ဟော်မုဇ်ရေလက်ကြား၌ ရေမြှုပ်မိုင်းများကို အီရန်စတင်ထောင်လျက်ရှိဟုဆို

NoahJune222

News Image

  • ဟော်မုဇ်ရေလက်ကြား၌ ရေမြှုပ်မိုင်းများကို အီရန်စတင်ထောင်လျက်ရှိဟုဆို

အီရန်တပ်မတော်သည် ကမ္ဘာ့ရေနံတင်ပို့မှု၏၂၀ ရာခိုင်နှုန်းဖြတ်သန်းရာ ဟော်မုဇ် ရေလက်ကြားအတွင်း၌ ရေမြှုပ်မိုင်းများကို  စတင်ထောင်လျက်ရှိပြီဖြစ်ကြောင်း အမေရိကန်ထောက်လှမ်းရေး အဖွဲ့များက ထုတ်ပြန်ထားသည်။ 

သို့သော် အီရန်နိုင်ငံအနေဖြင့် ရေမြှုပ်မိုင်းထောင်ခြင်းကို  ကျယ်ကျယ်ပြန့်ပြန့် လုပ်ဆောင်နေခြင်း မဟုတ်သေးဘဲ ပြီးခဲ့သည့် ရက်ပိုင်းအတွင်း မိုင်းအလုံးရေ ဒါဇင်ပေါင်းအနည်းငယ်ခန့်သာ ထောင်ထားခြင်းဖြစ်ကြောင်း အမေရိကန်ထောက်လှမ်းရေး အဖွဲ့နှစ်ခုက ပြောသည်။

တစ်ချိန်တည်းမှာပင် အမေရိကန် အလယ်ပိုင်းစစ်ဌာနချုပ်သည် အီရန်နိုင်ငံမှ မိုင်းထောင်သင်္ဘော ၁၆ စင်းကို မတ်လ ၁၀ ရက်နေ့က ရေလက်ကြားအနီး၌ ဖျက်ဆီးပစ်နိုင်ခဲ့ကြောင်း ပင်တဂွန်စစ်ဌာနချုပ်က ကြေညာထားသည်။ 

အမေရိကန်တပ်မတော်အနေဖြင့်    သင့်တော်သောအမိန့်ပေးမှုရရှိမည်ဆိုပါက ဟော်မုဇ်ရေလက်ကြားတစ်လျှောက်ရှိသင်္ဘောများကို    လိုက်ပါစောင့်ရှောက်ပေးနိုင်မည့် နည်းလမ်းများအား စတင်စဉ်းစားလျက်ရှိကြောင်း အမေရိကန်တပ်မတော်မှ ဗိုလ်ချုပ်ကြီး ဒန်ကိန်းက မတ်လ ၁၀ ရက်တွင် ပြောကြားသည်။

ထို့ပြင် လက်ရှိ အီရန်နှင့် ဖြစ်ပွားနေသောပဋိပက္ခအတွင်း    အမေရိကန်ဘက်မှ ထိခိုက်ကျဆုံးမှု စာရင်းများကိုလည်း ပင်တဂွန်စစ်ဌာနချုပ်က ထုတ်ပြန်ထားကြောင်း သိရသည်။

Ref: Iv

MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ကာသေ့နှင့် ရောမတို့အကြားဖြစ်ပွားသည့် စစ်ပွဲကာလအတွင်း ကာသေ့တပ်ဖွဲ့က အသုံးပြုခဲ့သည်ဟု ယူဆရသည့် တိုက်ဆင် တစ်ကောင်၏အရိုးကို  ပညာရှင်များ ရှာဖွေတွေ့ရှိ
ကာသေ့နှင့် ရောမတို့အကြားဖြစ်ပွားသည့် စစ်ပွဲကာလအတွင်း ကာသေ့တပ်ဖွဲ့က အသုံးပြုခဲ့သည်ဟု ယူဆရသည့် တိုက်ဆင် တစ်ကောင်၏အရိုးကို  ပညာရှင်များ ရှာဖွေတွေ့ရှိ
