မုံရွာမြို့နယ်တွင် ယခုနှစ် ဆောင်းသီးနှံစိုက်ပျိုးရာသီ၌ ကုလားပဲ ၁၅၃၄၅ ဧကထိ စိုက်ပျိုးပြီးစီးပြီဖြစ်

KookieSpace97

News Image

  • မုံရွာမြို့နယ်တွင် ယခုနှစ် ဆောင်းသီးနှံစိုက်ပျိုးရာသီ၌ ကုလားပဲ ၁၅၃၄၅ ဧကထိ စိုက်ပျိုးပြီးစီးပြီဖြစ်

မုံရွာ ဒီဇင်ဘာ ၂၉

စစ်ကိုင်းတိုင်းဒေသကြီး မုံရွာခရိုင် မုံရွာမြို့နယ်တွင် ယခုနှစ် ဆောင်းသီးနှံ စိုက်ပျိုးရာသီ၌ ကုလားပဲ ၁၅၃၄၅ ဧကထိ စိုက်ပျိုးပြီးစီးပြီဖြစ်ကြောင်း မုံရွာမြို့နယ် စိုက်ပျိုးရေးဦးစီးဌာနမှ သိရသည်။ 

မုံရွာမြို့နယ်တွင် ယခုနှစ် ဆောင်းသီးနှံစိုက်ပျိုးရာသီ၌ ကုလားပဲဧက ၁၇၇၉၀ စိုက်ပျိုးရန် လျာထားပြီး ယခုနှစ် အောက်တို ဘာလပထမပတ်မှ စတင်စိုက်ပျိုးခဲ့ရာ ယနေ့ထိ ၁၅၃၄၅ ဧက စိုက်ပျိုးပြီးစီးပြီဖြစ်ကြောင်း သိရသည်။ 

"ဒီနှစ် ဆောင်းသီးနှံစိုက်ပျိုး ရာသီ မုံရွာမြို့နယ်မှာ ကုလားပဲ ဧက ၁၇၀၀၀ ကျော် စိုက်ပျိုးဖို့လျာထားပါတယ်။ ဒီနေ့ထိ ဧက ၁၅၀၀၀ ကျော် စိုက်ပျိုးပြီးစီးပြီ ဖြစ်ပါတယ်။ လျာထားဧက ပြည့်မီအောင် စိုက်ပျိုးနိုင်ဖို့အတွက် ဆောင်ရွက်ပေးနေတယ်။ ကုလားပဲစိုက်ပျိုးမှုအနေနဲ့ တစ်နှစ်ထက် တစ်နှစ် တိုးတက်လာပါတယ်။ ကုလားပဲအထွက်နှုန်းနဲ့ အရည် အသွေး ကောင်းမွန်ဖို့အတွက် လိုအပ်တဲ့ မျိုးကောင်းမျိုးသန့်တွေ ရရှိရေးအတွက် တောင်သူတွေနဲ့ ပူးပေါင်းပြီးတော့ ဆောင်ရွက်နေပါ တယ်"ဟု မုံရွာမြို့နယ် စိုက်ပျိုးရေး ဦးစီးဌာန မြို့နယ်ဦးစီးမှူး ဦးစိုးသက်အောင်က ပြောပြသည်။

မုံရွာမြို့နယ်တွင် ပဲမျိုးစုံစိုက် ပျိုးရာ၌ ပဲသီးနှံအထွက်နှုန်းနှင့်အရည်အသွေး ကောင်းမွန်ရေးအတွက် လိုအပ်သည့်မျိုးကောင်း မျိုးသန့်များ၊ သွင်းအားစုများ၊ ရိတ်သိမ်းချိန်လွန် နည်းပညာပေးခြင်းများကို တောင်သူများနှင့် ပူးပေါင်း ဆောင်ရွက်ပေးလျက် ရှိကြောင်း သိရသည်။

