နိုင်ငံခြားရေးဝန်ကြီးဌာန၏ သံတမန်သင်္ကြန်ပွဲတော်ကျင်းပ

KookieSpace97

News Image

  • နိုင်ငံခြားရေးဝန်ကြီးဌာန၏ သံတမန်သင်္ကြန်ပွဲတော်ကျင်းပ

နေပြည်တော် ဧပြီ ၁၄

၁၃၈၈ ခုနှစ် မြန်မာနှစ်သစ်ကူး အခါသမယကို ကြိုဆိုသောအားဖြင့် နိုင်ငံခြားရေးဝန်ကြီးဌာန၏ သံတမန်သင်္ကြန်ပွဲတော်ကို ယနေ့မဟာသင်္ကြန်အကျနေ့နံနက်ပိုင်းတွင် ရန်ကုန်မြို့ နိုင်ငံခြားရေးဝန်ကြီးဌာန မြန်မာနိုင်ငံမဟာဗျူဟာနှင့် နိုင်ငံတကာလေ့လာရေးအဖွဲ့၏ မြက်ခင်းပြင်၌ ကျင်းပသည်။

ဦးစွာ နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်က နှစ်သစ်ကူးကြိုဆိုနှုတ်ခွန်းဆက် စကားပြောကြားသည်။

သံတမန်သင်္ကြန်ပွဲတော်တွင် ရန်ကုန်မြို့အခြေစိုက် နိုင်ငံခြားသံရုံးများ/အဖွဲ့ရုံးများမှ သံတမန်များနှင့် ၎င်းတို့၏ မိသားစုဝင်များ၊ ကုလသမဂ္ဂနှင့် ၎င်း၏လက်အောက်ခံ အဖွဲ့အစည်းများမှ ကိုယ်စားလှယ်များ၊ ဂုဏ်ထူးဆောင်ကောင်စစ်ဝန်များနှင့် ၎င်းတို့၏ မိသားစုဝင်များ၊ မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့ဥက္ကဋ္ဌနှင့် အဖွဲ့ဝင်များ၊ နိုင်ငံခြားရေးဝန်ကြီးဌာနမှ ညွှန်ကြားရေးမှူးချုပ်များ၊ အရာထမ်း/အမှုထမ်းများနှင့် မိသားစုဝင်များ၊ နိုင်ငံခြားရေးဝန်ကြီးဌာန ဝန်ထမ်းဟောင်းများ၊ မြန်မာသံတမန် သင်တန်းကျောင်းမှနည်းပြများ၊ သင်တန်းသား သင်တန်းသူများနှင့် ဖိတ်ကြားထားသည့် ဧည့်သည်တော်များက ပျော်ရွှင်စွာပါဝင်ဆင်နွှဲကြသည်။

ထို့နောက် သံတမန်သင်္ကြန်ပွဲတော်သို့ တက်ရောက်လာကြသည့် သံတမန်များနှင့် ဧည့်သည်တော်များအား မြန်မာ့ရိုးရာအစားအစာများဖြင့် တည်ခင်းဧည့်ခံပြီး နိုင်ငံခြားရေး ဝန်ကြီးဌာနမှ ဝန်ထမ်းများက သင်္ကြန်ယိမ်းအကအလှများဖြင့် သီဆိုကပြဖျော်ဖြေကြကာ ပါဝင်ဆင်နွှဲကြသူများသည် ပျော်ရွှင်စွာ အတူတကွ ရေပက်ကစားကြကြောင်း သိရသည်။

moi

MM-News-Category
လူမှုရေးကဏ္ဍသတင်း
လူမှုရေး-ယဉ်ကျေးမှု