ရှေးဟောင်းသုတေသန ပညာရှင်များသည် စပိန်နိုင်ငံတွင် ပြုလုပ်သော တူးဖော်မှုတစ်ခုတွင် ကာသေ့နှင့် ရောမတို့အကြားဖြစ်ပွားသည့် ဒုတိယပြူးနစ်စစ်ပွဲကာလအတွင်းက ကာသေ့တပ်ဖွဲ့များက အသုံးပြုခဲ့သည်ဟုယူဆရသည့် တိုက်ဆင်တစ်ကောင်၏ လက်ကောက်ဝတ် အရိုးတစ်ခုကို ရှာဖွေတွေ့ရှိခဲ့ကြောင်းသိရသည်။အဆိုပါအရိုးသည် ကာသေ့ဗိုလ်ချုပ် ဟန်နီဘောက ရောမစစ်သူကြီးတစ်ဦးဖြစ်သူ စီပီယို အာဖရိကနပ်စ်၏ တပ်ဖွဲ့များအား တိုက်ခိုက်ရာတွင် အသုံးပြုခဲ့သည်ဟု ယူဆရသည့် ဆင်မျိုးစိတ်နှင့်ခေတ်ကာလ အတိုင်းအတာအားဖြင့် ကိုက်ညီနေသည်ဟု နှိုင်းယှဉ်လေ့လာမှုများနှင့် ရေဒီယိုကာဗွန်သက်တမ်း တိုင်းတာမှုများတွင် ဖော်ပြထားသည်။အဆိုပါစစ်ပွဲအတွင်း   ဟန်နီဘော၏တပ်များက ဆင်များကို စစ်လက်နက်အဖြစ် အသုံးပြုခဲ့ခြင်းမှာ သမိုင်းတွင် ထင်ရှားကျော်ကြားပြီး လွန်ခဲ့သောနှစ်ပေါင်းတစ်ထောင်ကျော်ကတည်းက သမိုင်းနှင့်စာပေများတွင် ပုံဖော်ရေးသားခဲ့ကြသည်။ ဟန်နီဘောတပ်ဖွဲ့များက အသုံးပြုသည့် တိုက်ဆင်ကြီးများသည် ၎င်းတို့၏အဆင်း သွင်ပြင်သာမက ယခင်က မကြုံဖူးသည့် အနံ့ဆိုးများကြောင့်  ရန်သူရောမတပ်များမှ စစ်မြင်းများကို ထိတ်လန့်သွားစေပြီး စစ်မြေပြင်တစ်ခွင်လုံး တုန်လှုပ်ချောက်ချားမှုများဖြစ်ပေါ်စေခဲ့သည်ဟု သမိုင်းပညာရှင်တစ်ဦးဖြစ်သူ လီဗီက ရေးသားဖော်ပြခဲ့ကြောင်း သိရသည်။ MWD
Mon, 6-Apr-2026
ရန်သူ၏ခုခံမှုကို သာလွန်အင်အားဖြင့် လွှမ်းမိုးတိုက်ခိုက်ခြင်း ဟူသော အယူအဆကိုပြောင်းလဲ ကျင့်သုံးလာသည့် ဂျပန်
ရန်သူ၏ခုခံမှုကို သာလွန်အင်အားဖြင့် လွှမ်းမိုးတိုက်ခိုက်ခြင်း ဟူသော အယူအဆကိုပြောင်းလဲ ကျင့်သုံးလာသည့် ဂျပန်
 ဂျပန်နိုင်ငံသည် ပြောင်းလဲလာသည့် ၎င်းတို့၏ကာကွယ်ရေး မူဝါဒအရ ဒေသတွင်းမှ ခြိမ်းခြောက်မှုများကို တုံ့ပြန်ရန်အတွက်   ပစ်မှတ်ကို ရှာဖွေပျံသန်းပြီး ဖောက်ခွဲတိုက်ခိုက်သည့် အသေခံဒရုန်းများနှင့်  ကုန်ကျစရိတ်သက်သာသော ဒုံးကျည်များကိုအသုံးပြုရန် စီစဉ်လျက်ရှိသည်။ဂျပန်နိုင်ငံသည်  လာမည့်အနာဂတ် ကာလတွင်   ပြိုင်ဘက်နိုင်ငံများအပေါ် အင်အားသာလွန်စွာ တုံ့ပြန်နိုင်ရေးအတွက် အကွာအဝေး  ၆၂၁  မိုင် (ကီလိုမီတာ ၁၀၀၀)ကျော်အထိ    ပစ်ခတ်ရောက်ရှိနိုင်ပြီး   ကုန်ကျစရိတ်သက်သာသည့် တာဝေးပစ်လက်နက် အမြောက်အမြားကို ထုတ်လုပ်ရန်   မျှော်လင့်ထားခြင်းဖြစ်ကြောင်း အစီရင်ခံစာများတွင် ဖော်ပြထားသည်။ယခုချမှတ်ကျင့်သုံးမည့် မဟာဗျူဟာသစ်၏ထူးခြားချက်မှာ   