၂၀၂၆ ခုနှစ် နှစ်လယ်ပိုင်းတွင် အယ်နီညိုဖြစ်ပေါ်နိုင်ခြေ ပိုမိုမြင့်မားလာကြောင်း WMO ထုတ်ပြန်

NoahJune222

News Image

  • ၂၀၂၆ ခုနှစ် နှစ်လယ်ပိုင်းတွင် အယ်နီညိုဖြစ်ပေါ်နိုင်ခြေ ပိုမိုမြင့်မားလာကြောင်း WMO ထုတ်ပြန်

၂၀၂၆ ခုနှစ် နှစ်လယ်ပိုင်းတွင် အယ်နီညို (El Nino) ရာသီဥတုဖြစ်စဉ် စတင်ဖြစ်ပေါ်လာနိုင်ပြီး ကမ္ဘာ့အပူချိန်နှင့် မိုးရွာသွန်းမှုပုံစံအပေါ် သက်ရောက်မှုရှိနိုင်ကြောင်း ကမ္ဘာ့မိုးလေဝသအဖွဲ့ (WMO) က ဧပြီ ၂၄ ရက်တွင် သတင်းထုတ်ပြန်ထားသည်။ ပစိဖိတ်သမုဒ္ဒရာ၏ အီကွေတာအနီးရှိ ပင်လယ်ရေမျက်နှာပြင်အပူချိန်များ   လျင်မြန်စွာ မြင့်တက်နေခြင်းကြောင့် မေလမှ ဇူလိုင်လအတွင်း အယ်နီညိုအခြေအနေသို့ ပြန်လည်ရောက်ရှိနိုင်ခြေ မြင့်မားနေခြင်းဖြစ်သည်။

ထိုရာသီဥတုဖြစ်စဉ်ကြောင့် လာမည့်သုံးလတာကာလအတွင်း ကမ္ဘာ့ကုန်းမြေဒေသအများစုတွင် ပုံမှန်ထက်ပိုသောအပူချိန်များဖြစ်ပေါ်နိုင်ပြီး ဒေသအလိုက် မိုးရွာသွန်းမှုပုံစံများလည်း ပြောင်းလဲနိုင်ကြောင်း ခန့်မှန်းထားသည်။ ယခုနှစ်အစပိုင်းတွင် ရာသီဥတုအခြေအနေမှာ ပုံမှန်အဆင့်၌သာ ရှိသော်လည်း လက်ရှိတွက်ချက်မှုများအရ အယ်နီညိုဖြစ်ပေါ်ရန် သေချာသလောက်ရှိနေပြီး နောက်ပိုင်းလများတွင် ပိုမိုပြင်းထန်လာနိုင်ကြောင်း WMO ၏ ရာသီဥတုခန့်မှန်းချက်ဆိုင်ရာ အကြီးအကဲကပြောသည်။

အယ်နီညိုဖြစ်စဉ်သည် ပုံမှန်အားဖြင့် ၂  နှစ်မှ ၇ နှစ်လျှင် တစ်ကြိမ်ဖြစ်ပွားလေ့ရှိပြီး ၉ လမှ ၁၂ လအထိ ကြာလေ့ရှိကာ ကမ္ဘာ့ရာသီဥတုကို ပူနွေးစေသော သက်ရောက်မှုရှိသည်။ အဆိုပါဖြစ်စဉ်သည် တောင်အမေရိက တောင်ပိုင်းနှင့် အမေရိကတောင်ပိုင်းဒေသတို့တွင် မိုးများစေနိုင်သော်လည်း အာရှတောင်ပိုင်းဒေသအချို့တွင် မိုးခေါင်ရေရှားမှုကို ဖြစ်ပေါ်စေသည်။ အပူလှိုင်းဖြတ်ခြင်းနှင့် မိုးသည်းထန်စွာရွာခြင်းကဲ့သို့သော ပြင်းထန်သည့် မိုးလေဝသ အခြေအနေများလည်း ဖြစ်ပေါ်နိုင်သည်။ 

MWD

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

၂၀၂၆ ခုနှစ် နှစ်လယ်ပိုင်းတွင် အယ်နီညိုဖြစ်ပေါ်နိုင်ခြေ ပိုမိုမြင့်မားလာကြောင်း WMO ထုတ်ပြန်
၂၀၂၆ ခုနှစ် နှစ်လယ်ပိုင်းတွင် အယ်နီညိုဖြစ်ပေါ်နိုင်ခြေ ပိုမိုမြင့်မားလာကြောင်း WMO ထုတ်ပြန်
၂၀၂၆ ခုနှစ် နှစ်လယ်ပိုင်းတွင် အယ်နီညို (El Nino) ရာသီဥတုဖြစ်စဉ် စတင်ဖြစ်ပေါ်လာနိုင်ပြီး ကမ္ဘာ့အပူချိန်နှင့် မိုးရွာသွန်းမှုပုံစံအပေါ် သက်ရောက်မှုရှိနိုင်ကြောင်း ကမ္ဘာ့မိုးလေဝသအဖွဲ့ (WMO) က ဧပြီ ၂၄ ရက်တွင် သတင်းထုတ်ပြန်ထားသည်။ ပစိဖိတ်သမုဒ္ဒရာ၏ အီကွေတာအနီးရှိ ပင်လယ်ရေမျက်နှာပြင်အပူချိန်များ   လျင်မြန်စွာ မြင့်တက်နေခြင်းကြောင့် မေလမှ ဇူလိုင်လအတွင်း အယ်နီညိုအခြေအနေသို့ ပြန်လည်ရောက်ရှိနိုင်ခြေ မြင့်မားနေခြင်းဖြစ်သည်။ထိုရာသီဥတုဖြစ်စဉ်ကြောင့် လာမည့်သုံးလတာကာလအတွင်း ကမ္ဘာ့ကုန်းမြေဒေသအများစုတွင် ပုံမှန်ထက်ပိုသောအပူချိန်များဖြစ်ပေါ်နိုင်ပြီး ဒေသအလိုက် မိုးရွာသွန်းမှုပုံစံများလည်း ပြောင်းလဲနိုင်ကြောင်း ခန့်မှန်းထားသည်။ ယခုနှစ်အစပိုင်းတွင် ရာသီဥတုအခြေအနေမှာ ပုံမှန်အဆင့်၌သာ ရှိသော်လည်း လက်ရှိတွက်ချက်မှုများအရ အယ်နီညိုဖြစ်ပေါ်ရန် သေချာသလောက်ရှိနေပြီး နောက်ပိုင်းလများတွင် ပိုမိုပြင်းထန်လာနိုင်ကြောင်း WMO ၏ ရာသီဥတုခန့်မှန်းချက်ဆိုင်ရာ အကြီးအကဲကပြောသည်။အယ်နီညိုဖြစ်စဉ်သည် ပုံမှန်အားဖြင့် ၂  နှစ်မှ ၇ နှစ်လျှင် တစ်ကြိမ်ဖြစ်ပွားလေ့ရှိပြီး ၉ လမှ ၁၂ လအထိ ကြာလေ့ရှိကာ ကမ္ဘာ့ရာသီဥတုကို ပူနွေးစေသော သက်ရောက်မှုရှိသည်။ အဆိုပါဖြစ်စဉ်သည် တောင်အမေရိက တောင်ပိုင်းနှင့် အမေရိကတောင်ပိုင်းဒေသတို့တွင် မိုးများစေနိုင်သော်လည်း အာရှတောင်ပိုင်းဒေသအချို့တွင် မိုးခေါင်ရေရှားမှုကို ဖြစ်ပေါ်စေသည်။ အပူလှိုင်းဖြတ်ခြင်းနှင့် မိုးသည်းထန်စွာရွာခြင်းကဲ့သို့သော ပြင်းထန်သည့် မိုးလေဝသ အခြေအနေများလည်း ဖြစ်ပေါ်နိုင်သည်။ MWD
Sat, 25-Apr-2026
အမျိုးသားအဆင့် ပတ်ဝန်းကျင်ဆိုင်ရာဓာတ်ခွဲခန်း တည်ဆောက်ခြင်းစီမံကိန်း(ပထမအဆင့်) စီမံကိန်းဖွင့်ပွဲကျင်းပ
အမျိုးသားအဆင့် ပတ်ဝန်းကျင်ဆိုင်ရာဓာတ်ခွဲခန်း တည်ဆောက်ခြင်းစီမံကိန်း(ပထမအဆင့်) စီမံကိန်းဖွင့်ပွဲကျင်းပ
နေပြည်တော်   ဧပြီ ၂၄   ပြည်ထောင်စုနယ်မြေ နေပြည်တော်တွင် မဲခေါင် - လန်ချန်း ပူးပေါင်းဆောင်ရွက်မှု အထူးရန်ပုံငွေ (၂၀၂၅) ဖြင့် အကောင်အထည်ဖော် ဆောင်ရွက်မည့် အမျိုးသားအဆင့် ပတ်ဝန်းကျင်ဆိုင်ရာ ဓာတ်ခွဲခန်း တည်ဆောက်ခြင်းစီမံကိန်း (ပထမအဆင့်) ၏ စီမံကိန်းဖွင့်ပွဲ အခမ်းအနားကို ယနေ့နံနက်ပိုင်းတွင် နေပြည်တော်ရှိ Grand Amara Hotel ၌ကျင်းပသည်။ အခမ်းအနားသို့ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦး၊ ဒုတိယဝန်ကြီး ဒေါက်တာသောင်းနိုင်ဦးနှင့် ဦးခင်လတ်ကြီး၊ အမြဲတမ်းအတွင်းဝန်၊ မြန်မာနိုင်ငံဆိုင်ရာ တရုတ်ပြည်သူ့ သမ္မတနိုင်ငံသံရုံးမှ တာဝန်ရှိသူများ၊ နိုင်ငံခြားရေးဝန်ကြီးဌာနမှ မဲခေါင်-လန်ချန်း ပူးပေါင်းဆောင်ရွက်ရေးအဖွဲ့ ဥက္ကဋ္ဌနှင့် တာဝန်ရှိသူများ တက်ရောက်ကြသည်။ အခမ်းအနားတွင် ပြည်ထောင်စုဝန်ကြီးက အမျိုးသားအဆင့် ပတ်ဝန်းကျင်ဆိုင်ရာ ဓာတ်ခွဲခန်း တည်ဆောက်ခြင်းစီမံကိန်း (ပထမအဆင့်)သည် မြန်မာနိုင်ငံမှ မဲခေါင်-လန်ချန်း ပူးပေါင်း ဆောင်ရွက်မှု အထူးရန်ပုံငွေ (၂၀၂၅)ဖြင့် အကောင်အထည်ဖော်သည့် စီမံကိန်းဖြစ်ကြောင်း၊ ပတ်ဝန်းကျင်ညစ်ညမ်းမှု များကို ကာကွယ်နိုင်ရန်၊ လေထု၊ ရေထု၊ မြေထု အရည်အသွေးများကို ဆန်းစစ်အကဲဖြတ်နိုင်ရန်၊ ဝန်ထမ်းများ၏ လုပ်ငန်းစွမ်းဆောင်ရည်ကို မြှင့်တင်ပေးနိုင်ရန်နှင့် အမျိုးသား ပတ်ဝန်းကျင် အရည်အသွေး စံချိန်စံညွှန်းများ ရေးဆွဲသတ်မှတ်နိုင်ရေး အခြေခံအချက်အလက်များ စုဆောင်းနိုင်ရန် ရည်ရွယ်ပြီး စီမံကိန်းကို အကောင်အထည်ဖော်ဆောင်ရွက်ခြင်း ဖြစ်ကြောင်း။ ကောင်းမွန်သည့် သဘာဝပတ်ဝန်းကျင် အခြေအနေအဖြစ် ထိန်းသိမ်းနိုင်ရန်အတွက် ကိန်းဂဏန်း အချက်အလက် အထောက်အထားများအပေါ် အခြေခံပြီး စနစ်တကျလေ့လာဆန်းစစ်နိုင်ရေး အတွက် ပတ်ဝန်းကျင်ဆိုင်ရာ ဓာတ်ခွဲခန်းတည်ဆောက်ရန် မဖြစ်မနေလိုအပ်ကြောင်း၊ အမျိုးသားအဆင့် ပတ်ဝန်းကျင်ဆိုင်ရာ ဓာတ်ခွဲခန်း တည်ဆောက်ခြင်း စီမံကိန်းသည် မြန်မာနိုင်ငံတွင် ပတ်ဝန်းကျင် ထိန်းသိမ်းရေး လုပ်ငန်းများကို ထိရောက်စွာ အကောင်အထည်ဖော်ဆောင်ရွက်နိုင်ရန်အတွက် များစွာ အထောက်အကူပြုနိုင်မည်ဖြစ်ကြောင်း။ စီမံကိန်း၏ ဒုတိယအဆင့်နှင့် တတိယအဆင့်များကိုလည်း သတ်မှတ်ကာလများအတိုင်း ဆက်လက် ဆောင်ရွက်သွားမည်ဖြစ်ကြောင်းနှင့် ယခုစီမံကိန်းကို အောင်မြင်စွာ အကောင်အထည်ဖော် ဆောင်ရွက်နိုင်ရေးအတွက် အဘက်ဘက်မှ ပံ့ပိုးကူညီထောက်ပံ့ပေးခဲ့ကြသည့် တရုတ်ပြည်သူ့ သမ္မတနိုင်ငံအစိုးရ၊ မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံရုံးမှ တာဝန်ရှိသူများ၊ နိုင်ငံခြားရေးဝန်ကြီးဌာန၊ မဲခေါင်-လန်ချန်း ပူးပေါင်းဆောင်ရွက်ရေးအဖွဲ့နှင့် သက်ဆိုင်ရာ တာဝန်ရှိသူများ အားလုံးကို အထူးကျေးဇူးတင်ရှိကြောင်း ပြောကြားသည်။ ထို့နောက် တရုတ်ပြည်သူ့သမ္မတနိုင်ငံမှ Minister Counsellor Dr. Zheng Znhongr (ဒေါက်တာ ကျန့်ကျစ်ဟုန်)နှင့် မဲခေါင် - လန်ချန်း ပူးပေါင်းဆောင်ရွက်မှု ပူးပေါင်းညှိနှိုင်းရေးအဖွဲ့ ဒုတိယဥက္ကဋ္ဌ ဦးအောင်ကျော်မိုးတို့က အမှာစကားပြောကြားကြကြောင်း သိရသည်။ သတင်းစဉ်MDN
Sat, 25-Apr-2026
ပြည်ထောင်စုစာရင်းစစ်ချုပ်ရုံး ဒု-စာရင်းစစ်မှူး (၈၁)နေရာနှင့် လက်ထောက်စာရင်းစစ်မှူး (၁၈၇) နေရာအတွက် လျှောက်လွှာပိတ်ရက်ကို (၂၉-၄-၂၀၂၆)ရက်နေ့ အစား (၂၉-၅-၂၀၂၆)ရက်နေ့အထိ တိုးမြှင့်
ပြည်ထောင်စုစာရင်းစစ်ချုပ်ရုံး ဒု-စာရင်းစစ်မှူး (၈၁)နေရာနှင့် လက်ထောက်စာရင်းစစ်မှူး (၁၈၇) နေရာအတွက် လျှောက်လွှာပိတ်ရက်ကို (၂၉-၄-၂၀၂၆)ရက်နေ့ အစား (၂၉-၅-၂၀၂၆)ရက်နေ့အထိ တိုးမြှင့်
Sat, 25-Apr-2026
တစ်ဦးတစ်ယောက်ချင်းစီမှ အဖွဲ့၊ တပ်စိတ်၊ တပ်စုအဆင့်ဆင့်သည် အဖွဲ့အစည်းစိတ်ဓာတ်ဖြင့် ပူးပေါင်း လုပ်ကိုင်ခြင်းဖြင့် ရည်မှန်းချက်တာဝန်များ အောင်မြင်အောင်ဆောင်ရွက်
တစ်ဦးတစ်ယောက်ချင်းစီမှ အဖွဲ့၊ တပ်စိတ်၊ တပ်စုအဆင့်ဆင့်သည် အဖွဲ့အစည်းစိတ်ဓာတ်ဖြင့် ပူးပေါင်း လုပ်ကိုင်ခြင်းဖြင့် ရည်မှန်းချက်တာဝန်များ အောင်မြင်အောင်ဆောင်ရွက်
နေပြည်တော် ဧပြီ ၂၄ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦးသည် ယနေ့နံနက်ပိုင်းတွင် မိုင်းဖြတ်၊ မိုင်းယောင်း၊ တာလေ၊ တာချီလိတ်တပ်နယ်များမှ အရာရှိ၊ စစ်သည်၊ မိသားစုများအား မိုင်းဖြတ်မြို့ရှိ နယ်မြေခံတပ်နယ်ခန်းမ၌ သွားရောက်တွေ့ဆုံ၍ အမှာစကား ပြောကြားသည်။ အဆိုပါတွေ့ဆုံပွဲသို့ တပ်မတော်ကာကွယ်ရေးဦးစီးချုပ်၏ဇနီး ဒေါ်နီလာ၊ ကာကွယ်ရေး ဦးစီးချုပ် (ရေ) ဗိုလ်ချုပ်ကြီး ထိန်ဝင်းနှင့်ဇနီး၊ ကာကွယ်ရေးဦးစီးချုပ် (လေ) ဒုတိယဗိုလ်ချုပ်ကြီးထွန်းဝင်းနှင့် ဇနီး၊ ကာကွယ်ရေး ဦးစီးချုပ်ရုံးမှ အဆင့်မြင့်တပ်မတော်အရာရှိကြီးများနှင့် ဇနီးများ၊ တြိဂံဒေသ တိုင်းစစ်ဌာနချုပ်တိုင်းမှူးနှင့် တပ်နယ်များမှ အရာရှိ၊ စစ်သည်၊ မိသားစု များတက်ရောက်ကြသည်။ ထိုသို့တွေ့ဆုံစဉ် တပ်မတော်ကာကွယ်ရေးဦးစီးချုပ်က အမှာစကားပြောကြားရာတွင် တပ်မတော်သားများသည် နိုင်ငံတော်ကို ချစ်သောစိတ်၊ တိုင်းပြည်ကို ချစ်သောစိတ်တို့ဖြင့် မိမိ ဆန္ဒအလျောက် စွန့်လွှတ်စွန့်စားစွာ တာဝန်ထမ်းဆောင်နေသူများဖြစ်ကြောင်း၊ အလားတူ တပ်မတော်သားများ၏ ဇနီးများသည်လည်း ကောင်းတူဆိုးဘက် တာဝန်ကျရာနေရာတွင် ပါရမီဖြည့်ဖက်ကောင်းများအဖြစ် လိုက်ပါနေထိုင်၍ တပ်ရေးတပ်ရာ ကိစ္စရပ်များတွင် ပူးပေါင်းပါဝင် လုပ်ကိုင်လျက်ရှိကြကြောင်း၊ ထို့အပြင် တပ်မတော်သည် ရဲဘော်စိတ်ကိုအခြေခံ၍ တည်ဆောက် ထားကာ အထက်အောက် လေးစားသော စိတ်ဓာတ်၊ ရွယ်တူကိုလေးစားသော စိတ်ဓာတ်၊ ငယ်သူကို ညှာတာသော စိတ်ဓာတ်ရှိသည့် ခိုင်မာသောအဖွဲ့အစည်းဖြစ်ကြောင်း၊ တစ်ဦးတစ်ယောက်ချင်းစီမှ အဖွဲ့၊ တပ်စိတ်၊ တပ်စုအဆင့်ဆင့်သည် အဖွဲ့အစည်းစိတ်ဓာတ်ဖြင့် ပူးပေါင်းလုပ်ကိုင်ခြင်းဖြင့် ရည်မှန်းချက် တာဝန်များကို အောင်မြင်အောင် ဆောင်ရွက်နိုင်ရန်လိုကြောင်း။ တပ်မတော်သားများအတွက် စောင့်ထိန်းလိုက်နာရမည့် စစ်သည်တော် ကျင့်ဝတ်အပါး (၆၀) ကို ပြဋ္ဌာန်းထားပြီးဖြစ်ကြောင်း၊ ကျင့်ဝတ်များကို လိုက်နာခြင်းဖြင့် အထက်အောက်ဆက်ဆံရေး၊ လုပ်ဖော်ကိုင်ဖက် ဆက်ဆံရေး၊ ပြည်သူလူထုနှင့်ဆက်ဆံရေးများတွင် အဆင်ပြေနိုင်မည်ဖြစ်၍ ကျင့်ဝတ်အပါး (၆၀) ကို ခါးဝတ်ပုဆိုးကဲ့သို့ မြဲမြံစွာစောင့်ထိန်း လိုက်နာရန်လိုအပ်ကြောင်း၊ စည်းကမ်း သည် တပ်မတော်၏ အသက်သွေးကြောဖြစ်၍ စည်းကမ်းနှင့်ပတ်သက်၍ အလျှော့ပေး၍မရကြောင်း၊ တပ်မတော်တွင် တာဝန်ထမ်းဆောင်မှုမှ စားသောက်နေထိုင်သွားလာမှုများအထိ ထောင့်စုံအောင် သတ်မှတ်ထားသည့် စည်းကမ်းများရှိပြီး အိမ်ထောင်သည်လိုင်းစည်းကမ်း၊ တပ်ပြင်ထွက်ခွင့် စည်းကမ်း စသဖြင့်သတ်မှတ်ထားကာ လိုက်နာကြရန်လိုကြောင်း၊ စည်းကမ်းချိုးဖောက်မှုများနှင့် ပတ်သက်၍ လျစ်လျူရှု၍မရကြောင်း၊ အိမ်ထောင်တစ်ခု၊ အဖွဲ့အစည်းတစ်ခုအတွင်း စည်းကမ်းချိုးဖောက်မှုကို လျစ်လျူရှုခြင်းသည် ၎င်းအိမ်ထောင်နှင့် အဖွဲ့အစည်းအတွင်း ပျက်စီးရာပျက်စီးကြောင်းကို ဖြစ်ပေါ်စေကြောင်း၊ တာဝန်ရှိသူများ၏ ဘာသိဘာသာနေမှုသည် အဖွဲ့အစည်းကို ထိခိုက်စေသည် သာမက ပတ်ဝန်းကျင်ကိုပါ ထိခိုက်စေနိုင်သဖြင့် စည်းကမ်းနှင့်အညီ ပြုပြင်ဆုံးမရန် လိုကြောင်း၊ သို့ဖြစ်၍ စည်းကမ်းနှင့်ပတ်သက်လာပါက အမိအဖစိတ်ဓာတ်၊ တပ်မှူးကောင်းစိတ်ဓာတ်တို့ဖြင့် မပြတ်သွန်သင် ဆုံးမခြင်းဖြင့် မကောင်းမှုကိုတားမြစ်နိုင်ပြီး စည်းကမ်းကောင်းသော တပ်မတော် အဖြစ် အစဉ်ရပ်တည်နိုင်မည်ဖြစ်ကြောင်း။အထက်ပါ စိတ်ဓာတ်နှင့်စည်းကမ်းကဲ့သို့ အရေးကြီးသောအချက်မှာ သစ္စာရှိမှုပင်ဖြစ်ကြောင်း၊ သစ္စာရှိမှုသည် တပ်မတော်သားတိုင်းအတွက် ဘဝနှင့်သက်ဆိုင်၍ လေးနက်မှုရှိကြောင်း၊ တပ်မတော် သားတို့သည် နိုင်ငံတော်အတွက် အသက်ကိုပင်စွန့်လွှတ်မည်ဟု ကတိသစ္စာပြုထားသူများ ဖြစ်ကြကြောင်း၊ နိုင်ငံတော်အတွက် သစ္စာရှိစွာ စွန့်လွှတ်စွန့်စား တာဝန်ထမ်းဆောင်သော သူများကိုလည်း ချီးမြှောက်မှုများ ပြုလုပ်ပေးလျက်ရှိကြောင်း၊ သစ္စာရှိမှု ဆိုရာတွင်လည်း နိုင်ငံတော်နှင့် တပ်မတော်အပြင် မိမိရဲဘော်ရဲဘက်နှင့် မိသားစုများအပေါ် သစ္စာရှိစွာ အမြဲစောင့်ထိန်းနေရန် အလေးအနက်ထား မှာကြားလိုကြောင်း၊ တစ်ဦးတစ်ယောက်ချင်းစီ၏ သစ္စာရှိစွာ လိုက်နာကျင့်ကြံမှုမှ အဖွဲ့အစည်းအပေါ် သက်ရောက်မှုရှိပြီး စည်းလုံးညီညွတ်မှုကိုလည်း တည်ဆောက်နိုင်မည် ဖြစ်ကြောင်း။စိတ်ဓာတ်၊ စည်းကမ်းကောင်းမွန်မှု၊ သစ္စာရှိမှုကို အခြေခံ၍ တော်တည့်မှန်ကန်သော ခေါင်းဆောင်မှုပေးခြင်းဖြင့် အဖွဲ့အစည်းအတွင်း စည်းလုံးညီညွတ်မှုကို