အာရှ ယူ-၁၇ အမျိုးသမီးပြိုင်ပွဲ အဖွင့်ပွဲစဉ်တွင် မြန်မာအသင်း အိမ်ရှင်တရုတ်အသင်းကို ရှုံးနိမ့်

NoahJune222

News Image

  • အာရှ ယူ-၁၇ အမျိုးသမီးပြိုင်ပွဲ အဖွင့်ပွဲစဉ်တွင် မြန်မာအသင်း အိမ်ရှင်တရုတ်အသင်းကို ရှုံးနိမ့်

အာရှ ယူ-၁၇ အမျိုးသမီးပြိုင်ပွဲ အုပ်စုအေ၏ မြန်မာအသင်းနှင့် အိမ်ရှင်တရုတ်အသင်းတို့၏ အဖွင့်ပွဲစဉ်တွင် မြန်မာအသင်းက အိမ်ရှင်တရုတ်အသင်းကို ဂိုးပြတ်ရှုံးနိမ့်ခဲ့သည်။

မြန်မာအသင်းသည် ပွဲစတင်ကတည်းက တရုတ်အသင်း၏ ဘောလုံးပိုင်ဆိုင်မှု အသာစီးယူ ဖိအားပေးကစားမှုကို အသည်းအသန် ခုခံနေရပြီး ကစားသမားအများစုသည် နောက်တန်းတွင်သာ ပိတ်ဆို့ကာကွယ်ကစားခဲ့ရသည်။ တရုတ်အသင်း၏ တရစပ်တိုက်စစ်ကို မြန်မာဂိုးသမားက အကောင်းဆုံး ဟန့်တားနိုင်ခဲ့သော်လည်း ပွဲကစားချိန် ၇ မိနစ်တွင် ပထမဂိုးကို ခွင့်ပြုပေးလိုက်ရသည်။

မြန်မာအသင်းအနေဖြင့် ခံစစ်ပိုင်း အကောင်းဆုံးကစားနိုင်ခဲ့သော်လည်း ပွဲကစားချိန် ၃၀ မိနစ်တွင် ဒုတိယဂိုးနှင့် ၄၀ မိနစ်တွင် တတိယဂိုးတို့ကို ထပ်မံခွင့်ပြုလိုက်ရပြီး ပထမပိုင်းအပြီးတွင် တရုတ်အသင်းက ၃ ဂိုး ဂိုးမရှိဖြင့် ဦးဆောင်ထားသည်။

ဒုတိယပိုင်းတွင် တရုတ်အသင်းသည် လူစားလဲမှုများပြုလုပ်ကာ ပိုမိုထိရောက်သည့် ဖိအားပေးတိုက်စစ်ဖြင့် ကစားလာသည်။ မြန်မာဂိုးသမားသည်လည်း အကြိမ်ကြိမ် ကာကွယ်ဟန့်တားနိုင်ခဲ့သော်လည်း ပွဲကစားချိန် ၆၆ မိနစ်တွင် ပြစ်ဒဏ်ဘောမှတစ်ဆင့် စတုတ္ထဂိုးကို ခွင့်ပြုခဲ့ရသည်။

ထို့နောက် ပွဲကစားချိန် ၇၂ မိနစ်တွင် ပယ်နယ်တီမှ ပဉ္စမဂိုးနှင့် ၈၅ မိနစ်တွင် ဆဋ္ဌမဂိုးတို့ကို ထပ်မံခွင့်ပြုခဲ့ရပြီး ပွဲအပြီးတွင် တရုတ်အသင်းက ၆ ဂိုး ဂိုးမရှိဖြင့် အနိုင်ရရှိခဲ့သည်။

ဝန်းရံခ

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့်အထိမ်းအမှတ် မဟာမင်္ဂလာအခမ်းအနားနှင့် စာတမ်းဖတ်ပွဲ မင်္ဂလာအခမ်းအနား ဒုတိယနေ့ ဆက်လက်ကျင်းပ
ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့်အထိမ်းအမှတ် မဟာမင်္ဂလာအခမ်းအနားနှင့် စာတမ်းဖတ်ပွဲ မင်္ဂလာအခမ်းအနား ဒုတိယနေ့ ဆက်လက်ကျင်းပ
ရန်ကုန် မေ ၁ပြည်ထောင်စုသမ္မတမြန်မာနိုင်ငံတော် ဆဋ္ဌသင်္ဂါယနာတင်အောင်ပွဲ နှစ်(၇၀)ပြည့်အထိမ်းအမှတ် မဟာမင်္ဂလာအခမ်းအနားနှင့် စာတမ်းဖတ်ပွဲမင်္ဂလာအခမ်း အနားဒုတိယနေ့ကို ယနေ့နံနက် ၉ နာရီတွင် ရန်ကုန်မြို့ ကမ္ဘာအေးကုန်းမြေရှိ မဟာပါသာဏ လိုဏ်ဂူသိမ်တော်ကြီး၌ ဆက်လက်ကျင်းပသည်။ အခမ်းအနားသို့ နိုင်ငံတော်သံဃမဟာနာယကအဖွဲ့ဥက္ကဋ္ဌ သန်လျင်မင်းကျောင်းဆရာတော် အဘိဓဇမဟာရဋ္ဌဂုရု အဂ္ဂမဟာသဒ္ဓမ္မဇောတိကဓဇ ဒေါက်တာ ဘဒ္ဒန္တစန္ဒိမာဘိဝံသ အမှူးပြုသော ဆရာတော်၊ သံဃာတော်များ ကြွရောက်တော်မူကြပြီး သာသနာရေးဝန်ကြီးဌာန ပြည်ထောင်စုဝန်ကြီး ဦးတင်ဦးလွင်နှင့် ဌာနဆိုင်ရာတာဝန်ရှိသူများ၊ ဖိတ်ကြားထားသူများ တက်ရောက်ကြည်ညိုကြသည်။ ရှေးဦးစွာ ဆဋ္ဌသင်္ဂါယနာတင် မဟာထေရ်မြတ်တို့အား ပူဇော်သောအားဖြင့် နိုင်ငံတော်ဩဝါဒါစရိယ မန္တလေးတိုင်းဒေသကြီး အောင်မြေသာစံမြို့နယ် ဓမ္မိကာရာမကျောင်းတိုက် ပဓာနနာယက ဆရာတော် အဘိဓဇမဟာရဋ္ဌဂုရု ဘဒ္ဒန္တသုဇနပီယက အခမ်းအနားသဘာပတိအဖြစ် ဆောင်ရွက်တော်မူပြီး တိပိဋကဓရ ဓမ္မဘဏ္ဍာဂါရိက စွန်းလွန်းဆရာတော် ဘဒ္ဒန္တသုန္ဒရနှင့် တိပိဋကဓရ တိပိဋကကောဝိဒ ဆရာတော် ဘဒ္ဒန္တသေဋ္ဌဉာဏာလင်္ကာရတို့က သုတ္တန္တပိဋကတ်တော်ကို သင်္ဂါယနာ အမေးအဖြေ ပြုလုပ်ပြီး သံဃာတော် ၁၅ ပါးတို့က စုပေါင်း သံပြိုင်ရွတ်ဆိုပူဇော်ကြသည်။ ထို့နောက် စာတမ်းဖတ်ပွဲ သဘာပတိ နိုင်ငံတော်သံဃမဟာနာယကအဖွဲ့ ဒုတိယဥက္ကဋ္ဌ ရွှေဘိုဆရာတော် အဂ္ဂမဟာပဏ္ဍိတ ဘဒ္ဒန္တစန္ဒဝံသာ လင်္ကာရာဘိဝံသက ဩဝါဒကထာ မိန့်ကြားချီးမြှင့်တော်မူသည်။ ဆက်လက်၍ စာတမ်းဖတ်ပွဲသဘာပတိ နိုင်ငံတော်ဗဟိုသံဃာ့ ဝန်ဆောင်တိပိဋကဓရ တိပိဋက ကောဝိဒရွေးချယ်ရေး စာမေးပွဲဩဝါဒါစရိယအဖွဲ့ အကျိုးတော်ဆောင် လှရတနာဆရာတော် အဂ္ဂမဟာပဏ္ဍိတ အဂ္ဂမဟာသဒ္ဓမ္မ ဇောတိကဓဇ ဘဒ္ဒန္တနာရဒါဘိဝံသ မဟာထေရ်မြတ်က စာတမ်းများနှင့်စပ်လျဉ်း၍ လျှောက်ထားသည်။ ယင်းနောက် နိုင်ငံတော်ပရိယတ္တိသာသနာ့ တက္ကသိုလ်(ရန်ကုန်)၊ ပါမောက္ခ အဂ္ဂမဟာ ဂန္ထဝါစကပဏ္ဍိတ၊ ဒေါက်တာ ဘဒ္ဒန္တကေတုက “မြန်မာနိုင်ငံ ဗုဒ္ဓသာသနာသင်္ဂါယနာတင်သမိုင်း” စာတမ်းကိုလည်းကောင်း၊ ရန်ကုန်တိုင်းဒေသကြီး ဒဂုံမြို့သစ် (တောင်ပိုင်း)မြို့နယ် ပိဋကသုံးပုံ နိကာယ်ကျောင်းတိုက် မော်ကျွန်း ဆရာတော် တိပိဋကဓရဓမ္မဘဏ္ဍာ ဂါရိကဘဒ္ဒန္တသီလက္ခန္ဓာဘိဝံသက “ကမ္ဘာပေါ်တွင် ပညာဉာဏ် အရည်အချင်းစစ် အရှည်ကြာဆုံးစာမေးပွဲ (တိပိဋကဓရ တိပိဋကကောဝိဒ)” စာတမ်းကိုလည်း ကောင်းဖတ်ကြားကြပြီး သာသနာရေးဝန်ကြီးဌာန ပြည်ထောင်စုဝန်ကြီးနှင့် ဌာနဆိုင်ရာတာဝန် ရှိသူများကမေးခွန်းများ မေးမြန်းလျှောက်ထားကြရာ စာတမ်းရှင် ဆရာတော်များက ပြန်လည် ဖြေကြားကြသည်။ မွန်းလွဲပိုင်းတွင် အခမ်းအနားကိုဆက်လက်ကျင်းပရာ စာတမ်းဖတ်ပွဲသဘာပတိ နိုင်ငံတော်သံဃမဟာ နာယကအဖွဲ့ ဒုတိယဥက္ကဋ္ဌ နေနတ်သားဆရာတော် အဂ္ဂမဟာပဏ္ဍိတ ဘဒ္ဒန္တသုစိတ္တက ဩဝါဒကထာ မိန့်ကြားချီးမြှင့်တော်မူသည်။ ယင်းနောက် မန္တလေးမြို့ မြတောင်ပရိယတ္တိစာသင်တိုက် တိုင်းကြည်အဘိဝံသကျောင်း ပညာရေးဗဟို အဖွဲ့ခွဲဥက္ကဋ္ဌ (ဓမ္မာစရိယ) အဂ္ဂမဟာဂန္ထဝါစက ပဏ္ဍိတဘဒ္ဒန္တပညာသာမီဘိဝံသက “ပိဋကတ်တော် ဆောင်သံဃာရတနာများ ပွင့်ထွန်းရာမြေ” စာတမ်းကိုဖတ်ကြားပြီး သီရိလင်္ကာနိုင်ငံ အမရပူရနိကာရ မဟာနာယက ဂိုဏ်းချုပ်ဆရာတော် ဘဒ္ဒန္တကရန်ဂေါဓ ဥယျမ်ဂေါဓ မိဿရိမာသီနှင့် ဘင်္ဂလားဒေ့ရှ်နိုင်ငံ သံဃနာယကအဖွဲ့ဝင် ဘဒ္ဒန္တခေမာစာရတို့က သဝဏ်လွှာများ ဖတ်ကြားကြသည်။ ဆက်လက်၍ နိုင်ငံတော် ပရိယတ္တိသာသနာ့တက္ကသိုလ် (မန္တလေး) မော်ကွန်းထိန်း ဆရာတော် အဂ္ဂမဟာ ဂန္ထဝါစကပဏ္ဍိတ ဒေါက်တာဘဒ္ဒန္တကုမုဒက “ဆဋ္ဌသင်္ဂါယနာတင်ပါဠိရိုမန်ကျောက်စာတင်ခြင်းနှင့် ပါဠိတော်၊ အဋ္ဌကထာ၊ ဋီကာခဲစာလုံးမူမှ ကွန်ပျူတာမူသို့” စာတမ်းကိုဖတ်ကြားပြီး ဆရာတော်များနှင့် တက်ရောက် လာကြသူများက သိလိုသည်များ မေးမြန်းလျှောက်ထားကြရာ စာတမ်းရှင်ဆရာတော်က ပြန်လည်ဖြေကြားပြီး အပြည်ပြည်ဆိုင်ရာ ထေရဝါဒဗုဒ္ဓသာသနာပြု တက္ကသိုလ်ပါမောက္ခချုပ် ဆရာ တော်အဂ္ဂမဟာပဏ္ဍိတ ဒေါက်တာ ဆေကိန္ဒက AI နည်းပညာနှင့်စပ်လျဉ်း၍ ဖြည့်စွက်ဖြေကြား တော်မူသည်။ ထို့နောက် ဩစတြေးလျနိုင်ငံ မဟာယာနဆရာတော် ဘဒ္ဒန္တသစ်ကွမ်ဘ၊ သီရိလင်္ကာနိုင်ငံမှ ပါမောက္ခ ဒေါက်တာဘဒ္ဒန္တမေဓဂ မိတိရေဝိဇိတဓမ္မနှင့် ကမ္ဘောဒီးယားနိုင်ငံမှ ဒေါက်တာ ယွန်ဆင်ယိတ်တို့က သဝဏ်လွှာများ ဖတ်ကြားကြသည်။ ယင်းနောက် အပြည်ပြည်ဆိုင်ရာထေရဝါဒဗုဒ္ဓသာသနာပြုတက္ကသိုလ် ပါမောက္ခမဟာဂန္ထ ဝါစကပဏ္ဍိတ ဒေါက်တာ ဘဒ္ဒန္တစန္ဒမုခက “ပိဋကသုံးပုံနှင့် မြန်မာနိုင်ငံ ထေရဝါဒဗုဒ္ဓသာသနာ” စာတမ်းကိုဖတ်ကြားပြီး အခမ်းအနားကို ရုပ်သိမ်းလိုက်သည်။သတင်းစဉ်MDN
Sat, 2-May-2026
အာရှ ယူ-၁၇ အမျိုးသမီးပြိုင်ပွဲ အဖွင့်ပွဲစဉ်တွင် မြန်မာအသင်း အိမ်ရှင်တရုတ်အသင်းကို ရှုံးနိမ့်
