ကျောက်ဆည်မြို့၌ စိတ်ပိုင်းဆိုင်ရာကျန်းမာရေးနှင့် စိတ်လူမှုရေးအထောက်အပံ့ပေးရေးသင်တန်း ဆက်လက်ပို့ချ

KookieSpace97

News Image

  • ကျောက်ဆည်မြို့၌ စိတ်ပိုင်းဆိုင်ရာကျန်းမာရေးနှင့် စိတ်လူမှုရေးအထောက်အပံ့ပေးရေးသင်တန်း ဆက်လက်ပို့ချ

ကျောက်ဆည် မတ် ၂၆

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင် စိတ်ပိုင်းဆိုင်ရာ ကျန်းမာရေးနှင့် စိတ် လူမှုဆက်ဆံရေး အထောက်အပံ့ပေးခြင်း (မြို့နယ်အဆင့်) သင်တန်းဆွေးနွေးပွဲကို ယနေ့နံနက် (၁၀) နာရီက အမှတ် (၁) အခြေခံပညာအထက်တန်းကျောင်းတွင် (ဒုတိယ)နေ့အဖြစ် ဆက်လက် ကျင်းပပြုလုပ်ခဲ့သည်။

သင်တန်းအား သင်တန်းကျင်းပရေးလုပ်ငန်းကော်မတီဖွဲ့စည်း၍ ကြီးကြပ်သူ တစ်ဦး၊ သင်တန်းနည်းပြ ၁၈ ဦး၊ ရုံး အဖွဲ့ ၂ ဦးဖြင့် ဖွင့်လှစ်ထားရှိပြီး သင်တန်းသား/ သင်တန်းသူ ၂၁၂ ဦး တက်ရောက်လျက်ရှိပြီး သင်တန်း တက်ရောက်ခြင်းဖြင့် ကျောင်းများနှင့်အခြားသောပညာသင်ယူရေးဌာနများတွင် စိတ်ကျန်းမာရေးနှင့် စိတ်လူမှု ဆက်ဆံရေးအထောက်အပံ့ပေးခြင်း အရေးကြီးပုံနှင့် ဆောင်ရွက်ရမည့်လုပ်ငန်းများ လုပ်ငန်းမျိုးမျိုးကို နားလည် သဘောပေါက်ပြီး ထိုလုပ်ငန်းများကို တစ်ကျောင်းလုံးနှင့်ဆိုင်သည့် ပုံမှန်လုပ်ငန်းတစ်ရပ်အနေဖြင့် အကောင်အထည် ဖော်ရာ၌ ဦးဆောင်နိုင်ခြင်း၊ ကျောင်းကလေးများအား စိတ်ပိုင်းဆိုင်ရာာ ကနဦးကူညီစောင့်ရှောက်မှုပေးနိုင်ခြင်း၊ သက်ဆိုင်ရာအဖွဲ့အစည်းများနှင့်ပေါင်းစပ်ညှိနှိုင်းဆောင်ရွက်နိုင်ခြင်း၊ ကျောင်းတွင်းဆွေးနွေးပွဲများကို ဦးဆောင် ဆွေးနွေးနိုင်ခြင်း အသိပညာပေး ဆွေးနွေးမှုများနှင့် စည်းရုံးမှုများ လုပ်ဆောင်နိုင်ခြင်း စသည့်အကျိုးကျေးဇူးများ ရရှိနိုင်မည်ဖြစ်ကြောင်း သိရသည်။

သက်မောင်(ကျောက်ဆည်) 

MM-News-Category
လူမှုရေးကဏ္ဍသတင်း
လူမှုရေး-ပညာရေး

ဆက်စပ်သတင်းများ

ပြည်ထောင်စုနယ်မြေ နေပြည်တော် ပျဉ်းမနားခရိုင် ပျဉ်းမနားမြို့နယ် ရွာကောက်ရပ်ကွက် ပါဠိတက္ကသိုလ်မင်္ဂလာဇေယျုံကျောင်းတိုက် ပဓာနနာယက အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိကဓဇ ပါဠိဆရာတော်ကြီး ဘဒ္ဒန္တဝိမလဗုဒ္ဓိမဟာထေရ်၏ ထေရုပ္ပတ္တိအကျဉ်း