ကုန်ကျစရိတ်အလွန်များပြားသော ဒုံးကျည် ၁၀ စင်းခန့်ကို အသုံးပြုမည့်အစား ဒုံးကျည်များနှင့် ကုန်ကျစရိတ်သက်သာသော ဒရုန်းအစင်းပေါင်း ၁၀၀၀ ကျော်ကို အစားထိုးအသုံးပြုလာခြင်းဖြစ်သည်။ အဆိုပါမဟာဗျူဟာတွင်     ရေငုပ်သင်္ဘောမှ ပစ်လွှတ်နိုင်သော   ဒရုန်းများ၊ လေယာဉ်များမှ ပစ်လွှတ်နိုင်ပြီး အုပ်စုလိုက်ပျံသန်းတိုက်ခိုက်နိုင်သော ဒရုန်းများစသည့် အဆင့်မြင့်စစ်လက်နက်များလည်း ပါဝင်မည်ဖြစ်သည်။ ထို့ပြင် ဂျပန်နိုင်ငံသည် ရေပြင်သွားဒရုန်းများနှင့် ရေအောက်သွား ဒရုန်းအမျိုးမျိုး အသုံးပြုရန် စီစဉ်လျက်ရှိပြီး ရန်သူ၏ခုခံမှုကို မိမိတို့၏ သာလွန်အင်အားဖြင့် လွှမ်းမိုးတိုက်ခိုက်ခြင်းဟူသော  အယူအဆကို ပိုမိုခေတ်မီအောင်  ပြုလုပ်ထားခြင်း ဖြစ်ကြောင်း သိရသည်။         MWD
Mon, 6-Apr-2026
ရန်ကုန်တိုင်းဒေသကြီး၊ ဒဂုံမြို့သစ်(အရှေ့ပိုင်း)မြို့နယ်ရှိ “ရွှေစင်ဝင်း” ရွှေဆိုင်နှင့် တောင်ဥက္ကလာပမြို့နယ်ရှိ “ရောင်နီဦး” ရွှေဆိုင်တို့အား သေနတ်ပစ်ဖောက်လုယက်မှု ကျူးလွန်ခဲ့ကြသည့် တရားခံ အမျိုးသား သုံးဦးအား သက်သေခံပစ္စည်းများနှင့်အတူ ဖော်ထုတ်ဖမ်းဆီးရမိ , ရန်ကုန်တိုင်းဒေသကြီး၊ ဒဂုံမြို့သစ်(အရှေ့ပိုင်း)မြို့နယ်ရှိ “ရွှေစင်ဝင်း” ရွှေဆိုင်နှင့် တောင်ဥက္ကလာပမြို့နယ်ရှိ “ရောင်နီဦး” ရွှေဆိုင်တို့အား သေနတ်ပစ်ဖောက်လုယက်မှု ကျူးလွန်ခဲ့ကြသည့် တရားခံ အမျိုးသား သုံးဦးအား သက်သေခံပစ္စည်းများနှင့်အတူ ဖော်ထုတ်ဖမ်းဆီးရမိ
ရန်ကုန်တိုင်းဒေသကြီး၊ ဒဂုံမြို့သစ်(အရှေ့ပိုင်း)မြို့နယ်ရှိ “ရွှေစင်ဝင်း” ရွှေဆိုင်နှင့် တောင်ဥက္ကလာပမြို့နယ်ရှိ “ရောင်နီဦး” ရွှေဆိုင်တို့အား သေနတ်ပစ်ဖောက်လုယက်မှု ကျူးလွန်ခဲ့ကြသည့် တရားခံ အမျိုးသား သုံးဦးအား သက်သေခံပစ္စည်းများနှင့်အတူ ဖော်ထုတ်ဖမ်းဆီးရမိ
05 April 2026     ၂၀၂၆ ခုနှစ်၊ မတ် ၂၈ ရက် ညနေပိုင်းတွင် ရန်ကုန်တိုင်းဒေသကြီး၊ ဒဂုံမြို့သစ်(အရှေ့ပိုင်း)မြို့နယ်၊ အမှတ်(၈)ရပ်ကွက်ရှိ “ရွှေစင်ဝင်း” ရွှေဆိုင်တွင် ဆိုင်ရှင်ဖြစ်သူသည် ဆိုင်ဝန်ထမ်းဖြစ်သူနှင့်အတူ ဆိုင်ရှိ ရွှေဆွဲကြိုး ၁၈၄ ကုံးပါ ရွှေထည်ပစ္စည်းမျိုးစုံ အလေးချိန် ၁ ပိဿာ ၅၀ ကျပ်သားခန့်၊ တန်ဖိုးငွေ ကျပ်သိန်း ၈၅၀၀ ခန့်အား ခရီးဆောင်အိတ်ဖြင့် သိမ်းဆည်းပြီး ဆိုင်ပိတ်ကာ နေအိမ်သို့ပြန်ရန် မော်တော်ယာဉ်အား စောင့်ဆိုင်းနေစဉ် အမျိုးသား နှစ်ဦး ရောက်ရှိလာပြီး သေနတ်ပစ်ဖောက် ခြိမ်းခြောက်ကာ ကားဘီးဖြုတ်သည့် ဂွင်းဂွဖြင့် ရိုက်နှက်ပြီး ရွှေထည်ပစ္စည်းများထည့်ထားသော အိတ်အား လုယက်ယူဆောင်၍ အသင့်စောင့်နေသည့် အမျိုးသား တစ်ဦး မောင်းနှင်သည့် ဆိုင်ကယ်ဖြင့် ထွက်ပြေးသွားခဲ့ကြောင်း သတင်းပေးပို့တိုင်ကြားလာသဖြင့် ဒဂုံမြို့သစ်(အရှေ့ပိုင်း)မြို့မရဲစခန်း၌ (ပ)၇၆/၂၀၂၆၊ ရာဇသတ်ကြီးပုဒ်မ ၃၉၄ ဖြင့် အမှုဖွင့်လှစ်ကာ ပြစ်မှုကျူးလွန်သူများအား ဖော်ထုတ်ဖမ်းဆီးရမိနိုင်ရေး စုံစမ်းဆောင်ရွက်ခဲ့သည်။    လုံခြုံရေးတပ်ဖွဲ့ဝင်များက ပြစ်မှုကျူးလွန်သူတရားခံများအား ဖမ်းဆီးရမိနိုင်ရေး အခင်းဖြစ်ရပ် မှတ်တမ်းများရယူခြင်း၊ နယ်မြေအတွင်း သတင်းရယူစုံစမ်းခြင်းများ ဆောင်ရွက်ခဲ့ရာ လုယက် မှုကျူးလွန်ရာတွင် ပါဝင်သူ ဒဂုံမြို့သစ်(အရှေ့ပိုင်း)မြို့နယ်၊ အမှတ်(၄)ရပ်ကွက်နေ ဇော်လင်းထွန်း(၃၃)နှစ်(ဘ)ဦးထွန်းသောင်းအား ၎င်း၏ဇာတိဖြစ်သော ဧရာဝတီတိုင်းဒေသကြီး၊ မြန်အောင်မြို့နယ်၊ ညောင်တေးကျေးရွာရှိ နေအိမ်၌ ဧပြီ ၁ ရက် ညပိုင်းတွင် ဖမ်းဆီးရမိခဲ့သည်။     ဖမ်းဆီးရမိတရားခံ ဇော်လင်းထွန်း၏ ထွက်ဆိုချက်အရ သေနတ်ပစ်ဖောက်လုယက်မှု ကျူးလွန်သူ မှန်ကြီး(ခ)သက်နောင်(၅၈)နှစ်(ဘ)ဦးသိန်းအား ပဲခူးတိုင်းဒေသကြီး၊ လက်ပံတန်းမြို့နယ်၊ မင်းရဲရပ်ကွက်ရှိ ရသာမွန်စားသောက်ဆိုင်၌ ဧပြီ ၂ ရက် ညပိုင်းတွင် ထပ်မံဖမ်းဆီးရမိခဲ့သည်။     ဖမ်းဆီးရမိတရားခံများ၏ ထွက်ဆိုချက်အရ တရားခံ ဇော်လင်းထွန်းသည် “ရွှေစင်ဝင်း” ရွှေဆိုင်အား လုယက်မှုမကျူးလွန်မီ ပတ်ဝန်းကျင်အခြေအနေအား စုံစမ်းလေ့လာစောင့်ကြည့်ခြင်းများ ပြုလုပ်ပေးခဲ့ပြီး တရားခံ မှန်ကြီး(ခ)သက်နောင်နှင့် သက်ပိုင်ဦး(ဖမ်းဆီးရန်ကျန်)တို့ နှစ်ဦးက သေနတ်ပစ်ဖောက်၍ လုယက်ခဲ့ကြကြောင်း၊ ဇော်လင်းထွန်းက ဆိုင်ကယ်မောင်းနှင်ပေးခဲ့ခြင်းဖြစ်ကြောင်း သိရှိရပြီး တရားခံ မှန်ကြီး(ခ)သက်နောင်ထံမှ ရွှေထည်ပစ္စည်းမျိုးစုံ ၃၀၅ ခု၊ ငွေကျပ်သိန်း ၂၄၀၊ ပြစ်မှုကျူးလွန်ရာတွင် အသုံးပြုခဲ့သည့် KUZEY-GN19 