အမေရိကန်က ခိုလှုံခွင့်တောင်းခံမှုများ အတွက် ဆုံးဖြတ်ချက်များကို ရပ်ဆိုင်းထားမည်

NoahJune222

News Image

  • အမေရိကန်က ခိုလှုံခွင့်တောင်းခံမှုများ အတွက် ဆုံးဖြတ်ချက်များကို ရပ်ဆိုင်းထားမည်

အမေရိကန်ပြည်ထောင်စုသည် နိုင်ငံအတွင်း ခိုလှုံခွင့်တောင်းခံမှုများအတွက် ဆုံးဖြတ်ချက်များ ချမှတ်ခြင်းကို ရပ်ဆိုင်းထားမည်ဖြစ်ကြောင်း အမေရိကန် တာဝန်ရှိသူများက နိုဝင်ဘာလ ၂၈ ရက်တွင်ပြောသည်။ အမေရိကန်နိုင်ငံ၌ နေထိုင်လျက်ရှိသည့် အာဖဂန်နစ္စတန်နိုင်ငံသား တစ်ဦးကအိမ်ဖြူတော်အနီး၌ အမျိုးသားကာကွယ်ရေး အစောင့်တပ်ဖွဲ့ဝင်နှစ်ဦးကို ပစ်ခတ်မှုလုပ်ဆောင်ပြီးနောက် အမေရိကန်သမ္မတ ဒေါ်နယ်ထရမ့်က ရွှေ့ပြောင်းနေထိုင်သူများအပေါ် သဘောထားတင်းမာလာစဉ် အစိုးရတာဝန်ရှိသူများက ယခုကဲ့သို့ ထုတ်ပြန်လာခြင်းဖြစ်သည်။

အာဖဂန်နစ္စတန်နိုင်ငံမှ ရွှေ့ပြောင်းနေထိုင်သူတစ်ဦးက အမေရိကန်စစ်သည်နှစ်ဦးကို တိုက်ခိုက်မှုသည် နိုဝင်ဘာလ ၂၆ရက်တွင်ဖြစ်ပွားခြင်းဖြစ်ပြီး ၎င်းတို့နှစ်ဦးအနက် တစ်ဦးမှာ ရရှိသည့်ဒဏ်ရာများဖြင့် ကွယ်လွန်သွားသည်။ ထို့နောက် သမ္မတ ဒေါ်နယ်ထရမ့်သည် တတိယနိုင်ငံများမှ ရွှေ့ပြောင်းနေထိုင်သူများကို နိုင်ငံအတွင်း ဝင်ရောက်မှုမှ ရပ်ဆိုင်းထားမည်ဖြစ်သည်ဟု ကတိပြုထားသည်။

အလားတူ အမေရိကန်နိုင်ငံအနေဖြင့် အာဖဂန်နစ္စတန်နိုင်ငံပတ်စပို့ ကိုင်ဆောင်ထားသူများအား ပြည်ဝင်ခွင့်ဗီဇာ ထုတ်ပေးခြင်းကိုလည်း ယာယီရပ်ဆိုင်းထားမည် ဖြစ်ကြောင်း အမေရိကန်နိုင်ငံခြားရေး ဝန်ကြီး မာကိုရူဘီယိုက နိုဝင်ဘာလ ၂၈ ရက် တွင်ပြောသည်ဟု သိရသည်။

MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

အက်စတိုးနီးယားနိုင်ငံရှိ လူနေအိမ်ခြေများအနီး ယူကရိန်းဒရုန်းပေါက်ကွဲ
အက်စတိုးနီးယားနိုင်ငံရှိ လူနေအိမ်ခြေများအနီး ယူကရိန်းဒရုန်းပေါက်ကွဲ
