ရုရှားနိုင်ငံတွင် သုံးရက်ကြာ နျူကလီးယား စစ်ရေးလေ့ကျင့်မှု စတင်

NoahJune222

News Image

  • ရုရှားနိုင်ငံတွင် သုံးရက်ကြာ နျူကလီးယား စစ်ရေးလေ့ကျင့်မှု စတင်

    ပြည်ပရန်စွယ်များကို တုံ့ပြန်နိုင်စေရေး အတွက် ရုရှားတပ်မတော်က အသင့်ပြင်ဆင်သည့်အနေဖြင့် သုံးရက်ကြာမြင့်မည့် မဟာဗျူဟာမြောက် နျူကလီးယားစစ်ရေး လေ့ကျင့်ခန်းကို မေလ ၁၉ ရက်တွင်စတင်ကြောင်း ရုရှားကာကွယ်ရေးဝန်ကြီးဌာနကထုတ်ပြန်သည်။

မေလ ၁၉ ရက်မှ ၂၁ ရက်အထိကြာမြင့်မည့် စစ်ရေးလေ့ကျင့်ခန်း၌ စစ်သည်အင်အား ၆၄၀၀၀ နှင့် စစ်လက်နက်ပစ္စည်း စုစုပေါင်း ၇၈၀၀ ပါဝင်မည်ဖြစ်သည်။ ထို့ပြင်အမြင့်ပျံနှင့် အနိမ့်ပျံဒုံးကျည်များ ပစ်လွှတ်ခြင်းတို့ကိုလည်း စစ်ရေးလေ့ကျင့်မှု၏ တစ်စိတ်တစ်ပိုင်းအဖြစ် လုပ်ဆောင်သွားမည် ဖြစ်ကြောင်းနှင့် ယင်းလေ့ကျင့်ခန်းများကို လီနင်ဂရက်စစ်ဒေသနှင့် အလယ်ပိုင်းတိုင်း စစ်ဒေသတို့၌ လုပ်ဆောင်ခြင်းဖြစ်ကြောင်း ကာကွယ်ရေးဝန်ကြီးဌာန၏ ထုတ်ပြန်ချက်တွင်ဖော်ပြထားသည်။

ထိုစစ်လက်နက်ပစ္စည်းများတွင် ဒုံးပစ်လောင်ချာရာပေါင်းများစွာ၊ လေယာဉ်များ၊ သင်္ဘောများနှင့် ရေငုပ်သင်္ဘောများပါဝင်မည်ဖြစ်ကြောင်းနှင့် ရုရှားနိုင်ငံ၏ မြောက်ပိုင်းရေယာဉ်စုနှင့် ပစိဖိတ်ရေယာဉ်စုတို့ကလည်း စစ်ရေးလေ့ကျင့်ရာ၌ ပါဝင်မည်ဖြစ်ကြောင်း ထုတ်ပြန်ချက်တွင် ဆက်လက်ဖော်ပြထားသည်။ စစ်ရေးလေ့ကျင့်ခန်း၏ အဓိကရည်မှန်းချက်မှာ ပြည်ပ၏တိုက်ခိုက်မှု ခံရချိန်တွင် နျူကလီးယားတပ်ဖွဲ့များကို ဖြန့်ကြက်နိုင်ရေးဖြစ်ကြောင်း သိရသည်။

MWD

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

တပ်မတော်စစ်ကြောင်းများက CDF ၊ CNA နှင့် PDF အမည်ခံ အကြမ်းဖက်သောင်းကျန်းသူပူးပေါင်းအဖွဲ့များ ယာယီစိုးမိုးထားသည့် တွန်းဇံမြို့အား ပြန်လည်သိမ်းပိုက်ထိန်းချုပ်၊ တပ်မတော်မှ ချင်းပြည်နယ်မြောက်ပိုင်းဒေသတစ်ခုလုံးအား အလုံးစုံထိန်းချုပ်
တပ်မတော်စစ်ကြောင်းများက CDF ၊ CNA နှင့် PDF အမည်ခံ အကြမ်းဖက်သောင်းကျန်းသူပူးပေါင်းအဖွဲ့များ ယာယီစိုးမိုးထားသည့် တွန်းဇံမြို့အား ပြန်လည်သိမ်းပိုက်ထိန်းချုပ်၊ တပ်မတော်မှ ချင်းပြည်နယ်မြောက်ပိုင်းဒေသတစ်ခုလုံးအား အလုံးစုံထိန်းချုပ်
နေပြည်တော် မေ ၂၀ ချင်းပြည်နယ် တီးတိန်ခရိုင်အတွင်း ပါဝင်သည့် တွန်းဇံမြို့နယ်သည် ချင်းပြည်နယ်၏ မြောက်ဘက်ပိုင်းတွင် တည်ရှိသည့် တောင်တန်းဒေသမြို့တစ်မြို့ဖြစ်ပြီး အိန္ဒိယနိုင်ငံနှင့် နယ်စပ်ကုန်သွယ်စီးဆင်းမှုအတွက် အရေးပါသော ဒေသတစ်ခုဖြစ်သည်။ တွန်းဇံမြို့နယ်၏ တောင်ဘက်တွင် တီးတိန်မြို့၊ အရှေ့ဘက်တွင် စစ်ကိုင်းတိုင်းဒေသကြီး၊ ကလေးမြို့နှင့် မြောက်ဘက်နှင့် အနောက်ဘက်တွင် အိန္ဒိယနိုင်ငံ၏ Manipur နှင့် Mizoram ပြည်နယ်များ တည်ရှိပြီး ဒေသခံပြည်သူများအနေဖြင့် စိုက်ပျိုးရေးနှင့် မွေးမြူရေးလုပ်ငန်းများကို အဓိကထားလုပ်ကိုင်ကာ ရိုးရာယဉ်ကျေးမှု ဓလေ့ထုံးတမ်းများ၊ ရိုးရာပွဲတော်များဖြင့် အေးချမ်းစွာ နေထိုင်ကြသည့် မြို့တစ်မြို့ဖြစ်သည်။  ထိုသို့ ရိုးရာယဉ်ကျေးမှု