ပေါင်မြို့နယ်၌ သစ်တောထိန်းသိမ်းရေးနှင့် မီးခိုးမြူငွေ့လျှော့ချရေးဆိုင်ရာ ဟောပြော

NoahJune222

News Image

  • ပေါင်မြို့နယ်၌ သစ်တောထိန်းသိမ်းရေးနှင့် မီးခိုးမြူငွေ့လျှော့ချရေးဆိုင်ရာ ဟောပြော

ပေါင် ဧပြီ ၂၂

 

မွန်ပြည်နယ် ပေါင်မြို့နယ်၌ သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ အသိပညာပေး ဟောပြောပွဲကို ယနေ့နံနက်ပိုင်းက အမက(ကန်ဖြူ)၌ ပြုလုပ်သည်။

 

ဦးစွာ သထုံမြို့နယ်သစ်တောဦးစီးဌာနမှ ဦးစီးအရာရှိ ဦးတင်ထွန်းက သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုး/မြူငွေ့လျှော့ချရေး ခေါင်းစဉ်ဖြင့်လည်းကောင်း၊ ပတ်ဝန်းကျင်ထိန်းသိမ်းရေး ဦးစီးဌာနမှ ဒုတိယဦးစီးမှူး ဦးသံစဉ်မှူးက Fire Hotspot ဖြစ်ပွားမှု လျှော့ချရေးနှင့် မီးခိုးမြူငွေ့ညစ်ညမ်းမှုထိန်းချုပ်ရေးတို့ကို ဆွေးနွေးဟောပြောသည်။

 

ထို့နောက် သစ်တောထိန်းသိမ်းရေး၊ တောမီးကာကွယ်ရေးနှင့် မီးခိုးမြူငွေ့လျှော့ချရေးဆိုင်ရာ ပညာပေး video clip ကိုပြသရာ တက်ရောက်လာသူများ၏ မေးမြန်းမှုများကို တာဝန်ရှိသူများက ပြန်လည်ဖြေကြားခဲ့ကြောင်း သိရသည်။

မွန်မလေး(ပြန်/ဆက်)

MDN

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ပြည်ထောင်စုဝန်ကြီး ဦးမျိုးသန့် ရန်ကုန် - မန္တလေး အမြန်လမ်းရှိ ဒုဋ္ဌဝတီတံတား အသစ်ပြန်လည်တည်ဆောက်ခြင်းနှင့် လမ်း၊ တံတားများ ပြုပြင်ဆောင်ရွက်နေသည့်အခြေအနေ ကြည့်ရှုစစ်ဆေး
ပြည်ထောင်စုဝန်ကြီး ဦးမျိုးသန့် ရန်ကုန် - မန္တလေး အမြန်လမ်းရှိ ဒုဋ္ဌဝတီတံတား အသစ်ပြန်လည်တည်ဆောက်ခြင်းနှင့် လမ်း၊ တံတားများ ပြုပြင်ဆောင်ရွက်နေသည့်အခြေအနေ ကြည့်ရှုစစ်ဆေး
နေပြည်တော် ဧပြီ ၂၆ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့်သည် မန္တလေးတိုင်းဒေသကြီးဝန်ကြီးချုပ် ဦးမျိုးအောင်၊ တိုင်းဒေသကြီးဝန်ကြီးများနှင့်အတူ ယနေ့နံနက်ပိုင်းတွင် ရန်ကုန် - မန္တလေးအမြန်လမ်း၏ မိုင်တိုင်အမှတ် ၃၆၆/၃ မှ ၃၆၁/၃ အကြားရှိ မန္တလေးငလျင်ကြီးကြောင့် ပျက်စီးသွားသော