ငလျင်ဘေးကြိုတင်ပြင်ဆင်ရေးနှင့် စပ်လျဉ်း၍ ပြည်သူသို့ အသိပေးနှိုးဆော်ချက်
News Image
MM-News-Category
ဆက်စပ်သတင်းများ
အယ်လ်နီညိုဖြစ်စဉ်မတိုင်မီမှာပင် အင်ဒိုနီးရှားနိုင်ငံ၌ တောမီးများစောစီးစွာ လောင်ကျွမ်းနေပြီဖြစ်သဖြင့် မီးခိုးငွေ့အန္တရာယ်စိုးရိမ်ရကြောင်း တာဝန်ရှိသူများက မတ်လ၂၈ ရက်တွင်ထုတ်ပြန်ထားသည်။ အရှေ့တောင်အာရှတွင် မိုးနည်းပါးခြင်းနှင့် အပူချိန်မြင့်မားခြင်းတို့ကို ဖြစ်ပေါ်စေသည့် အယ်လ်နီညိုဖြစ်စဉ်သည် ၂၀၂၆ ခုနှစ် ဒုတိယနှစ်ဝက်တွင်ဖြစ်နိုင်ခြေ ၅၀ ရာခိုင်နှုန်းမှ ၆၀ ရာခိုင်နှုန်းအထိရှိကြောင်း မိုးလေဝသ၊ ဇလဗေဒနှင့် ဘူမိရူပဗေဒအေဂျင်စီက ခန့်မှန်းထားသည်။အမျိုးသားသုတေသနနှင့် တီထွင်ဆန်းသစ်မှုအေဂျင်စီက ဂေါ်ဇီလာအယ်လ်နီညိုဟုခေါ်သည့် ကြီးမားသောရာသီဥတုဖြစ်စဉ်သည် ဧပြီလတွင် စတင်ကျရောက်နိုင်သည်ဟု မတ်လ ၁၉ ရက်တွင် သတိပေးချက်ထုတ်ပြန်ထားသည်။လက်ရှိတွင်ဆူမားတြားနှင့် ကာလီမန်တန်ပြည်နယ်တို့၌ တောမီးလောင်မှုများစတင်နေပြီဖြစ်ကာ ရီအောပြည်နယ်တွင် ဇန်နဝါရီလ ၁ ရက်မှ မတ်လ ၂၄ ရက်အထိတောမီးလောင်ကျွမ်းမှုသည် ၂၀၂၅ ခုနှစ်အလားတူကာလကထက် နှစ်ဆမြင့်တက်လာသည်။ အင်ဒိုနီးရှား တောမီးလောင်မှုသည် စင်ကာပူနှင့် အရှေ့တောင်အာရှ ဒေသအချို့သို့ မီးခိုးငွေ့ရောက်ရှိစေသည့် အဓိကအရင်းအမြစ်များ ဖြစ်ကြောင်းသိရသည်။ MWD
Sun, 29-Mar-2026
၂၀၂၆ ခုနှစ်၊ မတ်လ ၂၉ ရက်နေ့၊ မြန်မာစံတော်ချိန် (၀၄)နာရီ၊ (၅၂)မိနစ်၊ (၅၀) စက္ကန့် အချိန် တွင် နမ့်စန်မြေငလျင်စခန်းမှ တောင်ဘက် (၇၃) မိုင် ခန့်ကွာဝေးသော မြန်မာနိုင်ငံပြည်တွင်း (မောက်မယ်မြို့၏ တောင်-အရှေ့တောင်ဘက် မိုင် (၃၀) ခန့်အကွာ)၊ မြောက်လတ္တီတွဒ် (၁၉.၈၃) ဒီဂရီ၊ အရှေ့လောင်ဂျီတွဒ် (၉၇.၉၂) ဒီဂရီ၊ အနက် (၁၀) ကီလိုမီတာကို ဗဟိုပြု၍ ပမာဏ ၃.၆(M) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။DMH
Sun, 29-Mar-2026
၂၀၂၆ ခုနှစ်၊ မတ်လ ၂၈ ရက်နေ့၊ မြန်မာစံတော်ချိန် (၁၇)နာရီ၊ (၅၅)မိနစ်၊ (၂၉) စက္ကန့် အချိန် တွင် တမူးမြေငလျင်စခန်းမှ အရှေ့မြောက်ဘက် မိုင် (၇၀) ခန့်ကွာဝေးသော မြန်မာနိုင်ငံပြည်တွင်း (ဖောင်းပြင်မြို့၏ အရှေ့မြောက်ဘက် မိုင် (၄၀) ခန့်အကွာ)၊ မြောက်လတ္တီတွဒ် (၂၄.၅၆) ဒီဂရီ၊ အရှေ့လောင်ဂျီတွဒ် (၉၅.၃၅) ဒီဂရီ၊ အနက် (၁၀) ကီလိုမီတာကို ဗဟိုပြု၍ ပမာဏ ၄.၁(M) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။DMH
Sat, 28-Mar-2026
ဂျပန်နိုင်ငံ ဂန်မာစီရင်စုတွင် တောမီးလောင်ကျွမ်းမှုဖြစ်ပွားနေသဖြင့် တောမီးအန္တရာယ် သတိပေးချက်ထုတ်ပြန်
