နာဆာ၏ ဆိုက်ခီအာကာသယာဉ်က အင်္ဂါဂြိုဟ်ကို အနီးကပ်ဖြတ်ကျော်ပျံသန်းခဲ့

KookieSpace97

News Image

  • နာဆာ၏ ဆိုက်ခီအာကာသယာဉ်က အင်္ဂါဂြိုဟ်ကို အနီးကပ်ဖြတ်ကျော်ပျံသန်းခဲ့

ဝါရှင်တန် မေ ၁၈

အမေရိကန်အစိုးရ အမျိုးသားလေကြောင်းနှင့် အာကာသစီမံခန့်ခွဲရေးအေဂျင်စီ (နာဆာ)၏ ဆိုက်ခီ အာကာသယာဉ်သည် အင်္ဂါဂြိုဟ်ကို အနီးကပ်ဖြတ်ကျော် ပျံသန်းခဲ့ကြောင်း မေ ၁၇ ရက်သတင်းများအရ သိရသည်။

ဆိုက်ခီအမည်ရှိ သတ္တုဂြိုဟ်သိမ် တစ်စင်းဆီသို့ ခရီးနှင်နေသော အာကာသယာဉ်သည် ပျံသန်းရာလမ်းကြောင်းထိန်းညှိရေးအတွက် အင်္ဂါဂြိုဟ်ကို အနီးကပ်ဖြတ်ကျော် ပျံသန်းခဲ့ခြင်းဖြစ်ကြောင်း သိရသည်။

နာဆာ၏ သတင်းထုတ်ပြန်ချက်အရ ဆိုက်ခီအာကာသယာဉ်သည် အင်္ဂါဂြိုဟ်ကို ဂြိုဟ်မျက်နှာ ပြင်နှင့် မိုင်၂၈၀၀ အကွာမှတစ်နာရီလျှင် ၁၂၃၃၃ မိုင် အမြန်နှုန်းဖြင့် ဖြတ်ကျော်ပျံသန်းခဲ့ကြောင်းသိရသည်။

အင်္ဂါဂြိုဟ်ကို အနီးကပ်ဖြတ်ကျော်ပျံသန်းချိန်တွင် ဆိုက်ခီ အာကာသယာဉ်ပေါ်ရှိ စူးစမ်းလေ့လာရေးစနစ်များက အင်္ဂါဂြိုဟ် ဘူမိလက္ခဏာများကို လေ့လာခဲ့ကြောင်း နာဆာ တာဝန်ရှိသူများက ပြောကြားသည်။

နာဆာအဖွဲ့သည် အင်္ဂါဂြိုဟ်နှင့် ကြာသပတေးဂြိုဟ်ကြား ဂြိုဟ်သိမ်ခါးပတ်ကွင်းနယ်မြေအတွင်းရှိ ဆိုက်ခီသတ္တုဂြိုဟ်သိမ်ကို လေ့လာရေးအတွက် ဆိုက်ခီအာကာသယာဉ်ကို ၂၀၂၃ ခုနှစ်တွင်လွှတ်တင်ခဲ့ကြောင်း သိရသည်။

ဆိုက်ခီ အာကာသယာဉ်သည် ၂၀၂၉ ခုနှစ်တွင် ဆိုက်ခီသတ္တုဂြိုဟ်သိမ်ဆီသို့ ရောက်ရှိမည်ဖြစ်ပြီး နှစ်နှစ်ကြာ စူးစမ်းလေ့လာရေးမစ်ရှင်ကို စတင်မည်ဖြစ်ကြောင်း သိရသည်။