ဆက်စပ်သတင်းများ

နိုင်ငံခြားရေးဝန်ကြီးဌာန၏ သံတမန်သင်္ကြန်ပွဲတော်ကျင်းပ
နိုင်ငံခြားရေးဝန်ကြီးဌာန၏ သံတမန်သင်္ကြန်ပွဲတော်ကျင်းပ
နေပြည်တော် ဧပြီ ၁၄၁၃၈၈ ခုနှစ် မြန်မာနှစ်သစ်ကူး အခါသမယကို ကြိုဆိုသောအားဖြင့် နိုင်ငံခြားရေးဝန်ကြီးဌာန၏ သံတမန်သင်္ကြန်ပွဲတော်ကို ယနေ့မဟာသင်္ကြန်အကျနေ့နံနက်ပိုင်းတွင် ရန်ကုန်မြို့ နိုင်ငံခြားရေးဝန်ကြီးဌာန မြန်မာနိုင်ငံမဟာဗျူဟာနှင့် နိုင်ငံတကာလေ့လာရေးအဖွဲ့၏ မြက်ခင်းပြင်၌ ကျင်းပသည်။ဦးစွာ နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်က နှစ်သစ်ကူးကြိုဆိုနှုတ်ခွန်းဆက် စကားပြောကြားသည်။သံတမန်သင်္ကြန်ပွဲတော်တွင် ရန်ကုန်မြို့အခြေစိုက် နိုင်ငံခြားသံရုံးများ/အဖွဲ့ရုံးများမှ သံတမန်များနှင့် ၎င်းတို့၏ မိသားစုဝင်များ၊ ကုလသမဂ္ဂနှင့် ၎င်း၏လက်အောက်ခံ အဖွဲ့အစည်းများမှ ကိုယ်စားလှယ်များ၊ ဂုဏ်ထူးဆောင်ကောင်စစ်ဝန်များနှင့် ၎င်းတို့၏ မိသားစုဝင်များ၊ မြန်မာနိုင်ငံ မဟာဗျူဟာနှင့် နိုင်ငံတကာလေ့လာရေးအဖွဲ့ဥက္ကဋ္ဌနှင့် အဖွဲ့ဝင်များ၊ နိုင်ငံခြားရေးဝန်ကြီးဌာနမှ ညွှန်ကြားရေးမှူးချုပ်များ၊ အရာထမ်း/အမှုထမ်းများနှင့် မိသားစုဝင်များ၊ နိုင်ငံခြားရေးဝန်ကြီးဌာန ဝန်ထမ်းဟောင်းများ၊ မြန်မာသံတမန် သင်တန်းကျောင်းမှနည်းပြများ၊ သင်တန်းသား သင်တန်းသူများနှင့် ဖိတ်ကြားထားသည့် ဧည့်သည်တော်များက ပျော်ရွှင်စွာပါဝင်ဆင်နွှဲကြသည်။ထို့နောက် သံတမန်သင်္ကြန်ပွဲတော်သို့ တက်ရောက်လာကြသည့် သံတမန်များနှင့် ဧည့်သည်တော်များအား မြန်မာ့ရိုးရာအစားအစာများဖြင့် တည်ခင်းဧည့်ခံပြီး နိုင်ငံခြားရေး ဝန်ကြီးဌာနမှ ဝန်ထမ်းများက သင်္ကြန်ယိမ်းအကအလှများဖြင့် သီဆိုကပြဖျော်ဖြေကြကာ ပါဝင်ဆင်နွှဲကြသူများသည် ပျော်ရွှင်စွာ အတူတကွ ရေပက်ကစားကြကြောင်း သိရသည်။moi
Wed, 15-Apr-2026
