မြန်မာ့ကျောက်မျက်ရတနာပြပွဲ သတ္တမနေ့ ဆက်လက်ကျင်းပ ကျောက်စိမ်းအတွဲပေါင်း ၆၄၀ ရောင်းချရ

NoahJune222

News Image

  • မြန်မာ့ကျောက်မျက်ရတနာပြပွဲ သတ္တမနေ့ ဆက်လက်ကျင်းပ ကျောက်စိမ်းအတွဲပေါင်း ၆၄၀ ရောင်းချရ

နေပြည်တော်   နိုဝင်ဘာ   ၂၃

     ၂၀၂၅ ခုနှစ် အကြိမ်(၆၀)မြောက် မြန်မာ့ကျောက်မျက်ရတနာပြပွဲ  သတ္တမနေ့ကို ယနေ့နံနက်ပိုင်းတွင်  နေပြည်တော်ရှိ မဏိရတနာကျောက်စိမ်း ခန်းမ၌ ဆက်လက် ကျင်းပရာ နံနက်ပိုင်းမှစတင်၍ ပြည်တွင်း၊ ပြည်ပရတနာကုန်သည်များသည်   မဏိရတနာကျောက်စိမ်းခန်းမ အပြင်ဘက် သတ်မှတ်နေရာများအလိုက် ခင်းကျင်းပြသထားသည့်     ကျောက်စိမ်းအတွဲများကို စိတ်ကြိုက်လေ့လာကြည့်ရှုကြသည်။

ယနေ့ပြပွဲတွင် အုပ်စု(အေနှင့်ဘီ)တို့မှ ကျောက်စိမ်းအတွဲပေါင်း    ၉၀၀ အနက် ကျောက်စိမ်းအတွဲပေါင်း ၆၄၀ ကို ပြည်တွင်း၊ ပြည်ပရတနာကုန်သည်များအား အိတ်ဖွင့်တင်ဒါစနစ်ဖြင့်    ရောင်းချခဲ့ရကြောင်း ထုတ်ပြန်ကြေညာသည်။

ထို့ပြင် ပြပွဲအဋ္ဌမနေ့တွင် ရောင်းချမည့် အုပ်စု(စီ) အတွဲအမှတ်(၂၉၀၁)မှ (၃၆၅၀) အထိကို ပြည်တွင်း၊ ပြည်ပရတနာကုန်သည်များကကြည့်ရှုစစ်ဆေးကြပြီး   ဈေးနှုန်းပေးသွင်းလွှာများကို သက်ဆိုင်ရာတင်ဒါပုံးများ အတွင်းထည့်သွင်းကြသည်။ အဆိုပါဈေးနှုန်းတင်သွင်းလွှာများကို တာဝန်ရှိသူများက ယနေ့ညနေပိုင်းတွင် ဖွင့်ဖောက် စစ်ဆေးပြီး ရောင်းချရသည့်ကျောက်စိမ်းအတွဲများကို နိုဝင်ဘာလ ၂၄ ရက် နံနက်ပိုင်းတွင် ကြေညာသွားမည်ဖြစ်သည်။

ယနေ့ညနေပိုင်းတွင် မြန်မာ့ကျောက်မျက် ရတနာပြပွဲ ဗဟိုကော်မတီနာယက သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးခင်မောင်ရီသည် ပြပွဲကျင်းပရာ    မဏိရတနာကျောက်စိမ်းခန်းမ၌ ကျောက်စိမ်း အတွဲများ တင်ဒါဖွင့်ဖောက်စစ်ဆေးနေမှုကို လိုက်လံကြည့်ရှုစစ်ဆေးပြီး လိုအပ်သည် များကို   တာဝန်ရှိသူများအား  မှာကြားသည်၊၊

