ဒေသတွင်းတင်းမာမှုများ မြင့်တက်နေသော်လည်း တူကီယဲနိုင်ငံ၏ စိုက်ပျိုးထုတ်လုပ်မှု အခက်အခဲမရှိဟုဆို

NoahJune222

News Image

  • ဒေသတွင်းတင်းမာမှုများ မြင့်တက်နေသော်လည်း တူကီယဲနိုင်ငံ၏ စိုက်ပျိုးထုတ်လုပ်မှု အခက်အခဲမရှိဟုဆို

အင်ကာရာ   မေ   ၁၃

ဒေသတွင်း ပဋိပက္ခများဖြစ်ပွားနေသော်လည်း တူကီယဲနိုင်ငံအနေဖြင့် စိုက်ပျိုးထုတ်လုပ်မှုနှင့် စားနပ်ရိက္ခာထောက်ပံ့မှုတို့တွင် အခက်အခဲတစ်စုံတစ်ရာမရှိကြောင်း သမ္မတ  ရီဆတ်တေရစ် အာဒိုဂန်က  မေ  ၁၂  ရက်တွင် ပြောကြားသည်။

တူကီယဲနိုင်ငံ၏  မြို့တော် အင်ကာရာတွင်  ပြုလုပ်သော ကမ္ဘာ့တောင်သူလယ်သမားများနေ့ အခမ်းအနား၌  မိန့်ခွန်းပြောကြားရာတွင် သမ္မတ အာဒိုဂန်က တူကီယဲနိုင်ငံသည် အရှေ့အလယ်ပိုင်းတွင် ဖြစ်ပွားလျက်ရှိသော ပဋိပက္ခများက နိုင်ငံ၏ စိုက်ပျိုးရေးထုတ်လုပ်မှုအပေါ် သက်ရောက်မှုမရှိစေရေး သတိထားစောင့်ကြည့်လျက်ရှိကြောင်း  ထည့်သွင်းပြောကြားသည်။

ထို့အပြင် ဓာတ်မြေဩဇာနှင့် ဓာတ်မြေဩဇာကုန်ကြမ်းပစ္စည်းများ သိုလှောင်ထားရှိမှုမှာ လုံလောက်သည့်ပမာဏတွင် ရှိကြောင်း၊ အစိုးရ၏ စိုက်ပျိုးရေးဆိုင်ရာ  စီမံကိန်းချမှတ်မှုများနှင့် ပံ့ပိုးမှုမူဝါဒများကြောင့် တူကီယဲနိုင်ငံအနေဖြင့် စားနပ်ရိက္ခာမဖူလုံမှုပြဿနာများနှင့် ရင်ဆိုင်ရခြင်းမရှိကြောင်း   ၎င်းက   ဆက်လက်ပြောကြားသည်။          

ဆင်ဟွာ

MDN

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် မန္တလေးတိုင်းဒေသကြီးအတွင်းရှိ တိုင်းဒေသကြီး၊ ခရိုင်၊ မြို့နယ်အဆင့် ဌာနဆိုင်ရာတာဝန်ရှိသူများနှင့် အသေးစား၊ အငယ်စားနှင့် အလတ်စားစီးပွားရေး (MSME) လုပ်ငန်းရှင်များနှင့်တွေ့ဆုံ၍ ဒေသဖွံ့ဖြိုးတိုးတက်ရေးဆိုင်ရာများ ဆွေးနွေးပြောကြား , ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် မန္တလေးတိုင်းဒေသကြီးအတွင်းရှိ တိုင်းဒေသကြီး၊ ခရိုင်၊ မြို့နယ်အဆင့် ဌာနဆိုင်ရာတာဝန်ရှိသူများနှင့် အသေးစား၊ အငယ်စားနှင့် အလတ်စားစီးပွားရေး (MSME) လုပ်ငန်းရှင်များနှင့်တွေ့ဆုံ၍ ဒေသဖွံ့ဖြိုးတိုးတက်ရေးဆိုင်ရာများ ဆွေးနွေးပြောကြား , ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် မန္တလေးတိုင်းဒေသကြီးအတွင်းရှိ တိုင်းဒေသကြီး၊ ခရိုင်၊ မြို့နယ်အဆင့် ဌာနဆိုင်ရာတာဝန်ရှိသူများနှင့် အသေးစား၊ အငယ်စားနှင့် အလတ်စားစီးပွားရေး (MSME) လုပ်ငန်းရှင်များနှင့်တွေ့ဆုံ၍ ဒေသဖွံ့ဖြိုးတိုးတက်ရေးဆိုင်ရာများ ဆွေးနွေးပြောကြား
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင် မန္တလေးတိုင်းဒေသကြီးအတွင်းရှိ တိုင်းဒေသကြီး၊ ခရိုင်၊ မြို့နယ်အဆင့် ဌာနဆိုင်ရာတာဝန်ရှိသူများနှင့် အသေးစား၊ အငယ်စားနှင့် အလတ်စားစီးပွားရေး (MSME) လုပ်ငန်းရှင်များနှင့်တွေ့ဆုံ၍ ဒေသဖွံ့ဖြိုးတိုးတက်ရေးဆိုင်ရာများ ဆွေးနွေးပြောကြား
နေပြည်တော် မေ ၁၅ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် မန္တလေးတိုင်းဒေသကြီးအတွင်းရှိ တိုင်းဒေသကြီး၊ ခရိုင်၊ မြို့နယ်အဆင့် ဌာနဆိုင်ရာတာဝန်ရှိသူများနှင့် အသေးစား၊ အငယ်စားနှင့် အလတ်စားစီးပွားရေး (MSME) လုပ်ငန်းရှင်များနှင့် ယနေ့မွန်းလွဲပိုင်းတွင် မန္တလေးမြို့ မြို့တော်ခန်းမ၌ တွေ့ဆုံ၍ ဒေသဖွံ့ဖြိုးတိုးတက်ရေးဆိုင်ရာများအား ဆွေးနွေးပြောကြားသည်။အဆိုပါတွေ့ဆုံပွဲသို့ ပြည်ထောင်စုဝန်ကြီးများ ဖြစ်ကြသည့် ဦးခင်မောင်ရီ၊ ဦးမြထွန်းဦး၊ ဦးတင်ဦးလွင်၊ ဦးမင်းနောင်၊ ဦးမျိုးဇော်သိမ်း၊ ဦးဆန်းဦးနှင့် ဦးမျိုးသန့်၊ မန္တလေးတိုင်းဒေသကြီး ဝန်ကြီးချုပ် ဦးမျိုးအောင်၊ တိုင်းဒေသကြီးလွှတ်တော်ဥက္ကဋ္ဌ၊ တရားသူကြီးချုပ်၊ ကာကွယ်ရေးဦးစီးချုပ်ရုံးမှ အဆင့်မြင့်တပ်မတော်အရာရှိကြီးများ၊ အလယ်ပိုင်းတိုင်းစစ်ဌာနချုပ် တိုင်းမှူး၊ ဒုတိယဝန်ကြီးများ၊ တိုင်းဒေသကြီးလွှတ်တော် ဒုတိယဥက္ကဋ္ဌ၊ တိုင်းဒေသကြီးအစိုးရအဖွဲ့ဝင် ဝန်ကြီးများ၊ တိုင်းဒေသကြီး၊ ခရိုင်၊ မြို့နယ်အဆင့် ဌာနဆိုင်ရာတာဝန်ရှိသူများ၊ အသေးစား၊ အငယ်စားနှင့် အလတ်စားစီးပွားရေး (MSME) လုပ်ငန်းရှင်များနှင့် တာဝန်ရှိသူများ တက်ရောက်ကြသည်။ဦးစွာ တိုင်းဒေသကြီးဝန်ကြီးချုပ် ဦးမျိုးအောင်က ဒေသဆိုင်ရာအချက်အလက်များ၊ မိုးရေချိန်ရရှိမှုနှင့် မြေအသုံးချမှု၊ ၂၀၂၀-၂၀၂၁ ခုနှစ်မှ ၂၀၂၄-၂၀၂၅ (၅) နှစ်တာ ကာလအတွင်း လယ်ယာကဏ္ဍဆိုင်ရာ သီးထပ်၊ သီးနှံစိုက်စွမ်းအား တိုးတက်မှု၊ ၂၀၂၅-၂၀၂၆ ခုနှစ်အတွင်း အရေးကြီး သီးနှံ (၁၄) မျိုး စိုက်ပျိုးထုတ်လုပ်မှုနှင့် ပန်းတိုင်ရရှိမှု၊ နှစ်အလိုက် ဆန်၊ ဆီ၊ ပဲ ဖူလုံမှု၊ နိုင်ငံ့စီးပွားမြှင့်တင်ရေးရန်ပုံငွေမှ ရယူထားရှိမှုနှင့် ပြန်လည်ပေးဆပ်နိုင်မှု၊ ပထမရက် (၁၀၀) အတွင်း စိုက်ပျိုးရေး၊ မွေးမြူရေးလုပ်ငန်းများ ဖွံ့ဖြိုးတိုးတက်ရေးဆောင်ရွက်သွားမည့် အခြေအနေများ၊ ဒေသတွင်း MSME လုပ်ငန်းများ ဆောင်ရွက်လျက်ရှိမှုနှင့် စက်မှုဇုန်များ တည်ထောင်ဆောင်ရွက်လျက်ရှိမှု၊ စိုက်ပျိုးရေး၊ မွေးမြူရေးနှင့် ကုန်ထုတ်လုပ်မှုသမဝါယမအသင်းများ ဖွဲ့စည်းထားရှိမှု၊ အစိုးရသစ်ပထမ ရက် (၁၀၀) အတွင်း ကျေးလက်ဒေသဖွံ့ဖြိုးရေးလုပ်ငန်းများ ဆောင်ရွက်သွားရန်လျာထားမှု၊ နိုင်ငံတော်သမ္မတ၏ ဦးဆောင်လမ်းညွှန်မှုနှင့်အညီ မန္တလေးတိုင်းဒေသကြီးအတွင်း စိုက်ပျိုးမွေးမြူရေးနှင့် MSME လုပ်ငန်းများ ဖွံ့ဖြိုးတိုးတက်ရေး၊ သမဝါယမ၊ ကျေးလက်နေပြည်သူများ ဖွံ့ဖြိုးတိုးတက်စေရေးလုပ်ငန်းများနှင့် အစိုးရသစ်၏ ပထမရက်ပေါင်း (၁၀၀) အတွင်း ဆောင်ရွက်သွားမည့် အစီအမံကို အောင်မြင်အောင် ဆက်လက်အကောင်အထည်ဖော် ဆောင်ရွက်သွားမည့် အခြေအနေများနှင့် ပတ်သက်၍ ရှင်းလင်းတင်ပြသည်။ဒေသဖွံ့ဖြိုးတိုးတက်ရေးဆောင်ရွက်လျက်ရှိမှုနှင့် လုပ်ငန်းလိုအပ်ချက်များအား အသီးသီးဆွေးနွေးတင်ပြထို့နောက် တက်ရောက်လာကြသည့် မန္တလေးတိုင်းဒေသကြီးအတွင်း အသေးစား၊ အငယ်စားနှင့် အလတ်စားစီးပွားရေးလုပ်ငန်း (MSME) များ ဆောင်ရွက်လျက်ရှိသည့် လုပ်ငန်းရှင်များက လုပ်ငန်းဆောင်ရွက်လျက်ရှိမှုအခြေအနေများ၊ လုပ်ငန်းလိုအပ်ချက်များနှင့် ပတ်သက်၍ ဆွေးနွေးတင်ပြကြရာတွင် နိုင်ငံတော်သမ္မတကြီးအနေဖြင့် ယခုကဲ့သို့ မန္တလေးတိုင်းဒေသကြီးသို့ လာရောက်စဉ် မိမိတို့လုပ်ငန်းရှင်များ၏ တွေ့ကြုံနေရမှုများနှင့် လုပ်ငန်းလိုအပ်ချက်များနှင့် ပတ်သက်၍ တင်ပြခွင့်ရသည့်အတွက် ဝမ်းမြောက်ဂုဏ်ယူလျက်ရှိမှု၊ မန္တလေး - မြို့သာစက်မှုဥယျာဉ် တည်ဆောက်ရေးစီမံကိန်းအား အကောင်အထည်ဖော်ဆောင်ရွက်လျက်ရှိမှုနှင့် ဆက်လက်ဆောင်ရွက်သွားမည့် လုပ်ငန်းစဉ်များ၊ မန္တလေးတိုင်းဒေသကြီး ကုန်သည်များနှင့် စက်မှုလုပ်ငန်းရှင်များအသင်းအနေဖြင့် တိုင်းဒေသကြီးအတွင်း စီးပွားရေးလုပ်ငန်းများ ချောမွေ့မှန်ကန်လျင်မြန်စွာ လုပ်ဆောင်နိုင်ရေးအတွက် နိုင်ငံတော်ကဏ္ဍနှင့် ပုဂ္ဂလိကကဏ္ဍအကြား ပူးပေါင်းပါဝင်ဆောင်ရွက်လျက်ရှိမှု၊ MSME လုပ်ငန်းများ ဖွံ့ဖြိုးတိုးတက်ရေးအတွက် ဆောင်ရွက်ပေးလျက်ရှိမှုအခြေအနေများ၊ စက်မှုဇုန်များ လျှပ်စစ်မီးရရှိရေး ကြိုးပမ်းဆောင်ရွက်လျက်ရှိမှုနှင့် နိုင်ငံတော်မှအကူအညီများရရှိရန် လိုအပ်လျက်ရှိမှု၊ မန္တလေးစက်မှုဇုန်အတွင်း ကုန်ထုတ်လုပ်မှုလုပ်ငန်းများ ဆောင်ရွက်လျက်ရှိမှုနှင့် အလုပ်အကိုင်များ ဖော်ဆောင်ပေးလျက်ရှိမှု၊ နိုင်ငံတကာနည်းပညာဖိုရမ်၊ နိုင်ငံတကာစီးပွားရေးဖိုရမ်များသို့ မန္တလေးစက်မှုဇုန်ရှိ သင့်လျော်သော လုပ်ငန်းရှင်များ ပါဝင်တက်ရောက်နိုင်ရေး နိုင်ငံတော်မှ ကူညီဆောင်ရွက်ပေးစေလိုမှု၊ ရက်ကန်းလုပ်ငန်းများအတွက် လိုအပ်သည့် ခေတ်မီသည့် ရက်ကန်းစက်များ တင်သွင်းခွင့်ရရှိရေးနှင့် ရက်ကန်းလုပ်ငန်းများအတွက် လိုအပ်သည့် အရင်းအနှီးများကို နိုင်ငံတော်မှ ကူညီဆောင်ရွက်ပေးစေလိုမှု၊ မန္တလေးစက်ရုံရှိ သံရည်ကျိုလုပ်ငန်းရှင်များစုဖွဲ့၍ ဆောက်လုပ်ရေးသုံး သံပန်းလုံးများကို ငလျင်ဒဏ်ခံနိုင်သော