TSA ဝန်ထမ်းများအား လစာပေးရန် ရန်ပုံငွေကို ထရမ့်၏ One Big Beautiful Bill မှ ရရှိနိုင်ကြောင်း သတင်းရင်းမြစ်များက ဆို

KookieSpace97

News Image

  • TSA ဝန်ထမ်းများအား လစာပေးရန် ရန်ပုံငွေကို ထရမ့်၏ One Big Beautiful Bill မှ ရရှိနိုင်ကြောင်း သတင်းရင်းမြစ်များက ဆို

သတင်းရင်းမြစ်များ၏ အဆိုအရ၊ သမ္မတ ဒေါ်နယ်ထရမ့်သည် လစာ ချက်လက်မှတ်များမရရှိဘဲ အလုပ်လုပ်နေရသည့် သယ်ယူပို့ဆောင်ရေး လုံခြုံရေးစီမံခန့်ခွဲမှု (TSA) ဝန်ထမ်းများအား ၎င်းပြီးခဲ့သည့်နှစ်က လက်မှတ်ရေးထိုးခဲ့သည့် "One Big Beautiful Bill" ဟု လူသိများသော ကျယ်ပြန့်သည့်ဥပဒေကြမ်းမှ ရန်ပုံငွေကိုအသုံးပြု၍ လစာပေးရန် စီစဉ်နေကြောင်း သိရှိရသည်။

ပြည်တွင်းလုံခြုံရေးဝန်ကြီးဌာန (DHS) လုပ်ငန်းရပ်ဆိုင်းမှုကိုအဆုံးသတ်ရန် လွှတ်တော် (Capitol Hill) တွင် အကျပ်အတည်းဖြစ်နေသည်ကို အကြောင်းပြကာ ဝန်ထမ်းများအားလစာပေးရန် အမှုဆောင်အမိန့်ဖြင့် ဆောင်ရွက်မည်ဖြစ်ကြောင်း သမ္မတက မတ်လ ၂၆ ရက်နေ့က ကြေညာ ခဲ့သည်။ ဒုတိယအကြိမ်မြောက် လစာအပြည့်အဝ မရရှိတော့မည့်အခြေအနေနှင့် ရင်ဆိုင်နေရသော TSA ဝန်ထမ်းများကို မည်သို့ လစာပေးမည် ဆိုသည့် အသေးစိတ်အချက်အလက်များကို သမ္မတ၏ အကြီးတန်းလက်ထောက်များက အပြီးသတ်ညှိနှိုင်းနေဆဲဖြစ်ပြီး အပြောင်းအလဲများရှိနိုင်ကြောင်း သတင်းရင်းမြစ်တစ်ဦးက သတိပေးထားသည်။

TSA ဝန်ထမ်းများအနေဖြင့် လစာချက်လက်မှတ်များကို မည်မျှ အမြန်ရရှိမည်ဆိုသည်မှာ "One Big Beautiful Bill" (OBBB) မှ ရန်ပုံငွေများကို အသုံးပြု၍ ၎င်းတို့အား လစာပေးရန်အတွက် ပြည်တွင်းပြန်လည်သုံးသပ်မှု (Internal Review) မည်မျှမြန်မြန် ဆောင်ရွက်နိုင်မည်ဆိုသည့်အပေါ်တွင် မူတည်နေကြောင်း CNN သို့ သတင်းရင်းမြစ်တစ်ဦးက ပြောကြားခဲ့သည်။

"One Big Beautiful Bill" ဥပဒေကြမ်းသည် ပြည်တွင်းလုံခြုံရေးဝန်ကြီးဌာန (DHS) အတွက် ရန်ပုံငွေ ဒေါ်လာ ၁၆၅ ဘီလီယံ ထောက်ပံ့ပေးထားပြီး လူဝင်မှုကြီးကြပ်ရေးနှင့် အကောက်ခွန်အာဏာပိုင်အဖွဲ့ (ICE) အတွက် ဒေါ်လာ ၇၅ ဘီလီယံနှင့် အကောက်ခွန်နှင့် နယ်စပ်စောင့်ရှောက်ရေး အဖွဲ့ (CBP) အတွက် ဒေါ်လာ ၆၄ ဘီလီယံ ခွဲဝေပေးထားခြင်းဖြစ်သည်။

ICE ၊ CBP နှင့် အမေရိကန် လျှို့ဝှက်ဝန်ဆောင်မှုအဖွဲ့ (Secret Service) မှ တရားဝင် အာဏာပိုင်ရဲအရာရှိများအပြင် အမေရိကန် ကမ်းခြေစောင့် တပ် (Coast Guard) မှ စစ်ဘက်ဆိုင်ရာပုဂ္ဂိုလ်များအတွက် လစာများကို သမ္မတ၏ ပြည်တွင်းမူဝါဒဆိုင်ရာ အစီအစဉ် (Domestic Policy Package) မှတစ်ဆင့် ရန်ပုံငွေထောက်ပံ့ပေးထားကြောင်း အစိုးရအဖွဲ့ အကြီးတန်း အရာရှိတစ်ဦးက ပြောကြားသည်။ ထို့အပြင် ထရမ့်အစိုးရ၏ လူဝင်မှုကြီးကြပ်ရေးဆိုင်ရာ အာဏာတည်စေရေးနှင့် နယ်စပ်လုံခြုံရေး ဦးစားပေးလုပ်ငန်းများတွင် လုပ်ကိုင်နေသည့် နည်းပညာကျွမ်းကျင်သူများနှင့် ရှေ့နေများကဲ့သို့သော အခြားရာထူးများအတွက်လည်း အဆိုပါ ဥပဒေကြမ်းမှတစ်ဆင့် လစာပေးလျက်ရှိကြောင်း ၎င်းအရာရှိက ဆိုသည်။

ကိုးကား- CNN

Photo: AP News

ဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

မြန်မာနိုင်ငံအတွင်း ဆောင်ရွက်နေသော ရေအား၊ ဆိုလာ၊ လေအားနှင့် LNG သုံးဓာတ်အားပေးစက်ရုံ စီမံကိန်းများ အရှိန်အဟုန်မြှင့်တင်ဆောင်ရွက်ရန် ဆွေးနွေး
မြန်မာနိုင်ငံအတွင်း ဆောင်ရွက်နေသော ရေအား၊ ဆိုလာ၊ လေအားနှင့် LNG သုံးဓာတ်အားပေးစက်ရုံ စီမံကိန်းများ အရှိန်အဟုန်မြှင့်တင်ဆောင်ရွက်ရန် ဆွေးနွေး
နေပြည်တော် ဧပြီ ၁၃ လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်သည် ရုရှားဖက်ဒရေးရှင်းနိုင်ငံ သမ္မတ၏ အကြံပေးပုဂ္ဂိုလ် H.E. Mr. Anton Kobyakov နှင့် ရုရှားဖက်ဒရေးရှင်းနိုင်ငံ စွမ်းအင်ဝန်ကြီး H.E. Mr. S.E.Tsivilev တို့၏ ဖိတ်ကြားမှုအရ မြန်မာနိုင်ငံနှင့် ရုရှားနိုင်ငံတို့အကြား လျှပ်စစ်နှင့် စွမ်းအင်ကဏ္ဍ ပူးပေါင်းဆောင်ရွက်မှုကို မြှင့်တင်နိုင်ရန် ၂ဝ၂၆ ခုနှစ် ဧပြီ ၁၂ ရက်မှ ၁၈ ရက်အထိ ရုရှားဖက်ဒရေးရှင်းနိုင်ငံသို့ တရုတ်နိုင်ငံမှတစ်ဆင့် သွားရောက်ရန်အတွက် ဧပြီ ၁၂ ရက် မွန်းလွဲပိုင်းက မန္တလေးအပြည်ပြည် ဆိုင်ရာလေဆိပ်မှ ထွက်ခွာသွားသည်။ ပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့သည် တရုတ်နိုင်ငံ ကူမင်းမြို့သို့ ညနေပိုင်းတွင်ရောက်ရှိရာ ယူနန်ပြည်နယ် ဒုတိယအုပ်ချုပ်ရေးမှူး Mr. Liu Yong ဦးဆောင်သောအဖွဲ့ က အလုပ်သဘောညစာစားပွဲဖြင့် တည်ခင်းဧည့်ခံခဲ့ပြီး ညစာစားပွဲတွင် လျှပ်စစ်နှင့် စွမ်းအင်ကဏ္ဍ ဆိုင်ရာ ပူးပေါင်းဆောင်ရွက်ရေး ကိစ္စရပ်များအား အမြင်ချင်းဖလှယ် ဆွေးနွေးခဲ့ကြသည်။ ထို့ပြင် ပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့သည် ကူမင်းမြို့သို့ ရောက်ရှိ နေစဉ်အတွင်း လျှပ်စစ်နှင့်စွမ်းအင်ဝန်ကြီးဌာနနှင့် ပူးပေါင်းဆောင်ရွက်လျက်ရှိသော တရုတ်အစိုးရပိုင် ကုမ္ပဏီများဖြစ်သည့် China Southern Power Grid၊ Yunnan Energy Group ၊ Union Resources & Engineering Co., Ltd. ၊ Yunnan Xianshang Export and Import Co.,Ltd. တို့မှ တာဝန်ရှိသူများနှင့် တွေ့ဆုံဆွေးနွေးသည်။ China Southern Power Grid နှင့် တွေ့ဆုံဆွေးနွေးရာတွင် တရုတ် - မြန်မာ နယ်စပ်ဖြတ်ကျော် ဓာတ်အားလိုင်းဆောင်ရွက်နေမှု၊ မဲခေါင်မြစ်ကြောင်း တစ်လျှောက် မြန်မာ - လာအို နယ်စပ်တွင် ရေအားလျှပ်စစ်စီမံကိန်းများ စူးစမ်းလေ့လာမှု လုပ်ငန်းဆောင်ရွက်ရန် စီမံထားရှိမှု၊ လာအို -မြန်မာနယ်စပ် မဲခေါင်မြစ်တစ်လျှောက်တွင် ရေအားလျှပ်စစ်စီမံကိန်းများ စူးစမ်းလေ့လာမှု လုပ်ငန်း ဆောင်ရွက်ရန် စီမံထားရှိမှု၊ လာအို - မြန်မာ ဖြတ်ကျော်ဓာတ်အားလိုင်း တည်ဆောက်ရေးလုပ်ငန်းတွင် ပါဝင်ဆောင်ရွက်နိုင်မည့် အခြေအနေများ၊ မြန်မာနိုင်ငံမြောက်ပိုင်း ရေအားလျှပ်စစ်စီမံကိန်းများ ပြီးစီးပါက တောင်ပိုင်းဓာတ်အားသုံးစွဲသည့် ဒေသများသို့ ဓာတ်အားပေးပို့နိုင်ရေးအတွက် ဓာတ်အားလိုင်း ကွန်ရက်တည်ဆောက်ရန် ကြိုတင်အစီအမံပြုလုပ်၍ စီမံချက်ရေးဆွဲသွားရန် လိုအပ်မှု အခြေအနေ၊ ရန်ကုန်မြို့တွင်း ဓာတ်အားဖြန့်ဖြူးရေးတွင် ဓာတ်အားပျောက်ဆုံးမှုလျော့ကျစေရေး ဦးစားပေးဆောင်ရွက်လိုသည့် အခြေအနေ၊ စက်သုံးဆီသုံးစွဲမှု လျော့ကျစေရေး EV Charging Stations များကိုဆိုလာနှင့် ပေါင်းစပ်ပြီး မြန်မာဓာတ်အားစနစ်နှင့် ကိုက်ညီသည့် လက်တွေ့ကျသည့် System Design တစ်ခုကို ဆောင်ရွက်သွားလိုသည့် အခြေအနေနှင့် စပ်လျဉ်း၍ ဆွေးနွေးခဲ့ကြသည်။ တွေ့ဆုံဆွေးနွေးYunnan Energy Group ၊ Union Resources & Engineering Co.,Ltd. နှင့် တွေ့ဆုံဆွေးနွေးရာတွင် မြန်မာနိုင်ငံတွင် နေရောင်ခြည်စွမ်းအင်၊ လေအား စွမ်းအင် တို့ဖြင့် ဓာတ်အားပေးစက်ရုံ တည်ဆောက် နိုင်မည့်အခြေအနေ၊ ကုမ္ပဏီမှ မြန်မာနိုင်ငံအတွင်း ဆောင်ရွက်နေသော ရေအား၊ ဆိုလာ၊ လေအားနှင့် LNG သုံးဓာတ်အားပေးစက်ရုံစီမံကိန်းများ အရှိန် အဟုန်မြှင့်တင် ဆောင်ရွက်ရန် ကိစ္စရပ်များကို လည်းကောင်း၊ Yunnan Xianshang Export and Import Co.,Ltd. နှင့် တွေ့ဆုံဆွေးနွေးရာတွင် မြန်မာ နိုင်ငံအတွင်းသို့ စက်သုံးဆီတင်သွင်းရာတွင် သက်သာသောနှုန်းထားဖြင့် ရေရှည်တင်သွင်းနိုင်ရေး ကိုလည်းကောင်း ဆွေးနွေးခဲ့ကြောင်း သတင်းရရှိသည်။MDN
Tue, 14-Apr-2026
အမေရိကန်ဒေါ်လာ ၅ ဒသမ ၈၇ ဘီလီယံ ရင်းနှီးမြှုပ်နှံမှုဖြင့် ဗီယက်နမ်၏ ပထမဆုံးမြန်နှုန်းမြင့် ရထားလမ်း စတင်တည်ဆောက်
အမေရိကန်ဒေါ်လာ ၅ ဒသမ ၈၇ ဘီလီယံ ရင်းနှီးမြှုပ်နှံမှုဖြင့် ဗီယက်နမ်၏ ပထမဆုံးမြန်နှုန်းမြင့် ရထားလမ်း စတင်တည်ဆောက်
ဟနွိုင်း ဧပြီ ၁၂ ဗီယက်နမ်နိုင်ငံသည် ဟနွိုင်းမြို့ ဘက်နင်းပြည်နယ် ဟိုင်ဖုန်းမြို့နှင့် ကွမ်နင်းပြည်နယ်တို့ကို ဆက်သွယ်ထားသော ကီလိုမီတာ ၁၂၀ ရှည်လျားသည့်နိုင်ငံ၏ ပထမဆုံးမြန်နှုန်းမြင့် ရထားလမ်းကို ဧပြီ ၁၂ ရက် နံနက်ပိုင်းတွင် စတင်တည်ဆောက်နေပြီဖြစ်ကြောင်း ပြည်တွင်းမီဒီယာ VnExpress တွင် ဖော်ပြထားသည်။ ၂၀၂၈ ခုနှစ်တွင် အပြီး