ပြပွဲတွင် အုပ်စု(အေ၊ ဘီနှင့် စီ)တို့မှ ကျောက်စိမ်းအတွဲပေါင်း ၅၀၈၅ တွဲကို နေ့ရက်အလိုက် ပြည်တွင်း၊ ပြည်ပရတနာကုန်သည်များအား အိတ်ဖွင့်တင်ဒါစနစ်ဖြင့် ရောင်းချပေးလျက်ရှိရာ ပြပွဲပဉ္စမနေ့တွင် ကျောက်စိမ်းအတွဲပေါင်း ၁၀၀၀ အနက် ကျောက်စိမ်းအတွဲပေါင်း ၇၅၄ တွဲကိုလည်းကောင်း၊ ပြပွဲဆဋ္ဌမနေ့တွင် ကျောက်စိမ်းအတွဲပေါင်း ၁၀၀၀ အနက်    ကျောက်စိမ်းအတွဲပေါင်း  ၇၁၆ တွဲကိုလည်းကောင်း၊ ပြပွဲ သတ္တမနေ့တွင် ကျောက်စိမ်းအတွဲပေါင်း ၉၀၀ အနက်  ကျောက်စိမ်းအတွဲပေါင်း ၆၄၀ ကိုလည်းကောင်း ရောင်းချပေးနိုင်ခဲ့ပြီး ကျန်ရှိသည့် အုပ်စု(စီ)မှ    ကျောက်စိမ်းအတွဲများကို နိုဝင်ဘာလ ၂၆ ရက်အထိ နေပြည်တော်ရှိ မဏိရတနာကျောက်စိမ်းခန်းမ၌ ပြည်တွင်း၊ ပြည်ပရတနာကုန်သည်များအား ဆက်လက် ရောင်းချပေးသွားမည်ဖြစ်သည်၊၊

ယင်းအုပ်စု(စီ)မှ ကျောက်စိမ်းအတွဲများကို ပြည်ပရတနာကုန်သည်များအနေဖြင့် အမေရိကန်ဒေါ်လာ၊ ယူရိုငွေ၊ ယွမ်ငွေ၊ ထိုင်းဘတ်ငွေနှင့်   မြန်မာနိုင်ငံတော်ဗဟိုဘဏ်က လက်ခံသည့် နိုင်ငံခြားငွေအမျိုးအစားများဖြင့် ပေးချေဝယ်ယူနိုင်မည်ဖြစ်ပြီး ပြည်တွင်း ရတနာကုန်သည်များ အနေဖြင့် မြန်မာကျပ်ငွေဖြင့် ပေးချေဝယ်ယူနိုင်မည် ဖြစ်ကြောင်း သိရသည်။  

MWD

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

အင်ဒိုနီးရှားနိုင်ငံတွင် လောင်စာဆီဈေးနှုန်း မမြင့်မလာဟု အစိုးရ အတည်ပြု
အင်ဒိုနီးရှားနိုင်ငံတွင် လောင်စာဆီဈေးနှုန်း မမြင့်မလာဟု အစိုးရ အတည်ပြု
အင်ဒိုနီးရှားနိုင်ငံတွင် လောင်စာဆီဈေးနှုန်းများ မြင့်တက်လာမည်ဟူသော သတင်းမှားများ ပြည်သူများအကြား ပျံ့နှံ့လာစဉ် အစိုးရက မတ်လ ၃၁ ရက်တွင် အတည်ပြုထုတ်ပြန်ထားကြောင်း သိရသည်။ အစိုးရအနေဖြင့် ၎င်းတို့ထောက်ပံ့ကူညီမှုရှိသည့်လောင်စာဆီနှင့် အထောက်အပံ့မပါသောလောင်စာဆီ နှစ်မျိုးစလုံးအတွက် ဈေးနှုန်းတိုးမြှင့်မည်မဟုတ်ဟု ထုတ်ပြန်ခဲ့သည်။နိုင်ငံပိုင်စွမ်းအင်ကုမ္ပဏီကြီး Pertamina အနေဖြင့် လက်ရှိ လောင်စာဆီဈေးနှုန်းများကို