Boeing ကုမ္ပဏီသည် အင်ဒိုနီးရှားနိုင်ငံသို့ F-15 တိုက်လေယာဉ်အစီးရေ ဒါဇင်နှင့်ချီ ရောင်းချမည့်စာချုပ်ကို လက်လွှတ်ဖျက်သိမ်း

KookieSpace97

News Image

  • Boeing ကုမ္ပဏီသည် အင်ဒိုနီးရှားနိုင်ငံသို့ F-15 တိုက်လေယာဉ်အစီးရေ ဒါဇင်နှင့်ချီ ရောင်းချမည့်စာချုပ်ကို လက်လွှတ်ဖျက်သိမ်း

Boeing ကုမ္ပဏီက အင်ဒိုနီးရှားနိုင်ငံသို့ F-15EX ဘက်စုံသုံး တိုက်လေယာဉ် ၂၄ စီးအထိ ရောင်းချမည့် အစီအစဉ်ကို ရပ်ဆိုင်းလိုက်ကြောင်း ကြေညာခဲ့သော်လည်း အကြောင်းရင်းကိုမူ ထုတ်ဖော်ပြောကြားခြင်း မရှိပေ။

Boeing ၏ ကာကွယ်ရေးဆိုင်ရာ စီးပွားရေးဖွံ့ဖြိုးတိုးတက်မှုနှင့် မဟာဗျူဟာပိုင်းဆိုင်ရာ ဒုတိယဥက္ကဋ္ဌဖြစ်သူ Bernd Peters က "အင်ဒိုနီးရှား နှင့် မိမိတို့၏ မိတ်ဖက်ဆောင်ရွက်မှုနှင့် ပတ်သက်ပြီးပြောရလျှင် ထိုအရောင်းအဝယ်ကို ဆက်လက်လုပ်ဆောင်တော့မည် မဟုတ်ပါ" ဟု ဖေဖော်ဝါရီ ၃ ရက်နေ့တွင် ပြောကြားခဲ့သည်။ Boeing တာဝန်ရှိသူများ က အဆိုပါဆုံးဖြတ်ချက်နှင့်ပတ်သက်၍ အကြောင်းပြချက်ပေးခြင်းမရှိသကဲ့သို့ အမေရိကန်နှင့် အင်ဒိုနီးရှား အစိုးရတာဝန်ရှိသူများကလည်း မှတ်ချက်တစ်စုံတစ်ရာပေးခြင်း မရှိသေးပေ။

၂၀၂၃ ခုနှစ် ဩဂုတ်လတွင် အင်ဒိုနီးရှားအစိုးရသည် F-15EX အကြီးစား တိုက်လေယာဉ် ၂၄ စီးအထိ ဝယ်ယူနိုင်ခြေနှင့်ပတ်သက်၍ အမေရိကန် Boeing ကုမ္ပဏီနှင့် နားလည်မှုစာချွန်လွှာ (MoU) ရေးထိုးခဲ့သည်။ ထိုလုပ်ဆောင်ချက်သည် အမေရိကန်နိုင်ငံခြားရေးဝန်ကြီးဌာနက အင်ဒိုနီးရှားသို့ F-15EX အမျိုးအစား ၃၆ စီးအထိ ရောင်းချရန် အတည်ပြုပေးခဲ့ပြီး တစ်နှစ်ကျော်အကြာတွင် ပေါ်ထွက်လာခြင်းဖြစ်သည်။

Boeing ကုမ္ပဏီ၏ F-15 တိုက်လေယာဉ် စီးပွားရေးဖွံ့ဖြိုးတိုးတက်မှုဌာနမှ ဝန်ထမ်းဖြစ်သူ Clara Logsdon က ၂၀၂၅ ခုနှစ် ဇွန်လတွင် ပြောကြားရာ၌ အမေရိကန်ကော်ပိုရေးရှင်းအနေဖြင့် အင်ဒိုနီးရှား အစိုးရနှင့် စာချုပ်ချုပ်ဆိုရခြင်းမရှိသေးသော်လည်း ဂျာကာတာဘက်က အဆိုပါ အရောင်းအဝယ်ကို များစွာစိတ်ဝင်စားနေကြောင်း မှတ်ချက်ပြုခဲ့သည်။ "လိုအပ်ချက်တွေကို အပြီးသတ်နိုင်ဖို့ အမေရိကန်နှင့် အင်ဒိုနီးရှား အစိုးရတို့နှင့် ဆက်လက်ပူးပေါင်း ဆောင်ရွက်သွားမှာပါ" ဟု Logsdon က ထိုစဉ်က ပြောကြားခဲ့သည်။

F-15 သည် ၁၉၆၇ ခုနှစ်တွင် McDonnell Douglas မှ စတင်တီထွင်ခဲ့ပြီး ၁၉၇၆ ခုနှစ်တွင် အမေရိကန်လေတပ်၌ စတင်တာဝန် ထမ်းဆောင်ခဲ့သည့် အကြီးစားတိုက်လေယာဉ်ဖြစ်သည်။ ၎င်းသည် လေကြောင်းစိုးမိုးရေးတာဝန်များအတွက် အထူးကောင်းမွန်စေရန် ပြုလုပ်ထားသည့် အမေရိကန်၏ ပင်မတိုက်ခိုက်ရေးလေယာဉ်များထဲမှ တစ်ခုဖြစ်သည်။