ကွန်ကရစ်လမ်းများ ပြန်လည်ပြုပြင်ပြီးစီး၍ ကတ္တရာကွန်ကရစ်(AC)ခင်းခြင်းလုပ်ငန်းများ ဆောင်ရွက်ပြီးစီးနေ မှုအခြေအနေ၊ လမ်းဝဲ/ယာမြေသားအမာခံရရှိရေး ဆောင်ရွက်ပြီးစီးသည့် အခြေအနေတို့ကို ကြည့်ရှုစစ်ဆေးသည်။    ထို့နောက် ပြည်ထောင်စုဝန်ကြီးနှင့် အဖွဲ့သည် မိုင်တိုင်အမှတ်(၃၆၀/၀)ရှိ မြစ်ဆွတ်ချောင်း တံတားသို့ရောက်ရှိရာ တာဝန်ခံအင်ဂျင်နီယာကလုပ်ငန်းများ ဆောင်ရွက်နေမှုအခြေအနေများကို ရှင်းလင်းတင်ပြပြီး ပြည်ထောင်စုဝန်ကြီးနှင့် တိုင်းဒေသကြီးဝန်ကြီးချုပ်တို့က ပြုပြင်ခြင်းလုပ်ငန်းများ ဆောလျင်စွာပြီးစီးစေရေးအတွက် လုပ်ငန်းလိုအပ်ချက်များကို မေးမြန်းဆွေးနွေး၍ လုပ်ငန်းခွင်အတွင်း ကြည့်ရှုစစ်ဆေးကာ လိုအပ်သည်များကို မှာကြားသည်။ယင်းနောက် မိုင်တိုင်အမှတ် (၃၅၈/၁)ရှိ ဒုဋ္ဌဝတီတံတား (ပေ ၁၀၀၀) အသစ်ပြန်လည်တည်ဆောက်နေသည့် လုပ်ငန်းခွင်သို့ရောက်ရှိပြီး ပြည်ထောင်စုဝန်ကြီးနှင့် တိုင်းဒေသကြီးဝန်ကြီးချုပ်တို့က တံတားဦးအပြည်ပြည်ဆိုင်ရာ လေဆိပ်မှ မန္တလေးမြို့သို့ တိုက်ရိုက်သွားလာနိုင်ရန်အတွက် ဒုဋ္ဌဝတီ တံတားတည်ဆောက်ပြီးစီးရန်လိုအပ်ပါကြောင်း၊ ငလျင်ဒဏ်ကြောင့် တံတားပြိုကျပျက်စီး၍ လမ်းပန်းဆက်သွယ်မှု ပြတ်တောက်နေသဖြင့် ခရီးသွားပြည်သူများ တံတားဦး - ပလိပ်လမ်းမှ တစ်ဆင့်ပတ်၍ မန္တလေးမြို့သို့ သွားလာနေရသောကြောင့် လေးလမ်းသွား တံတားဆောင်ရွက်နေခြင်းတွင် အပြန်လမ်းဘက်မှ နှစ်လမ်းသွားတံတားကို ၂၀၂၆ ခုနှစ် ကုန်မတိုင်မီ ပြီးစီးအောင်တွန်းအားပေးဆောင်ရွက်၍ လမ်းပန်းဆက်သွယ်မှုရရှိအောင် အလေးထားဆောင်ရွက်ရမည်ဖြစ်ပါကြောင်း၊ တံတားတည်ရှိသည့် နေရာသည် ပြင်းထန်သည့် လှုပ်ခါမှုကြောင့် အစိုင်အခဲမှ ရွှံ့ညွန်ကဲ့သို့ ဂုဏ်သတ္တိပြောင်းလဲခြင်းဖြစ်စဉ် (lique- faction) ဖြစ်နိုင်ခြေများသော မြေအမျိုးအစားဖြစ်သောကြောင့် လိုအပ်သည့် တွက်ချက်မှုများ လိုက်နာဆောင်ရွက်ရန် လိုအပ်ပါကြောင်း၊ တံတားပြီးစီးသည်နှင့် တစ်ပြိုင်တည်း ရန်ကုန်မှ မန္တလေးသို့ အမြန်လမ်းအတိုင်း လွယ်ကူချောမွေ့စွာသွားလာနိုင်ရန်အတွက် လမ်းတစ်လျှောက်ရှိ ပြုပြင်ထိန်းသိမ်းခြင်း လုပ်ငန်းများကိုလည်း ဟန်ချက်ညီစွာပြီးစီးစေရေး လမ်းပိုင်းအလိုက် တာဝန်ခံများနှင့် ညွှန်ကြားရေးမှူးချုပ်တို့က စဉ်ဆက်မပြတ် ကြပ်မတ်ဆောင်ရွက်သွားရန်လိုအပ်ပါကြောင်း မှာကြားကာ လုပ်ငန်းခွင်အတွင်း အသေးစိတ်ကြည့်ရှုစစ်ဆေးသည်။ထို့နောက် ပြည်ထောင်စုဝန်ကြီးနှင့်အဖွဲ့သည် ရန်ကုန်-မန္တလေး ပြည်ထောင်စုလမ်းမကြီး (လမ်းဟောင်း) မိုင်တိုင်အမှတ်(၃၅၅/၀)ရှိ ယုဇနတံတားတည်ဆောက်ရေးလုပ်ငန်းခွင်သို့ရောက်ရှိပြီး တာဝန်ရှိသူများ၏ တင်ပြချက်များအပေါ် အသေးစိတ်ဆွေးနွေးမေးမြန်းကာ လုပ်ငန်းခွင်အတွင်း လိုက်လံစစ်ဆေးပြီး လုပ်ငန်းလိုအပ်ချက်များကို တာဝန်ရှိသူများအား မှာကြားသည်။ ယခုတည်ဆောက်နေသော ယုဇနတံတားသည် အရှည်ပေ ၂၂၀ ရှိပြီး အကျယ် ၂၇ ပေရှိသော နှစ်လမ်းသွားတံတားဖြစ်၍ ၂၀၂၅ ခုနှစ် ဧပြီလတွင် စတင်တည် ဆောက်ခဲ့ပြီး ၂၀၂၆ ခုနှစ် ဇူလိုင်လတွင် ပြီးစီးစေရေး တွန်းအားပေးဆောင်ရွက်လျက်ရှိကြောင်း သိရသည်။ဆက်လက်၍ ရန်ကုန်-မန္တလေး ပြည်ထောင်စုလမ်းမကြီး (လမ်းဟောင်း)အတိုင်း မော်တော်ယာဉ်များဖြင့် ဆက်လက်ထွက်ခွာလာကြရာ လမ်းတစ်လျှောက်တွင် အမာခံလမ်းပခုံးများ ဆောင်ရွက်ပြီးစီးသည့် အခြေအနေ၊ လမ်းအင်္ဂါရပ်နှင့်ကိုက်ညီစေရေး ပြုပြင်ထိန်းသိမ်းဆောင်ရွက်နေသည့် အခြေအနေတို့ကို ကြည့်ရှုစစ်ဆေးခဲ့ကြောင်း သိရသည်။ သတင်းစဉ်MDN
Mon, 27-Apr-2026
ပခုက္ကူမြို့၌ မီးဘေးသတိပေး လှည့်လည်နှိုးဆော်
ပခုက္ကူမြို့၌ မီးဘေးသတိပေး လှည့်လည်နှိုးဆော်
ပခုက္ကူ ဧပြီ ၂၆ နှစ်(၈၀)ပြည့် မြန်မာနိုင်ငံမီးသတ်တပ်ဖွဲ့နေ့ကို ကြိုဆိုဂုဏ်ပြုသောအားဖြင့် ယမန်နေ့ညနေပိုင်းက ပခုက္ကူမြို့ပေါ်ရပ်ကွက်ရှိ ပြည်သူများထံ မီးဘေးသတိပေးလှည့်လည်နှိုးဆော်ကြသည်။ ထိုသို့သတိပေးနှိုးဆော်ရာတွင် ပခုက္ကူခရိုင် မီးသတ်ဦးစီးမှူး ဦးသိန်းဇော်ဝင်း၏ ဦးဆောင်မှုဖြင့် မြို့နယ်မီးသတ်ဦးစီးမှူး ဦးဇော်မျိုးအောင်နှင့် မီးသတ်တပ်ဖွဲ့ဝင်များ၊ သန္ဓေမီးသတ်တပ်ဖွဲ့ဝင်များက ပခုက္ကူမြို့ပေါ်ရပ်ကွက်များရှိ ပြည်သူများ၊ လမ်းမကြီးများနှင့် လူစည်ကားရာနေရာများသို့ လှည့်လည်၍ မီးဘေးအန္တရာယ်ကင်းဝေးစေရေး လိုက်နာဆောင်ရွက်ရမည့် ဆောင်ရန်၊ ရှောင်ရန်အချက်များကို အသိပညာပေးယာဉ်ဖြင့် သတိပေးနှိုးဆော်ဆောင်ရွက်ခဲ့ကြောင်း သိရသည်။ဘာမီသာ(ပခုက္ကူ)MDN
