ပန်းတနော်မြို့နယ်တွင် ဒေသထွက် ကွမ်းရွက်များ အရောင်းအဝယ်ကောင်းမွန်နေ

KookieSpace97

News Image

  • ပန်းတနော်မြို့နယ်တွင် ဒေသထွက် ကွမ်းရွက်များ အရောင်းအဝယ်ကောင်းမွန်နေ

ပန်းတနော် ဇန်နဝါရီ ၇

ဧရာဝတီတိုင်းဒေသကြီး ပန်းတနော်မြို့နယ်တွင် ဒေသထွက် ကွမ်းရွက်များ အရောင်းအဝယ် ကောင်းမွန်နေကြောင်း ပန်းတနော်မြို့နယ် ကွမ်းရွက်ရောင်းဝယ်ရေးပွဲရုံပိုင်ရှင် ဒေါ်လှဌေးက ပြောပြ၍ သိရသည်။

ပန်းတနော်မြို့နယ်တွင် ဒေသထွက်ကွမ်းရွက်များ ၂၀၂၅ ခုနှစ် ဒီဇင်ဘာလတတိယပတ်မှ ယနေ့ထိ ဝယ်ယူအားကောင်းမွန်လာသဖြင့် အရောင်းအဝယ်ကောင်းမွန်နေကြောင်း၊ အဆိုပါ ဒေသထွက် ကွမ်းရွက်များ တစ်ရက်လျှင် ပိဿာချိန် ၅၀၀၀ မှ ၆၅၀၀ ထိအရောင်းအဝယ် ကောင်းမွန်နေကြောင်း သိရသည်။

"လက်ရှိ ကွမ်းရွက်တွေက ဒေသတွင်းမှာကို အရောင်းအဝယ် ကောင်းနေတာပါ။ ကွမ်းရွက်တစ်ပိဿာကို ငွေကျပ် ၁၉၅၀၀ ထိပေါက်ဈေးရှိပါတယ်။ ဒေသထွက် ကွမ်းရွက်တွေကို ဒေသဈေးကွက်အပြင် အခြားဒေသတွေကပါ ဝယ်ယူတာများနေလို့ အရောင်းအဝယ်ကောင်းနေတာပါ။ ဒီဘက်က ကွမ်းရွက်ရောင်းဝယ်ရေးပွဲရုံပိုင်ရှင်တွေက ဒေသထွက်ကွမ်းရွက်တွေကို မှာယူတဲ့ဒေသထိလိုက်လံပို့ပေးပါတယ်။ ဒေသထွက်ကွမ်းရွက်တွေကို အရောင်းအဝယ်လုပ်ရတော့ အခက်အခဲ မရှိပါဘူး"ဟု ပန်းတနော်မြို့နယ် ကွမ်းရွက်ရောင်းဝယ်ရေး ပွဲရုံ ပိုင်ရှင် ဒေါ်လှဌေးက ပြောပြသည်။ 

ပန်းတနော်မြို့နယ်တွင် ကွမ်းရွက်ရောင်းဝယ်ရေးပွဲရုံပိုင်ရှင်များသည် ဒေသထွက်ကွမ်းရွက်များကို ဒေသဈေးကွက်အပြင် အခြားဒေသများသို့ပါ တင်ပို့ရောင်းချနေကြောင်း၊ အဆိုပါ ကွမ်းရွက်များ အရောင်းအဝယ်ကောင်းလာသဖြင့် ကွမ်းစိုက်တောင်သူများ၊ ပွဲရုံပိုင်ရှင်များ အဆင်ပြေလျက်ရှိကြောင်း သိရသည်။ ကျော်ကျော်လင်း

ရတနာပုံ

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

၂၀၂၅-၂၆ ဘဏ္ဍာရေးနှစ် ပထမ ကိုးလအတွင်း ဘင်္ဂလားဒေ့ရှ်နိုင်ငံ၏ လောင်စာဆီတင်သွင်းမှုကုန်ကျစရိတ် ၅၄ ရာခိုင်နှုန်းကျော် မြင့်တက်လာ
