မင်္ဂလာဒုံမြို့နယ်၌ ဇီဝဇိုးငှက်မွေးမြူရေးလုပ်ငန်းများ စနစ်တကျဖြစ်စေရေး ကွင်းဆင်းစစ်ဆေး

News Image

ရန်ကုန် မေ ၁၁

ရန်ကုန်တိုင်းဒေသကြီး မင်္ဂလာဒုံမြို့နယ်မွေးမြူရေးနှင့်ကုသရေးဦးစီးဌာနက အစိုးရ၏ ရက်(၁၀၀) စီမံချက်ကာလအတွင်း စီးပွားရေးလုပ်ငန်းတစ်ခု ဖြစ်လာသည့် ဇီဝဇိုးငှက်မွေးမြူ၍ ငှက်သိုက်ထုတ်လုပ်ခြင်း၊ ဇီဝဇိုးငှက်သိုက် ကုန်ကြမ်းသန့်စင်ခြင်း၊ ပြုပြင်ထုတ်လုပ်ခြင်း လုပ်ငန်းများအား စနစ်တကျ မွေးမြူထုတ်လုပ်နိုင်ရေး ကွင်းဆင်းစစ်ဆေးသည်။

ယင်းသို့ စစ်ဆေးရာတွင် ပြည်ပသို့ တင်ပို့ရောင်းချနိုင်ရေးအတွက် ရောဂါကင်းရှင်းသော ဇီဝဇိုးငှက် မွေးမြူရေးလုပ်ငန်းဖြစ်စေရန် အဆောက်အအုံ (ငှက်အိမ်)၊ တည်နေရာနှင့် စာရင်းကောက်ယူခြင်း လုပ်ငန်းကို မေ ၉ ရက်က ရန်ကုန်တိုင်းဒေသကြီး ဒုတိယတိုင်းဒေသကြီး ဦးစီးမှူး၊ မြို့နယ်အုပ်ချုပ်ရေးမှူး၊ ရွှေနံ့သာကျေးရွာအုပ်ချုပ်ရေးအဖွဲ့တို့နှင့် မြို့နယ်မွေးမြူရေးနှင့် ကုသရေးဦးစီးဌာနမှ မြို့နယ်ဦးစီးမှူး ဒေါက်တာနေခြည်နွေးတို့က ပူးပေါင်းကောက်ယူ ဆောင်ရွက်ခဲ့ကြောင်း သိရသည်။

