ပိုလန်စစ်တပ်အတွင်း ကျား၊ မ ရေးရာသင်တန်းများအပေါ် ဝေဖန်မှုများကြောင့် အစိုးရပြန်လည်ရုပ်သိမ်း

KookieSpace97

News Image

  • ပိုလန်စစ်တပ်အတွင်း ကျား၊ မ ရေးရာသင်တန်းများအပေါ် ဝေဖန်မှုများကြောင့် အစိုးရပြန်လည်ရုပ်သိမ်း

ပိုလန်ကာကွယ်ရေးဝန်ကြီးဌာနသည် စစ်တပ်အတွင်း သင်ကြားရန် စီစဉ်ထားသည့် “စစ်ဆင်ရေးများတွင် ကျား၊ မ ရေးရာအမြင်များ” (Gender perspectives in military operations) ဆိုင်ရာ ထပ်ဆောင်းသင်တန်းတစ်ခုကို လက်ယာယိမ်းနိုင်ငံရေးသမားများနှင့် စစ်သည်များ၏ ပြင်းထန်သော ကန့်ကွက်မှုများကြောင့် ပြန်လည်ဖျက်သိမ်းလိုက်ကြောင်း သိရှိရသည်။

အဆိုပါသင်တန်းကို လက်ရှိကာကွယ်ရေးဝန်ကြီး ဝလာဒီဆလော ကိုဆီနီယက်-ကမ်းမစ်ရှ်က ရပ်ဆိုင်းရန် အမိန့်ပေးခဲ့ခြင်းဖြစ်ပြီး ဝန်ကြီးဌာန၏ထုတ်ပြန်ချက်အရ ယင်းအစီအစဉ်မှာ ယခင်အစိုးရ လက်ထက်ကတည်းက အတည်ပြုခဲ့ခြင်းဖြစ်နိုင်ကြောင်း အပြစ်တင် ပြောဆိုထားသည်။

အဆိုပါသင်တန်းအကြောင်းကို ယခုလအစောပိုင်းတွင် ဒေသတွင်းမီဒီယာများက ဖော်ထုတ်ခဲ့ပြီးနောက် စစ်သည်များအကြားတွင်လည်း မကျေနပ်မှုများ မြင့်တက်ခဲ့သည်။ အမည်မဖော်လိုသူ စစ်မှုထမ်းတစ်ဦးက စစ်တပ်အနေဖြင့် နေ့စဉ်စစ်မှုထမ်းခြင်းနှင့် မသက်ဆိုင်သည့် အယူဝါဒပိုင်းဆိုင်ရာ ကိစ္စရပ်များထက် စစ်ဆင်ရေးပြင်ဆင်မှုများကိုသာ အဓိကထားသင့်ကြောင်း ဝေဖန်ခဲ့သည်။ တပ်ဖွဲ့ဝင်များက ယခုကဲ့သို့သင်တန်းမျိုး မိတ်ဆက်လာမှုအပေါ် အံ့အားသင့်ကာ စိတ်ပျက်မိကြောင်းလည်း ထုတ်ဖော်ပြောဆိုခဲ့ကြသည်။

နိုင်ငံရေးအရ ဝေဖန်မှုများတွင်လည်း လက်ယာယိမ်း အတိုက်အခံလွှတ်တော်အမတ်များက အမေရိကန်၌ သမ္မတ ဒေါ်နယ်ထရမ့်က စစ်တပ်အတွင်းရှိ 'Woke' ယဉ်ကျေးမှုနှင့် မတူကွဲပြားမှုဆိုင်ရာ (DEI) အစီအစဉ်များကို ပယ်ဖျက်နေချိန်တွင် ပိုလန်အစိုးရက ယခုကဲ့သို့ ပြုလုပ်ခြင်းမှာ ခေတ်နောက်ကျနေပြီဖြစ်ကြောင်း လှောင်ပြောင်ခဲ့ကြသည်။ 

ထို့အပြင် ကာကွယ်ရေးဝန်ကြီးဟောင်း ဘလက်ရှ်ချက်ကလည်း ယခု ဖြစ်ရပ်သည် ဥရောပသမဂ္ဂ (EU) ၏ ဖိအားပေးမှုကို အရှုံးပေးခြင်းဖြစ်ပြီး အမေရိကန်ကို ဥရောပမှမောင်းထုတ်ရန် ကြိုးပမ်းနေသည့် အကျိုးအကြောင်း မဆီလျော်သူများ၏ ခြိမ်းခြောက်မှုကို အလျော့မပေးသင့်ကြောင်း သတင်းစာ ရှင်းလင်းပွဲတွင် ထည့်သွင်းပြောကြားခဲ့သည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး - ၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

နိုင်ငံတော်သမ္မတအဖြစ် ဗိုလ်ချုပ်မှူးကြီး မင်းအောင်လှိုင် ဒုတိယသမ္မတများအဖြစ် ဦးညိုစောနှင့် ဒေါ်နန်းနီနီအေးတို့အား ရွေးချယ်တင်မြှောက်
နိုင်ငံတော်သမ္မတအဖြစ် ဗိုလ်ချုပ်မှူးကြီး မင်းအောင်လှိုင် ဒုတိယသမ္မတများအဖြစ် ဦးညိုစောနှင့် ဒေါ်နန်းနီနီအေးတို့အား ရွေးချယ်တင်မြှောက်
နေပြည်တော် ဧပြီ ၃တတိယအကြိမ် ပြည်ထောင်စုလွှတ်တော် နိုင်ငံတော်သမ္မတ ရွေးချယ်တင်မြှောက်ပွဲကို ယနေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော် အစည်းအဝေးခန်းမ၌ ကျင်းပသည်။အစည်းအဝေးတွင် ပြည်ထောင်စုလွှတ်တော် နာယက ဦးအောင်လင်းဒွေးက ပြည်ထောင်စုလွှတ်တော်ကိုယ်စားလှယ်အားလုံးပါဝင်သော နိုင်ငံတော်သမ္မတရွေးချယ်တင်မြှောက်ပွဲ အစည်းအဝေးသို့ တက်ရောက်ခွင့်ရှိသည့် လွှတ်တော်ကိုယ်စားလှယ် စုစုပေါင်း (၅၈၆) ဦးရှိသည့်အနက် ယနေ့အစည်းအဝေးသို့ (၅၈၄)ဦး