ကျောက်ဆည်မြို့နယ်၌ အစိုးရဓမ္မာစာရိယစာမေးပွဲ စတင်ဖြေဆို

News Image

ကျောက်ဆည် မတ် ၂၃

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့၌ အခြေခံမူရင်းဖြစ်သော ပရိယတ္တိသာသနာတော် ထွန်းကားပြန့်ပွားစေရန် ရည်ရွယ်၍ အစိုးရဓမ္မာစရိယ စာမေးပွဲကို မွန်းလွဲ ၁ နာရီက သင်တောင်းကျေးရွာ ဆုတောင်းပြည့်မဟာရွှေသိမ်တော်ဘုရား ဓမ္မာရုံတွင် ကျင်းပပြုလုပ်ခဲ့ကြောင်း သိရှိရသည်။

အစိုးရဓမ္မာစရိယ စာမေးပွဲ ပါရာဇိကကဏ်ဘာသာရပ်တွင် သံဃာ(၂၈)ပါးဝင်ရောက် ဖြေဆို ခဲ့ကြောင်းသိရှိရပြီး စာဖြေသံဃာတော်များ အေးချမ်းစွာဖြေဆိုနိုင်ရေး ကျောက်ဆည်မြို့နယ်သံဃာ့နာယကအဖွဲ့ဥက္ကဋ္ဌ မဟာရွှေစေတီ စာသင်တိုက်ပဓာနနာယက ဘဒ္ဒန္တပညာသာမိ (မဟာဂန္တဝါစကပဏ္ဍိတ)နှင့် သက်ဆိုင်ရာမြို့နယ် သံဃနာယက အဖွဲ့ ဆရာတော်ကြီးများ၊ ကြီးကြပ်ရေးဆရာတော်ကြီးများ ကြီးကြပ်ဆောင်ရွက်ခဲ့ပြီး ကျောက်ဆည်ခရိုင် အမျိုးသမီးရေးရာအဖွဲ့ ဥက္ကဋ္ဌ ဒေါ်မေဦးဟန်နှင့်အဖွဲ့ဝင်များ၊ စေတနာရှင်ပြည်သူများက ဆွမ်း၊ ခဲဖွယ်၊ ဘောဇဉ် များနှင့် အချိုရည်များ၊ ရေသန့်ဗူးများ ဆက်ကပ်လှူဒါန်းခဲ့ပြီး မြို့နယ်ပြည်သူ့ကျန်းမာရေးဦးစီးဌာနမှ ကျန်းမာရေး စောင့်ရှောက်မှုများ ဆောင်ရွက်ပေးလျက်ရှိကြောင်း သိရသည်။

သက်မောင်(ကျောက်ဆည်)

MM-News-Category

လူမှုရေးကဏ္ဍသတင်း

လူမှုရေး-ဘာသာ‌ရေး

သင်္ကြန်အကြတ်နေ့တွင် မန္တလေးမြို့ရှိ လမ်းလျှောက်သင်္ကြန်များနှင့် မဏ္ဍပ်များ၌ သင်္ကြန်ချစ်သူ ပြည်သူများဖြင့် ကြိတ်ကြိတ်တိုးစည်ကား

