မလေးရှားက အသက် ၁၆ နှစ်အောက်များကို လူမှုမီဒီယာ အသုံးပြုမှု တားမြစ်မည်

NoahJune222

News Image

  • မလေးရှားက အသက် ၁၆ နှစ်အောက်များကို လူမှုမီဒီယာ အသုံးပြုမှု တားမြစ်မည်

မလေးရှားနိုင်ငံက အသက် ၁၆ နှစ်နှင့် အောက်ရှိသူများကို လူမှုမီဒီယာ အသုံးပြုမှုတားမြစ်ရန် လုပ်ဆောင်သွားမည်ဖြစ်ပြီး ယင်းတားမြစ်မှုကို ၂၀၂၆ ခုနှစ်တွင် စတင်အသက်သွင်းမည်ဖြစ်ကြောင်း ဆက်သွယ်ရေးဝန်ကြီး ဖာမီဖတ်ဇေကပြောသည်။

အစိုးရအနေဖြင့် ကလေးငယ်များ၏ အွန်လိုင်းလုံခြုံရေး တိုးတက်စေရန် ရည်ရွယ်၍ ယခုအစီအစဉ်ကို အကောင်အထည်ဖော်ခြင်းဖြစ်ကြောင်း၊ လူမှုမီဒီယာပလက်ဖောင်းများသည် ၎င်းတို့၏ပလက်ဖောင်းကို အသုံးပြုသူများအပေါ် စိစစ်မှုများလုပ်ဆောင်သွားမည်ဟု မျှော်လင့်ထားကြောင်း ဆက်သွယ်ရေးဝန်ကြီးက ဆက်ပြောသည်။

မလေးရှားအစိုးရအနေဖြင့် ၂၀၂၆ ခုနှစ်ဇန်နဝါရီလ ၁ ရက်မှစ၍ အွန်လိုင်းလုံခြုံရေး ဥပဒေကို စတင်အကောင်အထည် ဖော်သွားမည်ဖြစ်ပြီး ထိုဥပဒေနှင့်အတူ အသက် ၁၆ နှစ်အောက်ကလေးများကိုပါ   လူမှုမီဒီယာ အသုံးပြုမှု  တားမြစ်သွားမည်ဖြစ်ကြောင်း   ဆက်သွယ်ရေးဝန်ကြီးက ပြောသည်။

ဩစတြေးလျနိုင်ငံက   လူမှုမီဒီယာ အသုံးပြုသူများကို အသက်အရွယ် ကန့်သတ်လိုက်ပြီးနောက်    မလေးရှားနိုင်ငံအပါအဝင် အခြားနိုင်ငံများကပါ  ဩစတြေးလျ နိုင်ငံကဲ့သို့ လိုက်ပါလုပ်ဆောင်လာခြင်း ဖြစ်ကြောင်း သိရသည်။

MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ရန်ကုန်-မန္တလေးရထားလမ်းပိုင်း၌ ပြေးဆွဲပေးလျက်ရှိသည့် အမှတ် (၁၀) အစုန် ခေတ်မီလေအေးပေးစက်ပါ DEMU ရထားတွဲဆိုင်းသစ်အား ခဲဖြင့်ပစ်ပေါက်မှုဖြစ်ပွား
ရန်ကုန်-မန္တလေးရထားလမ်းပိုင်း၌ ပြေးဆွဲပေးလျက်ရှိသည့် အမှတ် (၁၀) အစုန် ခေတ်မီလေအေးပေးစက်ပါ DEMU ရထားတွဲဆိုင်းသစ်အား ခဲဖြင့်ပစ်ပေါက်မှုဖြစ်ပွား