နေပြည်တော်လမ်းလျှောက်သင်္ကြန် သင်္ကြန်အကျနေ့တွင် လာရောက်လည်ပတ်ကြသူများဖြင့် ကြိတ်ကြိတ်တိုးစည်ကား , နေပြည်တော်လမ်းလျှောက်သင်္ကြန် သင်္ကြန်အကျနေ့တွင် လာရောက်လည်ပတ်ကြသူများဖြင့် ကြိတ်ကြိတ်တိုးစည်ကား
နေပြည်တော်လမ်းလျှောက်သင်္ကြန် သင်္ကြန်အကျနေ့တွင် လာရောက်လည်ပတ်ကြသူများဖြင့် ကြိတ်ကြိတ်တိုးစည်ကား
နေပြည်တော် ဧပြီ ၁၄နေပြည်တော်ရင်ပြင်၌ကျင်းပသည့် နေပြည်တော်လမ်းလျှောက်သင်္ကြန်တွင် ယနေ့သင်္ကြန်အကျနေ့ နံနက်ပိုင်းမှစတင်ကာ လာရောက်လည်ပတ်ကြသူပြည်သူများဖြင့် ကြိတ်ကြိတ်တိုးစည်ကားလျက်ရှိသည်။နေပြည်တော်လမ်းလျှောက်သင်္ကြန်ရှိ မြန်မာ့ရိုးရာသနပ်ခါးနှင့် လက်ဖက်ပွဲတော်မဏ္ဍပ်၊ ထမနဲမဏ္ဍပ်၊ ဝန်ကြီးဌာနအလိုက် သင်္ကြန်မဏ္ဍပ်များ၊ ဖျော်ဖြေရေးမဏ္ဍပ်များ၊ စတုဒိသာမဏ္ဍပ်များ ပါဝင်သည့်အပြင် အစားအစာရောင်းချသည့် ဆိုင်တန်းများ၊ ကလေးငယ်များအတွက် ရေလွှာလျှောစီးနှင့် ပျော့အိကစားကွင်းများကိုလည်း စီစဉ်ပေးထားသည်ကို တွေ့ရသည်။နေပြည်တော်လမ်းလျှောက်သင်္ကြန်သို့ လာရောက်လည်ပတ်ကြသည့် သင်္ကြန်ချစ်ပြည်သူများကို ရေကစားမဏ္ဍပ်များ၌ ပြည်တွင်းမှ နိုင်ငံကျော်အနုပညာရှင်များ၊ တေးသံရှင်များအပြင် ဘယ်လာရုစ်နိုင်ငံမှ အနုပညာရှင်များ၊ ကိုရီးယားနိုင်ငံ K-Pop အဆိုတော်များက DJ, Music Band များနှင့်တွဲဖက်၍ ပရိသတ်အကြိုက် တေးသီချင်းများဖြင့် မြိုင်မြိုင်ဆိုင်ဆိုင် သီဆိုကပြဖျော်ဖြေပေးကြပြီး သင်္ကြန်ချစ်ပြည်သူများက လိုက်ပါသီဆိုကခုန်ရင်း သင်္ကြန်အကျနေ့ကို ပျော်ရွှင်စွာ ဆင်နွှဲကြသည်။အလားတူ ဝန်ကြီးဌာနများအလိုက် မြန်မာ့ရိုးရာမဟာသင်္ကြန်ရေကစားမဏ္ဍပ်များနှင့် စတုဒိသာမဏ္ဍပ်တို့တွင် လမ်းလျှောက်သင်္ကြန် လည်ပတ်ကြသူများကို မြန်မာ့ရိုးရာအစားအစာများဖြင့် ဧည့်ခံကျွေးမွေးကြရာ အားပါးတရနှစ်ခြိုက်စွာ စုဝေးသုံးဆောင်ကြပြီး အစားအသောက်များရောင်းချသည့် ဆိုင်တန်းများတွင် စားသောက်ကုန်များ ပြတ်လပ်သည်အထိ ဝယ်ယူစားသုံးမှုများပြားခဲ့သည်။နေပြည်တော် လမ်းလျှောက်သင်္ကြန်အတွင်း ပြည်သူများရေကစားနေစဉ် ကျန်းမာရေးကိစ္စတစ်စုံတစ်ရာဖြစ်ပေါ်လာပါက အရေးပေါ်ကုသစောင့်ရှောက် ပေးနိုင်ရန် ကျန်းမာရေးဝန်ကြီးဌာန ကုသရေးဦးစီးဌာနမှ ကျန်းမာရေးစောင့်ရှောက်မှုဆေးခန်းများကိုလည်း ဖွင့်လှစ်ထားသည်။ယနေ့ သင်္ကြန်အကျနေ့တွင် နေပြည်တော်ရှိ အများပြည်သူများ အနားယူအပန်းဖြေနိုင်သည့် ရေပန်းဥယျာဉ်၊ တိရစ္ဆာန်ဥယျာဉ်၊ ဆာဖာရီဥယျာဉ်နှင့် အမျိုးသားအထိမ်းအမှတ် ဥယျာဉ်စသည့် နေရာများတွင် လည်ပတ်အနားယူအပန်းဖြေကြသည့် ပြည်သူများဖြင့် စည်ကားခဲ့ပြီး နေပြည်တော်အတွင်းရှိ ဘုရားစေတီများတွင်လည်း ကုသိုလ်ကောင်းမှုပြုကြသူများဖြင့် စည်ကားခဲ့ကြောင်း သိရသည်။မင်းကျော်စွာဓာတ်ပုံ - ကျော်ကြီး၊ ဖိုးပြည့်စုံmoi
Wed, 15-Apr-2026
၂၀၂၆ ခုနှစ် မန္တလေးလမ်းလျှောက်သင်္ကြန်ပွဲတော်ဖွင့်၊ သင်္ကြန်အကြိုနေ့တွင် ပြည်သူများ အေးချမ်းပျော်ရွှင်စွာ ပါဝင်ဆင်နွှဲ , ၂၀၂၆ ခုနှစ် မန္တလေးလမ်းလျှောက်သင်္ကြန်ပွဲတော်ဖွင့်၊ သင်္ကြန်အကြိုနေ့တွင် ပြည်သူများ အေးချမ်းပျော်ရွှင်စွာ ပါဝင်ဆင်နွှဲ
၂၀၂၆ ခုနှစ် မန္တလေးလမ်းလျှောက်သင်္ကြန်ပွဲတော်ဖွင့်၊ သင်္ကြန်အကြိုနေ့တွင် ပြည်သူများ အေးချမ်းပျော်ရွှင်စွာ ပါဝင်ဆင်နွှဲ
မန္တလေး ဧပြီ ၁၃မန္တလေးမြို့တွင် နှစ်ဟောင်းမှ အညစ်အကြေးများကို ဆေးကြောဖယ်ရှားကာ နှစ်သစ်ကို ကြိုဆိုကြမည့် မြန်မာ့ရိုးရာ မဟာသင်္ကြန်ပွဲတော်ကို အစဉ်အလာမပျက် စည်ကားသိုက်မြိုက်စွာကျင်းပရာ မန္တလေး မြို့သူ မြို့သားများသာမက အနယ်နယ်အရပ်ရပ်မှ ပြည်သူများပါ စိတ်ဝင်တစား စောင့်မျှော် နေခဲ့ကြသည့် “မန္တလေးလမ်းလျှောက်သင်္ကြန်ပွဲတော်” ကို ယနေ့ သင်္ကြန်အကြိုနေ့တွင် ဖွင့်လှစ်သည်။သင်္ကြန်အကြိုနေ့ ညနေပိုင်းတွင် မန္တလေးမြို့တော်ဝန် မဟာသင်္ကြန်မဏ္ဍပ် ဖွင့်ပွဲအခမ်းအနားကို ကျောင်းသူ အင်အား ၅၀၀ နှင့် လှပျိုဖြူ အင်အား ၄၀၀ စုစုပေါင်းအင်အား ၉၀၀ တို့၏ ညီညာလှပသော ယိမ်းအကအလှများနှင့်အတူ မြန်မာ့ယဉ်ကျေးမှုဓလေ့ကို ဖော်ထုတ်ပြသသည့် ရိုးရာအကအလှများဖြင့် ကျင်းပခဲ့ပြီး မန္တလေးသင်္ကြန်၏ အမှတ်သညာတစ်ခုဖြစ်သော သမိုင်းဝင်“မြို့မငွေငန်း” ကြီးသည်လည်း မြို့မတီးဝိုင်း၏ သံစဉ်များနှင့်အတူ ပြည်သူလူထုကို ဂါရဝပြုဖြတ်သန်း၍ မန္တလေးမြို့၏ ယဉ်ကျေးမှု အမွေအနှစ်ကို ဖော်ညွှန်းပြသခဲ့သည်။ဗဟိုမဏ္ဍပ်ကြီး ဖွင့်လှစ်ပြီးသည်နှင့်တစ်ပြိုင်နက် နိုင်ငံကျော် အဆိုတော်များ၏ သီဆိုဖျော်ဖြေမှုများ၊ မြန်မာ့ဆိုင်းဝိုင်းအဖွဲ့၏ ရိုးရာတီးခတ်မှုများနှင့်အတူ လမ်းလျှောက်သင်္ကြန်ပွဲတော်ကို လာရောက်ကြသည့် မန္တလေးဒေသခံများ၊ အနယ်နယ်အရပ်ရပ်မှ ပြည်သူများ၊ ရေပက်ခံထွက်သူများ၊ လမ်းလျှောက်ရေကစားသူများဖြင့် ကျုံးပတ်လည် တစ်လျှောက် စည်ကားခဲ့သည်။ ယခုနှစ် မန္တလေးလမ်းလျှောက်သင်္ကြန်၏ ထူးခြားချက်မှာ မော်တော်ယာဉ်များကို ကျုံးပတ်လည်သို့ ဝင်ရောက်ခွင့်မပြုဘဲ လမ်းလျှောက်သင်္ကြန်အဖြစ်သာ သီးသန့်ဖော်ဆောင်ထားသည့်အတွက် ပြည်သူများ အနေဖြင့် ယာဉ်အန္တရာယ်ကင်းရှင်းစွာ အေးချမ်းပျော်ရွှင်စွာ ရေကစားကြသည်။ ကျုံးပတ်လည်တစ်လျှောက်တွင်လည်း မဏ္ဍပ်ကြီး ၁၇ ခုနှင့် မဏ္ဍပ် အသေး ၂၈ ခုတို့ကို အစီအစဉ်တကျ နေရာချထားရာ ကျုံးအရှေ့ဘက်ခြမ်းဖြစ်သည့် (၆၆) လမ်းတွင် မဏ္ဍပ်ကြီးငါးခု၊ မဏ္ဍပ်အသေး လေးခု၊ အဓိကကျသည့် ကျုံးတောင်ဘက်အခြမ်း (၂၆) လမ်းတွင် ဗဟိုမဏ္ဍပ်ကြီး အပါအဝင် မဏ္ဍပ်ကြီး ခြောက်ခု၊ မဏ္ဍပ်အသေး ၁၃ ခု၊ ကျုံးအနောက်ဘက်ခြမ်းတွင် ဈေးချိုသူမဏ္ဍပ် အပါအဝင် မဏ္ဍပ်ကြီး သုံးခုနှင့် မဏ္ဍပ် အသေးခုနစ်ခု၊ ကျုံးမြောက်ဘက်ခြမ်းတွင် မဏ္ဍပ်ကြီးသုံးခုနှင့် မဏ္ဍပ်အသေး လေးခုတို့ဖြင့် သင်္ကြန်ပွဲတော်ကို စည်ကားစွာဆင်နွှဲကြသည်။ ယခုနှစ်ပွဲတော်တွင် တိုင်းရင်းသားရိုးရာမဏ္ဍပ်များကို ထည့်သွင်းတည်ဆောက်ထားပြီး အဆိုပါ မဏ္ဍပ်များတွင် တိုင်းရင်းသားများ၏ ရိုးရာအကအလှများကို ကပြဖျော်ဖြေနေကြသည့်အပြင် တိုင်းရင်းသားရိုးရာ အစားအစာများကိုပါ စတုဒိသာအဖြစ် ကျွေးမွေးလှူဒါန်းခြင်းကြောင့် အနယ်နယ် အရပ်ရပ်မှ လာရောက်ကြသော ပြည်သူများသည် ပျော်ရွှင်စွာ သင်္ကြန်ရေကစားရင်း ရိုးရာ အစားအစာများကို သုံးဆောင်ကြသည်။  ထို့ပြင် (၇၃) လမ်းပေါ်ရှိ မင်္ဂလာမန္တလေး လမ်းလျှောက်သင်္ကြန်၌လည်း Floating Street ဇုန်၊ Star Light Street ဇုန်၊ Flower Street ဇုန်နှင့် Water Street ဇုန် စသည်ဖြင့် ဇုန်များအလိုက် သတ်မှတ် ဆောင်ရွက်ထားရှိရာ လာရောက်ဆင်နွှဲကြသည့် ပြည်သူများဖြင့် စည်ကားလျက်ရှိသည်။ မန္တလေးကျုံးအနောက်ဘက်တွင် တည်ဆောက်ထားသည့် ဈေးချိုသူ ရေကစားမဏ္ဍပ်၌ မြန်မာ့ရိုးရာ ယဉ်ကျေးမှု အကအလှများ၊ ယဉ်ကျေးမှုမြို့တော်ဖြစ်သော မန္တလေးမြို့ကို ဖော်ကျူးသီဆိုထားသည့် တေးသီချင်းများတွဲဖက်၍ လှပညီညာစွာကပြဖျော်ဖြေကြသည့် ယိမ်းအဖွဲ့များနှင့် ခေတ်ပေါ် တေးသီချင်းများဖြင့် သင်္ကြန်ချစ်သူပြည်သူများအား မြိုင်မြိုင်ဆိုင်ဆိုင် ဖျော်ဖြေတင်ဆက်ကြရာ လာရောက် ရေကစားပါဝင်ဆင်နွှဲကြသူများဖြင့် စည်ကားခဲ့သည်။ မင်းထက်အောင် (မန်းကိုယ်ပွား)
Tue, 14-Apr-2026
မြောက်ဥက္ကလာပမြို့နယ်၌ မြန်မာ့ရိုးရာမဟာသင်္ကြန်ပွဲတော်နှင့် လမ်းလျှောက်သင်္ကြန်ဖွင့်ပွဲ အခမ်းအနား စည်ကားသိုက်မြိုက်စွာကျင်းပ
မြောက်ဥက္ကလာပမြို့နယ်၌ မြန်မာ့ရိုးရာမဟာသင်္ကြန်ပွဲတော်နှင့် လမ်းလျှောက်သင်္ကြန်ဖွင့်ပွဲ အခမ်းအနား စည်ကားသိုက်မြိုက်စွာကျင်းပ
ရန်ကုန်  ဧပြီ  ၁၃ ရန်ကုန်တိုင်းဒေသကြီး မြောက်ဥက္ကလာပမြို့နယ်၌  မြန်မာ့ရိုးရာမဟာသင်္ကြန်ပွဲတော်နှင့် လမ်းလျှောက် သင်္ကြန် ဖွင့်ပွဲအခမ်းအနားကို ယနေ့ နံနက်  ၁၀ နာရီ က (ဃ) ရပ်ကွက် သုဓမ္မာ လမ်းမကြီး ဥက္ကလာသီရိ ပန်းခြံရှေ့  ဥက္ကလာရင်ခွင်ဗဟိုမဏ္ဍပ်၌ စည်ကားသိုက်မြိုက်စွာ ကျင်းပရာ  မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးမိုးသူက နှစ်သစ်ကူးအမှာစကား ပြောကြားပြီး မြန်မာသက္ကရာဇ်  ၁၃၈၇ ခုနှစ် မြန်မာ့ရိုးရာမဟာသင်္ကြန်ပွဲတော်ကို မြို့နယ်စီမံခန့်ခွဲရေး နှင့် အုပ်ချုပ်ရေးကော်မတီ အဖွဲ့ဥက္ကဋ္ဌနှင့် အဖွဲ့ဝင်များ၊ လွှတ်တော်ကိုယ်စားလှယ်များက ဖဲကြိုးဖြတ် ဖွင့်လှစ်ပေးခဲ့ သည်။   ထို့နောက် မြန်မာ့ရိုးရာယဉ်ကျေးမှုယိမ်းအဖွဲ့များက အကအလှများဖြင့် ဖျော်ဖြေကြပြီး တာဝန်ရှိသူများက အတာရေဖြင့် ယိမ်းအဖွဲ့များနှင့် ပရိသတ်များအား ရေပက်ဖျန်း၍  လမ်းလျှောက် သင်္ကြန်အတွင်း လှည့်လည်ကြည့်ရှုအားပေးကာ ပြည်သူများနှင့်အတူ တပျော်တပါး ပါဝင်ဆင်နွှဲ ခဲ့ကြကာ တေးသံရှင်များနှင့် ယိမ်းအကအဖွဲ့များက သင်္ကြန်တေးသီချင်းများဖြင့် ဆက်လက် ဖျော်ဖြေကြသည်။ မဟာသင်္ကြန်ကာလအတွင်း   ဥက္ကလာရင်ခွင် မဏ္ဍပ်အတွင်း စတုဒိသာ ကျွေးမွေးခြင်းနှင့် ဥက္ကလာသီရိပန်းခြံ လမ်းလျှောက်သင်္ကြန်အတွင်း ပြည်သူများက တပျော်တပါး ဆင်နွှဲကြကြောင်း သိရသည်။ သက်လွင်စိုး (ပြန်/ဆက်)MDN
Tue, 14-Apr-2026
၁၃၈၇ ခုနှစ် မြန်မာ့ရိုးရာမဟာသင်္ကြန်မဏ္ဍပ်ဖွင့်ပွဲနှင့် လမ်းလျှောက်သင်္ကြန်ပွဲတော်ဖွင့်ပွဲ နိုင်ငံတစ်ဝန်း မြို့နယ်များ၌ ကျင်းပမှုမြင်ကွင်းများ , ၁၃၈၇ ခုနှစ် မြန်မာ့ရိုးရာမဟာသင်္ကြန်မဏ္ဍပ်ဖွင့်ပွဲနှင့် လမ်းလျှောက်သင်္ကြန်ပွဲတော်ဖွင့်ပွဲ နိုင်ငံတစ်ဝန်း မြို့နယ်များ၌ ကျင်းပမှုမြင်ကွင်းများ
၁၃၈၇ ခုနှစ် မြန်မာ့ရိုးရာမဟာသင်္ကြန်မဏ္ဍပ်ဖွင့်ပွဲနှင့် လမ်းလျှောက်သင်္ကြန်ပွဲတော်ဖွင့်ပွဲ နိုင်ငံတစ်ဝန်း မြို့နယ်များ၌ ကျင်းပမှုမြင်ကွင်းများ
Tue, 14-Apr-2026
ကချင်ပြည်နယ် မြစ်ကြီးနားမြို့၌ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ဗဟိုမဏ္ဍပ်ဖွင့်လှစ်
ကချင်ပြည်နယ် မြစ်ကြီးနားမြို့၌ မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ဗဟိုမဏ္ဍပ်ဖွင့်လှစ်