အာရှ ယူ-၁၇ အမျိုးသမီးပြိုင်ပွဲ အဖွင့်ပွဲစဉ်တွင် မြန်မာအသင်း အိမ်ရှင်တရုတ်အသင်းကို ရှုံးနိမ့်
အာရှ ယူ-၁၇ အမျိုးသမီးပြိုင်ပွဲ အုပ်စုအေ၏ မြန်မာအသင်းနှင့် အိမ်ရှင်တရုတ်အသင်းတို့၏ အဖွင့်ပွဲစဉ်တွင် မြန်မာအသင်းက အိမ်ရှင်တရုတ်အသင်းကို ဂိုးပြတ်ရှုံးနိမ့်ခဲ့သည်။မြန်မာအသင်းသည် ပွဲစတင်ကတည်းက တရုတ်အသင်း၏ ဘောလုံးပိုင်ဆိုင်မှု အသာစီးယူ ဖိအားပေးကစားမှုကို အသည်းအသန် ခုခံနေရပြီး ကစားသမားအများစုသည် နောက်တန်းတွင်သာ ပိတ်ဆို့ကာကွယ်ကစားခဲ့ရသည်။ တရုတ်အသင်း၏ တရစပ်တိုက်စစ်ကို မြန်မာဂိုးသမားက အကောင်းဆုံး ဟန့်တားနိုင်ခဲ့သော်လည်း ပွဲကစားချိန် ၇ မိနစ်တွင် ပထမဂိုးကို ခွင့်ပြုပေးလိုက်ရသည်။မြန်မာအသင်းအနေဖြင့် ခံစစ်ပိုင်း အကောင်းဆုံးကစားနိုင်ခဲ့သော်လည်း ပွဲကစားချိန် ၃၀ မိနစ်တွင် ဒုတိယဂိုးနှင့် ၄၀ မိနစ်တွင် တတိယဂိုးတို့ကို ထပ်မံခွင့်ပြုလိုက်ရပြီး ပထမပိုင်းအပြီးတွင် တရုတ်အသင်းက ၃ ဂိုး ဂိုးမရှိဖြင့် ဦးဆောင်ထားသည်။ဒုတိယပိုင်းတွင် တရုတ်အသင်းသည် လူစားလဲမှုများပြုလုပ်ကာ ပိုမိုထိရောက်သည့် ဖိအားပေးတိုက်စစ်ဖြင့် ကစားလာသည်။ မြန်မာဂိုးသမားသည်လည်း အကြိမ်ကြိမ် ကာကွယ်ဟန့်တားနိုင်ခဲ့သော်လည်း ပွဲကစားချိန် ၆၆ မိနစ်တွင် ပြစ်ဒဏ်ဘောမှတစ်ဆင့် စတုတ္ထဂိုးကို ခွင့်ပြုခဲ့ရသည်။ထို့နောက် ပွဲကစားချိန် ၇၂ မိနစ်တွင် ပယ်နယ်တီမှ ပဉ္စမဂိုးနှင့် ၈၅ မိနစ်တွင် ဆဋ္ဌမဂိုးတို့ကို ထပ်မံခွင့်ပြုခဲ့ရပြီး ပွဲအပြီးတွင် တရုတ်အသင်းက ၆ ဂိုး ဂိုးမရှိဖြင့် အနိုင်ရရှိခဲ့သည်။ဝန်းရံခMWD
Sat, 2-May-2026
ပရီးမီးယားလိဂ်ပြိုင်ပွဲ စပိန်လာလီဂါပြိုင်ပွဲနှင့် အီတလီစီးရီးအေပြိုင်ပွဲများ ပွဲကြိုသုံးသပ်ချက်
ပရီးမီးယားလိဂ်ပြိုင်ပွဲ စပိန်လာလီဂါပြိုင်ပွဲနှင့် အီတလီစီးရီးအေပြိုင်ပွဲများ ပွဲကြိုသုံးသပ်ချက်
အာဆင်နယ် ‌Vs ဖူလ်ဟမ်ကစားမည့် ရက် / အချိန်(၂-၅-၂၀၂၆ ရက် ည ၁၁:၀၀နာရီ)နောက်ဆုံးသုံးပွဲတွေ့ဆုံမှုရလဒ်            ဖူလ်ဟမ်           ၀          -           ၁          အာဆင်နယ်            အာဆင်နယ်     ၂          -           ၁          ဖူလ်ဟမ်            ဖူလ်ဟမ်           ၁          -           ၁          အာဆင်နယ်နောက်ဆုံးသုံးပွဲ အနိုင်၊ အရှုံးအခြေအနေအာဆင်နယ်     ဝေး(ရှုံး)            အိမ်(နိုင်)          ဝေး(သရေ)ဖူလ်ဟမ်           ဝေး(ရှုံး)            ဝေး(သ‌ရေ)       အိမ်(နိုင်)ခန့်မှန်းရလဒ်အာဆင်နယ် ၁ - ၀ ဖူလ်ဟမ်‌ချန်ပီယံဆုအတွက်    လက်ကျန်ပွဲစဉ်အားလုံး အနိုင်ရလဒ်ရရှိဖို့      လိုအပ်နေတဲ့     အာဆင်နယ် အသင်း  အိမ်ကွင်းမှာ    ရမှတ်ပြည့် ရရှိဖို့အတွက် အကောင်းဆုံးပြင်ဆင်လာမှာပါ။     အာဆင်နယ် အသင်းအတွက်  ဖူလ်ဟမ်အသင်းက   လန်ဒန်မြို့ခံ အသင်းဖြစ်လို့     အလွယ်တကူအသာစီးရယူနိုင်ဖို့ အတွက်တော့ ခက်ခဲမှာပါ။ အာဆင်နယ်အသင်း အတွက် ပွဲဆက်ကစားထားရလို့ ပွဲပန်းလာနိုင်တယ် ဆိုပေမယ့် ရမှတ်လိုအပ်ချက်ရှိတာကြောင့် အနိုင် ရလဒ်အတွက် အမှားခံမှာမဟုတ်ပါဘူး။ အာဆင် နယ်အသင်းရဲ့   ဒီဘောလုံးရာသီလိဂ် အိမ်ကွင်းစွမ်း ဆောင်ရည်ပိုင်းကိုကြည့်မယ်ဆိုရင်  ၁၇ ပွဲကစားပြီး ချိန်မှာ  ၁၃  ပွဲနိုင်၊  နှစ်ပွဲသရေနဲ့ နှစ်ပွဲရှုံးရလဒ်ရရှိထားလို့    အိမ်ကွင်းစွမ်းဆောင်ရည်   အကောင်းဆုံး အသင်းအဖြစ်   ရပ်တည်နေတာကို   တွေ့ရမှာပါ။ ဆာကာပြန်လည်ပါဝင်လာနိုင်တဲ့      