ယူကရိန်းတပ်မတော် အသုံးပြုနေသည့် ဒရုန်းတစ်စင်းသည် အက်စတိုးနီးယားနိုင်ငံ တာတူးခရိုင်ရှိ လူနေအိမ်ခြေများအနီးတွင် ပေါက်ကွဲခဲ့ကြောင်း ဒေသန္တရစည်ပင်သာယာရေးအဖွဲ့က မတ်လ ၃၁ ရက်တွင် ထုတ်ပြန်ကြေညာသည်။ပျက်ကျသွားခဲ့သည့် ဒရုန်း၏ အစိတ်အပိုင်းများကို တာတူးခရိုင် ကက်စထရီ ကျေးလက်ဒေသ စည်ပင်နယ်မြေအတွင်း၌ တွေ့ရှိခဲ့ကြောင်း အဆိုပါအုပ်ချုပ်ရေးအဖွဲ့က လူမှုမီဒီယာစာမျက်နှာတွင် ဖော်ပြထားသည်။ယူကရိန်းဒရုန်းများသည် အက်စတိုးနီးယားနှင့် လက်ဗီးယားနိုင်ငံများ၏ ပိုင်နက်များအတွင်းသို့ ရုရှားနိုင်ငံမှ တစ်ဆင့် လမ်းကြောင်းမှားဝင်ရောက်လာပြီး ပျက်ကျမှုများဖြစ်ပွားခဲ့ကြောင်း အဆိုပါနိုင်ငံအစိုးရအဖွဲ့များက ပြောကြားထားသည်။ပြီးခဲ့သည့် သီတင်းပတ်အတွင်း ယူကရိန်းနိုင်ငံသည် မော်စကိုအပါအဝင် ရုရှားနိုင်ငံအတွင်းရှိ ဒေသများအတွက် တိုက်ခိုက်မှုများလုပ်ဆောင်ရန် ဒရုန်းအစင်းပေါင်း ၄၀၀ နီးပါးကို လွှတ်တင်ခဲ့ကြောင်း သိရသည်။Ref: IvMWD 
Wed, 1-Apr-2026
တောင်ဆူဒန် ရွှေတွင်း တိုက်ခိုက်ခံရ ၊ လူ ၇၀ ကျော် သေဆုံး
တောင်ဆူဒန် ရွှေတွင်း တိုက်ခိုက်ခံရ ၊ လူ ၇၀ ကျော် သေဆုံး
တောင်ဆူဒန်နိုင်ငံရှိ ရွှေတွင်းတစ်ခု တိုက်ခိုက်ခံရမှုကြောင့် လူပေါင်း ၇၀ ကျော် သေဆုံးပြီး အများအပြား ဒဏ်ရာရရှိခဲ့ကြောင်း ဒုတိယသမ္မတ ဂျိမ်းဝါနီ အစ်ဂါက ပြောကြားသည်။အဆိုပါတိုက်ခိုက်မှုသည် ပြီးခဲ့သည့် သီတင်းပတ်ကုန်ပိုင်းက မြို့တော်ဂျူဘား၏ အနောက်တောင်ဘက် ၇၀ ကီလိုမီတာခန့်တွင် တည်ရှိသော အလယ်ပိုင်းအီကွေတိုးရီးယားပြည်နယ် ခေါ်ကော်တန်ဒေသတွင် ဖြစ်ပွားခဲ့ခြင်းဖြစ်ကြောင်း အစ်ဂါက မတ်လ ၃၀ ရက်တွင် ထုတ်ပြန်ကြေညာချက်တွင် ဖော်ပြထားသည်။အဆိုပါဖြစ်စဉ်တွင် အနည်းဆုံး ဒေသခံ တွင်းတူးလုပ်သား ၇၃ ဦး သေဆုံးခဲ့ပြီး ၂၅ ဦး ပြင်းထန်စွာ ဒဏ်ရာရရှိခဲ့ကြောင်း သိရသည်။ အစ်ဂါက စုံစမ်းစစ်ဆေးရန် တောင်းဆိုပြီး တိုက်ခိုက်မှုကျူးလွန်သူများကို ဖော်ထုတ်ရန် အာဏာပိုင်များအား တိုက်တွန်းထားကြောင်း သိရသည်။အခင်းဖြစ်ပွားရာနေရာတွင် ရုပ်အလောင်းများ အများအပြား တွေ့ရှိရပြီး အချို့အသက်ရှင်သူများသည် အနီးနားရှိ တောအုပ်များထဲသို့ ထွက်ပြေးတိမ်းရှောင် သွားကြသည်။ အဆိုပါ ရွှေတူးဖော်ရေးဒေသမှာ တူးဖော်သူများ၊ ရွှေတူးဖော်ရေးကုမ္ပဏီများနှင့် လက်နက်ကိုင်အဖွဲ့အစည်းများအကြား အပြိုင်အဆိုင် လုယက်မှုများကြောင့် ပဋိပက္ခများကို မကြာခဏ ကြုံတွေ့ရသော နေရာတစ်ခု ဖြစ်သည်။Ref: RTMWD
