နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးတို့အတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သားများအား သောင်းသောင်းဖြဖြ ဂုဏ်ပြုကြိုဆို

NoahJune222

News Image

  • နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးတို့အတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သားများအား သောင်းသောင်းဖြဖြ ဂုဏ်ပြုကြိုဆို

နေပြည်တော် ဧပြီ ၂၇

 

နိုင်ငံတော်တည်ငြိမ်ရေးနှင့် နယ်မြေအေးချမ်း သာယာရေးတို့အတွက် ရှမ်းပြည်နယ် (မြောက်ပိုင်း) မူဆယ်ဒေသတစ်ဝိုက် နယ်မြေလုံခြုံရေးတာဝန်များကို ထမ်းဆောင်၍ ပြန်လည်ရောက်ရှိလာသော ရှေ့တန်းပြန် နိုင်ငံ့သားကောင်း တပ်မတော်သားများအား ဂုဏ်ပြုကြိုဆိုခြင်းကို ယနေ့ညနေပိုင်းတွင် ရှမ်းပြည်နယ် (အရှေ့ပိုင်း) မိုင်းတွမ်းမြို့ရှိ နယ်မြေခံတပ်ရင်း၌ ပြုလုပ်ရာ တြိဂံဒေသတိုင်းစစ်ဌာနချုပ် တိုင်းမှူး ဗိုလ်ချုပ် စိုးမြတ်ထွဋ်နှင့် တာဝန်ရှိသူများ၊ အရာရှိ၊ စစ်သည်၊ မိသားစုဝင်များ၊ မြန်မာနိုင်ငံ ရဲတပ်ဖွဲ့ဝင်များ၊ မြန်မာနိုင်ငံ စစ်မှုထမ်းဟောင်းအဖွဲ့ဝင်များ၊ ဌာနဆိုင်ရာတာဝန်ရှိသူများ၊ ဒေသခံ တိုင်းရင်းသားပြည်သူများ ပါဝင်တက်ရောက် ဂုဏ်ပြုကြိုဆိုကြသည်။

 

တိုင်းဒေသကြီးနှင့် ပြည်နယ်အသီးသီးရှိ တိုင်းရင်းသားပြည်သူများ စိတ်အေးချမ်းသာစွာ နေထိုင်လုပ်ကိုင် စားသောက်နိုင်ရေးနှင့် အသက်အိုးအိမ်စည်းစိမ်ဥစ္စာ လုံခြုံမှုရှိစေရေး၊ နိုင်ငံတော် တည်ငြိမ်ရေး၊ နယ်မြေအေးချမ်းရေးအတွက် ရှေ့တန်းစစ်မျက်နှာများတွင် စစ်ဆင်ရေးတာဝန်များကို နေ့မအားညမနား စွမ်းစွမ်းတမံ တာဝန်ထမ်းဆောင်ခဲ့သော ရှေ့တန်းပြန် တပ်မတော်သားများအား တိုင်းမှူးနှင့် တက်ရောက်လာကြသူများက အောင်သပြေခက်များဖြင့်လည်းကောင်း၊ တိုင်းရင်းသား ရိုးရာ အတီး၊ အမှုတ်၊ အက၊ အခုန်များဖြင့်လည်းကောင်း ဝမ်းမြောက်စွာ သောင်းသောင်းဖြဖြ ကြိုဆိုဂုဏ်ပြုကြသည်။ ထို့နောက် တိုင်းမှူးက အောင်ပွဲရရှေ့တန်းပြန် တပ်မတော်သားများအား ဂုဏ်ပြုအမှာစကားပြောကြားပြီး ဂုဏ်ပြုချီးမြှင့်ငွေနှင့် အသုံးအဆောင်ပစ္စည်းများ ပေးအပ်ခဲ့ကြောင်း သိရသည်။

 

