အင်ဒိုနီးရှားနိုင်ငံ၌ လောင်စာဆီသုံးစွဲမှုလျှော့ချရေးနည်းလမ်းများ အကောင်အထည်ဖော်ဆောင်ရွက်

NoahJune222

News Image

  • အင်ဒိုနီးရှားနိုင်ငံ၌ လောင်စာဆီသုံးစွဲမှုလျှော့ချရေးနည်းလမ်းများ အကောင်အထည်ဖော်ဆောင်ရွက်

ဂျကာတာ   မေ   ၁၂

အင်ဒိုနီးရှားနိုင်ငံအနေဖြင့်  အရှေ့အလယ်ပိုင်းပဋိပက္ခကြောင့်  ကမ္ဘာ့လောင်စာဆီဈေးနှုန်းများ မြင့်တက်လာခြင်းကို  တားဆီးသည့်အနေဖြင့်  နိုင်ငံအတွင်း လောင်စာဆီသုံးစွဲမှုလျှော့ချရေး နည်းလမ်းများကို အကောင်အထည်ဖော်ဆောင်ရွက်မည်ဖြစ်ကြောင်း ဘဏ္ဍာရေးဝန်ကြီး ပါဘူရာ ယက်ဟီဆာဒီဝါက မေ ၁၂ ရက်တွင် ပြောကြားသည်။

အစိုးရအနေဖြင့် ပြည်ပနိုင်ငံများမှ လောင်စာဆီသွင်းကုန်များအား အားပြုခြင်းကို  လျှော့ချသည့်အနေဖြင့် နိုင်ငံအတွင်း  ရုပ်ကြွင်းလောင်စာမှ  ပြန်လည်ပြည့်ဖြိုးမြဲ  စွမ်းအင်အသုံးပြုခြင်းကို မြှင့်တင်ဆောင်ရွက်မည်ဟု ၎င်းက ပြောကြားသည်။ နိုင်ငံအတွင်း ဇွန်လမှစတင်၍ လောင်စာဆီသုံးစွဲမှု လျှော့ချရေးအတွက်  လျှပ်စစ်ကားများအား ဆုကြေးပေးသည့် အစီအမံကို ဆောင်ရွက်မည်ဖြစ်သည်။

ထို့ပြင် လက်ရှိကမ္ဘာပေါ်၌ မသေချာမရေရာမှုများ မြင့်တက်နေချိန်တွင် အင်ဒိုနီးရှားနိုင်ငံ  ဗဟိုဘဏ်အနေဖြင့် နိုင်ငံအတွင်းသုံးစွဲနေသည့် ငွေကြေးတန်ဖိုးတည်ငြိမ်မှုရှိစေရေးအတွက် ဆောင်ရွက်နိုင်သည့်   အခွင့်အာဏာရှိသည်ဟု ၎င်းက ပြောကြားသည်။

ကိုးကား-ဆင်ဟွာ

ဘာသာပြန်-စိုးသူရ

MDN

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ပင်လယ်ရေနက်စူးစမ်းလေ့လာရေးခရီး၌ အဏ္ဏဝါမျိုးစိတ်သစ် ၃၈ မျိုး တွေ့ရှိ
ပင်လယ်ရေနက်စူးစမ်းလေ့လာရေးခရီး၌ အဏ္ဏဝါမျိုးစိတ်သစ် ၃၈ မျိုး တွေ့ရှိ