အရည်အသွေးစံချိန်စံညွှန်းပြည့်မီအောင် ထုတ်လုပ်လျက်ရှိမှုနှင့် သံရည်ကျိုလုပ်ငန်းများအတွက် လိုအပ်သည့် စက်ပစ္စည်းများ တင်သွင်းခွင့်ရရှိရေးနိုင်ငံတော်မှ ကူညီဆောင်ရွက်ပေးစေလိုမှုတို့နှင့် ပတ်သက်၍ ရှင်းလင်းတင်ပြကြသည်။ပြည်ထောင်စုဝန်ကြီးများက သက်ဆိုင်ရာကဏ္ဍအလိုက် ပြန်လည်ရှင်းလင်းဆွေးနွေးလုပ်ငန်းရှင်များ၏ တင်ပြချက်များနှင့် စပ်လျဉ်း၍ တက်ရောက်လာကြသည့် ပြည်ထောင်စုဝန်ကြီးများက သက်ဆိုင်ရာကဏ္ဍအလိုက် ပြန်လည်ဆွေးနွေးကြရာတွင် စက်မှုဇုန်များအတွက် လိုအပ်သည့် လျှပ်စစ်ဓာတ်အားများ လုံလောက်စွာရရှိရေးအတွက် နေရောင်ခြည်စွမ်းအင်သုံး လျှပ်စစ်ဓာတ်အားထုတ်လုပ်ခြင်းလုပ်ငန်းများကို နိုင်ငံတော်မှ သတ်မှတ်ထားသည့် စည်းမျဉ်းစည်းကမ်းများနှင့်အညီ ဆောင်ရွက်နိုင်မှု၊ ပြည်တွင်းစက်မှုလုပ်ငန်းရှင်များအား နိုင်ငံတကာနည်းပညာဖိုရမ်များနှင့် စီးပွားရေးဖိုရမ်များသို့ စေလွှတ်ပေးလျက်ရှိမှုနှင့် ပိုမိုစေလွှတ်ပေးနိုင်ရေးဝန်ကြီးဌာနအနေဖြင့် ညှိနှိုင်းဆောင်ရွက်ပေးသွားမည့် အခြေအနေများ၊ စက်မှုလုပ်ငန်းများအတွက် လိုအပ်သည့် စက်ပစ္စည်းများ တင်သွင်းခွင့်ရရှိရေးအတွက် လုပ်ထုံးလုပ်နည်းများနှင့်အညီ ဆောင်ရွက်ပေးလျက်ရှိမှု၊ ဆောက်လုပ်ရေးလုပ်ငန်းများအတွက် လိုအပ်သည့် သံနှင့် သံမဏိများအား ထုတ်လုပ်ရာတွင် အရည်အသွေးပြည့်မီရန် လိုအပ်လျက်ရှိသဖြင့် မြန်မာနိုင်ငံသံနှင့် သံမဏိအသင်းနှင့် ဆက်သွယ်ဆောင်ရွက်ရန် လိုအပ်လျက်ရှိမှု၊ မန္တလေးတိုင်းဒေသကြီးအတွင်း သစ်နှင့် ဝါးထုတ်ကုန်ပစ္စည်းများအား အဆင့်မြှင့်ထုတ်ကုန်များအဖြစ် ထုတ်လုပ်နိုင်မှု၊ လေထုညစ်ညမ်းမှုလျှော့ချရေးအတွက် မီးခိုးမြူငွေ့လျော့ပါးပပျောက်ရေး လုပ်ငန်းစဉ်များနှင့် စိမ်းလန်းစိုပြည်ရေးလုပ်ငန်းစဉ်များတွင် အားလုံးက ဝိုင်းဝန်းပါဝင်ဆောင်ရွက်ကြစေလိုမှု၊ မန္တလေးတိုင်းဒေသကြီးအတွင်း သမဝါယမအသင်းအဖွဲ့များ ဖွဲ့စည်း၍ စိုက်ပျိုးမွေးမြူရေးနှင့် ကုန်ထုတ်လုပ်ငန်းများ ပိုမိုဖွံ့ဖြိုးတိုးတက်စေရေးမတည်ပံ့ပိုးဆောင်ရွက်ပေးလျက်ရှိမှုနှင့် ကျေးလက်ဒေသဖွံ့ဖြိုးရေးဆောင်ရွက်ပေးလျက်ရှိမှု၊ စိုက်ပျိုးမွေးမြူရေးလုပ်ငန်းများနှင့် ပတ်သက်၍ သွင်းအားစုနှင့် နည်းပညာရရှိရေး၊ မျိုးကောင်းမျိုးသန့်များနှင့် မျိုးစေ့များရရှိရေးနှင့် အခြားလိုအပ်ချက်များကို နိုင်ငံတော်မှ ဖြည့်ဆည်းဆောင်ရွက်ပေးလျက်ရှိသဖြင့် သက်ဆိုင်ရာဌာနများသို့ ဆက်သွယ်၍ ချိတ်ဆက်ဆောင်ရွက်နိုင်မှု၊ နိုင်ငံတော်အနေဖြင့် ပို့ဆောင်ရေးကဏ္ဍ အဆင့်မြှင့်တင်နိုင်ရေး အကောင်အထည်ဖော်ဆောင်ရွက်လျက်ရှိမှု၊ နိုင်ငံတော်အတွက် အကျိုးဖြစ်ထွန်းစေသည့် Public Transportation စနစ်တစ်ခုဖြစ်သည့် ရထားသယ်ယူပို့ဆောင်ရေးစနစ်အား ပိုမိုတိုးတက်ကောင်းမွန်စေရေး အဆင့်မြှင့်တင်ဆောင်ရွက်ပေး လျက်ရှိမှုနှင့် ခရီးစဉ်များ တိုးချဲ့ပြေးဆွဲဆောင်ရွက်ပေးလျက်ရှိမှု၊ ဒစ်ဂျစ်တယ်ဖွံ့ဖြိုးတိုးတက်ရေးအတွက် အဆင့်အလိုက် အဆင့်မြှင့်တင်ဆောင်ရွက်ပြီး Digitalization ကို ဖော်ဆောင်နိုင်ရေးဆောင်ရွက်လျက်ရှိမှုတို့နှင့် ပတ်သက်၍ ပြန်လည်ဆွေးနွေးခဲ့ကြသည်။ဒေသဖွံ့ဖြိုးတိုးတက်ရေးဆိုင်ရာများနှင့် ပတ်သက်၍ ဆွေးနွေးမှာကြားယင်းနောက် နိုင်ငံတော်သမ္မတက ဒေသဖွံ့ဖြိုးတိုးတက်ရေးဆိုင်ရာများနှင့် ပတ်သက်၍ ဆွေးနွေးပြောကြားရာတွင် မိမိအနေဖြင့် နိုင်ငံတော်သမ္မတ အဖြစ်တာဝန်ထမ်းဆောင်ပြီးနောက်ပိုင်း ပြည်သူလူထုနှင့် ပထမဆုံးအကြိမ်အဖြစ် တွေ့ဆုံခြင်းဖြစ်ကြောင်း၊ မန္တလေးမြို့သည် အထက်မြန်မာနိုင်ငံ၏ စီးပွားရေးမြို့၊ စက်မှုမြို့ဖြစ်သကဲ့သို့ ရှေးဟောင်းအမွေအနှစ်များဖြင့် ပြည့်ဝနေသည့် မြို့တစ်ခုဖြစ်ကြောင်း၊ ပြီးခဲ့သည့် သင်္ကြန်ကာလအတွင်း မိမိတို့နိုင်ငံ၏ နှစ်သစ်ကူးပွဲတော်ဖြစ်သည့် အတာသင်္ကြန်ပွဲတော်ကို မြန်မာ့ရိုးရာယဉ်ကျေးမှု အစဉ်အလာနှင့်အညီ ပီပီပြင်ပြင်ဖြင့် ဖော်ပြနိုင်ခဲ့ပြီး နိုင်ငံ့ဂုဏ်ကို