ပြည်ထောင်စုအတိုင်ပင်ခံကောင်စီ၊ ကောင်စီဝင် ဦးသန်းဆွေ ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးအား လက်ခံတွေ့ဆုံ

NoahJune222

News Image

  • ပြည်ထောင်စုအတိုင်ပင်ခံကောင်စီ၊ ကောင်စီဝင် ဦးသန်းဆွေ ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးအား လက်ခံတွေ့ဆုံ

နေပြည်တော် ဧပြီ ၂၂

 

ပြည်ထောင်စုအတိုင်ပင်ခံကောင်စီ၊ ကောင်စီဝင် ဦးသန်းဆွေသည် မြန်မာနိုင်ငံသို့ အလုပ်သဘောခရီးစဉ်ရောက်ရှိနေသည့် ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E. Mr. Sihasak Phuangketkaew ကို ယနေ့တွင် Jasmine Nay Pyi Taw Hotel ၌ လက်ခံတွေ့ဆုံသည်။

 

တွေ့ဆုံစဉ် မြန်မာ-ထိုင်း နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှု တိုးမြှင့်ဆောင်ရွက်ရေး ကိစ္စရပ်များနှင့်စပ်လျဉ်း၍ အမြင်ချင်းဖလှယ် ဆွေးနွေးခဲ့ကြသည်။

 