ပြည်ထောင်စုနယ်မြေ နေပြည်တော် ပျဉ်းမနားခရိုင် ပျဉ်းမနားမြို့နယ် ရွာကောက်ရပ်ကွက် ပါဠိတက္ကသိုလ်မင်္ဂလာဇေယျုံကျောင်းတိုက် ပဓာနနာယက အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိကဓဇ ပါဠိဆရာတော်ကြီး ဘဒ္ဒန္တဝိမလဗုဒ္ဓိမဟာထေရ်၏ ထေရုပ္ပတ္တိအကျဉ်း
ဖွားမြင်တော်မူခြင်းဆရာတော်လောင်းလျာသည် မန္တလေးတိုင်းဒေသကြီး ဝမ်းတွင်းမြို့နယ် ရွာရှည်ရွာ ခမည်းတော် ဦးပေါ်အေး - မယ်တော် ဒေါ်ဖွားရှင်တို့က ၁၃၀၉ ခုနှစ် နတ်တော်လပြည့်ကျော် ၆ ရက် ဗုဒ္ဓဟူးနေ့တွင် ဖွားမြင်တော်မူသော သားရတနာဖြစ်ပါသည်။ရှင်ရဟန်းပြုတော်မူခြင်းဆရာတော်လောင်းလျာသည် ၁၃၁၈ ခုနှစ် တပေါင်းလဆန်း ၁၂ ရက်နေ့တွင် မန္တလေးတိုင်းဒေသကြီး ဝမ်းတွင်းမြို့နယ် ရွာရှည်ရွာ ရွာရှည်ကျောင်းဆရာတော်ကြီး ဘဒ္ဒန္တပညာဝံသ မဟာထေရ်အား ဥပဇ္ဈာယ်ပြုလျက် ခမည်းတော်နှင့် မယ်တော်တို့၏ ပစ္စယာနုဂ္ဂဟကိုခံယူ၍ ရှင်သာမဏေအဖြစ်သို့ရောက်ရှိခဲ့ပြီး ၁၃၂၈ ခုနှစ် တပို့တွဲလဆန်း ၉ ရက်နေ့တွင် မိတ္ထီလာမြို့ ဝမ်းတော်ပြည့်ကျောင်းတိုက် ခဏ္ဍသိမ်၌ သဲတောမြို့ ကိုးတောင်ပြည့်ကျောင်းတိုက်ဆရာတော် ဘဒ္ဒန္တဇာဂရ မဟာထေရ်အား ဥပဇ္ဈာယ်ပြုတော်မူလျက် တောင်ကြီးမြို့ မင်္ဂလာဦးရပ်ကွက်နေ ရဟန်းဒါယကာ ဦးလှဝင်း - ရဟန်းဒါယိကာမ ဒေါ်လှဝင်းမိသားစုတို့၏ ပစ္စယာနုဂ္ဂဟကိုခံယူ၍ မြင့်မြတ်သော ရဟန်းအဖြစ်သို့ ရောက်ရှိတော်မူခဲ့ပါသည်။ပရိယတ္တိစာပေသင်ယူ ဆည်းပူးတော်မူခြင်းဆရာတော်လောင်းလျာသည် မန္တလေးတိုင်းဒေသကြီး ဝမ်းတွင်းမြို့နယ် ရွာရှည်ရွာ ရွာရှည်ကျောင်းဆရာတော်ကြီး ဘဒ္ဒန္တပညာဝံသ၊ မိတ္ထီလာမြို့ အသောကာရုံ ရေလည်ကျောင်းတိုက်၏ ပဓာနနာယက နိုင်ငံတော်ဩဝါဒါစရိယ အဘိဓဇအဂ္ဂမဟာသဒ္ဓမ္မဇောတိက ဘဒ္ဒန္တ လာဘာဝတ၊ မန္တလေးမြို့ မစိုးရိမ်တိုက်သစ် နာယကချုပ်ဆရာတော် ဘဒ္ဒန္တသီရိန္ဒာဘိဝံသ၊ ဘဒ္ဒန္တရာဇဓမ္မာဘိဝံသ၊ ဘဒ္ဒန္တ နာယကာဘိဝံသ အစရှိသော မစိုးရိမ်နာယကဆရာတော်များ၊ မစိုးရိမ်တိုက်ကြီးမှ စာချနာယက ဆရာတော်များ၊ မြတောင်တိုက်ရွှေဝါဝင်းကျောင်းဆရာတော် အစရှိသော ဆရာတော်များထံ၌ စာပေသင်ယူဆည်းပူးတော်မူခဲ့ပြီး “သာသနဓဇဓမ္မာစရိယ” ဘွဲ့ကို ရရှိတော်မူခဲ့ပါသည်။သာသနာရေးအားပေး ဆောင်ရွက်တော်မူခြင်းဆရာတော်သည် သံဃာ့အဖွဲ့အစည်းအဆင့်ဆင့်၌ ဒုတိယအကြိမ် မြို့နယ်သံဃနာယကအဖွဲ့ဝင်၊ တတိယအကြိမ် မြို့နယ်သံဃနာယက အကျိုးဆောင်၊ စတုတ္ထအကြိမ် မြို့နယ်သံဃနာယကအဖွဲ့ဥက္ကဋ္ဌ၊ ပဉ္စမအကြိမ် မြို့နယ်သံဃနာယကအဖွဲ့ဥက္ကဋ္ဌ၊ ဆဋ္ဌမအကြိမ် နိုင်ငံတော်ဗဟိုသံဃာ့ဝန်ဆောင်နှင့် နိုင်ငံတော်သံဃမဟာနာယကအဖွဲ့ဝင် ဆရာတော်အဖြစ် သံဃာ့အဖွဲ့အစည်းအဆင့်ဆင့်၏ တာဝန်များ၊ နေပြည်တော် ဓာတုစယဓာတ်ပေါင်းစုစေတီတော်တည်ထားရာ၌ ဩဝါဒါစရိယအဖြစ်လည်းကောင်း၊ ဥပ္ပါတသန္တိစေတီတော်မြတ်ကြီး၏ ဩဝါဒါစရိယအဖြစ်လည်းကောင်း၊ သတ္တသတ္တာဟ စေတီတော်မြတ်ကြီး၏ ဩဝါဒါစရိယဆရာတော်အဖြစ်လည်းကောင်း၊ ပျဉ်းမနားမြို့၊ သမိုင်းဝင်ဆုတောင်းပြည့် လောကမာရဇိန်စေတီတော်မြတ်ကြီးနှင့် ဘုရားကိုးဆူစေတီတော်မြတ်ကြီးတို့၏ ဩဝါဒါစရိယ ဆရာတော်အဖြစ်လည်းကောင်း ဆောင်ရွက်ခဲ့ပါသည်။ နေပြည်တော် ပျဉ်းမနားမြို့၌ ဓမ္မာစရိယ စာဖြေဌာနနှင့် နိကာယ်စာဖြေဌာနများဖြစ်ပေါ်လာအောင် တာဝန်ယူဆောင်ရွက်တော်မူခဲ့ပြီး စာမေးပွဲဆိုင်ရာကိစ္စများ၌ နိကာယ်စာမေးပွဲ၊ အစိုးရဓမ္မာစရိယစာမေးပွဲ၊ ပါဠိပထမပြန်စာမေးပွဲနှင့် ယဉ်ကျေးမှုစာမေးပွဲများ၏ ဩဝါဒါစရိယဆရာတော်အဖြစ် သာသနာရေးဆိုင်ရာတာဝန်များကို ထမ်းဆောင်ခဲ့ပါသည်။ဘွဲ့တံဆိပ်တော် အလှူခံရရှိတော်မူခြင်းဤသို့လျှင် ဗုဒ္ဓသာသနာတော်အကျိုးကို ထက်သန်သောဝီရိယဖြင့် သယ်ပိုးဆောင်ရွက်တော်မူခဲ့သော သာသနဓုရာဝဟဂုဏ်၊ ပရိယတ္တိဆေကဂုဏ်၊ ပိဋကတ္တယဆေကဂုဏ်၊ ရတ္တညူမဟာနာယကဂုဏ်၊ ခမာဇာဂရိယဂုဏ်၊ လဇ္ဇီပေသလ သိက္ခာကာမဂုဏ် စသည်တို့နှင့် ပြည့်စုံတော်မူခြင်းကြောင့် နိုင်ငံတော်အစိုးရက ဆရာတော်ကြီးအား ၂၀၁၄ ခုနှစ်တွင် အဂ္ဂမဟာပဏ္ဍိတ ဘွဲ့တံဆိပ်တော်၊ ၂၀၁၈ ခုနှစ်တွင် အဂ္ဂမဟာသဒ္ဓမ္မဇောတိကဓဇ ဘွဲ့တံဆိပ်တော်တို့ကို ဆက်ကပ်လှူဒါန်းခဲ့ပါသည်။ဘဝနတ်ထံပျံလွန်တော်မူခြင်းဆရာတော်ကြီးသည် သာသနာတော်အကျိုးကို သယ်ပိုးဆောင်ရွက်တော်မူရင်း သက်တော် ၇၉ နှစ်၊ သိက္ခာတော် ၅၉ ဝါအရ ၁၃၈၇ ခုနှစ်၊ နှောင်းတန်ခူးလပြည့်ကျော် ၈ ရက် (၉-၄-၂၀၂၆) ကြာသပတေးနေ့၊ မွန်းလွဲ ၁ နာရီ ၁၉ မိနစ်အချိန်တွင် ဘဝနတ်ထံပျံလွန်တော်မူကြောင်း သာသနာရေးဦးစီးဌာနမှ သတင်းရရှိပါသည်။moi
Mon, 13-Apr-2026