အာဆင်နယ် အသင်းတိုက်စစ်ပိုင်းက    ပိုမိုအားကောင်းလာလို့ ဖူလ်ဟမ်အသင်းခံစစ်ပိုင်းကို ဖိအားပေးလာနိုင်မှာပါ။ဖူလ်ဟမ်အသင်းက အမှတ်ပေးဇယား အဆင့် (၁၀)နေရာမှာ ရပ်တည်နေတယ်ဆိုပေမယ့် ဥရောပ ဝင်ခွင့်တစ်နေရာအတွက်   မျှော်လင့်ချက်ရှိနေလို့ ရမှတ်လိုအပ်ချက်ရှိနေတယ်ဆိုပေမယ့်  ပြိုင်ဘက်အသင်းက အာဆင်နယ်အသင်းဖြစ်သလို ချန်ပီယံဆု အတွက်  အားပြိုင်နေတဲ့အသင်းဖြစ်လို့  ခက်ခဲမှာ အမှန်ပါပဲ။ ဖူလ်ဟမ်အသင်းအတွက် အာဆင်နယ် အသင်း   အိမ်ကွင်းမှာ   သွားရောက်ကစားရတိုင်း ရလဒ်ကောင်းလေ့မရှိလို့   အခုအဝေးကွင်းပွဲစဉ်မှာ လည်း  အာဆင်နယ်အသင်းတိုက်စစ်ပိုင်းကို  ပွဲချိန် ပြည့်ထိန်းချုပ်ရခက်ခဲမှာပါ။    ဖူလ်ဟမ်အသင်းရဲ့ ဒီဘောလုံးရာသီလိဂ်အဝေးကွင်းစွမ်းဆောင်ရည်ပိုင်းကို ကြည့်မယ်ဆိုရင်  ၁၇ ပွဲကစားပြီးချိန်မှာ  လေးပွဲ အနိုင်ရရှိပြီး လေးပွဲသရေရလဒ်နဲ့  ကိုးပွဲရှုံးနိမ့်ထား လို့   အိမ်ကွင်းစွမ်းဆောင်ရည်ပိုင်းက   ဆိုးရွားနေတာကို    တွေ့ရမှာပါ။   ဖူလ်ဟမ်အသင်းအတွက် အာဆင်နယ်အသင်းတိုက်စစ်ပိုင်းကိုလည်း   ပွဲချိန် ပြည့်ထိန်းချုပ်ရခက်ခဲမှာပါ။ဒီနှစ်သင်းကြားတွေ့ဆုံမှုအပိုင်းမှာတော့ အာဆင် နယ်အသင်းက  ၁၁  ကြိမ် အနိုင်ရရှိထားပါတယ်။ ဖူလ်ဟမ်အသင်းကတော့       နှစ်ကြိမ်သာအနိုင်ရရှိပြီး      ခြောက်ကြိမ်သရေရလဒ်ထွက်ပေါ်ထားလို့ အာဆင်နယ်အသင်းက အသာစီးမှာရှိနေပါတယ်။ ဒါကြောင့်  အဘက်ဘက်က  အသာစီးမှာရှိနေတဲ့ အာဆင်နယ်အသင်းပဲ    အနိုင်သုံးမှတ်ရယူသွားပါ လိမ့်မယ်။ဗလင်စီယာ ‌Vs အက်သလက်တီကိုကစားမည့် ရက် / အချိန်(၂-၅-၂၀၂၆ ရက် ည ၈:၄၅နာရီ)နောက်ဆုံးသုံးပွဲတွေ့ဆုံမှုရလဒ်            အက်သလက်တီကို       ၂          -           ၁          ဗလင်စီယာ            ဗလင်စီယာ      ၀          -           ၃          အက်သလက်တီကို            အက်သလက်တီကို       ၃          -           ၀          ဗလင်စီယာနောက်ဆုံးသုံးပွဲ အနိုင်၊ အရှုံးအခြေအနေဗလင်စီယာ      ဝေး(ရှုံး)            ဝေး(သရေ)       အိမ်(နိုင်)အက်သလက်တီကို       ဝေး(ရှုံး)            အိမ်(နိုင်)          အိမ်(သရေ)ခန့်မှန်းရလဒ်ဗလင်စီယာ ၂ - ၁ အက်သလက်တီကိုဗလင်စီယာအသင်းက        အမှတ်ပေးဇယား အဆင့်(၁၂)နေရာမှာ    ရပ်တည်နေတယ်ဆိုပေမယ့် တန်းဆင်းဇုန်က ဆီဗီလာအသင်းနဲ့ ရမှတ်ကွာဟမှု ငါးမှတ်သာရှိနေလို့ တန်းဆင်းဇုန်ဖိအားတွေရှိနေပြီး ရမှတ်လိုအပ်ချက်တွေရှိနေတာကို   တွေ့ရမှာပါ။ ဗလင်စီယာအသင်းရဲ့ လိဂ်အိမ်ကွင်းစွမ်းဆောင်ရည် ပိုင်းကို  ကြည့်မယ်ဆိုရင်  ၁၆  ပွဲကစားပြီးချိန်မှာ ခုနစ်ပွဲနိုင်၊    ငါးပွဲသရေနဲ့    လေးပွဲရှုံးရလဒ်ရရှိထား လို့  အိမ်ကွင်းဆိုရင်တော့  ရလဒ်ကောင်းလေ့ရှိတာကို    တွေ့ရမှာပါ။     ဗလင်စီယာအသင်းအတွက် လက်ကျန်ပွဲစဉ်တွေမှာ ရလဒ်တွေဆိုးရွားခဲ့မယ်ဆို ရင်   တန်းဆင်းဇုန်ထဲရောက်သွားနိုင်လို့   အခုလို အိမ်ကွင်းပွဲစဉ်တွေမှာ     ရမှတ်ပြည့်ရရှိဖို့အတွက် အကောင်းဆုံးပြင်ဆင်လာမှာပါ။ ဗလင်စီယာအသင်း အတွက် ပြိုင်ဘက်အသင်းက အက်သလက်တီကို အသင်းဖြစ်လို့  ခက်ခဲနိုင်တယ်ဆိုပေမယ့်  အိမ်ရှင် အားသာချက်နဲ့ အကောင်းဆုံးတုံ့ပြန်ကစားနိုင်ပါလိမ့်မယ်။အက်သလက်တီကိုအသင်းကတော့     နောက် ပိုင်းပွဲစဉ်တွေမှာရလဒ်တွေဆိုးရွားနေပြီး နောက် ဆုံးကစားခဲ့တဲ့  ပြိုင်ပွဲစုံ  ငါးပွဲမှာ တစ်ပွဲသာအနိုင် ရရှိထားပါတယ်။      အက်သလက်တီကိုအသင်းရဲ့ ဒီဘောလုံးရာသီလိဂ် အဝေးကွင်းစွမ်းဆောင်ရည် ပိုင်းကို ကြည့်မယ်ဆိုရင်လည်း ၁၆ ပွဲကစားပြီးချိန် မှာ  လေးပွဲအနိုင်ရရှိပြီး  ငါးပွဲသရေရလဒ်နဲ့  ခုနစ်ပွဲ ရှုံးနိမ့်ထားလို့  အဝေးကွင်းဆိုရင်  ခြေစွမ်းပိုင်းက စိတ်ချလို့မရတာကို       တွေ့ရမှာပါ။             ဒါ့ပြင် အက်သလက်တီကိုအသင်းအတွက် ချန်ပီယံလိဂ် ပြိုင်ပွဲဝင်ခွင့်ရရှိဖို့အတွက်ကလည်း နီးစပ်နေသလို ဒီဘောလုံးရာသီချန်ပီယံလိဂ်ပြိုင်ပွဲမှာလည်း ဆီမီး ဖိုင်နယ်အဆင့် တက်ရောက်ထားလို့  လာလီဂါပြိုင်ပွဲ ထက် ချန်ပီယံလိဂ်ပြိုင်ပွဲဘက်ကိုသာ ပိုမိုအာရုံစိုက် နေလို့ အခု  အဝေးကွင်းပွဲစဉ်မှာလည်း  ရုန်းကန်ရဖို့ ရှိပါတယ်။     အက်သလက်တီကိုအသင်းအတွက် ချန်ပီယံလိဂ်ပြိုင်ပွဲမှာ အာဆင်နယ်အသင်းနဲ့ ပွဲစဉ် အတွက်သာ ပိုမိုအာရုံစိုက်နေတာကို တွေ့ရမှာပါ။ဒီနှစ်သင်းကြား  ထိပ်တိုက်တွေ့ဆုံမှုအပိုင်းကို ကြည့်မယ်ဆိုရင်     အက်သလက်တီကိုအသင်းက အကြိမ် ၂၀ နိုင်ထားပါတယ်။ ဗလင်စီယာအသင်း က ငါးကြိမ်အနိုင်ရရှိပြီး ၁၀ ကြိမ်သရေရလဒ်ထွက် ပေါ်ထားလို့ အက်သလက်တီကိုအသင်းက အသာစီး မှာရှိနေပါတယ်။  ဒါပေမဲ့  ဗလင်စီယာအသင်းက တန်းဆင်းဇုန်ဖိအားတွေရှိနေလို့ အိမ်ရှင်အားသာ ချက်နဲ့ အနိုင်ရအောင်ကစားမှာပါ။ကိုမို ‌Vs နာပိုလီကစားမည့် ရက် / အချိန်(၂-၅-၂၀၂၆ ရက် ည ၁၀:၃၀ နာရီ)နောက်ဆုံးသုံးပွဲတွေ့ဆုံမှုရလဒ်            နာပိုလီ ၁          -           ၁          ကိုမို            နာပိုလီ ၀          -           ၀          ကိုမို            ကိုမို     ၂          -           ၁          နာပိုလီနောက်ဆုံးသုံးပွဲ အနိုင်၊ အရှုံးအခြေအနေကိုမို     ဝေး(ရှုံး)            ဝေး(ရှုံး)            ဝေး(နိုင်)နာပိုလီ ဝေး(သရေ)       အိမ်(ရှုံး)           အိမ်(နိုင်)ခန့်မှန်းရလဒ်ကိုမို ၂ - ၁ နာပိုလီချန်ပီယံလိဂ်ပြိုင်ပွဲဝင်ခွင့်  မျှော်လင့်ချက်ရှိနေ သေးတဲ့ ကိုမိုအသင်းအတွက် အိမ်ကွင်းမှာ ရမှတ် ပြည့်ရယူပြီး   အဆင့်(၄)က  ဂျူဗင်တပ်စ်အသင်းကို ဖိအားပေးနိုင်ဖို့  အကောင်းဆုံးပြင်ဆင်လာမှာပါ။  နောက်ပိုင်းပွဲစဉ်တွေမှာ ကိုမိုအသင်းခြေစွမ်းပိုင်း ကျဆင်းလာတယ်ဆိုပေမယ့် အိမ်ကွင်းဆိုရင်တော့ အသင်းလိုက်ကစားပုံ   ကောင်းမွန်တဲ့အသင်းတစ် သင်းပါ။ ကိုမိုအသင်းရဲ့ ဒီဘောလုံးရာသီလိဂ်အိမ် ကွင်းစွမ်းဆောင်ရည်ပိုင်းကိုကြည့်မယ်ဆိုရင် ၁၇ ပွဲ ကစားပြီးချိန်မှာ ကိုးပွဲအနိုင်ရရှိထားပြီး ငါးပွဲသရေ ရလဒ်နဲ့ သုံးပွဲရှုံးနိမ့်ထားလို့  အိမ်ကွင်းဆိုရင်  ရလဒ် ကောင်းရရှိအောင်  စွမ်းဆောင်နိုင်တဲ့အသင်းတစ် သင်းပါ။ ဒါ့ပြင် ကိုမိုအသင်းရဲ့  အိမ်ကွင်းတိုက်စစ် ပိုင်းစွမ်းဆောင်ရည်ပိုင်းကို  ကြည့်မယ်ဆိုရင် ၁၇ ပွဲ မှာ ၃၄ ဂိုးရရှိထားလို့ အိမ်ကွင်းဆိုရင် တိုက်စစ်ပိုင်း အားကောင်းတဲ့  အသင်းတစ်သင်းဖြစ်လို့  နာပိုလီ အသင်းခံစစ်ပိုင်းကို အကောင်းဆုံးဖိအားပေးကစား နိုင်ပါလိမ့်မယ်။နာပိုလီအသင်းက      နောက်ပိုင်းပွဲစဉ်တွေမှာ ရလဒ်ပိုင်းမတည်ငြိမ်မှုတွေကြောင့်      ချန်ပီယံဆု အတွက် မျှော်လင့်ချက်အတော် လေးနည်းသွားလို့ ချန်ပီယံလိဂ်ပြိုင်ပွဲဝင်ခွင့်အတွက်သာ  ဆက်လက် အားပြိုင်ရဖို့ရှိနေပါတယ်။   နာပိုလီအသင်းရဲ့   ဒီ ဘောလုံးရာသီလိဂ် အဝေးကွင်းစွမ်းဆောင်ရည်ပိုင်း ကို ကြည့်မယ်ဆိုရင် ၁၇ ပွဲမှာ ကိုးပွဲနိုင်၊ နှစ်ပွဲသရေ နဲ့  ခြောက်ပွဲရှုံးနိမ့်ထားလို့  အ‌ဝေးကွင်းခြေစွမ်းပိုင်း က   