သတင်းစဉ်

MDN

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

စစ်ကိုင်းတိုင်းဒေသကြီး၊ ပုလဲမြို့နယ်၌ PDF အမည်ခံ အကြမ်းဖက်သမားများက လက်နက်ကြီးဖြင့် ပစ်ခတ်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ
စစ်ကိုင်းတိုင်းဒေသကြီး၊ ပုလဲမြို့နယ်၌ PDF အမည်ခံ အကြမ်းဖက်သမားများက လက်နက်ကြီးဖြင့် ပစ်ခတ်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ
28 April 2026     အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများ ထိခိုက်ဒဏ်ရာ ရရှိစေရန်နှင့် အကြောက်တရားများ လွှမ်းမိုးစေရန် ရည်ရွယ်ချက်များဖြင့် ဖမ်းဆီးသတ်ဖြတ်ခြင်း၊ ရပ်ကွက်၊ ကျေးရွာများအတွင်းသို့ လက်နက်ကြီး၊ လက်နက်ငယ်များ၊ Drone ဖြင့် Drop Bomb များ ပစ်ချတိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်လျက်ရှိသည်။     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ ဧပြီ ၂၆ ရက် ညနေ ၅ နာရီ ၂၅ မိနစ်တွင် မန္တလေးတိုင်းဒေသကြီး၊ ချမ်းအေးသာစံမြို့နယ်ရှိ မန္တလေးပြည်သူ့ဆေးရုံကြီး၌ ဗုံးသီးပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေး၍ ဖြစ်စဉ်အား စိစစ်ခဲ့ရာ ဧပြီ ၂၄ ရက် မွန်းလွဲ ၁ နာရီတွင် စစ်ကိုင်းတိုင်းဒေသကြီး၊ ပုလဲမြို့နယ်၊ ပိတောက်ကုန်းကျေးရွာနေ ဦးမျိုးလှိုင်(၃၈)နှစ်သည် ၎င်း၏နေအိမ်မှ မုံရွာမြို့သို့ ဈေးဝယ်ရန် မော်တော်ယာဉ်ဖြင့် ထွက်ခွာလာရာ နှောရိုးကျေးရွာအနီး ခေတ္တရပ်နားနေစဉ် ၎င်းအနီးသို့ PDF အမည်ခံ အကြမ်းဖက်သမားများက အများပြည်သူထိခိုက်စေရန် ရည်ရွယ်၍ ပစ်ခတ်လိုက်သည့် လက်နက်ကြီးဗုံးသီး တစ်လုံး ကျရောက်ပေါက်ကွဲခဲ့မှုကြောင့် ၎င်းတွင် ထိခိုက်ဒဏ်ရာများ ရရှိခဲ့ခြင်းဖြစ်ကြောင်း သိရသည်။     ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော ရပ်ကွက်၊ ကျေးရွာများအတွင်းသို့ လက်နက်ကြီး၊ လက်နက်ငယ်၊ Drop Bomb များဖြင့် ပစ်ခတ်တိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်နေမှုများကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာများ ရရှိခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။MOHA