Wed, 1-Apr-2026
အစ္စရေးနှင့် အမေရိကန်တို့၏ စစ်ရေးစွမ်းဆောင်ရည်များအား လျော့နည်းကုန်ခန်းစေမည့် မဟာဗျူဟာကို အသုံးပြုမည်ဟု အီရန်ပြော
အစ္စရေးနှင့် အမေရိကန်တို့၏ စစ်ရေးစွမ်းဆောင်ရည်များအား လျော့နည်းကုန်ခန်းစေမည့် မဟာဗျူဟာကို အသုံးပြုမည်ဟု အီရန်ပြော
အီရန်နိုင်ငံအနေဖြင့် ဒေသတွင်းရှိ အစ္စရေးနှင့် အမေရိကန်တို့၏ စစ်ရေးစွမ်းဆောင်ရည်များကို လျော့နည်းကုန်ခန်းစေမည့် မဟာဗျူဟာတစ်ရပ်ကို အသုံးပြုမည်ဖြစ်ကြောင်း အစ္စလာမ်မစ်တော်လှန်ရေးအစောင့်တပ်ဖွဲ့၏ ထုတ်ပြန်ချက်ကို ကိုးကား၍ ISNA သတင်းဌာနက မတ်လ ၃၁ ရက်တွင် ဖော်ပြထားသည်။အီရန်နိုင်ငံက ကျင့်သုံးမည့် မဟာဗျူဟာသည် ဒေသတွင်းရှိ အစ္စရေးနှင့် အမေရိကန်တပ်ဖွဲ့တို့၏ စစ်ရေးစွမ်းဆောင်ရည်ကို တိုက်စားယိုယွင်းစေရန် ရေရှည်ရည်ရွယ်ထားခြင်းဖြစ်ကြောင်း အဆိုပါသတင်းဌာနက ၎င်းတို့၏ လူမှုမီဒီယာစာမျက်နှာတွင် ဖော်ပြထားသည်။ထို့ပြင် အစ္စလာမ်မစ်တော်လှန်ရေးအစောင့်တပ်ဖွဲ့၏ လေကြောင်းနှင့် အာကာသတပ်ဖွဲ့များသည် Emad၊ Khorramshahr-4 နှင့် Kadr ဒုံးကျည်စနစ်များကို အသုံးပြု၍ တိုက်ခိုက်မှုများ လုပ်ဆောင်ခဲ့ကြောင်း ISNA သတင်းဌာနက ဆက်လက်ဖော်ပြထားသည်။အဆိုပါ တိုက်ခိုက်မှုများတွင် ဘနီဘရက်၊ တဲအဗစ်နှင့် ဂါလီလီဒေသများအပါအဝင် အစ္စရေးတပ်မှူးများ အစည်းအဝေးပြုလုပ်ရာနေရာများလည်း ပါဝင်ကြောင်း သိရသည်။Ref: IvMWD
Wed, 1-Apr-2026
အမေရိကန်နှင့် သဘောတူညီချက် မရရှိပါက အီရန်အပေါ် ပိုမိုပြင်းထန်သော တိုက်ခိုက်မှုများ လုပ်ဆောင်မည်ဟု အမေရိကန်ပြော
အမေရိကန်နှင့် သဘောတူညီချက် မရရှိပါက အီရန်အပေါ် ပိုမိုပြင်းထန်သော တိုက်ခိုက်မှုများ လုပ်ဆောင်မည်ဟု အမေရိကန်ပြော
အကယ်၍ အီရန်နိုင်ငံအနေဖြင့် အမေရိကန်အစိုးရနှင့် သဘောတူညီချက်တစ်ရပ် ချမှတ်နိုင်ခြင်းမရှိပါက အမေရိကန်က အီရန်အပေါ် ယခုထက်ပိုမိုပြင်းထန်သော တိုက်ခိုက်မှုများကို ဆက်လက်လုပ်ဆောင်သွားမည်ဖြစ်ကြောင်း အမေရိကန်ကာကွယ်ရေးဝန်ကြီး ပိဟက်ဆက်က မတ်လ ၃၁ ရက်တွင် ပြောကြားခဲ့သည်။အီရန်အရေးနှင့်စပ်လျဉ်း၍ ရှေ့လာမည့်နေ့ရက်များသည် အလွန်အရေးကြီးကြောင်း၊ အကယ်၍ အီရန်နိုင်ငံအနေဖြင့် အမြော်အမြင်ရှိမည်ဆိုပါက အမေရိကန်နှင့် သဘောတူညီချက်တစ်ရပ် ချမှတ်မည်ဖြစ်ကြောင်း ဟက်ဆက်က သတင်းစာရှင်းလင်းပွဲတစ်ခုတွင် ပြောကြားခဲ့ကြောင်း CBS သတင်းဌာနက ကိုးကားဖော်ပြထားသည်။ထို့ပြင် အမေရိကန်သမ္မတ ဒေါ်နယ်ထရမ့်အနေဖြင့် အီရန်နိုင်ငံနှင့် ချစ်ကြည်ရင်းနှီးသော သဘောတူညီမှုတစ်ရပ် ချမှတ်ရန် အဆင်သင့်ရှိနေပြီး အီရန်ဘက်မှလည်း အဆိုပါ သဘောတူညီချက်ပါ စည်းကမ်းချက်များကို ကောင်းစွာသိရှိထားကြောင်း ၎င်းက ဆက်လက်ပြောကြားသည်။ထို့အပြင် လက်ရှိအခြေအနေတွင် အမေရိကန်၏ တိုက်ခိုက်ရေးစွမ်းအားမှာ ပိုမိုအားကောင်းလာသော်လည်း အီရန်တပ်မတော်၏ အင်အားမှာ အားနည်းလာလျက်ရှိနေကြောင်း၊ ယင်းအခြေအနေကို အီရန်အစိုးရက သိနားလည်ထားကြောင်း ဟက်ဆက်က ဆက်လက်ပြောကြားခဲ့သည်။အမေရိကန်အစိုးရသည် ၎င်းတို့၏ အထူးတပ်ဖွဲ့ဝင် ရာပေါင်းများစွာကို အရှေ့အလယ်ပိုင်းဒေသသို့ ပို့ဆောင်ထားကြောင်း နယူးယောက်တိုင်းမ် သတင်းစာက အမေရိကန်စစ်ဘက်အရင်းအမြစ်များ၏ ပြောကြားချက်ကို ကိုးကား၍ မတ်လ ၂၉ ရက်တွင် ဖော်ပြထားသည်။အဆိုပါ အမေရိကန်အထူးတပ်ဖွဲ့ဝင်များသည် ဒေသအတွင်း ဖြန့်ကြက်ထားပြီးဖြစ်သည့် အမေရိကန်ကမ်းတက်တပ်ဖွဲ့ဝင်များနှင့် ရေတပ်ဖွဲ့ဝင်များနှင့် ပူးပေါင်းဆောင်ရွက်မည်ဖြစ်ကြောင်း သိရသည်။MWD
Wed, 1-Apr-2026
အွန်လိုင်းလိမ်လည်မှု (Telecom Fraud) နှင့် ဒုစရိုက်မှုလုပ်ငန်းများတွင် ဆက်စပ်ပါဝင်ခဲ့ကြသည့် ပြည်ပနိုင်ငံသား ၆၅ ဦးအား မြန်မာ-ထိုင်း အမှတ်(၂)ချစ်ကြည်ရေးတံတားမှတစ်ဆင့် သက်ဆိုင်ရာ နိုင်ငံများသို့ ထပ်မံလွှဲပြောင်းပေးအပ်
