ပြိုင်ဘက်လန်ဒန်ကလပ်အသင်းအားလုံးကို ရှုံးနိမ့်သည့် ပထမဆုံးအသင်းအဖြစ် ဝက်စ်ဟမ်းအသင်း မှတ်တမ်းဝင်

NoahJune222

News Image

  • ပြိုင်ဘက်လန်ဒန်ကလပ်အသင်းအားလုံးကို ရှုံးနိမ့်သည့် ပထမဆုံးအသင်းအဖြစ် ဝက်စ်ဟမ်းအသင်း မှတ်တမ်းဝင်

လန်ဒန်မြို့တွင် ယှဉ်ပြိုင်သည့် ပရီးမီးယားလိဂ်ပွဲစဉ် (၃၆) အဖြစ် အာဆင်နယ်အသင်းနှင့် တွေ့ဆုံကစားရာတွင် ဝက်စ်ဟမ်းအသင်းသည် ၁ ဂိုး–ဂိုးမရှိဖြင့် ရှုံးနိမ့်ခဲ့ပြီးနောက် ပြိုင်ဘက်လန်ဒန်ကလပ်အသင်းအားလုံးကို ရှုံးနိမ့်သည့် ပထမဆုံးလန်ဒန်ကလပ်အသင်းအဖြစ် မှတ်တမ်းဝင်ခဲ့ကြောင်း သိရသည်။

ဝက်စ်ဟမ်းအသင်းသည် ယခုဘောလုံးရာသီအတွင်း ရလဒ်များ ဆက်တိုက်ဆိုးရွားနေပြီး လန်ဒန်ကလပ်အသင်းများဖြစ်သည့် ဘရန့်ဖို့ဒ်အသင်းကို ၃ ဂိုး–ဂိုးမရှိ၊ ချယ်လ်ဆီးအသင်းကို ၃ ဂိုး–၂ ဂိုး၊ ဖူလ်ဟမ်အသင်းကို ၁ ဂိုး–ဂိုးမရှိ၊ ခရစ္စတယ်ပဲလေ့စ်အသင်းကို ၂ ဂိုး–၁ ဂိုး၊ စပါးအသင်းကို ၃ ဂိုး–ဂိုးမရှိ၊ အာဆင်နယ်အသင်းကို ၁ ဂိုး–ဂိုးမရှိဖြင့် အားလုံးကို ရှုံးနိမ့်ခဲ့ခြင်းဖြစ်သည်။

ထို့အပြင် ဝက်စ်ဟမ်းအသင်းသည် ယခုရာသီ ပရီးမီးယားလိဂ်တွင် ၃၆ ပွဲကစားပြီးချိန်၌ ရမှတ် ၃၆ မှတ်သာ ရရှိထားကာ တန်းဆင်းဇုန်အတွင်းရှိ အဆင့် (၁၈) နေရာတွင် ရပ်တည်နေသည်။

လက်ကျန်ပွဲစဉ်များအဖြစ် နယူးကာဆယ်အသင်းနှင့် လိဒ်အသင်းတို့နှင့် ယှဉ်ပြိုင်ကစားရမည်ဖြစ်ပြီး အဆိုပါပွဲများအပါအဝင် ရလဒ်များအပေါ် မူတည်၍ တန်းဆင်းခြင်းအခြေအနေ ဆက်လက်သတ်မှတ်ရမည်ဖြစ်ကြောင်း သိရသည်။

MWD

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

One Friday Fights 154 & The Inner Circle ပြိုင်ပွဲတွင် မြန်မာဖိုက်တာ ထွန်းမင်းနိုင် အနိုင်ရပြီး အောင်ထွန်းဘို အရေးနိမ့်
One Friday Fights 154 & The Inner Circle ပြိုင်ပွဲတွင် မြန်မာဖိုက်တာ ထွန်းမင်းနိုင် အနိုင်ရပြီး အောင်ထွန်းဘို အရေးနိမ့်