စာတမ်းပါ ပစ္စတိုသေနတ် တစ်လက်၊ PAC 380 AUTO ကျည် ၁၃ တောင့်၊ THAI ARMS-380 ACP ကျည် နှစ်တောင့်၊ ကျည်ဘောက် နှစ်ခု၊ ပစ္စတိုသေနတ်ထည့်သည့် MARMY စာတန်းပါ အစိမ်းရောင်အိတ် တစ်ခုနှင့် ရွှေထည်ပစ္စည်းမျိုးစုံ ၆၅ ခုတို့အား လည်းကောင်း၊ ရွှေပေါက်ကံတံတားအောက် ငမိုးရိပ်ချောင်းအတွင်းမှ လုယက်မှုကျူးလွန်ရာတွင် အသုံးပြုခဲ့သည့် Feiling 110 အမျိုးအစား အနက်ရောင်ဆိုင်ကယ်အားလည်းကောင်း အသီးသီး သိမ်းဆည်းရမိခဲ့သည်။     အမှုမှ တရားခံ မှန်ကြီး(ခ)သက်နောင်နှင့် ဇော်လင်းထွန်းတို့၏ ထွက်ဆိုချက်အရ ၂၀၂၅ ခုနှစ်၊ ဇူလိုင် ၈ ရက် မွန်းလွဲပိုင်းတွင် ၎င်းတို့နှစ်ဦးသည် စည်သူ(၃၈)နှစ်(ဘ)ဦးတင်ထွန်းနှင့်အတူ ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ အမှတ်(၆)ရပ်ကွက်၊ နန္ဒဝန်ဈေးအနီးရှိ “ရောင်နီဦး” ရွှေဆိုင်အား လုယက်မှုကျူးလွန်ခဲ့ကြသည့် တရားခံများဖြစ်ကြောင်း ဖော်ထုတ်ရရှိသဖြင့် တရားခံစည်သူအား ဖမ်းဆီးရမိရေး ဆောင်ရွက်ခဲ့ရာ ဧပြီ ၂ ရက်တွင် ၎င်းကို မြောက်ဥက္ကလာပမြို့နယ်၊ အမှတ်(၂)ရပ်ကွက်၊ ရွှေပင်လယ်ဘုန်းကြီးကျောင်းအနီး၌ သက်သေခံဆိုင်ကယ်နှင့်အတူ ထပ်မံဖမ်းဆီးရမိခဲ့သည်။      “ရွှေစင်ဝင်း” ရွှေဆိုင်နှင့် “ရောင်နီဦး” ရွှေဆိုင်တို့ကို သေနတ်ပစ်ဖောက်ခြိမ်းခြောက်၍ ရွှေထည်ပစ္စည်းများ လုယက်မှုကျူးလွန်ခဲ့ကြသည့် တရားခံများအား ပြည်သူလူထုပူးပေါင်းပါဝင်ကူညီမှုဖြင့် ဖော်ထုတ်နိုင်ခဲ့ပြီး ဖမ်းဆီးရမိတရားခံ မှန်ကြီး(ခ)သက်နောင်၊ ဇော်လင်းထွန်းနှင့် စည်သူတို့သုံးဦးကို ဥပဒေနှင့်အညီ ထိရောက်စွာ အရေးယူဆောင်ရွက်သွားမည်ဖြစ်ပြီး ကျန်တရားခံ သက်ပိုင်ဦးအား ဖမ်းဆီးရမိရေး ဆက်လက်ဆောင်ရွက်လျက်ရှိကြောင်း သတင်းရရှိပါသည်။MOHA
Sun, 5-Apr-2026
ပဲခူးတိုင်းဒေသကြီး၊ ပေါင်းတည်မြို့နယ်၌ PDF အမည်ခံ အကြမ်းဖက်သမားများက ဖမ်းဆီးခေါ်ဆောင် သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး သေဆုံး
ပဲခူးတိုင်းဒေသကြီး၊ ပေါင်းတည်မြို့နယ်၌ PDF အမည်ခံ အကြမ်းဖက်သမားများက ဖမ်းဆီးခေါ်ဆောင် သတ်ဖြတ်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး သေဆုံး