နောက်ဆုံးပေါ် F-15EX မျိုးကွဲတွင် F-15C/D လေယာဉ်စု၌ အသုံးပြုသည့် F100 စီးရီးအင်ဂျင်များအစား F110 အင်ဂျင်များကို အစားထိုးအသုံးပြုထားသည်။ ခိုင်ခံ့မှုအားကောင်းစေရန် တောင်ပံတည်ဆောက်ပုံကို မြှင့်တင်ထားပြီး ထိန်းချုပ်မှုစနစ်ကိုလည်း ဟိုက်ဒရောလစ် စနစ် သီးသန့်မှ ကွန်ပျူတာထိန်းချုပ်စနစ် (Fly-by-wire) သို့ ပြောင်းလဲထားသည်။ ထို့ပြင် အဆိုပါလေယာဉ်တွင် ခေတ်မီရေဒါ (AESA radar) ၊ Display Screen အသစ်များနှင့် ဆက်သွယ်ရေးကိရိယာအသစ်များ တပ်ဆင်ထားသည်။

အင်ဒိုနီးရှားသည် ၎င်း၏ တိုက်လေယာဉ်အုပ်စုကို ခေတ်မီစေရေး အဆင့်မြှင့်တင်ရန်အတွက် ဘတ်ဂျက်အမြောက်အမြား ခွဲဝေချထားပြီး ကမ္ဘာ့တိုက်လေယာဉ်ဈေးကွက်တွင် အတက်ကြွဆုံး ဝယ်ယူသူများထဲမှ တစ်ဦးဖြစ်သည်။ အင်ဒိုနီးရှားသည် ပြင်သစ်နိုင်ငံထုတ် Rafale တိုက် လေယာဉ် ၄၂ စီး မှာယူထားသည့်အနက် ပထမဆုံးအသုတ်ဖြစ်သော လေယာဉ် ၃ စီးကို လက်ခံရရှိပြီဖြစ်ကြောင်း ဇန်နဝါရီ ၂၆ ရက်တွင် ကြေညာခဲ့သည်။ ထို့ပြင် တူရကီနိုင်ငံထံမှ ပဉ္စမမျိုးဆက် KAAN တိုက် လေယာဉ် ၄၈ စီး ဝယ်ယူရန် စာချုပ်ချုပ်ဆိုထားပြီး တရုတ်နိုင်ငံထုတ် J-10 လေယာဉ်များကိုလည်း ဝယ်ယူရန် စဉ်းစားလျက်ရှိသည်။

Reuters သတင်းဌာန၏အဆိုအရ အင်ဒိုနီးရှားသည် ယခုနှစ် အစောပိုင်းတွင် ပါကစ္စတန်နိုင်ငံနှင့် JF-17 တိုက်လေယာဉ်များ၊ Shahpar ဒရုန်းများ ဝယ်ယူနိုင်ခြေနှင့်ပတ်သက်၍ ဆွေးနွေးမှုများ ပြုလုပ်ခဲ့ကြောင်း သိရှိရသည်။

ကိုးကား- VN Express

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

အမေရိကန်တိုက်လေယာဉ်တစ်စင်းကို အီရန်ပစ်ချ ကယ်ဆယ်ရေး လုပ်ဆောင်သည့် ရဟတ်ယာဉ်နှစ်စင်းအား ထပ်မံတိုက်ခိုက်
အမေရိကန်တိုက်လေယာဉ်တစ်စင်းကို အီရန်ပစ်ချ ကယ်ဆယ်ရေး လုပ်ဆောင်သည့် ရဟတ်ယာဉ်နှစ်စင်းအား ထပ်မံတိုက်ခိုက်
     အီရန်တပ်မတော်သည် ၎င်းတို့၏ နိုင်ငံပိုင်နက်အတွင်း အမေရိကန်တို့၏ F-35 တိုက်လေယာဉ်တစ်စင်းကို ပစ်ချနိုင်ခဲ့ကြောင်း တက်စနင်သတင်းဌာန အပါအဝင် ဒေသတွင်းသတင်းမီဒီယာများက ဖော်ပြသည်။အမေရိကန်တိုက်လေယာဉ်ပျက်ကျသည့် နေရာဟုယူဆရသောနေရာမှ ဓာတ်ပုံများနှင့် ဗီဒီယိုဖိုင်များ ထွက်ပေါ်လာခဲ့ရာ ယင်းနေရာတွင် လေယာဉ်အပျက်အစီးများနှင့် လေယာဉ်မှူး ထိုင်ခုံတို့ပါဝင်သည်။ ထို့ပြင် ဓာတ်ပုံများအနက်တွင် ဥရောပရှိ အမေရိကန်လေတပ်မတော်ဟု ရေးသားထားသော   အမှတ်အသားပါဝင်သည့် လေယာဉ်အမြီးပိုင်းနှင့်  