ပါလက်စတိုင်းအရေး မဆောင်ရွက်ပေးနိုင်ပါက ငြိမ်းချမ်းရေး ဘုတ်အဖွဲ့မှ နုတ်ထွက်နိုင်ဟု အင်ဒိုနီးရှားပြော

News Image

အင်ဒိုနီးရှားသမ္မတက သတင်းထောက်များနှင့် တွေ့ဆုံစဉ် အင်ဒိုနီးရှားအနေဖြင့် ငြိမ်းချမ်းရေးဘုတ်အဖွဲ့တွင် ပါဝင်ခဲ့ခြင်းမှာ ပါလက်စတိုင်းတို့၏ အကျိုးစီးပွားကို အဖွဲ့အတွင်းမှနေ၍ ဖော်ဆောင်ပေးနိုင်စေရေး မဟာဗျူဟာမြောက် တွက်ချက်မှုကြောင့် ဖြစ်ကြောင်း ပြောထားသည်။

သို့သော် အင်ဒိုနီးရှားနိုင်ငံက ငြိမ်းချမ်းရေးဘုတ်အဖွဲ့တွင် အဖွဲ့ဝင်အဖြစ်ပါဝင်မှုမှာ ကန့်သတ်ချက်များရှိပြီး အမြဲတမ်းပြန်လည်သုံးသပ်နေမည်ဖြစ်ကြောင်း၊ အဖွဲ့၏ ရလဒ်များသည် ပါလက်စတိုင်း၏လွတ်လပ်ရေးအတွက် အဟန့်အတားဖြစ်စေပါက ထိုအဖွဲ့မှနုတ်ထွက်ရန် ဝန်လေးမည်မဟုတ်ကြောင်း ၎င်းကသတိပေးခဲ့ခြင်းဖြစ်သည်။ ထို့ပြင်အင်ဒိုနီးရှားနိုင်ငံသည် အခြားအဖွဲ့ဝင်နိုင်ငံများ၏ သဘောတူညီချက်မလိုဘဲ လွတ်လပ်စွာ နုတ်ထွက်ခွင့်ရှိကြောင်း ပရာဘိုဝိုက အလေးပေးပြောသည်။

အမေရိကန်သမ္မတ ဒေါ်နယ်ထရမ့်က ငြိမ်းချမ်းရေးဘုတ်အဖွဲ့ကို ဇန်နဝါရီလတွင် ဒါဗို့မြို့၌ စတင်ဖွဲ့စည်းခဲ့ခြင်းဖြစ်ပြီး နိုင်ငံအများအပြားကမူ ထိုအဖွဲ့တည်ရှိမှုသည် ကုလသမဂ္ဂ၏ အခန်းကဏ္ဍကို ထိခိုက်နိုင်သည်ဟု ဝေဖန်ထားသည်။

MWD

MM-News-Category

နိုင်ငံရေးကဏ္ဍသတင်းများ

နိုင်ငံရေး-နိုင်ငံတကာသတင်း

ပါလက်စတိုင်းအရေး မဆောင်ရွက်ပေးနိုင်ပါက ငြိမ်းချမ်းရေး ဘုတ်အဖွဲ့မှ နုတ်ထွက်နိုင်ဟု အင်ဒိုနီးရှားပြော