နေပြည်တော် ဇွန် ၈မြန်မာ့မီးရထားအနေဖြင့် ရထားစီးခရီးသွားပြည်သူများ ပိုမိုစိတ်ချမ်းမြေ့စွာ သွားလာနိုင်စေရေးအတွက် ရန်ကုန် - မန္တလေးရထားလမ်းပိုင်း၌ ခေတ်မီလေအေးပေးစက်ပါ DEMU တွဲဆိုင်းသစ်များဖြင့် ပြေးဆွဲပေးလျက်ရှိသည်။ထိုသို့ ပြေးဆွဲလျက်ရှိရာ ရန်ကုန်-မန္တလေးအစုန်/အဆန်ခရီးစဉ်အား ရထားခြောက်စင်း၊ ရန်ကုန်-နေပြည်တော်ခရီးစဉ်အား ရထားလေးစင်း စုစုပေါင်း ရထား ၁၀ စင်း နေ့စဉ်ပြေးဆွဲပေးလျက်ရှိပြီး ဇွန် ၆ ရက်၊ ညနေ ၅ နာရီ မိနစ် ၂၀ တွင် အမှတ် (၁၀) အစုန်မန္တလေး-ရန်ကုန် DEMU လူစီးအမြန်ရထားသည် ကဒုတ်နှင့် ပျဉ်ပုံကြီးဘူတာအကြား မိုင်တိုင် ၆၈/၈-၉ သို့ရောက်ရှိ ဖြတ်သန်းစဉ်တွဲဆိုင်း၏ နောက်ဆုံးတွဲ DEMU-F-4016 ၏ အနောက်ဘက်ခြမ်းခရီးသည် အတက်/ အဆင်းတံခါးမှန်အား ခဲဖြင့်ပစ်ပေါက်မှုကြောင့် ၎င်းတံခါးရွက်၏ အပေါ်မှန်မှာ ကြေမွပျက်စီးခဲ့ပြီး ခရီးသည်နှင့် ဝန်ထမ်းများ ထိခိုက်မှုမရှိသည့်ဖြစ်စဉ် ဖြစ်ပွားခဲ့သည်။အဆိုပါဖြစ်ပွားရာနေရာသို့ ဒိုက်ဦးမြို့နယ် ရဲစခန်းနှင့် ရထားရဲတပ်ဖွဲ့တို့မှ တာဝန်ရှိသူများက လိုက်လံဖမ်းဆီးခဲ့ရာ တရားခံဖြစ်သူ ဟိန်းမင်းရှိန် (ဘ) ဦးဇော်လင်းခိုင်၊ အသက် (၁၅) နှစ်၊ အရှေ့ဈေးလမ်းပျဉ်ပုံကြီးကျေးရွာ ပဲခူးမြို့နယ်နှင့် အောင်မြင့်မြတ် (ဘ) ဦးကျော်ဟန် အသက် (၁၆) နှစ်၊ ဟိန်းမင်းထွဋ် (ဘ) ဦးသိန်းတိုး၊ အသက် (၁၅) နှစ်၊ လရောင်ဟန် (ဘ) ဦးအောင်ဇေယျ၊ အသက် (၁၆) နှစ် ဒိုက်ဦးမြို့နယ်တွင် နေထိုင်သူတို့ကို ဖမ်းဆီးရမိခဲ့ပြီး ဒိုက်ဦးမြို့နယ် အေးသုခရဲစခန်းတွင် အမှုအမှတ်၊ ပ/၁၃/၂၀၂၆ ရထားပို့ဆောင်ရေးလုပ်ငန်းဥပဒေ ၈၄ နှင့်အညီ အရေးယူနိုင်ရေး အမှုဖွင့်ဆောင်ရွက်လျက်ရှိသည်။ယခင် ၂၀၂၅ ခုနှစ် အောက်တိုဘာ ၂၈ ရက်တွင် အမှတ် (၇) အဆန် DEMU ရထားအား ဖြူးနှင့်ဇေယျဝတီဘူတာအကြား ခဲဖြင့် ပစ်ပေါက်ခဲ့သူ တရားခံ ထက်ဦးလွင် (ခ) ငထော်နီ၊ အသက် (၁၈) နှစ်အား တောင်ငူ ခရိုင်တရားရုံးမှ ရာဇသတ်ကြီးမှုအမှတ် ၁၂၅/၂၀၂၅ ဖြင့် ဒီဇင်ဘာ ၅ ရက်တွင် ရထားပို့ဆောင်ရေးလုပ်ငန်း ဥပဒေပုဒ်မ ၈၄ အရ အလုပ်နှင့် ထောင်ဒဏ် ၁၅ နှစ် ချမှတ်အရေးယူဆောင်ရွက်ခဲ့ပြီးဖြစ်သည်။မြန်မာ့မီးရထားအနေဖြင့် အများပြည်သူများ သယ်ယူပို့ဆောင်ရေးလုပ်ငန်းဖြစ်သည့်အတွက် ရထားအား ခဲဖြင့်ပေါက်ခြင်း၊ အနှောင့်အယှက်ပေးခြင်းတို့အား ထပ်မံမဖြစ်ပေါ်စေရေးတို့အတွက် ပဲခူးတိုင်းဒေသကြီး ရထားလမ်းအနီးအနားတစ်ဝိုက်ရှိ ခရိုင်၊ မြို့နယ်၊ ရပ်ကွက်ကျေးရွာများမှ တာဝန်ရှိသူများနှင့်အတူ ပြည်သူများ၊ စာသင်ကျောင်းများရှိ ကျောင်းသား ကျောင်းသူများအား အသိပညာပေးဟောပြောဆွေးနွေးမှုများ ဆောင်ရွက်လျက်ရှိသည်။၂၀၁၆ ခုနှစ် ဇန်နဝါရီ ၅ ရက်တွင် ထုတ်ပြန်ပြီးဖြစ်သည့် ရထားပို့ဆောင်ရေးလုပ်ငန်း ဥပဒေ၊ အခန်း ၁၈၊ ပုဒ်မ ၇၉ (ခ)အရ ရထားကို တစ်စုံတစ်ရာဖြင့်ပစ်ပေါက်ခြင်း (သို့မဟုတ်) တစ်စုံတစ်ရာပြုလုပ်ခြင်းအတွက် ပြစ်ဒဏ်အနေဖြင့် ပုဒ်မ (၈၄) အရ ထိုသူကို အနည်းဆုံး ၅ နှစ်မှ အများဆုံးနှစ် ၂၀ ထက်မပိုသော ထောင်ဒဏ်ချမှတ်ရမည့်အပြင် ငွေဒဏ်လည်း ချမှတ်နိုင်ကြောင်းသိရှိရပြီး ယခုဖြစ်စဉ်များနှင့် ပတ်သက်၍ ဥပဒေနှင့်အညီ ဆက်လက်အရေးယူသွားမည်ဖြစ်ကြောင်းနှင့် နိုင်ငံတော်အစိုးရအနေဖြင့် အများပြည်သူများ အဆင်ပြေကောင်းမွန်စွာ ခရီးသွားလာနိုင်ရေးအတွက် အဆင့်မြှင့်တင်ဆောင်ရွက်ပေးလျက်ရှိရာ ပြည်သူများအနေဖြင့် ဝိုင်းဝန်းပူးပေါင်းထိန်းသိမ်းသွားရန်လိုအပ်ကြောင်း သတင်းရရှိသည်။moi
Tue, 9-Jun-2026
အီရန်ကတိုက်ခိုက်မှုရပ်တန့်ရန်နှင့် အစ္စရေးက လက်တုံ့မပြန်ရန် အမေရိကန်တိုက်တွန်း
အီရန်ကတိုက်ခိုက်မှုရပ်တန့်ရန်နှင့် အစ္စရေးက လက်တုံ့မပြန်ရန် အမေရိကန်တိုက်တွန်း
အီရန်က အစ္စရေးနိုင်ငံအတွင်းသို့ အမြင့်ပျံ ဒုံးကျည်များဖြင့် ပစ်ခတ်တိုက်ခိုက်မှုများ လုပ်ဆောင်ပြီးနောက် အီရန်အနေဖြင့် ထိုသို့ပစ်ခတ်တိုက်ခိုက်မှုကို ရပ်တန့်ရန်နှင့် အစ္စရေးအနေဖြင့် အီရန်အပေါ် လက်တုံ့ပြန်တိုက်ခိုက်မှု မလုပ်ရန် အမေရိကန်အစိုးရက တိုက်တွန်းလိုက်ကြောင်း သိရသည်။အီရန်အနေဖြင့် ဒုံးကျည်များဖြင့် ပစ်ခတ်မှုကိုရပ်တန့်သင့်ပြီဖြစ်ကြောင်းနှင့် ဆွေးနွေးပွဲစကားဝိုင်းသို့ ပြန်လာရမည်ဖြစ်ကြောင်း အမေရိကန်သမ္မတ ဒေါ်နယ်ထရမ့်ကပြောသည်။ ထို့နောက် ထရမ့်က အစ္စရေးဝန်ကြီးချုပ်ဘင်ဂျမင်နေတန်ယာဟုထံသို့ ဖုန်းခေါ်ကာ အီရန်၏ဒုံးကျည်ဖြင့် တိုက်ခိုက်မှုများအတွက်လက်တုံ့ပြန်ခြင်းမပြုရန်ဖိအားပေးမည်ဖြစ်ကြောင်း   သတင်းဌာနတစ်ခုနှင့် တွေ့ဆုံမေးမြန်းခန်းတွင် ပြောထားသည်။အီရန်စစ်ဘက်က ဇွန်လ ၇ ရက်ညပိုင်းတွင် အစ္စရေးနိုင်ငံ အတွင်းသို့ အမြင့်ပျံဒုံးကျည် ၁၀ စင်းကိုသုံးကြိမ်ခွဲ၍ ပစ်ခတ်ခဲ့ခြင်း ဖြစ်သည်။ သို့သော် အဆိုပါဒုံးကျည်များအားလုံးကို ကြားဖြတ်ပစ်ချနိုင်ခဲ့ကြောင်း အစ္စရေးအစိုးရက ထုတ်ပြန်ထားသည်။ အစ္စရေးစစ်ဘက်က လက်ဘနွန်နိုင်ငံကို တိုက်ခိုက်ခြင်းအပေါ် လက်တုံ့ပြန်သည့်အနေဖြင့် အီရန်ကယခုကဲ့သို့ တိုက်ခိုက်ခြင်း ဖြစ်သည်ဟု အီရန်တာဝန်ရှိသူများက ထုတ်ပြန်ထားကြောင်း သိရသည်။Ref: RTMWD
Tue, 9-Jun-2026
အီဂျစ်၌ အပစ်အခတ်ရပ်စဲရေးဆွေးနွေးနေစဉ် ဂါဇာတွင်အစ္စရေး၏တိုက်ခိုက်မှုကြောင့် လူငါးဦးသေဆုံး
အီဂျစ်၌ အပစ်အခတ်ရပ်စဲရေးဆွေးနွေးနေစဉ် ဂါဇာတွင်အစ္စရေး၏တိုက်ခိုက်မှုကြောင့် လူငါးဦးသေဆုံး
အီဂျစ်နိုင်ငံ၌ အစ္စရေးနှင့်ဟားမတ်တို့ကြား  အပစ်အခတ်ရပ်စဲရေးဆွေးနွေးပွဲ  ကျင်းပနေစဉ် ဂါဇာကမ်းမြောင်ဒေသရှိ ဟားမတ်ထိန်းချုပ်ရာ ရဲစခန်းတစ်ခုကို အစ္စရေးက လေကြောင်းတိုက်ခိုက်မှုပြုလုပ်သဖြင့် ပါလက်စတိုင်းပြည်သူ ငါးဦးသေဆုံးကြောင်းနှင့် အနည်းဆုံး ၁၆ ဦး ဒဏ်ရာရရှိကြောင်း ကျန်းမာရေးတာဝန်ရှိသူများက ပြောသည်။အဆိုပါ လေကြောင်းတိုက်ခိုက်မှုသည် ဂါဇာတောင်ပိုင်း ခန်းယူနစ်ရှိ စစ်ဘေးဒုက္ခသည်များ ခိုလှုံရာတဲစခန်းနှင့် ကပ်လျက်ရှိသော ရဲကင်းစခန်းတစ်ခုကို ထိမှန်ခဲ့ခြင်း ဖြစ်သည်။ ဒဏ်ရာရရှိသူများတွင် ရဲတပ်ဖွဲ့ဝင်မည်မျှပါဝင်သည်ကို ဆေးဘက်ဆိုင်ရာ တာဝန်ရှိသူများက အတည်မပြုသေးသလို အစ္စရေးဘက်ကလည်း    ယခုဖြစ်စဉ်နှင့် ပတ်သက်၍ ချက်ချင်းမှတ်ချက်ပေးခြင်း မရှိသေးပေ။ ဟားမတ်လုံခြုံရေးတာဝန်ရှိသူများ၏ အဆိုအရ အစ္စရေးသည် ပြီးခဲ့သည့်လများတွင်   ရဲဌာနချုပ်များနှင့် ရဲတပ်ဖွဲ့ဝင်များကို ပစ်မှတ်ထားတိုက်ခိုက်မှုများ တိုးမြှင့်လုပ်ဆောင်ရာ လူပေါင်း ဒါဇင်နှင့်ချီ သေဆုံးခဲ့ကြောင်း သိရသည်။အစ္စရေး၏ ဟားမတ်အပေါ်နှစ်နှစ်ကြာ စစ်ပွဲအပြီး အမေရိကန်၏ ကြားဝင်စေ့စပ်မှုဖြင့် ပြီးခဲ့သည့်နှစ်အောက်တိုဘာလတွင် တိုက်ပွဲများကို ရပ်တန့်ထားသော်လည်း အစ္စရေးတပ်များရုပ်သိမ်းရေး၊ ဟားမတ်အဖွဲ့ လက်နက်ဖြုတ်သိမ်းရေးနှင့် ဂါဇာပြန်လည်ထူထောင်ရေး အစီအစဉ်အတွက် သဘောတူညီချက် မရသေးကြောင်း သိရသည်။Ref: STMWD
Mon, 8-Jun-2026
တရုတ်က ထိုင်ဝမ်ကျွန်းအရှေ့ဘက်၌ အထူးရေကြောင်းစစ်ဆင်ရေးစတင်ဆောင်ရွက်
တရုတ်က ထိုင်ဝမ်ကျွန်းအရှေ့ဘက်၌ အထူးရေကြောင်းစစ်ဆင်ရေးစတင်ဆောင်ရွက်
ဂျပန်နှင့် ဖိလစ်ပိုင်နိုင်ငံတို့ကြား ရေပိုင်နက်နယ်နိမိတ်ဆိုင်ရာ ဆွေးနွေးမှုပြုလုပ်မည်ဟု ကြေညာခဲ့ခြင်းအပေါ် တုံ့ပြန်သည့်အနေဖြင့် တရုတ်နိုင်ငံက ထိုင်ဝမ်ကျွန်း၏ အရှေ့ဘက်ရေပြင်တွင် အထူးရေကြောင်းဥပဒေစိုးမိုးမှုစစ်ဆင်ရေးကို စတင်ဆောင်ရွက်ကြောင်း ဒေသတွင်းသတင်းဌာနတစ်ခုက ဖော်ပြထားသည်။ အဆိုပါစစ်ဆင်ရေးသည် ရေကြောင်းစီမံခန့်ခွဲမှုဆိုင်ရာ လုပ်ပိုင်ခွင့်ကို အပြည့်အဝ ကျင့်သုံးရန်နှင့် အမျိုးသားအကျိုးစီးပွားကို ကာကွယ်ရန်ဖြစ်ကြောင်း တရုတ်သယ်ယူပို့ဆောင်ရေး ဝန်ကြီးဌာနက ထုတ်ပြန်ထားသည်။ပြီးခဲ့သည့် မေလ ၂၈ ရက်တွင် ဂျပန်နိုင်ငံဝန်ကြီးချုပ်နှင့် ဖိလစ်ပိုင်နိုင်ငံသမ္မတတို့ကသီးသန့်စီးပွားရေးဇုန်နှင့် တိုက်ကြီးများ၏ ကုန်းမြင့်အစွန်းများဆိုင်ရာ နယ်နိမိတ်သတ်မှတ်ရေးဆွေးနွေးပွဲများစတင်ရန် ပူးတွဲကြေညာခဲ့ခြင်းဖြစ်သည်။ ထို့နောက်  တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ  မော်နင်းက ထိုရေပြင်သည် တရုတ်၏ သီးသန့်စီးပွားရေးဇုန်ဖြစ်သဖြင့် တရုတ်ကိုကျော်လွန်၍ ဆွေးနွေးခြင်းမှာ နိုင်ငံတကာဥပဒေကို ချိုးဖောက်ရာရောက်သည်ဟု ရှုတ်ချခဲ့သည်။ ဂျပန်ဝန်ကြီးချုပ်က တရုတ်နိုင်ငံ၏ ထိုင်ဝမ်ကျွန်းအရေးနှင့်ပတ်သက်၍စစ်ရေးအရ ကြားဝင်နိုင်ကြောင်း သတိပေးပြီးနောက် တရုတ်နှင့် ဂျပန်ကြား တင်းမာမှုများ မြင့်တက်လာခြင်း ဖြစ်သည်။ Ref: RTMWD