05 April 2026     အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်သမားများကို ဖွဲ့စည်း၍ အချို့သောဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုး သယ်ပိုးထမ်းဆောင်လျက်ရှိသော ရဟန်းသံဃာများ၊ အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ ဧပြီ ၃ ရက် နံနက် ၁၀ နာရီ ၅၀ မိနစ်တွင် ပဲခူးတိုင်းဒေသကြီး၊ ပေါင်းတည်မြို့နယ်၊ အုံးနှဲစမ်းကျေးရွာနေ ဦးမျိုးမင်းခိုင်(ခ)မင်းမင်း(၄၈)နှစ်သည် ၎င်း၏နေအိမ်၌ ရှိနေစဉ် PDF အမည်ခံ အကြမ်းဖက်သမားများ အင်အား ၁၇ ဦးခန့် ရောက်ရှိလာပြီး “ဒလန်” ဟု စွပ်စွဲပြောဆိုကာ နေအိမ်ရှေ့လမ်းမပေါ်သို့ ဖမ်းဆီးခေါ်ဆောင်၍ သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ဦးမျိုးမင်းခိုင်(ခ)မင်းမင်းတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်း သိရသည်။    အထက်ပါဖြစ်စဉ်တွင် လက်နက်ကိုင်အကြမ်းဖက်သမားများသည် ပြည်သူလူထုအကြား အကြောက်တရားလွှမ်းမိုးစေရန် ရည်ရွယ်၍ အပြစ်မဲ့ အရပ်သားပြည်သူ တစ်ဦးအား ဆင်ခြင်တုံ တရားကင်းမဲ့စွာ ပစ်ခတ်သတ်ဖြတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချလျက်ရှိကြောင်းနှင့် လုံခြုံရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့်ပူးပေါင်း၍ အကြမ်းဖက် သမားများအား အမြန်ဆုံးဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။MOHA
Sun, 5-Apr-2026
စစ်ကိုင်းတိုင်းဒေသကြီး၊ ထီးချိုင့်မြို့နယ်နှင့် မန္တလေးတိုင်းဒေသကြီး၊ မြင်းခြံမြို့နယ်တို့၌ လက်နက်ကိုင် အကြမ်းဖက်သမားများက လက်နက်ကြီး၊ Drop Bomb များဖြင့် ပစ်ခတ်ခဲ့မှုကြောင့် နိုင်ငံ့ဝန်ထမ်း တစ်ဦး အပါအဝင် အပြစ်မဲ့ ကလေးငယ် နှစ်ဦး ထိခိုက်ဒဏ်ရာရရှိ , စစ်ကိုင်းတိုင်းဒေသကြီး၊ ထီးချိုင့်မြို့နယ်နှင့် မန္တလေးတိုင်းဒေသကြီး၊ မြင်းခြံမြို့နယ်တို့၌ လက်နက်ကိုင် အကြမ်းဖက်သမားများက လက်နက်ကြီး၊ Drop Bomb များဖြင့် ပစ်ခတ်ခဲ့မှုကြောင့် နိုင်ငံ့ဝန်ထမ်း တစ်ဦး အပါအဝင် အပြစ်မဲ့ ကလေးငယ် နှစ်ဦး ထိခိုက်ဒဏ်ရာရရှိ , စစ်ကိုင်းတိုင်းဒေသကြီး၊ ထီးချိုင့်မြို့နယ်နှင့် မန္တလေးတိုင်းဒေသကြီး၊ မြင်းခြံမြို့နယ်တို့၌ လက်နက်ကိုင် အကြမ်းဖက်သမားများက လက်နက်ကြီး၊ Drop Bomb များဖြင့် ပစ်ခတ်ခဲ့မှုကြောင့် နိုင်ငံ့ဝန်ထမ်း တစ်ဦး အပါအဝင် အပြစ်မဲ့ ကလေးငယ် နှစ်ဦး ထိခိုက်ဒဏ်ရာရရှိ