ရန်ကုန်  မေ  ၁၅    One Friday Fights 154 & The Inner Circle ပြိုင်ပွဲကို ယနေ့တွင် ထိုင်းနိုင်ငံ ဘန်ကောက်မြို့ လုမ္မနီအားကစားရုံ၌ကျင်းပရာ မြန်မာဖိုက်တာများအနက် ထွန်းမင်းနိုင်(ခ)ဆူလိုင်မန် အနိုင်ရသော်လည်းအောင်ထွန်းဘို အရေးနိမ့်ခဲ့သည်။ထွန်းမင်းနိုင်(ခ)ဆူလိုင်မန်သည် စပိန်ဖိုက်တာ ဟွမ်မာတီနက်နှင့် ယှဉ်ပြိုင်ထိုးသတ်ရာ အမှတ်ဖြင့်အနိုင်ရခဲ့သည်။ ထွန်းမင်းနိုင်သည် ပုံစံကောင်းပြသနိုင်ခဲ့ပြီး အမှတ်ရနိုင်သည့် ထိုးသတ်မှုများပြုလုပ်နိုင်သဖြင့် အမှတ်ဖြင့် ဆုံးဖြတ်ရာတွင် အသာရခဲ့ခြင်းဖြစ်သည်။ထွန်းမင်းနိုင်သည် ONE နှင့်ရှစ်ပွဲထိုးသတ်ရာတွင် ငါးပွဲမြောက်နိုင်ပွဲရခဲ့ပြီး နောက်ဆုံးနှစ်ပွဲ ဆက်တိုက်အနိုင်ရခဲ့ခြင်းလည်းဖြစ်သည်။မြန်မာဖိုက်တာ  နောက်တစ်ဦးဖြစ်သည့် အောင်ထွန်းဘိုမှာမူ ONE နှင့်ပထမဆုံးပွဲဦးထွက်အဖြစ် ထိုင်းဖိုက်တာ မာအီဆူယန်နှင့်ထိုးသတ်ခဲ့သည်။ အောင်ထွန်းဘိုအတွက်နစ်နာသည့်ပွဲဖြစ်ပြီး ဒုတိယအချီ တစ်မိနစ်လောက်အထိ လက်ရည်အသာဖြင့် ထိုးသတ်ပြီး ပြိုင်ဘက်ကစားသမား အမှတ်စဉ် နှစ်ကြိမ်အထိ ရေတွက်ခံရသော်လည်း ဒုတိယအချီပြီးဆုံးရန် လက်ကျန်နှစ်မိနစ်အတွင်းပြိုင်ဘက်၏ ဖိအားပေးခြင်းခံရကာ အလဲထိုးဖြင့် အရေးနိမ့်ခဲ့သည်။ အောင်ထွန်းဘိုသည်ဒုတိယအကြိမ် အမှတ်စဉ်ရေတွက်ခံရပြီးချိန်တွင် ပွဲသိမ်းနိုင်ရန် လိုက်ဖိထိုးသော်လည်း ပြိုင်ဘက်၏လက်သီးချက်များ၊ ဒူးတိုက်ချက်များမိကာ ပြိုဆင်းသွားပြီး ၂ မိနစ် ၅၀ စက္ကန့်တွင် အလဲထိုးဖြင့် အရှုံးပေးခဲ့ရသည်။ MWD
Sat, 16-May-2026
ပြင်သစ်အသင်းနည်းပြ ဒက်ချမ့်က ၂၀၂၆ ကမ္ဘာ့ဖလားပြိုင်ပွဲအတွက် အပြီးသတ်ကစားသမား စာရင်းထုတ်ပြန်
ပြင်သစ်အသင်းနည်းပြ ဒက်ချမ့်က ၂၀၂၆ ကမ္ဘာ့ဖလားပြိုင်ပွဲအတွက် အပြီးသတ်ကစားသမား စာရင်းထုတ်ပြန်
ပဲရစ်   မေ  ၁၅     ပြင်သစ်အသင်းနည်းပြ ဒက်ချမ့်က ၂၀၂၆ ကမ္ဘာ့ဖလားပြိုင်ပွဲအတွက် အပြီးသတ်ကစားသမားစာရင်းကို ထုတ်ပြန်ခဲ့ကြောင်း သိရသည်။နည်းပြဒက်ချမ့်က  ပြင်သစ်အသင်းကစားသမားစာရင်းတွင်  ကစားသမား ၂၆  ဦးကို   အပြီးသတ်ရွေးချယ်ခဲ့ပြီး  တိုက်စစ်ကစားသမား ခြောက်ဦးအထိ  ပါဝင်လာသည်။ပြင်သစ်အသင်းကစားသမား စာရင်းတွင်  