သတင်းစဉ်

MDN

MM-News-Category
နိုင်ငံရေးကဏ္ဍသတင်းများ
နိုင်ငံရေး-ပြည်တွင်းသတင်းများ

ဆက်စပ်သတင်းများ

ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ်က အမေရိကန်နှင့် အီရန် အပစ်အခတ်ရပ်စဲရေး သက်တမ်းတိုးမှုကို ကြိုဆို
ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ်က အမေရိကန်နှင့် အီရန် အပစ်အခတ်ရပ်စဲရေး သက်တမ်းတိုးမှုကို ကြိုဆို
ကုလသမဂ္ဂ    ဧပြီ   ၂၂ကုလသမဂ္ဂ အထွေထွေအတွင်းရေးမှူးချုပ် အန်တိုနီယို ဂူတာရက်စ်က အမေရိကန်နှင့် အီရန်အပစ်အခတ်ရပ်စဲရေး သက်တမ်းတိုးမှုကို ကြိုဆိုကြောင်း ယနေ့ ပြောကြားခဲ့သည်။အမေရိကန်နှင့် အီရန်တို့အကြား သံတမန်လမ်းကြောင်းမှတစ်ဆင့် ယုံကြည်မှုတည်ဆောက်ရေးအတွက်   ယခုအပစ်အခတ်ရပ်စဲရေး သက်တမ်းတိုးမှုသည် အရေးကြီးသည့် ခြေလှမ်းတစ်ခုဖြစ် သည်။အပစ်အခတ်ရပ်စဲရေးကို  ထိခိုက်စေနိုင်သည့်  လုပ်ရပ်များကို ရှောင်ကြဉ်ပြီး ရေရှည်တည်တံ့ခိုင်မြဲသော ဆုံးဖြတ်ချက်တစ်ရပ်ရရှိစေရေး ကြိုးပမ်းရန်လိုအပ်ကြောင်း ပြောရေးဆိုခွင့်ရှိသူ စတီဖန်ဒူဂျာရစ်က ထုတ်ပြန်ချက်တွင် ဖော်ပြထားသည်။ထို့ပြင် အမေရိကန်နှင့် အီရန်တို့အကြား နောက်ထပ်ဆွေးနွေးပွဲများ  အဆင်ပြေချောမွေ့စေရန်  ပါကစ္စတန်၏ ကြိုးပမ်းမှုများကို အန်တိုနီယို ဂူတာရက်စ်က အပြည့်အဝထောက်ခံပြီး အဆိုပါ ကြိုးပမ်းမှုများသည် ပဋိပက္ခ၏ ကျယ်ကျယ်ပြန့်ပြန့်နှင့် တာရှည်ခံသော ဖြေရှင်းမှုတစ်ရပ်အတွက် အထောက်အကူဖြစ်စေမည့် အခြေအနေများကို ဖန်တီးပေးမည်ဟု မျှော်လင့်ပါကြောင်း ထုတ်ပြန်ချက်တွင် ဖော်ပြထားသည်။အမေရိကန်သမ္မတ ဒေါ်နယ်ထရမ့်က အီရန်နှင့် ၎င်း၏ အပစ်အခတ်ရပ်စဲရေးကို သက်တမ်းတိုးရန် ပါကစ္စတန်၏ တောင်းဆိုမှုကို အပစ်အခတ်ရပ်စဲရေး သဘောတူညီချက် မကုန်ဆုံးမီ နာရီပိုင်းအလိုတွင် သဘောတူညီခဲ့ကြောင်း သိရသည်။အပစ်အခတ်ရပ်စဲရေး သက်တမ်းတိုးမှုသည် နှစ်နိုင်ငံအကြား တွေ့ဆုံဆွေးနွေးပြီးနောက် ရလဒ်တစ်ခု ထွက်ပေါ်လာသည့်အချိန်အထိ သက်ရောက်မှုရှိနိုင်ကြောင်း နိုင်ငံရေးစောင့်ကြည့်လေ့လာသူများက သုံးသပ်ပြောကြားသည်။ကိုးကား - ဆင်ဟွာဘာသာပြန် - အောင်ကျော်ကျော်MDN
Thu, 23-Apr-2026
မြန်မာ-ထိုင်း နိုင်ငံခြားရေးဝန်ကြီးများ နှစ်နိုင်ငံဆွေးနွေးပွဲကျင်းပ
မြန်မာ-ထိုင်း နိုင်ငံခြားရေးဝန်ကြီးများ နှစ်နိုင်ငံဆွေးနွေးပွဲကျင်းပ