ကုလားပဲကို အထွက်နှုန်းတိုးတက်အောင် စိုက်ပျိုးနိုင်ပါက ဒေသတွင်း စားသုံးမှုဖူလုံစေမည့်အပြင် ပိုလျှံမှုကိုရောင်းချနိုင်သဖြင့် လူမှုစီးပွားဘဝများ ဖွံ့ဖြိုးတိုးတက် လာမည်ဖြစ်သောကြောင့် ကုလားပဲ ကိုပိုမိုတိုးချဲ့စိုက်ပျိုးနိုင်ရေး ဒေသ မရွေး ကြိုးပမ်းသင့်ကြောင်း မြို့နယ်ဦးစီးမှူး ဦးစိုးသက်အောင် က ပြောပြ၍ သိရသည်။ 

ရတနာပုံ

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

မြန်မာနိုင်ငံနှင့် ဥရောပအာရှ စီးပွားရေးကော်မရှင်တို့အကြား ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ ပူးတွဲဥက္ကဋ္ဌများအစည်းအဝေး ကျင်းပ
မြန်မာနိုင်ငံနှင့် ဥရောပအာရှ စီးပွားရေးကော်မရှင်တို့အကြား ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ ပူးတွဲဥက္ကဋ္ဌများအစည်းအဝေး ကျင်းပ
နေပြည်တော် ဇွန် ၄ ၄ -၆-၂၀၂၆ ရက်နေ့တွင် မြန်မာနိုင်ငံနှင့်ဥရောပအာရှစီးပွားရေးကော်မရှင်တို့အကြား ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ ပူးတွဲဥက္ကဋ္ဌများ အစည်းအဝေးကို ကျင်းပရာ ပူးတွဲဥက္ကဋ္ဌများဖြစ်ကြသည့် အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးနှင့် ဥရောပအာရှစီးပွားရေးကော်မရှင်၊ မေခရို(အကြီးစား) စီးပွားရေးနှင့်ပေါင်းစည်းရေးဝန်ကြီး Mr. Danilar Imanaliev တို့က ဦးဆောင်၍ ပူးပေါင်းဆောင်ရွက်မှုဆိုင်ရာ ပူးတွဲလုပ်ငန်းအဖွဲ့၏ တတိယအကြိမ် အစည်းအဝေးကျင်းပရေး၊ အာဆီယံမူဘောင်အတွင်း ပူးပေါင်းဆောင်ရွက်မှု ဖွံ့ဖြိုးတိုးတက်ရေးတို့နှင့်စပ်လျဉ်း၍ ဆွေးနွေးခဲ့သည်။အစည်းအဝေးသို့ အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးနှင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးထွန်းအုံ၊ ဥရောပအာရှ စီးပွားရေးကော်မရှင်၊ မေခရို (အကြီးစား) စီးပွားရေးနှင့် ပေါင်းစည်းရေးဝန်ကြီး Mr. Danilar Imanaliev၊ မြန်မာကိုယ်စားလှယ်အဖွဲ့ဝင်များနှင့် ဥရောပအာရှ စီးပွားရေးကော်မရှင်မှ တာဝန်ရှိသူများ တက်ရောက်ခဲ့ကြောင်း သတင်းရရှိသည်။moi
Fri, 5-Jun-2026
ဗီယက်နမ်၏ ကုန်သွယ်မှု ပထမငါးလအတွင်း ကန်ဒေါ်လာ ၄၄၅ ဘီလီယံကျော်ရှိလာ
ဗီယက်နမ်၏ ကုန်သွယ်မှု ပထမငါးလအတွင်း ကန်ဒေါ်လာ ၄၄၅ ဘီလီယံကျော်ရှိလာ
