ထိုင်းနိုင်ငံ ချင်းမိုင်မြို့တွင် အလွန်အန္တရာယ်ရှိသော လေထုညစ်ညမ်းမှုနှင့် ရင်ဆိုင်ကြုံတွေ့နေရ

NoahJune222

News Image

  • ထိုင်းနိုင်ငံ ချင်းမိုင်မြို့တွင် အလွန်အန္တရာယ်ရှိသော လေထုညစ်ညမ်းမှုနှင့် ရင်ဆိုင်ကြုံတွေ့နေရ

     ထိုင်းနိုင်ငံ ချင်းမိုင်မြို့၌  ဧပြီလ ၄ ရက်က ပြင်းထန်သော လေထုညစ်ညမ်းမှုနှင့် ရင်ဆိုင်ကြုံတွေ့နေရပြီး လေထုညစ်ညမ်းမှုမှာ  အလွန်အန္တရာယ်ရှိသောအဆင့်သို့ ရောက်ရှိနေကြောင်းသိရသည်။

အဆိုပါမြို့  မဲရိမ်းခရိုင်ရှိ    နခွန်ပင်းဆေးရုံ၌ ဒေသစံတော်ချိန်  နံနက်  ၉ နာရီအချိန်တိုင်းတာရရှိသော လေထုညစ်ညမ်းမှုပမာဏမှာ တစ်ကုဗမီတာလျှင် ၄၀၉ မိုက်ခရိုဂရမ်အထိမြင့်တက်လာခဲ့ရာ ယင်းပမာဏမှာ လူသားများ၏ ကျန်းမာရေးအတွက် အလွန်အန္တရာယ်ရှိသောအဆင့်ဖြစ်သည်ဟု သတ်မှတ်ထားကြောင်း သိရသည်။

ထို့ပြင် အဆိုပါဆေးရုံမှထုတ်ပြန်သော ပုံရိပ်များတွင် ဆေးရုံပတ်ဝန်းကျင်တစ်ခုလုံးမှာ မြူခိုးငွေ့များထူထပ်စွာ ဖုံးလွှမ်းနေသည်ကိုတွေ့ရှိရပြီး   အနီးအနားရှိ အဆောက်အအုံများကိုပင်  မမြင်ရနိုင်လောက်အောင် အမြင်အာရုံထိခိုက်လျက်ရှိကြောင်း တွေ့ရှိရသည်။ 

အဆိုပါအခြေအနေများသည် နိုင်ငံမြောက်ပိုင်းတွင် ဖြစ်ပွားနေသော လေထုညစ်ညမ်းမှု၏ပြင်းထန်မှုကို ပြသလျက်ရှိနေပြီး အဆိုပါအခြေအနေသည် လူနာများ၊ အထူးသဖြင့် ကျန်းမာရေးအရ  ထိခိုက်လွယ်သော လူအများအပေါ် စတင်သက်ရောက်မှုရှိနေပြီဖြစ်ကြောင်း သတိပေးထားသည်။

ထို့ကြောင့် ကျန်းမာရေးအာဏာပိုင်များက ဒေသခံပြည်သူများအား လေထုညစ်ညမ်းမှုအပေါ်  သတိထားဆောင်ရွက်ကြရန် တိုက်တွန်းထားပြီး နေအိမ်ပြင်ပ၌ လှုပ်ရှားဆောင်ရွက်မှုများကို ရှောင်ကြဉ်ရန်၊ အထူးသဖြင့် လေ့ကျင့်ခန်းလုပ်ခြင်း သို့မဟုတ် လဟာပြင်နေရာများတွင် အချိန်ကြာမြင့်စွာနေထိုင်ခြင်းကို ရှောင်ကြဉ်ရန် ပါဝင်ကြောင်း သိရသည်။ 

MWD

MM-News-Category
လူမှုရေးကဏ္ဍသတင်း
လူမှုရေး-ကျန်းမာရေး

ဆက်စပ်သတင်းများ

ထိုင်းနိုင်ငံ ချင်းမိုင်မြို့တွင် အလွန်အန္တရာယ်ရှိသော လေထုညစ်ညမ်းမှုနှင့် ရင်ဆိုင်ကြုံတွေ့နေရ
ထိုင်းနိုင်ငံ ချင်းမိုင်မြို့တွင် အလွန်အန္တရာယ်ရှိသော လေထုညစ်ညမ်းမှုနှင့် ရင်ဆိုင်ကြုံတွေ့နေရ
     ထိုင်းနိုင်ငံ ချင်းမိုင်မြို့၌  ဧပြီလ ၄ ရက်က ပြင်းထန်သော လေထုညစ်ညမ်းမှုနှင့် ရင်ဆိုင်ကြုံတွေ့နေရပြီး လေထုညစ်ညမ်းမှုမှာ  အလွန်အန္တရာယ်ရှိသောအဆင့်သို့ ရောက်ရှိနေကြောင်းသိရသည်။အဆိုပါမြို့  မဲရိမ်းခရိုင်ရှိ    နခွန်ပင်းဆေးရုံ၌ ဒေသစံတော်ချိန်  နံနက်  ၉ နာရီအချိန်တိုင်းတာရရှိသော လေထုညစ်ညမ်းမှုပမာဏမှာ တစ်ကုဗမီတာလျှင် ၄၀၉ မိုက်ခရိုဂရမ်အထိမြင့်တက်လာခဲ့ရာ ယင်းပမာဏမှာ လူသားများ၏ ကျန်းမာရေးအတွက် အလွန်အန္တရာယ်ရှိသောအဆင့်ဖြစ်သည်ဟု သတ်မှတ်ထားကြောင်း သိရသည်။ထို့ပြင် အဆိုပါဆေးရုံမှထုတ်ပြန်သော ပုံရိပ်များတွင် ဆေးရုံပတ်ဝန်းကျင်တစ်ခုလုံးမှာ မြူခိုးငွေ့များထူထပ်စွာ ဖုံးလွှမ်းနေသည်ကိုတွေ့ရှိရပြီး   အနီးအနားရှိ အဆောက်အအုံများကိုပင်  မမြင်ရနိုင်လောက်အောင် အမြင်အာရုံထိခိုက်လျက်ရှိကြောင်း တွေ့ရှိရသည်။ အဆိုပါအခြေအနေများသည် နိုင်ငံမြောက်ပိုင်းတွင် ဖြစ်ပွားနေသော လေထုညစ်ညမ်းမှု၏ပြင်းထန်မှုကို ပြသလျက်ရှိနေပြီး အဆိုပါအခြေအနေသည် လူနာများ၊ အထူးသဖြင့် ကျန်းမာရေးအရ  ထိခိုက်လွယ်သော လူအများအပေါ် စတင်သက်ရောက်မှုရှိနေပြီဖြစ်ကြောင်း သတိပေးထားသည်။ထို့ကြောင့် ကျန်းမာရေးအာဏာပိုင်များက ဒေသခံပြည်သူများအား လေထုညစ်ညမ်းမှုအပေါ်  သတိထားဆောင်ရွက်ကြရန် တိုက်တွန်းထားပြီး နေအိမ်ပြင်ပ၌ လှုပ်ရှားဆောင်ရွက်မှုများကို ရှောင်ကြဉ်ရန်၊ အထူးသဖြင့် လေ့ကျင့်ခန်းလုပ်ခြင်း သို့မဟုတ် လဟာပြင်နေရာများတွင် အချိန်ကြာမြင့်စွာနေထိုင်ခြင်းကို ရှောင်ကြဉ်ရန် ပါဝင်ကြောင်း သိရသည်။ MWD
Sun, 5-Apr-2026
ကျောက်ဆည်ခရိုင် လူထုအခြေပြုဗဟိုဌာန၌ သဘာဝဘေးအန္တရာယ်ဆိုင်ရာ အသိပညာပေးဟောပြောပွဲ၊ စာအုပ် စာစောင်ပြပွဲနှင့် နံရံကပ်စာစောင်ပြပွဲကျင်းပ
ကျောက်ဆည်ခရိုင် လူထုအခြေပြုဗဟိုဌာန၌ သဘာဝဘေးအန္တရာယ်ဆိုင်ရာ အသိပညာပေးဟောပြောပွဲ၊ စာအုပ် စာစောင်ပြပွဲနှင့် နံရံကပ်စာစောင်ပြပွဲကျင်းပ
