ရန်ကုန်တိုင်းဒေသကြီး ဝန်ကြီးချုပ်ဖလား အသက် ၂၅ နှစ်အောက် ဘော်လီဘောပြိုင်ပွဲစတင်ကျင်းပ

NoahJune222

News Image

  • ရန်ကုန်တိုင်းဒေသကြီး ဝန်ကြီးချုပ်ဖလား အသက် ၂၅ နှစ်အောက် ဘော်လီဘောပြိုင်ပွဲစတင်ကျင်းပ

ရန်ကုန်    ဧပြီ     ၂၃

၂၀၂၆ ခုနှစ် ရန်ကုန်တိုင်းဒေသကြီး ဝန်ကြီးချုပ်ဖလား အသက် ၂၅ နှစ်အောက် အမျိုးသား/အမျိုးသမီး ဘော်လီဘောပြိုင်ပွဲကို ယနေ့နံနက်ပိုင်းက ရန်ကုန်မြို့ သုဝဏ္ဏရှိ အမျိုးသားအားကစား ပြိုင်ပွဲရုံ(၁)၌ ကျင်းပရာ ပထမပွဲစဉ်အဖြစ် အလုံခရိုင်အသင်းနှင့် မရမ်းကုန်းခရိုင်အသင်းတို့ စတင်ယှဉ်ပြိုင်ကစားကြသည်။

အဆိုပါပြိုင်ပွဲကို ရန်ကုန်တိုင်းဒေသကြီးအတွင်းရှိ ခရိုင်ပေါင်း(၁၄) ခရိုင်မှ အသင်း ၁၄ သင်း ယှဉ်ပြိုင်ကစားကြမည်ဖြစ်ပြီး  ပြိုင်ပွဲများကို ဧပြီ ၂၃ ရက်မှ ၂၈ ရက်အထိ ကျင်းပမည်ဖြစ်ကြောင်း သိရသည်။

ယနေ့ကျင်းပသည့်  ၂၀၂၆ ခုနှစ်  ရန်ကုန်တိုင်းဒေသကြီး ဝန်ကြီးချုပ်ဖလား အသက် ၂၅ နှစ်အောက်  အမျိုးသား/အမျိုးသမီး ဘော်လီဘောပြိုင်ပွဲဖွင့်ပွဲ အခမ်းအနားကို ယနေ့နံနက်ပိုင်းက အဆိုပါ အားကစားပြိုင်ပွဲရုံအတွင်းကျင်းပခဲ့ပြီး အခမ်းအနားတွင် တိုင်းဒေသကြီး  အားကစားနှင့် ကာယပညာကော်မတီ နာယက၊ တိုင်းဒေသကြီး ဝန်ကြီးချုပ် ဦးအောင်နိုင်သူက အားကစားသမားများနှင့် ရင်းရင်းနှီးနှီးတွေ့ဆုံနှုတ်ဆက်၍ အားကစားပစ္စည်းများကို  ပေးအပ်ခြင်းနှင့် ဘင်ခရာအဖွဲ့အတွက် ချီးမြှင့်ငွေများ  ပေးအပ်သည်။

ဖွင့်ပွဲအခမ်းအနားအတွင်း ရန်ကုန်တိုင်းဒေသကြီးဝန်ကြီးချုပ်က ပြိုင်ပွဲတွင် တာဝန်ယူကြမည့် ဒိုင်များအနေဖြင့် ဘက်လိုက်မှုကင်းစွာနှင့် ချမှတ်ထားသည့်  ပြိုင်ပွဲစည်းမျဉ်း၊ စည်းကမ်းများကို  လိုက်နာကြရန်၊ ယှဉ်ပြိုင်မည့် အားကစားသမားများအနေဖြင့်လည်း ပြိုင်ပွဲမှချမှတ်ထားသည့် စည်းမျဉ်း၊ စည်းကမ်းများကို လိုက်နာကြရန်နှင့် နောင်တစ်ချိန်တွင်လည်း နိုင်ငံ့ဂုဏ်ကို မြှင့်တင်ပေးနိုင်သည့် ထူးချွန်အားကစားသမားများဖြစ်လာအောင် ကြိုးစားကြရန် ပြောကြားသည်။

ဖွင့်ပွဲသို့ တိုင်းဒေသကြီးဝန်ကြီးချုပ်၊ တိုင်းဒေသကြီး ဝန်ကြီးများ၊ တိုင်းဒေသကြီးဌာနဆိုင်ရာများ၊ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌများနှင့် အဖွဲ့ဝင်များ၊ တိုင်းဒေသကြီး အားကစားနှင့် ကာယပညာကော်မတီဝင်များ၊ ပြိုင်ပွဲဝင်အသင်းများမှ အုပ်ချုပ်သူ/နည်းပြများ၊ အားကစား သမားများနှင့်  တာဝန်ရှိသူများ တက်ရောက်ကြသည်။

