တောင်ကြီးမြို့ရှိ သစ်သီးဈေးကွက်၌ ဟန်မြင့်မိုရ်ကျေးရွာမှ ထွက်ရှိသော စိန်တစ်လုံးသရက်သီးများ အရောင်းအဝယ်သွက်နေ

NoahJune222

News Image

  • တောင်ကြီးမြို့ရှိ သစ်သီးဈေးကွက်၌ ဟန်မြင့်မိုရ်ကျေးရွာမှ ထွက်ရှိသော စိန်တစ်လုံးသရက်သီးများ အရောင်းအဝယ်သွက်နေ

တောင်ကြီး   မေ   ၅

     ရှမ်းပြည်နယ်(တောင်ပိုင်း) တောင်ကြီးမြို့ရှိ   သစ်သီးဈေးကွက်၌   ဟန်မြင့်မိုရ်ကျေးရွာမှ ထွက်ရှိသော စိန်တစ်လုံးသရက်သီးများ အရောင်းအဝယ်သွက်နေကြောင်း သိရသည်။

ပြည်တွင်း၌  သရက်သီးမှည့်များသည် နှစ်စဉ် ဧပြီလမှစ၍ ဇူလိုင်လအထိထွက်ရှိပြီး မေလသည် သရက်သီးမှည့်အပေါဆုံးလဖြစ်ရာ ယခုအခါ မန္တလေးတိုင်းဒေသကြီး ကျောက်ဆည်မြို့နယ်  ဟန်မြင့်မိုရ်ကျေးရွာမှထွက်ရှိသော စိန်တစ်လုံးသရက်သီးများ တောင်ကြီးမြို့ရှိ သစ်သီးဈေးကွက်အတွင်း စတင်ဝင်ရောက်လာပြီဖြစ်သည်။

တောင်ကြီးမြို့မှဒေသခံများသည် စိန်တစ်လုံးသရက်သီးကို အထူးကြိုက် နှစ်သက်ကြပြီး  လက်ရှိတွင် တောင်ကြီးဈေးကွက်၌ အရည်အသွေးကောင်းမွန်သော စိန်တစ်လုံးသရက်သီး အရွယ်အစားအလိုက်  ဈေးနှုန်းအသီးသီး သတ်မှတ်ရောင်းချကြောင်း သိရသည်။

ပြည်တွင်း၌ သရက်သီးမှည့်များ စပေါ်ချိန်သည် ဒေသတစ်ခုနှင့်တစ်ခု ရက်အနည်းငယ်စီ ကွာခြားမှုရှိပြီး အထူးသဖြင့် မန္တလေးတိုင်းဒေသကြီး  ကျောက်ဆည်မြို့နယ် ဟန်မြင့်မိုရ်ကျေးရွာမှ ထွက်ရှိသောစိန်တစ်လုံးသရက်သီးသည် အနံ့၊ အရသာနှင့် အရည်အသွေး အကောင်းဆုံးဖြစ်ကာ စားသုံးသူများ  အထူးကြိုက်နှစ်သက်ကြကြောင်း သိရသည်။         