မြှင့်တင်နိုင်ခဲ့သဖြင့် မန္တလေးမြို့ရှိ ပြည်သူများအားလုံးကို ဂုဏ်ပြုကျေးဇူးတင်ရှိကြောင်း။မန္တလေးတိုင်းဒေသကြီးသည် စက်မှုလုပ်ငန်းများ၊ စိုက်ပျိုးမွေးမြူရေးလုပ်ငန်းများအားလုံး၌ အောင်မြင်ဖြစ်ထွန်းမှုရှိသော ထူးခြားသည့် တိုင်းဒေသကြီးတစ်ခုဖြစ်ကြောင်း၊ အရေးကြီးသီးနှံ (၁၄) မျိုး စိုက်ပျိုးထုတ်လုပ်မှုအနေဖြင့် အားရကျေနပ်ဖွယ်အနေအထားတွင်ရှိပြီး ပန်းတိုင်ရရှိမှု မြင့်မားစေရေးအတွက် ဆက်လက်ကြိုးပမ်းဆောင်ရွက်သွားကြစေလိုကြောင်း၊ တိုင်းဒေသကြီး၏ GDP အနေဖြင့် တစ်နှစ်လျှင် အမေရိကန်ဒေါ်လာ ၉ ဘီလီယံခန့်ရှိပြီး တစ်နိုင်ငံလုံးအတိုင်းအတာ၏ ၁၀ ရာခိုင်နှုန်းခန့်ပါဝင်ကြောင်း။လက်ရှိအချိန်တွင် ကမ္ဘာ့နိုင်ငံရေးဖြစ်ပေါ်ပြောင်းလဲမှုအခြေအနေများအရ ကမ္ဘာ့နိုင်ငံတိုင်းတွင် လောင်စာဆီအခက်အခဲများ ကြုံတွေ့နေရမှုနှင့်အတူ မိမိတို့နိုင်ငံသည်လည်း ခံစားရလျက်ရှိကြောင်း၊ ထို့ကြောင့် မိမိတို့အနေဖြင့် အများပြည်သူသုံးသယ်ယူပို့ဆောင်ရေး Public Transportation ကို ကောင်းမွန်အောင် ဆောင်ရွက်ပေးနိုင်ရေးကြိုးပမ်းဆောင်ရွက်လျက်ရှိပြီး ရထားပို့ဆောင်ရေးကဏ္ဍ ဖွံ့ဖြိုးတိုးတက်ရေးကို ဦးစားပေးဆောင်ရွက်လျက်ရှိကြောင်း။စိုက်ပျိုးမွေးမြူရေးကိုအခြေခံသည့် ကုန်ထုတ်လုပ်ငန်း (Agro-based Industries) များကို အားပေးမြှင့်တင်မန္တလေးတိုင်းဒေသကြီးအတွင်း ပန်းတိုင်ရည်မှန်းချက်မပြည့်မီခြင်းကြောင့် ပန်းတိုင်ရည်မှန်းချက်သီးနှံ ၁၀ မျိုးတွင် နှစ်စဉ်မြန်မာကျပ်ငွေ ၃၇၆၅ ဘီလီယံခန့် လျော့နည်းနစ်နာဆုံးရှုံးရလျက်ရှိကြောင်း၊ တစ်နိုင်ငံလုံးအတိုင်းအတာဖြင့် နှစ်စဉ် အမေရိကန်ဒေါ်လာ ၈ ဘီလီယံခန့် ထိခိုက်နစ်နာဆုံးရှုံးရလျက်ရှိကြောင်း၊ လက်ရှိစိုက်ပျိုးနေသည့် စိုက်ဧကအတိုင်း သီးထပ်စွမ်းအားပြည့်မီအောင် စိုက်ပျိုးနိုင်မည်ဆိုပါက နှစ်စဉ်အမေရိကန်ဒေါ်လာ ၂၀ ဘီလီယံခန့် ပိုမိုအကျိုးအမြတ်ရရှိနိုင်မည်ဖြစ်ကြောင်း၊ မိမိတို့နိုင်ငံသည် စိုက်ပျိုးမွေးမြူရေးကို အခြေခံသည့် စီးပွားရေးကို ဆောင်ရွက်သည့် နိုင်ငံတစ်ခုဖြစ်သည့်အတွက် စိုက်ပျိုးရေးနှင့် မွေးမြူရေးလုပ်ငန်းများ ဖွံ့ဖြိုးတိုးတက်အောင် ဆောင်ရွက်သွားရမည်ဖြစ်ကြောင်း၊ ကမ္ဘာပေါ်ရှိ ဖွံ့ဖြိုးတိုးတက်ပြီး နိုင်ငံအများအပြား၌ပင် စိုက်ပျိုးရေးလုပ်ငန်းများကို အလေးထားဆောင်ရွက်နေရဆဲဖြစ်သည်ကို တွေ့မြင်ရမည်ဖြစ်ကြောင်း၊ ဥပမာအားဖြင့် ကမ္ဘာ့အင်အားကြီး နိုင်ငံတစ်နိုင်ငံဖြစ်သည့် အမေရိကန်နိုင်ငံသည်ပင်လျှင် စိုက်ပျိုးရေးထုတ်ကုန်များကို ထုတ်လုပ်၍ ပြည်ပနိုင်ငံများသို့ အများအပြားတင်ပို့နေသည်ကို တွေ့မြင်ရမည်ဖြစ်ကြောင်း၊ ထို့ကြောင့် မိမိတို့အနေဖြင့် စိုက်ပျိုးမွေးမြူရေးကိုအခြေခံသည့် ကုန်ထုတ်လုပ်ငန်း (Agro-based Industries)၊ အသေးစား၊ အငယ်စားနှင့် အလတ်စားစီးပွားရေး (MSME) လုပ်ငန်းများကို အားပေးမြှင့်တင်ခြင်းဖြင့် နိုင်ငံ့စီးပွားဖွံ့ဖြိုးတိုးတက်အောင် ဆောင်ရွက်သွားကြရမည်ဖြစ်ကြောင်း။ထိုသို့ ဆောင်ရွက်နိုင်ရေးအတွက် နိုင်ငံတော်တွင် အတန်းပညာမြင့်မားပြီး အသိပညာ၊ အတတ်ပညာ ကြွယ်ဝသည့် လူသားအရင်းအမြစ်ကောင်းများ များစွာရရှိရန်လိုအပ်ကြောင်း၊ မိမိတို့နိုင်ငံ၏ ပညာရေးကို ကြည့်မည်ဆိုပါက ခေတ်အဆက်ဆက်တွင် အားနည်းလျက်ရှိသည်ကို တွေ့မြင်ရမည်ဖြစ်ပြီး မဖြစ်မနေမြှင့်တင်ဆောင်ရွက်သွားရမည်ဖြစ်ကြောင်း၊ အတတ်ပညာ၊ အသိပညာပြည့်ဝသည့် လူ့စွမ်းအားအရင်းအမြစ်ကောင်းများကသာလျှင် နိုင်ငံတော်ကို ဖွံ့ဖြိုးတိုးတက်ပြီး ရေရှည်တည်တံ့အောင် ထိန်းသိမ်းဆောင်ရွက်ပေးနိုင်မည်ဖြစ်ကြောင်း၊ အတန်းပညာမှတစ်ဆင့် အတတ်ပညာ၊ အသိပညာများကို ပိုမိုပြည့်စုံအောင်ဖော်ဆောင်ပေးနိုင်မည်ဖြစ်သဖြင့် ကျောင်းနေအရွယ်ကလေးများအားလုံး ပညာသင်ကြားနိုင်ရေး ကြိုးပမ်းဆောင်ရွက်သွားကြရမည်ဖြစ်ကြောင်း၊ လက်ရှိအချိန်တွင် နိုင်ငံတော်၏ အနိမ့်ဆုံးပညာရေးရည်မှန်းချက်အဖြစ် KG+9 အထိ မသင်မနေရပညာရေးစနစ်ကို