အစိုးရသစ်၏ ရက်(၁၀၀)စီမံချက်အစီအစဉ်ဖြင့် ကျေးရွာမြေငှားဂရန်ထုတ်ပေးရေး ကွင်းဆင်းဆောင်ရွက်

NoahJune222

News Image

  • အစိုးရသစ်၏ ရက်(၁၀၀)စီမံချက်အစီအစဉ်ဖြင့် ကျေးရွာမြေငှားဂရန်ထုတ်ပေးရေး ကွင်းဆင်းဆောင်ရွက်

ပုသိမ် ဧပြီ ၂၀

 

ဧရာဝတီတိုင်းဒေသကြီး ပုသိမ်မြို့နယ် အထွေထွေအုပ်ချုပ်ရေး ဦးစီးဌာနအနေဖြင့် ပြည်သူ့အစိုးရသစ်၏ ရက်(၁၀၀) စီမံချက်အစီအစဉ်ဖြင့် ကျေးရွာမြေငှားဂရန်ထုတ်ပေးရေး လုပ်ငန်းဆိုင်ရာ ကိစ္စရပ်များ ရှင်းလင်းဆွေးနွေးခြင်းကို ယနေ့မွန်းလွဲပိုင်းက ပုသိမ်မြို့နယ် ရွှေမြင်တင်ကျေးရွာရှိ ကျွန်းခြားကျောင်းတိုက်ဓမ္မာရုံ၌ ဆောင်ရွက်သည်။

 

ဦးစွာ မြို့နယ်အုပ်ချုပ်ရေးမှူး ဦးအောင်ကျော်ဦး ဦးဆောင်သော မြို့နယ်အဆင့်ကျေးရွာမြေငှားဂရန် ထုတ်ပေးရေးလုပ်ငန်းအဖွဲ့က မြေငှားဂရန်လျှောက်ထားခွင့်ရှိသူများ၊ ကျေးရွာမြေအား မြေငှားဂရန် လျှောက်ထားရန် ကနဦးဆောင်ရွက်ရမည့်လုပ်ငန်းစဉ်များစသည့် ကျေးရွာမြေငှားဂရန် ထုတ်ပေးရေးလုပ်ငန်းဆိုင်ရာ ကိစ္စရပ်များကို ရှင်းလင်းဆွေးနွေးပြီး ကျေးရွာမြေငှားဂရန် လျှောက်ထားမည့် မြေနေရာများကို ကွင်းဆင်းကြည့်ရှုစစ်ဆေးခဲ့ကြောင်း သိရသည်။

 