ရဲရင့်သိန်းထွန်း

MDN

MM-News-Category

စီးပွားရေးကဏ္ဍသတင်း

စီးပွားရေး-ပြည်တွင်းသတင်း

နိုင်ငံသားများကို လောင်စာဆီချွေတာသုံးစွဲရန် အိန္ဒိယဝန်ကြီးချုပ် တိုက်တွန်း

နယူးဒေလီ မေ ၁၂ကမ္ဘာ့စွမ်းအင်ဈေးနှုန်းများ မြင့်တက်နေချိန်တွင် နိုင်ငံသားများကို လောင်စာဆီ လျှော့ချအသုံးပြုရေးအပါအဝင် ခြိုးခြံချွေတာရေးအစီအစဉ်များအား လိုက်နာကျင့်သုံးကြရန် အိန္ဒိယဝန်ကြီးချုပ် နာရိန်ဒရာမိုဒီက တိုက်တွန်းလိုက်သည်။ကိုဗစ်-၁၉ ကပ်ရောဂါ ကူးစက်ဖြစ်ပွားသည့် ကာလအတွင်း ကျင့်သုံးခဲ့သည့် နေအိမ်မှ အလုပ်လုပ်သည့်အစီအစဉ်အား လိုအပ်၍ နိုင်ငံအကျိုးရှိမည်ဆိုပါက ပြန်လည်စတင်သင့်ပြီး နည်းလမ်းပေါင်းစုံဖြင့် ဓာတ်ဆီနှင့် ဒီဇယ် စသည့်စက်သုံးဆီအသုံးပြုမှုများကို လျှော့ချသွားရမည်ဖြစ်ကြောင်း ယမန်နေ့ လူထုအစည်းအဝေးပွဲတစ်ခုတွင် ၎င်းက ပြောကြားခဲ့သည်။ ပြည်သူများအား အများပြည်သူသယ်ယူပို့ဆောင်ရေးယာဉ်များကို ပိုမိုအသုံးပြုရန်နှင့် ပြည်ပသို့ မလိုအပ်ဘဲ ခရီးမသွားရန်တို့အပြင် နိုင်ငံခြားမှတင်သွင်းသည့် စားရေရိက္ခာများကိုလည်း ဝယ်ယူမှုလျှော့ချရန် တိုက်တွန်းခဲ့သည်။နယူးဒေလီရှိ မြို့ခံများမှာ စက်သုံးဆီနှင့်ပတ်သက်၍ စိုးရိမ်မကင်းရှိနေကြပြီး အမျိုးသားတစ်ဦးက ယခုအစီအစဉ်မှာ ထင်သလောက်မလွယ်ကူဟုပြောကြားခဲ့သော်လည်း အများစုမှာ ဝန်ကြီးချုပ်၏ အစီအမံများကို သဘောကျလျက်ရှိသည်။အိန္ဒိယနိုင်ငံသည် ရေနံစိမ်းနှင့် သဘာဝဓာတ်ငွေ့ကဏ္ဍတွင် အဓိကအားဖြင့် အရှေ့အလယ်ပိုင်းကို မှီခိုနေရသည်။ အစိုးရက ဓာတ်ဆီနှင့် ဒီဇယ်ဈေးနှုန်းများကို ထိန်းချုပ်ထားသော်လည်း အရှေ့အလယ်ပိုင်းဒေသ မတည်ငြိမ်မှုများ ရှည်ကြာလာပါက အိန္ဒိယ၏ စီးပွားရေးအပေါ် ဝန်ထုပ်ဝန်ပိုး ဖြစ်လာမည်ကို စိုးရိမ်မှုများ တိုးလာနေသည်။ဆင်ဟွာ၊ အင်န်အိတ်ချ်ကေMDN

Wed, 13-May-2026

အမေရိကန်၌ လျှပ်စစ်ကားထုတ်လုပ်ခြင်းထက် အိန္ဒိယတွင် ရင်းနှီးမြှုပ်နှံရန် ဂျပန်ကားကုမ္ပဏီများ ပိုမိုစိတ်ဝင်စားလာ

