အမေရိကန်-အစ္စရေး ပူးတွဲတိုက်ခိုက်မှုအတွင်း အီရန်အမြင့်ဆုံးခေါင်းဆောင် ခါမေနီ သေဆုံးကြောင်း အတည်ပြု

News Image

အစ္စလာမ်မစ်သမ္မတနိုင်ငံ အီရန်အပေါ် အမေရိကန်နှင့်အစ္စရေးတို့၏ ပူးတွဲစစ်ဆင်ရေးအတွင်း အမြင့်ဆုံးခေါင်းဆောင် အယာတိုလာ အလီ ခါမေနီ သေဆုံးသွားပြီဖြစ်ကြောင်း အီရန်နိုင်ငံပိုင် သတင်းဌာနများဖြစ်သည့် Tasnim၊ Mehr နှင့် Press TV တို့က တနင်္ဂနွေနေ့ (မတ် ၁) အစောပိုင်းတွင် တစ်ပြိုင်နက်တည်း အတည်ပြုထုတ်ပြန်ခဲ့သည်။

အသက် ၈၅ နှစ်အရွယ်ရှိ အဆိုပါခေါင်းဆောင်သည် ၎င်း၏လုပ်ငန်းခွင်အတွင်း တာဝန်ထမ်းဆောင်နေစဉ် အမေရိကန်နှင့် ဇီယွန်ဝါဒီအစိုးရတို့၏ "သူရဲဘောကြောင်သော တိုက်ခိုက်မှု" ကြောင့် အာဇာနည်အဖြစ် ကျဆုံးခဲ့ရခြင်းဖြစ်ကြောင်း တရားဝင်ထုတ်ပြန်ချက်တွင် ဖော်ပြထားပြီး ခေါင်းဆောင်ကြီး လျှို့ဝှက်နေရာတွင် ပုန်းအောင်းနေသည်ဟူသော အစ္စရေး၏ ဝါဒဖြန့်မှုများကိုလည်း ငြင်းဆိုခဲ့သည်။

အဆိုပါဖြစ်ရပ်နှင့်ပတ်သက်၍ အီရန်သမ္မတ မာဆွတ် ပီဇက်ရှ်ကီယန်၏ ရုံးခန်းက တစ်နိုင်ငံလုံးအတိုင်းအတာဖြင့် ဝမ်းနည်းခြင်းအထိမ်းအမှတ် ကာလ (၄၀) ရက် သတ်မှတ်ကြောင်း ကြေညာခဲ့ပြီး ထိုရာဇဝတ်မှုအတွက် ကျူးလွန်သူများကို ပြင်းထန်စွာ တုံ့ပြန်လက်စားချေသွားမည်ဟု ကတိပြုခဲ့သည်။

အဆိုပါအတည်ပြုချက် မထွက်ပေါ်လာမီ နာရီအနည်းငယ်အလိုတွင် အမေရိကန်သမ္မတ ဒေါ်နယ်ထရမ့်က ခါမေနီ သေဆုံးသွားပြီဖြစ်ကြောင်း ၎င်း၏ Truth Social စာမျက်နှာတွင် ရေးသားခဲ့သကဲ့သို့ အစ္စရေး ဝန်ကြီးချုပ် ဘင်ဂျမင် နေတန်ယာဟုကလည်း အီရန်ခေါင်းဆောင်ပိုင်းအား အင်အား ပြင်းထန်စွာ အလစ်အငိုက်တိုက်ခိုက်ခဲ့ခြင်းဖြစ်ကြောင်းနှင့် ရှေ့ဆက်၍လည်း ပစ်မှတ်ပေါင်းထောင်ချီကို ဆက်လက်သုတ်သင်သွားမည်ဖြစ်ကြောင်း ပြောကြားခဲ့သည်။

ဝါရှင်တန်နှင့် အစ္စရေးတို့က "ကြိုတင်ကာကွယ်သော စစ်ဆင်ရေး" ဟု ခေါင်းစဉ်တပ်ထားသည့် အဆိုပါတိုက်ခိုက်မှုများသည် အီရန်ခေါင်းဆောင်ပိုင်း၊ စစ်ဘက်နှင့် နျူကလီးယားဆိုင်ရာ အဆောက်အအုံများကို ပစ်မှတ်ထားခဲ့ပြီး အီရန်အစိုးရကို အပြောင်းအလဲဖြစ်စေရန် ရည်ရွယ်ခဲ့ခြင်းဖြစ်သည်။

လက်ရှိတွင် အီရန်ဘက်မှလည်း အစ္စရေးပိုင်နက်နှင့် အရှေ့အလယ်ပိုင်းရှိ အမေရိကန်စစ်အခြေစိုက်စခန်းများကို ဒုံးကျည်များ၊ ဒရုန်းများဖြင့် ပြန်လည်တုံ့ပြန်တိုက်ခိုက်လျက်ရှိသည်။ ရုရှားနိုင်ငံခြားရေးဝန်ကြီးဌာနကမူ အဆိုပါလုပ်ရပ်ကို အနောက်အုပ်စု၏ ဖိအားပေးမှုများကို လက်မခံသည့် အစိုးရတစ်ရပ်အား ဖြုတ်ချရန် ကြိုတင် ကြံစည်ထားသည့် အကြောင်းမဲ့ ကျူးကျော်မှုအဖြစ် ပြင်းထန်စွာ ရှုတ်ချထားသည်။

ကိုးကား- RT

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category

နိုင်ငံရေးကဏ္ဍသတင်းများ

နိုင်ငံရေး-နိုင်ငံတကာသတင်း

နိုင်ငံတော်သမ္မတအဖြစ် ဗိုလ်ချုပ်မှူးကြီး မင်းအောင်လှိုင် ဒုတိယသမ္မတများအဖြစ် ဦးညိုစောနှင့် ဒေါ်နန်းနီနီအေးတို့အား ရွေးချယ်တင်မြှောက်