ဟနွိုင်း  ဇွန်  ၃ဗီယက်နမ်နိုင်ငံ၏ သွင်းကုန်နှင့်  ပို့ကုန်စုစုပေါင်းကုန်သွယ်မှု ပမာဏမှာ ယခုနှစ် ပထမငါးလတာအတွင်း အမေရိကန်ဒေါ်လာ ၄၄၅ ဒသမ  ၁၂  ဘီလီယံအထိရှိလာပြီး  ယမန်နှစ်အလားတူကာလနှင့် နှိုင်းယှဉ်ပါက  ၂၅   ရာခိုင်နှုန်းတိုးလာခြင်းဖြစ်ကြောင်း  အမျိုးသားစာရင်းအင်းရုံး၏  ဇွန် ၃ ရက်က ထုတ်ပြန်သည့် အစီရင်ခံစာအရ သိရသည်။အဆိုပါကာလအတွင်း ဗီယက်နမ်နိုင်ငံ၏ ပို့ကုန်မှာ ၁၉ ဒသမ ၅ ရာခိုင်နှုန်းတိုးတက်လာပြီး  ၂၁၅  ဒသမ ၆၆ ဘီလီယံဒေါ်လာအထိ ရောက်ရှိခဲ့သည်။ သွင်းကုန်ပမာဏမှာလည်း ၃၀ ဒသမ ၈ ရာခိုင်နှုန်းတိုးလာပြီး အမေရိကန်ဒေါ်လာ ၂၂၉ ဒသမ ၄၆ ဘီလီယံအထိ ရောက်ရှိခဲ့သည်။ဗီယက်နမ်နိုင်ငံ၏  အဓိကအကြီးဆုံးပို့ကုန်ဈေးကွက်နိုင်ငံမှာ အမေရိကန်နိုင်ငံဖြစ်ပြီး ပို့ကုန်တန်ဖိုးမှာ အမေရိကန်ဒေါ်လာ ၆၉ ဒသမ ၆ ဘီလီယံရှိသည်ဟု  အမျိုးသားစာရင်းအင်းရုံးက  ထုတ်ပြန်သည်။ တရုတ်နိုင်ငံသည် ဗီယက်နမ်နိုင်ငံ၏ အကြီးဆုံးသွင်းကုန်ဈေးကွက်ဖြစ်ပြီး သွင်းကုန်စုစုပေါင်းတန်ဖိုးမှာ  ဒေါ်လာ ၉၂ ဒသမ ၆ ဘီလီယံဖြစ်သည်။ဆင်ဟွာMDN
Thu, 4-Jun-2026
ဒုတိယသမ္မတ ဦးညိုစော (၂၉) ကြိမ်မြောက် နိုင်ငံတကာစီးပွားရေးဖိုရမ် (29 th St. Petersburg International Economic Forum- SPIEF 2026) ဖွင့်ပွဲအခမ်းအနားသို့ တက်ရောက်
ဒုတိယသမ္မတ ဦးညိုစော (၂၉) ကြိမ်မြောက် နိုင်ငံတကာစီးပွားရေးဖိုရမ် (29 th St. Petersburg International Economic Forum- SPIEF 2026) ဖွင့်ပွဲအခမ်းအနားသို့ တက်ရောက်
နေပြည်တော် ဇွန် ၄(၂၉)ကြိမ်မြောက် နိုင်ငံတကာစီးပွားရေးဖိုရမ် (29 th St. Petersburg International Economic Forum- SPIEF 2026) ဖွင့်ပွဲအခမ်းအနားကို ယနေ့ဒေသစံတော်ချိန် မွန်းလွဲပိုင်းတွင် စိန့်ပီတာစဘတ်မြို့ရှိ EXPOFORUM Convention and Exhibition Centre ၌ ကျင်းပရာ ဒုတိယသမ္မတ ဦးညိုစောတက်ရောက်ဆွေးနွေးပြောကြားသည်။အခမ်းအနားသို့ ရုရှားဖက်ဒရေးရှင်းနိုင်ငံ ဒုတိယဝန်ကြီးချုပ်၊ ဗီယက်နမ်ဆိုရှယ်လစ်သမ္မတနိုင်ငံ ဒုတိယဝန်ကြီးချုပ်၊ ကာဂျစ်သမ္မတနိုင်ငံအစိုးရအဖွဲ့ ဒုတိယဥက္ကဋ္ဌ၊ ပြည်ထောင်စုဝန်ကြီးများ၊ ကမ္ဘာတစ်ဝန်းရှိနိုင်ငံပေါင်း ၁၃၀ ကျော်မှ အကြီးအကဲများနှင့် ကိုယ်စားလှယ်အဖွဲ့ဝင်များ၊ ရုရှားဖက်ဒရေးရှင်းနိုင်ငံဆိုင်ရာ မြန်မာနိုင်ငံသံအမတ်ကြီး၊ စိန့်ပီတာစဘတ်မြို့ မြန်မာကောင်စစ်ဝန်ချုပ်နှင့် တာဝန်ရှိသူများ၊ ဖိတ်ကြားထားသည့်နိုင်ငံများမှ အကြီးအကဲများနှင့် တာဝန်ရှိသူများ၊ စီးပွားရေးလုပ်ငန်းရှင်များ တက်ရောက်ကြသည်။ဦးစွာ (၂၉) ကြိမ်မြောက် နိုင်ငံတကာစီးပွားရေးဖိုရမ် (29 th St. Petersburg International Economic Forum- SPIEF 2026) မှတ်တမ်းဗီဒီယိုကိုပြသပြီး စိန့်ပီတာစဘတ်အုပ်ချုပ်ရေးမှူးက ကြိုဆိုနှုတ်ခွန်းဆက်စကား ပြောကြားသည်။ထို့နောက် ဒုတိယသမ္မတဦးညိုစောက ဆွေးနွေးပြောကြားရာတွင် မြန်မာနိုင်ငံသည် ရေရှည်ဖွံ့ဖြိုးတိုးတက်မှုအတွက် ကြီးမားသောအလားအလာများရှိသကဲ့သို့ အရှေ့အာရှ၊ အရှေ့တောင်အာရှနှင့် တောင်အာရှတို့၏ဆုံချက်တွင် တည်ရှိသဖြင့် မဟာဗျူဟာမြောက် ထူးခြားသောပထဝီဝင်အနေအထားကို ပိုင်ဆိုင်ထားပါကြောင်း၊ ပစိဖိတ်သမုဒ္ဒရာနှင့် အိန္ဒိယသမုဒ္ဒရာတို့အကြားတည်ရှိသော မြန်မာနိုင်ငံသည် ဒေသတွင်းဈေးကွက်များကို ချိတ်ဆက်ပေးပြီး ကုန်သွယ်မှု၊ သယ်ယူပို့ဆောင်ရေးနှင့် စီးပွားရေးပေါင်းစည်းမှုတို့ကို လွယ်ကူချောမွေ့စေသည့် သဘာဝကုန်းတွင်းတံတား (Natural Land Bridge) တစ်ခုအဖြစ် တည်ရှိနေကြောင်း၊ ယခုကဲ့သို့ အားသာချက်များကို အမိအရအသုံးချနိုင်ရန်အတွက် မြန်မာနိုင်ငံအစိုးရသည် ကုန်သွယ်မှုလွယ်ကူချောမွေ့စေရေးနှင့် စီးပွားရေးလုပ်ကိုင်ရမှု ပတ်ဝန်းကျင်တိုးတက်ကောင်းမွန်စေရေးတို့ကို ဦးတည်သည့်မူဝါဒများကို ချမှတ်အကောင်အထည်ဖော် ဆောင်ရွက်လျက်ရှိကြောင်း။ထို့ပြင် မိမိတို့နိုင်ငံသည် ကုန်ထုတ်စွမ်းအားမြှင့်တင်ရန်၊ ရိက္ခာလုံခြုံမှုအားကောင်းစေရန်နှင့် ရေရှည်တည်တံ့သော ဖွံ့ဖြိုးတိုးတက်မှုကို