ကျိုက်ထိုမြို့နယ်၌ အခြေခံပညာကျောင်းများ စတင်ဖွင့်‌လှစ်နေမှုများကို တာဝန်ရှိသူများက လိုက်လံကြည့်ရှု

NoahJune222

News Image

  • ကျိုက်ထိုမြို့နယ်၌ အခြေခံပညာကျောင်းများ စတင်ဖွင့်‌လှစ်နေမှုများကို တာဝန်ရှိသူများက လိုက်လံကြည့်ရှု

ကျိုက်ထို ဇွန် ၁

 

မွန်ပြည်နယ် ကျိုက်ထိုမြို့နယ်၌ ၂၀၂၆-၂၀၂၇ ပညာသင်နှစ်အတွက် အခြေခံပညာကျောင်းများအား ယနေ့တွင် စတင်ဖွင့်လှစ်ရာ တာဝန်ရှိသူများက ကျောင်းများဖွင့်လှစ်နေမှုများကို လိုက်လံကြည့်ရှု ခဲ့သည်။

 

ကျိုက်ထိုမြို့နယ်၌ ၂၀၂၆-၂၀၂၇ ပညာသင်နှစ်တွင် အခြေခံပညာ ကျောင်းပေါင်း ၁၄၆ ကျောင်း၊ ဘုန်းတော်ကြီးသင်ပညာရေးကျောင်း ၁၄ ကျောင်း၊ ကိုယ်ပိုင်ကျောင်း နှစ်ကျောင်းရှိရာ မေ ၃၁ ရက်အထိ ကျောင်းလာရောက်အပ်နှံသည့် ကျောင်းသား ကျောင်းသူ ၃၀၅၇၂ ဦး ရှိသည်။

 

စီမံဆောင်ရွက်

ထိုသို့ ကွင်းဆင်းကြည့်ရှုရာတွင် ကျိုက်ထိုခရိုင်စီခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးကံစောလှိုင်နှင့်အဖွဲ့ဝင်များ၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးတင့်လွင်နှင့်အဖွဲ့ဝင်များက စာသင်ခန်းများ သန့်ရှင်းသပ်ရပ်မှု ရှိ၊ မရှိစစ်ဆေး၍ လိုအပ်သည်များ မှာကြားကာ ကျောင်းဝင်းအတွင်း၊ အပြင်လုံခြုံမှုရှိစေရေးတို့ကို စီမံဆောင်ရွက်ပေးခဲ့ကြောင်း သိရသည်။

ပြည့်ဖြိုး(ပြန်/ဆက်)

