက်အောက်ကွပ်ကဲအုပ်ချုပ်သွားရန်လိုယင်းနောက် နိုင်ငံတော်သမ္မတက နိဂုံးချုပ်အမှာစကားပြောကြားရာတွင် မိမိတို့အနေဖြင့် ရွေးကောက်ခံအစိုးရဖြစ်ပြီး ပြည်သူများကရွေးချယ်ထားသည့် ပြည်သူ့အစိုးရဖြစ်ကြောင်း၊ ပြည်သူများ၏ကိုယ်စား နိုင်ငံ့အကျိုးကိုထမ်းဆောင်ကြရမည့် ပြည်သူတို့၏ အကျိုးကိုဖော်ဆောင်ကြရမည့် အစိုးရဖြစ်သဖြင့် လုပ်ငန်းများဆောင်ရွက်ရာတွင် အချင်းချင်း ပေါင်းစပ်ညှိနှိုင်းမှုကောင်းစွာဖြင့် တာဝန်ထမ်းဆောင်သွားကြရန်လိုကြောင်း၊ ပြည်သူ့ဆက်ဆံရေး ကောင်းမွန်ရမည်ဖြစ်သကဲ့သို့ ဝန်ထမ်းများအချင်းချင်း ညီညွတ်မျှတစွာဖြင့် အထက်အောက်ကွပ်ကဲ အုပ်ချုပ်သွားရန်လိုကြောင်း၊ ပြည်သူများကြုံတွေ့နေရသည့် အခက်အခဲများအား ထုတ်ပြန်ထားသည့် ဥပဒေ၊ လုပ်ထုံးလုပ်နည်းများနှင့်အညီ ဖြေရှင်းဆောင်ရွက်ပေးရမည်ဖြစ်သော်လည်း မလိုလားအပ်ဘဲ ပြည်သူတို့အပေါ် ဝန်ထုပ်ဝန်ပိုးမဖြစ်စေရန်လည်း ဂရုပြုဆောင်ရွက်သွားရန်လိုကြောင်း၊ ဥပဒေလုပ်ထုံး လုပ်နည်းများနှင့်ပတ်သက်၍ ကောင်းစွာသိရှိ နားလည်နေရမည်ဖြစ်သကဲ့သို့ ဝိုင်းဝန်းအကောင် အထည်ဖော် ဆောင်ရွက်ကြရန်လည်းလိုကြောင်း။သုတေသနလုပ်ငန်းများနှင့်ပတ်သက်၍ သုတေသနလုပ်ငန်းသည် လုပ်ငန်းတစ်ခုအောင်မြင်မှုရှိစေရေးအတွက် ကြိုတင်လေ့လာဆန်းစစ် ဆောင်ရွက်ခြင်းပင်ဖြစ်ကြောင်း၊ လက်တွေ့ဆောင်ရွက်နိုင်သည်များကို သုတေသနပြု ဆောင်ရွက်သွားရန်လိုပြီး အကျိုးရှိရှိအသုံးချနိုင်ရန်လိုကြောင်း၊ စက်မှုလက်မှု၊ စိုက်ပျိုးမွေးမြူရေး၊ ကုန်ထုတ်လုပ်မှုအပါအဝင် ပညာရေးလုပ်ငန်းများနှင့်ပတ်သက်၍ လက်တွေ့ အသုံးချနိုင်သည်များကို အမြဲဆန်းစစ်သုတေသနပြုလုပ်နေရန်လိုကြောင်း၊ သုတေသနလုပ်ငန်းများကို ဝန်ကြီးဌာနများအားလုံးက အလေးထား ဆောင်ရွက်ကြရန်လိုကြောင်း။ဘဏ္ဍာငွေများ အသုံးချမှုနှင့်ပတ်သက်၍လည်း ခွင့်ပြုပေးထားသည့်ဘဏ္ဍာငွေများကို သက်ဆိုင်ရာကဏ္ဍများအလိုက် မှန်မှန်ကန်ကန်နှင့်အကျိုးရှိရှိ အသုံးချနိုင်ရန်လိုကြောင်း၊ အသုံးချနိုင်မှုမရှိဘဲ ပိုလျှံရန်ပုံငွေစာရင်းသို့ ပြန်လည်အပ်နှံခြင်းသည် နိုင်ငံအတွက် နစ်နာဆုံးရှုံးမှုပင်ဖြစ်ကြောင်း၊ အကြောင်းအမျိုးမျိုးကြောင့် ခွင့်ပြုပေးထားသည့် ဘဏ္ဍာငွေများအား သတ်မှတ်ကာလအတွင်း