တက်ရောက်ကြသဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်း ကြေညာသည်။ထို့နောက် ပြည်ထောင်စုလွှတ်တော် နာယကက နိုင်ငံတော်သမ္မတ ရွေးချယ်တင်မြှောက်ပွဲ အစီအစဉ်များကို လွှတ်တော်သို့ အသိပေးကြေညာသည်။ယင်းနောက် ပြည်ထောင်စုလွှတ်တော် နာယကက အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူပြီး အတည်ပြုမှတ်တမ်းတင်သည်။ဆက်လက်၍ ပြည်ထောင်စုလွှတ်တော်နာယကက နိုင်ငံတော်ဖွဲ့စည်းပုံအခြေခံဥပဒေအရ ပြည်ထောင်စုလွှတ်တော် ကိုယ်စားလှယ်များအားလုံးပါဝင်သည့် နိုင်ငံတော်သမ္မတ ရွေးချယ်တင်မြှောက်ရေးအဖွဲ့က နိုင်ငံတော်သမ္မတလောင်းများဖြစ်ကြသည့် ဒုတိယသမ္မတ ၃ ဦးအနက်မှ ဒုတိယသမ္မတ ၁ ဦးကို နိုင်ငံတော်သမ္မတအဖြစ် ဆန္ဒမဲလက်မှတ်ပုံစံ(၁၀)ဖြင့် လျှို့ဝှက်ဆန္ဒမဲပေး၍ ရွေးချယ်တင်မြှောက်ကြရမည်ဖြစ်ကြောင်း၊ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေအရ နိုင်ငံတော်သမ္မတ ရွေးချယ်တင်မြှောက်ရန် ဆန္ဒမဲပေးခြင်းကို မိမိအပါအဝင် နိုင်ငံတော်သမ္မတရွေးချယ်ရေးတင်မြှောက်အဖွဲ့ဝင်များဖြစ်သည့် ပြည်ထောင်စုလွှတ်တော်ကိုယ်စားလှယ်များရှေ့မှောက်တွင် ပြုလုပ်မည်ဖြစ်ကြောင်းနှင့် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာဥပဒေ၊ နည်းဥပဒေပါ ဆန္ဒမဲပေးပုံပေးနည်းနှင့် ပယ်မဲအဖြစ်ဆုံးဖြတ်သတ်မှတ်မည့် ဆန္ဒမဲလက်မှတ်တို့ကို လွှတ်တော်သို့ ရှင်းလင်းပြောကြားသည်။ထို့နောက် ပြည်ထောင်စုလွှတ်တော်ရုံးမှ ဒုတိယညွှန်ကြားရေးမှူးချုပ်နှင့် တာဝန်ရှိသူများက နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေများနှင့်အညီ ပြည်ထောင်စုလွှတ်တော်ကိုယ်စားလှယ်အားလုံးပါဝင်သော နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များ၏ ရှေ့မှောက်၌ နိုင်ငံတော်သမ္မတ ရွေးချယ်တင်မြှောက်နိုင်ရန် ဆန္ဒမဲပေးပွဲတွင်အသုံးပြုမည့် ဆန္ဒမဲလက်မှတ်များကို ရေတွက်သည်။ဆက်လက်၍ ပြည်ထောင်စုလွှတ်တော်နာယက၊ ပြည်သူ့လွှတ်တော်ဥက္ကဋ္ဌ၊ ပြည်ထောင်စုလွှတ်တော် ဒုတိယနာယက၊ ပြည်သူ့လွှတ်တော်ဒုတိယဥက္ကဋ္ဌနှင့် နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များသည် ပြည်ထောင်စုလွှတ်တော်ရုံး ဝန်ထမ်းများထံမှ ဆန္ဒမဲလက်မှတ်များကို တစ်ဦးချင်းလက်မှတ်ရေးထိုးထုတ်ယူကြပြီး သတ်မှတ်ထားသည့်နေရာတွင် လျှို့ဝှက်ဆန္ဒပြုကာ ဆန္ဒမဲပုံးများအတွင်းသို့ ဆန္ဒမဲလက်မှတ်များ ထည့်ကြသည်။ဆက်လက်၍ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေ ၄၃၊ နည်းဥပဒေခွဲ (ဋ)အရ ကိုယ်စားလှယ်များကို ထုတ်ပေးထားသည့် ဆန္ဒမဲလက်မှတ်အရေအတွက်နှင့် ဆန္ဒမဲပုံးအတွင်းမှ ထုတ်ယူရရှိသည့် ဆန္ဒမဲလက်မှတ် အရေအတွက်တို့ ကိုက်ညီခြင်း ရှိ/မရှိကို နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များရှေ့မှောက်၌ ပြည်ထောင်စုလွှတ်တော်ရုံးမှ တာဝန်ရှိသူများက ရေတွက်စစ်ဆေးကြသည်။ထို့နောက် ပြည်ထောင်စုလွှတ်တော်နာယကက ပြည်ထောင်စုလွှတ်တော်ကိုယ်စားလှယ် အားလုံးပါဝင်သော နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များကို ထုတ်ပေးထားသည့် ဆန္ဒမဲလက်မှတ်အရေအတွက် ၅၈၄ ဖြစ်ပြီး ယခုဆန္ဒမဲပုံးအတွင်းမှ ထုတ်ယူရရှိသည့် ဆန္ဒမဲလက်မှတ်အရေအတွက်မှာ ၅၈၄ ဖြစ်သည့်အတွက် ကိုက်ညီမှုရှိသည်ကိုတွေ့ရကြောင်း၊ ထို့ကြောင့် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေ ၄၃၊ နည်းဥပဒေခွဲ (ဋ)၊ နည်းဥပဒေခွဲငယ် (င) အရ ဆန္ဒမဲပေးပွဲ အထမြောက်ကြောင်း ကြေညာသည်။ယင်းနောက် နိုင်ငံတော်သမ္မတ ရွေးချယ်တင်မြှောက်ရန် လျှို့ဝှက်ဆန္ဒပြုထားသည့် ဆန္ဒမဲလက်မှတ်များကို သမ္မတရွေးချယ်တင်မြှောက်ရေးအဖွဲ့ဝင်များရှေ့မှောက်၌ ဖွင့်လှစ်ပြီး သက်ဆိုင်ရာနည်းဥပဒေများနှင့်အညီ စိစစ်ရေတွက်ပြီး နိုင်ငံတော်သမ္မတလောင်း တစ်ဦးချင်းစီရရှိသော ထောက်ခံဆန္ဒမဲ အများ၊ အနည်းအလိုက် အမည်စာရင်းပုံစံ(၁၅)တွင် နိုင်ငံတော်သမ္မတ စိစစ်ရေးအဖွဲ့ဝင်များက လက်မှတ်ရေးထိုး မှတ်တမ်းတင်ကြသည်။ဆက်လက်၍ ပြည်ထောင်စုလွှတ်တော်နာယကက သမ္မတလောင်းတစ်ဦးချင်းရရှိသည့် ထောက်ခံဆန္ဒမဲ အများ၊ အနည်းအလိုက် အမည်စာရင်းကိုကြေညာရာ ရွေးကောက်ခံ ပြည်သူ့လွှတ်တော်ကိုယ်စားလှယ်အစုအဖွဲ့မှ နိုင်ငံတော်သမ္မတလောင်း ဗိုလ်ချုပ်မှူးကြီး မင်းအောင်လှိုင်က ထောက်ခံဆန္ဒမဲ ၄၂၉ မဲ၊ တပ်မတော်သား လွှတ်တော်ကိုယ်စားလှယ်များအစုအဖွဲ့မှ နိုင်ငံတော်သမ္မတလောင်း ဦးညိုစောက ထောက်ခံဆန္ဒမဲ ၁၂၆ မဲ၊ ရွေးကောက်ခံအမျိုးသား လွှတ်တော်ကိုယ်စားလှယ်များအစုအဖွဲ့မှ နိုင်ငံတော်သမ္မတလောင်း ဒေါ်နန်းနီနီအေးက ထောက်ခံမဲ ၂၉ မဲ အသီးသီးရရှိကြသည်။ထို့ကြောင့် ပြည်ထောင်စုလွှတ်တော်နာယကက ထောက်ခံဆန္ဒမဲအများဆုံးရရှိသည့် ရွေးကောက်ခံ ပြည်သူ့လွှတ်တော်ကိုယ်စားလှယ်အစုအဖွဲ့မှ ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးချယ်တင်မြှောက်ကြောင်း ကြေညာသည်။ဆက်လက်၍ ဦးညိုစောနှင့် ဒေါ်နန်းနီနီအေးတို့အား ဒုတိယသမ္မတများအဖြစ် ကြေညာသည်။ထို့နောက် ပြည်ထောင်စုလွှတ်တော်နာယကက သမ္မတရွေးချယ်တင်မြှောက်ရေးအဖွဲ့ အစည်းအဝေးပြီးဆုံးကြောင်းနှင့် ပြည်ထောင်စုလွှတ်တော် ဒုတိယနေ့အစည်းအဝေးကို ၂၀၂၆ ခုနှစ် ဧပြီ ၆ ရက်(တနင်္လာနေ့) နံနက် ၁၀ နာရီတွင် ကျင်းပမည်ဖြစ်ကြောင်း ကြေညာပြီး အစည်းအဝေးကို ရုပ်သိမ်းလိုက်ကြောင်း သတင်းရရှိသည်။moi
Fri, 3-Apr-2026
အရှေ့အလယ်ပိုင်းဒေသ ပဋိပက္ခများ အမြန်ဆုံးအဆုံးသတ်ရန်နှင့် အခြေအနေများ ပုံမှန်ပြန်ဖြစ်လာစေရေး အစွမ်းကုန် ကူညီရန်အသင့်ရှိဟု ပူတင်ပြော
အရှေ့အလယ်ပိုင်းဒေသ ပဋိပက္ခများ အမြန်ဆုံးအဆုံးသတ်ရန်နှင့် အခြေအနေများ ပုံမှန်ပြန်ဖြစ်လာစေရေး အစွမ်းကုန် ကူညီရန်အသင့်ရှိဟု ပူတင်ပြော
    ရုရှားနိုင်ငံအနေဖြင့် အရှေ့အလယ်ပိုင်းဒေသ  ပဋိပက္ခများ အမြန်ဆုံးအဆုံးသတ်သွားရန် မျှော်လင့်လျက်ရှိနေပြီး အခြေအနေများကို ပုံမှန်ပြန်ဖြစ်လာစေရေးအတွက် အစွမ်းကုန်ကူညီ ဆောင်ရွက်ရန် အသင့်ရှိကြောင်း ရုရှားသမ္မတ ဗလာဒီမာပူတင်က ပြောကြားလိုက်ကြောင်း သိရသည်။  ရုရှားနိုင်ငံအနေဖြင့် အရှေ့အလယ်ပိုင်းဒေသတွင် ဖြစ်ပွားနေသည့်  အခြေအနေအားလုံးကို  အမြန်ဆုံးပြီးဆုံးသွားစေရန် မျှော်လင့်လျက်ရှိကြောင်း သမ္မတပူတင်က အီဂျစ်နိုင်ငံခြားရေးဝန်ကြီး  ဘေဒါ အဗ္ဗဒယ်တီနှင့်  မော်စကိုမြို့ရှိ ကရင်မလင်နန်းတော်တွင် တွေ့ဆုံစဉ် ပြောကြားခဲ့ခြင်းဖြစ်သည်။ထို့ပြင် အရှေ့အလယ်ပိုင်း အခြေအနေများနှင့်စပ်လျဉ်း၍ အမေရိကန်သမ္မတ ဒေါ်နယ်ထရမ့်က မိမိအားပြောကြားခဲ့ကြောင်း၊ ရုရှားနိုင်ငံဘက်မှလည်း အခြေအနေအားလုံးကို ပုံမှန်ပြန်ဖြစ်လာစေရေးအတွက် အစွမ်းကုန်လုပ်ဆောင်ရန် အသင့်ရှိကြောင်း ပူတင်က ဆက်လက်ပြောကြားသည်။အရှေ့အလယ်ပိုင်းဒေသတွင်း အခြေအနေများသည် တစ်ကမ္ဘာလုံးက စိုးရိမ်ရသည့်ကိစ္စရပ်ဖြစ်ကြောင်း  ပူတင်ကဆက်လက်ပြောကြားခဲ့ပြီးရုရှားနိုင်ငံအတွက် အရှေ့အလယ်ပိုင်းရှိ အဓိက နိုင်ငံကြီးတစ်နိုင်ငံဖြစ်သည့် အီဂျစ်နိုင်ငံ၏ သုံးသပ်ချက်များကို နားထောင်ရန် အလွန်အရေးကြီးကြောင်း ၎င်းက ထပ်လောင်းပြောကြားသည်။MWD