Mon, 27-Apr-2026
ပြည်ထောင်စုဝန်ကြီး ဦးခင်မောင်စိုး ဖိလစ်ပိုင်နိုင်ငံ မက်ထရိုမနီလာမြို့၌ ကျင်းပသည့် နယ်စပ်ဖြတ်ကျော် အလုပ်သမားရေးရာနှင့်စပ်လျဉ်း၍ အဆင့်မြင့်ကိုယ်စားလှယ် စကားဝိုင်းဆွေးနွေးပွဲ တက်ရောက်
ပြည်ထောင်စုဝန်ကြီး ဦးခင်မောင်စိုး ဖိလစ်ပိုင်နိုင်ငံ မက်ထရိုမနီလာမြို့၌ ကျင်းပသည့် နယ်စပ်ဖြတ်ကျော် အလုပ်သမားရေးရာနှင့်စပ်လျဉ်း၍ အဆင့်မြင့်ကိုယ်စားလှယ် စကားဝိုင်းဆွေးနွေးပွဲ တက်ရောက်
နေပြည်တော် ဧပြီ ၂၆ အာဆီယံအလှည့်ကျဥက္ကဋ္ဌအဖြစ် ဖိလစ်ပိုင်နိုင်ငံက ဦးဆောင်၍ “နယ်စပ်ဖြတ်ကျော် အလုပ်သမားရေးရာနှင့်စပ်လျဉ်း၍ အဆင့်မြင့်ကိုယ်စားလှယ် စကားဝိုင်းဆွေးနွေးပွဲ”ကို ဖိလစ်ပိုင်နိုင်ငံ မက်ထရို မနီလာမြို့၌ ဧပြီ ၂၄ ရက်တွင် ကျင်းပခဲ့ပြီး အလုပ်သမားဝန်ကြီးဌာန ပြည်ထောင်စုဝန်ကြီး ဦးခင်မောင်စိုး ဦးဆောင်သည့် မြန်မာကိုယ်စားလှယ်အဖွဲ့ ပါဝင် တက်ရောက်သည်။ တက်ရောက် အဆိုပါစကားဝိုင်းဆွေးနွေးပွဲကို ဘေးကင်း၍ လုံခြုံစိတ်ချရပြီး စည်းကမ်းတကျဖြစ်သော အလုပ်သမားရွှေ့ပြောင်းသွားလာမှုကို တိုးမြှင့်ရန်နှင့် အလုပ်သမားများအနေဖြင့် တရားမျှတသောလုပ်သား စုဆောင်းမှု၊ အလုပ်အကိုင်ဆိုင်ရာ ကာကွယ် စောင့်ရှောက်မှုနှင့် ကျွမ်းကျင်မှုဖွံ့ဖြိုးတိုးတက်ရေး အခွင့်အလမ်းများ ရရှိစေရန်၊ အကျပ်အတည်းများ၊ ဘေးအန္တရာယ်များနှင့် ရာသီဥတုဒဏ်ခံရသော အခြေအနေများ အပါအဝင် ရွှေ့ပြောင်းသွားလာမှု လမ်းကြောင်းများတစ်လျှောက် အန္တရာယ်များကို လျှော့ချရန်၊ ကျွမ်းကျင်မှုအသိအမှတ်ပြုခြင်း၊ လူမှုဖူလုံရေး အကျိုးခံစားခွင့်များ လွှဲပြောင်းသုံးစွဲနိုင်ခြင်းနှင့် ရွှေ့ပြောင်းသွားလာမှု စည်းမျဉ်းများမှတစ်ဆင့် ဖွံ့ဖြိုးတိုးတက်မှုဆိုင်ရာ အခွင့်အရေးများကို