MWD

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

တောင်ကြီးမြို့ရှိ သစ်သီးဈေးကွက်၌ ဟန်မြင့်မိုရ်ကျေးရွာမှ ထွက်ရှိသော စိန်တစ်လုံးသရက်သီးများ အရောင်းအဝယ်သွက်နေ
တောင်ကြီးမြို့ရှိ သစ်သီးဈေးကွက်၌ ဟန်မြင့်မိုရ်ကျေးရွာမှ ထွက်ရှိသော စိန်တစ်လုံးသရက်သီးများ အရောင်းအဝယ်သွက်နေ
တောင်ကြီး   မေ   ၅     ရှမ်းပြည်နယ်(တောင်ပိုင်း) တောင်ကြီးမြို့ရှိ   သစ်သီးဈေးကွက်၌   ဟန်မြင့်မိုရ်ကျေးရွာမှ ထွက်ရှိသော စိန်တစ်လုံးသရက်သီးများ အရောင်းအဝယ်သွက်နေကြောင်း သိရသည်။ပြည်တွင်း၌  သရက်သီးမှည့်များသည် နှစ်စဉ် ဧပြီလမှစ၍ ဇူလိုင်လအထိထွက်ရှိပြီး မေလသည် သရက်သီးမှည့်အပေါဆုံးလဖြစ်ရာ ယခုအခါ မန္တလေးတိုင်းဒေသကြီး ကျောက်ဆည်မြို့နယ်  ဟန်မြင့်မိုရ်ကျေးရွာမှထွက်ရှိသော စိန်တစ်လုံးသရက်သီးများ တောင်ကြီးမြို့ရှိ သစ်သီးဈေးကွက်အတွင်း စတင်ဝင်ရောက်လာပြီဖြစ်သည်။တောင်ကြီးမြို့မှဒေသခံများသည် စိန်တစ်လုံးသရက်သီးကို အထူးကြိုက် နှစ်သက်ကြပြီး  လက်ရှိတွင် တောင်ကြီးဈေးကွက်၌ အရည်အသွေးကောင်းမွန်သော စိန်တစ်လုံးသရက်သီး အရွယ်အစားအလိုက်  ဈေးနှုန်းအသီးသီး သတ်မှတ်ရောင်းချကြောင်း သိရသည်။ပြည်တွင်း၌ သရက်သီးမှည့်များ စပေါ်ချိန်သည် ဒေသတစ်ခုနှင့်တစ်ခု ရက်အနည်းငယ်စီ ကွာခြားမှုရှိပြီး အထူးသဖြင့် မန္တလေးတိုင်းဒေသကြီး  ကျောက်ဆည်မြို့နယ် ဟန်မြင့်မိုရ်ကျေးရွာမှ ထွက်ရှိသောစိန်တစ်လုံးသရက်သီးသည် အနံ့၊ အရသာနှင့် အရည်အသွေး အကောင်းဆုံးဖြစ်ကာ စားသုံးသူများ  အထူးကြိုက်နှစ်သက်ကြကြောင်း သိရသည်။         MWD
Wed, 6-May-2026
ငပုတောမြို့နယ်မှ ဒေသတွင်းနှင့် ရန်ကုန်ဈေးကွက်သို့ ပြီးခဲ့သည့် ဧပြီလက ဓနိချပ်အများအပြား တင်ပို့ရောင်းချနိုင်ခဲ့
ငပုတောမြို့နယ်မှ ဒေသတွင်းနှင့် ရန်ကုန်ဈေးကွက်သို့ ပြီးခဲ့သည့် ဧပြီလက ဓနိချပ်အများအပြား တင်ပို့ရောင်းချနိုင်ခဲ့