အထောက်အကူပြုနိုင်ရန်အတွက် စိုက်ပျိုးရေးနှင့် မွေးမြူရေးကဏ္ဍများကို ခေတ်မီအောင် ပြုပြင်ပြောင်းလဲလျက်ရှိသည့်အတွက် ကဏ္ဍများတွင် နိုင်ငံတကာပူးပေါင်းဆောင်ရွက်မှုများနှင့် ရင်းနှီးမြှုပ်နှံမှုများကိုပိုမိုရရှိရန် ကြိုဆိုလျက်ရှိကြောင်း၊ အထူးသဖြင့် သယ်ယူပို့ဆောင်ရေး၊ ဆက်သွယ်ရေး၊ ဒစ်ဂျစ်တယ်အခြေခံအဆောက်အအုံ၊ ထောက်ပံ့ပို့ဆောင်ရေး (Logistics)၊ ပို့ကုန်ဦးတည် ကုန်ထုတ်လုပ်မှုလုပ်ငန်းများ၊ နည်းပညာနှင့် ဒစ်ဂျစ်တယ်ဝန်ဆောင်မှုကဏ္ဍများတွင် လာရောက်ရင်းနှီးမြှုပ်နှံကြရန် ဖိတ်ခေါ်ပါကြောင်း ပြောကြားသည်။ယင်းနောက် ကာဂျစ်သမ္မတနိုင်ငံအစိုးရအဖွဲ့ ဒုတိယဥက္ကဋ္ဌ၊ ရုရှားဖက်ဒရေးရှင်းနိုင်ငံ ဒုတိယဝန်ကြီးချုပ်၊ အာရှ-ပစိဖိတ်စီးပွားရေးပူးပေါင်းဆောင်ရွက်မှုအဖွဲ့ အတွင်းရေးမှူးရုံး အမှုဆောင်ညွှန်ကြားရေးမှူးနှင့် ဗီယက်နမ်ဆိုရှယ်လစ်သမ္မတနိုင်ငံ ဒုတိယဝန်ကြီးချုပ်တို့က ဆွေးနွေးပြောကြားကြသည်။နံနက်ပိုင်းကလည်း ဒုတိယသမ္မတဦးဆောင်သော ကိုယ်စားလှယ်အဖွဲ့သည် အီးအေအီးယူ-အာဆီယံ (EAEU-ASEAN) စီးပွားရေးဆွေးနွေးပွဲသို့ တက်ရောက်ကြပြီး အဆိုပါဆွေးနွေးပွဲတွင် အမျိုးသားစီမံကိန်း၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးအောင်ကျော်ဟိုးက အီးအေအီးယူနှင့် အာဆီယံတို့အကြား ကာလလတ်နှင့် ကာလရှည်တွင် စီးပွားရေးလုပ်ငန်းများ ပူးပေါင်းဆောင်ရွက်ရာ၌ ဒီဂျစ်တယ်အသွင်ကူးပြောင်းခြင်း၊ အရင်းအမြစ်နှင့် ရာသီဥတုဆိုင်ရာ ဘေးအန္တရာယ်များကို ကြံ့ကြံ့ခံနိုင်ခြင်းတို့၏ အရေးပါမှုနှင့် အီးအေအီးယူနှင့် အာဆီယံတို့မှ စီးပွားရေးအသိုက်အဝန်းများအကြား အပြန်အလှန်စီးပွားရေး အကျိုးဖြစ်ထွန်းစေမည့် ဖန်တီးမှုရှိသောစီးပွားရေးနယ်ပယ်များတွင် ပူးပေါင်းဆောင်ရွက်ရေးတို့ကို ပါဝင်ဆွေးနွေးသည်။ထို့နောက် ဒုတိယသမ္မတသည် လီနင်ဂရက်ဒေသ အုပ်ချုပ်ရေးမှူး Mr. Alexander Drozdenko နှင့် ရုရှားစီးပွားရေးဖွံ့ဖြိုးတိုးတက်မှုဝန်ကြီး Mr. Maksim Reshetnikov ဦးဆောင်သော