အခြားအစိတ်အပိုင်းများကို တွေ့ရှိရကြောင်းသိရသည်။သို့သော်လည်း ပျက်ကျသွားသည့်လေယာဉ်မှာ F-15 အမျိုးအစားဖြစ်ကြောင်း အမေရိကန်အရာရှိများက အတည်ပြုခဲ့ပြီး လေယာဉ်မှူးတစ်ဦးကို ကယ်ဆယ်နိုင်ခဲ့ကြောင်း ထုတ်ပြန်ထားသည်။ဗြိတိန်နိုင်ငံထုတ် ဂါဒီးယန်းသတင်းစာ၏ ဖော်ပြချက်အရ အဆိုပါပျက်ကျခဲ့သည့်လေယာဉ်မှာ ဗြိတိန်နိုင်ငံ လေကင်ဟိသ်ဒေသရှိ   ဗြိတိန်တော်ဝင်လေတပ်ဖွဲ့၏ အခြေစိုက်စခန်းတွင်အခြေပြုသည့် အမှတ် ၄၉၄ အမေရိကန်လေယာဉ်အုပ်မှ လေယာဉ် တစ်စင်းဖြစ်နိုင်ကြောင်း ဖော်ပြထားသည်။ထို့ပြင်  ပျက်ကျသွားသော  တိုက်လေယာဉ်မှာ F-35 အမျိုးအစားမဟုတ်ဘဲ F-15 အမျိုးအစား တိုက်လေယာဉ်ဖြစ်ကြောင်း လေယာဉ်ပေါ်တွင်လိုက်ပါသွားသည့် လေယာဉ်မှူးနှစ်ဦးအနက် တစ်ဦးကို ကယ်ဆယ်နိုင်ခဲ့ပြီး   ကျန်တစ်ဦးကို ကယ်ဆယ်နိုင်ရန်အတွက် ဆက်လက်ရှာဖွေ နေသည့်  ကယ်ဆယ်ရေးရဟတ်ယာဉ်နှစ်စင်းအား အီရန်တပ်မတော်က ပစ်ခတ်တိုက်ခိုက်ခဲ့သည်ဟု NBC သတင်းဌာနက ဖော်ပြထားသည်။အဆိုပါကယ်ဆယ်ရေးရဟတ်ယာဉ်များသည် အီရန်နိုင်ငံအတွင်း ပျက်ကျခဲ့သည့် F-15 တိုက် လေယာဉ်မှလေယာဉ်မှူးတစ်ဦးကို ရှာဖွေနေစဉ်အတွင်း ပစ်ခတ်ခံခဲ့ရခြင်းဖြစ်သည်။ကယ်ဆယ်ရေး ရဟတ်ယာဉ်များ ပစ်ခတ်ခံခဲ့ရသော်လည်း ရဟတ်ယာဉ်နှစ်စင်းလုံးသည်  စခန်းသို့ ဘေးကင်းစွာ ပြန်လည်ရောက်ရှိခဲ့ကြောင်း၊ သို့သော် အီရန်၏ပစ်ခတ်မှုကြောင့် ရဟတ်ယာဉ်ပေါ်တွင် လိုက်ပါလာသည့် အမေရိကန်တပ်ဖွဲ့ဝင်အချို့ ထိခိုက်ဒဏ်ရာများ ရရှိခဲ့ကြောင်း   အမေရိကန်အရာရှိများက အတည်ပြုထားသည်။ MWD
Sun, 5-Apr-2026
ချစ်ကြည်ရေးခရီးလည်ပတ်ရန် ရောက်ရှိနေသည့် ထိုင်းဘုရင့်ရေတပ်မှ စစ်ရေယာဉ်ပြန်လည်ထွက်ခွာ
ချစ်ကြည်ရေးခရီးလည်ပတ်ရန် ရောက်ရှိနေသည့် ထိုင်းဘုရင့်ရေတပ်မှ စစ်ရေယာဉ်ပြန်လည်ထွက်ခွာ
နေပြည်တော် ဧပြီ ၄ပြည်ထောင်စုသမ္မတ မြန်မာနိုင်ငံတော်သို့ ချစ်ကြည်ရေးခရီးအလည် အပတ်ရောက်ရှိနေသည့် ထိုင်းဘုရင့်ရေတပ်မှ စစ်ရေယာဉ် HTMS Kraburi(FFG-457)သည် ယနေ့ညနေပိုင်းတွင် ရန်ကုန်မြို့ သီလဝါဆိပ်ကမ်းမှ ပြန်လည်ထွက်ခွာရာ တပ်မတော်(ရေ)မှ အရာရှိကြီးများ၊ အရာရှိ၊ စစ်သည် များနှင့် မြန်မာနိုင်ငံဆိုင်ရာ ထိုင်းရေတပ်စစ်သံမှူးတို့က ပို့ဆောင်နှုတ်ဆက်ကြသည်။အဆိုပါ စစ်ရေယာဉ်အား အဖွဲ့ခေါင်းဆောင်ဖြစ်သူ ထိုင်းဘုရင့်ရေတပ် 3rd Naval Area Command မှ Captain Nat-thawat Wichakul ဦးဆောင်၍ ချစ်ကြည်ရေး ခရီးရောက်ရှိလာခြင်းဖြစ်ပြီး မတ် ၃၁ ရက်မှ ယနေ့ထိ ငါးရက်ကြာခရီးစဉ်အတွင်း ရန်ကုန်မြို့ရှိ အထင်ကရနေရာများသို့ လေ့လာရေးခရီးသွားရောက်ခြင်းနှင့် နှစ်နိုင်ငံရေတပ်ချစ်ကြည်ရေး အားကစားပြိုင်ပွဲများ ပြုလုပ်ခဲ့ကြကြောင်း သတင်းရရှိသည်။         moi