နေပြည်တော် ဧပြီ ၃တတိယအကြိမ် ပြည်ထောင်စုလွှတ်တော် နိုင်ငံတော်သမ္မတ ရွေးချယ်တင်မြှောက်ပွဲကို ယနေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော် အစည်းအဝေးခန်းမ၌ ကျင်းပသည်။အစည်းအဝေးတွင် ပြည်ထောင်စုလွှတ်တော် နာယက ဦးအောင်လင်းဒွေးက ပြည်ထောင်စုလွှတ်တော်ကိုယ်စားလှယ်အားလုံးပါဝင်သော နိုင်ငံတော်သမ္မတရွေးချယ်တင်မြှောက်ပွဲ အစည်းအဝေးသို့ တက်ရောက်ခွင့်ရှိသည့် လွှတ်တော်ကိုယ်စားလှယ် စုစုပေါင်း (၅၈၆) ဦးရှိသည့်အနက် ယနေ့အစည်းအဝေးသို့ (၅၈၄)ဦး တက်ရောက်ကြသဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်း ကြေညာသည်။ထို့နောက် ပြည်ထောင်စုလွှတ်တော် နာယကက နိုင်ငံတော်သမ္မတ ရွေးချယ်တင်မြှောက်ပွဲ အစီအစဉ်များကို လွှတ်တော်သို့ အသိပေးကြေညာသည်။ယင်းနောက် ပြည်ထောင်စုလွှတ်တော် နာယကက အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူပြီး အတည်ပြုမှတ်တမ်းတင်သည်။ဆက်လက်၍ ပြည်ထောင်စုလွှတ်တော်နာယကက နိုင်ငံတော်ဖွဲ့စည်းပုံအခြေခံဥပဒေအရ ပြည်ထောင်စုလွှတ်တော် ကိုယ်စားလှယ်များအားလုံးပါဝင်သည့် နိုင်ငံတော်သမ္မတ ရွေးချယ်တင်မြှောက်ရေးအဖွဲ့က နိုင်ငံတော်သမ္မတလောင်းများဖြစ်ကြသည့် ဒုတိယသမ္မတ ၃ ဦးအနက်မှ ဒုတိယသမ္မတ ၁ ဦးကို နိုင်ငံတော်သမ္မတအဖြစ် ဆန္ဒမဲလက်မှတ်ပုံစံ(၁၀)ဖြင့် လျှို့ဝှက်ဆန္ဒမဲပေး၍ ရွေးချယ်တင်မြှောက်ကြရမည်ဖြစ်ကြောင်း၊ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေအရ နိုင်ငံတော်သမ္မတ ရွေးချယ်တင်မြှောက်ရန် ဆန္ဒမဲပေးခြင်းကို မိမိအပါအဝင် နိုင်ငံတော်သမ္မတရွေးချယ်ရေးတင်မြှောက်အဖွဲ့ဝင်များဖြစ်သည့် ပြည်ထောင်စုလွှတ်တော်ကိုယ်စားလှယ်များရှေ့မှောက်တွင် ပြုလုပ်မည်ဖြစ်ကြောင်းနှင့် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာဥပဒေ၊ နည်းဥပဒေပါ ဆန္ဒမဲပေးပုံပေးနည်းနှင့် ပယ်မဲအဖြစ်ဆုံးဖြတ်သတ်မှတ်မည့် ဆန္ဒမဲလက်မှတ်တို့ကို လွှတ်တော်သို့ ရှင်းလင်းပြောကြားသည်။ထို့နောက် ပြည်ထောင်စုလွှတ်တော်ရုံးမှ ဒုတိယညွှန်ကြားရေးမှူးချုပ်နှင့် တာဝန်ရှိသူများက နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေများနှင့်အညီ ပြည်ထောင်စုလွှတ်တော်ကိုယ်စားလှယ်အားလုံးပါဝင်သော နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များ၏ ရှေ့မှောက်၌ နိုင်ငံတော်သမ္မတ ရွေးချယ်တင်မြှောက်နိုင်ရန် ဆန္ဒမဲပေးပွဲတွင်အသုံးပြုမည့် ဆန္ဒမဲလက်မှတ်များကို ရေတွက်သည်။ဆက်လက်၍ ပြည်ထောင်စုလွှတ်တော်နာယက၊ ပြည်သူ့လွှတ်တော်ဥက္ကဋ္ဌ၊ ပြည်ထောင်စုလွှတ်တော် ဒုတိယနာယက၊ ပြည်သူ့လွှတ်တော်ဒုတိယဥက္ကဋ္ဌနှင့် နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များသည် ပြည်ထောင်စုလွှတ်တော်ရုံး ဝန်ထမ်းများထံမှ ဆန္ဒမဲလက်မှတ်များကို တစ်ဦးချင်းလက်မှတ်ရေးထိုးထုတ်ယူကြပြီး သတ်မှတ်ထားသည့်နေရာတွင် လျှို့ဝှက်ဆန္ဒပြုကာ ဆန္ဒမဲပုံးများအတွင်းသို့ ဆန္ဒမဲလက်မှတ်များ ထည့်ကြသည်။ဆက်လက်၍ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေ ၄၃၊ နည်းဥပဒေခွဲ (ဋ)အရ ကိုယ်စားလှယ်များကို ထုတ်ပေးထားသည့် ဆန္ဒမဲလက်မှတ်အရေအတွက်နှင့် ဆန္ဒမဲပုံးအတွင်းမှ ထုတ်ယူရရှိသည့် ဆန္ဒမဲလက်မှတ် အရေအတွက်တို့ ကိုက်ညီခြင်း ရှိ/မရှိကို နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များရှေ့မှောက်၌ ပြည်ထောင်စုလွှတ်တော်ရုံးမှ တာဝန်ရှိသူများက ရေတွက်စစ်ဆေးကြသည်။ထို့နောက် ပြည်ထောင်စုလွှတ်တော်နာယကက ပြည်ထောင်စုလွှတ်တော်ကိုယ်စားလှယ် အားလုံးပါဝင်သော နိုင်ငံတော်သမ္မတ ရွေးချယ်တင်မြှောက်ရေးအဖွဲ့ဝင်များကို ထုတ်ပေးထားသည့် ဆန္ဒမဲလက်မှတ်အရေအတွက် ၅၈၄ ဖြစ်ပြီး ယခုဆန္ဒမဲပုံးအတွင်းမှ ထုတ်ယူရရှိသည့် ဆန္ဒမဲလက်မှတ်အရေအတွက်မှာ ၅၈၄ ဖြစ်သည့်အတွက် ကိုက်ညီမှုရှိသည်ကိုတွေ့ရကြောင်း၊ ထို့ကြောင့် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ နည်းဥပဒေ ၄၃၊ နည်းဥပဒေခွဲ (ဋ)၊ နည်းဥပဒေခွဲငယ် (င) အရ ဆန္ဒမဲပေးပွဲ အထမြောက်ကြောင်း ကြေညာသည်။ယင်းနောက် နိုင်ငံတော်သမ္မတ ရွေးချယ်တင်မြှောက်ရန် လျှို့ဝှက်ဆန္ဒပြုထားသည့် ဆန္ဒမဲလက်မှတ်များကို သမ္မတရွေးချယ်တင်မြှောက်ရေးအဖွဲ့ဝင်များရှေ့မှောက်၌ ဖွင့်လှစ်ပြီး သက်ဆိုင်ရာနည်းဥပဒေများနှင့်အညီ စိစစ်ရေတွက်ပြီး နိုင်ငံတော်သမ္မတလောင်း တစ်ဦးချင်းစီရရှိသော ထောက်ခံဆန္ဒမဲ အများ၊ အနည်းအလိုက် အမည်စာရင်းပုံစံ(၁၅)တွင် နိုင်ငံတော်သမ္မတ စိစစ်ရေးအဖွဲ့ဝင်များက လက်မှတ်ရေးထိုး မှတ်တမ်းတင်ကြသည်။ဆက်လက်၍ ပြည်ထောင်စုလွှတ်တော်နာယကက သမ္မတလောင်းတစ်ဦးချင်းရရှိသည့် ထောက်ခံဆန္ဒမဲ အများ၊ အနည်းအလိုက် အမည်စာရင်းကိုကြေညာရာ ရွေးကောက်ခံ ပြည်သူ့လွှတ်တော်ကိုယ်စားလှယ်အစုအဖွဲ့မှ နိုင်ငံတော်သမ္မတလောင်း ဗိုလ်ချုပ်မှူးကြီး မင်းအောင်လှိုင်က ထောက်ခံဆန္ဒမဲ ၄၂၉ မဲ၊ တပ်မတော်သား လွှတ်တော်ကိုယ်စားလှယ်များအစုအဖွဲ့မှ နိုင်ငံတော်သမ္မတလောင်း ဦးညိုစောက ထောက်ခံဆန္ဒမဲ ၁၂၆ မဲ၊ ရွေးကောက်ခံအမျိုးသား လွှတ်တော်ကိုယ်စားလှယ်များအစုအဖွဲ့မှ နိုင်ငံတော်သမ္မတလောင်း ဒေါ်နန်းနီနီအေးက ထောက်ခံမဲ ၂၉ မဲ အသီးသီးရရှိကြသည်။ထို့ကြောင့် ပြည်ထောင်စုလွှတ်တော်နာယကက ထောက်ခံဆန္ဒမဲအများဆုံးရရှိသည့် ရွေးကောက်ခံ ပြည်သူ့လွှတ်တော်ကိုယ်စားလှယ်အစုအဖွဲ့မှ ဗိုလ်ချုပ်မှူးကြီး မင်းအောင်လှိုင်အား နိုင်ငံတော်သမ္မတအဖြစ် ရွေးချယ်တင်မြှောက်ကြောင်း ကြေညာသည်။ဆက်လက်၍ ဦးညိုစောနှင့် ဒေါ်နန်းနီနီအေးတို့အား ဒုတိယသမ္မတများအဖြစ် ကြေညာသည်။ထို့နောက် ပြည်ထောင်စုလွှတ်တော်နာယကက သမ္မတရွေးချယ်တင်မြှောက်ရေးအဖွဲ့ အစည်းအဝေးပြီးဆုံးကြောင်းနှင့် ပြည်ထောင်စုလွှတ်တော် ဒုတိယနေ့အစည်းအဝေးကို ၂၀၂၆ ခုနှစ် ဧပြီ ၆ ရက်(တနင်္လာနေ့) နံနက် ၁၀ နာရီတွင် ကျင်းပမည်ဖြစ်ကြောင်း ကြေညာပြီး အစည်းအဝေးကို ရုပ်သိမ်းလိုက်ကြောင်း သတင်းရရှိသည်။moi