တိုကျို  မေ  ၁၂ဂျပန်နိုင်ငံမှ သုတေသနပညာရှင်များသည် ရှင်ကိုင်း ၆၅၀၀ လူစီးရေအောက်သုတေသနယာဉ်ဖြင့် ရှာဖွေဖော်ထုတ်မှုအရ  ဂျပန်နိုင်ငံအနီး ပင်လယ်ရေအောက် နက်ရှိုင်းသောနေရာနှစ်ခုတွင် အဏ္ဏဝါမျိုးစိတ်သစ် ၃၈ မျိုးကို ရှာဖွေတွေ့ရှိခဲ့သည်။ဂျပန်ရေကြောင်း၊ ကမ္ဘာမြေသိပ္ပံနှင့် နည်းပညာအေဂျင်စီ (ဂျမ်စတက်) မှ  သုတေသနပညာရှင်များ ပါဝင်သည့်  သုတေသနပညာရှင်အဖွဲ့ တစ်ဖွဲ့သည် ၂၀၂၅ ခုနှစ် ဇွန်လတွင် ရေငုပ်ယာဉ်ကို အသုံးပြု၍ ပြုလုပ်ခဲ့သော ပင်လယ်ရေနက်စူးစမ်းလေ့လာရေးခရီးစဉ်အတွင်း သုတေသနနမူနာများကို ရယူ စုဆောင်းခဲ့သည်။၎င်းတို့သည်  ဂျပန်နိုင်ငံအနောက်ပိုင်း ကိုချိ စီရင်စုရှိ မူရိုတိုအငူ ကမ်းလွန်ရေအောက် ၄၆၀၀ မီတာအနက်ရှိ ပင်လယ်ကြမ်းပြင်အပါအဝင် နန်ကိုင်းရေအောက်ချိုင့်ဝှမ်းအနီးရှိ နေရာငါးနေရာကို စူးစမ်းလေ့လာခဲ့ကြသည်။   စူးစမ်းလေ့လာမှုများတွင် တိုကျိုတောင်ပိုင်း   အီဇူကျွန်းနှင့်   အိုဂါဆာဝါရာ ကျွန်းများအနီးရှိ  ပင်လယ်ရေအောက် မီးတောင်လေးလုံးလည်း ပါဝင်သည်။သုတေသနပညာရှင်များက ၎င်းတို့သည် ကဏန်းမျိုးစိတ်သစ်များ၊ ကြယ်ငါးမျိုးစိတ်သစ်များ၊ ပေါလီချိတ်ပိုးများနှင့် အခွံမာရေနေသတ္တဝါများအပါအဝင်  မျိုးစိတ်သစ်  ၃၈  မျိုးကို အတည်ပြုနိုင်ခဲ့ပြီး နောက်ထပ်မျိုးစိတ်သစ်ဖြစ်နိုင်သည့်  ၂၈  မျိုးကိုလည်း    ဆက်လက်လေ့လာလျက်ရှိသည်ဟု သတင်းထုတ်ပြန်သည်။အဆိုပါရှာဖွေတွေ့ရှိမှုများကြောင့် ပင်လယ်ထဲတွင် နောက်ထပ်မရှာဖွေမတွေ့ရှိနိုင်သေးသော သက်ရှိအမျိုးအစားများ  အမြောက်အမြားကျန်ရှိနေသေးသည်ဟု   သုတေသနပညာရှင်များက ပြောသည်။ လူသားတို့၏ လှုပ်ရှားဆောင်ရွက်မှုများသည် အဏ္ဏဝါအထိ ကျယ်ပြန့်လာပြီဖြစ်သည်ဟု ဂျမ်စတက်မှ အကြီးတန်းသုတေသနပညာရှင်   ဝမ်တာနာဘေ ဟီရိုမီက ပြောသည်။       အင်န်အိတ်ချ်ကေMDN
Wed, 13-May-2026
မလေးရှား-တရုတ် လျှပ်စစ်ကားနှင့် စွမ်းအင်သစ်ဖွံ့ဖြိုးတိုးတက်ရေး ထိပ်သီးဆွေးနွေးပွဲ ကျင်းပ
မလေးရှား-တရုတ် လျှပ်စစ်ကားနှင့် စွမ်းအင်သစ်ဖွံ့ဖြိုးတိုးတက်ရေး ထိပ်သီးဆွေးနွေးပွဲ ကျင်းပ