ဖော်ထုတ်ရန် ရည်ရွယ်ကျင်းပခဲ့ခြင်းဖြစ်ပြီး ဆွေးနွေးပွဲသို့ အာဆီယံနိုင်ငံများမှ အလုပ်သမားဝန်ကြီးများနှင့် အဆင့်မြင့်အရာရှိကြီးများ၊ အာဆီယံအတွင်းရေးမှူး ချုပ်ရုံးမှကိုယ်စားလှယ်များ၊ ရွှေ့ပြောင်းသွားလာခြင်းဆိုင်ရာ နိုင်ငံတကာအဖွဲ့အစည်း(IOM)မှ ကိုယ်စားလှယ်များ တက်ရောက်ကြသည်။ ဆွေးနွေးပွဲတွင် အလုပ်သမားရွှေ့ပြောင်း သွားလာမှုနှင့် အကာအကွယ်ပေးမှုအတွက် ပူးပေါင်း ဆောင်ရွက်မှုယန္တရားများ အပါအဝင် မိတ်ဖက် ဆောင်ရွက်မှုကဏ္ဍ၊ အလုပ်သမားရွှေ့ပြောင်းသွားလာမှုနှင့် အကာအကွယ်ပေးမှုကဏ္ဍ၊ အကျပ်အတည်း၊ ရာသီဥတုနှင့် ကျန်းမာရေးကဏ္ဍ သုံးရပ်တို့ကို ဆွေးနွေးကြရာ ပြည်ထောင်စုဝန်ကြီး ဦးခင်မောင်စိုး က မြန်မာနိုင်ငံနှင့် အာဆီယံအဖွဲ့ဝင်နိုင်ငံများသည် ကာလရှည်ကြာစွာ ဒေသတွင်းမိတ်ဖက်နိုင်ငံများအဖြစ် ရှိနေကြသော်လည်း ရွှေ့ပြောင်းသွားလာခြင်းဆိုင်ရာ စီမံခန့်ခွဲမှု၊ နည်းပညာပိုင်းဆိုင်ရာ စေ့စပ်ညှိနှိုင်းမှုများ၊ အတွေ့အကြုံဖလှယ်မှုများတွင် ကွာဟ ချက်များကျန်ရှိနေမှုအပေါ် ဆက်စပ်အကောင်အထည်ဖော်နိုင်ရေး ပိုမိုရင်းနှီးစွာ ပူးပေါင်းဆောင်ရွက်သွားရန် လိုအပ်ကြောင်း ဆွေးနွေးပြောကြားသည်။ ဆွေးနွေးပွဲသို့ ပါဝင်တက်ရောက်ခြင်းဖြင့် ရွှေ့ပြောင်းသွားလာခြင်းဆိုင်ရာ စီမံခန့်ခွဲမှု၊ နည်းပညာပိုင်းဆိုင်ရာ ထိတွေ့မှုများနှင့် အတွေ့အကြုံ ဖလှယ်မှုများတွင် နီးကပ်စွာ ပူးပေါင်းဆောင်ရွက်နိုင်မည့် နည်းလမ်းများ၊ အရှေ့တောင်အာရှ၏ စဉ်ဆက်မပြတ်ဖွံ့ဖြိုးတိုးတက်မှုအတွက် အလုပ် သမားရွှေ့ပြောင်းသွားလာမှု၏ အရေးပါပုံနှင့် အာဆီယံအနေဖြင့် ဘေးကင်းပြီး ပုံမှန်ဖြစ်သော အလုပ်သမား ရွှေ့ပြောင်းသွားလာမှု လမ်းကြောင်းများကို တိုးမြှင့်ခြင်းအပါအဝင် ရွှေ့ပြောင်းအလုပ်သမားများ၏ အခွင့်အရေးကို ကာကွယ်စောင့်ရှောက်နိုင်ရေး အာဆီယံအဖွဲ့ဝင်နိုင်ငံများ၏ ဆောင်ရွက်ချက်များ၊ ကျင့်ဝတ်နှင့်ညီသည့် အလုပ်သမားစုဆောင်းမှုနှင့် နေရပ်ပြန်ခြင်း လုပ်ငန်းစဉ်များတွင် ပူးပေါင်း ဆောင်ရွက်မှုကို အားကောင်းစေမည့် အစီအမံများ၊ ဒစ်ဂျစ်တယ်အသုံးပြုရသော အလုပ်အကိုင်ပုံစံသစ် များ၏စိန်ခေါ်မှုများကို ကိုင်တွယ်ဖြေရှင်းနိုင်မည့် နည်းလမ်းများ၊ ရွှေ့ပြောင်းအလုပ်သမားများ အထူးသဖြင့် အိမ်တွင်းအထောက်အကူပြု အလုပ်သမားများအား သက်ကြီးရွယ်အိုစောင့်ရှောက်မှုလုပ်ငန်း၊ ကလေး သူငယ်စောင့်ရှောက်မှုလုပ်ငန်း၊ အစားအသောက် ဝန်ဆောင်မှုလုပ်ငန်းများတွင် ပါဝင်လုပ်ကိုင်နိုင်ရန် ကျွမ်းကျင်မှုများကို အသိအမှတ်ပြုခြင်း၊ ဖွံ့ဖြိုး တိုးတက်ရေးအစီအမံများ၊ သင်တန်းများ ပို့ချခြင်း အပါအဝင် ဆောင်ရွက်နိုင်မည့်နည်းလမ်းများ၊ နေရပ် ပြန်လည်ပို့ဆောင်ခြင်းဆိုင်ရာ ဆန်းစစ်ချက်များကို ပိုမိုမြှင့်တင်အကောင်အထည်ဖော်နိုင်ရေး စဉ်ဆက်မပြတ် ပူးပေါင်းဆောင်ရွက်နိုင်မည့် နည်းလမ်းများ၊ အပြည်ပြည်ဆိုင်ရာ ရွှေ့ပြောင်းသွားလာခြင်းကို ဒေသတွင်းစီးပွားရေးနှင့် ချိတ်ဆက်ပြီး ရွှေ့ပြောင်းသွားလာခြင်းမှတစ်ဆင့် စေလွှတ်နိုင်ငံနှင့် လက်ခံ နိုင်ငံများအတွက် အပြန်အလှန်အကျိုးဖြစ်ထွန်းစေရေး လိုအပ်ချက်များကို ပိုမိုကောင်းမွန်စွာဆောင်ရွက်နိုင်မည့် နည်းလမ်းများ၊ ရွှေ့ပြောင်းအလုပ်သမားများ ပြန်လည်ရောက်ရှိခြင်း၊ ပြန်လည်ပေါင်းစည်းခြင်းနှင့် ဖွံ့ဖြိုးတိုးတက်မှုအတွက် အထောက်အကူပြုမှုများ၊ လူမှုဖူလုံရေးကာကွယ်စောင့်ရှောက်မှုများ၊ ဘေးအန္တရာယ်ကျရောက်မှုကြောင့် နေရပ်စွန့်ခွာမှုနှင့် ဒစ်ဂျစ်တယ်အသွင်ကူးပြောင်းမှု စသည်တို့အပေါ် အတွေ့အကြုံများ၊ စိန်ခေါ်မှုများနှင့် သာဓကများ၊ ရရှိခဲ့သည့်သင်ခန်းစာများကို မြန်မာနိုင်ငံ အလုပ်သမားဝန်ကြီးဌာန ပြည်ထောင်စုဝန်ကြီးနှင့် အာဆီယံနိုင်ငံများမှ အလုပ်သမားဝန်ကြီးများ အပါအဝင် နိုင်ငံတကာအဖွဲ့အစည်းများမှ ကိုယ်စားလှယ်များပါဝင်၍ ရင်းနှီးပွင့်လင်းစွာ ဆွေးနွေးခဲ့ကြပြီး အမှတ်တရမှတ်တမ်းတင်ဓာတ်ပုံရိုက်ကြသည်။ ပြည်ထောင်စုဝန်ကြီးသည် ဆွေးနွေးပွဲကာလ အတွင်း အာဆီယံနိုင်ငံများမှ အလုပ်သမားဝန်ကြီးများနှင့် ပူးပေါင်းဆောင်ရွက်နိုင်မည့် အလုပ်သမားရေးရာကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့ပြီး