အစ္စရေးနှင့်အမေရိကန်အခြေစိုက်စခန်းများကို လိုအပ်သည့်အချိန်အထိဒုံးကျည်များဖြင့် ဆက်လက်တိုက်ခိုက်ရန် အသင့်ရှိဟု အီရန်ပြော

dpWEB1234

News Image

  • အစ္စရေးနှင့်အမေရိကန်အခြေစိုက်စခန်းများကို လိုအပ်သည့်အချိန်အထိဒုံးကျည်များဖြင့် ဆက်လက်တိုက်ခိုက်ရန် အသင့်ရှိဟု အီရန်ပြော

အီရန်နိုင်ငံအနေဖြင့် အစ္စရေးနှင့်အနောက်အာရှဒေသရှိ   အမေရိကန်အခြေစိုက်စခန်းများကို   လိုအပ်သည့်အချိန်အထိ ဒုံးကျည်များဖြင့် ဆက်လက်တိုက်ခိုက်သွားရန်   အသင့်ရှိကြောင်း အီရန်နိုင်ငံခြားရေးဝန်ကြီး ဆေးယက် အာဘတ်အာရတ်ချီက မတ်လ ၁၀ ရက်တွင် ပြောကြားလိုက်သည်။

အမေရိကန်နှင့် အစ္စရေးတို့က လက်ရှိလုပ်ဆောင်နေသည့် အီရန်ဒုံးကျည်စက်ရုံများအပေါ် တိုက်ခိုက်မှုများသည်  အီရန်နိုင်ငံ၏ လက်တုံ့ပြန် တိုက်ခိုက်မှုများကို ရပ်တန့်နိုင်ခြင်းမရှိကြောင်းနှင့် အီရန်ကလိုအပ်သည့်အချိန်အထိ  အစ္စရေးနှင့်အမေရိကန်တို့အား ဆက်လက်တိုက်ခိုက်သွားမည်ဖြစ်ကြောင်း  အာရတ်ချီက အမေရိကန်သတင်းဌာန တစ်ခုဖြစ်သည့် PBS News နှင့်လုပ်ဆောင်သည့် တွေ့ဆုံမေးမြန်းခန်းတစ်ခု၌ ပြောကြားခြင်း ဖြစ်သည်။

ထို့ပြင် အမေရိကန်နှင့် အစ္စရေးတို့တွင် လက်တွေ့ကျသော   စစ်ပွဲအဆုံးသတ်ဗျူဟာမရှိကြောင်း၊ ယင်းနိုင်ငံများသည် အီရန်နိုင်ငံ၏ လူနေရပ်ကွက်များ၊ ဆေးရုံများ၊ စာသင်ကျောင်းများနှင့်  အခြေခံအဆောက်အဦများအပေါ် ပစ်မှတ်ထားနေခြင်းမှာ  အလွန်အန္တရာယ်များသော လုပ်ရပ်ဖြစ်ကြောင်း   အာရတ်ချီက ထပ်လောင်းပြောကြားထားသည်။

ထို့ကြောင့် အမေရိကန်နှင့် ပြန်လည်ဆွေးနွေးညှိနှိုင်းရန်မှာ ရွေးချယ်စရာနည်းလမ်းမဟုတ်ကြောင်း၊ ကမ္ဘာ့စွမ်းအင်ဈေးနှုန်း မြင့်တက်လာခြင်းမှာ   အီရန်အပေါ်    အမေရိကန်နှင့်အစ္စရေးတို့၏ ကျူးကျော်မှုကြောင့်  ဒေသတွင်းရေနံထုတ်လုပ်မှုနှင့် သယ်ယူပို့ဆောင်မှုများ နှေးကွေးခြင်း သို့မဟုတ် ရပ်တန့်သွားခြင်းကြောင့်ဖြစ်ကြောင်း၊ အီရန်အနေဖြင့် ဟော်မုဇ်ရေလက်ကြားကို  ပိတ်ဆို့ထားခြင်း မရှိသည့်အပြင် သင်္ဘောများဖြတ်သန်းသွားလာမှုကိုလည်း တားဆီးနေခြင်း မရှိကြောင်း အာရတ်ချီက တုံ့ပြန်ပြောကြားထားသည်။

Ref: RT, Xinhua

MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ဟော်မုဇ်ရေလက်ကြားမှတစ်ဆင့် ရေနံစီးဆင်းမှုကိုနှောင့်ယှက်ဟန့်တားပါက အီရန်အား အဆ ၂၀ ခန့်အထိ တိုးမြှင့်တိုက်ခိုက်မည်ဟု ထရမ့်ပြော
ဟော်မုဇ်ရေလက်ကြားမှတစ်ဆင့် ရေနံစီးဆင်းမှုကိုနှောင့်ယှက်ဟန့်တားပါက အီရန်အား အဆ ၂၀ ခန့်အထိ တိုးမြှင့်တိုက်ခိုက်မည်ဟု ထရမ့်ပြော
အီရန်နိုင်ငံအနေဖြင့် ဟော်မုဇ်ရေလက်ကြားမှတစ်ဆင့်   ရေနံစီးဆင်းမှုကို နှောင့်ယှက်ဟန့်တားမည်ဆိုပါက အမေရိကန်က အီရန်အပေါ် တိုက်ခိုက်မှုအဆ ၂၀ ခန့်အထိ တိုးမြှင့်သွားမည်ဖြစ်ကြောင်း အမေရိကန်သမ္မတ  ဒေါ်နယ်ထရမ့်က သတိပေးလိုက်ကြောင်း သိရသည်။အကယ်၍ အီရန်နိုင်ငံက  ဟော်မုဇ်ရေလက်ကြားအတွင်းရှိ ရေနံစီးဆင်းမှုကို ရပ်တန့်စေမည့် လုပ်ဆောင်ချက်တစ်ရပ်ရပ်ကို လုပ်ဆောင်လာမည် ဆိုပါက လက်ရှိတိုက်ခိုက်မှုပမာဏထက် အဆ ၂၀ ပိုမိုပြင်းထန်သည့်  တိုက်ခိုက်မှုနှင့်ကြုံတွေ့ရမည် ဖြစ်ကြောင်း ထရမ့်က ၎င်း၏လူမှု ကွန်ရက်စာမျက်နှာတွင် ရေးသားဖော်ပြသည်။ ထို့ပြင် အမေရိကန်အနေဖြင့် အီရန်နိုင်ငံအား နောင်တစ်ချိန်တွင် ပြန်လည်တည်ဆောက်ရန် လုံးဝမဖြစ်နိုင်တော့သည့် အခြေအနေသို့ ရောက်ရှိသွားစေမည့် အခြေအနေသို့ ရောက်ရှိစေရန်အတွက် အလွယ်တကူ ဖျက်ဆီးနိုင်သော ပစ်မှတ်များကို   တိုက်ခိုက်ချေမှုန်း သွားမည်ဖြစ်ကြောင်း  ၎င်းကဆက်လက်ရေးသား၍ သတိပေးထားသည်။သို့သော် အမေရိကန်အနေဖြင့် ထိုသို့သောအခြေအနေမျိုးအထိဖြစ်လာခြင်းမရှိစေရန် မျှော်လင့်ထားကြောင်း ထရမ့်ကဆက်လက် ပြောကြားထားကြောင်း သိရသည်။ အမေရိကန်နှင့်   အစ္စရေးတို့သည် ဖေဖော်ဝါရီလ ၂၈ ရက်တွင် အီရန်နိုင်ငံအပေါ်စစ်ဆင်ရေးစတင်ခဲ့ပြီး  တီဟီရန်မြို့တော်အပါအဝင်  အီရန်မြို့ကြီးများအပေါ်လေကြောင်းမှ    တိုက်ခိုက်ခဲ့သည်။အဆိုပါတိုက်ခိုက်မှုများကို တုံ့ပြန်သည့်အနေဖြင့် အစ္စရေးနိုင်ငံအတွင်းရှိ ပစ်မှတ်များကိုပြန်လည်တိုက်ခိုက်လျက်ရှိသည်ဟု အီရန်တော်လှန်ရေး  အစောင့်တပ်ဖွဲ့ကကြေညာခဲ့သည်။ ထို့ပြင် ဘာရိန်း၊ ဂျော်ဒန်၊ကူဝိတ်၊  ကာတာ၊ ဆော်ဒီအာရေဗျနှင့် အာရပ်စော်ဘွားများပြည်ထောင်စု စသည့်နိုင်ငံများရှိ အမေရိကန်စစ် အခြေစိုက်စခန်းများကိုလည်း အီရန်က နောက်ပိုင်းတွင် ဆက်လက် တိုက်ခိုက်ခဲ့ကြောင်း  သိရသည်။ အရှေ့အလယ်ပိုင်းတွင်   ပဋိပက္ခများအရှိန်မြင့်တက်လာချိန်တွင် ကမ္ဘာ့ရေနံနှင့်သဘာဝဓာတ်ငွေ့ထောက်ပံ့မှု ၂၀ ရာခိုင်နှုန်းခန့် စီးဆင်းရာ လမ်းကြောင်း ဖြစ်သော ဟော်မုဇ်ရေလက်ကြားရှိ  ရေကြောင်းသွားလာမှုမှာ လက်ရှိတွင် ရပ်တန့်လုနီးပါး ဖြစ်လျက်ရှိကြောင်း သိရသည်။Ref: TaMWD