ပြင်ဆင်သတ်မှတ်မည်မဟုတ်ကြောင်းနှင့် နိုင်ငံအတွင်းလောင်စာဆီဈေးနှုန်းများ အဆမတန်မြင့်တက်လာမည်ဟူသော ကောလာဟလများကို အစိုးရက ပယ်ချခဲ့ကြောင်း သိရသည်။ထို့အပြင် လောင်စာဆီရရှိနိုင်မှုအာမခံချက်ရှိပြီး ဈေးနှုန်းကိုလည်း ပြောင်းလဲမည်မဟုတ်သဖြင့် ပြည်သူများအနေဖြင့် စိုးရိမ်ပူပန်မှု သို့မဟုတ် အထိတ်တလန့်ဖြစ်ရန်မလိုအပ်ကြောင်း အစိုးရက ဆက်လက်အသိပေးထားသည်။Ref: XinhuaMWD
Wed, 1-Apr-2026
အရှေ့အလယ်ပိုင်းပဋိပက္ခကြောင့် အာရပ်နိုင်ငံများ ဒေါ်လာဘီလီယံ ၂၀၀ နီးပါး ဆုံးရှုံးနိုင်ဖွယ်ရှိ
အရှေ့အလယ်ပိုင်းပဋိပက္ခကြောင့် အာရပ်နိုင်ငံများ ဒေါ်လာဘီလီယံ ၂၀၀ နီးပါး ဆုံးရှုံးနိုင်ဖွယ်ရှိ
အရှေ့အလယ်ပိုင်းဒေသတွင် လက်ရှိဖြစ်ပွားနေသည့် ပဋိပက္ခကြောင့် အာရပ်နိုင်ငံများ၏ ဒေသတွင်းစီးပွားရေးဖွံ့ဖြိုးတိုးတက်မှုအပေါ် ပြင်းထန်သော ထိုးနှက်ချက်များ ဖြစ်ပေါ်လာနိုင်ပြီး အဆိုပါနိုင်ငံများအနေဖြင့် အမေရိကန်ဒေါ်လာ ဘီလီယံ ၂၀၀ နီးပါး ဆုံးရှုံးနိုင်ဖွယ်ရှိကြောင်း ကုလသမဂ္ဂဖွံ့ဖြိုးရေးအစီအစဉ်၏ အစီရင်ခံစာကို ကိုးကား၍ Bloomberg သတင်းဌာနက ဖော်ပြထားသည်။မျက်မှောက်ကာလအရှေ့အလယ်ပိုင်းဒေသ၌ ဖြစ်ပွားလျက်ရှိသော ကာလတို စစ်ရေးပဋိပက္ခများသည် အာရပ်ဒေသတစ်ဝန်းလုံးအပေါ် ကြီးမားကျယ်ပြန့်သော လူမှုစီးပွားဆိုင်ရာ သက်ရောက်မှုများကို ဖြစ်ပေါ်စေနိုင်ကြောင်း ကျွမ်းကျင်သူများက သုံးသပ်ထားသည်။ထို့ပြင် ဒေသတွင်းပဋိပက္ခများကြောင့် အလုပ်လက်မဲ့နှုန်းမှာ ၄ ရာခိုင်နှုန်းအထိ မြင့်တက်လာနိုင်ပြီး အလုပ်အကိုင်ပေါင်း ၃ ဒသမ ၆ သန်းခန့် ဆုံးရှုံးရဖွယ်ရှိသကဲ့သို့ လူဦးရေ ၄ သန်းနီးပါးမှာ ဆင်းရဲနွမ်းပါးမှုနှင့် ရင်ဆိုင်ကြုံတွေ့ရဖွယ်ရှိကြောင်း ကျွမ်းကျင်သူများက ဆိုသည်။အလားတူပင် ပင်လယ်ကွေ့ပူးပေါင်းဆောင်ရွက်ရေးကောင်စီ (GCC) အဖွဲ့ဝင်နိုင်ငံများဖြစ်သည့် ဘာရိန်း၊ ကာတာ၊ ကူဝိတ်၊ အာရပ်စော်ဘွားများပြည်ထောင်စု၊ အိုမန်နှင့် ဆော်ဒီအာရေဗျတို့အနေဖြင့် ၎င်းတို့၏ စုစုပေါင်း ပြည်တွင်းထုတ်ကုန် (GDP) ၏ ၅ ဒသမ ၂ ရာခိုင်နှုန်းကျော်အထိ ဆုံးရှုံးနိုင်ကြောင်း အစီရင်ခံစာတွင် ဖော်ပြထားသည်။အရှေ့အလယ်ပိုင်းဒေသတွင် လက်နက်ကိုင်ပဋိပက္ခများကြောင့် ဒေသတွင်းစီးပွားရေးအပေါ် ထိခိုက်မှုများ ဆက်လက်ဖြစ်ပေါ်နိုင်သည့် အလားအလာရှိနေသော်လည်း ဒေသတွင်းနိုင်ငံအချို့ဖြစ်သည့် အာရပ်စော်ဘွားများပြည်ထောင်စု၊ ဆော်ဒီအာရေဗျ၊ ကူဝိတ်နှင့် ဘာရိန်းတို့သည် အီရန်အပေါ် ဆက်လက်တိုက်ခိုက်ရန် အမေရိကန်နှင့် အစ္စရေးတို့အား ထောက်ခံအားပေးလျက်ရှိကြောင်း မီဒီယာများတွင် ဖော်ပြထားသည်။ထို့ကြောင့် မျက်မှောက်ကာလအရှေ့အလယ်ပိုင်းတွင် ဆက်လက်ဖြစ်ပွားနေသော ပဋိပက္ခများတွင် သွယ်ဝိုက်ပါဝင်နေသည့် ပင်လယ်ကွေ့နိုင်ငံအချို့က စစ်ပွဲကို ဆက်လက်ထောက်ခံနေသည့်အတွက် လက်နက်ကိုင်ပဋိပက္ခကြောင့် ဖြစ်ပေါ်လာနိုင်သည့် စီးပွားရေးအကျိုးဆက်များ လျော့နည်းလာမည့် အလားအလာနည်းပါးနေသည်။အီရန်အစိုးရသည် လက်ရှိတွင် အမေရိကန်၊ အစ္စရေးနှင့် အီရန်နိုင်ငံအပေါ် ကျူးကျော်တိုက်ခိုက်ရန် ထောက်ခံအားပေးနေသည့်နိုင်ငံများနှင့် ဆက်နွှယ်သော ကုန်တင်သင်္ဘောများကို ဟော်မုဇ်ရေလက်ကြားမှ ဖြတ်သန်းခွင့် ပိတ်ပင်ထားသည်။ထို့ပြင် လက်ရှိပဋိပက္ခအတွင်း အီရန်အစိုးရ၏ ခွင့်ပြုချက်မရှိဘဲ အဆိုပါ ရေလက်ကြားမှ ဖြတ်သန်းသွားလာသည့် ရေနံတင်သင်္ဘောအချို့မှာ တိုက်ခိုက်ခံခဲ့ရကြောင်း သိရသည်။အီရန်အနေဖြင့် ရုရှား၊ အိန္ဒိယ၊ အီရတ်၊ တရုတ်နှင့် ပါကစ္စတန်နိုင်ငံတို့အပါအဝင် မိတ်ဖက်နိုင်ငံများကိုမူ ဟော်မုဇ်ရေလက်ကြားမှ ဖြတ်သန်းအသုံးပြုခွင့် ပေးထားကြောင်း အီရန်နိုင်ငံခြားရေးဝန်ကြီး အဘတ်အရာခ်ချီက မတ်လ ၂၅ ရက်တွင် ပြောကြားထားသည်။Ref: TsMWD
Wed, 1-Apr-2026
တောင်အာဖရိကတွင် စက်သုံးဆီစျေးနှုန်းများ စံချိန်တင်မြင့်တက်တော့မည် ဖြစ်၍ အစိုးရမှ အရေးပေါ်အဖြေရှာရန်ပြင်ဆင်