ဂိုးသမား နေရာ၌    ရင်းနက်အသင်းမှဆမ်ဘာ၊  အေစီမီလန် အသင်းမှ မိုက်မိုင်နန်၊ လန်းအသင်းမှ ရီဆား၊ ခံစစ် ကစားသမားနေရာ၌  ချယ်လ်ဆီးအသင်းမှ ဂတ်စတို၊ အက်စ်တွန်ဗီလာအသင်းမှ  ဒစ်နေး၊ ဘိုင်ယန်မြူးနစ်အသင်းမှ အူပါမီကာနို၊ အာဆင်နယ်အသင်းမှ ဆလီဘာ၊ လီဗာပူးအသင်းမှ ကိုနာတီ၊ ဘာစီလိုနာအသင်းမှ    ခွန်ဒီ၊ အယ်ဟီလယ်အသင်းမှ   သီယာဂိုဟာနန်ဒက်၊ ပီအက်စ်ဂျီအသင်းမှ လူးကပ်ဟာနန်ဒက်၊ ခရစ္စတယ် ပဲလေ့စ်အသင်းမှ လာခရစ်၊ ကွင်းလယ်ကစားသမား နေရာ၌  ပီအက်စ်ဂျီအသင်းမှ ဇိုင်အမ်မရီ၊ ရီးယဲလ်မက်ဒရစ်အသင်းမှ ချူအာမန်ဒီ၊ ဖီနာဘာချီအသင်းမှကန်တီ၊ အေစီမီလန်အသင်းမှ ရာဘီယော့၊  မန်စီးတီးအသင်းမှ  ချက်ကီနှင့် ရိုးမားအသင်းမှ ကိုနေးတို့ပါဝင် လာသည်။တိုက်စစ်ကစားသမား နေရာ၌ ပီအက်စ်ဂျီအသင်းမှ ဒမ်ဘီလီ၊ ဘာကိုလာနှင့် ဒူအီ၊ အင်တာမီလန်အသင်းမှ  သူရမ်၊ ရီးယဲလ်မက်ဒရစ်အသင်းမှ  အမ်ဘတ်ပီ၊ ဘိုင်ယန်မြူးနစ်အသင်းမှ အိုလီဆီ၊ ခရစ္စတယ်ပဲလေ့စ်အသင်းမှ  မာတီတာ၊ မိုနာကိုအသင်းမှ အက်ကီလီယိုချီ တို့ပါဝင်လာကြောင်း သိရသည်။MWD
Sat, 16-May-2026
ပရီးမီးယားလိဂ်ပြိုင်ပွဲ တစ်နှစ်တာ အကောင်းဆုံးဆုများအတွက် ဆန်ခါတင်စာရင်းများ အသီးသီး ထုတ်ပြန်ကြေညာ
ပရီးမီးယားလိဂ်ပြိုင်ပွဲ တစ်နှစ်တာ အကောင်းဆုံးဆုများအတွက် ဆန်ခါတင်စာရင်းများ အသီးသီး ထုတ်ပြန်ကြေညာ
လန်ဒန်    မေ    ၁၅     ယခုဘောလုံးရာသီ  ပရီးမီးယားလိဂ်ပြိုင်ပွဲ၏ တစ်နှစ်တာအကောင်းဆုံးဆုများဖြစ်သည့်   တစ်နှစ် တာအကောင်းဆုံးကစားသမားဆု၊     တစ်နှစ်တာ အကောင်းဆုံးနည်းပြဆုနှင့် တစ်နှစ်တာအကောင်း ဆုံးလူငယ်ကစားသမားဆုတို့အတွက်ဆန်ခါတင်  စာရင်းများကို ပရီးမီးယားလိဂ်အဖွဲ့ချုပ်က အသီးသီး ထုတ်ပြန်ကြေညာခဲ့ကြောင်း သိရသည်။ပရီးမီးယားလိဂ်ပြိုင်ပွဲ၏  တစ်နှစ်တာအကောင်းဆုံးကစားသမားဆုအတွက် ဆန်ခါတင်ကစားသမား စာရင်းတွင် ချန်ပီယံဆုအတွက် အားပြိုင်နေရသည့် အာဆင်နယ်အသင်းနှင့် မန်စီးတီးအသင်းတို့မှ ကစား သမားငါးဦးအထိပါဝင်လာကာ အာဆင်နယ်အသင်းမှ ဒီကလန်ရိုဒ်၊ ဂါဘရီရယ်၊ ဂိုးသမား ရိုင်ယာ၊ မန်စီးတီး အသင်းမှ  ဆီမီညိုနှင့်  ဟာလန်း၊ မန်ယူအသင်းမှ ဖာနန်ဒက်၊  နော်တင်ဟမ်အသင်းမှ မော်ဂန်ဂစ်ဝှိုက် နှင့် ဘရန့်ဖို့ဒ်အသင်းမှ  အီဂေါသီယာဂိုတို့ပါဝင်လာကြပြီး  အဆိုပါဆုအတွက် မန်ယူအသင်းနှင့်အတူ အကောင်းဆုံးခြေစွမ်းပြလျက်ရှိသည့်     ကွင်းလယ်ကစားသမား    ဖာနန်ဒက်က  ထိပ်ဆုံးမှရေပန်းစား လျက်ရှိသည်။အလားတူ တစ်နှစ်တာအကောင်းဆုံး နည်းပြဆုအတွက် ဆန်ခါတင်နည်းပြစာရင်းတွင် မန်ယူအသင်းကို  လေးလခန့်သာ တာဝန်ယူကိုင်တွယ်ပြီး ရလဒ် ကောင်းများရရှိအောင်  စွမ်းဆောင်ပေးနိုင်ခဲ့သည့် နည်းပြကာရစ်နှင့်အတူ အာဆင်နယ်အသင်း နည်းပြ အာတီတာ၊  မန်စီးတီးအသင်းနည်းပြ  ဂွါဒီယိုလာ၊ ဘရန့်ဖို့ဒ်အသင်းနည်းပြ အန်ဒရူး၊ ဘုန်းမောက်အသင်းနည်းပြ အီရာလိုအာနှင့် ဆန်းဒါးလန်းအသင်း နည်းပြလီဘရစ်တို့ပါဝင်လာသည်။တစ်နှစ်တာအကောင်းဆုံးလူငယ် ကစားသမားဆုအတွက်  ဆန်ခါတင်စာရင်းတွင် မန်စီးတီးအသင်းမှ ချက်ကီ၊ အိုရီလီ၊ ဝက်စ်ဟမ်းအသင်းမှ ဖာနန်ဒက်၊   နယူးကာဆယ်အသင်းမှ  လီဝှစ်ဟော၊ ဘရန့်ဖို့ဒ်အသင်းမှ ကာယိုဒီ၊  ဘုန်းမောက်အသင်းမှ  ကာရူပီနှင့်  အဲလက်စကော့၊ မန်ယူအသင်းမှ ကိုဘီမိုင်နူးတို့ပါဝင်နေပြီး အဆိုပါဆုကို  မန်စီးတီးအသင်းနှင့် အကောင်းဆုံးခြေစွမ်းပြလျက်ရှိသည့် လူငယ်ကစားသမား ချက်ကီက  ထိပ်ဆုံးမှရေပန်းစားလျက် ရှိကြောင်း သိရသည်။   MWD
Sat, 16-May-2026
၂၀၂၆-၂၀၂၇ ပညာသင်နှစ် ကျောင်းနေအရွယ် ကလေးတိုင်း ကျောင်းအပ်နှံမှု ပိုမိုတိုးတက်မြင့်မားရေးနှင့် တန်းစဉ်ကူးပြောင်းမှု ပိုမိုတိုးတက်လာစေရေး ညှိနှိုင်းအစည်းအဝေးကျင်းပ
၂၀၂၆-၂၀၂၇ ပညာသင်နှစ် ကျောင်းနေအရွယ် ကလေးတိုင်း ကျောင်းအပ်နှံမှု ပိုမိုတိုးတက်မြင့်မားရေးနှင့် တန်းစဉ်ကူးပြောင်းမှု ပိုမိုတိုးတက်လာစေရေး ညှိနှိုင်းအစည်းအဝေးကျင်းပ
မုံရွာ   မေ   ၁၅     စစ်ကိုင်းတိုင်းဒေသကြီးအတွင်း ၂၀၂၆-၂၀၂၇  ပညာသင်နှစ် ကျောင်းနေအရွယ် ကလေးတိုင်း ကျောင်းအပ်နှံမှုပိုမို တိုးတက်မြင့်မားရေးနှင့် တန်းစဉ်ကူးပြောင်းမှု ပိုမိုတိုးတက်လာစေရေး ညှိနှိုင်းအစည်းအဝေးကို ယနေ့နံနက်ပိုင်းတွင် မုံရွာမြို့ မြို့တော်ခန်းမ၌ကျင်းပရာ တိုင်းဒေသကြီးဝန်ကြီးချုပ်ဦးကိုလေး၊  တိုင်းဒေသကြီးဝန်ကြီးများ၊ ပညာရေးမှူးများ၊  ကျောင်းအုပ်ကြီးများနှင့် ဆရာ၊ ဆရာမများ တက်ရောက်ကြသည်။ဦးစွာ တိုင်းဒေသကြီးဝန်ကြီးချုပ်က အဖွင့်အမှာစကားပြောကြားပြီး တိုင်းဒေသကြီး ပညာရေးမှူးက ကျောင်းအပ်နှံရေးသီတင်းပတ်ဆိုင်ရာ ဆောင်ရွက်ထားရှိမှုများနှင့်  တက်ရောက်လာသူများက ကျောင်းနေအရွယ်ကလေးတိုင်း ကျောင်းအပ်နှံမှု   ပိုမိုတိုးတက်မြင့်မားရေးနှင့်  တန်းစဉ်ကူးပြောင်းမှု   ပိုမိုတိုးတက်လာစေရေးလုပ်ငန်းများ ဆောင်ရွက်ထားရှိမှုများကို  ရှင်းလင်းတင်ပြကြသည်။တင်ပြချက်များအပေါ် တိုင်းဒေသကြီးဝန်ကြီးချုပ်က ပေါင်းစပ်ညှိနှိုင်း ဆောင်ရွက်ပေးပြီးခန်းမအတွင်း ခင်းကျင်းပြသထားသည့်  ၂၀၂၆-၂၀၂၇  ပညာသင်နှစ်   အသိပညာပေး ကြေညာချက်များကို  ကြည့်ရှုအားပေးခဲ့ကြောင်း သိရသည်။     MWD
Sat, 16-May-2026
မိုးရာသီတွင် ဖြစ်ပွားလေ့ရှိသော သဘာဝဘေးအန္တရာယ်များနှင့် ကူးစက်ရောဂါများအတွက် ကျန်းမာရေးကဏ္ဍ ကြိုတင်ပြင်ဆင်မှု အစည်းအဝေးကျင်းပ
မိုးရာသီတွင် ဖြစ်ပွားလေ့ရှိသော သဘာဝဘေးအန္တရာယ်များနှင့် ကူးစက်ရောဂါများအတွက် ကျန်းမာရေးကဏ္ဍ ကြိုတင်ပြင်ဆင်မှု အစည်းအဝေးကျင်းပ
နေပြည်တော်   မေ   ၁၅    မိုးရာသီကာလတွင် ဖြစ်ပွားလေ့ရှိသော သဘာဝဘေးအန္တရာယ်များနှင့် ကူးစက်ရောဂါများအတွက်  ကျန်းမာရေးကဏ္ဍကြိုတင်ပြင်ဆင်မှု အစည်းအဝေးကို ယနေ့နံနက်ပိုင်းတွင် နေပြည်တော်ရှိ ကျန်းမာရေးဝန်ကြီးဌာန၌ ကျင်းပရာ   ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်း တက်ရောက်သည်။အစည်းအဝေးတွင် ပြည်ထောင်စုဝန်ကြီးက အမှာစကားပြောကြားပြီး ဒုတိယဝန်ကြီး၊ ပြည်သူ့ကျန်းမာရေး ဦးစီးဌာန၊ ကုသရေးဦးစီးဌာန၊ ကျန်းမာရေးလူ့စွမ်းအား အရင်းအမြစ်ဦးစီးဌာန၊ တိုင်းရင်းဆေးပညာဦးစီး ဌာနနှင့်  အစားအသောက်နှင့် ဆေးဝါးကွပ်ကဲရေးဦးစီးဌာနတို့မှ တာဝန်ရှိသူများ၊ ပြည်ထောင်စုနယ်မြေနေပြည်တော်နှင့် တိုင်းဒေသကြီး၊ ပြည်နယ်ပြည်သူ့ ကျန်းမာရေးနှင့်    ကုသရေးဦးစီးဌာနမှူးများက ဆောင်ရွက်လျက်ရှိသော လုပ်ငန်းများ၊ ကြိုတင်ပြင်ဆင်မှုနှင့် တုံ့ပြန်ဆောင်ရွက်မှုများ၊ တွေ့ကြုံရသည့် အခက်အခဲများကို ဆွေးနွေးတင်ပြ၍ ပြည်ထောင်စုဝန်ကြီးက နိဂုံးချုပ် အမှာစကား ပြောကြားခဲ့ကြောင်း သိရသည်။MWD
Sat, 16-May-2026
ကိုယ်ခံအားမြှင့်တင်သည့် ကုထုံးက ဆေးယဉ်ပါး ဗက်တီးရီးယားများကို တိုက်ဖျက်နိုင်မည်
ကိုယ်ခံအားမြှင့်တင်သည့် ကုထုံးက ဆေးယဉ်ပါး ဗက်တီးရီးယားများကို တိုက်ဖျက်နိုင်မည်
     ဩစတြေးလျ သုတေသီများသည် ခန္ဓာကိုယ်၏ ကိုယ်ခံအားတုံ့ပြန်မှုကို မြှင့်တင်ပေးခြင်းဖြင့် ဆေးယဉ်ပါး ဗက်တီးရီးယား ကူးစက်မှုကိုတိုက်ဖျက်နိုင်မည့် နည်းလမ်းအသစ်တစ်ခုကို ရှာဖွေတွေ့ရှိကြောင်း သိရသည်။ ထိုနည်းလမ်းသည် ပဋိဇီဝဆေးများနေရာတွင် အစားထိုးသုံးနိုင်မည့် အလားအလာကောင်းသော နည်းလမ်းအသစ်တစ်ခုဖြစ်သည်။ ကွင်းစလန်းတက္ကသိုလ်မှ ဦးဆောင်သည့် သုတေသနပြုချက်အရ ကျူးကျော်လာသော ဗက်တီးရီးယားများကို ချေမှုန်းနိုင်စေရန်ကိုယ်ခံအားကလာပ်စည်းများက mitoch-ondria အပိုင်းပိုင်းကွဲထွက်သည့် ဖြစ်စဉ်ကို အသုံးပြုကြောင်း  မေလ  ၁၅ ရက်တွင် ထုတ်ပြန်သည့်တွေ့ရှိချက်၌ ဖော်ပြထားသည်။ သို့သော် အချို့ဗက်တီးရီးယားများသည် ထိုဖြစ်စဉ်ကို တားဆီးရန် နည်းလမ်းများဖန်တီးထားသဖြင့်   ကူးစက်မှုများ ဆက်လက်တည်ရှိနေခြင်းဖြစ်သည်။ ယင်းနောက်တွင်စမ်းသပ်ဆဲဒြပ်ပေါင်းဖြစ်သော HDAC6 inhibitor သည် ကိုယ်ခံအားကလာပ်စည်းများ အတွင်း mitoch-ondria အပိုင်းပိုင်းကွဲထွက်မှုဖြစ်စဉ်ကို ပြန်လည်အသက်ဝင်စေပြီး ဗက်တီးရီးယားများကို တိုက်ဖျက်နိုင်ကြောင်း သုတေသီများက တွေ့ရှိသည်။ ယခုကုထုံးသည် ပဋိဇီဝဆေးများကဲ့သို့ ဗက်တီးရီးယားကို တိုက်ရိုက်ပစ်မှတ် မထားဘဲ ခန္ဓာကိုယ်၏ ကိုယ်ခံအားကို ပြောင်းလဲပေးခြင်းဖြင့် ရောဂါပိုးများကို တိုက်ဖျက်ခြင်းဖြစ်သည်။ MWD
Sat, 16-May-2026
© Copyright 2024 SAC All Rights Reserved.