ကျောက်ဆည်မြို့၌ ၁၃၈၇ ခုနှစ် မြန်မာ့ရိုးရာယဉ်ကျေးမှု မဟာသင်္ကြန် ပွဲတော်ကို စည်ကားသိုက်မြိုက်စွာ ကျင်းပ သွားမည်ဖြစ်
ကျောက်ဆည်မြို့၌ ၁၃၈၇ ခုနှစ် မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို စည်ကားသိုက်မြိုက်စွာ ကျင်းပသွားမည်ဖြစ်
ကျောက်ဆည် ဧပြီ  ၁၂မန္တလေးတိုင်းဒေသကြီး ကျောက်ဆည်မြို့၌ ကျင်းပပြုလုပ်မည့် ၁၃၈၇ ခုနှစ် မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို  ယဉ်ကျေးမှုယိမ်းအကများ၊ ခေတ်ပေါ်တေးဂီတနှင့်သီဆိုဖျော်ဖြေမှုများ၊ စတုဒိသာကျွေးခြင်းများ၊ လမ်းလျှောက်သင်္ကြန်တို့ဖြင့် စည်ကားသိုက်မြိုက်စွာ ကျင်းပသွားမည်ဖြစ် ကြောင်းသိရသည်။၁၃၈၇ ခုနှစ် မြန်မာ့ရိုးရာယဉ်ကျေးမှု မဟာသင်္ကြန်ပွဲတော်တွင်  ဗဟိုမဏ္ဍပ်အပြင် လမ်းလျှောက်သင်္ကြန်ကိုလည်း ဗဟိုမဏ္ဍပ်အနီးတွင် ကျင်းပပြုလုပ်သွားမည်ဖြစ်ကြောင်း၊ မြို့ပေါ်ရပ်ကွက် အုပ်စုများတွင်လည်း ရေကစားမဏ္ဍပ် များ အသီးသီးဆောက်လုပ်ထားကြောင်း သိရသည်။ မြန်မာ့ရိုးရာမဟာသင်္ကြန်ပွဲတော်တွင် သင်္ကြန်အကြိုရက်မှစ၍ အတက်ရက်နေ့အထိ ဗဟိုမဏ္ဍပ်တွင် ဌာနဆိုင်ရာ များနှင့်ရပ်ကွက်များမှ ယိမ်းအကများ၊ တေးသံရှင်များမှ ခေတ်ပေါ်တေးသီချင်းများဖြင့် သီဆိုဖျော်ဖြေသွားမည်ဖြစ်ပြီး  စတုဒိသာများလည်း ကျွေးမွေးသွားမည်ဖြစ်ကြောင်းနှင့် ဖွင့်ပွဲ၊ အက ပြိုင်ပွဲ၊ ဆုချီးမြှင့်ပွဲ၊ ပိတ်ပွဲများကိုလည်း စည်ကားသိုက်မြိုက်စွာ ကျင်းပပြုလုပ်သွားမည် ဖြစ်ကြောင်း သိရသည်။သက်မောင် (ကျောက်ဆည်) 
Sun, 12-Apr-2026
ကျောက်ဆည်မြို့၌ အပူဒဏ်ကာကွယ်ရေး အသိပညာပေး ဟောပြောပွဲ ကျင်းပ
ကျောက်ဆည်မြို့၌ အပူဒဏ်ကာကွယ်ရေး အသိပညာပေး ဟောပြောပွဲ ကျင်းပ
မန္တလေး  ဧပြီ ၁၀မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၊ ဆူးကုန်းအုပ်စု၊ အရှေ့ အေးမြ သာစည် ရပ်ကွက်၌ ယနေ့နံနက် ၉ နာရီက ကျောက်ဆည်ခရိုင်ပြန်ကြားရေးနှင့် ပြည်သူ့ဆက်ဆံရေး ဦးစီးဌာန၊ မြို့နယ်ကျန်းမာရေးဦးစီးဌာနနှင့် မြို့နယ်အမျိုးသမီးရေးရာအဖွဲ့တို့ ပူးပေါင်း၍ အပူဒဏ် ကာကွယ်ရေး အသိပညာပေး ဟောပြောပွဲ ပြုလုပ်ခဲ့သည်။အသိပညာပေး ဟောပြောပွဲတွင် မြို့နယ်ကျန်းမာရေးဦးစီးဌာနမှ လက်ထောက်ကျန်းမာရေးမှူး ဒေါ်ဇာဇာစိမ်း ကအပူဒဏ်အန္တရာယ် ကြိုတင်ကာကွယ်ရေး