MDN

MM-News-Category
လူမှုရေးကဏ္ဍသတင်း
လူမှုရေး-ပညာရေး

ဆက်စပ်သတင်းများ

ဟန်တာဗိုင်းရပ်စ်ရောဂါနှင့် အီဘိုလာရောဂါတို့ နိုင်ငံအတွင်းသို့ ကူးစက်ဝင်ရောက်မှုမရှိစေ ရန်ကြိုတင်ပြင်ဆင်ထား
ဟန်တာဗိုင်းရပ်စ်ရောဂါနှင့် အီဘိုလာရောဂါတို့ နိုင်ငံအတွင်းသို့ ကူးစက်ဝင်ရောက်မှုမရှိစေရန် ကြိုတင်ပြင်ဆင်ထား
ဟန်တာဗိုင်းရပ်စ်ရောဂါနှင့် အီဘိုလာရောဂါတို့ နိုင်ငံအတွင်းသို့ ကူးစက်ဝင်ရောက်မှုမရှိစေ ရန်ကြိုတင်ပြင်ဆင်ထားကြောင်း ကျန်းမာရေးဝန်ကြီးဌာန၏ ထုတ်ပြန်ချက်အရ သိရသည်။နိုင်ငံတကာတွင် လတ်တလောကာလအတွင်း ကူးစက်ဖြစ်ပွားလျက်ရှိသောရောဂါများ၊ အခြားကူးစက်ရောဂါများနှင့်ပတ်သက်၍ ညှိနှိုင်းအစည်းအဝေးကို ယမန်နေ့ (ဇွန်လ ၁ရက်) က ကျင်းပရာ ကျန်းမာရေးဝန်ကြီးဌာန၊ ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်း တက်ရောက်အမှာစကားပြောကြားခဲ့ကြောင်း သိရသည်။အဆိုပါ အစည်းအဝေးတွင် ပြည်ထောင်စုဝန်ကြီးက ဟန်တာဗိုင်းရပ်စ်ရောဂါနှင့် အီဘိုလာရောဂါတို့ နိုင်ငံအတွင်းသို့ ကူးစက်ဝင်ရောက်မှုမရှိစေရေး နိုင်ငံတကာတွင် ရောဂါကူးစက်မှုများကို စဉ်ဆက်မပြတ် စောင့်ကြည့်၍ ကမ္ဘာ့ကျန်းမာရေးအဖွဲ့၏ အကြံပြုချက်များနှင့်အညီ ကြိုတင်ပြင်ဆင်မှု လုပ်ငန်းဆောင်ရွက်ခဲ့မှု အခြေအနေများကို ရှင်းလင်းပြောကြားခဲ့ကြောင်း သိရသည်။ထို့အတူ ဒုတိယဝန်ကြီးက ကူးစက်ရောဂါစောင့်ကြပ်ကြည့်ရှုခြင်းနှင့်တုံ့ပြန်ဆောင်ရွက်ခြင်း လုပ်ငန်းဆောင်ရွက်နေမှု၊ ဆေးကုသမှုဆိုင်ရာ စီမံခန့်ခွဲမှုကော်မတီ ဖွဲ့စည်းဆောင်ရွက်နေမှုနှင့် ဓာတ်ခွဲခန်းဆိုင်ရာ ချိတ်ဆက်ဆောင်ရွက်နေမှုများကို ရှင်းလင်းပြောကြားခဲ့ကြောင်းလည်း သိရသည်။ထို့နောက် ပြည်သူ့ကျန်းမာရေးဦးစီးဌာန ဒုတိယညွှန်ကြားရေးမှူးချုပ် (ရောဂါနှိမ်နှင်းရေး)နှင့် ညွှန်ကြားရေးမှူး(ကူးစက်)တို့က နိုင်ငံတကာပြည်သူ့ကျန်းမာရေး အရေးပေါ်အခြေအနေ ကြေညာထားခြင်းခံရသော အီဘိုလာရောဂါ နိုင်ငံအတွင်းသို့ ကူးစက်ဝင်ရောက်မှုမရှိစေရေး စောင့်ကြပ်ကြည့်ရှုခြင်းနှင့် ကြိုတင်ပြင်ဆင်ခြင်းတို့ကို ရှင်းလင်းတင်ပြကြရာ ပြည်ထောင်စုဝန်ကြီးက လိုအပ်သည်များကို မှာကြားခဲ့ကြောင်းလည်းသိရသည်။Np News
Tue, 2-Jun-2026