Wed, 11-Mar-2026
အစ္စရေးနှင့်အမေရိကန်အခြေစိုက်စခန်းများကို လိုအပ်သည့်အချိန်အထိဒုံးကျည်များဖြင့် ဆက်လက်တိုက်ခိုက်ရန် အသင့်ရှိဟု အီရန်ပြော
အစ္စရေးနှင့်အမေရိကန်အခြေစိုက်စခန်းများကို လိုအပ်သည့်အချိန်အထိဒုံးကျည်များဖြင့် ဆက်လက်တိုက်ခိုက်ရန် အသင့်ရှိဟု အီရန်ပြော
အီရန်နိုင်ငံအနေဖြင့် အစ္စရေးနှင့်အနောက်အာရှဒေသရှိ   အမေရိကန်အခြေစိုက်စခန်းများကို   လိုအပ်သည့်အချိန်အထိ ဒုံးကျည်များဖြင့် ဆက်လက်တိုက်ခိုက်သွားရန်   အသင့်ရှိကြောင်း အီရန်နိုင်ငံခြားရေးဝန်ကြီး ဆေးယက် အာဘတ်အာရတ်ချီက မတ်လ ၁၀ ရက်တွင် ပြောကြားလိုက်သည်။အမေရိကန်နှင့် အစ္စရေးတို့က လက်ရှိလုပ်ဆောင်နေသည့် အီရန်ဒုံးကျည်စက်ရုံများအပေါ် တိုက်ခိုက်မှုများသည်  အီရန်နိုင်ငံ၏ လက်တုံ့ပြန် တိုက်ခိုက်မှုများကို ရပ်တန့်နိုင်ခြင်းမရှိကြောင်းနှင့် အီရန်ကလိုအပ်သည့်အချိန်အထိ  အစ္စရေးနှင့်အမေရိကန်တို့အား ဆက်လက်တိုက်ခိုက်သွားမည်ဖြစ်ကြောင်း  အာရတ်ချီက အမေရိကန်သတင်းဌာန တစ်ခုဖြစ်သည့် PBS News နှင့်လုပ်ဆောင်သည့် တွေ့ဆုံမေးမြန်းခန်းတစ်ခု၌ ပြောကြားခြင်း ဖြစ်သည်။ထို့ပြင် အမေရိကန်နှင့် အစ္စရေးတို့တွင် လက်တွေ့ကျသော   စစ်ပွဲအဆုံးသတ်ဗျူဟာမရှိကြောင်း၊ ယင်းနိုင်ငံများသည် အီရန်နိုင်ငံ၏ လူနေရပ်ကွက်များ၊ ဆေးရုံများ၊ စာသင်ကျောင်းများနှင့်  အခြေခံအဆောက်အဦများအပေါ် ပစ်မှတ်ထားနေခြင်းမှာ  အလွန်အန္တရာယ်များသော လုပ်ရပ်ဖြစ်ကြောင်း   အာရတ်ချီက ထပ်လောင်းပြောကြားထားသည်။ထို့ကြောင့် အမေရိကန်နှင့် ပြန်လည်ဆွေးနွေးညှိနှိုင်းရန်မှာ ရွေးချယ်စရာနည်းလမ်းမဟုတ်ကြောင်း၊ ကမ္ဘာ့စွမ်းအင်ဈေးနှုန်း မြင့်တက်လာခြင်းမှာ   အီရန်အပေါ်    အမေရိကန်နှင့်အစ္စရေးတို့၏ ကျူးကျော်မှုကြောင့်  ဒေသတွင်းရေနံထုတ်လုပ်မှုနှင့် သယ်ယူပို့ဆောင်မှုများ နှေးကွေးခြင်း သို့မဟုတ် ရပ်တန့်သွားခြင်းကြောင့်ဖြစ်ကြောင်း၊ အီရန်အနေဖြင့် ဟော်မုဇ်ရေလက်ကြားကို  ပိတ်ဆို့ထားခြင်း မရှိသည့်အပြင် သင်္ဘောများဖြတ်သန်းသွားလာမှုကိုလည်း တားဆီးနေခြင်း မရှိကြောင်း အာရတ်ချီက တုံ့ပြန်ပြောကြားထားသည်။Ref: RT, XinhuaMWD