တောင်အာဖရိကတွင် စက်သုံးဆီစျေးနှုန်းများ စံချိန်တင်မြင့်တက်တော့မည်ဖြစ်၍ အစိုးရမှ အရေးပေါ်အဖြေရှာရန်ပြင်ဆင်
တောင်အာဖရိကနိုင်ငံတွင် လာမည့် ဧပြီလ ၁ ရက်နေ့မှစတင်ကာ ဓာတ်ဆီနှင့် ဒီဇယ်စျေးနှုန်းများ စံချိန်တင်မြင့်တက်တော့မည်ဖြစ်ကြောင်း သမ္မတ စိုင်ရယ်လ် ရာမာဖိုဆာ (Cyril Ramaphosa) က ပြည်သူများကို သတိပေးလိုက်ပြီး စားသုံးသူများအပေါ် သက်ရောက်မည့် ဒဏ်ကို လျော့ပါးသက်သာစေရန် အရေးပေါ်အစီအမံများချမှတ်ရန် ဝန်ကြီးများကို ညွှန်ကြားထားသည်။အရှေ့အလယ်ပိုင်းနှင့် အရှေ့ဥရောပရှိ စစ်ပွဲများကြောင့် ကမ္ဘာ့ရေနံစျေးနှုန်းများ မြင့်တက်လာခြင်းနှင့် တောင်အာဖရိကငွေကြေး (ရန်း) တန်ဖိုး ကျဆင်းလာခြင်းတို့မှာ အဆိုပါ စျေးနှုန်းခုန်တက်မှု၏ အဓိကအကြောင်းရင်းများ ဖြစ်သည်။ ခန့်မှန်းချက်များအရ ဓာတ်ဆီစျေးမှာ တစ်လီတာလျှင် ၆ ရန်းခန့်နှင့် ဒီဇယ်စျေးမှာ ၁၀ ရန်းကျော်အထိ မြင့်တက်နိုင်ကာ ဂေါ်တင် ပြည်နယ်တွင် ဒီဇယ်တစ်လီတာလျှင် ၂၉ ရန်းကျော်အထိ စံချိန်တင် ရောက်ရှိသွားနိုင်ဖွယ် ရှိနေသည်။သမ္မတ ရာမာဖိုဆာက ထိုကဲ့သို့ စက်သုံးဆီစျေးနှုန်းနှင့် ငွေကြေးဖောင်းပွမှုမြင့်တက်လာခြင်းသည် သာမန်ပြည်သူများ၏ လူနေမှုစရိတ်ကို ကြီးမားသော ဝန်ထုပ်ဝန်ပိုးဖြစ်စေမည်ဖြစ်ရာ မိမိအနေဖြင့် ညဘက် အိပ်မပျော်နိုင်အောင် စိုးရိမ်မိကြောင်း ထုတ်ဖော်ပြောကြားခဲ့သည်။ထို့ကြောင့် ဘဏ္ဍာရေးဝန်ကြီးအပါအဝင် သက်ဆိုင်ရာဝန်ကြီးများအား ပြည်သူများအတွက် အကောင်းဆုံးဖြေရှင်းချက်များ ရှာဖွေဖော်ထုတ်ရန် တိုက်တွန်းထားသည်။ ထို့အပြင် ၎င်းက အမေရိကန်နှင့် အစ္စရေးတို့၏ လုပ်ရပ်များကိုရှုတ်ချကာ နိုင်ငံတကာပထဝီနိုင်ငံရေး တင်းမာမှုများသည် ပြည်တွင်းစီးပွားရေးအပေါ် တိုက်ရိုက်ဖိအားပေးနေကြောင်း ထောက်ပြခဲ့သည်။လက်ရှိစိန်ခေါ်မှုများကို ကျော်လွှားနိုင်ရန်အတွက် အစိုးရအနေဖြင့် ပြည်တွင်းစက်မှုအင်အား တည်ဆောက်ခြင်း၊ ထောက်ပံ့ပို့ဆောင်ရေးနှင့် စွမ်းအင်လုံခြုံရေးကို မြှင့်တင်ခြင်းတို့ကို ဦးစားပေး