Fri, 3-Apr-2026

အရှေ့အလယ်ပိုင်းဒေသ ပဋိပက္ခများ အမြန်ဆုံးအဆုံးသတ်ရန်နှင့် အခြေအနေများ ပုံမှန်ပြန်ဖြစ်လာစေရေး အစွမ်းကုန် ကူညီရန်အသင့်ရှိဟု ပူတင်ပြော

ရုရှားနိုင်ငံအနေဖြင့် အရှေ့အလယ်ပိုင်းဒေသ ပဋိပက္ခများ အမြန်ဆုံးအဆုံးသတ်သွားရန် မျှော်လင့်လျက်ရှိနေပြီး အခြေအနေများကို ပုံမှန်ပြန်ဖြစ်လာစေရေးအတွက် အစွမ်းကုန်ကူညီ ဆောင်ရွက်ရန် အသင့်ရှိကြောင်း ရုရှားသမ္မတ ဗလာဒီမာပူတင်က ပြောကြားလိုက်ကြောင်း သိရသည်။ ရုရှားနိုင်ငံအနေဖြင့် အရှေ့အလယ်ပိုင်းဒေသတွင် ဖြစ်ပွားနေသည့် အခြေအနေအားလုံးကို အမြန်ဆုံးပြီးဆုံးသွားစေရန် မျှော်လင့်လျက်ရှိကြောင်း သမ္မတပူတင်က အီဂျစ်နိုင်ငံခြားရေးဝန်ကြီး ဘေဒါ အဗ္ဗဒယ်တီနှင့် မော်စကိုမြို့ရှိ ကရင်မလင်နန်းတော်တွင် တွေ့ဆုံစဉ် ပြောကြားခဲ့ခြင်းဖြစ်သည်။ထို့ပြင် အရှေ့အလယ်ပိုင်း အခြေအနေများနှင့်စပ်လျဉ်း၍ အမေရိကန်သမ္မတ ဒေါ်နယ်ထရမ့်က မိမိအားပြောကြားခဲ့ကြောင်း၊ ရုရှားနိုင်ငံဘက်မှလည်း အခြေအနေအားလုံးကို ပုံမှန်ပြန်ဖြစ်လာစေရေးအတွက် အစွမ်းကုန်လုပ်ဆောင်ရန် အသင့်ရှိကြောင်း ပူတင်က ဆက်လက်ပြောကြားသည်။အရှေ့အလယ်ပိုင်းဒေသတွင်း အခြေအနေများသည် တစ်ကမ္ဘာလုံးက စိုးရိမ်ရသည့်ကိစ္စရပ်ဖြစ်ကြောင်း ပူတင်ကဆက်လက်ပြောကြားခဲ့ပြီးရုရှားနိုင်ငံအတွက် အရှေ့အလယ်ပိုင်းရှိ အဓိက နိုင်ငံကြီးတစ်နိုင်ငံဖြစ်သည့် အီဂျစ်နိုင်ငံ၏ သုံးသပ်ချက်များကို နားထောင်ရန် အလွန်အရေးကြီးကြောင်း ၎င်းက ထပ်လောင်းပြောကြားသည်။MWD

