ကြက်သွန်နီဈေးကွက်အတွင်း ပြည်တွင်းပြည်ပ ဝယ်လိုအားကောင်းနေ၍ အရောင်းအဝယ်သွက်နေ

NoahJune222

News Image

  • ကြက်သွန်နီဈေးကွက်အတွင်း ပြည်တွင်းပြည်ပ ဝယ်လိုအားကောင်းနေ၍ အရောင်းအဝယ်သွက်နေ

ရန်ကုန်   မေ   ၂၈

      ရန်ကုန်ကြက်သွန်နီဈေးကွက်အတွင်း   ပြည်တွင်းပြည်ပ ဝယ်လိုအားကောင်းနေ၍    အရောင်းအဝယ်သွက်နေကြောင်း ရန်ကုန်ဘုရင့်နောင်ကုန်စည်ဒိုင်ရှိ   ကြက်သွန်နီကုန်သည်များ၏  ပြောပြချက်အရ သိရသည်။

အဓိကအားဖြင့် မြင်းခြံ၊ မုံရွာနှင့် ပခုက္ကူ ဒေသတို့မှထွက်ရှိသည့် ကြက်သွန်နီများ ကို ရန်ကုန်ဈေးကွက်အပြင် မန္တလေးနှင့်တခြားဈေးကွက်များသို့ တင်ပို့ရောင်းချနေရပြီး   ဈေးနှုန်းမှာ   အရည်အသွေးအလိုက် အမျိုးမျိုးရှိကြောင်း သိရသည်။

သို့သော် ရာသီဥတုအခြေအနေကြောင့် တောင်သူများနှင့် ကုန်သည်များအတွက် အခက်အခဲတချို့ရှိပြီး ယခုနှစ် ကြက်သွန်နီအထွက်နှုန်းမှာ မိုးရွာသွန်းမှုပေါ်မူတည်၍   တောင်သူများအနေဖြင့် ဈေးကွက်တည်ငြိမ်မှုရှိရန်  မျှော်မှန်းထားကြောင်း ရန်ကုန်ဈေးကွက်မှ ကြက်သွန်နီကုန်သည်  ဦးဖြိုးအောင်ကပြောသည်။

ထို့ပြင်  ကုန်သည်များ၏ ခန့်မှန်းချက်များအရ ပြည်တွင်းဝယ်လိုအား ရှိနေပါက ကြက်သွန်နီဈေးကွက်မှာ လာမည့်လများ အတွင်း အရောင်းအဝယ်ဆက်လက် ကောင်းနိုင်ကြောင်းနှင့်  လတ်တလောတွင် ရန်ကုန်မြို့ရှိ ဘုရင့်နောင်ကုန်စည်ဒိုင်သို့  ကြက်သွန်နီထွက်ရှိသော နယ်စုံမှ   ကြက်သွန်နီများ ဝင်ရောက်လျက်ရှိကြောင်း သိရသည်။  

MWD

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ကမ္ဘာ့အကြီးဆုံး ပင်လယ်ရေကြောင်းကုန်စည်ပြပွဲ အေသင်မြို့၌ ကျင်းပ
ကမ္ဘာ့အကြီးဆုံး ပင်လယ်ရေကြောင်းကုန်စည်ပြပွဲ အေသင်မြို့၌ ကျင်းပ
အေသင် ဇွန် ၂ ကမ္ဘာ့အကြီးဆုံး ပင်လယ်ရေကြောင်း ကုန်သွယ်မှုပြပွဲများထဲမှ တစ်ခုဖြစ်သည့် ပိုဆီဒိုးနီးယား အပြည်ပြည်ဆိုင်ရာ ရေကြောင်းနှင့် သင်္ဘောလုပ်ငန်းဆိုင်ရာ ကုန်စည်ပြပွဲကို ဇွန် ၁ ရက်က ဂရိနိုင်ငံ အေသင်မြို့၌ ဖွင့်လှစ်ခဲ့ပြီး နိုင်ငံနှင့်ဒေသပေါင်း ၈၃ ခုမှ ပြသသူ ပေါင်း ၂၂၀၀ ကျော် ပူးပေါင်းပါဝင်ခဲ့သည်။ ၎င်းတို့ထဲတွင် တရုတ်နိုင်ငံမှ ကုမ္ပဏီပေါင်း ၂၀၀ ကျော်ပါဝင်သည်ဟု သိရသည်။ ကမ္ဘာ့ကုန်သွယ်ရေး၊ စွမ်းအင်ကဏ္ဍနှင့် စီးပွားရေး တည်ငြိမ်မှုတို့တွင် ရေကြောင်းကုန်သွယ်ရေးကဏ္ဍသည် ပို၍အရေးပါကြောင်း ဖွင့်ပွဲအခမ်းအနား၌ ဂရိဝန်ကြီးချုပ် ကီရီယာကိုစ် မစ်ဆိုတာကစ် က ပြောသည်။  အဆိုပါပြပွဲတွင် ပင်လယ်ရေကြောင်းလုံခြုံရေး၊ ဒီဂျစ်တယ်အသွင်ပြောင်းလဲမှုနှင့် ရေကြောင်းသင်္ဘော လုပ်ငန်းတွင် ဉာဏ်ရည်တုနည်းပညာ (AI) အသုံးချမှုများအပါအဝင် အဓိကအကြောင်းအရာများကို ဦးစားပေးပြသခဲ့သည်။ ပြပွဲကာလအတွင်း ဖိုရမ်များနှင့် အခြားအစီအစဉ်ပေါင်း ၇၀ ခန့် ကျင်းပသွားမည်ဖြစ်သည်။ ယင်းပြပွဲကို ၁၉၆၉ ခုနှစ်က စတင်ပြသခဲ့ခြင်းဖြစ်ပြီး နှစ်နှစ်လျှင်တစ်ကြိမ် ကျင်းပလေ့ရှိသည်။ ပိုဆီဒိုးနီးယားပြပွဲသည် ကမ္ဘာ့အဆင့်မီ ပင်လယ်ရေကြောင်း ကုန်သွယ်မှုဆိုင်ရာ ပြပွဲများတွင် အရေးအပါဆုံး ပြပွဲတစ်ခုဖြစ်ပြီး ဇွန် ၅ ရက်အထိ ကျင်းပမည်ဖြစ်သည်။ ဆင်ဟွာMDN
Wed, 3-Jun-2026
မြန်မာ-အိန္ဒိယ နှစ်နိုင်ငံအကြား ကုန်သွယ်မှုနှင့် ရင်းနှီးမြှုပ်နှံမှုများ ပိုမိုတိုးတက်စေရေး ရင်းရင်းနှီးနှီး ဆွေးနွေး
မြန်မာ-အိန္ဒိယ နှစ်နိုင်ငံအကြား ကုန်သွယ်မှုနှင့် ရင်းနှီးမြှုပ်နှံမှုများ ပိုမိုတိုးတက်စေရေး ရင်းရင်းနှီးနှီး ဆွေးနွေး
နေပြည်တော် ဇွန် ၂အိန္ဒိယနိုင်ငံ မွမ်ဘိုင်းမြို့၌ တရားဝင်ခရီးစဉ်ရောက်ရှိနေသည့် ပြည်ထောင်စုသမ္မတ မြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် ယနေ့ညနေပိုင်းတွင် မဟာရာရှ်ထရာပြည်နယ် အုပ်ချုပ်ရေးမှူး Shri. Jishnu Dev Verma နှင့် တွေ့ဆုံ ဆွေးနွေးသည်။ဦးစွာ နိုင်ငံတော်သမ္မတ ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် Maharashtra Lok Bhavan Mumbai (Governor’s House) သို့ ရောက်ရှိရာ မဟာရာရှ်ထရာပြည်နယ် အုပ်ချုပ်ရေးမှူးက ရင်းရင်းနှီးနှီး ကြိုဆိုနှုတ်ဆက်သည်။တွေ့ဆုံဆွေးနွေးထို့နောက် နိုင်ငံတော်သမ္မတနှင့် မဟာရာရှ်ထရာ ပြည်နယ်အုပ်ချုပ်ရေးမှူးတို့သည် တွေ့ဆုံဆွေးနွေးကြသည်။ အဆိုပါတွေ့ဆုံပွဲသို့ နိုင်ငံတော်သမ္မတနှင့်အတူ အဖွဲ့ဝင်အဖြစ်လိုက်ပါလာသည့် ပြည်ထောင်စုဝန်ကြီးများနှင့် အဖွဲ့ဝင်များ၊ အိန္ဒိယနိုင်ငံဆိုင်ရာ မြန်မာနိုင်ငံသံအမတ်ကြီးတို့ တက်ရောက်ကြပြီး မဟာရာရှ်ထရာပြည်နယ် အုပ်ချုပ်ရေးမှူးနှင့် ပြည်နယ်အစိုးရအဖွဲ့ဝန်ကြီးများနှင့် မြန်မာနိုင်ငံဆိုင်ရာ အိန္ဒိယနိုင်ငံသံအမတ်ကြီးနှင့် တာဝန်ရှိသူများ တက်ရောက်ကြသည်။ထိုသို့တွေ့ဆုံဆွေးနွေးရာတွင် နှစ်နိုင်ငံအိမ်နီးချင်းကောင်းနိုင်ငံများဖြစ်သည်နှင့်အညီ သမိုင်းကြောင်းတစ်လျှောက် ကောင်းမွန်သည့်ဆက်ဆံရေးများရှိခဲ့မှုနှင့် ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ တိုးတက်ကောင်းမွန်လျက်ရှိမှု အခြေအနေများ၊ နှစ်နိုင်ငံပြည်သူများအချင်းချင်း အပြန်အလှန်ကူးလူးဆက်ဆံမှုများရှိမှုအခြေအနေများ၊ မြန်မာအဆင့်မြင့်ကိုယ်စားလှယ်အဖွဲ့အနေဖြင့် မြန်မာ-အိန္ဒိယနှစ်နိုင်ငံအကြား ကုန်သွယ်မှုနှင့် ရင်းနှီးမြှုပ်နှံ မှုများ ပိုမိုတိုးတက်စေရေး ကြိုးပမ်းဆောင်ရွက်လျက်ရှိမှုအခြေအနေများ၊ မြန်မာနိုင်ငံ၌ သဘာဝဘေးအန္တရာယ်များ ကျရောက်ချိန်တွင် အိန္ဒိယနိုင်ငံအနေဖြင့် အိမ်နီးချင်းကောင်းပီသစွာဖြင့် ကူညီမှုများ ဆောင်ရွက်ပေးခဲ့မှုအပေါ် မြန်မာနိုင်ငံအစိုးရနှင့် ပြည်သူများအနေဖြင့် ကျေးဇူးတင်ရှိမှု အခြေအနေများနှင့် အခြားနှစ်နိုင်ငံအကြား ကဏ္ဍပေါင်းစုံတွင်ပူးပေါင်းဆောင်ရွက်မှုများ တိုးမြှင့်ဆောင်ရွက်လျက်ရှိမှုအခြေအနေများနှင့် ပတ်သက်၍ ရင်းရင်းနှီးနှီးဆွေးနွေးခဲ့ကြသည်။တွေ့ဆုံပွဲအပြီးတွင် နိုင်ငံတော်သမ္မတနှင့် မဟာရာရှ်ထရာပြည်နယ်အုပ်ချုပ်ရေးမှူးတို့သည် တက်ရောက်လာကြသူများနှင့်အတူ မှတ်တမ်းတင်ဓာတ်ပုံရိုက်ကြသည်။ ယင်းနောက် နိုင်ငံတော်သမ္မတနှင့် အဖွဲ့ဝင်များသည် မဟာရာရှ်ထရာပြည်နယ် အုပ်ချုပ်ရေးမှူးက တည်ခင်းဧည့်ခံသည့် ဂုဏ်ပြုညစာစားပွဲပြုလုပ်မည့်နေရာသို့ရောက်ရှိရာ ပြည်နယ်ဂုဏ်ပြုတီးဝိုင်းအဖွဲ့က နှစ်နိုင်ငံနိုင်ငံတော်သီချင်းများကို ဂုဏ်ပြုတီးမှုတ်ကြသည်။ဆက်လက်၍ နိုင်ငံတော်သမ္မတအား မဟာရာရှ်ထရာပြည်နယ် အုပ်ချုပ်ရေးမှူးက ပြည်နယ်အစိုးရအဖွဲ့မှတာဝန်ရှိသူများနှင့် မိတ်ဆက်ပေးပြီး