တိုကျို မေ ၁၂ဂျပန်ကားထုတ်လုပ်သော ကုမ္ပဏီများသည် ဝယ်လိုအားမြင့်တက်နေသော အိန္ဒိယနိုင်ငံ၌ မော်တော်ကားထုတ်လုပ်မှုနှင့် အရောင်းမြှင့်တင်ရေး ကြိုးပမ်းအားထုတ်မှုများကို အရှိန်အဟုန်မြှင့် ဆောင်ရွက်လျက်ရှိသည်။တိုယိုတာမော်တော်ကားကုမ္ပဏီက အိန္ဒိယနိုင်ငံအနောက်ပိုင်းတွင် တပ်ဆင်ရေးစက်ရုံအသစ်ကို တည်ဆောက်သွားရန် စီစဉ်နေပြီး ၂၀၂၉ ခုနှစ် ပထမနှစ်ဝက်အတွင်း မဟာရပ်ရှ်ထရာပြည်နယ်၌ SUVs ကားများ စတင်ထုတ်လုပ်သွားမည်ဖြစ်ကြောင်း မေ ၁၁ ရက်က ကြေညာခဲ့သည်။ အဆိုပါ စက်ရုံအသစ်မှာ အိန္ဒိယနိုင်ငံရှိ တိုယိုတာကုမ္ပဏီ၏ လေးခုမြောက်စက်ရုံဖြစ်လာမည်ဖြစ်ပြီး နိုင်ငံအတွင်း ကားထုတ်လုပ်နိုင်စွမ်းကိုလည်း တစ်နှစ်လျှင် အစီးရေ ငါးသိန်းခန့်အထိ တိုးမြှင့် ထုတ်လုပ်ပေးနိုင်မည်ဖြစ်သည်။အိန္ဒိယကားဈေးကွက်ကို ဦးဆောင်လျက်ရှိသော ဆူဇူကီးကားကုမ္ပဏီက ၂၀၃၀ ဘဏ္ဍာနှစ် နောက်ဆုံးထား၍ နှစ်စဉ်ကားထုတ်လုပ်နိုင်စွမ်းကို အစီးရေ လေးသန်းအထိ တိုးမြှင့်ထုတ်လုပ်ရန် ရည်ရွယ်ထားပြီး ဟွန်ဒါကားကုမ္ပဏီကလည်း အိန္ဒိယနိုင်ငံကို အဓိကဈေးကွက်တစ်ခုအဖြစ် အလေးထားရှုမြင်ကာ မော်ဒယ်လ်အသစ်များကို ရောင်းချသွားရန် စီစဉ်နေသည်။ဂျပန်မော်တော်ကားထုတ်လုပ်သည့် ကုမ္ပဏီအများစုသည် အမေရိကန်ပြည်ထောင်စုရှိ ၎င်းတို့၏ လျှပ်စစ်ကားဆိုင်ရာ မဟာဗျူဟာများကို ပြန်လည်သုံးသပ်နေချိန်တွင် ဝယ်လိုအားမြင့်တက်နေသော အိန္ဒိယမော်တော်ကားဈေးကွက်ဆီသို့ အာရုံကျလာခြင်းဖြစ်သည်။နစ်ဆန်းကုမ္ပဏီကလည်း ၂၀၂၈ ခုနှစ်မှစတင်ကာ မစ္စစ္စပီပြည်နယ်ရှိ ၎င်းတို့၏စက်ရုံတွင် လျှပ်စစ်ကား SUVs အမျိုးအစား နှစ်မျိုးထုတ်လုပ်မည့်အစီအစဉ်ကို ဖျက်သိမ်းလိုက်ပြီး စက်ရုံတွင် ဟိုက်ဘရစ်နှင့် အခြားမော်ဒယ်လ်များ ထုတ်လုပ်မှုမြှင့်တင်ရန် ရည်ရွယ်ထားကြောင်း သိရသည်။အင်န်အိတ်ချ်ကေMDN

Wed, 13-May-2026

လပွတ္တာမြို့နယ်မှ ရန်ကုန်ဈေးကွက်သို့ ပြီးခဲ့သည့်ဧပြီလအတွင်း မျှင်ငါးပိ ပိဿာအများအပြား တင်ပို့ရောင်းချနိုင်