တတ်နိုင်သမျှ အရိပ်ရ၍ အေးမြသောနေရာတွင် နေထိုင်ရန်၊ ခန္ဓာကိုယ်အား နေရောင်ခြည်နဲ့ တိုက်ရိုက်မထိ‌တွေ့စေရန်၊ အရောင်ဖျော့သည့် ချည်ထည်များကို ဝတ်ဆင်ရန်၊ မဖြစ်မနေအပြင်ထွက်ရပါက ထီး၊ ဦးထုပ်တို့ကို ဆောင်းရန်၊ ရေများများ သောက်ရန်နှင့် အပူဒဏ်ကြောင့် ဖြစ်တတ်သောရောဂါများအကြောင်းကို အသိပညာပေးဟောပြောခဲ့ပြီး ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်ခင်နှင်းရီက နေပူထဲမှ ပြန်လာပြီး ချက်ချင်း ရေချိုးခြင်းကို ရှောင်ကျဉ်ရန်၊ အရက်သေစာ သောက်သုံးခြင်းသည် အပူဒဏ်ကို ပိုမိုခံစားရသည့်အတွက် ရှောင်ကျဉ်ကြရန် စသည့် အပူဒဏ် ကာကွယ်ရေး အကြောင်းများ ဟောပြောခဲ့ကြောင်း သိရသည်။ထို့နောက် ဟောပြောပွဲသို့ တက်ရောက်လာသည့် ပြည်သူများက သိရှိလိုသည်များကိုပြန်လည် မေးမြန်း ခဲ့ပြီး မြို့နယ်ပြည်သူ့ကျန်းမာရေးဦးစီးဌာနမှ ဓာတ်ဆားထုပ်များနှင့် သက်ကြီးရွယ်အိုများအတွက် အားတိုးဆေးများ၊  မြို့နယ်အမျိုးသမီးရေးရာအဖွဲ့ဥက္ကဋ္ဌ  ဒေါ်နှင်းယုသင်းနှင့် အမျိုးသမီးရေးရာအဖွဲ့ဝင်များ၊ မြို့နယ်မိခင်နှင့်ကလေးစောင့်ရှောက်ရေး အသင်းဝင်များက အချိုရည်ဗူးများ ဝေငှခဲ့ကြောင်း သိရသည်။ သက်မောင်(ကျောက်ဆည်)
Fri, 10-Apr-2026
မြန်မာသက္ကရာဇ် ၁၃၈၇ ခုနှစ်၊ မဟာသင်္ကြန်ပွဲတော်နှင့်စပ်လျဉ်း၍ သာသနာရေးနှင့်ယဉ်ကျေးမှုဝန်ကြီးဌာန၏ နှိုးဆော်ချက်
မြန်မာသက္ကရာဇ် ၁၃၈၇ ခုနှစ်၊ မဟာသင်္ကြန်ပွဲတော်နှင့်စပ်လျဉ်း၍ သာသနာရေးနှင့်ယဉ်ကျေးမှုဝန်ကြီးဌာန၏ နှိုးဆော်ချက်
၁။      မြန်မာသက္ကရာဇ် ၁၃၈၇ ခုနှစ်၊ နှောင်းတန်ခူးလပြည့်ကျော် ၁၃ ရက်နေ့မှ နှောင်းကဆုန်လဆန်း ၁ ရက်နေ့သည် နှစ်ဟောင်းမှနှစ်သစ်သို့ ကူးပြောင်းသည့် မဟာသင်္ကြန် အခါတော် ဖြစ်ပါသည်။၂။       ဤအခါသမယတွင် မြန်မာလူမျိုးတို့သည် သက်ကြီးဝါကြီးများအား ပူဇော်သက္ကာယပြုခြင်း၊ ရှင်ပြုရဟန်းခံအလှူမင်္ဂလာများ ကျင်းပခြင်းနှင့် တိရစ္ဆာန်များ ဘေးမဲ့လွှတ်ခြင်း စသောမင်္ဂလာအမှုတို့ကို ပြုမြဲဖြစ်ပါသည်။၃။      ထို့အပြင် နှစ်ဟောင်းတွင် ကိုယ်စိတ်နှစ်ပါးတို့၌ အညစ်အကြေးများရှိခဲ့ပါက ဆေးကြောသန့်စင်သည့်အနေဖြင့် တစ်ဦးနှင့်တစ်ဦး ကြည်လင်သန့်ရှင်းမွှေးပျံ့သင်းသည့် နံ့သာရည်များကို