ချမှတ်ထားပြီး ပညာတတ်လူ့စွမ်းအားအရင်းအမြစ်ကောင်းများ ပေါ်ထွက်လာအောင် ဆောင်ရွက်ပေးလျက်ရှိနေကြောင်း၊ မိမိတို့နိုင်ငံသည် စိုက်ပျိုးမွေးမြူရေးကို အဓိကထားဆောင်ရွက်သည့် နိုင်ငံဖြစ်သဖြင့် စိုက်ပျိုးမွေးမြူရေးဆိုင်ရာ ပညာရှင်များ ပိုမိုပေါ်ထွက်လာစေရေး စိုက်ပျိုးရေး၊ မွေးမြူရေးနှင့် စက်မှုနည်းပညာဘာသာရပ်များကို အခြေခံပညာအလယ်တန်းနှင့် အထက်တန်းတို့တွင် သင်ကြားပေးလျက်ရှိကြောင်း၊ အနာဂတ်နိုင်ငံတော်ကို ဦးဆောင်ကြမည့် အသိပညာ၊ အတတ်ပညာနှင့် ပြည့်စုံကြွယ်ဝသည့် မျိုးဆက်သစ်လူငယ်လူရွယ်များကို ဆက်လက်အားပေးမွေးထုတ်ပေးသွားကြရန် တိုက်တွန်းမှာကြားလိုကြောင်း။မွေးမြူရေးလုပ်ငန်းပိုင်းဆိုင်ရာများနှင့် ပတ်သက်၍ မန္တလေးတိုင်းဒေသကြီးအတွင်း အသား၊ ငါး ဈေးနှုန်းများ ကြီးမြင့်လျက်ရှိသည်ကို တွေ့မြင်ရကြောင်း၊ ဒေသတွင်းစားသုံးမှုဖူလုံမှုမှတစ်ဆင့် နိုင်ငံတစ်ဝန်းလုံးဖူလုံရေးကို ဖော်ဆောင်ပေးနိုင်မည်ဆိုပါက အသား၊ ငါးများ၏ ကုန်ဈေးနှုန်းများသည်လည်း ကျဆင်းလာနိုင်မည်ဖြစ်ကြောင်း၊ ဒေသတွင်းမှ ထွက်ရှိသည့် စိုက်ပျိုးရေးထွက်ကုန်များကိုအခြေခံသည့် တိရစ္ဆာန်အစာများကို ပိုမိုတိုးမြှင့်ထုတ်လုပ်၍ မွေးမြူရေးလုပ်ငန်းများကို စနစ်တကျဆောင်ရွက်သွားမည်ဆိုပါက ဒေသတွင်းစားသုံးမှုကို ဖူလုံစေမည်ဖြစ်ပြီး ကုန်ဈေးနှုန်းကြီးမြင့်ခြင်းများကိုလည်း လျှော့ချနိုင်စေမည်ဖြစ်ကြောင်း။နိုင်ငံသားတိုင်း သက်ရှည်ကျန်းမာသည့် လူမှုဘဝကို ပိုင်ဆိုင်နိုင်ကြရန် ကြိုးပမ်းဆောင်ရွက်ကျန်းမာရေးနှင့်ပတ်သက်၍ မိမိတို့နိုင်ငံ၏ မျှော်မှန်းသက်တမ်းသည် ၂၀၂၄-၂၀၂၅ ခုနှစ် လူဦးရေနှင့် အိမ်အကြောင်းအရာသန်းခေါင်စာရင်းအရ ၆၉ နှစ်ဖြစ်သဖြင့် အိမ်နီးချင်းနိုင်ငံများနှင့် ဒေသတွင်း နိုင်ငံများထက် နည်းပါးနေဆဲဖြစ်သည်ကို တွေ့မြင်ရကြောင်း၊ ထို့ကြောင့် နိုင်ငံသားတိုင်း ကျန်းမာရေးကောင်းမွန်ရန်လိုကြောင်း၊ လူတစ်ဦးချင်းစီ၏ ကျန်းမာရေးကောင်းမွန်ရန်အတွက် စီးပွားရေးကောင်းမွန်ရန်လိုပြီး စီးပွားရေးကောင်းမွန်မှသာလျှင် နေထိုင်စားသောက်မှု၊ ပညာသင်ကြားမှုများ တိုးတက်ကောင်းမွန်လာမည်ဖြစ်ကြောင်း၊ ပညာရေးအားကောင်းမွန်လာခြင်းနှင့်အတူ လူမှုစီးပွားဘဝများ သည်လည်း တိုးတက်လာမည်ဖြစ်ပြီး နိုင်ငံသားတိုင်း သက်ရှည်ကျန်းမာသည့် လူမှုဘဝကို ပိုင်ဆိုင်နိုင်ကြမည်ဖြစ်ကြောင်း။စိုက်ပျိုးရေးတွင် ဝါစိုက်ပျိုးမှုအနေဖြင့် စစ်ကိုင်း၊ မကွေး၊ မန္တလေးနှင့် ပဲခူးတိုင်းဒေသကြီးတို့တွင် ဝါကိုစိုက်ပျိုးကြပြီး မန္တလေးတိုင်းဒေသကြီးသည် ဒုတိယအများဆုံးစိုက်ပျိုးသည့် တိုင်းဒေသကြီး တစ်ခုဖြစ်ကြောင်း၊ ထို့ကြောင့် မန္တလေးတိုင်းဒေသကြီးအတွင်း ဝါကိုအခြေခံသည့် စက်မှုကုန်ထုတ်လုပ်ငန်းကို အောင်မြင်အောင် ဆောင်ရွက်နိုင်ကြောင်း၊ ဝါစိုက်ပျိုးထုတ်လုပ်မှုကို တိုးတက်အောင်ဆောင်ရွက် နိုင်မည်ဆိုပါက ဒေသနှင့် နိုင်ငံအတွက် များစွာအကျိုးဖြစ်ထွန်းစေမည်ဖြစ်ကြောင်း၊ မန္တလေးတိုင်းဒေသကြီးအတွင်း ရက်ကန်းလုပ်ငန်းများ တိုးတက်လာစေရေးအတွက်လည်း တာဝန်ရှိသူများနှင့် စီမံဆောင်ရွက်ပေးသွားမည်ဖြစ်ကြောင်း၊ ဝါမှချည်နှင့်ချည်ထည်များကို ထုတ်လုပ်နိုင်သကဲ့သို့ ဝါစေ့ဆီနှင့် ဝါကြိတ်ဖတ်မှ တိရစ္ဆာန်အစာများကို ထုတ်လုပ်နိုင်ကြောင်း၊ ဝါဖန်စက်များကိုလည်း စမ်းသပ်ထုတ်လုပ်လျက်ရှိပြီး အောင်မြင်ပြီးပါက ဆက်လက်ဖြန့်ဝေပေးသွားမည် ဖြစ်ကြောင်း၊ ထို့ကြောင့် ဝါကိုအခြေခံသည့် စက်မှုလုပ်ငန်းများ မန္တလေးတိုင်းဒေသကြီးအတွင်း တိုးတက်လာစေရေး ကြိုးပမ်းဆောင်ရွက်သွားကြရန် တိုက်တွန်းလိုကြောင်း။ထုတ်ကုန်ပစ္စည်းများအနေဖြင့် ဈေးကွက်ရရှိရန်လိုအပ်မည်ဖြစ်ပြီး ရောင်းကုန်ပစ္စည်းများလည်း ဖြစ်ရန်လိုအပ်မည်ဖြစ်ကြောင်း၊ နိုင်ငံ့စီးပွားဖွံ့ဖြိုး တိုးတက်ရေးအတွက် နိုင်ငံသားတိုင်းတွင် စီးပွားရေးအသိအမြင်များ ရှိရန်လည်းမဖြစ်မနေ လိုအပ်မည်ဖြစ်ကြောင်း၊ ထို့ကြောင့် တက္ကသိုလ်များ၌ စီးပွားရေးပညာရပ်များကို ထည့်သွင်းသင်ကြားပေးလျက်ရှိနေခြင်းဖြစ်ကြောင်း၊ “ပစ္စည်းချင်းတူပါက ဈေးနှုန်း သက်သာရမည်၊ ဈေးနှုန်းချင်းတူပါက ပစ္စည်းပိုကောင်းရမည်” ဖြစ်ပြီး ထိုသို့ဆောင်ရွက်သွားမည်ဆိုပါက ဈေးကွက်ပိုမိုရရှိလာနိုင်မည်ဖြစ်ကြောင်း။ဒေသဖွံ့ဖြိုးတိုးတက်ရေးအတွက် သမဝါယမစနစ်ဖြင့် ဆောင်ရွက်မည်ဆိုပါက ပိုမိုကောင်းမွန်မည်ဖြစ်ကြောင်း၊ သမဝါယမစနစ်ဆိုသည်မှာ စုပေါင်းဆောင်ရွက်သည့် စနစ်ဖြစ်ကြောင်း၊ စိုက်ပျိုးမွေးမြူရေးကုန်ထုတ်လုပ်ငန်းတွင် အားနည်းသူများစုပေါင်း၍ ဆောင်ရွက်ကြခြင်းဖြစ်ကြောင်း၊ ထိုသို့ ဆောင်ရွက်ခြင်းဖြင့် လုပ်ငန်းများ အောင်မြင်လာပြီး ဝင်ငွေများပိုမိုရရှိလာကြမည်ဖြစ်ကြောင်း၊ ကမ္ဘာပေါ်ရှိ ဖွံ့ဖြိုးပြီးနိုင်ငံများ၌ပင် သမဝါယမစနစ်ကို ကျင့်သုံးလျက်ရှိနေကြကြောင်း။လာမည့် ဇွန် ၁ ရက်နေ့ဆိုပါက ကျောင်းများ ပြန်လည်ဖွင့်လှစ်မည်ဖြစ်ပြီး ယခုလ ၂၅ ရက်နေ့မှစ၍ ကျောင်းအပ်နှံရေးရက်သတ္တပတ်လှုပ်ရှားမှုများ ဆောင်ရွက်ကြမည်ဖြစ်ကြောင်း၊ မန္တလေးတိုင်းဒေသကြီးအတွင်း ကျောင်းနေအရွယ်ကလေးများအားလုံး ကျောင်းနေနိုင်ရေး၊ ကျောင်းများအားလုံး ဖွင့်လှစ်သင်ကြားနိုင်ရေး အားလုံးက ဝိုင်းဝန်းကြိုးပမ်းဆောင်ရွက်သွားကြစေလိုကြောင်း။စိမ်းလန်းစိုပြည်ရေးနှင့် ခရီးသွားလုပ်ငန်းဖွံ့ဖြိုးတိုးတက်စေရေးရေရရှိရေးနှင့်ပတ်သက်၍ မန္တလေးတိုင်းဒေသကြီးအတွင်း ရေဖူလုံစွာရရှိရေး၊ ရှိပြီးဖြစ်သည့် အရင်းအမြစ်များကို အကျိုးရှိအောင်အသုံးချ၍ ဆောင်ရွက်သွားကြစေလိုကြောင်း၊ စိမ်းလန်းစိုပြည်ရေးနှင့် ပတ်သက်၍ ရာသီဥတုပူပြင်းလာခြင်းကို မိမိတို့အနေဖြင့် ပြောင်းလဲ၍မရနိုင်သော်လည်း သက်သာအောင် ဆောင်ရွက်နိုင်ကြောင်း၊ ရပ်ရွာများ၊ မြို့များအလိုက် သစ်ပင်များ စိုက်ပျိုးခြင်း၊ လမ်းဘေးဝဲယာတစ်လျှောက် စနစ်တကျဖြင့် သစ်ပင်များစိုက်ပျိုးခြင်းဖြင့် ပူပြင်းသည့် ရာသီဥတုကို တွန်းလှန်နိုင်မည်ဖြစ်သကဲ့သို့ စိမ်းလန်းစိုပြည်သည့် ပတ်ဝန်းကျင်နှင့် ညီညွတ်မျှတသည့် ရာသီဥတုရရှိစေနိုင်မည်ဖြစ်ကြောင်း၊ စိမ်းလန်းစိုပြည်သည့် မြင်ကွင်းများကို မြင်တွေ့ရခြင်း၊ ကျန်းမာရေးနှင့် ညီညွတ်မျှတသည့် ရာသီဥတုကို ရရှိစေခြင်းတို့ဖြင့် မျက်စိပသာဒကို ဖြစ်ပေါ်စေပြီး လူများ၏စိတ်နှလုံးကိုအေးမြစေသည့် အကျိုးကျေးဇူးကို ရရှိစေမည်ဖြစ်ကာ ဒေသသို့ လာရောက်လည်ပတ်သူများလည်း များပြားလာစေမည်ဖြစ်ကြောင်း၊ “အိမ်သာလျှင် ဧည့်လာမည်” ဟူသည့်အတိုင်း မိမိတို့ဒေသသာယာလှပရေး၊ ဒေသ၏ ရိုးရာအမွေအနှစ်များ၊ ရိုးရာအဝတ်အစားနှင့် အစားအသောက်များ ကောင်းမွန်စေရေး၊ ဝန်ဆောင်မှုကောင်းပေးနိုင်ရေးတို့ကို အားလုံးကဝိုင်းဝန်း ဆောင်ရွက်သွားကြရမည်ဖြစ်ကြောင်း၊ ဒေသတွင်းခရီးသွားများဝင်ရောက်ခြင်းဖြင့် ဒေသစီးပွားဖွံ့ဖြိုးတိုးတက်ရေးကို များစွာအထောက်အကူပြုစေနိုင်မည်ဖြစ်သဖြင့် ခရီးသွားကဏ္ဍမြှင့်တင်ရေးအတွက် ဆောင်ရွက်သွားကြစေလိုကြောင်း၊ မန္တလေးတိုင်းဒေသကြီးအနေဖြင့် ဖွံ့ဖြိုးတိုးတက်နိုင်မည့် အလားအလာကောင်းများစွာကို ပိုင်ဆိုင်ထားရှိပြီးဖြစ်သည့်အတွက် အားလုံးကဝိုင်းဝန်းကြိုးပမ်းဆောင်ရွက်သွားကြရန် တိုက်တွန်းမှာကြားလိုကြောင်း ပြောကြားသည်။ဆက်လက်၍ နိုင်ငံတော်သမ္မတသည် ခင်းကျင်းပြသထားသည့် မန္တလေးတိုင်းဒေသကြီးအတွင်းရှိ အသေးစား၊ အငယ်စားနှင့် အလတ်စားစီးပွားရေး (MSME) လုပ်ငန်းများမှ ထွက်ရှိသည့် ထုတ်ကုန်ပစ္စည်းများ၊ ဒေသထွက်စားသောက်ကုန်များ၊ လက်မှုပစ္စည်းများ၊ အဝတ်အထည်များအား ပြခန်းတစ်ခုချင်းစီအလိုက် စိတ်ပါဝင်စားစွာဖြင့် လှည့်လည်ကြည့်ရှုခဲ့ပြီး တာဝန်ရှိသူများ၏ တင်ပြချက်များအပေါ် လိုအပ်သည်များ လမ်းညွှန်မှာကြားခဲ့ကြောင်း သတင်းရရှိသည်။သတင်းစဉ်MOI
Sat, 16-May-2026
ထိုင်းနိုင်ငံ၌ လျှပ်စစ်ကားထုတ်လုပ်ရေး မြှင့်တင်ဆောင်ရွက်
ထိုင်းနိုင်ငံ၌ လျှပ်စစ်ကားထုတ်လုပ်ရေး မြှင့်တင်ဆောင်ရွက်