ဆောင်ရွက်သွားမည် ဟု သမ္မတက ဆိုသည်။ အထူးသဖြင့် စွမ်းအင်၊ ရေနှင့် လမ်းတံတားကဲ့သို့သော အခြေခံအဆောက်အအုံဆိုင်ရာ ရင်းနှီးမြှုပ်နှံမှုများကို ဖော်ဆောင်ခြင်းဖြင့် စီးပွားရေး တိုးတက်မှုနှင့် အလုပ်အကိုင်အခွင့်အလမ်းများဖန်တီးရန် ရည်မှန်းထားသည်။ ပြီးခဲ့သည့် ဒီမိုကရေစီ သက်တမ်းနှစ် ၃၀ အတွင်း ရရှိခဲ့သော အောင်မြင်မှုများကိုထိန်းသိမ်းကာ ပြည်သူများ၏ လူနေမှုဘဝ မြင့်မားလာစေရန်နှင့် နိုင်ငံ၏ အချုပ်အခြာအာဏာကိုကာကွယ်ရန် ဆက်လက် ကြိုးပမ်းသွားမည်ဖြစ်ကြောင်း သမ္မတက အလေးအနက်ထား ပြောကြားခဲ့သည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Tue, 31-Mar-2026
ကျောက်ဆည်မြို့နယ်၌ ၂၀၂၅-၂၀၂၆ ခုနှစ် နွေစပါး ၄၉၃၂ ဧက လျာထားပြီး ၁၅၀၁ ဧက စိုက်ပျိုးပြီးဖြစ်
ကျောက်ဆည်မြို့နယ်၌ ၂၀၂၅-၂၀၂၆ ခုနှစ် နွေစပါး ၄၉၃၂ ဧက လျာထားပြီး ၁၅၀၁ ဧက စိုက်ပျိုးပြီးဖြစ်
ကျောက်ဆည် မတ် ၃၀မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၌ ၂၀၂၅-၂၀၂၆ ခုနှစ် နွေစပါး ၄၉၃၂ ဧက လျာထားပြီး ၁၅၀၁ ဧက စိုက်ပျိုးပြီးဖြစ်ကြောင်း မြို့နယ်မြေစာရင်းဦးစီးဌာနမှ သိရသည်။နွေစပါးများစိုက်ပျိုးရာ၌ ဇော်ဂျီမြစ်ဆည်၊ ကင်းတားဆည်၊ သစ်တက္ကုန်းဆည်၊ စက်ရေတွင်း များဖြင့် စိုက်ပျိုး လျက်ရှိရာ တမုတ်မြောင်းရေဖြင့် ၁၂၅ ဧက၊ မင်းရဲမြောင်းရေဖြင့် ၆၁၀ ဧက၊ သင်းတွဲ မြောင်းရေဖြင့် ၆၈၉ ဧက၊ ထုံးကြီး မြောင်းရေဖြင့်၂၂ ဧက၊ သင်းဒီး မြောင်းရေဖြင့် ၅၅ ဧက စုစုပေါင်း ၁၅၀၁ ဧက စိုက်ပျိုး ပြီးကြောင်း သိရသည်။ကျောက်ဆည်မြို့နယ်အနေဖြင့် နွေစပါး ၄၉၃၂ ဧက လျာစိုက်ပျိုးလျက်ရာ လျာထားဧက ပြည့်မီရေး မြို့နယ် ဆည်မြောင်းနှင့်ရေအသုံးချမှုစီမံခန့်ခွဲရေးဦးစီးဌာနမှ စိုက်ပျိုးရေများ ပြည့်ဝစွာပေးဝေလျက်ရှိကြောင်း သိရသည်။သက်မောင်(ကျောက်ဆည်) 
Mon, 30-Mar-2026
ကျောက်ဆည်မြို့နယ်၌ တမုတ်မြောင်းရေဖြင့် ကျေးရွာအုပ်စု ၁၀ အုပ်စု၌ နွေစပါး ၁၂၅ ဧကနှင့် နွေနှမ်း ၈၆၉ ဧက စိုက်ပျိုးပြီးဖြစ်
ကျောက်ဆည်မြို့နယ်၌ တမုတ်မြောင်းရေဖြင့် ကျေးရွာအုပ်စု ၁၀ အုပ်စု၌ နွေစပါး ၁၂၅ ဧကနှင့် နွေနှမ်း ၈၆၉ ဧက စိုက်ပျိုးပြီးဖြစ်
ကျောက်ဆည် မတ် ၃၀မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၌ တမုတ်မြောင်းရေဖြင့် ကျေးရွာအုပ်စု ၁၀ အုပ်စု၌ နွေစပါး ၃၅၃ ဧကနှင့် နွေနှမ်း ၄၀၂၈ ဧက လျာထားစိုက်ပျိုးလျက်ရှိရာ ယခုအခါ  နွေစပါး ၁၂၅ ဧကနှင့် နွေနှမ်း ၈၆၉ ဧက စုစုပေါင်း ၉၉၄ ဧက စိုက်ပျိုးပြီးကြောင်း သိရသည်။ တမုတ်မြောင်းရေဖြင့် နွေစပါးနှင့်နွေနှမ်းများစိုက်ပျိုးရာ၌ လက်ပန်ပင်ကျေးရွာအုပ်စု၌ နွေစပါး ၂၀ ဧက၊ နွေနှမ်း ၃၀ ဧက၊ မယ်ဇယ်ပင်ကျေးရွာ၌ နွေနှမ်း ၅၀ ဧက၊ တံစိုးကျေးရွာအုပ်စု၌ နွေနှမ်း ၅၃ ဧက၊ သူငယ်တော် ကျေးရွာ၌ နွေနှမ်း ၅၁ ဧက၊ ပွတ္တိုင်ကျေးရွာအုပ်စု၌ နွေစပါး ၅၀ ဧက၊ နွေနှမ်း ၁၅၀ ဧက၊ မြောင်းဦးကျေးရွာအုပ်စု၌ နွေစပါး ၂၀ ဧက၊ နွေနှမ်း ၅၀ ဧက၊ အနောက်သာဂရကျေးရွာအုပ်စု၌ နွေစပါး ၃၅ ဧက၊ နွေနှမ်း ၂၃၀ ဧက၊ ရွာပုလဲကျေးရွာအုပ်စု၌ ၁၅၀ ဧက၊ ကတဲကျေးရွာအုပ်စု၌ နွေနှမ်း ၅၀ ဧက၊ ပနန်ကျေးရွာအုပ်စု၌ နွေနှမ်း ၅၅ ဧက စုစုပေါင်း ၉၉၄ ဧက စိုက်ပျိုးပြီးကြောင်း မြို့နယ်မြေစာရင်းဦးစီးဌာနမှ သိရသည်။သက်မောင်(ကျောက်ဆည်) 
Mon, 30-Mar-2026
ထရမ့်၏ ပြောကြားချက်များကြောင့် ရေနံစျေးနှုန်းများ မြင့်တက်လာ
ထရမ့်၏ ပြောကြားချက်များကြောင့် ရေနံစျေးနှုန်းများ မြင့်တက်လာ
အရှေ့အလယ်ပိုင်းပဋိပက္ခများ ပိုမိုပြင်းထန်လာမည်ကို စိုးရိမ်မှုများ မြင့်တက်လာစေသည့် အမေရိကန်သမ္မတ ဒေါ်နယ်ထရမ့်၏ မှတ်ချက်များအပြီး ယနေ့ (မတ် ၃၀) တွင် ရေနံစျေးနှုန်းများမြင့်တက်ခဲ့ရာ Brent ရေနံစိမ်းစျေးမှာ တစ်စည်လျှင် ၁၁၆ ဒေါ်လာ ကျော်အထိ ရောက်ရှိသွားခဲ့သည်။ ကမ္ဘာ့ရေနံစျေးနှုန်း သတ်မှတ်ချက်ဖြစ်သော Brent crude သည် ၃.၅ ရာခိုင်နှုန်း မြင့်တက်ကာ တစ်စည်လျှင် ၁၁၆.