ရတနာပုံ

MM-News-Category
နည်းပညာသတင်း
နည်းပညာ - နိုင်ငံတကာသတင်း

ဆက်စပ်သတင်းများ

ထိုင်းစစ်တပ်က AI နှင့် အလိုအလျောက်မောင်းနှင်စနစ်သုံး ခေတ်သစ် စစ်ဆင်ရေးစီမံကိန်းကို အကောင်အထည်ဖော်မည်
ထိုင်းစစ်တပ်က AI နှင့် အလိုအလျောက်မောင်းနှင်စနစ်သုံး ခေတ်သစ်စစ်ဆင်ရေးစီမံကိန်းကို အကောင်အထည်ဖော်မည်
ထိုင်းတော်ဝင်စစ်တပ်သည် လျင်မြန်စွာပြောင်းလဲနေသော လုံခြုံရေးနှင့် နည်းပညာဆိုင်ရာစိန်ခေါ်မှုများကို ရင်ဆိုင်နိုင်ရန်အတွက် ခေတ်သစ်စစ်ပွဲများတွင် AI နှင့် အလိုအလျောက်ထိန်းချုပ်မောင်းနှင်စနစ်သုံးနည်းပညာများ (Autonomous Technologies) ကို မြှင့်တင်အသုံးပြုသွားမည့် စစ်မဟာဗျူဟာစီမံကိန်းကို ချမှတ်လိုက်သည်။ စစ်သေနာပတိချုပ် ဗိုလ်ချုပ်ကြီး ဥခရစ် ဘွန်တာနွန်ဒါ ဦးဆောင်ပါဝင်သော ကြည်း၊ ရေ၊ လေ တပ်ဖွဲ့အရာရှိချုပ်များနှင့် အမျိုးသားရဲတပ်ဖွဲ့ချုပ်တို့၏ ၂၀၂၆ ခုနှစ် ဘဏ္ဍာရေးနှစ် စတုတ္ထအကြိမ်မြောက် အစည်းအဝေးတွင် ထိုင်းစစ်ဌာနချုပ်က ကြည်း၊ ရေ၊ လေ၊ အာကာသနှင့် ဆိုက်ဘာနယ်ပယ် အားလုံး အကျုံးဝင်သည့် နယ်ပယ်စုံစစ်ဆင်ရေး (All Domain Operations) ဆိုင်ရာ မျှော်မှန်းချက်ကိုချပြခဲ့ပြီး လာမည့်ဘဏ္ဍာရေးနှစ်တွင် ပူးတွဲ စွမ်းဆောင်ရည်ကွပ်ကဲမှုဌာန (Joint Capabilities Command - JCC) အသစ်တစ်ခုကို တည်ထောင်ရန်စီစဉ်နေကြောင်း ထုတ်ပြန်ခဲ့သည်။ထိုမဟာဗျူဟာသည် စစ်ဆင်ရေးတိကျမှုကို မြှင့်တင်ရန်၊ စစ်သည်အကျအဆုံးလျှော့ချရန်နှင့် စစ်ဆင်ရေးများကို ၂၄ နာရီပတ်လုံး အဆက်မပြတ် ဆောင်ရွက်နိုင်ရန် ရည်ရွယ်ခြင်း ဖြစ်သည်။အဆိုပါ အလိုအလျောက်ထိန်းချုပ်မောင်းနှင်စနစ်များ ဖွံ့ဖြိုးတိုးတက်ရေးအတွက် ထိုင်းစစ်တပ်သည် အဆင့်သုံးဆင့်ပါဝင်သော မူဘောင်တစ်ခုကို သတ်မှတ်ထားသည်။ ပထမအဆင့်တွင် တိုက်ခိုက်ရေးဒရုန်းများနှင့် ဗုံးရှင်းလင်းရေးစက်ရုပ်များကဲ့သို့ လူသားများကသာ နောက်ဆုံးဖြတ်ချက်ချမည့် စနစ်၊ ဒုတိယအဆင့်တွင် မောင်းသူမဲ့ရေယာဉ်များနှင့် အလိုအလျောက် မောင်းနှင်သည့်ယာဉ်တန်းများကဲ့သို့ လူသားများ၏ ရံဖန်ရံခါ ကြီးကြပ်မှုဖြင့် လည်ပတ်မည့်စနစ်နှင့် တတိယအဆင့်တွင် လူသားများဝင်ရောက်ရန် မဖြစ်နိုင်သည့် အန္တရာယ်ကြီးမားသော ပတ်ဝန်းကျင်များအတွက် အလို အလျောက်ထိန်းချုပ်မောင်းနှင်သည့် ဒရုန်းအုပ်စုများ (Drone Swarms) ကဲ့သို့ အပြည့်အဝ ကိုယ်ပိုင်ထိန်းချုပ်မောင်းနှင်စနစ်များ ဖြစ်သည်။ လက်ရှိတွင် JCC မူဘောင်အောက်၌ ပူးတွဲကိုယ်ပိုင်အုပ်ချုပ်ခွင့်ရစနစ်များနှင့် လေကြောင်းရန်ကာကွယ်ရေးတပ်ဖွဲ့တစ်ခုကို တည်ထောင်ထားပြီးဖြစ်သည့်အပြင် AI အခြေပြု ဆိုက်ဘာခြိမ်းခြောက်မှုရှာဖွေရေးစနစ်များနှင့် ဘေးအန္တရာယ်ကယ်ဆယ်ရေးဒရုန်းများကိုလည်း စတင်လက်တွေ့ အသုံးချနေပြီ ဖြစ်သည်။ ထို့အပြင် ကာကွယ်ရေးနည်းပညာတွင် ရေရှည်ကိုယ်ထူကိုယ်ထ ရပ်တည်နိုင်ရေးအတွက် ပြည်တွင်းကာကွယ်ရေးစက်မှုကဏ္ဍ၊ ချူလာလောင်ကွန်းတက္ကသိုလ်၊ မဟီဒေါတက္ကသိုလ်နှင့် ချင်းမိုင်တက္ကသိုလ်ကဲ့သို့သော ထိပ်တန်းတက္ကသိုလ်များနှင့်လည်း ပိုမိုနီးကပ်စွာ ပူးပေါင်းဆောင်ရွက်သွားမည် ဖြစ်ကြောင်း သိရှိရသည်။ကိုးကား- Bangkok Postဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Tue, 19-May-2026
နာဆာ၏ ဆိုက်ခီအာကာသယာဉ်က အင်္ဂါဂြိုဟ်ကို အနီးကပ်ဖြတ်ကျော်ပျံသန်းခဲ့
နာဆာ၏ ဆိုက်ခီအာကာသယာဉ်က အင်္ဂါဂြိုဟ်ကို အနီးကပ်ဖြတ်ကျော်ပျံသန်းခဲ့
ဝါရှင်တန် မေ ၁၈အမေရိကန်အစိုးရ အမျိုးသားလေကြောင်းနှင့် အာကာသစီမံခန့်ခွဲရေးအေဂျင်စီ (နာဆာ)၏ ဆိုက်ခီ အာကာသယာဉ်သည် အင်္ဂါဂြိုဟ်ကို အနီးကပ်ဖြတ်ကျော် ပျံသန်းခဲ့ကြောင်း မေ ၁၇ ရက်သတင်းများအရ သိရသည်။ဆိုက်ခီအမည်ရှိ သတ္တုဂြိုဟ်သိမ် တစ်စင်းဆီသို့ ခရီးနှင်နေသော အာကာသယာဉ်သည် ပျံသန်းရာလမ်းကြောင်းထိန်းညှိရေးအတွက် အင်္ဂါဂြိုဟ်ကို အနီးကပ်ဖြတ်ကျော် ပျံသန်းခဲ့ခြင်းဖြစ်ကြောင်း သိရသည်။နာဆာ၏ သတင်းထုတ်ပြန်ချက်အရ ဆိုက်ခီအာကာသယာဉ်သည် အင်္ဂါဂြိုဟ်ကို ဂြိုဟ်မျက်နှာ ပြင်နှင့် မိုင်၂၈၀၀ အကွာမှတစ်နာရီလျှင် ၁၂၃၃၃ မိုင် အမြန်နှုန်းဖြင့် ဖြတ်ကျော်ပျံသန်းခဲ့ကြောင်းသိရသည်။အင်္ဂါဂြိုဟ်ကို အနီးကပ်ဖြတ်ကျော်ပျံသန်းချိန်တွင် ဆိုက်ခီ အာကာသယာဉ်ပေါ်ရှိ စူးစမ်းလေ့လာရေးစနစ်များက အင်္ဂါဂြိုဟ် ဘူမိလက္ခဏာများကို လေ့လာခဲ့ကြောင်း နာဆာ တာဝန်ရှိသူများက ပြောကြားသည်။နာဆာအဖွဲ့သည် အင်္ဂါဂြိုဟ်နှင့် ကြာသပတေးဂြိုဟ်ကြား ဂြိုဟ်သိမ်ခါးပတ်ကွင်းနယ်မြေအတွင်းရှိ ဆိုက်ခီသတ္တုဂြိုဟ်သိမ်ကို လေ့လာရေးအတွက် ဆိုက်ခီအာကာသယာဉ်ကို ၂၀၂၃ ခုနှစ်တွင်လွှတ်တင်ခဲ့ကြောင်း သိရသည်။ဆိုက်ခီ အာကာသယာဉ်သည် ၂၀၂၉ ခုနှစ်တွင် ဆိုက်ခီသတ္တုဂြိုဟ်သိမ်ဆီသို့ ရောက်ရှိမည်ဖြစ်ပြီး နှစ်နှစ်ကြာ စူးစမ်းလေ့လာရေးမစ်ရှင်ကို စတင်မည်ဖြစ်ကြောင်း သိရသည်။ရတနာပုံ
Tue, 19-May-2026
စပေ့အိတ်ကုမ္ပဏီက ဒရာဂွန်အာကာသကုန်တင်ယာဉ် လွှတ်တင်မည့်အစီအစဉ်ကို ရာသီဥတုအခြေအနေကြောင့် ဖျက်သိမ်းခဲ့ရ
စပေ့အိတ်ကုမ္ပဏီက ဒရာဂွန်အာကာသကုန်တင်ယာဉ် လွှတ်တင်မည့်အစီအစဉ်ကို ရာသီဥတုအခြေအနေကြောင့် ဖျက်သိမ်းခဲ့ရ
ဝါရှင်တန် မေ ၁၄အမေရိကန်နိုင်ငံ အခြေစိုက် စပေ့အိတ်ကုမ္ပဏီသည် ဒရာဂွန် အာကာသကုန်တင်ယာဉ် လွှတ်တင်မည့်အစီအစဉ်ကို ရာသီဥတုအခြေအနေကြောင့် ဖျက်သိမ်းခဲ့ရကြောင်း မေ ၁၃ ရက် သတင်းများအရ သိရသည်။စပေ့အိတ်ကုမ္ပဏီသည် မူလက ဒရာဂွန် အာကာသကုန်တင်ယာဉ်ကို ဖလော်ရီဒါပြည်နယ် ကိပ်ကာနေဗာရယ် အာကာသစခန်းမှတစ်ဆင့် မေ ၁၃ ရက်တွင် ဖယ်လ်ကွန်- ၉ ဒုံးပျံဖြင့် လွှတ်တင်ရန် စီစဉ်ထားကြောင်း သိရသည်။သို့ရာတွင် ကိပ်ကာနေဗာရယ် အာကာသစခန်းနယ်မြေ၏ ရာသီဥတုအခြေအနေကြောင့် ဒရာဂွန် အာကာသကုန်တင်ယာဉ် လွှတ်တင်ရေးအစီအစဉ်ကို ဖျက်သိမ်းထားရကြောင်း စပေ့အိတ်ကုမ္ပဏီ က သတင်းထုတ်ပြန်ထားသည်။စပေ့အိတ်ကုမ္ပဏီသည် ဒရာဂွန်အာကာသ ကုန်တင်ယာဉ်ကို လွှတ်တင်ရေးအတွက် မေ ၁၅ ရက်တွင် ထပ်မံကြိုးပမ်းမည်ဖြစ်ကြောင်း သိရသည်။ဒရာဂွန် အာကာသကုန်တင်ယာဉ်သည် နိုင်ငံတကာအာကာသစခန်းမှ အာကာသယာဉ်မှူးများအတွက် စားနပ်ရိက္ခာနှင့် သိပ္ပံပညာစမ်းသပ်ပစ္စည်း စုစုပေါင်း ကုန်စည်အလေးချိန် ပေါင် ၆၅၀၀ ခန့် သယ်ဆောင်ထားကြောင်း သိရသည်။အဆိုပါ အာကာသကုန်တင်ယာဉ်သည် နာဆာနှင့်ရယူထားသည့် သဘောတူညီချက်အရ စပေ့အိတ်ကုမ္ပဏီက လွှတ်တင်ပေးမည့် ၃၄ ကြိမ်မြောက် နိုင်ငံတကာ အာကာသစခန်း ထောက်ပို့မစ်ရှင်ဖြစ်ကြောင်း သိရသည်။ရတနာပုံ
