ပြည်ထောင်စုဝန်ကြီး ဦးဆန်းဦး မြန်မာ့ကျောက်မျက်ရတနာပြတိုက် (နေပြည်တော်) အကြီးစားပြုပြင်တည်ဆောက်မှု ကြည့်ရှုစစ်ဆေး

KookieSpace97

News Image

  • ပြည်ထောင်စုဝန်ကြီး ဦးဆန်းဦး မြန်မာ့ကျောက်မျက်ရတနာပြတိုက် (နေပြည်တော်) အကြီးစားပြုပြင်တည်ဆောက်မှု ကြည့်ရှုစစ်ဆေး

နေပြည်တော် မေ ၉

သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးဆန်းဦးသည် ဒုတိယဝန်ကြီး ဦးခင်လတ်ကြီးနှင့်အတူ ယနေ့မွန်းလွဲပိုင်းတွင် မြန်မာ့ကျောက်မျက်ရတနာပြတိုက် (နေပြည်တော်) အကြီးစားပြုပြင်တည်ဆောက်နေမှုများကို ကြည့်ရှုစစ်ဆေးသည်။

စံချိန်စံညွှန်းနှင့်အညီ ဆောင်ရွက်

ကြည့်ရှုစစ်ဆေးစဉ် တာဝန်ရှိသူများက ပြတိုက်အဆောက်အအုံကြံ့ခိုင်မှုရှိစေရေး ဆောင်ရွက်သွားမည့် လုပ်ငန်းများကို ရှင်းလင်းတင်ပြကြရာ ပြည်ထောင်စုဝန်ကြီးက မြန်မာ့ကျောက်မျက်ရတနာ ပြတိုက် (နေပြည်တော်) ကို ငလျင်ဒဏ်ခံနိုင်အောင် သတ်မှတ်စံချိန်စံညွှန်းနှင့်အညီ စနစ်တကျဆောင်ရွက်ရေးမှာကြားခဲ့ကြောင်း သိရသည်။     

moi

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ဗင်နီဇွဲလားနိုင်ငံရှိ သန့်စင်ပြီးယူရေနီယံများကို အမေရိကန် သိမ်းဆည်းရယူ
ဗင်နီဇွဲလားနိုင်ငံရှိ သန့်စင်ပြီးယူရေနီယံများကို အမေရိကန် သိမ်းဆည်းရယူ
ဗင်နီဇွဲလားနိုင်ငံရှိ အဆင့်မြင့် သန့်စင်ပြီးယူရေနီယံများအားလုံးကို ဖယ်ရှားရယူနိုင်ပြီဖြစ်ကြောင်း အမေရိကန် စွမ်းအင်ဝန်ကြီးဌာနက မေလ ၈ ရက်တွင် ကြေညာသည်။ ထိုလုပ်ဆောင်ချက်သည် အမေရိကန်နှင့် တစ်ကမ္ဘာလုံးအတွက် အောင်မြင်မှုတစ်ခုဖြစ်ကြောင်း ဝန်ကြီးဌာနက ဆိုသည်။ဗင်နီဇွဲလားရှိ သုတေသနဓာတ်ပေါင်းဖိုဟောင်းတစ်ခုမှ ကျန်ရှိနေသည့် သန့်စင်ပြီးယူရေနီယံ ၁၃ ဒသမ ၅ ကီလိုဂရမ်ကို ဖယ်ရှားကာ ပြန်လည်ပြုပြင်အသုံးချနိုင်ရန် အမေရိကန်သို့ လွှဲပြောင်းယူဆောင်ခဲ့ခြင်း ဖြစ်သည်။ ယခုခြေလှမ်းသည် ဗင်နီဇွဲလားနိုင်ငံ၏ ပြန်လည်နိုးထမှုကို ကမ္ဘာသို့ပြသလိုက်ခြင်းဖြစ်ပြီး သမ္မတထရမ့်၏ ပြတ်သားသောဦးဆောင်မှုကြောင့် ဖြစ်ကြောင်း