ရရှိနိုင်မည်ဖြစ်ကြောင်း၊ တပ်မှူးလုပ်သူသည် မှန်ကန်သောအမိန့်ကို ပေးရန်လိုပြီး ၎င်းအမိန့်ကို လိုက်ပါဆောင်ရွက် နိုင်ရန်လည်း လိုအပ်ချက်ကို ဖြည့်ဆည်းပေးနိုင်ရန်လိုကြောင်း၊ ကောင်းမွန်သောခေါင်းဆောင်မှုနှင့် စည်းလုံးညီညွတ်မှု ရှိသော တပ်ရင်း/တပ်ဖွဲ့သည် မည်သည့်ကိစ္စကိုမဆို အောင်မြင်အောင်လုပ်ဆောင် နိုင်ကြောင်း၊ စိတ်ဓာတ်၊ စည်းကမ်း ကောင်းမွန်ခြင်း၊ သစ္စာရှိခြင်း၊ စည်းလုံးခြင်းဟူသော အချက် (၄) ချက်နှင့်ပြည့်စုံခြင်းဖြင့် စွမ်းရည်သုံးရပ် ပြည့်စုံနိုင်မည်ဖြစ်ကြောင်း၊ စွမ်းရည်သုံးရပ်တွင်လည်း တပ်ရင်း/တပ်ဖွဲ့တိုင်းသည် စစ်ရေးစွမ်းရည်ပြည့်ဝနေရန် အမြဲလေ့ကျင့် နေကြရန်လိုကြောင်း။ လုပ်ငန်းတာဝန်များ ထမ်းဆောင်နိုင်ရန် ကျန်းမာကြံ့ခိုင်မှုသည် အခြေခံလိုအပ်ချက်ဖြစ်ကြောင်း၊ ကျန်းမာရေးကြောင့် မလိုလားအပ်သော ပြုန်းတီးမှုများဖြစ်ပေါ်လျက်ရှိပြီး တပ်မတော်အတွက် ဆုံးရှုံးမှုများ ဖြစ်ပေါ်သကဲ့သို့ မိသားစုများအတွက်လည်း ဝန်ထုပ်ဝန်ပိုးဖြစ်စေကြောင်း၊ ကျန်းမာရေး၊ ပညာရေးနှင့် ဘာသာရေးတို့သည် မိမိကိုယ်တိုင်ကြိုးစားလုပ်ယူရသော ကိစ္စရပ်များဖြစ်ကြောင်း၊ သို့ဖြစ်၍ ကျန်းမာရေးကို ကိုယ်စီဂရုစိုက်ကြရန်နှင့် ကျန်းမာရေးထိခိုက်စေသည့် အပျော်အပါးများကို ရှောင်ကြဉ်ရန် မှာကြားလိုကြောင်း။ ပညာရေးနှင့်ပတ်သက်၍ တပ်မတော်သားများ၏ သား/သမီးအားလုံးကို KG+9 အဆင့်အထိ အနည်းဆုံးတတ်မြောက်အောင် ဝိုင်းဝန်းကြိုးစား ဆောင်ရွက်သွားရမည် ဖြစ်ကြောင်း၊ KG+9 တက်ရောက်အောင်မြင်ပြီးသူများ အနေဖြင့်လည်း စက်မှုသိပ္ပံကျောင်းများ၊ စိုက်ပျိုးရေးသိပ္ပံကျောင်းများ၊ မွေးမြူရေးသိပ္ပံကျောင်းများသို့ ဆက်လက် တက်ရောက်နိုင်မည်ဖြစ်သဖြင့် တာဝန်ရှိသူများအနေဖြင့် အခွင့်အလမ်းများရရှိအောင် စီမံ ဆောင်ရွက်ပေးလျက်ရှိကြောင်း၊ ထိုသို့ဆောင်ရွက်ပေးခြင်းသည် တပ်မတော်နှင့် နိုင်ငံတော် အတွက် လူသားအရင်းအမြစ်များ ထွက်ပေါ်လာအောင် ဆောင်ရွက်ပေးနေ ခြင်းဖြစ်ကြောင်း။ တပ်မတော်သားများနှင့် မိသားစုဝင်များအနေဖြင့် ဗဟုသုတရစေသည့် ပြင်ပစာပေများကို ဖတ်ရှု လေ့လာရန်လိုကြောင်း၊ တပ်မတော်မှ ထုတ်ဝေဖြန့်ချိလျက်ရှိသော မဂ္ဂဇင်း၊ ဂျာနယ်များနှင့် သတင်းစာများကို အချိန်မီရရှိအောင် တာဝန်ရှိသူများက စီမံဆောင်ရွက်ပေးရန်လိုကြောင်း၊ မူးယစ်ဆေးဝါး ကိစ္စများနှင့်ပတ်သက်၍ သုံးစွဲခြင်း၊ လက်ဝယ်ထားရှိခြင်း၊ ရောင်းချခြင်း လုံး ဝမပြုလုပ်ရန်နှင့် မိသားစုဝင်များပါ ကင်းကင်းရှင်းရှင်းရှိစေရေး ကြပ်မတ်သွန်သင်နေရန်လိုကြောင်း၊ အလားတူ လောင်းကစားခြင်းသည်လည်း ဆိုးရွားသောအကျိုးဆက်များကိုဖြစ်ပေါ်စေ၍ မိသားစုနှင့် လုပ်ငန်းတာဝန်များကိုပါ ထိခိုက်စေနိုင်ကြောင်း၊ အွန်လိုင်းလိမ်လည် လောင်းကစားမှုနှင့် ပတ်သက်၍လည်း အမျိုးသားရေးတာဝန်တစ်ရပ်အဖြစ် သဘောထား၍ သတင်းရရှိသည်နှင့် တစ်ပြိုင်နက် သက်ဆိုင်ရာ တာဝန်ရှိသူများထံ အချိန်မီသတင်းပို့ တားဆီးနိုင်ရန်လိုကြောင်း။ တပ်မတော်အနေဖြင့် တပ်မတော်သားများနှင့် မိသားစုဝင်များ၏ သက်သာချောင်ချိရေးအတွက် လိုအပ်ချက်များကို အမြဲမပြတ်ဖြည့်ဆည်းပေးလျက်ရှိကြောင်း၊ မိသားစုဝင်များအနေဖြင့်လည်း