ကွာလာလမ်ပူ   မေ   ၁၂မလေးရှား-တရုတ် လျှပ်စစ်ကားနှင့် စွမ်းအင်သစ်ဖွံ့ဖြိုးတိုးတက်ရေးထိပ်သီးဆွေးနွေးပွဲကို မလေးရှားနိုင်ငံ ကွာလာလမ်ပူ၌ မေ ၁၂ ရက်တွင် ကျင်းပ သည်။နှစ်နိုင်ငံအကြား အနာဂတ်ကာလတွင် သွားလာရေးနှင့် အစိမ်းရောင်စွမ်းအင် ဖွံ့ဖြိုးတိုးတက်ရေးကဏ္ဍများ၌ ပူးပေါင်းဆောင်ရွက်မှုခိုင်မာစေရေး ဆောင်ရွက်ခြင်းဖြစ်သည်။မလေးရှားနိုင်ငံ ဒုတိယဝန်ကြီးချုပ် အာမက်ဇာဟစ်ဟာမီဒီ ကြီးမှူးကျင်းပခဲ့သည့် ထိပ်သီးဆွေးနွေးပွဲတွင် မလေးရှားနိုင်ငံ၏  ရေရှည်တည်တံ့သော သယ်ယူပို့ဆောင်ရေး၊ အဆင့်မြင့်တီထွင် ထုတ်လုပ်မှုနှင့် စိမ်းလန်းသောစွမ်းအင်အသွင်ပြောင်းမှုဆိုင်ရာ ရည်မှန်းချက်များကို မီးမောင်းထိုးပြခဲ့သည်။နိုင်ငံအတွင်း၎င်းကဏ္ဍများကို ဖွံ့ဖြိုးတိုးတက်ရေးဆောင်ရွက်ရာတွင် ကျွမ်းကျင်သူနည်းပါးခြင်း၊ စက်မှုလုပ်ငန်းများမှ လိုအပ်သည့် ထုတ်ကုန်အရေအတွက်နှင့် အမျိုးသားနည်းပညာဆိုင်ရာကဏ္ဍမှ  ထုတ်လုပ်ရေးနည်းပညာ ဂေဟစနစ်၏ ကွာဟချက်တို့်ကြောင့် စိန်ခေါ်မှုများရှိနေကြောင်း သိရသည်။ယခုကျင်းပသည့် ထိပ်သီးဆွေးနွေးပွဲသည် မလေးရှားနိုင်ငံ၏ စက်မှုလုပ်ငန်းဖွံ့ဖြိုးရေးအတွက် အဆင့်မြင့်နည်းပညာပလက်ဖောင်းတစ်ခုဖြစ်လာမည်ဖြစ်သည်။အဆိုပါ  ထိပ်သီးဆွေးနွေးပွဲအတွင်း လျှပ်စစ်ကားနှင့် အစိမ်းရောင်သယ်ယူ ပို့ဆောင်ရေးကဏ္ဍဖွံ့ဖြိုးရေးအတွက် အဆင့်နှစ်ဆင့်ဖြင့်  ဆောင်ရွက်မည့်အစီအမံတစ်ရပ်ကို   တရုတ်နှင့်မလေးရှား ကုမ္ပဏီများက အဆိုပြုခဲ့သည်။ အစီအမံပထမအဆင့်တွင် မလေးရှား-တရုတ် အစိမ်းရောင်ရွေ့လျားမှု ပူးပေါင်းဆောင်ရွက်ရေးဗဟိုဌာနကို တည်ထောင်မည်ဖြစ်ပြီး ဒုတိယအဆင့်တွင် မလေးရှားနိုင်ငံအတွက် လာမည့်ငါးနှစ်အတွင်း လျှပ်စစ်ကား၊  ဘက်ထရီနှင့်  စွမ်းအင်ဆိုင်ရာ ကျွမ်းကျင်သူအရေအတွက် ၁၀၀၀ မွေးထုတ် ရေးအတွက်  ဆောင်ရွက်မည်ဖြစ်ကြောင်း သိရသည်။ ကိုးကား-ဆင်ဟွာဘာသာပြန် - စိုးသူရMDN
Wed, 13-May-2026
အင်ဒိုနီးရှားနိုင်ငံ၌ လောင်စာဆီသုံးစွဲမှုလျှော့ချရေးနည်းလမ်းများ အကောင်အထည်ဖော်ဆောင်ရွက်