Fri, 3-Apr-2026
တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့ကျင်းပ
တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့ကျင်းပ
နေပြည်တော် ဧပြီ ၂တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့ကို ယနေ့ နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော် အစည်းအဝေးခန်းမ၌ ကျင်းပသည်၊၊လွှတ်တော်၏ အတည်ပြုချက်ရယူဦးစွာ ပြည်ထောင်စုလွှတ်တော်နာယက ဦးအောင်လင်းဒွေးက တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့သို့ တက်ရောက်ခွင့်ရှိသည့် ပြည်ထောင်စုလွှတ်တော် ကိုယ်စားလှယ်ဦးရေ စုစုပေါင်း ၅၈၆ ဦးရှိသည့်အနက် ယနေ့အစည်းအဝေးသို့ ၅၈၄ ဦး တက်ရောက်သဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်းကြေညာပြီး အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။ထို့နောက် ကချင်ပြည်နယ် (မဲအများဆုံးရသူ အနိုင်ယူစနစ်) မဲဆန္ဒနယ် အမှတ် (၂) မှ Jeng Phang နော်တောင်က ဥပဒေကြမ်းပူးပေါင်းကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်၊၊ဥပဒေကြမ်းကော်မတီအဖွဲ့ဝင်များ၏ အမည်စာရင်းကို ဖတ်ကြားယင်းနောက် ပြည်ထောင်စုလွှတ်တော်နာယကက ဥပဒေကြမ်းပူးပေါင်းကော်မတီကို ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ကော်မတီအဖွဲ့ဝင် ၁၅ ဦးဖြင့် ဖွဲ့စည်းနိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် ဥပဒေကြမ်းကော်မတီအဖွဲ့ဝင်များ၏ အမည်စာရင်းကို ဖတ်ကြားသည်။ဆက်လက်၍ ပြည်ထောင်စုလွှတ်တော်နာယကက ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ဥပဒေကြမ်းပူးပေါင်းကော်မတီဥက္ကဋ္ဌအဖြစ် ပြည်ထောင်စုလွှတ်တော် ဒုတိယနာယက Jeng Phang နော်တောင်၊ ဒုတိယဥက္ကဋ္ဌ (၁) အဖြစ် ဧရာဝတီတိုင်းဒေသကြီး (မဲအများဆုံးရသူ အနိုင်ယူစနစ်) မဲဆန္ဒနယ်အမှတ် (၂) မှ ဒေါ်နွယ်နွယ်ဦး၊ ဒုတိယဥက္ကဋ္ဌ (၂) အဖြစ် ဒဂုံမဲဆန္ဒနယ်မှ ဒေါက်တာ နန္ဒကျော်စွာ၊ အတွင်းရေးမှူးအဖြစ် ပဲခူးတိုင်းဒေသကြီး (အချိုးကျ ကိုယ်စားပြုစနစ်) မဲဆန္ဒနယ်အမှတ် (၁) မှ ဦးဇင်မင်းထက်နှင့် တွဲဖက်အတွင်းရေးမှူးအဖြစ် အမရပူရမဲဆန္ဒနယ်မှ ဦးသိန်းထွန်းဦးနှင့် ကျန်ရှိသည့် လွှတ်တော်ကိုယ်စားလှယ် ၁၀ ဦးကို အဖွဲ့ဝင်များအဖြစ် တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက် ရယူဆောင်ရွက်သွားမည်ဖြစ်ကြောင်း ကြေညာသည်။လွှတ်တော်သို့ ရှင်းလင်းတင်ပြထို့နောက် ဧရာဝတီတိုင်းဒေသကြီး (အချိုးကျ ကိုယ်စားပြုစနစ်) မဲဆန္ဒနယ် အမှတ် (၂) မှ ဦးချစ်ဆွေက ပြည်သူ့ငွေစာရင်းပူးပေါင်းကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်။ယင်းနောက် ပြည်ထောင်စုလွှတ်တော်နာယကက ပြည်သူ့ငွေစာရင်း ပူးပေါင်းကော်မတီကို ပြည်ထောင်စုလွှတ်တော်ဆိုင်ရာနည်းဥပဒေနှင့်အညီ ကော်မတီဝင်ဦးရေ ၁၅ ဦးဖြင့် ဖွဲ့စည်းနိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် အဖွဲ့ဝင်များ၏ အမည်စာရင်းကို ဖတ်ကြားသည်။သဘောတူညီချက် ရယူဆောင်ရွက်သွားမည်ဆက်လက်၍ ပြည်ထောင်စုလွှတ်တော်နာယကက ပြည်သူ့ငွေစာရင်း