Mon, 8-Jun-2026
တရုတ်နိုင်ငံက ထိုင်ဝမ်ကမ်းလွန်တွင် အထူးရေကြောင်းစစ်ဆင်ရေးတစ်ရပ် စတင်
တရုတ်နိုင်ငံက ထိုင်ဝမ်ကမ်းလွန်တွင် အထူးရေကြောင်းစစ်ဆင်ရေးတစ်ရပ် စတင်
ဂျပန်နှင့် ဖိလစ်ပိုင်နိုင်ငံတို့အကြား ရေကြောင်းနယ်နိမိတ် သတ်မှတ်ရေးဆွေးနွေးပွဲများ  ပြုလုပ်မည်ဟု ကြေညာခဲ့ခြင်းအပေါ်တုံ့ပြန်သည့်အနေဖြင့် တရုတ်နိုင်ငံက ထိုင်ဝမ် အရှေ့ဘက်ကမ်းလွန်ရေပြင်တွင် အထူးရေကြောင်းဥပဒေစိုးမိုးရေး စစ်ဆင်ရေးတစ်ရပ်ကိုစတင်လိုက်ကြောင်း သိရှိရသည်။ ပြီးခဲ့သည့် မေလ ၂၈ ရက်နေ့က တိုကျိုမြို့တွင် ပြုလုပ်ခဲ့သော ထိပ်သီးအစည်းအဝေး၌ ဂျပန်ဝန်ကြီးချုပ် ဆာနာအဲ တာကာအီချီ နှင့် ဖိလစ်ပိုင်သမ္မတ ဖာဒီနန် မားကို့စ် ဂျူနီယာ တို့က ၎င်းတို့၏ သက်ဆိုင်ရာ သီးသန့်စီးပွားရေးဇုန်များနှင့် ပင်လယ်ရေအောက် ရေတိမ်ပိုင်းရေကြောင်းနယ်နိမိတ် သတ်မှတ်ရေးဆွေးနွေးပွဲများ စတင်တော့မည်ဖြစ်ကြောင်း ပူးတွဲကြေညာခဲ့ကြသည်။ သို့သော် ထိုင်ဝမ် ကို မိမိ၏ အချုပ်အခြာအာဏာပိုင်နယ်နိမိတ်အဖြစ် ရှုမြင်ထားသည့် ပေကျင်း အစိုးရက အဆိုပါညှိနှိုင်းမှုများသည် အချုပ်အခြာအာဏာကို ထိပါးနှောင့်ယှက်ရာ ရောက်သည် ဟုဆိုကာ ပြင်းထန်စွာ ကန့်ကွက်ခဲ့သည်။တရုတ် နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မော်နင်က ဂျပန်နှင့် ဖိလစ်ပိုင်တို့ နယ်နိမိတ်သတ်မှတ်ရန် ရည်ရွယ်ထားသည့် ထိုင်ဝမ်အရှေ့ဘက်ရေပြင်သည် တရုတ် ၏ သီးသန့်စီးပွားရေးဇုန်ဖြစ်သဖြင့် မည်သည့်ညှိနှိုင်းမှုတွင်မဆို တရုတ်နိုင်ငံ ပါဝင်ရမည်ဖြစ်ကြောင်းနှင့် ယခုလုပ်ရပ်သည် နိုင်ငံတကာဥပဒေကို ချိုးဖောက်ရာရောက်ကြောင်း ပြစ်တင်ရှုတ်ချခဲ့သည်။ ဆင်ဟွာသတင်းဌာန၏ဖော်ပြချက်အရ တရုတ်နိုင်ငံ ပို့ဆောင်ရေးဝန်ကြီးဌာနသည် အမျိုးသားရေးအခွင့်အရေးနှင့် အကျိုးစီးပွားများကို ကာကွယ်ရန်နှင့် ရေကြောင်းစီမံခန့်ခွဲမှု ဥပဒေစိုးမိုးရေးဆိုင်ရာစီရင်ပိုင်ခွင့်ကို အပြည့်အဝကျင့်သုံးရန်အတွက် အဆိုပါ အထူးစစ်ဆင်ရေးကို ဒေသန္တရအာဏာပိုင်များနှင့် ပူးပေါင်းကာ စနေနေ့ (ဇွန် ၆) တွင် စတင်ခဲ့ခြင်းဖြစ်သည်။အဆိုပါ ဆွေးနွေးပွဲများနှင့်ပတ်သက်၍ ထိုင်ဝမ်အစိုးရကလည်း ၎င်းတို့၏ အခွင့်အရေးနှင့် အကျိုးစီးပွားများရှိနေသည့် ရေပြင်များနှင့်ထပ်တူကျနေနိုင်သဖြင့် မိမိတို့နှင့် လာရောက်တိုင်ပင်ဆွေးနွေးရန် တိုကျိုနှင့် မနီလာတို့ကို သတိပေးတိုက်တွန်းခဲ့သည်။ သို့သော်လည်း ဂျပန်အစိုးရအဖွဲ့ အတွင်းရေးမှူးချုပ် မိနိုရု ကီဟာရ က ဂျပန်နှင့် ဖိလစ်ပိုင်တို့အကြားရရှိလာမည့် မည်သည့်သဘောတူညီချက်မဆို တတိယအဖွဲ့အစည်း အပေါ် ဥပဒေအရစီရင်ပိုင်ခွင့် သက်ရောက်မှုရှိမည်မဟုတ်ကြောင်း ပြောကြားခဲ့သည်။ တစ်ပြိုင်နက်တည်းတွင် ထိုင်ဝမ်ကမ်းခြေစောင့်တပ်ဖွဲ့က တရုတ်၏ စစ်ဆင်ရေးသည် နိုင်ငံတကာဥပဒေကို ချိုးဖောက်နေကြောင်း စွပ်စွဲခဲ့ပြီး သင့်လျော်သလို တုံ့ပြန်ရန်အတွက် အနည်းဆုံး ရေယာဉ် ၅ စီးကို စေလွှတ်ကာ တရုတ်ပြည်မကြီး ရှမန် ဆိပ်ကမ်းမှ ထွက်ခွာလာသည့် တရုတ်အစိုးရပိုင် ရေယာဉ် ၄ စီးကို စောင့်ကြည့်လျက်ရှိသည်။ထိုင်ဝမ်အရေးနှင့် ပတ်သက်၍ တရုတ်နှင့် ဂျပန်တို့အကြားတင်းမာမှုများသည် ၂၀၂၅ ခုနှစ် နိုဝင်ဘာလကတည်းက အရှိန်မြင့်တက်နေခဲ့ခြင်းဖြစ်သည်။ ထိုစဉ်က ဂျပန်ဝန်ကြီးချုပ် တာကာအီချီက တရုတ်၏ ထိုင်ဝမ်ကို သိမ်းပိုက်ရန်ကြိုးပမ်းမှုသည် စစ်ရေးအရ ကြားဝင်စွက်ဖက်ရန် အကြောင်းပြချက် ဖြစ်လာနိုင်ကြောင်း သတိပေးခဲ့သဖြင့် တရုတ်နိုင်ငံက တာကာအီချီ၏ ပြောကြားချက်သည် ဂျပန်စစ်ဝါဒက ကျူးကျော်မှုများ ပြုလုပ်ရန် အမြဲသုံးလေ့ရှိသည့် ဗျူဟာဟောင်းဖြစ်ကြောင်း အပြန်အလှန် စွပ်စွဲပြစ်တင်ခဲ့ကြသည်။လက်ရှိတွင် တရုတ်သမ္မတ ရှီကျင့်ဖျင်က ထိုင်ဝမ်နှင့် ပြန်လည်ပေါင်းစည်းရေးအတွက် စစ်အင်အားအသုံးပြုမှုကို ချန်လှပ်ထားရန် ငြင်းဆန်ထားဆဲဖြစ်ရာ ယခုရေကြောင်း ပြဿနာကြောင့် ဒေသတွင်းတင်းမာမှုများ ပိုမိုပြင်းထန်လာနိုင်ကြောင်း သုံးသပ်ရပါသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Sun, 7-Jun-2026
