ပုသိမ်မြို့ အမှတ်(၇)အခြေခံပညာအထက်တန်းကျောင်း၌ ကျောင်းသား ကျောင်းသူများ ကျောင်းအပ်နှံနေမှု ကြည့်ရှုအားပေး

NoahJune222

News Image

  • ပုသိမ်မြို့ အမှတ်(၇)အခြေခံပညာအထက်တန်းကျောင်း၌ ကျောင်းသား ကျောင်းသူများ ကျောင်းအပ်နှံနေမှု ကြည့်ရှုအားပေး

နေပြည်တော် မေ ၂၈

 

၂၀၂၆-၂၀၂၇ ပညာသင်နှစ်အတွက် အခြေခံပညာဦးစီးဌာနအောက်ရှိ အထက်တန်းအဆင့်၊ အလယ်တန်းအဆင့်နှင့် မူလတန်းအဆင့်ကျောင်းများကို ဇွန် ၁ ရက်တွင် စတင်ဖွင့်လှစ်မည်ဖြစ်ပြီး ကျောင်းအပ်နှံမှုသီတင်းပတ်အဖြစ် မေ ၂၅ ရက်မှ ၃၁ ရက်အထိ စနေ၊ တနင်္ဂနွေအပါအဝင်ပိတ်ရက်မရှိ သတ်မှတ်၍ မြန်မာနိုင်ငံတစ်ဝန်းရှိ အခြေခံပညာကျောင်းများ၌ ကျောင်းအပ်နှံမှု လက်ခံခြင်းများကို ဆောင်ရွက်လျက်ရှိသည်။

 

ကြည့်ရှုအားပေး

ထိုသို့ဆောင်ရွက်လျက်ရှိရာ ဧရာဝတီတိုင်းဒေသကြီး ပုသိမ်မြို့ အမှတ်(၇) အခြေခံပညာ အထက်တန်းကျောင်း၌ ဆရာ ဆရာမများ၊ မိဘအုပ်ထိန်းသူများနှင့် ကျောင်းသား ကျောင်းသူများ၏ တန်းစဉ်အလိုက် ကျောင်းအပ်နှံမှုနှင့် ကျောင်းအပ်လက်ခံနေမှုများကို ယနေ့နံနက်ပိုင်းတွင် အနောက်တောင်တိုင်းစစ်ဌာနချုပ် တိုင်းမှူး ဗိုလ်မှူးချုပ် အောင်ကျော်ခိုင်နှင့် တာဝန်ရှိသူများက သွားရောက်ကြည့်ရှုအားပေးပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။

