ထိုင်းနိုင်ငံ၊ ကလောင်ပရမ်ဗဟိုအကျဉ်းထောင်တွင် ပြစ်ဒဏ်လွတ်ငြိမ်းခွင့်ရရှိမည့်သူများအတွက် အမည်စာရင်းများ စတင်ပြုစုနေ

KookieSpace97

News Image

  • ထိုင်းနိုင်ငံ၊ ကလောင်ပရမ်ဗဟိုအကျဉ်းထောင်တွင် ပြစ်ဒဏ်လွတ်ငြိမ်းခွင့်ရရှိမည့်သူများအတွက် အမည်စာရင်းများ စတင်ပြုစုနေ

ဖြစ်စဉ်နှင့် နီးစပ်သည့် ထိုင်းသတင်းရင်းမြစ်တစ်ခု၏ အဆိုအရ ကလောင် ပရမ် ဗဟိုအကျဉ်းထောင် (Klongprem Central Prison) သည်ယေဘုယျပြစ်ဒဏ်ကင်းလွတ်ခွင့် (Sentence Suspension) အတွက် သတ်မှတ်ချက်နှင့်ကိုက်ညီသည့် အကျဉ်းသားများ၏ အမည်စာရင်း အပြည့်အစုံကို စတင်ပြုစုနေပြီ ဖြစ်ကြောင်း သိရှိရသည်။

ယင်းလုပ်ငန်းစဉ်များ စတင်လုပ်ဆောင်ချိန်သည် ဝန်ကြီးချုပ်ဟောင်း သက်ဆင် ရှင်နာဝပ်ထံသို့ ၎င်း၏ သားနှင့်သမီးဖြစ်သူ ပန်ထောင်တေးနှင့် ပေထုန်တန်တို့က ၎င်းတို့၏ ရှေ့နေဖြစ်သူ ဝင်းယတ် ချတ်မွန်ထရီ နှင့်အတူ တနင်္လာနေ့ (ဖေဖော်ဝါရီ ၂) တွင် ကလောင်ပရမ်ဗဟို အကျဉ်းထောင်သို့ သွားရောက်တွေ့ဆုံခဲ့ချိန်နှင့် တိုက်ဆိုင်နေသည်။

အသက် ၇၆ နှစ်အရွယ်ရှိ သက်ဆင်သည် ရဲဆေးရုံရှိ VIP အခန်းတွင် ၆ လကြာနေထိုင်ခဲ့သည့် ကာလကို ထောင်ဒဏ်ကာလအတွင်း ထည့်သွင်းတွက်ချက်၍မရကြောင်း တရားလွှတ်တော်ချုပ်က ဆုံးဖြတ်ပြီးနောက် လွန်ခဲ့သည့်နှစ် စက်တင်ဘာလ ၉ ရက်နေ့တွင် ဖမ်းဆီးထိန်းသိမ်းခြင်းခံခဲ့ရသည်။

မီဒီယာများ၏ ဖော်ပြချက်အရ သက်ဆင်သည် ၎င်း၏ ထောင်ဒဏ် ၁ နှစ် ၏ သုံးပုံနှစ်ပုံကို ကျခံပြီးဖြစ်မည့် လာမည့်မေလတွင် တရားဝင်ခံဝန်ဖြင့် လွှတ်ပေးရန် (Parole) ပြန်လည်စိစစ်ခွင့် ရရှိနိုင်ဖွယ်ရှိကြောင်း ခန့်မှန်းထားကြသည်။

သမီးဖြစ်သူ ပေထုန်တန် ကမူ သူမ၏ ဖခင်မှာ နာမကျန်းရာမှ ပြန်လည် နာလန်ထူလာပြီဖြစ်ကြောင်းနှင့် သက်ဆင်၏ တူဖြစ်သူ (ဖျူထိုင်းပါတီ၏ အဓိကဝန်ကြီးချုပ်လောင်း) ယော့ချနန် ဝမ်စဝပ်ထံသို့ မည်သည့် မှာကြားချက်မျှ ပေးပို့ခြင်းမရှိကြောင်း ပြောကြားခဲ့သည်။ သက်ဆင်အား မကြာမီ ခံဝန်ဖြင့်လွှတ်ပေးရန် စဉ်းစားနိုင်ခြေရှိမရှိ သို့မဟုတ် ယင်းသို့ စိစစ်ရာတွင် အထောက်အကူပြုစေရန် အကျဉ်းထောင် တာဝန်ရှိသူများက မိသားစုထံမှ စာရွက်စာတမ်းများ တောင်းခံခြင်းရှိ၊ မရှိ ဆိုသည့် ခန့်မှန်းချက်များအပေါ်တွင်မူ သူမက မှတ်ချက်ပေးရန် ငြင်းဆိုခဲ့သည်။

လာမည့် ဖေဖော်ဝါရီ ၈ ရက် အထွေထွေရွေးကောက်ပွဲ နီးကပ်လာချိန်တွင် ယခုကဲ့သို့ သွားရောက်တွေ့ဆုံမှုသည် လူထု၏ စိတ်ဝင်စားမှုကို များစွာ ရရှိစေခဲ့သည်။