သုံးစွဲနိုင်မှုမရှိပါကလည်း ဆောလျင်စွာပြန်လည်အပ်နှံသွားရန်လိုပြီး ထိုသို့ဆောင်ရွက်မှသာ အခြားနိုင်ငံတော်အတွက် လိုအပ်သည့်နေရာများ၌ လွှဲပြောင်းအသုံးပြုနိုင်မည်ဖြစ်ကြောင်း၊ ပြည်သူလူထုအတွက် လိုအပ်သည့် အခြေခံအဆောက်အအုံများ ကောင်းမွန်စေရေး၊ လမ်းပန်းဆက်သွယ်မှုများကောင်းမွန်စေရေး၊ ပညာရေး၊ ကျန်းမာရေးကဏ္ဍများတွင် ဝန်ဆောင်မှုကောင်းမွန်အောင် ဆောင်ရွက်ပေးခြင်းတို့ဖြင့် ဘဏ္ဍာငွေများကို အကျိုးရှိရှိအသုံးချသွားကြရန်လိုကြောင်း၊ ထို့ပြင် ခွင့်ပြုပေးထားသည့် ဘဏ္ဍာငွေများအား အလွဲသုံးစားခြင်းများ မရှိစေရေးအတွက်လည်း ကြပ်မတ်ဆောင်ရွက်သွားရန်လိုကြောင်း။တိုင်းဒေသကြီးနှင့် ပြည်နယ်များအလိုက် လုံခြုံရေးစစ်ဆေးကြပ်မတ်ခြင်းများ ဆောင်ရွက်နေသည်များရှိကြောင်း၊ ထိုသို့ ဆောင်ရွက်ရာတွင်လည်း လုံခြုံရေးပိုင်းဆိုင်ရာအရ စစ်ဆေးကြပ်မတ်ခြင်းသာဖြစ်ရန်လိုပြီး ပြည်သူများအတွက် ဝန်ထုပ်ဝန်ပိုး မဖြစ်စေရန်လိုကြောင်း၊ လုံခြုံရေးအရ၊ တရားမဝင်ကုန်စည်စီးဆင်းမှုနှင့် မူးယစ်ဆေးဝါးတိုက်ဖျက်ရေးတို့အရ စစ်ဆေးခြင်းများ ဆောင်ရွက်သည်ကို လက်ခံ၍ရသော်လည်း တရားမဝင်ငွေကြေးကောက်ခံခြင်းများ မဖြစ်ရန်လိုကြောင်း၊ တာဝန်ရှိသူများအနေဖြင့်လည်း စနစ်တကျဖြင့် စစ်ဆေးကြပ်မတ်ဆောင်ရွက်သွားကြရန်လိုကြောင်း။နိုင်ငံ့ဝန်ထမ်းများ၊ လုံခြုံရေးဝန်ထမ်းများအတွက် ဖြစ်သင့်ဖြစ်ထိုက်သည့် လစာနှုန်းထားနှင့် ထောက်ပံ့ကြေးများကို ပေးထားကြောင်း၊ သို့ဖြစ်၍ ငွေကြေးအလွဲသုံးစားခြင်း၊ လုပ်ပိုင်ခွင့်အာဏာများကို မလျော်မညီအသုံးချ၍ ငွေကြေးရယူခြင်း၊ ကောက်ခံခြင်းများ လုပ်ဆောင်ခြင်းမပြုကြရန်လိုကြောင်း၊ စီးပွားရေးလုပ်ငန်းလုပ်ကိုင်သူများအနေဖြင့်လည်း မိမိတို့တစ်ဦးတစ်ယောက်၏အကျိုးစီးပွားကို လိုလားမှုဖြင့် လုံခြုံရေးဆောင်ရွက်နေသူများ၊ နိုင်ငံ့ဝန်ထမ်းများကို ငွေကြေးပေးလာဘ်ထိုးခြင်းများဖြင့် မဖျက်ဆီးကြရန်လိုကြောင်း၊ လာဘ်ပေးလာဘ်ယူခြင်း၊ ငွေကြေးအလွဲသုံးစားခြင်း၊ လုပ်ပိုင်ခွင့်အာဏာကို မလျော်ညီစွာ အသုံးပြုခြင်းတို့ဖြင့် အားကောင်းသော နိုင်ငံတော်အစိုးရတစ်ရပ်၏ပုံရိပ်ကို ထိခိုက်ကျဆင်းစေပြီး နိုင်ငံ၏တည်ငြိမ်အေးချမ်းရေးကိုလည်း ထိခိုက်ပျက်စီးစေနိုင်ကြောင်း၊ သို့ဖြစ်၍ နိုင်ငံ့ဝန်ထမ်းများအားလုံး အဂတိတရားကင်းရှင်းမှုရှိစေရေး ဆောင်ရွက်သွားကြရန်နှင့် ကြပ်မတ်ကွပ်ကဲရန် တာဝန်ရှိသူများအနေဖြင့်လည်း စနစ်တကျ ကွပ်ကဲကြပ်မတ်သွား ကြရန်လိုကြောင်း။နိုင်ငံတစ်နိုင်ငံတွင် အဓိကအားဖြင့် စီးပွားရေးအားကောင်းရန်လိုပြီး စီးပွားရေးအားကောင်းမှသာလျှင် ငွေကြေးခိုင်မာမှုရှိလာမည်ဖြစ်ကြောင်း၊ မိမိတို့အစိုးရအနေဖြင့် တိုင်းပြည်၏ ငွေကြေးကို ခိုင်မာအောင်လုပ်ဆောင်ပေးရမည်ဖြစ်ပြီး စီးပွားရေးအရ အားကောင်းလာစေရေး၊ ပြည်သူတို့၏ လူမှုစီးပွားဘဝဖွံ့ဖြိုးတိုးတက်ရေး၊ တည်ငြိမ်အေးချမ်းရေးတို့ကို ကြိုးပမ်းဆောင်ရွက်သွားရမည်ဖြစ်ကြောင်း၊ လက်ရှိအချိန်တွင် နိုင်ငံတော်အစိုးရအနေဖြင့် ဒီမိုကရေစီလမ်းကြောင်းပေါ်တွင် အရှိန်အဟုန်ကောင်းကောင်းဖြင့် ခိုင်ခိုင်မာမာလျှောက်လှမ်းနေပြီဖြစ်ကြောင်း၊ လုပ်ဆောင်ချက်များအားလုံးကို မရေမရာဖြင့်စမ်းတဝါးဝါးဆောင်ရွက်နေခြင်းမဟုတ်ဘဲ တိကျခိုင်မာသည့် ဦးတည်ချက်၊ ရည်မှန်းချက်များထားရှိပြီး မိမိတို့ဖြတ်သန်းခဲ့ရသည့် အတွေ့အကြုံများဖြင့် အကောင်းဆုံးအသုံးချဆောင်ရွက်နေခြင်းဖြစ်ကြောင်း၊ ထို့ကြောင့် အစိုးရအဖွဲ့အပါအဝင် တာဝန်ရှိသူများအားလုံးအနေဖြင့် မိမိတို့သက်ဆိုင်ရာ တာဝန်ယူထားရသည့် လုပ်ငန်းများအားလုံး အောင်မြင်မှုရှိစေရေး အားလုံးကဝိုင်းဝန်းကြိုးပမ်း ဆောင်ရွက်သွားကြရန် တိုက်တွန်းမှာကြားလိုကြောင်းပြောကြားပြီး အစည်းအဝေးကို ရုပ်သိမ်းလိုက်ကြောင်း သတင်းရရှိသည်။သတင်းစဉ်MOI
Wed, 10-Jun-2026
မြန်မာနှင့် အင်ဒိုနီးရှား နှစ်နိုင်ငံ နိုင်ငံခြားရေးဝန်ကြီးများ ဆွေးနွေးပွဲကျင်းပ
မြန်မာနှင့် အင်ဒိုနီးရှား နှစ်နိုင်ငံ နိုင်ငံခြားရေးဝန်ကြီးများ ဆွေးနွေးပွဲကျင်းပ
နေပြည်တော် ဇွန် ၈နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေ၏ ဖိတ်ကြားချက်အရ အင်ဒိုနီးရှားနိုင်ငံခြားရေးဝန်ကြီး မစ္စတာ ဆူဂီအိုနိုနှင့် ဇနီးတို့သည် ကိုယ်စားလှယ်အဖွဲ့ဝင်များနှင့်အတူ ယနေ့တွင် နေပြည်တော်သို့ တရားဝင်ခရီးစဉ်အဖြစ် ရောက်ရှိသည်။နိုင်ငံခြားရေးဝန်ကြီးဌာန ပြည်ထောင်စုဝန်ကြီးသည် အင်ဒိုနီးရှားနိုင်ငံခြားရေးဝန်ကြီးနှင့် ကိုယ်စားလှယ်အဖွဲ့အား