စားအုန်းဆီတစ်ပိဿာ ရည်ညွှန်းဈေး ၈၄၀၀ ကျပ်ဖြင့် ၁၁၀ ပိဿာနှင့် အခြေခံစားသောက်ကုန်ပစ္စည်းများအား ကျန်းမာရေးဝန်ထမ်းနှင့် ဝန်ထမ်း မိသားစုဝင်များအား ရောင်းချပေး

KookieSpace97

News Image

  • စားအုန်းဆီတစ်ပိဿာ ရည်ညွှန်းဈေး ၈၄၀၀ ကျပ်ဖြင့် ၁၁၀ ပိဿာနှင့် အခြေခံစားသောက်ကုန်ပစ္စည်းများအား ကျန်းမာရေးဝန်ထမ်းနှင့် ဝန်ထမ်း မိသားစုဝင်များအား ရောင်းချပေး

ကျောက်ဆည် ဧပြီ ၂၈

မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ် စည်ပင်သာယာရေးအဖွဲ့မှ ပြည်သူများ စားဝတ်နေရေးအထောက်အပံ့ရရှိစေရန်အတွက် ပြည်သူ့သက်သာဈေးဖွင့်လှစ်၍ ဈေးနှုန်းချိုသာစွာဖြင့် အခြေခံစားသောက်ကုန်များအား အပတ်စဉ်ရောင်းချပေးလျက်ရှိရာ ယမန်နေ့နံနက်ပိုင်းက စားအုန်းဆီ တစ်ပိဿာ ရည်ညွှန်းဈေး ၈၄၀၀ ကျပ်ဖြင့် စားအုန်းဆီ ၁၁၀ ပိဿာနှင့် အခြေခံစားသောက်ကုန်ပစ္စည်းများအား အထွေထွေရောဂါကု ပြည်သူ့ဆေးရုံကြီးတွင် တာဝန်ထမ်းဆောင်နေသော ကျန်းမာရေးဝန်ထမ်းများနှင့် ဝန်ထမ်းမိသားစုဝင် ၁၆၀ ဦးကျော်အား ရောင်းချပေးခဲ့ကြောင်း သိရသည်။

ထိုသို့ရောင်းချရာ၌ ဝက်သားတစ်ပိဿာ ငွေ ၂၆၀၀၀ ကျပ်။ အမဲသားတစ်ပိဿာ ငွေ ၂၅၀၀၀ ကျပ်၊ ဆိတ်သား တစ်ပိဿာ ငွေ ၂၈၀၀၀ ကျပ်၊ စားအုန်းဆီတစ်ပိဿာ ရည်ညွှန်းဈေး ငွေ ၈၄၀၀ ကျပ်ဖြင့် ရောင်းချပေးခဲ့ကြောင်း မြို့နယ်စည်ပင်သာယာရေးအဖွဲ့မှ တာဝန်ရှိသူတစ်ဦးမှ ပြောပြသည်။

 သက်မောင်(ကျောက်ဆည်)

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ထိုင်းနိုင်ငံ၌ တူးဖော်တွေ့ရှိသည့် ကျောက်ဖြစ်ရုပ်ကြွင်းမှာ အရှေ့တောင်အာရှ အကြီးဆုံးဒိုင်နိုဆောမျိုးစိတ်ဖြစ်နိုင်
ထိုင်းနိုင်ငံ၌ တူးဖော်တွေ့ရှိသည့် ကျောက်ဖြစ်ရုပ်ကြွင်းမှာ အရှေ့တောင်အာရှ အကြီးဆုံးဒိုင်နိုဆောမျိုးစိတ်ဖြစ်နိုင်
 ဘန်ကောက် မေ ၁၅ထိုင်းနိုင်ငံတွင် တွေ့ရှိခဲ့သည့် ဒိုင်နိုဆောတစ်ကောင်၏ ကျောက်ဖြစ်ရုပ်ကြွင်းသည် အရှေ့တောင်အာရှဒေသတွင် တူးဖော် တွေ့ရှိခဲ့သည့် အကြီးဆုံးဒိုင်နိုဆောမျိုးစိတ်တစ်မျိုးဖြစ်နိုင်ကြောင်း သိပ္ပံပညာရှင်များ က ပြောကြားသည်။ လည်ပင်းရှည်ဒိုင်နိုဆော၏ ကျောက်ဖြစ်ရုပ်ကြွင်းကို ၂၀၁၆ ခုနှစ်တွင် ထိုင်းနိုင်ငံ အရှေ့မြောက်ပိုင်းရှိ ချိုင်ယာဖန် ပြည်နယ်၌ ရှာဖွေတွေ့ရှိခဲ့ခြင်းဖြစ်သည်။ အရိုးအရွယ်အစားများအပေါ် အခြေခံ၍ ထိုင်းနှင့်ဗြိတိန်နိုင်ငံမှ သုတေသီများပါဝင်သည့်အဖွဲ့က ယင်းဒိုင်နိုဆော၏ အလျားမှာ ၂၇ မီတာခန့်ရှိနိုင်ပြီး ဘတ်စကက်ဘောကွင်းတစ်ကွင်း၏ အလျားနှင့် ညီမျှကြောင်း ခန့်မှန်းထားသည်။ ထို့ပြင် အလေးချိန်မှာလည်း ၂၇ တန် ခန့်ရှိနိုင်ကြောင်း ဆိုသည်။ အဆိုပါ လေ့လာတွေ့ရှိချက်များကို ပညာရပ်ဆိုင်ရာဂျာနယ် ဖြစ်သည့် Scientific Reports တွင် မေ ၁၄ ရက်က ဖော်ပြခဲ့ခြင်းဖြစ်သည်။ မဟာဆာရာခန်တက္ကသိုလ်မှ ကျောက်ဖြစ်ရုပ်ကြွင်းပညာရှင် ဆီတာမနိ ကွန်းက ဒိုင်နိုဆော၏ အရွယ်အစားသည် အလွန်စိတ်လှုပ်ရှားဖွယ်ကောင်းကြောင်း၊ အရိုးများအားလုံးကို မတွေ့ရှိရသေးသော်လည်း အရေးပါ သည့် အရိုးအစိတ်အပိုင်းများကို ရှာဖွေတွေ့ရှိခဲ့ခြင်းကြောင့် ဒိုင်နိုဆော၏ အရွယ်အစားကို ခန့်မှန်းနိုင်ခဲ့ခြင်းဖြစ်ကြောင်း ပြောကြား ခဲ့သည်။ သိပ္ပံပညာရှင်များသည် ယင်းဒိုင်နိုဆောကို အာရှဒဏ္ဍာရီပုံပြင်များတွင် တွေ့ရသည့် မြွေနဂါးကြီးကိုအစွဲပြု၍ အမည်ပေးခဲ့ သည်။ အဆိုပါ သတ္တဝါကြီးသည် လွန်ခဲ့သော နှစ်ပေါင်း သန်း ၁၀၀ ကျော်ခန့် ခရီတာစီးယက်ခေတ်တွင် ရှင်သန်ခဲ့ပြီး သစ်ပင်မြင့်ပိုင်းရှိ သစ်ရွက်များကို အဓိကစားသုံးခဲ့သည်ဟု ယုံကြည်ထားသည်။ ဒိုင်နိုဆော၏ သက်ရှိ အရွယ်အစား ပုံသဏ္ဌာန်ကို ဘန်ကောက်ဒိုင်နိုဆောပြတိုက်တွင် ပြသထားကြောင်း သိရသည်။                                       အင်န်အိတ်ချ်ကေMDN
Sat, 16-May-2026
ဂျပန်နိုင်ငံ စီရင်စုခြောက်ခုတွင် ဝက်ဝံတိုက်ခိုက်မှုကြောင့် နှစ်ဦးသေဆုံး၊ ၁၀ ဦးဒဏ်ရာရရှိ
ဂျပန်နိုင်ငံ စီရင်စုခြောက်ခုတွင် ဝက်ဝံတိုက်ခိုက်မှုကြောင့် နှစ်ဦးသေဆုံး၊ ၁၀ ဦးဒဏ်ရာရရှိ
မေ ၁၅ဂျပန်နိုင်ငံ စီရင်စုခြောက်ခုတွင် ဝက်ဝံတိုက်ခိုက်မှုများကြောင့် လူနှစ်ဦးထက်မနည်းသေဆုံးပြီး ၁၀ ဦး ဒဏ်ရာရရှိခဲ့သည်ဟု အင်န်အိတ်ချ်ကေရုပ်သံလွှင့်ဌာန၏ဖော်ပြချက်အရ သိရသည်။ထိခိုက်ဒဏ်ရာရသူများအနက် ရှစ်ဦးထက်မနည်းသည် သစ်တောဒေသများတွင် ဝက်ဝံတိုက်ခိုက်ခံခဲ့ရပြီး ၎င်းတို့အနက် ငါးဦးထက်မနည်းသည် တောင်တန်းများတွင် သီးပင်စားပင်များကို ခူးဆွတ်နေစဉ် တိုက်ခိုက်ခံခဲ့ရသည်ဟု ယူဆရသည်။လူနေရပ်ကွက်များတွင် ဝက်ဝံတိုက်ခိုက်မှုနှစ်ခုထက်မနည်းဖြစ်ပွားခဲ့သည်။ ဖြစ်ရပ်တစ်ခုတွင် တိုယာမာစီရင်စု တိုယာမာမြို့ရှိ လူနေရပ်ကွက်တစ်ခုတွင် အသက် ၄၀ ကျော် အမျိုးသမီးတစ်ဦးသည် ၎င်း၏ခွေးနှင့်အတူလမ်းလျှောက်သွားနေစဉ် ဝက်ဝံတစ်ကောင်၏ ကုတ်ခြစ်ခြင်းခံခဲ့ရသည်။ အခြားဖြစ်ရပ်တစ်ခုတွင် အသက် ၄၈ နှစ်အရွယ် အမျိုးသားတစ်ဦးအာကီတာစီရင်စု ယူရီဟွန်ဂျိုမြို့ရှိ စပါးခင်းများတွင်ရှိနေစဉ် ဝက်ဝံတိုက်ခိုက်မှုခံရသဖြင့် ထိခိုက်ဒဏ်ရာရရှိခဲ့သည်။အများပြည်သူအနေဖြင့် အပြင်ထွက်သည့်အခါ ရေဒီယို သို့မဟုတ် ဝက်ဝံသတိပေးခေါင်းလောင်းကိုင်ဆောင်ခြင်း၊ တစ်ယောက်တည်းမဟုတ်ဘဲ အဖွဲ့လိုက်ခရီးသွားခြင်း၊ အစားအစာအကြွင်းအကျန်များကို အပြင်ဘက်တွင် ထားရှိခြင်းမပြုရန်နှင့် ဒေသန္တရအစိုးရများမှ ထုတ်ပြန်သော ဝက်ဝံမြင်တွေ့မှုဆိုင်ရာ နောက်ဆုံးရသတိပေးချက်များကို စစ်ဆေးခြင်းအပါအဝင် ကြိုတင်ကာကွယ်မှုများပြုလုပ်ရန် ဂျပန်ပတ်ဝန်းကျင်ဝန်ကြီးဌာနက တိုက်တွန်းထားသည်။၂၀၂၅ ဘဏ္ဍာရေးနှစ်တွင် ဂျပန်နိုင်ငံတစ်ဝန်း ဝက်ဝံတိုက်ခိုက်မှုများကြောင့် သေဆုံးသူ ၁၃ ဦးအပါအဝင် ၂၃၈ ဦး ထိခိုက်မှုရှိခဲ့သည်ဟု သိရသည်။ကိုးကား-ဆင်ဟွာဘာသာပြန်-မြင့်မြင့်ချိုMDN
Sat, 16-May-2026
အင်ဒိုနီးရှားနိုင်ငံ၌ မြေပြိုမှုကြောင့် ကိုးဦး သေဆုံး
အင်ဒိုနီးရှားနိုင်ငံ၌ မြေပြိုမှုကြောင့် ကိုးဦး သေဆုံး
မေ ၁၅အင်ဒိုနီးရှားနိုင်ငံ အနောက်ဆူမားတြားပြည်နယ်ရှိ တရားမဝင် ရွှေတူးဖော်ရေးနေရာအနီးတွင် မြေပြိုမှုတစ်ခုကြောင့် လူကိုးဦး သေဆုံးခဲ့ကြောင်း ရဲတပ်ဖွဲ့က ယနေ့တွင် ပြောကြားခဲ့သည်။အဆိုပါမြေပြိုမှုချိန်က သတ္တုတွင်းလုပ်သားများစွာ အလုပ်လုပ်ကိုင်လျက်ရှိသည့် သတ္တုတွင်းအနီးရှိ ကျောက်ဆောင်တစ်ခုတွင် ဆီဂျွန်ဂျွန် ဒေသ၌ ဖြစ်ပွားခဲ့ခြင်းဖြစ်ကြောင်း မျက်မြင်သက်သေများက ပြောကြားခဲ့သည်။ အပျက်အစီးများအောက်တွင် လူအများအပြားပိမိနေခဲ့ကြောင်း ဖော်ပြထားသည်။အင်ဒိုနီးရှားနိုင်ငံတွင် သတ္တုတွင်းမတော်တဆမှုများအဖြစ်များပြီး အထူးသဖြင့် မိုးရာသီတွင် မြေပြိုမှုများ အဖြစ်များလေ့ရှိသည်ဟု သိရသည်။ကိုးကား-ဆင်ဟွာဘာသာပြန်-မြင့်မြင့်ချိုMDN