သတင်းစဉ်

MDN

MM-News-Category
လူမှုရေးကဏ္ဍသတင်း
လူမှုရေး-ပညာရေး

ဆက်စပ်သတင်းများ

အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် (၂၉)ကြိမ်မြောက် ပန်းချီ၊ ကာတွန်း၊ ပိုစတာပြိုင်ပွဲ ကျင်းပ
အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့ အထိမ်းအမှတ် (၂၉)ကြိမ်မြောက် ပန်းချီ၊ ကာတွန်း၊ ပိုစတာပြိုင်ပွဲ ကျင်းပ
ရန်ကုန် မေ ၂၈ အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့ အထိမ်းအမှတ် (၂၉)ကြိမ်မြောက် ပန်းချီ၊ ကာတွန်း၊ ပိုစတာပြိုင်ပွဲကို ယနေ့နံနက်ပိုင်းတွင် ရန်ကုန်တိုင်းဒေသကြီး လသာမြို့နယ် အမှတ်(၂) အခြေခံပညာအထက်တန်းကျောင်း၌ ကျင်းပရာ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူ၊ တိုင်းဒေသကြီးဝန်ကြီးများ၊ ဆရာ ဆရာမများ၊ ကျောင်းသား ကျောင်းသူများ တက်ရောက်ကြသည်။ ဦးစွာ တိုင်းဒေသကြီးဝန်ကြီးချုပ်နှင့် အဖွဲ့သည် ပန်းချီပြိုင်ပွဲတွင် အခြေခံပညာကျောင်း များမှ အထက်တန်း၊ အလယ်တန်းနှင့် မူလတန်းအဆင့် ကျောင်းသား ကျောင်းသူ ၆၉၆ ဦး ဝင်ရောက်ယှဉ်ပြိုင်နေမှုကို ကြည့်ရှုအားပေးပြီး ကျောင်းသား ကျောင်းသူများအား ဂုဏ်ပြု ချီးမြှင့်ငွေများ ပေးအပ်သည်။ ထို့အတူ ကာတွန်းပြိုင်ပွဲတွင် ကျောင်းသား ကျောင်းသူ ၂၉၁ ဦး၊ ပိုစတာပြိုင်ပွဲတွင် ကျောင်းသား ကျောင်းသူ ၂၄၄ ဦး၊ ကွန်ပျူတာ ပန်းချီပြိုင်ပွဲတွင် ကျောင်းသား ကျောင်းသူ ကိုးဦး ဝင်ရောက်ယှဉ်ပြိုင်သွားမည်ဖြစ်ကြောင်း သိရသည်။ ဇွဲထက်ကို(ပြန်/ဆက်)MDN
Fri, 29-May-2026
ပုသိမ်မြို့ အမှတ်(၇)အခြေခံပညာအထက်တန်းကျောင်း၌ ကျောင်းသား ကျောင်းသူများ ကျောင်းအပ်နှံနေမှု ကြည့်ရှုအားပေး
ပုသိမ်မြို့ အမှတ်(၇)အခြေခံပညာအထက်တန်းကျောင်း၌ ကျောင်းသား ကျောင်းသူများ ကျောင်းအပ်နှံနေမှု ကြည့်ရှုအားပေး
နေပြည်တော် မေ ၂၈ ၂၀၂၆-၂၀၂၇ ပညာသင်နှစ်အတွက် အခြေခံပညာဦးစီးဌာနအောက်ရှိ အထက်တန်းအဆင့်၊ အလယ်တန်းအဆင့်နှင့် မူလတန်းအဆင့်ကျောင်းများကို ဇွန် ၁ ရက်တွင် စတင်ဖွင့်လှစ်မည်ဖြစ်ပြီး ကျောင်းအပ်နှံမှုသီတင်းပတ်အဖြစ် မေ ၂၅ ရက်မှ ၃၁ ရက်အထိ စနေ၊ တနင်္ဂနွေအပါအဝင်ပိတ်ရက်မရှိ သတ်မှတ်၍ မြန်မာနိုင်ငံတစ်ဝန်းရှိ အခြေခံပညာကျောင်းများ၌ ကျောင်းအပ်နှံမှု လက်ခံခြင်းများကို ဆောင်ရွက်လျက်ရှိသည်။ ကြည့်ရှုအားပေးထိုသို့ဆောင်ရွက်လျက်ရှိရာ ဧရာဝတီတိုင်းဒေသကြီး ပုသိမ်မြို့ အမှတ်(၇) အခြေခံပညာ အထက်တန်းကျောင်း၌ ဆရာ ဆရာမများ၊ မိဘအုပ်ထိန်းသူများနှင့် ကျောင်းသား ကျောင်းသူများ၏ တန်းစဉ်အလိုက် ကျောင်းအပ်နှံမှုနှင့် ကျောင်းအပ်လက်ခံနေမှုများကို ယနေ့နံနက်ပိုင်းတွင် အနောက်တောင်တိုင်းစစ်ဌာနချုပ် တိုင်းမှူး ဗိုလ်မှူးချုပ် အောင်ကျော်ခိုင်နှင့် တာဝန်ရှိသူများက သွားရောက်ကြည့်ရှုအားပေးပြီး လိုအပ်သည်များ ပေါင်းစပ်ညှိနှိုင်းဆောင်ရွက်ပေးခဲ့ကြောင်း သိရသည်။သတင်းစဉ်MDN
Fri, 29-May-2026
ရေကြောင်းလူငယ်အခြေခံနှင့် တန်းမြင့်သင်တန်းအမှတ်စဉ် (၁/၂၀၂၆) မော်လမြိုင်သင်တန်းစခန်းမှ သင်တန်းသား သင်တန်းသူများ၊ နည်းပြများနှင့် ကြီးကြပ်သူများအား ဂုဏ်ပြုကြိုဆိုပွဲကျင်းပ
ရေကြောင်းလူငယ်အခြေခံနှင့် တန်းမြင့်သင်တန်းအမှတ်စဉ် (၁/၂၀၂၆) မော်လမြိုင်သင်တန်းစခန်းမှ သင်တန်းသား သင်တန်းသူများ၊ နည်းပြများနှင့် ကြီးကြပ်သူများအား ဂုဏ်ပြုကြိုဆိုပွဲကျင်းပ
နေပြည်တော် မေ ၂၈ လေ့လာရေးခရီးသွားရောက်ခဲ့ကြသည့် ရေကြောင်းလူငယ်အခြေခံနှင့် တန်းမြင့်သင်တန်းအမှတ်စဉ် (၁/၂၀၂၆) မော်လမြိုင်သင်တန်းစခန်းမှ သင်တန်းသား သင်တန်းသူများ၊ နည်းပြများနှင့် ကြီးကြပ်သူများအား ဂုဏ်ပြုကြိုဆိုပွဲကို ယနေ့မွန်းလွဲပိုင်းတွင် မွန်ပြည်နယ်မော်လမြိုင်မြို့ရှိ နယ်မြေခံရေတပ်စခန်းဌာနချုပ်၌ပြုလုပ်ရာ မွန်ပြည်နယ်ဝန်ကြီးချုပ် ဦးအောင်ဝင်းသန်း၊ အရှေ့တောင်တိုင်းစစ်ဌာနချုပ်တိုင်းမှူး ဗိုလ်မှူးချုပ် သူရဇော်လွင်စိုးနှင့်အဖွဲ့ဝင်များ၊ ပြည်နယ်ဝန်ကြီးများ၊ ဌာနဆိုင်ရာတာဝန်ရှိသူများ၊ သင်တန်းနည်းပြများ၊ ကြီးကြပ်သူများ၊ သင်တန်းသား သင်တန်းသူများ တက်ရောက်ကြသည်။ ဦးစွာ ပြည်နယ်ဝန်ကြီးချုပ်က ဂုဏ်ပြုအမှာစကား ပြောကြားသည်။ ထို့နောက် သင်တန်းသား သင်တန်းသူများကိုယ်စား သင်တန်းသူတစ်ဦးက ကျေးဇူးတင်စကား ပြန်လည်ပြောကြားသည်။ ယင်းနောက် ပြည်နယ်ဝန်ကြီးချုပ်နှင့် တိုင်းမှူးတို့က ဂုဏ်ပြုဆုငွေများပေးအပ်ကာ သင်တန်းသား သင်တန်းသူများအား လက်ဖက်ရည်ဝိုင်းဖြင့် တည်ခင်းဧည့်ခံခဲ့ကြောင်း သတင်းရရှိသည်။သတင်းစဉ်MDN
Fri, 29-May-2026
အမျိုးသမီးများ နှလုံးရောဂါစစ်ဆေးရာတွင် ကြန့်ကြာမှုများဖြင့်ရင်ဆိုင်ရနိုင်ခြေ မြင့်မား