နိုင်ငံတော်သမ္မတက ကိုယ်စားလှယ်အဖွဲ့ဝင်များအား ပြန်လည်မိတ်ဆက်ပေးသည်။ထို့နောက် နိုင်ငံတော်သမ္မတ ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့အား မဟာရာရှ်ထရာပြည်နယ်အုပ်ချုပ်ရေးမှူးက ဂုဏ်ပြုညစာစားပွဲဖြင့် တည်ခင်းဧည့်ခံသည်။ ညစာမသုံးဆောင်မီနှင့် သုံးဆောင်နေစဉ်အတွင်း မဟာရာရှ်ထရာပြည်နယ်ဂုဏ်ပြုတီးဝိုင်းအဖွဲ့က နှစ်နိုင်ငံတေးသီချင်းများဖြင့် တီးမှုတ်ဖျော်ဖြေကြသည်။ဂုဏ်ပြုညစာသုံးဆောင်အပြီးတွင် နိုင်ငံတော်သမ္မတသည် Maharashtra Lok Bhavan Mumbai (Governor’s House) ဧည့်သည်တော်မှတ်တမ်းစာအုပ်တွင် မှတ်တမ်းတင်လက်မှတ်ရေးထိုးသည်။ယင်းနောက် နိုင်ငံတော်သမ္မတနှင့် အဖွဲ့ဝင်များသည် မဟာရာရှ်ထရာပြည်နယ် ဂုဏ်ပြုတီးဝိုင်းအဖွဲ့၏ ဖျော်ဖြေတီးမှုတ်မှုအား ကြည့်ရှုအားပေးပြီး နိုင်ငံတော်သမ္မတနှင့် ပြည်နယ်အုပ်ချုပ်ရေးမှူးတို့က ချီးမြှင့်ငွေများပေးအပ်ကာ ရင်းရင်းနှီနှီးနှုတ်ဆက်ခဲ့ကြောင်း သတင်းရရှိသည်။သတင်းစဉ်MOI
Wed, 3-Jun-2026
အမေရိကန်-အီရန် ဆွေးနွေးပွဲ ဂယက်ကြောင့် ကမ္ဘာ့ရေနံဈေးနှုန်းများ ပြန်လည်ကျဆင်း
အမေရိကန်-အီရန် ဆွေးနွေးပွဲ ဂယက်ကြောင့် ကမ္ဘာ့ရေနံဈေးနှုန်းများ ပြန်လည်ကျဆင်း
အမေရိကန်နှင့် အီရန်တို့ကြား ဆွေးနွေးပွဲများနှင့်ပတ်သက်၍ မသေချာမရေရာမှုများအပေါ် ဆက်လက်အာရုံစိုက်နေကြစဉ် ရေနံဈေးနှုန်းများ အနည်းငယ် ပြန်လည်ကျဆင်းသွားကြောင်း ရိုက်တာသတင်းဌာနက ဖော်ပြထားသည်။ အပြည်ပြည်ဆိုင်ရာ ရေနံဈေးနှုန်းသတ်မှတ်ချက်ဖြစ်သော Brent crude သည် တစ်စည်လျှင် ၇၅ ဆင့်ကျဆင်းကာ ၉၄.၂၃ ဒေါ်လာသို့ ရောက်ရှိ သွားပြီး၊ အမေရိကန်၏ အဓိကရေနံဈေးနှုန်းသတ်မှတ်ချက်ဖြစ်သောWTI crude သည်လည်း ၈၅ ဆင့်ကျဆင်း၍ တစ်စည်လျှင် ၉၁.၃၁ ဒေါ်လာသို့ ရောက်ရှိခဲ့သည်။ တနင်္လာနေ့ (ဇွန် ၁) က ရေနံဈေးနှုန်း နှစ်ရပ်စလုံး သိသိသာသာပြန်လည်ဦးမော့ခဲ့ပြီးနောက် တစ်ရက်အကြာတွင် ပြန်လည်ကျဆင်းခဲ့ခြင်းဖြစ်သည်။တနင်္လာနေ့ (ဇွန် ၁) က ဈေးနှုန်းပြန်လည်မြင့်တက်မှုရှိခဲ့သော်လည်း လွန်ခဲ့သည့် မေလအတွင်းကမူ ရေနံဈေးနှုန်းများသည် ၁၆ ရာခိုင်နှုန်း ကျော်အထိ ထိုးဆင်းသွားခဲ့သည်။ ထိုသို့ ကျဆင်းရခြင်းမှာ လက်ရှိဖြစ်ပေါ်နေသော အပစ်အခတ်ရပ်စဲရေး အခြေအနေများနှင့်အတူ ဝါရှင်တန် နှင့် တီဟီရန်တို့ကြား ပိုမိုပြည့်စုံသော သဘောတူညီချက်တစ်ရပ် ရရှိလာနိုင်ခြေရှိခြင်းကြောင့် ဖြစ်သည်။ အကယ်၍ သဘောတူညီချက်ရရှိပါက အီရန်နိုင်ငံ၏ ရေနံတင်ပို့မှု ပြန်လည်မြင့်တက်လာပြီး ကမ္ဘာ့ရေနံထောက်ပံ့မှုကို ပိုမိုအားကောင်းစေမည် ဟူသော မျှော်လင့်ချက်များက ဈေးနှုန်းအပေါ် သက်ရောက်မှုရှိနေခြင်းဖြစ်သည်။ သို့သော်လည်း စျေးကွက်လေ့လာသူများ၏ အဆိုအရ လက်ရှိအခြေအနေမှာ ကောင်းမွန်သောပြောင်းလဲမှု မရှိသေးကြောင်း သိရသည်။ Phillip Nova မှ အကြီးတန်း စျေးကွက်လေ့လာဆန်းစစ်သူ Priyanka Sachdeva က "သဘောတူညီချက်တစ်ခုရရှိနိုင်မယ့် အလားအလာတွေကြောင့် စျေးကွက်အတွင်းက မသေချာမရေရာမှုတွေကို ကျော်လွှားနိုင်လိမ့်မယ်လို့ မျှော်လင့်ထားခဲ့ကြပေမယ့် ဒီမနက်ပိုင်းအထိတော့ ရေနံဈေးကွက်အတွက် ဘာမှထူးခြားပြောင်းလဲသွားတာ မတွေ့ရသေးဘူး" ဟု သုံးသပ်ပြောကြားထားသည်။ကိုးကား- Al JazeeraPhoto: Reutersဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 2-Jun-2026
ဒူဘိုင်းသည် အပေါ်ယံတွင် ပုံမှန်ပြန်ဖြစ်နေသော်လည်း ခရီးသွားများ၏ ယုံကြည်မှုပြန်ရရန် ရုန်းကန်နေရ
ဒူဘိုင်းသည် အပေါ်ယံတွင် ပုံမှန်ပြန်ဖြစ်နေသော်လည်း ခရီးသွားများ၏ ယုံကြည်မှုပြန်ရရန် ရုန်းကန်နေရ
ပင်လယ်ကွေ့ဒေသ၏ အဓိကစီးပွားရေးနှင့် ခရီးသွားလုပ်ငန်းအချက်အချာဖြစ်သော ဒူဘိုင်းမြို့တွင် ယာဉ်ကြောပိတ်ဆို့မှုများ၊ စားသောက်ဆိုင် များ၌ လူစည်ကားလာမှုများနှင့် လေကြောင်းလိုင်းများ ပြန်လည် ပြေးဆွဲနေမှုများကြောင့် အပေါ်ယံတွင် ပုံမှန်အခြေအနေသို့ ပြန်လည်ရောက်ရှိ နေပြီဟု ထင်မှတ်ရသော်လည်း အခြေခံအဆောက်အအုံများနောက်ကွယ်၌ ခရီးသွားလုပ်ငန်းသည် စိန်ခေါ်မှုအသစ်များနှင့် ရင်ဆိုင်နေရသည်။ပြီးခဲ့သည့် အီရန်နှင့်ဖြစ်ပွားခဲ့သော ပဋိပက္ခများအတွင်း ဒူဘိုင်းမြို့ရှိ ထင်ရှားသောနေရာအချို့ ဒရုန်းဖြင့်တိုက်ခိုက်ခံခဲ့ရပြီး လေကြောင်းပိုင်နက် အနှောင့်အယှက်များ ရှိခဲ့သည်။ လက်ရှိတွင် အဆိုပါ တိုက်ခိုက်မှုများ ကျဲသွားပြီဖြစ်သော်လည်း ခရီးသွားများ၏ စိတ်ပိုင်းဆိုင်ရာ လုံခြုံစိတ်ချရမှုယုံကြည်ချက် (Confidence) မှာမူ ယနေ့တိုင် အပြည့်အဝပြန်လည်ရရှိခြင်း မရှိသေးပေ။ အမေရိကန်၊ ကနေဒါနှင့် ဩစတြေးလျ အစိုးရများ၏ ယူအေအီး (UAE) သို့ ခရီးမသွားရန် သတိပေးချက်များရှိနေဆဲဖြစ်ခြင်းကလည်း ခရီးသွားများအကြား ဝေခွဲမရဖြစ်မှုကို ပိုမိုဆိုးရွားစေသည်။ထို့အပြင် ဟော်မုဇ်ရေလက်ကြား ပိတ်ဆို့မှုကြောင့် စားသောက်ကုန်နှင့် စက်သုံးဆီစျေးနှုန်းများ မြင့်တက်လာပြီး လူနေမှုစရိတ်ကြီးမြင့်လာခြင်း ကြောင့် ဒေသခံများမှာလည်း အသုံးစရိတ်ကို ပိုမိုခြိုးခြံလာကြသည်။Moody's ဘဏ္ဍာရေးဝန်ဆောင်မှုလုပ်ငန်း၏ ခန့်မှန်းချက်အရ ယခုနှစ် ဒုတိယသုံးလပတ်တွင် ဒူဘိုင်းရှိ ဟိုတယ်အခန်းငှားရမ်းမှုနှုန်းသည် ပဋိပက္ခမတိုင်မီက ၈၀ ရာခိုင်နှုန်း ရှိခဲ့ရာမှ ၁၀ ရာခိုင်နှုန်းအထိ ထိုးဆင်းသွားနိုင်ကြောင်း သိရှိရသည်။ သို့သော်လည်း အနောက်နိုင်ငံသား ခရီးသွား များ လျော့နည်းသွားသည့်နေရာတွင် မိမိတို့နိုင်ငံထက် ဒူဘိုင်းကို ပိုမိုဘေးကင်းသည်ဟု ယူဆကြသည့် ရုရှားနှင့် လက်ဘနွန်နိုင်ငံတို့မှ ခရီးသည်များက အစားထိုး ဝင်ရောက်လျက်ရှိသည်။လက်ရှိတွင် Ritz-Carlton၊ Mandarin Oriental နှင့် Fairmont ကဲ့သို့သော နာမည်ကြီး အဆင့်မြင့်ဟိုတယ်ကြီးများသည် ခရီးသည်များကို ဆွဲဆောင်နိုင်ရန်အတွက် ကိုဗစ်ကပ်ရောဂါကာလနောက်ပိုင်း မကြုံဖူးလောက်အောင်အထိ အခန်းခ ၁၀၀ ရာခိုင်နှုန်း ပြန်အမ်းသည့် Voucher ပေးခြင်း နှင့် နှစ်ညအိပ်လျှင် ၂၀ ရာခိုင်နှုန်းလျှော့ပေးခြင်း စသည့် အထူးပရိုမိုးရှင်းများဖြင့် အပြင်းအထန် ပြိုင်ဆိုင်နေရသည်။ တစ်ဖက်တွင်လည်း စီးပွားရေးလုပ်ငန်းအချို့သည် အသုံးစရိတ်လျှော့ချရန်အတွက် ဝန်ထမ်းများကို လစာလျှော့ချခြင်း သို့မဟုတ် ခွင့်ရက်ရှည်ပေးခြင်းများ ပြုလုပ်နေကြရသည်။ဒူဘိုင်းအစိုးရအနေဖြင့် ခရီးသွားလုပ်ငန်း အမြန်ဆုံးပြန်လည်ဦးမော့လာစေရန် အဆင့်မြင့်ဟိုတယ်များ၏ ညစဉ်အခန်းခွန်ကို ဆိုင်းငံ့ပေးခြင်း၊ ဟိုတယ်နှင့် စားသောက်ဆိုင် ဘေလ်များပေါ်မှ ၇ ရာခိုင်နှုန်း စည်ပင်သာယာကြေးကို ပယ်ဖျက်ပေးခြင်း၊ ဟိုတယ်နှင့် အစားအသောက်လုပ်ငန်း များ၏ လုပ်ငန်းလည်ပတ်ခ စရိတ်ပေးသွင်းရမည့်ရက်ကို ၃ လအထိ ရွှေ့ဆိုင်းပေးခြင်းစသည့် ကူညီပံ့ပိုးမှုများကို ချမှတ်ပေးထားသည်။ဒူဘိုင်းမြို့သည် ယခင်က ကမ္ဘာ့စီးပွားရေးပျက်ကပ်နှင့် ကိုဗစ်ကပ်ရောဂါတို့ကို ဘဏ္ဍာရေးအင်အားနှင့် အခြေခံအဆောက်အအုံရင်းနှီးမြှုပ်နှံမှု များဖြင့် အောင်မြင်စွာ ကျော်ဖြတ်နိုင်ခဲ့သည်။ သို့သော် ယခုတစ်ကြိမ်ကြုံတွေ့နေရသည့် စိန်ခေါ်မှုသည် ဒူဘိုင်း၏ အဓိကပုံရိပ်ဖြစ်သော လုံခြုံစိတ်ချရမှုကို တိုက်ရိုက်ထိခိုက်စေခြင်းဖြစ်သည်။ ခရီးသွားလုပ်ငန်းကျွမ်းကျင်သူများက ဒူဘိုင်း၏ လေကြောင်းကွန်ရက်နှင့် ရေရှည်အလားအလာမှာ ခိုင်မာနေဆဲဖြစ်သော်လည်း ခရီးသွားများ၏ စိတ်ပိုင်းဆိုင်ရာယုံကြည်မှုကို ပြန်လည်တည်ဆောက်ရန်အတွက် အချိန်အတန်ကြာ ဆက်လက်ရုန်းကန်ရဦးမည်ဟု သုံးသပ်ထားကြသည်။ ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 2-Jun-2026
ဩစတြေးလျနိုင်ငံသည် အီရန်စစ်ပွဲကြောင့် မြေသြဇာဈေးနှုန်းများ မြင့်တက်လာခြင်းနှင့် ရာသီဥတု ခြောက်သွေ့ခြင်းတို့ကြောင့် ဂျုံထွက် ရှိမှု လျော့နည်းနိုင်ကြောင်း ခန့်မှန်းထား
ဩစတြေးလျနိုင်ငံသည် အီရန်စစ်ပွဲကြောင့် မြေသြဇာဈေးနှုန်းများမြင့်တက်လာခြင်းနှင့် ရာသီဥတုခြောက်သွေ့ခြင်းတို့ကြောင့် ဂျုံထွက်ရှိမှု လျော့နည်းနိုင်ကြောင်း ခန့်မှန်းထား
ဩစတြေးလျနိုင်ငံ၏ လာမည့်ဂျုံရိတ်သိမ်းမှုသည် မြေသြဇာစရိတ်မြင့်မားခြင်းနှင့် ရာသီဥတုခြောက်သွေ့ခြင်းတို့ကြောင့် သုံးနှစ်အတွင်း အနည်းဆုံး ဖြစ်လာလိမ့်မည်ဟု ဩစတြေးလျအစိုးရက ပြောကြားခဲ့သည်။ကမ္ဘာပေါ်တွင် ဂျုံအများဆုံးတင်ပို့သည့် နိုင်ငံများထဲမှတစ်ခုဖြစ်သော ဩစတြေးလျနိုင်ငံသည် ယခုနှစ်နှောင်းပိုင်းတွင် ဂျုံမက်ထရစ်တန် ၂၆.