Sun, 5-Apr-2026
နယ်စပ်ဖြတ်ကျော် မီးခိုးမြူငွေ့ညစ်ညမ်းမှုနှင့်စပ်လျဉ်း၍ သတင်းထုတ်ပြန်ချက်
နယ်စပ်ဖြတ်ကျော် မီးခိုးမြူငွေ့ညစ်ညမ်းမှုနှင့်စပ်လျဉ်း၍ သတင်းထုတ်ပြန်ချက်
၁။      နယ်စပ်ဖြတ်ကျော်မီးခိုးမြူငွေ့ ဖြစ်ပေါ်နိုင်သည့် အခြေအနေများနှင့် စပ်လျဉ်း၍ စင်ကာပူနိုင်ငံအခြေစိုက် အာဆီယံမိုးလေဝသစောင့်ကြည့်လေ့လာရေးဗဟိုဌာန (ASEAN Specialized Meteoro-logical Center - ASMC) မှ ထုတ်ပြန်ချက်များအရ-(က) မြန်မာနိုင်ငံအပါအဝင် အာဆီယံမြောက်ပိုင်းဒေသဖြစ်သည့် မဲခေါင်ဒေသခွဲနိုင်ငံများတွင် ၂၀၂၆ ခုနှစ်၊ မတ်လ ၂၇ ရက်နေ့မှစ၍ Fire Hotspot နှင့် မီးခိုးမြူငွေ့ဖြစ်ပေါ်မှု သတိပေးချက်အဆင့် (၃) (Alert Level 3) အခြေအနေသို့ စတင်ရောက်ရှိပြီဖြစ်ပါကြောင်း၊(ခ) မဲခေါင်ဒေသတွင် ခြောက်သွေ့ရာသီဥတု ဆက်လက်ဖြစ်ပေါ်နေပြီး Fire Hotspot နှင့် မီးခိုးမြူငွေ့ဖြစ်ပေါ်မှု အခြေအနေသည် ပိုမိုများပြားလာနိုင်ပါကြောင်း၊(ဂ) NOAA-20 ဂြိုဟ်တုမှ စောင့်ကြည့်လေ့လာမှုအရ ၂၀၂၆ ခုနှစ်၊ မတ်လ ၂၅ ရက်နေ့နှင့် ၂၆ ရက်နေ့များတွင် မဲခေါင်ဒေသအတွင်း Fire Hotspot ၂၈၀၆ ခုနှင့် ၃၁၃၉ ခု ဖြစ်ပေါ်ခဲ့သည်ကို တွေ့ရှိပြီး မြန်မာနိုင်ငံနှင့် လာအို နိုင်ငံတို့တွင် နေရာအနှံ့အပြား၌ တွေ့ရှိရပါကြောင်း၊(ဃ) မဲခေါင်ဒေသခွဲတွင် အလယ်အလတ်မှ သိပ်သည်းသည့် မီးခိုးမြူငွေ့ ဖြစ်ပေါ်မှုများကို လေ့လာတွေ့ရှိခဲ့ပါကြောင်း၊(င) လာမည့်သီတင်းပတ်များအတွင်း မဲခေါင်ဒေသခွဲ၏ နေရာအများစုတွင် မိုးခေါင်သော အခြေအနေများ ဆက်လက်တည်ရှိမည်ဟု ခန့်မှန်းထားပြီး လေတိုက်ခတ်မှုများသည် အများအားဖြင့် တောင်ဘက် သို့မဟုတ် အနောက်တောင်ဘက်မှ တိုက်ခတ်မည်ဟု ခန့်မှန်းထားပါကြောင်း၊ Fire Hotspot များနှင့် မီးခိုးမြူငွေ့ဖြစ်ပေါ်မှုလည်း ပိုမိုဆိုးရွားလာနိုင်ပြီး မဲခေါင်ဒေသအတွင်း နယ်စပ်ဖြတ်ကျော်မီးခိုးမြူငွေ့ဖြစ်ပေါ်မှုအန္တရာယ်မှာ ပိုမိုမြင့်တက်လာနိုင်ပါကြောင်း ခန့်မှန်းထားပါသည်။၂။ မြန်မာနိုင်ငံသည် နယ်စပ်ဖြတ်ကျော် မီးခိုးမြူငွေ့ညစ်ညမ်းမှု ထိန်းချုပ်ရေးဆိုင်ရာ အာဆီယံသဘောတူညီချက် (ASEAN Agree-ment on Transboundary Haze Pollution-AATHP) တွင် ၂၀၀၃ ခုနှစ်၌ အဖွဲ့ဝင်နိုင်ငံအဖြစ် ပါဝင်ဆောင်ရွက်လျက်ရှိပြီး အဆိုပါသဘော တူညီချက်အရ ၂၀၃၀ ပြည့်နှစ်တွင် မီးခိုးမြူငွေ့ကင်းစင်သောအာဆီယံဖြစ်စေရေး