အင်ဒိုနီးရှားနိုင်ငံ၌ လောင်စာဆီသုံးစွဲမှုလျှော့ချရေးနည်းလမ်းများ အကောင်အထည်ဖော်ဆောင်ရွက်
ဂျကာတာ   မေ   ၁၂အင်ဒိုနီးရှားနိုင်ငံအနေဖြင့်  အရှေ့အလယ်ပိုင်းပဋိပက္ခကြောင့်  ကမ္ဘာ့လောင်စာဆီဈေးနှုန်းများ မြင့်တက်လာခြင်းကို  တားဆီးသည့်အနေဖြင့်  နိုင်ငံအတွင်း လောင်စာဆီသုံးစွဲမှုလျှော့ချရေး နည်းလမ်းများကို အကောင်အထည်ဖော်ဆောင်ရွက်မည်ဖြစ်ကြောင်း ဘဏ္ဍာရေးဝန်ကြီး ပါဘူရာ ယက်ဟီဆာဒီဝါက မေ ၁၂ ရက်တွင် ပြောကြားသည်။အစိုးရအနေဖြင့် ပြည်ပနိုင်ငံများမှ လောင်စာဆီသွင်းကုန်များအား အားပြုခြင်းကို  လျှော့ချသည့်အနေဖြင့် နိုင်ငံအတွင်း  ရုပ်ကြွင်းလောင်စာမှ  ပြန်လည်ပြည့်ဖြိုးမြဲ  စွမ်းအင်အသုံးပြုခြင်းကို မြှင့်တင်ဆောင်ရွက်မည်ဟု ၎င်းက ပြောကြားသည်။ နိုင်ငံအတွင်း ဇွန်လမှစတင်၍ လောင်စာဆီသုံးစွဲမှု လျှော့ချရေးအတွက်  လျှပ်စစ်ကားများအား ဆုကြေးပေးသည့် အစီအမံကို ဆောင်ရွက်မည်ဖြစ်သည်။ထို့ပြင် လက်ရှိကမ္ဘာပေါ်၌ မသေချာမရေရာမှုများ မြင့်တက်နေချိန်တွင် အင်ဒိုနီးရှားနိုင်ငံ  ဗဟိုဘဏ်အနေဖြင့် နိုင်ငံအတွင်းသုံးစွဲနေသည့် ငွေကြေးတန်ဖိုးတည်ငြိမ်မှုရှိစေရေးအတွက် ဆောင်ရွက်နိုင်သည့်   အခွင့်အာဏာရှိသည်ဟု ၎င်းက ပြောကြားသည်။ကိုးကား-ဆင်ဟွာဘာသာပြန်-စိုးသူရMDN
Wed, 13-May-2026
ရာသီဥတုဖောက်ပြန်မှုနှင့် အယ်နီညိုဖြစ်စဉ်ကြောင့် ယခုနှစ်တွင် တောမီးအန္တရာယ် ပိုမိုပြင်းထန်လာနိုင်
ရာသီဥတုဖောက်ပြန်မှုနှင့် အယ်နီညိုဖြစ်စဉ်ကြောင့် ယခုနှစ်တွင် တောမီးအန္တရာယ် ပိုမိုပြင်းထန်လာနိုင်
ကမ္ဘာတစ်ဝန်းတွင် ရာသီဥတုဖောက်ပြန်ပြောင်းလဲမှုနှင့် ပိုမိုအားကောင်းသော အယ်နီညိုရာသီဥတုဖြစ်စဉ်တို့ကြောင့်ယခုနှစ်အတွင်း တောမီးလောင်ကျွမ်းမှုများ ပိုမိုပြင်းထန်နိုင်ကြောင်း သုတေသီများက မေလ ၁၂ ရက်တွင် သတိပေးလိုက်သည်။ ၂၀၂၆ ခုနှစ် အစောပိုင်းကာလများတွင် တောမီးလောင်ကျွမ်းမှုနှုန်း   စံချိန်တင်မြင့်မားခဲ့ပြီးနောက်  