ကိုးကား- Bangkok Post

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အရှေ့အလယ်ပိုင်း ပဋိပက္ခများကြောင့် ရုရှားရေနံနှင့် သဘာဝဓာတ်ငွေ့များ တင်သွင်းမှုကန့်သတ်ထားခြင်းအား ရုပ်သိမ်းပေးရေး တောင်းဆိုသွားမည်ဟု ဟန်ဂေရီနှင့် ဆလိုဗက်ကီးယားက သဘောတူ
အရှေ့အလယ်ပိုင်း ပဋိပက္ခများကြောင့် ရုရှားရေနံနှင့် သဘာဝဓာတ်ငွေ့များ တင်သွင်းမှုကန့်သတ်ထားခြင်းအား ရုပ်သိမ်းပေးရေး တောင်းဆိုသွားမည်ဟု ဟန်ဂေရီနှင့် ဆလိုဗက်ကီးယားက သဘောတူ
    အရှေ့အလယ်ပိုင်း ပဋိပက္ခများကြောင့် စွမ်းအင်အကျပ်အတည်းနှင့် ရင်ဆိုင်နေရသည့် ဥရောပနိုင်ငံများသို့ ရုရှားရေနံနှင့် သဘာဝဓာတ်ငွေ့များ    တင်သွင်းမှုကို ကန့်သတ်ထားခြင်းအား ရုပ်သိမ်းပေးရေးအတွက် ဥရောပသမဂ္ဂထံ တောင်းဆိုသွားမည်ဟု ဟန်ဂေရီနှင့် ဆလိုဗက်ကီးယားနိုင်ငံတို့က သဘောတူညီလိုက်ကြောင်း သိရသည်။အဆိုပါသဘောတူညီချက်သည် ဆလိုဗက်ကီးယားဝန်ကြီးချုပ် ရောဘတ်ဖီကိုနှင့် ဖုန်းမှတစ်ဆင့် ပြောဆိုဆွေးနွေးပြီးနောက်ပိုင်းတွင် ဟန်ဂေရီဝန်ကြီးချုပ် ဗစ်တာအော်ဘန်က ပြောကြားခြင်းဖြစ်သည်။ဥရောပသမဂ္ဂအဖွဲ့ဝင်နိုင်ငံများအနေဖြင့် ကုန်ကြမ်းနှင့် လောင်စာဆီပြတ်လပ်မှုမရှိစေရန်နှင့် စွမ်းအင်ဈေးနှုန်းများ မြင့်တက်လာမှုကိုရှောင်ရှားနိုင်ရန်    အရေးပေါ်ဆောင်ရွက်မှုများ လုပ်ဆောင်ရန် လိုအပ်သည်ဟုရှုမြင်လျက်ရှိကြောင်း ဟန်ဂေရီနှင့် ဆလိုဗက်ကီးယားနိုင်ငံတို့က ပြောကြားထားသည်။ ထို့ကြောင့် ဥရောပသမဂ္ဂအနေဖြင့် ရုရှားစွမ်းအင်အပေါ်  ချမှတ်ထားသည့် ပိတ်ဆို့မှုများနှင့်  ကန့်သတ်မှုများကို ချက်ချင်းရပ်ဆိုင်းပေးရန် တောင်းဆိုကြောင်း အော်ဘန်က ဟန်ဂေရီရုပ်သံမှတစ်ဆင့် ဗီဒီယိုမိန့်ခွန်းပြောကြားရာတွင် ထည့်သွင်းပြောကြားသည်။ဥရောပနိုင်ငံများ၏  စီးပွားရေးသည် စွမ်းအင်ပြတ်လပ်မည့် အန္တရာယ်နှင့်  ရင်ဆိုင်နေရပြီး စွမ်းအင်ဈေးနှုန်းများ မြင့်တက်လာနေကြောင်း၊ ထို့ကြောင့် ဥရောပသမဂ္ဂအနေဖြင့် ဖြစ်နိုင်သမျှ အရင်းအမြစ် အားလုံးကို အသုံးပြုခြင်းအားဖြင့် ရေနံနှင့်သဘာဝဓာတ်ငွေ့ကို တတ်နိုင်သမျှ ပမာဏ အများအပြားကို အမြန်ဆုံးဖြည့်တင်းမှသာ အဆိုပါအန္တရာယ်ကို      ကာကွယ်နိုင်မည်ဖြစ်ကြောင်း ဟန်ဂေရီဝန်ကြီးချုပ်   အော်ဘန်က ဆက်လက်ပြောကြားခဲ့ကြောင်း သိရသည်။   MWD
Sun, 5-Apr-2026
အလျှော့မပေးဘဲ လက်တုံ့ပြန်နေသည့် အီရန်နှင့်အမေရိကန်တို့၏ ဟော်မုရေလက်ကြား ဖွင့်လှစ်ရေးကြိုးပမ်းမှု