Tue, 28-Apr-2026
မကွေးတိုင်းဒေသကြီး၊ ပွင့်ဖြူမြို့နယ်၌ PDF အမည်ခံ အကြမ်းဖက်သမားများက နိုင်ငံ့ဝန်ထမ်း တစ်ဦး၊ ရာအိမ်မှူး တစ်ဦးနှင့် အပြစ်မဲ့ အရပ်သားပြည်သူ တစ်ဦးတို့အား အကြမ်းဖက်ခြိမ်းခြောက်၍ ဖမ်းဆီးခေါ်ဆောင်
မကွေးတိုင်းဒေသကြီး၊ ပွင့်ဖြူမြို့နယ်၌ PDF အမည်ခံ အကြမ်းဖက်သမားများက နိုင်ငံ့ဝန်ထမ်း တစ်ဦး၊ ရာအိမ်မှူး တစ်ဦးနှင့် အပြစ်မဲ့ အရပ်သားပြည်သူ တစ်ဦးတို့အား အကြမ်းဖက်ခြိမ်းခြောက်၍ ဖမ်းဆီးခေါ်ဆောင်
28 April 2026     လက်နက်ကိုင်အကြမ်းဖက်အဖွဲ့များသည် တိုင်းဒေသကြီးနှင့် ပြည်နယ်များရှိ မြို့၊ ရွာများအတွင်း တိုက်ပွဲများဖော်ဆောင်ခြင်း၊ လက်နက်ကြီးများဖြင့် အဝေးမှပစ်ခတ်ခြင်း၊ Drone ဖြင့် Drop Bomb များပစ်ချတိုက်ခိုက်ခြင်း၊ လက်လုပ်ဗုံး၊ လက်လုပ်မိုင်းများဖြင့် မိုင်းထောင်ဖောက်ခွဲ တိုက်ခိုက်ခြင်းများအား လုပ်ဆောင်လျက်ရှိသည့်အပြင် အုပ်ချုပ်ရေးပိုင်းဆိုင်ရာ တာဝန်ရှိသူများနှင့် အပြစ်မဲ့ အရပ်သားပြည်သူများကို အကြမ်းဖက်ဖမ်းဆီး၍ ခြိမ်းခြောက်ငွေတောင်းခံခြင်း၊ သတ်ဖြတ်ခြင်းများစသော လူသားချင်းမစာနာသည့် လူမဆန်သော အကြမ်းဖက်မှုများနှင့် ရာဇဝတ်မှုများအား ကျူးလွန်လုပ်ဆောင်လျက်ရှိပါသည်။     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ ဧပြီ ၂၆ ရက် မွန်းလွဲ ၁၂ နာရီ ၁၅ မိနစ်တွင် မကွေးတိုင်းဒေသကြီး၊ ပွင့်ဖြူမြို့နယ်အထွေထွေအုပ်ချုပ်ရေးဦးစီးဌာနမှ အငယ်တန်းစာရေးဖြစ်သူ ရွာသစ်ကုန်းကျေးရွာနေကြသူများဖြစ်ကြသည့် ဦးကြည်စိုးဝင်း(၃၄)နှစ်၊ ရာအိမ်မှူးဖြစ်သူ ဦးသိန်းဇော်(ခ)ဝင်းသိန်း(၄၅)နှစ်နှင့် ၎င်း၏ဇနီးဖြစ်သူ ဒေါ်နွဲ့ရီ(၄၇)နှစ်တို့သည် ၎င်းတို့၏နေအိမ်အသီးသီး၌ ရှိနေစဉ် PDF အမည်ခံ အကြမ်းဖက်သမား ၃၀ ဦးခန့် ရောက်ရှိလာပြီး အကြမ်းဖက်ခြိမ်းခြောက်၍ ဖမ်းဆီးကာ အဆိုပါကျေးရွာရှိ အိုးထိန်းမြေပရဟိတအသင်းအဖွဲ့ပိုင် 8H-XXXX SUPER CUSTOM မော်တော်ယာဉ်အား လုယက်ယူဆောင်သွားခဲ့ကြောင်း