မျှော်မှန်းချက်ဖြင့် နယ်စပ်ဖြတ်ကျော် မီးခိုးမြူငွေ့ညစ်ညမ်း မှုထိန်းချုပ်ရေးဆိုင်ရာ အာဆီယံပူးပေါင်းဆောင်ရွက်ရေးလမ်းပြမြေပုံ (၂၀၂၃-၂၀၃၀) ကိုလည်းကောင်း၊ မဲခေါင်ဒေသခွဲနိုင်ငံများအတွက် Fire Hotspot ဖြစ်ပေါ်မှုလျှော့ချရမည့် အညွှန်းကိန်းများသတ်မှတ်၍ ၂၀၁၇ ချင်းရိုင်လုပ်ငန်းစီမံချက်ကိုလည်းကောင်း ချမှတ်အကောင် အထည်ဖော်ဆောင်ရွက်လျက်ရှိပါသည်။၃။ ၂၀၂၃ ခုနှစ် ဧပြီလ ၇ ရက်နေ့၌ လာအိုနိုင်ငံ၊ မြန်မာနိုင်ငံနှင့် ထိုင်းနိုင်ငံတို့၏ ခေါင်းဆောင်များအကြား ဆွေးနွေးခဲ့သည့် နယ်စပ်ဖြတ်ကျော် မီးခိုးမြူငွေ့ ညစ်ညမ်းမှုဆိုင်ရာ (၃) နိုင်ငံညှိနှိုင်းဆွေးနွေးပွဲ၏ ရည်မှန်းချက်များနှင့် ရည်ရွယ်ချက်များကို အကောင်အထည်ဖော် ရန်အတွက် လာအိုနိုင်ငံ၊ မြန်မာနိုင်ငံနှင့် ထိုင်းနိုင်ငံတို့ပူးပေါင်း၍ နယ်စပ်ဖြတ်ကျော်မီးခိုးမြူငွေ့ညစ်ညမ်းမှုထိန်းချုပ်ရေးဆိုင်ရာ ပူးတွဲ လုပ်ငန်းစီမံချက် (Joint Plan of Action - CLEAR Sky Strategy) ကို ချမှတ်အကောင်အထည်ဖော်ဆောင်ရွက်လျက်ရှိပါသည်။၄။ မြန်မာနိုင်ငံတွင် Fire Hotspot ဖြစ်ပေါ်မှု လျှော့ချရေးနှင့် မီးခိုးမြူငွေ့ ညစ်ညမ်းမှုထိန်းချုပ်ရေးအတွက် နိုင်ငံအဆင့်အနေဖြင့် ပတ်ဝန်းကျင်ထိန်းသိမ်းရေးကော်မတီ၊ မြန်မာ-ထိုင်း နယ်နိမိတ်ဖြတ်ကျော် မီးခိုးမြူငွေ့လေထုညစ်ညမ်းမှု တားဆီးကာကွယ်ရေးဆိုင်ရာ ပူးပေါင်းဖြေရှင်းဆောင်ရွက်ရေးကော်မတီ၊ တိုင်းဒေသကြီး/ ပြည်နယ်တို့တွင် လုပ်ငန်းအဖွဲ့များကို အဆင့်အလိုက်ဖွဲ့စည်းပြီး မီးခိုးမြူငွေ့လေထုညစ်ညမ်းမှုထိန်းချုပ်ရေးလုပ်ငန်းများကို အကောင်အထည်ဖော် ဆောင်ရွက်လျက်ရှိပါသည်။၅။ ၂၀၂၅ ခုနှစ်မှစတင်၍ အထွေထွေအုပ်ချုပ်ရေးဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနနှင့် ဆက်စပ်ဌာနများပါဝင်သည့် မြေပြင်ကွင်းဆင်းစစ်ဆေးရေးအဖွဲ့များကို ခရိုင်အဆင့် (၈၅) ဖွဲ့၊ မြို့နယ်အဆင့် (၂၂၀) ဖွဲ့ ဖွဲ့စည်းကာ Fire Hotspot များကို မြေပြင်တွင် ဖြစ်ပေါ်မှုရှိ/မရှိ စစ်ဆေးပြီး မီးလောင်မှုဖြစ်ပေါ်သည့် နေရာများတွင် ဒေသခံပြည်သူများအား အသိပညာပေးခြင်း၊ Fire Hotspot အခြေ အနေများအား စောင့်ကြည့်လေ့လာခြင်း၊ ဝန်းကျင်လေထုအရည် အသွေး စောင့်ကြည့်တိုင်းတာခြင်း၊ ဟောပြောပွဲများကျင်းပခြင်း၊ လက်ကမ်းစာစောင်များ ဖြန့်ဝေခြင်း၊ လူမှုကွန်ရက်စာမျက်နှာများမှ တစ်ဆင့် Talk Show များကျင်းပခြင်း စသည်တို့ကို ဆောင်ရွက်လျက် ရှိပါသည်။၆။ မြန်မာနိုင်ငံ၊ ထိုင်းနိုင်ငံနှင့် လာအိုနိုင်ငံတို့၏ နယ်နိမိတ်တစ်လျှောက်တွင် လက်ရှိဖြစ်ပေါ်လျက်ရှိသော နယ်စပ်ဖြတ်ကျော် မီးခိုးမြူငွေ့ညစ်ညမ်းမှုကို ဖြေရှင်းဆောင်ရွက်နိုင်ရေးအတွက် မြန်မာနိုင်ငံအနေဖြင့် ထိုင်းနိုင်ငံ၊ လာအိုနိုင်ငံတို့နှင့် ပူးပေါင်းဆောင်ရွက်သွားမည် ဖြစ်ပါသည်။၇။ ပြည်သူများအနေဖြင့်လည်း စွန့်ပစ်အမှိုက်များကို မီးရှို့ခြင်း မပြုလုပ်ပဲ မီးခိုးမြူငွေ့ညစ်ညမ်းမှု ထိန်းချုပ်ရေးကဏ္ဍတွင် ဝိုင်းဝန်း ပူးပေါင်းဆောင်ရွက်ပေးကြပါရန် တိုက်တွန်းနှိုးဆော်အပ်ပါသည်။မြန်မာ-ထိုင်း နယ်နိမိတ်ဖြတ်ကျော် မီးခိုးမြူငွေ့လေထုညစ်ညမ်းမှုတားဆီးကာကွယ်ရေးဆိုင်ရာ ပူးပေါင်းဖြေရှင်း ဆောင်ရွက်ရေးကော်မတီmoi
Sun, 5-Apr-2026
ပြည်သူ့လွှတ်တော် ဒုတိယဥက္ကဋ္ဌ ဦးမောင်မောင်အုန်း နေပြည်တော်ရင်ပြင်၌ လမ်းလျှောက်သင်္ကြန်ကျင်းပနိုင်ရေး ကြိုတင်ပြင်ဆင်မှုများ ကြည့်ရှုစစ်ဆေး
ပြည်သူ့လွှတ်တော် ဒုတိယဥက္ကဋ္ဌ ဦးမောင်မောင်အုန်း နေပြည်တော်ရင်ပြင်၌ လမ်းလျှောက်သင်္ကြန်ကျင်းပနိုင်ရေး ကြိုတင်ပြင်ဆင်မှုများ ကြည့်ရှုစစ်ဆေး
နေပြည်တော် ဧပြီ ၄ယခုနှစ်ကျင်းပမည့် မဟာသင်္ကြန်ပွဲတော်သည် သာမန်ပျော်ပွဲရွှင်ပွဲ တစ်ခုထက်ပို၍ နိုင်ငံတော်အစိုးရ၊ လွှတ်တော်ကိုယ်စားလှယ်များ၊ ဝန်ထမ်းများ၊ ပြည်သူများအားလုံး ပူးပေါင်းပြီး စိတ်သစ်၊ လူသစ်၊ နိုင်ငံရေးအခင်းအကျင်းသစ်များဖြင့် အတူတကွပျော်ရွှင်စွာ ဆင်နွှဲနိုင်ရန်၊ အနှစ်သာရရှိသည့် မြန်မာ့ရိုးရာပွဲတော်တစ်ခုဖြစ်စေရန် ရည်ရွယ်ကျင်းပသွားမည်ဖြစ်ရာ ပြည်သူ့လွှတ်တော်ဒုတိယဥက္ကဋ္ဌဦးမောင်မောင်အုန်းသည် တာဝန်ရှိသူများနှင့်အတူ ယနေ့တွင် နေပြည်တော်ရင်ပြင်၌ လမ်းလျှောက်သင်္ကြန်ကျင်းပနိုင်ရေး ကြိုတင်ပြင်ဆင်မှုများကို သွားရောက်ကြည့်ရှု စစ်ဆေးသည်။ပြည်သူ့လွှတ်တော် ဒုတိယဥက္ကဋ္ဌနှင့်အဖွဲ့သည် နေပြည်တော်ရင်ပြင်၌ လမ်းလျှောက်သင်္ကြန် မုခ်ဦးတည်ဆောက်နေမှု၊ ဖွင့်ပွဲအခမ်းအနားကျင်းပနိုင်ရေး စီမံဆောင်ရွက်နေမှု၊ ဖွင့်ပွဲအခမ်းအနားတွင် ယိမ်းအဖွဲ့များ သီဆိုကပြဖျော်ဖြေတင်ဆက်နိုင်ရေး ဆောင်ရွက်ထားရှိမှု၊ မြန်မာ့ရိုးရာသနပ်ခါးနှင့် လက်ဖက်ပွဲတော်မဏ္ဍပ်နှင့် ထမနဲမဏ္ဍပ် တည်ဆောက်နေမှု၊ ဝန်ကြီးဌာနများအလိုက် မဟာသင်္ကြန်မဏ္ဍပ်များ တည်ဆောက်နေမှု၊ စတုဒိသာကျွေးမွေးနိုင်ရန် ပြင်ဆင်ဆောင်ရွက်နေမှု၊ လမ်းလျှောက်သင်္ကြန်ကျင်းပမည့် ဧရိယာအတွင်း မီးဘေးအန္တရာယ်မဖြစ်ပေါ်စေရေးနှင့် ရေပြတ်တောက်မှုမရှိစေရေးစီမံဆောင်ရွက်နေမှု၊ လမ်းလျှောက်သင်္ကြန်လာ ရောက်လည်ပတ်ကြသည့် ပြည်သူများအား