ကျောက်ဆည်၊ ဧပြီ -၄မန္တလေးတိုင်းဒေသကြီး၊ ကျောက်ဆည်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနတွင် ယနေ့မွန်းလွဲ (၂)နာရီက ခရိုင်လူထုအခြေပြုဗဟိုဌာန၌ သဘာဝဘေးအန္တရာယ်ဆိုင်ရာ အသိပညာပေးဟောပြောပွဲ၊ စာအုပ် စာစောင်ပြပွဲနှင့် နံရံကပ်စာစောင်ပြပွဲကျင်းပပြုလုပ်ခဲ့ကြောင်းသိရသည်။ အသိပညာပေးဟောပြောပွဲတွင် ကျောက်ဆည်ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ လက်ထောက် ညွှန်ကြားရေးမှူး ဒေါ်တင်တင်ထွေးက ရေဘေးအတွက်ကြိုတင်ပြင်ဆင်ရန်အချက်များ၊ ငလျင်ဘေးအတွက် ကြိုတင်ပြင်ဆင်ရန်အချက်များကို ဟောပြောခဲ့ပြီး ဦးစီးအရာရှိ ဒေါ်ခင်နှင်းရီက လေပြင်းအတွက် ကြိုတင် ပြင်ဆင်ရန်အချက်များ၊ လေပြင်းဖြစ်ပေါ်နေချိန်တွင် ပြုလုပ်ရန်အချက်များ၊ လေပြင်းဖြစ်ပေါ်ပြီးချိန်တွင် ပြင်ဆင်ရန်အချက်များအတွက် ကြိုတင်ပြင်ဆင်ရန်အချက်များ၊ လေပြင်းဘေးသတိပေးချက်ရလျှင် ဆောင်ရွက်ရန် အချက်များ၊ လေပြင်းဖြစ်ပေါ်နေစဉ်အတွင်းလိုက်နာရန်အချက်များ၊ ရှောင်ရှားရမည့်အချက်များနှင့် လေပြင်း တိုက်ခိုက်ပြီးနောက် ဆောင်ရွက်ရန်အချက်များအား အသိပညာပေးဟောပြောခဲ့ပြီး ကျောက်ဆည်ခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ခင်းကျင်းပြသထားသော သုတ၊ ရသ စာအုပ်စာစောင်မျာနှင့် အသိပညာပေးနံရံကပ်စာစောင်များကိုလည်း စိတ်ဝင်စားစွာကြည့်ရှုခဲ့ကြောင်း သိရသည်။ စုစုအေး(ကျောက်ဆည်)
Sat, 4-Apr-2026
UFC ဖလိုင်းဝိတ်တန်းချန်ပီယံ မြန်မာဖိုက်တာ ဂျိုရှုအာဗန်၏ ပထမဆုံးကမ္ဘာ့ချန်ပီယံကာကွယ်ပွဲ ဧပြီ ၁၂ ရက်တွင် ကျင်းပမည်
UFC ဖလိုင်းဝိတ်တန်းချန်ပီယံ မြန်မာဖိုက်တာ ဂျိုရှုအာဗန်၏ ပထမဆုံးကမ္ဘာ့ချန်ပီယံကာကွယ်ပွဲ ဧပြီ ၁၂ ရက်တွင် ကျင်းပမည်
ရန်ကုန်     ဧပြီ     ၂ဧပြီ ၁၁ ရက်(မြန်မာစံတော်ချိန် ဧပြီ ၁၂ ရက်)တွင် အမေရိကန်နိုင်ငံ မိုင်ယာမီမြို့၌ ကျင်းပမည့် UFC 327 ပြိုင်ပွဲတွင် မြန်မာဖိုက်တာ ဂျိုရှုအာဗန်၏ ပထမဆုံး ကမ္ဘာ့ချန်ပီယံကာကွယ်ပွဲ ပါဝင်လာမည်ဖြစ်ပြီး ဂျပန်ဖိုက်တာ တက်ဆုရိုတီအီရိုနှင့် ထိုးသတ်ရမည်ဖြစ်သည်။ဂျိရှုအာဗန်သည်  ၂၀၂၃  ခုနှစ်တွင် နာမည်ကျော်တိုက်ခိုက်ရေးအဖွဲ့အစည်း