သိရသည်။   အထက်ပါဖြစ်စဉ်မှ နိုင်ငံ့ဝန်ထမ်း တစ်ဦး၊ အုပ်ချုပ်ရေးပိုင်းဆိုင်ရာ တာဝန်ရှိသူ တစ်ဦးနှင့် အပြစ်မဲ့ အရပ်သားပြည်သူ တစ်ဦးအား အကြမ်းဖက်ဖမ်းဆီး၍ ခြိမ်းခြောက်ငွေတောင်းခံခြင်း၊ သတ်ဖြတ်ခြင်းများစသော လူသားချင်းမစာနာသည့် လူမဆန်သော ရာဇဝတ်မှုများအား ကျူးလွန်လုပ်ဆောင်လျက်ရှိသည့် အကြမ်းဖက်သမားများအား ဖော်ထုတ်ဖမ်းဆီးအရေးယူနိုင်ရေးနှင့် ဖမ်းဆီးခံရသူများအား ပြန်လည်ကယ်တင်နိုင်ရေး လုံခြုံရေးတပ်ဖွဲ့ဝင်များက လုံခြုံရေးလုပ်ငန်းစဉ်များနှင့်အညီ ဆက်လက်ဆောင်ရွက်လျက်ရှိကြောင်း သတင်းရရှိပါသည်။MOHA
Tue, 28-Apr-2026
ဩစတြေးလျ၏ ကာကွယ်ရေးစွမ်းရည်တိုးမြှင့်မည့် Bushmaster သံချပ်ကာယာဉ်များ ထပ်မံထုတ်လုပ်မည်
ဩစတြေးလျ၏ ကာကွယ်ရေးစွမ်းရည်တိုးမြှင့်မည့် Bushmaster သံချပ်ကာယာဉ်များ ထပ်မံထုတ်လုပ်မည်
 ဩစတြေးလျကာကွယ်ရေးစွမ်းရည်ကို ပိုမိုတိုးမြှင့်နိုင်ရန်အတွက် မျိုးဆက်သစ် Bushmaster သံချပ်ကာယာဉ် အစီးရေ ၂၆၈ စီးကို ထပ်မံထုတ်လုပ်ရန် ဩစတြေးလျအစိုးရက ဒေါ်လာသန်း ၇၅၀ ရင်းနှီးမြှုပ်နှံလိုက်ကြောင်း သိရသည်။အဆိုပါယာဉ်များကို Thales Australia ကုမ္ပဏီက တာဝန်ယူထုတ်လုပ်မည်ဖြစ်ပြီး စစ်မြေပြင်တွင် တပ်မတော်သားများ အန္တရာယ်ကင်းစွာဖြင့် တိုက်ပွဲဝင်နိုင်ရန် ရည်ရွယ်ထားခြင်းဖြစ်သည်။ယာဉ်အသစ်များတွင် ယခင်ထက် ပိုမိုကောင်းမွန်သည့် သံချပ်ကာအကာအကွယ်များ၊ ဒစ်ဂျစ်တယ်နည်းပညာများနှင့် ခေတ်မီဆက်သွယ်ရေးစနစ်များ ပါဝင်လာမည်ဖြစ်သည်။ ထို့အပြင် ယာဉ်အမိုးပေါ်တွင် စွမ်းအားကြီးမားသည့် လက်နက်များ တပ်ဆင်နိုင်သည့်အပြင် အာရုံခံကိရိယာအစုံအလင်နှင့်လည်း ချိတ်ဆက်အသုံးပြုနိုင်မည်ဖြစ်သည်။ယာဉ်အတွင်းခန်းကိုလည်း လိုအပ်သလို ပြောင်းလဲအသုံးပြုနိုင်အောင် ဒီဇိုင်းပြုလုပ်ထားကြောင်း သိရသည်။Bushmaster ယာဉ်များသည် စစ်မြေပြင်တွင် စွမ်းဆောင်ရည်ကောင်းမွန်မှုကြောင့် နာမည်ကျော်ကြားပြီး ဗြိတိန်၊ ဂျပန်နှင့် နယူးဇီလန်အပါအဝင် နိုင်ငံရှစ်နိုင်ငံသို့ တင်ပို့အသုံးပြုထားပြီးဖြစ်သည်။အဆိုပါ မျိုးဆက်သစ် သံချပ်ကာယာဉ်များကို ၂၀၂၇ ခုနှစ်တွင် စတင်ထုတ်လုပ်သွားမည်ဖြစ်ကြောင်း သိရသည်။MWD