ပြည်ထောင်စုဝန်ကြီး ဒေါက်တာချောချောစိန် ကျောင်းသားကျောင်းသူများ အေးချမ်းစွာပညာသင်ကြားနေမှု လှည့်လည်ကြည့်ရှုအားပေး
ပြည်ထောင်စုဝန်ကြီး ဒေါက်တာချောချောစိန် ကျောင်းသားကျောင်းသူများ အေးချမ်းစွာပညာသင်ကြားနေမှု လှည့်လည်ကြည့်ရှုအားပေး
နေပြည်တော် ဇွန် ၁ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချောချောစိန်သည် ယနေ့နံနက်ပိုင်းတွင် နေပြည်တော်ရှိ အခြေခံပညာကျောင်းများ စတင်ဖွင့်လှစ်နေမှုနှင့် ကျောင်းသား ကျောင်းသူများ အေးချမ်းစွာပညာသင်ကြားနေမှုများကို လှည့်လည်ကြည့်ရှုအားပေးသည်။ ဦးစွာ နေပြည်တော်ဇမ္ဗူသီရိမြို့နယ် အမှတ် (၆) အခြေခံပညာအထက်တန်းကျောင်း၊ အမှတ် (၇) အခြေခံပညာအထက်တန်းကျောင်း၊ အမှတ် (၁၁) အခြေခံပညာ အထက်တန်းကျောင်း၊ အမှတ် (၈) အခြေခံပညာ အထက်တန်းကျောင်းများသို့သွားရောက်၍ ကျောင်းသားကျောင်းသူများ အေးချမ်းစွာ ပညာသင်ကြားနေမှုများကို လှည့်လည်ကြည့်ရှုအားပေးစကားပြောကြားပြီး လိုအပ်သည်များကို ဖြည့်ဆည်းဆောင်ရွက်ပေးသည်။ ထို့ပြင် ဒုတိယ၀န်ကြီး ဒေါက်တာဇော်မြင့်သည် ဇေယျာသီရိမြို့နယ် အမှတ် (၁) အခြေခံပညာအထက်တန်းကျောင်း၊ ပုဗ္ဗသီရိမြို့နယ် အမှတ် (၃) အခြေခံပညာ အထက်တန်းကျောင်း၊ ဥတ္တရသီရိမြို့နယ် အမှတ် (၁၂) အခြေခံပညာအထက်တန်းကျောင်းများကိုလည်းကောင်း၊ ဒုတိယ၀န်ကြီး ဦးနေမျိုးလှိုင်သည် ပျဉ်းမနားမြို့နယ် အမှတ် (၃) အခြေခံပညာအထက်တန်းကျောင်း၊ အမှတ် (၅) အခြေခံပညာအထက်တန်းကျောင်း၊ အမှတ်(၂) အခြေခံပညာအထက်တန်းကျောင်းများကို လည်းကောင်း ရောက်ရှိကြပြီး ကျောင်းသား ကျောင်းသူများ အေးချမ်းစွာပညာသင်ကြားနေမှုများနှင့် ကျောင်းဆောင်သစ်တည်ဆောက်မည့် မြေနေရာများကို ကြည့်ရှုစစ်ဆေးခဲ့ကြောင်း သိရသည်။သတင်းစဉ်MDN
Tue, 2-Jun-2026
သံတမန်ရေးရာဘွဲ့လွန်ဒီပလိုမာသင်တန်း အမှတ်စဉ် (၂/၂၀၂၆) ဖွင့်လှစ်
သံတမန်ရေးရာဘွဲ့လွန်ဒီပလိုမာသင်တန်း အမှတ်စဉ် (၂/၂၀၂၆) ဖွင့်လှစ်