တိုကျို မတ် ၂၂ဂျပန်နိုင်ငံ၏ ဂန်မာစီရင်စုတွင် မတ် ၂၁ ရက်က တောမီးလောင်ကျွမ်းမှု ဖြစ်ပွားနေသဖြင့် တောမီးအန္တရာယ် သတိပေးချက်ထုတ်ပြန်ထားကြောင်း ယနေ့သတင်းများအရ သိရသည်။ဂျပန်အသံလွှင့်ဌာန (NHK)၏ အဆိုအရ အဆိုပါ တောမီးသည် ဂန်မာစီရင်စုရှိ ယူအီနိုဒေသ တောအုပ်တစ်ခုတွင် ဒေသစံတော်ချိန် နေ့လယ် ၁၁ နာရီ မိနစ် ၃၀ ခန့်က ဖြစ်ပွားခဲ့ခြင်းဖြစ်ကြောင်း၊ ဒေသခံတစ်ဦးက ဂန်မာစီရင်စုရှိ ယူအီနိုဒေသ တောအုပ်မှ မီးခိုးနှင့် မီးတောက်များ ထွက်ပေါ်လာသည်ကို မြင်တွေ့ခဲ့သဖြင့် မီးသတ်ဌာနသို့ အကြောင်းကြားခဲ့ခြင်းဖြစ်ကြောင်း သိရသည်။မီးသတ်တပ်ဖွဲ့ဝင်များ၊ ဒေသခံအရေးပေါ် ကယ်ဆယ်ရေးအဖွဲ့များနှင့် မီးငြှိမ်းသတ်ရေး ရဟတ်ယာဉ်များကို အမြန်ဆုံး စေလွှတ်ငြှိမ်းသတ်ခဲ့သော်လည်း လေပြင်းတိုက်ခတ်မှုနှင့် ခြောက်သွေ့သောရာသီဥတု အခြေအနေများကြောင့် တောမီးသည် အလျင်အမြန် ပျံ့နှံ့ခဲ့ကြောင်း၊ တောမီးလောင်ကျွမ်းမှုကြောင့် အနည်းဆုံးသစ်တော ၁ ဒသမ ၅ ဟက်တာခန့် လောင်ကျွမ်းခဲ့ကြောင်း သိရသည်။ဒေသအာဏာပိုင်များက တောမီးပျံ့နှံ့မှုကို ထိန်းချုပ်နိုင်ရန် အရေးပေါ်အခြေအနေအဖြစ် သတ်မှတ်ထားပြီး တောမီးလောင်ကျွမ်းနေသည့် ဒေသအနီးရှိလူနေအိမ်တချို့ကို တောမီးသတိပေးချက်များ ထုတ်ပြန်ထားပြီး လိုအပ်ပါက ရွှေ့ပြောင်းရေးအစီအစဉ်များ ပြုလုပ်နိုင်ရန်ပြင်ဆင်ထားသည်ဟု အာဏာပိုင်များက ပြောကြားထားကြောင်း သိရသည်။ရတနာပုံ
Mon, 23-Mar-2026
ဝါရှင်တန် မတ် ၂၂ အမေရိကန်နိုင်ငံ ဟာဝိုင်ရီပြည်နယ်တွင် မိုးသည်းထန်စွာ ရွာသွန်းမှုကြောင့် ရေကြီးရေလျှံမှုပြဿနာဖြင့် ရင်ဆိုင်နေရကြောင်း National Weather Services ထုတ်ပြန်ခဲ့သည်ဟု ယနေ့သတင်းများတွင် ရေးသားဖော်ပြထားသည်။မုန်တိုင်းဝင်ရောက်ခဲ့ခြင်းကြောင့် မိုးသည်းထန်စွာရွာသွန်းခဲ့ပြီး ရေကြီးရေလျှံမှုဖြစ်ပေါ်ခဲ့ကာ ဒေသခံများ ဘေးလွတ်ရာရွှေ့ပြောင်းနေရကြောင်း၊ ရေဘေးအန္တရာယ်ဖြင့် အဓိက ရင်ဆိုင်နေရသည့် ဒေသများမှာ အိုအာဟူ ကျွန်းနှင့် မော်အီကောင်တီတို့ဖြစ်ကြောင်း၊ ဟာဝိုင်ရီပြည်နယ်၏ နေရာတချို့တွင် မိုးရေချိန်မှာ လက်မ ၄၀ မှ ၅၀ ထိမြင့်တက်နေသည့်အတွက်ကြောင့် ရေကြီးရေလျှံမှုကို အရေးပေါ်အဆင့်အဖြစ် သတ်မှတ်ခြင်းဖြစ်ကြောင်း သိရသည်။"ဟာဝိုင်ရီပြည်နယ်ရဲ့ နေရာတော်တော်များများမှာ ရေကြီးရေလျှံမှုတွေ ဖြစ်ပေါ်နေပါတယ်။ မုန်တိုင်းဝင်ရောက်ခဲ့ပြီး မိုးရေချိန်မြင့်မားတဲ့အတွက်ကြောင့်လဲ ရေကြီးရေလျှံမှုဖြစ်ပေါ်နေတာဖြစ်ပါတယ်။ အိုအာဟူ ကျွန်းနဲ့ မော်အီကောင်တီတို့မှာ ရေဘေးအန္တရာယ်နဲ့ ဆိုးရွားစွာ ရင်ဆိုင်နေရပါတယ်"ဟု ဟာဝိုင်ရီ ပြည်နယ်ဝန်ကြီးချုပ် ဂျို့စ်ဂရင်း က ပြောကြားခဲ့ကြောင်း သိရသည်။ရတနာပုံ
Mon, 23-Mar-2026