၂၀၂၅-၂၆ ဘဏ္ဍာရေးနှစ် ပထမ ကိုးလအတွင်း ဘင်္ဂလားဒေ့ရှ်နိုင်ငံ၏ လောင်စာဆီတင်သွင်းမှုကုန်ကျစရိတ် ၅၄ ရာခိုင်နှုန်းကျော် မြင့်တက်လာ
မေ ၁၉ဘင်္ဂလားဒေ့ရှ်နိုင်ငံသည် လက်ရှိ ၂၀၂၅-၂၆ ဘဏ္ဍာရေးနှစ်၏ ပထမ  ကိုးလအတွင်း ကမ္ဘာ့ရေနံဈေးနှုန်းများ မြင့်တက်လာခြင်းနှင့် ပြည်တွင်းဝယ်လိုအားမြင့်တက်လာခြင်းကြောင့် ၎င်း၏ လောင်စာဆီတင်သွင်းမှု ကုန်ကျစရိတ်များ သိသိသာသာ မြင့်တက်လာသည်ဟု ဖော်ပြထားသည်။ဘင်္ဂလားဒေ့ရှ်ဘဏ်၏ နောက်ဆုံးထုတ်ပြန်သော အချက်အလက်များအရ ၂၀၂၅ ခုနှစ် ဇူလိုင်လမှ ၂၀၂၆ ခုနှစ် မတ်လအထိ လောင်စာဆီတင်သွင်းမှုအတွက် အမေရိကန်ဒေါ်လာ ၆ ဒသမ ၃ ဘီလီယံ သုံးစွဲခဲ့ပြီး ယခင်နှစ်အလားတူကာလနှင့် နှိုင်းယှဉ်ပါက ၅၄ ဒသမ ၄၁ ရာခိုင်နှုန်း မြင့်တက်လာခဲ့သည်ဟု သိရသည်။စွမ်းအင်ကျွမ်းကျင်သူများက ယင်းခုန်တက်မှုသည် နိုင်ငံတကာဈေးနှုန်းဖိအားများနှင့် ပိုမိုအားကောင်းလာသော ပြည်တွင်းသုံးစွဲမှုတို့ကြောင့်ဟု ယူဆကြောင်း ဖော်ပြထားသည်။ကိုးကား-ဆင်ဟွာဘာသာပြန်-မြင့်မြင့်ချိုMDN
Tue, 19-May-2026
ဒုတိယဝန်ကြီး ဦးသိုက်စိုး ကျိုင်းတုံမြို့နယ် ဒေသထွက် အုတ်ကြွပ်အမိုးပြားထုတ်လုပ်ရေး ကွင်းဆင်းဆောင်ရွက်
ဒုတိယဝန်ကြီး ဦးသိုက်စိုး ကျိုင်းတုံမြို့နယ် ဒေသထွက် အုတ်ကြွပ်အမိုးပြားထုတ်လုပ်ရေး ကွင်းဆင်းဆောင်ရွက်
နေပြည်တော် မေ ၁၈ သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ဒုတိယဝန်ကြီး ဦးသိုက်စိုး သည် ယနေ့နံနက်ပိုင်းက ရှမ်းပြည်နယ် (အရှေ့ပိုင်း)ကျိုင်းတုံမြို့နယ် ဝမ်ဟကျေးရွာ၌ ဒေသထွက် အုတ်ကြွပ်အမိုးပြား ထုတ်လုပ်မှုဆိုင်ရာ သမဝါယမအသင်းသား အုတ်ကြွပ်ထုတ်လုပ်သူများ၊ ကျေးရွာသူ ကျေးရွာသားများ၊ တာဝန်ရှိသူများနှင့် တွေ့ဆုံသည်။ တွေ့ဆုံစဉ် ကျေးလက်နေပြည်သူများ၏ လူမှုစီးပွားဘဝ ဖွံ့ဖြိုးတိုးတက်ရေးအတွက် အလုပ်အကိုင် အခွင့်အလမ်းများ ရရှိကာ မိသားစုဝင်ငွေတိုးပွားရေး တည်ဆောက်ပေးခြင်းဖြစ်ကြောင်း ပြောကြားပြီး အုတ်ကြွပ်စက် စတင်လည်ပတ် နေမှုကို ကြည့်ရှုစစ်ဆေးသည်။ ထို့နောက် ရှမ်းပြည်နယ်(အရှေ့ပိုင်း) ကျေးလက်ဒေသ ဖွံ့ဖြိုးတိုးတက်ရေးဦးစီးဌာနက  ပြည်ထောင်စုရန်ပုံငွေမှ ကျေးရွာ ဖွံ့ဖြိုးတိုးတက်ရေးလုပ်ငန်း (VDP)ဖြင့် ငွေကျပ်သိန်း ၁၅၀ ကို ကျေးရွာကော်မတီထံ လွှဲပြောင်းပေးအပ်သည်။ ယင်းနောက် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနရုံး၌ ဝန်ကြီးဌာနအောက် ဦးစီးဌာနလေးခုမှ ဝန်ထမ်းများနှင့် တွေ့ဆုံအမှာစကား ပြောကြားပြီး လိုအပ်သည်များ ဖြည့်ဆည်းဆောင်ရွက်ပေးခဲ့ကြောင်း သိရသည်။ သတင်းစဉ်MDN
Tue, 19-May-2026
(၁၉.၅.၂၀၂၆) ရက်နေ့ ဓာတ်သတ္တု(ရွှေ)ရည်ညွှန်းဈေး (Market Rate)
(၁၉.၅.၂၀၂၆) ရက်နေ့ ဓာတ်သတ္တု(ရွှေ)ရည်ညွှန်းဈေး (Market Rate)
သိပ်သည်းဆ ၁၉.၂၅ ဂရမ်/ကုဗစင်တီမီတာနှင့်အထက်ရှိ စံချိန်မီရွှေ ၁ ကျပ်သား (၁၆.၃၂၉၃၂၅ ဂရမ်) ၏ ဈေးနှုန်း (၇,၁၀၀,၀၀၀) ကျပ် ဓာတ်သတ္တု(ရွှေ)ရည်ညွှန်းဈေးသတ်မှတ်ရေးကော်မတီ
Tue, 19-May-2026
ပြည်ထောင်စုဝန်ကြီး ဒေါက်တာကံဇော်နှင့် ဒေါက်တာချာလီသန်း ဦးဆောင်သော မြန်မာကိုယ်စားလှယ်အဖွဲ့(၁၇) ကြိမ်မြောက် အပြည်ပြည်ဆိုင်ရာစီးပွားရေးဖိုရမ်နှင့် ဆက်စပ်အစည်းအဝေးများသို့ တက်ရောက်
ပြည်ထောင်စုဝန်ကြီး ဒေါက်တာကံဇော်နှင့် ဒေါက်တာချာလီသန်း ဦးဆောင်သော မြန်မာကိုယ်စားလှယ်အဖွဲ့(၁၇) ကြိမ်မြောက် အပြည်ပြည်ဆိုင်ရာစီးပွားရေးဖိုရမ်နှင့် ဆက်စပ်အစည်းအဝေးများသို့ တက်ရောက်
နေပြည်တော် မေ ၁၈ ဘဏ္ဍာရေးနှင့် အခွန်ဝန်ကြီးဌာန ပြည်ထောင်စုဝန်ကြီး ဒေါက်တာကံဇော်နှင့် စက်မှုနှင့် အသေးစား၊ အငယ်စား၊ အလတ်စားနှင့်စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းတို့ ဦးဆောင်သည့် မြန်မာ ကိုယ်စားလှယ်အဖွဲ့သည် ရုရှားဖက်ဒရေးရှင်းနိုင်ငံ တာတာစတန်ပြည်နယ် ကာဇန်မြို့၌ မေ ၁၃ ရက်မှ ၁၇ ရက်အထိ ကျင်းပသည့် (၁၇) ကြိမ်မြောက် အပြည်ပြည်ဆိုင်ရာ စီးပွားရေးဖိုရမ်နှင့် ဆက်စပ် အစည်းအဝေးများသို့ တက်ရောက်ခဲ့သည်။ မေ ၁၃ ရက် နံနက်ပိုင်းတွင် ပြည်ထောင်စုဝန်ကြီးများသည် ရုရှားဖက်ဒရေးရှင်းနိုင်ငံ စက်မှုနှင့်ကုန်သွယ်ရေးဝန်ကြီးဌာန ဒုတိယဝန်ကြီး Mr. Roman Chekushov နှင့်တွေ့ဆုံ၍ အမှတ်(၁) သံမဏိစက်ရုံ (ပင်းပက်) ဆိုင်ရာ ကိစ္စရပ်များ၊ စိုက်ပျိုးမွေးမြူရေး အခြေခံစက်မှုလုပ်ငန်းများ ဖွံ့ဖြိုးတိုးတက်ရေးကဏ္ဍများတွင် ပူးပေါင်းဆောင်ရွက်နိုင်ရေးနှင့် MSME ကဏ္ဍများ ပူးပေါင်းဆောင်ရွက်နိုင်ရေး ကိစ္စရပ်များကို ဆွေးနွေးခဲ့သည်။ ညနေပိုင်းတွင် Tyazhpromexport Co.,Ltd.(TPE) နှင့် တွေ့ဆုံပြီး အမှတ်(၁) သံမဏိစက်ရုံ (ပင်းပက်) နှင့်စပ်လျဉ်းသည့် ဆက်လက်ဆောင်ရွက်ရမည့် ကိစ္စရပ်များကို ဆွေးနွေးခဲ့သည်။ မေ ၁၄ ရက် နံနက်ပိုင်းတွင် (၁၇) ကြိမ်မြောက် အပြည်ပြည်ဆိုင်ရာ စီးပွားရေးဖိုရမ်နှင့်စပ်လျဉ်း၍ ကျင်းပပြုလုပ်သည့် သတင်းစာရှင်းလင်းပွဲသို့ တက်ရောက်ပြီး ကာဇန်အပြည်ပြည်ဆိုင်ရာ ကုန်စည်ပြခန်း (Kazan Expo International Exhibition Center) တွင် ခင်းကျင်းပြသထားမှုများကို လှည့်လည် ကြည့်ရှုလေ့လာကြသည်။ မွန်းလွဲပိုင်းတွင် ပြည်ထောင်စုဝန်ကြီး ဒေါက်တာ ကံဇော်သည် ကမ္ဘာလုံးဆိုင်ရာ ဖွံ့ဖြိုးတိုးတက်မှုခေတ် ကုန်ဆုံးချိန်တွင် စီးပွားရေးလုပ်ငန်းလွတ်လပ်မှုနှင့် နည်းပညာဆိုင်ရာ အချုပ်အခြာအာဏာကို သေချာ စေခြင်း ( Ensuring Freedom of Economic Activity and Technology Sovereigity in the Context of the end of the era of Globalization) ဆွေးနွေးပွဲသို့ လည်းကောင်း၊ ပြည်ထောင်စုဝန်ကြီး ဒေါက်တာ ချာလီသန်းသည် အစ္စလာမ်မစ်နိုင်ငံများတွင် ရုရှား ထုတ်ကုန်များကို မြှင့်တင်ခြင်း (Promotion of Russian Product in the Countries of the Islamic World) ဆွေးနွေးပွဲသို့လည်းကောင်း တက်ရောက်ခဲ့ သည်။ ညနေပိုင်းတွင် ပြည်ထောင်စုဝန်ကြီးများသည် တာတာစတန်ပြည်နယ် အကြီးအကဲ Mr. Rustam Minnikhanov နှင့်တွေ့ဆုံ၍ တာတာစတန်ပြည်နယ်သည် ရေနံဓာတုလုပ်ငန်း၊ Mechanical Engineering IT ၊ စိုက်ပျိုးရေးကဏ္ဍများတွင် ဖွံ့ဖြိုးတိုးတက်လျက် ရှိမှု၊ ရုရှားနှင့် မြန်မာကြားရှိ ဆက်ဆံရေးကိုအခြေခံ၍ နှစ်ဖက်ပူးပေါင်းဆောင်ရွက်မှုများ တိုးမြှင့်ဆောင်ရွက် ရေး၊ Dr. Kz Rais ၏ ၂၀၂၂ ခုနှစ်၌ မြန်မာနိုင်ငံသို့ လာရောက်ခဲ့သည့် ခရီးစဉ်အတွင်း စိုက်ပျိုးရေးထွက် ကုန်များ၊ ကုန်သွယ်ရေးနှင့် Alabuga Sez သို့ လုပ်သားစေလွှတ်ရေး၊ LoI နှစ်စောင်လက်မှတ် ရေးထိုးခဲ့ပြီး အကောင်အထည်ဖော် ဆောင်ရွက်လျက်ရှိမှု၊ လုပ်သားများ အချိန်မီစေလွှတ်နိုင်ရေးအတွက် ကူညီပံ့ပိုးပေးရေး၊ စီးပွားရေးနှင့် ကုန်သွယ်မှုမြှင့်တင်နိုင်ရန် စီးပွားရေးဆွေးနွေးပွဲများ အပြန် အလှန် ကျင်းပရေးကိစ္စရပ်များကို ဆွေးနွေးခဲ့ကြသည်။ မေ ၁၅ ရက်တွင် အိုမန်နိုင်ငံကိုယ်စားလှယ်အဖွဲ့နှင့် တွေ့ဆုံပြီး ရေနံထွက်ကုန်များ၊ LNG တင်သွင်းနိုင်ရန် ပူးပေါင်းဆောင်ရွက်နိုင်ရေး၊ မြန်မာလယ်ယာ ထွက်ကုန် ဆန်၊ သရက်သီး၊ ကော်ဖီ၊ ပဲမျိုးစုံတင်ပို့နိုင်ရေး၊ စီးပွားရေးနှင့် ကုန်သွယ်မှုမြှင့်တင်နိုင်ရန် စီးပွားရေးဆွေးနွေးပွဲများ အပြန်အလှန်ကျင်းပရေးကိစ္စရပ်များကို ဆွေးနွေးခဲ့ကြသည်။ ထို့နောက် Sber Bank ကုမ္ပဏီမှ တာဝန်ရှိသူများ နှင့်တွေ့ဆုံပြီး ငွေကြေးလွှဲပြောင်းခြင်းဆိုင်ရာ ကိစ္စရပ်များ၊ Gigachal AI တည်ဆောက်ထားသော AI CyberSecurity ကဏ္ဍများ ပူးပေါင်းဆောင်ရွက်နိုင်ရေး ဆွေးနွေးခဲ့ကြသည်။ မေ ၁၆ ရက် ညပိုင်းတွင် ကာဇန်ပြည်နယ် ဘဏ္ဍာရေးဝန်ကြီး Mr. Rustam Khusainovich က တည်ခင်းဧည့်ခံသည့် ညစာစားပွဲသို့ တက်ရောက်ခဲ့သည်။ မေ ၁၇ ရက် ညနေပိုင်းတွင် ပြည်ထောင်စုဝန်ကြီးများနှင့် မြန်မာကိုယ်စားလှယ်အဖွဲ့သည် ကာဇန် အပြည်ပြည်ဆိုင်ရာ လေဆိပ်မှ ထွက်ခွာလာရာ ရန်ကုန်အပြည်ပြည်ဆိုင်ရာ လေဆိပ်သို့ ယနေ့ ညနေပိုင်းတွင် ပြန်လည်ရောက်ရှိခဲ့ကြောင်း သိရသည်။  သတင်းစဉ်MDN