နိုင်ငံခြားရေးဝန်ကြီးဌာန  မဟာဗျူဟာလေ့လာရေးနှင့် လေ့ကျင့်ရေးဦးစီးဌာန မြန်မာသံတမန် သင်တန်းကျောင်း (Myanmar Diplomatic Academy) နှင့် Naypyitaw State Academy တို့ ပူးပေါင်းဖွင့်လှစ်သည့် သံတမန်ရေးရာဘွဲ့လွန်ဒီပလိုမာသင်တန်း (Diploma in Diplomacy) အမှတ်စဉ်(၂/၂၀၂၆) သင်တန်းဖွင့်ပွဲကို ယနေ့နံနက် ၁၀ နာရီတွင် နိုင်ငံခြားရေးဝန်ကြီးဌာန လောကနတ်ခန်းမ၌ ကျင်းပရာ နိုင်ငံခြားရေးဝန်ကြီးဌာန ဒုတိယဝန်ကြီး ဦးနိုင်မင်းကျော် တက်ရောက်၍ အဖွင့်အမှာစကား ပြောကြားသည်။ သင်တန်းကို သင်တန်းကာလ လေးလစီကြာမြင့်သော ပညာသင်နှစ်ဝက် နှစ်ခုဖြင့် စုစုပေါင်း သင်တန်းကာလရှစ်လကြာ ဖွင့်လှစ်သွားမည်ဖြစ်ပြီး သင်တန်းတွင် သံတမန်ရေးရာများ၊ နိုင်ငံတကာ ဆက်ဆံရေးများ၊ နိုင်ငံခြားရေး မူဝါဒများ၊ နိုင်ငံတကာနှင့် ဒေသဆိုင်ရာ အဖွဲ့အစည်းဆိုင်ရာများ၊ အပြည်ပြည်ဆိုင်ရာဥပဒေများနှင့် မျက်မှောက်ခေတ် နိုင်ငံတကာရေးရာဘာသာရပ်များကို ပို့ချသွားမည်ဖြစ်သည်။ အဆိုပါသင်တန်းသို့ အစိုးရအဖွဲ့အစည်းများနှင့် ဝန်ကြီးဌာနများမှ အရာထမ်း/ အမှုထမ်းများနှင့် ပုဂ္ဂလိကကဏ္ဍမှ စိတ်ပါဝင်စားသူများ၊ သင်တန်းသား သင်တန်း သူ စုစုပေါင်း ၆၀ တက်ရောက်မည် ဖြစ်ကြောင်း သိရသည်။သတင်းစဉ်MDN
Tue, 2-Jun-2026
ရန်ကုန်တိုင်းဒေသကြီးအတွင်းရှိ ကျောင်းပေါင်း ၃၃၂၆ ကျောင်းတွင် ကျောင်းသား ကျောင်းသူ ၉၄၉၄၄၁ ဦး တက်ရောက်ပညာသင်ကြား
ရန်ကုန်တိုင်းဒေသကြီးအတွင်းရှိ ကျောင်းပေါင်း ၃၃၂၆ ကျောင်းတွင် ကျောင်းသား ကျောင်းသူ ၉၄၉၄၄၁ ဦး တက်ရောက်ပညာသင်ကြား
ရန်ကုန် ဇွန် ၁ ၂၀၂၆-၂၀၂၇ ပညာသင်နှစ် အခြေခံပညာကျောင်းများ ယနေ့စတင်ဖွင့်လှစ်ရာ ရန်ကုန်တိုင်းဒေသကြီးအတွင်းရှိ အခြေခံပညာကျောင်းများ၊ ကိုယ်ပိုင်ကျောင်းများ၊ ဘုန်းတော်ကြီးသင်ပညာရေးကျောင်းများ စုစုပေါင်း ၃၃၂၆ ကျောင်းတွင် ကျောင်းသား ကျောင်းသူ ၉၄၉၄၄၁ ဦး တက်ရောက်ပညာသင်ကြားလျက်ရှိသည်။ “ကျွန်တော်တို့ တိုင်းဒေသကြီးမှာ ကျောင်းသား ကျောင်းသူ ကျောင်းတက်ရောက်ပညာသင်ကြားမှု ရာခိုင်နှုန်းက ၈၀ ဒသမ ၈၃ ရာခိုင်နှုန်းရှိပါတယ်။ ကျောင်းအပ်လက်ခံမှုကို ဆက်လက်ဆောင်ရွက် နေတာဖြစ်တဲ့အတွက် ပညာသင်ကြားမှု လျာထားချက်ဖြစ်တဲ့ ၁၁ သိန်းကို ကျော်လွန်ပြီး ၁၂ သိန်းအထိ တက်ရောက်မှုရှိမယ်လို့ ခန့်မှန်းထားပါတယ်။ တစ်ဆက်တည်း နိုင်ငံတော်က ချမှတ်ဆောင်ရွက်တဲ့ Placement Test (အထူးအစီအစဉ်)ကိုလည်း ဆောင်ရွက်နေတယ်။ ဒီအစီအစဉ်အရ Grade – 1 ကနေ Grade – 9 အထိ ပညာရေးနဲ့ ကင်းကွာနေတဲ့ ကျောင်းသား ကျောင်းသူတွေကို သက်ဆိုင်ရာမြို့နယ်တွေမှာ ဇွန် ၁၅ ရက်ကစလို့ Placement Test ဖြေဆိုပြီး ကျောင်းဆက်တက်နိုင်ဖို့ ဆောင်ရွက်နေပါတယ် ” ဟု ရန်ကုန်တိုင်းဒေသကြီး ပညာရေးမှူးရုံးမှ ဒုတိယညွှန်ကြားရေးမှူး(ပညာ) ဦးမင်းဦးက ပြောသည်။ ပညာရေးဝန်ကြီးဌာနအနေဖြင့် ကျောင်းနေအရွယ်ကလေးများ ပညာသင်ကြားနိုင်ရေးနှင့် ကျောင်းနေအရွယ်ကလေးများအားလုံး ပညာသင်ကြားမှုအခွင့်အလမ်းများ မဆုံးရှုံးစေရေးကို အကောင်အထည်ဖော်ဆောင်ရွက်လျက်ရှိပြီး ယခုနှစ် ကျောင်းဖွင့်ရာသီတွင် ကျောင်းအပ်နှံရေး၊ ကျောင်းနေအရွယ်ကလေးများအားလုံး တက်ရောက်ပညာ သင်ကြားရေးတို့ကို သက်ဆိုင်ရာကျောင်းများအလိုက် တိုက်တွန်းနှိုးဆော်လျက်ရှိသည်။ “ကျွန်မတို့ကျောင်းမှာ မနက်ပိုင်းဆိုရင် G – 8 ကနေ G – 12 အထိ၊ နေ့လယ်ပိုင်းဆိုရင် KG တန်း ကနေ G – 7 အထိ သင်ကြားပေးနေပါတယ်။ ဒီနေ့ ကျောင်းစတင်ဖွင့်လှစ်တဲ့နေ့မှာ ကျောင်းသား ကျောင်းသူ ၂၅၅၅ ဦး တက်ရောက်တာဖြစ်တဲ့အတွက် ၉၉ ဒသမ ၃၃ ရာခိုင်နှုန်း ပညာသင်ကြားနေပါတယ်။ ပြီးခဲ့တဲ့ ပညာသင်နှစ်မှာ လူရည်ချွန်ကျောင်းသား ကျောင်းသူ ငါးဦးပေါ်ထွက်ခဲ့ပါတယ်။ အာဆီယံနိုင်ငံ အပါအဝင် တခြားနိုင်ငံတွေရဲ့ ဖိတ်ခေါ်ပြိုင်ပွဲတွေမှာ ကျောင်းက ထူးချွန်ကလေးတွေ ပါဝင်ဆင်နွှဲခွင့်ရတာလည်း ဆရာ၊ မိဘပူးပေါင်းဆောင်ရွက်မှုရဲ့ အကျိုးကျေးဇူးပါ။ ကျောင်းမှာ ကျောင်းအပ်နှံမှုတွေ ဆက်လက်လက်ခံနေပြီးတော့ Placement Test (အထူးအစီအစဉ်)ဟာ ကျောင်းနဲ့ကင်းကွာနေတဲ့ ကျောင်းသား ကျောင်းသူတွေအတွက် အထူးအခွင့်အရေးဖြစ်တဲ့အတွက် ဖြေဆိုပြီး ပညာသင်ကြားဖို့ နှိုးဆော်လိုပါတယ်”ဟု ဒဂုံမြို့နယ် အမှတ်(၁) အထက်တန်းကျောင်းမှ ကျောင်းအုပ်ဆရာမ ‌ဒေါက်တာ စန္ဒာမြငြိမ်းကပြောသည်။ ယမန်နှစ်က ရန်ကုန်တိုင်းဒေသကြီးအတွင်း ကျောင်းသား ကျောင်းသူ ၁၀ သိန်းကျော် တက်ရောက် ပညာသင်ကြားမှုရှိကြောင်း တိုင်းဒေသကြီးပညာရေးမှူးရုံးမှ သိရသည်။သတင်း - ညိမ်းသူ(သတင်းစဉ်)၊ဓာတ်ပုံ - ကနူးMDN
Tue, 2-Jun-2026
မန္တလေးမြို့ရှိ အခြေခံပညာကျောင်းများ စတင်ဖွင့်လှစ်၊ ကျောင်းသား ကျောင်းသူများ အေးချမ်းပျော်ရွှင်စွာ ပညာသင်ကြားလျက်ရှိ