Fri, 3-Apr-2026

တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့ကျင်းပ

နေပြည်တော် ဧပြီ ၂တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့ကို ယနေ့ နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော် အစည်းအဝေးခန်းမ၌ ကျင်းပသည်၊၊လွှတ်တော်၏ အတည်ပြုချက်ရယူဦးစွာ ပြည်ထောင်စုလွှတ်တော်နာယက ဦးအောင်လင်းဒွေးက တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ဒုတိယနေ့သို့ တက်ရောက်ခွင့်ရှိသည့် ပြည်ထောင်စုလွှတ်တော် ကိုယ်စားလှယ်ဦးရေ စုစုပေါင်း ၅၈၆ ဦးရှိသည့်အနက် ယနေ့အစည်းအဝေးသို့ ၅၈၄ ဦး တက်ရောက်သဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်းကြေညာပြီး အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။ထို့နောက် ကချင်ပြည်နယ် (မဲအများဆုံးရသူ အနိုင်ယူစနစ်) မဲဆန္ဒနယ် အမှတ် (၂) မှ Jeng Phang နော်တောင်က ဥပဒေကြမ်းပူးပေါင်းကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်၊၊ဥပဒေကြမ်းကော်မတီအဖွဲ့ဝင်များ၏ အမည်စာရင်းကို ဖတ်ကြားယင်းနောက် ပြည်ထောင်စုလွှတ်တော်နာယကက ဥပဒေကြမ်းပူးပေါင်းကော်မတီကို ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ကော်မတီအဖွဲ့ဝင် ၁၅ ဦးဖြင့် ဖွဲ့စည်းနိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် ဥပဒေကြမ်းကော်မတီအဖွဲ့ဝင်များ၏ အမည်စာရင်းကို ဖတ်ကြားသည်။ဆက်လက်၍ ပြည်ထောင်စုလွှတ်တော်နာယကက ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ဥပဒေကြမ်းပူးပေါင်းကော်မတီဥက္ကဋ္ဌအဖြစ် ပြည်ထောင်စုလွှတ်တော် ဒုတိယနာယက Jeng Phang နော်တောင်၊ ဒုတိယဥက္ကဋ္ဌ (၁) အဖြစ် ဧရာဝတီတိုင်းဒေသကြီး (မဲအများဆုံးရသူ အနိုင်ယူစနစ်) မဲဆန္ဒနယ်အမှတ် (၂) မှ ဒေါ်နွယ်နွယ်ဦး၊ ဒုတိယဥက္ကဋ္ဌ (၂) အဖြစ် ဒဂုံမဲဆန္ဒနယ်မှ ဒေါက်တာ နန္ဒကျော်စွာ၊ အတွင်းရေးမှူးအဖြစ် ပဲခူးတိုင်းဒေသကြီး (အချိုးကျ ကိုယ်စားပြုစနစ်) မဲဆန္ဒနယ်အမှတ် (၁) မှ ဦးဇင်မင်းထက်နှင့် တွဲဖက်အတွင်းရေးမှူးအဖြစ် အမရပူရမဲဆန္ဒနယ်မှ ဦးသိန်းထွန်းဦးနှင့် ကျန်ရှိသည့် လွှတ်တော်ကိုယ်စားလှယ် ၁၀ ဦးကို အဖွဲ့ဝင်များအဖြစ် တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက် ရယူဆောင်ရွက်သွားမည်ဖြစ်ကြောင်း ကြေညာသည်။လွှတ်တော်သို့ ရှင်းလင်းတင်ပြထို့နောက် ဧရာဝတီတိုင်းဒေသကြီး (အချိုးကျ ကိုယ်စားပြုစနစ်) မဲဆန္ဒနယ် အမှတ် (၂) မှ ဦးချစ်ဆွေက ပြည်သူ့ငွေစာရင်းပူးပေါင်းကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်။ယင်းနောက် ပြည်ထောင်စုလွှတ်တော်နာယကက ပြည်သူ့ငွေစာရင်း ပူးပေါင်းကော်မတီကို ပြည်ထောင်စုလွှတ်တော်ဆိုင်ရာနည်းဥပဒေနှင့်အညီ ကော်မတီဝင်ဦးရေ ၁၅ ဦးဖြင့် ဖွဲ့စည်းနိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် အဖွဲ့ဝင်များ၏ အမည်စာရင်းကို ဖတ်ကြားသည်။သဘောတူညီချက် ရယူဆောင်ရွက်သွားမည်ဆက်လက်၍ ပြည်ထောင်စုလွှတ်တော်နာယကက ပြည်သူ့ငွေစာရင်း ပူးပေါင်းကော်မတီတွင် ပြည်ထောင်စုလွှတ်တော်ဆိုင်ရာ နည်းဥပဒေနှင့်အညီ ကော်မတီဥက္ကဋ္ဌအဖြစ် ပြည်ထောင်စုလွှတ်တော် ဒုတိယနာယက Jeng Phang နော်တောင်၊ ဒုတိယဥက္ကဋ္ဌ (၁) အဖြစ် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ်အမှတ် (၂) မှ ဦးချစ်ဆွေ၊ ဒုတိယဥက္ကဋ္ဌ (၂) အဖြစ် အောင်မြေသာစံမဲဆန္ဒနယ်မှ ဦးတေဇကျော်၊ အတွင်းရေးမှူးအဖြစ် တနင်္သာရီတိုင်းဒေသကြီး (မဲအများဆုံးရသူ အနိုင်ယူစနစ်) မဲဆန္ဒနယ်အမှတ် (၂) မှ ဦးသန်းအောင်၊ တွဲဖက်အတွင်းရေးမှူးအဖြစ် အောင်လံမဲဆန္ဒနယ်မှ ဦးတင်အောင်ချစ်နှင့် ကျန်ရှိသည့် လွှတ်တော်ကိုယ်စားလှယ် ၁၀ ဦးကို အဖွဲ့ဝင်များအဖြစ် တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက် ရယူဆောင်ရွက်သွားမည်ဖြစ်ကြောင်း ကြေညာသည်။ထို့နောက် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ်အမှတ် (၁) မှ ဦးအောင်တင်မြင့်က လွှတ်တော်ကိုယ်စားလှယ်စိစစ်ရေး ကော်မတီဖွဲ့စည်းခြင်းနှင့်စပ်လျဉ်း၍ လွှတ်တော်သို့ ရှင်းလင်းတင်ပြသည်။ယင်းနောက် ပြည်ထောင်စုလွှတ်တော်နာယကက လွှတ်တော်ကိုယ်စားလှယ် စိစစ်အတည်ပြုရေး လုပ်ငန်းတာဝန်ကို ဆက်လက်ဆောင်ရွက်နိုင်ရန်အတွက် ပြည်သူ့လွှတ်တော်နှင့် အမျိုးသားလွှတ်တော်တို့မှ ပေးပို့ထားသည့် ကိုယ်စားလှယ် ၁၅ ဦး၏ အမည်စာရင်းကို ဖတ်ကြားသည်။ဆက်လက်၍ ပြည်ထောင်စုလွှတ်တော်နာယကက လွှတ်တော်ကိုယ်စားလှယ် စိစစ်ရေးကော်မတီဥက္ကဋ္ဌအဖြစ် ထားဝယ်မဲဆန္ဒနယ်မှ ဒေါက်တာ ကျော်ကျော်ဌေး၊ အတွင်းရေးမှူးအဖြစ် ဧရာဝတီတိုင်းဒေသကြီး (အချိုးကျကိုယ်စားပြုစနစ်) မဲဆန္ဒနယ် အမှတ် (၁) မှ ဦးအောင်တင်မြင့်တို့ကို တာဝန်ပေးအပ်ဖွဲ့စည်းသွားမည်ဖြစ်ကြောင်းနှင့် ဆက်လက်ကျင်းပပြုလုပ်မည့် ပြည်ထောင်စုလွှတ်တော်အစည်းအဝေးတွင် လွှတ်တော်၏ သဘောတူညီချက်ရယူဆောင်ရွက်သွားမည်ဖြစ်ကြောင်း ကြေညာသည်။စိစစ်ရေးအဖွဲ့၏ ထောက်ခံတင်ပြမှုကို ဖတ်ကြားတင်ပြထို့နောက် ပြည်ထောင်စုလွှတ်တော်နာယကက သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့သုံးဖွဲ့က နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေ၊ နည်းဥပဒေများနှင့်အညီ ရွေးချယ်တင်ပြထားသည့် ဒုတိယသမ္မတသုံးဦးသည် နိုင်ငံတော်သမ္မတအတွက် သတ်မှတ်ထားသည့် အရည်အချင်းများနှင့် ပြည့်စုံကြောင်း စိစစ်ရေးအဖွဲ့၏ ထောက်ခံတင်ပြမှုကို ဖတ်ကြားတင်ပြသည်။အဆိုပါစိစစ်ရေးအဖွဲ့က ထောက်ခံတင်ပြထားသည့် ဒုတိယသမ္မတများမှာ ဗိုလ်ချုပ်မှူးကြီး မင်းအောင်လှိုင်၊ ကရင်ပြည်နယ်လွှတ်တော် (အချိုးကျကိုယ်စားပြုစနစ်) မဲဆန္ဒနယ်အမှတ် (၁) မှ ဒေါ်နန်း နီနီအေးနှင့် ကိုကိုးကျွန်းမဲဆန္ဒနယ်မှ ဦးညိုစောတို့ဖြစ်သည်။ယင်းနောက် ပြည်ထောင်စုလွှတ်တော်နာယကက ပြည်ထောင်စုလွှတ်တော်ကိုယ်စားလှယ်များ အားလုံးပါဝင်သည့် နိုင်ငံတော်သမ္မတ ရွေးချယ်တင်မြှောက်ရေးအဖွဲ့အနေဖြင့် ဖွဲ့စည်းပုံအခြေခံဥပဒေ၊ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာဥပဒေများနှင့်အညီ သက်ဆိုင်ရာ လွှတ်တော်ကိုယ်စားလှယ်များ အစုအဖွဲ့အသီးသီးက ရွေးချယ်တင်ပြထားသည့် ဒုတိယသမ္မတ သုံးဦးအနက် မိမိတို့ကြိုက်နှစ်သက်သည့် ဒုတိယသမ္မတတစ်ဦးကို နိုင်ငံတော်သမ္မတအဖြစ် ဆန္ဒမဲပေးရွေးချယ်တင်မြှောက်ပွဲကို ဧပြီ ၃ ရက်တွင် ကျင်းပသွားမည်ဖြစ်ကြောင်း ကြေညာသည်။ဆက်လက်၍ ပြည်ထောင်စုလွှတ်တော်နာယကက ဧပြီ ၃ ရက်တွင်ကျင်းပမည့် နိုင်ငံတော်သမ္မတ ရွေးချယ်တင်မြှောက်ပွဲတွင် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေ၊ နည်းဥပဒေများအရ ဆန္ဒမဲလက်မှတ်ဆန္ဒပြုပုံနှင့် ပယ်မဲအဖြစ် ဆုံးဖြတ်သတ်မှတ်မည့် ဆန္ဒမဲလက်မှတ်ပုံစံများကို ရှင်းလင်းပြောကြားသည်။ထို့နောက် တတိယအကြိမ် ပြည်ထောင်စုလွှတ်တော်ပထမပုံမှန်အစည်းအဝေး ဒုတိယနေ့ကို ရပ်နားလိုက်ပြီး တတိယအကြိမ် ပြည်ထောင်စုလွှတ်တော်နိုင်ငံတော်သမ္မတ ရွေးချယ်တင်မြှောက်ပွဲကို ဧပြီ ၃ ရက်တွင် ကျင်းပသွားမည်ဖြစ်ကြောင်း သိရသည်။moi