ဓလေ့ထုံးတမ်းများဖြင့် အေးချမ်းပျော်ရွှင်စွာ နေထိုင်လျက်ရှိကြသည့် တွန်းဇံမြို့မှ ဒေသခံတိုင်းရင်းသား ပြည်သူများအား CRPH ၊ NUG အမည်ခံအကြမ်းဖက်အဖွဲ့များနှင့် ၎င်းတို့၏ လက်ဝေခံဖြစ်သော CDF ၊ CNA နှင့် PDF အမည်ခံ အကြမ်းဖက်အဖွဲ့များသည် ၂၀၂၁ ခုနှစ်တွင် ဖြစ်ပွားခဲ့သည့် နိုင်ငံရေးဖြစ်စဉ်များကြောင့် နိုင်ငံ၏ အချို့မြို့များတွင် ဖြစ်ပေါ်ခဲ့သော အစွန်းရောက်တို့၏ ဆူပူအကြမ်း ဖက်ဆန္ဒပြမှုများအပေါ် အခွင့်ကောင်းယူကာ နိုင်ငံတော်တည်ငြိမ် အေးချမ်းမှုကို ဖျက်ဆီးပြီး အစိုးရ၏ အုပ်ချုပ်မှုယန္တရားများ ပျက်စီးစေရန်နှင့် ချင်းပြည်နယ်အား ၎င်းတို့စိတ်တိုင်းကျ အုပ်ချုပ်ခွင့်ရရှိရေး စိတ်ကူးယဉ်အိပ်မက်ကို အကောင်အထည်ဖော်ရန်အတွက် နိုင်ငံရေးနည်းလမ်းဖြင့် ရယူခြင်းမရှိဘဲ လက်နက်ကိုင် အကြမ်းဖက်လမ်းစဉ်ကို ရွေးချယ်ကာ PDF အမည်ခံ အကြမ်းဖက်သမားများကို အသုံးချလျက် ချင်းပြည်နယ်အတွင်းရှိ မြို့များအား အကြမ်းဖက်တိုက်ခိုက်မှုများ ဆောင်ရွက်ခဲ့ကြရာ တွန်းဇံမြို့၌ မြို့လုံခြုံရေးနှင့် နယ်မြေလုံခြုံရေး ဆောင်ရွက်လျက်ရှိသော လုံခြုံရေးတပ်ဖွဲ့ဝင်များအား ၂၀၂၄ ခုနှစ် မေ ၁၆ ရက်မှစ၍ အင်အားအလုံးအရင်းဖြင့် အလစ်အငိုက်ဝင်ရောက် တိုက်ခိုက်ခဲ့ကြသည်။  အကြမ်းဖက်သောင်းကျန်းသူများသည် ပြည်သူများ၏ နေအိမ်များ၊ ရုံးဌာနများနှင့် ဘာသာရေး အဆောက်အအုံများအား အကာအကွယ်ပြု၍ အင်အားအလုံးအရင်းဖြင့် တိုက်ခိုက်ခဲ့ကြရာ လုံခြုံရေးတပ်ဖွဲ့ဝင်များအနေဖြင့် ဒေသခံတိုင်းရင်းသားပြည်သူများ၏ နေအိမ်များ၊ ဌာနဆိုင်ရာ အဆောက်အအုံများနှင့် ဘာသာရေးအဆောက်အအုံများ ထိခိုက် ပျက်စီးမှုအနည်းဆုံးဖြစ်စေရေးနှင့် ပြည်သူများ ထိခိုက်ဆုံးရှုံးမှုမရှိစေရေးအတွက် စနစ်တကျ ဆုတ်ခွာခဲ့ကြရာ ၂၀၂၄ ခုနှစ် မေ ၂၃ ရက်တွင် တွန်းဇံမြို့အား အကြမ်းဖက် သောင်းကျန်းသူ ပူးပေါင်းအဖွဲ့များက ယာယီစိုးမိုးခဲ့ကြသည်။ CDF ၊ CNA နှင့် PDF အမည်ခံ အကြမ်းဖက်သောင်းကျန်းသူ ပူးပေါင်းအဖွဲ့များသည် တွန်းဇံမြို့အား ယာယီစိုးမိုးထားစဉ် ဌာနဆိုင်ရာဝန်ထမ်းများအား ဖမ်းဆီးသတ်ဖြတ်ခြင်း၊ ရိုးသားအေးချမ်းစွာ နေထိုင်လျက်ရှိကြသည့် ဒေသခံတိုင်းရင်းသားပြည်သူများအား အကြောက်တရားလွှမ်းမိုးစေရန် ခြိမ်းခြောက်သတ်ဖြတ်ခြင်း၊ အတင်းအဓမ္မ လူသစ်စုဆောင်းခြင်း၊ ၎င်းတို့ အကျိုးစီးပွားအတွက် လုပ်အားရယူခိုင်းစေခြင်း၊ ဒေသခံတိုင်းရင်းသား ပြည်သူများ လုပ်ကိုင်သည့် စီးပွားရေးလုပ်ငန်းများကို လက်ဝါးကြီးအုပ်၍ သိမ်းဆည်းလုပ်ကိုင်ခြင်း၊ ကုန်စည်စီးဆင်းရာ ဆက်သွယ်ရေးလမ်းကြောင်းများအား ပိတ်ဆို့ခြင်းတို့ကြောင့် ကုန်စည်စီးဆင်းမှု အခက်အခဲများ ဖြစ်ပေါ်ခဲ့ကာ စားသောက်ကုန်နှင့် လူသုံးကုန်များ ဈေးနှုန်းကြီးမြင့်ခြင်းတို့ ဖြစ်ပေါ်ခဲ့ပြီး ဒေသခံတိုင်းရင်းသား ပြည်သူများ၏ ပညာရေး၊ ကျန်းမာရေး၊ စီးပွားရေးစသည်ဖြင့် လူမှုစီးပွားဘဝများ ချွတ်ခြုံကျဆင်း၍ အကြမ်းဖက်မှုဒဏ်ကို ခါးသီးစွာ ခံစားကြရသည့် ဒေသခံပြည်သူများအနေဖြင့် ၎င်းတို့၏ တိုက်တာအိုးအိမ်များကိုစွန့်ခွာ၍ အခက်အခဲဒုက္ခမျိုးစုံဖြင့် ယာယီနေရပ်စွန့်ခွာ နေထိုင်ခဲ့ကြရသည်။ တပ်မတော်အနေဖြင့် ပြည်သူလူထုအေးချမ်းစွာ နေထိုင်နိုင်ရေးနှင့် လူမှုစီးပွားဘဝ ဖွံ့ဖြိုးတိုးတက်ရေးအတွက် အကြမ်းဖက်သောင်းကျန်းသူများ ယာယီစိုးမိုးထားသည့် မြို့နယ်၊ ကျေးရွာ၊ ဒေသအချို့တို့၌ အကြမ်းဖက်ချေမှုန်းမှုစစ်ဆင်ရေး (Counter- Terrorism Operation) များကို ဆောင်ရွက်လျက်ရှိရာ အကြမ်းဖက်သောင်းကျန်းသူများ ယာယီစိုးမိုးထားခဲ့သည့် ဖလမ်းမြို့အား ၂၀၂၆ ခုနှစ် ဧပြီ ၂၅ ရက်တွင် တပ်မတော်က အပြည့်အဝပြန်လည်ထိန်းချုပ်နိုင်ခဲ့ပြီး ဖလမ်းမြို့ အုပ်ချုပ်ရေးယန္တရား ပုံမှန်လည်ပတ်၍ ဒေသဖွံ့ဖြိုးရေးလုပ်ငန်းများကို အရှိန်အဟုန်ဖြင့် ဆောင်ရွက်လျက်ရှိသည့်အပြင် နယ်မြေတည်ငြိမ်ရေးနှင့် ဖွံ့ဖြိုးရေးလုပ်ငန်းများကို တစ်ပြိုင်နက်တည်း ဆောင်ရွက်ပေးလျက်ရှိသည်။  ဖလမ်းမြို့အား ပြန်လည် သိမ်းပိုက်ရရှိပြီးနောက် တပ်မတော်အနေဖြင့် ဖလမ်း-သိုင်းငင်း- တီးတိန်-တွန်းဇံမြို့ ဆက်သွယ်ရေးလမ်းကြောင်း ပြန်လည်ဖွင့်လှစ်ပေးနိုင်ရေးအတွက် ဖလမ်းမြို့နှင့် တီးတိန်မြို့အကြားရှိ အကြမ်းဖက်သောင်းကျန်းသူအဖွဲ့များ ယာယီစိုးမိုးထားသည့် နေရာများအား ပြန်လည်သိမ်းပိုက် ထိန်းချုပ်နိုင်ရန် ဖလမ်းမြို့တွင် စနစ်တကျ ပြင်ဆင်စုဖွဲ့မှုများ ဆောင်ရွက်ခဲ့ပြီး စစ်ကြောင်းများခွဲ၍ ၂၀၂၆ ခုနှစ် ဧပြီ ၂၉ ရက်မှ စတင်ချီတက် ရှင်းလင်းခဲ့ရာ သိုင်းငင်းလမ်းဆုံသို့ မေ ၂ ရက် တွင် ရောက်ခဲ့ကြောင်း၊ ကနေဒီ တောင်အား မေ ၅ ရက်တွင် သိမ်းပိုက်ရရှိကာ မေ ၉ ရက်တွင် တီးတိန်မြို့သို့ ရောက်ရှိစုဖွဲ့ပြင်ဆင်ခဲ့ကြသည်။ ဆက်လက်၍ တပ်မတော်စစ်ကြောင်းများသည် အကြမ်းဖက် သောင်းကျန်းသူများ ယာယီစိုးမိုးထားသည့် တွန်းဇံမြို့အား ပြန်လည်သိမ်းပိုက်နိုင်ရေးအတွက် တီးတိန်မြို့တွင် လိုအပ်သည့် ပြင်ဆင်စုဖွဲ့မှုများ ဆောင် ရွက်ခဲ့ကာ ပွိုင့်-၁၅၀၄ တောင်ကုန်းအား မေ ၁၁ ရက်တွင် လည်းကောင်း၊ မောင်ကင်ရွာနှင့် တွာလ်မူးရွာအား မေ ၁၂ ရက်တွင် လည်းကောင်း၊ ဂမ်ငိုင်ရွာအား မေ ၁၄ ရက်တွင် လည်းကောင်း၊ လွမ့်ဇန်ရွာနှင့် ဗျာလ်ကျင်းရွာအား မေ ၁၆ ရက်တွင် လည်းကောင်း၊ တပ်ဇန်ရွာအား မေ ၁၇ ရက်တွင် လည်းကောင်း၊ တုံးထွောင်ရွာနှင့် ပွိုင့်- ၁၉၈၅ တောင်ကုန်းအား မေ ၁၉ ရက်တွင် လည်းကောင်း အသီးသီး ပြန်လည်သိမ်းပိုက်ရရှိ ခဲ့သည်။ ဆက်လက်၍ တပ်မတော် စစ်ကြောင်းများသည် မေ ၂၀ ရက် မွန်းလွဲပိုင်းတွင် CDF ၊ CNA နှင့် PDF အမည်ခံ အကြမ်းဖက်သောင်းကျန်းသူ ပူးပေါင်းအဖွဲ့များအား အပြီးတိုင်တိုက်ထုတ်၍ တွန်းဇံမြို့အား အလုံးစုံသိမ်းပိုက်ထိန်းချုပ်နိုင်ခဲ့သည်။ တပ်မတော်၏ တိုက်စစ်အဟုန် ကြောင့် ရှုံးနိမ့်၍ ဆုတ်ခွာထွက်ပြေးသော CDF ၊ CNA နှင့် PDF အမည်ခံ အကြမ်းဖက်သောင်းကျန်းသူများသည် ဆုတ်ခွာထွက်ပြေးစဉ် ဒေသအကျိုးစီးပွား ပျက်စီးစေရန် ရည်ရွယ်ကာ လမ်း၊ တံတားများအား မိုင်းထောင် ဖောက်ခွဲခြင်းများကို ယုတ်မာရိုင်းစိုင်းစွာဖြင့် လုပ်ဆောင်ခဲ့ကြသည်။ တပ်မတော်စစ်ကြောင်းများက တွန်းဇံမြို့နှင့် အဆိုပါဒေသတစ်ဝိုက်အား