Tue, 28-Apr-2026
ပဋိပက္ခများကြောင့် ကလေးသူငယ်များ ထိခိုက်ရမှုအပေါ် ယူနီဆက်ဖ်က အထူးစိုးရိမ်မကင်းဖြစ်
ပဋိပက္ခများကြောင့် ကလေးသူငယ်များ ထိခိုက်ရမှုအပေါ် ယူနီဆက်ဖ်က အထူးစိုးရိမ်မကင်းဖြစ်
နယူးယောက်  ဧပြီ  ၂၇ပဋိပက္ခများ၏ ဆိုးကျိုးကို ကလေးသူငယ်များက ခါးစည်းခံစားနေကြရသည်ဟုဆိုလိုက်ပြီး ယင်းအတွက်ကြောင့် အရှေ့အလယ်ပိုင်းဒေသ ပဋိပက္ခဖြစ်ပွားမှုများ အမြန်ဆုံးရပ်တန့်ကာ အမြဲတမ်းအပစ်အခတ်ရပ်စဲရန်အတွက်  ယူနီဆက်ဖ်အကြီးအကဲက တောင်းဆိုလိုက်သည်။ NHK သတင်းဌာန၏ အဆိုအရ ယူနီဆက်ဖ်အမှုဆောင်ဒါရိုက်တာ ကက်သရင်းရပ်ဆဲလ်ကို ဧပြီ ၂၇ ရက်တွင် တိုကျိုမြို့၌ တွေ့ဆုံမေးမြန်းရာတွင် ယင်းကဲ့သို့ ပြောကြားခဲ့ခြင်းဖြစ်သည်။လွန်ခဲ့သည့်   နှစ်လခန့်မှစတင်၍ အရှေ့အလယ်ပိုင်းဒေသတွင် ပဋိပက္ခများ ပြင်းထန်လာပြီးနောက် အီရန်နိုင်ငံတွင် ကလေးငယ် ၂၂၀ ကျော် သေဆုံးခဲ့ပြီး လက်ဘနွန်နိုင်ငံတွင်လည်း ကလေးငယ် ၁၇၇ ဦးထက်မနည်း သေဆုံးခဲ့ကြောင်း သက်ဆိုင်ရာနိုင်ငံများက အေဂျင်စီသို့ တင်သွင်းသော အစီရင်ခံစာ များအရ သိရသည်။ထို့အပြင် ကလေးသူငယ်များနေထိုင်ရာ ဒေသများတွင် ဗုံးကြဲတိုက်ခိုက်မှုများဖြစ်ပွားနေပြီး ဘေးဒုက္ခအမျိုးမျိုးကိုလည်း ကြုံတွေ့နေရသည့်အပြင် စာသင်ကျောင်းများနှင့် ဆေးရုံများပါ ထိခိုက်ပျက်စီးမှုများရှိနေကြောင်း သိရသည်။ ထိုအခြေအနေများက ကလေးငယ်များသည် ပဋိပက္ခ၏ ဆိုးကျိုးများကို အလွန်အမင်းခံစားနေရခြင်းကို ပြသနေခြင်းပင်ဖြစ်ကြောင်း ၎င်းက ဆက်လက် ပြောကြားသည်။ယင်းပဋိပက္ခများကြောင့် စက်သုံးဆီဈေးနှုန်းများ မြင့်တက်လာပြီး ကာကွယ်ဆေးများအပါအဝင် ထောက်ပံ့ပစ္စည်းများကို ကမ္ဘာတစ်ဝန်းရှိ ကလေးများထံပို့ဆောင်ရာ၌ ယူနီဆက်ဖ်၏   လုပ်ဆောင်နိုင်စွမ်းကိုလည်း ထိခိုက်စေကြောင်း မှတ်ချက်ပြုပြောကြားသည်။အင်န်အိတ်ချ်ကေMDN
Tue, 28-Apr-2026
၂၀၂၅ ခုနှစ်အတွင်း ကမ္ဘာ့စစ်ရေးအသုံးစရိတ် စံချိန်တင်မြင့်တက်
၂၀၂၅ ခုနှစ်အတွင်း ကမ္ဘာ့စစ်ရေးအသုံးစရိတ် စံချိန်တင်မြင့်တက်