UFC နှင့် စတင်လက်တွဲပြီးနောက် နှစ်နှစ်ကျော်ကာလအတွင်း ကမ္ဘာ့ချန်ပီယံဖြစ်လာခြင်းဖြစ်သည်။ ဂျိုရှုအာဗန် သည် ပရော်ဖက်ရှင်နယ် MMA ကစားသမားဘဝ စုစုပေါင်း ၁၈ ပွဲထိုးသတ်ရာတွင် ၁၆ ပွဲနိုင် နှစ်ပွဲရှုံးနိမ့်ထားပြီး UFC နှင့် ၁၀ ပွဲထိုးသတ်ရာတွင် ကိုးပွဲနိုင် တစ်ပွဲရှုံးနိမ့်ထားသည်။ ဂျိုရှုအာဗန်သည် UFC တွင် နောက်ဆုံး ခြောက်ပွဲဆက်တိုက်အနိုင်ရပြီး ကမ္ဘာ့ချန်ပီယံပါ ဖြစ်လာခဲ့ခြင်းဖြစ်သည်။  ဂျိုရှုအာဗန်သည် ဒီဇင်ဘာ ၆ ရက်က ထိုးသတ်သည့်ပွဲတွင် ဘရာဇီးဖိုက်တာ ပန်တိုဂျာကို အလဲထိုးအနိုင်ယူပြီးနောက် ကမ္ဘာ့ချန်ပီယံဖြစ်လာပြီး လေးလကျော်အကြာတွင် ချန်ပီယံကာကွယ်ပွဲ ပထမဆုံးအကြိမ် ထိုးသတ်ရမည်ဖြစ်သည်။ဂျိုရှုအာဗန်နှင့် ထိုးသတ်မည့် ဂျပန်ဖိုက်တာ တက်ဆုရိုသည် ပရော်ဖက်ရှင်နယ် MMA ကစားသမားဘ၀ စုစုပေါင်း ၁၉ ပွဲထိုးသတ်ရာတွင် ၁၈ ပွဲနိုင်၊ တစ်ပွဲရှုံးနိမ့်ထားပြီး ပရော်ဖက်ရှင်နယ် ကစားသမားဘဝတွင် ၁၆ ပွဲဆက်တိုက် အနိုင်ရခဲ့ဖူးသူဖြစ်သည်။                       သတင်း-ရှိုင်းထက်ဇော်ဓာတ်ပုံ-UFCMDN
Fri, 3-Apr-2026
ရေကြည်မြို့နယ်၌ နွေရာသီအခြေခံအားကစားသင်တန်းဆင်းပွဲ ကျင်းပ
ရေကြည်မြို့နယ်၌ နွေရာသီအခြေခံအားကစားသင်တန်းဆင်းပွဲ ကျင်းပ
ရေကြည်    ဧပြီ   ၂ဧရာဝတီတိုင်းဒေသကြီး  ရေကြည်မြို့နယ်တွင် မတ် ၃ ရက်မှ  ဧပြီ   ၂  ရက်‌အထိ  နွေရာသီအခြေခံအားကစားသင်တန်းများကို  ဖွင့်လှစ်သင်ကြားခဲ့ပြီး သင်တန်းဆင်းပွဲကို မြို့နယ် အားကစားနှင့်  ကာယပညာဦးစီးဌာန  အားကစားခန်းမ၌  ယနေ့ နံနက်ပိုင်းက ကျင်းပသည်။ဦးစွာ  ရေကြည်မြို့နယ် စီမံခန့်ခွဲရေးနှင့်  အုပ်ချုပ်ရေးကော်မတီဥက္ကဋ္ဌ  ဦးသန်းဇော်လင်းက အမှာစကားပြောကြားသည်။ထို့နောက်  ဘောလုံး၊ ကြက်တောင်၊   ဘတ်စကက်ဘော၊ ပိုက်ကျော်ခြင်း၊  ရိုးရာခြင်းလုံး၊ Fitness   Dance   အဖွဲ့များက  သရုပ်ပြ ဖျော်ဖြေတင်ဆက်ကြပြီး တာဝန်ရှိသူများက နည်းပြဆရာများနှင့်  သင်တန်းသား သင်တန်းသူများအား  သင်တန်းဆင်းလက်မှတ်များနှင့် ဂုဏ်ပြုလက်ဆောင်များ  ပေးအပ်ခဲ့‌ကြောင်း သိရသည်။မြို့နယ် (ပြန်/ဆက်)MDN
Fri, 3-Apr-2026
