မင်းတုန်းမြို့နယ်၌ နိုင်ငံသားစိစစ်ရေးကတ်နှင့် UID ကတ်များ ကွင်းဆင်းဆောင်ရွက်ပေး

NoahJune222

News Image

  • မင်းတုန်းမြို့နယ်၌ နိုင်ငံသားစိစစ်ရေးကတ်နှင့် UID ကတ်များ ကွင်းဆင်းဆောင်ရွက်ပေး

မင်းတုန်း ဇွန် ၃

 

မကွေးတိုင်းဒေသကြီး မင်းတုန်းမြို့ အမှတ်(၂)ရပ်ကွက်တွင် ယနေ့နံနက် ၉ နာရီက နိုင်ငံသားစိစစ်ရေးကတ်နှင့် UID ကတ်များကို လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန မြို့နယ်ဦးစီးမှူး ဦးကျော်ဇင်လင်းနှင့် ဝန်ထမ်းများက ကွင်းဆင်းဆောင်ရွက်ကြသည်။

 

ထိုသို့ ကွင်းဆင်းဆောင်ရွက်ရာတွင် အသက်(၁၀)နှစ်အထက် ကျောင်းသား ကျောင်းသူ ၂၆ ဦးအား နိုင်ငံသားစိစစ်ရေးကတ်နှင့် UID ကတ်ပြားများ ဆောင်ရွက်ပေးခဲ့ပြီး မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးစိုးလင်းနှင့် အဖွဲ့ဝင်များက ကွင်းဆင်းကြည့်ရှုခဲ့ကြောင်း သိရသည်။