မန္တလေးမြို့ရှိ အခြေခံပညာကျောင်းများ စတင်ဖွင့်လှစ်၊ ကျောင်းသား ကျောင်းသူများ အေးချမ်းပျော်ရွှင်စွာ ပညာသင်ကြားလျက်ရှိ
မန္တလေး ဇွန် ၁ ၂၀၂၆-၂၀၂၇ ပညာသင်နှစ်အတွက် တစ်နိုင်ငံလုံးရှိ အခြေခံပညာကျောင်းများကို ယနေ့စတင်ဖွင့်လှစ်ရာ မန္တလေးမြို့ရှိ အခြေခံပညာကျောင်းများတွင် ကျောင်းသား ကျောင်းသူများ အေးချမ်းပျော်ရွှင်စွာ တက်ရောက်ပညာသင်ကြားလျက်ရှိသည်။ “ဒီနေ့ ကျောင်းစတင်ဖွင့်လှစ်တဲ့နေ့မှာ ကျွန်တော်တို့ကျောင်းမှာ ကျောင်းသား ကျောင်းသူ သုံးထောင်ကျော် တက်ရောက်နေပါတယ်။ ကျောင်းအပ်နှံမှုကို ဇွန်လတစ်လလုံး ဆက်လက်လက်ခံ ဆောင်ရွက်ပေးသွားမှာ ဖြစ်ပါတယ်။ အခမဲ့ပညာရေးစနစ် ဖြစ်တဲ့အတွက် မိဘတွေအနေနဲ့ ကျောင်းနေအရွယ် ရင်သွေးရတနာ သားသမီးတွေကို ကျောင်းအပ်နှံကြဖို့ တိုက်တွန်းလိုပါတယ်။ မိဘတွေအတွက်သာမက နိုင်ငံတော်အတွက် အရေးကြီးလှတဲ့ ရင်သွေးရတနာတွေ ဖြစ်တဲ့အတွက် ပညာသင်ကြားလေ့လာခွင့် အခွင့်အလမ်းကို ရရှိစေချင်ပါတယ် ” ဟု မန္တလေးမြို့ အမှတ် (၁၆) အခြေခံပညာ အထက်တန်းကျောင်းမှ ကျောင်းအုပ်ဆရာကြီး ဒေါက်တာ သန်းထိုက်စိုးက ပြောသည်။ အခြေခံပညာ ကျောင်းများတွင် ကျောင်းသား ကျောင်းသူများ အေးချမ်းပျော်ရွှင်စွာ ပညာသင်ကြား နိုင်ရေးအတွက် အခမဲ့ အခြေခံပညာရေးစနစ်ကို ဖော်ဆောင်ထားသည့်အပြင် ကျောင်းသား ကျောင်းသူများအား ကျောင်းသုံး ပုံနှိပ်စာအုပ်များ၊ ဗလာစာအုပ်များ၊ စာရေးကိရိယာများ အခမဲ့ ထောက်ပံ့ပေးသည့် အစီအစဉ်ကိုလည်း ဆောင်ရွက်ထားသည်။ “ပညာကို ကလေးတိုင်း သင်ယူလေ့လာကြရမှာပါ။ ဒီလို လေ့လာပညာသင်ကြားမှ တစ်နှစ်ထက် တစ်နှစ် ပညာရည်မြင့်မားပြီး မှန်မှန်ကန်ကန် တွေးခေါ်မြော်မြင် ဆုံးဖြတ်နိုင်တဲ့စွမ်းရည်ကို ရရှိလာမှာပါ။ ဒါ့ကြောင့် ကျောင်းနေအရွယ်ကလေးငယ်တွေအားလုံး ပညာရေးကို အလေးထားကြဖို့၊ ကြိုးစားအားထုတ်ပြီး တစ်နှစ်တစ်တန်း အောင်မြင်အောင် သင်ယူကြဖို့ တိုက်တွန်းလိုပါတယ်။ ပညာတွေ လေ့လာသင်ယူပြီး တိုင်းပြည်အတွက် အားထားရတဲ့ လူကောင်းလူမွန်၊ လူရည်ချွန်တွေ ဖြစ်လာပါစေလို့ ဆုတောင်းပေးပါတယ်”ဟု မန္တလေးမြို့မှ ကျောင်းသားမိခင်တစ်ဦးက ပြောသည်။ မန္တလေးတိုင်းဒေသကြီးအတွင်း