ဇွဲထက်ကို(ပြန်/ဆက်)

MDN

MM-News-Category
လူမှုရေးကဏ္ဍသတင်း
လူမှုရေး-အားကစား

ဆက်စပ်သတင်းများ

ကယ်လိုရီပိုမစားသော်လည်း ပေါင်မုန့်က ကိုယ်အလေးချိန် တက်လာစေနိုင်
ကယ်လိုရီပိုမစားသော်လည်း ပေါင်မုန့်က ကိုယ်အလေးချိန် တက်လာစေနိုင်
     ကယ်လိုရီပမာဏ ပိုမစားသော်လည်း ပေါင်မုန့်နဲ့ဆန်လိုမျိုး ကာဗိုဟိုက်ဒရိတ်ကြွယ်ဝတဲ့အစားအစာများကို စားခြင်းက ကိုယ်အလေးချိန် တက်လာစေနိုင်ကြောင်း သုတေသနအသစ်တစ်ခုမှာ တွေ့ရှိရပါတယ်။ အိုဆာကာမက်ထရိုပိုလီတန်တက္ကသိုလ်မှ ပညာရှင်များရဲ့ လေ့လာချက်များအရ အစားအသောက်ပမာဏကို ကန့်သတ်ထားရင်တောင် ကာဗိုဟိုက်ဒရိတ်အပေါ် နှစ်သက်စွဲလမ်းမှုကြောင့် ဖြစ်ပေါ်လာတဲ့ ဇီဝကမ္မဖြစ်စဉ် အပြောင်းအလဲတွေက ခန္ဓာကိုယ်အလေးချိန်ကို တိုးလာစေတာဖြစ်ပါတယ်။ပေါင်မုန့် ဒါမှမဟုတ် ဆန်မှုန့်လို အစားအစာတွေကို စားသုံးတဲ့အခါ ခန္ဓာကိုယ်ရဲ့ စွမ်းအင်သုံးစွဲမှု လျော့ကျသွားတာတွေ့ရပါတယ်။ ဆိုလိုတာက အစာကိုပိုမစားဘဲကယ်လိုရီပမာဏ အတူတူဖြစ်နေရင်တောင် ခန္ဓာကိုယ်က စွမ်းအင်ကို အရင်ထက် လျှော့သုံးတဲ့အတွက် အဆီတွေစုဆောင်းမိလာတာပါ။ သွေးစစ်ချက်တွေအရလည်း ခန္ဓာကိုယ်မှာ ဖက်တီးအက်စစ်တွေများလာပြီး အသည်းမှာ အဆီစုပုံမှုပိုများလာတာကို တွေ့ရပါတယ်။အဲဒီလို ကာဗိုဟိုက်ဒရိတ်တွေကို အစားအသောက်ထဲကနေ ဖယ်ထုတ်လိုက်တဲ့အခါ ကိုယ်အလေးချိန်နဲ့ ဇီဝကမ္မဖြစ်စဉ် မူမမှန်မှုတွေက မြန်ဆန်စွာပဲပြန်လည် ကောင်းမွန်လာတာ တွေ့ရပါတယ်။ ဒါကြောင့် ကိုယ်အလေးချိန် ထိန်းသိမ်းချင်သူတွေအနေနဲ့ ကာဗိုဟိုက်ဒရိတ် အလွန်အကျွံစားသုံးမှုကို လျှော့ချဖို့ လိုအပ်ပါတယ်။     MWD
Sat, 25-Apr-2026
ကင်ဆာရောဂါကို ကာကွယ်ပေးနိုင်တဲ့ နေ့စဉ်လုပ်နေကျ အလေ့အထလေးတစ်ခု
ကင်ဆာရောဂါကို ကာကွယ်ပေးနိုင်တဲ့ နေ့စဉ်လုပ်နေကျ အလေ့အထလေးတစ်ခု
   ကင်ဆာရောဂါကို ကာကွယ်ဖို့ဆိုရင် နေ့စဉ်လုပ်ဆောင်လေ့ရှိတဲ့ ကိုယ်လက် လှုပ်ရှားမှုအလေ့အထတစ်ခုက တကယ် ကိုအထောက်အကူပြုပါတယ်။ ကိုယ်လက် လှုပ်ရှားတာက ခန္ဓာကိုယ်လုပ်ဆောင်ချက် တွေကို ပိုကောင်းစေပြီး ကင်ဆာဖြစ်နိုင် ခြေကို သိသိသာသာလျှော့ချပေးနိုင်တယ် လို့ သုတေသနတွေမှာ တွေ့ရပါတယ်။အထူးသဖြင့် ရင်သားကင်ဆာ၊ အူမကြီး ကင်ဆာ၊ အဆုတ်ကင်ဆာနဲ့ လူသေဆုံးမှု များတဲ့ကင်ဆာရောဂါတော်တော်များများ ဟာ နေ့စဉ်လှုပ်လှုပ်ရှားရှားနေထိုင်သူတွေမှာ ဖြစ်ပွားမှုပိုနည်းတာတွေ့ရပါတယ်။ လေ့လာမှုတစ်ခုအရ တစ်ရက်ကိုခြေလှမ်း ၇၀၀၀ ဝန်းကျင်လျှောက်သူတွေက ခြေလှမ်း၅၀၀၀ လောက်သာလျှောက်သူတွေထက် ကင်ဆာဖြစ်နိုင်ခြေ ၁၁ ရာခိုင်နှုန်း ပိုနည်းပြီး ခြေလှမ်း ၉၀၀၀ အထိ လျှောက်နိုင်ရင်တော့ ၁၆ ရာခိုင်နှုန်းအထိတောင် လျော့ကျသွားတာပါ။ဒါကြောင့် ကျန်းမာရေးပညာရှင်တွေက တစ်ပတ်ကို အနည်းဆုံး မိနစ် ၁၅၀ လောက် အသင့်အတင့် ကိုယ်လက်လှုပ်ရှားမှုလုပ်ဖို့ ဒါမှမဟုတ် ၇၅ မိနစ်လောက် ပြင်းပြင်းထန်ထန် လေ့ကျင့်ခန်းလုပ်ဖို့ တိုက်တွန်းထားပါတယ်။ လမ်းသွက်သွက်လျှောက်တာမျိုးက ခန္ဓာကိုယ်ထဲက ရောင်ရမ်းမှုတွေကို ထိန်းချုပ်ပေးပြီး ခုခံအားကိုကောင်းစေပါတယ်။ အစာစားပြီးလမ်းလျှောက်တာမျိုးလို အလေ့အကျင့်လေးတွေကစပြီး ဂရုစိုက်သင့်ပါတယ်။      MWD
Sat, 25-Apr-2026
တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦးနှင့်ဇနီး ဒေါ်နီလာ မိုင်းဖြတ်မြို့ရှိ နယ်မြေခံတပ်မတော်ဆေးရုံတွင် တက်ရောက်ဆေးကုသမှုခံယူလျက်ရှိသည့် အရာရှိ၊ စစ်သည်၊ မိသားစုများအား သွားရောက်ကြည့်ရှုအားပေး
တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦးနှင့်ဇနီး ဒေါ်နီလာ မိုင်းဖြတ်မြို့ရှိ နယ်မြေခံတပ်မတော်ဆေးရုံတွင် တက်ရောက်ဆေးကုသမှုခံယူလျက်ရှိသည့် အရာရှိ၊ စစ်သည်၊ မိသားစုများအား သွားရောက်ကြည့်ရှုအားပေး
နေပြည်တော် ဧပြီ ၂၄ တပ်မတော် ကာကွယ်ရေး ဦးစီးချုပ် ဗိုလ်ချုပ်ကြီး ရဲဝင်းဦးသည် ဇနီး ဒေါ်နီလာ၊ ကာကွယ်ရေး ဦးစီးချုပ်ရုံးမှ အဆင့်မြင့်တပ်မတော် အရာရှိကြီးများနှင့် ဇနီးများ၊ တြိဂံဒေသတိုင်းစစ်ဌာနချုပ် တိုင်းမှူးနှင့် တာဝန်ရှိသူများလိုက်ပါ၍ ယနေ့နံနက်ပိုင်းတွင် မိုင်းဖြတ်မြို့ရှိ နယ်မြေခံ တပ်မတော် ဆေးရုံ၌ တက်ရောက်ကုသမှုခံယူလျက်ရှိသည့် အရာရှိ၊ စစ်သည်များ၊ မိသားစုဝင်များ၊ မြန်မာနိုင်ငံ ရဲတပ်ဖွဲ့ဝင်များနှင့် ပြည်သူ့စစ် (ဌာနေ) တပ်ဖွဲ့ဝင်များအား သွားရောက်ကြည့်ရှုအားပေး စကားပြောကြားသည်။ ဦးစွာ တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များသည် နယ်မြေခံတပ်မတော်ဆေးရုံသို့ ရောက်ရှိကြရာ ဆေးရုံတပ်မှူးနှင့် တာဝန်ရှိသူများက