ပြန်လည်သိမ်းပိုက်ရရှိရေး မိမိတို့၏အသက်ကို ပဓာနမထားဘဲ ရွပ်ရွပ်ချွံချွံ အဆင့်ဆင့် ပြန်လည်တိုက်ခိုက်ထိန်းချုပ်ခဲ့ရာ အကြမ်းဖက်သောင်းကျန်းသူများနှင့် ထိတွေ့တိုက်ပွဲခြောက်ကြိမ် ဖြစ်ပွားခဲ့ပြီး ရန်သူ့ထံမှ အလောင်း နှစ်လောင်း၊ လက်နက်မျိုးစုံငါးလက်၊ ခဲယမ်းများနှင့် ဆက်စပ်ပစ္စည်းများ သိမ်းပိုက်ရရှိခဲ့သည်။ ထို့ကြောင့် တပ်မတော် စစ်ကြောင်းများအနေဖြင့် ယာယီနေရပ်စွန့်ခွာခဲ့ကြရသည့် ဒေသခံပြည်သူများ တွန်းဇံမြို့အတွင်းသို့ အန္တရာယ်ကင်းရှင်းစွာ ပြန်လည်နေထိုင်နိုင်ရေးအတွက် အကြမ်းဖက် သောင်းကျန်းသူများ၏ ယုတ်မာရက်စက်စွာ လုပ်ဆောင်ခဲ့သည့် မြေမြှုပ်မိုင်းများ ရှင်းလင်းရေးကို ဦးစားပေးဆောင်ရွက်လျက်ရှိသည်။ ထို့ပြင် နိုင်ငံတော်အစိုးရ အုပ်ချုပ်မှုယန္တရားများ အမြန်ဆုံးလည်ပတ်နိုင်ရေး၊ စာသင်ကျောင်းများ ပြန်လည်ဖွင့်လှစ်ပေးနိုင်ရေး၊ ဆေးရုံ/ ဆေးခန်းများ ပြန်လည်ဖွင့်လှစ်ပေးနိုင်ရေးစသည့် မြို့ပြန်လည်ထူထောင်ရေး လုပ်ငန်းများကို ဒေသခံတိုင်းရင်းသားများနှင့် ပူးပေါင်း၍ အမြန်ဆုံးပြန်လည် ဆောင်ရွက်ပေးသွားမည်ဖြစ်သည်။  အကြမ်းဖက် သောင်းကျန်းသူများ၏ မတရားနှိပ်စက်ညှဉ်းပန်းမှုဒဏ်ကို ခါးသီးစွာခံစားခဲ့ရသည့် ဒေသခံပြည်သူများကလည်း အမှန်တကယ်အေးချမ်းတည်ငြိမ် မှုနှင့် ငြိမ်းချမ်းမှု၏ အနှစ်သာရများကို ကိုယ်တိုင်သိမြင်ခံစားလာရပြီး အကြမ်းဖက်သောင်းကျန်းသူများ ယာယီစိုးမိုးထားသည့် မြို့/ ရွာအချို့ကို ပြန်လည်သိမ်းပိုက်ပြီး နယ်မြေရှင်းလင်း ချီတက်လာသော တပ်မတော်စစ်ကြောင်းများအား လမ်းကြောင်းတစ်လျှောက်၌ အောင်သပြေပန်းများ၊ ဂုဏ်ပြုပန်းကုံးများ ကိုင်ဆောင်ကာ သောင်းသောင်းဖြဖြ ဝမ်းပန်းတသာ ကြိုဆိုခဲ့ကြသည်။ ယခုကဲ့သို့ တပ်မတော်က တွန်းဇံမြို့အား အပြီးတိုင် ပြန်လည်သိမ်းပိုက် ထိန်းချုပ်ခဲ့သည့်အတွက် ချင်းပြည်နယ် အတွင်းရှိ ဟားခါး၊ ထန်တလန်၊ ဖလမ်း၊ တီးတိန်၊ တွန်းဇံနှင့် ကျီးခါးမြို့စသည့် ချင်းပြည်နယ် မြောက်ပိုင်းဒေသ တစ်ခုလုံးအား တပ်မတော်မှ အလုံးစုံထိန်းချုပ် နိုင်ခဲ့ပြီဖြစ်သဖြင့် ယာယီနေရပ် စွန့်ခွာခဲ့ကြရသည့် ဒေသခံတိုင်းရင်းသားပြည်သူများအနေဖြင့်လည်း ၎င်းတို့၏နေရပ်များသို့ စိတ်အေးချမ်းသာစွာ ပြန်လည်ဝင်ရောက်နေထိုင်နိုင်ပြီး ကိုယ်ပိုင်စီးပွားရေးလုပ်ငန်းများကိုလည်း ပြန်လည်လုပ်ဆောင်နိုင်ကြတော့ မည်ဖြစ်သည်။ ထိုသို့ တပ်မတော်မှ အဆိုပါမြို့များအား ပြန်လည် ထိန်းချုပ်နိုင်ခြင်းကြောင့် ယခုအခါ ဟားခါး-ဖလမ်း- တီးတိန်-တွန်းဇံ-ကျီးခါး လမ်းကြောင်းနှင့် ကလေး-ဖလမ်း-ဟားခါး လမ်းကြောင်းများကို ပြန်လည်ဖွင့်လှစ်ပေးနိုင်ခဲ့ပြီး စစ်ကိုင်းတိုင်းဒေသကြီးမှ တစ်ဆင့် ချင်းပြည်နယ်မြောက်ပိုင်းမြို့များသို့ ကုန်စည်စီးဆင်းမှုများ ပုံမှန်အတိုင်း ဆောင်ရွက်နိုင်တော့မည်ဖြစ်သဖြင့် ဒေသခံတိုင်းရင်းသားပြည်သူများအတွက် ကုန်ဈေးနှုန်းသက်သာစွာဖြင့် ဝယ်ယူစားသုံးနိုင်တော့မည်ဖြစ်သည်။ ထို့ပြင် ယနေ့တွင်လည်း ယာယီနေရပ်စွန့်ခွာခဲ့ကြရသည့် ဒေသခံတိုင်းရင်းသားပြည်သူများနှင့် နိုင်ငံတော်အစိုးရ၏ အုပ်ချုပ်မှုယန္တရားများ ပုံမှန်လည်ပတ်နိုင်ရေးအတွက် နိုင်ငံတော်အစိုးရနှင့် တပ်မတော်၏ စီမံဆောင်ရွက်မှုဖြင့် သက်ဆိုင်ရာအဖွဲ့အစည်း အသီးသီးမှ ဌာနဆိုင်ရာဝန်ထမ်းများသည် လိုအပ်သည့် ကူညီထောက်ပံ့ရေး ပစ္စည်းများနှင့်အတူ မော်တော်ယာဉ်များ၊ မော်တော်ဆိုင်ကယ်များဖြင့် ကလေးမြို့မှ ထွက်ခွာလာခဲ့ပြီး ညနေပိုင်းတွင် ဖလမ်းမြို့သို့ ရောက်ရှိကြရာ ဒေသခံတိုင်းရင်းသားပြည်သူများ၊ မြို့မိမြို့ဖများနှင့် တာဝန်ရှိသူများက ရိုးရာအကများဖြင့် ဝမ်းပန်းတသာ လှိုက်လှိုက်လှဲလှဲ ကြိုဆိုခဲ့ကြကြောင်း သိရသည်။ သတင်းစဉ်MDN
Thu, 21-May-2026
ရှမ်းပြည်နယ် (အရှေ့ပိုင်း) မိုင်းခတ်မြို့နယ်အတွင်း အွန်လိုင်းလိမ်လည်လောင်းကစားမှု ကျူးလွန်ရာတွင် အသုံးပြုသည့် အဆောက်အအုံများ၊ လုပ်ငန်းသုံးပစ္စည်းများနှင့် အွန်လိုင်းလိမ်လည်လောင်းကစားမှု ကျူးလွန်ရာတွင် ပါဝင်ပတ်သက်သူ ၆၂ ဦး ဖမ်းဆီးရမိ
ရှမ်းပြည်နယ် (အရှေ့ပိုင်း) မိုင်းခတ်မြို့နယ်အတွင်း အွန်လိုင်းလိမ်လည်လောင်းကစားမှု ကျူးလွန်ရာတွင် အသုံးပြုသည့် အဆောက်အအုံများ၊ လုပ်ငန်းသုံးပစ္စည်းများနှင့် အွန်လိုင်းလိမ်လည်လောင်းကစားမှု ကျူးလွန်ရာတွင် ပါဝင်ပတ်သက်သူ ၆၂ ဦး ဖမ်းဆီးရမိ
နေပြည်တော် မေ ၂၀ မြန်မာနိုင်ငံအစိုးရအနေဖြင့် တစ်ကမ္ဘာလုံးကို အန္တရာယ်ပေးနေသည့် အွန်လိုင်းလိမ်လည်မှုများ၊ အွန်လိုင်းလောင်းကစားမှုများတိုက်ဖျက်ရေလုပ်ငန်းစဉ်များကို အမျိုးသားရေး တာဝန်တစ်ရပ်အနေဖြင့် အလေးထားတိုက်ဖျက် ဆောင်ရွက်လျက်ရှိပြီး မြန်မာနိုင်ငံအတွင်း လုံးဝအခြေမပြုနိုင်ရေးအတွက် ပြည်တွင်းအင်အားစုများအပြင် အိမ်နီးချင်းနိုင်ငံအစိုးရများနှင့်လည်း ပေါင်းစပ်ညှိနှိုင်း၍ အဆိုပါ ဒုစရိုက်မှုနှိမ်နင်းရေး လုပ်ငန်းများကို တက်ကြွစွာ ဆောင်ရွက်လျက်ရှိရာ ယနေ့တွင် ရှမ်းပြည်နယ် (အရှေ့ပိုင်း) မိုင်းခတ်မြို့နယ်အတွင်း အွန်လိုင်းလိမ်လည်လောင်းကစားမှု ကျူးလွန်ရာတွင် အသုံးပြုသည့် အဆောက်အအုံများ၊ လုပ်ငန်းသုံးပစ္စည်းများကို လည်းကောင်း၊ အွန်လိုင်းလိမ်လည်လောင်းကစားမှု ကျူးလွန်ခဲ့သည့် တရားမဝင် ပြည်ပနိုင်ငံသား ၅၁ ဦးနှင့် မြန်မာ နိုင်ငံသား ၁၁ ဦးတို့ကို လည်းကောင်း ဖမ်းဆီးရမိခဲ့သည်။  လုံခြုံရေးပူးပေါင်းအဖွဲ့သည် အွန်လိုင်းလိမ်လည်လောင်းကစားမှုများကို လက်ခံနိုင်ခြင်းမရှိသည့် ဒေသခံပြည်သူများ၏ သတင်းပေးပို့မှုများအရ ရှမ်းပြည်နယ် (အရှေ့ပိုင်း) မိုင်းခတ်မြို့နယ်အတွင်း လိုအပ်သည့် စုံစမ်းစစ်ဆေးခြင်းနှင့် ရှာဖွေဖော်ထုတ်ခြင်းများကို လုပ်ဆောင်စဉ် ယနေ့ နံနက် ၁၀ နာရီခန့်တွင် မိုင်းခတ်မြို့နယ် မိုင်းဟန်ကျေးရွာအုပ်စု ဖားငင်ကျေးရွာ၏ အနောက်တောင်ဘက် မီတာ ၁၀၈၀ ခန့်အကွာ၌ တရားမဝင် အွန်လိုင်းလိမ်လည်လောင်းကစားမှု ကျူးလွန်ရာတွင် အသုံးပြုခဲ့သည့် အလျားပေ ၁၈၀ အနံပေ ၅၀ ရှိ လူနေတဲ နှစ်လုံး၊ အလျားပေ ၂၀ အနံ ၁၅ ပေရှိ လူနေ တဲ နှစ်လုံး၊ ၁၅ ပေ ပတ်လည်ရှိ လူနေတဲ ခုနစ်လုံး၊ အလျား ပေ ၆၀ အနံပေ ၃၀ ရှိ လုပ်ငန်းသုံးတဲ နှစ်လုံး၊ ပေ ၃၀ ပတ်လည်ရှိ ထမင်းစားဆောင် နှစ်လုံး၊ ကွန်ပျူတာ ဖလက်ပြား (မော်နီတာ) ခြောက်လုံး၊ မီးစက် (အလတ်) တစ်လုံး၊ မီးစက် (အကြီး) နှစ်လုံး၊ Power Station (အကြီး) တစ်လုံး၊ စားပွဲခုံ ၁၈ လုံး၊ ကုလားထိုင် ကော်ခုံ ၃၁ လုံး၊ ရေခဲသေတ္တာ နှစ်လုံးနှင့် ဂက်စ်အိုး တစ်လုံးတို့ကို သိမ်းဆည်းရမိခဲ့သည်။  ထို့ပြင် လုံခြုံရေးတပ်ဖွဲ့ဝင်များ ပါဝင်သော ပူးပေါင်းအဖွဲ့သည် ရှာဖွေဖော်ထုတ်မှုများ ဆက်လက်ဆောင်ရွက်ရာ ဖားငင်ကျေးရွာ၏ အနောက်တောင်ဘက်မီတာ ၉၀၀ ခန့်အကွာ၌ အွန်လိုင်းလိမ်လည်လောင်းကစားမှု လုပ်ကိုင်ရာတွင် အသုံးပြုသည့် အလျားပေ ၅၀ အနံ ၁၅ ပေရှိ လူနေတဲ သုံးလုံး၊ အလျား ၁၀ ပေ အနံ ခြောက်ပေရှိ လူနေတဲ နှစ်လုံး၊ ခုနစ်ပေပတ်လည်ရှိ လူနေတဲ တစ်လုံး၊ အလျား ပေ ၄၀ အနံ ၁၅ ပေရှိ စားချက်ဆောင် တစ်လုံး၊ အလျားပေ ၄၀ အနံ ၁၅ ပေရှိ ထမင်းစားဆောင် တစ်လုံး၊ အလျားပေ ၄၀ အနံ ၁၀ ပေရှိ ဆောက်လုပ်ဆဲလူနေတဲ တစ်လုံး၊ အလျားပေ ၄၀ အနံပေ ၂၀ ရှိ လုပ်ငန်းသုံးတဲ တစ်လုံး၊ မီးစက် တစ်လုံး၊ ကွန်ပျူတာ ဖလက်ပြား (မော်နီတာ) သုံးလုံး၊ CPU တစ်လုံး၊ ရေခဲသေတ္တာ နှစ်ခန်းတွဲ တစ်လုံး၊ စားပွဲခုံ ၁၈ လုံးနှင့် ကုလားထိုင် (ကော်ခုံ) အလုံး ၆၀ တို့ကို ထပ်မံသိမ်းဆည်းရရှိခဲ့သည်။  ဆက်လက်၍ ပူးပေါင်းအဖွဲ့ သည် ရှာဖွေဖော်ထုတ်မှုများ ဆက်လက်ဆောင်ရွက်ရာ ယနေ့ နံနက် ၁၀ နာရီ ၄၅ မိနစ်ခန့်တွင် ဖားငင်ကျေးရွာ၏ အနောက်တောင်ဘက်မီတာ ၂၂၀၀ ခန့်အကွာ၌ အွန်လိုင်းလိမ်လည် လောင်းကစားမှုကျူးလွန်သူ တရားမဝင် တရုတ်နိုင်ငံသား အမျိုးသား ၂၀ ကို လည်းကောင်း၊ ဖားငင်ကျေးရွာ၏ အနောက် တောင်ဘက် မီတာ ၂၈၀၀ ခန့် အကွာ၌ အွန်လိုင်းလိမ်လည် လောင်းကစားမှု ကျူးလွန်သူ တရားမဝင် တရုတ်နိုင်ငံသား ၁၄ ဦး၊ မြန်မာနိုင်ငံသား အမျိုးသား တစ်ဦးနှင့် ဖုန်းမျိုးစုံ ၁၂ လုံးတို့ကို လည်းကောင်း၊ ဖားငင်ကျေးရွာ၏ တောင်ဘက်မီတာ ၂၁၀၀ အကွာ၌ အွန်လိုင်းလိမ်လည် လောင်းကစားမှု ကျူးလွန်သူ တရားမဝင် တရုတ်နိုင်ငံသား ၁၅ ဦး၊ ဗီယက်နမ်နိုင်ငံသား အမျိုးသမီးတစ်ဦး၊ မြန်မာနိုင်ငံသား အမျိုးသမီး သုံးဦးနှင့် ဖုန်းမျိုးစုံ ၁၁ လုံးတို့ကို လည်းကောင်း၊ ဖားငင်ကျေးရွာ၏ တောင်ဘက် မီတာ ၁၉၀၀ ခန့်အကွာ၌ အွန်လိုင်းလိမ်လည် လောင်းကစားမှုကျူးလွန်သူ မြန်မာနိုင်ငံသား အမျိုးသား လေးဦး၊ အမျိုးသမီး သုံးဦးနှင့် ဖုန်းမျိုးစုံ ငါးလုံးတို့ကို လည်းကောင်း၊ ဖားငင်ကျေးရွာ၏ အရှေ့တောင်ဘက် မီတာ ၂၅၀၀ ခန့်အကွာ၌ အွန်လိုင်းလိမ်လည်လောင်းကစားမှု ကျူးလွန်သူ တရားမဝင် တရုတ်နိုင်ငံသား အမျိုးသားတစ်ဦးတို့ကို လည်းကောင်း ထပ်မံဖမ်းဆီးရမိခဲ့သောကြောင့် အွန်လိုင်းလိမ်လည်လောင်းကစားမှု ကျူးလွန်သူ စုစုပေါင်း တရားမဝင် ပြည်ပ နိုင်ငံသား အမျိုးသား ၅၀ နှင့် အမျိုးသမီး တစ်ဦး၊ မြန်မာနိုင်ငံသား အမျိုးသား ငါးဦးနှင့် အမျိုးသမီး ခြောက်ဦးတို့ကို ဖမ်းဆီးထိန်းသိမ်းနိုင်ခဲ့သည်။  အဆိုပါ အွန်လိုင်းလိမ်လည် လောင်းကစားမှုများ လုပ်ကိုင်လျက်ရှိသည့် ဖမ်းဆီးရမိသူများအား လိုအပ်သည့် စစ်ဆေးမှုများ ဆောင်ရွက်ပြီးစီးပါက တည်ဆဲဥပဒေများနှင့်အညီ ထိရောက်ပြင်းထန်စွာ အရေးယူဆောင်ရွက်သွားမည်ဖြစ်ပြီး သိမ်းဆည်းရမိသည့် လုပ်ငန်းသုံးပစ္စည်းများအား လုပ်ထုံးလုပ်နည်းများနှင့်အညီ ဆက်လက်ဆောင်ရွက်သွားမည်ဖြစ်ကြောင်း သိရသည်။  မြန်မာနိုင်ငံ အစိုးရအနေဖြင့် အွန်လိုင်းလိမ်လည်မှုများနှင့် အွန်လိုင်းလောင်းကစားမှု တိုက်ဖျက်ရေးလုပ်ငန်းစဉ်များကို တက်ကြွစွာ ပူးပေါင်းဆောင်ရွက်လျက်ရှိသည့်အပြင် အကြောင်းအမျိုးမျိုးကြောင့် မြန်မာနိုင်ငံအတွင်းသို့ ရောက်ရှိနေပြီး အွန်လိုင်းလိမ်လည်လောင်းကစားမှုတွင် တစ်နည်းနည်းဖြင့် ပါဝင်ပတ်သက်နေသည့် ပြည်ပနိုင်ငံသားများကိုလည်း တရားဥပဒေနှင့်အညီ စစ်ဆေးကာ လူသားချင်းစာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကို ရှေးရှု၍ သက်ဆိုင်ရာနိုင်ငံများသို့ ပြန်လည်လွှဲပြောင်းပေးခြင်းများ၊ အဓိကပြစ်မှု ကျူးလွန်ခဲ့သူများကိုလည်း ဖမ်းဆီးထိန်းသိမ်းပြီး သက်ဆိုင်ရာအစိုးရအဖွဲ့ထံ တရားဝင်လွှဲပြောင်းပေးခြင်းများနှင့် တရားဥပဒေနှင့်အညီ ထိရောက်စွာ အရေးယူခြင်းများ ဆောင်ရွက်လျက်ရှိကြောင်း သိရသည်။ သတင်းစဉ်MDN
Thu, 21-May-2026
NATO တပ်ဖွဲ့တိုက်ခိုက်ခံရချိန် စစ်ရေးပံ့ပိုးမှု လျှော့ချရန် အမေရိကန်စီစဉ်
NATO တပ်ဖွဲ့တိုက်ခိုက်ခံရချိန် စစ်ရေးပံ့ပိုးမှု လျှော့ချရန် အမေရိကန်စီစဉ်
   အမေရိကန်သမ္မတ ဒေါ်နယ်ထရမ့်၏ အစိုးရအဖွဲ့သည် NATO တပ်ဖွဲ့အနေဖြင့် သို့မဟုတ် NATO တပ်ဖွဲ့ဝင်နိုင်ငံတစ်နိုင်ငံအနေဖြင့် တိုက်ခိုက်ခံရပါက အမေရိကန်အစိုးရက ပေးအပ်မည်ဟု ကတိပြုထားသော   စစ်ရေးအကူအညီပံ့ပိုးပေးမှုကို လျှော့ချရန်စီစဉ်နေကြောင်း သိရသည်။မေလ ၂၂ ရက်တွင်  ဘရပ်ဆဲမြို့၌ကျင်းပမည့် NATO တပ်ဖွဲ့ဝင်နိုင်ငံများမှ ကာကွယ်ရေးမူဝါဒဆိုင်ရာ အကြီးအကဲများ၏ ဆွေးနွေးပွဲတွင်  အဆိုပါအစီအစဉ်ကို ထုတ်ပြန်ကြေညာနိုင်ဖွယ် ရှိကြောင်း ထိုကိစ္စနှင့်ပတ်သက်၍   သိရှိသူသုံးဦးက သတင်းဌာနတစ်ခုသို့ပြောသည်။ထို့ပြင် အမေရိကန်အစိုးရသည် အီရန်နိုင်ငံနှင့်ဖြစ်ပွားနေသည့် စစ်ပွဲကိုထောက်ခံသောနိုင်ငံများကို ဆုပေးရန်နှင့် မထောက်ခံသည့်နိုင်ငံများကို ဒဏ်ပေးရန်စာရင်းကို ပြုစုထားသည်ဟု အဆိုပါသတင်းအရင်းအမြစ်များက ပြောသည်။ ဒဏ်ပေးသည့် ပုံစံတွင်   အမေရိကန်တပ်ဖွဲ့များကိုပြောင်းလဲခြင်း၊ လေ့ကျင့်ခန်းများကိုလျှော့ချခြင်းတို့ ပါဝင်သည်။ ထို့ကြောင့် ပင်တဂွန်စစ်ဌာနချုပ်သည် ပိုလန်သို့ တပ်ဖွဲ့ဝင် ၄၀၀၀ စေလွှတ်မည့် အစီအစဉ်ကိုဖျက်သိမ်းခဲ့ပြီး ဂျာမနီနိုင်ငံမှ စစ်သည် ၅၀၀၀ ကို ရုပ်သိမ်းကာ တာဝေးပစ် ဒုံးတပ်ရင်းတစ်ရင်း စေလွှတ်မှုကိုလည်း ဖျက်သိမ်းခဲ့ခြင်းဖြစ်သည်။MWD
Thu, 21-May-2026
ရုရှားနိုင်ငံတွင် သုံးရက်ကြာ နျူကလီးယား စစ်ရေးလေ့ကျင့်မှု စတင်
ရုရှားနိုင်ငံတွင် သုံးရက်ကြာ နျူကလီးယား စစ်ရေးလေ့ကျင့်မှု စတင်