မန္တလေး ဧပြီ ၁၅ယနေ့ကျရောက်သည့် မြန်မာ့ရိုးရာ မဟာသင်္ကြန်အကြတ်နေ့တွင် မန္တလေးမြို့ရှိ လမ်းလျှောက်သင်္ကြန်များနှင့်မဏ္ဍပ်များ၌ သင်္ကြန်ချစ်သူ ပြည်သူများဖြင့် ကြိတ်ကြိတ်တိုး စည်ကားလျက်ရှိသည်။ပျော်ရွှင်စွာဆင်နွှဲနံနက်ပိုင်းမှစတင်ကာ မန္တလေးမြို့တော် မဟာသင်္ကြန်မဏ္ဍပ်၌ နိုင်ငံကျော်တေးသံရှင်များ၏ သင်္ကြန်တေးသီချင်းများဖြင့် သီဆိုဖျော်ဖြေမှု၊ ဝန်ကြီးဌာနနှင့် ဝါသနာရှင် ယိမ်းအကအဖွဲ့များ၏ ယိမ်းအကအလှများဖြင့် ကပြဖျော်ဖြေမှုတို့ကို သင်္ကြန်ချစ်သူ ပြည်သူအများအပြားက အားပေးကြည့်ရှုရင်း အတူလိုက်ပါ သီဆိုကခုန်ကာ သင်္ကြန်အကြတ်နေ့ကို ပျော်ရွှင်စွာဆင်နွှဲကြသည်။ထို့ပြင် သင်္ကြန်ချစ်သူပြည်သူများသည် တိုင်းရင်းသားများ၏ ရိုးရာရေကစားမဏ္ဍပ်များ၌ ပျော်ရွှင်စွာရေကစားကြရင်း တိုင်းရင်းသားတိုင်းရင်းသူများ၏ တိုင်းရင်းသားရိုးရာ အကအလှများဖြင့် ဖျော်ဖြေမှုများကို ကြည့်ရှုအားပေးပြီး စတုဒိသာအဖြစ်ကျွေးမွေးသည့် ဒေသအစားအစာများကို နှစ်သက်စွာသုံးဆောင်ကြသည်။ကျုံးပတ်လည်တစ်လျှောက် မြန်မာ့ရိုးရာယဉ်ကျေးမှု အစဉ်အလာများနှင့်အညီ ထူးခြားဆန်းသစ်စွာ ပုံဖော်တည်ဆောက်ထားသည့် သင်္ကြန်မဏ္ဍပ်များ၌လည်း မိသားစုအလိုက်၊ အစုအဖွဲ့အလိုက် အေးချမ်းပျော်ရွှင်စွာ ရေကစားကြပြီး မင်္ဂလာမန္တလေးလမ်းလျှောက်သင်္ကြန်ရှိ Floating Street ဇုန်၊ Star Light Streetဇုန်၊ Flower Street ဇုန်နှင့် Water Street ဇုန်စသည့် ဇုန်များတွင် အေးချမ်းပျော်ရွှင်စွာ လာရောက်ဆင်နွှဲကြသည့် ပြည်သူများဖြင့် ပြည့်နှက်စည်ကားလျက်ရှိသည်။မင်္ဂလာမန္တလေး လမ်းလျှောက်သင်္ကြန်သို့ လာရောက်လည်ပတ် ပါဝင်ဆင်နွှဲကြသည့် ဒေသခံများနှင့် အနယ်နယ်အရပ်ရပ်မှ ပြည်သူများ ရေသဘင်ပွဲဆင်နွှဲရင်း အမောပြေသုံးဆောင်နိုင်ရန်အတွက် စတုဒိသာအကျွေးအမွေးများကိုလည်း လှူဒါန်းကျွေးမွေးလျက်ရှိသည်။ထို့အတူ မန္တလေးကျုံးအနောက်ဘက်ရှိ ဈေးချိုသူရေကစားမဏ္ဍပ်တွင် ပရိသတ်အကြိုက် ဖျော်ဖြေရေး အစီအစဉ်များဖြင့် မြူးမြူးကြွကြွ ဖျော်ဖြေတင်ဆက်လျက်ရှိသည့်အတွက် လာရောက်ပါဝင်ဆင်နွှဲကြသည့် ပြည်သူများဖြင့် စည်ကားခဲ့သည်။အလားတူ မြို့နယ်၊ ရပ်ကွက်များအတွင်းရှိ မဏ္ဍပ်ငယ်များတွင် လူငယ်များ၊ ကလေးငယ်များက ရေကစားခြင်း၊ စတုဒိသာကျွေးမွေးခြင်းတို့ဖြင့် အေးချမ်းပျော်ရွှင်စွာ သင်္ကြန်အကြတ်နေ့ကို ပါဝင်ဆင်နွှဲလျက်ရှိသည်။ညပိုင်းတွင် မန္တလေးမြို့‌တော် မဟာသင်္ကြန်မဏ္ဍပ်၌ ယိမ်းအကများ၊ တေးသီချင်းများဖြင့် သင်္ကြန်ချစ်သူပြည်သူများကို ဖျော်ဖြေတင်ဆက်ပေးလျက်ရှိကြောင်း သိရသည်။မင်းထက်အောင်(မန်းကိုယ်ပွား)moi

Thu, 16-Apr-2026

ရန်ကုန်တိုင်းဒေသကြီးရှိ မဏ္ဍပ်များနှင့် လမ်းလျှောက်သင်္ကြန်ပွဲတော်များတွင် မဟာသင်္ကြန်အကြတ်နေ့၌ မိသားစုအလိုက်၊ အစုအဖွဲ့အလိုက် အေးချမ်းပျော်ရွှင်စွာ သင်္ကြန်ပွဲတော်ဆင်နွှဲကြသည့် သင်္ကြန်ချစ်သူပြည်သူများဖြင့် စည်ကားများပြား