စစ်ကိုင်းတိုင်းဒေသကြီး၊ ထီးချိုင့်မြို့နယ်နှင့် မန္တလေးတိုင်းဒေသကြီး၊ မြင်းခြံမြို့နယ်တို့၌ လက်နက်ကိုင် အကြမ်းဖက်သမားများက လက်နက်ကြီး၊ Drop Bomb များဖြင့် ပစ်ခတ်ခဲ့မှုကြောင့် နိုင်ငံ့ဝန်ထမ်း တစ်ဦး အပါအဝင် အပြစ်မဲ့ ကလေးငယ် နှစ်ဦး ထိခိုက်ဒဏ်ရာရရှိ
05 April 2026     အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများ ထိခိုက်ဒဏ်ရာ ရရှိစေရန်နှင့် အကြောက်တရားများလွှမ်းမိုးစေရန် ရည်ရွယ်ချက်များဖြင့် ဖမ်းဆီးသတ်ဖြတ်ခြင်း၊ ရပ်ကွက်/ကျေးရွာများအတွင်းသို့ လက်နက်ကြီး၊ လက်နက်ငယ်များ၊ Drone ဖြင့် Drop Bomb များ ပစ်ချတိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်လျက်ရှိသည်။     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ ဧပြီ ၃ ရက် နံနက် ၇ နာရီ ၃၀ မိနစ်တွင် မန္တလေးတိုင်းဒေသကြီး၊ ချမ်းအေးသာစံမြို့နယ်ရှိ မန္တလေးပြည်သူ့ဆေးရုံကြီးသို့ ဗုံးသီးပေါက်ကွဲစ ထိမှန်ဒဏ်ရာဖြင့် ကလေးငယ် တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ ဧပြီ ၂ ရက် နံနက် ၁၀ နာရီတွင် စစ်ကိုင်းတိုင်းဒေသကြီး၊ ထီးချိုင့်မြို့နယ်၊ ဒေသအခေါ် ကျောက်ထရံကျေးရွာနေ မောင်ခန့်ဘုန်းနိုင်(၁၃)နှစ်သည် ၎င်း၏နေအိမ်၌ ရှိနေစဉ် နေအိမ်အနီးသို့ PDF အမည်ခံ အကြမ်းဖက်သမားများက အများပြည်သူထိခိုက်စေရန် ရည်ရွယ်၍ ပစ်ခတ်လိုက်သည့် လက်နက်ကြီးဗုံးသီး တစ်လုံး ကျရောက်ပေါက်ကွဲခဲ့မှုကြောင့် ၎င်းတွင် ထိခိုက်ဒဏ်ရာများ ရရှိခဲ့ခြင်းဖြစ်ကြောင်း သိရသည်။      အလားတူ ဧပြီ ၃ ရက် နံနက် ၁၁ နာရီတွင် မန္တလေးတိုင်းဒေသကြီး၊ မြင်းခြံမြို့နယ်၊ အမှတ်(၂)ရပ်ကွက်သို့ PDF အမည်ခံ အကြမ်းဖက်သမားများက အများပြည်သူထိခိုက်စေရန် ရည်ရွယ်၍ Fixed Wing သုံးစီးဖြင့် Drop Bomb များ ပစ်ချတိုက်ခိုက်ခဲ့ရာ ရပ်ကွက်အတွင်း Drop Bomb များ ကျရောက်ပေါက်ကွဲခဲ့မှုကြောင့် အဆိုပါရပ်ကွက်နေ မြင်းခြံမြို့နယ်စည်ပင်သာယာရေးကော်မတီရုံးမှ ယာဉ်မောင်း