ပုံမှန်အနေအထားမှာပဲရှိတာကို   တွေ့ရမှာပါ။ နာပိုလီအသင်းက    ကိုမိုအသင်းနဲ့   နောက်ပိုင်း တွေ့ဆုံမှုတွေမှာ ရုန်းကန်နေရပြီး နောက်ဆုံးတွေ့ဆုံ ခဲ့တဲ့  သုံးပွဲဆက်  နိုင်ပွဲပျောက်ဆုံးနေပြီး  နှစ်ပွဲသရေ နဲ့     တစ်ပွဲရှုံးနိမ့်တဲ့အထိ    ရုန်းကန်နေရတာကို တွေ့ရမှာပါ။ လက်ရှိ နာပိုလီအသင်းရဲ့ ခြေစွမ်းပိုင်း ကလည်း တည်ငြိမ်မှုအားနည်းနေဆဲဖြစ်လို့ ခံစစ် ပိုင်းက    အမှားအယွင်းတွေများပြီး      ရုန်းကန်နေရလို့ အိမ်ကွင်းတိုက်စစ်ပိုင်း အားကောင်းတဲ့ ကိုမိုအသင်း တိုက်စစ်ပိုင်းကို ထိန်းချုပ်ရ ခက်ခဲမှာပါ။ဒီနှစ်သင်းကြားတွေ့ဆုံမှု အပိုင်းကို ကြည့်မယ်ဆိုရင် တစ်ကြိမ်စီ အပြန်အလှန်အနိုင်ရရှိထားပြီး နှစ်ကြိမ်သရေရလဒ်ထွက်ပေါ်ထားလို့ အသာစီးရရှိ ထားခြင်းမရှိပါဘူး။ လက်ရှိ ဒီနှစ်သင်းကြား ခြေစွမ်း ပိုင်းကလည်း    ကွာခြားမှုမရှိလို့    အိမ်ကွင်းဆိုရင် အသင်းလိုက်ကစားပုံကောင်းမွန်မှုရှိတဲ့        ကိုမိုအသင်းပဲ အိမ်ကွင်းမှာ မပြတ်သားတဲ့ရလဒ်နဲ့ အနိုင် ရယူသွားပါလိမ့်မယ်။စည်သူအောင်MWD
Sat, 2-May-2026
ကဆုန်လပြည့် (ဗုဒ္ဓနေ့)၌ ရန်ကုန်မြို့ရှိ ရွှေတိဂုံစေတီတော်မြတ်ကြီးနှင့် ဘုရား၊ စေတီ၊ ပုထိုးများ၌ ကုသိုလ်ကောင်းမှုပြုကြသူများ၊ ညောင်ရေသွန်းလောင်းကြသူများဖြင့် အထူးစည်ကားများပြား
ကဆုန်လပြည့် (ဗုဒ္ဓနေ့)၌ ရန်ကုန်မြို့ရှိ ရွှေတိဂုံစေတီတော်မြတ်ကြီးနှင့် ဘုရား၊ စေတီ၊ ပုထိုးများ၌ ကုသိုလ်ကောင်းမှုပြုကြသူများ၊ ညောင်ရေသွန်းလောင်းကြသူများဖြင့် အထူးစည်ကားများပြား
ရန်ကုန် ဧပြီ ၃၀ယနေ့သည် ဖွား၊ ပွင့်၊ ဟော၊ စံ ဗျာဒိတ်ခံသည့် ကဆုန်လပြည့် ဗုဒ္ဓနေ့ဖြစ်ပြီး ဗုဒ္ဓဘာသာဝင်များ၏ နေ့ထူးနေ့မြတ်ဖြစ်သည့် အားလျော်စွာ ရန်ကုန်မြို့ရှိ ရွှေတိဂုံစေတီတော်မြတ်ကြီးနှင့် ဘုရား၊ စေတီ၊ ပုထိုးများ၌ ဥပုသ်သီတင်းဆောက်တည်ကြသူများ၊ ကုသိုလ်ဒါနကောင်းမှုပြုကြသူများ၊ ညောင်ရေသွန်းလောင်းကြသူများဖြင့် အထူးစည်ကားလျက်ရှိသည်။ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့က ကြီးမှူးကျင်းပသည့် (၄၃) ကြိမ်မြောက် ကဆုန်ညောင်ရေသွန်းလောင်းပူဇော်ပွဲအခမ်းအနားကို ယနေ့နံနက် ၅ နာရီခွဲမှစ၍ ရွှေတိဂုံစေတီတော်ရင်ပြင်ရှိ သတ်မှတ်နေရာအသီးသီး၌ ကျင်းပသည်။ ဦးစွာ ရွှေတိဂုံစေတီတော်မြတ်ကြီးအား အရုဏ်ဆွမ်းတော်ကြီး ဆက်ကပ်လှူဒါန်းပွဲကို စေတီတော်ရင်ပြင်ရှိ ဧည့်ခံတန်ဆောင်း၌ ကျင်းပရာ ဂေါပကအဖွဲ့ဝင်များနှင့် ဘာသာရေးဝတ်အသင်းအဖွဲ့များက ဗုဒ္ဓပူဇာအဖြစ် ဗုဒ္ဓမြတ်စွာဘုရားရှင်အား အရုဏ်ဆွမ်းတော်ကြီးနှင့် ပန်း၊ ရေချမ်း၊ သစ်သီး၊ ဆီမီးများ ဆက်ကပ်လှူဒါန်းပူဇော်ပြီး စေတီတော်မြတ်ကြီးအား မြတ်ဘုရား ရွှေတိဂုံဂါထာဖြင့် ရှိခိုးပူဇော်ခြင်း၊ နဝင်္ဂသီလခံယူဆောက်တည်ခြင်း၊ ဘုရားတရား၊ သံဃာဂုဏ်တော်များ ရွတ်ပွားပူဇော်ခြင်း၊ မေတ္တာဘာဝနာ ပွားများခြင်း၊ ဆုတောင်းအမျှဝေ သာဓုခေါ်ဆိုခြင်းတို့ ဆောင်ရွက်ကြသည်။ ဆက်လက်၍ ဘဏ္ဍာတော်ထိန်းဂေါပကအဖွဲ့ဝင်များနှင့် တာဝန်ရှိသူများက ဩဝါဒါစရိယဆရာတော်ကြီးများနှင့် ပင့်သံဃာ့တော်များအား လှူဖွယ်ဝတ္ထုပစ္စည်းများ ဆက်ကပ်လှူဒါန်းကြပြီး ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့ ဩဝါဒါစရိယ၊ ဆရာတော် ဘဒ္ဒန္တဇာဂရထံမှ အနုမောဒနာတရား နာကြားပြီး လှူဒါန်းမှု အစုစုတို့အတွက် ရေစက်သွန်းချ အမျှပေးဝေကြသည်။ယင်းနောက် ဩဝါဒါစရိယဆရာတော်ကြီးများနှင့် ပင့်သံဃာ့တော်များ၊ ဂေါပကအဖွဲ့ဝင်များ၊ ဘာသာရေးဝတ်အသင်းဖွဲ့များနှင့် ဘုရားဖူးလာပြည်သူများက ဗောဓိညောင်ပင်အား ညောင်ရေသွန်းလောင်းပူဇော်ကြသည်။အလားတူ ဗိုလ်တထောင်ကျိုက်ဒေးအပ် ဆံတော်ဦးစေတီတော်၊ သီရိမင်္ဂလာကမ္ဘာအေးစေတီတော်၊ ဆူလေးစေတီတော်၊ရွှေဘုန်းပွင့်စေတီတော်၊ ဝရဒါဌာဓာတု စေတိယစွယ်တော်မြတ်စေတီတော် (ရန်ကုန်)၊ မဟာဝိဇယစေတီတော်၊ ရှေးဟောင်းသမိုင်းဝင် အပရာဇိတဆံတော်ရှင်ကျိုက်ဝိုင်းစေတီတော်၊ သမိုင်းဝင် မဟာဓမ္မရံသီအိမ်တော်ရာစေတီတော်၊ ကျိုက္ကဆံစေတီတော်၊ ဆုတောင်းပြည့်မယ်လမုစေတီတော်၊ ငါးထပ်ကြီးဘုရား၊ ခြောက်ထပ်ကြီးဘုရား၊ ကိုးထပ်ကြီးဘုရားတို့၌လည်း သက်ဆိုင်ရာစေတီတော်ဂေါပကအဖွဲ့ဝင်များ ကြီးမှူး၍ ညောင်ရေ သွန်းလောင်းပူဇော်ပွဲများ ကျင်းပကြရာ ဆရာတော်ကြီးများထံမှ သီလခံယူခြင်း၊ ပရိတ်တရားတော်နှင့် ရေစက်ချတရားများနာယူခြင်း ပြုလုပ်ကြပြီး ဘုရားဂေါပကအဖွဲ့များနှင့် ဘုရားဖူးလာပြည်သူများက ဗောဓိညောင်ပင်များအား ညောင်ရေသွန်းလောင်းကြသည်။ယနေ့ကဆုန်လပြည့် (ဗုဒ္ဓနေ့) တွင် ရန်ကုန်မြို့ရှိ ရွှေတိဂုံစေတီတော်မြတ်ကြီးနှင့် ဘုရား၊ စေတီ၊ ပုထိုးများ၌ ဘုရားဖူးလာပြည်သူများအား အလှူရှင်များက စတုဒိသာများ ကျွေးမွေးလှူဒါန်းကြရာ အထူးစည်ကားလျက်ရှိသည်။ဇော်မင်းလတ်(mna)moi
Fri, 1-May-2026
ကဆုန်ညောင်ရေသွန်းလောင်းပူဇော်ပွဲ မဟာမင်္ဂလာအခမ်းအနား နေပြည်တော်၌ ကျင်းပ
ကဆုန်ညောင်ရေသွန်းလောင်းပူဇော်ပွဲ မဟာမင်္ဂလာအခမ်းအနား နေပြည်တော်၌ ကျင်းပ
နေပြည်တော် ဧပြီ ၃၀ပြည်ထောင်စုသမ္မတမြန်မာနိုင်ငံတော်အစိုးရ ကဆုန်ညောင်ရေသွန်းလောင်းပူဇော်ပွဲအခမ်းအနားကို ယနေ့ညနေပိုင်းတွင် ပြည်ထောင်စုနယ်မြေ နေပြည်တော် မာရဝိဇယဗုဒ္ဓဥယျာဉ် ပရိဝုဏ်တော်အတွင်း၌ ကျင်းပရာ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဦးညိုစောနှင့် ဇနီး ဒေါ်စမ်းစမ်းအေး၊ ဒုတိယသမ္မတ ဒေါ်နန်းနီနီအေးတို့က ပရိဝုဏ်တော်အတွင်းရှိ မဟာဗောဓိညောင်ပင်တော်ကို ညောင်ရေသွန်းလောင်းပူဇော်ကြသည်။အခမ်းအနားသို့ ပြည်ထောင်စုတရားသူကြီးချုပ် ဦးသာဌေး၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးဥက္ကဋ္ဌ ဦးအောင်ဇော်သိန်းနှင့် ဇနီး၊ ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသန်းစိုးနှင့်ဇနီး၊ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဗိုလ်ချုပ်ကြီး ကျော်စွာ လင်းနှင့်ဇနီး၊ ပြည်ထောင်စုဝန်ကြီးများနှင့် ဇနီးများ၊ ကာကွယ်ရေးဦးစီးချုပ် (ရေ)၊ ကာကွယ်ရေး ဦးစီးချုပ် (လေ)၊ နေပြည်တော်ကောင်စီဥက္ကဋ္ဌ၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ)၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ ဒုတိယဝန်ကြီးနှင့် တာဝန်ရှိသူများ၊ ဝတ်အသင်းအဖွဲ့များ၊ အရာထမ်း အမှုထမ်းများ တက်ရောက်ကြသည်။ကပ်လှူပူဇော်ဦးစွာ ဒုတိယသမ္မတ ဦးညိုစောနှင့် ဇနီးတို့သည် မာရဝိဇယဗုဒ္ဓရုပ်ပွားတော်မြတ်ကြီးအား ပန်း၊ ရေချမ်းနှင့် ဆီမီးများ ကပ်လှူပူဇော်ပြီး ဖူးမြော်ကြည်ညို ကြသည်။ထို့နောက် ကဆုန်ညောင်ရေသွန်းလောင်းပူဇော်ခြင်းအခမ်းအနားကို ကျင်းပရာ “နမောတဿ” သုံးကြိမ်ရွတ်ဆို ဘုရားကန်တော့ဖွင့်လှစ်ပြီး အခမ်းအနားမှူးက မဟာဗောဓိ ရုက္ခသိဉ္စနပူဇာ ဂါထာ တော်ကို ရွတ်ဖတ်ပူဇော်သည်။ညောင်ရေသွန်းလောင်းယင်းနောက် ဒုတိယသမ္မတ ဦးညိုစောနှင့် ဇနီး၊ ဒုတိယသမ္မတ ဒေါ်နန်းနီနီအေး၊ ပြည်ထောင်စုအဆင့်ပုဂ္ဂိုလ်များနှင့် ဇနီးများ၊ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) နှင့် ဇနီး၊ ပြည်ထောင်စုဝန်ကြီးများနှင့် ဇနီးများ၊ ကာကွယ်ရေးဦးစီးချုပ်ရုံးမှ အဆင့်မြင့် တပ်မတော်အရာရှိကြီးများနှင့် ဇနီးများနှင့် အခမ်းအနားတက်ရောက်လာကြသူများသည် သတ်မှတ်ထားသည့်နေရာများအလိုက် နေရာယူကြပြီး မဟာဗောဓိညောင်ပင်တော်အား အမွှေးနံ့သာ ရည်များ ပက်ဖျန်းပူဇော်ကာ ညောင်ရေသွန်းလောင်းပူဇော်ကြသည်။ ဆက်လက်၍ မဟာဗောဓိညောင်ပင်တော်ရှိ ဗုဒ္ဓရုပ်ပွားတော်မြတ်များအား ရေသပ္ပာယ်ကြပြီး မဟာဗောဓိညောင်ပင်တော်အား လက်ယာရစ် လှည့်လည်ပူဇော်ကြသည်။ထို့နောက် အခမ်းအနားမှူးက အောင်ဆုမင်္ဂလာအမျှဝေစာတမ်းအား ဖတ်ကြားပြီး ကုသိုလ်အမျှပေးဝေကြကာ “ဗုဒ္ဓသာသနံ စိရံတိဋ္ဌတု” သုံးကြိမ်ရွတ်ဆို ဆုတောင်းပြီး အခမ်းအနားကို ရုပ်သိမ်းလိုက်သည်။ယင်းနောက် ဒုတိယသမ္မတများနှင့် အခမ်းအနားတက်ရောက်လာကြသူများသည် မာရဝိဇယဗုဒ္ဓရုပ်ပွားတော်မြတ်ကြီးအပါအဝင် ဗုဒ္ဓဥယျာဉ်တော်အတွင်း တည်ထားပူဇော်ထားသည့် ဂန္ဓကုဋိတိုက်တော်များ၊ ကျောက်စာရုံစေတီတော် မုစလိန္ဒကန်နှင့် နဂါးရုံဘုရားစသည့် ဘုရား၊ ကျောင်း၊ ကန်၊ သာသနိကအဆောက်အအုံများကို လာရောက်ဖူးမြော်ကြည်ညိုကြသည့် ဘုရားဖူးလာပြည်သူများအား ရင်းရင်းနှီးနှီးနှုတ်ဆက်ကြပြီး ကဆုန်လပြည့်ဗုဒ္ဓနေ့ သရုပ်ပြယာဉ်များကို လှည့်လည်ကြည့်ရှုကြသည်။ကဆုန်လပြည့် (ဗုဒ္ဓနေ့)ကို ကဆုန်လပြည့် မာရ်အောင်နေ့ဟူ၍ ခေါ်စမှတ်ပြုကြပြီး ကဆုန်လပြည့်နေ့ရောက်တိုင်း ဘုရားအလောင်းဖွားမြင်သည့်အချိန်နှင့် တစ်ချိန်တည်း ဖြစ်တည်ရှင်သန်လာသည့် မူလမဟာဗောဓိပင်၏ ပင်ပွားဗောဓိပင်များကို မညှိုးနွမ်း စိမ်းလန်းရှင်သန်စေရန်ဟူသော ဆန္ဒမွန်ဖြင့် ပရိဘောဂစေတီထိုက်သော ဗောဓိညောင်ပင်ကို သက်တော်ထင်ရှား မြတ်စွာဘုရား၏ မာရ်ငါးပါးကို အောင်မြင်တော်မူမှု အာရုံပြုရည်မှန်း၍ ညောင်ရေသွန်းဖျန်းလှူဒါန်းပူဇော်ခြင်းအမှုကို ပြုလုပ်ကြခြင်းဖြစ်ကြောင်း သိရသည်။moi
Fri, 1-May-2026
ဥပ္ပါတသန္တိစေတီတော်မြတ်ကြီးနှင့် မာရဝိဇယဗုဒ္ဓရုပ်ပွားတော်မြတ်ကြီးအား ဆီမီးတိုင်များဖြင့် လှည့်လည်ပူဇော်
ဥပ္ပါတသန္တိစေတီတော်မြတ်ကြီးနှင့် မာရဝိဇယဗုဒ္ဓရုပ်ပွားတော်မြတ်ကြီးအား ဆီမီးတိုင်များဖြင့် လှည့်လည်ပူဇော်
နေပြည်တော် ဧပြီ ၃၀မြန်မာသက္ကရာဇ် ၁၃၈၈ ခုနှစ် ကဆုန်လပြည့် (ဗုဒ္ဓနေ့) တွင် ဥပ္ပါတသန္တိစေတီတော်မြတ်ကြီးနှင့် မာရဝိဇယဗုဒ္ဓရုပ်ပွားတော်မြတ်ကြီးတို့အား ဝန်ကြီးဌာနများမှ ဝန်ထမ်းများနှင့် ကျောင်းသား ကျောင်းသူများစုပေါင်း၍ ဆီမီးတိုင်များဖြင့် လှည့်လည်ပူဇော်ခြင်းအခမ်းအနားကို ယနေ့ညနေပိုင်းတွင် ဥပ္ပါတသန္တိစေတီတော်မြတ်ကြီးပရိဝုဏ်နှင့် မာရဝိဇယဗုဒ္ဓဥယျာဉ်တော်တို့တွင် ကျင်းပသည်။ဦးစွာ ဗျာဒိတ်တော်ခံယူတော်မူခြင်း၊ ဖွားမြင်တော်မူခြင်း၊ ဘုရားပွင့်တော်မူခြင်းနှင့် ပရိနိဗ္ဗာန်စံတော်မူခြင်းစသည့် သရုပ်ပြယာဉ်များဖြင့် ဝန်ကြီးဌာနများမှ ဝန်ထမ်းများ၊ ကျောင်းသား ကျောင်းသူများသည် တပေါင်းကွင်းစုရပ်မှ စတင်ထွက်ခွာကြပြီး ဥပ္ပါတသန္တိစေတီတော်မြတ်ကြီးအား လက်ယာရစ်လှည့်လည်ပူဇော်ကြသည်။ထိုမှတစ်ဆင့် သရုပ်ပြယာဉ်များကို ဘုရားဖူးပြည်သူများ ဖူးမြော်ကြည်ညိုနိုင်ရန် မာရဝိဇယဗုဒ္ဓဥယျာဉ်တော်အတွင်း အပူဇော်ခံထားရှိကာ မာရဝိဇယဗုဒ္ဓရုပ်ပွားတော်မြတ်ကြီးအား သတ်မှတ်လမ်းကြောင်းအတိုင်း လက်ယာရစ်လှည့်လည်ပူဇော်ကြကြောင်း သိရသည်။moi
Fri, 1-May-2026
© Copyright 2024 SAC All Rights Reserved.