အလျှော့မပေးဘဲ လက်တုံ့ပြန်နေသည့် အီရန်နှင့်အမေရိကန်တို့၏ ဟော်မုရေလက်ကြား ဖွင့်လှစ်ရေးကြိုးပမ်းမှု
   အီရန်ကထိန်းချုပ်ထားသည့် ဟော်မု ရေလက်ကြားကို ပြန်လည်ဖွင့်လှစ်ပြီး ရေနံများ စတင်သယ်ယူနိုင်ရန်အတွက် အချိန်အနည်းငယ်သာ လိုအပ်သည်ဟု အမေရိကန်သမ္မတ ဒေါ်နယ်ထရမ့်က ဧပြီလ ၃ ရက်တွင် ပြောကြားလိုက်သည်ကို တွေ့ရသည်။ အမေရိကန်အနေဖြင့် အချိန်အနည်းငယ်ယူ၍ လုပ်ဆောင်နိုင်မည်ဆိုပါက မိမိတို့အနေဖြင့် ဟော်မုရေလက်ကြားကို အလွယ်တကူ ဖွင့်လှစ်နိုင်မည်ဖြစ်သည်ဟု ထရမ့်က ၎င်း၏လူမှုကွန်ရက်ပေါ်တွင် ရေးသားဖော်ပြခဲ့ခြင်းဖြစ်သည်။သို့သော် အီရန်နှင့်လက်ရှိဖြစ်ပွားနေသည့် စစ်ပွဲပြီးဆုံးသွားသည့်တိုင်အောင် အီရန်နိုင်ငံက အဆိုပါရေလက်ကြားကို ဆက်လက် ထိန်းချုပ်ထားနိုင်ပါက ထိုသို့သော အခြေအနေမျိုးကို  အမေရိကန်အစိုးရ၏ ဗျူဟာမြောက် ရှုံးနိမ့်မှုတစ်ခုအဖြစ် နိုင်ငံတကာအသိုက်အဝန်းက ရှုမြင်ကြမည် ဖြစ်ကြောင်း အနောက်နိုင်ငံမှ သတင်းဌာနကြီးတစ်ခု ထောက်ပြထားသည်။ ထိုသို့သောအခြေအနေမျိုးတွင် အီရန်အနေဖြင့် ဟော်မုရေလက်ကြားမှ ဖြတ်သန်းသွားလာသည့် ရေနံတင်သင်္ဘောများအပေါ် အခွန်အခများ ကောက်ခံခြင်းဖြင့် ငွေကြေးအကျိုးအမြတ် ရှာဖွေရန်ကြိုးပမ်းလာမည်ဖြစ်ကြောင်း    အဆိုပါသတင်းဌာနကဆက်လက်ဖော်ပြထားသည်။လက်ရှိတွင် အီရန်နိုင်ငံသည် အခြေခံ စားသောက်ကုန်များနှင့် လူသားချင်းစာနာ ထောက်ထားမှုဆိုင်ရာ   အကူအညီများ တင်ဆောင်လာသည့် သင်္ဘောများအား ဟော်မုရေလက်ကြားမှတစ်ဆင့် ဖြတ်သန်းခွင့်ပြုလိုက်ပြီဖြစ်ကြောင်း   တက်စမင်သတင်းဌာနက ဧပြီလ ၄ ရက်တွင် ဖော်ပြထားသည်။တစ်နည်းအားဖြင့်ဆိုရပါမူ  အခြေခံစားသောက်ကုန်များနှင့် လူသားချင်းစာနာ ထောက်ထားမှုဆိုင်ရာ အကူအညီများ တင်ဆောင်လာသည့် သင်္ဘောများအနေဖြင့် အီရန်နိုင်ငံအတွင်းရှိ  ဆိပ်ကမ်းများ သို့မဟုတ် အိုမန်ပင်လယ်ကွေ့တွင် တည်ရှိသောဆိပ်ကမ်းများသို့ ဟော်မုရေလက်ကြားမှတစ်ဆင့် ဖြတ်သန်းသွားလာခွင့်ပြုလိုက်ပြီဖြစ်သည်။ ထို့ပြင် အီရန်နိုင်ငံသည် ၎င်းနှင့်ဆက်ဆံရေး ကောင်းမွန်နေသည့်  နိုင်ငံများမှ သင်္ဘောများကိုလည်း  ရေလက်ကြားမှတစ်ဆင့် ဖြတ်သန်းခွင့်ပေးထားပြီဖြစ်သည်။သို့သော် အမေရိကန်၊ အစ္စရေးနိုင်ငံတို့နှင့် ဆက်နွှယ်နေသည့် နိုင်ငံများကိုမူ ဆက်လက် ပိတ်ပင်ထားဆဲပင်ဖြစ်သည်။ ထိုသို့သော  အခြေအနေမျိုးတွင် အမေရိကန်သမ္မတ ထရမ့်၏ပြောဆိုချက်များသည် အကောင်းမြင်လွန်းနေသည်ဟု အကဲခတ်သူများနှင့် လေ့လာသူများက