တည်ဆောက်ရန် လျာထားအဆိုပါရထားလမ်းမှာ စံနှုန်းမီလမ်းအကျယ်ရှိပြီး တစ်နာရီလျှင် ကီလိုမီတာ ၃၅၀ အမြင့်ဆုံး မောင်းနှင်နိုင်မည့် နှစ်လမ်းသွား လျှပ်စစ်ရထားလမ်းအဖြစ် ဒီဇိုင်းထုတ်ထားကြောင်း သိရသည်။ စုစုပေါင်း ရင်းနှီးမြှုပ်နှံမှု ဗီယက်နမ် ဒေါင် ၁၄၇ ဒသမ ၃၇ ထရီလီယံ ဝန်းကျင် (အမေရိကန်ဒေါ်လာ ၅ ဒသမ ၈၇ ဘီလီယံခန့်) ရှိသော ယင်းစီမံကိန်းသည် ၂၀၂၈ ခုနှစ်တွင် အပြီးတည်ဆောက်ရန် လျာထားသည်။ ကြာမြင့်ချိန်လျှော့ချပေးနိုင်မည်တည်ဆောက်မှုပြီးစီးပါက ဟနွိုင်းမြို့မှ ကွမ်နင်းပြည်နယ်အကြား ခရီးသွားလာမှု ကြာမြင့်ချိန်ကို ၂ နာရီမှ ၂ နာရီခွဲကြာမြင့်မှု မှ ၂၅ မိနစ်မှ မိနစ် ၃၀ အထိ လျှော့ချပေးနိုင်တော့မည် ဖြစ်သည်။ ဒေသတွင်း ချိတ်ဆက်မှုများ မြှင့်တင်ပေးမည်ထို့အပြင် ဒေသတွင်း ချိတ်ဆက်မှုများနှင့် စီးပွားရေး ဖွံ့ဖြိုးတိုးတက်မှုများကိုလည်း မြှင့်တင်ပေးနိုင်မည် ဖြစ်သည်။ ဆင်ဟွာMDN
Mon, 13-Apr-2026
၁၃၈၇ ခုနှစ် မြန်မာ့ရိုးရာမဟာသင်္ကြန်ပွဲတော်၌ ပါဝင်ဖျော်ဖြေမည့် ကိုရီးယားအနုပညာရှင်များ ရောက်ရှိ
၁၃၈၇ ခုနှစ် မြန်မာ့ရိုးရာမဟာသင်္ကြန်ပွဲတော်၌ ပါဝင်ဖျော်ဖြေမည့် ကိုရီးယားအနုပညာရှင်များ ရောက်ရှိ
ရန်ကုန် ဧပြီ ၁၂ မြန်မာသက္ကရာဇ် ၁၃၈၇ ခုနှစ် မဟာသင်္ကြန်ရေသဘင်ပွဲတော်၊ ဖျော်ဖြေရေးများနှင့် လမ်းလျှောက် သင်္ကြန်ကို စည်ကားသိုက်မြိုက်စွာ ကျင်းပသွားမည်ဖြစ်ရာ မြန်မာ့အသံနှင့် ရုပ်မြင်သံကြား နှင့် KK Media (CST Myanmar) တို့ပူးပေါင်းပြီး မြန်မာ့ရိုးရာမဟာသင်္ကြန်ပွဲတော်တွင် ပါဝင်ဖျော်ဖြေ တင်ဆက်ရန်အတွက် ကိုရီးယားအနုပညာရှင်များသည် ယနေ့ညပိုင်းတွင် လေကြောင်းခရီးစဉ်ဖြင့် ရန်ကုန်အပြည်ပြည်ဆိုင်ရာလေဆိပ်သို့ ရောက်ရှိသည်။ ပါဝင်ဆင်နွှဲဖျော်ဖြေသီဆိုကြမည်အဆိုပါ K- Pop အနုပညာရှင်များမှာ ရန်ကုန်၊ နေပြည်တော်နှင့် မန္တလေးမြို့များရှိ မဟာသင်္ကြန်ပွဲတော် ဖျော်ဖြေရေးမဏ္ဍပ်နှင့် လမ်းလျှောက်သင်္ကြန်မဏ္ဍပ်များတွင် ပျော်ရွှင်စွာ ပါဝင်ဆင်နွှဲဖျော်ဖြေ သီဆိုကြမည် ဖြစ်ကြောင်း သိရသည်။MDN