တပ်ပိုင်နှင့် တစ်ပိုင်တစ်နိုင် စိုက်ပျိုး/မွေးမြူရေးလုပ်ငန်းများကို အောင်မြင်အောင် ဆောင်ရွက်ကြရေး တိုက်တွန်းလိုကြောင်း၊ ထိုသို့ ဆောင်ရွက်ခြင်းဖြင့် မိသားစု၏စားဝတ်နေရေးကို တစ်ဖက်တစ်လမ်းမှ အထောက်အကူပြုစေမည်ဖြစ်ပြီး သက်သာချောင်ချိမှုဖြစ်ပေါ်နိုင်မည်ဖြစ်ကြောင်း။ မိုင်းဖြတ်၊ မိုင်းယောင်း၊ တာလေ၊ တာချီလိတ်ဒေသတို့သည် တိုင်းရင်းသား ပြည်သူလူထုအများစု နေထိုင်ရာနယ်မြေများဖြစ်၍ ဒေသခံတိုင်းရင်းသားများနှင့် ထိတွေ့ဆက်ဆံရာတွင် တပ်မတော်သား ပီသစွာ ကျင့်ဝတ်နှင့်အညီ ပြုမူပြောဆိုရန်နှင့် ဒေသအလိုက် သဘာဝဘေးအန္တရာယ်များ ကြုံတွေ့လာခဲ့ပါကလည်း အထက်အမိန့်မစောင့်ဘဲ ထိရောက်သောကူညီမှုများ ဆောင်ရွက် ပေးခြင်းဖြင့် ပြည်သူလူထု၏ ယုံကြည်လေးစားမှုကိုရရှိအောင် ဆောင်ရွက်ကြရန်လိုကြောင်း ပြောကြားပြီး အရာရှိ၊ စစ်သည်၊ မိသားစုများ၏  လိုအပ်ချက်များကိုမေးမြန်းကာ လိုအပ်သည်များကို တာဝန်ရှိသူများနှင့် ပေါင်းစပ်ညှိနှိုင်း ဖြည့်ဆည်းဆောင်ရွက်ပေးသည်။ ထို့နောက် တပ်မတော်ကာကွယ်ရေး ဦးစီးချုပ်က တပ်နယ်များမှ အရာရှိ၊ စစ်သည်၊ မိသားစုများအတွက် စားသောက်ဖွယ်ရာပစ္စည်းများနှင့် ချီးမြှင့်ငွေများကို ပေးအပ်ရာ တပ်နယ်မှူးက လည်းကောင်း၊ တပ်မတော်ကာကွယ်ရေးဦးစီးချုပ်၏ ဇနီးက တပ်နယ်များရှိ မိခင်နှင့် ကလေး စောင့်ရှောက်ရေး အသင်းအတွက် ချီးမြှင့်ငွေများကိုပေးအပ်ရာ တပ်နယ်မှူး၏ ဇနီးကလည်းကောင်း လက်ခံရယူကြသည်။ယင်းနောက် တပ်မတော်ကာကွယ်ရေး ဦးစီးချုပ်နှင့် ဇနီး၊ အဖွဲ့ဝင်များသည် တက်ရောက်လာကြသည့် အရာရှိ၊ စစ်သည် မိသားစုများအား ရင်းရင်းနှီးနှီး လိုက်လံနှုတ်ဆက်ကြသည်။ တွေ့ဆုံပွဲအပြီးတွင် တပ်မတော် ကာကွယ်ရေးဦးစီးချုပ်နှင့် အဖွဲ့ဝင်များသည် မိုင်းဖြတ် တပ်နယ်အတွင်းရှိ တပ်ရင်း/တပ်ဖွဲ့များအား မော်တော်ယာဉ်များဖြင့် လိုက်လံကြည့်ရှု စစ်ဆေးခဲ့ကြောင်း သိရသည်။သတင်းစဉ် 
Sat, 25-Apr-2026
နိုင်ငံတော်သမ္မတ၏ လမ်းညွှန်မှာကြားချက်များအပေါ် ထပ်ဆင့်ရှင်းလင်းခြင်းနှင့် အစိုးရ၏ ရက် (၁၀၀) ကာလအတွင်း ဦးစားပေးဆောင်ရွက်သွားမည့်လုပ်ငန်းများ အောင်မြင်စွာဆောင်ရွက်နိုင်ရေး ဝန်ထမ်းများနှင့်တွေ့ဆုံပွဲကျင်းပ
နိုင်ငံတော်သမ္မတ၏ လမ်းညွှန်မှာကြားချက်များအပေါ် ထပ်ဆင့်ရှင်းလင်းခြင်းနှင့် အစိုးရ၏ ရက် (၁၀၀) ကာလအတွင်း ဦးစားပေးဆောင်ရွက်သွားမည့်လုပ်ငန်းများ အောင်မြင်စွာဆောင်ရွက်နိုင်ရေး ဝန်ထမ်းများနှင့်တွေ့ဆုံပွဲကျင်းပ
နေပြည်တော် ဧပြီ ၂၄ နိုငံတော်သမ္မတ၏ ပြည်ထောင်စုလွှတ်တော်တွင် ကျင်းပခဲ့သော ကတိသစ္စာပြုပွဲ အခမ်းအနား၊ နိုင်ငံတော်အဆင့် ပုဂ္ဂိုလ်များ၊ ပြည်ထောင်စုအစိုးရအဖွဲ့ဝင်များ၊ တိုင်းဒေသကြီး/ ပြည်နယ် ဝန်ကြီးချုပ်များ၊ ဒုတိယဝန်ကြီးများအား တွေ့ဆုံမှာကြားသည့် မိန့်ခွန်း၊ မြန်မာ သက္ကရာဇ် ၁၃၈၈ ခုနှစ်၊ နှစ်သစ်ကူး နှုတ်ခွန်းဆက် မင်္ဂလာစကားနှင့် ပြည်ထောင်စု အစိုးရအဖွဲ့အစည်းအဝေးတွင် အမှာစကား ပြောကြားခဲ့မှုများအရ အစိုးရ၏ ရက် (၁၀၀) ကာလအတွင်း ဦးစားပေးဆောင်ရွက်သွားမည့် လုပ်ငန်းများနှင့် ရှေ့ဆက်လက် အကောင်အထည်ဖော်မည့်လုပ်ငန်းများ အောင်မြင်စွာ ဆောင်ရွက်နိုင်ရေးအတွက် ပြည်ထောင်စုစာရင်းစစ်ချုပ်ရုံး၊ တိုင်းဒေသကြီး/ ပြည်နယ် စာရင်းစစ်ချုပ် ရုံးများနှင့် ဒေသစာရင်း စစ်ရုံးများမှ ဝန်ထမ်းများအား ထပ်ဆင့်ရှင်းလင်းခြင်း အခမ်းအနားကို ယနေ့ မွန်းလွဲ ၁ နာရီတွင် နေပြည်တော်ရှိ နဝရတ် ခန်းမ၌ Hybrid စနစ်ဖြင့် ကျင်းပသည်။ ဦးစွာ ပြည်ထောင်စုစာရင်းစစ်ချုပ် ဒေါ်နိုင်သက်ဦးက နိုင်ငံတော်သမ္မတ၏ လမ်းညွှန်မှာကြား ချက်များတွင် ပြည်ထောင်စု၏လုံခြုံရေးနှင့် တရားဥပဒေစိုးမိုးရေးဆိုင်ရာ ကိစ္စရပ်များ၊ နိုင်ငံတကာဆက်ဆံရေး ဆိုင်ရာကိစ္စရပ်များ၊ ငြိမ်းချမ်းရေးဆိုင်ရာကိစ္စရပ်များ၊ ဥပဒေ ပြဋ္ဌာန်းရေးဆိုင်ရာ ကိစ္စရပ်များကို ဌာနအဖွဲ့အစည်းများက အကောင်အထည်ဖော်ဆောင်ရွက်ရာတွင် ပြည်သူများနှင့်အတူ စည်းလုံးညီညွတ်စွာဖြင့် ဆောင်ရွက်သွားကြရမည်ဖြစ်ကြောင်း၊ ပညာရေး၊ ကျန်းမာရေး၊ စီးပွားရေးနှင့် လူမှုရေးကဏ္ဍများ တိုးတက်ဖြစ်ပေါ်မှုကို အလေးထား ဆောင်ရွက်ကြရမည်ဖြစ်ကြောင်း၊ စိုက်ပျိုးရေး၊ မွေးမြူရေးနှင့် MSME လုပ်ငန်းများကို အခြေခံကာ ကုန်ထုတ်လုပ်မှုနှင့် ပို့ကုန်တိုးမြှင့်ရေး၊ ဒေသအလိုက် ကုန်ထုတ်လုပ်မှု ဖွံ့ဖြိုးတိုးတက်ရေး ဆောင်ရွက်ရမည်ဖြစ်ပြီး ပြန်လည်ပြည့်ဖြိုးမြဲ စွမ်းအင်အသုံးချရေး စသည်တို့ကို အားပေး ဆောင်ရွက်ရန် လမ်းညွှန်မှာကြားခဲ့ကြောင်း ထပ်ဆင့်ရှင်းလင်းသည်။ ဆက်လက်၍ လမ်းညွှန်မှာကြားချက်များအရ ပြည်ထောင်စုစာရင်းစစ်ချုပ်ရုံး အနေဖြင့်လည်း ကျရာကဏ္ဍမှ ပါဝင်ဆောင်ရွက်ရန် တာဝန်ရှိပါကြောင်း၊ ရက် (၁၀၀) ကာလအတွင်း ပြည်ထောင်စု စာရင်းစစ်ချုပ်ရုံးအနေဖြင့် ပြည်ထောင်စု စာရင်းစစ်ချုပ်ဥပဒေနှင့်အညီ စစ်ဆေးအစီရင်ခံတင်ပြခြင်း၊ လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် စနစ်တကျ သင်ကြားလေ့ကျင့်ပေးခြင်း၊ နိုင်ငံတကာ စံနှုန်းနှင့်အညီဖြစ်သည့် စစ်ဆေးရေးနည်းပညာရပ်များ သိရှိအသုံးချနိုင်ရေးအတွက် နိုင်ငံတကာ စာရင်းစစ်အဖွဲ့အစည်းများနှင့် ပူးပေါင်းဆောင်ရွက်ခြင်းတို့ကို ဆောင်ရွက်ရန် လျာထား အစီအစဉ်များကို အောင်မြင်စွာ အကောင်အထည်ဖော်ဆောင်ရွက်ကြရမည်ဖြစ်ကြောင်း၊ နိုင်ငံ၏ စီးပွားရေး၊ ပညာရေး၊ လူမှုရေး၊ ငွေရေး ကြေးရေး ကဏ္ဍစုံ တိုးတက်ဖြစ်ပေါ်စေရေး ဆောင်ရွက်မှုများအတွက် ပြည်ထောင်စု စာရင်းစစ်ချုပ်ရုံးအနေဖြင့်လည်း ရှေ့ကာလများတွင် ဆောင်ရွက်ရမည့် ကိစ္စရပ်များ အောင်မြင်ပြီးမြောက်မှု ရှိစေရေး အစီအမံများချမှတ်၍ တိုးမြှင့် ဆောင်ရွက်ရာတွင် တိုင်းဒေသကြီး/ ပြည်နယ် စာရင်းစစ်ချုပ်ရုံးများနှင့် ပေါင်းစပ်ညှိနှိုင်း ဆောင်ရွက်သွားမည်ဖြစ်ကြောင်း။ ပြည်ထောင်စု စာရင်းစစ်ချုပ်ရုံး၏ အစဉ်အလာကောင်းများကို ဆက်လက်ထိန်းသိမ်း၍ စစ်ဆေးရေး လုပ်ငန်းများကို နိုင်ငံတကာ စစ်ဆေးရေးစံနှုန်းများ၊ စာရင်းစစ် ကျင့်ဝတ်သိက္ခာများနှင့်အညီ ဌာနအဖွဲ့အစည်းများ၏ ဘဏ္ဍာရေးစီမံခန့်ခွဲမှုများ ပိုမိုကောင်းမွန်စေရေး၊ မလိုလားအပ်သော မသမာမှု၊ အလွဲသုံးစားမှုများ ကြိုတင်တားဆီးနိုင်စေရေး၊ ရှေ့ဆက်ဆောင်ရွက်ကြရမည့် လုပ်ငန်းစဉ်များတွင် ကောင်းမွန်မှန်ကန်သည့် ဆုံးဖြတ်ချက်များ ချမှတ်နိုင်ရေးတို့အတွက် စစ်ဆေးရေး