ကျော်ဟိန်း(ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ဒုတိယဝန်ကြီး ဦးအောင်မြိုင် မန္တလေး - လားရှိုးလမ်းပိုင်းရှိ ဘူတာ၊ တံတားနှင့် စက်ရုံများကြည့်ရှုစစ်ဆေး
ဒုတိယဝန်ကြီး ဦးအောင်မြိုင် မန္တလေး - လားရှိုးလမ်းပိုင်းရှိ ဘူတာ၊ တံတားနှင့် စက်ရုံများကြည့်ရှုစစ်ဆေး
နေပြည်တော် မေ ၁၀ပို့ဆောင်ရေးဝန်ကြီးဌာန ဒုတိယဝန်ကြီး ဦးအောင်မြိုင်သည် ယမန်နေ့က သီပေါမြို့နယ် ဘော်ကြိုဘူတာအနီးရှိ အလျားပေ ၂၈၀ ရှိ ကျင်သီတံတား ပြန်လည်ပြုပြင်ပြီးစီးမှုအခြေအနေကို ကြည့်ရှုစစ်ဆေးသည်။ဆက်လက်၍ သောင်းကျန်းသူများဖျက်ဆီးခဲ့သည့် သီပေါမြို့ရှိ ကွန်ကရစ်ဇလီဖားစက်ရုံပျက်စီးသွားသည့်အခြေအနေနှင့် ပြန်လည်တည်ဆောက်မည့်အခြေအနေများကို လှည့်လည်ကြည့်ရှုစစ်ဆေးပြီး သီပေါဘူတာနှင့် မိုးလေဝသနှင့်ဇလဗေဒညွှန်ကြားမှုဦးစီးဌာန၊ ကျောက်မဲဘူတာ၊ မိုးလေဝသနှင့်ဇလဒေဗညွှန်ကြားမှုဦးစီးဌာန၊ ခရိုင်မိုးလေဝသရုံး၊ ကုန်းလမ်းပို့ဆောင်ရေးညွှန်ကြားမှုဦးစီးဌာန (ခရိုင်ရုံးကျောက်မဲ) တို့ကို သွားရောက်စစ်ဆေး၍ ကျောက်မဲခရိုင်ရုံး၌ ဝန်ကြီးဌာနအောက်ရှိ ဌာနဆိုင်ရာဝန်ထမ်းများကိုတွေ့ဆုံကာ စားသောက်ဖွယ်ရာများပေးအပ်သည်။ယင်းနောက် နောင်ပိန်ဘူတာအနီး ရထားလမ်းကူးနေရာမှ RGC ရထားဖြင့် လိုက်ပါစီးနင်းပြီး ရထားလမ်းကြံ့ခိုင်မှုအခြေအနေနှင့် နောင်ချိုမြို့နယ်ရှိ ရှေးဟောင်းသမိုင်းဝင် ဂုတ်ထိပ်တံတားကြံ့ခိုင်မှု၊ ဂုတ်ထိပ်ဘူတာကို သန့်ရှင်းသပ်ရပ်စွာဆောင်ရွက်ထားရှိမှုနှင့် ရှေးဟောင်းမှတ်တမ်းဓာတ်ပုံများ စနစ်တကျထားရှိမှုတို့ကို ကြည့်ရှုခဲ့ကြောင်း သိရသည်။moi
Mon, 11-May-2026
ရန်ကင်းမြို့နယ်၌ နိုင်ငံသားစိစစ်ရေးကတ်ပြားများ ကွင်းဆင်းဆောင်ရွက်ပေး
ရန်ကင်းမြို့နယ်၌ နိုင်ငံသားစိစစ်ရေးကတ်ပြားများ ကွင်းဆင်းဆောင်ရွက်ပေး