Sat, 16-May-2026
ပြည်ထောင်စုဝန်ကြီး ဦးမောင်မြင့် အမျိုးသားပြတိုက်(နေပြည်တော်) ကြည့်ရှုစစ်ဆေး
ပြည်ထောင်စုဝန်ကြီး ဦးမောင်မြင့် အမျိုးသားပြတိုက်(နေပြည်တော်) ကြည့်ရှုစစ်ဆေး
နေပြည်တော် မေ ၁၄ဟိုတယ်၊ ခရီးသွားလာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးမောင်မြင့်သည် ယနေ့မွန်းလွဲပိုင်းတွင် ရှေးဟောင်း သုတေသနနှင့် အမျိုးသားပြတိုက်ဦးစီးဌာန အမျိုးသားပြတိုက် (နေပြည်တော်) ကို ကြည့်ရှုစစ်ဆေးသည်။ဆောင်ရွက်ရန် မှာကြားကြည့်ရှုစစ်ဆေးစဉ် ယဉ်ကျေးမှုအမွေအနှစ်များကို တန်ဖိုးထားထိန်းသိမ်း၍ နည်းစနစ်မှန်ကန်စွာ ခင်းကျင်းပြသရန်၊ အများပြည်သူတို့ ချစ်ခင်မြတ်နိုးတန်ဖိုးထားစိတ်များ ဖြစ်ပေါ်လာစေရန်နှင့် မျိုးချစ် စိတ်ဓာတ်ရှင်သန်ထက်မြက်စေရေး အသိပညာပေးလှုံ့ဆော်မှုများကို ဆိုရှယ်မီဒီယာများမှတစ်ဆင့် ဆောင်ရွက်ရန် မှာကြားခဲ့ကြောင်း သိရသည်။moi
Fri, 15-May-2026
လက်ချောင်းဖြင့် အမှတ်အသားပြ ဓာတ်ပုံရိုက်ခြင်းက လက်ဗွေခိုးယူခံရနိုင်သည့် အန္တရာယ်ရှိဟုဆို
လက်ချောင်းဖြင့် အမှတ်အသားပြ ဓာတ်ပုံရိုက်ခြင်းက လက်ဗွေခိုးယူခံရနိုင်သည့် အန္တရာယ်ရှိဟုဆို
    နေ့စဉ် အမှတ်တရဓာတ်ပုံများ ရိုက်ကူးရာတွင် ခေတ်စားသည့်  'V' ပုံစံ လက်ချောင်းအမှတ်အသား ပြုလုပ်ခြင်းသည် လက်ရှိအချိန်တွင် AI နည်းပညာကြောင့် လက်ဗွေခိုးယူခံရနိုင်သည့် လုံခြုံရေးအန္တရာယ်ရှိလာနိုင်ကြောင်း  ပညာရှင်များက သတိပေးထားသည်။လုံခြုံရေးကျွမ်းကျင်သူ လီချန်က အနုပညာရှင်တစ်ဦး၏ Selfie ဓာတ်ပုံမှတစ်ဆင့်AI ကိရိယာများအသုံးပြုကာ လက်ဗွေရာများကိုထုတ်ယူနိုင်ကြောင်း လက်တွေ့ပြသပြီးနောက် ယခုလိုသတိပေးခြင်းဖြစ်သည်။ အကယ်၍  လက်ချောင်းထိပ်များသည် ကင်မရာဘက်သို့   တိုက်ရိုက်မျက်နှာမူထားပြီး  ကင်မရာမှ ၅ ပေခန့်အတွင်း ရိုက်ကူးထားခြင်းဖြစ်ပါက လက်ဗွေအချက်အလက်များကို ရှင်းလင်းစွာ ထုတ်ယူနိုင်ခြေ အလွန်မြင့်မားကြောင်း ၎င်းကရှင်းပြသည်။ထို့ပြင်  ၁၀ ပေအကွာအဝေးမှ ရိုက်ကူးထားသည့်ဓာတ်ပုံများမှပင် လက်ဗွေအချက် အလက်ထက်ဝက်ခန့်ကို ဖော်ထုတ်နိုင်ဆဲဖြစ်သည်ဟု ဆိုသည်။၂၀၂၅ ခုနှစ်တွင် တရုတ်နိုင်ငံရှိ ဟန်ကျိုးမြို့၌  ရာဇဝတ်ဂိုဏ်းတစ်ခုသည် အိမ်ပိုင်ရှင်က အွန်လိုင်းပေါ်တင်ထားသည့်လက်ပုံကို အသုံးပြုကာ စမတ်တံခါးသော့ကို ဖွင့်လှစ်ရန်ကြိုးပမ်း ခဲ့ဖူးကြောင်း သတင်းဌာနများက ဖော်ပြထားသည်။MWD
Fri, 15-May-2026
သမိုင်းဝင် နေရောင်ခြည်စွမ်းအင်သုံး လေယာဉ် မက္ကဆီကို ပင်လယ်ကွေ့အတွင်း ပျက်ကျ
သမိုင်းဝင် နေရောင်ခြည်စွမ်းအင်သုံး လေယာဉ် မက္ကဆီကို ပင်လယ်ကွေ့အတွင်း ပျက်ကျ
     ၂၀၁၆ ခုနှစ်တွင် လောင်စာဆီမသုံးဘဲ ကမ္ဘာတစ်ပတ်ပတ်နိုင်ခဲ့သော သမိုင်းဝင် နေရောင်ခြည်စွမ်းအင်သုံး လေယာဉ်ဖြစ်သည့် Solar Impulse 2 သည် မက္ကဆီကို ပင်လယ်ကွေ့အတွင်း ပျက်ကျသွားကြောင်း ၎င်း၏ပိုင်ရှင်က ထုတ်ဖော်ပြောသည်။အဆိုပါလေယာဉ်ကို Skydweller Aero ကုမ္ပဏီက ဝယ်ယူပြီးနောက် ဒရုန်းအဖြစ် ပြုပြင်ပြောင်းလဲကာ ထိန်းချုပ်အရေးပေါ် ဆင်းသက်မှုပြုလုပ်ခဲ့ခြင်းဖြစ်ကြောင်း ပိုင်ရှင်က ဆက်ပြောသည်။ Solar Impulse 2 သည် ဧပြီလ ၂၆ ရက်တွင် မစ္စစ္စပီပြည်နယ် စတင်နစ်မှ   ပျံတက်ခဲ့ခြင်းဖြစ်ပြီး  မေလ၄ ရက်တွင် မက္ကဆီကိုပင်လယ်ကွေ့အတွင်းပျက်ကျခဲ့ခြင်းဖြစ်သည်။အဆိုပါလေယာဉ်သည် ဒရုန်းအဖြစ်ပြောင်းလဲပြီးနောက် ၈ ရက်နှင့် ၁၄ မိနစ်ကြာ စံချိန်တင် ပျံသန်းနိုင်ခြင်းက စစ်ဘက်ဆိုင်ရာ ပတ်ဝန်းကျင်တွင် နေရောင်ခြည်စွမ်းအင်သုံး၍ အစဉ်အမြဲပျံသန်းနိုင်မှုကို သက်သေပြနိုင်ခြင်းဖြစ်သည်ဟု ကုမ္ပဏီ၏ ထုတ်ပြန်ချက်တွင် ဖော်ပြထားသည်။ လက်ရှိတွင် အမေရိကန်အမျိုးသား သယ်ယူပို့ဆောင်ရေးဆိုင်ရာ   လုံခြုံရေးဘုတ်အဖွဲ့က အဆိုပါမတော်တဆမှုကို စုံစမ်းစစ်ဆေးနေသည်။ ဆွစ်ဇာလန် လေယာဉ်မှူးများ ဖြစ်သော ဘားထရန်းပစ်ကာ့နှင့်    အန်ဒရေးဘော့စဘာ့တို့ မောင်းနှင်ခဲ့သည့် Solar Impulse 2 သည် လောင်စာဆီမသုံးဘဲ ကီလိုမီတာ ၄၃၀၀၀ ခရီးကို ၂၃ ရက်ကြာ ပျံသန်းနိုင်ခဲ့ကြောင်း သိရသည်။MWD
Fri, 15-May-2026
© Copyright 2024 SAC All Rights Reserved.