အမျိုးအစားအလိုက် အပြုသဘောဆောင်သည့် အကြံပြုချက်များပေးနိုင်ရန် ပြည်ထောင်စု စာရင်းစစ်ချုပ်ဥပဒေပါ ပြဋ္ဌာန်းချက်များနှင့်အညီ လုပ်ငန်းတာဝန်များကို ဆက်လက်ကြိုးစားဆောင်ရွက်ကြရန် တိုက်တွန်း မှာကြားသည်။ ဆက်လက်၍ ဒုတိယစာရင်းစစ်ချုပ် ဒေါ်ခိုင်ခိုင်အောင်က အစိုးရ၏ ရက် ( ၁၀၀) ကာလအတွင်း ဆောင်ရွက်ရမည့် လုပ်ငန်းများနှင့် ရှေ့ဆက်လက်ဆောင်ရွက်ရမည့် လုပ်ငန်းဆိုင်ရာ အချက်အလက်များကို ဖြည့်စွက်ရှင်းလင်းတင်ပြသည်။ တွေ့ဆုံပွဲသို့ တိုင်းဒေသကြီး/ပြည်နယ် စာရင်းစစ်ချုပ်များ၊ ဦးစီးဌာနများမှ ညွှန်ကြားရေးမှူးချုပ်များ၊ တာဝန်ရှိသူများ နှင့် ဝန်ထမ်းများ စုစုပေါင်း ၉၀၂ ဦး တက်ရောက်ကြကြောင်းသိရသည်။ သတင်းစဉ်MDN
Sat, 25-Apr-2026
ပြည်သူ့လွှတ်တော်ဥက္ကဋ္ဌ ဦးခင်ရီ ဇေယျာသီရိမြို့နယ်မှ မဲဆန္ဒရှင်ပြည်သူများအား တွေ့ဆုံ
ပြည်သူ့လွှတ်တော်ဥက္ကဋ္ဌ ဦးခင်ရီ ဇေယျာသီရိမြို့နယ်မှ မဲဆန္ဒရှင်ပြည်သူများအား တွေ့ဆုံ
နေပြည်တော် ဧပြီ ၂၄ ပြည်သူ့လွှတ်တော် ဥက္ကဋ္ဌ ဦးခင်ရီသည် ဇေယျာသီရိမြို့နယ်မှ မဲဆန္ဒရှင် ပြည်သူများအား ယနေ့ နံနက်ပိုင်းတွင် ကျည်တောင်ကျေးရွာအုပ်စု အုပ်ချုပ်ရေးမှူးရုံး၌ တွေ့ဆုံသည်။ ဦးစွာ ပြည်သူ့လွှတ်တော်ဥက္ကဋ္ဌ ဦးခင်ရီက ယခုလို ဇေယျာသီရိမြို့နယ် မဲဆန္ဒရှင်ပြည်သူများနှင့် တွေ့ဆုံခွင့်ရသည့်အတွက် လွန်စွာကျေးဇူးတင် ဝမ်းမြောက်မိပါကြောင်း၊ မိမိတို့ လွှတ်တော်အနေဖြင့် ပြည်သူ့အသံ လွှတ်တော်အသံ၊ ပြည်သူ့ဆန္ဒလွှတ်တော်ဆန္ဒ၊ ပြည်သူတို့မျှော်လင့်ချက် လွှတ်တော်က ဖော်ဆောင်ရွက်ဆိုသည့်အတိုင်း မဲဆန္ဒရှင်ပြည်သူများ၏ ဆန္ဒများကို အကောင်အထည်ဖော် ဆောင်ရွက် ပေးသွားမည်ဖြစ်ကြောင်း။ ယခုတွေ့ဆုံပွဲတွင်လည်း ဒေသခံမဲဆန္ဒရှင်ပြည်သူများ၏ ဆန္ဒနှင့်အသံကို နားထောင်ရန်အတွက် လာရောက်ခြင်း ဖြစ်ပါကြောင်း၊ နိုင်ငံတော်အစိုးရအနေဖြင့် ရက်ပေါင်း ၁၀၀ အတွင်း ဆောင်ရွက်ပေးသွားမည့် ကိစ္စရပ်များ၊ ဒေသဖွံ့ဖြိုးရေးဆိုင်ရာကိစ္စရပ်များနှင့်ပတ်သက်၍ အစိုးရ၊ လွှတ်တော်၊ ပါတီ၊ ပြည်သူနှင့်အတူ တစည်းတလုံးတည်း ဒေသကောင်းကျိုးများကို ဆောင်ရွက် သွားမည်ဖြစ်ပါကြောင်း၊ နိုင်ငံတော်၏ အမျိုးသားရေးကိစ္စများကိုလည်း စည်းစည်းလုံးလုံး သစ္စာရှိရှိ ဆက်လက်ဆောင်ရွက်သွားရန်နှင့် ပြည်သူလူထု ပူးပေါင်းပါဝင်သော လုံခြုံရေးစနစ်ဖြင့် ဝိုင်းဝန်း ဆောင်ရွက်ပေးကြစေလိုကြောင်း ပြောကြားသည်။ ထို့နောက် တွေ့ဆုံပွဲသို့ တက်ရောက်လာကြသည့် ဒေသခံမဲဆန္ဒရှင်ပြည်သူများက သာသနာရေး ဆိုင်ရာ ကိစ္စရပ်များ၊ လမ်းတံတားဆိုင်ရာ ကိစ္စရပ်များ၊ ပညာရေးဆိုင်ရာ ကိစ္စရပ်များ၊ လယ်ယာ စိုက်ပျိုးရေးဆိုင်ရာ ကိစ္စရပ်များနှင့် စပ်လျဉ်းသည့် တင်ပြချက်များအပေါ် ပြည်သူ့ လွှတ်တော်ဥက္ကဋ္ဌက သက်ဆိုင်ရာဌာနများနှင့် ပူးပေါင်းဆောင်ရွက်ပေးသွားမည်ဖြစ်ကြောင်း၊ မိမိ မဲဆန္ဒနယ်မြေအတွင်း တည်ငြိမ် အေးချမ်းစေရေးအတွက် ပြည်သူများအနေဖြင့် ပူးပေါင်းပါဝင် ဆောင်ရွက်ပေးကြ စေလိုပါကြောင်း ပြန်လည်ရှင်းလင်း ပြောကြားပြီး ဒေသခံမဲဆန္ဒရှင် ပြည်သူများအား ရင်းရင်းနှီးနှီး နှုတ်ဆက်ခဲ့ကြောင်း သိရသည်။သတင်းစဉ်MDN
Sat, 25-Apr-2026
© Copyright 2024 SAC All Rights Reserved.