ကြိုဆိုနှုတ်ဆက်ကြသည်။ ထို့နောက် တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များသည် နယ်မြေခံတပ်မတော်ဆေးရုံတွင် တက်ရောက်ဆေးကုသမှုခံယူလျက်ရှိသည့် အရာရှိ၊ စစ်သည်၊ မြန်မာနိုင်ငံရဲတပ်ဖွဲ့ဝင်များ၊ ပြည်သူ့စစ် (ဌာနေ) တပ်ဖွဲ့ဝင်များအား လိုက်လံကြည့်ရှုပြီး တစ်ဦးချင်း၏ ရောဂါဖြစ်ပွားမှု အခြေအနေများ၊ ဆေးဝါးကုသမှု ပေးထားသည့် အခြေအနေများနှင့် ကျန်းမာရေးတိုးတက်ကောင်းမွန်မှု အခြေအနေများကို ရင်းရင်းနှီးနှီး မေးမြန်းအားပေးစကား ပြောကြားပြီး စားသောက်ဖွယ်ရာများနှင့် ဂုဏ်ပြုချီးမြှင့်ငွေများ ပေးအပ်သည်။အလားတူ တပ်မတော်ကာကွယ်ရေးဦးစီးချုပ်၏ ဇနီးနှင့် အဖွဲ့ဝင်များသည် အမျိုးသမီးနှင့် ကလေး ကုသဆောင်များသို့ သွားရောက်၍ ဆေးရုံတက်ရောက်ကုသလျက်ရှိသည့် လူနာများအား လိုက်လံ ကြည့်ရှု အားပေးစကားပြောကြားပြီး ထောက်ပံ့ပစ္စည်းများ ပေးအပ်သည်။ ထို့နောက် တပ်မတော်ကာကွယ် ရေးဦးစီးချုပ်နှင့် အဖွဲ့ဝင်များသည် ဆေးရုံအတွင်း လှည့်လည်ကြည့်ရှု စစ်ဆေးကြပြီး လိုအပ်သည်များ လမ်းညွှန်မှာကြားခဲ့ကြောင်း သိရသည်။ သတင်းစဉ်MDN
Sat, 25-Apr-2026
ကမ္ဘာ့ကာကွယ်ဆေးထိုးနှံတိုက်ကျွေးရေး ရက်သတ္တပတ် (၂၀၂၆) အထိမ်းအမှတ်အခမ်းအနား ကျင်းပ
ကမ္ဘာ့ကာကွယ်ဆေးထိုးနှံတိုက်ကျွေးရေး ရက်သတ္တပတ် (၂၀၂၆) အထိမ်းအမှတ်အခမ်းအနား ကျင်းပ
နေပြည်တော် ဧပြီ ၂၄ ကမ္ဘာ့ကာကွယ်ဆေးထိုးနှံ တိုက်ကျွေးရေး ရက်သတ္တပတ် (၂၀၂၆) အထိမ်းအမှတ်အခမ်းအနားကို ယနေ့တွင် ပြည်ထောင်စုနယ်မြေ နေပြည်တော် ကျန်းမာရေးဝန်ကြီးဌာန ရုံးအမှတ်(၄) ၌ ကျင်းပ သည်။ ဦးစွာ ပြည်ထောင်စုဝန်ကြီး ပါမောက္ခ ဒေါက်တာသက်ခိုင်ဝင်းက ယခုနှစ်အတွက် ဆောင်ပုဒ်မှာ “For Every Generation, Vaccines Work” ဖြစ်ပြီး မြန်မာဘာသာဖြင့် “မျိုးဆက်တိုင်းကို ကာကွယ်ထား၊ ကာကွယ်ဆေး၏ စွမ်းပကား” ဟု ဘာသာပြန်ဆိုထားပါကြောင်း၊ မြန်မာနိုင်ငံတွင် ကာကွယ်ဆေးထိုး လုပ်ငန်းကို ၁၈၈၉ ခုနှစ်မှ စတင်ဆောင်ရွက်ခဲ့ကြောင်းမှတ်တမ်းများအရ သိရှိရပြီး ယခုအခါ ရောဂါ ၁၃ မျိုးကို ကာကွယ်သောကာကွယ်ဆေးများကို ကမ္ဘာ့နိုင်ငံများနည်းတူ တိုးချဲ့ထိုးနှံပေးလျက်ရှိပြီး မျိုးဆက်တိုင်းကို ကာကွယ်ပေးလျက်ရှိပါကြောင်း။ မြန်မာနိုင်ငံ၏ ကာကွယ်ဆေးထိုးလွှမ်းခြုံမှုကို ဆန်းစစ်ရာတွင် ၂၀၂၁ ခုနှစ်၌ ကိုဗစ်-၁၉ ကမ္ဘာ့ကပ် ရောဂါဖြစ်ပွားမှုကြောင့် ကာကွယ်ဆေးများ၏ လွှမ်းခြုံမှုအခြေအနေမှာ ၅၀ ရာခိုင်နှုန်းအောက်သာ ရရှိခဲ့ပြီး ၂၀၂၅ ခုနှစ်တွင် ကာကွယ်ဆေးများ၏လွှမ်းခြုံ မှုရာခိုင်နှုန်းမှာ ၈၀ ရာခိုင်နှုန်းအထက် ရောက်ရှိခဲ့ပြီးဖြစ်သည့်အတွက် လွှမ်းခြုံမှုရာခိုင်နှုန်းများ ပြန်လည်တိုးတက်လာသည်ကို တွေ့ရှိရကြောင်း၊ နိုင်ငံတော်သမ္မတ၏ ရက်ပေါင်း (၁၀၀) စီမံချက်ကာလအတွင်း ကာကွယ်ဆေးထိုး လုပ်ငန်း ပါရှိပြီး ကာကွယ်ဆေးထိုးနှံ တိုက်ကျွေးခြင်းလုပ်ငန်းကို ဦးစားပေးဆောင်ရွက် သွားရမည်ဖြစ်ပါကြောင်း၊ ၂၀၂၅ ခုနှစ် မတ် ၂၈ ရက်တွင် ဖြစ်ပွားခဲ့သော မန္တလေးငလျင်ကြီးအပြီး ခုနစ်ရက်အတွင်းတွင် ထိခိုက်ဒဏ်ရာရရှိသူများ၊ ကယ်ဆယ်ရေးအဖွဲ့ဝင်များ၊ ကိုယ်ဝန်ဆောင်မိခင်များ အား မေးခိုင်ကာကွယ်ဆေးထိုးနှံခြင်းလုပ်ငန်းနှင့် ပြင်းထန်ဝမ်းပျက်ဝမ်းလျှောရောဂါ ကြိုတင်ဟန့်တား ကာကွယ်ဆေးတိုက်ကျွေးခြင်းလုပ်ငန်းကို ဆောင် ရွက်နိုင်ခဲ့ပါကြောင်း။ မြန်မာနိုင်ငံတွင် ကျန်းမာရေးဝန်ထမ်းများ၊ စေတနာ့ဝန်ထမ်းများ၊ ဆက်စပ်ဌာနဆိုင်ရာများ၊ ကလေးမိဘများက အားကောင်းစွာ ပူးပေါင်း၍ ကာကွယ်ဆေးထိုးလုပ်ငန်းများ အရှိန်အဟုန်ဖြင့် ဆောင်ရွက်လျက်ရှိခြင်းကြောင့် မြန်မာနိုင်ငံတွင် ကာကွယ်ဆေးဖြင့် ကာကွယ်၍ရသောရောဂါများ outbreak သဖွယ်အစုလိုက်ဖြစ်ပွားမှုမရှိပါကြောင်း၊ နိုင်ငံတော်မှလည်း ကာကွယ်ဆေးနှင့် ဆက်စပ်ပစ္စည်းများ ဝယ်ယူနိုင်ရေးအတွက် နိုင်ငံတော်ရန်ပုံငွေမှ အလုံးစုံကျခံ၍ ဝယ်ယူသည့် နည်းလမ်း (Self-financing)၊ နိုင်ငံတော်နှင့် GAVI တို့ အချိုးကျထည့်ဝင် ၍ ဝယ်ယူသည့်နည်းလမ်း (Co-financing) တို့ဖြင့် နှစ်စဉ် နိုင်ငံပိုင်နိုင်ငံခြားငွေ အမေရိကန်ဒေါ်လာ ၁၀ သန်းခန့်အထိ ကျခံသုံးစွဲလျက်ရှိပြီး ကာကွယ်ဆေးထိုးနှံ တိုက်ကျွေးခြင်းလုပ်ငန်းများကို အားပေး ဆောင်ရွက်လျက်ရှိပါကြောင်း ပြောကြားသည်။ ထို့နောက် ကာကွယ်ဆေးထိုးနှံတိုက်ကျွေးမှု မှတ်တမ်းတင် Documentary Story ပြသခြင်း၊ “မျိုးဆက်တိုင်းကို ကာကွယ်ထား၊ ကာကွယ်ဆေး၏ စွမ်းပကား” တေးသီချင်း ဗီဒီယိုပြသခြင်းနှင့် တက်ရောက်လာသူများက ပြခန်းငယ်အား လှည့်လည်ကြည့်ရှုခြင်းများ ဆောင်ရွက်ကြသည်။ အခမ်းအနားသို့ ဒုတိယဝန်ကြီး၊ ညွှန်ကြားရေးမှူးချုပ်များ၊ ဆက်စပ်ဝန်ကြီးဌာနများမှ အမြဲတမ်း အတွင်းဝန်များ၊ ညွှန်ကြားရေးမှူးချုပ်များနှင့် တာဝန်ရှိသူများ၊ ကာကွယ်ရေးဝန်ကြီးဌာနမှ ဆေးဝန်ထမ်း ညွှန်ကြားရေးမှူးရုံး၊ အမှတ် (၂) တပ်မတော်ဆေးရုံကြီး ခုတင်(၁၀၀၀)၊ ကျန်းမာရေးနှင့် ရောဂါနှိမ်နင်းရေးတပ်တို့မှ တာဝန်ရှိသူများနှင့် ဖိတ်ကြားထားသည့် ဧည့်သည်တော်များ စုစုပေါင်း ၁၇၀ တက်ရောက်ခဲ့ကြောင်း သိရသည်။ သတင်းစဉ်MDN
Sat, 25-Apr-2026
တနင်္သာရီတိုင်းဒေသကြီးဝန်ကြီးချုပ်ဖလား မြို့နယ်ပေါင်းစုံ ဘော်လီဘောပြိုင်ပွဲကျင်းပ ထားဝယ်မြို့နယ်အသင်းနှင့် ပုလောမြို့နယ်အသင်းတို့ စတင်ယှဉ်ပြိုင်
တနင်္သာရီတိုင်းဒေသကြီးဝန်ကြီးချုပ်ဖလား မြို့နယ်ပေါင်းစုံ ဘော်လီဘောပြိုင်ပွဲကျင်းပ ထားဝယ်မြို့နယ်အသင်းနှင့် ပုလောမြို့နယ်အသင်းတို့ စတင်ယှဉ်ပြိုင်
ထားဝယ်     ဧပြီ     ၂၃တနင်္သာရီတိုင်းဒေသကြီးအစိုးရအဖွဲ့ ဝန်ကြီးချုပ်ဖလား   မြို့နယ်ပေါင်းစုံ   အမျိုးသား/အမျိုးသမီး ဘော်လီဘောပြိုင်ပွဲဖွင့်ပွဲ အခမ်းအနားကို ဧပြီ ၂၃ ရက်  ညနေ  ၄  နာရီက  ထားဝယ်မြို့  ရွှေဝယ်သီရိ အားကစားခန်းမ၌ ကျင်းပသည်။ဦးစွာ  ပြိုင်ပွဲဝင်အသင်းများက ကွင်းအတွင်း နေရာယူပြီး တနင်္သာရီတိုင်းဒေသကြီးဝန်ကြီးချုပ်   ဦးဇော်နိုင်ဦးအား စစ်ရေးပြမှူးက ဦးဆောင်၍  ပြိုင်ပွဲဝင်အသင်းများမှ ကစားသမားများက အလေးပြုပြီး တန်းအပ်သည်။ဖွင့်ပွဲအခမ်းအနားတွင် တနင်္သာရီတိုင်းဒေသကြီး ဝန်ကြီးချုပ်က ယနေ့ကျင်းပပြုလုပ်သော တိုင်းဒေသကြီး မြို့နယ်ပေါင်းစုံဘော်လီဘောပြိုင်ပွဲသည်  တောင်ကြီးမြို့၌   ၂၀၂၆   ခုနှစ် ဇွန်  ၁၀ ရက်မှ  ၁၉  ရက်အထိ ကျင်းပပြုလုပ်မည့် ပြည်နယ်နှင့် တိုင်းဒေသကြီး   ဘော်လီဘောပြိုင်ပွဲကို သွားရောက်ယှဉ်ပြိုင်ရန်အတွက် တနင်္သာရီတိုင်းဒေသကြီးကိုယ်စားပြု ဘော်လီဘောကစားသမားများရွေးထုတ်နိုင်ရန် ကျင်းပပြုလုပ်ခြင်းဖြစ်ကြောင်း၊ ဘော်လီဘောအားကစားကို ပြည်သူတစ်ရပ် လုံး နိုးကြားတက်ကြွစွာ အားပေးလာခြင်းဖြင့် ထူးချွန်ထက်မြက်သော အားကစားသမားများ ပေါ်ထွန်းလာပြီး ဘော်လီဘောအားကစားအဆင့်အတန်း ပိုမိုမြင့်မားတိုးတက်လာစေရေးတွင် အထောက်အကူပြုနိုင်ရန် ရည်ရွယ်ပြီး ကျင်းပပေးခြင်းဖြစ် ကြောင်း၊ တိုင်းဒေသကြီးအနေဖြင့် ဘော်လီဘောအားကစားနည်းတွင် အောင်မြင်မှုအနေဖြင့် ၂၀၁၇ ခုနှစ် ပြည်နယ်နှင့် တိုင်းဒေသကြီး  