ကိုယ်ဝန်ဆောင်မိခင်များနှင့် ၎င်းတို့မှ မွေးဖွားလာသော အသက် (၂) နှစ်အောက် ကလေးသူငယ်များအား ငွေကြေးထောက်ပံ့ခြင်း (MCCT) အစီအစဉ် အသိပေးနှိုးဆော်ခြင်း
News Image
MM-News-Category
ဆက်စပ်သတင်းများ
နေပြည်တော် မေ ၁၄ဟိုတယ်၊ ခရီးသွားလာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးမောင်မြင့်သည် ယနေ့မွန်းလွဲပိုင်းတွင် ရှေးဟောင်း သုတေသနနှင့် အမျိုးသားပြတိုက်ဦးစီးဌာန အမျိုးသားပြတိုက် (နေပြည်တော်) ကို ကြည့်ရှုစစ်ဆေးသည်။ဆောင်ရွက်ရန် မှာကြားကြည့်ရှုစစ်ဆေးစဉ် ယဉ်ကျေးမှုအမွေအနှစ်များကို တန်ဖိုးထားထိန်းသိမ်း၍ နည်းစနစ်မှန်ကန်စွာ ခင်းကျင်းပြသရန်၊ အများပြည်သူတို့ ချစ်ခင်မြတ်နိုးတန်ဖိုးထားစိတ်များ ဖြစ်ပေါ်လာစေရန်နှင့် မျိုးချစ် စိတ်ဓာတ်ရှင်သန်ထက်မြက်စေရေး အသိပညာပေးလှုံ့ဆော်မှုများကို ဆိုရှယ်မီဒီယာများမှတစ်ဆင့် ဆောင်ရွက်ရန် မှာကြားခဲ့ကြောင်း သိရသည်။moi
Fri, 15-May-2026
နေ့စဉ် အမှတ်တရဓာတ်ပုံများ ရိုက်ကူးရာတွင် ခေတ်စားသည့် 'V' ပုံစံ လက်ချောင်းအမှတ်အသား ပြုလုပ်ခြင်းသည် လက်ရှိအချိန်တွင် AI နည်းပညာကြောင့် လက်ဗွေခိုးယူခံရနိုင်သည့် လုံခြုံရေးအန္တရာယ်ရှိလာနိုင်ကြောင်း ပညာရှင်များက သတိပေးထားသည်။လုံခြုံရေးကျွမ်းကျင်သူ လီချန်က အနုပညာရှင်တစ်ဦး၏ Selfie ဓာတ်ပုံမှတစ်ဆင့်AI ကိရိယာများအသုံးပြုကာ လက်ဗွေရာများကိုထုတ်ယူနိုင်ကြောင်း လက်တွေ့ပြသပြီးနောက် ယခုလိုသတိပေးခြင်းဖြစ်သည်။ အကယ်၍ လက်ချောင်းထိပ်များသည် ကင်မရာဘက်သို့ တိုက်ရိုက်မျက်နှာမူထားပြီး ကင်မရာမှ ၅ ပေခန့်အတွင်း ရိုက်ကူးထားခြင်းဖြစ်ပါက လက်ဗွေအချက်အလက်များကို ရှင်းလင်းစွာ ထုတ်ယူနိုင်ခြေ အလွန်မြင့်မားကြောင်း ၎င်းကရှင်းပြသည်။ထို့ပြင် ၁၀ ပေအကွာအဝေးမှ ရိုက်ကူးထားသည့်ဓာတ်ပုံများမှပင် လက်ဗွေအချက် အလက်ထက်ဝက်ခန့်ကို ဖော်ထုတ်နိုင်ဆဲဖြစ်သည်ဟု ဆိုသည်။၂၀၂၅ ခုနှစ်တွင် တရုတ်နိုင်ငံရှိ ဟန်ကျိုးမြို့၌ ရာဇဝတ်ဂိုဏ်းတစ်ခုသည် အိမ်ပိုင်ရှင်က အွန်လိုင်းပေါ်တင်ထားသည့်လက်ပုံကို အသုံးပြုကာ စမတ်တံခါးသော့ကို ဖွင့်လှစ်ရန်ကြိုးပမ်း ခဲ့ဖူးကြောင်း သတင်းဌာနများက ဖော်ပြထားသည်။MWD
Fri, 15-May-2026