ထုတ်ပြန်ချက်တွင် ဖော်ပြထားသည်။အမေရိကန်သည် ဗင်နီဇွဲလားသမ္မတ နီကိုးလပ်မာဒူရိုကို ဇန်နဝါရီလအတွင်း ဖမ်းဆီးထိန်းသိမ်းခဲ့ပြီးနောက် နှစ်နိုင်ငံဆက်ဆံရေးကို ပြန်လည်စတင်ခဲ့ပြီး ယခုယူရေနီယံဖယ်ရှားမှုကို ဗင်နီဇွဲလားနိုင်ငံ၏ သိပ္ပံနှင့်နည်းပညာဝန်ကြီးဌာနနှင့် ညှိနှိုင်းဆောင်ရွက်ခဲ့ခြင်းဖြစ်သည်။ထိုယူရေနီယံများသည် ၁၉၅၀ ပြည့်လွန်နှစ်များမှ ၁၉၇၀ ပြည့်လွန်နှစ်များအထိ ကျင့်သုံးခဲ့သော “Atoms for Peace” အစီအစဉ်အရ ကရာကပ်မြို့အနီး၌ တည်ဆောက်ခဲ့သည့် အရပ်ဘက်သုံး ဓာတ်ပေါင်းဖိုမှဖြစ်ကြောင်း သိရသည်။Ref: RTMWD
Sun, 10-May-2026
ရုရှားက (၈၁)နှစ်မြောက် မဟာမျိုးချစ်စစ်ပွဲအောင်ပွဲနေ့ စစ်ရေးပြအခမ်းအနားကို ရင်ပြင်နီ၌ကျင်းပ
ရုရှားက (၈၁)နှစ်မြောက် မဟာမျိုးချစ်စစ်ပွဲအောင်ပွဲနေ့ စစ်ရေးပြအခမ်းအနားကို ရင်ပြင်နီ၌ကျင်းပ
ဒုတိယကမ္ဘာစစ်အတွင်း ဆိုဗီယက်ပြည်ထောင်စုက နာဇီဂျာမနီကို အောင်နိုင်ခဲ့သည့် (၈၁)နှစ်မြောက် မဟာမျိုးချစ်စစ်ပွဲအောင်ပွဲနေ့ အထိမ်းအမှတ် စစ်ရေးပြအခမ်းအနားကို ရုရှားနိုင်ငံ မော်စကိုမြို့ရှိ ရင်ပြင်နီ၌ မေလ ၉ ရက်တွင် ကျင်းပသည်။တစ်ချိန်တည်းမှာပင် နာဇီတို့ကို အောင်နိုင်ရန် အသက်ပေးလှူခဲ့ကြသည့် သန်းပေါင်းများစွာသော ပြည်သူများအား ဂုဏ်ပြုသည့် စစ်ရေးပြအခမ်းအနားများကိုလည်း မေလ ၉ ရက် အစောပိုင်းတွင် ရုရှားနိုင်ငံတစ်ဝန်းရှိ မြို့အသီးသီး၌ ကျင်းပခဲ့ကြသည်။ဒုတိယကမ္ဘာစစ်၏ မဟာမျိုးချစ်စစ်ပွဲအတွင်း ဆိုဗီယက်ပြည်ထောင်စုအနေဖြင့် လူဦးရေ ၂၇ သန်းခန့် ဆုံးရှုံးခဲ့ရပြီး စစ်ပွဲ၏ ဒဏ်ကို အဆိုးဆုံးခံစားခဲ့ရသည်။ နာဇီဂျာမနီ၏ ခြွင်းချက်မရှိ လက်နက်ချမှုကို ဘာလင်မြို့၌ မေလ ၈ ရက် ညနှောင်းပိုင်းတွင် လက်မှတ်ရေးထိုးခဲ့သော်လည်း မော်စကိုမြို့၌ သန်းခေါင်ကျော်ချိန်သို့ ရောက်ရှိနေပြီဖြစ်သဖြင့် ရုရှားတွင် အဆိုပါ အောင်ပွဲနေ့ကို မေလ ၉ ရက်တွင် ကျင်းပခြင်းဖြစ်သည်။ရုရှားအစိုးရက အောင်ပွဲနေ့အထိမ်းအမှတ်အဖြစ် ယူကရိန်းနှင့် အပစ်အခတ်ရပ်စဲရန် ကြေညာခဲ့သော်လည်း ယူကရိန်းဘက်က ရုရှားနိုင်ငံအတွင်းသို့ ဒရုန်းရာပေါင်းများစွာ စေလွှတ်တိုက်ခိုက်ခဲ့သည်။ ထို့နောက် ယူကရိန်းအစိုးရက အမေရိကန်သမ္မတ၏ အပစ်အခတ်ရပ်စဲရေး ကမ်းလှမ်းမှုကို သဘောတူခဲ့ကြောင်း သိရသည်။Ref: RTMWD