လာမည့်ရာသီတွင် လိဂ်ချန်ပီယံနှစ်သင်းဖြစ်သည့် ရှမ်းယူနိုက်တက်အမျိုးသားအသင်းနှင့် ဧရာဝတီအမျိုးသမီးအသင်း ပြည်ပပြိုင်ပွဲများ ယှဉ်ပြိုင်ခွင့်ရမည်
လာမည့်ရာသီတွင် လိဂ်ချန်ပီယံနှစ်သင်းဖြစ်သည့် ရှမ်းယူနိုက်တက်အမျိုးသားအသင်းနှင့် ဧရာဝတီအမျိုးသမီးအသင်း ပြည်ပပြိုင်ပွဲများ ယှဉ်ပြိုင်ခွင့်ရမည်
ရန်ကုန်   ဧပြီ    ၂ကျင်းပပြီးစီးခဲ့သည့်  ၂၀၂၅-၂၀၂၆ ရာသီ MNL အမှတ်ပေးပြိုင်ပွဲတွင် ဗိုလ်စွဲခဲ့သည့်  ရှမ်းယူနိုက်တက်အသင်းနှင့် မြန်မာအမျိုးသမီးလိဂ်ပြိုင်ပွဲတွင်   ဗိုလ်စွဲခဲ့သည့် ဧရာဝတီအသင်းတို့သည် လာမည့်ရာသီ ပြည်ပကလပ်ပြိုင်ပွဲများတွင် ဝင်ရောက်ယှဉ်ပြိုင်ခွင့်ရမည်ဖြစ်သည်။ရှမ်းယူနိုက်တက်အသင်းသည် အမှတ်ပေးချန်ပီယံဖြစ်ခဲ့သောကြောင့် လာမည့်ရာသီတွင် နိုင်ငံတကာပြိုင်ပွဲနှစ်ခု ယှဉ်ပြိုင်ရမည်ဖြစ်ပြီး  အာဆီယံဘောလုံးအဖွဲ့ချုပ်က စီစဉ်ကျင်းပမည့် အာဆီယံကလပ် ချန်ပီယံရှစ်ပြိုင်ပွဲနှင့်   အာရှဘောလုံးအဖွဲ့ချုပ်က စီစဉ်ကျင်းပမည့် AFC Challenge League ပြိုင်ပွဲ ယှဉ်ပြိုင်ရမည်ဖြစ်သည်။ အာဆီယံဘောလုံးအဖွဲ့ချုပ်သည်  အာဆီယံကလပ် ချန်ပီယံရှစ်ပြိုင်ပွဲကို နှစ်ပေါင်း ၂၀ ဝန်းကျင်အကြာတွင် ပြန်လည်ကျင်းပခြင်းဖြစ်ပြီး ရှမ်းယူနိုက်တက်အသင်းအနေဖြင့် လာမည့်ရာသီတွင် သုံးကြိမ်ဆက်တိုက် ယှဉ်ပြိုင်ရမည်ဖြစ်သည်။ထို့ပြင် အာရှဘောလုံးအဖွဲ့ချုပ်သည် ၂၀၂၄-၂၀၂၅ ရာသီမှစတင်ကာ ကလပ်ပြိုင်ပွဲကျင်းပသည့်ပုံစံ ပြောင်းလဲပြီး  မြန်မာကလပ်အသင်းများသည် AFC Challenge League ပြိုင်ပွဲတွင် ယှဉ်ပြိုင်ခွင့်ရခဲ့သည်။  AFC Challenge League ပြိုင်ပွဲ၏  ၂၀၂၄-၂၀၂၅ ရာသီတွင် ရှမ်းယူနိုက်တက်အသင်း၊ ၂၀၂၅-၂၀၂၆ ရာသီတွင် ရှမ်းယူနိုက်တက်အသင်းက အုပ်စုအဆင့်၊ ရန်ကုန်ယူနိုက်တက်အသင်းက ခြေစစ်ပွဲအဆင့်မှ ယှဉ်ပြိုင်ခွင့်ရကာ ရှမ်းယူနိုက်တက်အသင်းသည် လာမည့်ရာသီတွင် ထပ်မံယှဉ်ပြိုင်ခွင့်ရမည်ဖြစ်သည်။ ရှမ်းယူနိုက်တက်အသင်းသည် ပြည်တွင်းပြိုင်ပွဲများတွင် စံချိန်တင် အောင် မြင်မှုများစွာရထားသော်လည်း ပြည်ပပြိုင်ပွဲများတွင် အောင်မြင်မှုမရသေးသဖြင့်   လာမည့်ရာသီတွင် လုံလောက်သည့်  ပြင်ဆင်မှုများစွာပြုလုပ်ရန်   လိုအပ်နေသည်။မြန်မာအမျိုးသမီးလိဂ်ပြိုင်ပွဲတွင်  ဗိုလ်စွဲခဲ့သည့်  ဧရာဝတီအသင်းသည် လာမည့်ရာသီတွင် အာရှဘောလုံးအဖွဲ့ချုပ်က