နေပြည်တော် ဧပြီ ၂၂ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေသည် နေပြည်တော်သို့ အလုပ်သဘောခရီးစဉ်ရောက်ရှိနေသည့် ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E. Mr. Sihasak Phuangketkaew ဦးဆောင်သည့် ကိုယ်စားလှယ်အဖွဲ့အား ယနေ့မွန်းလွဲပိုင်းတွင် နိုင်ငံခြားရေးဝန်ကြီးဌာန၌ လက်ခံတွေ့ဆုံခဲ့ပြီး နှစ်နိုင်ငံဆွေးနွေးပွဲ ကျင်းပပြုလုပ်သည်။ တွေ့ဆုံဆွေးနွေးမှုတွင် နှစ်နိုင်ငံ နိုင်ငံခြားရေးဝန်ကြီးများက ယခုအချိန်သည် နှစ်နိုင်ငံစလုံးတွင် အစိုးရသစ်များ အသီးသီးဖွဲ့စည်းခဲ့ပြီး အရေးကြီးသည့် အကူးအပြောင်းကာလဖြစ်ရာ နှစ်နိုင်ငံအကြား၌ ရှိရင်းစွဲချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ပိုမိုမြှင့်တင် ဆောင်ရွက်သွားရေး၊ ဒေသတွင်းနှင့် နိုင်ငံတကာ မျက်နှာစာများတွင် ပိုမိုနီးကပ်စွာ ပူးပေါင်း ဆောင်ရွက်သွားရေးတို့ကို ဆွေးနွေးခဲ့သည်။ ထို့ပြင် မြန်မာနိုင်ငံနှင့် ထိုင်းနိုင်ငံတို့သည် ရှည်လျားသော နယ်နိမိတ်ချင်း ထိစပ်နေသည့် အိမ်နီးချင်းနိုင်ငံများဖြစ်သည်နှင့်အညီ နယ်စပ်ဒေသတည်ငြိမ်ရေး၊ တရားဥပဒေစိုးမိုးရေး၊ တရားမဝင် ကုန်သွယ်မှုနှင့် နယ်စပ်ဖြတ်ကျော်မှုခင်းများ တားဆီးနှိမ်နင်းရေးနှင့် သဘာဝပတ်ဝန်းကျင် ထိန်းသိမ်းမှုဆိုင်ရာကိစ္စများတွင် ပူးပေါင်းဆောင်ရွက်ရေး၊ နှစ်နိုင်ငံအကြားရှိ ပူးပေါင်းဆောင်ရွက်ရေးယန္တရားများဖြစ်သည့် ပူးပေါင်းဆောင်ရွက် ရေးဆိုင်ရာပူးတွဲကော်မရှင် (JC) နှင့် ကုန်သွယ်ရေးပူးတွဲကော်မရှင် (JTC) တို့ ပြန်လည်စတင်နိုင်ရေး၊ စွမ်းအင်ကဏ္ဍအပါအဝင် ကဏ္ဍအသီးသီး၌ ရင်းနှီးမြှုပ်နှံမှုတိုးမြှင့်ရေးတို့ကို ဆွေးနွေးခဲ့ကြသည်။ ပြည်ထောင်စုဝန်ကြီး ဦးတင်မောင်ဆွေက ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး၏ ယခုခရီးစဉ်သည် မြန်မာနိုင်ငံ၏ နိုင်ငံရေးအပြုသဘော ဖြစ်ပေါ်တိုးတက်မှုကို အသိအမှတ်ပြုထောက်ခံမှုပြသသော ခရီးစဉ်တစ်ခုဖြစ်သည့်အတွက် ကျေးဇူးတင်ပါကြောင်း၊ မြန်မာအစိုးရ၏ ကြိုးပမ်းဆောင်ရွက်မှုများကို ထိုင်းနိုင်ငံအနေဖြင့် ထောက်ခံ ပံ့ပိုးပေးခြင်းအတွက် ကျေးဇူးတင်ပါကြောင်း၊ နှစ်နိုင်ငံ နယ်စပ်ဒေသများ၌ တည်ငြိမ် အေးချမ်းမှုသည် မြန်မာနိုင်ငံ၏ ငြိမ်းချမ်းရေးလုပ်ငန်းစဉ်များကို အထောက်အကူပြုစေမည့်အပြင် နှစ်နိုင်ငံ နယ်စပ်နေပြည်သူများ၏ သာယာဝပြောရေးအတွက် အထူးအရေးကြီးပါသဖြင့် နယ်စပ်ဒေသရှိ စိန်ခေါ်မှုများကို ဖြေရှင်းရာ၌ နှစ်နိုင်ငံ ပူးပေါင်း‌ဆောင်ရွက်ရန် လိုအပ်ပါကြောင်း၊ မြန်မာနိုင်ငံ၏ ငြိမ်းချမ်းရေးလုပ်ငန်းစဉ်ကို ထိုင်းနိုင်ငံကပံ့ပိုးပေးရန် ဆန္ဒရှိမှု အားကြိုဆိုပါကြောင်း၊ မြန်မာနိုင်ငံအနေဖြင့် ငြိမ်းချမ်းရေးလုပ်ငန်းစဉ်တွင် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) မူဘောင်ကိုအခြေခံ၍ ဆက်လက်ဆောင်ရွက်သွားမည်ဖြစ်ကြောင်း အလေးပေး ပြောကြားခဲ့သည်။ ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးက ထိုင်းနိုင်ငံအနေဖြင့် နိုင်ငံတော်သမ္မတ ဦးမင်းအောင်လှိုင် ဦးဆောင်သည့် အစိုးရသစ်တစ်ရပ် ဖွဲ့စည်းနိုင်မှုအပေါ် ဝမ်းမြောက်ပါကြောင်း၊ မြန်မာနိုင်ငံအနေဖြင့် နှစ်ဆန်းတစ်ရက်နေ့တွင် အကျဉ်းသားများလွှတ်ပေးခဲ့ခြင်းကို ကြိုဆိုပါ ကြောင်း၊ မြန်မာနိုင်ငံအနေဖြင့် ငြိမ်းချမ်းရေးဆွေးနွေးမှုများပြုလုပ်နိုင်ရန် လက်နက်ကိုင်အဖွဲ့ များအား ဖိတ်ခေါ်ခဲ့ခြင်းကိုလည်း ကြိုဆိုပါကြောင်း၊ မြန်မာအစိုးရ၏ ငြိမ်းချမ်းရေးနှင့် အမျိုးသား ပြန်လည်သင့်မြတ်ရေး ကြိုးပမ်းမှုများကို အသိအမှတ်ပြုပါကြောင်းနှင့် ထိုင်းနိုင်ငံအနေဖြင့် ပါဝင်ပံ့ပိုးပေးလိုပါကြောင်း၊ မြန်မာနိုင်ငံအနေဖြင့် အာဆီယံနှင့် ပုံမှန်ဆက်ဆံရေး ပြန်လည်ရရှိရေးအတွက် ထောက်ခံပံ့ပိုးပေးရန် အသင့်ရှိပါကြောင်း၊ နှစ်နိုင်ငံအကြား အပြန်အလှန် အကျိုးဖြစ်ထွန်းစေမည့် ကဏ္ဍများတွင် ပူးပေါင်းဆောင်ရွက်မှုများ တိုးမြှင့်သွားမည်ဖြစ်ကြောင်းနှင့် ထိုင်းနိုင်ငံအနေဖြင့် မြန်မာနိုင်ငံကို စိုက်ပျိုးရေး၊ ကျန်းမာရေး၊ ပညာရေးနှင့် အသေးစား၊ အလတ်စား စီးပွားရေးလုပ်ငန်းများဆိုင်ရာ ဖွံ့ဖြိုးမှုအကူအညီများ ပေးအပ်သွားမည်ဖြစ်ကြောင်း ပြောကြားခဲ့သည်။ ထို့နောက် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေသည် ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး မစ္စတာ ဆီဟဆက် ဖူဝန်ကေ့ကဲ့ဝို့ ဦးဆောင်သည့် ကိုယ်စားလှယ်အဖွဲ့အား နေပြည်တော် Jasmine Nay Pyi Taw Hotel ၌ နေ့လယ်စာဖြင့် တည်ခင်းဧည့်ခံခဲ့သည်။ ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး ဦးဆောင်သည့် ကိုယ်စားလှယ်အဖွဲ့သည် ညနေပိုင်းတွင် ထိုင်းနိုင်ငံသို့ အထူးလေယာဉ်ဖြင့် ပြန်လည်ထွက်ခွာရာ နိုင်ငံခြားရေးဝန်ကြီးဌာနမှ ဒုတိယဝန်ကြီးနှင့် တာဝန်ရှိသူများက နေပြည်တော်အပြည်ပြည်ဆိုင်ရာလေဆိပ်တွင် လိုက်ပါပို့ဆောင်ခဲ့ကြောင်း သိရသည်။ သတင်းစဉ်MDN
Thu, 23-Apr-2026
ပြည်ထောင်စုအတိုင်ပင်ခံကောင်စီ၊ ကောင်စီဝင် ဦးသန်းဆွေ ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးအား လက်ခံတွေ့ဆုံ