ဗန်ကောက်   မေ  ၁၄ထိုင်းနိုင်ငံသည် နိုင်ငံ၏မော်တော်ယာဉ် ထုတ်လုပ်ရေးလုပ်ငန်းအား လျှပ်စစ်ယာဉ်ထုတ်လုပ်ရေးကို မဏ္ဏိုင်ပြု၍ စီးပွားရေးနှင့် အမျိုးသား စွမ်းအင်ဖူလုံရေးတို့ကို မြှင့်တင်ဆောင်ရွက်မည်ဖြစ်ကြောင်း ထိုင်းနိုင်ငံ ရင်းနှီးမြှုပ်နှံမှုဘုတ်အဖွဲ့ အကြီးအကဲက ပြောကြားသည်။ထိုင်းနိုင်ငံကို လျှပ်စစ်ယာဉ်ထုတ်လုပ်သည့် ဗဟိုချက်ဖြစ်လာစေရေးအတွက် တိကျသည့် လုပ်ငန်းမူဘောင်များအား  မေ ၁၃ ရက်တွင် ကျင်းပသည့် ၂၀၂၆ ခုနှစ်  ထိုင်းနိုင်ငံရင်းနှီးမြှုပ်နှံမှုဘုတ်အဖွဲ့ ဆွေးနွေးပွဲတွင် ထိုင်းနိုင်ငံရင်းနှီးမြှုပ်နှံမှုဘုတ်အဖွဲ့ အတွင်းရေးမှူးချုပ် နာရဒ်သက်စတီရာဆွတ်ဒီက ချမှတ်ခဲ့သည်။ ကမ္ဘာလုံးဆိုင်ရာ အစိမ်းရောင် သယ်ယူပို့ဆောင်ရေးပြောင်းလဲမှုသည် ရာသီဥတုပြောင်းလဲမှုတိုက်ဖျက်ရေးအတွက်သာမဟုတ်ဘဲ ရုပ်ကြွင်းလောင်စာဈေးနှုန်း မတည်ငြိမ်ခြင်းကြောင့် နိုင်ငံများ၏စီးပွားရေးအပေါ်  အကျိုးသက်ရောက်မှုများမှ ကာကွယ်ရေးအတွက် ဆောင်ရွက်ခြင်းဖြစ်ကြောင်း ၎င်းက ပြောကြားသည်။နိုင်ငံအတွင်းဆောင်ရွက်နေသည့် လျှပ်စစ်ယာဉ်ပြောင်းလဲရေးအရွေ့သည် သိသာသည့်အဟုန်ရှိနေပြီး လျှပ်စစ်ကားထုတ်လုပ်ရေးကဏ္ဍအတွက်  ရင်းနှီးမြှုပ်နှံမှုတန်ဖိုး ဘတ် ၁၈၀ ဘီလီယံရှိကြောင်း သိရသည်။ ပြည်တွင်းလျှပ်စစ်ကားထုတ်လုပ်ရေးကဏ္ဍတွင် နည်းပညာမြှင့်တင်ဆောင်ရွက်မည်ဖြစ်ပြီး ပြည်တွင်းနှင့် ပြည်ပမှ လျှပ်စစ်ကားထုတ်လုပ်ရေးလုပ်ငန်းများလက်တွဲကာ ဆောင်ရွက်မည်ဖြစ်ကြောင်း သိရသည်။                        ကိုးကား -ဆင်ဟွာဘာသာပြန် - စိုးသူရMWD
Fri, 15-May-2026
နယူးဇီလန်နိုင်ငံသို့ မတ်လအတွင်း နိုင်ငံခြားခရီးသွားများဝင်ရောက်မှု သိသိသာသာမြင့်တက်
နယူးဇီလန်နိုင်ငံသို့ မတ်လအတွင်း နိုင်ငံခြားခရီးသွားများဝင်ရောက်မှု သိသိသာသာမြင့်တက်
မေ ၁၄နယူးဇီလန်နိုင်ငံသို့ မတ်လအတွင်း နိုင်ငံတကာခရီးသွားများဝင်ရောက်မှု သိသိသာသာမြင့်တက်လာရာ ကပ်ရောဂါကူးစက်မှုမတိုင်မီက နိုင်ငံခြားခရီးသွားများဝင်ရောက်မှုနီးပါးရှိကြောင်း ယနေ့တွင် ဖော်ပြထားသည်။ယခုလအတွင်း နိုင်ငံခြားခရီးသွားဦးရေ ၃၅၈၉၀၀  ရောက်ရှိရာ ၂၀၂၅ ခုနှစ် အလားတူကာလကထက်  နိုင်ငံခြားခရီးသွားဦးရေရောက်ရှိမှု ၁၅ ရာခိုင်နှုန်း မြင့်တက်လာခဲ့သည်ဟု သိရသည်။ယင်းကိန်းဂဏန်းသည် ၂၀၁၉ ခုနှစ်နောက်ပိုင်း မတ်လတွင် အများဆုံးအဆင့်ဖြစ်သော်လည်း ၂၀၁၈ ခုနှစ်တွင် စံချိန်တင်ခရီးသွားဦးရေ ၃၈၈၃၀၀ ထက်နည်းပါးနေသေးကြောင်း နိုင်ငံတကာခရီးသွားစာရင်းအင်းပြောရေးဆိုခွင့်ရှိသူ Bryan Downes က ပြောကြားခဲ့သည်။သြစတြေးလျနိုင်ငံမှ ခရီးသွားရောက်ရှိလာမှု ၂၄၁၀၀ မှ ၁၃၈၄၀၀ အထိ မြင့်တက်လာကာ တရုတ်၊ အမေရိကန်နှင့် ဗြိတိန်နိုင်ငံတို့မှခရီးသွားများဝင်ရောက်မှုလည်း မြင့်တက်လာကြောင်း စာရင်းအင်းဌာနက မှတ်ချက်ပြုခဲ့သည်။အရှေ့အလယ်ပိုင်းပဋိပက္ခကြောင့် လေကြောင်းခရီးစဉ်များ အနှောင့်အယှက်ဖြစ်ခဲ့ပြီး ကာတာလေကြောင်းလိုင်း မရှိတော့ကြောင်းနှင့်  အာရပ်စော်ဘွားများပြည်ထောင်စုမှ လေယာဉ်ခရီးစဉ်များ နည်းပါးသွားခဲ့ပြီး ထိုဒေသတွင်းမှ တိုက်ရိုက်ရောက်ရှိလာသူများ အထူးသဖြင့် ဗြိတိန်နှင့် ဂျာမန်ခရီးသွားများ ကျဆင်းသွားခဲ့ကြောင်း ယင်းဌာနက ပြောကြားခဲ့သည်ဟု သိရသည်။ကိုးကား-ဆင်ဟွာဘာသာပြန်-မြင့်မြင့်ချိုMDN
Thu, 14-May-2026
အင်ဒိုနီးရှားနိုင်ငံက အရှေ့အလယ်ပိုင်းဒေသ မတည်ငြိမ်မှုကိုကာကွယ်ရန် နိုင်ဂျီးရီးယားမှ ရေနံစိမ်းရယူ
အင်ဒိုနီးရှားနိုင်ငံက အရှေ့အလယ်ပိုင်းဒေသ မတည်ငြိမ်မှုကိုကာကွယ်ရန် နိုင်ဂျီးရီးယားမှ ရေနံစိမ်းရယူ