Fri, 3-Apr-2026

အရှေ့အလယ်ပိုင်းနှင့် ပင်လယ်ကွေ့ဒေသတွင် ငြိမ်းချမ်းရေး ပြန်လည်ဆောင်ကြဉ်းနိုင်ရန်အတွက် တရုတ်နှင့် ပါကစ္စတန်တို့က အချက် ၅ ချက်ပါ အဆိုပြုချက် ထုတ်ပြန်

အရှေ့အလယ်ပိုင်းနှင့် ပင်လယ်ကွေ့ဒေသတွင် ငြိမ်းချမ်းရေးကိုပြန်လည် ဆောင်ကြဉ်းနိုင်ရန်အတွက် တရုတ်နိုင်ငံခြားရေး ဝန်ကြီးဝမ်ယိနှင့် ပါကစ္စတန်ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မိုဟာမက်အီရှက်ဒါးတို့က အချက် ၅ ချက်ပါ အဆိုပြုချက်တစ်စောင်ကို ထုတ်ပြန်လိုက်သည်။နှစ်နိုင်ငံနိုင်ငံခြားရေးဝန်ကြီးများသည် အရှေ့အလယ်ပိုင်းဒေသနှင့် ပင်လယ်ကွေ့ဒေသရှိ အခြေအနေများကို ပြန်လည်သုံးသပ်ရန် မတ်လ ၃၁ ရက်တွင် ပေကျင်းမြို့၌ တွေ့ဆုံခဲ့ပြီးနောက် အဆိုပါ အဆိုပြုချက်ကို ထုတ်ပြန်ခြင်းဖြစ်သည်။အဆိုပြုချက်တွင် ပါဝင်သည့်အချက်များမှာ (၁)တိုက်ခိုက်မှုများကို ချက်ချင်းရပ်တန့်ရန်(၂) ငြိမ်းချမ်းရေး ဆွေးနွေးပွဲများကို အမြန်ဆုံးစတင်ရန် (၃)အရပ်သားများနှင့် စစ်ဘက်ဆိုင်ရာ မဟုတ်သော ပစ်မှတ်များအပေါ် တိုက်ခိုက်နေမှုများကို ချက်ချင်းရပ်တန့်ရန် (၄) သင်္ဘောလမ်းကြောင်းများ၏ လုံခြုံရေးကို အကာအကွယ်ပေးရန်နှင့် ရေလက်ကြားမှ တစ်ဆင့် ပုံမှန်ဖြတ်သန်း သွားလာမှုကို အမြန်ဆုံးပြန်လည်ဖော်ဆောင်ရန်နှင့် (၅) ကုလသမဂ္ဂ ပဋိညာဉ်စာတမ်း၏ အခန်းကဏ္ဍကို ပူးပေါင်းမြှင့်တင်ရန်နှင့် ကုလသမဂ္ဂ ပဋိညာဉ်စာတမ်းပါ ရည်ရွယ်ချက်များ၊ အခြေခံမူများနှင့် နိုင်ငံတကာဥပဒေများအပေါ် အခြေခံ၍ ဘက်စုံငြိမ်းချမ်းရေး မူဘောင်တစ်ခု ထူထောင်ရန်နှင့် ရေရှည်တည်တံ့သော ငြိမ်းချမ်းရေးကို ဖော်ဆောင်ရန်တို့ ပါဝင်ကြောင်း သိရသည်။ MWD

Thu, 2-Apr-2026

ဗင်နီဇွဲလား ယာယီသမ္မတ ဒယ်လ်စီ ရော်ဒရီဂွက်ဇ်အပေါ် ချမှတ်ထားသည့် ပိတ်ဆို့အရေးယူမှုများကို အမေရိကန် ရုပ်သိမ်း

အမေရိကန် ဘဏ္ဍာရေးဝန်ကြီးဌာန၏ နိုင်ငံခြားပိုင်ဆိုင်မှုထိန်းချုပ်ရေးရုံး (OFAC) ၏ ထုတ်ပြန်ချက်အရ ဗင်နီဇွဲလား ယာယီသမ္မတ ဒယ်လ်စီ ရော်ဒရီဂွက်ဇ် (Delcy Rodriguez) အပေါ် ချမှတ်ထားသော ပိတ်ဆို့အရေးယူမှုများကို အမေရိကန်ပြည်ထောင်စုက ရုပ်သိမ်းလိုက်ပြီ ဖြစ်သည်။ဗုဒ္ဓဟူးနေ့ (ဧပြီ ၁) တွင် ကြေညာခဲ့သော ထိုလုပ်ဆောင်ချက်သည် ဝါရှင်တန်ဒီစီ၏ မူဝါဒ သိသိသာသာ ပြောင်းလဲလာမှုကို ပြသနေသည်။ ယခုနှစ်ဆန်းပိုင်းတွင် ဗင်နီဇွဲလားသမ္မတ နီကိုလပ်စ် မာဒူရိုအား ဖမ်းဆီးခေါ်ဆောင်သွားခဲ့ပြီးနောက် အမေရိကန်သည် ကရာကတ်စ်နှင့် ပိုမို နီးကပ်သောဆက်ဆံရေး တည်ဆောက်ရန် ကြိုးပမ်းနေခြင်းဖြစ်သည်။ယခင်က အမေရိကန်သမ္မတ ဒေါ်နယ်ထရမ့်သည် ရော်ဒရီဂွက်ဇ်အနေဖြင့် ၎င်းတို့အစိုးရ၏ သတ်မှတ်ချက်များကို မလိုက်နာပါက မာဒူရို ထက်ပင် ပိုမိုပြင်းထန်သော အကျိုးဆက်များကို ရင်ဆိုင်ရမည်ဟု သတိပေးခဲ့ဖူးသည်။ သို့သော် နောက်ပိုင်းတွင် ၎င်း၏ပြောဆိုချက်များ ပြောင်းလဲသွားပြီး သူမနှင့် ဆက်ဆံရေးမှာ အလွန်ကောင်းမွန်သည်ဟု ဆိုခဲ့သည်။ ထို့အပြင် ပြီးခဲ့သည့်လတွင် အမေရိကန်သည် သူမ၏ ယာယီ အစိုးရကို တရားဝင်အသိအမှတ်ပြုသည်ဟု ထရမ့်က ပြောကြားခဲ့သည်။မတ်လအတွင်းကထွက်ပေါ်ခဲ့သော ရိုက်တာသတင်းဌာန၏ ဖော်ပြချက်အရ ထရမ့်အစိုးရသည် ရော်ဒရီဂွက်ဇ်အပေါ် တရားစွဲဆိုနိုင်ရန် တိတ်တဆိတ် ပြင်ဆင်နေခဲ့ကြောင်း သိရှိရသည်။ အစိုးရရှေ့နေများသည် အဂတိ လိုက်စားမှုနှင့် ငွေကြေးခဝါချမှု စွဲချက်များကို စုဆောင်းခဲ့ပြီး သူမ အနေဖြင့် တရားစွဲဆိုခံရနိုင်သည့် အန္တရာယ်ရှိကြောင်း ယာယီသမ္မတထံ အကြောင်းကြားခဲ့သည်။ရော်ဒရီဂွက်ဇ်နှင့် အခြားသော မာဒူရို၏ အပေါင်းအပါများကို ၂၀၁၈ ခုနှစ် တွင် အမေရိကန်က ပိတ်ဆို့အရေးယူခဲ့ခြင်းဖြစ်ပြီး ထိုစဉ်က မာဒူရို၏ ပြန်လည်ရွေးကောက်ခံရမှုမှာ မသမာမှုများရှိသည်ဟု အမေရိကန်နှင့် အခြားနိုင်ငံများကယူဆခဲ့ကြပြီး သူမသည် မာဒူရို အာဏာတည်မြဲစေရန် ကူညီပေးခဲ့သည်ဟု ဝါရှင်တန်က စွပ်စွဲခဲ့သည်။အဆိုပါ ပိတ်ဆို့အရေးယူမှုများတွင် အမေရိကန်ရှိ သူမ၏ပိုင်ဆိုင်မှု များကို ထိန်းချုပ်ခြင်း၊ အမေရိကန်နိုင်ငံသားများနှင့် ကုမ္ပဏီများက သူမနှင့်စီးပွားရေးမလုပ်ရန် တားမြစ်ခြင်းနှင့် အမေရိကန် ဘဏ္ဍာရေးစနစ်သို့ ဝင်ရောက်ခွင့်ပိတ်ပင်ခြင်းတို့ ပါဝင်သည်။ ထို့အပြင် သူမ၏ နိုင်ငံတကာ ဆက်ဆံရေးနှင့် ခရီးသွားလာမှုများကိုပါ ကန့်သတ်ထားသဖြင့် ကမ္ဘာ့စီးပွားရေး ကွန်ရက်မှ ဖယ်ကြဉ်ခံထားရသူ ဖြစ်သည်။အမေရိကန်တပ်ဖွဲ့ဝင်များက သမ္မတ မာဒူရိုကို ဖမ်းဆီးခေါ်ဆောင်သွားပြီး သုံးလအကြာတွင် ယခုကဲ့သို့ ပိတ်ဆို့မှုများကို ရုပ်သိမ်းပေးလိုက်ခြင်း ဖြစ်သည်။ မာဒူရိုသည် လက်ရှိတွင် မူးယစ်ဆေးဝါးသုံးစွဲ၍ အကြမ်းဖက်မှု၊ ကိုကင်းမှောင်ခိုမှုနှင့် လက်နက်မှုများဖြင့် စွဲချက်တင်ခံထားရသော်လည်း ၎င်းကမူ ထိုစွဲချက်များကို ငြင်းဆိုထားသည်။ရော်ဒရီဂွက်ဇ်သည် အစပိုင်းတွင် နိုင်ငံခြားကိုယ်စားလှယ်တစ်ဦး တစ်ယောက်မျှ ဗင်နီဇွဲလားကို ထိန်းချုပ်ခွင့်ရမည်မဟုတ်ကြောင်း ကြေညာခဲ့ပြီး မာဒူရိုနှင့် ၎င်း၏ဇနီးဖြစ်သူတို့ကို ပြန်လွှတ်ပေးရန် တောင်းဆိုခဲ့သည်။ သို့သော် နောက်ပိုင်းတွင် သူမသည် အမေရိကန် အစိုးရ၏ တောင်းဆိုချက်များကိုလိုက်လျောရန် ပြောင်းလဲလုပ်ဆောင်လာခဲ့သည်။ ထိုအထဲတွင် ဗင်နီဇွဲလား၏ ရေနံကဏ္ဍကို အမေရိကန် ကုမ္ပဏီများအတွက် ဖွင့်လှစ်ပေးခြင်းနှင့် လုံခြုံရေးဆိုင်ရာကိစ္စရပ်များတွင် ပူးပေါင်းဆောင်ရွက်ခြင်းတို့ ပါဝင်သည်။ယင်း၏ ရလဒ်အနေဖြင့် ဝါရှင်တန်သည် ဗင်နီဇွဲလား၏ ရေနံစိမ်းတင်ပို့မှုများအပေါ် ထိန်းချုပ်ခွင့် ရရှိသွားခဲ့သည်။ ရေနံရောင်းရငွေများကို ဗင်နီဇွဲလားအစိုးရထံ တိုက်ရိုက်မပေးတော့ဘဲ အမေရိကန် ဘဏ္ဍာရေးဝန်ကြီးဌာနကစီမံခန့်ခွဲသည့် ကန့်သတ်အကောင့်များအတွင်းသို့ ထည့်သွင်းစေခဲ့သည်။ ဗင်နီဇွဲလားနိုင်ငံသည် ကမ္ဘာ့အကြီးဆုံးရေနံသိုက် ပိုင်ဆိုင်သည့် နိုင်ငံဖြစ်ပြီး ကမ္ဘာ့စုစုပေါင်း ရေနံပမာဏ၏ ငါးပုံတစ်ပုံခန့် ရှိသည်။ပြီးခဲ့သည့်လတွင် ရော်ဒရီဂွက်ဇ်သည် အမေရိကန်ဒေါ်လာ သန်း ၁၀၀ ခန့် တန်ဖိုးရှိသော ရွှေစင်များကို အမေရိကန်သို့ရောင်းချရန် သဘောတူခဲ့ပြီး ၎င်းမှရရှိသော အကျိုးအမြတ်များကိုလည်း ဝါရှင်တန်ကပင် ထိန်းချုပ်ထားမည်ဖြစ်သည်။ ထို့အပြင် ဇန်နဝါရီလအတွင်းကလည်း အမေရိကန် က နိုင်ငံရေးအကျဉ်းသားများဟု သတ်မှတ်ထားသည့် ဖမ်းဆီးခံထားရသူ ၄၀၀ ကျော်ကို ပြန်လွှတ်ပေးရန် သူမက သဘောတူညီခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

