အစ္စရေးစစ်တပ်အတွင်း မဖြစ်မနေစစ်မှုထမ်းရမည့် ဥပဒေကို Ultra-Orthodox ဂျူးလူမျိုး ထောင်ပေါင်းများစွာ ကန့်ကွက်ဆန္ဒပြ

KookieSpace97

News Image

  • အစ္စရေးစစ်တပ်အတွင်း မဖြစ်မနေစစ်မှုထမ်းရမည့် ဥပဒေကို Ultra-Orthodox ဂျူးလူမျိုး ထောင်ပေါင်းများစွာ ကန့်ကွက်ဆန္ဒပြ

အစ္စရေးစစ်တပ်တွင် မဖြစ်မနေစစ်မှုထမ်းရမည့်အမိန့်ကို ကန့်ကွက်ရန်အတွက် Ultra-Orthodox ဂျူးဘာသာရေးဂိုဏ်းဝင် သောင်းနှင့်ချီ၍ အစ္စရေးတစ်ဝန်းတွင် လမ်းများနှင့်ရထားလမ်းများကို ပိတ်ဆို့ကာ ဆန္ဒပြခဲ့ ကြကြောင်း AP သတင်းဌာနက ဖော်ပြခဲ့သည်။

ဂျေရုဆလင်မြို့နှင့် တဲလ်အဗစ် မြို့ပြဧရိယာနှစ်ခုစလုံးတွင် လူအုပ်ကြီးက လမ်းမများကို ပိတ်ဆို့ဆန္ဒပြခဲ့ကြသဖြင့် အဝေးပြေးလမ်းမများ ပိတ်ဆို့သွားခဲ့ပြီး အများပြည်သူသုံး သယ်ယူပို့ဆောင်ရေးလုပ်ငန်းများပါ ရပ်ဆိုင်းသွားခဲ့ရသည်။

အချို့သော ဆန္ဒပြသူများသည် "ဇီယွန်ဝါဒီအဖြစ် အသက်ရှင်မည့်အစား ဂျူးလူမျိုးအဖြစ် သေဆုံးတာကမှ ပိုမြတ်ဦးမယ်" ဟူ၍လည်းကောင်း၊ "ဇီယွန်ဘာသာတရားအတွက် စစ်တပ်ထဲမှာအမှုထမ်းဖို့ ငါတို့ ငြင်းဆန်တယ်" ဟူ၍လည်းကောင်း ရေးသားထားသည့် အစ္စရေးနိုင်ငံကို ရှုတ်ချသော ဆိုင်းဘုတ်များကို ကိုင်ဆောင်ထားကြသည်။

အစ္စရေးနိုင်ငံတွင် ဂျူးအမျိုးသားနှင့် အမျိုးသမီးအများစုသည် မဖြစ်မနေစစ်မှုထမ်းရန် တာဝန်ရှိသည်။ သို့သော်လည်း သြဇာအာဏာရှိသော Ultra-Orthodox နိုင်ငံရေးပါတီများသည် ၎င်းတို့၏ နောက်လိုက်များ စစ်မှုထမ်းခြင်းမှကင်းလွတ်ခွင့်ရရှိပြီး ၎င်းအစား ဘာသာရေးစာသင်ကျောင်းများတွင် ပညာသင်ကြားနိုင်ရန်အတွက် အခွင့်အရေးများ ရယူပေးထားနိုင်ခဲ့သည်။

သို့သော်လည်း ယခုအခါတွင် အဆိုပါကင်းလွတ်ခွင့်များသည် ခြိမ်းခြောက်ခံနေရပြီ ဖြစ်သည်။ စစ်မျက်နှာပေါင်းစုံတွင် စစ်ပွဲများဆင်နွှဲနေရသဖြင့် စစ်သားအင်အား ပြင်းထန်စွာလိုအပ်နေသော အစ္စရေးစစ်တပ်သည် မဖြစ်မနေစစ်မှုထမ်းရမည့်သက်တမ်းကာလကို တိုးမြှင့်ရန် ကြိုးပမ်းနေသည်။

အစ္စရေးတွင် ဂျူးအမျိုးသား အများစုသည် သုံးနှစ်နီးပါး စစ်မှုထမ်းဆောင်ရန်လိုအပ်ပြီး ယင်းနောက်ပိုင်းတွင်လည်း အရန်တပ်ဖွဲ့ဝင်အဖြစ် နှစ်ပေါင်းများစွာ တာဝန်ထမ်းဆောင်ရလေ့ရှိသည်။ ဂျူးအမျိုးသမီးများမှာမူ မဖြစ်မနေ စစ်မှုထမ်းသက်တမ်း နှစ်နှစ် သတ်မှတ်ထားသည်။

ကိုးကား- Al Jazeera

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေး ပထမနေ့ကျင်းပ
တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေး ပထမနေ့ကျင်းပ
နေပြည်တော် ဇွန် ၂တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးပထမနေ့ကို ယနေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ အမျိုးသားလွှတ်တော်အစည်းအဝေးခန်းမ၌ ကျင်းပသည်။အစည်းအဝေးတွင် အမျိုးသားလွှတ်တော်ဥက္ကဋ္ဌ ဦးအောင်လင်းဒွေးရှေ့မှောက်၌ ကတိသစ္စာမပြုရသေးသော အမျိုးသားလွှတ်တော်ကိုယ်စားလှယ်လောင်းတစ်ဦးက ကတိသစ္စာ ပြုပြီး ကတိသစ္စာပြုလွှာပေါ်တွင် လက်မှတ်ရေးထိုးသည်။ထို့နောက် တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးပထမနေ့သို့ တက်ရောက်ခွင့်ရှိသည့် အမျိုးသားလွှတ်တော်ကိုယ်စားလှယ်ဦးရေ စုစုပေါင်း ၂၀၉ ဦးရှိသည့်အနက် ယနေ့အစည်းအဝေးသို့ ၂၀၈ ဦးတက်ရောက်သဖြင့် ထက်ဝက်ကျော်သည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်း ကြေညာကာ အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။ယင်းနောက် အမျိုးသားလွှတ်တော်ဥက္ကဋ္ဌက နှုတ်ခွန်းဆက်စကားပြောကြားရာတွင် ယခုဒုတိယပုံမှန်အစည်းအဝေးကာလတွင် လွှတ်တော်ကိုယ်စားလှယ်များအနေဖြင့် ဖွဲ့စည်းပုံအခြေခံဥပဒေ၊ အမျိုးသားလွှတ်တော်ဆိုင်ရာ ဥပဒေ၊ နည်းဥပဒေများနှင့်အညီ မေးခွန်းများ မေးမြန်းခြင်း၊ အဆိုတင်သွင်းဆွေးနွေးခြင်း၊ ဥပဒေကြမ်းများ စိစစ်ဆွေးနွေးခြင်းတို့ကို ဆောင်ရွက်ကြမည်ဖြစ်ကြောင်း၊ ယခုကဲ့သို့ဆောင်ရွက်ရာတွင် မိမိတို့နိုင်ငံတော်၊ နိုင်ငံသားတိုင်းရင်းသားပြည်သူလူထု၏ အကျိုးဖြစ်ထွန်းစေမှုကို ဦးတည်ဆောင်ရွက်ရမည်ဖြစ်သကဲ့သို့ လွှတ်တော်အစည်းအဝေးများတွင် လိုက်နာရမည့် စည်းမျဉ်းစည်းကမ်းများ၊ ကန့်သတ်ချက်များ၊ လုပ်ထုံးလုပ်နည်းများကို သိရှိလိုက်နာဆောင်ရွက်ကြရန်လိုအပ်ကြောင်း။တတိယအကြိမ်လွှတ်တော် ပထမပုံမှန်အစည်းအဝေးမှ ပေါ်ပေါက်ဖွဲ့စည်းခဲ့သည့် နိုင်ငံတော်အစိုးရအဖွဲ့သည် နိုင်ငံတော်ဖွံ့ဖြိုးတိုးတက်ရေး၊ ပြည်သူတို့၏ လူမှုစီးပွားဘဝမြှင့်တင်ရေး၊ အမျိုးသားပြန်လည်သင့်မြတ်ရေးကိစ္စရပ်များကို အားသွန်ခွန်စိုက်ဆောင်ရွက်နေကြသည်ကို ကိုယ်စားလှယ်များအနေဖြင့် တွေ့မြင်သိရှိပြီးဖြစ်ကြောင်း၊ ယခုကဲ့သို့ဆောင်ရွက်ရာတွင် ပိုမိုထိရောက်စေရန်၊ ပြည်သူလူထုအတွက် အမှန်တကယ်အကျိုးရှိစေရန် လွှတ်တော်ကိုယ်စားလှယ်များက ပြည်သူလူထု၏ အသံ၊ ဆန္ဒများနှင့် ပေါင်းစပ်ပြီး ဆောင်ရွက်ပေးရမည်ဖြစ်ကြောင်း၊ သို့မှသာ အုပ်ချုပ်ရေးမဏ္ဍိုင်က ဆောင်ရွက်နေသည့် ဖွံ့ဖြိုးတိုးတက်ရေးလုပ်ငန်းများသည် ထိရောက်မြန်ဆန်လာမည်ဖြစ်ကြောင်း။အမျိုးသားလွှတ်တော်အတွက် အခြားသော ရေးရာကိစ္စရပ်များလေ့လာရန် လိုအပ်သည့် ရေးရာကော်မတီများကိုလည်း လွှတ်တော်ကိုယ်စားလှယ်များနှင့် ဖွဲ့စည်းဆောင်ရွက်သွားမည်ဖြစ်ကြောင်း၊ ရေးရာကော်မတီများသည် မိမိတို့၏ရေးရာကိစ္စရပ်များအလိုက် ကော်မတီလုပ်ငန်းများကို သတ်မှတ်ပေးထားသည့် တာဝန်နှင့် လုပ်ပိုင်ခွင့်များအတိုင်း ဆောင်ရွက်ကြရမည်ဖြစ်ကြောင်း၊ ကော်မတီများအနေဖြင့် ပြည်ထောင်စုအဆင့်အဖွဲ့အစည်း၊ အခြားသောအဖွဲ့အစည်းများနှင့် ဆက်သွယ်ဆောင်ရွက်ရာတွင် ပြဋ္ဌာန်းထားသည့် ဥပဒေ၊ နည်းဥပဒေများအတိုင်း တိတိကျကျလိုက်နာပြီး ဆက်သွယ်ဆောင်ရွက်ရန် လိုအပ်ကြောင်း၊ ကော်မတီ၏ လုပ်ငန်းတာဝန်များကို ဆောင်ရွက်ခြင်းသည် နိုင်ငံတော်နှင့် ပြည်သူလူထုအကျိုးကို ဦးတည်ဆောင်ရွက်နေခြင်းဖြစ်သည်ကိုလည်း သတိပြုရမည်ဖြစ်ကြောင်း။ယခုကျင်းပမည့် ဒုတိယပုံမှန်အစည်းအဝေးကာလအတွင်း အရေးကြီးသည့် ဥပဒေကြမ်းတစ်ခုကို အတည်ပြုနိုင်ရေးတင်သွင်းဆွေးနွေးသွားရန်ရှိကြောင်း၊ ယင်းဥပဒေကြမ်းသည် အွန်လိုင်းလိမ်လည်မှုတိုက်ဖျက်ရေးဆိုင်ရာ ဥပဒေကြမ်းဖြစ်ကြောင်း၊ ယင်းဥပဒေကြမ်းကို ပြည်ထဲရေးဝန်ကြီးဌာနမှ ပြည်ထောင်စုအစိုးရကတစ်ဆင့် ပြည်ထောင်စုလွှတ်တော်သို့ပေးပို့ခဲ့ပြီး အမျိုးသားလွှတ်တော်တွင် စတင်ဆွေးနွေးအတည်ပြုရမည်ဖြစ်ကြောင်း၊ ကမ္ဘာတစ်ဝန်းကြုံတွေ့နေရသည့် အွန်လိုင်းလိမ်လည်မှုများကို မြန်မာနိုင်ငံအနေဖြင့် ထိထိရောက်ရောက် တိုက်ဖျက်နိုင်ရေးအတွက် ယင်းဥပဒေကြမ်းကို ကိုယ်စားလှယ်များက အလေးအနက်ထားဆွေးနွေးဆောင်ရွက်သွားရမည်ဖြစ်ကြောင်း။နိဂုံးချုပ်အနေဖြင့် နိုင်ငံတော်ဖွံ့ဖြိုးတိုးတက်ရေး၊ ပြည်သူလူထု၏ လူမှုစီးပွားဘဝမြှင့်တင်ရေး၊ အမျိုးသားပြန်လည်သင့်မြတ်ရေးကိစ္စရပ်များ အရှိန်အဟုန်ဖြင့် တိုးတက်အောင်မြင်စေရန်အတွက် လွှတ်တော်ကိုယ်စားလှယ်များအနေဖြင့် ပြည်သူလူထု၏ အသံ၊ ဆန္ဒများနှင့် ထင်ဟပ်ပြီး ဥပဒေပြုရေးမဏ္ဍိုင်အနေဖြင့် ဆောင်ရွက်ရမည့် လုပ်ငန်းစဉ်၊ လုပ်ငန်းရပ်များကို ဆောက်ရွက်သွားကြရန် တိုက်တွန်းလိုကြောင်း ပြောကြားသည်။ဆက်လက်၍ အမျိုးသားလွှတ်တော်ဥက္ကဋ္ဌက ကမ္ဘောဒီးယားနိုင်ငံ အထက်လွှတ်တော်ဥက္ကဋ္ဌ ဆမ်ဒက်အာခါ မိုဟာဆီနာပါတိုင်းတဲ့ချို ဟွန်ဆင်၊ ထိုင်းနိုင်ငံ အထက်လွှတ်တော်ဥက္ကဋ္ဌ မစ္စတာ မွန်ကွန်းစူရစစ်ဂျာ၊ ဂျပန်-မြန်မာပါလီမန်ချစ်ကြည်ရေးအသင်း ဒုတိယဥက္ကဋ္ဌ၊ ဂျပန်နိုင်ငံအောက်လွှတ်တော်အမတ် မစ္စတာ ဟိရိုမိချိ ဝါတာနာဘေး၊ ဂျပန်-မြန်မာ ယဉ်ကျေးမှုမြှင့်တင်ရေးအသင်းဥက္ကဋ္ဌ မစ္စတာ ဖူမီအိုအူဆုအိနှင့် အသင်းညွှန်ကြားရေးမှူး မစ္စတာနာအိုဟိကိုတာကခုတို့က အမျိုးသားလွှတ်တော်ဥက္ကဋ္ဌထံသို့ ပေးပို့လာသော ဂုဏ်ယူဝမ်းမြောက်ကြောင်း သဝဏ်လွှာများကို လွှတ်တော်သို့တင်ပြပြီး မှတ်တမ်းတင်သည်။အတည်ပြုကြေညာထို့နောက် အမျိုးသားလွှတ်တော်ဥက္ကဋ္ဌက ၂၀၁၂ ခုနှစ် အမျိုးသားလွှတ်တော်ဆိုင်ရာ ဥပဒေပုဒ်မ ၂၇၊ ၂၀၁၅ ခုနှစ် အမျိုးသားလွှတ်တော်ဆိုင်ရာ နည်းဥပဒေ ၁၀၆ နှင့် ၁၀၇ တို့အရ အပ်နှင်းထားသော လုပ်ပိုင်ခွင့်ကိုကျင့်သုံး၍ နိုင်ငံတကာဆက်ဆံရေးကော်မတီကို ၂၀၂၆ ခုနှစ် ဧပြီ ၂၄ ရက် လွှတ်တော်ရပ်နားထားစဉ် ကာလအတွင်း လုပ်ငန်းလိုအပ်ချက်အရ ဆောင်ရွက်ရန်များရှိသည့်အတွက် အမျိုးသားလွှတ်တော်ကိုယ်စားလှယ် ၁၅ ဦးဖြင့် ဖွဲ့စည်းခဲ့ပါကြောင်း၊ အဆိုပါနိုင်ငံတကာဆက်ဆံရေးကော်မတီတွင် ကော်မတီဥက္ကဋ္ဌအဖြစ် ဧရာဝတီတိုင်းဒေသကြီး အမျိုးသားလွှတ်တော်ကိုယ်စားလှယ် အမှတ် (၁၀) မှ ဦးချစ်ဆွေ၊ အတွင်းရေးမှူးအဖြစ် ချင်းပြည်နယ် အမျိုးသားလွှတ်တော်ကိုယ်စားလှယ်အမှတ် (၉) မှ ဦးအောင်မင်း နိုင်တို့အပါအဝင် အဖွဲ့ဝင် ၁၅ ဦး၏ အမည်စာရင်း၊ ကော်မတီ၏ တာဝန်၊ လုပ်ပိုင်ခွင့်၊ ရပိုင်ခွင့်နှင့် သက်တမ်းတို့ကို အမျိုးသားလွှတ်တော်၏ အတည်ပြုချက်ရယူရာသဘောတူသဖြင့် နိုင်ငံတကာဆက်ဆံရေးကော်မတီဖွဲ့စည်းကြောင်းနှင့် ကော်မတီ၏ တာဝန်၊ လုပ်ပိုင်ခွင့်၊ ရပိုင်ခွင့်နှင့် သက်တမ်းတို့ကို အမျိုးသားလွှတ်တော်က အတည်ပြုကြောင်း ကြေညာသည်။ဇွန် ၃ ရက်တွင် ဆက်လက်ကျင်းပသွားမည်ယင်းနောက် တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးပထမနေ့ကို ရပ်နားလိုက်ပြီး အစည်းအဝေးဒုတိယနေ့ကို ဇွန် ၃ ရက်တွင် ဆက်လက်ကျင်းပသွားမည်ဖြစ်ကြောင်း သိရသည်။သတင်းစဉ်MOI
Wed, 3-Jun-2026
တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး ပထမနေ့ကျင်းပ
တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး ပထမနေ့ကျင်းပ
နေပြည်တော် ဇွန် ၂တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေးပထမနေ့ကို ယနေ့နံနက် ၁၀ နာရီတွင် နေပြည်တော်ရှိ လွှတ်တော်အဆောက်အအုံ ပြည်သူ့လွှတ်တော်အစည်းအဝေးခန်းမ၌ ကျင်းပသည်။အစည်းအဝေးတွင် ပြည်သူ့လွှတ်တော်ဥက္ကဋ္ဌ ဦးခင်ရီရှေ့မှောက်၌ တပ်မတော်သားပြည်သူ့လွှတ်တော်ကိုယ်စားလှယ် (၄) ဦးက ကတိသစ္စာပြုကြပြီး ကတိသစ္စာပြုလွှာပေါ်၌ လက်မှတ်ရေးထိုးကြသည်။ထို့နောက် ပြည်သူ့လွှတ်တော်ဥက္ကဋ္ဌက တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး ပထမနေ့သို့ တက်ရောက်ခွင့်ရှိသည့် ပြည်သူ့လွှတ်တော်ကိုယ်စားလှယ်ဦးရေ ၃၅၁ ဦးရှိသည့်အနက် ယနေ့အစည်းအဝေးသို့ ၃၅၀ ဦး တက်ရောက်သဖြင့် တက်ရောက်မှုရာခိုင်နှုန်း ၉၉ ဒသမ ၇၂ ရှိသည့်အတွက် အစည်းအဝေးအထမြောက်ကြောင်းနှင့် စတင်ကျင်းပကြောင်းကြေညာပြီး အစည်းအဝေးတက်ရောက်မှုအခြေအနေကို လွှတ်တော်၏ အတည်ပြုချက်ရယူ၍ မှတ်တမ်းတင်သည်။ယင်းနောက် ပြည်သူ့လွှတ်တော်ဥက္ကဋ္ဌက နှုတ်ခွန်းဆက်အမှာစကားပြောကြားရာတွင် လွှတ်တော်ရပ်နားထားစဉ်ကာလအတွင်း ကိုယ်စားလှယ်များအနေဖြင့် မဲဆန္ဒရှင်ပြည်သူများထံ အရောက်သွားပြီး ပြည်သူ့အသံ၊ လိုလားချက်၊ လိုအပ်ချက်များကို နားထောင်မှတ်သားခြင်း၊ ဒေသအကျိုးပြု၊ နိုင်ငံအကျိုးပြု၊ ပြည်သူအကျိုးပြုလုပ်ငန်းများတွင် တစ်တပ်တစ်အား ပါဝင်ဆောင်ရွက်ခဲ့ကြခြင်းများအပေါ် မြင်ကြားသိရသည့်အတွက်လည်း ဂုဏ်ယူဝမ်းမြောက်ကြောင်း။လွှတ်တော်၏ အဓိကတာဝန်တစ်ရပ်မှာ ဥပဒေပြုရေးဖြစ်သည့်အတွက် တည်ဆဲဥပဒေများသည် မျက်မှောက်ခေတ်အခြေအနေ၊ မူဝါဒများနှင့် ကိုက်ညီမှုရှိမရှိ၊ နိုင်ငံတော်တိုးတက်ရေးနှင့် ပြည်သူများ အကျိုးဖြစ်ထွန်းစေမည့် ဥပဒေများ ဖြစ်မဖြစ်တို့ကို လေ့လာဆန်းစစ်၍ လိုအပ်ပါက ပြင်ဆင်ခြင်း၊ ဖြည့်စွက်ခြင်း၊ ရုပ်သိမ်းခြင်းနှင့် အသစ်ပြဋ္ဌာန်းခြင်းတို့ကို မိမိတို့လွှတ်တော်သက်တမ်းတွင် ပိုမိုပြီးပြည့်စုံအောင် ဆောင်ရွက်သွားကြရမည်ဖြစ်ကြောင်း။ထို့ပြင် လွှတ်တော်အနေဖြင့် နိုင်ငံတော်ဖွံ့ဖြိုးတိုးတက်ရေး၊ ပြည်သူများ အေးချမ်းလုံခြုံစွာ နေထိုင်နိုင်ရေး၊ ပြည်သူ့အကျိုးစီးပွားကို ကာကွယ်စောင့်ရှောက်သည့် ဥပဒေများ ဖြစ်ထွန်းစေရေးကိုလည်း အရှိန်မြှင့်ဆောင်ရွက်မည်ဖြစ်ကြောင်း။လွှတ်တော်အနေဖြင့် ဥပဒေများပြဋ္ဌာန်းရုံသာမကဘဲ တည်ဆဲဥပဒေများမှတစ်ဆင့် တစ်ဆင့်ခံဥပဒေထုတ်ပြန်ခွင့်အာဏာအပ်နှင်းခြင်းခံရသည့် အဖွဲ့အစည်းအသီးသီးက ထုတ်ပြန်ထားသည့် နည်းဥပဒေ၊ စည်းမျဉ်း၊ စည်းကမ်း၊ အမိန့်ကြော်ငြာစာ၊ အမိန့်၊ ညွှန်ကြားချက်နှင့် လုပ်ထုံးလုပ်နည်းများသည် တည်ဆဲဥပဒေများ၊ လွှတ်တော်က ပြဋ္ဌာန်းလိုက်သည့် ဥပဒေများနှင့် ဆီလျော်ညီညွတ်မှု ရှိမရှိ ဆန်းစစ်နေရမည်ဖြစ်သလို ဥပဒေများအား နိုင်ငံတော်အတွင်းရှိ အဖွဲ့အစည်းများနှင့် နိုင်ငံသားအားလုံးက လိုက်နာကျင့်သုံးရေးနှင့် အပြန်အလှန်ထိန်းညှိကူညီရေးတို့ကို ဆောင်ရွက်ကြရမည်ဖြစ်ကြောင်း။ထိုတာဝန်များကို လွှတ်တော်ကိုယ်စားလှယ်များဖြင့် ဖွဲ့စည်းထားသည့် လွှတ်တော်ကော်မတီများက ဆောင်ရွက်ရမည်ဖြစ်ကြောင်း၊ လွှတ်တော်လုပ်ငန်းများအား ပိုမိုထိရောက်အောင်မြင်အောင် ဆောင်ရွက်နိုင်ရန်အတွက် ယခုဒုတိယပုံမှန်အစည်းအဝေးတွင် အခြားကော်မတီများကို တိုးချဲ့ဖွဲ့စည်းဆောင်ရွက်သွားမည်ဖြစ်ကြောင်း။လွှတ်တော်ကိုယ်စားလှယ်များက ပြည်သူများ၏ သဘောဆန္ဒများကို လွှတ်တော်သို့ သယ်ဆောင်လာပြီး မေးခွန်း၊ အဆိုများနှင့် ဥပဒေကြမ်းများအဖြစ် မေးမြန်း၊ ဆွေးနွေး၊ ညှိနှိုင်းဆုံးဖြတ်ကြရာတွင်လည်း နိုင်ငံတော်နှင့် နိုင်ငံသားများ၏ အကျိုးစီးပွားဖြစ်ထွန်းစေသော ဥပဒေများနှင့် နိုင်ငံတော်နှင့်နိုင်ငံသားများ၏ အကျိုးစီးပွားများကို ကာကွယ်စောင့်ရှောက်သော ကိစ္စရပ်များဖြစ်စေရန် လိုအပ်ကြောင်း။မိမိတို့ လွှတ်တော်သက်တမ်းကာလအတွင်း လွှတ်တော်၏ အခန်းကဏ္ဍတိုးတက်မြင့်မားစေရန်အတွက် လွှတ်တော်ဆိုင်ရာ ဆောင်ရွက်ချက်များအား ပြည်သူသို့ နည်းလမ်းစုံဖြင့် ထိတွေ့အသိပေးခြင်း၊ လွှတ်တော်ကိုယ်စားလှယ်များအတွက် လိုအပ်သည့် သင်တန်းများစီစဉ်ခြင်း၊ နိုင်ငံတကာပါလီမန်များနှင့် ဆက်သွယ်ပူးပေါင်းဆောင်ရွက်ခြင်းများကိုလည်း တိုးချဲ့ဆောင်ရွက်သွားမည်ဖြစ်ကြောင်း၊ ဥပဒေ၏ အကာအကွယ်အောက်တွင် ပြည်သူများ လုံခြုံအေးချမ်း၊ ဖွံ့ဖြိုးတိုးတက်စေရေးနှင့် ပြည်သူကအားကိုးသည့် ဥပဒေပြုမဏ္ဍိုင်ဖြစ်လာစေရေး ဝိုင်းဝန်းကြိုးပမ်းဆောင်ရွက်ကြရန် တိုက်တွန်းပြောကြားသည်။ဆက်လက်၍ တတိယအကြိမ် ပြည်သူ့လွှတ်တော်ပထမပုံမှန်အစည်းအဝေးနှင့် ဒုတိယပုံမှန်အစည်းအဝေးကြားကာလအတွင်း ပြည်သူ့လွှတ်တော်ဥက္ကဋ္ဌနှင့် ဒုတိယဥက္ကဋ္ဌတို့၏ ဆောင်ရွက်ချက်များနှင့် စပ်လျဉ်း၍ လွှတ်တော်သို့ အသိပေးတင်ပြပြီး မှတ်တမ်းတင်သည်။ထို့နောက် ပြည်သူ့လွှတ်တော်ဥက္ကဋ္ဌသည် ရုရှားဖက်ဒရေးရှင်းနိုင်ငံ၊ မြန်မာနိုင်ငံဆိုင်ရာ ရုရှားသံအမတ်ကြီး မစ္စတာ အီစ်ကန်ဒဲအာဇီဇော့ဖ်၊ ဘယ်လာရုစ်သမ္မတနိုင်ငံ လွှတ်တော်ဥက္ကဋ္ဌ မစ္စတာ အီဂေါဆာဂေယန်ကို၊ ရုရှားဖက်ဒရေးရှင်းနိုင်ငံ United Russia ပါတီဥက္ကဋ္ဌ မစ္စတာ ဒီမီထရီမက်ဗီဒက်ဗ်၊ ဂျပန်-မြန်မာ ပါလီမန်ချစ်ကြည်ရေးအသင်း ဒုတိယဥက္ကဋ္ဌ ဂျပန်နိုင်ငံ အောက်လွှတ်တော်အမတ် မစ္စတာ ဟိရိုမိချိဝါတာနာဘေး၊ ဂျပန်-မြန်မာ ယဉ်ကျေးမှုမြှင့်တင်ရေးအသင်းဥက္ကဋ္ဌ မစ္စတာ ဖူမီအိုအူဆုအိနှင့် အသင်းညွှန်ကြားရေးမှူး မစ္စတာ နာအိုဟိကိုတာကခု၊ ထိုင်းနိုင်ငံအမျိုးသားလွှတ်တော်နှင့် အောက်လွှတ်တော်ဥက္ကဋ္ဌ မစ္စတာ ဆိုဖွန်းဇာရမ်နှင့် ထိုင်းနိုင်ငံခြားရေးဝန်ကြီး၏ အကြံပေးမစ္စတာကလျာဏဝိပတ္တိဘူမိပြထေရ်တို့က ပြည်သူ့လွှတ်တော်ဥက္ကဋ္ဌထံပေးပို့သည့် ဂုဏ်ယူဝမ်းမြောက်ကြောင်း သဝဏ်လွှာများနှင့် ရုရှားဖက်ဒရေးရှင်းနိုင်ငံ၊ မြန်မာနိုင်ငံဆိုင်ရာ ရုရှားသံအမတ်ကြီး H.E. မစ္စတာ အီစ်ကန်ဒဲ အာဇီဇော့ဖ်၊ ဂျပန်-မြန်မာ ပါလီမန်ချစ်ကြည်ရေးအသင်း ဒုတိယဥက္ကဋ္ဌ ဂျပန်နိုင်ငံအောက်လွှတ်တော်အမတ် မစ္စတာ ဟိရိုမိချိဝါတာနာဘေး၊ ဂျပန်-မြန်မာ ယဉ်ကျေးမှုမြှင့်တင်ရေးအသင်းဥက္ကဋ္ဌ မစ္စတာ ဖူမီအိုအူဆုအိနှင့် အသင်းညွှန်ကြားရေးမှူး မစ္စတာ နာအိုဟိကိုတာကခုတို့က