မြန်မာနိုင်ငံအပေါ် ILO စုံစမ်းစစ်ဆေးရေး ကော်မရှင်၏ အကြံပြုတိုက်တွန်းချက်များကို မြန်မာနိုင်ငံမှ ဆောင်ရွက်ပြီးစီးမှုအခြေအနေ မှတ်တမ်း စာအုပ်များ ဖြန့်ဝေပေးနိုင်ခဲ့ကြောင်း၊ ထိုင်းနိုင်ငံ၊ လာအိုနိုင်ငံ အလုပ်သမားဝန်ကြီးဌာနတို့နှင့် သီးခြားစီတွေ့ဆုံ၍ ဆောင်ရွက်ဆဲနှစ်နိုင်ငံ အလုပ်သမားရေးရာကိစ္စရပ်များနှင့် စပ်လျဉ်း၍ ဆက်လက်အကောင်အထည်ဖော်သွားရန် ဆွေးနွေးခဲ့ကြောင်း သိရသည်။ သတင်းစဉ်MDN
Mon, 27-Apr-2026
ကွမ်းခြံကုန်းမြို့နယ်၌ နိုင်ငံသားစိစစ်ရေးကတ်များနှင့် UID များ ကွင်းဆင်းဆောင်ရွက်
ကွမ်းခြံကုန်းမြို့နယ်၌ နိုင်ငံသားစိစစ်ရေးကတ်များနှင့် UID များ ကွင်းဆင်းဆောင်ရွက်
ရန်ကုန် ဧပြီ ၂၆ ရန်ကုန်တိုင်းဒေသကြီး ကွမ်းခြံကုန်းမြို့နယ်တွင် အစိုးရသစ်၏ ရက်(၁၀၀)စီမံချက်ဖြင့် နိုင်ငံသားစိစစ်ရေးကတ်များနှင့် UID(Smat Card)များ ကွင်းဆင်းဆောင်ရွက်ခြင်းလုပ်ငန်းများကို ယမန်နေ့က လက်ခုပ်ကုန်းကျေးရွာတွင် ကွင်းဆင်းဆောင်ရွက်သည်။ ထိုသို့ကွင်းဆင်းဆောင်ရွက်ရာတွင် လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ရန်ကုန်တိုင်းဒေသကြီး ကွမ်းခြံကုန်းမြို့နယ် ဦးစီးမှူးရုံး ဦးစီးအရာရှိ ဦးတင်စိုးနှင့်ဝန်ထမ်းများက လက်ခုပ်ကုန်းကျေးရွာတွင် အသက် ၁၀ နှစ်နှင့် ၁၈ နှစ်ကြား နိုင်ငံသားစိစစ်ရေး ကတ်မရှိသူများနှင့် အသက် ၁၈ နှစ်အထက် နိုင်ငံသားစိစစ်ရေးကတ် မရှိသူများအား နိုင်ငံသားစိစစ်ရေးကတ် ဆောင်ရွက်ပေးခြင်းနှင့် UID (Smart Card)မပြုလုပ်ရသေးသူများကို ကျေးရွာအရောက် ကွင်းဆင်း ဆောင်ရွက်ပေးခဲ့ကြောင်း သိရသည်။ဆွေနွယ်(ပြန်/ဆက်MDN
Mon, 27-Apr-2026
မြန်မာအမျိုးသားလေကြောင်း မြိတ်-ထားဝယ်-မြိတ် ခရီးစဉ် ပျံသန်းပြေးဆွဲ
မြန်မာအမျိုးသားလေကြောင်း မြိတ်-ထားဝယ်-မြိတ် ခရီးစဉ် ပျံသန်းပြေးဆွဲ