အမေရိကန်သမ္မတက အဆိုပြုထားသည့် ငြိမ်းချမ်းရေးဘုတ်အဖွဲ့ (Board of Peace) အနေဖြင့် ပါလက်စတိုင်းအရေး မဆောင်ရွက်ပေးနိုင်ပါက ထိုအဖွဲ့မှ နုတ်ထွက်နိုင်ကြောင်း အင်ဒိုနီးရှားသမ္မတ ပရာဘိုဝိုဆူဘီယန်တိုကပြောသည်။အင်ဒိုနီးရှားသမ္မတက သတင်းထောက်များနှင့် တွေ့ဆုံစဉ် အင်ဒိုနီးရှားအနေဖြင့် ငြိမ်းချမ်းရေးဘုတ်အဖွဲ့တွင် ပါဝင်ခဲ့ခြင်းမှာ ပါလက်စတိုင်းတို့၏ အကျိုးစီးပွားကို အဖွဲ့အတွင်းမှနေ၍ ဖော်ဆောင်ပေးနိုင်စေရေး မဟာဗျူဟာမြောက် တွက်ချက်မှုကြောင့် ဖြစ်ကြောင်း ပြောထားသည်။သို့သော် အင်ဒိုနီးရှားနိုင်ငံက ငြိမ်းချမ်းရေးဘုတ်အဖွဲ့တွင် အဖွဲ့ဝင်အဖြစ်ပါဝင်မှုမှာ ကန့်သတ်ချက်များရှိပြီး အမြဲတမ်းပြန်လည်သုံးသပ်နေမည်ဖြစ်ကြောင်း၊ အဖွဲ့၏ ရလဒ်များသည် ပါလက်စတိုင်း၏လွတ်လပ်ရေးအတွက် အဟန့်အတားဖြစ်စေပါက ထိုအဖွဲ့မှနုတ်ထွက်ရန် ဝန်လေးမည်မဟုတ်ကြောင်း ၎င်းကသတိပေးခဲ့ခြင်းဖြစ်သည်။ ထို့ပြင်အင်ဒိုနီးရှားနိုင်ငံသည် အခြားအဖွဲ့ဝင်နိုင်ငံများ၏ သဘောတူညီချက်မလိုဘဲ လွတ်လပ်စွာ နုတ်ထွက်ခွင့်ရှိကြောင်း ပရာဘိုဝိုက အလေးပေးပြောသည်။အမေရိကန်သမ္မတ ဒေါ်နယ်ထရမ့်က ငြိမ်းချမ်းရေးဘုတ်အဖွဲ့ကို ဇန်နဝါရီလတွင် ဒါဗို့မြို့၌ စတင်ဖွဲ့စည်းခဲ့ခြင်းဖြစ်ပြီး နိုင်ငံအများအပြားကမူ ထိုအဖွဲ့တည်ရှိမှုသည် ကုလသမဂ္ဂ၏ အခန်းကဏ္ဍကို ထိခိုက်နိုင်သည်ဟု ဝေဖန်ထားသည်။MWD

Sat, 21-Mar-2026

နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်နိုင်ရန်အတွက် လွှတ်တော်ကိုယ်စားလှယ်များ အစုအဖွဲ့အစည်းအဝေးများကို မတ် ၃၀ ရက်တွင် စတင်ကျင်းပမည်

နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်နိုင်ရန်အတွက် လွှတ်တော်ကိုယ်စားလှယ်များ အစုအဖွဲ့အစည်းအဝေးများကို မတ် ၃၀ ရက်တွင် စတင်ကျင်းပမည်

တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ပထမနေ့ကို ယနေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော်အစည်းအဝေးခန်းမ၌ ကျင်းပသည်၊၊ အစည်းအဝေးတွင် ပြည်ထောင်စုလွှတ်တော်နာယက ဦးအောင်လင်းဒွေးက နှုတ်ခွန်းဆက်စကားပြောကြားသည်။(ပြည်ထောင်စုလွှတ်တော်နာယက၏ နှုတ်ခွန်းဆက်စကား အပြည့်အစုံကို စာမျက်နှာ ၄ တွင် ဖော်ပြထားပါသည်။)ထို့နောက် ပြည်ထောင်စုလွှတ်တော်နာယကက တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ပထမနေ့သို့ တက်ရောက်ခွင့်ရှိသည့် ပြည်ထောင်စု လွှတ်တော် ကိုယ်စားလှယ်ဦးရေစုစုပေါင်း ၅၈၆ ဦး ရှိသည့်အနက် ယနေ့အစည်းအဝေးသို့ ၅၈၅ ဦး တက်ရောက်သဖြင့် တက်ရောက်မှုရာခိုင်နှုန်း ၉၉ ဒသမ ၈၃ ရှိပြီး ထက်ဝက်ကျော်တက်ရောက်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်းကြေညာကာ အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ အတည်ပြုမှတ်တမ်းတင် သည်။ယင်းနောက် ပြည်ထောင်စုလွှတ်တော်နာယကက နိုင်ငံတော်ဖွဲ့စည်းပုံအခြေခံဥပဒေ ပုဒ်မ ၆၀ နှင့် နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေပုဒ်မ ၄ တို့အရ လွှတ်တော်ကိုယ်စားလှယ်များ အစုအဖွဲ့အလိုက် ဒုတိယသမ္မတတစ်ဦးစီကို ရွေးချယ်တင်မြှောက်နိုင်ရန်အတွက် ဒုတိယသမ္မတလောင်းများ အဆိုပြုရမည့် လွှတ်တော် ကိုယ်စားလှယ်များ အစုအဖွဲ့အစည်းအဝေးကို မတ် ၃၀ ရက်တွင် စတင်ကျင်းပရန် သတ်မှတ်ကြေညာသည်၊၊နိုင်ငံတော်သမ္မတ ရွေးချယ်တင်မြှောက်ရေးအဖွဲ့ကို ရွေးကောက်ခံပြည်သူ့လွှတ်တော်ကိုယ်စားလှယ်များ အစုအဖွဲ့၊ ရွေးကောက်ခံအမျိုးသားလွှတ်တော်ကိုယ်စားလှယ်များ အစုအဖွဲ့နှင့် တပ်မတော်သားလွှတ်တော်ကိုယ်စားလှယ်များ အစုအဖွဲ့သုံးဖွဲ့ ဖွဲ့စည်းပြီး တစ်ဖွဲ့စီက ဒုတိယသမ္မတတစ်ဦးစီကို ရွေးချယ်တင်မြှောက်ကြမည်ဖြစ်သည်။ဆက်လက်၍ ပြည်ထောင်စုလွှတ်တော်နာယကက အစုအဖွဲ့အလိုက်အစည်းအဝေးများကို ရွေးကောက်ခံ ပြည်သူ့လွှတ်တော်ကိုယ်စားလှယ်များအစုအဖွဲ့က ပြည်သူ့လွှတ်တော် အစည်းအဝေးခန်းမ၌လည်းကောင်း၊ ရွေးကောက်ခံအမျိုးသားလွှတ် တော်ကိုယ်စားလှယ်များအစုအဖွဲ့က အမျိုးသားလွှတ်တော်အစည်းအဝေးခန်းမ၌လည်းကောင်း၊ တပ်မတော်သားလွှတ်တော်ကိုယ်စားလှယ်များအစုအဖွဲ့က တပ်မတော်ကာကွယ်ရေးဦးစီးချုပ်က သတ်မှတ်ပေးသည့်နေရာ၌လည်းကောင်း ကျင်းပပြုလုပ်ကြရမည်ဖြစ်ကြောင်း အသိပေးကြေညာသည်။ထို့နောက် ပြည်ထောင်စုလွှတ်တော်နာယကက သက်ဆိုင်ရာအစုအဖွဲ့အလိုက် ဒုတိယသမ္မတတစ်ဦးစီ ရွေးချယ်တင်မြှောက်ပြီးပါက သက်ဆိုင်ရာလွှတ်တော်ဥက္ကဋ္ဌက ရွေးချယ် တင်မြှောက်ခံရသည့် ဒုတိယသမ္မတအမည်စာရင်းကို ပြည်ထောင်စုလွှတ်တော်နာယကထံသို့ ပေးပို့တင်ပြရန်၊ အလားတူ တပ်မတော်သားလွှတ်တော်ကိုယ်စားလှယ်များ အစုအဖွဲ့က တာဝန်ပေးအပ်သည့် တပ်မတော်သားလွှတ်တော်ကိုယ်စားလှယ် တစ်ဦးကလည်း ၎င်းတို့အစုအဖွဲ့က ရွေးချယ်တင်မြှောက်ထားသည့် ဒုတိယသမ္မတ အမည်စာရင်းကို ပြည်ထောင်စုလွှတ်တော် နာယကထံသို့ ပေးပို့တင်ပြရန်၊ တစ်ဆက်တည်းတွင် နိုင်ငံတော်သမ္မတ စိစစ်ရေးအဖွဲ့တွင် လွှတ်တော်နှစ်ရပ်၏ ဥက္ကဋ္ဌများ၊ ဒုတိယဥက္ကဋ္ဌများနှင့်အတူ ပါဝင်ရန်အတွက် ရွေးကောက်ခံပြည်သူ့လွှတ်တော်ကိုယ်စားလှယ်တစ်ဦး၊ ရွေးကောက်ခံအမျိုးသားလွှတ်တော်ကိုယ်စားလှယ်တစ်ဦးနှင့် တပ်မတော်သားအစုအဖွဲ့က လွှတ်တော် ကိုယ်စားလှယ်တစ်ဦးတို့ကိုလည်း တစ်ပါတည်းရွေးချယ်ပြီး အမည်စာရင်းပေးပို့သွားကြရန်၊ အမည်စာရင်းများရရှိပြီးသည့်အခါ နိုင်ငံတော်သမ္မတအရည်အချင်းနှင့် ပြည့်စုံမှု ရှိ/မရှိ ကို စိစစ်ခြင်း၊ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းတို့ကို ပြည်ထောင်စုလွှတ်တော်ဆိုင်ရာဥပဒေ၊ နည်းဥပဒေများ၊ နိုင်ငံတော်သမ္မတနှင့် ဒုတိယသမ္မတများ ရွေးချယ်တင်မြှောက်ခြင်းဆိုင်ရာ ဥပဒေ၊ နည်းဥပဒေများနှင့်အညီ ဆက်လက်ဆောင်ရွက်သွားမည်ဖြစ်ကြောင်း လွှတ်တော်သို့ အသိပေးကြေညာသည်။တတိယအကြိမ် ပြည်ထောင်စုလွှတ်တော် ပထမပုံမှန်အစည်းအဝေး ပထမနေ့ကို နံနက်ပိုင်းတွင် ရပ်နားလိုက်ပြီး ဒုတိယနေ့ကျင်းပမည့် နေ့ရက်နှင့် အချိန်ကို ကြိုတင်အသိပေး ကြေညာသွားမည်ဖြစ်ကြောင်းသိရသည်။MOI

Sat, 21-Mar-2026

တတိယအကြိမ် ရန်ကုန်တိုင်းဒေသကြီးလွှတ်တော် ပထမပုံမှန်အစည်းအဝေး ပထမနေ့ကျင်းပ

ရန်ကုန် မတ် ၂၀တတိယအကြိမ် ရန်ကုန်တိုင်းဒေသကြီးလွှတ်တော် ပထမပုံမှန်အစည်းအဝေး ပထမနေ့ကို ရန်ကုန်တိုင်းဒေသကြီး လွှတ်တော်အဆောက်အအုံအစည်းအဝေးခန်းမ၌ ယနေ့နံနက် ၁၀ နာရီကကျင်းပရာ ရန်ကုန်တိုင်းဒေသကြီး လသာမြို့နယ်မှ တိုင်းဒေသကြီး လွှတ်တော်ကိုယ်စားလှယ်ဦးနေဝင်းက ရန်ကုန်တိုင်းဒေသကြီး မရမ်းကုန်းမြို့နယ်မှ တိုင်းဒေသကြီး လွှတ်တော်ကိုယ်စားလှယ် ဦးမင်းသိန်းထွန်းအား သဘာပတိအဖြစ် အဆိုတင်သွင်းပြီး ကြည့်မြင်တိုင် မြို့နယ်မဲဆန္ဒနယ်မှ ဒေါ်တင်ထွန်းဦးက ထောက်ခံသည့်အတွက် တိုင်းဒေသကြီးလွှတ်တော်ကိုယ်စားလှယ် ဦးမင်းသိန်းထွန်းကို သဘာပတိအဖြစ်တင်မြှောက်ကြောင်း အခမ်းအနားမှူးကကြေညာသည်။ထို့နောက် တိုင်းဒေသကြီးလွှတ်တော်ဥက္ကဋ္ဌအဖြစ် ရန်ကုန်တိုင်းဒေသကြီး သာကေတမြို့နယ် မဲဆန္ဒနယ်မှ တိုင်းဒေသကြီးလွှတ်တော်ကိုယ်စားလှယ် ဦးဌေးအောင်တစ်ဦးတည်းကို အဆိုပြုမှုရှိခဲ့ပြီး ကန့်ကွက်သူမရှိ အတည်ပြုခဲ့ကြသည်။ယင်းနောက် တိုင်းဒေသကြီးလွှတ်တော်ဒုတိယဥက္ကဋ္ဌ ရွေးချယ်တင်မြှောက်ရာတွင် တောင်ဥက္ကလာပမြို့နယ် မဲဆန္ဒနယ်မှ လွှတ်တော်ကိုယ်စားလှယ် ဦးကျော်ကျော်စိုးအား ရန်ကုန်တိုင်းဒေသကြီး လွှတ်တော်ဒုတိယဥက္ကဋ္ဌအဖြစ် ရွေးချယ်ခံခဲ့ရကြောင်း သဘာပတိကကြေညာပြီး သဘာပတိရှေ့မှောက်၌ ကတိသစ္စာပြုကြကာ ကတိသစ္စာပြုလွှာပေါ်တွင် လက်မှတ်ရေးထိုးကြပြီးနောက် သဘာပတိက ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးဌေးအောင်ထံ တာဝန်လွှဲအပ်ကာ ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးဌေးအောင်က နှုတ်ခွန်းဆက်စကားပြောကြားသည်။အစည်းအဝေးစတင်သည့်နေ့၌ တက်ရောက်ခွင့်ရှိသည့် တိုင်းဒေသကြီး လွှတ်တော်ကိုယ်စားလှယ် ၁၂၃ ဦး တက်ရောက်ကြောင်း သိရသည်။MOI