လပွတ္တာ မေ ၁၂ ဧရာဝတီတိုင်းဒေသကြီး လပွတ္တာမြို့နယ်မှ ရန်ကုန်ဈေးကွက်သို့ ပြီးခဲ့သည့် ဧပြီလအတွင်း မျှင်ငါးပိ ပိဿာအများအပြား တင်ပို့ရောင်းချနိုင်ကြောင်း လပွတ္တာမြို့နယ်၌ ငါးပိ၊ ငါးခြောက်ရောင်းဝယ်ရေးလုပ်ငန်း လုပ်ကိုင်သူ ဒေါ်ဝင်းမော်၏ ပြောကြားချက်အရ သိရသည်။လပွတ္တာမြို့နယ်မှ ဒေသထွက် မျှင်ငါးပိများကို ရန်ကုန်ဈေးကွက်သို့ အဓိကတင်ပို့ ရောင်းချရာ ပြီးခဲ့သည့်မတ်လက မျှင်ငါးပိ ပိဿာ ၅၅၀၀၀ ခန့် တင်ပို့ရောင်းချနိုင်ခဲ့ပြီး ဧပြီလ ၁ ရက်မှ ၃၀ ရက်အထိ တစ်လတာကာလအတွင်း မျှင်ငါးပိ ပိဿာ ၆၆၀၀၀ ခန့်အထိ တင်ပို့ရောင်းချနိုင်ကြောင်း သိရသည်။ "ရန်ကုန်ဈေးကွက်ဘက်က လက်ရှိမှာလည်း မျှင်ငါးပိဝယ်ကုန်က အရမ်းများနေပါတယ်။ မျှင်ငါးပိတွေက ပြည်တွင်းဈေးကွက်မှာ ဝယ်လိုအားကောင်းလာတဲ့အပြင် ဈေးကောင်းလည်းရနေတယ်။ အခုလို မျှင်ငါးပိတွေ ပြန်ပြီးတော့ အရောင်းအဝယ်ကောင်းလာလို့ လုပ်ငန်းရှင်တွေအပြင် လုပ်သားတွေပါ အဆင်ပြေလာပါတယ်'' ဟု ဒေါ်ဝင်းမော်ကပြောသည်။ လပွတ္တာမြို့နယ်၌ ရေထွက်ကုန်ရောင်းဝယ်ရေးလုပ်ငန်း လုပ်ကိုင်သူများသည် ဒေသခံရေလုပ်သားများ ပင်လယ်ပြင်မှရရှိသော မျှင်ကောင်များကို ဝယ်ယူပြီး အသင့်စားသုံးနိုင်သော မျှင်ငါးပိအဖြစ် ထုတ်လုပ်ရောင်းချကြောင်း၊ အဆိုပါမျှင်ငါးပိထုတ်လုပ် ရောင်းချသည့်လုပ်ငန်းသည် ဒေသထုတ်ကုန်စီးပွားရေး လုပ်ငန်းတစ်ခု ဖြစ်ကြောင်း သိရသည်။ MWD

Wed, 13-May-2026

တောင်ကိုရီးယားနိုင်ငံ၏ပို့ကုန်များ မေလ ပထမ ၁၀ ရက်အတွင်း ၄၃ ဒသမ ၇ ရာခိုင်နှုန်း မြင့်တက်

မေ ၁၂တောင်ကိုရီးယား၏ပို့ကုန်များသည် ပြည်တွင်းထုတ် တစ်ပိုင်းလျှပ်ကူးပစ္စည်းများအတွက် ၀ယ်လိုအား မြင့်တက်လာခြင်းကြောင့် မေလ ပထမ ၁၀ ရက်အတွင်း ၄၃ ဒသမ ၇ ရာခိုင်နှုန်းမြင့်တက်ခဲ့ကြောင်း အကောက်ခွန်ရုံး၏ အချက်အလက်များက ယမန်နေ့ကဖော်ပြထားသည်။ကိုရီးယား အကောက်ခွန်ဌာန၏ ပြောကြားချက်အရ မေလ ၁ ရက်မှ ၁၀ ရက်အတွင်း ပြည်ပတင်ပို့မှု အမေရိကန်ဒေါ်လာ ၁၈ ဒသမ ၄၃ ဘီလီယံ ရှိကာ ယမန်နှစ်အလားတူကာလတူနှင့် နှိုင်းယှဉ်ပါက ၄၃ ဒသမ ၇ ရာခိုင်နှုန်း မြင့်တက်ခဲ့သည်ဟု သိရသည်။၎င်းသည် ဖော်ပြထားသောကာလအတွင်း အမြင့်ဆုံးစံချိန်တင်ခဲ့ပြီး ၂၀၂၄ ခုနှစ်က စံတင်ခဲ့သည့် ဒေါ်လာ ၁၆ ဒသမ ၈ ဘီလီယံကို ကျော်လွန်သွားသည်ဟု သိရသည်။ကိုးကား-ဆင်ဟွာဘာသာပြန်-မြင့်မြင့်ချိုMDN