နေပြည်တော် ဧပြီ ၂၆ နိုင်ငံတော်သမ္မတ၏ လမ်းညွှန်ချက်အရ ပို့ဆောင်ရေးဝန်ကြီးဌာန မြန်မာအမျိုးသားလေကြောင်းအနေဖြင့် လမ်းပန်းဆက်သွယ်မှု ခက်ခဲသည့် မြို့များသို့ ခရီးသွား ပြည်သူများ သွားလာမှုအဆင်ပြေ လွယ်ကူချောမွေ့စေရေးအတွက် L-410 လေယာဉ်ငယ်များဖြင့် ရန်ကုန်မြို့မှ ရခိုင်ပြည်နယ် မာန်အောင်မြို့နှင့် ကျောက်ဖြူမြို့များသို့လည်းကောင်း၊ တနင်္သာရီ တိုင်းဒေသကြီး မြိတ်လေဆိပ်ကို အခြေပြု၍ ထားဝယ်မြို့၊ ဘုတ်ပြင်းမြို့နှင့် ကော့သောင်းမြို့များသို့ လည်းကောင်း ဧပြီ ၂၄ ရက် နံနက်ပိုင်းမှစတင်၍ ပျံသန်းပြေးဆွဲ လျက်ရှိသည်။ မြန်မာအမျိုးသားလေကြောင်းသည် အဆိုပါ L-410 လေယာဉ်ဖြင့် ယနေ့ နံနက် ၈ နာရီတွင် မြိတ်မြို့ မှ ခရီးသည် ၁၄ ဦး တင်ဆောင်၍ ထားဝယ်သို့ ပျံသန်းထွက်ခွာခဲ့ရာ ၈ နာရီ ၄၅ မိနစ်တွင် ထားဝယ်သို့ ရောက်ရှိပြီး ထားဝယ်လေဆိပ်တွင် တနင်္သာရီတိုင်းဒေသကြီး ဝန်ကြီးချုပ်နှင့် တာဝန်ရှိသူများက ခရီးစဉ်သစ်ပျံသန်းပြေးဆွဲမှုကို အခမ်းအနားဖြင့် ကြိုဆိုကြကာ အဆိုပါလေယာဉ်သည် နံနက် ၁၀ နာရီတွင် ထားဝယ်မှ ခရီးသည် ၁၆ ဦး တင်ဆောင်၍ မြိတ်မြို့သို့ ပျံသန်းထွက်ခွာခဲ့ရာ နံနက် ၁၀ နာရီ ၅၂ မိနစ်တွင် ပြန်လည်ရောက်ရှိကြောင်း ပို့ဆောင်ရေးဝန်ကြီးဌာနမှ သိရသည်။ သတင်းစဉ်MDN
Mon, 27-Apr-2026
မင်္ဂလာတောင်ညွန့်မြို့နယ်၌ နိုင်ငံသားစိစစ်ရေးကတ်များ ကွင်းဆင်းဆောင်ရွက်
မင်္ဂလာတောင်ညွန့်မြို့နယ်၌ နိုင်ငံသားစိစစ်ရေးကတ်များ ကွင်းဆင်းဆောင်ရွက်
ရန်ကုန် ဧပြီ ၂၆ ရန်ကုန်တိုင်းဒေသကြီး မင်္ဂလာတောင်ညွန့်မြို့နယ် သာယာကုန်းရပ်ကွက် အုပ်ချုပ်ရေးမှူးရုံးတွင် အသက် ၁၀ နှစ်အထက် နိုင်ငံသားစိစစ်ရေးကတ် မပြုလုပ်ရသေးသူများအား  အစိုးရသစ်လက်ထက် ရက်(၁၀၀) စီမံချက်ဖြင့် မြို့နယ်လူဝင်မှုကြီးကြပ်‌ရေးနှင့် ပြည်သူ့အင်အားဝန်ကြီးဌာန ဦးစီးမှူး ဦးမောင်မောင်က ကြီးကြပ်၍ ဧပြီ ၂၅ ရက်တွင် ဆောင်ရွက်ပေးသည်။ ထိုသို့ဆောင်ရွက်ရာသို့ မြို့နယ်လဝကမှူး ဒေါ်မြမြသန်း၊ ဒုတိယလဝကမှူး ဒေါ်ဆုဆုလှိုင်နှင့် လက်ထောက်လဝကမှူး ဦးမင်းခန့်အောင်တို့က ကွင်းဆင်းဆောင်ရွက်ပေးခဲ့ကြောင်း သိရသည်။ကျော်စိုးမိုး(မင်္ဂလာတောင်ညွန့်)MDN
Mon, 27-Apr-2026
© Copyright 2024 SAC All Rights Reserved.