ပြည်ထောင်စုအတိုင်ပင်ခံကောင်စီ၊ ကောင်စီဝင် ဦးသန်းဆွေ ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးအား လက်ခံတွေ့ဆုံ
နေပြည်တော် ဧပြီ ၂၂ ပြည်ထောင်စုအတိုင်ပင်ခံကောင်စီ၊ ကောင်စီဝင် ဦးသန်းဆွေသည် မြန်မာနိုင်ငံသို့ အလုပ်သဘောခရီးစဉ်ရောက်ရှိနေသည့် ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E. Mr. Sihasak Phuangketkaew ကို ယနေ့တွင် Jasmine Nay Pyi Taw Hotel ၌ လက်ခံတွေ့ဆုံသည်။ တွေ့ဆုံစဉ် မြန်မာ-ထိုင်း နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှု တိုးမြှင့်ဆောင်ရွက်ရေး ကိစ္စရပ်များနှင့်စပ်လျဉ်း၍ အမြင်ချင်းဖလှယ် ဆွေးနွေးခဲ့ကြသည်။ သတင်းစဉ်MDN
Thu, 23-Apr-2026
ဒုတိယသမ္မတ ဦးညိုစော ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E.Mr. Sihasak Phuangketkaew ဦးဆောင်သည့် ကိုယ်စားလှယ်အဖွဲ့အား လက်ခံတွေ့ဆုံ
ဒုတိယသမ္မတ ဦးညိုစော ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီး H.E.Mr. Sihasak Phuangketkaew ဦးဆောင်သည့် ကိုယ်စားလှယ်အဖွဲ့အား လက်ခံတွေ့ဆုံ
နေပြည်တော် ဧပြီ ၂၂ ပြည်ထောင်စုသမ္မတမြန်မာနိုင်ငံတော် ဒုတိယသမ္မတ ဦးညိုစောသည် ထိုင်းနိုင်ငံ ဒုတိယဝန်ကြီးချုပ် နှင့်နိုင်ငံခြားရေးဝန်ကြီး H.E.Mr. Sihasak Phuangketkaew ဦးဆောင်သည့် ကိုယ်စားလှယ်အဖွဲ့အား ယနေ့နံနက်ပိုင်းတွင် နေပြည်တော်ရှိ နိုင်ငံတော်သမ္မတရုံးတော် ဧည့်တွေ့ခန်းမ၌ လက်ခံတွေ့ဆုံသည်။ ရင်းနှီးပွင့်လင်းစွာဆွေးနွေးတွေ့ဆုံစဉ် နှစ်နိုင်ငံရှိရင်းစွဲ သံတမန်ဆက်ဆံရေးနှင့် ချစ်ကြည်ရင်းနှီးမှု ပိုမိုတိုးတက်ခိုင်မာလာစေရေး၊ စီးပွားရေးကဏ္ဍ၊ နယ်စပ်ဒေသ ကုန်သွယ်ရေးတိုးမြှင့်နိုင်ရေးကဏ္ဍ၊ စွမ်းအင်ကဏ္ဍအပါအဝင် ကဏ္ဍစုံ ပူးပေါင်းဆောင်ရွက်မှု မြှင့်တင်ဆောင်ရွက်ရေး၊ ရင်းနှီးမြှုပ်နှံမှုများ တိုးမြှင့်ဆောင်ရွက်နိုင်ရေး၊ နှစ်နိုင်ငံဘဏ်များ ပူးပေါင်းဆောင်ရွက်မှု တိုးမြှင့်နိုင်ရေး၊ နယ်စပ်ဒေသ တည်ငြိမ်အေးချမ်းရေး၊ တရားမဝင် နယ်စပ်ကုန်သွယ်ရေးနှင့် အွန်လိုင်းလောင်းကစားနှင့် ငွေကြေးလိမ်လည်မှု တိုက်ဖျက်ရေးလုပ်ငန်းများတွင် ပိုမိုတိုးမြှင့် ပူးပေါင်းဆောင်ရွက်သွားမည့်ကိစ္စရပ်များနှင့် စပ်လျဉ်း၍ ရင်းနှီးပွင့်လင်းစွာ ဆွေးနွေးကြသည်။ တွေ့ဆုံပွဲသို့ ဒုတိယသမ္မတ ဦးညိုစောနှင့်အတူ ပြည်ထောင်စုဝန်ကြီး ဦးထွန်းအုံ၊ မြန်မာနိုင်ငံတော် ဗဟိုဘဏ်ဥက္ကဋ္ဌ ဒေါက်တာခင်နိုင်ဦး၊ ဒုတိယဝန်ကြီးများနှင့် တာဝန်ရှိသူများ တက်ရောက်ကြပြီး ထိုင်းနိုင်ငံ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးနှင့်အတူ နိုင်ငံခြားရေးဝန်ကြီး၏ အကြံပေးပုဂ္ဂိုလ်နှင့် တာဝန်ရှိသူများ တက်ရောက်ကြကြောင်း သိရသည်။              သတင်းစဉ်MDN
Thu, 23-Apr-2026
အီရန်-အမေရိကန် ဆွေးနွေးပွဲများ ပျက်ပြားသွားပါက လက်ဘနွန် အပစ်အခတ်ရပ်စဲရေးမှာလည်း အန္တရာယ်ရှိနိုင်ကြောင်း လေ့လာဆန်းစစ်သူတစ်ဦးက ပြောကြား
အီရန်-အမေရိကန် ဆွေးနွေးပွဲများ ပျက်ပြားသွားပါက လက်ဘနွန် အပစ်အခတ်ရပ်စဲရေးမှာလည်း အန္တရာယ်ရှိနိုင်ကြောင်း လေ့လာဆန်းစစ်သူတစ်ဦးက ပြောကြား
အမေရိကန်နှင့် အီရန်တို့အကြား ညှိနှိုင်းမှုများပျက်ပြားသွားပါက လက်ဘနွန် နိုင်ငံ၏ မရေရာသော အပစ်အခတ်ရပ်စဲရေးမှာ အန္တရာယ်ရှိလာနိုင်ကြောင်း Eurasia Group မှ အရှေ့အလယ်ပိုင်းနှင့် မြောက်အာဖရိကဆိုင်ရာ မန်နေဂျင်းဒါရိုက်တာ Firas Maksad က သတိပေးပြောကြား လိုက်သည်။အမေရိကန်သမ္မတ ဒေါ်နယ်ထရမ့်၏ ဖိအားပေးမှုကြောင့် အစ္စရေးနှင့် လက်ဘနွန်တို့သည် အပစ်အခတ်ရပ်စဲရန် သဘောတူညီခဲ့ကြခြင်း ဖြစ်သည်။ သို့သော် လက်ဘနွန်အရေးသည် အမေရိကန်နှင့် အီရန်တို့ အကြား ပိုမိုကျယ်ပြန့်သော အပစ်အခတ်ရပ်စဲရေးသဘောတူညီချက်၏ အစိတ်အပိုင်း ဖြစ်၊ မဖြစ် ဆိုသည့်အချက်အပေါ် အငြင်းပွားမှုများ ရှိခဲ့သည်။အီရန်နှင့်လက်ဘနွန်တို့က ယင်းသည် သဘောတူညီချက်၏ အစိတ်အပိုင်းဖြစ်သည်ဟု ဆိုကြသော်လည်း အမေရိကန်နှင့် အစ္စရေးတို့ကမူ မဟုတ်ကြောင်း ငြင်းဆိုထားကြသည်။ အပစ်အခတ်ရပ်စဲရေး သဘောတူညီချက်နှစ်ခုစလုံးသည် "သီးခြားစီ ဖြစ်သော်လည်း အပြိုင်သွားနေကြခြင်းဖြစ်သည်" ဟု Maksad က ဆိုသည်။၎င်းက CNN ၏ Connect the World အစီအစဉ်တွင် ပြောကြားရာ၌ "သဘောတူညီချက်တစ်ခုတွင် တိုးတက်မှုမရှိခြင်းက ကျန်တစ်ခုကိုပါ အဟန့်အတား ဖြစ်စေလိမ့်မည်မှာ အသေအချာပင်ဖြစ်သည်။ အကယ်၍ အစ္စလာမ္မာဘတ်တွင် ပြုလုပ်နေသော ဆွေးနွေးပွဲများ ပျက်ပြားသွားပါက လက်ရှိတွင် နုနယ်သေးသော လက်ဘနွန်အပစ်ရပ်စဲရေးသည် ပို၍ပင် စိုးရိမ်ရသည့်အခြေအနေသို့ ရောက်သွားလိမ့်မည်ဟု မိမိမျှော်လင့် ထားသည်" ဟု ထည့်သွင်းပြောကြားခဲ့သည်။ထို့အပြင် အစ္စရေးဝန်ကြီးချုပ် ဘင်ဂျမင် နေတန်ယာဟုသည် ပဋိပက္ခကို ပြန်လည်စတင်ရန် အလိုရှိနေသည်ဟု ယုံကြည်နေကြောင်းလည်း Maksad က ဆိုသည်။"လက်ဘနွန်မှာ လုံလောက်တဲ့ အောင်မြင်မှုမရသေးဘူးလို့ ယူဆနေကြတဲ့ သူ့ရဲ့အစိုးရအဖွဲ့ဝင်တွေဆီကနေ နေတန်ယာဟုဟာ ဖိအားတွေအများကြီး ရင်ဆိုင်နေရပါတယ်" ဟု ၎င်းက ဆက်လက်ပြောကြားခဲ့သည်။ကိုးကား- CNNPhoto: NBC Newsဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 22-Apr-2026