ရန်ကုန် ဧပြီ ၁၅ရန်ကုန်တိုင်းဒေသကြီးရှိ မဏ္ဍပ်များနှင့် လမ်းလျှောက်သင်္ကြန်ပွဲတော်များတွင် ယနေ့ မြန်မာ့ရိုးရာ မဟာသင်္ကြန်အကြတ်နေ့၌ နံနက်ပိုင်းမှစတင်ကာ မိသားစုအလိုက်၊ အစုအဖွဲ့အလိုက် အေးချမ်းပျော်ရွှင်စွာ သင်္ကြန်ပွဲတော်ဆင်နွှဲကြသည့် သင်္ကြန်ချစ်သူပြည်သူများဖြင့် စည်ကားများပြားလျက်ရှိသည်။ယနေ့ နံနက် ၉ နာရီတွင် ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူနှင့်ဇနီး၊ ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးဌေးအောင်၊ တိုင်းဒေသကြီးဝန်ကြီးများနှင့် ၎င်းတို့၏ဇနီးများ၊ မြန်မာအာကာသအေဂျင်စီ အမှုဆောင်အရာရှိချုပ် ဒေါက်တာစိုးမြင့်မောင်နှင့် ဇနီး၊ တာဝန်ရှိသူများသည် ဒဂုံမြို့နယ်ပြည်လမ်းရှိ ပြည်သူ့ရင်ပြင်လမ်းလျှောက် သင်္ကြန်သို့ရောက်ရှိကြပြီး ပြည်သူများနှင့်အတူ ပျော်ရွှင်စွာ ပါဝင်ဆင်နွှဲကြသည်။ထို့နောက် Royal-Apex မဏ္ဍပ်၌ အောင်ဇမ္ဗူနှင့်အဖွဲ့၊ မြန်မာနိုင်ငံဂီတအစည်းအရုံး၊ မြန်မာနိုင်ငံသဘင်အစည်းအရုံးတို့မှ အနုပညာရှင်များက မြူးကြွသည့် သင်္ကြန်သီချင်းများ၊ အဆို၊ အကများဖြင့် ဖျော်ဖြေတင်ဆက်မှုကို ကြည့်ရှုအားပေးပြီး တိုင်းဒေသကြီးဝန်ကြီးချုပ်နှင့်ဇနီးတို့က ဂုဏ်ပြုချီးမြှင့်ငွေများ ပေးအပ်သည်။ယင်းနောက် တိုင်းဒေသကြီးဝန်ကြီးချုပ်နှင့်အဖွဲ့သည် ရန်ကုန်မြို့တော် မဟာသင်္ကြန်မဏ္ဍပ်နှင့် မဟာဗန္ဓုလပန်းခြံလမ်းလျှောက်သင်္ကြန်ပွဲသို့ ရောက်ရှိရာ ယိမ်းအဖွဲ့များအား သပြေခက်ဖြင့် အတာရေပက်ဖျန်းပေးပြီး လမ်းလျှောက်သင်္ကြန်ပွဲတော်တွင် သင်္ကြန်ချစ်သူပြည်သူများနှင့်အတူ ပျော်ရွှင်စွာ ဆင်နွှဲကြသည်။ထို့အပြင် ဒဂုံမြို့နယ် ဦးဝိစာရအဝိုင်းမှ အလုံလမ်းတစ်လျှောက်၊ ပြည်လမ်းနှင့် အလုံလမ်းထောင့်အထိ သင်္ကြန်မဏ္ဍပ်များနှင့် ဈေးဆိုင်တန်းများတွင်လည်း သင်္ကြန်ပွဲတော်ကို အေးချမ်းစွာ ပါဝင်ဆင်နွှဲကြသည့် ပြည်သူများဖြင့် အထူးစည်ကားလျက်ရှိသည်။ထို့အတူ ရန်ကုန် မြို့တော်မဟာသင်္ကြန်မဏ္ဍပ်၌ ယိမ်းအဖွဲ့များ၊ မြန်မာနိုင်ငံဂီတအစည်းအရုံး၊ မြန်မာနိုင်ငံ သဘင်အစည်းအရုံးတို့မှ အနုပညာရှင်များက ပရိသတ်အကြိုက် တေးသီချင်းများ၊ အကအလှများဖြင့် ဖျော်ဖြေတင်ဆက်ကြရာ ပြည်သူများက လိုက်ပါသီဆိုကခုန်ရင်း သင်္ကြန်အကြတ်နေ့ကို ပျော်ရွှင်စွာ ဆင်နွှဲကြသည်။အလားတူ ရန်ကုန်မြို့တော်မဟာသင်္ကြန်မဏ္ဍပ်၊ မဟာဗန္ဓုလပန်းခြံလမ်း လမ်းလျှောက်သင်္ကြန်တို့တွင်လည်း အနုပညာရှင်များနှင့် DJ အဖွဲ့ တို့၏ မြူးမြူးကြွကြွ ဖျော်ဖြေတင်ဆက်မှုများနှင့်အတူ သင်္ကြန်ချစ်သူပြည်သူများက အေးချမ်းပျော်ရွှင်စွာ ပါဝင်ဆင်နွှဲကြလျက်ရှိသည့်အပြင် တိုင်းဒေသကြီးအတွင်းရှိ မြို့နယ်၊ ရပ်ကွက်၊ ကျေးရွာများရှိ မဏ္ဍပ်ငယ်များတွင် လူငယ်များ၊ ကလေးများကစုဖွဲ့၍ ရေကစားခြင်း၊ စတုဒိသာကျွေးမွေးခြင်းတို့ဖြင့် သင်္ကြန်အကြတ်နေ့ကို ပျော်ရွှင်စွာဆင်နွှဲလျက်ရှိသည်။ယနေ့ သင်္ကြန်အကြတ်နေ့တွင် တိုင်းဒေသကြီးအတွင်း ဘုရားစေတီများတွင် ဥပုသ်သီလဆောက်တည်ကြသူများ၊ ကုသိုလ်ပြုကြသူများဖြင့် စည်ကားလျက်ရှိသည့်အပြင် မဏ္ဍပ်များ၊ ရပ်ကွက်၊ လမ်းများတွင် ထမင်းနှင့်ဟင်း၊ မြန်မာ့ရိုးရာအစား အစာများကို စတုဒိသာအဖြစ်‌ ကျွေးမွေးကြရာ လာရောက်သုံးဆောင်ကြသူများဖြင့် စည်ကားများပြားခဲ့ကြောင်း သိရသည်။ သတင်း-နေဇော်ဓာတ်ပုံ-ဇော်မင်းလတ်moi