ရန်ကုန် မေ ၁၀ ရန်ကုန်တိုင်းဒေသကြီး ရန်ကင်းမြို့နယ်၌ ရက်(၁၀၀) စီမံချက်ဖြင့် နိုင်ငံသားစိစစ်ရေးကတ်ပြားပြုလုပ်‌ပေးခြင်းနှင့် Biometric ကောက်ယူကာ UID ကတ်ထုတ်ပေးခြင်းလုပ်ငန်းများကို ယနေ့နံနက် ၁၀ နာရီက အမှတ်(၁၂)ရပ်ကွက်နေပြည်သူများအား မြေပြင်ကွင်းဆင်းဆောင်ရွက် ပေးလျက်ရှိသည်။ ထိုသို့ကွင်းဆင်းဆောင်ရွက်ရာတွင် သင်္ဃန်းကျွန်းခရိုင်လဝကဦးစီးမှူး ဦးရန်နိုင်၊ မြို့နယ်အုပ်ချုပ်ရေးမှူး ဦးမင်းမင်းလတ်၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန မြို့နယ်ဦးစီးမှူး ဦးဇော်ဝင်းအောင်တို့က ကြီးကြပ်၍ အသက် (၁၀နှစ်/၁၈နှစ်)နှင့်အထက် ရပ်ကွက်နေ ပြည်သူများအား ဟောင်းနွမ်းပျက်စီးမှတ်ပုံတင်များ အသစ်လဲလှယ်ပြုလုပ်ပေးခြင်းနှင့် UID ကတ်တစ်ပါတည်းထုတ်ပေးခြင်းများ ဆောင်ရွက်ပေးခဲ့ကြောင်း သိရသည်။လှလှထွေး(ပြန်/ဆက်)MDN
Mon, 11-May-2026
မှုခင်းကျဆင်း‌ရေး အသိပညာပေးဟောပြော
မှုခင်းကျဆင်း‌ရေး အသိပညာပေးဟောပြော
ရန်ကုန် မေ ၁၀ ရန်ကုန်တိုင်းဒေသကြီး အလုံမြို့နယ် ဌာနာရပ်ကွက်အုပ်ချုပ်ရေးမှူးရုံးတွင် ယမန်နေ့မွန်းလွဲပိုင်းက မှုခင်းကျဆင်းရေးအသိပညာပေး ဟောပြောပွဲ ပြုလုပ်သည်။ ဟောပြောပွဲတွင် အလုံမြို့နယ်အုပ်ချုပ်ရေးမှူး ဦးရဲကိုကို၊ မြို့နယ်ရဲတပ်ဖွဲ့မှူး ယာယီရဲမှူး ဝင်းမြင့်၊ မြို့နယ်ဥပဒေရုံး ဥပဒေအရာရှိ ဦးညိုဆက်နိုင်၊ မြို့နယ်လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ဦးစီးမှူး ဦးစံသိန်း၊ အမှတ် (၅၀) ယာဉ်ထိန်းတပ်ဖွဲ့စု (အလုံ)တပ်ဖွဲ့စုမှူး ဒု-ရဲမှူး ရဲလင်းတို့က မှုခင်းကျဆင်း‌ရေးအသိပညာပေး ဟောပြောကြပြီး တက်ရောက်လာသူများအား အသိပညာပေးလက်ကမ်း စာစောင်များ ဖြန့်ဝေခဲ့ကြောင်း သိရသည်။မြို့နယ်(ပြန်/ဆက်)MDN
Mon, 11-May-2026
မြန်မာနိုင်ငံ အိမ်ခြံမြေဝန်ဆောင်မှုအသင်း (ကရင်ပြည်နယ်) အသင်းသားစုံညီ နှစ်ပတ်လည်အစည်းအဝေး ကျင်းပ
မြန်မာနိုင်ငံ အိမ်ခြံမြေဝန်ဆောင်မှုအသင်း (ကရင်ပြည်နယ်) အသင်းသားစုံညီ နှစ်ပတ်လည်အစည်းအဝေး ကျင်းပ
ဘားအံ မေ ၁၀ နိုင်ငံတော်၏ တည်ဆဲဥပဒေများ၊ အခါအားလျော်စွာထုတ်ပြန်သည့် အမိန့်နှင့်ညွှန်ကြားစာများကို လေးစားလိုက်နာပြီး ကျင့်ဝတ်နှင့်အညီ ဝန်ဆောင်မှုပေးနိုင်ရေး၊ အိမ်ခြံမြေကဏ္ဍ ဖွံ့ဖြိုးတိုးတက်လာစေရေးနှင့် အသင်းသားများ အရည်အသွေး မြင့်မား၍ အများပြည်သူအား ယုံကြည်စိတ်ချရသည့် ဝန်ဆောင်မှုကောင်းများ ပေးနိုင်ရေးအတွက် မြန်မာနိုင်ငံ အိမ်ခြံမြေဝန်ဆောင်မှုအသင်း (ကရင်ပြည်နယ်) ၏ အသင်းသား စုံညီနှစ်ပတ်လည် အစည်းအဝေးနှင့် ၂၀၂၆-၂၀၂၉ ခုနှစ် သက်တမ်းကာလအတွက် အလုပ်အမှုဆောင်၊ အမှုဆောင်သစ် ရွေးချယ်တင်မြှောက်ပွဲကို ယမန်နေ့ မွန်းလွဲပိုင်းက ဘားအံမြို့ Hotel Perfect Hpa-an ၌ ကျင်းပသည်။ အစည်းအဝေးတွင် မြန်မာနိုင်ငံ အိမ်ခြံမြေ ဝန်ဆောင်မှုအသင်း (ဗဟို)ဥက္ကဋ္ဌ ဦးခင်မောင်သန်း၊ ကရင်ပြည်နယ် အထွေထွေအုပ်ချုပ်ရေးဦးစီးဌာနမှ တာဝန်ရှိသူတစ်ဦး၊  မြန်မာနိုင်ငံ အိမ်ခြံမြေဝန်ဆောင်မှုအသင်း (ကရင်ပြည်နယ်)ဂုဏ်ထူး ဆောင်ဥက္ကဋ္ဌ ဦးဇော်ဌေးတို့က အမှာစကားပြောကြားပြီး မြန်မာနိုင်ငံ အိမ်ခြံမြေဝန်ဆောင်မှု အသင်း (ကရင်ပြည်နယ်)ဥက္ကဋ္ဌက ကျေးဇူးတင် စကားပြောကြားသည်။ ဆက်လက်၍ မြန်မာနိုင်ငံ ဝန်ဆောင်မှုအသင်း (ကရင်ပြည်နယ်) ၏ ၂၀၂၆-၂၀၂၉ သက်တမ်းကာလအတွက် အလုပ်အမှုဆောင်၊ အမှုဆောင်သစ်များ ရွေးချယ်တင်မြှောက်ပွဲကို ကျင်းပခဲ့ကြောင်း သိရသည်။ ခရိုင်(ပြန်/ဆက်)MDN
Mon, 11-May-2026
ပြည်ထောင်စုဝန်ကြီး ဦးကိုကိုလွင် ရဲရွာရေအားလျှပ်စစ်ဓာတ်အားပေးစက်ရုံ၏ လျှပ်စစ်ဓာတ်အားထုတ်လုပ်နေမှုနှင့် မိတ္ထီလာမြို့နယ်ရှိ ၅၀၀ ကေဗွီ ကံကောင်းပင်မဓာတ်အားခွဲရုံစီမံကိန်း ဆောင်ရွက်ပြီးစီးနေမှု ကြည့်ရှုစစ်ဆေး
ပြည်ထောင်စုဝန်ကြီး ဦးကိုကိုလွင် ရဲရွာရေအားလျှပ်စစ်ဓာတ်အားပေးစက်ရုံ၏ လျှပ်စစ်ဓာတ်အားထုတ်လုပ်နေမှုနှင့် မိတ္ထီလာမြို့နယ်ရှိ ၅၀၀ ကေဗွီ ကံကောင်းပင်မဓာတ်အားခွဲရုံစီမံကိန်း ဆောင်ရွက်ပြီးစီးနေမှု ကြည့်ရှုစစ်ဆေး
နေပြည်တော် မေ ၁၀ လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည် ယမန်နေ့က မန္တလေးတိုင်းဒေသကြီး ကျောက်ဆည်မြို့နယ်ရှိ ရဲရွာရေအားလျှပ်စစ် ဓာတ်အားပေးစက်ရုံ၏ လျှပ်စစ်ဓာတ်အား ထုတ်လုပ်နေမှုနှင့် မိတ္ထီလာမြို့နယ်ရှိ ၅၀၀ ကေဗွီ ကံကောင်းပင်မဓာတ်အားခွဲရုံစီမံကိန်း ဆောင်ရွက်ပြီးစီးနေမှုကို သွားရောက်ကြည့်ရှုစစ်ဆေးသည်။ ကြည့်ရှုစစ်ဆေးစဉ် ပြည်ထောင်စုဝန်ကြီးက ရေပိုလွှဲတွင် Hydraulic Elevated Dam (HED) တပ်ဆင်ခြင်းဖြင့် နှစ်စဉ် ယူနစ် ၁၀၄ သန်း ပိုမိုထွက်ရှိရာ အိမ်ထောင်စုပေါင်း ၂၀၀၀၀ ခန့် လျှပ်စစ်ဓာတ်အား ပိုမိုဖြန့်ဖြူးနိုင်မည်ဖြစ်၍ ပုံစံထုတ်လုပ်ခြင်းနှင့် မြစ်ငယ်မြစ်ဝှမ်းဒေသများတွင် လျှပ်စစ်ဓာတ်အား ထုတ်လုပ်ရေးစီမံကိန်းများ ဆက်တိုက်ပေါ်ထွက်လာစေရေးအတွက် ကြိုးစားဆောင်ရွက်ကြရမည်ဖြစ်ကြောင်းပြောကြားပြီး စက်ရုံအတွင်းနှင့် ရေလှောင်တမံ၏ ကြံ့ခိုင်ရေးအခြေအနေများကို လှည့်လည်ကြည့်ရှုသည်။ ယင်းနောက် မိတ္ထီလာမြို့နယ်အတွင်းရှိ ၅၀၀ ကေဗွီ ပင်မဓာတ်အားခွဲရုံစီမံကိန်းသို့ရောက်ရှိပြီး မြန်မာပြည်အောက်ပိုင်းဒေသများသို့ လျှပ်စစ်ဓာတ်အားများပို့ဆောင်ရာတွင် ဝန်အားပိုမိုထမ်းဆောင်နိုင်ပြီး တည်ငြိမ်သော လျှပ်စစ်ဓာတ်အားပေးပို့နိုင်ရေးအတွက် ၅၀၀ ကေဗွီဓာတ်အားလိုင်းစနစ်သည် အလွန်အရေးကြီးသဖြင့် စီမံကိန်းအား စံချိန်စံညွှန်းနှင့်အညီ အမြန်ဆုံးပြီးစီးအောင် ဆောင်ရွက်ကြစေလိုကြောင်းပြောကြားပြီး စီမံကိန်းလုပ်ငန်းခွင်အတွင်း လှည့်လည်ကြည့်ရှုစစ်ဆေးခဲ့ကြောင်း သိရသည်။ သတင်းစဉ်MDN
Mon, 11-May-2026
ချောက်မြို့နယ်၌ နိုင်ငံသားစိစစ်ရေးကတ်များ နေ့ချင်းပြီးဆောင်ရွက်ပေး
ချောက်မြို့နယ်၌ နိုင်ငံသားစိစစ်ရေးကတ်များ နေ့ချင်းပြီးဆောင်ရွက်ပေး
ချောက် မေ ၁၀ မကွေးတိုင်းဒေသကြီး ချောက်မြို့နယ်တွင် နိုင်ငံတော်အစိုးရ၏ ရက်(၁၀၀ )စီမံချက်ဖြင့် ပြည်သူများအား နိုင်ငံသားစိစစ်ရေးကတ်နှင့် UID ကတ်များကို လူဝင်မှုကြီးကြပ်‌ရေးနှင့် ပြည့်သူ့အင်အားဝန်ကြီးဌာန မြို့နယ်ဦးစီးမှူးနှင့် ဝန်ထမ်းများက ယနေ့နံနက် ၉ နာရီတွင်‌ ချောင်းတက်ကျေးရွာအုပ်စု ချောင်းတက်‌ကျေးရွာမှ ပြည်သူ ၂၃ ဦးတို့အား နေ့ချင်းပြီး ဆောင်ရွက်ပေးခဲ့သည်။ ထိုသို့ ဆောင်ရွက်ရာတွင် အသက် (၁၀) နှစ်နှင့်အထက် နိုင်ငံသားစိစစ်ရေးကတ်အသစ် ပြုလုပ်ပေးခြင်း၊ အသက် (၁၈) နှစ်ပြည့်နှင့် ဟောင်းနွမ်းပျက်စီးမှုများကို အသစ်လဲလှယ်ပြုလုပ် ပေးခြင်းနှင့် UID ကတ်ပြားများ ပေးအပ်ခဲ့ကြကြောင်း သိရသည်။ကျော်မိုး(ပြန်/ဆက်)MDN
Mon, 11-May-2026
© Copyright 2024 SAC All Rights Reserved.