အီရန်သို့ တရုတ်လက်နက်များ ပေးပို့နေမှုအပေါ် သမ္မတထရမ့်၏ တုံ့ပြန်မှုနှင့် သံတမန်ရေးရာ အခြေအနေ
အီရန်သို့ တရုတ်လက်နက်များ ပေးပို့နေမှုအပေါ် သမ္မတထရမ့်၏ တုံ့ပြန်မှုနှင့် သံတမန်ရေးရာ အခြေအနေ
အမေရိကန်သမ္မတဒေါ်နယ်ထရမ့်သည် CNBC သတင်းဌာနနှင့် တွေ့ဆုံမေးမြန်းခန်းတစ်ခုတွင် ၎င်းတို့အစိုးရအဖွဲ့အနေဖြင့် မသင်္ကာဖွယ်ရာ ပစ္စည်းများ တင်ဆောင်လာသည့် သင်္ဘောတစ်စီးကို ကြားဖြတ်ဖမ်းဆီးရမိထားကြောင်း ထုတ်ဖော်ပြောကြားခဲ့သည်။သမ္မတထရမ့်က အဆိုပါသင်္ဘောပေါ်တွင် ပါရှိသည့်ပစ္စည်းများကို "တရုတ် နိုင်ငံမှ လက်ဆောင်" ဟု တင်စားခေါ်ဝေါ်ခဲ့ပြီး ၎င်းနှင့် တရုတ်သမ္မတ ရှီကျင့်ဖျင်တို့အကြား ကောင်းမွန်သောဆက်ဆံရေးရှိနေသည့်ကြားမှ ယခုကဲ့သို့ ဖြစ်ရပ်မျိုး ပေါ်ပေါက်လာခြင်းအပေါ် အံ့သြမိကြောင်း မှတ်ချက်ပေးခဲ့သည်။ အိမ်ဖြူတော်ဘက်မှ အဆိုပါသင်္ဘောနှင့်ပတ်သက်၍ အသေးစိတ်အချက်အလက်များကို ထုတ်ပြန်ခြင်းမရှိသေးသော်လည်း ယင်းဖြစ်ရပ်သည် နှစ်နိုင်ငံဆက်ဆံရေး တင်းမာမှုများကို သိသာထင်ရှားစေသည်။ပြီးခဲ့သည့် သီတင်းပတ်က CNN သတင်းဌာန၏ ဖော်ပြချက်အရ တရုတ် နိုင်ငံသည် အီရန်နိုင်ငံသို့ လေကြောင်းကာကွယ်ရေးစနစ်သစ်များ ပေးပို့ရန် ပြင်ဆင်နေကြောင်း အမေရိကန် ထောက်လှမ်းရေးသတင်းများက ဆိုထားသည်။ သမ္မတထရမ့်က အီရန်သို့ လက်နက်များ ထောက်ပံ့ကူညီပါက တရုတ်နိုင်ငံအနေဖြင့် ကြီးမားသောပြဿနာများနှင့်ရင်ဆိုင်ရမည်ဟု ယခင်က သတိပေးခဲ့ဖူးသော်လည်း ယခုတစ်ကြိမ်တွင်မူ "ဒါဟာ စစ်ပွဲရဲ့ သဘာဝ ပဲ" ဟု ဆိုကာ ယခင်ကထက် ပိုမို ပေါ့ပါးသော လေသံဖြင့် တုံ့ပြန်ခဲ့သည်ကို တွေ့ရသည်။ ထိုကဲ့သို့သော အခြေအနေများအကြားတွင် သမ္မတထရမ့်သည် လာမည့်လအတွင်း တရုတ်နိုင်ငံ ပေကျင်းမြို့သို့ သွားရောက်လည်ပတ်ရန် စီစဉ် ထားရာ ၎င်း၏ ခရီးစဉ်အတွင်း နှစ်နိုင်ငံဆက်ဆံရေးနှင့် လက်နက်ပံ့ပိုးမှုဆိုင်ရာကိစ္စရပ်များမှာ စိတ်ဝင်စားဖွယ်ရာ ဖြစ်လာဖွယ်ရှိသည်။ကိုးကား- CNNဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 22-Apr-2026
© Copyright 2024 SAC All Rights Reserved.