ချင်းကလေး(NRDC)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

မွန်ပြည်နယ်၌ အခွန်ဆိုင်ရာကိစ္စရပ်များနှင့်စပ်လျဉ်း၍ အခွန်ပညာပေး ဟောပြောပွဲ ကျင်းပ
မွန်ပြည်နယ်၌ အခွန်ဆိုင်ရာကိစ္စရပ်များနှင့်စပ်လျဉ်း၍ အခွန်ပညာပေး ဟောပြောပွဲ ကျင်းပ
မော်လမြိုင် ဇွန် ၃ မွန်ပြည်နယ် မော်လမြိုင်မြို့နယ် အခွန်ဆိုင်ရာကိစ္စရပ်များ အသိပညာပေးရှင်းလင်းပွဲအခမ်းအနားကို ယနေ့နံနက်ပိုင်းက မော်လမြိုင်မြို့ Sunshine Hotel၌ ကျင်းပသည်။ ဦးစွာ မွန်ပြည်နယ် စီမံကိန်း၊ စီးပွားရေးနှင့်ဘဏ္ဍာရေးဝန်ကြီး နိုင်လယိတမက လုပ်ငန်းရှင်များ အနေဖြင့် ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနတွင် မှတ်ပုံတင်ဖွဲ့စည်းတည်ထောင်ပြီး ပြည်တွင်းအခွန်များဦးစီးဌာန၌ လိုက်နာဆောင်ရွက်ရမည့် အခွန်ဆိုင်ရာကိစ္စရပ်များကို သိရှိနားလည်ထားမှသာ မိမိတို့ကုမ္ပဏီ၏ အခွန်ဆိုင်ရာတာဝန်နှင့် အခွင့်အရေးများကို သိရှိနိုင်မည်ဖြစ်ကြောင်း ပြောကြားသည်။ ထို့နောက် ပြည်နယ်အခွန်ဦးစီးဌာနမှူး ဦးဂျွန်စိန်ဂီက ပြည်တွင်း အခွန်များဦးစီးဌာနမှ ကောက်ခံလျက်ရှိသော အခွန်အကြောင်း သိကောင်းစရာများကို ရှင်းလင်းဆွေးနွေးပြီး ကုမ္ပဏီတည်ထောင်ပြီး လိုက်နာဆောင်ရွက်ရမည့် အခွန်ဆိုင်ရာကိစ္စရပ်များကို ရှင်းလင်းဆွေးနွေးသည်။ အဆိုပါ အခွန်ပညာပေးရှင်းလင်းပွဲသို့ မွန်ပြည်နည် အခွန် ကောက်ခံမှုအထောက်အကူအပြု အဖွဲ့ဝင်များနှင့် လုပ်ငန်းရှင်များ စုစုပေါင်း ၂၅၀ တက်ရောက်ခဲ့ကြောင်း သိရသည်။စည်သူ(ပြန်/ဆက်)MDN
Thu, 4-Jun-2026
မင်းတုန်းမြို့နယ်၌ နိုင်ငံသားစိစစ်ရေးကတ်နှင့် UID ကတ်များ ကွင်းဆင်းဆောင်ရွက်ပေး
မင်းတုန်းမြို့နယ်၌ နိုင်ငံသားစိစစ်ရေးကတ်နှင့် UID ကတ်များ ကွင်းဆင်းဆောင်ရွက်ပေး
မင်းတုန်း ဇွန် ၃ မကွေးတိုင်းဒေသကြီး မင်းတုန်းမြို့ အမှတ်(၂)ရပ်ကွက်တွင် ယနေ့နံနက် ၉ နာရီက နိုင်ငံသားစိစစ်ရေးကတ်နှင့် UID ကတ်များကို လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန မြို့နယ်ဦးစီးမှူး ဦးကျော်ဇင်လင်းနှင့် ဝန်ထမ်းများက ကွင်းဆင်းဆောင်ရွက်ကြသည်။ ထိုသို့ ကွင်းဆင်းဆောင်ရွက်ရာတွင် အသက်(၁၀)နှစ်အထက် ကျောင်းသား ကျောင်းသူ ၂၆ ဦးအား နိုင်ငံသားစိစစ်ရေးကတ်နှင့် UID ကတ်ပြားများ ဆောင်ရွက်ပေးခဲ့ပြီး မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌ ဦးစိုးလင်းနှင့် အဖွဲ့ဝင်များက ကွင်းဆင်းကြည့်ရှုခဲ့ကြောင်း သိရသည်။ချင်းကလေး(NRDC)MDN
Thu, 4-Jun-2026
ရေကြည်မြို့နယ်ရှိ ကျေးလက်လမ်းလုပ်ငန်းအား တာဝန်ရှိသူများ ကွင်းဆင်းစစ်ဆေး
ရေကြည်မြို့နယ်ရှိ ကျေးလက်လမ်းလုပ်ငန်းအား တာဝန်ရှိသူများ ကွင်းဆင်းစစ်ဆေး