ကိုယ်စားလှယ်အဖွဲ့တို့အား စင်တာ၌ သီးခြားစီလက်ခံတွေ့ဆုံပြီး မြန်မာနိုင်ငံနှင့် လီနင်ဂရက်ဒေသအကြား ပြည်နယ်/ဒေသအစိုးရအချင်းချင်း ဆက်ဆံရေးသာမက ပြည်သူအချင်းချင်းထိတွေ့ဆက်သွယ်မှုများအထိ မြှင့်တင်ဆောင်ရွက်သွားနိုင်ရေး၊ ကုန်သွယ်မှုနှင့် ရင်းနှီးမြှုပ်နှံမှုမြှင့်တင်နိုင်ရေး၊ ဗီဇာကင်းလွတ်ခွင့်စာချုပ် လက်မှတ်ရေးထိုးနိုင်ခဲ့ခြင်းကြောင့် ခရီးသွားကဏ္ဍ ကျယ်ကျယ်ပြန့်ပြန့် ဆောင်ရွက်သွားနိုင်ရေးကိစ္စရပ်များ၊ မြန်မာ-ရုရှား အစိုးရအချင်းချင်းကုန်သွယ်ရေးနှင့် စီးပွားရေးပူးပေါင်းဆောင်ရွက်ရေးကော်မရှင်အနေဖြင့် နှစ်နိုင်ငံကုန်သွယ်ရေးနှင့်စီးပွားရေးဆိုင်ရာ ပူးပေါင်းဆောင်ရွက်လျက်ရှိသည့်အခြေအနေများ၊ နှစ်နိုင်ငံအကောင်အထည်ဖော် ပူးပေါင်းဆောင်ရွက်လျက်ရှိသည့် စီမံကိန်းများ လုပ်ငန်းစဉ်များအလိုက် ဖြစ်ပေါ်တိုးတက်မှုအခြေအနေများနှင့် ဆက်လက်တိုးမြှင့် ပူးပေါင်းဆောင်ရွက်သွားမည့်အခြေအနေများ၊ စက်မှုကဏ္ဍ၊ ဓာတ်သတ္တုကဏ္ဍ၊ အလုပ်သမားရေးရာကဏ္ဍနှင့် စွမ်းအင်ကဏ္ဍများ၌ ပူးပေါင်းဆောင်ရွက်သွားနိုင်ရေးကိစ္စရပ်များကို ဆွေးနွေးခဲ့ကြသည်။moi
Thu, 4-Jun-2026
ကမ္ဘာ့အကြီးဆုံး ပင်လယ်ရေကြောင်းကုန်စည်ပြပွဲ အေသင်မြို့၌ ကျင်းပ
ကမ္ဘာ့အကြီးဆုံး ပင်လယ်ရေကြောင်းကုန်စည်ပြပွဲ အေသင်မြို့၌ ကျင်းပ
အေသင် ဇွန် ၂ ကမ္ဘာ့အကြီးဆုံး ပင်လယ်ရေကြောင်း ကုန်သွယ်မှုပြပွဲများထဲမှ တစ်ခုဖြစ်သည့် ပိုဆီဒိုးနီးယား အပြည်ပြည်ဆိုင်ရာ ရေကြောင်းနှင့် သင်္ဘောလုပ်ငန်းဆိုင်ရာ ကုန်စည်ပြပွဲကို ဇွန် ၁ ရက်က ဂရိနိုင်ငံ အေသင်မြို့၌ ဖွင့်လှစ်ခဲ့ပြီး နိုင်ငံနှင့်ဒေသပေါင်း ၈၃ ခုမှ ပြသသူ ပေါင်း ၂၂၀၀ ကျော် ပူးပေါင်းပါဝင်ခဲ့သည်။ ၎င်းတို့ထဲတွင် တရုတ်နိုင်ငံမှ ကုမ္ပဏီပေါင်း ၂၀၀ ကျော်ပါဝင်သည်ဟု သိရသည်။ ကမ္ဘာ့ကုန်သွယ်ရေး၊ စွမ်းအင်ကဏ္ဍနှင့် စီးပွားရေး တည်ငြိမ်မှုတို့တွင် ရေကြောင်းကုန်သွယ်ရေးကဏ္ဍသည် ပို၍အရေးပါကြောင်း ဖွင့်ပွဲအခမ်းအနား၌ ဂရိဝန်ကြီးချုပ် ကီရီယာကိုစ် မစ်ဆိုတာကစ် က