Fri, 15-May-2026
AI နှင့် ပတ်သက်၍ အမေရိကန်နှင့် တရုတ်နိုင်ငံတို့ကြား တူညီသော ဘုံသဘောထားဖြစ်ပေါ်
AI နှင့် ပတ်သက်၍ အမေရိကန်နှင့် တရုတ်နိုင်ငံတို့ကြား တူညီသော ဘုံသဘောထားဖြစ်ပေါ်
သမ္မတထရမ့်၏ ပေကျင်းခရီးစဉ်အတွင်း ထွက်ပေါ်လာသည့် ထူးခြားသောဆွေးနွေးမှုများအနက်တစ်ခုမှာ အမေရိကန်နှင့် တရုတ်နိုင်ငံတို့သည်တစ်နိုင်ငံနှင့်တစ်နိုင်ငံ အသာစီးရရန် အပြိုင်အဆိုင်ကြိုးပမ်းနေကြသော်လည်း ဉာဏ်ရည်တု (AI) နည်းပညာတွင် ပူးပေါင်းဆောင်ရွက်နိုင်မည့် အလားအလာပင် ဖြစ်သည်။နှစ်နိုင်ငံစလုံးသည် နည်းပညာဆန်းသစ်တီထွင်မှုကို အဟန့်အတားမဖြစ်စေဘဲ AI တိုးတက်လာမှုအပေါ် မည်ကဲ့သို့ စည်းကမ်းသတ်မှတ်ချက်များ (Guardrails) ချမှတ်နိုင်မည့်အကြောင်း ဆွေးနွေးခဲ့ကြသည်ဟု ဘဏ္ဍာရေးဝန်ကြီး Scott Bessent က ကြာသပတေးနေ့ (မေ ၁၄) တွင် ပြောကြားခဲ့သည်။အမေရိကန်-တရုတ် နည်းပညာပြိုင်ဆိုင်မှုကြောင့် ပထဝီနိုင်ငံရေးတင်းမာမှုများ မြင့်တက်လာခဲ့ပြီး မြေရှားသတ္တုများနှင့် တစ်ပိုင်းလျှပ်ကူး ပစ္စည်းများကဲ့သို့သော အရေးပါသည့် ကုန်ကြမ်းနှင့်အစိတ်အပိုင်းများ တစ်ဖက်နိုင်ငံသို့မရောက်ရှိစေရန် ပိတ်ပင်တားဆီးမှုများ ဖြစ်ပေါ်လာခဲ့သည်။AI နည်းပညာ ပိုမိုဆန်းပြားလာသည်နှင့်အမျှ ယင်း၏ သက်ရောက်မှုအပေါ် စိုးရိမ်ပူပန်မှုများက အစိုးရများနှင့် စားသုံးသူများကို မည်သို့ကာကွယ်ရမည်ဆိုသည့်အချက်အပေါ် ကမ္ဘာလုံးဆိုင်ရာဆွေးနွေးမှုများ ဖြစ်ပေါ်စေခဲ့သည်။ အမေရိကန် နည်းပညာကုမ္ပဏီကြီးအချို့က AI ကြောင့် လုပ်ငန်းစွမ်းဆောင်ရည်မြင့်တက်လာမှု၏ အကျိုးဆက်အဖြစ် ဝန်ထမ်းအင်အားလျှော့ချမှုများရှိနေသကဲ့သို့ တရုတ်နိုင်ငံရှိ အချို့သောတရားရုံး များကလည်း ကုမ္ပဏီများအနေဖြင့် လူသားဝန်ထမ်းများနေရာတွင် AI နှင့် လုံးဝအစားထိုးခြင်းမှာ တရားမဝင်ကြောင်း ဆုံးဖြတ်ချက်များ ချမှတ် ထားကြသည်။သို့သော်လည်း နည်းပညာလက်နက်ပြိုင်ပွဲတွင် အသာစီးရလိုသည့် နှစ်နိုင်ငံလုံး၏ ဆန္ဒကြောင့် ပူးပေါင်းဆောင်ရွက်ရေးကြိုးပမ်းမှုများမှာ အဟန့်အတားဖြစ်နိုင်ကြောင်း လေ့လာသုံးသပ်သူများက ဆိုကြသည်။သမ္မတ ထရမ့်နှင့်ရှီကျင့်ဖျင်တို့ မတွေ့ဆုံမီ သီတင်းပတ်အနည်းငယ်က အိမ်ဖြူတော် သိပ္ပံနှင့် နည်းပညာမူဝါဒဆိုင်ရာရုံး ညွှန်ကြားရေးမှူး Michael Kratsios က တရုတ်အဖွဲ့အစည်းများသည် အမေရိကန်၏ AI နည်းပညာများကို ခိုးယူနေကြောင်း အတွင်းရေးတင်ပြချက်တစ်ခုတွင် ရေးသားခဲ့သည်။"အကယ်၍ AI ကို နည်းပညာပြိုင်ဆိုင်မှုရှုထောင့်တစ်ခုတည်းကနေ ကြည့်မယ်ဆိုရင် အဓိပ္ပာယ်ရှိတဲ့ ပူးပေါင်းဆောင်ရွက်မှုလုပ်လို့ရသေးတဲ့ တကယ်လည်း အရေးတကြီးလိုအပ်နေတဲ့ ရှားရှားပါးပါး နယ်ပယ်တစ်ခုကို နှစ်နိုင်ငံလုံးလက်လွှတ်ရပါလိမ့်မယ်" ဟု တီရှန်ဟွာ တက္ကသိုလ်၊ နိုင်ငံတကာလုံခြုံရေးနှင့် မဟာဗျူဟာစင်တာမှ ဒုတိယညွှန်ကြားရေးမှူး Xiao Qian က ရေးသားဖော်ပြခဲ့သည်။ကိုးကား- CNNPhoto: The Starဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Fri, 15-May-2026
ရုရှားက ကမ္ဘာ့အင်အားအပြင်းဆုံး ဒုံးကျည်ကို စမ်းသပ်ပစ်ခတ်
ရုရှားက ကမ္ဘာ့အင်အားအပြင်းဆုံး ဒုံးကျည်ကို စမ်းသပ်ပစ်ခတ်
ရုရှားနိုင်ငံသည် ၎င်း၏ နျူကလီးယားအင်အားစုများကို ခေတ်မီစေရန် ကြိုးပမ်းမှုတစ်ရပ်အဖြစ် ကမ္ဘာ့အင်အားအပြင်းဆုံးဟု သတ်မှတ်ထားသည့် Sarmat တိုက်ချင်းပစ် အမြင့်ပျံဒုံးကျည်အသစ်ကို မေလ ၁၂ ရက်တွင် စမ်းသပ်ပစ်ခတ်ကြောင်း ရုရှားသမ္မတ ဗလာဒီမာပူတင်က ပြောသည်။ယူကရိန်းစစ်ပွဲ အဆုံးသတ်ရန် နီးကပ်နေပြီဟု ပူတင်က ပြောကြားပြီးနောက် ရက်ပိုင်းအကြာတွင် ယခုကဲ့သို့ စမ်းသပ်မှုပြုလုပ်ခြင်းဖြစ်သည်။ ဆိုဗီယက်ခေတ်ထုတ် Voyevoda ဒုံးကျည်များနေရာတွင် အစားထိုးရန် ထုတ်လုပ်ထားသည့် နျူကလီးယားထိပ်ဖူးတပ် Sarmat ဒုံးကျည်များသည် ယခုနှစ်ကုန်တွင် စစ်ဆင်ရေးတာဝန်များ စတင်ထမ်းဆောင်မည်ဖြစ်သည်။ထိုဒုံးကျည်သည် အနောက်အုပ်စုရှိ ဒုံးကျည်များထက် လေးဆကျော် ပိုမိုပြင်းထန်ကြောင်း ပူတင်က ပြောသည်။ အကွာအဝေး ကီလိုမီတာ ၃၅,၀၀၀ ကျော်အထိ ပစ်ခတ်နိုင်ပြီး