စီစဉ်ကျင်းပမည့် အာရှအမျိုးသမီး ချန်ပီယံလိဂ်ခြေစစ်ပွဲယှဉ်ပြိုင်ရမည်ဖြစ်သည်။ ဧရာဝတီအသင်းသည်  ပြည်တွင်းလိဂ်ဖြစ်သော မြန်မာအမျိုးသမီးလိဂ်တွင် ပထမဆုံး ဗိုလ်စွဲခဲ့သလို   အာရှအမျိုးသမီး   ချန်ပီယံလိဂ်တွင်လည်း  ပထမဆုံးယှဉ်ပြိုင်ရမည်ဖြစ်သည်။  သတင်း-ကိုညီလေးဓာတ်ပုံ-စိုးညွန့်သော်MDN
Fri, 3-Apr-2026
‌ဧပြီလအတွက် ကမ္ဘာ့အဆင့် သတ်မှတ်ချက်တွင် အပြောင်းအလဲများဖြစ်ခဲ့ပြီး ပြင်သစ်အသင်း ထိပ်ဆုံး၌ရပ်တည်
‌ဧပြီလအတွက် ကမ္ဘာ့အဆင့် သတ်မှတ်ချက်တွင် အပြောင်းအလဲများဖြစ်ခဲ့ပြီး ပြင်သစ်အသင်း ထိပ်ဆုံး၌ရပ်တည်
ဇူးရစ်   ဧပြီ   ၂      ကမ္ဘာ့ဘောလုံးအဖွဲ့ချုပ် (ဖီဖာ) က ဧပြီလအတွက် ကမ္ဘာ့အဆင့်သတ်မှတ်ချက်ထုတ်ပြန်ရာတွင်   အဆင့် အပြောင်းအလဲများဖြစ်ခဲ့ပြီး   ပြင်သစ်အသင်းအနေဖြင့် ကမ္ဘာ့အဆင့်(၁)နေရာ၌ ရပ်တည်နိုင်ခဲ့ကြောင်း သိရသည်။ဧပြီလအတွက် ကမ္ဘာ့အဆင့်သတ်မှတ်ချက်တွင် ပြင်သစ်အသင်းသည် နှစ်ဆင့်မြင့်တက်လာပြီး နောက် စပိန်အသင်းကို ကျော်ဖြတ်ကာ ကမ္ဘာ့အဆင့် (၁)နေရာသို့ ရောက်ရှိလာခဲ့ခြင်းဖြစ်သည်။ပြီးခဲ့သည့်လအတွက် ကမ္ဘာ့အဆင့်သတ်မှတ်ချက် အဆင့်(၁)နေရာ၌ ဦးဆောင်ခဲ့သည့် စပိန်အသင်းသည်  တစ်ဆင့်ကျဆင်းပြီးနောက်  ကမ္ဘာ့အဆင့်(၂)နေရာသို့ ကျဆင်းခဲ့ရပြီး ထိပ်ဆုံး ၁၀ သင်းစာရင်းတွင် အဆင့်ရပ်တည်မှုပြောင်းလဲခဲ့သည့် အသင်းများအဖြစ် စပိန်အသင်းနှင့်အတူ  အာဂျင်တီးနားအသင်း၊ ပေါ်တူဂီအသင်းနှင့်   ဘရာဇီးအသင်းတို့ပါဝင်ခဲ့ကြ သည်။ကမ္ဘာ့ဘောလုံးအဖွဲ့ချုပ်၏      ဧပြီလအတွက် ကမ္ဘာ့အဆင့်သတ်မှတ်ချက်၏  ထိပ်ဆုံး  ၁၀  သင်း စာရင်းတွင် ပြင်သစ်အသင်းနောက်၌   စပိန်အသင်း က အဆင့်(၂)၊  အာဂျင်တီးနားအသင်းကလည်း တစ်ဆင့်ကျဆင်းခဲ့ပြီး    အဆင့်(၃)၊  အင်္ဂလန်အသင်း က အဆင့်(၄)၊ ပေါ်တူဂီအသင်းက တစ်ဆင့်မြင့်တက်လာပြီး  အဆင့်(၅)၊     ဘရာဇီးအသင်းက တစ်ဆင့် ကျဆင်းခဲ့ပြီး   အဆင့်(၆)၊    နယ်သာလန်အသင်းက အဆင့်(၇)၊ မော်ရိုကိုအသင်းက အဆင့်(၈)၊ ဘယ်လ်ဂျီ ယံအသင်းက အဆင့်(၉)နှင့် ဂျာမနီအသင်းက အဆင့် (၁၀)နေရာ၌    အသီးသီး ရပ်တည်နေကြောင်း   သိရသည်။         MWD
Fri, 3-Apr-2026
© Copyright 2024 SAC All Rights Reserved.