ဦးဇော်မင်း(၅၀)နှစ်နှင့် မောင်မြင့်မြတ်အောင်(၄)နှစ်တို့တွင် ဗုံးသီးပေါက်ကွဲစ ထိမှန်ဒဏ်ရာများရရှိခဲ့၍ ဆေးကုသနိုင်ရေး မြင်းခြံခရိုင်ပြည်သူ့ဆေးရုံကြီးသို့ ပို့ဆောင်ထားရှိကြောင်း သိရသည်။     ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော ရပ်ကွက်/ကျေးရွာ များအတွင်းသို့ လက်နက်ကြီး၊ လက်နက်ငယ်၊ Drop Bomb များဖြင့် ပစ်ခတ်တိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်နေမှုများကြောင့် နိုင်ငံ့ဝန်ထမ်း တစ်ဦးအပါအဝင် အပြစ်မဲ့ အရပ်သားပြည်သူများ ထိခိုက်ဒဏ်ရာများ ရရှိခဲ့အပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။MOHA
Sun, 5-Apr-2026
တနင်္သာရီတိုင်းဒေသကြီး၊ ထားဝယ်မြို့နယ်၌ PDF အမည်ခံ အကြမ်းဖက်သမားများထောင်ထားသည့် နင်းမိုင်း တစ်လုံးအား နင်းမိပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာ ရရှိ
တနင်္သာရီတိုင်းဒေသကြီး၊ ထားဝယ်မြို့နယ်၌ PDF အမည်ခံ အကြမ်းဖက်သမားများထောင်ထားသည့် နင်းမိုင်း တစ်လုံးအား နင်းမိပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာ ရရှိ
05 April 2026     အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူ သွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများအသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများကို ပြုလုပ်လျက်ရှိပါသည်။     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ ဧပြီ ၃ ရက် နံနက် ၉ နာရီတွင် တနင်္သာရီတိုင်း ဒေသကြီး၊ ထားဝယ်မြို့နယ်၊ ဟိန္ဒားကျေးရွာနေ ဦးနောင်နောင်ဟိန်း(၄၃)နှစ်သည် ၎င်း၏နေအိမ် အနောက်ဘက် ပေ ၇၅၀ ခန့်အကွာရှိ ကြက်ခြံ၌ အလုပ်လုပ်ကိုင်နေစဉ် ခြံအနီးမှ PDF အမည်ခံ အကြမ်းဖက်သမားများထောင်ထားသည့် နင်းမိုင်း တစ်လုံးအား နင်းမိပေါက်ကွဲခဲ့မှုကြောင့် ၎င်းတွင် မိုင်းပေါက်ကွဲစ ထိမှန်ဒဏ်ရာများရရှိခဲ့၍ ဆေးကုသနိုင်ရေး ထားဝယ်ခရိုင်ပြည်သူ့ဆေးရုံကြီးသို့ ပို့ဆောင်ထားရှိကြောင်း သိရသည်။       အထက်ပါဖြစ်စဉ်မှ အကြမ်းဖက်မှုကျူးလွန်ခဲ့သူများအား ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိပါသည်။MOHA
Sun, 5-Apr-2026
© Copyright 2024 SAC All Rights Reserved.