၅ ဒေါ်လာ ဖြစ်လာပြီး အမေရိကန် ရေနံစျေးနှုန်းသတ်မှတ်ချက်ဖြစ်သော WTI မှာ ၂ ရာခိုင်နှုန်း မြင့်တက်ကာ တစ်စည်လျှင် ၁၀၁.၇ ဒေါ်လာ သို့ ရောက်ရှိခဲ့သည်။တနင်္ဂနွေနေ့ (မတ် ၂၉) က ထုတ်ဝေခဲ့သည့် Financial Times နှင့် အင်တာဗျူးတွင် ထရမ့်က ၎င်းအနေဖြင့် အီရန်ရှိရေနံများကို ရယူလိုကြောင်းနှင့် အီရန်နိုင်ငံ ရေနံတင်ပို့မှု၏ ၉၀ ရာခိုင်နှုန်းခန့်ကို ကိုင်တွယ်နေသည့် Kharg ကျွန်းကို သိမ်းပိုက်နိုင်ကြောင်း ပြောကြားခဲ့သည်။ ပြီးခဲ့သည့် ဇန်နဝါရီလက ဗင်နီဇွဲလားသမ္မတ နီကိုလပ်စ် မာဒူရိုအား ဖမ်းဆီးပြီးနောက် အမေရိကန်က ဗင်နီဇွဲလားရေနံလုပ်ငန်းကို အကန့်အသတ်မရှိထိန်းချုပ်ရန် ရည်ရွယ်ထားသည့် စစ်ဆင်ရေးများနှင့် အဆိုပါအခြေအနေကို နှိုင်းယှဉ်ပြောဆိုခဲ့ကြောင်း FT သတင်းတွင် ဖော်ပြထားသည်။အမေရိကန်-အစ္စရေးတို့ အီရန်အပေါ် စစ်ကြေညာခဲ့ပြီးနောက် မတ်လအတွင်း ရေနံစိမ်းစျေးနှုန်းမှာ ၅၀ ရာခိုင်နှုန်းကျော်အထိ မြင့်တက်လာခဲ့သည်။ ပြီးခဲ့သည့် သောကြာနေ့ (မတ် ၂၇) က Brent ရေနံစျေးမှာ ၁၁၂.၅၇ ဒေါ်လာတွင် ရှိနေခဲ့ပြီး ၎င်းမှာ ၂၀၂၂ ခုနှစ်နောက်ပိုင်း အမြင့်ဆုံး စျေးနှုန်းဖြစ်သည်။ ဖေဖော်ဝါရီ ၂၈ ရက်တွင် အမေရိကန်နှင့် အစ္စရေးတို့ က အီရန်ကို စတင်တိုက်ခိုက်ခဲ့စဉ်က Brent ရေနံစျေးမှာ ၇၃ ဒေါ်လာ ဝန်းကျင်တွင်သာ ရှိခဲ့သည်။ ထိုတိုက်ခိုက်မှုကြောင့် အီရန်က ကမ္ဘာ့ ရေနံ တင်ပို့မှု ငါးပုံတစ်ပုံခန့်ဖြတ်သန်းရာ ဟော်မုဇ်ရေလက်ကြားကို ပိတ်ဆို့ခဲ့သည်။"ပဋိပက္ခပြီးဆုံးမည့် အရိပ်အယောင်မတွေ့ရသေးသလို သတင်းခေါင်းကြီးပိုင်း အမျိုးမျိုးကြောင့် ရင်းနှီးမြှုပ်နှံသူတွေဟာ အခြေအနေတွေ ပိုမိုဆိုးရွား လာမှာကို စိုးရိမ်နေကြဆဲဖြစ်ပါတယ်" ဟု Deutsche Bank မှ ကမ္ဘာလုံးဆိုင်ရာ မက်ခရိုစီးပွားရေး သုတေသနအကြီးအကဲ ဂျင်မ်ရိဒ်က မှတ်ချက်ပြု ရေးသားခဲ့သည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Mon, 30-Mar-2026
© Copyright 2024 SAC All Rights Reserved.