ပူးပေါင်းကော်မတီတွင် ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ကော်မတီဥက္ကဋ္ဌအဖြစ် ပြည်ထောင်စုလွှတ်တော် ဒုတိယနာယက Jeng Phang နော်တောင်၊ ဒုတိယဥက္ကဋ္ဌ (၁) အဖြစ် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ်အမှတ် (၂) မှ ဦးချစ်ဆွေ၊ ဒုတိယဥက္ကဋ္ဌ (၂) အဖြစ် အောင်မြေသာစံမဲဆန္ဒနယ်မှ ဦးတေဇကျော်၊ အတွင်းရေးမှူးအဖြစ် တနင်္သာရီတိုင်းဒေသကြီး (မဲအများဆုံးရသူ အနိုင်ယူစနစ်) မဲဆန္ဒနယ်အမှတ် (၂) မှ ဦးသန်းအောင်၊ တွဲဖက်အတွင်းရေးမှူးအဖြစ် အောင်လံမဲဆန္ဒနယ်မှ ဦးတင်အောင်ချစ်နှင့် ကျန်ရှိသည့် လွှတ်တော်ကိုယ်စားလှယ် ၁၀ ဦးကို အဖွဲ့ဝင်များအဖြစ် တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက် ရယူဆောင်ရွက်သွားမည်ဖြစ်ကြောင်း ကြေညာသည်။ထို့နောက် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ်အမှတ် (၁) မှ ဦးအောင်တင်မြင့်က လွှတ်တော်ကိုယ်စားလှယ်စိစစ်ရေး ကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်။ယင်းနောက် ပြည်ထောင်စုလွှတ်တော်နာယကက လွှတ်တော်ကိုယ်စားလှယ် စိစစ်အတည်ပြုရေး လုပ်ငန်းတာဝန်ကို ဆက်လက်ဆောင်ရွက်နိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် ကိုယ်စားလှယ် ၁၅ ဦး၏ အမည်စာရင်းကို ဖတ်ကြားသည်။ဆက်လက်၍ ပြည်ထောင်စုလွှတ်တော်နာယကက လွှတ်တော်ကိုယ်စားလှယ် စိစစ်ရေးကော်မတီဥက္ကဋ္ဌအဖြစ် ထားဝယ်မဲဆန္ဒနယ်မှ ဒေါက်တာ ကျော်ကျော်ဌေး၊ အတွင်းရေးမှူးအဖြစ် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ် အမှတ် (၁) မှ ဦးအောင်တင်မြင့်တို့ကို တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက်ရယူဆောင်ရွက်သွားမည်ဖြစ်ကြောင်း ကြေညာသည်။စိစစ်ရေးအဖွဲ့၏ ထောက်ခံတင်ပြမှုကို ဖတ်ကြားတင်ပြထို့နောက် ပြည်ထောင်စုလွှတ်တော်နာယကက သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့သုံးဖွဲ့က နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေ၊ နည်းဥပဒေများနှင့်အညီ ရွေးချယ်တင်ပြထားသည့် ဒုတိယသမ္မတသုံးဦးသည် နိုင်ငံတော်သမ္မတအတွက် သတ်မှတ်ထားသည့် အရည်အချင်းများနှင့် ပြည့်စုံကြောင်း စိစစ်ရေးအဖွဲ့၏ ထောက်ခံတင်ပြမှုကို ဖတ်ကြားတင်ပြသည်။အဆိုပါစိစစ်ရေးအဖွဲ့က ထောက်ခံတင်ပြထားသည့် ဒုတိယသမ္မတများမှာ ဗိုလ်ချုပ်မှူးကြီး မင်းအောင်လှိုင်၊ ကရင်ပြည်နယ်လွှတ်တော် (အချိုးကျကိုယ်စားပြုစနစ်) မဲဆန္ဒနယ်အမှတ် (၁) မှ ဒေါ်နန်း နီနီအေးနှင့် ကိုကိုးကျွန်းမဲဆန္ဒနယ်မှ ဦးညိုစောတို့ဖြစ်သည်။ယင်းနောက် ပြည်ထောင်စုလွှတ်တော်နာယကက ပြည်ထောင်စုလွှတ်တော်ကိုယ်စားလှယ်များ အားလုံးပါဝင်သည့် နိုင်ငံတော်သမ္မတ ရွေးချယ်တင်မြှောက်ရေးအဖွဲ့အနေဖြင့် ဖွဲ့စည်းပုံအခြေခံဥပဒေ၊ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာဥပဒေများနှင့်အညီ သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့အသီးသီးက ရွေးချယ်တင်ပြထားသည့် ဒုတိယသမ္မတ သုံးဦးအနက် မိမိတို့ကြိုက်နှစ်သက်သည့် ဒုတိယသမ္မတတစ်ဦးကို နိုင်ငံတော်သမ္မတအဖြစ် ဆန္ဒမဲပေးရွေးချယ်တင်မြှောက်ပွဲကို ဧပြီ ၃ ရက်တွင် ကျင်းပသွားမည်ဖြစ်ကြောင်း ကြေညာသည်။ဆက်လက်၍ ပြည်ထောင်စုလွှတ်တော်နာယကက ဧပြီ ၃ ရက်တွင်ကျင်းပမည့် နိုင်ငံတော်သမ္မတ ရွေးချယ်တင်မြှောက်ပွဲတွင် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေ၊ နည်းဥပဒေများအရ ဆန္ဒမဲလက်မှတ်ဆန္ဒပြုပုံနှင့် ပယ်မဲအဖြစ် ဆုံးဖြတ်သတ်မှတ်မည့် ဆန္ဒမဲလက်မှတ်ပုံစံများကို ရှင်းလင်းပြောကြားသည်။ထို့နောက် တတိယအကြိမ် ပြည်ထောင်စုလွှတ်တော်ပထမပုံမှန်အစည်းအဝေး ဒုတိယနေ့ကို ရပ်နားလိုက်ပြီး တတိယအကြိမ် ပြည်ထောင်စုလွှတ်တော်နိုင်ငံတော်သမ္မတ ရွေးချယ်တင်မြှောက်ပွဲကို ဧပြီ ၃ ရက်တွင် ကျင်းပသွားမည်ဖြစ်ကြောင်း သိရသည်။moi