အွန်လိုင်းလိမ်လည်မှု (Telecom Fraud) နှင့် ဒုစရိုက်မှုလုပ်ငန်းများတွင် ဆက်စပ်ပါဝင်ခဲ့ကြသည့် ပြည်ပနိုင်ငံသား ၆၅ ဦးအား မြန်မာ-ထိုင်း အမှတ်(၂)ချစ်ကြည်ရေးတံတားမှတစ်ဆင့် သက်ဆိုင်ရာ နိုင်ငံများသို့ ထပ်မံလွှဲပြောင်းပေးအပ်
31 March 2026     ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ မြန်မာနိုင်ငံအတွင်းသို့ နယ်စပ်လမ်းကြောင်းများမှ တရားမဝင် ဝင်ရောက်လာပြီး ကရင်ပြည်နယ်၊ မြဝတီမြို့၊ ရွှေကုက္ကိုလ်နယ်မြေတွင် တရားမဝင် အွန်လိုင်းလောင်းကစားမှုများ၊ အွန်လိုင်းလိမ်လည်မှုများ၊ ဒုစရိုက်မှုများ ကျူးလွန်ခဲ့ကြသည့် အီသီယိုးပီးယားနိုင်ငံသား ၃၆ ဦး၊ ဗီယက်နမ်နိုင်ငံသား ၂၇ ဦး၊ ကင်ညာနိုင်ငံသား ၁ ဦးနှင့် ရဝမ်ဒါနိုင်ငံသား ၁ ဦး၊ စုစုပေါင်း ပြည်ပနိုင်ငံသား ၆၅ ဦးတို့အား မြန်မာ-ထိုင်း အမှတ်(၂) ချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံများသို့ လူသားချင်းစာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကို ရှေးရှု၍ ဥပဒေလုပ်ထုံးလုပ်နည်းများနှင့်အညီ ထပ်မံလွှဲ ပြောင်း ပေးအပ်သည်။      အဆိုပါ ပြည်နှင်လွှဲပြောင်းပေးမှုလုပ်ငန်းများ စနစ်တကျရှိစေရေးနှင့် အဆင်ပြေချောမွေ့ စေရေးအတွက် မြဝတီခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ၊ ခရိုင်အုပ်ချုပ်ရေးမှူး ဦးကောင်းစံလင်းနှင့် တာဝန်ရှိသူများက ဌာနဆိုင်ရာများနှင့်တွေ့ဆုံကာ စာရင်းဇယား၊ အချက်အလက်များ ကိုက်ညီမှုရှိရေးနှင့် ပြည့်စုံမှန်ကန်မှုရှိရေးတို့ကို လိုက်လံကြည့်ရှုစစ်ဆေးပြီး လိုအပ်သည်များ ပေါင်းစပ် ညှိနှိုင်းဆောင်ရွက်ပေးသည်။      ထိုသို့ ပြည်နှင်လွှဲပြောင်းပေးအပ်ရာတွင် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ခရိုင်ဦးစီးမှူး ဒုတိယညွှန်ကြားရေးမှူး ဦးကျော်ကျော်သန်းနှင့် တာဝန်ရှိသူများ၊ ထိုင်းနိုင်ငံဆိုင်ရာ ဗီယက်နမ်နိုင်ငံသံရုံးမှ First Secretary Mr. Le Trung Kien နှင့် တာဝန်ရှိသူများ အီသီယိုးပီးယားနိုင်ငံ၊ ကင်ညာနိုင်ငံနှင့် ရဝမ်ဒါနိုင်ငံသံရုံးတို့မှ သံရုံးကိုယ်စားလှယ် Mr. Tana Judah Hira နှင့် တာဝန်ရှိ သူများ၊ ထိုင်းနိုင်ငံ၊ တာ့ခ်ခရိုင်လူဝင်မှုကြီးကြပ်ရေးဦးစီးဌာနမှ တာဝန်ရှိသူများ တက်ရောက်ခဲ့ကြပြီး မြန်မာနိုင်ငံမှ တာဝန်ရှိသူတို့က သက်ဆိုင်ရာနိုင်ငံများမှ တာဝန်ရှိသူများထံသို့ ပြည်နှင်လွှဲပြောင်း လက်ခံရေးဆိုင်ရာ အထောက်အထား စာရွက်စာတမ်းများကို စနစ်တကျ လွှဲပြောင်းပေးအပ်သည်။     ၂၀၂၅ ခုနှစ်၊ ဇန်နဝါရီ ၃၀ ရက်မှ ၂၀၂၆ ခုနှစ်၊ မတ် ၃၀ ရက်အထိ မြဝတီမြို့နယ်အတွင်းသို့ တရားမဝင် ဝင်ရောက်လာသည့် စုစုပေါင်း ပြည်ပနိုင်ငံသား ၁၄,၆၁၆ ဦးအား ထိန်းသိမ်းနိုင်ခဲ့ကြောင်းနှင့် ယင်းနိုင်ငံသားအားလုံးကို စစ်ဆေးပြီးစီးခဲ့ပြီး ၎င်းတို့အနက်မှ ၁၃,၄၀၁ ဦးအား ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ် နည်းများနှင့်အညီ စနစ်တကျ ပြည်နှင်လွှဲပြောင်းပေးခဲ့ပြီး ကျန်ရှိသည့် ပြည်ပနိုင်ငံသား ၁,၂၁၅ ဦးအား သက်ဆိုင်ရာနိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ် ကြောင်းနှင့် ၎င်းတို့ကို ကောင်းမွန်စွာ ထိန်းသိမ်းစောင့်ရှောက် ထားရှိသည်။     နိုင်ငံတော်အနေဖြင့် Online Scam Center လုပ်ငန်းများတွင် ပါဝင်ပတ်သက်နေသူများနှင့် နောက်ကွယ်မှ ကြိုးကိုင်သော နိုင်ငံခြားသားများကို ဖော်ထုတ်ဖမ်းဆီးပြီး ထိထိရောက်ရောက် ပြင်းပြင်းထန်ထန် အရေးယူနိုင်ရေး အိမ်နီးချင်းနှင့် ဒေသတွင်းနိုင်ငံများ၊ နိုင်ငံတကာအဖွဲ့အစည်းများနှင့် တက်ကြွစွာ ပူးပေါင်းဆောင်ရွက်လျက်ရှိသည့်အပြင် အကြောင်းအမျိုးမျိုးကြောင့် ဒုက္ခရောက်နေကြသော နိုင်ငံခြားသားများနှင့် လူကုန်ကူးခံရသည့် နိုင်ငံခြားသားများကို သက်ဆိုင်ရာနိုင်ငံများသို့ အမြန်ဆုံး ပြည်နှင်လွှဲ ပြောင်းပေးနိုင်ရေး ထိရောက်စွာ ညှိနှိုင်းဆောင်ရွက်လျက်ရှိကြောင်း သတင်းရရှိပါသည်။MOHA
Tue, 31-Mar-2026
တနင်္သာရီတိုင်းဒေသကြီး၊ သရက်ချောင်းမြို့နယ်၌ PDF အမည်ခံ အကြမ်းဖက်သမားများက လက်နက်ကြီးဖြင့် ပစ်ခတ်တိုက်ခိုက်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ
တနင်္သာရီတိုင်းဒေသကြီး၊ သရက်ချောင်းမြို့နယ်၌ PDF အမည်ခံ အကြမ်းဖက်သမားများက လက်နက်ကြီးဖြင့် ပစ်ခတ်တိုက်ခိုက်ခဲ့မှုကြောင့် အပြစ်မဲ့ အရပ်သားပြည်သူ တစ်ဦး ထိခိုက်ဒဏ်ရာရရှိ
31 March 2026     အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများ ထိခိုက်ဒဏ်ရာ ရရှိစေရန်နှင့် အကြောက်တရားများ လွှမ်းမိုးစေရန် ရည်ရွယ်ချက်များဖြင့် ဖမ်းဆီးသတ်ဖြတ်ခြင်း၊ ရပ်ကွက်၊ ကျေးရွာများအတွင်းသို့ လက်နက်ကြီး၊ လက်နက်ငယ်များ၊ ရှော့တိုက်ဒုံးများ၊ Drone ဖြင့် Drop Bomb များ ပစ်ချတိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်လျက်ရှိသည်။     ထိုသို့ လုပ်ဆောင်လျက်ရှိရာ ၂၀၂၆ ခုနှစ်၊ မတ် ၂၉ ရက် မွန်းလွဲ ၂ နာရီ ၂၀ မိနစ်တွင် တနင်္သာရီတိုင်းဒေသကြီး၊ ထားဝယ်မြို့နယ်ပြည်သူ့ဆေးရုံ၌ ဗုံးသီးပေါက်ကွဲစ ထိမှန်ဒဏ်ရာများဖြင့် အမျိုးသမီး တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက် စစ်ဆေး၍ ဖြစ်စဉ်အား စိစစ်ခဲ့ရာ နံနက် ၇ နာရီ ၃၀ မိနစ်တွင် သရက်ချောင်းမြို့နယ်၊ စုံစင်ကျေးရွာနေ ဒေါ်ခင်မာချို(၄၅)နှစ်သည် ၎င်းနေအိမ်၌ ရှိနေစဉ် နေအိမ်ခြံဝင်းအတွင်းသို့ PDF အမည်ခံ အကြမ်းဖက်သမားများက အများပြည်သူ ထိခိုက်ဒဏ်ရာရရှိစေရန် ရည်ရွယ်၍ ပစ်ခတ်လိုက်သည့် လက်နက်ကြီး ဗုံးသီး တစ်လုံး ကျရောက်ပေါက်ကွဲခဲ့မှုကြောင့် ၎င်းတွင် ထိခိုက်ဒဏ်ရာများ ရရှိခဲ့ခြင်းဖြစ်ကြောင်း သိရသည်။     ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော ရပ်ကွက်၊ ကျေးရွာ များအတွင်းသို့ လက်နက်ကြီး၊ လက်နက်ငယ်၊ ရှော့တိုက်ဒုံးများ၊ Drop Bomb များဖြင့် ပစ်ခတ် တိုက်ခိုက်ခြင်းများကို ဆင်ခြင်တုံတရားကင်းမဲ့စွာ ပြုလုပ်နေမှုများအား ဒေသခံပြည်သူများက လုံးဝ လက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။ MOHA
Tue, 31-Mar-2026
© Copyright 2024 SAC All Rights Reserved.