Mon, 13-Apr-2026
နိုင်ငံခြားခရီးသွားတွေအတွက် ဂျပန်ရထားလက်မှတ် (JR Pass) ဈေးနှုန်းများ အောက်တိုဘာလမှစ ထပ်မံမြင့်တက်မည်
နိုင်ငံခြားခရီးသွားတွေအတွက် ဂျပန်ရထားလက်မှတ် (JR Pass) ဈေးနှုန်းများ အောက်တိုဘာလမှစတင်၍ ထပ်မံမြင့်တက်မည်
ဂျပန်နိုင်ငံတစ်ဝန်းရှိ ကျည်ဆန်ရထား (Shinkansen) အပါအဝင် ရထားလိုင်းတွေကို အကန့်အသတ်မရှိ စီးနင်းနိုင်တဲ့ Japan Rail Pass (JR Pass) ဈေးနှုန်းတွေကို နိုင်ငံခြား ခရီးသွားတွေအတွက် လာမယ့် အောက်တိုဘာ (၁) ရက်မှစကာ တိုးမြှင့်သတ်မှတ်တော့မှာဖြစ်တယ်လို့ ဂျပန်ရထားလုပ်ငန်းစု (JR Group) က ဧပြီလ (၁၁) ရက် က ထုတ်ပြန်ခဲ့ပါတယ်။ယခုတစ်ကြိမ် ဈေးနှုန်းပြင်ဆင်မှုမှာ လက်မှတ်အမျိုးအစားအလိုက် (၅) ရာခိုင်နှုန်းမှ (၆) ရာခိုင်နှုန်း ဝန်းကျင်အထိ မြင့်တက်လာမှာဖြစ်ပြီး ပြီးခဲ့တဲ့ ၂၀၂၃ ခုနှစ်၊ အောက်တိုဘာလက ဈေးနှုန်းတွေကို (၇၀) ရာခိုင်နှုန်းခန့်အထိ မြှင့်တင်ခဲ့ပြီးနောက်ပိုင်း လည်ပတ်မှုကုန်ကျစရိတ်တွေကြောင့် အခုလို ထပ်မံတိုးမြှင့်လိုက်ရ ခြင်းဖြစ်တယ်လို့ သိရပါတယ်။ အသုံးအများဆုံးဖြစ်တဲ့ ရိုးရိုးတန်း (Ordinary Car) လက်မှတ်ဈေးနှုန်းတွေဟာ (၇) ရက် သက်တမ်းရှိ လက်မှတ် - ယန်း ၅၀,၀၀၀ မှ ယန်း ၈၀,၀၀၀ ထိ ( ယန်း ၃,၀၀၀ တိုးမြှင့်)၊ (၁၄) ရက် သက်တမ်းရှိ လက်မှတ်ကို ယန်း ၈၀,၀၀၀ မှ ယန်း ၈၄,၀၀၀ ( ယန်း ၄,၀၀၀ တိုးမြှင့်)၊ (၂၁) ရက် သက်တမ်းရှိ လက်မှတ်ကို ယန်း ၁၀၀,၀၀၀ မှ ယန်း ၁၀၅,၀၀၀ ထိ (ယန်း ၅,၀၀၀) တိုးမြှင့်မယ်လို့ သိရပါတယ်။အလားတူ အထူးတန်း (Green Car) လက်မှတ်တွေကိုလည်း ဈေးနှုန်းအသီးသီးမြင့်တက်သွားမှာဖြစ်ပြီး (၇) ရက်သက်တမ်းရှိ အထူးတန်းလက်မှတ်ဟာ - ယန်း ၇၄,၀၀၀ ယန်းအထိ ဖြစ်လာမယ်လို့ သိရပါတယ်။JR Group ရဲ့ထုတ်ပြန်ချက်အရ အရှေ့ဂျပန်ရထားလုပ်ငန်း (East Japan Railway) က ရထားလက်မှတ်ခ တွေကို (၇.