ပြည်သူ့လွှတ်တော် ဒုတိယဥက္ကဋ္ဌထံပေးပို့လာသော သဝဏ်လွှာများကို လွှတ်တော်သို့ အသိပေးတင်ပြပြီး မှတ်တမ်းတင်သည်။ထို့ပြင် ပြည်သူ့လွှတ်တော်နှင့် ကမ္ဘောဒီးယားနိုင်ငံ လွှတ်တော်အကြားကောင်းမွန်သော ချစ်ကြည်ရင်းနှီးမှု၊ နှစ်နိုင်ငံဆက်ဆံရေးပူးပေါင်းဆောင်ရွက်မှုနှင့် ပတ်သက်၍ ပြည်သူ့လွှတ်တော်ဥက္ကဋ္ဌထံမှ ပေးပို့သော သဝဏ်လွှာအား လက်ခံရရှိသဖြင့် ကမ္ဘောဒီးယား၊ အထက်လွှတ်တော်ဥက္ကဋ္ဌ ဆမ်ဒက်အာခါမိုဟာ ဆီနာပါတိုင်းတဲ့ ချိုဟွန်ဆင်ထံမှ ကျေးဇူးတင်ရှိကြောင်း သဝဏ်လွှာပေးပို့လာခြင်းကို လွှတ်တော်သို့ အသိပေးတင်ပြပြီး မှတ်တမ်းတင်သည်။ယင်းနောက် တာချီလိတ်မဲဆန္ဒနယ်မှ ဦးကျော်ငြိမ်းအောင်၏ ပြည်တွင်းအခွန်ဦးစီးဌာန၏ မော်တော်ကားဝယ်ယူ၊ ရောင်းချခြင်းများအပေါ် အခွန်စည်းကြပ်ရန် စံနှုန်းသတ်မှတ်ထားရှိသည့် ပေါက်ဈေးနှုန်းများ ထက်ထက်ဝက်ကျော်သော ဈေးနှုန်းထားများဖြင့် ရောင်းဝယ်လုပ်ကိုင်နေခြင်းများအပေါ် သက်ဆိုင်ရာဝန်ကြီးဌာနမှ စီမံကြပ်မတ်ဆောင်ရွက်သွားရန် အစီအစဉ် ရှိ၊ မရှိ၊ အစီအစဉ်မရှိပါက အဘယ့်ကြောင့်နှင့် အစီအစဉ်ရှိပါက မည်သည့်ကာလအပိုင်းအခြားတွင် စီမံဆောင်ရွက်သွားမည်တို့ကို သိရှိလိုခြင်း မေးခွန်းနှင့်စပ်လျဉ်း၍ ဘဏ္ဍာရေးနှင့်အခွန်ဝန်ကြီးဌာန ဒုတိယဝန်ကြီး ဦးဟန်ဝင်းအောင်က ဘဏ္ဍာရေးနှင့် အခွန်ဝန်ကြီးဌာန၊ ပြည်တွင်းအခွန်များဦးစီးဌာနအနေဖြင့် မော်တော်ယာဉ်များဝယ်ယူခြင်း၊ ရောင်းချခြင်းများအပေါ် အခွန်လွတ်ကင်းမှုမရှိစေရေးအတွက် မော်တော်ယာဉ်အမျိုးအစားအလိုက် နှစ်စဉ်စံနှုန်းများ ကြိုတင်ပြုစုသတ်မှတ်ပြီး အခွန်စည်းကြပ်မှုများကို ဆောင်ရွက်လျက်ရှိပါကြောင်း၊ နှစ်စဉ်စံနှုန်းတန်ဖိုးသည်လည်း အခွန်ထမ်းပြည်သူများအတွက် ဝန်ထုပ်ဝန်ပိုးမဖြစ်စေရေးနှင့် မိမိဆန္ဒအလျောက် အခွန်ပေးဆောင်နိုင်စေရေးတို့အတွက် မော်တော်ယာဉ်အမျိုးအစားအလိုက် တစ်ပြေးညီဖြစ်စေရန် သတ်မှတ်ထားသည့် စံနှုန်းများဖြစ်သဖြင့် မော်တော်ယာဉ်ဈေးနှုန်း အတက်အကျအခြေအနေများအရ ပြင်ပပေါက်ဈေးနှင့် စံနှုန်းကွာဟမှုရှိနိုင်ပါကြောင်း။ပြည်တွင်းအခွန်များဦးစီးဌာနအနေဖြင့် IDS(IRD Documentation System) စနစ်ကို မြေပြင်တွင် အများဆုံးအရောင်းအဝယ်ဖြစ်နေသည့် မော်တော်ယာဉ်များ၏ ထုတ်လုပ်သည့်ခုနှစ်အလိုက် စံနှုန်းတန်ဖိုးများကို အတည်ပြုသတ်မှတ်ထည့်သွင်းဆောင်ရွက်ထားရှိပြီးဖြစ်ပါကြောင်း၊ စံနှုန်းများ သတ်မှတ်ရာတွင် မြန်မာ့မော်တော်ယာဉ်ထုတ်လုပ်ရေးနှင့် ဖြန့်ဖြူးရောင်းချရေးလုပ်ငန်းရှင်များအသင်းနှင့် မော်တော်ယာဉ်အရောင်းပြခန်းများမှ သတင်းအချက်အလက်များရယူကာ (၆) လတစ်ကြိမ် ပြန်လည်သုံးသပ်နိုင်ရေး ဆက်လက်ဆောင်ရွက်သွားမည်ဖြစ်ပါကြောင်း။ပြည်တွင်းအခွန်များဦးစီးဌာနအနေဖြင့် ပြည်သူများ ပိုမိုအဆင်ပြေလွယ်ကူစွာ ဆောင်ရွက်နိုင်ရန်နှင့် ပိုမို၍ပွင့်လင်းမြင်သာသည့် စနစ်တစ်ခုဖြစ်စေရန် မော်တော်ယာဉ်တန်ဖိုးအလိုအလျောက်စိစစ်အခွန်တွက်ချက်ပေးဆောင်သည့်စနစ် (Vehicle Auto-matic Valuation System- VAVS) ကို Online မှတစ်ဆင့် အသုံးပြုနိုင်ရေးစီစဉ်ဆောင်ရွက်လျက်ရှိပါကြောင်း ပြန်လည်ဖြေကြားသည်။လင်းခေးမဲဆန္ဒနယ်မှ စိုင်းထွန်းစံ (ခ) စိုင်းဆေဟန်၏ ပြည်တွင်းစက်သုံးဆီအရောင်းဆိုင်များတွင် လက်ကျန်ဆီများရှိနေပါလျက်နှင့် အကြောင်းပြချက်အမျိုးမျိုးဖြင့် ဈေးနှုန်းချက်ချင်းမြှင့်တင်ပြီး အမြတ်ကြီးစားနေသော ဆီဆိုင်များအား မည်သို့သော ထိရောက်သည့် အရေးယူဆောင်ရွက်မှုများ ပြုလုပ်သွားမည်၊ ရှမ်းပြည်နယ်အရှေ့ပိုင်းရှိမြို့များတွင် အိမ်နီးချင်းနိုင်ငံများမှ တင်ပို့မှုကန့်သတ်လာပါက ဈေးနှုန်းတည်ငြိမ်စေရန်အတွက် အစိုးရတွင် မည်သို့သောအစီအစဉ်နှင့် အစားထိုးဝယ်ယူမည့်လမ်းကြောင်းများ ပြင်ဆင်ထားသည်ကို သိရှိလိုခြင်း၊ စက်သုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းများ ကော်မတီအနေဖြင့် ဆီဆိုင်များအား ကွင်းဆင်းစစ်ဆေးပြီး အမှန်တကယ်ပြတ်လပ်မှု ရှိ၊ မရှိ၊ မတန်တဆဈေးနှုန်းများအား ထိန်းညှိပေးရန်အစီအစဉ် ရှိ၊ မရှိနှင့် စီးပွားရေးသမားများ၏ ခေါင်းပုံဖြတ်မှုမှ ပြည်သူလူထုကို ကာကွယ်ပေးရန်အတွက် အရေးကြီးကုန်စည်နှင့် ဝန်ဆောင်မှုဥပဒေအရ ထိရောက်စွာအရေးယူဆောင်ရွက်ပေးရန် အစီအစဉ် ရှိ၊ မရှိ မေးခွန်းတို့နှင့် စပ်လျဉ်း၍ လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး ဦးကျော်နိုင်ဝင်းက ဝန်ကြီးဌာနအနေဖြင့် စက်သုံးဆီများ ပြတ်လပ်မှုမရှိစေရေးနှင့် ဖူလုံမှုရှိစေရန် အစီအမံများချမှတ်ဆောင်ရွက်လျက်ရှိသောကြောင့် စက်သုံးဆီပြတ်လပ်မှုမရှိနိုင်ပါကြောင်း၊ ပြည်သူများမှ စက်သုံးဆီဝယ်ယူသုံးစွဲရာတွင် အရောင်းဆိုင်များမှ ဈေးတင်ရောင်းချခြင်းများမရှိစေရေးနှင့် ဖြစ်သင့်ဖြစ်ထိုက်သည့် ဈေးနှုန်းများဖြင့် ဝယ်ယူသုံးစွဲနိုင်ရေးအတွက် မြို့နယ်များအလိုက် ရည်ညွှန်းလက်လီဈေးနှုန်းများကို စိစစ်တွက်ချက်ပြီး အများပြည်သူသိစေရန် နေ့စဉ်ထုတ်သတင်းစာများတွင် ဖော်ပြပေးလျက်ရှိပါကြောင်း။စက်သုံးဆီအရောင်းဆိုင်များ၏ သတ်မှတ်ရည်ညွှန်းဈေးများအတိုင်း ရောင်းချနိုင်ရေးညွှန်ကြားကြပ်မတ်ဆောင်ရွက်လျက်ရှိပြီး တိုင်ကြားလာမှုများအပေါ်မှန်ကန်ကြောင်း စိစစ်တွေ့ရှိရပါက ဥပဒေနှင့်အညီ ထိရောက်စွာ အရေးယူဆောင်ရွက်လျက်ရှိပါကြောင်း၊ ရှမ်းပြည်နယ်အရှေ့ပိုင်းရှိမြို့များတွင် အိမ်နီးချင်းနိုင်ငံများမှ စက်သုံးဆီတင်ပို့မှု ကန့်သတ်လာပါက စျေးနှုန်းတည်ငြိမ်စေရန်အတွက် ပင်လယ်ရေကြောင်းမှတင်သွင်းသည့် စက်သုံးဆီကုမ္ပဏီများမှတစ်ဆင့် စက်သုံးဆီများပြန်လည်ရရှိနိုင်ရေးနှင့် ရန်ကုန် - နေပြည်တော် - တောင်ကြီး - ကျိုင်းတုံ ပြည်ထောင်စုလမ်းမကြီးအတိုင်း သယ်ဆောင်ဖြန့်ဖြူး သွားနိုင်ရေးအစီအမံများ ဆောင်ရွက်ထားရှိပြီးဖြစ်ကြောင်း၊ ရှမ်းပြည်နယ်အတွင်းရှိ စက်သုံးဆီအရောင်းဆိုင်များတွင် အမှန်တကယ်ဆီပြတ်လပ်မှု ရှိ/မရှိ ပုံမှန်/ ရှောင်တခင်ကွင်းဆင်းစစ်ဆေးခြင်းများ ဆောင်ရွက်လျက်ရှိပြီး မတန်တဆစျေးနှုန်းများဖြင့် ရောင်းချမှုမရှိစေရေးနှင့် စီးပွားရေးသမားများ၏ ခေါင်းပုံဖြတ်မှုမှကာကွယ်ပေးနိုင်ရေး သတင်းစုံစမ်းဖော်ထုတ်ဆောင်ရွက်သွားမည်ဖြစ်ပါကြောင်း ပြန်လည်ဖြေကြားသည်။မိုးနဲမဲဆန္ဒနယ်မှ စိုင်းထွန်းလင်း၏ ရှမ်းပြည်နယ် နမ့်စန်ခရိုင် မိုးနဲမြို့နယ် ကျိုင်းတောင်းမြို့အတွင်းရှိ နယ်မြေခံတပ်သို့ ပို့လွှတ်ထားသော ဓာတ်အားလိုင်းမှ အန္တရာယ်ရှိနေသော သစ်လုံးတိုင်များအား ခိုင်ခံ့သည့် ကွန်ကရစ်တိုင်များဖြင့် အမြန်ဆုံးအစားထိုးလဲလှယ်ပေးရန်နှင့် အဆိုပါဓာတ်အားလိုင်းအား မြို့ပတ်လမ်း (သို့မဟုတ်) မြို့ရှောင်လမ်းဘက်မှ လိုင်းလမ်းကြောင်း ပြောင်းလဲသွယ်တန်းပေးရန် အစီအစဉ် ရှိ၊ မရှိ ကြယ်ပွင့်ပြမေးခွန်းနှင့်စပ်လျဉ်း၍ လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး ဦးအေးကျော်က ရှမ်းပြည်နယ် မိုးနဲမြို့နယ် ကျိုင်းတောင်းမြို့ နယ်မြေခံတပ်ရေစက်၏ ၁၁/၀.၄ ကေဗွီ၊ ၅၀ ကေဗွီအေထရန်စဖော်မာသို့ ဓာတ်အားပေးရန်အတွက် ကျိုင်းတောင်းဓာတ်အားပေးစက်ရုံရှိ ၃၃/၁၁ ကေဗွီ၊ ၅ အမ်ဗွီအေဓာတ်အားခွဲရုံမှ ဓာတ်အားပေးထားသော ၁၁ ကေဗွီ ကျိုင်းတောင်းမြို့တွင်း ဖီဒါဓာတ်အားလိုင်းမှ ခိုလမ်မြို့အထွက်တွင် ဓာတ်အားလိုင်းခွဲထွက်၍ တည်ဆောက်ထားသည့် ၁၁ ကေဗွီဓာတ်အားလိုင်းအပိုင်းတွင် ကွန်ကရစ်တိုင် ၇ တိုင်နှင့် သစ်သားတိုင် ၂ တိုင်ဖြင့် သွယ်တန်းတည်ဆောက်ထားခြင်းဖြစ်ပါကြောင်း၊ အဆိုပါ သစ်သားတိုင် ၂ တိုင်အား ကွန်ကရစ်တိုင်ဖြင့် အစားထိုးလဲလှယ်ဆောင်ရွက်ပြီးဖြစ်ကြောင်း ပြန်လည်ဖြေကြားသည်။သီပေါမဲဆန္ဒနယ်မှ ဦးကောင်းသက်စံ၏ ရှမ်းပြည်နယ် (မြောက်ပိုင်း) ကျောက်မဲခရိုင် သီပေါမြို့နယ်တွင် လျှပ်စစ်ဓာတ်အားများအား မည်သည့်အချိန်၌ရရှိမည်၊ မည်သို့မည်ပုံ ခွဲဝေဖြန့်ဖြူးနိုင်မည့်အစီအစဉ်သိရှိလိုခြင်း မေးခွန်းနှင့် စပ်လျဉ်း၍ ဒုတိယဝန်ကြီး ဦးအေးကျော်က သီပေါမြို့အား တပ်မတော်မှ ပြန်လည်သိမ်းပိုက်ရရှိပြီးနောက် ဝန်ကြီးဌာနမှ အင်ဂျင်နီယာနှင့် ဝန်ထမ်းများသည် ၆၆ ကေဗွီ သီပေါဓာတ်အားခွဲရုံအားပြုပြင်ခဲ့ရာ ပြီးစီးခဲ့ပြီး ၆၆ ကေဗွီ မန်စံ-သီပေါ ဓာတ်အားလိုင်းကို စစ်ဆေးပြုပြင်ထားပြီးဖြစ်ပါကြောင်း။သီပေါမြို့အား ယာယီဓာတ်အားပေးရန် ရှမ်းပြည်နယ်အစိုးရအဖွဲ့ပိုင်ဆိုင်သော ၆၆၅ ကီလိုဝပ်နှင့် ၁၆၅ ကီလိုဝပ် ဒီဇယ်ဓာတ်အားပေးစက် ၂ လုံးဖြင့် မြို့ပေါ် ဌာနဆိုင်ရာရုံး ၄၀ တို့အား တစ်နေ့လျှင် ၆ နာရီ ဓာတ်အားဖြန့်ဖြူးပေးလျက်ရှိပြီး ဓာတ်အားပေးစက်အတွက်လိုအပ်သော စက်သုံးဆီအားဝန်ကြီးဌာနမှ ပံ့ပိုးပေးလျက်ရှိပါကြောင်း။သီပေါမြို့ရှိ ၆၆ ကေဗွီ ဓာတ်အားခွဲရုံနှင့် မြို့တွင်းဓာတ်အားဖြန့်ဖြူးပေးမည့် ၁၁ ကေဗွီနှင့် ၄၀၀ ဗို့ ဓာတ်အားလိုင်းများနှင့် ၁၁/၀.၄ ကေဗွီ ထရန်စဖော်မာများကို ပြန်လည်ပြုပြင်ထားပြီးဖြစ်ပါသဖြင့် သီပေါမြို့အား ၆၆ ကေဗွီ မန်စံ-သီပေါ ဓာတ်အားလိုင်းမှတစ်ဆင့် ဓာတ်အားပြန်လည်ပေးနိုင်ရေး ကူညီဆောင်ရွက်ပေးနိုင်ပါရန်အတွက် ဝန်ကြီးဌာနမှ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီထံသို့ တင်ပြထားရှိပြီး ညှိနှိုင်းမှုများဆောင်ရွက်ပြီးစီးပါက သီပေါဓာတ်အားခွဲရုံမှတစ်ဆင့် သီပေါမြို့ပေါ် ရပ်ကွက် ၁၁ ခုအား ဓာတ်အားစနစ်ဖြင့် ဓာတ်အားဖြန့်ဖြူးပေးနိုင်မည်ဖြစ်ပါကြောင်း ပြန်လည်ဖြေကြားသည်။မာန်အောင်မဲဆန္ဒနယ်မှ ဦးကျော်သန်း၏ မာန်အောင်မြို့ လျှပ်စစ်မီးရရှိရေးအတွက် ခအုန်းမော်ကျေးရွာ၌ရှိသော နေရောင်ခြည်စွမ်းအင်သုံးစက်ရုံအား လျှပ်စစ်ဓာတ်အားဖြန့်ဖြူးပေးနိုင်ရန်အတွက် လုပ်ဆောင်ပေးရန် အစီအစဉ် ရှိ၊ မရှိနှင့် အစီအစဉ်ရှိပါက မည်သည့်ဘဏ္ဍာနှစ်တွင် လုပ်ဆောင်ပေးမည်ကို သိရှိလိုခြင်းမေးခွန်းနှင့်စပ်လျဉ်း၍ ဒုတိယဝန်ကြီး ဦးအေးကျော်က ရခိုင်ပြည်နယ် မာန်အောင်မြို့အား ၂၄ နာရီ လျှပ်စစ်ဓာတ်အားဖြန့်ဖြူးနိုင်ရေး မာန်အောင်မြို့ ခအုန်းမော်ကျေးရွာတွင် PV 500 kW ဆိုလာ၊ ဘက်ထရီနှင့် ဒီဇယ် Hybrid System ဓာတ်အားပေး စက်ရုံ PCS (PV) Panel ရှိ Capacitor ချွတ်ယွင်းမှု၊ Lead Acid Battery များ၏ လျှပ်စစ်သိုလှောင်နိုင်သည့် စွမ်းရည်ကျဆင်းမှုနှင့် 625 KVA Diesel Generator ချွတ်ယွင်းမှုကြောင့် ၂၀၂၂ ခုနှစ်၊ ဇူလိုင်လမှစတင်၍ ဓာတ်အားဖြန့်ဖြူးပေးနိုင်ခြင်း မရှိတော့ပါသဖြင့် ပြန်လည်ပြုပြင်နိုင်ရန်ညှိနှိုင်းခဲ့ပြီး Posco Daewoo Co., Ltd. မှ ပြည်တွင်းရှိ ကုမ္ပဏီဖြစ်သည့် KST Co., Ltd. အား တာဝန်ပေးအပ်ခဲ့ပါကြောင်း။ပြုပြင်ခြင်းလုပ်ငန်းများသည် ရခိုင်ပြည်နယ်အတွင်းဖြစ်ပေါ်နေသော