သထုံမြို့နယ် အုပ္ဖိုလ်ချောင်ကျေးရွာ၌ ရက်(၁၀၀)စီမံချက်ဖြင့် နွေစပါးရိတ်သိမ်းနေမှု ကြည့်ရှုစစ်ဆေး

NoahJune222

News Image

  • သထုံမြို့နယ် အုပ္ဖိုလ်ချောင်ကျေးရွာ၌ ရက်(၁၀၀)စီမံချက်ဖြင့် နွေစပါးရိတ်သိမ်းနေမှု ကြည့်ရှုစစ်ဆေး

သထုံ ဧပြီ ၂၇

 

မွန်ပြည်နယ် သထုံမြို့နယ် အုပ္ဖိုလ်ချောင်ကျေးရွာရှိ အုပ္ဖိုလ်ချောင် စိုက်ပျိုးထုတ်လုပ်ရေးနှင့် အထွေထွေစီးပွားရေးလုပ်ငန်း သမဝါယမအသင်းလီမိတက်၏ အသင်းသား တောင်သူများ စိုက်ပျိုးထားသည့် နွေစပါးများ ရိတ်သိမ်းနေမှုကို ယနေ့နံနက်ပိုင်းက မြို့နယ်သမဝါယမဦးစီးဌာနမှ တာဝန်ရှိသူများက ကွင်းဆင်းကြည့်ရှုကြသည်။

 

ကွင်းဆင်းစစ်ဆေးရာတွင် မြို့နယ်သမဝါယမဦးစီးဌာန ဦးစီးအရာရှိ ဒေါ်သန္တာစိုးနှင့် ဝန်ထမ်းများက အုပ္ဖိုလ်ချောင် စိုက်ပျိုးထုတ်လုပ်ရေးနှင့် အထွေထွေစီးပွားရေးလုပ်ငန်း သမဝါယမအသင်းလီမိတက်၏ အသင်းသား တောင်သူများ စိုက်ပျိုးထားသည့် ရွှေသွယ်ရင်နွေစပါး ရိတ်သိမ်းပြီးစီးမှု အခြေအနေကို ကြည့်ရှုအားပေးကြသည်။

 

အဆိုပါ နွေစပါးရိတ်သိမ်းရာတွင် ‌ရွှေသွယ်ရင်စပါး တစ်ဧကလျှင် ၁၁၇ တင်း နှုန်းထွက်ရှိကြောင်း သိရသည်။

ခရိုင်(ပြန်/ဆက်)