ငပုတော    မေ    ၅      ဧရာဝတီတိုင်းဒေသကြီး ငပုတောမြို့နယ်မှ ဒေသတွင်းနှင့် ရန်ကုန်ဈေးကွက်သို့  ပြီးခဲ့သည့် ဧပြီလက ဓနိချပ်အများအပြား တင်ပို့ရောင်းချနိုင်ခဲ့ကြောင်း ငပုတောမြို့နယ်မှ      ဓနိရောင်းဝယ်ရေးလုပ်ငန်းလုပ်ကိုင်သူ ဒေါ်နီနီဝင်း၏ပြောပြချက်အရ သိရသည်။ ငပုတောမြို့နယ်မှ   ထွက်ရှိသော   ဓနိများကို ဒေသဈေးကွက်အပြင် ရန်ကုန်ဈေးကွက်သို့ တင်ပို့ရောင်းချလျက်ရှိပြီး   ငပုတောမြို့နယ်မှ   ရန်ကုန်ဈေးကွက်သို့ ပြီးခဲ့သည့် မတ်လအတွင်းက ဓနိချပ်  ၅၇၀၀၀၀ ခန့် အထိတင်ပို့ရောင်းချနိုင်ခဲ့ကာ ဧပြီလ ၁ ရက်မှ ၃၀ ရက်အထိ တစ်လတာကာလအတွင်း  ဓနိချပ် ၇၅၀၀၀၀ ခန့် အထိတင်ပို့ရောင်းချနိုင်ခဲ့‌ သည်။ '' ရန်ကုန်ဈေးကွက်ထဲကို ပြီးခဲ့တဲ့ဧပြီလတစ်လ အတွင်း ဓနိချပ်အများအပြား တင်ပို့ရောင်းချခဲ့ရပါ တယ်။   ဓနိချပ်တွေက အရည်အသွေးကောင်းတဲ့အတွက် ဒေသတွင်းနဲ့ ရန်ကုန်ဈေးကွက်က ဝယ်လိုအားကောင်းခဲ့တာပါ'' ဟု ဒေါ်နီနီဝင်းကပြောသည်။ ငပုတောမြို့နယ်၌   ဒေသခံအများစုက  ဓနိစိုက်ပျိုးရေးလုပ်ငန်းကို လုပ်ကိုင်ကြကြောင်း၊ ထိုသို့ဓနိချပ်များ ဝယ်လိုအားကောင်းလာခြင်းကြောင့် ဓနိစိုက်ပျိုးရေး လုပ်ငန်း လုပ်ကိုင်သူများ၊ ဓနိထိုးလုပ်သားများနှင့် ဓနိပွဲရုံလုပ်ငန်းရှင်များ  အဆင်ပြေလျက်ရှိကြောင်း သိရသည်။           MWD
Wed, 6-May-2026
ဘိုကလေးမြို့နယ်မှ ရန်ကုန်ဈေးကွက်သို့ ဧပြီလအတွင်း ပလာတူးငါးအများအပြား တင်ပို့ရောင်းချနိုင်ခဲ့
ဘိုကလေးမြို့နယ်မှ ရန်ကုန်ဈေးကွက်သို့ ဧပြီလအတွင်း ပလာတူးငါးအများအပြား တင်ပို့ရောင်းချနိုင်ခဲ့
ဘိုကလေး မေ ၅ဧရာဝတီတိုင်းဒေသကြီး ဘိုကလေးမြို့နယ်မှ ရန်ကုန် ဈေးကွက်သို့ ဧပြီလအတွင်း ပလာတူးငါး အများအပြား တင်ပို့ရောင်းချနိုင်ခဲ့ကြောင်း ဘိုကလေးမြို့နယ် ရေထွက်ကုန်ပစ္စည်း ရောင်းဝယ်ရေး ပွဲရုံပိုင်ရှင် ဒေါ်စန္ဒာလင်းက ပြောပြသည်။ ဘိုကလေးမြို့နယ်တွင် သဘာဝအတိုင်းဖမ်းယူရရှိသည့် ပလာတူးငါးများကို ရန်ကုန်ဈေးကွက်သို့ တင်ပို့ရောင်းချလျက်ရှိကြောင်း၊ ပြီးခဲ့သည့် မတ်လက ပလာတူးငါး ပိဿာချိန် ၄၀၀၀၀ သာ တင်ပို့ရောင်းချနိုင်ခဲ့ပြီး ဧပြီလတစ်လအတွင်း ပလာတူးငါးပိဿာချိန် ၆၀၀၀၀ ထိ တင်ပို့ရောင်းချခဲ့နိုင်ကြောင်း၊ အဆိုပါ ပလာတူးငါးများကို ရန်ကုန်ဈေးကွက်က အဝယ်လိုက်နေခြင်းကြောင့် တင်ပို့အားကောင်းလာခြင်းဖြစ်ကြောင်း သိရသည်။"ပြီးခဲ့တဲ့ဧပြီလထဲမှာ ပလာတူးငါးတွေ အဝယ်လိုက်နေပါတယ်။ ဘိုကလေးမြို့နယ်ကနေ ပလာတူးငါးအပါအဝင် အခြားရေထွက်ကုန်တွေ ရန်ကုန်ဈေးကွက်ကို တင်ပို့ရောင်းချနေပါတယ်။ ပလာတူးငါးတွေ တင်ပို့ရောင်းချအားကောင်းလာတော့ ရေလုပ်သားတွေ၊ ပွဲရုံပိုင်ရှင်တွေ အလုပ် အကိုင်အခွင့်အလမ်း အဆင်ပြေနေပါတယ်"ဟု ဘိုကလေးမြို့နယ် ရေထွက်ကုန်ပစ္စည်း ရောင်းဝယ်ရေးပွဲရုံပိုင်ရှင် ဒေါ်စန္ဒာလင်းက ပြောပြသည်။ဘိုကလေးမြို့နယ်မှ ရန်ကုန် ဈေးကွက်သို့ တင်ပို့ရောင်းချခဲ့သည့် ပလားတူးငါး ၁၀ ပိဿာလျှင် ငွေကျပ် ၁၂၅၀၀၀ မှ ၁၆၅၀၀၀ ထိပေါက်ဈေးရှိကြောင်း၊ အဆိုပါ ရေထွက်ကုန်ပစ္စည်း ရောင်းဝယ်ရေးပွဲရုံပိုင်ရှင်များသည် ပလာတူးငါးအပါအဝင် ငါးအမျိုးမျိုး၊ ပုစွန်အမျိုးမျိုး၊ ကဏန်များကို ဝယ်ယူပြီး ရန်ကုန်ဈေးကွက်သို့ တင်ပို့ရောင်းချလျက်ရှိကြောင်း သိရသည်။ ကျော်ကျော်လင်းရတနာပုံ
Wed, 6-May-2026
အမေရိကန်တွင် ကလေးမွေးဖွားနှုန်းသည် သမိုင်းတစ်လျှောက် အနိမ့်ဆုံးအဆင့်သို့ ရောက်ရှိနေပြီး လူမှုစီးပွားစိန်ခေါ်မှုများနှင့် ရင်ဆိုင်နေရ
အမေရိကန်တွင် ကလေးမွေးဖွားနှုန်းသည် သမိုင်းတစ်လျှောက် အနိမ့်ဆုံးအဆင့်သို့ ရောက်ရှိနေပြီး လူမှုစီးပွားစိန်ခေါ်မှုများနှင့် ရင်ဆိုင်နေရ
အမေရိကန်ပြည်ထောင်စု၏ ကလေးမွေးဖွားနှုန်းသည် စံချိန်တင် အနိမ့်ဆုံးအဆင့်သို့ ရောက်ရှိသွားကြောင်း ရောဂါထိန်းချုပ်ရေးနှင့် ကာကွယ်ရေး ဗဟိုဌာန (CDC) ၏ ၂၀၂၅ ခုနှစ်၊ ဧပြီလ ထုတ်ပြန်ချက်အရ သိရှိရသည်။ အဆိုပါ အချက်အလက်များအရ ပြီးခဲ့သည့် ၂၀၂၅ ခုနှစ်အတွင်း သားဖွား နိုင်သည့်အရွယ် အမျိုးသမီး ၁,၀၀၀ လျှင် မွေးဖွားနှုန်းမှာ ၅၃.၁ ဦးသာ ရှိခဲ့ပြီး ၎င်းသည် ၂၀၂၄ ခုနှစ်ထက် ၁.၃ ရာခိုင်နှုန်းနှင့် ၂၀၀၇ ခုနှစ်ထက် ၂၃ ရာခိုင်နှုန်းအထိ လျော့နည်းသွားခြင်း ဖြစ်သည်။ ထိုကဲ့သို့ သိသိသာသာ ကျဆင်းလာမှုသည် ၁၉၃၀ ပြည့်လွန်နှစ်များက ဖြစ်ပွားခဲ့သော စီးပွားပျက်ကပ်ကြီး (Great Depression) ကာလအတွင်း ထက်ပင် ပိုမိုနိမ့်ကျနေသည်ကို တွေ့ရှိရသည်။သမိုင်းကြောင်းအရ ကြည့်လျှင် ၁၉၆၁ ခုနှစ်က အမေရိကန်လူဦးရေ ၁၈၄ သန်းသာ ရှိစဉ်တွင် ကလေးငယ် ၄.၃ သန်း မွေးဖွားခဲ့သဖြင့် ယနေ့တွင် လူဦးရေ ၃၄၂ သန်းအထိ ရှိလာသော်လည်း တစ်နှစ်တာ မွေးဖွားမှုမှာ ၃.၆ သန်းအထိသာ ရှိတော့သည်။ အဆိုပါဖြစ်စဉ်သည် ၁၉၆၀ ပြည့်လွန်နှစ်များ လိင်မှုဆိုင်ရာတော်လှန်ရေးနောက်ပိုင်း လူမှုရေးစံနှုန်းများပြောင်းလဲလာမှုနှင့် အမေရိကန် မိသားစုစနစ် အခြေခံပျက်ပြားလာမှုတို့၏ သက်ရောက်မှု ဖြစ်ကြောင်း ပညာရှင်များက ထောက်ပြခဲ့ကြသည်။အမေရိကန်၏ ပထဝီနိုင်ငံရေးသြဇာ အထွတ်အထိပ်သို့ ရောက်ရှိခဲ့သည့် ၁၉၉၀ ပြည့်လွန်နှစ်များနှင့် ၂၀၀၀ ပြည့်လွန်နှစ်များအစောပိုင်းတွင် မွေးဖွားနှုန်းအနည်းငယ် ပြန်လည်မြင့်တက်ခဲ့သည်။ သို့သော် ၂၀၀၆ ခုနှစ် နောက်ပိုင်းမှစ၍ အင်္ဂလိပ်နွယ်ဖွား ပရိုတက်စတင့်လူဖြူ (WASPs) များ၏ လူဦးရေ အချိုးအစား လျင်မြန်စွာလျော့နည်းလာခြင်းနှင့်အတူ မွေးဖွားနှုန်းမှာလည်း ဆက်တိုက် ကျဆင်းလျက်ရှိနေသည်။RT သတင်းဌာန၏ လူမှုဘဝသာယာဝပြောမှုအညွှန်းကိန်း (SWI) လေ့လာသုံးသပ်ချက်အရ အနောက်နိုင်ငံကြီးများသည် ငွေကြေးနှင့်သုံးစွဲမှုအပေါ်သာ အာရုံစိုက်နေသော်လည်း နိုင်ငံတစ်ခု ရေရှည်ရှင်သန်ရေးအတွက် အရေးကြီးသောမွေးဖွားနှုန်း၊ ပျမ်းမျှသက်တမ်းနှင့် ချမ်းသာဆင်းရဲကွာဟမှုလျှော့ချရေးတို့တွင် အားနည်းနေကြောင်း သိရှိရသည်။ အမေရိကန် သည် လူမှုဘဝသာယာဝပြောမှုအညွှန်းကိန်းတွင် ကမ္ဘာ့အဆင့် ၄၈ သို့ ရောက်ရှိနေပြီး အနောက်အုပ်စု အင်အားကြီးနိုင်ငံအများစုမှာလည်း ထိပ်တန်းအဆင့် ၂၀ အတွင်း၌ ပါဝင်နိုင်ခြင်းမရှိကြောင်း လေ့လာသုံးသပ်ချက်တွင် ဖော်ပြထားသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 5-May-2026
ပြည်ထောင်စုဝန်ကြီး ဦးခင်မောင်ရီ မြန်မာနိုင်ငံဆိုင်ရာ ပါကစ္စတန် သံအမတ်ကြီး H.E. Mr. Tariq Karim အား လက်ခံတွေ့ဆုံ