စတော့ဟုမ်း  ဧပြီ  ၂၇ကမ္ဘာလုံးဆိုင်ရာ   စစ်ရေးအသုံးစရိတ်သည်  ၂၀၂၅ ခုနှစ်အတွင်း   အမေရိကန်ဒေါ်လာ  ၂  ဒသမ ၈ ထရီလီယံအထိ စံချိန်တင်ရောက်ရှိခဲ့ပြီး ယခင်နှစ်နှင့် နှိုင်းယှဉ်ပါက ၂ ဒသမ ၉ ရာခိုင်နှုန်း မြင့်တက်လာကြောင်း ဆွီဒင်နိုင်ငံအခြေစိုက် သုတေသန အင်စတီကျုတစ်ခုက ထုတ်ပြန်သည်။ယင်းအသုံးစရိတ်ပမာဏသည် ကမ္ဘာလုံးဆိုင်ရာ စစ်ရေးအသုံးစရိတ် ၁၁ နှစ်ဆက်တိုက် တိုးမြင့်လာခဲ့ခြင်းဖြစ်ပြီး ယမန်နှစ်၏  ကမ္ဘာလုံးဆိုင်ရာ စစ်ရေး အသုံးစရိတ်မှာ  အမေရိကန်ဒေါ်လာ ၂ ဒသမ  ၈၈၇ ထရီလီယံအထိရှိခဲ့ကြောင်း စတော့ဟုမ်းနိုင်ငံတကာငြိမ်းချမ်းရေးသုတေသန အင်စတီကျုက ပြောသည်။နေတိုးအဖွဲ့ဝင်နိုင်ငံများအတွင်း၊ အထူးသဖြင့် ဥရောပဒေသရှိ နိုင်ငံများ၏ စစ်ရေးအသုံးစရိတ်များမှာ သိသာစွာမြင့်တက်လာပြီး စုစုပေါင်းအသုံးစရိတ်မှာ အမေရိကန်ဒေါ်လာ ၅၅၉ ဘီလီယံအထိ ရောက်ရှိလာခဲ့သည်။ ထို့အတူ ဂျာမနီနိုင်ငံ၏ စစ်ရေးအသုံးစရိတ်မှာ ၂၄ ရာခိုင်နှုန်းမြင့်တက်ကာ အမေရိကန်ဒေါ်လာ  ၁၁၄  ဘီလီယံရှိခဲ့ပြီး  စပိန်နိုင်ငံ၏ အသုံးစရိတ်မှာလည်း ၅၀ ရာခိုင်နှုန်းအထိ တစ်ဟုန်ထိုး မြင့်တက်လာပြီး  အမေရိကန်ဒေါ်လာ ၄၀ ဒသမ ၂ ဘီလီယံ ရှိခဲ့သည်။ဂျပန်နိုင်ငံ၏ စစ်ရေးအသုံးစရိတ်မှာ ၉ ဒသမ ၇ ရာခိုင်နှုန်းမြင့်တက်လာခဲ့ပြီး  အမေရိကန်ဒေါ်လာ ၆၂  ဒသမ ၂  ဘီလီယံသို့   ရောက်ရှိလာသည်။ အမေရိကန်ပြည်ထောင်စုသည် အမေရိကန်ဒေါ်လာ ၉၅၄ ဘီလီယံဖြင့် ကမ္ဘာ့အများဆုံးစစ်ရေးအသုံး စရိတ်အသုံးပြုသည့်နိုင်ငံအဖြစ် ဆက်လက် ရပ်တည်နေသော်လည်း ၂၀၂၄ ခုနှစ်နှင့်နှိုင်းယှဉ်ပါက ၇ ဒသမ ၅ ရာခိုင်နှုန်း လျော့နည်းခဲ့သည်။ကမ္ဘာ့ဒုတိယစစ်ရေးအသုံးစရိတ် အများဆုံးအသုံးပြုသည့် တရုတ်နိုင်ငံ၏ အသုံးစရိတ်မှာလည်း ၇  ဒသမ ၄  ရာခိုင်နှုန်းမြင့်တက်ကာ အမေရိကန်ဒေါ်လာ ၃၃၆ ဘီလီယံခန့်ရှိမည်ဟု ခန့်မှန်းရကြောင်း သိရသည်။အင်န်အိတ်ချ်ကေMDN
Tue, 28-Apr-2026
နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးတို့အတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သားများအား သောင်းသောင်းဖြဖြ ဂုဏ်ပြုကြိုဆို