ပြောသည်။  အဆိုပါပြပွဲတွင် ပင်လယ်ရေကြောင်းလုံခြုံရေး၊ ဒီဂျစ်တယ်အသွင်ပြောင်းလဲမှုနှင့် ရေကြောင်းသင်္ဘော လုပ်ငန်းတွင် ဉာဏ်ရည်တုနည်းပညာ (AI) အသုံးချမှုများအပါအဝင် အဓိကအကြောင်းအရာများကို ဦးစားပေးပြသခဲ့သည်။ ပြပွဲကာလအတွင်း ဖိုရမ်များနှင့် အခြားအစီအစဉ်ပေါင်း ၇၀ ခန့် ကျင်းပသွားမည်ဖြစ်သည်။ ယင်းပြပွဲကို ၁၉၆၉ ခုနှစ်က စတင်ပြသခဲ့ခြင်းဖြစ်ပြီး နှစ်နှစ်လျှင်တစ်ကြိမ် ကျင်းပလေ့ရှိသည်။ ပိုဆီဒိုးနီးယားပြပွဲသည် ကမ္ဘာ့အဆင့်မီ ပင်လယ်ရေကြောင်း ကုန်သွယ်မှုဆိုင်ရာ ပြပွဲများတွင် အရေးအပါဆုံး ပြပွဲတစ်ခုဖြစ်ပြီး ဇွန် ၅ ရက်အထိ ကျင်းပမည်ဖြစ်သည်။ ဆင်ဟွာMDN
Wed, 3-Jun-2026
တောင်သူများ လူမှုစီးပွားဘဝဖွံ့ဖြိုးတိုးတက်စေရေး မြန်မာ့လယ်ယာ ဖွံ့ဖြိုးရေးဘဏ် ကျောက်ဆည်ခရိုင်ဘဏ်ခွဲမှ မိုးရာသီ စိုက်ပျိုးစရိတ် ငွေများ ထုတ်ချေးပေး
တောင်သူများ လူမှုစီးပွားဘဝဖွံ့ဖြိုးတိုးတက်စေရေး မြန်မာ့လယ်ယာဖွံ့ဖြိုးရေးဘဏ် ကျောက်ဆည်ခရိုင်ဘဏ်ခွဲမှ မိုးရာသီ စိုက်ပျိုးစရိတ်ငွေများ ထုတ်ချေးပေး
ကျောက်ဆည်၊ ဇွန် ၃မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်အတွင်းရှိ တောင်သူများကြွေးမြီကင်းရှင်းပြီး လူမှုစီးပွားဘဝဖွံ့ဖြိုးတိုးတက်စေရေး၊ မြန်မာ့လယ်ယာဖွံ့ဖြိုးရေးဘဏ် ကျောက်ဆည်ခရိုင်ဘဏ်ခွဲမှ ၂၀၂၆ ခုနှစ် မိုးရာသီ စိုက်ပျိုးစရိတ်ငွေများ ထုတ်ချေးပေးလျက်ရှိရှာ ယနေ့အချိန်ထိ ငွေကျပ် သိန်း ( ၉၀၃၄ ဒဿမ ၅ ) ထုတ်ချေးပေးပြီးဖြစ်ကြောင်း သိရသည်။မိုးရာသီစိုက်ပျိုးစရိတ်ချေးများ ထုတ်ချေးပေးရာ၌ လယ်သီးနှံဖြစ်သည့် စပါး(၁)ဧကအတွက် ငွေသုံးသိန်း ကျပ်၊ ယာသီးနှံများဖြစ်သည့် ပဲတီစိမ်း၊ နှမ်း၊ ချည်မျှင်ရှည်ဝါ သီးနှံများအတွက် (၁)ဧကအတွက် ငွေနှစ်သိန်း ငါးသောင်းကျပ်နှုန်းဖြင့် တောင်သူ ၆၀၄ ဦး၏ စပါးသီးနှံ ၂၅၇၄ ဧက၊ ပဲတီစိမ်းသီးနှံ ၄၀၅ ဧက၊ နှမ်းသီးနှံ ၁၁ ဧက၊ ချည်မျှင်ရှည်ဝါသီးနှံ ၁၀၉ ဧက၊ စုစုပေါင်းသီးနှံမျိုးစုံ ၃၀၉၉ ဧကအတွက် စိုက်ပျိုးစရိတ်ချေးငွေ ၉၀၃၄ ဒဿမ ၅ ကျပ်သိန်း ထုတ်ချေးပေးပြီးဖြစ်ကြောင်းနှင့် မြန်မာ့လယ်ယာဖွံ့ဖြိုးရေးဘဏ် ကျောက်ဆည်ခရိုင်ဘဏ်ခွဲအနေဖြင့် တောင်သူများလူမှုစီးပွားဘဝဖွံ့ဖြိုးတိုးတက်ရေး  ၂၀၂၆ ခုနှစ် မိုးရာသီ စိုက်ပျိုးစရိတ် ချေးငွေ ကျပ်သိန်းပေါင်း ၇၄၂၅၀ ကျပ်သိန်းကို ၂၀၂၆ ခုနှစ် စက်တင်ဘာလကုန်အထိ ထုတ်ချေးပေးသွားမည်ဖြစ်ကြောင်း သိရသည်။သက်မောင်(ကျောက်ဆည်) 
Wed, 3-Jun-2026
ကျောက်ဆည်မြို့နယ် မှိုင်းပန်ကျေးရွာ၌ ပဲတီစိမ်းစိုက်ခင်းများ အောင်မြင် ဖြစ်ထွန်း
ကျောက်ဆည်မြို့နယ် မှိုင်းပန်ကျေးရွာ၌ ပဲတီစိမ်းစိုက်ခင်းများ အောင်မြင်ဖြစ်ထွန်း
ကျောက်ဆည်၊ ဇွန် ၃မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်အတွင်းရှိ တောင်သူများအနေဖြင့် မိုးရေ၊ ဆည်ရေ၊ မြေအောက်ရေများဖြင့် သီးနှံမျိုးစုံစိုက်ပျိုးလျက်ရှိရာ မှိုင်းပန်ကျေးရွာ၌ စိုက်ပျိုးထားသော ပဲတီစိမ်းသီးနှံများ အောင်မြင်ဖြစ်ထွန်း လျက်ရှိကြောင်း သိရသည်။ ပဲတီစိမ်းသီးနှံများ စိုက်ပျိုးရာ၌ မိရိုးဖလာ(ပက်ကျဲ)၊ တန်းဆွဲ၊  ဘောင်စနစ်များဖြင့် အမျိုးမျိုး စိုက်ပျိုးကြကြောင်းနှင့် တောင်သူအများစုသည် အထွက်နှုန်းကောင်းမွန်ရေး သိပ္ပံနည်းကျ (ဘောင်စနစ်)ဖြင့် ပြောင်းလဲစိုက်ကြပြီး ဘောင်စနစ်ဖြင့်စိုက်ပျိုးပါက ပဲတီမျိုး နှစ်ပြည်ခန့်အသုံးပြုစိုက်ပျိုးရကြောင်း၊ ထွက်နှုန်းအနေဖြင့် မြေ (၁)ဧကတွင် သွင်းအားစု၊ ရာသီဥတုနှင့် အပင်အပြုအစုအပေါ်မူတည်၍ ၁၇ တင်းမှ ၂၂ တင်းအထိ ထွက်ရှိကြောင်း ပဲတီစိမ်းစိုက်တောင်သူများထံမှ သိရသည်။ ကျောက်ဆည်မြို့နယ်တွင် ဒေသနှင့်ကိုက်ညီသည့် ရေဆင်း(၁၁)၊ ရေဆင်း(၁၄)ပဲတီစိမ်းမျိုးများ အဓိက စိုက်ပျိုးကြကြောင်းနှင့် ပဲတီစိမ်းသီးနှံများအောင်မြင်စေရေး မြို့နယ်စိုက်ပျိုးရေးဦးစီးဌာနမှ မျိုးကောင်း၊ မျိုးသန့်များ ဖြန့်ဝေပေးလျက်ရှိပြီး နည်းစနစ်များလည်း ပံ့ပိုးကူညီလျက်ရှိကြောင်း သိရသည်။သက်မောင်(ကျောက်ဆည်) 
Wed, 3-Jun-2026
© Copyright 2024 SAC All Rights Reserved.