အခြေခံပညာကျောင်း၊ ဘုန်းတော်ကြီးသင် ပညာရေးကျောင်းနှင့် ကိုယ်ပိုင်ကျောင်းများအားလုံး ရာနှုန်းပြည့် ဖွင့်လှစ်နိုင်ရေးအတွက် ကြိုတင်ပြင်ဆင် ဆောင်ရွက်ခဲ့ကြပြီး ကျောင်းစတင်ဖွင့်လှစ်သည့် ယနေ့တွင် ကျောင်းများအလိုက်၊ အတန်းစဉ်အလိုက် သင်ရိုးညွှန်းတမ်းများနှင့်အညီ သင်ကြားပေးလျက်ရှိသည်။ “ အထက (၁၆) မှာ Grade - 6 ဒီနေ့ စတင်တက်ရောက် ပညာသင်ကြားပါတယ်။ ကျွန်မအနေနဲ့ Grade - 6 အတန်းကို ထူးထူးချွန်ချွန်နဲ့ အောင်မြင်ချင်ပါတယ်။ ဒါကြောင့် ဆရာ ဆရာမတွေရဲ့ သင်ကြားပေးမှုကို နေ့စဉ်သေချာ လိုက်နာမှတ်သားပြီး ကြိုးစားသွားမှာပါ”ဟု အထက (၁၆) Grade - 6 ကျောင်းသူတစ်ဦးက ပြောသည်။သတင်း - မျိုးသန့်(မန္တလေးနေ့စဉ်)ဓာတ်ပုံ- ကိုမျိုးMDN
Tue, 2-Jun-2026
ကျိုက်ထိုမြို့နယ်၌ အခြေခံပညာကျောင်းများ စတင်ဖွင့်‌လှစ်နေမှုများကို တာဝန်ရှိသူများက လိုက်လံကြည့်ရှု
ကျိုက်ထိုမြို့နယ်၌ အခြေခံပညာကျောင်းများ စတင်ဖွင့်‌လှစ်နေမှုများကို တာဝန်ရှိသူများက လိုက်လံကြည့်ရှု
ကျိုက်ထို ဇွန် ၁ မွန်ပြည်နယ် ကျိုက်ထိုမြို့နယ်၌ ၂၀၂၆-၂၀၂၇ ပညာသင်နှစ်အတွက် အခြေခံပညာကျောင်းများအား ယနေ့တွင် စတင်ဖွင့်လှစ်ရာ တာဝန်ရှိသူများက ကျောင်းများဖွင့်လှစ်နေမှုများကို လိုက်လံကြည့်ရှု ခဲ့သည်။ ကျိုက်ထိုမြို့နယ်၌ ၂၀၂၆-၂၀၂၇ ပညာသင်နှစ်တွင် အခြေခံပညာ ကျောင်းပေါင်း ၁၄၆ ကျောင်း၊ ဘုန်းတော်ကြီးသင်ပညာရေးကျောင်း ၁၄ ကျောင်း၊ ကိုယ်ပိုင်ကျောင်း နှစ်ကျောင်းရှိရာ မေ ၃၁ ရက်အထိ ကျောင်းလာရောက်အပ်နှံသည့် ကျောင်းသား ကျောင်းသူ ၃၀၅၇၂ ဦး ရှိသည်။ စီမံဆောင်ရွက်ထိုသို့ ကွင်းဆင်းကြည့်ရှုရာတွင် ကျိုက်ထိုခရိုင်စီခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးကံစောလှိုင်နှင့်အဖွဲ့ဝင်များ၊ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးတင့်လွင်နှင့်အဖွဲ့ဝင်များက စာသင်ခန်းများ သန့်ရှင်းသပ်ရပ်မှု ရှိ၊ မရှိစစ်ဆေး၍ လိုအပ်သည်များ မှာကြားကာ ကျောင်းဝင်းအတွင်း၊ အပြင်လုံခြုံမှုရှိစေရေးတို့ကို စီမံဆောင်ရွက်ပေးခဲ့ကြောင်း သိရသည်။ပြည့်ဖြိုး(ပြန်/ဆက်)MDN
Tue, 2-Jun-2026
© Copyright 2024 SAC All Rights Reserved.