၇ သန်း ရရှိရန် မျှော်မှန်းထားပြီး ယင်းမှာ ပြီးခဲ့သည့် ရာသီကထက် တန်ချိန် ၉ သန်းခန့် လျော့နည်းသွားခြင်းဖြစ်ကြောင်း ဩစတြေးလျ စိုက်ပျိုးရေး၊ အရင်းအမြစ်စီးပွားရေးနှင့် သိပ္ပံဗျူရို (ABARES) က ၎င်းတို့၏ သုံးလပတ် သီးနှံအစီရင်ခံစာတွင် ဖော်ပြထားသည်။အီရန်စစ်ပွဲကြောင့် မြေသြဇာဈေးနှုန်းများ အဆမတန်မြင့်တက်လာခြင်းနှင့်အတူ ဩစတြေးလျအရှေ့ပိုင်းတွင် မိုးရေချိန်နည်းပါးခြင်းတို့က သီးနှံ ထွက်နှုန်းလျော့ကျမှုကို ဖြစ်ပေါ်စေကြောင်း ABARES က ဆိုသည်။ "လက်ရှိ ခန့်မှန်းထားတဲ့ သီးနှံထွက်နှုန်းပြည့်မီဖို့အတွက် လုံလောက်ပြီး အချိန်ကိုက်ဖြစ်မယ့် မြေသြဇာထောက်ပံ့မှုရရှိဖို့နဲ့ လုံလောက်တဲ့မိုးရေချိန်ရရှိဖို့က အလွန်အရေးကြီးပါလိမ့်မယ်" ဟု ABARES က ပြောကြားခဲ့သည်။အမေရိကန်-အစ္စရေးနှင့် အီရန်စစ်ပွဲမဖြစ်ပွားမီက ဩစတြေးလျ နိုင်ငံသည် ၎င်း၏ ဒီဇယ်လောင်စာနှင့် မြေသြဇာလိုအပ်ချက်အများစုကို လက်ရှိတွင် ပိတ်ဆို့ခံထားရသော ဟော်မုဇ်ရေလက်ကြားမှတစ်ဆင့် တင်သွင်းခဲ့ခြင်းဖြစ်သည်။ကိုးကား- Al Jazeeraဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 2-Jun-2026
နီပေါနိုင်ငံသို့ မေလအတွင်း နိုင်ငံခြားခရီးသွားဝင်ရောက်မှု ၁၉ ရာခိုင်နှုန်း တိုးလာ
နီပေါနိုင်ငံသို့ မေလအတွင်း နိုင်ငံခြားခရီးသွားဝင်ရောက်မှု ၁၉ ရာခိုင်နှုန်း တိုးလာ
ဇွန် ၂ နီပေါနိုင်ငံသို့ မေလအတွင်း နိုင်ငံခြားခရီးသွား ၁၀၂၆၂၆ ဦး ဝင်ရောက်မှုရှိရာ ယမန်နှစ်အလားတူကာလနှင့် နှိုင်းယှဉ်ပါက ၁၉ ရာခိုင်နှုန်း တိုးလာကြောင်း နီပေါခရီးသွားလုပ်ငန်းဘုတ်အဖွဲ့က ယမန်နေ့ကပြောကြားခဲ့သည်။ အစိုးရ၏ ခရီးသွားလုပ်ငန်းမြှင့်တင်ရေးအေဂျင်စီက လစဉ်အစီရင်ခံစာတစ်ခုတွင် အိန္ဒိယနိုင်ငံမှခရီးသွား ၄၀၇၈၂ ဦး လာရောက်လည်ပတ်သဖြင့် ခရီးသွားဝင်ရောက်မှုအများဆုံးအဖြစ်  ဆက်လက်တည်ရှိနေပြီး ခရီးသွားဝင်ရောက်မှုစုစုပေါင်း၏ ၃၉ ဒသမ ၇၄ ရာခိုင်နှုန်းရှိကြောင်းနှင့် တရုတ်နှင့် အမေရိကန်ပြည်ထောင်စုတို့က ဒုတိယနေရာတွင် ရှိကြောင်း ဖော်ပြထားသည်။ ခရီးသွားလုပ်ငန်းသည် နီပေါနိုင်ငံ၏ စီးပွားရေး အဓိကမဏ္ဍိုင်များအနက်တစ်ခုဖြစ်ပြီး အလုပ်အကိုင်နှင့် နိုင်ငံခြားငွေဝင်ငွေများ ရရှိစေသည်ဟု သိရသည်။  ကိုးကား-ဆင်ဟွာ  ဘာသာပြန်-မြင့်မြင့်ချိုMDN
Tue, 2-Jun-2026
© Copyright 2024 SAC All Rights Reserved.