နယ်မြေဒေသလုံခြုံရေး အခြေအနေများကြောင့် လုပ်ငန်းများဆက်လက်ဆောင်ရွက်နိုင်ခြင်းမရှိဘဲ ယာယီရပ်ဆိုင်းထားခဲ့ရပါကြောင်း၊ သို့ဖြစ်၍ ဒီဇယ်ဓာတ်အားပေးစက်ဖြင့်သာ ၁-၁-၂၀၂၄ ရက်မှ စတင်မောင်းနှင်၍ ဓာတ်အားပြန်လည်ဖြန့်ဖြူးပေးခဲ့ရပြီး လက်ရှိအချိန်တွင် မာန်အောင်မြို့ပေါ်ရပ်ကွက် (၅) ခုနှင့် ကျေးရွာ (၄) ရွာတို့အား အုပ်စု (၄) အုပ်စုခွဲ၍ ညအချိန်တွင် ၁နာရီခွဲနှုန်းဖြင့် အလှည့်ကျဓာတ်အားပေးလျက်ရှိပါကြောင်း။ဆိုလာ၊ ဘက်ထရီနှင့် ဒီဇယ်စက် Hybrid စနစ်ဖြင့် အပြည့်အဝပြန်လည်မောင်းနှင် ဓာတ်အားပေးနိုင်ရန်အတွက် Battery များ အစားထိုးလဲလှယ်ပေးခြင်း လုပ်ငန်းအား ၂၀၂၆-၂၀၂၇ ဘဏ္ဍာရေးနှစ်အတွင်း ဆောင်ရွက်သွားမည်ဖြစ်ပြီး အဆိုပါဘက်ထရီလဲလှယ်ခြင်းလုပ်ငန်းအား ဆောင်ရွက်ပြီးစီးပါက PV 500 kW ဆိုလာ၊ ဘက်ထရီနှင့် ဒီဇယ် Hybrid System အားမောင်းနှင်၍ မာန်အောင်မြို့အား ပုံမှန်ဓာတ်အားဖြန့်ဖြူးပေးနိုင်မည်ဖြစ်ပါကြောင်း ပြန်လည်ဖြေကြားသည်။လားရှိုးမဲဆန္ဒနယ်မှ ဒေါက်တာမျိုးထွန်း၏ နိုင်ငံတော်က ရှမ်းပြည်နယ် (မြောက်ပိုင်း) မြို့နယ်များအား စက်သုံးဆီခွဲတမ်းပြန်လည်ပြီးချမှတ်ဆောင်ရွက်ပေးရန် အစီအစဉ်ရှိမရှိနှင့် ရှိပါကမည်သည့်အချိန်တွင် စက်သုံးဆီခွဲတမ်းပြန်ပေးမည်ကို သိရှိလိုခြင်းမေးခွန်းနှင့် စပ်လျဉ်း၍ ဒုတိယဝန်ကြီး ဦးကျော်နိုင်ဝင်းက ရှမ်းပြည် (မြောက်ပိုင်း) လက်ရှိနယ်မြေအခြေအနေအရ စက်သုံးဆီပို့ဆောင်မှုအဆင်ပြေချောမွေ့ခြင်း ရှိ/မရှိနှင့် စက်သုံးဆီများကို မသက်ဆိုင်သည့်အဖွဲ့အစည်းများသို့ မရောက်ရှိစေရေးအတွက် ၁-၂-၂၀၂၆ လားရှိုးမြို့၊ တန့်ယန်းမြို့၊ မိုင်းရယ်မြို့များသို့ 92 Ron ဓာတ်ဆီလီတာသုံးသောင်းခြောက်ထောင်ကျော်၊ ပရီမီယံဒီဇယ် သုံးသောင်းခြောက်ထောင်ကျော်ကို တစ်မြို့လျှင် (၂) စီးနှုန်းဖြင့် ဆီသယ်ယာဉ် (၆) စီးအား ကနဦးအစီအစဉ်အဖြစ် ရန်ကုန်သီလဝါမှတောင်ကြီး-ဟိုပုံး-လွိုင်လင်-ကျေးသီး-မိုင်းရယ်-တန့်ယန်း-လားရှိုးလမ်းကြောင်းအတိုင်း သယ်ယူခဲ့ရာ ၉-၂-၂၀၂၆ ရက်နေ့တွင် သက်ဆိုင်ရာမြို့များသို့ ရောက်ရှိခဲ့ပါကြောင်း၊ လမ်းခရီးတွင် အဆင့်ဆင့်ခွင့်ပြုချက်ရယူသွားလာရ သည့်အခြေအနေဖြစ်ပြီး လက်ရှိအခြေအနေတွင် စက်သုံးဆီသယ်ယူမှု အဆင်ပြေချောမွေ့မှုမရှိသေး သည့်အခြေအနေရှိနေသေးကြောင်း သုံးသပ်ရပါသဖြင့် မြန်မာနိုင်ငံ စက်သုံးဆီတင်သွင်းရောင်းချ ဖြန့်ဖြူးရေးအသင်းမှ စက်သုံးဆီဝယ်ယူခွင့် (PO) အား ဆက်လက်ယာယီရပ်ဆိုင်းထားပါကြောင်း၊ ရှမ်းပြည်နယ် (မြောက်ပိုင်း) နှင့် စက်သုံးဆီသယ်ယူမှုလမ်းခရီးအခြေအနေ ချောမွေ့ကောင်းမွန်မှုရှိချိန်တို့တွင် စက်သုံးဆီဝယ်ယူခွင့် (PO) များကို ပြန်လည်ခွင့်ပြုပေးနိုင်ရေး ဆောင်ရွက်လျက်ရှိပါကြောင်း ပြန်လည်ဖြေကြားသည်။ထို့နောက် ပြည်သူ့လွှတ်တော်ဥက္ကဋ္ဌက နိုင်ငံတကာဆက်ဆံရေးကော်မတီဖွဲ့စည်းရေးနှင့် စပ်လျဉ်း၍ ရှင်းလင်းပြောကြားပြီး နိုင်ငံတကာဆက်ဆံရေးကော်မတီကို အဖွဲ့ဝင် ၁၅ ဦးဖြင့် ဖွဲ့စည်းသွားမည်ဖြစ်ကြောင်းနှင့် နိုင်ငံတကာဆက်ဆံရေးကော်မတီဥက္ကဋ္ဌအဖြစ် ရပ်စောက်မဲဆန္ဒနယ်မှ ဒေါက်တာ ပွင့်ဆန်းနှင့် အတွင်းရေးမှူးအဖြစ် နန်းယွန်းမဲဆန္ဒနယ်မှ ဦးယောအေးလှတို့ကို တာဝန်ပေးအပ်ဖွဲ့စည်းသွားမည်ဖြစ်ကြောင်း လွှတ်တော်သို့တင်ပြသည်။ယင်းနောက် ပြည်သူ့လွှတ်တော်ဒုတိယဥက္ကဋ္ဌက နိုင်ငံတကာဆက်ဆံရေးကော်မတီ၏ တာဝန်၊ လုပ်ပိုင်ခွင့်၊ ရပိုင်ခွင့်၊ သက်တမ်းတို့နှင့် စပ်လျဉ်း၍ ရှင်းလင်းတင်ပြသည်။ဆက်လက်၍ ပြည်သူ့လွှတ်တော်ဥက္ကဋ္ဌက နိုင်ငံတကာဆက်ဆံရေးကော်မတီဖွဲ့စည်းမှုနှင့် ကော်မတီ၏ တာဝန်၊ လုပ်ပိုင်ခွင့်၊ ရပိုင်ခွင့်၊ သက်တမ်းတို့နှင့် စပ်လျဉ်းသည့် ရှင်းလင်းတင်ပြချက်များကို လွှတ်တော်၏ အတည်ပြုချက်ရယူရာ လွှတ်တော်က သဘောတူသည့်အတွက် နိုင်ငံတကာဆက်ဆံရေးကော်မတီဥက္ကဋ္ဌအဖြစ် ရပ်စောက်မဲဆန္ဒနယ်မှ ဒေါက်တာ ပွင့်ဆန်း၊ အတွင်းရေးမှူးအဖြစ် နန်းယွန်းမဲဆန္ဒနယ်မှ ဦးယောအေးလှအပါအဝင် အဖွဲ့ဝင် ၁၅ ဦးဖြင့် တာဝန်ပေးအပ်ဖွဲ့စည်းကြောင်းနှင့် နိုင်ငံတကာဆက်ဆံရေးကော်မတီ၏ တာဝန်၊ လုပ်ပိုင်ခွင့်၊ ရပိုင်ခွင့်၊ သက်တမ်းတို့ကို လွှတ်တော်ကအတည်ပြုကြောင်း ကြေညာသည်။ယင်းနောက် တတိယအကြိမ် ပြည်သူ့လွှတ်တော်ဒုတိယပုံမှန်အစည်းအဝေး ပထမနေ့ကို ရပ်နားလိုက်ပြီး အစည်းအဝေးဒုတိယနေ့ကို ဇွန် ၃ ရက် နံနက် ၁၀ နာရီတွင် ကျင်းပသွားမည်ဖြစ်ကြောင်း သိရသည်။သတင်းစဉ်MOI
Wed, 3-Jun-2026
ပြည်ထောင်စုလွှတ်တော်နာယက၊ အမျိုးသားလွှတ်တော်ဥက္ကဋ္ဌ ဦးအောင်လင်းဒွေး အမျိုးသားလွှတ်တော်အမြဲတမ်းကော်မတီများအား တွေ့ဆုံ
ပြည်ထောင်စုလွှတ်တော်နာယက၊ အမျိုးသားလွှတ်တော်ဥက္ကဋ္ဌ ဦးအောင်လင်းဒွေး အမျိုးသားလွှတ်တော်အမြဲတမ်းကော်မတီများအား တွေ့ဆုံ