Thu, 16-Apr-2026

သင်္ကြန်အကြတ်နေ့တွင် နေပြည်တော်လမ်းလျှောက်သင်္ကြန်၌ လာရောက်လည်ပတ်ကြသည့် ပြည်သူများဖြင့် အထူးစည်ကား

နေပြည်တော် ဧပြီ ၁၅နေပြည်တော်ရင်ပြင်၌ကျင်းပသည့် နေပြည်တော်လမ်းလျှောက် သင်္ကြန်တွင် ယနေ့ သင်္ကြန်အကြတ်နေ့ နံနက်ပိုင်းမှစတင်ကာ လာရောက်လည်ပတ်ကြသူ ပြည်သူများဖြင့် အထူးစည်ကားလျက်ရှိသည်။အေးချမ်းပျော်ရွှင်စွာဆင်နွှဲနေပြည်တော်လမ်းလျှောက်သင်္ကြန်ရှိ ဝန်ကြီးဌာနမဏ္ဍပ်များ၌ မြန်မာ့ရိုးရာယဉ်ကျေးမှုကို ဖော်ဆောင်သည့် တေးသီချင်းများ၊ အကအလှများဖြင့် ယိမ်းအကအဖွဲ့များက ကပြဖျော်ဖြေတင်ဆက်ကြရာ လာရောက်လည်ပတ်ကြသည့် ပြည်သူများက အတူလိုက်ပါ သီဆိုကခုန်ရင်း သင်္ကြန်အကြတ်နေ့ကို အေးချမ်းပျော်ရွှင်စွာ ဆင်နွှဲကြသည်။ထို့ပြင် မဏ္ဍပ်များ၌ ပြည်တွင်းမှနိုင်ငံကျော်အနုပညာရှင်များ၊ တေးသံရှင်များက DJ, Music Band များနှင့်တွဲဖက်၍ မြူးမြူးကြွကြွ သီဆိုဖျော်ဖြေပေးကြသည့်အတွက် သင်္ကြန်ချစ်သူ ပြည်သူများက နှစ်သက်စွာလိုက်ပါသီဆို ကခုန်အားပေးခဲ့ကြသည်။နေပြည်တော် လမ်းလျှောက်သင်္ကြန်တွင် မြန်မာ့ရိုးရာ သနပ်ခါးနှင့် လက်ဖက်ပွဲတော်မဏ္ဍပ်၊ ထမနဲမဏ္ဍပ်များပါဝင်ရာ လမ်းလျှောက်သင်္ကြန်သို့ လာရောက်လည်ပတ်ကြသည့် လူငယ်များ၊ ပြည်သူများသည် မြန်မာ့သနပ်ခါးကို တစ်ဦးနှင့်တစ်ဦး ပျော်ရွှင်စွာလိမ်းခြယ်ပေးနေကြသည်ကို တွေ့မြင်ရပြီး မြန်မာ့ရိုးရာသင်္ကြန်နှင့်အတူ ချစ်စရာကောင်းသည့် မြန်မာ့သနပ်ခါးယဉ်ကျေးမှုကိုပါ ပေါ်လွင်စေခဲ့သည်။ထို့အတူ ဝန်ကြီးဌာနအလိုက်မဏ္ဍပ်များတွင် မဏ္ဍပ်အလိုက် မြန်မာ့ရိုးရာ အစားအစာများကို စတုဒိသာအဖြစ် ဧည့်ခံကျွေးမွေးကြသည့်အပြင် သန့်ရှင်းလတ်ဆတ်သော အစားအစာများကို သက်သာသောဈေးနှုန်းဖြင့် ဆိုင်ခန်းများတွင်လည်း ရောင်းချပေးလျက်ရှိရာ ဝယ်ယူစားသုံးကြသည့် ပြည်သူများဖြင့် စည်ကားများပြားလျက်ရှိသည်။နေပြည်တော် လမ်းလျှောက်သင်္ကြန်သို့ လာရောက်ကြသည့် ပြည်သူများကို စနစ်တကျ လုံခြုံရေးစစ်ဆေးဆောင်ရွက်ပေးခြင်း၊ ယာဉ်ထိန်းရဲတပ်ဖွဲ့ဝင်များက ယာဉ်အန္တရာယ်ကင်းရှင်းစွာ သွားလာနိုင်ရန်အတွက် လမ်းများ၌ကြီးကြပ်ပေးခြင်းနှင့် ရေကစားနေစဉ် ကျန်းမာရေးကိစ္စ တစ်စုံတစ်ရာဖြစ်ပေါ်လာပါက ကျန်းမာရေးဝန်ကြီးဌာနက ကျန်းမာရေးစောင့်ရှောက်မှု ပေးခြင်းတို့ကို ဆောင်ရွက်ပေးလျက်ရှိသည်။ယနေ့ သင်္ကြန်အကြတ်နေ့၌ နေပြည်တော်ရှိ အများပြည်သူ အနားယူအပန်းဖြေနိုင်သည့် နေရာများတွင် မိသားစုအလိုက်၊ အစုအဖွဲ့အလိုက် လည်ပတ်အနားယူကြသူများ၊ ရပ်ကွက်၊ ကျေးရွာများရှိ မဏ္ဍပ်ငယ်များတွင် ရေကစားကြသူများ၊ စတုဒိသာကျွေးမွေးကြသူများဖြင့် စည်ကားလျက်ရှိသည့်အပြင် နေပြည်တော်အတွင်းရှိ ဘုန်းတော်ကြီးကျောင်းများ၊ ဘုရားစေတီများတွင်လည်း သီလဆောက်တည်ကြသူများ၊ ကုသိုလ်ကောင်းမှုပြုကြသူများဖြင့် အထူးစည်ကားခဲ့သည်။မင်းကျော်စွာဓာတ်ပုံ - ကျော်ကြီး၊ ဖိုးပြည့်စုံmoi

Thu, 16-Apr-2026

နိုင်ငံခြားရေးဝန်ကြီးဌာန၏ သံတမန်သင်္ကြန်ပွဲတော်ကျင်းပ

နေပြည်တော် ဧပြီ ၁၄၁၃၈၈ ခုနှစ် မြန်မာနှစ်သစ်ကူး အခါသမယကို ကြိုဆိုသောအားဖြင့် နိုင်ငံခြားရေးဝန်ကြီးဌာန၏ သံတမန်သင်္ကြန်ပွဲတော်ကို ယနေ့မဟာသင်္ကြန်အကျနေ့နံနက်ပိုင်းတွင် ရန်ကုန်မြို့ နိုင်ငံခြားရေးဝန်ကြီးဌာန မြန်မာနိုင်ငံမဟာဗျူဟာနှင့် နိုင်ငံတကာလေ့လာရေးအဖွဲ့၏ မြက်ခင်းပြင်၌ ကျင်းပသည်။ဦးစွာ နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်က နှစ်သစ်ကူးကြိုဆိုနှုတ်ခွန်းဆက် စကားပြောကြားသည်။သံတမန်သင်္ကြန်ပွဲတော်တွင် ရန်ကုန်မြို့အခြေစိုက် နိုင်ငံခြားသံရုံးများ/အဖွဲ့ရုံးများမှ သံတမန်များနှင့် ၎င်းတို့၏ မိသားစုဝင်များ၊ ကုလသမဂ္ဂနှင့် ၎င်း၏လက်အောက်ခံ အဖွဲ့အစည်းများမှ ကိုယ်စားလှယ်များ၊ ဂုဏ်ထူးဆောင်ကောင်စစ်ဝန်များနှင့် ၎င်းတို့၏ မိသားစုဝင်များ၊ မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့ဥက္ကဋ္ဌနှင့် အဖွဲ့ဝင်များ၊ နိုင်ငံခြားရေးဝန်ကြီးဌာနမှ ညွှန်ကြားရေးမှူးချုပ်များ၊ အရာထမ်း/အမှုထမ်းများနှင့် မိသားစုဝင်များ၊ နိုင်ငံခြားရေးဝန်ကြီးဌာန ဝန်ထမ်းဟောင်းများ၊ မြန်မာသံတမန် သင်တန်းကျောင်းမှနည်းပြများ၊ သင်တန်းသား သင်တန်းသူများနှင့် ဖိတ်ကြားထားသည့် ဧည့်သည်တော်များက ပျော်ရွှင်စွာပါဝင်ဆင်နွှဲကြသည်။ထို့နောက် သံတမန်သင်္ကြန်ပွဲတော်သို့ တက်ရောက်လာကြသည့် သံတမန်များနှင့် ဧည့်သည်တော်များအား မြန်မာ့ရိုးရာအစားအစာများဖြင့် တည်ခင်းဧည့်ခံပြီး နိုင်ငံခြားရေး ဝန်ကြီးဌာနမှ ဝန်ထမ်းများက သင်္ကြန်ယိမ်းအကအလှများဖြင့် သီဆိုကပြဖျော်ဖြေကြကာ ပါဝင်ဆင်နွှဲကြသူများသည် ပျော်ရွှင်စွာ အတူတကွ ရေပက်ကစားကြကြောင်း သိရသည်။moi