ပြောဆိုထားသည်။အကြောင်းမှာ အီရန်အနေဖြင့် စွမ်းအင်ကြွယ်ဝပြီး ဒုံးကျည်နည်းပညာမြင့်မားသည့် နိုင်ငံတစ်နိုင်ငံအဖြစ် အရှေ့အလယ်ပိုင်းတွင် အမေရိကန်ကို အန်တုနိုင်ရန်အတွက် ဟော်မုရေလက်ကြားကို   ဆက်လက်ထိန်းချုပ်နိုင်မှသာဖြစ်နိုင်မည်ကို အီရန်မူဝါဒချမှတ်သူများက သဘောပေါက်ထား သလို အမေရိကန်ထောက်လှမ်းရေးအရာရှိများကလည်း ယင်းအချက်ကို နားလည်ထားသည်။ထို့ပြင် အီရန်အစိုးရသည် အမေရိကန်ပြည်ထောင်စုက ၄၈ နာရီကြာ အပစ်အခတ်ရပ်စဲရန် ကမ်းလှမ်းခဲ့သော်လည်း အဆိုပါကမ်းလှမ်းမှုကို  အကြောင်းပြန်ခြင်းမရှိဘဲ ငြင်းပယ်ခဲ့ပြီး ပြင်းထန်သော တိုက်ခိုက်မှုများကို ဆက်လက်လုပ်ဆောင်လျက် ရှိနေခြင်းကလည်း ဟော်မုရေလက်ကြား ပြန်လည်ဖွင့်လှစ်ရေး အမေရိကန်တို့၏ကြိုးပမ်းမှုကို အီရန်ဘက်က ငြင်းဆန် နေခြင်းကို ပြသနေခြင်းဖြစ်သည်ဟုလည်း ဆိုနိုင်သည်။ထို့ကြောင့်ပင် အမေရိကန်နှင့် အစ္စရေးတို့သည် အီရန်မြို့တော် တီဟီရန်အပါအဝင် တစ်နိုင်ငံလုံးအနှံ့တွင် ဗုံးကြဲတိုက်ခိုက်မှုများ   လုပ်ဆောင်နေလင့်ကစား အီရန်အနေဖြင့် ဒေသတွင်းရှိ အမေရိကန်နှင့် အစ္စရေးတို့၏ စစ်ဘက်နှင့်စီးပွားရေးနှင့်အခြားနည်းပညာဆိုင်ရာ အခြေခံအဆောက် အဦများကိုပါ လက်တုံ့ပြန်လျက်ရှိနေခြင်းကြောင့် ရေလက်ကြားပြန်လည် ဖွင့်လှစ်နိုင်မည်ဟူသော ထရမ့်၏အိပ်မက်သည် လောလောဆယ်တွင်   အလှမ်းဝေးကွာနေမည်ဖြစ်ကြောင်း ရေးသား တင်ပြလိုက်ရပါသည်။MWD
Sun, 5-Apr-2026
ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် နီကာရာဂွါသမ္မတနိုင်ငံ၊ ပူးတွဲသမ္မတများဖြစ်ကြသည့် မစ္စတာ ဒန်နီရယ်အော်တီဂါ ဆာဗေဒရာနှင့် မစ္စစ်ရိုဆာရီယို မူရီလို တို့ထံမှ ဝမ်းမြောက်ကြောင်းသဝဏ်လွှာ ပေးပို့
ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် နီကာရာဂွါသမ္မတနိုင်ငံ၊ ပူးတွဲသမ္မတများဖြစ်ကြသည့် မစ္စတာ ဒန်နီရယ်အော်တီဂါ ဆာဗေဒရာနှင့် မစ္စစ်ရိုဆာရီယို မူရီလို တို့ထံမှ ဝမ်းမြောက်ကြောင်းသဝဏ်လွှာ ပေးပို့
နေပြည်တော် ဧပြီ ၄ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်အား နိုင်ငံတော်သမ္မတအဖြစ် ရွေးကောက်တင်မြှောက်ခြင်းခံရသည့်အတွက် နီကာရာဂွါသမ္မတနိုင်ငံ၊ ပူးတွဲသမ္မတများဖြစ်ကြသည့် မစ္စတာဒန်နီရယ် အော်တီဂါ ဆာဗေဒရာနှင့် မစ္စစ် ရိုဆာရီယို မူရီလိုတို့ထံမှ ဝမ်းမြောက်ကြောင်း