နေပြည်တော် ဇွန် ၂ပြည်ထောင်စုလွှတ်တော်နာယက၊ အမျိုးသားလွှတ်တော်ဥက္ကဋ္ဌ ဦးအောင်လင်းဒွေးသည် ယနေ့နံနက်ပိုင်းတွင် နေပြည်တော်ရှိ အမျိုးသားလွှတ်တော်အဆောက်အအုံအစည်းအဝေးခန်းမ၌ အမျိုးသားလွှတ်တော်အမြဲတမ်းကော်မတီများအား တွေ့ဆုံသည်။တွေ့ဆုံစဉ် ပြည်ထောင်စုလွှတ်တော်နာယက၊ အမျိုးသားလွှတ်တော်ဥက္ကဋ္ဌက ဖွဲ့စည်းပုံအခြေခံဥပဒေအရ ဥပဒေပြုရေး၊ အုပ်ချုပ်ရေးနှင့် တရားစီရင်ရေးမဏ္ဍိုင် (၃) ရပ်တွင် မိမိတို့ လွှတ်တော်များသည် ဥပဒေပြုရေးတာဝန်သာမက အုပ်ချုပ်ရေးနှင့် တရားစီရင်ရေးမဏ္ဍိုင်တို့ကို ဥပဒေအရ အပြန်အလှန်ထိန်းကျောင်းဆောင်ရွက်ခွင့် အပ်နှင်းခံရသည့် အဖွဲ့အစည်းဖြစ်ပါကြောင်း၊ လွှတ်တော်ကော်မတီများသည် ယင်းလုပ်ငန်းစဉ်များကို အကောင်အထည်ဖော်သည့် နေရာတွင် အရေးကြီးသည့် အဖွဲ့အစည်းများ ဖြစ်ပါကြောင်း။အမြဲတမ်းကော်မတီများသည် ပြည်ထောင်စုအစိုးရအဖွဲ့အပါအဝင် ဖွဲ့စည်းပုံအခြေခံဥပဒေအရ ဖွဲ့စည်းထားသည့် ပြည်ထောင်စုအဆင့် အဖွဲ့အစည်းများနှင့် ဆက်သွယ်ပြီး ဖိတ်ကြားကြားနာခြင်း၊ မေးမြန်းဆွေးနွေးခြင်း၊ လိုအပ်သည့် အထောက်အထားတင်ပြစေခြင်း စသည့်ဆောင်ရွက်ခွင့်ရှိသော အရေးကြီးသည့် လွှတ်တော်ကော်မတီများဖြစ်ပြီး လွှတ်တော်၏ အဓိကကျသည့် အဖွဲ့အစည်းများ ဖြစ်ပါကြောင်း။အမြဲတမ်းကော်မတီ (၄) ရပ်အနေဖြင့် မတူညီသော လုပ်ငန်းတာဝန်များရှိပြီး (၁) ဥပဒေကြမ်းများ စိစစ်ဆွေးနွေးခြင်း၊ (၂) ပြည်ထောင်စု၏ ဘဏ္ဍာငွေအရ/ အသုံးဆိုင်ရာကိစ္စရပ်များ စိစစ်ခြင်း၊ (၃) လွှတ်တော်အခွင့်အရေးဆိုင်ရာကိစ္စရပ်များ၊ (၄) ပြည်ထောင်စုအစိုးရ၏ အာမခံချက်၊ ကတိကဝတ်များ စိစစ်ခြင်းဆိုင်ရာများ စသည့်လွှတ်တော်၏ လုပ်ငန်းစဉ်များကို အကောင်အထည်ဖော်ရာတွင် အဓိကအကျဆုံး အရေးကြီးသည့် ကော်မတီများ ဖြစ်ပါကြောင်း။လွှတ်တော်အမြဲတမ်းကော်မတီများဖြစ်ကြသည့် ဥပဒေကြမ်းကော်မတီ၊ ပြည်သူ့ငွေစာရင်းကော်မတီ၊ လွှတ်တော် အခွင့်အရေးကော်မတီနှင့် အစိုးရ၏ အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီများသည် အစိုးရနှင့် အပြန်အလှန်ထိန်းကျောင်းပြီး ပူးပေါင်းဆောင်ရွက်ရပါကြောင်း၊ ပူးပေါင်းဆောင်ရွက်ခြင်းသည် နိုင်ငံတော်ယန္တရားအဆင်ပြေချောမွေ့စွာ လည်ပတ်နိုင်ရေးနှင့် ပြည်သူ့အကျိုးစီးပွားဖော်ဆောင်ရေးအတွက် အရေးကြီးသော ကဏ္ဍဖြစ်ပါကြောင်း။အမြဲတမ်းကော်မတီများသည် ဥပဒေပြုရေး၊ ဘဏ္ဍာငွေကြီးကြပ်ရေး၊ ကိုယ်စားလှယ်ကျင့်ဝတ်နှင့်အညီ ပြုမူနေထိုင်ရေးတို့အတွက် အဓိကအခန်းကဏ္ဍကပါဝင်လျက်ရှိပါကြောင်း၊ ကော်မတီတစ်ခုစီ၏ ဆောင်ရွက်ချက်များ၊ ပြည်သူများ၏ လိုလားတောင့်တ ချက်များကို လွှတ်တော်က ဖော် ဆောင်မှုနှင့်အတူ ပြည်သူအတွက် ဆောင်ရွက်ချက်များအဖြစ် ထင်ဟပ်စေပြီးအစိုးရ၏ ပွင့်လင်းမြင်သာမှုနှင့် တာဝန်ခံမှုကိုလည်း ပေါ်လွင်ထင်ရှားစေပါကြောင်း၊ ထို့ကြောင့် မိမိအနေဖြင့် ကော်မတီများ၏ လုပ်ငန်းများကို အစဉ်တိုက်တွန်းအားပေးပြီး  အကြံပြုချက်များကို အလေးထားဆောင်ရွက်ရန်၊ ကော်မတီများအနေဖြင့် မိမိတို့၏ လုပ်ပိုင်ခွင့်အသုံးပြုပြီး ပြည်သူ့အကျိုးကို ရှေးရှုဆောင်ရွက်ကြရန် တိုက်တွန်းလိုပါကြောင်း။လွှတ်တော် လုပ်ငန်းစဉ်တွင် ကော်မတီများအနေဖြင့် မိမိတို့လွှတ်တော်တစ်ရပ်တည်း မဟုတ်ဘဲ တစ်ဖက်လွှတ်တော်နှင့် ပူးပေါင်းဆောင်ရွက်ရသည့် အပိုင်းများလည်းရှိလာနိုင်ပါကြောင်း၊ နိုင်ငံတော်၏ အနာဂတ်သည် မိမိတို့၏ စုပေါင်းတိုင်ပင်ဆုံးဖြတ်ချက်များနှင့် တာဝန်ယူမှုအပေါ် တည်ရှိသည့်အတွက် ကော်မတီများ၏ အောင်မြင်မှုသည် လွှတ်တော်တစ်ရပ်လုံး၏ ဂုဏ်သိက္ခာနှင့် ပြည်သူများ၏ ယုံကြည်မှုကို မြှင့်တင်ပေးလိမ့်မည်ဟု ယုံကြည်ပါကြောင်း၊ မိမိတို့ လွှတ်တော်ကိုယ်စားလှယ်များအနေဖြင့် လုပ်ငန်းတာဝန်များ ထမ်းဆောင်ရာတွင် တာဝန်ကျေဆောင်ရွက်ခြင်းမျိုး မဟုတ်ဘဲ ပြည်သူကောင်းကျိုးအတွက် စေတနာထားဆောင်ရွက်ကြရန်လိုကြောင်း ပြောကြားသည်။ထို့နောက် လွှတ်တော်အခွင့်အရေးကော်မတီ၊  ဥပဒေကြမ်းကော်မတီ၊ ပြည်သူ့ငွေစာရင်းကော်မတီ၊ အစိုးရ၏အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီတို့မှ ဥက္ကဋ္ဌများနှင့် အတွင်းရေးမှူးတို့က သက်ဆိုင်ရာကော်မတီအလိုက် ဖွဲ့စည်းထားရှိမှု၊ ကော်မတီလုပ်ငန်းများ ဆောင်ရွက်နေမှုနှင့် ဆောင်ရွက်သွားမည့် အခြေအနေများကို တင်ပြကြပြီး အမျိုးသားလွှတ်တော်ဥက္ကဋ္ဌက နိဂုံးချုပ်အမှာစကားပြောကြားခဲ့သည်။သတင်းစဉ်MOI
Wed, 3-Jun-2026
Hind Rajab Foundation က အိန္ဒိယနိုင်ငံတွင် ခရီးလှည့်လည်နေသည့် အစ္စရေး အရန်စစ်သည်တစ်ဦးကို ဖမ်းဆီးပေးရန် လျှောက်ထားလွှာတင်သွင်း
Hind Rajab Foundation က အိန္ဒိယနိုင်ငံတွင် ခရီးလှည့်လည်နေသည့် အစ္စရေး အရန်စစ်သည်တစ်ဦးကို ဖမ်းဆီးပေးရန် လျှောက်ထားလွှာတင်သွင်း
Hind Rajab Foundation (HRF) သည် ဟီမာချယ်ပရာဒက်ရှ် ပြည်နယ်သို့ လက်ရှိရောက်ရှိလည်ပတ်နေသည့် အစ္စရေးနိုင်ငံသား အီတန် ဂီလ်ဘိုအာ (Eitan Gilboa) အား ချက်ချင်းဖမ်းဆီးပေးရန် အိန္ဒိယရဲတပ်ဖွဲ့၊ ပြည်ထဲရေးဝန်ကြီးဌာနနှင့် လူဝင်မှုကြီးကြပ်ရေးဗျူရိုတို့ထံ အရေးပေါ်တိုင်ကြားစာ တစ်စောင် တင်သွင်းခဲ့သည်။ဘယ်လ်ဂျီယံအခြေစိုက် အဆိုပါ စုံစမ်းစစ်ဆေးရေးအဖွဲ့သည် ဂါဇာဒေသတွင် စစ်ရာဇဝတ်မှုကျူးလွန်ခဲ့သည်ဟု စွပ်စွဲခံထားရသူများကို တရားဥပဒေ အရ အရေးယူနိုင်ရန် ဆောင်ရွက်နေသည့်အဖွဲ့ဖြစ်သည်။ ၎င်းအဖွဲ့က “အစ္စရေးတပ်မတော်မှ အရန်စစ်သည်တစ်ဦးဖြစ်သူ ဂီလ်ဘိုအာသည် ဂါဇာရှိ လူနေအိမ်ခြေတစ်ခုလုံးကို ကလဲ့စားချေသည့်အနေဖြင့် ရည်ရွယ်ချက်ရှိရှိ ဖြိုချဖျက်ဆီးခဲ့ပြီး ၎င်းလုပ်ရပ်အပေါ် အောင်ပွဲခံခဲ့ကြောင်း သက်သေပြနိုင်သည့် အသေးစိတ်စုံစမ်းစစ်ဆေးမှုအစီရင်ခံစာကို