ဂျတာကာ   မေ   ၁၃အရှေ့အလယ်ပိုင်းဒေသ ပဋိပက္ခများဆက်လက်ဖြစ်ပွားနေစဉ် အင်ဒိုနီးရှားနိုင်ငံသည် ၎င်း၏ စွမ်းအင်အရင်းအမြစ်များကို ပြည့်ဝစွာရရှိနိုင်ရေး ကြိုးပမ်းမှုတစ်စိတ်တစ်ပိုင်းအဖြစ်  နိုင်ဂျီးရီးယားနိုင်ငံမှ ရေနံစိမ်းတင်ပို့မှုများကို လက်ခံရရှိခဲ့သည်ဟု စွမ်းအင်နှင့်သတ္တုတွင်းဝန်ကြီးဌာနက  မေ ၁၃ ရက်တွင် ပြောသည်။  ဝန်ကြီးဌာန၏ ရေနံနှင့်သဘာဝဓာတ်ငွေ့ ညွှန်ကြားရေးမှူးချုပ် လေအို့ဒ်ဆူလေမန်က နိုင်ဂျီးရီးယားနိုင်ငံမှ ကနဦးပေးပို့သည့် ရေနံစိမ်းများရောက်ရှိလာပြီဖြစ်ကြောင်း ပြောကြားခဲ့သည်။ အင်ဒိုနီးရှားနိုင်ငံသည် ဟော်မုဇ်ရေလက်ကြားကို မဖြတ်သန်းရသည့် သင်္ဘောလမ်းကြောင်းရှိရာ ဒေသများမှ ရေနံစိမ်းကို ဦးစားပေးဝယ်ယူနေကြောင်း  ၎င်းက ဆက်လက်ပြောကြားခဲ့သည်။                                ဆင်ဟွာMDN
Thu, 14-May-2026
ကျေးလက်ဖွံ့ဖြိုးတိုးတက်မှု အားကောင်းစေရေး မိတ်ဖက်ပူးပေါင်းဆောင်ရွက်မှုမြှင့်တင်ရန် အာဖရိက-အာရှ တာဝန်ရှိသူများ တိုက်တွန်း
ကျေးလက်ဖွံ့ဖြိုးတိုးတက်မှု အားကောင်းစေရေး မိတ်ဖက်ပူးပေါင်းဆောင်ရွက်မှုမြှင့်တင်ရန် အာဖရိက-အာရှ တာဝန်ရှိသူများ တိုက်တွန်း
နိုင်ရိုဘီ   မေ   ၁၃ကျေးလက်ဒေသဖွံ့ဖြိုးတိုးတက်မှု အရှိန်မြှင့်တင်ရေးအတွက် မိတ်ဖက်ပူးပေါင်းဆောင်ရွက်မှုအားကောင်းစေရန် အာဖရိကနှင့် အာရှဒေသတို့မှ စိုက်ပျိုးရေးဝန်ကြီးများ၊ သံတမန်များနှင့် ကျွမ်းကျင်ပညာရှင်များ စုဝေးတက်ရောက်ကြသည့် လေးရက်ကြာညီလာခံတစ်ရပ်ကို ကင်ညာနိုင်ငံ၏ မြို့တော် နိုင်ရိုဘီမြို့၌  မေ ၁၂ ရက်တွင် စတင်ကျင်းပခဲ့ကြောင်း သိရသည်။အာဖရိက - အာရှ    ကျေးလက်ဒေသဖွံ့ဖြိုးတိုးတက်ရေးအဖွဲ့ (AARDO) ၏ (၇၉) ကြိမ်မြောက် အမှုဆောင်ကော်မတီအစည်းအဝေး၌ ကျေးလက်ဒေသစိုက်ပျိုးရေးကဏ္ဍတွင် ဇီဝသိပ္ပံမြှင့်တင်ရေး၊ သဘာဝပတ်ဝန်းကျင်ထိန်းသိမ်းကာကွယ်ရေး၊ နည်းပညာများ ပေါင်းစပ်ထည့်သွင်းနိုင်ရေးနှင့် ပတ်သက်သည့် မဟာဗျူဟာများကို အလေးထားဆွေးနွေးလျက်ရှိကြောင်း သိရသည်။အာဖရိကနှင့် အာရှတို့မှ လက်တွေ့ကျသော လုပ်ဆောင်မှုများက  အမျိုးသားဖွံ့ဖြိုးတိုးတက်ရေး ကြိုးပမ်းအားထုတ်မှုများကို သိသိသာသာအားကောင်းစေသည်ဟု  ကင်ညာနိုင်ငံ စိုက်ပျိုးရေးနှင့် မွေးမြူရေးဖွံ့ဖြိုးတိုးတက်မှုဆိုင်ရာဝန်ကြီး  မူတာဟီကာဂွေက ပြောကြားသည်။ထို့အပြင် စားနပ်ရိက္ခာမဖူလုံမှု၊ ရာသီဥတုဖောက်ပြန်ပြောင်းလဲမှု၊ အလုပ်လက်မဲ့ဖြစ်မှု၊  ကျန်းမာရေးစောင့်ရှောက်မှု အားနည်းမှု၊ ဒစ်ဂျစ်တယ်ကွာဟ ချက်များအပါအဝင် အာဖရိကနှင့်  အာရှဒေသတစ်ဝန်းရှိ  ကျေးလက်နေပြည်သူများ  ရင်ဆိုင်ကြုံတွေ့နေရသော စိန်ခေါ်မှုများက လူသန်းပေါင်းများစွာ ထိခိုက်စေသည့် ဆင်းရဲဒုက္ခသံသရာကို ဖြစ်ပေါ်စေသည်ဟု ၎င်းက မှတ်ချက်ပြုပြောသည်။      ဆင်ဟွာMDN
Thu, 14-May-2026
ဒေသတွင်းတင်းမာမှုများ မြင့်တက်နေသော်လည်း တူကီယဲနိုင်ငံ၏ စိုက်ပျိုးထုတ်လုပ်မှု အခက်အခဲမရှိဟုဆို
ဒေသတွင်းတင်းမာမှုများ မြင့်တက်နေသော်လည်း တူကီယဲနိုင်ငံ၏ စိုက်ပျိုးထုတ်လုပ်မှု အခက်အခဲမရှိဟုဆို
အင်ကာရာ   မေ   ၁၃ဒေသတွင်း ပဋိပက္ခများဖြစ်ပွားနေသော်လည်း တူကီယဲနိုင်ငံအနေဖြင့် စိုက်ပျိုးထုတ်လုပ်မှုနှင့် စားနပ်ရိက္ခာထောက်ပံ့မှုတို့တွင် အခက်အခဲတစ်စုံတစ်ရာမရှိကြောင်း သမ္မတ  ရီဆတ်တေရစ် အာဒိုဂန်က  မေ  ၁၂  ရက်တွင် ပြောကြားသည်။တူကီယဲနိုင်ငံ၏  မြို့တော် အင်ကာရာတွင်  ပြုလုပ်သော ကမ္ဘာ့တောင်သူလယ်သမားများနေ့ အခမ်းအနား၌  မိန့်ခွန်းပြောကြားရာတွင် သမ္မတ အာဒိုဂန်က တူကီယဲနိုင်ငံသည် အရှေ့အလယ်ပိုင်းတွင် ဖြစ်ပွားလျက်ရှိသော ပဋိပက္ခများက နိုင်ငံ၏ စိုက်ပျိုးရေးထုတ်လုပ်မှုအပေါ် သက်ရောက်မှုမရှိစေရေး သတိထားစောင့်ကြည့်လျက်ရှိကြောင်း  ထည့်သွင်းပြောကြားသည်။ထို့အပြင် ဓာတ်မြေဩဇာနှင့် ဓာတ်မြေဩဇာကုန်ကြမ်းပစ္စည်းများ သိုလှောင်ထားရှိမှုမှာ လုံလောက်သည့်ပမာဏတွင် ရှိကြောင်း၊ အစိုးရ၏ စိုက်ပျိုးရေးဆိုင်ရာ  စီမံကိန်းချမှတ်မှုများနှင့် ပံ့ပိုးမှုမူဝါဒများကြောင့် တူကီယဲနိုင်ငံအနေဖြင့် စားနပ်ရိက္ခာမဖူလုံမှုပြဿနာများနှင့် ရင်ဆိုင်ရခြင်းမရှိကြောင်း   ၎င်းက   ဆက်လက်ပြောကြားသည်။          ဆင်ဟွာMDN
Thu, 14-May-2026
© Copyright 2024 SAC All Rights Reserved.