သဝဏ်လွှာပေးပို့လာပါသည်။အဆွေတော်ဦးမင်းအောင်လှိုင်ရွေးကောက်ခံသမ္မတပြည်ထောင်စုသမ္မတမြန်မာနိုင်ငံတော်နေပြည်တော်ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတအဖြစ် အဆွေတော် ရွေးကောက်တင်မြှောက်ခြင်းခံရသည့်အတွက် နီကာရာဂွါသမ္မတနိုင်ငံ၊ အမျိုးသားပြန်လည်သင့်မြတ်ရေးနှင့် ညီညွတ်ရေးအစိုးရနှင့် ပြည်သူများကိုယ်စား မိမိမှ ဂုဏ်ယူဝမ်းမြောက်ကြောင်း ဖော်ပြလိုပါသည်။မာနာဂွါမြို့၊ ၂၀၂၆ ခုနှစ်၊ ဧပြီလ ၃ ရက်အခါအခွင့်ကြုံခိုက် မိမိတို့နှစ်နိုင်ငံအကြား တည်ရှိနေသည့် ချစ်ကြည်ရင်းနှီးမှုနှင့် စည်းလုံးညီညွတ်မှုကို ဆက်လက်ခိုင်မာအောင်လုပ်ဆောင်သွားမည့် ကတိကဝတ်ကို ထပ်လောင်းအတည်ပြုပါသည်။ မိမိတို့၏ ပြည်သူများအတွက် ငြိမ်းချမ်းရေး၊ တည်ငြိမ်ရေး၊ သာယာဝပြောရေး၊ ကျန်းမာသုခနှင့် ဖွံ့ဖြိုးတိုးတက်ရေးများကို ဆောင်ကြဉ်းပေးနိုင်မည်ဟု ယုံကြည်ပါသည်။မင်္ဂလာအပေါင်းနှင့်ပြည့်စုံ၍ အစဉ်အမြဲလွတ်လပ်သော နီကာရာဂွါနိုင်ငံရှိ ပြည်သူများ၏ ချစ်ကြည်ရင်းနှီးမှုနှင့် ညီရင်းအစ်ကိုပမာ နွေးထွေးစွာနှုတ်ခွန်းဆက်သပါကြောင်း ပြောကြားလိုပါသည်။ဒန်နီရယ် အော်တီဂါ ဆာဗေဒရာ  ရိုဆာရီယို မူရီလိုmoi
Sun, 5-Apr-2026
အီရန်စစ်ပွဲသည် အမေရိကန်အင်ပါယာ၏ နိဂုံးဖြစ်ကြောင်း Tucker Carlson ပြောကြား
အီရန်စစ်ပွဲသည် အမေရိကန်အင်ပါယာ၏ နိဂုံးဖြစ်ကြောင်း Tucker Carlson ပြောကြား
အီရန်စစ်ပွဲသည် "အမေရိကန်အင်ပါယာ၏ နိဂုံး" ကို ဆိုက်ရောက်စေခဲ့ပြီဟု ရှေးရိုးစွဲဝါဒီ အစီအစဉ်တင်ဆက်သူ Tucker Carlson က ပြောကြားလိုက်သည်။ ဟော်မုဇ်ရေလက်ကြား လုံခြုံရေးအတွက် မဟာမိတ်နိုင်ငံများကိုကူညီရန် သမ္မတ ဒေါ်နယ်ထရမ့်၏ တောင်းဆိုမှုမှာ ဝါရှင်တန် အနေဖြင့် ကမ္ဘာ့ပုလိပ်ကြီး (World’s Policeman) အဖြစ် ဆက်လက် မရပ်တည်နိုင်တော့ကြောင်း သက်သေပြနေသည်ဟု ၎င်းက ဆိုသည်။ ကြာသပတေးနေ့ (ဧပြီ ၂) က ပြုလုပ်ခဲ့သော ၎င်း၏ Podcast တွင် Carlson က ထရမ့်၏ မှတ်ချက်များအပေါ် ဝေဖန်ပြောဆိုခဲ့ခြင်း ဖြစ်သည်။ သမ္မတ ထရမ့်သည် အီရန် နိုင်ငံအား ကျောက်ခေတ်ရောက်အောင် ဗုံးကြဲမည်ဟု ခြိမ်းခြောက်ခဲ့သော်လည်း အပစ်အခတ်ရပ်စဲရေးအတွက် အချိန်ဇယားအတိအကျကိုမူ မဖော်ပြခဲ့ပေ။ တစ်ချိန်တည်းမှာပင် ကမ္ဘာ့ရေနံကုန်သွယ်မှု ၂၀ ရာခိုင်နှုန်းခန့်ဖြတ်သန်းရာ မဟာဗျူဟာမြောက် ဟော်မုဇ်ရေလက်ကြား ပိတ်ဆို့မှုကိုဖြေရှင်းရန် အခြားနိုင်ငံများကို "ဦးဆောင်ပါ" ဟု တိုက်တွန်းခဲ့သည်။ သို့သော်လည်း အမေရိကန်နှင့် အစ္စရေးတို့က အီရန်ကို တိုက်ခိုက်ပြီးနောက် ဝါရှင်တန်၏ NATO မဟာမိတ်များမှာ ပါဝင်ပတ်သက်ရန် ဝန်လေးနေကြသည်။Carlson က "ငြိမ်းချမ်းရေးကို အတင်းအကျပ် ဖော်ဆောင်နိုင်တဲ့နိုင်ငံဟာ အာဏာအရှိဆုံး နိုင်ငံပဲ" ဟု ဆိုကာ "ပါရှန်ပင်လယ်ကွေ့ကိုစနစ်တကျထိန်းချုပ်နိုင်ပြီး ဟော်မုဇ်ရေလက်ကြားကို ဖွင့်ပေးနိုင်တဲ့ နိုင်ငံဟာ ကမ္ဘာကြီးကို စိုးမိုးတဲ့နိုင်ငံလို့ အဓိပ္ပာယ်ဖွင့်ရမှာပါ" ဟု ဆက်လက် ပြောကြားခဲ့သည်။ ဒုတိယကမ္ဘာစစ်နောက်ပိုင်း ဆယ်စုနှစ်များစွာအတွင်း ထိုသို့ လုပ်ဆောင်နိုင်စွမ်းရှိသူမှာ အမေရိကန်ဟု ယူဆခဲ့ကြ သော်လည်း ယခု ဟော်မုဇ်အကျပ်အတည်းက ထိုသို့ မဟုတ်တော့ကြောင်း သက်သေပြလိုက်သည်ဟု ၎င်းက ဆိုသည်။"ကျွန်တော်တို့ ဟော်မုဇ်ရေလက်ကြားကို မဖွင့်နိုင်တော့ဘူး၊ အမေရိကန် သမ္မတကိုယ်တိုင်က မနေ့ညက ပြောသွားတယ်၊ တခြား တစ်ယောက်ယောက် လုပ်လိုက်ပါတဲ့၊ ဒါကြောင့် ကျွန်တော်တို့ ခေတ်ကုန်သွားပါပြီ" ဟု Carlson က ဆိုသည်။အမေရိကန်အနေဖြင့် အီရန်ကို နိုင်ငံတစ်နိုင်ငံအဖြစ်မှ လုံးဝဖျက်ဆီး ပစ်နိုင်လျှင်ပင် ကျန်ရှိနေသော ခေါင်းဆောင်များသည် ရေမိုင်းများထောင်ခြင်း၊ ဈေးပေါသော ဒရုန်းများသုံးခြင်း သို့မဟုတ် ခြိမ်းခြောက်ရုံမျှဖြင့် သင်္ဘောလမ်းကြောင်းကို အလွယ်တကူ နှောင့်ယှက်နိုင်ဆဲဖြစ်ကြောင်း၊ ထို့ကြောင့် နောက်ဆုံးတွင် တီဟီရန်နှင့် သံတမန် နည်းလမ်းဖြင့် ပြေလည်အောင် ဖြေရှင်းရမည်သာဖြစ်ကြောင်း ၎င်းက ဝေဖန်ခဲ့သည်။"အခု အီရန်မှာ ဖြစ်ပျက်နေတာတွေဟာ ကျွန်တော်တို့သိထားတဲ့ အမေရိကန်အင်ပါယာရဲ့ နိဂုံးပါပဲ၊ ဒါဟာ ဝမ်းနည်းစရာပါ၊ အင်ပါယာတစ်ခုက သေဆုံးနေပြီ၊ ဒါပေမဲ့ ဒါဟာ အမေရိကန်ပြည်ထောင်စုရဲ့ နိဂုံးတော့ မဟုတ်ပါဘူး" ဟု ၎င်းက ထပ်လောင်းပြောဆိုခဲ့သည်။ယခုကဲ့သို့ အပြောင်းအလဲကာလတွင် ဆင်းရဲဒုက္ခနှင့် ဝမ်းနည်းစရာ များစွာရှိလာနိုင်သော်လည်း ယခုအခါ အမေရိကန်သည် မိမိတို့ တစ်ခါမှ မရောက်ဖူးသောနိုင်ငံများကို သိမ်းပိုက်မည့်အစား အရင်းအမြစ်ကြွယ်ဝပြီး နိုင်ငံတည်ငြိမ်ရေးအတွက်အရေးပါသည့် အနောက် ကမ္ဘာခြမ်း (Western hemisphere) ကို ပြန်လည်အာရုံစိုက်ခွင့်ရရှိလာမည် ဖြစ်ကြောင်း ၎င်းက မှတ်ချက်ပြုခဲ့သည်။ပုံမှန်အားဖြင့် ထရမ့်ကို ထောက်ခံသူဖြစ်သော်လည်း Carlson သည် အမေရိကန်-အစ္စရေးတို့က အီရန်ကို တိုက်ခိုက်မှုအပေါ် ပြင်းပြင်း ထန်ထန် ဝေဖန်နေသူဖြစ်သည်။ ထို့ကြောင့် သမ္မတ ထရမ့်က Carlson သည် လမ်းမှားရောက်နေပြီဖြစ်ကြောင်းနှင့် ၎င်းသည် MAGA လှုပ်ရှားမှု၏ အစိတ်အပိုင်းအစစ်အမှန် မဟုတ်တော့ကြောင်း တုံ့ပြန်ပြောဆိုထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sat, 4-Apr-2026
ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးချယ်တင်မြှောက်ခြင်းခံရသည့်အတွက် ပါတီများ၊ အသင်း/အဖွဲ့များက အထူးဂုဏ်ယူဝမ်းမြောက်ကြောင်း ထုတ်ပြန်ကြေညာများ ထုတ်ပြန်
ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးချယ်တင်မြှောက်ခြင်းခံရသည့်အတွက် ပါတီများ၊ အသင်း/အဖွဲ့များက အထူးဂုဏ်ယူဝမ်းမြောက်ကြောင်း ထုတ်ပြန်ကြေညာများ ထုတ်ပြန်
နေပြည်တော် ဧပြီ ၄၂၀၂၆ ခုနှစ်၊ ဧပြီလ ၃ ရက်တွင် ကျင်းပသည့် နိုင်ငံတော်သမ္မတရွေးချယ်တင်မြှောက်ပွဲ၌ ပြည်ထောင်စုလွှတ်တော်ကိုယ်စားလှယ်အားလုံးပါဝင်သော နိုင်ငံတော်သမ္မတရွေးချယ်တင်မြှောက်ရေးအဖွဲ့က ရွေးကောက်ခံ ပြည်သူ့လွှတ်တော်ကိုယ်စားလှယ်များ အစုအဖွဲ့မှ ဒုတိယသမ္မတအဖြစ် ရွေးချယ်တင်မြှောက်ထားသော ဗိုလ်ချုပ်မှူးကြီးမင်းအောင်လှိုင်အား နိုင်ငံတော်သမ္မတအဖြစ် ရွေးချယ်တင်မြှောက်ခြင်းခံရသည့်အတွက် မျိုးဆက်သစ်ဝံသာနုပါတီ၊ မြန်မာနိုင်ငံဟုတ်ကြန့်တရုတ်မျိုးနွယ်အသင်းချုပ်၊ မြန်မာပြည်ဖွားတရုတ်ကုသိုလ်ဖြစ်အသင်း၊ မြန်မာနိုင်ငံတရုတ်ကုန်သည်များအသင်းချုပ်၊ မြန်မာနိုင်ငံဆိုင်ရာဝိန်းကျိုး ကုန်သည်ကြီးများအသင်းချုပ် Myanmar Wenzhou General Chamber of Commerce၊ မြန်မာနိုင်ငံဆိုင်ရာ အန့်ဟွေးကုန်သည်ကြီးများအသင်း၊ ရန်ကုန်ယူနန်လူမှုကူညီရေးအသင်း၊ ကောင်းတုံကုန်သည်နှင့် လုပ်ငန်းရှင်များအသင်း၊ မြန်မာ-အိန္ဒိယချစ်ကြည်ရေးအသင်း၊ မြန်မာ-အိန္ဒိယအပြည်ပြည်ဆိုင်ရာစီးပွားရေး လုပ်ငန်းရှင်များအသင်းချုပ်(MIIBF)၊ မြန်မာ-ဂျပန်လူမှုစီးပွားဖွံ့ဖြိုးတိုးတက်ရေးပူးပေါင်း ဆောင်ရွက်မှုအသင်း(AMJSEDC)၊ မြန်မာနိုင်ငံဆေးကောင်စီ၊ မြန်မာနိုင်ငံမိခင်နှင့် ကလေးစောင့်ရှောက်ရေးအသင်း၊ မြန်မာနိုင်ငံတိုင်းရင်းဆေးကောင်စီ၊ မြန်မာနိုင်ငံသွားနှင့် ခံတွင်းဆိုင်ရာဆေးကောင်စီ၊ မြန်မာနိုင်ငံပုဂ္ဂလိကဆေးရုံများအသင်း၊ မြန်မာနိုင်ငံဆေးနှင့် ဆေးပစ္စည်းထုတ်လုပ်သူများအသင်း၊ မြန်မာနိုင်ငံတိုင်းရင်းဆေးဝါး ထုတ်လုပ်သူများနှင့် ဆေးပစ္စည်းလုပ်ငန်းရှင်များအသင်း၊ မြန်မာနိုင်ငံသူနာပြုနှင့် သားဖွားကောင်စီ၊ မြန်မာနိုင်ငံကြက်ခြေနီအသင်း၊ မြန်မာနိုင်ငံဆေးနှင့် ဆေးပစ္စည်းလုပ်ငန်းရှင်များအသင်း၊ မြန်မာနိုင်ငံဆေးပညာရှင်အဖွဲ့၊ မြန်မာနိုင်ငံသတင်းမီဒီယာကောင်စီ၊ ဘာသာပေါင်းစုံချစ်ကြည်ညီညွတ်ရေးအဖွဲ့(ဗဟို)၊ မြန်မာနိုင်ငံရုပ်ရှင်အစည်းအရုံး၊ မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးတို့က အထူးဂုဏ်ယူဝမ်းမြောက်ကြောင်း ကြေညာချက်များ ထုတ်ပြန်ခဲ့ကြသည်။အဆိုပါ ထုတ်ပြန်ကြေညာချက်များတွင် ပြည်ထောင်စုသမ္မတမြန်မာနိုင်ငံတော်၊ နိုင်ငံတော်သမ္မတအဖြစ် ဗိုလ်ချုပ်မှူးကြီး မင်းအောင်လှိုင်အား ပြည်ထောင်စုလွှတ်တော်က ရွေးချယ်တင်မြှောက်ခဲ့သည့်အတွက် အထူးဂုဏ်ယူဝမ်းမြောက်မိပါကြောင်း၊ နိုင်ငံတော်သမ္မတကြီးနှင့် အစိုးရအဖွဲ့သစ်အနေဖြင့် ပါတီစုံဒီမိုကရေစီစနစ်သို့ ညင်သာအောင်မြင်စွာ ကူးပြောင်းနိုင်ပြီး ပြည်သူသာအမိ၊ ပြည်သူသာအဖဆိုသည့် မူဝါဒနှင့်အညီ ပြည်သူလူထုအမှန်တကယ် လိုလားတောင်းတနေသော ထာဝရငြိမ်းချမ်းရေး၊ တရားဥပဒေစိုးမိုးရေး၊ လူမှုစီးပွားဘဝ မြှင့်တင်ရေးနှင့် “ကမ္ဘာမှာ မြန်မာဟေ့” လို့ ရင်ပေါင်တန်းနိုင်ရန် အောင်မြင်စွာဖြတ်သန်းနိုင်ပြီး နာယကဂုဏ်(၆)ပါးနှင့်အညီ ကျင့်ကြံအုပ်ချုပ်နိုင်ပါမည်ဟု အပြည့်အဝအားကိုးယုံကြည်ပါကြောင်း၊ နိုင်ငံတော်သမ္မတ ဗိုလ်ချုပ်မှူးကြီးမင်းအောင်လှိုင် စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့်ပြည့်စုံပြီး ကိုယ်စိတ်နှစ်ဖြာကျန်းမာရွှင်လန်းစွာဖြင့် နိုင်ငံတော်၏တာဝန်များကို ထမ်းဆောင်နိုင်ပါစေကြောင်း ဆုမွန်ကောင်းတောင်း ဂါရဝပြုအပ်ပါကြောင်း၊ ပြည်ထောင်စုသမ္မတ မြန်မာနိုင်ငံတော်ကြီး ငြိမ်းချမ်းသာယာဝပြောပြီး ပိုမိုစည်ပင်ဖွံ့ဖြိုး တိုးတက်ပါစေကြောင်း စသည်ဖြင့် ပါရှိကြောင်းသိရှိရသည်။https://www.moi.gov.mm/news/81410   
Sat, 4-Apr-2026
ဒေါ်နန်းနီနီအေး အား ပြည်ထောင်စုသမ္မတမြန်မာနိုင်ငံတော် ဒုတိယသမ္မတအဖြစ် ရွေးကောက်တင်မြှောက်ခြင်းခံရသည့်အတွက် တရုတ်ပြည်သူ့သမ္မတနိုင်ငံ ဒုတိယသမ္မတ မစ္စတာ ဟန်ကျန့် ထံမှ ဝမ်းမြောက်ကြောင်း သဝဏ်လွှာပေးပို့
ဒေါ်နန်းနီနီအေး အား ပြည်ထောင်စုသမ္မတမြန်မာနိုင်ငံတော် ဒုတိယသမ္မတအဖြစ် ရွေးကောက်တင်မြှောက်ခြင်းခံရသည့်အတွက် တရုတ်ပြည်သူ့သမ္မတနိုင်ငံ ဒုတိယသမ္မတ မစ္စတာ ဟန်ကျန့် ထံမှ ဝမ်းမြောက်ကြောင်း သဝဏ်လွှာပေးပို့
ဒေါ်နန်းနီနီအေး အား ပြည်ထောင်စုသမ္မတမြန်မာနိုင်ငံတော် ဒုတိယသမ္မတအဖြစ် ရွေးကောက်တင်မြှောက်ခြင်းခံရသည့်အတွက် တရုတ်ပြည်သူ့သမ္မတနိုင်ငံ ဒုတိယသမ္မတ မစ္စတာ ဟန်ကျန့် ထံမှ ဝမ်းမြောက်ကြောင်း သဝဏ်လွှာပေးပို့moi
Sat, 4-Apr-2026
© Copyright 2024 SAC All Rights Reserved.