တင်ပြထားသည်။ အဆိုပါလုပ်ရပ်များသည် ၁၉၆၀ ပြည့်နှစ် ဂျနီဗာကွန်ဗင်းရှင်းအက် ဥပဒေအရ စစ်ရာဇဝတ်မှုမြောက်သည်” ဟု ပြောကြားခဲ့သည်။အိန္ဒိယနိုင်ငံသည် ဂျနီဗာကွန်ဗင်းရှင်းတွင် လက်မှတ်ရေးထိုးထားသည့် နိုင်ငံတစ်ခုဖြစ်သည့်အတွက် အပိုဒ် ၁၄၆ အရ ကြီးလေးသော ချိုးဖောက်မှုများ ကျူးလွန်ခဲ့သည်ဟု စွပ်စွဲခံထားရသူများကို မည်သည့်လူမျိုးဖြစ်စေ ရှာဖွေဖော်ထုတ်ပြီးတရားစွဲဆိုရန် ဥပဒေကြောင်းအရ တာဝန်ရှိသည်ဟု ဖောင်ဒေးရှင်းက ဆိုသည်။အဆိုပါအဖွဲ့၏ ပြောကြားချက်အရ ၎င်း အစ္စရေးအရန်စစ်သည် သည် လက်ရှိတွင် ဟီမာချယ်ပရာဒက်ရှ်ပြည်နယ်ရှိ ကျေးရွာတစ်ရွာသို့ ရောက်ရှိနေကြောင်း သိရှိရသည်။Hind Rajab Foundation ၏ အထွေထွေညွှန်ကြားရေးမှူးဖြစ်သူ ဒိုင်ယက်ဘ် အာဘူ ရဂျာ (Dyab Abou Jahjah) က “အီတန် ဂီလ်ဘိုအာ က ကမ္ဘာလှည့်ခရီးသွားတစ်ယောက်မဟုတ်ပါ၊ သူဟာ သူကျူးလွန်ခဲ့တဲ့ ပြစ်မှုတွေရဲ့ နောက်ဆက်တွဲအကျိုးဆက်တွေကနေ ထွက်ပြေးတိမ်းရှောင်ရင်း အိန္ဒိယ နိုင်ငံရဲ့ ဧည့်ဝတ်ကျေပွန်မှုကိုခံယူနေတဲ့ စစ်ရာဇဝတ်သားတစ်ဦးသာဖြစ်ပါတယ်” ဟု ပြောကြားခဲ့သည်။ကိုးကား- Al JazeeraPhoto:x.comဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 2-Jun-2026
အစ္စရေးသည် လူမျိုးတုံးသတ်ဖြတ်မှုနှင့် ရက်စက်ကြမ်းကြုတ်မှုများကို ပြစ်ဒဏ်ခတ်ခြင်းမခံရဘဲ ကျူးလွန်နေကြောင်း အမေရိကန် နိုင်ငံရေးသမားတစ်ဦးက ပြောကြား
အစ္စရေးသည် လူမျိုးတုံးသတ်ဖြတ်မှုနှင့် ရက်စက်ကြမ်းကြုတ်မှုများကို ပြစ်ဒဏ်ခတ်ခြင်းမခံရဘဲ ကျူးလွန်နေကြောင်း အမေရိကန် နိုင်ငံရေးသမားတစ်ဦးက ပြောကြား
အမေရိကန် လွှတ်တော်အမတ် အီလ်ဟန် အိုမာ (Ilhan Omar) က လက်ဘနွန်နိုင်ငံအပေါ် အစ္စရေး၏ လုပ်ရပ်များကို ပြစ်တင်ရှုတ်ချလိုက်ပြီး အစ္စရေးထံ အမေရိကန်ကပေးအပ်နေသည့် စစ်ရေးအကူအညီများကို ချက်ချင်းရပ်ဆိုင်းရန် တောင်းဆိုလိုက်သည်။“အစ္စရေးက အကြိမ်ကြိမ် သင်ခန်းစာရသွားတာကတော့ သူတို့အနေနဲ့ လူမျိုးတုံးသတ်ဖြတ်မှုတွေနဲ့ တခြားရက်စက်ကြမ်းကြုတ်မှုတွေကို ဘာ ပြစ်ဒဏ်မှခံရမှာမပူဘဲ စိတ်ကြိုက်ကျူးလွန်လို့ရတယ်ဆိုတာပါပဲ” ဟု အိုမာက X လူမှုကွန်ရက်ပေါ်ရှိ သူမ၏ ပို့စ်တွင် ရေးသားထားသည်။“အခုတော့ သူတို့က ဂါဇာမှာသုံးခဲ့တဲ့ စစ်ဗျူဟာ (Playbook) ကို လက်ဘနွန်ဆီ တင်ပို့နေပြီ” ဟု ဆိုကာ “လက်ဘနွန်မှာဖြစ်ပွားနေတဲ့ အစ္စရေးရဲ့စစ်ပွဲကြောင့် လူပေါင်းထောင်ချီသေဆုံးနေရပြီး လူဦးရေတစ်သန်းကျော် အိုးအိမ်စွန့်ခွာထွက်ပြေးနေရတယ်” ဟု ထောက်ပြခဲ့သည်။ ၎င်းပြင် သူမက “အစ္စရေးကို အမေရိကန်ရဲ့ အကူအညီတွေပေးတာ လုံးဝရပ်တန့်ရမယ်” ဟုလည်း ထပ်လောင်း ပြောကြားခဲ့သည်။ကိုးကား- Al Jazeeraဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 2-Jun-2026
အစ္စရေးစစ်တပ်အတွင်း မဖြစ်မနေစစ်မှုထမ်းရမည့် ဥပဒေကို Ultra-Orthodox ဂျူးလူမျိုး ထောင်ပေါင်းများစွာ ကန့်ကွက်ဆန္ဒပြ
အစ္စရေးစစ်တပ်အတွင်း မဖြစ်မနေစစ်မှုထမ်းရမည့် ဥပဒေကို Ultra-Orthodox ဂျူးလူမျိုး ထောင်ပေါင်းများစွာ ကန့်ကွက်ဆန္ဒပြ
အစ္စရေးစစ်တပ်တွင် မဖြစ်မနေစစ်မှုထမ်းရမည့်အမိန့်ကို ကန့်ကွက်ရန်အတွက် Ultra-Orthodox ဂျူးဘာသာရေးဂိုဏ်းဝင် သောင်းနှင့်ချီ၍ အစ္စရေးတစ်ဝန်းတွင် လမ်းများနှင့်ရထားလမ်းများကို ပိတ်ဆို့ကာ ဆန္ဒပြခဲ့ ကြကြောင်း AP သတင်းဌာနက ဖော်ပြခဲ့သည်။ဂျေရုဆလင်မြို့နှင့် တဲလ်အဗစ် မြို့ပြဧရိယာနှစ်ခုစလုံးတွင် လူအုပ်ကြီးက လမ်းမများကို ပိတ်ဆို့ဆန္ဒပြခဲ့ကြသဖြင့် အဝေးပြေးလမ်းမများ ပိတ်ဆို့သွားခဲ့ပြီး အများပြည်သူသုံး သယ်ယူပို့ဆောင်ရေးလုပ်ငန်းများပါ ရပ်ဆိုင်းသွားခဲ့ရသည်။အချို့သော ဆန္ဒပြသူများသည် "ဇီယွန်ဝါဒီအဖြစ် အသက်ရှင်မည့်အစား ဂျူးလူမျိုးအဖြစ် သေဆုံးတာကမှ ပိုမြတ်ဦးမယ်" ဟူ၍လည်းကောင်း၊ "ဇီယွန်ဘာသာတရားအတွက် စစ်တပ်ထဲမှာအမှုထမ်းဖို့ ငါတို့ ငြင်းဆန်တယ်" ဟူ၍လည်းကောင်း ရေးသားထားသည့် အစ္စရေးနိုင်ငံကို ရှုတ်ချသော ဆိုင်းဘုတ်များကို ကိုင်ဆောင်ထားကြသည်။အစ္စရေးနိုင်ငံတွင် ဂျူးအမျိုးသားနှင့် အမျိုးသမီးအများစုသည် မဖြစ်မနေစစ်မှုထမ်းရန် တာဝန်ရှိသည်။ သို့သော်လည်း သြဇာအာဏာရှိသော Ultra-Orthodox နိုင်ငံရေးပါတီများသည် ၎င်းတို့၏ နောက်လိုက်များ စစ်မှုထမ်းခြင်းမှကင်းလွတ်ခွင့်ရရှိပြီး ၎င်းအစား ဘာသာရေးစာသင်ကျောင်းများတွင် ပညာသင်ကြားနိုင်ရန်အတွက် အခွင့်အရေးများ ရယူပေးထားနိုင်ခဲ့သည်။သို့သော်လည်း ယခုအခါတွင် အဆိုပါကင်းလွတ်ခွင့်များသည် ခြိမ်းခြောက်ခံနေရပြီ ဖြစ်သည်။ စစ်မျက်နှာပေါင်းစုံတွင် စစ်ပွဲများဆင်နွှဲနေရသဖြင့် စစ်သားအင်အား ပြင်းထန်စွာလိုအပ်နေသော အစ္စရေးစစ်တပ်သည် မဖြစ်မနေစစ်မှုထမ်းရမည့်သက်တမ်းကာလကို တိုးမြှင့်ရန် ကြိုးပမ်းနေသည်။အစ္စရေးတွင် ဂျူးအမျိုးသား အများစုသည် သုံးနှစ်နီးပါး စစ်မှုထမ်းဆောင်ရန်လိုအပ်ပြီး ယင်းနောက်ပိုင်းတွင်လည်း အရန်တပ်ဖွဲ့ဝင်အဖြစ် နှစ်ပေါင်းများစွာ တာဝန်ထမ်းဆောင်ရလေ့ရှိသည်။ ဂျူးအမျိုးသမီးများမှာမူ မဖြစ်မနေ စစ်မှုထမ်းသက်တမ်း နှစ်နှစ် သတ်မှတ်ထားသည်။ကိုးကား- Al Jazeeraဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 2-Jun-2026
© Copyright 2024 SAC All Rights Reserved.