မွန်းလွဲပိုင်းတွင် နိုင်ငံခြားရေးဝန်ကြီးဌာန၌ တွေ့ဆုံဆွေးနွေးသည်။ဆွေးနွေးပွဲတွင် နှစ်နိုင်ငံနိုင်ငံခြားရေးဝန်ကြီးများသည် မြန်မာနှင့် အင်ဒိုနီးရှားနိုင်ငံတို့အကြား ကာလရှည်ကြာစွာ တည်ရှိခဲ့သည့် အစဉ်အလာရှိသော ချစ်ကြည်ရင်းနှီးမှုပိုမိုခိုင်မာစေရေး၊ သံတမန်ဆက်ဆံရေးအပါအဝင် နှစ်နိုင်ငံဆက်ဆံရေးတွင် ကဏ္ဍသစ်တစ်ရပ်ဖွင့်လှစ်နိုင်ရေးအတွက် ပူးပေါင်းဆောင်ရွက်မှုတိုးမြှင့်ရေး၊ အာဆီယံအပါအဝင် ဒေသတွင်းနှင့် နိုင်ငံတကာမျက်နှာစာတွင် ပူးပေါင်းဆောင်ရွက်မှုမြှင့်တင်ရေး၊ စီးပွားရေးပူးပေါင်းဆောင်ရွက်မှုနှင့် နှစ်နိုင်ငံအကျိုးဖြစ်ထွန်းစေမည့် ကဏ္ဍများတွင် ပူးပေါင်းဆောင်ရွက်မှုတိုးမြှင့်ရေးကိစ္စရပ်များကို ရင်းနှီးပွင့်လင်းစွာဆွေးနွေးကြသည်။တွေ့ဆုံစဉ် နိုင်ငံခြားရေးဝန်ကြီးဌာန ပြည်ထောင်စုဝန်ကြီးက မြန်မာနိုင်ငံ၏ ငြိမ်းချမ်းရေးလုပ်ငန်းစဉ်နှင့် နိုင်ငံရေးဖြစ်ပေါ် တိုးတက်မှုများအပေါ် အင်ဒိုနီးရှားနိုင်ငံက အပြုသဘောဆောင်ကြိုဆိုခဲ့ခြင်းအတွက် ကျေးဇူးတင်ရှိကြောင်း၊ နှစ်နိုင်ငံနိုင်ငံခြားရေးဝန်ကြီးဌာနများအကြား ပူးပေါင်းဆောင်ရွက်မှုများ တိုးမြှင့်သွားမည်ဖြစ်ကြောင်း၊ မြန်မာနိုင်ငံအနေဖြင့် အာဆီယံနှင့် ပူးပေါင်းဆောင်ရွက်ရာတွင် တာဝန်သိအဖွဲ့ဝင်နိုင်ငံတစ်နိုင်ငံအနေဖြင့် ပါဝင်ဆောင်ရွက်လျက်ရှိပြီး မိမိတို့နိုင်ငံနှင့်ကိုက်ညီသည့် မြန်မာဦးဆောင်သော မြန်မာ့ကိုယ်ပိုင်လုပ်ငန်းစဉ်ဖြင့် ဆက်လက်ဆောင်ရွက်သွားမည်ဖြစ်ကြောင်း၊ မြန်မာနိုင်ငံ၏ အပြုသဘောဆောင်သည့် ဖြစ်ပေါ်တိုးတက်မှုများကို နားလည်ထောက်ခံသည့် အင်ဒိုနီးရှားနိုင်ငံနှင့် အာဆီယံအဖွဲ့ဝင်နိုင်ငံများကို အသိအမှတ်ပြုကျေးဇူးတင်ရှိကြောင်း၊ အင်ဒိုနီးရှားနိုင်ငံမှ ပညာသင်ဆုများ ပေးအပ်ခြင်းအပါအဝင် မြန်မာနိုင်ငံ၏ လူ့စွမ်းအားအရင်းအမြစ်ဖွံ့ဖြိုးတိုးတက်ရေးအတွက် ဆက်လက်ပံ့ပိုးကူညီပေးစေလိုကြောင်း ပြောကြားသည်။အင်ဒိုနီးရှား နိုင်ငံခြားရေးဝန်ကြီးက အင်ဒိုနီးရှားနိုင်ငံအနေဖြင့် မြန်မာနိုင်ငံနှင့် ရှိရင်းစွဲဆက်ဆံရေးကို တိုးမြှင့်ဆောင်ရွက်သွားမည်ဖြစ်ကြောင်း၊ မြန်မာနိုင်ငံတွင် ရွေးကောက်ပွဲမှတစ်ဆင့် အစိုးရသစ်တစ်ရပ်ထွက်ပေါ်လာခြင်းနှင့်အတူ ငြိမ်းချမ်းရေး၊ အမျိုးသားပြန်လည်သင့်မြတ်ရေးနှင့် ဒီမိုကရေစီဖော်ဆောင်ရေး ကြိုးပမ်းဆောင်ရွက်မှုများကို အင်ဒိုနီးရှားနိုင်ငံအနေဖြင့် အသိအမှတ်ပြုပါကြောင်း၊ အာဆီယံထုတ်ပြန်ချက် ၅ ရပ်အား မြန်မာဦးဆောင်သော မြန်မာ့ကိုယ်ပိုင်လုပ်ငန်းစဉ်ဖြင့် အကောင်အထည်ဖော်လျက်ရှိခြင်းကို အင်ဒိုနီးရှားအနေဖြင့် အသိအမှတ်ပြုကြောင်း၊ မြန်မာနိုင်ငံသည် အာဆီယံ၏ မိသားစုဝင်အဖြစ် နှစ်ပေါင်းများစွာတည်ရှိလာသည်ဖြစ်ရာ အာဆီယံ၏ လှုပ်ရှားဆောင်ရွက်မှုများတွင် မြန်မာနိုင်ငံကို ဆက်လက်ပါဝင်စေလိုကြောင်း၊ မြန်မာနိုင်ငံကဲ့သို့ တိုင်းရင်းသားလူမျိုးပေါင်းစုံပါဝင်သည့် လူ့အဖွဲ့အစည်းတွင် ကြုံတွေ့ရသည့် စိန်ခေါ်မှုများကို အင်ဒိုနီးရှားနိုင်ငံအနေဖြင့် နားလည်သဘောပေါက်ပြီး မြန်မာနိုင်ငံ၏ ငြိမ်းချမ်းရေးလုပ်ငန်းစဉ်တွင် ပါဝင်ပံ့ပိုးလိုကြောင်း၊ စီးပွားရေး၊ ပညာရေး၊ ကျန်းမာရေး၊ ပြည်သူအချင်းချင်းကူးလူးဆက်ဆံရေးနှင့် လူသားချင်းစာနာထောက်ထားမှု အကူအညီပေးရေးကဏ္ဍများတွင် ပူးပေါင်းဆောင်ရွက်မှုမြှင့်တင်လိုကြောင်း ပြောကြားသည်။ညနေပိုင်းတွင် အင်ဒိုနီးရှားနိုင်ငံခြားရေးဝန်ကြီး ဦးဆောင်သော ကိုယ်စားလှယ်အဖွဲ့သည် အင်ဒိုနီးရှားနိုင်ငံသို့ ပြန်လည်ထွက်ခွာသွားသည်။moi
Tue, 9-Jun-2026
တတိယအကြိမ်အမျိုးသားလွှတ်တော် ဒုတိယပုံမှန်အစည်းအဝေး တတိယနေ့ကျင်းပ
တတိယအကြိမ်အမျိုးသားလွှတ်တော် ဒုတိယပုံမှန်အစည်းအဝေး တတိယနေ့ကျင်းပ
နေပြည်တော် ဇွန် ၈တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးတတိယနေ့ကို ယနေ့ မွန်းလွဲ ၁ နာရီတွင် နေပြည်တော်ရှိ လွှတ်တော်အဆောက်အအုံအမျိုးသားလွှတ်တော်အစည်းအဝေးခန်းမ၌ ကျင်းပသည်။အစည်းအဝေးတွင် အမျိုးသားလွှတ်တော်ဥက္ကဋ္ဌ ဦးအောင်လင်းဒွေးက တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးတတိယနေ့သို့ တက်ရောက်ခွင့်ရှိသည့် အမျိုးသားလွှတ်တော်ကိုယ်စားလှယ်ဦးရေ စုစုပေါင်း ၂၀၉ ဦးရှိသည့်အနက် ယနေ့အစည်းအဝေးသို့ ၂၀၈ ဦး တက်ရောက်သဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်းကြေညာကာ အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။အပြည့်အစုံဖတ်ရှုရန်- https://www.moi.gov.mm/news/83692
Tue, 9-Jun-2026
တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး စတုတ္ထနေ့ကျင်းပ
တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး စတုတ္ထနေ့ကျင်းပ
နေပြည်တော် ဇွန် ၈တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေးစတုတ္ထနေ့ကို ယနေ့မွန်းလွဲ ၁ နာရီခွဲတွင် နေပြည်တော်ရှိ လွှတ်တော်အဆောက်အအုံ ပြည်သူ့လွှတ်တော်အစည်းအဝေးခန်းမ၌ ကျင်းပသည်။ဦးစွာ ပြည်သူ့လွှတ်တော်ဥက္ကဋ္ဌ ဦးခင်ရီက တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေးစတုတ္ထနေ့သို့ တက်ရောက်ခွင့်ရှိသည့် ပြည်သူ့လွှတ်တော်ကိုယ်စားလှယ်ဦးရေ ၃၅၁ ဦး ရှိသည့်အနက် ယနေ့အစည်းအဝေးသို့ ၃၄၉ ဦး တက်ရောက်သဖြင့် တက်ရောက်မှုရာခိုင်နှုန်း ၉၉ ဒသမ ၄၃ ရှိသည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်း ကြေညာပြီး အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။အပြည့်အစုံဖတ်ရှုရန်- https://www.moi.gov.mm/news/83691
Tue, 9-Jun-2026
အမေရိကန်က ထိန်းသိမ်းထားသော အီရန်၏ပိုင်ဆိုင်မှုများကို ပင်လယ်ကွေ့မဟာမိတ်များထံလွှဲပြောင်းပေးရန်စီစဉ်နေ
အမေရိကန်က ထိန်းသိမ်းထားသော အီရန်၏ပိုင်ဆိုင်မှုများကို ပင်လယ်ကွေ့မဟာမိတ်များထံလွှဲပြောင်းပေးရန်စီစဉ်နေ
အမေရိကန်စစ်အခြေစိုက်စခန်းများ တည်ရှိရာ ပင်လယ်ကွေ့အာရပ်နိုင်ငံများ၌ အီရန်နိုင်ငံ၏ လက်တုံ့ပြန်တိုက်ခိုက်မှုများကြောင့် ပျက်စီးသွားသော စွမ်းအင်နှင့် အခြေခံအဆောက်အအုံများ ပြန်လည်တည်ဆောက်ရေးအတွက် အမေရိကန်ကထိန်းသိမ်းထားသော အီရန်၏ပိုင်ဆိုင်မှုများကိုလွှဲပြောင်းအသုံးပြုရန် အမေရိကန်အစိုးရက စီစဉ်နေကြောင်း သတင်းဌာနများကဖော်ပြထားသည်။အမေရိကန်ဘဏ္ဍာရေးဝန်ကြီး စကော့ဘတ်ဆန့်၏ညွှန်ကြားချက်အရ ဘဏ္ဍာရေးဝန်ကြီးဌာနသည် ပင်လယ်ကွေ့ဒေသ၌ရှိ သော မဟာမိတ်နိုင်ငံများ၏ပျက်စီးဆုံးရှုံးမှုစာရင်းကိုကောက်ယူနေပြီး ယခင်က အီရန်ကျောထောက်နောက်ခံပြု အဖွဲ့များကြောင့် ဖြစ်ပွားခဲ့ရသည့် ပျက်စီးမှုများအတွက်ပါအဆိုပါရန်ပုံငွေများကို အသုံးပြုနိုင်ခြေ ရှိ၊မရှိ ဆန်းစစ်နေသည်။အမေရိကန်နှင့် အီရန်ကြား သွယ်ဝိုက်ဆွေးနွေးမှုများတွင် အီရန်ဘက်က ၎င်းတို့၏ထိန်းသိမ်းခံထားရသော အမေရိကန်ဒေါ်လာ ၂၄ ဘီလီယံ ပြန်လည်ရရှိရေးကိုတောင်းဆိုထားမှုကြောင့် လက်ရှိဆွေးနွေးမှုများရပ်တန့်နေသည်။ အီရန်နိုင်ငံဒုတိယနိုင်ငံခြားရေးဝန်ကြီး ကာဇမ်ဂါရီဘာဘာဒီက နားလည်မှုစာချွန်လွှာကို လက်မှတ်ရေးထိုးပြီးပါက ပထမအဆင့်အနေဖြင့် ဒေါ်လာ၁၂ ဘီလီယံကို ချက်ချင်းလွှဲပြောင်းပေးရန် တောင်းဆိုထားသည်။ မတ်လအတွင်းက အစ္စရေး၏တိုက်ခိုက်မှုကြောင့် အီရန်၏ သဘာဝဓာတ်ငွေ့တွင်း ပျက်စီးပြီးနောက် အီရန်က ပင်လယ်ကွေ့ရှိ အမေရိကန်စစ်စခန်းနေရာများကို ပစ်မှတ်ထားတိုက်ခိုက်ခဲ့ခြင်းဖြစ်သည်။                      Ref: RTMWD
Mon, 8-Jun-2026
ပင်တဂွန်က အစ္စရေး၏ သူလျှိုလုပ်မှု ခြိမ်းခြောက်မှုကို 'စိုးရိမ်ရသည့်အဆင့်' သို့ တိုးမြှင့် သတ်မှတ်
ပင်တဂွန်က အစ္စရေး၏ သူလျှိုလုပ်မှု ခြိမ်းခြောက်မှုကို 'စိုးရိမ်ရသည့်အဆင့်' သို့ တိုးမြှင့်သတ်မှတ်
အီရန်နှင့်လက်ဘနွန်အရေးတို့ကြောင့် ဒေသတွင်းတင်းမာမှုများမြင့်တက်နေချိန်တွင် အမေရိကန်အစိုးရ ထိပ်တန်းအရာရှိများကို အစ္စရေးထောက်လှမ်းရေးအဖွဲ့များက ပစ်မှတ်ထားကာ သိသိသာသာသူလျှိုလုပ်နေသည်ဟုဆိုကာ အမေရိကန် ကာကွယ်ရေး ထောက်လှမ်းရေးအေဂျင်စီ (DIA) က အစ္စရေး၏ခြိမ်းခြောက်မှုအန္တရာယ်ကို အမြင့်ဆုံးဖြစ်သော စိုးရိမ်ရသည့်အဆင့် (Critical) သို့ တိုးမြှင့်သတ်မှတ်လိုက်ကြောင်း NBC News နှင့် New York Times သတင်းဌာနတို့က ဖော်ပြခဲ့ကြသည်။ ပစ်မှတ်ထားစောင့်ကြည့်ခံရသူများထဲတွင် အီရန်နှင့်ဆွေးနွေးပွဲ၌ သမ္မတ ဒေါ်နယ်ထရမ့် ၏ ထိပ်တန်းညှိနှိုင်းရေးမှူး စတိဗ် ဝစ်ကော့ဖ်နှင့် ပင်တဂွန် မူဝါဒရေးရာအရာရှိ အယ်လ် ဘရစ်ဂ်ျ ကိုလ်ဘီတို့အပါအဝင် ထရမ့်အစိုးရအဖွဲ့၏ အဓိကအရာရှိကြီးများ ပါဝင်နေသည်။ အမေရိကန် တန်ပြန်ထောက်လှမ်းရေးအဖွဲ့များ၏အဆိုအရ အစ္စရေးသည် အီရန်နှင့်လက်ဘနွန်အရေးအပေါ် ထရမ့်အစိုးရအဖွဲ့အတွင်း ဆွေးနွေးတိုင်ပင်မှုများကို ချောင်းမြောင်းသိရှိနိုင်ရန် ပုံမှန်ထက်ကျော်လွန်၍ ကြိုးပမ်းနေခြင်းဖြစ်ကြောင်း သိရှိ ရသည်။ သို့သော်လည်း ယခုသတင်းနှင့်ပတ်သက်၍ ပင်တဂွန်က မှတ်ချက်ပေးရန် ငြင်းဆန်ခဲ့ပြီး အိမ်ဖြူတော်ကမူ သတင်းအမှားဖြစ်ကြောင်း ငြင်းဆိုထားကာ ဝါရှင်တန်ရှိ အစ္စရေး သံရုံးကလည်း နိုင်ငံရေးအရ ရည်ရွယ်ချက်ရှိရှိလုပ်ကြံမှုသာဖြစ်ပြီး