သပြေခက်ဖြင့် ပက်ဖျန်းကြသည့် ဓလေ့အစဉ်အလာလည်းရှိပါသည်။၄။      သို့သော် လူငယ်တို့သဘာဝအပျော်လွန်ရာမှ ကြမ်းတမ်းစွာ ရေကစားခြင်းဖြင့် တစ်ဖက်သားကို အနာတရဖြစ်စေခြင်း၊ တစ်ဖက် သား မခံမရပ်နိုင်သည်အထိ နောက်ပြောင်မိခြင်း၊ ခိုက်ရန်ဖြစ်ပွားခြင်း၊ ယာဉ်အန္တရာယ်ကျရောက်ခြင်း စသည့်အမင်္ဂလာများလည်း သက်ရောက် တတ်ပါသည်။၅။      ထို့ကြောင့် ၁၃၈၇ ခုနှစ်၊ မြန်မာ့ရိုးရာယဉ်ကျေးမှု မဟာသင်္ကြန် ပွဲတော်ကို အောက်ပါရည်ရွယ်ချက်များနှင့်အညီ ကျင်းပသွားရန် ဖြစ်ပါသည်-(က)    မြန်မာ့ရိုးရာယဉ်ကျေးမှု မဟာသင်္ကြန်ပွဲတော်ကို မြန်မာ့ ဓလေ့ထုံးတမ်းအစဉ်အလာနှင့်အညီ ရိုးရာမပျက် ဆက်လက်ထိန်းသိမ်းရန်၊(ခ)     ပြည်သူများ ကိုယ်စိတ်နှစ်ပါး ရွှင်လန်းချမ်းမြေ့စွာဖြင့် ရေသဘင်ပွဲတော်တွင် ယဉ်ကျေးသိမ်မွေ့စွာ ပါဝင်ဆင်နွှဲနိုင်ရန်၊(ဂ)     ပြည်သူများသည် မိမိတို့ ပင်ပန်းနွမ်းနယ်သမျှကို အတာရေ ပက်ဖျန်းလန်းဆန်းစေခြင်းဖြင့် နှစ်သစ်တွင် နိုင်ငံတော်၏ တာဝန်များကို စွမ်းအားပြည့် ဆောင်ရွက်နိုင်ကြစေရန်၊(ဃ)    မြန်မာမှု၊ မြန်မာ့ဟန်၊ မြန်မာ့ရိုးရာယဉ်ကျေးမှု အနှစ်သာရများ၊ အမျိုးသားရေးစရိုက်လက္ခဏာများကို ဆက်လက် ထိန်းသိမ်းစောင့်ရှောက်တတ်ကြစေရန်။၆။      သို့ဖြစ်ပါ၍ မြန်မာ့ရိုးရာယဉ်ကျေးမှု မဟာသင်္ကြန်ပွဲတော်၏ မွန်မြတ်သောရည်ရွယ်ချက်များကို ထိန်းသိမ်းသောအားဖြင့် အောက်ပါတို့ကို ရှောင်ကြဉ်ကြပါရန် နှိုးဆော်အပ်ပါသည်-(က)    မြန်မာ့ရိုးရာယဉ်ကျေးမှု ဓလေ့စရိုက်နှင့်ဖီလာဆန့်ကျင်ပြီး မြန်မာလူမျိုးများ၏အမြင်တွင် မတင့်တယ်သည့် နေထိုင်မှု၊ ပြုမူမှုများ ရှောင်ကြဉ်ကြပါရန်၊(ခ)     ဘာသာတရား၏ အဆုံးအမနှင့်မလျော်ညီသည့် ရုန့်ရင်းကြမ်းတမ်းစွာ ပြောဆိုမှုများ ရှောင်ကြဉ်ကြပါရန်၊(ဂ)     သူတစ်ပါးအား ဒဏ်ရာအနာတရဖြစ်စေပြီး အန္တရာယ်ဖြစ်စေ မည့်ကြမ်းတမ်းသည့် ရေကစားမှု၊ ထိပါးနှောင့်ယှက်မှုများ ရှောင်ကြဉ်ကြပါရန်၊(ဃ)    သူတစ်ပါး သို့မဟုတ် အဖွဲ့အစည်းတို့၏ ဂုဏ်သိက္ခာပျက်ပြား ထိခိုက်စေရန် တိုက်ရိုက်ဖြစ်စေ၊ သွယ်ဝိုက်၍ဖြစ်စေ ပြောဆိုခြင်း၊ သံချပ်ထိုးခြင်း၊ သီဆိုခြင်း၊ လှုပ်ရှားဆောင်ရွက်ခြင်း စသည့်အပြုအမူများ ရှောင်ကြဉ်ကြပါရန်၊(င)     