ကျန်းမာရေးစောင့်ရှောက်မှုပေးနိုင်ရေး စီမံဆောင်ရွက်မှုတို့ကို ကြည့်ရှုစစ်ဆေးပြီး ကော်မတီအသီးသီးအနေဖြင့် မိမိတို့ ဆောင်ရွက်ရမည့် လုပ်ငန်းများအလိုက် အချိန်မီပြီးစီးစေရေးပူးပေါင်းဆောင်ရွက်သွားကြရန် မှာကြားသည်။ နေပြည်တော်ရင်ပြင်၌ ကျင်းပမည့် လမ်းလျှောက်သင်္ကြန်တွင် ပြည်တွင်းမှ နိုင်ငံကျော်အနုပညာရှင်များဖြစ်သည့် အကယ်ဒမီများရှင် ရန်အောင်၊ ထပ်ဆင့်အကယ်ဒမီရဲအောင်၊ အကယ်ဒမီနေအောင်၊ အကယ်ဒမီများရှင် စိုးမြတ်သူဇာနှင့် စည်သူလွင်၊ ဖိုးကာ၊ ဖြိုးကြီး၊ ဂျီလတ်၊ နောနော်၊ ဝေလ၊ လွှမ်းပိုင်၊ ရွှေထူး၊ G Fatt ၊ ဝန၊ ဇွဲထက်၊ Project K အဖွဲ့၊ မေခလာ၊ ကော်နီ၊ ထွန်းအိန္ဒြာဗိုလ်၊ ချောစုခင်၊ ဆုန် သင်းပါရ်၊ နန်းစုရတီစိုး၊ ရတနာ မိုင်၊ Bobby Soxer ၊ ယွန်းမြတ် သူ၊ အယွန်းတို့က Mercury IX Music Band ၊ New Paper Music Band တို့နှင့် တွဲဖက်၍ ပြည်သူအကြိုက် တေးသီချင်းများဖြင့် ရက်အလိုက် ပါဝင်သီဆိုဖျော်ဖြေ သွားကြမည်ဖြစ်ပြီး လာရောက် လည်ပတ်ကြမည့် ပြည်သူများအား ရွှေသံလွင်မိသားစုက စတုဒိသာ အကျွေးအမွေးများဖြင့်လည်း ဧည့်ခံသွားမည်ဖြစ်ကြောင်း သိရသည်။ ၂၀၂၆ ခုနှစ် (၁၃၈၇ ခုနှစ်) သင်္ကြန်တွင် နိုင်ငံတစ်ဝန်း၌ လမ်းလျှောက်သင်္ကြန်ပွဲတော်များကို ဦးစားပေးဆောင်ရွက်သွားမည်ဖြစ်ပြီး အလှပြယာဉ်များ၊ ရေပက်ခံကားများဖြင့် ရေပက်ကစားခြင်းမပြုလုပ်ကြရန် စီမံထားရှိကြောင်း၊ ယိမ်းအကအဖွဲ့များ ကပြခြင်း၊ စတုဒိသာကျွေးမွေးခြင်း၊ လူကြီးသူမများအား ခေါင်းလျှော်၊ လက်သည်း ညှပ်ပေးခြင်း၊ ဆေးဝါးများ လှူဒါန်းခြင်း၊ ငါးလွှတ်ခြင်း စသည့်မြန်မာ့ရိုးရာ ယဉ်ကျေးမှုအနှစ်သာရမပျက် အလှူဒါနပြုလုပ်ခြင်းများကိုလည်း ဆောင်ရွက်သွားမည်ဖြစ်ကြောင်း သိရှိရသည်။moi
Sun, 5-Apr-2026
ကော်လိုရာဒိုတွင် ‘လိင်ပြောင်းလဲကုသခြင်း’ ပိတ်ပင်မှုကို ပိုမို တင်းကြပ်ရန် ပြင်ဆင်နေသော်လည်း တရားရုံးချုပ်နှင့် သဘောထားကွဲလွဲမှုများရှိနေ
ကော်လိုရာဒိုတွင် ‘လိင်ပြောင်းလဲကုသခြင်း’ ပိတ်ပင်မှုကို ပိုမို တင်းကြပ်ရန်ပြင်ဆင်နေသော်လည်း တရားရုံးချုပ်နှင့် သဘောထားကွဲလွဲမှုများရှိနေ
အမေရိကန်ပြည်ထောင်စု၊ ကော်လိုရာဒိုပြည်နယ်ရှိ ဒီမိုကရက်တစ် လွှတ်တော်အမတ်များသည် လူတစ်ဦး၏ လိင်စိတ်တိမ်းညွတ်မှု သို့မဟုတ် လိင်ကွဲပြားမှုဆိုင်ရာ ကိုယ်ပိုင်လက္ခဏာကို ပြောင်းလဲရန် ကြိုးပမ်းသည့် ‘လိင်ပြောင်းလဲကုသခြင်း’ ပိတ်ပင်မှုကို ပိုမိုတင်းကြပ်မည့် ဥပဒေပြင်ဆင်ချက်တစ်ရပ်ကို အတည်ပြုလိုက်သည်။အဆိုပါပြင်ဆင်ချက်အရ ထိုကုသမှုကြောင့် ထိခိုက်နစ်နာသူများသည် ကုသပေးသည့်ပညာရှင်များကို တရားစွဲဆိုခွင့် ရရှိမည်ဖြစ်သည်။ အဆိုပါဥပဒေကို ဦးဆောင်တင်သွင်းသူ ပြည်နယ်လွှတ်တော် ကိုယ်စားလှယ် Karen McCormick က ယခုပြင်ဆင်ချက်သည် နစ်နာသူများအနေဖြင့် ၎င်းတို့ခံစားခဲ့ရသည့် စိတ်ဒဏ်ရာများကိုကုစားရန်နှင့် တရားဥပဒေကြောင်း အရရင်ဆိုင်ရန် အချိန်ပိုမိုရရှိစေမည်ဖြစ်ကြောင်း ပြောကြားခဲ့သည်။သို့သော် ထိုဥပဒေပြုမှုသည် အမေရိကန်တရားရုံးချုပ်၏ ဆုံးဖြတ်ချက်နှင့် ဆန့်ကျင်ဘက်ဖြစ်နေသည်။ တရားရုံးချုပ်က အဆိုပါကုသမှုအပေါ် တားမြစ်ခြင်းသည် အမေရိကန် နိုင်ငံသားများ၏ လွတ်လပ်စွာပြောဆိုခွင့် (Free Speech) ကို ထိပါးရာရောက်သည်ဟုဆိုကာ ပြည်နယ်၏ ပိတ်ပင်မှုကို အကောင်အထည်မဖော်ရန် တားဆီးထားသည်။ တရားသူကြီး Neil Gorsuch က လူတစ်ဦးချင်းစီ၏ အယူအဆအပေါ်မူတည်၍ ပြောဆိုခွင့်ကို ဖိနှိပ်ခြင်းသည် အခြေခံအခွင့်အရေးကို စော်ကားခြင်း ဖြစ်ကြောင်း ထောက်ပြခဲ့သည်။ အဆိုပါဆုံးဖြတ်ချက်သည် ဘာသာရေးအမြင်အရ ဆွေးနွေးမှုပြုလုပ်လိုသည့် ခရစ်ယာန်ဘာသာဝင် နှစ်သိမ့် ဆွေးနွေးသူတစ်ဦး၏ တရားစွဲဆိုမှုကို အနိုင်ပေးလိုက်ခြင်းလည်းဖြစ်သည်။‘လိင်ပြောင်းလဲကုသခြင်း’ ကို ဆေးဘက်ဆိုင်ရာကျွမ်းကျင်သူများက ထိရောက်မှုမရှိသည့်အပြင် လူငယ်များအတွက် အန္တရာယ်ရှိသည်ဟုရှုမြင်ကြသဖြင့် ၂၀၁၉ ခုနှစ်ကတည်းက ကော်လိုရာဒိုအပါအဝင် ပြည်နယ်ထက်ဝက်ခန့်တွင် ပိတ်ပင်ထားခြင်းဖြစ်သည်။သို့သော်လည်း တရားရုံးချုပ်၏ ၈ မဲ - ၁ မဲဖြင့် ချမှတ်လိုက်သော ဆုံးဖြတ်ချက်သည် လွတ်လပ်စွာ ပြောဆိုဆွေးနွေးမှုကိုသာ ခွင့်ပြုပေးခြင်းဖြစ်ပြီး လျှပ်စစ်ဖြင့် ကုသခြင်းကဲ့သို့သော ရုပ်ပိုင်းဆိုင်ရာ ပြင်းထန်သည့် ကြားဝင်ဆောင်ရွက်မှုများကိုမူ ဆက်လက်တားမြစ်ထားဆဲဖြစ်သည်။ လက်ရှိတွင် အဆိုပါအငြင်းပွားဖွယ်အမှုသည် အောက်ခြေတရားရုံးတွင် ဆက်လက်စစ်ဆေးရန် ကျန်ရှိနေသေးသဖြင့် ပြည်နယ်ဥပဒေနှင့် တရားရုံးချုပ်၏ အမိန့်အကြား မည်သို့ဆက်လက်ဖြစ်ပေါ်လာမည်ကို စောင့်ကြည့်ရမည်ဖြစ်သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Sat, 4-Apr-2026
နေ့စဉ်မြစ်ရေခန့်မှန်းချက်များ , နေ့စဉ်မြစ်ရေခန့်မှန်းချက်များ
နေ့စဉ်မြစ်ရေခန့်မှန်းချက်များ
၃-၄-၂၀၂၆  မိုးလေဝသနှင့်ဇလဗေဒညွှန်ကြားမှုဦးစီးဌာနမှ ၃-၄-၂၀၂၆ ရက်နေ့တွင် ထုတ်ပြန်သည့် နေ့စဉ်မြစ်ရေခန့်မှန်းချက်များကို ဖော်ပြလိုက်ပါတယ်... Crd> မိုး/ဇလ
Fri, 3-Apr-2026
© Copyright 2024 SAC All Rights Reserved.