MDN

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ဒေးဒရဲမြို့နယ်မှ ရန်ကုန်ဈေးကွက်သို့ မတ်လအတွင်း ငါးသလဲထိုး ပိဿာချိန်အများအပြား တင်ပို့ရောင်းချနိုင်ခဲ့
ဒေးဒရဲမြို့နယ်မှ ရန်ကုန်ဈေးကွက်သို့ မတ်လအတွင်း ငါးသလဲထိုး ပိဿာချိန်အများအပြား တင်ပို့ရောင်းချနိုင်ခဲ့
ဒေးဒရဲ ဧပြီ ၂၇ဧရာဝတီတိုင်းဒေသကြီး ဒေးဒရဲမြို့နယ်မှ ရန်ကုန်ဈေးကွက်သို့ မတ်လအတွင်း ငါးသလဲထိုး ပိဿာချိန် အများအပြားတင်ပို့ရောင်းချနိုင်ခဲ့ကြောင်း ဒေးဒရဲမြို့နယ် ငါးမျိုးစုံရောင်းဝယ်ရေးပွဲရုံ ပိုင်ရှင် ဒေါ်ယဉ်ဌေးက ပြောပြသည်။ ဒေးဒရဲမြို့နယ်မှ ရန်ကုန်ဈေးကွက်သို့ ယခုနှစ် ဖေဖော်ဝါရီလအတွင်းက ငါးသလဲထိုးပိဿာချိန် ၅၀၀၀၀ သာ တင်ပို့ရောင်းချနိုင်ခဲ့ပြီး မတ်လအတွင်း ငါးသလဲထိုးပိဿာချိန် ၅၅၀၀၀ ထိ တင်ပို့ ရောင်းချနိုင်ခဲ့ကြောင်း၊ အဆိုပါ ငါးသလဲထိုး တစ်ပိဿာလျှင် အရွယ်အစားနှင့် အရည်အသွေးအလိုက် ငွေကျပ် ၁၈၅၀၀ မှ ၂၅၀၀၀ ထိ ဈေးပေါက်နေကြောင်း သိရသည်။"ပြီးခဲ့တဲ့လထဲမှာ ဒေးဒရဲ မြို့နယ်ကနေ ငါးသလဲထိုးတွေကို ရန်ကုန်ဈေးကွက်ကို အများအပြား တင်ပို့ရောင်းချခဲ့ပါတယ်။ ရန်ကုန်ဈေးကွက်ကို ရေထွက်ကုန်တွေ အဓိကတင်ပို့ ရောင်းချနေတာပါ။ ဒေသထွက် ငါးသလဲထိုးတွေကို လက်ရှိ ရန်ကုန် ဈေးကွက်က မှာယူမှုများသလို နောက်ထပ်လဲ ချိတ်ဆက်မှာယူနေပါတယ်။ ကုန်ချိန်အများအပြားတင်ပို့ရတော့ ငါးလုပ်ငန်းနဲ့ဆက်စပ်သူတွေ အဆင်ပြေနေပါတယ်” ဟု ဒေးဒရဲမြို့နယ် ငါးမျိုးစုံရောင်းဝယ်ရေးပွဲရုံပိုင်ရှင် ဒေါ်ယဉ်ဌေးက ပြောပြသည်။ဒေးဒရဲမြို့နယ်မှ ရန်ကုန်ဈေးကွက်သို့ ငါးသလဲထိုးများအပါအဝင် ရေထွက်ကုန်များ တင်ပို့မှုကောင်းလာသည့်အတွက် ကုန်တင်ယာဉ်အငှားလိုက်သူများ၊ ရေလုပ်သားများ အလုပ်အကိုင်အခွင့်အလမ်းများအဆင်ပြေနေကြောင်း သိရသည်။ကျော်ကျော်လင်းရတနာပုံ
Tue, 28-Apr-2026
ဒီပဲယင်းမြို့နယ်တွင် ဆောင်းသီးနှံစိုက်ပျိုးရာသီက စိုက်ပျိုးခဲ့သော ကုလားပဲဧကအားလုံး ရာနှုန်းပြည့်ရိတ်သိမ်းပြီးစီး
ဒီပဲယင်းမြို့နယ်တွင် ဆောင်းသီးနှံစိုက်ပျိုးရာသီက စိုက်ပျိုးခဲ့သော ကုလားပဲဧကအားလုံး ရာနှုန်းပြည့်ရိတ်သိမ်းပြီးစီး