Thu, 2-Apr-2026

ပြင်သစ်သမ္မတကတော်နှင့်ပတ်သက်၍ ထရမ့်၏ လှောင်ပြောင်မှုကြောင့် အမေရိကန်နှင့် ပြင်သစ်အကြား တင်းမာမှုများမြင့်တက်လာ

အမေရိကန်သမ္မတ ဒေါ်နယ်ထရမ့်သည် ပြင်သစ်သမ္မတ အီမာနျူရယ် မက်ခရွန်နှင့် ၎င်း၏ဇနီး ဘရီဂျစ်တို့၏ဆက်ဆံရေးကို လူသိရှင်ကြား နောက်ပြောင်ကျီစယ်ခဲ့မှုကြောင့် ပြင်သစ်နိုင်ငံရေးလောကတွင် ပြင်းထန်သောဒေါသထွက်မှုများနှင့် ဝေဖန်ရှုတ်ချမှုများ ဖြစ်ပေါ်လျက်ရှိသည်။ အိမ်ဖြူတော်တွင် ပြုလုပ်ခဲ့သည့် သီးသန့်နေ့လယ်စာစားပွဲတစ်ခု၌ ထရမ့် က ပြင်သစ်သမ္မတကတော်သည် ၎င်း၏ ခင်ပွန်းအပေါ် အလွန်ဆိုးရွားစွာ ဆက်ဆံတတ်ကြောင်းနှင့် မက်ခရွန်မှာ ဇနီးဖြစ်သူ၏ လက်သီးချက် (သို့မဟုတ်) ရိုက်နှက်မှုကြောင့် ဒဏ်ရာရရှိထားဆဲဖြစ်ကြောင်း နောက်ပြောင် ပြောဆိုခဲ့ခြင်းဖြစ်သည်။ အဆိုပါ ပြောဆိုချက်များသည် ၂၀၂၅ ခုနှစ် မေလက ဟနွိုင်းတွင်ဖြစ်ပွားခဲ့သည့် ဇနီးမောင်နှံအကြား အချေအတင် ဖြစ်သည်ဟုယူဆရသော ဗီဒီယိုဖိုင်ဟောင်းကို ရည်ညွှန်းခြင်းဖြစ်သော်လည်း မက်ခရွန်ကမူ ယင်းမှာ ချစ်သူအချင်းချင်း စနောက်ခြင်းသာ ဖြစ်သည်ဟု ယခင်ကပင် တုံ့ပြန်ထားခဲ့ပြီးဖြစ်သည်။ယခုကဲ့သို့ ထရမ့်၏လှောင်ပြောင်မှုအပေါ် မက်ခရွန်က ယဉ်ကျေးမှုမရှိသည့် လုပ်ရပ်ဟု ပြန်လည်တုံ့ပြန်ခဲ့သကဲ့သို့ ပြင်သစ် အမျိုးသား လွှတ်တော်ဥက္ကဋ္ဌနှင့် အတိုက်အခံ နိုင်ငံရေးသမားများကလည်း နိုင်ငံတော်အကြီးအကဲတစ်ဦးကို ထိုကဲ့သို့ ရိုင်းပျစွာဝေဖန်ခြင်းမှာ လက်ခံနိုင်ဖွယ်မရှိကြောင်း တစ်ခဲနက်ရှုတ်ချခဲ့ကြသည်။ အထူးသဖြင့် စစ်မီးများတောက်လောင်နေချိန်တွင် အမေရိကန်သမ္မတအနေဖြင့် အခြားသူများကို လှောင်ပြောင်ရယ်မောနေခြင်းမှာ အလွန်စက်ဆုပ်ဖွယ်ကောင်းကြောင်း ပြင်သစ်ဘက်က တုံ့ပြန်ခဲ့သည်။အဆိုပါပုဂ္ဂိုလ်ရေးဆိုင်ရာ တိုက်ခိုက်မှုများသည် အီရန်စစ်ပွဲနှင့်ပတ်သက်၍ အမေရိကန်နှင့် NATO မဟာမိတ်နိုင်ငံများအကြား သဘောထား ကွဲလွဲမှုများ အထွတ်အထိပ်သို့ရောက်ရှိနေချိန်တွင် ပေါ်ပေါက်လာခြင်းဖြစ်သည်။ ပြင်သစ်၊ စပိန်နှင့် အီတလီနိုင်ငံတို့သည် အမေရိကန်၏ အီရန်ဆန့်ကျင်ရေး စစ်ဆင်ရေးများအတွက် ၎င်းတို့၏ လေပိုင်နက်နှင့် စစ်အခြေစိုက်စခန်းများကို အသုံးပြုခွင့်ကန့်သတ်ထားသဖြင့် ထရမ့်က နေတိုးအဖွဲ့ကို "စက္ကူကျား" ဟု ကင်ပွန်းတပ်ကာ အဖွဲ့မှ နှုတ်ထွက်မည် ဟုပင် ခြိမ်းခြောက်ထားသည်။တစ်ဖက်တွင်လည်း ပြင်သစ်သမ္မတကတော် ဘရီဂျစ်သည် လိင်ပြောင်းထားသူဟုစွပ်စွဲသည့် ကောလာဟလများနှင့် လှုပ်ရှားသူများအပေါ် ရိုင်းပျစွာပြောဆိုခဲ့သည်ဟုဆိုသော အရှုပ်တော်ပုံများကြောင့် ပြည်တွင်း၌ ဝေဖန်မှုများရင်ဆိုင်နေရချိန်လည်း ဖြစ်သည်။ ယခုဖြစ်ရပ်သည် ဝါရှင်တန်နှင့်ပါရီအကြား သံတမန်ရေးရာ ဆက်ဆံရေးကို ပိုမိုဆိုးရွားစေမည့် အခြေအနေတစ်ရပ် ဖြစ်လာနေသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

Thu, 2-Apr-2026

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

အမေရိကန်-အစ္စရေး ပူးတွဲတိုက်ခိုက်မှုအတွင်း အီရန်အမြင့်ဆုံးခေါင်းဆောင် ခါမေနီ သေဆုံးကြောင်း အတည်ပြု

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link