နိုင်ငံတော်တည်ငြိမ်ရေးနှင့် နယ်မြေအေးချမ်းသာယာရေးတို့အတွက် စစ်ဆင်ရေးတာဝန်များကို ထမ်းဆောင်ခဲ့သည့် ရှေ့တန်းပြန် နိုင်ငံ့သားကောင်း တပ်မတော်သားများအား သောင်းသောင်းဖြဖြ ဂုဏ်ပြုကြိုဆို
နေပြည်တော် ဧပြီ ၂၇ နိုင်ငံတော်တည်ငြိမ်ရေးနှင့် နယ်မြေအေးချမ်း သာယာရေးတို့အတွက် ရှမ်းပြည်နယ် (မြောက်ပိုင်း) မူဆယ်ဒေသတစ်ဝိုက် နယ်မြေလုံခြုံရေးတာဝန်များကို ထမ်းဆောင်၍ ပြန်လည်ရောက်ရှိလာသော ရှေ့တန်းပြန် နိုင်ငံ့သားကောင်း တပ်မတော်သားများအား ဂုဏ်ပြုကြိုဆိုခြင်းကို ယနေ့ညနေပိုင်းတွင် ရှမ်းပြည်နယ် (အရှေ့ပိုင်း) မိုင်းတွမ်းမြို့ရှိ နယ်မြေခံတပ်ရင်း၌ ပြုလုပ်ရာ တြိဂံဒေသတိုင်းစစ်ဌာနချုပ် တိုင်းမှူး ဗိုလ်ချုပ် စိုးမြတ်ထွဋ်နှင့် တာဝန်ရှိသူများ၊ အရာရှိ၊ စစ်သည်၊ မိသားစုဝင်များ၊ မြန်မာနိုင်ငံ ရဲတပ်ဖွဲ့ဝင်များ၊ မြန်မာနိုင်ငံ စစ်မှုထမ်းဟောင်းအဖွဲ့ဝင်များ၊ ဌာနဆိုင်ရာတာဝန်ရှိသူများ၊ ဒေသခံ တိုင်းရင်းသားပြည်သူများ ပါဝင်တက်ရောက် ဂုဏ်ပြုကြိုဆိုကြသည်။ တိုင်းဒေသကြီးနှင့် ပြည်နယ်အသီးသီးရှိ တိုင်းရင်းသားပြည်သူများ စိတ်အေးချမ်းသာစွာ နေထိုင်လုပ်ကိုင် စားသောက်နိုင်ရေးနှင့် အသက်အိုးအိမ်စည်းစိမ်ဥစ္စာ လုံခြုံမှုရှိစေရေး၊ နိုင်ငံတော် တည်ငြိမ်ရေး၊ နယ်မြေအေးချမ်းရေးအတွက် ရှေ့တန်းစစ်မျက်နှာများတွင် စစ်ဆင်ရေးတာဝန်များကို နေ့မအားညမနား စွမ်းစွမ်းတမံ တာဝန်ထမ်းဆောင်ခဲ့သော ရှေ့တန်းပြန် တပ်မတော်သားများအား တိုင်းမှူးနှင့် တက်ရောက်လာကြသူများက အောင်သပြေခက်များဖြင့်လည်းကောင်း၊ တိုင်းရင်းသား ရိုးရာ အတီး၊ အမှုတ်၊ အက၊ အခုန်များဖြင့်လည်းကောင်း ဝမ်းမြောက်စွာ သောင်းသောင်းဖြဖြ ကြိုဆိုဂုဏ်ပြုကြသည်။ ထို့နောက် တိုင်းမှူးက အောင်ပွဲရရှေ့တန်းပြန် တပ်မတော်သားများအား ဂုဏ်ပြုအမှာစကားပြောကြားပြီး ဂုဏ်ပြုချီးမြှင့်ငွေနှင့် အသုံးအဆောင်ပစ္စည်းများ ပေးအပ်ခဲ့ကြောင်း သိရသည်။ သတင်းစဉ်MDN
Tue, 28-Apr-2026
© Copyright 2024 SAC All Rights Reserved.