Tue, 19-May-2026
မော်လမြိုင်ကျွန်းမြို့နယ်မှ ရန်ကုန်ဈေးကွက်သို့ ဧပြီလအတွင်း ငါးခုံးမပိဿာချိန် ၅၅၀၀၀ ထိ တင်ပို့ရောင်းချနိုင်ခဲ့
မော်လမြိုင်ကျွန်းမြို့နယ်မှ ရန်ကုန်ဈေးကွက်သို့ ဧပြီလအတွင်း ငါးခုံးမပိဿာချိန် ၅၅၀၀၀ ထိ တင်ပို့ရောင်းချနိုင်ခဲ့
မော်လမြိုင်ကျွန်း မေ ၁၈ဧရာဝတီတိုင်းဒေသကြီး မော်လမြိုင်ကျွန်းမြို့နယ်မှ ရန်ကုန်ဈေးကွက်သို့ ပြီးခဲ့သည့် ဧပြီလအတွင်းက ငါးခုံးမပိဿာချိန် ၅၅၀၀၀ ထိ တင်ပို့ရောင်းချနိုင်ခဲ့ကြောင်း မော်လမြိုင်ကျွန်း မြို့နယ်မှ ရေထွက်ကုန်ပစ္စည်း ရောင်းဝယ်ရေးပွဲရုံပိုင်ရှင် ဒေါ်စုစုထွေးက ပြောပြသည်။မော်လမြိုင်ကျွန်းမြို့နယ်မှ ရန်ကုန်ဈေးကွက်သို့ ယခုနှစ် မတ်လအတွင်း ငါးခုံးမပိဿာချိန် ၄၅၀၀၀ သာ တင်ပို့ရောင်းချနိုင်ခဲ့ပြီး ဧပြီလအတွင်း ငါးခုံးမ ပိဿာချိန် ၅၅၀၀၀ ထိ တင်ပို့ ရောင်းချနိုင်ခဲ့ကြောင်း သိရသည်။ "အခု အခြားဒေသတွေထက် ငါးခုံးမကို ရန်ကုန်ဈေးကွက်ကို အရင်ထက် ပိုမိုတင်ပို့အားကောင်းနေပါတယ်။ ပြည်တွင်း ငါးစားသုံးမှုများလာတာကြောင့် ရန်ကုန် ဈေးကွက်က အဝယ်လိုက်လာတာဖြစ်ပါတယ်။ ပြီးခဲ့တဲ့တစ်လအတွင်း ငါးခုံးမပိဿာချိန် ၅၅၀၀၀ ထိတင်ပို့ ရောင်းချခဲ့ရပါတယ်။ လက်ရှိပေါက်နေတဲ့ ငါးဈေးက အရောင်းအဝယ် လုပ်သူတွေအတွက်အဆင်ပြေတဲ့ ဈေးနှုန်းဖြစ်ပါတယ်။ ငါးခုံးမတစ်ပိဿာကို ငွေကျပ် ၁၅၅၀၀ ထိ ပေါက်ဈေးရှိနေပါတယ်"ဟု မော်လမြိုင်ကျွန်းမြို့နယ်မှ ရေထွက်ကုန်ပစ္စည်းရောင်းဝယ်ရေး ပွဲရုံပိုင်ရှင် ဒေါ်စုစုထွေးက ပြောပြသည်။မော်လမြိုင်ကျွန်းမြို့နယ်မှ ငါးခုံးမများကို ရန်ကုန်ဈေးကွက်သို့ တင်ပို့ရောင်းချလျက်ရှိပြီး အဆိုပါ ငါးများတင်ပို့ရောင်းချလာရသည့်အတွက် ပွဲရုံပိုင်ရှင်များ၊ ငါးမွေးမြူရေးလုပ်သားများ၊ ကုန်တင်ယာဉ်အငှားလိုက်သူများ အလုပ်အကိုင်အခွင့်အလမ်း အဆင်ပြေလျက်ရှိကြောင်း သိရသည်။ကျော်ကျော်လင်းရတနာပုံ