Wed, 11-Mar-2026
ပဲခူးတိုင်းဒေသကြီး၊ ဖြူးမြို့နယ်၊ သဲကုန်းမြို့နယ်နှင့် တနင်္သာရီတိုင်းဒေသကြီး၊ မြိတ်မြို့နယ်တို့၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် ကျေးရွာအုပ်စု အုပ်ချုပ်ရေးမှူး တစ်ဦးနှင့် အပြစ်မဲ့ အရပ်သားပြည်သူ နှစ်ဦး သေဆုံး , ပဲခူးတိုင်းဒေသကြီး၊ ဖြူးမြို့နယ်၊ သဲကုန်းမြို့နယ်နှင့် တနင်္သာရီတိုင်းဒေသကြီး၊ မြိတ်မြို့နယ်တို့၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် ကျေးရွာအုပ်စု အုပ်ချုပ်ရေးမှူး တစ်ဦးနှင့် အပြစ်မဲ့ အရပ်သားပြည်သူ နှစ်ဦး သေဆုံး
ပဲခူးတိုင်းဒေသကြီး၊ ဖြူးမြို့နယ်၊ သဲကုန်းမြို့နယ်နှင့် တနင်္သာရီတိုင်းဒေသကြီး၊ မြိတ်မြို့နယ်တို့၌ PDF အမည်ခံ အကြမ်းဖက်သမားများက သေနတ်ဖြင့် ပစ်ခတ်သတ်ဖြတ်ခဲ့မှုကြောင့် ကျေးရွာအုပ်စု အုပ်ချုပ်ရေးမှူး တစ်ဦးနှင့် အပြစ်မဲ့ အရပ်သားပြည်သူ နှစ်ဦး သေဆုံး
10 March 2026     အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်အဖွဲ့များကို ဖွဲ့စည်း၍ အချို့သောဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများနှင့် အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။    ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ မတ် ၈ ရက် မွန်းလွဲ ၂ နာရီ ၁၅ မိနစ်တွင် ပဲခူးတိုင်းဒေသကြီး၊ ဖြူးမြို့နယ်၊ ညောင်ပင်သာကျေးရွာနေ ဦးဖိုးလုံး(ခ)ဦးမျိုးနိုင်ဦး(၄၂)နှစ်သည် ၎င်း၏နေအိမ်၌ ရှိနေစဉ် PDF အမည်ခံ အကြမ်းဖက်သမား နှစ်ဦးက ဆိုင်ကယ် တစ်စီးဖြင့် ရောက်ရှိလာပြီး “ဒလန်” ဟုပြောဆို၍ သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ၎င်းတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်း သိရသည်။     အလားတူ ည ၉ နာရီ ၄၀ မိနစ်တွင် ပဲခူးတိုင်းဒေသကြီး၊ သဲကုန်းမြို့နယ်၊ ကြို့ပင်သာကြီးကျေးရွာအုပ်စု အုပ်ချုပ်ရေးမှူး ဦးခင်စိုး(၅၈)နှစ်သည် ၎င်း၏နေအိမ်၌ ရှိနေစဉ် PDF အမည်ခံ အကြမ်းဖက်သမားများ ခုနစ်ဦးခန့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ၎င်းတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်း