မိမိတို့အနေဖြင့် မဟာမိတ်များကို ပစ်မှတ်မထားကြောင်း တုံ့ပြန်ခဲ့သည်။ယခုကဲ့သို့ သူလျှိုလုပ်မှု ခြိမ်းခြောက်မှုအဆင့် မြင့်တက်လာခြင်းသည် အီရန်နိုင်ငံ အရေးနှင့် လက်ဘနွန်အတွင်း အစ္စရေး၏ စစ်ရေးလှုပ်ရှားမှုများနှင့်ပတ်သက်၍ အမေရိကန် သမ္မတ ဒေါ်နယ်ထရမ့်နှင့် အစ္စရေးဝန်ကြီးချုပ် ဘင်ဂျမင် နေတန်ယာဟုတို့အကြား သဘောထားကွဲလွဲမှုများပြင်းထန်နေချိန်တွင် ပေါ်ထွက်လာခြင်း ဖြစ်သည်။ အမေရိကန်နှင့် အီရန်အကြားရရှိထားသော ယာယီအပစ်ရပ်စဲရေးကိုအခြေခံ၍ ပိုမို ကျယ်ပြန့်သောသဘောတူညီချက်ရရန် ထရမ့်က သံတမန်ရေးအရ ကြိုးပမ်းနေသော်လည်း နေတန်ယာဟုကမူ စစ်ရေးအရအရေးယူရန်သာ တိုက်တွန်းနေသည်။ ထို့အပြင် အစ္စရေးက လက်ဘနွန်ရှိ ဟစ်ဇ်ဘိုလာအဖွဲ့ကို စစ်ဆင်ရေးများ အရှိန်မြှင့်တိုက်ခိုက်နေခြင်းကြောင့် အမေရိကန်၏ အီရန်ဆွေးနွေးပွဲများကို အန္တရာယ်ဖြစ်စေသည်ဟုဆိုကာ မကြာသေးမီက ပြုလုပ်ခဲ့သည့် ဖုန်းခေါ်ဆိုမှုတစ်ခုအတွင်း နေတန်ယာဟု ကို “အစွန်းရောက်အရူး” ဟု ပြောဆိုခဲ့ကြောင်း သမ္မတထရမ့်ကိုယ်တိုင် ပေါ့ဒ်ကတ်စ် တစ်ခုတွင် ဝန်ခံခဲ့သည်။အမေရိကန်နိုင်ငံခြားရေးဝန်ကြီးဌာန၏ ထုတ်ပြန်ချက်အရ အစ္စရေးနှင့်လက်ဘနွန် တို့သည် ဟစ်ဇဘိုလာတို့၏ တိုက်ခိုက်မှုများ လုံးဝရပ်တန့်ရန်နှင့် တောင်ပိုင်းမှ ဆုတ်ခွာ ပေးရန်ဟူသော အချက်များအပေါ်မူတည်၍ အပစ်အခတ်ရပ်စဲရေးကို အကောင်အထည် ဖော်ရန် သဘောတူညီခဲ့ကြသည်ဟု ဆိုသော်လည်း ဒေသတွင်း၌ တိုက်ခိုက်မှုများ ဆက်လက်ပြင်းထန်နေဆဲ ဖြစ်သည်။ ပြီးခဲ့သည့် ကြာသပတေးနေ့ (ဇွန် ၄) ကပင် လက်ဘနွန်တောင်ပိုင်းနှင့် အရှေ့ပိုင်းတို့တွင် အစ္စရေး၏ လေကြောင်းတိုက်ခိုက်မှုများကြောင့် အရပ်သားအများအပြား သေဆုံးဒဏ်ရာရရှိခဲ့သည်။ အီရန်နိုင်ငံကမူ ယခုအမေရိကန်နှင့် ဆွေးနွေးပွဲများတွင် လက်ဘနွန် အရေးကိုပါ ထည့်သွင်းဖြေရှင်းခြင်းမရှိပါက သို့မဟုတ် အစ္စရေး၏တိုက်ခိုက်မှုများ ဆက်ရှိနေပါက အမေရိကန်နှင့် ရေရှည်တည်တံ့သောပြေလည်မှုတစ်ရပ်ကို သဘောတူမည် မဟုတ်ဘဲ ဆွေးနွေးပွဲများမှနုတ်ထွက်မည်ဟု ပြတ်ပြတ်သားသား သတိပေးထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 7-Jun-2026
© Copyright 2024 SAC All Rights Reserved.