မကွေးတိုင်းဒေသကြီး၊ တောင်တွင်းကြီးမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး သေဆုံး
မကွေးတိုင်းဒေသကြီး၊ တောင်တွင်းကြီးမြို့နယ်၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး သေဆုံး
07 June 2026     အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်သမားများကို ဖွဲ့စည်း၍ အချို့သောဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုး သယ်ပိုးထမ်းဆောင်လျက်ရှိသော ရဟန်းသံဃာများ၊ အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။   ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ ဇွန် ၅ ရက် နံနက် ၉ နာရီ ၄၀ မိနစ်တွင် မကွေးတိုင်းဒေသကြီး၊ တောင်တွင်းကြီးမြို့နယ်၊ ရေပြည့်ကျေးရွာနေ ဦးရွှေအောင်(၄၃)နှစ်သည် ၎င်း၏နေအိမ်၌ ရှိနေစဉ် PDF အမည်ခံ အကြမ်းဖက်သမား ခြောက်ဦးက ဆိုင်ကယ် သုံးစီးဖြင့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ဦးရွှေအောင်တွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်း သိရသည်။   အထက်ပါဖြစ်စဉ်တွင် PDF အမည်ခံ အကြမ်းဖက်သမားများသည် ပြည်သူလူထုအကြား အကြောက်တရားလွှမ်းမိုးစေရန် ရည်ရွယ်၍ အပြစ်မဲ့ အရပ်သားပြည်သူ တစ်ဦးအား ဆင်ခြင်တုံတရားကင်းမဲ့စွာ သေနတ်ဖြင့် ပစ်ခတ်သတ်ဖြတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချလျက်ရှိကြောင်းနှင့် လုံခြုံရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့် ပူးပေါင်း၍ PDF အမည်ခံ အကြမ်းဖက်သမားများအား အမြန်ဆုံးဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။MOHA
Sun, 7-Jun-2026
© Copyright 2024 SAC All Rights Reserved.