Fri, 3-Apr-2026
အရှေ့အလယ်ပိုင်းနှင့် ပင်လယ်ကွေ့ဒေသတွင် ငြိမ်းချမ်းရေး ပြန်လည်ဆောင်ကြဉ်းနိုင်ရန်အတွက် တရုတ်နှင့် ပါကစ္စတန်တို့က အချက် ၅ ချက်ပါ အဆိုပြုချက် ထုတ်ပြန်
အရှေ့အလယ်ပိုင်းနှင့် ပင်လယ်ကွေ့ဒေသတွင် ငြိမ်းချမ်းရေး ပြန်လည်ဆောင်ကြဉ်းနိုင်ရန်အတွက် တရုတ်နှင့် ပါကစ္စတန်တို့က အချက် ၅ ချက်ပါ အဆိုပြုချက် ထုတ်ပြန်
      အရှေ့အလယ်ပိုင်းနှင့်  ပင်လယ်ကွေ့ဒေသတွင် ငြိမ်းချမ်းရေးကိုပြန်လည် ဆောင်ကြဉ်းနိုင်ရန်အတွက် တရုတ်နိုင်ငံခြားရေး ဝန်ကြီးဝမ်ယိနှင့်  ပါကစ္စတန်ဒုတိယဝန်ကြီးချုပ်နှင့် နိုင်ငံခြားရေးဝန်ကြီး  မိုဟာမက်အီရှက်ဒါးတို့က   အချက် ၅ ချက်ပါ အဆိုပြုချက်တစ်စောင်ကို ထုတ်ပြန်လိုက်သည်။နှစ်နိုင်ငံနိုင်ငံခြားရေးဝန်ကြီးများသည် အရှေ့အလယ်ပိုင်းဒေသနှင့်  ပင်လယ်ကွေ့ဒေသရှိ အခြေအနေများကို  ပြန်လည်သုံးသပ်ရန် မတ်လ ၃၁ ရက်တွင် ပေကျင်းမြို့၌ တွေ့ဆုံခဲ့ပြီးနောက် အဆိုပါ အဆိုပြုချက်ကို ထုတ်ပြန်ခြင်းဖြစ်သည်။အဆိုပြုချက်တွင် ပါဝင်သည့်အချက်များမှာ (၁)တိုက်ခိုက်မှုများကို ချက်ချင်းရပ်တန့်ရန်(၂) ငြိမ်းချမ်းရေး ဆွေးနွေးပွဲများကို အမြန်ဆုံးစတင်ရန် (၃)အရပ်သားများနှင့် စစ်ဘက်ဆိုင်ရာ မဟုတ်သော ပစ်မှတ်များအပေါ် တိုက်ခိုက်နေမှုများကို ချက်ချင်းရပ်တန့်ရန် (၄) သင်္ဘောလမ်းကြောင်းများ၏ လုံခြုံရေးကို  အကာအကွယ်ပေးရန်နှင့် ရေလက်ကြားမှ တစ်ဆင့် ပုံမှန်ဖြတ်သန်း သွားလာမှုကို အမြန်ဆုံးပြန်လည်ဖော်ဆောင်ရန်နှင့် (၅) ကုလသမဂ္ဂ ပဋိညာဉ်စာတမ်း၏ အခန်းကဏ္ဍကို ပူးပေါင်းမြှင့်တင်ရန်နှင့် ကုလသမဂ္ဂ ပဋိညာဉ်စာတမ်းပါ ရည်ရွယ်ချက်များ၊  အခြေခံမူများနှင့် နိုင်ငံတကာဥပဒေများအပေါ် အခြေခံ၍ ဘက်စုံငြိမ်းချမ်းရေး မူဘောင်တစ်ခု ထူထောင်ရန်နှင့် ရေရှည်တည်တံ့သော ငြိမ်းချမ်းရေးကို ဖော်ဆောင်ရန်တို့ ပါဝင်ကြောင်း သိရသည်။ MWD
Thu, 2-Apr-2026
ဒွန်ဘတ်စ်ဒေသမှဆုတ်ခွာရန် ရုရှားက ရာဇသံပေးခဲ့သည်ဟု ဇီလန်စကီး၏ စွပ်စွဲမှုအပေါ် ကရင်မလင် ငြင်းဆို
ဒွန်ဘတ်စ်ဒေသမှဆုတ်ခွာရန် ရုရှားက ရာဇသံပေးခဲ့သည်ဟု ဇီလန်စကီး၏ စွပ်စွဲမှုအပေါ် ကရင်မလင် ငြင်းဆို
ယူကရိန်းခေါင်းဆောင် ဗလာဒီမာ ဇီလန်စကီး၏ " ဒွန်ဘတ်စ် (Donbass) ဒေသမှ ၂ လအတွင်း ဆုတ်ခွာပေးရန် ရုရှားက ရာဇသံပေးထားသည်" ဟူသော ပြောကြားချက်ကို ကရင်မလင်က ပယ်ချလိုက်ပြီး ယူကရိန်း တပ်ဖွဲ့များသည် ထိုဒေသမှ လွန်ခဲ့သောအချိန်ကာလများကတည်းက ထွက်ခွာသွားသင့်ပြီဖြစ်ကြောင်း တုံ့ပြန်ပြောဆိုခဲ့သည်။ဗုဒ္ဓဟူးနေ့ (ဧပြီ ၁) တွင် ပြုလုပ်ခဲ့သည့် သတင်းစာရှင်းလင်းပွဲ၌ ကရင်မလင် ပြောရေးဆိုခွင့်ရှိသူ ဒမီထရီ ပက်စကော့ (Dmitry Peskov) က ဆုတ်ခွာရန် သတ်မှတ်ရက်မှာ "၂ လ မဟုတ်ကြောင်း" နှင့် ဇီလန်စကီးအနေဖြင့် "ယူကရိန်းတပ်ဖွဲ့များကို ဒိုးနက်စ်ပြည်သူ့သမ္မတနိုင်ငံ (DPR) နယ်နိမိတ် အတွင်းမှထွက်ခွာရန် ယနေ့တွင်ပင် ဆုံးဖြတ်ချက်ချရမည်ဖြစ်ကြောင်း" အလေးပေး