၁) ရာခိုင်နှုန်းခန့် တိုးမြှင့်လိုက်ခြင်းနဲ့ အခြားသော ဝန်ဆောင်မှုစရိတ်တွေ မြင့်တက်လာခြင်းတို့ကြောင့် ယခုလို လိုက်ပါပြင်ဆင်ရခြင်း ဖြစ်တယ်လို့ ဆိုပါတယ်။ ဒါပေမယ့် မြန်နှုန်းမြင့် ရထားတွေဖြစ်တဲ့ Nozomi နဲ့ Mizuho ရထားလိုင်းတွေကို စီးနင်းလိုရင်တော့ ယခင်အတိုင်း ထပ်ဆောင်းအခကြေးငွေ (Extra Supplement Ticket) ပေးဆောင်ရမယ်လို့ သိရပါတယ်။ဂျပန်နိုင်ငံကိုသွားရောက်မယ့်ခရီးသွားတွေအနေနဲ့ အောက်တိုဘာလမတိုင်မီ လက်မှတ် ကြိုတင်ဝယ်ယူ ထားနိုင်ပြီး မြင့်တက်လာမယ့် ဈေးနှုန်းဒဏ်ကို ရှောင်လွှဲနိုင်မယ်လို့ ခရီးသွားလုပ်ငန်း ကျွမ်းကျင်သူတွေက အကြံပြုထားပါတယ်။Np News
Mon, 13-Apr-2026
အပူချိန်မြင့်တက်လာမှုများကြောင့် ပြင်းထန်သည့် အယ်နီညိုဖြစ်စဉ်အတွက် စိုးရိမ်ရ
အပူချိန်မြင့်တက်လာမှုများကြောင့် ပြင်းထန်သည့် အယ်နီညိုဖြစ်စဉ်အတွက် စိုးရိမ်ရ
လော့အိန်ဂျလိ၊ ရာသီဥတုအီကွေတာတစ်လျှောက်ရှိ ပစိဖိတ်သမုဒ္ဒရာ၌ အပူချိန်မြင့်တက်လာမှုများကြောင့် ယခုနှစ်နှောင်းပိုင်းတွင် ပုံမှန်ထက် ပိုမိုပြင်းထန်သည့် အယ်နီညိုဖြစ်စဉ် ဖြစ်ပေါ်နိုင်ကြောင်း စိုးရိမ်ရသည်ဟု အမေရိကန် အမျိုးသားသမုဒ္ဒရာနှင့် လေထုစီမံခန့်ခွဲမှုဌာန (NOAA) နှင့် ဥရောပ မိုးလေဝသဌာနတို့က သတိပေးထားသည်။ထိုရာသီဥတုဖြစ်စဉ်ကြောင့် ကယ်လီဖိုးနီးယားပြည်နယ် တောင်ပိုင်းတွင် မိုးသည်းထန်ခြင်းနှင့် မုန်တိုင်းဒဏ်များကို ခံစားရနိုင်သလို အာရှတိုက် အရှေ့တောင်ပိုင်းအထိပါ ရာသီဥတုဆိုင်ရာ ဂယက်ရိုက်မှုများ ရှိလာနိုင်ကြောင်း ထုတ်ပြန်ချက်တွင် ဖော်ပြထားသည်။အယ်နီညိုဖြစ်စဉ် ပြင်းထန်လာပါက ကယ်လီဖိုးနီးယားတွင် ရေကြီးခြင်း၊ မြေပြိုခြင်းနှင့် ကမ်းခြေတိုက်စားခြင်းများ ဖြစ်ပေါ်နိုင်သလို တစ်ကမ္ဘာလုံး အပူချိန် အလွန်မြင့်တက်လာခြင်းနှင့် သန္တာကျောက်တန်းများ ပျက်စီးခြင်းတို့လည်း ဖြစ်နိုင်ကြောင်း ပညာရှင်များက ဆိုသည်။ထို့ပြင် ဖန်လုံအိမ်ဓာတ်ငွေ့များကြောင့် ကမ္ဘာကြီး ပူနွေးလာမှုနှင့်အတူ အလွန်ပြင်းထန်သည့် အယ်နီညိုဖြစ်စဉ်များ ပိုမိုအဖြစ်များလာနိုင်ပြီး လူထုကျန်းမာရေးနှင့် လျှပ်စစ်ဓာတ်အား ဖြန့်ဖြူးမှုကဏ္ဍများတွင်ပါ အကျပ်အတည်းများ ဖြစ်ပေါ်လာနိုင်ကြောင်း ပညာရှင်များက သတိပေးထားသည်။Ref: XinhuaMWD
Sun, 12-Apr-2026
မရေရာသည့် စက်သုံးဆီအခြေအနေများကြောင့် မလေးရှားနိုင်ငံသားများ EV ကို ပိုမိုအသုံးပြုနိုင်ဖွယ်ရှိ
မရေရာသည့် စက်သုံးဆီအခြေအနေများကြောင့် မလေးရှားနိုင်ငံသားများ EV ကို ပိုမိုအသုံးပြုနိုင်ဖွယ်ရှိ
ကွာလာလမ်ပူ၊ ပြည်တွင်းရေးအရှေ့အလယ်ပိုင်း ပဋိပက္ခများကြောင့် စက်သုံးဆီနှင့်ပတ်သက်၍ မသေချာမရေရာမှုများ မြင့်တက်လာနေစဉ် မလေးရှားနိုင်ငံသားများအနေဖြင့် လျှပ်စစ်စွမ်းအင်သုံးယာဉ် (EV) များကို ပြောင်းလဲအသုံးပြုလာနိုင်ဖွယ်ရှိကြောင်း မလေးရှားသယ်ယူပို့ဆောင်ရေးဝန်ကြီးဌာနက ထုတ်ပြန်ထားသည်။ထို့ပြင် မလေးရှားပြည်သူများအနေဖြင့် ကိုယ်ပိုင်ယာဉ်များထက် အများပြည်သူသုံး သယ်ယူပို့ဆောင်ရေးယာဉ်များကို ပိုမိုအသုံးပြုလာနိုင်သည့် အလားအလာများရှိနေကြောင်း၊ ယင်းကဲ့သို့ ပြောင်းလဲမှုများသည် ပိုမိုသက်သောင့်သက်သာဖြစ်ပြီး ပိုမိုယုံကြည်စိတ်ချရသော အများပြည်သူသုံး သယ်ယူပို့ဆောင်ရေးစနစ်တစ်ခု လိုအပ်လာနေပြီဆိုသည်ကို မီးမောင်းထိုးပြနေခြင်းဖြစ်ကြောင်း သယ်ယူပို့ဆောင်ရေးဝန်ကြီးဌာန၏ လစဉ်တွေ့ဆုံမှုအခမ်းအနားတွင် ဝန်ကြီး အန်သိုနီ လိုကီက ရှင်းလင်းပြောကြားခဲ့သည်။အလားတူ အနောက်အာရှဒေသတွင် ဖြစ်ပေါ်နေသည့် မသေချာသော ပထဝီနိုင်ငံရေးအခြေအနေများသည် သယ်ယူပို့ဆောင်ရေးကဏ္ဍအပေါ် တိုက်ရိုက်သက်ရောက်မှုရှိလာပြီဆိုသည့် အချက်ကို ငြင်းပယ်၍မရနိုင်တော့ကြောင်းနှင့် အစိုးရဘက်ကလည်း စက်သုံးဆီ စဉ်ဆက်မပြတ် ထောက်ပံ့ပေးနိုင်ရေးနှင့် စီးပွားရေးတည်ငြိမ်ရေးကို ဆောင်ရွက်နေကြောင်း ဝန်ကြီးက ပြောကြားခဲ့သည်။Ref: XinhuaMWD
Sun, 12-Apr-2026
© Copyright 2024 SAC All Rights Reserved.