၂၀၁၆ ခုနှစ်တွင် လောင်စာဆီမသုံးဘဲ ကမ္ဘာတစ်ပတ်ပတ်နိုင်ခဲ့သော သမိုင်းဝင် နေရောင်ခြည်စွမ်းအင်သုံး လေယာဉ်ဖြစ်သည့် Solar Impulse 2 သည် မက္ကဆီကို ပင်လယ်ကွေ့အတွင်း ပျက်ကျသွားကြောင်း ၎င်း၏ပိုင်ရှင်က ထုတ်ဖော်ပြောသည်။အဆိုပါလေယာဉ်ကို Skydweller Aero ကုမ္ပဏီက ဝယ်ယူပြီးနောက် ဒရုန်းအဖြစ် ပြုပြင်ပြောင်းလဲကာ ထိန်းချုပ်အရေးပေါ် ဆင်းသက်မှုပြုလုပ်ခဲ့ခြင်းဖြစ်ကြောင်း ပိုင်ရှင်က ဆက်ပြောသည်။ Solar Impulse 2 သည် ဧပြီလ ၂၆ ရက်တွင် မစ္စစ္စပီပြည်နယ် စတင်နစ်မှ ပျံတက်ခဲ့ခြင်းဖြစ်ပြီး မေလ၄ ရက်တွင် မက္ကဆီကိုပင်လယ်ကွေ့အတွင်းပျက်ကျခဲ့ခြင်းဖြစ်သည်။အဆိုပါလေယာဉ်သည် ဒရုန်းအဖြစ်ပြောင်းလဲပြီးနောက် ၈ ရက်နှင့် ၁၄ မိနစ်ကြာ စံချိန်တင် ပျံသန်းနိုင်ခြင်းက စစ်ဘက်ဆိုင်ရာ ပတ်ဝန်းကျင်တွင် နေရောင်ခြည်စွမ်းအင်သုံး၍ အစဉ်အမြဲပျံသန်းနိုင်မှုကို သက်သေပြနိုင်ခြင်းဖြစ်သည်ဟု ကုမ္ပဏီ၏ ထုတ်ပြန်ချက်တွင် ဖော်ပြထားသည်။ လက်ရှိတွင် အမေရိကန်အမျိုးသား သယ်ယူပို့ဆောင်ရေးဆိုင်ရာ လုံခြုံရေးဘုတ်အဖွဲ့က အဆိုပါမတော်တဆမှုကို စုံစမ်းစစ်ဆေးနေသည်။ ဆွစ်ဇာလန် လေယာဉ်မှူးများ ဖြစ်သော ဘားထရန်းပစ်ကာ့နှင့် အန်ဒရေးဘော့စဘာ့တို့ မောင်းနှင်ခဲ့သည့် Solar Impulse 2 သည် လောင်စာဆီမသုံးဘဲ ကီလိုမီတာ ၄၃၀၀၀ ခရီးကို ၂၃ ရက်ကြာ ပျံသန်းနိုင်ခဲ့ကြောင်း သိရသည်။MWD
Fri, 15-May-2026
, 
ရန်ကုန်တိုင်းဒေသကြီး၊ ပတ်ဝန်းကျင်ထိန်းသိမ်းရေးဦးစီးဌာနအနေဖြင့် ရန်ကုန်မြို့အတွင်း အောက်ဖော်ပြပါတိုင်းတာမှတ် (၃) နေရာတွင် Ambient Air Quality Monitoring Station with Mobile Car- (AQMS Mobile Car)၊ Compact Air Quality Monitoring Station- (AQM 65) စက်များကိုအသုံးပြု၍ Particulate Matter 2.5 (PM2.5)၊ Particulate Matter 10 (PM10) ၊ Sulphur Dioxide (SO2)၊ Nitrogen Dioxide (NO2)၊ Ozone (O3) နှင့် Carbon Monoxide (CO) စသည့် အဓိက Parameter (၆) မျိုးကို (၂၄) နာရီ ပုံမှန်တိုင်းတာပြီး လေ့လာဆန်းစစ်လျက်ရှိပါသည်။လေထုအပူချိန်၊ လေတိုက်နှုန်း၊ လေတိုက်ခတ်ရာလမ်းကြောင်း၊ စိုထိုင်းမှု၊ မိုးရွာသွန်းမှုအခြေအနေ၊ မော်တော်ယာဉ်အသုံးပြုမှုအခြေအနေ၊ ပူပြင်းခြောက်သွေ့မှုကြောင့် ဖုန်မှုန့်ပျံ့လွင့်မှု၊ စက်ရုံများမှ ထုတ်လွှတ်အခိုးအငွေ့များ ထုတ်လွှတ်မှုအခြေအနေနှင့် ဝန်းကျင်လေထုအရည်အသွေး တိုင်းတာသည့်နေရာ အနီးဝန်းကျင်အခြေအနေတို့အပေါ်မူတည်၍ တိုင်းတာရရှိသည့် ဝန်းကျင်လေထုအရည်အသွေး ရလဒ်များသည် ပြောင်းလဲမှုရှိနိုင်ပါကြောင်း သုံးသပ်ရရှိပါသည်။ပတ်ဝန်းကျင်ထိန်းသိမ်းရေးဦးစီးဌာန
Fri, 15-May-2026