မြန်မာ့ယဉ်ကျေးမှု အစဉ်အလာကို ထိန်းသိမ်းမြတ်နိုးတတ်သော အများပြည်သူတို့၏ အမြင်အာရုံတွင် အနှောင့်အယှက် ဖြစ်စေတတ်သည့် မြန်မာ့ယဉ်ကျေးမှုလွန် ဝတ်စားဆင်ယင်မှုမျိုးဝတ်ဆင်ခြင်းမှ ဆင်ခြင်ရှောင်ကြဉ်ကြပါရန်၊(စ)     မြန်မာ့ရိုးရာယဉ်ကျေးမှုမဟာသင်္ကြန်ကို ချစ်ခင်၍ ပျော်ရွှင်ကြလိုသူများဖြစ်သည်နှင့်အညီ အခြားနိုင်ငံသားများက မြန်မာ့ရိုးရာယဉ်ကျေးမှုအစဉ်အလာ မဟာသင်္ကြန်ကို လေးစားတန်ဖိုးထားမှု လျော့ပါးစေသော စရိုက်လက္ခဏာများ၊ အပြောအဆို၊ အဝတ်အစား၊ အစားအစာ၊ အကအခုန် များကို အလွန်အမင်းလိုက်စားပြုမူခြင်း၊ အရက်သေစာကို သိက္ခာကျလောက်အောင် သောက်စားမူးယစ်ခြင်းများ ဆင်ခြင်ရှောင်ကြဉ်ကြပါရန်။MOI
Fri, 10-Apr-2026
ဘင်္ဂလားဒေ့ရှ်နိုင်ငံတွင် ဝက်သက်ရောဂါ အကြီးအကျယ် ကူးစက် ပြန့်ပွား လျက်ရှိပြီး ၂၄ နာရီအတွင်း သံသယလူနာ ၁,၀၀၀ ကျော် ရှိကြောင်း အစိုးရထုတ်ပြန်
ဘင်္ဂလားဒေ့ရှ်နိုင်ငံတွင် ဝက်သက်ရောဂါ အကြီးအကျယ် ကူးစက်ပြန့်ပွားလျက်ရှိပြီး ၂၄ နာရီအတွင်း သံသယလူနာ ၁,၀၀၀ ကျော် ရှိကြောင်း အစိုးရထုတ်ပြန်
ဘင်္ဂလားဒေ့ရှ်နိုင်ငံတစ်ဝှမ်းတွင် ၂၄ နာရီအတွင်း ဝက်သက်ရောဂါ သံသယရှိသူပေါင်း ၁,၀၀၀ ကျော်ရှိကြောင်း အစိုးရက ထုတ်ပြန်လိုက်ပြီးနောက် နိုင်ငံအတွင်း အကြီးအကျယ် ကူးစက်ပြန့်ပွားနေသည့် ဝက်သက်ရောဂါကို အရှိန်အဟုန်မြှင့် တိုက်ဖျက်နေရသည်။အင်္ဂါနေ့ (ဧပြီ ၇) နံနက် ၈ နာရီမှ ဗုဒ္ဓဟူးနေ့ (ဧပြီ ၈) နံနက် ၈ နာရီအထိ ကာလအတွင်း ဝက်သက်ရောဂါ သံသယရှိသူ ၁,၂၄၈ ဦးနှင့် အတည်ပြု လူနာ ၁၈၉ ဦးရှိကြောင်း ကျန်းမာရေးဝန်ဆောင်မှု ညွှန်ကြားမှုဦးစီးဌာန (DGHS) က ပြောကြားသည်ဟု Dhaka Tribune သတင်းစာတွင် ဖော်ပြထားသည်။အဆိုပါကာလအတွင်း သေဆုံးသူ ၁၀ ဦးရှိပြီး ၎င်းတို့အနက် ၆ ဦးမှာ သံသယလူနာ ၅၀၅ ဦးဖြင့် ကူးစက်မှုအများဆုံးဖြစ်နေသည့် မြို့တော် ဒါကာမှ ဖြစ်သည်။ မတ်လ ၁၅ ရက်မှ ဧပြီလ ၈ ရက်အတွင်း တစ်နိုင်ငံ လုံးတွင် ဝက်သက်ရောဂါ သံသယရှိသူ ၁၁,၁၃၃ ဦးနှင့် အတည်ပြုလူနာ ၁,၅၉၉ ဦးရှိကြောင်း DGHS က အစီရင်ခံထားသည်။ ယခုအချက်အလက်များသည် အစိုးရဆေးရုံများတွင် မှတ်တမ်းတင်ထားသည့် ကိန်းဂဏန်းများသာဖြစ်ပြီး အမှန်တကယ် ကူးစက်ခံရသူအရေအတွက်မှာ ယခုထက်များစွာပိုမိုမြင့်မားနိုင်ကြောင်း ကျန်းမာရေး တာဝန်ရှိသူများက ဆိုသည်။ယခုအခါ အဆိုပါ တောင်အာရှနိုင်ငံတစ်ဝှမ်းတွင် ကူးစက်မှု၊ သေဆုံးမှုနှင့် ဆေးရုံတက်ရောက်ကုသရသူ အရေအတွက်များမှာ မြင့်တက်လျက်ရှိသည်။ တစ်လမပြည့်မီသောအချိန်အတွင်း ကလေးငယ် ၁၀၀ ကျော် သေဆုံးခဲ့သည့် အဆိုပါရောဂါ ကူးစက်မှုကို ထိန်းချုပ်နိုင်ရန် ကြိုးပမ်းသည့် အနေဖြင့် မြို့တော်ဒါကာတွင် အရေးပေါ် ဝက်သက်-ဂျာမန်ဝက်သက် ကာကွယ်ဆေးထိုးလုပ်ငန်းများကို ဆောင်ရွက်နေကြောင်း Associated Press သတင်းဌာနက ဖော်ပြခဲ့သည်။ကမ္ဘာ့ကျန်းမာရေးအဖွဲ့ (WHO) နှင့် ပူးပေါင်းကာ အန္တရာယ်ရှိသော ခရိုင် ၁၈ ခုတွင် အသက် ၆ လမှ ၅ နှစ်အတွင်းရှိ ကလေးငယ်များအား ကာကွယ်ဆေးထိုးနှံပေးခြင်းကို တနင်္ဂနွေနေ့ (ဧပြီ ၅) မှစတင်၍ ဆောင်ရွက်နေကြောင်း အစိုးရက ထုတ်ပြန်ထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Thu, 9-Apr-2026
မြန်မာနေရှင်နယ်လိဂ်ကလပ် ရတနာပုံအသင်း ရာသီသစ်အတွက် ကစားသမားစတင်ခေါ်ယူ
မြန်မာနေရှင်နယ်လိဂ်ကလပ် ရတနာပုံအသင်း ရာသီသစ်အတွက် ကစားသမားစတင်ခေါ်ယူ
ရန်ကုန်   ဧပြီ   ၈မြန်မာနေရှင်နယ်လိဂ်ကလပ် ရတနာပုံအသင်းသည် ရာသီသစ်အတွက် ကစားသမားများ စတင်ခေါ်ယူနေပြီး ပထမဆုံးခေါ်ယူမှုအဖြစ် လက်ရွေးစင်ဟောင်း တိုက်စစ်ကစားသမား ဆွမ်လမန်ကို ခေါ်ယူလိုက်ပြီဖြစ်သည်။ဆွမ်လမန်သည် မြန်မာ့လက်ရွေးစင် ကစားသမားအဖြစ် ကာလအတန်ကြာ  ပါဝင်ကစားခဲ့သလို  ပြည်တွင်း၊  ပြည်ပကလပ်အသင်းများစွာတွင် ကစားခဲ့သည့် အတွေ့အကြုံရှိ ကစားသမားတစ်ဦး ဖြစ်သည်။ ဆွမ်လမန်သည် MNL ကလပ်များဖြစ်သည့် ချင်းယူနိုက်တက်၊ ဇွဲကပင်ယူနိုက်တက်၊ ရန်ကုန်ယူနိုက်တက်၊ ရှမ်းယူနိုက်တက်၊ ဒဂုံစတားယူနိုက်တက်အသင်းတို့အပြင် ထိုင်းကလပ်အသင်းများတွင်လည်း   ကစားခဲ့သူဖြစ်ကာ   ဒဂုံစတားယူနိုက်တက်အသင်းတွင် နောက်ဆုံးကစားခဲ့ခြင်းဖြစ်သည်။ရတနာပုံအသင်းသည် နည်းပြချုပ်အဖြစ် ဦးမင်းထွန်းလင်းအား ခန့်အပ်ခဲ့ပြီးနောက် ၎င်းနှင့်လက်တွဲခဲ့ဖူးသည့် တိုက်စစ်ကစားသမား ဆွမ်လမန်ကို  စတင်ခေါ်ယူခဲ့ခြင်းဖြစ်သည်။သတင်း - ရှိုင်းထက်ဇော်MDN
Thu, 9-Apr-2026
© Copyright 2024 SAC All Rights Reserved.