ယခုကဲ့သို့ သတိပေးချက် ထွက်ပေါ်လာခြင်းဖြစ်သည်။ ယခုနှစ် တစ်ကမ္ဘာလုံးဆိုင်ရာ တောမီးရာသီသည် အရှိန်အဟုန်ဖြင့်စတင်နေပြီး လက်ရှိအချိန်အထိ လောင်ကျွမ်းခဲ့သော ဧရိယာမှာ ပျမ်းမျှထက် ၅၀ ရာခိုင်နှုန်း ပိုမိုများပြားနေကြောင်း Imperial College London မှသုတေသီဖြစ်သည့် ဒေါက်တာ သီအိုဒိုးကီးပင်းကပြောသည်။ ဇန်နဝါရီလမှ မေလပထမပတ်အထိ ဟက်တာ ၁၆၃ သန်းကျော် လောင်ကျွမ်းထားပြီး ဖြစ်သည်။ထိုပမာဏသည် ၂၀၁၂ ခုနှစ်မှစတင်၍ မှတ်တမ်းတင်ထားနိုင်သည့် ယခင်စံချိန်များထက် ၂၀ ရာခိုင်နှုန်းခန့် ပိုမိုမြင့်မားလာခြင်း ဖြစ်သည်။ အထူးသဖြင့် အာရှတိုက်၌ လောင်ကျွမ်းမှုမှာ ၂၀၁၄ ခုနှစ်က စံချိန်ထက် ၄၀ ရာခိုင်နှုန်းနီးပါး ပိုမိုများပြားသည်။အယ်နီညိုဖြစ်စဉ်သည် ကမ္ဘာတစ်ဝန်း မိုးခေါင်ခြင်းနှင့် အပူချိန်မြင့်မားခြင်းတို့ကို ဖြစ်ပေါ်စေနိုင်ခြင်း ဖြစ်သောကြောင့် အားကောင်းသော အယ်နီညိုဖြစ်ပေါ်လာပါက သမိုင်းတစ်လျှောက် အဆိုးရွားဆုံး တောမီးဘေးအန္တရာယ်များနှင့် ရင်ဆိုင်ရနိုင်ခြင်း ဖြစ်ကြောင်း သိရသည်။Ref: STMWD
Wed, 13-May-2026
ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်
ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်
(၂၀၂၆ ခုနှစ်၊ မေလ ၁၂ ရက်နေ့ မွန်းလွဲ ၂:၀၀ နာရီအချိန် ထုတ်ပြန်ချက်)  ယမန်နေ့နံနက် ၀၉:၃၀ နာရီအချိန်မှ ယနေ့နံနက် ၀၉:၃၀ နာရီအချိန်အထိ မိုးလေဝသတိုင်းထွာချက် အကျဉ်းချုပ်။ လွန်ခဲ့သော ၂၄ နာရီအတွင်းက ကယားပြည်နယ်နှင့် ချင်းပြည်နယ်တို့တွင် နေရာကွက်ကျား၊ စစ်ကိုင်းတိုင်းဒေသကြီးအထက်ပိုင်းနှင့် ရခိုင်ပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာခဲ့ပြီး မန္တလေးတိုင်းဒေသကြီးတွင် နေရာကွက်၍ မိုးကြီးခဲ့ပါသည်။ နေ့အပူချိန်များမှာ တနင်္သာရီတိုင်းဒေသကြီးနှင့် ကရင်ပြည်နယ်တို့တွင် မေလ၏ ပျမ်းမျှအပူချိန် တို့ထက် ၃ ဒီဂရီဆဲလ်စီးယပ်မှ ၄ ဒီဂရီဆဲလ်စီးယပ်အထိနှင့် မွန်ပြည်နယ်တွင် မေလ၏ ပျမ်းမျှအပူချိန်ထက် ၂ ဒီဂရီဆဲလ်စီးယပ်ပိုခဲ့ပြီး ကယားပြည်နယ်တွင် မေလ၏ ပျမ်းမျှအပူချိန်အောက် ၂ ဒီဂရီဆဲလ်စီးယပ်၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ ချင်းပြည်နယ်နှင့် ရှမ်းပြည်နယ်(အရှေ့ပိုင်း)တို့တွင် မေလ၏ ပျမ်းမျှအပူချိန်တို့အောက် ၃ ဒီဂရီဆဲလ်စီးယပ်မှ ၄ ဒီဂရီဆဲလ်စီးယပ်အထိ၊ စစ်ကိုင်းတိုင်းဒေသကြီးအထက်ပိုင်း၊ ကချင်ပြည်နယ်၊ ရခိုင်ပြည်နယ်နှင့် ရှမ်းပြည်နယ်(တောင်ပိုင်း)တို့တွင် မေလ၏ ပျမ်းမျှအပူချိန်တို့အောက် ၅ ဒီဂရီဆဲလ်စီးယပ်မှ ၆ ဒီဂရီဆဲလ်စီးယပ်အထိ၊ နေပြည်တော်နှင့် ရှမ်းပြည်နယ်(မြောက်ပိုင်း)တို့တွင် မေလ၏ ပျမ်းမျှအပူချိန်တို့အောက် ၇ ဒီဂရီဆဲလ်စီးယပ်မှ ၈ ဒီဂရီဆဲလ်စီးယပ်အထိနှင့် မန္တလေးတိုင်းဒေသကြီး၊ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးအောက်ပိုင်းတို့တွင် မေလ၏ ပျမ်းမျှအပူချိန်တို့အောက် ၁၀ ဒီဂရီဆဲလ်စီးယပ်မှ ၁၁ ဒီဂရီဆဲလ်စီးယပ်အထိ လျော့နည်းခဲ့ကာ ရန်ကုန်တိုင်းဒေသကြီးတွင် မေလ၏ ပျမ်းမျှအပူချိန်ခန့်သာ ရှိခဲ့ပါသည်။ ၁၁-၅-၂၀၂၆ ရက်နေ့တွင် ဖြစ်ပေါ်ခဲ့သော ထူးခြားသည့် နေ့အပူချိန်များမှာ ကော့ကရိတ်မြို့တွင် ၃၈.၈ ဒီဂရီဆဲလ်စီးယပ်၊ ဘားအံမြို့တွင် ၃၈.၇ ဒီဂရီဆဲလ်စီးယပ်၊ ဘားအံ(စိုက်ပျိုးရေးမိုးလေဝသ)တွင် ၃၈.၄ ဒီဂရီဆဲလ်စီးယပ်၊ ထားဝယ်မြို့တွင် ၃၇.၅ ဒီဂရီဆဲလ်စီးယပ်၊ မော်လမြိုင်မြို့တွင် ၃၇.၀ ဒီဂရီဆဲလ်စီးယပ်၊ မုဒုံမြို့နှင့် သိမ်ဇရပ်မြို့တို့တွင် ၃၆.၈ ဒီဂရီဆဲလ်စီးယပ်စီ၊ မြိတ်မြို့တွင် ၃၆.၅ ဒီဂရီဆဲလ်စီးယပ်၊ မြဝတီမြို့တွင် ၃၆.၄ ဒီဂရီဆဲလ်စီးယပ်နှင့် သာယာဝတီမြို့တွင် ၃၆.၃ ဒီဂရီဆဲလ်စီးယပ်တို့ ဖြစ်ကြပါသည်။ မှတ်သားဖွယ်ရာ မိုးရေချိန်များမှာ ရွာငံမြို့တွင် ၂.၈၀ လက်မ၊ ဘိုကလေးမြို့တွင် ၂.၅၀ လက်မ၊ ငါးသိုင်းချောင်းမြို့နှင့် တောင်ကြီးမြို့တို့တွင် ၂.၄၀ လက်မစီ၊ လပွတ္တာမြို့တွင် ၂.