Wed, 15-Apr-2026

နေပြည်တော်လမ်းလျှောက်သင်္ကြန် သင်္ကြန်အကျနေ့တွင် လာရောက်လည်ပတ်ကြသူများဖြင့် ကြိတ်ကြိတ်တိုးစည်ကား

နေပြည်တော် ဧပြီ ၁၄နေပြည်တော်ရင်ပြင်၌ကျင်းပသည့် နေပြည်တော်လမ်းလျှောက်သင်္ကြန်တွင် ယနေ့သင်္ကြန်အကျနေ့ နံနက်ပိုင်းမှစတင်ကာ လာရောက်လည်ပတ်ကြသူပြည်သူများဖြင့် ကြိတ်ကြိတ်တိုးစည်ကားလျက်ရှိသည်။နေပြည်တော်လမ်းလျှောက်သင်္ကြန်ရှိ မြန်မာ့ရိုးရာသနပ်ခါးနှင့် လက်ဖက်ပွဲတော်မဏ္ဍပ်၊ ထမနဲမဏ္ဍပ်၊ ဝန်ကြီးဌာနအလိုက် သင်္ကြန်မဏ္ဍပ်များ၊ ဖျော်ဖြေရေးမဏ္ဍပ်များ၊ စတုဒိသာမဏ္ဍပ်များ ပါဝင်သည့်အပြင် အစားအစာရောင်းချသည့် ဆိုင်တန်းများ၊ ကလေးငယ်များအတွက် ရေလွှာလျှောစီးနှင့် ပျော့အိကစားကွင်းများကိုလည်း စီစဉ်ပေးထားသည်ကို တွေ့ရသည်။နေပြည်တော်လမ်းလျှောက်သင်္ကြန်သို့ လာရောက်လည်ပတ်ကြသည့် သင်္ကြန်ချစ်ပြည်သူများကို ရေကစားမဏ္ဍပ်များ၌ ပြည်တွင်းမှ နိုင်ငံကျော်အနုပညာရှင်များ၊ တေးသံရှင်များအပြင် ဘယ်လာရုစ်နိုင်ငံမှ အနုပညာရှင်များ၊ ကိုရီးယားနိုင်ငံ K-Pop အဆိုတော်များက DJ, Music Band များနှင့်တွဲဖက်၍ ပရိသတ်အကြိုက် တေးသီချင်းများဖြင့် မြိုင်မြိုင်ဆိုင်ဆိုင် သီဆိုကပြဖျော်ဖြေပေးကြပြီး သင်္ကြန်ချစ်ပြည်သူများက လိုက်ပါသီဆိုကခုန်ရင်း သင်္ကြန်အကျနေ့ကို ပျော်ရွှင်စွာ ဆင်နွှဲကြသည်။အလားတူ ဝန်ကြီးဌာနများအလိုက် မြန်မာ့ရိုးရာမဟာသင်္ကြန်ရေကစားမဏ္ဍပ်များနှင့် စတုဒိသာမဏ္ဍပ်တို့တွင် လမ်းလျှောက်သင်္ကြန် လည်ပတ်ကြသူများကို မြန်မာ့ရိုးရာအစားအစာများဖြင့် ဧည့်ခံကျွေးမွေးကြရာ အားပါးတရနှစ်ခြိုက်စွာ စုဝေးသုံးဆောင်ကြပြီး အစားအသောက်များရောင်းချသည့် ဆိုင်တန်းများတွင် စားသောက်ကုန်များ ပြတ်လပ်သည်အထိ ဝယ်ယူစားသုံးမှုများပြားခဲ့သည်။နေပြည်တော် လမ်းလျှောက်သင်္ကြန်အတွင်း ပြည်သူများရေကစားနေစဉ် ကျန်းမာရေးကိစ္စတစ်စုံတစ်ရာဖြစ်ပေါ်လာပါက အရေးပေါ်ကုသစောင့်ရှောက် ပေးနိုင်ရန် ကျန်းမာရေးဝန်ကြီးဌာန ကုသရေးဦးစီးဌာနမှ ကျန်းမာရေးစောင့်ရှောက်မှုဆေးခန်းများကိုလည်း ဖွင့်လှစ်ထားသည်။ယနေ့ သင်္ကြန်အကျနေ့တွင် နေပြည်တော်ရှိ အများပြည်သူများ အနားယူအပန်းဖြေနိုင်သည့် ရေပန်းဥယျာဉ်၊ တိရစ္ဆာန်ဥယျာဉ်၊ ဆာဖာရီဥယျာဉ်နှင့် အမျိုးသားအထိမ်းအမှတ် ဥယျာဉ်စသည့် နေရာများတွင် လည်ပတ်အနားယူအပန်းဖြေကြသည့် ပြည်သူများဖြင့် စည်ကားခဲ့ပြီး နေပြည်တော်အတွင်းရှိ ဘုရားစေတီများတွင်လည်း ကုသိုလ်ကောင်းမှုပြုကြသူများဖြင့် စည်ကားခဲ့ကြောင်း သိရသည်။မင်းကျော်စွာဓာတ်ပုံ - ကျော်ကြီး၊ ဖိုးပြည့်စုံmoi