မည်သည့်ဒုံးခွင်းဒုံးစနစ်ကိုမဆို ဖောက်ထွင်းနိုင်စွမ်းရှိသည့် Sarmat ဒုံးကျည်သည် အမေရိကန်၏ ဒုံးခွင်းဒုံးစနစ်များကို အသုံးမဝင်အောင် ပြုလုပ်နိုင်မည်ဟု ရုရှားကဆိုသည်။ထို့ပြင် ရုရှားနိုင်ငံသည် အသံထက် ၂၇ ဆ မြန်သည့် Avangard ဒုံးကျည်နှင့် ဥရောပရှိ မည်သည့်ပစ်မှတ်ကိုမဆို ထိမှန်အောင် ပစ်ခတ်နိုင်သည့် Oreshnik ဒုံးကျည်များကိုလည်း အဆင့်မြှင့်တင် အသုံးပြုလျက်ရှိကြောင်း သိရသည်။Ref: RTMWD
Thu, 14-May-2026
တောင်ကိုရီးယားက ရှေ့တန်းစစ်မျက်နှာများတွင် စက်ရုပ်များ အသုံးပြုရန် လေ့လာနေ
တောင်ကိုရီးယားက ရှေ့တန်းစစ်မျက်နှာများတွင် စက်ရုပ်များ အသုံးပြုရန် လေ့လာနေ
တောင်ကိုရီးယားတပ်မတော်တွင် စစ်သည်အင်အား သိသိသာသာ လျော့နည်းလာသည့် ပြဿနာကို ဖြေရှင်းနိုင်ရန်အတွက် ရှေ့တန်းစစ်မျက်နှာများတွင် စက်ရုပ်များ အသုံးပြုနိုင်ရေးကို လေ့လာဆောင်ရွက်နေကြောင်း သိရသည်။အဆိုပါအတွက် Hyundai Motor နှင့် မဟာဗျူဟာမြောက် ပူးပေါင်းဆောင်ရွက်နိုင်ရေးကို စူးစမ်းလေ့လာလျက်ရှိပြီး တောင်ကိုရီးယားကာကွယ်ရေးဝန်ကြီးဌာနသည် နည်းပညာအခြေပြု တပ်မတော်တစ်ရပ် တည်ဆောက်ရန် ဆွေးနွေးနေကြောင်း Bloomberg News သို့ အတည်ပြုထားသည်။စက်ရုပ်များကို ကင်းထောက်ခြင်း၊ ထောက်လှမ်းခြင်းနှင့် ထောက်ပံ့ပို့ဆောင်ရေးကဲ့သို့သော တိုက်ခိုက်ရေးမဟုတ်သည့် ကဏ္ဍများတွင် အသုံးပြုရန် စဉ်းစားနေခြင်းဖြစ်သည်။အသုံးပြုရန် လျာထားသည့် စနစ်များတွင် ခြေလေးချောင်းထောက်စက်ရုပ်များ၊ ဘီးလေးဘီးတပ် MobED နှင့် ခန္ဓာကိုယ်တွင် ဝတ်ဆင်နိုင်သည့် X-ble Shoulder အရန်ပစ္စည်းများ ပါဝင်သည်။တောင်ကိုရီးယားနိုင်ငံသည် လူဦးရေဆိုင်ရာ အကျပ်အတည်းကြောင့် စစ်သည်အင်အား လျော့နည်းလာမှုနှင့် ရင်ဆိုင်နေရသလို တစ်ဖက်တွင် ဒုံးကျည်ခြိမ်းခြောက်မှုများ မြင့်တက်နေသဖြင့် AI နည်းပညာအခြေပြု စက်ရုပ်စနစ်များတွင် ရင်းနှီးမြှုပ်နှံမှု တိုးမြှင့်လာခြင်းဖြစ်ကြောင်း သိရသည်။Ref: BloombergMWD
Tue, 12-May-2026
© Copyright 2024 SAC All Rights Reserved.