နေပြည်တော် မေ ၁၄ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့်သည် ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်းနှင့်အတူ ယနေ့နံနက်ပိုင်းတွင် ရန်ကုန်-မန္တလေးအမြန်လမ်းမကြီး မိုင်တိုင်အမှတ် (၁၆၅/၁)ရှိ အရှည်ပေ ၉၀၀ ဆွာချောင်းတံတား (အပြန်လမ်း) အသစ်တည်ဆောက်ပြီးစီးသဖြင့် မော်တော်ယာဉ်များ ဖြတ်သန်းခွင့်ပြုနေမှုအခြေအနေကို ကွင်းဆင်းကြည့်ရှုသည်။ဦးစွာ ပြည်ထောင်စုဝန်ကြီးက မန္တလေးငလျင်ကြီးကြောင့်ပျက်စီးသွားသော ဆွာချောင်းတံတား (အပြန်လမ်း) အား သတ်မှတ်ကာလအတွင်းပြီးစီးရေး စွမ်းစွမ်းတမံပါဝင်ဆောင်ရွက်ခဲ့သည့် တံတားအထူး အဖွဲ့(၁၀)နှင့် တံတားအထူးအဖွဲ့(၆)တို့မှ တာဝန်ခံအင်ဂျင်နီယာများနှင့် အမြန်လမ်းမကြီး ထိန်းသိမ်းပြုပြင်ရေးနှင့်ကြီးကြပ်ရေးအဖွဲ့မှ တာဝန်ခံအင်ဂျင်နီယာတို့ကို ဂုဏ်ပြုအထိမ်းအမှတ်တံဆိပ်များပေးအပ်ကာ တံတားပေါ်မှ မော်တော်ယာဉ်များ ဖြတ်သန်းသွားလာနေမှုနှင့် ဆွာချောင်းတံတားအသစ်ကို ကြည့်ရှုစစ်ဆေးသည်။ငလျင်ဒဏ်ကြောင့် ဆွာချောင်းတံတား (အသွား/အပြန်) နှစ်စင်းလုံး ထိခိုက်ပျက်စီးခဲ့ရသဖြင့် အပြန်လမ်းတံတားအသစ် ပြန်လည်တည်ဆောက်ခြင်းကို နေပြည်တော်ဘက်ခြမ်းတွင် တံတားအထူးအဖွဲ့ (၆)နှင့် ရန်ကုန်ဘက်ခြမ်းတွင် တံတားအထူးအဖွဲ့(၁၀)တို့ဖြင့် တစ်ဖက်စီတာဝန်ယူ၍ ၂၀၂၅ ခုနှစ် ဇူလိုင် ၁၅ ရက်တွင် လုပ်ငန်းများအရှိန်အဟုန်ဖြင့်ဆောင်ရွက်ခဲ့ရာ ၂၀၂၆ ခုနှစ် မေ ၁၄ ရက်တွင် တည်ဆောက်ပြီးစီးပြီဖြစ်သောကြောင့် မော်တော်ယာဉ်များကို ဖြတ်သန်းခွင့်ပြုနိုင်ခဲ့ပြီး တံတား၏ခံနိုင်ဝန်မှာ ယာဉ်တစ်စီးချင်းတန် ၆၀ ဖြစ်ကြောင်းနှင့် အသွားလမ်းတံတားအသစ် တည်ဆောက်ခြင်း ကိုလည်း ဆက်လက်ဆောင်ရွက်သွားမည်ဖြစ်ကြောင်း သိရသည်။moi
Fri, 15-May-2026
နေပြည်တော် မေ ၁၄နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေသည် မြန်မာနိုင်ငံဆိုင်ရာ ရုရှားသံအမတ်ကြီး Mr. Iskander Azizov အား ယနေ့နံနက် ၁၀ နာရီတွင် နိုင်ငံခြားရေးဝန်ကြီးဌာန နေပြည်တော်၌ လက်ခံတွေ့ဆုံသည်။တွေ့ဆုံစဉ် အာဆီယံ-ရုရှားဆက်ဆံရေး (၃၅) နှစ်ပြည့်အထိမ်းအမှတ် ထိပ်သီးအစည်းအဝေးကျင်းပရေးအတွက် ပြင်ဆင်ဆောင်ရွက်နေမှုဆိုင်ရာကိစ္စရပ်များနှင့် အာဆီယံ - ရုရှား မဟာဗျူဟာမြောက် မိတ်ဖက်ဆက်ဆံရေး ပိုမိုတိုးမြှင့်ရေးဆိုင်ရာကိစ္စရပ်များကို ဆွေးနွေးခဲ့ကြသည်။အမြင်ချင်းဖလှယ် ဆွေးနွေးထို့ပြင် မြန်မာနှင့်ရုရှားနိုင်ငံတို့အကြား ရှိရင်းစွဲကာလရှည်ကြာ နှစ်နိုင်ငံဆက်ဆံရေး ပိုမိုခိုင်မာရေးနှင့် ကဏ္ဍစုံပူးပေါင်းဆောင်ရွက်မှု မြှင့်တင်ရေးကိစ္စရပ်များကိုလည်း ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြသည်။moi
Fri, 15-May-2026