Wed, 15-Apr-2026

၂၀၂၆ ခုနှစ် မန္တလေးလမ်းလျှောက်သင်္ကြန်ပွဲတော်ဖွင့်၊ သင်္ကြန်အကြိုနေ့တွင် ပြည်သူများ အေးချမ်းပျော်ရွှင်စွာ ပါဝင်ဆင်နွှဲ

မန္တလေး ဧပြီ ၁၃မန္တလေးမြို့တွင် နှစ်ဟောင်းမှ အညစ်အကြေးများကို ဆေးကြောဖယ်ရှားကာ နှစ်သစ်ကို ကြိုဆိုကြမည့် မြန်မာ့ရိုးရာ မဟာသင်္ကြန်ပွဲတော်ကို အစဉ်အလာမပျက် စည်ကားသိုက်မြိုက်စွာကျင်းပရာ မန္တလေး မြို့သူ မြို့သားများသာမက အနယ်နယ်အရပ်ရပ်မှ ပြည်သူများပါ စိတ်ဝင်တစား စောင့်မျှော် နေခဲ့ကြသည့် “မန္တလေးလမ်းလျှောက်သင်္ကြန်ပွဲတော်” ကို ယနေ့ သင်္ကြန်အကြိုနေ့တွင် ဖွင့်လှစ်သည်။သင်္ကြန်အကြိုနေ့ ညနေပိုင်းတွင် မန္တလေးမြို့တော်ဝန် မဟာသင်္ကြန်မဏ္ဍပ် ဖွင့်ပွဲအခမ်းအနားကို ကျောင်းသူ အင်အား ၅၀၀ နှင့် လှပျိုဖြူ အင်အား ၄၀၀ စုစုပေါင်းအင်အား ၉၀၀ တို့၏ ညီညာလှပသော ယိမ်းအကအလှများနှင့်အတူ မြန်မာ့ယဉ်ကျေးမှုဓလေ့ကို ဖော်ထုတ်ပြသသည့် ရိုးရာအကအလှများဖြင့် ကျင်းပခဲ့ပြီး မန္တလေးသင်္ကြန်၏ အမှတ်သညာတစ်ခုဖြစ်သော သမိုင်းဝင်“မြို့မငွေငန်း” ကြီးသည်လည်း မြို့မတီးဝိုင်း၏ သံစဉ်များနှင့်အတူ ပြည်သူလူထုကို ဂါရဝပြုဖြတ်သန်း၍ မန္တလေးမြို့၏ ယဉ်ကျေးမှု အမွေအနှစ်ကို ဖော်ညွှန်းပြသခဲ့သည်။ဗဟိုမဏ္ဍပ်ကြီး ဖွင့်လှစ်ပြီးသည်နှင့်တစ်ပြိုင်နက် နိုင်ငံကျော် အဆိုတော်များ၏ သီဆိုဖျော်ဖြေမှုများ၊ မြန်မာ့ဆိုင်းဝိုင်းအဖွဲ့၏ ရိုးရာတီးခတ်မှုများနှင့်အတူ လမ်းလျှောက်သင်္ကြန်ပွဲတော်ကို လာရောက်ကြသည့် မန္တလေးဒေသခံများ၊ အနယ်နယ်အရပ်ရပ်မှ ပြည်သူများ၊ ရေပက်ခံထွက်သူများ၊ လမ်းလျှောက်ရေကစားသူများဖြင့် ကျုံးပတ်လည် တစ်လျှောက် စည်ကားခဲ့သည်။ ယခုနှစ် မန္တလေးလမ်းလျှောက်သင်္ကြန်၏ ထူးခြားချက်မှာ မော်တော်ယာဉ်များကို ကျုံးပတ်လည်သို့ ဝင်ရောက်ခွင့်မပြုဘဲ လမ်းလျှောက်သင်္ကြန်အဖြစ်သာ သီးသန့်ဖော်ဆောင်ထားသည့်အတွက် ပြည်သူများ အနေဖြင့် ယာဉ်အန္တရာယ်ကင်းရှင်းစွာ အေးချမ်းပျော်ရွှင်စွာ ရေကစားကြသည်။ ကျုံးပတ်လည်တစ်လျှောက်တွင်လည်း မဏ္ဍပ်ကြီး ၁၇ ခုနှင့် မဏ္ဍပ် အသေး ၂၈ ခုတို့ကို အစီအစဉ်တကျ နေရာချထားရာ ကျုံးအရှေ့ဘက်ခြမ်းဖြစ်သည့် (၆၆) လမ်းတွင် မဏ္ဍပ်ကြီးငါးခု၊ မဏ္ဍပ်အသေး လေးခု၊ အဓိကကျသည့် ကျုံးတောင်ဘက်အခြမ်း (၂၆) လမ်းတွင် ဗဟိုမဏ္ဍပ်ကြီး အပါအဝင် မဏ္ဍပ်ကြီး ခြောက်ခု၊ မဏ္ဍပ်အသေး ၁၃ ခု၊ ကျုံးအနောက်ဘက်ခြမ်းတွင် ဈေးချိုသူမဏ္ဍပ် အပါအဝင် မဏ္ဍပ်ကြီး သုံးခုနှင့် မဏ္ဍပ် အသေးခုနစ်ခု၊ ကျုံးမြောက်ဘက်ခြမ်းတွင် မဏ္ဍပ်ကြီးသုံးခုနှင့် မဏ္ဍပ်အသေး လေးခုတို့ဖြင့် သင်္ကြန်ပွဲတော်ကို စည်ကားစွာဆင်နွှဲကြသည်။ ယခုနှစ်ပွဲတော်တွင် တိုင်းရင်းသားရိုးရာမဏ္ဍပ်များကို ထည့်သွင်းတည်ဆောက်ထားပြီး အဆိုပါ မဏ္ဍပ်များတွင် တိုင်းရင်းသားများ၏ ရိုးရာအကအလှများကို ကပြဖျော်ဖြေနေကြသည့်အပြင် တိုင်းရင်းသားရိုးရာ အစားအစာများကိုပါ စတုဒိသာအဖြစ် ကျွေးမွေးလှူဒါန်းခြင်းကြောင့် အနယ်နယ် အရပ်ရပ်မှ လာရောက်ကြသော ပြည်သူများသည် ပျော်ရွှင်စွာ သင်္ကြန်ရေကစားရင်း ရိုးရာ အစားအစာများကို သုံးဆောင်ကြသည်။ ထို့ပြင် (၇၃) လမ်းပေါ်ရှိ မင်္ဂလာမန္တလေး လမ်းလျှောက်သင်္ကြန်၌လည်း Floating Street ဇုန်၊ Star Light Street ဇုန်၊ Flower Street ဇုန်နှင့် Water Street ဇုန် စသည်ဖြင့် ဇုန်များအလိုက် သတ်မှတ် ဆောင်ရွက်ထားရှိရာ လာရောက်ဆင်နွှဲကြသည့် ပြည်သူများဖြင့် စည်ကားလျက်ရှိသည်။ မန္တလေးကျုံးအနောက်ဘက်တွင် တည်ဆောက်ထားသည့် ဈေးချိုသူ ရေကစားမဏ္ဍပ်၌ မြန်မာ့ရိုးရာ ယဉ်ကျေးမှု အကအလှများ၊ ယဉ်ကျေးမှုမြို့တော်ဖြစ်သော မန္တလေးမြို့ကို ဖော်ကျူးသီဆိုထားသည့် တေးသီချင်းများတွဲဖက်၍ လှပညီညာစွာကပြဖျော်ဖြေကြသည့် ယိမ်းအဖွဲ့များနှင့် ခေတ်ပေါ် တေးသီချင်းများဖြင့် သင်္ကြန်ချစ်သူပြည်သူများအား မြိုင်မြိုင်ဆိုင်ဆိုင် ဖျော်ဖြေတင်ဆက်ကြရာ လာရောက် ရေကစားပါဝင်ဆင်နွှဲကြသူများဖြင့် စည်ကားခဲ့သည်။ မင်းထက်အောင် (မန်းကိုယ်ပွား)

Tue, 14-Apr-2026

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

ကျောက်ဆည်မြို့နယ်၌ အစိုးရဓမ္မာစာရိယစာမေးပွဲ စတင်ဖြေဆို

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link