သိရသည်။      အလားတူ ည ၈ နာရီ ၂၀ မိနစ်တွင် တနင်္သာရီတိုင်းဒေသကြီး၊ မြိတ်မြို့နယ်၊ ပလုံးကျေးရွာနေ ဦးမင်းလတ်(၅၂)နှစ်သည် ၎င်း၏နေအိမ်၌ ရှိနေစဉ် PDF အမည်ခံ အကြမ်းဖက်သမားများ အင်အား(စိစစ်ဆဲ)က ဆိုင်ကယ်များဖြင့် ရောက်ရှိလာပြီး “ဒလန်” ဟုပြောဆို၍ သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ၎င်းတွင် ကျည်ထိမှန်ဒဏ်ရာများရရှိကာ သေဆုံးသွားခဲ့ကြောင်း သိရသည်။      အထက်ပါဖြစ်စဉ်များတွင် PDF အမည်ခံ အကြမ်းဖက်သမားများက ပြည်သူလူထုအကြား အကြောက်တရားများ လွှမ်းမိုးစေရန် ရည်ရွယ်၍ အုပ်ချုပ်ရေးပိုင်းဆိုင်ရာ တာဝန်ရှိသူ တစ်ဦးနှင့် အပြစ်မဲ့ အရပ်သားပြည်သူများအား ဆင်ခြင်တုံတရားကင်းမဲ့စွာ သေနတ်ဖြင့် ပစ်ခတ်သတ်ဖြတ်ခဲ့မှုအပေါ် ဒေသခံပြည်သူများက ကန့်ကွက်ရှုတ်ချလျက်ရှိကြောင်းနှင့် လုံခြုံရေးတပ်ဖွဲ့ဝင်များအနေဖြင့်လည်း ဒေသခံပြည်သူများနှင့်ပူးပေါင်း၍ အကြမ်းဖက်သမားများအား အမြန်ဆုံး ဖမ်းဆီးဖော်ထုတ်ရမိရေး လုံခြုံရေးလုပ်ငန်းစဉ်များကို တိုးမြှင့်ဆောင်ရွက်လျက်ရှိကြောင်း သတင်းရရှိပါသည်။MOHA
Tue, 10-Mar-2026
ကချင်ပြည်နယ်၊ မချမ်းဘောမြို့နယ်၌ KIA သောင်းကျန်းသူအဖွဲ့နှင့် PDF အမည်ခံ အကြမ်းဖက်သမားများ ပူးပေါင်းအဖွဲ့ ထောင်ထားသည့် မိုင်း တစ်လုံးအား တိုက်မိပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ
ကချင်ပြည်နယ်၊ မချမ်းဘောမြို့နယ်၌ KIA သောင်းကျန်းသူအဖွဲ့နှင့် PDF အမည်ခံ အကြမ်းဖက်သမားများ ပူးပေါင်းအဖွဲ့ ထောင်ထားသည့် မိုင်း တစ်လုံးအား တိုက်မိပေါက်ကွဲခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ
10 March 2026     အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများ အသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများကို ပြုလုပ်လျက်ရှိပါသည်။     ထိုသို့လုပ်ဆောင်လျက်ရှိရာ ၂၀၂၆ ခုနှစ်၊ မတ် ၈ ရက် ညနေ ၅ နာရီ ၅၀ မိနစ်တွင် ကချင်ပြည်နယ်၊ ပူတာအိုခရိုင်ပြည်သူ့ဆေးရုံကြီးသို့ မိုင်းပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ နံနက် ၉ နာရီတွင် ပူတာအိုမြို့နယ်၊ ဒုတ္တန်ရပ်ကွက်နေ ကိုချန်တန်ခင်ဗေး(၂၈)နှစ်သည် မချမ်းဘောမြို့နယ်၊ အင်ရုံဂါးကျေးရွာအနီးရှိ ဒေသအခေါ် ရှန်ခရေချောင်း(နမ်ထီချောင်း)တွင် ငါးရှာရန် သွားရောက်စဉ် ချောင်းအနီးအရောက်၌ KIA သောင်းကျန်းသူအဖွဲ့နှင့် PDF အမည်ခံ အကြမ်းဖက်သမားများ ပူးပေါင်းအဖွဲ့ ထောင်ထားသည့် မိုင်း တစ်လုံးအား တိုက်မိပေါက်ကွဲခဲ့မှုကြောင့် ၎င်းတွင် မိုင်းပေါက်ကွဲစ ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။      အထက်ပါဖြစ်စဉ်မှ အကြမ်းဖက်မှုကျူးလွန်ခဲ့သူများအား ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိပါသည်။MOHA
Tue, 10-Mar-2026
ရှမ်းပြည်နယ်အတွင်းရှိ မြို့နယ်အချို့၌ ဘိန်းစိုက်ခင်းများ ဖျက်ဆီး , ရှမ်းပြည်နယ်အတွင်းရှိ မြို့နယ်အချို့၌ ဘိန်းစိုက်ခင်းများ ဖျက်ဆီး , ရှမ်းပြည်နယ်အတွင်းရှိ မြို့နယ်အချို့၌ ဘိန်းစိုက်ခင်းများ ဖျက်ဆီး
ရှမ်းပြည်နယ်အတွင်းရှိ မြို့နယ်အချို့၌ ဘိန်းစိုက်ခင်းများ ဖျက်ဆီး
10 March 2026     ၂၀၂၆ ခုနှစ်၊ မတ် ၈ ရက်က ရှမ်းပြည်နယ်အတွင်းရှိ မြို့နယ်အချို့၌ စုစုပေါင်း ဘိန်းစိုက်ခင်း ၂၀ ဧကခန့်အား ဖျက်ဆီးခဲ့ကြောင်း သိရသည်။      ဖြစ်စဉ်မှာ မတ် ၈ ရက် နံနက် ၈ နာရီ ၂၅ မိနစ်မှ မွန်းလွဲ ၂ နာရီ ၁၅ မိနစ်ထိ ပင်လောင်းမြို့နယ်ရဲတပ်ဖွဲ့မှ တပ်ဖွဲ့ဝင်များနှင့် ဌာနဆိုင်ရာ ဝန်ထမ်းများပါဝင်သော ပူးပေါင်းအဖွဲ့က ပင်လောင်းမြို့နယ်၊ ကလင်ကျေးရွာအနီးတစ်ဝိုက်ရှိ သီးပွင့်ဆဲ ဘိန်းစိုက်ခင်း ၄ ဧကခန့်အား လည်းကောင်း။     အလားတူ နံနက် ၈ နာရီ ၂၅ မိနစ်မှ မွန်းလွဲ ၂ နာရီ ၁၅ မိနစ်ထိ ဟိုပုံးမြို့နယ်ရဲတပ်ဖွဲ့မှ တပ်ဖွဲ့ဝင်များနှင့် ဌာနဆိုင်ရာ ဝန်ထမ်းများပါဝင်သော ပူးပေါင်းအဖွဲ့က ဟိုပုံးမြို့နယ်၊ လိုက်ကတူးကျေးရွာအနီးတစ်ဝိုက်ရှိ သီးပွင့်ဆဲ ဘိန်းစိုက်ခင်း ၆ ဧကခန့်အား လည်းကောင်း၊      ထို့အတူ နံနက် ၈ နာရီ ၅၀ မိနစ်မှ ညနေ ၄ နာရီ ၄၀ မိနစ်ထိ ဆီဆိုင်မြို့နယ်ရဲတပ်ဖွဲ့မှ တပ်ဖွဲ့ဝင်များနှင့် ဌာနဆိုင်ရာ ဝန်ထမ်းများပါဝင်သော ပူးပေါင်းအဖွဲ့က ဆီဆိုင်မြို့နယ်၊ ဆိုက်ခေါင်ကျေးရွာအနီးတစ်ဝိုက်ရှိ သီးပွင့်ဆဲ ဘိန်းစိုက်ခင်း ၁၀ ဧကခန့်အား လည်းကောင်း အသီးသီး ဖျက်ဆီးခဲ့ကြောင်း သတင်းရရှိပါသည်။MOHA
Tue, 10-Mar-2026
ပြင်သစ်က အရှေ့အလယ်ပိုင်းဒေသသို့ စစ်သင်္ဘော ၁၀ စီး ထပ်မံစေလွှတ်မည်
ပြင်သစ်က အရှေ့အလယ်ပိုင်းဒေသသို့ စစ်သင်္ဘော ၁၀ စီး ထပ်မံစေလွှတ်မည်
ပြင်သစ်နိုင်ငံသည် အရှေ့အလယ်ပိုင်းဒေသတွင် ဟော်မုဇ်ရေလက်ကြား၌ လုံခြုံရေးတာဝန်များ ထမ်းဆောင်ရန်အတွက် စစ်သင်္ဘော ၁၀ စီးကို အရေးပေါ်စေလွှတ်သွားမည်ဖြစ်ကြောင်း ကြေညာခဲ့သည်။ မတ်လ ၉ ရက်နေ့က ပြင်သစ်သမ္မတ အီမန်နျူရယ် မက်ခရွန်သည် ဆိုက်ပရပ်စ် ကျွန်းရှိ စစ်အခြေစိုက်စခန်းတစ်ခု၌ သတင်းစာ ရှင်းလင်းပွဲပြုလုပ်ကာ အရှေ့မြေထဲပင်လယ်၊ ပင်လယ်နီနှင့် ဟော်မုဇ်ရေလက်ကြားတို့တွင် ဖရီးဂိတ်စစ်သင်္ဘော (၈) စီးနှင့် ရဟတ်ယာဉ်တင်သင်္ဘော (၂) စီးတို့ကို ၄၈ နာရီအတွင်းနေရာချထားသွားမည်ဖြစ်ကြောင်း ပြောကြားခဲ့သည်။အဆိုပါ ရေတပ်အင်အားစုသည် လက်ရှိ မြေထဲပင်လယ်တွင် တာဝန်ယူထားသည့် နျူကလီးယားစွမ်းအင်သုံး လေယာဉ်တင်သင်္ဘော Charles de Gaulle နှင့် ဆိုက်ပရပ်စ်တွင် အခြေစိုက်ထားသော လေကြောင်းရန်ကာကွယ်ရေးစနစ်တို့နှင့် ပူးပေါင်း၍ အင်အားဖြည့်တင်းသွားမည် ဖြစ်သည်။ အဆိုပါလှုပ်ရှားမှုသည် ပြင်သစ်ရေတပ်သမိုင်းတွင် မကြုံစဖူးသော စုစည်းမှုတစ်ခုဖြစ်ကြောင်း သမ္မတ မက်ခရွန်က ဆိုသည်။လေယာဉ်တင်သင်္ဘော Charles de Gaulle ပေါ်သို့ တက်ရောက်စဉ် သမ္မတ မက်ခရွန်က ရှင်းလင်းပြောကြားရာတွင် အဆိုပါ ရေတပ်အင်အား ဖြည့်တင်းမှု၏ အဓိကရည်ရွယ်ချက်မှာ ဒေသတွင်းရှိ ပြင်သစ်နိုင်ငံသား ၄၀၀,၀၀၀ ခန့်အား အကာအကွယ်ပေးရန်၊ မဟာမိတ်နိုင်ငံများအား ပစ်မှတ်ထားတိုက်ခိုက်မှုများမှ ကာကွယ်ရန်နှင့် ဟော်မုဇ်ရေလက်ကြားကို ဖြတ်သန်းသွားလာမည့် ကုန်တင်သင်္ဘောများအား လုံခြုံစွာလိုက်ပါ စောင့်ရှောက်ရန် (Escort duties) ဖြစ်ကြောင်း ဖော်ပြခဲ့သည်။အီရန်အစ္စလာမ်မစ် တော်လှန်ရေးအစောင့်တပ်ဖွဲ့ (IRGC) က ဟော်မုဇ် ရေလက်ကြားကို ပိတ်ဆို့ထားကြောင်းနှင့် အဆိုပါ ရေလမ်းကြောင်းကို ဖြတ်သန်းသည့် မည်သည့်သင်္ဘောကိုမဆို တိုက်ခိုက်မည်ဖြစ်ကြောင်း မတ်လ ၃ ရက်နေ့တွင် ကြေညာခဲ့သည်။ ယင်းအခြေအနေကြောင့် အရေး ပါသော ရေနံတင်သင်္ဘောများနှင့် ကုန်တင်သင်္ဘောများ ပုံမှန်အတိုင်း ပြန်လည်ဖြတ်သန်းနိုင်စေရန်အတွက် နိုင်ငံတကာအစောင့်လိုက်ပါရေး ရေတပ်ဖွဲ့ (International Escort Force) တစ်ခုကို ဖွဲ့စည်းရန် ပြင်သစ်သမ္မတ အီမန်နျူရယ် မက်ခရွန်က ကြိုးပမ်းနေသည်။ မက်ခရွန် ၏ ပြောကြားချက်အရ အာရှနိုင်ငံများဖြစ်သည့် အိန္ဒိယနှင့် အခြား အာရှနိုင်ငံများအပြင် ဥရောပနိုင်ငံအချို့သည်လည်း ပြင်သစ်နှင့်အတူ ပူးပေါင်း ဆောင်ရွက်ရန် အသင့်ရှိနေပြီဖြစ်သည်။ပြင်သစ်သမ္မတသည် မတ်လ ၈ ရက်နေ့က အီရန်သမ္မတ မာဆွတ် ပီဇက်ရှ်ခီယန်နှင့် အဆိုပါကိစ္စရပ်နှင့်ပတ်သက်၍ ဆွေးနွေးခဲ့ကြောင်း ဖော်ပြခဲ့သည်။ "ဒါဟာ ထိုးစစ်ဆင်ဖို့အတွက် ရည်ရွယ်တာမဟုတ်ပါဘူး ၊ သင်္ဘောတွေကို လုံခြုံစွာ အစောင့်အရှောက်ပေးဖို့နဲ့ ထောက်ပံ့ဖို့အတွက်သာ ဖြစ်ပါတယ်" ဟု မက်ခရွန်က ပြောကြားခဲ့သည်။ ထို့အပြင် အရှေ့အလယ်ပိုင်း ပဋိပက္ခသည် ပြင်းထန်သောအဆင့်တွင် နောက်ထပ်ရက် အနည်းငယ် သို့မဟုတ် ရက်သတ္တပတ်အနည်းငယ်ခန့် ဆက်လက်တည်ရှိ နေနိုင်ကြောင်း ၎င်းက သုံးသပ်ပြောဆိုခဲ့သည်။ပြီးခဲ့သည့် ဖေဖော်ဝါရီ ၂၈ ရက်နေ့တွင် အမေရိကန်နှင့် အစ္စရေးတို့က အီရန်နိုင်ငံအား လေကြောင်းမှတိုက်ခိုက်မှုများ ပြုလုပ်ခဲ့ပြီးနောက်ပိုင်း အရှေ့အလယ်ပိုင်းဒေသသည် ပဋိပက္ခများအတွင်း နစ်မွန်းလျက်ရှိသည်။ အဆိုပါ တိုက်ခိုက်မှုများကို တုံ့ပြန်သည့်အနေဖြင့် အီရန်အစ္စလာမ်မစ် တော်လှန်ရေးအစောင့်တပ်ဖွဲ့ (IRGC) က အစ္စရေးနှင့် ဒေသတွင်းရှိ အာရပ်နိုင်ငံများတွင် အခြေစိုက်ထားသော အမေရိကန် စစ်စခန်းများ ဆီသို့ ဒုံးကျည်များ၊ အသေခံဒရုန်းများဖြင့် ပြန်လည်တုံ့ပြန် တိုက်ခိုက် ခဲ့သည်။ဥရောပအရာရှိများ၏ စွပ်စွဲချက်အရ အီရန်၏ ဒုံးကျည်နှင့် ဒရုန်းများ သည် တူရကီနိုင်ငံနှင့် ဆိုက်ပရပ်စ်ကျွန်းရှိ ဗြိတိသျှစစ်စခန်းများကိုပါ ပစ်မှတ်ထား တိုက်ခိုက်ခဲ့ကြောင်း သိရှိရသည်။ ထိုအခြေအနေကြောင့် ဥရောပတိုက်ကြီးမှာလည်း အဆိုပါပဋိပက္ခအတွင်းသို့ ဆွဲသွင်းခံရမည့် အန္တရာယ်ရှိနေသည်။အီရန်ဘက်ကမူ ၎င်းတို့အနေဖြင့် ဒေသတွင်းနိုင်ငံများကို စစ်မကြေညာထားကြောင်းနှင့် တူရကီနိုင်ငံကို တိုက်ရိုက်ပစ်မှတ်ထားခြင်းမရှိကြောင်း အကြိမ်ကြိမ် ငြင်းဆိုထားသည်။ ထို့အပြင် ဆိုက်ပရပ်စ်ကျွန်းကို ဦးတည်တိုက်ခိုက်ခဲ့သည့်ဒရုန်းများသည် လက်ဘနွန်နယ်မြေအတွင်းမှ ပစ်လွှတ်လိုက်ခြင်းဖြစ်နိုင်ကြောင်း သုံးသပ်မှုများလည်း ထွက်ပေါ်လျက်ရှိသည်။ကိုးကား- VN Expressဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 10-Mar-2026
© Copyright 2024 SAC All Rights Reserved.