ဘော်လီဘော ပြိုင်ပွဲတွင် အမျိုးသမီးအသင်းအနေဖြင့်  ပထမ၊ (၂၀၁၈၊ ၂၀၁၉ ၊ ၂၀၂၂ )ခုနှစ် ပြည်နယ်နှင့် တိုင်းဒေသကြီး အမျိုးသမီးပြိုင်ပွဲများတွင် တတိယနှင့် ၂၀၂၄  ခုနှစ် အမျိုးသားအားကစားပွဲတော်တွင် ဒုတိယရရှိခဲ့သောကြောင့် အောင်မြင်မှုအရှိန်အဟုန်များကို ဆက်လက်ထိန်းသိမ်းနိုင်အောင် ဘော်လီဘောအားကစားသမား အားလုံးက ကြိုးစားအားထုတ်သွားကြရန် မှာကြားလိုကြောင်း၊ ယခုပြိုင်ပွဲမှ အရည်အချင်းရှိသော ဘော်လီဘော အားကစားသမားများကို စိစစ်ရွေးချယ်ပြီး တိုင်းဒေသကြီးနှင့် ပြည်နယ်ပြိုင်ပွဲသို့ စေလွှတ်ယှဉ်ပြိုင်သွားမည်ဖြစ်‌သောကြောင့် ဘော်လီဘော အားကစားသမားများအနေဖြင့်  တိုင်းဒေသကြီး လက်ရွေးစင်အဖြစ် ရွေးချယ်ခံရအောင် ကိုယ်စီကျွမ်းကျင်မှု၊ ပူးပေါင်းဆောင်ရွက်မှု၊ စည်းလုံးညီညွတ်မှုတို့ဖြင့် အနိုင်မခံအရှုံးမပေးသော အားကစားစိတ်ဓာတ် အပြည့်အဝဖြင့် ကြိုးစားယှဉ်ပြိုင်ကစားကြရန်လိုအပ်ကြောင်း၊ ဘော်လီဘော အားကစားသမားများအနေဖြင့်  အရည်အချင်းပြည့်ဝသော တိုင်းဂုဏ်ဆောင်၊   နိုင်ငံ့ဂုဏ်ဆောင်  အားကစားသမားကောင်းဖြစ်အောင်  ကြိုးစားယှဉ်ပြိုင်ကြရန်   လိုအပ်ကြောင်း ပြောကြားသည်။ထို့နောက်   ပြိုင်ပွဲဝင်အသင်းများက အားကစားသစ္စာအဓိဋ္ဌာန် ရွတ်ဆိုပြီး ကွင်းအတွင်းမှပြန်လည် ထွက်ခွာကာ အမျိုးသားထားဝယ်မြို့နယ်အသင်းနှင့် ပုလောမြို့နယ်အသင်းတို့၏ ယှဉ်ပြိုင်ကစားနေမှုကို  တိုင်းဒေသကြီးဝန်ကြီးချုပ်၊ ပြည်ထောင်စုလွှတ်တော် ကိုယ်စားလှယ် စိစစ်ရေးကော်မတီ ဥက္ကဋ္ဌ၊ တိုင်းဒေသကြီးလွှတ်တော် ဒုတိယဥက္ကဋ္ဌ၊ တိုင်းဒေသကြီးဝန်ကြီးများ၊ ဌာနဆိုင်ရာတာဝန်ရှိသူများ၊ ပြိုင်ပွဲဝင်အားကစားသမားများနှင့် အားကစားဝါသနာရှင်များ   ကြည့်ရှုအားပေးရာ   ထားဝယ်မြို့နယ်အသင်းက အနိုင်ရရှိသည်။တနင်္သာရီတိုင်းဒေသကြီးအစိုးရအဖွဲ့ ဝန်ကြီးချုပ်ဖလား မြို့နယ်ပေါင်းစုံအမျိုးသား/အမျိုးသမီးဘော်လီဘောပြိုင်ပွဲတွင် အမျိုးသားခြောက်သင်း၊ အမျိုးသမီးခြောက်သင်းတို့က ဧပြီ   ၂၇  ရက်အထိ ယှဉ်ပြိုင်ကစားကြမည်ဖြစ်ကြောင်း  သတင်းရရှိသည်။တိုင်းဒေသကြီး(ပြန်/ဆက်)MDN
Fri, 24-Apr-2026
ရန်ကုန်တိုင်းဒေသကြီး ဝန်ကြီးချုပ်ဖလား အသက် ၂၅ နှစ်အောက် ဘော်လီဘောပြိုင်ပွဲစတင်ကျင်းပ
ရန်ကုန်တိုင်းဒေသကြီး ဝန်ကြီးချုပ်ဖလား အသက် ၂၅ နှစ်အောက် ဘော်လီဘောပြိုင်ပွဲစတင်ကျင်းပ