မြစ်ကြီးနား ဧပြီ ၁၃ ကချင်ပြည်နယ်အစိုးရအဖွဲ့ကကြီးမှူး၍ မြန်မာ့ရိုးရာယဉ်ကျေးမှုမဟာသင်္ကြန်ပွဲတော် ဗဟိုမဏ္ဍပ်ဖွင့်ပွဲ အခမ်းအနားကို ယနေ့မွန်းလွဲပိုင်းက မြစ်ကြီးနားမြို့ ဆွမ်ပရာဘွမ်လမ်းမပေါ်ရှိ လမ်းလျှောက်သင်္ကြန် ပွဲတော်ကို ဗဟိုမဏ္ဍပ်ရှေ့၌ ကျင်းပသည်။ ဖွင့်ပွဲတွင် ကချင်ပြည်နယ်ဝန်ကြီးချုပ် ဦးခက်ထိန်နန်က ကချင်ပြည်နယ် မြန်မာ့ရိုးရာယဉ်ကျေးမှု မဟာသင်္ကြန်ပွဲတော် ဗဟိုမဏ္ဍပ်အားဖွင့်လှစ်ကြောင်းကြေညာပြီး ပြည်နယ်လွှတ်တော်ဥက္ကဋ္ဌ ဦးရားဝမ်ဂျုံ၊ မြောက်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် အောင်ဇော်ထွေး၊ ပြည်နယ် တရားလွှတ်တော်တရားသူကြီးချုပ် ဒေါ်အေးအေးမော်နှင့် ပြည်နယ်ဝန်ကြီးများက ဖဲကြိုးဖြတ် ဖွင့်လှစ်ပေးကြသည်။ ယင်းနောက် ယိမ်းအဖွဲ့များက သင်္ကြန်တေးသီချင်းဖြင့် ကပြဖျော်ဖြေကြရာ ပြည်နယ်ဝန်ကြီး ချုပ်နှင့်ဇနီး၊ ပြည်နယ်လွှတ်တော်ဥက္ကဋ္ဌ၊ တိုင်းမှူး၊ ပြည်နယ်တရားလွှတ်တော် တရားသူကြီးချုပ်၊ ပြည်နယ်ဝန်ကြီးများနှင့် ၎င်းတို့၏ ဇနီးများ၊ တာဝန်ရှိသူများက ယိမ်းအဖွဲ့များကို လိုက်လံကြည့်ရှု အားပေးကြပြီး တက်ရောက်လာကြသော ပြည်နယ်/ ခရိုင်/ မြို့နယ်အဆင့် ဌာနဆိုင်ရာများ၊ ဧည့်သည်တော်များကို အတာရေဖြင့် ပက်ဖျန်းပေးကြသည်။ ဆက်လက်၍ ဗဟိုမဏ္ဍပ်၌ ယိမ်းအကအလှများဖြင့် ဖျော်ဖြေတင်ဆက်မှု၊ မလိခ Music Band နှင့် အတူ ဒေသခံအဆိုတော်များ၏ ခေတ်ပေါ်တေးသီချင်းဖြင့် သီဆိုဖျော်ဖြေတင်ဆက်မှုများကို သင်္ကြန်ချစ်သူများ၊ ဒေသခံပြည်သူများနှင့်အတူ အားပေးကြည့်ရှုပြီး ကပြသီဆိုဖျော်ဖြေပေးကြ သူများကို ချီးမြှင့်ငွေများပေးအပ်သည်။ ထို့ပြင် စတုဒိသာမဏ္ဍပ်များတွင် လာရောက်လည်ပတ် သူများကို မြန်မာ့ရိုးရာလက်ဖက်၊ သင်္ကြန်အစားအစာများဖြင့် ဧည့်ခံကျွေးမွေးခဲ့ကြကြောင်း သိရသည်။ ပြည်နယ်(ပြန်/ဆက်)MDN
Tue, 14-Apr-2026
© Copyright 2024 SAC All Rights Reserved.