ရေကြည် ဇွန် ၃ ဧရာဝတီတိုင်းဒေသကြီး ရေကြည်မြို့နယ်တွင် ကျေးလက်လမ်း ဖွံ့ဖြိုးရေးဦးစီးဌာနမှ ၂၀၂၆-၂၀၂၇ ဘဏ္ဍာရေးနှစ်အတွင်းဆောင်ရွက်မည့် ကျေးလက်လမ်း၊ တံတား လုပ်ငန်းများအား တာဝန်ရှိသူများက ကွင်းဆင်းကြည့်ရှုစစ်ဆေးခြင်းကို ယနေ့နံနက်ပိုင်းက ဆောင်ရွက်ခဲ့သည်။ ထိုသို့ ကွင်းဆင်းကြည့်ရှုရာတွင် ပုသိမ်ခရိုင် ကျေးလက်လမ်း ဖွံ့ဖြိုးရေးဦးစီးဌာန လက်ထောက်ညွှန်ကြားရေးမှူး (မြို့ပြ) ဒေါ်အေးမြတ်မွန်နှင့် တာဝန်ရှိသူများက မြို့နယ်အတွင်းရှိ ကျေးလက်လမ်း၊ တံတားလုပ်ငန်းများ ဆောင်ရွက်နေမှု အခြေအနေများကို စစ်ဆေးခဲ့ပြီး အရည်အသွေးပြည့်မီစွာဖြင့် သတ်မှတ်ကာလ အတွင်းပြီးစီးနိုင်ရေးနှင့် လိုအပ်သည်များကို လမ်းညွှန်မှာကြားခဲ့ကြောင်း သိရသည်။  မြို့နယ် (ပြန်/ဆက်)MDN
Thu, 4-Jun-2026
ရခိုင်ပြည်နယ်ဝန်ကြီးချုပ် ဦးနိုင်ဦး ရက်ကန်းနှင့် သက်မွေးပညာ သင်တန်းများ ဖွင့်လှစ်သင်ကြားနိုင်ရေး ကြည့်ရှုစစ်ဆေး
ရခိုင်ပြည်နယ်ဝန်ကြီးချုပ် ဦးနိုင်ဦး ရက်ကန်းနှင့် သက်မွေးပညာ သင်တန်းများ ဖွင့်လှစ်သင်ကြားနိုင်ရေး ကြည့်ရှုစစ်ဆေး
စစ်တွေ ဇွန် ၃ ရခိုင်ပြည်နယ်ဝန်ကြီးချုပ် ဦးနိုင်ဦးသည် ယနေ့နံနက်ပိုင်းတွင် စစ်တွေမြို့၌ MSME လုပ်ငန်းများ ဖွံ့ဖြိုးတိုးတက်စေရေးနှင့် ယာယီနေရပ်စွန့်ခွာပြည်သူများ အလုပ်အကိုင်အခွင့်အလမ်းများ ရရှိစေရေးအတွက် ရက်ကန်းနှင့် သက်မွေးပညာ သင်တန်းကျောင်း (စစ်တွေ) ၌ ရက်ကန်းနှင့် သက်မွေးပညာသင်တန်းများ ဖွင့်လှစ်သင်ကြားနိုင်ရေး ဆောင်ရွက်နေမှုတို့ကို ကြည့်ရှုစစ်ဆေးပြီး ပြည်နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ ဝန်ထမ်းများနှင့် တွေ့ဆုံအမှာစကား ပြောကြားသည်။ ထို့နောက် ရက်ကန်းနှင့် သက်မွေးပညာ သင်တန်းကျောင်း (စစ်တွေ)မှ ဖွင့်လှစ်သည့် သင်တန်းများတွင် တက်ရောက်ပြီး ယာယီနေရပ်စွန့်ခွာစုရပ်များတွင် နေထိုင်ကြသူများက စုရပ်များ၌ မိသားစု တစ်ပိုင်တစ်နိုင် ဝင်ငွေရရှိရေးအတွက် ရက်ကန်းရက်လုပ်နေမှုကို ကြည့်ရှုအားပေးသည်။ ကြည့်ရှုစစ်ဆေးယင်းနောက် ပြည်နယ် ပြည်သူ့ကျန်းမာရေးဦးစီးဌာန ဆေးသိုလှောင်ရုံတွင် ဆေးများ စနစ်တကျ သိုလှောင်ထားရှိမှုနှင့် ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာနရုံး ဆောက်လုပ်မည့် လျာထားမြေနေရာတို့ကို သွားရောက် ကြည့်ရှုစစ်ဆေးခဲ့ကြောင်း သိရသည်။တင်ထွန်း (ပြန်/ဆက်)MDN
Thu, 4-Jun-2026
ယခုနှစ်ဇွန်လမှ ဩဂုတ်လအထိ အယ်နီညိုဖြစ်နိုင်ခြေ ၈၀ ရာခိုင်နှုန်းရှိဟု ကုလသမဂ္ဂ ကမ္ဘာ့မိုးလေဝသအေဂျင်စီ ခန့်မှန်း
ယခုနှစ်ဇွန်လမှ ဩဂုတ်လအထိ အယ်နီညိုဖြစ်နိုင်ခြေ ၈၀ ရာခိုင်နှုန်းရှိဟု ကုလသမဂ္ဂ ကမ္ဘာ့မိုးလေဝသအေဂျင်စီ ခန့်မှန်း
ဂျီနီဗာ  ဇွန်  ၃ယခုနှစ် ဇွန်မှ ဩဂုတ်လအတွင်း အယ်နီညိုရာသီဥတု ဖြစ်ပေါ်နိုင်ခြေ ၈၀ ရာခိုင်နှုန်းရှိကြောင်း ကုလသမဂ္ဂကမ္ဘာ့မိုးလေဝသအေဂျင်စီက ခန့်မှန်းထားသည်။ ကမ္ဘာ့နေရာအများစုတွင် အပူချိန်မြင့်မားခြင်း၊ မိုးသည်းထန်စွာရွာသွန်းခြင်းနှင့် ပြင်းထန်သည့် ရာသီဥတုအခြေအနေများ  ဖြစ်ပေါ်နိုင် သည်ဟု သတိပေးထားသည်။ပီရူးနိုင်ငံ ကမ်းရိုးတန်းအနီး ပစိဖိတ်သမုဒ္ဒရာ ရေပြင်၏ အပူချိန်မှာ ပုံမှန်နှစ်များထက်  ပိုမိုမြင့်တက်လာသည့်အခါ အယ်နီညိုအခြေအနေဖြစ်ပေါ်လာသည်။ အဆိုပါဖြစ်စဉ်သည် ကမ္ဘာတစ်ဝန်းရှိ ရာသီဥတုအခြေအနေကို သက်ရောက်မှုရှိစေသည်ဟု ယူဆကြသည်။ဇွန် ၂ ရက်တွင် ထုတ်ပြန်သည့်  မိုးလေဝသခန့်မှန်းချက်အရ  အီကွေတာပစိဖိတ်ဒေသ၌ ပင်လယ်ရေမျက်နှာပြင်အပူချိန်မှာ မြင့်တက်နေသည်ဟု ကမ္ဘာ့မိုးလေဝသအဖွဲ့က ပြောသည်။ အလယ်အလတ်အဆင့် သို့မဟုတ် ပြင်းထန်သည့် အယ်နီညိုဖြစ်နိုင်ခြေ ၈၀ ရာခိုင်နှုန်းရှိသည်ဟု ခန့်မှန်းထား သည်။ အဆိုပါအခြေအနေသည် ပြင်းထန်သည့် ရာသီဥတုအခြေအနေများကို ပိုမိုဆိုးရွားစေနိုင်ကြောင်း ကမ္ဘာ့မိုးလေဝသအဖွဲ့ အတွင်းရေးမှူးချုပ် စီလက်ဆော်လိုက ပြောသည်။အပူချိန်နှင့်ဆက်စပ်သည့် ဖျားနာမှုများအပြင် အခြားသောရောဂါပိုးသယ်ဆောင်လာသည့် သတ္တဝါများမှ ကူးစက်သည့်ရောဂါများ ပိုမိုကျယ်ပြန့်စွာဖြစ်ပေါ်လာခြင်း၊ အစားအစာနှင့် ရေအရင်းအမြစ်များအပေါ်  ဖိအားများ  ပိုမိုတိုးလာခြင်းတို့ ဖြစ်နိုင်ကြောင်း ၎င်းက သတိပေးခဲ့သည်။အယ်နီညိုရာသီဥတုသည် ပူနွေးနေသည့် ကမ္ဘာကြီးကို လောင်စာပေးလိုက်သည့် အခြေအနေတစ်ရပ်ဖြစ်သည်ဟု ကုလသမဂ္ဂအတွင်းရေးမှူးချုပ် အန်တိုနီယိုဂူတာရပ်စ်က ပြောသည်။ ပြန်လည်ပြည့်ဖြိုးမြဲစွမ်းအင်သို့ ကူးပြောင်းရန်အပါအဝင် ရာသီဥတုပြောင်းလဲမှုကို အရေးယူဆောင်ရွက်ကြရန်လည်း ၎င်းက တောင်းဆိုခဲ့သည်။အင်န်အိတ်ချ်ကေMDN
Thu, 4-Jun-2026
အီရန်စစ်ပွဲက ကလေးများအတွက် အသက်ကယ် ပစ္စည်းများပေးပို့မှုကို ခြိမ်းခြောက်နေ
အီရန်စစ်ပွဲက ကလေးများအတွက် အသက်ကယ် ပစ္စည်းများပေးပို့မှုကို ခြိမ်းခြောက်နေ
အီရန်စစ်ပွဲကြောင့် နောက်ဆက်တွဲဖြစ်ပေါ်လာသည့်အခြေအနေများက ကလေးများအတွက် အသက်ကယ်ပစ္စည်းများပေးပို့မှုကို ခြိမ်းခြောက်နေကြောင်း ကုလသမဂ္ဂ ကလေးငယ်များအေဂျင်စီက ဇွန်လ ၂ ရက်တွင်သတိပေးထားသည်။ အထူးသဖြင့် တစ်ကမ္ဘာလုံးဆိုင်ရာ ပို့ဆောင်ရေးကုန်ကျစရိတ်များ မြင့်တက်လာခြင်းနှင့် ထောက်ပံ့ရေးကွင်းဆက်ပျက်စီးခြင်းတို့ကြောင့် ဖြစ်ကြောင်း သတိပေးချက်တွင်ဖော်ပြထားသည်။အီရန်စစ်ပွဲဖြစ်ပွားပြီးနောက် ရက် ၁၀၀နီးပါးအကြာတွင် ပင်လယ်ကွေ့ဒေသရှိ ကုန်သွယ်ရေးလမ်းကြောင်းများအနီး မလုံခြုံမှုများကြောင့် စက်သုံးဆီဈေးနှုန်းများနှင့် အာမခံနှုန်းထားများ မြင့်တက်လာကြောင်း၊ တစ်ချိန်တည်းမှာပင် သတ်မှတ်ဆိပ်ကမ်း မဟုတ်ဘဲ အခြားဆိပ်ကမ်းများတွင် ဆိုက်ကပ်ရသည့်အတွက် နှောင့်နှေးမှုများ ရှိကြောင်းနှင့် ထိုအခြေအနေများ အားလုံးကြောင့် ကယ်ဆယ်ရေးပစ္စည်းများပေးပို့မှုတွင် အဟန့်အတားဖြစ်ခြင်းဖြစ်ကြောင်း ထုတ်ပြန်ချက်တွင် ဆက်လက် ဖော်ပြထားသည်။ယခုနှစ်ပထမသုံးလပတ်အတွင်းမှာပင် လေယာဉ်စင်းလုံးငှားသယ်ယူပို့ဆောင်ရေးအတွက် တစ်နှစ်စာလှူဒါန်းမှုများ အားလုံးနီးပါးကို အသုံးပြုလိုက်ရကြောင်း၊ အဓိကအားဖြင့် ဂါဇာနှင့်လက်ဘနွန်သို့ ကယ်ဆယ်ရေးပစ္စည်းများကို လေယာဉ်များဖြင့် ပေးပို့ရခြင်းဖြစ်ကြောင်း သိရသည်။   Ref: STMWD
Thu, 4-Jun-2026
© Copyright 2024 SAC All Rights Reserved.