Tue, 19-May-2026
ငါးဖမ်းရာသီ ပိတ်ထားချိန် အေးခဲစက်ရုံများမှ ပြည်တွင်းစားသုံးမှုနှင့် ပြည်ပပို့ကုန်စည်မပြတ် စီးဆင်းလျက်ရှိ
ငါးဖမ်းရာသီ ပိတ်ထားချိန် အေးခဲစက်ရုံများမှ ပြည်တွင်းစားသုံးမှုနှင့် ပြည်ပပို့ကုန်စည်မပြတ် စီးဆင်းလျက်ရှိ
ရန်ကုန်    မေ    ၁၈ပင်လယ်ပြင်ငါး/ပုစွန်ပေါက်ပွားချိန် ငါးဖမ်းရာသီပိတ်ထားချိန်၌ ရန်ကုန်မြို့ရှိ အေးခဲစက်ရုံများမှ  ရေငန်ထွက်ကုန်များ ပြည်တွင်းစားသုံးမှုနှင့် ပြည်ပပို့ကုန်အဖြစ်  ကုန်စည်မပြတ် စီးဆင်းလျက်ရှိကြောင်း ဗဟိုစံပြငါးဈေးရှိ အမ်အမ်အေရေထွက်ကုန် ကုမ္ပဏီမှသိရသည်။ငါးဖမ်းရာသီဖွင့်ထားချိန်တွင် ရန်ကုန် မြို့ဆိပ်ကမ်းများသို့ ဝင်ရောက်လာသည့် ရေငန်ထွက်ကုန်များအား ရာသီပိတ်ချိန်တွင် မပြတ်ရောင်းချနိုင်ရန် ကုန်စည်အချို့အား အအေးခန်းစက်ရုံများသို့ ပို့ဆောင်ထားကြပြီး ရာသီပိတ်ချိန်ဧပြီလမှဇွန်လအထိ သုံးလအတွင်း ရွှေပိတောက်ငါးဈေး နှင့်ဗဟိုစံပြငါးဈေးတို့မှ ပြည်တွင်းစားသုံးမှုအဖြစ် ကုန်စည်စီးဆင်း၍ ပြည်ပပို့ကုန်အဖြစ် အအေးခန်းစက်ရုံများမှ  တရုတ်နိုင်ငံသို့ကုန်စည်မပြတ်တင်ပို့လျက်ရှိသည်။“ပင်လယ်ငါးဖမ်းရာတွင် သုံးလမပိတ်မီဝင်လာတဲ့ ရေငန်ထွက်ကုန်တချို့တစ်ဝက် ကို ကုမ္ပဏီတွေက အေးခဲစက်ရုံကိုပို့ကြပါတယ်။ အဲ့ဒီအချိန်က အအေးခန်းစက်ရုံဝန်ဆောင်ခထက် အခုအချိန်အအေးခန်း စက်ရုံဝန်ဆောင်ခစရိတ်  မြင့်လာတာကြောင့်  ရောင်းကုန်အပေါ်မှာ ဈေးနှုန်းမြင့်သွားပေမယ့်  ပြည်တွင်းဈေးကွက်မှာ  ရေငန်ထွက်ကုန်ပြတ်လပ်မှု မရှိတဲ့အပြင် ရေချိုထွက်ကုန်ဈေးနှုန်း မြင့်မှုကိုလည်း ထိန်းစေပါတယ်။ ပြည်ပပို့ကုန်ဆိုရင်မှာတဲ့အတိုင်း ကွန်တိန်နာတစ်လုံးဖြစ်စေ၊ နှစ်လုံးဖြစ်စေ   အေးခဲစက်ရုံကနေပို့နေကြပါတယ်။  အဓိက ငါးဖမ်းရာသီပိတ်ထားပေမယ့်   ပြည်ပပို့ကုန်ရပ်နားမှုမရှိပါဘူး။ ဇူလိုင်လဆိုရင် ငါးဖမ်းရာသီပြန်ဖွင့်မှာဖြစ်လို့  ကုန်စည်စီးဆင်းမှု ပိုပြီး စည်ကားလာမှာပါ”ဟု ဗဟိုစံပြငါးဈေးရှိ အမ်အမ်အေကုမ္ပဏီမှ ရေလုပ်ငန်းရှင် ဒေါ်တင်နွယ်က ပြောသည်။ပြည်ပပို့ကုန်အဖြစ် အအေးခန်းစက်ရုံများမှ ရေငန်ပုစွန်မျိုးစုံ၊ ငါးမုတ်ဖြူ၊ ငါးမုတ်မဲ၊  ငါးရွှေ၊ ငါးသင်ဖြူ၊  သင်ဝါ၊  ငါးတံခွန်၊ ကကူရံ၊ ကင်းမွန်နှင့် စားသုံးမှုများသော ရေငန်ထွက်ကုန်များကို တရုတ်နိုင်ငံသို့   အများဆုံးတင်ပို့လျက်ရှိပြီး ရန်ကုန်မြို့ရှိ တရုတ်ကုမ္ပဏီများမှ ငါးဖမ်းစက်လှေ ၅၀ ခန့်က ပို့ဆောင်သည့် ရေငန်ထွက်ကုန်များအား ကြို့ကုန်း၊ တောင်ဒဂုံ၊ လှိုင်သာယာ၊  ရွှေပြည်သာ အအေးခန်းစက်ရုံများမှ  တိုက်ရိုက်တင်ပို့သည့်အပြင်    ဟိုင်လုံဆိပ်ကမ်း၊ ညောင်တန်းဆိပ်ကမ်း၊ ရွှေဇင်ယော်ဟိန်း ဆိပ်ကမ်းနှင့်ကြို့ကုန်းဆိပ်ကမ်းတို့မှ  ရေငန်ထွက်ကုန်များကိုလည်း ဝယ်ယူ၍   တရုတ်နိုင်ငံသို့ တင်ပို့လျက်ရှိသည်။ရန်ကုန်ဈေးကွက်တွင် စားသုံးမှုများသည့် ပလာတူးငါး၊ မျက်ကြယ်ငါး၊ ပီသာငါး၊ မီးလုံးငါးအပါအဝင် အခြားရေငန်ငါးများ အေးခဲထွက်ကုန်အဖြစ် ရောင်းအားသွက်လျက်ရှိသည်။ ‌  ရေငန်ထွက်ကုန်များအား အအေးခန်းစက်ရုံများသို့ ပို့ဆောင်ပါက 1kg  (၆၂  ကျပ်ခွဲသား) တစ်ရက်အေးခဲခ ငွေကျပ် ၆၀၀၊ ထိန်းသိမ်းခအဖြစ် ငွေကျပ် ၅၀ ဝန်ဆောင်ခပေးရကြောင်း သိရသည်။ရေငန်ထွက်ကုန်များ သင်္ကြန်မတိုင်မီတွင် အရောင်းအဝယ် အထူးကောင်းမွန်ခဲ့ပြီး သင်္ကြန်ကာလနောက်ပိုင်း အရောင်းအဝယ် ပုံမှန်အတိုင်းလည်ပတ်လျက်ရှိသည်။ ပြည်ပနိုင်ငံများအနေဖြင့် ရေငန်ထွက်ကုန်များကို   အများဆုံးစားသုံးမှုကြောင့် မြန်မာနိုင်ငံမှ နှစ်စဉ်ရေငန်ထွက်ပစ္စည်းများ တင်ပို့လျက်ရှိရာ ငါးဖမ်းရာသီပိတ်ထားချိန်၌  အအေးခန်းစက်ရုံများမှ ကုန်စည်မပြတ်စီးဆင်းမှုဖြင့် နိုင်ငံခြားဝင်ငွေ ရရှိလျက်ရှိကြောင်း သိရသည်။MWD
Tue, 19-May-2026
© Copyright 2024 SAC All Rights Reserved.