Sat, 21-Mar-2026

လက်ဘနွန်မိသားစုများ လက်ဗလာဖြင့် ထွက်ပြေးတိမ်းရှောင်နေကြရသည် ဟု ကုလသမဂ္ဂ ကိုယ်စားလှယ် ပြောကြား

ကလေးသူငယ်များနှင့် သက်ကြီးရွယ်အိုများအပါအဝင် လက်ဘနွန် မိသားစုဝင်များသည် ထပ်မံဖြစ်ပွားလာမည့် တိုက်ခိုက်မှုများကို ကြောက်လန့် သဖြင့် ၎င်းတို့၏ နေအိမ်များမှ ကိုယ်ပေါ်ရှိ အဝတ်အစားတစ်ထည်တည်းဖြင့် ထွက်ပြေးတိမ်းရှောင်နေကြရကြောင်းနှင့် စစ်ပွဲကြောင့် နိုင်ငံအပေါ် ကျရောက်လာမည့် ထိခိုက်နစ်နာမှုများအတွက် စိုးရိမ်ပူပန်မှုများ မြင့်တက်နေကြောင်း ကုလသမဂ္ဂ ကိုယ်စားလှယ်တစ်ဦးက ပြောကြားခဲ့သည်။ကုလသမဂ္ဂ ဒုက္ခသည်များဆိုင်ရာအေဂျင်စီ (UNHCR) မှ Karolina Lindholm Billing က CNN သတင်းထောက် Ben Hunte သို့ ပြောကြား ရာတွင် "အခြေအနေက အလွန်အမင်းကို စိုးရိမ်စရာကောင်းနေပါတယ်၊ သူတို့ဟာ ဒီတိုက်ခိုက်မှုတွေကြားထဲ ပိတ်မိသွားမှာကို တကယ်ပဲ ထိတ်လန့် ကြောက်ရွံ့နေကြတာပါ" ဟု ဆိုသည်။ခိုလှုံရာနေရာရှာဖွေခြင်းမှာ အဓိကစိန်ခေါ်မှုတစ်ရပ်ဖြစ်နေပြီး လူအများစုမှာ ဘေရွတ် (Beirut) မြို့နှင့် လက်ဘနွန်တောင်တန်းဒေသများသို့ ဦးတည်နေကြသကဲ့သို့ အချို့မှာလည်း အခြားဒေသရှိ မိတ်ဆွေများ သို့မဟုတ် ဆွေမျိုးများထံတွင် တည်းခိုနေကြကြောင်း Billing က ရှင်းပြခဲ့သည်။ အချို့မှာမူ အဆမတန် မြင့်တက်လာသော အိမ်ငှားခများနှင့် လူဦးရေ ပြည့်နှက်နေသည့် ခိုလှုံရေးစခန်းများတွင် ကြမ်းပြင်ပေါ်၌ အိပ်စက် နေရသည့်အခြေအနေနှင့် ရင်ဆိုင်နေရသည်။"သူတို့ဟာ သူတို့ရဲ့ အလုပ်အကိုင်တွေနဲ့ ဝင်ငွေတွေကို စွန့်ခွာခဲ့ရတာပါ၊ အခုဆိုရင် စက်သုံးဆီတင်မကဘဲ ပေါင်မုန့်နဲ့ အခြေခံစားသောက်ကုန် ဈေးနှုန်းတွေပါ တက်နေတယ်၊ ဒါဟာ လူတွေရဲ့ ရှင်သန်ရပ်တည်ရေးအတွက် ဖိအားတွေ ပိုဖြစ်စေပါတယ်" ဟု Billing က ဆိုသည်။နှစ်ပတ်အတွင်း လက်ဘနွန်လူဦးရေ၏ ငါးပုံတစ်ပုံခန့်မှာ နေရပ်စွန့်ခွာ ထွက်ပြေးခဲ့ရပြီး နိုင်ငံ၏ ၁၅ ရာခိုင်နှုန်းခန့်မှာလည်း ဘေးလွတ်ရာသို့ ရွှေ့ပြောင်းရန် အမိန့်ထုတ်ပြန်ခြင်းခံထားရသည်။ လူဦးရေ တစ်သန်းကျော်မှာ ပိုမိုကျဉ်းမြောင်းသော ဧရိယာတစ်ခုအတွင်းသို့ ရောက်ရှိလာ သဖြင့် စာသင်ကျောင်းများကဲ့သို့သော အခြေခံဝန်ဆောင်မှုများအပေါ် ဝန်ထုပ်ဝန်ပိုး ဖြစ်စေလျက်ရှိသည်။ပြီးခဲ့သည့် သီတင်းပတ်ကလည်း အစ္စရေးသည် ဟစ်ဇ်ဘိုလာအဖွဲ့အပေါ် စစ်ဆင်ရေးများ ဆက်လက်လုပ်ဆောင်နေစဉ် လက်ဘနွန် ဝန်ကြီးချုပ် နဝပ်ဖ် ဆလမ် (Nawaf Salam) က လူသားချင်းစာနာထောက်ထားမှုဆိုင်ရာ ကပ်ဘေးကြီး ဆိုက်ရောက်လာနိုင်သည့်အခြေအနေအပေါ် စိုးရိမ်ကြောင်း ထုတ်ဖော်ပြောကြားခဲ့သည်။ကိုးကား- CNNဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

Fri, 20-Mar-2026

အီရန်တော်လှန်ရေးအစောင့်တပ် (IRGC) ပြောရေးဆိုခွင့်ရှိသူ Ali Mohammad Naeini သေဆုံးသွားပြီဖြစ်ကြောင်း အီရန်နိုင်ငံပိုင်မီဒီယာများက ဖော်ပြ

သြဇာအာဏာကြီးမားသည့် အစ္စလာမ္မစ်တော်လှန်ရေးအစောင့်တပ်ဖွဲ့ (IRGC) ၏ ပြောရေးဆိုခွင့်ရှိသူ ဗိုလ်ချုပ် အလီ မိုဟာမက် နာအီနီ (Ali Mohammad Naeini) သေဆုံးသွားပြီဖြစ်ကြောင်း အီရန်နိုင်ငံပိုင် မီဒီယာများက သတင်းဖော်ပြလျက်ရှိသည်။ နိုင်ငံပိုင်ရုပ်သံလိုင်းဖြစ်သော Islamic Republic of Iran Broadcasting (IRIB) က နာအီနီ သေဆုံးမှုကို သောကြာနေ့ (မတ် ၂၀) တွင် သတင်းထုတ်ပြန်ခဲ့ခြင်းဖြစ်သည်။ကိုးကား- CNNဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

Fri, 20-Mar-2026

အီရန်စစ်ပွဲနှင့် ပတ်သက်၍ အမေရိကန်နှင့် အစ္စရေးတို့ ရည်မှန်းချက်များကွဲပြားနေဟု အမေရိကန် ထောက်လှမ်းရေးအကြီးအကဲဆို