Sun, 10-May-2026
နိုင်ငံ့သားကောင်း တာဝန်ကျေပြည်သူ့စစ်မှုထမ်းများ အလုပ်အကိုင်ရရှိရေး အသိပေးထုတ်ပြန်ချက်
နိုင်ငံ့သားကောင်း တာဝန်ကျေပြည်သူ့စစ်မှုထမ်းများ အလုပ်အကိုင်ရရှိရေး အသိပေးထုတ်ပြန်ချက်
နိုင်ငံ့သားကောင်း တာဝန်ကျေပြည်သူ့စစ်မှုထမ်းများ အလုပ်အကိုင်ရရှိရေး အသိပေးထုတ်ပြန်ချက်moi
Sun, 10-May-2026
ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်း သာစည်မြို့နယ်နှင့် ကလောမြို့နယ်တို့ရှိ ပြည်သူ့ဆေးရုံများနှင့် တောင်ကြီးမြို့ သူနာပြုသင်တန်းကျောင်း ကြည့်ရှုစစ်ဆေး
ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်း သာစည်မြို့နယ်နှင့် ကလောမြို့နယ်တို့ရှိ ပြည်သူ့ဆေးရုံများနှင့် တောင်ကြီးမြို့ သူနာပြုသင်တန်းကျောင်း ကြည့်ရှုစစ်ဆေး
နေပြည်တော် မေ ၉ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်းသည် ယနေ့နံနက်ပိုင်းတွင် မန္တလေးတိုင်းဒေသကြီး သာစည်မြို့နယ် ယင်းမာပင်တိုက်နယ်ဆေးရုံနှင့် တိုက်နယ်ကျန်းမာရေးဌာနသို့ ရောက်ရှိကာ လူနာဆောင်များ၊ ဆေးသိုလှောင်ခန်း၊ ဓာတ်မှန်ခန်း၊ ခွဲစိတ်ခန်း၊ ဓာတ်ခွဲခန်း၊ ပြည်သူ့ကျန်းမာရေးလုပ်ငန်းများ ဆောင်ရွက်ပေးနိုင်မှုနှင့် ဆေးဝါးများ ထောက်ပံ့ပေးနိုင်မှုအခြေအနေများကို ကြည့်ရှုစစ်ဆေးသည်။ထို့နောက် ကလောမြို့ ပြည်သူ့ဆေးရုံသို့ ရောက်ရှိပြီး ဆောက်လုပ်ရေးဝန်ကြီးဌာနက တာဝန်ယူဆောက်လုပ်မည့် ခွဲစိတ်ခန်းပါသုံးထပ်အဆောက်အအုံသစ် ဆောက်လုပ်မည့်နေရာကိုလည်းကောင်း၊ အောင်ပန်းတိုက်နယ်ဆေးရုံ၌ အရေးပေါ်လူနာဌာန၊ အတွင်းလူနာဆောင်များနှင့် ဓာတ်ခွဲခန်းတို့ကိုလည်းကောင်း လှည့်လည်ကြည့်ရှုစစ်ဆေးသည်။မွန်းလွဲပိုင်းတွင် တောင်ကြီးမြို့ စဝ်စံထွန်းဆေးရုံကြီးဝင်းရှိ သူနာပြုသိပ္ပံအဖြစ် အဆင့်မြှင့်တင်မည့် သူနာပြုသင်တန်းကျောင်း၌ သင်ကြားရေးဆရာများ၊ ဝန်ထမ်းများ၊ ကျောင်းသား ကျောင်းသူများနှင့် တွေ့ဆုံပြီး သူနာပြုသိပ္ပံအဆင့်မြှင့်တင်ခြင်းအတွက် ကျွမ်းကျင်မှုဆိုင်ရာ ပုံစံတူလက်တွေ့သင်ကြားရေးခန်း (Skills Lab)၊ ကွန်ပျူတာခန်း၊ စာကြည့်တိုက်၊ ထမင်းစားခန်း၊ သင်ကြားရေးခန်းမများကို လှည့်လည်ကြည့်ရှုစစ်ဆေးခဲ့ကြောင်း သိရသည်။moi
Sun, 10-May-2026
ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့်အထိမ်းအမှတ် အထူးပြပွဲလာရောက်လေ့လာကြည့်ရှုသူ ပိုမိုများပြား
ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့်အထိမ်းအမှတ် အထူးပြပွဲလာရောက်လေ့လာကြည့်ရှုသူ ပိုမိုများပြား
နေပြည်တော် မေ ၉ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့်အထိမ်းအမှတ် အထူးပြပွဲကို ရန်ကုန်မြို့ မရမ်းကုန်းမြို့နယ် သီရိမင်္ဂလာကမ္ဘာအေးကုန်းမြေ မဟာပါသာဏလိုဏ်ဂူသိမ်တော်ကြီးပတ်လမ်းတွင် ပြသလျက်ရှိရာ ယနေ့သည် အများပြည်သူရုံးပိတ်ရက်ဖြစ်သည်နှင့်အညီ လှည်းကူးပညာရေးဒီဂရီကောလိပ်၊ အပြည်ပြည်ဆိုင်ရာ ထေရဝါဒဗုဒ္ဓသာသနာပြုတက္ကသိုလ်မှ ဝန်ထမ်းများနှင့် မိသားစုဝင်များ၊ ဗုဒ္ဓဘာသာကလျာဏယုဝအသင်း (YMBA) မှ အဖွဲ့ဝင်များနှင့် ရဟန်းရှင်လူပြည်သူ လာရောက်ကြည့်ရှုလေ့လာကြသူများ ပိုမိုများပြားစည်ကားခဲ့ရာ ပြပွဲနှင့် ပတ်သက်၍ ၎င်းတို့၏ သဘောထားအမြင်များကို စုစည်းဖော်ပြအပ်ပါသည်-ဦးဇော်ဇော်ဦး ဒုတိယပါမောက္ခချုပ် (စီမံ) အပြည်ပြည်ဆိုင်ရာထေရဝါဒ ဗုဒ္ဓသာသနာပြုတက္ကသိုလ်ပြပွဲကို လာရောက်ကြတဲ့အခါ ဘာသာ၊ သာသနာအတွက် ခေတ်အဆက်ဆက် ဘယ်လောက်ရုန်းကန်ခဲ့ရတယ်ဆိုတာ နားလည်သွားမှာဖြစ်ပါတယ်။ နောင်မျိုးဆက်သစ်တွေအပါအဝင် ရဟန်းရှင်လူပြည်သူအားလုံးမှာ ဘာသာ၊ သာသနာကို အဓွန့်ရှည်တည်တံ့ခိုင်မြဲအောင် ထိန်းသိမ်းလိုတဲ့စိတ်တွေ အများကြီးကိန်းအောင်းသွားပြီဆိုတာ ထင်ရှားစွာ တွေ့မြင်ရပါတယ်။ ထေရဝါဒဗုဒ္ဓသာသနာထွန်းကား ပြန့်ပွားရေးအတွက် အရေးကြီးတဲ့ ပြပွဲလို့ပြောချင်ပါတယ်။ သာသနာအတွက် အများကြီးတန်ဖိုးရှိပါတယ်။ သာသနာကို ထိန်းသိမ်းစောင့်ရှောက်မယ့် သာသနာပြုမင်းအဆက်ဆက် ကြိုးပမ်းဆောင်ရွက်မှုတွေကို ပေါ်လွင်ထင်ရှားစေပါတယ်။ဦးထင်ကျော်မိုး ဒုတိယဥက္ကဋ္ဌ ဗုဒ္ဓဘာသာကလျာဏယုဝအသင်း (YMBA)ပထမသင်္ဂါယနာတင်ကနေ ဆဋ္ဌသင်္ဂါယနာတင်အထိ အကုန်လုံးလေ့လာရတဲ့အတွက် ဗဟုသုတရပါတယ်။ ကျွန်တော်တို့ မြန်မာနိုင်ငံက ထေရဝါဒဗုဒ္ဓဘာသာသာသနာ ပြန့်ပွားရေးလုပ်ငန်းစဉ် တွေအများကြီးလိုအပ်တယ်။ ဒီလိုပြပွဲမျိုးတွေကို မကြာခဏကျင်းပမှလည်း ဗုဒ္ဓဘာသာဝင်တွေသာမက နိုင်ငံအတွင်းမှာ မှီတင်းနေထိုင်ကြတဲ့ ပြည်သူလူထုအားလုံး ဗုဒ္ဓဘာသာရဲ့ အနှစ်သာရကို သိမြင်နားလည်လာမှာဖြစ်ပါတယ်။ဦးထွန်းလွင် အသက် (၈၉) နှစ်၊ လှိုင်မြို့နယ်ဆဋ္ဌသင်္ဂါယနာတင်တဲ့ အချိန်တုန်းက နယ်မြို့မှာနေတာဆိုတော့ ကြားပဲကြားဖူးခဲ့ပါတယ်။ သာသနာနဲ့ ပတ်သက်တဲ့ မှတ်တမ်းတွေကို သိချင်တာကြောင့် လာရောက်လေ့လာတာ ဖြစ်ပါတယ်။ မျိုးဆက်သစ်တွေအနေနဲ့ လေ့လာသင့်ပါတယ်။ မြန်မာနိုင်ငံဟာ သယံဇာတပေါကြွယ်ဝတဲ့နိုင်ငံ ဖြစ်ပါတယ်။ အခုလက်ရှိမှာလည်း ၁၁၀၀၀ ကရက်ရှိတဲ့ မိုးကုတ်ပတ္တမြားကြီးပေါ်လာတယ်။ ဇဗ္ဗူဒီပါလကျ်ာ တောင်ကျွန်းနိမိတ်ထွန်းဆိုသလို နိုင်ငံအေးချမ်းလာမယ့် အတိတ်နိမိတ်ဖြစ်ပါတယ်။မောင်ဟိဏ်းဝေယံသော် ရွှေပေါက်ကံအခုလို ဆဋ္ဌသင်္ဂါယနာတင် အောင်ပွဲ နှစ် (၇၀) ပြည့် အထိမ်းအမှတ်အထူးပြပွဲကို လာရောက်လေ့လာခွင့်ရတဲ့အတွက် ဟိုးအရင်က ဆောင်ရွက်ခဲ့တာတွေကို တွေ့မြင်ခဲ့ရပါတယ်။ မျက်ဝါးထင်ထင်မြင်ရတော့ အံ့ဩမိတယ်။ ဒီလိုဆဋ္ဌသင်္ဂါယနာတင်တာကို မြန်မာနိုင်ငံမှာ ဆောင်ရွက်ခဲ့ပါလားဆိုပြီး ဂုဏ်ယူမိပါတယ်။ ဘာသာသာသနာမပျောက်ပျက်အောင်၊ ရေရှည်တည်တံ့အောင် ထိန်းသိမ်းရမယ်။ ဘာသာရေးနဲ့ ပတ်သက်တဲ့ စာပေတွေလည်း လေ့လာရမယ်လို့ တွေးမိပါတယ်။မဖြူသီခိုင် ပထမနှစ် အမျိုးသားယဉ်ကျေးမှုနှင့် အနုပညာတက္ကသိုလ်ပြပွဲက မြတ်ဗုဒ္ဓရဲ့သာသနာနဲ့ ပတ်သက်လို့ ပိုပြီးဗဟုသုတရစေတယ်လို့ မြင်မိပါတယ်။ ဆဋ္ဌသင်္ဂါယနာတင်ခဲ့တယ်ဆိုတာကို စာထဲမှာပဲဖတ်ဖူးတယ်။ ဆဋ္ဌသင်္ဂါယနာတင်ခဲ့တဲ့ သမိုင်းအကြောင်းအရာတွေကို အခုမျက်မြင်ကိုယ်တွေ့လာရောက်ကြည့်မိတဲ့အခါ ဗဟုသုတတွေလည်းရတယ်။ ဘာသာသာသနာကို ပိုပြီးထွန်းကားအောင် လုပ်ဆောင်သင့်တယ်လို့ မြင်မိတယ်။ လူငယ်တွေအနေနဲ့လည်း ဘာသာရေးနဲ့ ပတ်သက်တာတွေကို လေ့လာသင့်တယ်လို့ ထင်ပါတယ်။သတင်းအဖွဲ့moi
Sun, 10-May-2026
ပြည်ထောင်စုဝန်ကြီး ဦးကိုကိုလွင် လျှပ်စစ်နှင့်စွမ်းအင်ဝန်ကြီးဌာနနှင့် အကျိုးတူပူးပေါင်းဆောင်ရွက်လျက်ရှိသည့် ထိုင်းနိုင်ငံ PTTEP International Limited အမှုဆောင်အရာရှိချုပ်အား လက်ခံတွေ့ဆုံ
ပြည်ထောင်စုဝန်ကြီး ဦးကိုကိုလွင် လျှပ်စစ်နှင့်စွမ်းအင်ဝန်ကြီးဌာနနှင့် အကျိုးတူပူးပေါင်းဆောင်ရွက်လျက်ရှိသည့် ထိုင်းနိုင်ငံ PTTEP International Limited အမှုဆောင်အရာရှိချုပ်အား လက်ခံတွေ့ဆုံ
နေပြည်တော် မေ ၉လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည် လျှပ်စစ်နှင့်စွမ်းအင်ဝန်ကြီးဌာနနှင့် အကျိုးတူပူးပေါင်းဆောင်ရွက်လျက်ရှိသည့် ထိုင်းနိုင်ငံ PTTEP International Limited အမှုဆောင်အရာရှိချုပ်အား ယမန်နေ့က နေပြည်တော်ရှိ အဆိုပါဝန်ကြီးဌာန ရေနံ့သာဧည့်ခန်းမ၌ လက်ခံတွေ့ဆုံသည်။အမြင်ချင်းဖလှယ်တွေ့ဆုံစဉ် မြန်မာနှင့် ထိုင်းနိုင်ငံအကြား လျှပ်စစ်နှင့်စွမ်းအင်ကဏ္ဍ ပူးပေါင်းဆောင်ရွက်မှုတိုးမြှင့်ရေး၊ မြန်မာ့ကမ်းလွန်လုပ်ကွက်များ၏ ရှာဖွေရေးနှင့် ထုတ်လုပ်ရေးလုပ်ငန်းများ ပိုမိုတိုးမြှင့်ဆောင်ရွက်နိုင်ရန် တွင်းသစ်များ၊ ဖြည့်စွက်တွင်းများ တူးဖော်ရာတွင် နည်းပညာဆိုင်ရာ ဖြေရှင်းဆောင်ရွက်နိုင်ခဲ့မှု၊ မြန်မာနိုင်ငံတွင် လျှပ်စစ်ဓာတ်အား တိုးမြှင့်ထုတ်လုပ်နိုင်ရန် ရည်ရွယ်ဆောင်ရွက်နေသည့် လုပ်ကွက် M3 (အောင်သိင်္ခစီမံကိန်း) ၏ ဖွံ့ဖြိုးတိုးတက်ရေးဆိုင်ရာများနှင့် မြန်မာ့ရေနက်ကမ်းလွန်စီမံကိန်းများတွင် ရင်းနှီးမြှုပ်နှံလိုသည့် ကိစ္စရပ်များအပေါ် ရင်းနှီးပွင့်လင်းစွာ အမြင်ချင်းဖလှယ်ဆွေးနွေးခဲ့ကြကြောင်း သိရသည်။moi
Sun, 10-May-2026
© Copyright 2024 SAC All Rights Reserved.