၂၅ လက်မ၊ ရမည်းသင်းမြို့နှင့် ညောင်ရွှေမြို့တို့တွင် ၂.၂၁ လက်မစီ၊ ရန်ကုန် (ကျောက်တန်း)တွင် ၂.၀၅ လက်မနှင့် ကလောမြို့တွင် ၁.၉၃ လက်မတို့ ဖြစ်ကြပါသည်။ ဘင်္ဂလားပင်လယ်အော်အ‌ခြေအနေ။ ယနေ့မြန်မာစံတော်ချိန် ၁၂:၃၀ နာရီအချိန် တိုင်းထွာချက်များအရ ဘင်္ဂလားပင်လယ်အော်အနောက်တောင်ပိုင်းတွင် ဖြစ်ပေါ်နေသော လေဖိအားနည်းရပ်ဝန်း (Low Pressure Area) သည် ဆက်လက်တည်ရှိနေပါသည်။ အဆိုပါ လေဖိအားနည်းရပ်ဝန်းသည် နောက် ၃၆ နာရီအတွင်း ပိုမိုအားကောင်းလာနိုင်သည်ဟု ခန့်မှန်းရပါသည်။ ဘင်္ဂလားပင်လယ်အော်မြောက်ပိုင်းတွင် တိမ်အနည်းငယ် ဖြစ်ထွန်းနေပြီး ကပ္ပလီပင်လယ်ပြင်နှင့် ကျန်ဘင်္ဂလားပင်လယ်အော်တို့တွင် တိမ်အသင့်အတင့်မှ တိမ်ထူထပ်နေပါသည်။ မနက်ဖြန်နံနက်အထိခန့်မှန်းချက်။ ချင်းပြည်နယ်နှင့် ကယားပြည်နယ်တို့တွင် နေရာကျဲကျဲ၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ကချင်ပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်းပြည့် ဖြစ်ပါသည်။ မိုးတိမ်တောင်ဖြစ်ပေါ်မှုအခြေအနေ။ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် မိုးတိမ်တောင်များ ဖြစ်ထွန်းလျက်ရှိပြီး အဆိုပါ မိုးတိမ်တောင်များရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်း စသည့်မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။ မြန်မာ့ပင်လယ်ပြင်။ လှိုင်းအသင့်အတင့်ရှိမည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၅ ပေမှ ၇ ပေခန့် ရှိနိုင်ပါသည်။ နောက် ၂ ရက်အတွက်ခန့်မှန်းချက်။ မြန်မာနိုင်ငံတောင်ပိုင်းဒေသများတွင် ထစ်ချုန်းမည့် အခြေအနေများ ဖြစ်ပေါ်နိုင်ပါသည်။ နေပြည်တော်နှင့် အနီးတစ်ဝိုက်အတွက် မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။  ရန်ကုန်မြို့နှင့် အနီးတစ်ဝိုက်အတွက် မနက်ဖြန်နံနက်အထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။  မန္တလေးမြို့နှင့် အနီးတစ်ဝိုက်အတွက် မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။  Crd> မိုး/ဇလ