ရေဦး ဧပြီ ၂၇စစ်ကိုင်းတိုင်းဒေသကြီး ရေဦးခရိုင် ဒီပဲယင်းမြို့နယ်တွင် ဆောင်းသီးနှံစိုက်ပျိုးရာသီက စိုက်ပျိုးခဲ့သော ကုလားပဲဧကအားလုံး ရာနှုန်းပြည့်ရိတ်သိမ်းပြီးစီးပြီဖြစ်ကြောင်း ရေဦးခရိုင် စိုက်ပျိုးရေးဦးစီးဌာနမှ ခရိုင်ဦးစီးမှူး ဦးဇော်မြင့်ထွန်းထံမှ သိရသည်။ဒီပဲယင်းမြို့နယ်တွင် ဆောင်းသီးနှံစိုက်ပျိုးရာသီ၌ ကုလားပဲ ၄၉၈၅ ဧကထိ စိုက်ပျိုးနိုင်ခဲ့ကြောင်း၊ အဆိုပါစိုက်ပျိုးထားသော ကုလားပဲစိုက်ခင်းများကို ယခုနှစ် ဇန်နဝါရီလပထမပတ်မှ စတင်ရိတ်သိမ်းခဲ့ရာ ယနေ့တွင် ဧကအားလုံး ရာနှုန်းပြည့်ရိတ်သိမ်းပြီးစီးပြီဖြစ်ပြီး တစ်ဧကလျှင် ၂၂ ဒသမ ၅၉ တင်း ထွက်ရှိကြောင်း သိရသည်။"ဒီပဲယင်းမြို့နယ် ဆောင်းသီးနှံစိုက်ပျိုးရာသီမှာ ကုလားပဲ ၄၉၈၅ ဧကထိ စိုက်ပျိုးထားပါတယ်။ အဲဒီ စိုက်ပျိုးထားတဲ့ ကုလားပဲစိုက်ခင်းတွေ လက်ရှိအချိန်မှာတော့ ဧက အားလုံးရာနှုန်းပြည့်ရိတ်သိမ်းပြီးစီးပြီဖြစ်ပါတယ်။ ကုလားပဲစိုက်ပျိုးမှုအနေနဲ့ တစ်နှစ်ထက် တစ်နှစ် တိုးတက်လာပါတယ်"ဟု ရေဦးခရိုင် စိုက်ပျိုးရေးဦးစီးဌာန ခရိုင်ဦးစီးမှူး ဦးဇော်မြင့်ထွန်းက ပြောပြသည်။ဒီပဲယင်းမြို့နယ်၌ ကုလားပဲ စိုက်ပျိုးရာတွင် ဒေသနှင့်ကိုက်ညီပြီး အထွက်နှုန်းကောင်းမွန်သည့် ရေဆင်း (၈) နှင့် ရေဆင်း (၁၁) မျိုးများကို ရွေးချယ်စိုက်ပျိုးကြကြောင်း၊ ကုလားပဲတစ်ဧကစိုက်ပျိုးပါက ငွေကျပ် သုံးသိန်းကျော်ကုန်ကြကြောင်း သိရသည်။ကုလားပဲကို အထွက်နှုန်းကောင်းမွန်အောင် စိုက်ပျိုးနိုင်ပါက ဒေသတွင်းစားသုံးမှုဖူလုံစေမည့်အပြင် ပိုလျှံမှုကိုရောင်းချနိုင်သဖြင့် လူမှုစီးပွားဘဝများ ဖွံ့ဖြိုးတိုးတက်လာမည်ဖြစ်သောကြောင့် ကုလားပဲကို ပိုမိုစိုက်ပျိုးနိုင်ရေး ဒေသမရွေးကြိုးပမ်းဆောင်ရွက်သင့်ကြောင်း ရေဦးခရိုင် စိုက်ပျိုးရေးဦးစီးဌာန ခရိုင်ဦးစီးမှူး ဦးဇော်မြင့်ထွန်းက ပြောပြ၍ သိရသည်။ရတနာပုံ
Tue, 28-Apr-2026
ပြည်ထောင်စုဝန်ကြီး ဦးအောင်ကျော်ဟိုး ထိုင်းသံရုံးမှ သံရုံးယာယီတာဝန်ခံ Mr. Yordying Supasri ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ
ပြည်ထောင်စုဝန်ကြီး ဦးအောင်ကျော်ဟိုး ထိုင်းသံရုံးမှ သံရုံးယာယီတာဝန်ခံ Mr. Yordying Supasri ဦးဆောင်သော ကိုယ်စားလှယ်အဖွဲ့အား လက်ခံတွေ့ဆုံ
နေပြည်တော် ဧပြီ ၂၇ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးသည် ရန်ကုန်မြို့ အခြေစိုက် ထိုင်းနိုင်ငံသံရုံးမှ သံရုံး ယာယီတာဝန်ခံ Mr. Yordying Supasri ဦးဆောင်သော ကိုယ်စားလှယ်အဖွဲ့အား ယနေ့မွန်းလွဲပိုင်းတွင် အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေးဝန်ကြီးဌာန ရုံးအမှတ်(၁) နေပြည်တော်၌ လက်ခံတွေ့ဆုံသည်။ တွေ့ဆုံစဉ် မြန်မာ-ထိုင်း နှစ်နိုင်ငံအကြား စီးပွားရေးပူးပေါင်း ဆောင်ရွက်မှုများ မြှင့်တင်ရေး၊ မြန်မာနိုင်ငံတွင် စီးပွားရေး လုပ်ငန်းများ ဆောင်ရွက်နေသော ထိုင်းနိုင်ငံသား စီးပွားရေးလုပ်ငန်းရှင်များ၏ ရင်းနှီးမြှုပ်နှံမှုလုပ်ငန်းများ တိုးတက်မြင့်မားရေး၊ နှစ်နိုင်ငံကုန်သွယ်မှုများ မြန်ဆန်စေရေးဆိုင်ရာ ကိစ္စရပ်များကို ရင်းနှီးပွင့်လင်းစွာ အမြင်ချင်းဖလှယ် ဆွေးနွေးကြသည်။ တွေ့ဆုံပွဲသို့ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွား ဆက်သွယ်ရေးဝန်ကြီးဌာနမှ ညွှန်ကြားရေးမှူးချုပ်များ၊ တာဝန်ရှိသူများ၊ ထိုင်းသံရုံးနှင့် ထိုင်းနိုင်ငံ စီးပွားရေး လုပ်ငန်းရှင်များအသင်းမှ ကိုယ်စားလှယ်များ တက်ရောက်ခဲ့ကြကြောင်း သိရသည်။ သတင်းစဉ်
Tue, 28-Apr-2026
(၂၈.၄.၂၀၂၆) ရက်နေ့ ဓာတ်သတ္တု(ရွှေ)ရည်ညွှန်းဈေး (Market Rate)
(၂၈.၄.၂၀၂၆) ရက်နေ့ ဓာတ်သတ္တု(ရွှေ)ရည်ညွှန်းဈေး (Market Rate)
သိပ်သည်းဆ ၁၉.၂၅ ဂရမ်/ကုဗစင်တီမီတာနှင့်အထက်ရှိ စံချိန်မီရွှေ ၁ ကျပ်သား (၁၆.၃၂၉၃၂၅ ဂရမ်) ၏ ဈေးနှုန်း (၇,၁၀၀,၀၀၀) ကျပ်ဓာတ်သတ္တု(ရွှေ)ရည်ညွှန်းဈေးသတ်မှတ်ရေးကော်မတီMDN
Tue, 28-Apr-2026
သထုံမြို့နယ် အုပ္ဖိုလ်ချောင်ကျေးရွာ၌ ရက်(၁၀၀)စီမံချက်ဖြင့် နွေစပါးရိတ်သိမ်းနေမှု ကြည့်ရှုစစ်ဆေး
သထုံမြို့နယ် အုပ္ဖိုလ်ချောင်ကျေးရွာ၌ ရက်(၁၀၀)စီမံချက်ဖြင့် နွေစပါးရိတ်သိမ်းနေမှု ကြည့်ရှုစစ်ဆေး
သထုံ ဧပြီ ၂၇ မွန်ပြည်နယ် သထုံမြို့နယ် အုပ္ဖိုလ်ချောင်ကျေးရွာရှိ အုပ္ဖိုလ်ချောင် စိုက်ပျိုးထုတ်လုပ်ရေးနှင့် အထွေထွေစီးပွားရေးလုပ်ငန်း သမဝါယမအသင်းလီမိတက်၏ အသင်းသား တောင်သူများ စိုက်ပျိုးထားသည့် နွေစပါးများ ရိတ်သိမ်းနေမှုကို ယနေ့နံနက်ပိုင်းက မြို့နယ်သမဝါယမဦးစီးဌာနမှ တာဝန်ရှိသူများက ကွင်းဆင်းကြည့်ရှုကြသည်။ ကွင်းဆင်းစစ်ဆေးရာတွင် မြို့နယ်သမဝါယမဦးစီးဌာန ဦးစီးအရာရှိ ဒေါ်သန္တာစိုးနှင့် ဝန်ထမ်းများက အုပ္ဖိုလ်ချောင် စိုက်ပျိုးထုတ်လုပ်ရေးနှင့် အထွေထွေစီးပွားရေးလုပ်ငန်း သမဝါယမအသင်းလီမိတက်၏ အသင်းသား တောင်သူများ စိုက်ပျိုးထားသည့် ရွှေသွယ်ရင်နွေစပါး ရိတ်သိမ်းပြီးစီးမှု အခြေအနေကို ကြည့်ရှုအားပေးကြသည်။ အဆိုပါ နွေစပါးရိတ်သိမ်းရာတွင် ‌ရွှေသွယ်ရင်စပါး တစ်ဧကလျှင် ၁၁၇ တင်း နှုန်းထွက်ရှိကြောင်း သိရသည်။ခရိုင်(ပြန်/ဆက်)MDN
Tue, 28-Apr-2026
ပြည်ထောင်စုဝန်ကြီး ဒေါက်တာချာလီသန်း နေပြည်တော် အသေးစား၊ အငယ်စားနှင့် အလတ်စားစီးပွားရေးလုပ်ငန်းရှင်များအသင်းဥက္ကဋ္ဌနှင့် တာဝန်ရှိသူများအား လက်ခံတွေ့ဆုံ