Tue, 12-May-2026

မလေးရှားနိုင်ငံ၌ ယခုနှစ်ပထမသုံးလပတ်တွင် အလုပ်လက်မဲ့နှုန်း ၂ ဒသမ ၉ ရာခိုင်နှုန်းအထိ ကျဆင်း

မေ ၁၂မလေးရှားနိုင်ငံ၌၂၀၂၆ ခုနှစ် ပထမသုံးလပတ်တွင် အလုပ်လက်မဲ့နှုန်းသည် ၂ ဒသမ ၉ ရာခိုင်နှုန်းအထိ ကျဆင်းသွားကြောင်း ယနေ့တွင် အချက်အလက်ဖော်ပြထားသည်။အဆိုပါအလုပ်လက်မဲ့ဦးရေ ၀ ဒသမ ၄ ရာခိုင်နှုန်း ကျဆင်းပြီး ၅၀၆၅၀၀ ဦးသာ ရှိတော့ပြီး ယခင်သုံးလပတ်က ၃ ရာခိုင်နှုန်းမှ ၀ ဒသမ ၁ ရာခိုင်နှုန်း ကျဆင်းသွားကြောင်း မလေးရှားစာရင်းအင်းဌာနက ကြေညာချက်တစ်စောင်တွင် ဖော်ပြခဲ့သည်။အလုပ်သမားအင်အား ၀ ဒသမ ၃ ရာခိုင်နှုန်း မြင့်တက်လာပြီး ၁၇ ဒသမ ၂၃ သန်းအထိ ရှိလာကာ အလုပ်ရှိသူဦးရေသည်လည်း ၀ ဒသမ ၃ ရာခိုင်နှုန်း မြင့်တက်လာပြီး ၁၆ ဒသမ ၇၃ သန်းအထိ ရှိလာသည်ဟု သိရသည်။အလုပ်သမားအင်အား ပါဝင်မှုနှုန်းသည်လည်း ယခင်သုံးလပတ်နှင့် ပြောင်းလဲမှုမရှိ ၇၀ ဒသမ ၉ ရာခိုင်နှုန်းတွင် တည်ငြိမ်နေကြောင်း ဖော်ပြထားသည်။မလေးရှား၏အလုပ်သမားဈေးကွက်သည် ခိုင်မာသော ပြည်တွင်းအခြေခံစီးပွားရေးအခြေအနေများနှင့် ဆက်လက်ဖြစ်ပေါ်နေသော စီးပွားရေးဖွဲ့စည်းပုံ အပြောင်းအလဲများကြောင့် လာမည့်လများတွင် ယေဘုယျအားဖြင့် တည်ငြိမ်နေမည်ဟု စာရင်းအင်းဌာနက မျှော်လင့်ထားကြောင်း ပြောကြားခဲ့သည်ဟု သိရသည်။ကိုးကား-ဆင်ဟွာဘာသာပြန်-မြင့်မြင့်ချိုMDN

Tue, 12-May-2026

မင်္ဂလာဒုံမြို့နယ်၌ ဇီဝဇိုးငှက်မွေးမြူရေးလုပ်ငန်းများ စနစ်တကျဖြစ်စေရေး ကွင်းဆင်းစစ်ဆေး