ပြောကြားခဲ့သည်။ "ဒါကို ပြောခဲ့တာကြာပါပြီ၊ ဇီလန်စကီး အနေနဲ့ အရင်ကတည်းက လုပ်ခဲ့သင့်တာပါ၊ အဲဒီလိုသာလုပ်ခဲ့ရင် လူပေါင်းထောင်ချီရဲ့ အသက်တွေကို ကယ်တင်နိုင်မှာဖြစ်သလို စစ်ပွဲရဲ့ အပြင်းထန်ဆုံး အခြေအနေတွေကိုလည်း ရပ်တန့်နိုင်မှာပါ" ဟု ပက်စကော့က ဆိုသည်။ပက်စကော့၏ တုံ့ပြန်မှုသည် ဇီလန်စကီး၏ အင်တာဗျူးတစ်ခုတွင် ပြောကြားချက်အပြီး ထွက်ပေါ်လာခြင်းဖြစ်သည်။ ဇီလန်စကီးက "မော်စကို သည် ဝါရှင်တန်သို့ သတင်းစကားပါးရာတွင် ယူကရိန်းအနေဖြင့် ဒွန်ဘတ်စ်ဒေသမှ ၂ လအတွင်း ဆုတ်ခွာပေးရန် မျှော်လင့်ထားကြောင်း" နှင့် "အကယ်၍ ယူကရိန်းကငြင်းဆန်ပါက ရုရှားသည် ထိုနယ်မြေကို မည်သို့ပင်ဖြစ်စေ သိမ်းပိုက်သွားမည်ဖြစ်ပြီး ငြိမ်းချမ်းရေးဆိုင်ရာ သဘောတူညီချက်အခြေအနေများသည် ယခုထက် ပိုမိုတင်းမာသွားလိမ့်မည်" ဟု ပြောကြားခဲ့သည်။၂၀၂၂ ခုနှစ်တွင် ရုရှားနှင့် ပူးပေါင်းရန် ဆန္ဒမဲပေးခဲ့သော ဒွန်ဘတ်စ် ဒေသ၏ အခြေအနေသည် ငြိမ်းချမ်းရေးဆွေးနွေးပွဲများအတွက် အဓိက အဟန့်အတားတစ်ခု ဖြစ်နေဆဲဖြစ်သည်။ မော်စကိုဘက်မှမူ ရေရှည်တည်တံ့သော ပြေလည်မှုရရှိရန်အတွက် ယူကရိန်းတပ်ဖွဲ့များ ထိုဒေသမှ အပြီးအပိုင်ဆုတ်ခွာပေးရန် လိုအပ်ကြောင်း အကြိမ်ကြိမ် ပြောဆိုထားသည်။ဒွန်ဘတ်စ်ဒေသကိုစွန့်လွှတ်ရန် အမေရိကန်က ဖိအားပေးနေသည် ဟူသော ဇီလန်စကီး၏ စွပ်စွဲချက်ကို ဝါရှင်တန်ဘက်ကလည်း ငြင်းပယ်ခဲ့သည်။ ယခုသီတင်းပတ်အစောပိုင်းတွင် အမေရိကန် နိုင်ငံခြားရေးဝန်ကြီး မာကို ရူဘီယို (Marco Rubio) က ယူကရိန်းခေါင်းဆောင်၏ ပြောကြားချက်များကို မုသားများဖြစ်သည်ဟု ပယ်ချခဲ့ပြီး ယူကရိန်း အနေဖြင့် လုံခြုံရေးအာမခံချက်များကို ငြိမ်းချမ်းရေးသဘောတူညီချက် ရရှိပြီးနောက်မှသာ ရရှိနိုင်မည်ဖြစ်ကြောင်း၊ သဘောတူညီချက်မရမီကြိုတင်ရရှိနိုင်မည်မဟုတ်ကြောင်းသာ ပြောကြားခဲ့ခြင်းဖြစ်သည်ဟု ဆိုသည်။အီရန်စစ်ပွဲကြောင့် ရုရှား၊ ယူကရိန်းနှင့် အမေရိကန်တို့အကြား သုံးပွင့်ဆိုင်ဆွေးနွေးမှုများ ခေတ္တရပ်တန့်နေပြီး ပက်စကော့ကမူ ယင်းအခြေအနေ ကို "အခြေအနေအရ ခေတ္တဆိုင်းငံ့ထားခြင်း" ဟု ဖော်ပြခဲ့သည်။ မော်စကို အနေဖြင့် ဆွေးနွေးပွဲများအတွက် ဆက်လက် ပွင့်လင်းစွာ ရှိနေသော်လည်း အမေရိကန် ကြားဝင်စေ့စပ်ပေးသူများ၏ အာရုံစိုက်မှုသည် အရှေ့ အလယ်ပိုင်းဒေသသို့ ပြောင်းလဲသွားပြီဖြစ်ကြောင်း ၎င်းက ဗုဒ္ဓဟူးနေ့ (ဧပြီ ၁) တွင် ထပ်လောင်းပြောကြားခဲ့သည်။ဇီလန်စကီးသည် နယ်မြေများပေးအပ်ရန် တောင်းဆိုချက်များကို တစိုက်မတ်မတ် ငြင်းဆန်နေပြီး ဒွန်ဘတ်စ်ဒေသမှ ဆုတ်ခွာပေးရခြင်းသည် ဥရောပလုံခြုံရေးအတွက် ခြိမ်းခြောက်မှုဖြစ်သည်ဟု ပြောဆိုခဲ့သည်။ တစ်ချိန်တည်းမှာပင် ရုရှားဘက်ကမူ ရေရှည်တည်တံ့သောငြိမ်းချမ်းရေး အတွက် ယူကရိန်းသည် ကြားနေနိုင်ငံဖြစ်ရမည်၊ စစ်လက်နက်ဖြုတ်သိမ်းရမည်ဖြစ်ပြီး ရုရှားနှင့်ပူးပေါင်းရန် ဆန္ဒမဲပေးခဲ့သောဒေသများကို အသိအမှတ်ပြုရမည်ဟု အခိုင်အမာ ပြောဆိုလျက်ရှိသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 2-Apr-2026
ဥရောပသမဂ္ဂ (EU) ကို သစ္စာဖောက်ဖျက်သည်ဟု လက်ယာယိမ်း မြို့တော်ဝန်များအပေါ် ပါရီက စွပ်စွဲ
ဥရောပသမဂ္ဂ (EU) ကို သစ္စာဖောက်ဖျက်သည်ဟု လက်ယာယိမ်း မြို့တော်ဝန်များအပေါ် ပါရီက စွပ်စွဲ
ရွေးကောက်ပွဲအနိုင်ရပြီးနောက် မြို့တော်ခန်းမများမှ ဥရောပသမဂ္ဂ (EU) အလံများကို ဖြုတ်ချခဲ့ကြသည့် လက်ယာယိမ်း မြို့တော်ဝန်များ အပေါ် ပါရီအစိုးရက ပြင်းထန်စွာ ပြစ်တင်ရှုတ်ချလိုက်သည်။ နိုင်ငံခြားရေးဝန်ကြီး ဂျင်း-နိုဝယ် ဘာရော့တ်က ယင်းလုပ်ရပ်များကို လွတ်လပ်မှုနှင့် ဒီမိုကရေစီကို တိုက်စားခြင်းဖြစ်သည်ဟုဆိုကာ သစ္စာဖောက်မှုအဖြစ် သတ်မှတ်ဖော်ပြခဲ့သည်။အဆိုပါ အငြင်းပွားမှုသည် ပြီးခဲ့သည့်လကကျင်းပခဲ့သော မြို့နယ်စည်ပင်သာယာရေး ရွေးကောက်ပွဲများအပြီးတွင် ပေါ်ပေါက်လာခြင်း ဖြစ်သည်။ ယင်းရွေးကောက်ပွဲတွင် မာရင်း လီပန်၏ လက်ယာယိမ်း အမျိုးသားပြန်လည်စုစည်းရေးပါတီ (RN) သည် မြို့ငယ်နှင့် မြို့လတ်ပေါင်းဒါဇင်နှင့်ချီ၍အနိုင်ရရှိခဲ့ပြီး မြို့တော်ဝန်နှင့်ကောင်စီဝင်နေရာ အရေအတွက်မှာ ပြီးခဲ့သည့် ရွေးကောက်ပွဲထက် သုံးဆကျော် မြင့်တက်လာခဲ့သည်။အသစ်ခန့်အပ်ခံရသည့် RN မြို့တော်ဝန်အချို့သည် ဆန့်ကျင်မှုကို ပြသသည့်အနေဖြင့် ၎င်းတို့၏ တာဝန်ထမ်းဆောင်မှုကို မြို့တော်ခန်းမများမှ EU အလံများ ဖြုတ်ချခြင်းဖြင့် စတင်ခဲ့ကြသည်။ အနည်းဆုံး ဖြစ်စဉ်နှစ်ခုတွင် မြို့တော်ဝန်များကိုယ်တိုင် အလံများကို ဖြုတ်ချခဲ့ကြပြီး ယင်း မှတ်တမ်းများကို လူမှုကွန်ရက်ပေါ်တွင် တင်ခဲ့ကြသည်။ ၎င်းတို့အနက် တစ်ဦးက ပြင်သစ်၏ အပြာ၊ အဖြူ၊ အနီ သုံးရောင်ခြယ်အလံသည်သာ တစ်ခုတည်းသော ထိုက်တန်သည့်စံနှုန်းဖြစ်သည်ဟု ပြောကြားခဲ့သည်။"ဒါဟာ ကျွန်တော်တို့ရဲ့ ဖြစ်တည်မှုအပေါ် သစ္စာဖောက်လိုက်တာပဲ" ဟု ဘာရော့တ်က အင်္ဂါနေ့ (မတ် ၃၁) တွင် X လူမှုကွန်ရက်၌ ရေးသားခဲ့သည်။ "ဒီ EU အလံဟာ ဖြစ်နိုင်ခြေရှိတဲ့ မျှော်လင့်ချက်ရဲ့ အလံဖြစ်သလို လွတ်လပ်မှု၊ တရားမျှတမှုနဲ့ ဒီမိုကရေစီရဲ့ အလံလည်း ဖြစ်ပါတယ်" ဟု ၎င်းက ချေပခဲ့သည်။ဝါရင့်နိုင်ငံရေးသမား မာရင်း လီပန်နှင့် ပါတီဥက္ကဋ္ဌ ဂျော်ဒန် ဘာဒယ်လာ တို့ ဦးဆောင်သော ဥရောပသမဂ္ဂအပေါ် သံသယရှိသည့် RN ပါတီသည် ပြင်သစ်၏ အကြီးဆုံးအတိုက်အခံပါတီဖြစ်ပြီး လွှတ်တော်တွင် အများစုအာဏာ ရရှိထားသည်။ အထူးသဖြင့် နယ်စပ်ဒေသ၊ ရွှေ့ပြောင်းအခြေချမှု နှင့် စီးပွားရေးဆိုင်ရာစည်းမျဉ်းများတွင် EU ၏ မူဝါဒများသည် ပြင်သစ်၏ အချုပ်အခြာအာဏာကိုထိခိုက်စေသည်ဟု အဆိုပါပါတီက ကာလရှည်ကြာ ဝေဖန်ခဲ့သည်။ ၎င်းတို့သည် ပိုမိုတင်းကျပ်သော လူဝင်မှုကြီးကြပ်ရေးနှင့် ခိုလှုံခွင့်မူဝါဒများကို လိုလားသကဲ့သို့ လူမှုဖူလုံရေးခံစားခွင့်များတွင် ပြင်သစ်နိုင်ငံသားများကို ဦးစားပေးရန်နှင့် EU စည်းမျဉ်းများထက် အမျိုးသားဥပဒေက ပိုမိုအရေးပါစေမည့် ပြုပြင်ပြောင်းလဲမှုများကို လုပ်ဆောင်ရန် တိုက်တွန်းထားသည်။RN ပါတီသည် ယခင်က ပြင်သစ်နိုင်ငံ EU မှ နုတ်ထွက်ရေး (Frexit) အတွက် ပြည်သူ့ဆန္ဒခံယူပွဲပြုလုပ်ရန် တောင်းဆိုခဲ့ပြီး ၂၀၁၇ ရွေးကောက်ပွဲတွင် ယင်းကို အဓိကထား မဲဆွယ်ခဲ့သော်လည်း နောက်ပိုင်းတွင် ထိုရပ်တည်ချက်ကို စွန့်လွှတ်ခဲ့သည်။ ၂၀၂၆ ခုနှစ် မြို့နယ်စည်ပင်သာယာရေး ရွေးကောက်ပွဲများတွင်မူ RN ကိုယ်စားလှယ်လောင်းများသည် လုံခြုံရေး၊ ဘဏ္ဍာရေး စီမံခန့်ခွဲမှုနှင့် ဒေသန္တရလက္ခဏာရပ်များ အပေါ် အာရုံစိုက်ကာ "ပိုမိုဘေးကင်းပြီး ပိုမိုကောင်းမွန်စွာ စီမံခန့်ခွဲသည့် မြို့" ဟူသော ကြွေးကြော်သံဖြင့် မဲဆွယ်စည်းရုံးခဲ့ကြသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 2-Apr-2026
© Copyright 2024 SAC All Rights Reserved.