Tue, 12-May-2026
ဂျပန်နိုင်ငံ၌ ၂၀၂၅ ဘဏ္ဍာရေးနှစ်တွင် ဝက်ဝံနက်များ တွေ့ရှိမှု စံချိန်တင် မြင့်မားလာ
ဂျပန်နိုင်ငံ၌ ၂၀၂၅ ဘဏ္ဍာရေးနှစ်တွင် ဝက်ဝံနက်များ တွေ့ရှိမှု စံချိန်တင် မြင့်မားလာ
မေ ၁၂ဂျပန်နိုင်ငံတစ်ဝန်း ၂၀၂၅ ဘဏ္ဍာရေးနှစ်တွင် အာရှဝက်ဝံနက်များတွေ့ရှိမှု ၅၀၇၇၆ ကောင်ရှိပြီး ၂၀၀၉ ဘဏ္ဍာရေးနှစ်တွင် ရရှိသောအချက်အလက်များနောက်ပိုင်း အမြင့်မားဆုံးအဆင့်ဖြစ်ကြောင်း အစိုးရ၏ အချက်အလက်များက ယမန်နေ့ကဖော်ပြထားသည်။၂၀၂၅ ခုနှစ် ဧပြီလမှ ၂၀၂၆ ခုနှစ် မတ်လအထိ ယခုနှစ်  ဝက်ဝံနက်တွေ့ရှိမှုကိန်းဂဏန်းသည် ယခင်ဘဏ္ဍာရေးနှစ်တွင် ၂၀၅၁၃ ကောင် တွေ့ရှိမှုထက် ၂ ဒသမ ၅ ဆ မြင့်တက်လာခြင်းဖြစ်သည်ဟု  ပတ်ဝန်းကျင်ထိန်းသိမ်းရေးဝန်ကြီးဌာန၏ပြောကြားချက်အရ သိရသည်။ဝက်ဝံများပေါ်ထွက်လာမှု မြင့်တက်လာခြင်းသည် ဝက်သစ်ချသီးများ အပါအဝင် အစားအစာရင်းမြစ်များ ရှားပါးမှုကြောင့် တစ်စိတ်တစ်ပိုင်း ဖြစ်ကြောင်း ဖော်ပြထားသည်။နိုင်ငံအရှေ့မြောက်ပိုင်းရှိ အာကီတာစီရင်စုသည် အာရှဝက်ဝံနက် ၁၃၅၉၂ ကောင်ဖြင့် အများဆုံး တွေ့ရှိမှု စံချိန်တင်ခဲ့ပြီး အိမ်နီးချင်း အီဝါတီစီရင်စုသည် ၉၇၃၉ ကောင်ဖြင့် ဒုတိယနေရာတွင် ရပ်တည်ခဲ့သည်။ဝက်ဝံညိုများ အပါအဝင် တစ်နိုင်ငံလုံးတွင် ဖမ်းဆီးရမိသော ဝက်ဝံအရေအတွကစုစုပေါင်း ၁၄၇၂၀ ကောင်ဖြင့် စံချိန်သစ်တင်ခဲ့ပြီး အာကီတာစီရင်စုသည် ၂၆၉၀ ကောင်ဖြင့် ထိပ်ဆုံးမှ ရပ်တည်ခဲ့သည်။၂၀၂၅ ဘဏ္ဍာရေးနှစ်တွင် နိုင်ငံတစ်ဝန်း ဝက်ဝံတိုက်ခိုက်မှုများကြောင့် သေဆုံးသူ ၁၃ ဦးအပါအဝင် ထိခိုက်ဒဏ်ရာရသေဆုံးသူ ၂၃၈ ဦးရှိခဲ့ကြောင်း ထိုဝန်ကြီးဌာန၏ အစောပိုင်းထုတ်ပြန်ခဲ့သော ကနဦးအချက်အလက်များအရ သိရသည်။ကိုးကား-ဆင်ဟွာဘာသာပြန်-မြင့်မြင့်ချိုMDN
Tue, 12-May-2026
© Copyright 2024 SAC All Rights Reserved.