ရန်ကုန် မေ ၁၁ ရန်ကုန်တိုင်းဒေသကြီး မင်္ဂလာဒုံမြို့နယ်မွေးမြူရေးနှင့်ကုသရေးဦးစီးဌာနက အစိုးရ၏ ရက်(၁၀၀) စီမံချက်ကာလအတွင်း စီးပွားရေးလုပ်ငန်းတစ်ခု ဖြစ်လာသည့် ဇီဝဇိုးငှက်မွေးမြူ၍ ငှက်သိုက်ထုတ်လုပ်ခြင်း၊ ဇီဝဇိုးငှက်သိုက် ကုန်ကြမ်းသန့်စင်ခြင်း၊ ပြုပြင်ထုတ်လုပ်ခြင်း လုပ်ငန်းများအား စနစ်တကျ မွေးမြူထုတ်လုပ်နိုင်ရေး ကွင်းဆင်းစစ်ဆေးသည်။ ယင်းသို့ စစ်ဆေးရာတွင် ပြည်ပသို့ တင်ပို့ရောင်းချနိုင်ရေးအတွက် ရောဂါကင်းရှင်းသော ဇီဝဇိုးငှက် မွေးမြူရေးလုပ်ငန်းဖြစ်စေရန် အဆောက်အအုံ (ငှက်အိမ်)၊ တည်နေရာနှင့် စာရင်းကောက်ယူခြင်း လုပ်ငန်းကို မေ ၉ ရက်က ရန်ကုန်တိုင်းဒေသကြီး ဒုတိယတိုင်းဒေသကြီး ဦးစီးမှူး၊ မြို့နယ်အုပ်ချုပ်ရေးမှူး၊ ရွှေနံ့သာကျေးရွာအုပ်ချုပ်ရေးအဖွဲ့တို့နှင့် မြို့နယ်မွေးမြူရေးနှင့် ကုသရေးဦးစီးဌာနမှ မြို့နယ်ဦးစီးမှူး ဒေါက်တာနေခြည်နွေးတို့က ပူးပေါင်းကောက်ယူ ဆောင်ရွက်ခဲ့ကြောင်း သိရသည်။ရဲရင့်သိန်းထွန်းMDN

Tue, 12-May-2026

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

မင်္ဂလာဒုံမြို့နယ်၌ ဇီဝဇိုးငှက်မွေးမြူရေးလုပ်ငန်းများ စနစ်တကျဖြစ်စေရေး ကွင်းဆင်းစစ်ဆေး

News Image

Event & Guidlines

Contact

Quick Link

လုံခြုံရေးကဏ္ဍသတင်းများ

နိုင်ငံရေးကဏ္ဍသတင်းများ

စီးပွားရေးကဏ္ဍသတင်းများ

လူမှုရေးကဏ္ဍသတင်းများ

တိုင်းရင်းသားရေးရာကဏ္ဍသတင်းများ

နည်းပညာကဏ္ဍ

အထွေထွေသတင်းများ

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

လုံခြုံရေးကဏ္ဍအကြောင်းဆောင်းပါးများ

နိုင်ငံရေးကဏ္ဍအကြောင်းဆောင်းပါးများ

စီးပွားရေးကဏ္ဍအကြောင်းဆောင်းပါးများ

လူမှုရေးကဏ္ဍအကြောင်းဆောင်းပါးများ

တိုင်းရင်းသားရေးရာကဏ္ဍအကြောင်းဆောင်းပါးများ

နည်းပညာကဏ္ဍ

အထွေထွေအကြောင်းဆောင်းပါးများ

လုံခြုံရေးကဏ္ဍအကြောင်းဆွေးနွေးခြင်း

နိုင်ငံရေးကဏ္ဍအကြောင်းဆွေးနွေးခြင်း

စီးပွားရေးကဏ္ဍအကြောင်းဆွေးနွေးခြင်း

လူမှုရေးကဏ္ဍအကြောင်းဆွေးနွေးခြင်း

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေအကြောင်းဆွေးနွေးခြင်း

လုံခြုံရေးကဏ္ဍ

နိုင်ငံရေးကဏ္ဍ

စီးပွားရေးကဏ္ဍ

လူမှုရေးကဏ္ဍ

တိုင်းရင်းသားရေးရာကဏ္ဍ

နည်းပညာကဏ္ဍ

အထွေထွေ

News Image

ဆက်စပ်သတင်းများ

Event & Guidlines

Contact

Quick Link