အမျိုးသမီးများ နှလုံးရောဂါစစ်ဆေးရာတွင် ကြန့်ကြာမှုများဖြင့်ရင်ဆိုင်ရနိုင်ခြေ မြင့်မား
ပဲရစ် မေ ၂၈အမျိုးသမီးများအနေဖြင့် နှလုံးရောဂါကို စစ်ဆေးဖော်ထုတ်ရာတွင် ကြန့်ကြာမှုများဖြင့် ရင်ဆိုင်ရနိုင်ခြေမြင့်မားပြီး အကျိုးဆက်အားဖြင့် ရောဂါကြောင့် အသက်ဆုံးပါးနိုင်ခြေလည်း ပို၍မြင့်မားကြောင်း သုတေသနပညာရှင်များက မေ၂၇ရက်တွင် ပြောကြားသည်။ နှလုံးသွေးကြောရောဂါများသည် အမျိုးသမီးများသေဆုံးရခြင်း၏ အဓိကအကြောင်းတရားဖြစ်ပြီး တစ်ကမ္ဘာလုံး အတိုင်းအတာအရ အမျိုးသမီးများ ဆုံးပါးရမှု သုံးပုံတစ်ပုံခန့်မှာ နှလုံးသွေးကြောရောဂါများနှင့် ဆုံးပါးကြရခြင်းဖြစ်သည်။သို့ရာတွင် အမျိုးသမီးလူနာများအတွက် နှလုံးရောဂါ စစ်ဆေးဖော်ထုတ်မှု၊ ဆေးဝါးကုသမှုနှင့် ဆေးသုတေသနလုပ်ငန်း ပြုလုပ်ပေးမှုများမှာ ထိရောက်လုံလောက်မှု မရှိသေးကြောင်း ဥရောပသုတေသနပညာရှင်များ ဦးဆောင်သည့် နိုင်ငံတကာ သုတေသနပညာရှင်များက ပြောကြားသည်။သို့ဖြစ်ရာ အထက်ပါပြဿနာကိုဖြေရှင်းရန် ဥရောပတိုက်တစ်ဝန်း၌ အမျိုးသမီးများအတွက် သီးသန့်နှလုံးရောဂါစစ်ဆေးကုသရေးဌာနများ ဖွင့်လှစ်ထားသင့်ကြောင်း သုတေသနပညာရှင်များက ပြောကြားသည်။အမျိုးသမီးများအနေဖြင့် အမျိုးသားများခံစားခြင်းမရှိသော ကိုယ်ဝန်ဆောင်ကာလကျန်းမာ ရေးပြဿနာများ၊ ဓမ္မတာရာသီ ကုန်ဆုံးချိန်စောခြင်း စသည့် ပြဿနာများကြောင့်လည်း နှလုံးရောဂါများဖြစ်ပွားနိုင်ခြေ မြင့်မားမှုဖြင့် ရင်ဆိုင်နေရကြောင်း သိရသည်။ရတနာပုံPhoto: Medical News Today
Fri, 29-May-2026
မွန်ပြည်နယ်ဝန်ကြီးချုပ် ၂ဝ၂၆-၂ဝ၂၇ ပညာသင်နှစ် မြို့နယ်လုံးကျွတ်ကျောင်းအပ်နှံရေးအခမ်းအနား တက်ရောက်
မွန်ပြည်နယ်ဝန်ကြီးချုပ် ၂ဝ၂၆-၂ဝ၂၇ ပညာသင်နှစ် မြို့နယ်လုံးကျွတ်ကျောင်းအပ်နှံရေးအခမ်းအနား တက်ရောက်
ပေါင် မေ ၂၈ မွန်ပြည်နယ် ပေါင်မြို့နယ် ၂ဝ၂၆-၂ဝ၂၇ ပညာသင်နှစ် မြို့နယ်လုံးကျွတ် ကျောင်းအပ်နှံရေး အခမ်းအနားကို မေ ၂၆ ရက်က ပေါင်မြို့ အခြေခံပညာအထက်တန်းကျောင်း၌ ကျင်းပသည်။ ဦးစွာ ကျောင်းသား ကျောင်းသူများက “ကျောင်းအပ်ကြစို့” သီချင်းဖြင့် ဂုဏ်ပြုသီဆိုပြီး ပြည်နယ်ဝန်ကြီးချုပ် ဦးအောင်ဝင်းသန်းက အမှာစကားပြောကြားပြီး ကျောင်းသုံးပုံနှိပ်စာအုပ်များ၊ ဗလာစာအုပ်များ၊ ဘောပင်၊ ခဲတံ ကျောင်းဝတ်စုံများ ပေးအပ်သည်။ ထို့နောက် ပေါင်မြို့နယ် မုတ္တမ-ကျွဲခြံ ကျေးရွာရှိ အိမ်ထောင်စု ၅ဝ ကို အိမ်ခြံဥယျာဉ် စိုက်ပျိုးနည်းစနစ်(Home Garden) ဆောင်ရွက်နိုင်ရန် သီးနှံမျိုးစေ့များ ပေးအပ်ပွဲအခမ်းအနားသို့ တက်ရောက်အမှာစကား ပြောကြားသည်။ ထို့နောက် အိမ်ထောင်စုများကို ဟင်းသီးဟင်းရွက် မျိုးစေ့များပေးအပ်ကာ အိမ်ခြံဥယျာဉ်စိုက်တောင်သူများအား လိုအပ်သည်များ ပေါင်းစပ်ညှိနှိုင်း ဖြည့်ဆည်းဆောင်ရွက်ပေးသည်။ ဆက်လက်၍ ပေါင်မြို့နယ် မုတ္တမ (ကျွဲခြံ)အုပ်စု ကျိုက်ပွန်ကျေးရွာ ဦးစိန်သန်း၏ ကြက်၊ ဝက် မွေးမြူရေးခြံသို့ သွားရောက် ကြည့်ရှုအားပေးခဲ့ကြောင်း သိရသည်။ပြည်နယ်(ပြန်/ဆက်)MDN
Fri, 29-May-2026
တစ်ရက်လျှင် သစ်သီးဖျော်ရည်တစ်ခွက်သောက်ပါက စိတ်ကျရောဂါဖြစ်နိုင်ခြေ လျှော့ချနိုင်
တစ်ရက်လျှင် သစ်သီးဖျော်ရည်တစ်ခွက်သောက်ပါက စိတ်ကျရောဂါဖြစ်နိုင်ခြေ လျှော့ချနိုင်
လန်ဒန် မေ ၂၈တစ်ရက်လျှင် သစ်သီးဖျော်ရည် တစ်ခွက်မျှသောက်သုံးပါက စိတ်ကျရောဂါဖြစ်ပွားနိုင်ခြေကို လျှော့ချပေးနိုင်ကြောင်း သုတေသနပညာရှင်များက မေ ၂၇ ရက်တွင် ပြောကြားသည်။ဟင်းသီးဟင်းရွက်နှင့်သစ်သီးဝလံများ စားသုံးမှုသည် ရုပ်ပိုင်းဆိုင်ရာကျန်းမာရေးအခြေအနေ ပိုမိုကောင်းမွန်မြင့်မားလာမှုနှင့် ဆက်စပ်နေကြောင်း သိရှိထားကြပြီးဖြစ်သည်။သုတေသနပညာရှင်များ၏ အဆိုအရ နေ့စဉ်ဟင်းသီးဟင်းရွက်နှင့် သစ်သီးဝလံဂရမ် ၂၀၀ ထိစားသုံးပေးပါက နှလုံးရောဂါဖြစ်နိုင်ခြေ၊ လေဖြတ်နိုင်ခြေနှင့် ကင်ဆာရောဂါများဖြစ်နိုင်ခြေကို လျှော့ချနိုင်ကြောင်း သိရသည်။ထို့ပြင် ဗြိတိန်နိုင်ငံ နယူး ကာဆမ်တက္ကသိုလ်မှ သုတေသနပညာရှင်များ၏ အဆိုအရ တစ်ရက်လျှင် သစ်သီးဖျော်ရည်တစ်ခွက်မျှ သောက်သုံးပေးခြင်းဖြင့် စိတ်ကျန်းမာရေးပြဿနာများ ဝင်လာနိုင်ခြေကိုလည်း တားဆီးပေးနိုင်ကြောင်း သိရသည်။မိမိတို့၏ လေ့လာတွေ့ရှိချက်အရ ဟင်းသီးဟင်းရွက်နှင့်သစ်သီးဝလံစားသုံးခြင်းအပြင် သစ်သီးဖျော်ရည်တစ်ခွက် သောက်သုံးပေးခြင်းဖြင့် စိတ်ကျရောဂါဖြစ်နိုင်ခြေကို လျှော့ချပေးနိုင်ကြောင်း၊ သို့ရာတွင် သစ်သီးဝလံနှင့် ဟင်းသီးဟင်းရွက်အစားများသော်လည်း သစ်သီးဖျော်ရည် သောက်သုံးမှုမရှိသူများတွင် အထက်ပါအကျိုးကျေးဇူးကို မတွေ့ရကြောင်း သိရသည်။ ရတနာပုံ
Fri, 29-May-2026
© Copyright 2024 SAC All Rights Reserved.