အမေရိကန် အမျိုးသားထောက်လှမ်းရေး ညွှန်ကြားရေးမှူး Tulsi Gabbard က အီရန်နှင့် ဖြစ်ပွားနေသော စစ်ပွဲတွင် အမေရိကန်နှင့် အစ္စရေး အစိုးရတို့ ချမှတ်ထားသည့် ရည်မှန်းချက်များသည် ကွဲပြားခြားနားနေသည်ဟု ပြောကြားခဲ့ပြီး အီရန်နှင့် သဘောတူညီချက်တစ်ခုရယူနိုင်ရန် အစ္စရေး က ထောက်ခံခြင်း ရှိ၊ မရှိကို သူမအနေဖြင့် မသိရှိကြောင်း ထည့်သွင်းပြောဆိုခဲ့သည်။“အစ္စရေးအစိုးရဟာ အီရန် ခေါင်းဆောင်ပိုင်းကို အလုပ်မလုပ်နိုင်အောင်လုပ်ဖို့နဲ့ ထိပ်ပိုင်းခေါင်းဆောင် အတော်များများကို ဖယ်ရှားဖို့ အဓိက ထားလုပ်ဆောင်နေတာကို သူတို့ရဲ့ စစ်ဆင်ရေးတွေကနေတစ်ဆင့်မြင်တွေ့ နိုင်ပါတယ်၊ ဒါဟာ အဓိက ခေါင်းဆောင်ကြီး Ayatollah ကနေ စတင်ခဲ့တာဖြစ်ပြီး အခုထိလည်း အဲဒီအတိုင်းပဲ ဆက်လက် အာရုံစိုက်နေဆဲပါ” ဟု Gabbard က ကြာသပတေးနေ့ (မတ် ၁၉) တွင် ပြုလုပ်ခဲ့သော အောက်လွှတ်တော် ထောက်လှမ်းရေးကော်မတီ၏ ကမ္ဘာလုံးဆိုင်ရာခြိမ်းခြောက်မှုများဆိုင်ရာ ကြားနာပွဲတွင် ပြောကြားခဲ့သည်။တစ်ဖက်တွင်လည်း သမ္မတ ဒေါ်နယ်ထရမ့်က “သူ့ရဲ့ ရည်မှန်းချက်တွေဟာ အီရန်ရဲ့ ပဲ့ထိန်းဒုံးကျည် ပစ်လွှတ်နိုင်စွမ်း၊ ဒုံးကျည် ထုတ်လုပ်နိုင်စွမ်းနဲ့ အီရန်တော်လှန်ရေးအစောင့်တပ်ဖွဲ့ (IRGC) ရဲ့ ရေတပ်နဲ့ မိုင်းထောင်နိုင်စွမ်းတွေကို ဖျက်ဆီးပစ်ဖို့ဖြစ်တယ်လို့ ထုတ်ဖော် ပြောကြားထားပါတယ်” ဟု သူမက ဆိုသည်။အီရန်နှင့် သဘောတူညီချက်ရယူရေးအပေါ် အစ္စရေး၏ ရပ်တည်ချက်ကို သူမ မသိရှိသကဲ့သို့ အီရန်၏ စွမ်းအင်အခြေခံအဆောက်အအုံများကို တိုက်ခိုက်ခြင်းနှင့်ပတ်သက်၍ အစ္စရေးက သမ္မတ၏ စကားကို လျစ်လျူရှုခဲ့သည်ဆိုသည့်အချက်အပေါ် သူမ သဘောတူခြင်း ရှိ၊ မရှိကိုလည်း ဖြေကြားရန် ငြင်းဆိုခဲ့သည်။“သူတို့ရဲ့ ဆွေးနွေးချက်တွေ ဒါမှမဟုတ် ဒီတိုက်ခိုက်မှုတွေနဲ့ တခြားတိုက်ခိုက်မှုတွေပြုလုပ်ဖို့ သူတို့ ဘယ်လိုတွက်ချက်ခဲ့တယ်ဆိုတာကို ကျွန်မ မသိပါဘူး၊ ကျွန်မတို့ဟာ ဒီစစ်ဆင်ရေးပိုင်းဆိုင်ရာမှာ ပါဝင်ပတ်သက်ခြင်းမရှိပါဘူး၊ ကျွန်မတို့ လုပ်ဆောင်နေတာက ဖြစ်ပျက်နေသည့် အခြေအနေတွေအပေါ် ထောက်လှမ်းရေးဆိုင်ရာ သုံးသပ်ချက်တွေကို နေ့စဉ်နဲ့အမျှ စဉ်ဆက်မပြတ် ပံ့ပိုးပေးနေတာပဲဖြစ်ပါတယ်” ဟု Gabbard က ပြောကြားခဲ့သည်။ကိုးကား- CNNဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

Fri, 20-Mar-2026

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

ပါလက်စတိုင်းအရေး မဆောင်ရွက်ပေးနိုင်ပါက ငြိမ်းချမ်းရေး ဘုတ်အဖွဲ့မှ နုတ်ထွက်နိုင်ဟု အင်ဒိုနီးရှားပြော

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link