ရန်ကုန်    ဧပြီ     ၂၃၂၀၂၆ ခုနှစ် ရန်ကုန်တိုင်းဒေသကြီး ဝန်ကြီးချုပ်ဖလား အသက် ၂၅ နှစ်အောက် အမျိုးသား/အမျိုးသမီး ဘော်လီဘောပြိုင်ပွဲကို ယနေ့နံနက်ပိုင်းက ရန်ကုန်မြို့ သုဝဏ္ဏရှိ အမျိုးသားအားကစား ပြိုင်ပွဲရုံ(၁)၌ ကျင်းပရာ ပထမပွဲစဉ်အဖြစ် အလုံခရိုင်အသင်းနှင့် မရမ်းကုန်းခရိုင်အသင်းတို့ စတင်ယှဉ်ပြိုင်ကစားကြသည်။အဆိုပါပြိုင်ပွဲကို ရန်ကုန်တိုင်းဒေသကြီးအတွင်းရှိ ခရိုင်ပေါင်း(၁၄) ခရိုင်မှ အသင်း ၁၄ သင်း ယှဉ်ပြိုင်ကစားကြမည်ဖြစ်ပြီး  ပြိုင်ပွဲများကို ဧပြီ ၂၃ ရက်မှ ၂၈ ရက်အထိ ကျင်းပမည်ဖြစ်ကြောင်း သိရသည်။ယနေ့ကျင်းပသည့်  ၂၀၂၆ ခုနှစ်  ရန်ကုန်တိုင်းဒေသကြီး ဝန်ကြီးချုပ်ဖလား အသက် ၂၅ နှစ်အောက်  အမျိုးသား/အမျိုးသမီး ဘော်လီဘောပြိုင်ပွဲဖွင့်ပွဲ အခမ်းအနားကို ယနေ့နံနက်ပိုင်းက အဆိုပါ အားကစားပြိုင်ပွဲရုံအတွင်းကျင်းပခဲ့ပြီး အခမ်းအနားတွင် တိုင်းဒေသကြီး  အားကစားနှင့် ကာယပညာကော်မတီ နာယက၊ တိုင်းဒေသကြီး ဝန်ကြီးချုပ် ဦးအောင်နိုင်သူက အားကစားသမားများနှင့် ရင်းရင်းနှီးနှီးတွေ့ဆုံနှုတ်ဆက်၍ အားကစားပစ္စည်းများကို  ပေးအပ်ခြင်းနှင့် ဘင်ခရာအဖွဲ့အတွက် ချီးမြှင့်ငွေများ  ပေးအပ်သည်။ဖွင့်ပွဲအခမ်းအနားအတွင်း ရန်ကုန်တိုင်းဒေသကြီးဝန်ကြီးချုပ်က ပြိုင်ပွဲတွင် တာဝန်ယူကြမည့် ဒိုင်များအနေဖြင့် ဘက်လိုက်မှုကင်းစွာနှင့် ချမှတ်ထားသည့်  ပြိုင်ပွဲစည်းမျဉ်း၊ စည်းကမ်းများကို  လိုက်နာကြရန်၊ ယှဉ်ပြိုင်မည့် အားကစားသမားများအနေဖြင့်လည်း ပြိုင်ပွဲမှချမှတ်ထားသည့် စည်းမျဉ်း၊ စည်းကမ်းများကို လိုက်နာကြရန်နှင့် နောင်တစ်ချိန်တွင်လည်း နိုင်ငံ့ဂုဏ်ကို မြှင့်တင်ပေးနိုင်သည့် ထူးချွန်အားကစားသမားများဖြစ်လာအောင် ကြိုးစားကြရန် ပြောကြားသည်။ဖွင့်ပွဲသို့ တိုင်းဒေသကြီးဝန်ကြီးချုပ်၊ တိုင်းဒေသကြီး ဝန်ကြီးများ၊ တိုင်းဒေသကြီးဌာနဆိုင်ရာများ၊ ခရိုင်စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌများနှင့် အဖွဲ့ဝင်များ၊ တိုင်းဒေသကြီး အားကစားနှင့် ကာယပညာကော်မတီဝင်များ၊ ပြိုင်ပွဲဝင်အသင်းများမှ အုပ်ချုပ်သူ/နည်းပြများ၊ အားကစား သမားများနှင့်  တာဝန်ရှိသူများ တက်ရောက်ကြသည်။ဇွဲထက်ကို(ပြန်/ဆက်)MDN
Fri, 24-Apr-2026
© Copyright 2024 SAC All Rights Reserved.