ပြည်ထောင်စုဝန်ကြီး ဦးခင်မောင်ရီ မြန်မာနိုင်ငံဆိုင်ရာ ပါကစ္စတန် သံအမတ်ကြီး H.E. Mr. Tariq Karim အား လက်ခံတွေ့ဆုံ
နေပြည်တော် မေ ၄ နိုင်ငံတော်သမ္မတရုံး ပြည်ထောင်စုဝန်ကြီး ဦးခင်မောင်ရီသည် မြန်မာနိုင်ငံဆိုင်ရာ ပါကစ္စတန် သံအမတ်ကြီး H.E. Mr. Tariq Karim အား ယနေ့ မွန်းလွဲပိုင်းတွင် နေပြည်တော်ရှိ နိုင်ငံတော်သမ္မတရုံး ဧည့်တွေ့ဆောင်၌ လက်ခံတွေ့ဆုံသည်။ တွေ့ဆုံစဉ်  မြန်မာနိုင်ငံနှင့် ပါကစ္စတန်နိုင်ငံတို့အကြား ရှိရင်းစွဲချစ်ကြည်ရင်းနှီးမှုကို တိုးမြှင့်နိုင်မည့် အခြေအနေ၊ စီးပွားရေးနှင့် ကုန်သွယ်မှုများမြှင့်တင်နိုင်မှု အခြေအနေတို့ကို ရင်းနှီးပွင့်လင်းစွာ အမြင်ချင်း ဖလှယ်ဆွေးနွေးကြသည်။ တွေ့ဆုံပွဲသို့    နိုင်ငံတော်သမ္မတရုံးမှ ညွှန်ကြားရေးမှူးချုပ်နှင့် တာဝန်ရှိသူများ တက်ရောက်ကြကြောင်း သိရသည်။    သတင်းစဉ်MDN
Tue, 5-May-2026
ကံမမြို့နယ်ရှိ မွေးမြူရေးခြံလုပ်ငန်း မှတ်ပုံတင်လက်မှတ် ထုတ်ပေးနိုင်ရေး ကွင်းဆင်းဆောင်ရွက်
ကံမမြို့နယ်ရှိ မွေးမြူရေးခြံလုပ်ငန်း မှတ်ပုံတင်လက်မှတ် ထုတ်ပေးနိုင်ရေး ကွင်းဆင်းဆောင်ရွက်
ကံမ မေ ၄ မကွေးတိုင်းဒေသကြီး ကံမမြို့နယ်၌  မွေးမြူရေးနှင့်ကုသရေးဦးစီးဌာနက တိရစ္ဆာန် ကျန်းမာရေးနှင့် မွေးမြူရေးလုပ်ငန်းဖွံ့ဖြိုး တိုးတက်ရေးဥပဒေပါ လုပ်ငန်းတစ်ရပ်ဖြစ်သည့် စီးပွားဖြစ် အသားစားကြက်မွေးမြူရေးခြံများအား မွေးမြူရေးခြံလုပ်ငန်း မှတ်ပုံတင်လက်မှတ် ထုတ်ပေးနိုင်ရေး ရက်(၁၀၀)စီမံချက်ဖြင့် ကွင်းဆင်းဆောင်ရွက်လျက်ရှိသည်။ ထိုသို့ဆောင်ရွက်ရာတွင် မြို့နယ် မွေးမြူရေးနှင့် ကုသရေးဦးစီးဌာနမှ မြို့နယ်တာဝန်ခံ ဒုတိယဦးစီးမှူး ဒေါက်တာဖြူသန့်ထွန်းနှင့် ဝန်ထမ်းများက ကံမမြို့နယ်ရှိ စီးပွားဖြစ် အသားစားကြက် မွေးမြူရေးခြံ ငါးခြံအား  ရက်(၁၀၀)အတွင်း မွေးမြူရေးခြံလုပ်ငန်း မှတ်ပုံတင်လက်မှတ်ထုတ်ပေးနိုင်ရေးအတွက် ကျေးရွာအရောက် ကွင်းဆင်းစစ်ဆေးခဲ့ကြောင်း သိရသည်။ ကျော်ဇေယျဝင်း(ကံမ)MDN
Tue, 5-May-2026
© Copyright 2024 SAC All Rights Reserved.