ပြည်ထောင်စုဝန်ကြီး ဒေါက်တာချာလီသန်း နေပြည်တော် အသေးစား၊ အငယ်စားနှင့် အလတ်စားစီးပွားရေးလုပ်ငန်းရှင်များအသင်းဥက္ကဋ္ဌနှင့် တာဝန်ရှိသူများအား လက်ခံတွေ့ဆုံ
နေပြည်တော် ဧပြီ ၂၇ စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းသည် ယနေ့နံနက်ပိုင်းတွင် ပြည်ထောင်စုဝန်ကြီး၏ ဧည့်ခန်းမ၌ နေပြည်တော်အသေးစား၊ အငယ်စားနှင့် အလတ်စားစီးပွားရေးလုပ်ငန်းရှင်များအသင်းဥက္ကဋ္ဌနှင့် တာဝန်ရှိသူများအား လက်ခံတွေ့ဆုံသည်။ တွေ့ဆုံစဉ် နိုင်ငံတော်သမ္မတ၏ လမ်းညွှန်ချက်ဖြစ်သည့် ဝါမှ ဝါဂွမ်း၊ ချည်၊ ပိတ်၊ အထည်ထုတ်လုပ်သည့် ထုတ်လုပ်မှုကွင်းဆက်တစ်လျှောက် ဖွံ့ဖြိုးတိုးတက်ရေးအတွက် ကူညီဖြည့်ဆည်းဆောင်ရွက်ပေးမည့် အခြေအနေ၊ ဝါးမှ ပျော့ဖတ်များ တစ်ပိုင်တစ်နိုင်ထုတ်လုပ်ရန်နှင့် လူသုံးကုန်ပစ္စည်းများ ထုတ်လုပ်နိုင်ရန် နည်းပညာပံ့ပိုးပေးနိုင်ရေး၊ MSME များအတွက် ချေးငွေစီးဆင်းမှုမြန်ဆန်ရေး ဆောင်ရွက်ရမည့် အစီအစဉ်များ၊ ဒီဂျစ်တယ်စနစ်တွင်ကျယ်စွာ အသုံးပြုနိုင်ရန် အသိပညာပေးဆွေးနွေးပွဲများ ကျင်းပရေး၊ နိုင်ငံတော်မှ ပေးအပ်သည့် အခွင့်အရေးများရရှိစေရန် မှတ်ပုံတင်ပြုလုပ်ရေး၊ တန်ဖိုးမြှင့် ထုတ်ကုန်များ ထုတ်လုပ်ရောင်းချနိုင်ရေး၊ စွန့်ဦးတီထွင်လုပ်ငန်းရှင်များ ပေါ်ထွန်းလာစေရေး၊ MSME အစုအဖွဲ့များ ပိုမိုအားကောင်းလာစေရေးနှင့် Agro-Base Industries ဖွံ့ဖြိုးတိုးတက်ရေးအတွက် ဆောင်ရွက်မည့် အခြေအနေတို့ကို ဆွေးနွေးကြသည်။ ထို့ပြင် ပြည်ထောင်စုဝန်ကြီးက MSME လုပ်ငန်းရှင်များအနေဖြင့် လုပ်ငန်းများ စတင်ဆောင်ရွက်ချိန်တွင် တရားဝင်ဖြစ်စေရေးမှတ်ပုံတင်ထားရှိရန်၊ ကုန်ကြမ်းအဖြစ် ရောင်းချခြင်းထက်တန်ဖိုးမြှင့်ထုတ်ကုန်များ ထုတ်လုပ်ရောင်းချရန်၊ သတ်မှတ်စံချိန်စံညွှန်းနှင့်အညီ အရည်အသွေးမီကုန်ပစ္စည်းများ ထုတ်လုပ်မှုတိုးမြှင့်ရန်နှင့် စွန့်ဦးတီထွင်သူများ ဖြစ်ပေါ်လာစေရေး စည်းရုံးဆောင်ရွက်ရန်၊ တစ်ဦးတစ်ယောက်ချင်းနှင့် MSME အစုအဖွဲ့များ အားကောင်းလာစေရေး အားပေးဆောင်ရွက်ရန်နှင့် နိုင်ငံ၏ စီးပွားရေးဖွံ့ဖြိုးတိုးတက်ရေးအတွက် ကျရာကဏ္ဍမှ ပူးပေါင်းဆောင်ရွက်ကြရန် ဆွေးနွေးပြောကြားသည်။ တွေ့ဆုံပွဲသို့ စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ဒုတိယဝန်ကြီး၊ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ခဲ့ကြကြောင်း သိရသည်။သတင်းစဉ်MDN
Tue, 28-Apr-2026
© Copyright 2024 SAC All Rights Reserved.