ဇမ္ဗူသီရိမြို့နယ်၌ စိုက်ပျိုးစရိတ်နှင့် လယ်ယာသုံး စက်ကိရိယာချေးငွေထုတ်ပေးနိုင်ရေး ဆွေးနွေး

ဇမ္ဗူသီရိ မေ ၂၄

နေပြည်တော်ရှိ တောင်သူများအား စိုက်ပျိုးစရိတ်နှင့် လယ်ယာသုံးစက်ကိရိယာချေးငွေ ထုတ်ပေးနိုင်ရေး ရှင်းလင်းဆွေးနွေးပွဲကို ယ‌နေ့နံနက်ပိုင်းက နေပြည်တော် ဇမ္ဗူသီရိမြို့နယ်ရှိ Kubota-GBS ရုံးခန်းမ၌ ကျင်းပသည်။

ဦးစွာ မြန်မာ့လယ်ယာဖွံ့ဖြိုးရေးဘဏ် နေပြည်တော် တိုင်းမန်နေဂျာ ဒေါ်ယဉ်နွဲ့က လယ်ယာသုံးစက်ကိရိယာ ချေးငွေထုတ်ချေးရေး ဆောင်ရွက်မည့်အစီအစဉ်သစ်အနေဖြင့် တောင်သူလယ်သမားများနှင့် လယ်ယာထုတ်ကုန်လုပ်ငန်းရှင်များသို့ လယ်ယာသုံးစက်ကိရိယာ ချေးငွေများကို ငွေကျပ်သိန်း ၁၀၀ မှ ၅၀၀ အထိ၊ ကျပ်သိန်း ၅၀၁ မှ ၁၀၀၀ အထိ၊ ကျပ်သိန်း ၁၀၀၁ မှ ၃၀၀၀ အထိနှင့် ကျပ်သိန်း ၃၀၀၁ မှ ၅၀၀၀ အထိစသည်ဖြင့် ကဏ္ဍအလိုက် ထုတ်ချေးပေးသွားမည်ဖြစ်ကြောင်း ပြောကြားသည်။

ထို့နောက် တောင်သူများက သိရှိလိုသည်များကို မေးမြန်းခဲ့ရာ တာဝန်ရှိသူများက ပြန်လည်ဖြေကြားပေးခဲ့ကြောင်း သိရသည်။

မြို့နယ်(ပြန်/ဆက်)

MDN