    ပြည်ပရန်စွယ်များကို တုံ့ပြန်နိုင်စေရေး အတွက် ရုရှားတပ်မတော်က အသင့်ပြင်ဆင်သည့်အနေဖြင့် သုံးရက်ကြာမြင့်မည့် မဟာဗျူဟာမြောက် နျူကလီးယားစစ်ရေး လေ့ကျင့်ခန်းကို မေလ ၁၉ ရက်တွင်စတင်ကြောင်း ရုရှားကာကွယ်ရေးဝန်ကြီးဌာနကထုတ်ပြန်သည်။မေလ ၁၉ ရက်မှ ၂၁ ရက်အထိကြာမြင့်မည့် စစ်ရေးလေ့ကျင့်ခန်း၌ စစ်သည်အင်အား ၆၄၀၀၀ နှင့် စစ်လက်နက်ပစ္စည်း စုစုပေါင်း ၇၈၀၀ ပါဝင်မည်ဖြစ်သည်။ ထို့ပြင်အမြင့်ပျံနှင့် အနိမ့်ပျံဒုံးကျည်များ ပစ်လွှတ်ခြင်းတို့ကိုလည်း စစ်ရေးလေ့ကျင့်မှု၏ တစ်စိတ်တစ်ပိုင်းအဖြစ် လုပ်ဆောင်သွားမည် ဖြစ်ကြောင်းနှင့် ယင်းလေ့ကျင့်ခန်းများကို လီနင်ဂရက်စစ်ဒေသနှင့် အလယ်ပိုင်းတိုင်း စစ်ဒေသတို့၌ လုပ်ဆောင်ခြင်းဖြစ်ကြောင်း ကာကွယ်ရေးဝန်ကြီးဌာန၏ ထုတ်ပြန်ချက်တွင်ဖော်ပြထားသည်။ထိုစစ်လက်နက်ပစ္စည်းများတွင် ဒုံးပစ်လောင်ချာရာပေါင်းများစွာ၊ လေယာဉ်များ၊ သင်္ဘောများနှင့် ရေငုပ်သင်္ဘောများပါဝင်မည်ဖြစ်ကြောင်းနှင့် ရုရှားနိုင်ငံ၏ မြောက်ပိုင်းရေယာဉ်စုနှင့် ပစိဖိတ်ရေယာဉ်စုတို့ကလည်း စစ်ရေးလေ့ကျင့်ရာ၌ ပါဝင်မည်ဖြစ်ကြောင်း ထုတ်ပြန်ချက်တွင် ဆက်လက်ဖော်ပြထားသည်။ စစ်ရေးလေ့ကျင့်ခန်း၏ အဓိကရည်မှန်းချက်မှာ ပြည်ပ၏တိုက်ခိုက်မှု ခံရချိန်တွင် နျူကလီးယားတပ်ဖွဲ့များကို ဖြန့်ကြက်နိုင်ရေးဖြစ်ကြောင်း သိရသည်။MWD
Wed, 20-May-2026
တပ်မတော်စစ်ကြောင်းများက KNU၊ KNLA နှင့် PDF အမည်ခံ ကိုယ်ကျိုးရှာအကြမ်းဖက်သောင်းကျန်းသူ ပူးပေါင်းအဖွဲ့များ ယာယီစိုးမိုးထားသော မောတောင်မြို့အား အလုံးစုံပြန်လည်သိမ်းပိုက်ထိန်းချုပ် 
တပ်မတော်စစ်ကြောင်းများက KNU၊ KNLA နှင့် PDF အမည်ခံ ကိုယ်ကျိုးရှာအကြမ်းဖက်သောင်းကျန်းသူ ပူးပေါင်းအဖွဲ့များ ယာယီစိုးမိုးထားသော မောတောင်မြို့အား အလုံးစုံပြန်လည်သိမ်းပိုက်ထိန်းချုပ် 
နေပြည်တော် မေ ၁၉တနင်္သာရီတိုင်းဒေသကြီး မြိတ်ခရိုင် တနင်္သာရီမြို့နယ်အတွင်း တည်ရှိသည့် မောတောင်မြို့သည် မြန်မာနိုင်ငံအောက်ပိုင်းရှိ အရှေ့ဘက်အကျဆုံးမြို့ဖြစ်ပြီး ထိုင်းနိုင်ငံနှင့် ထိစပ်လျက်ရှိသော မြန်မာနိုင်ငံ၏ နယ်စပ်ကုန်သွယ်ရေးစခန်းရှိသည့် နယ်စပ်မြို့ဖြစ်သည်။ မြန်မာနိုင်ငံမှ ရေထွက်ပစ္စည်းများနှင့် ဒေသထွက်ကုန်များကို ထိုင်းနိုင်ငံသို့ တင်ပို့ရောင်းချရာ၌ မြိတ်-မောတောင်မှ ထိုင်းနိုင်ငံသို့ တင်ပို့ပါက အချိန် ၇ နာရီခန့်သာကြာသည့် အနီးဆုံးလမ်းကြောင်းဖြစ်ပြီး မောတောင်မြို့မှာ စီးပွားရေးအရအရေးပါသည့် နယ်စပ်မြို့တစ်မြို့လည်း ဖြစ်သည်။အပြည့်အစုံဖတ်ရှုရန်- https://www.moi.gov.mm/index.php/news/82973
Wed, 20-May-2026
အီရန်နိုင်ငံရှိ စာသင်ကျောင်းတစ်ခု ဗုံးကြဲတိုက်ခိုက်ခံရမှုနှင့်ပတ်သက်၍ ‘အဆုံးမရှိ အချိန်ဆွဲနေသည်’ဟု ပင်တဂွန် စွပ်စွဲခံရ
အီရန်နိုင်ငံရှိ စာသင်ကျောင်းတစ်ခု ဗုံးကြဲတိုက်ခိုက်ခံရမှုနှင့်ပတ်သက်၍ ‘အဆုံးမရှိ အချိန်ဆွဲနေသည်’ဟု ပင်တဂွန် စွပ်စွဲခံရ
အမေရိကန်-အစ္စရေး မဟာမိတ်တို့၏ အီရန်နိုင်ငံအပေါ် လေကြောင်းတိုက်ခိုက်မှု ပထမဆုံးနေ့ဖြစ်သည့် ဖေဖော်ဝါရီ ၂၈ ရက်တွင် အီရန် တောင်ပိုင်းရှိ Shajareh Tayyebeh မူလတန်းကျောင်း ဗုံးကြဲတိုက်ခိုက်ခံခဲ့ရပြီး ကလေးသူငယ်အများစုအပါအဝင် လူပေါင်း ၁၇၀ ကျော် (အီရန်အစိုးရစာရင်းအရ ၁၇၅ ဦး) သေဆုံးခဲ့ရသည့် ဖြစ်စဉ်တစ်ခုဖြစ်ပွားခဲ့သည်။အဆိုပါ ဖြစ်စဉ်နှင့်ပတ်သက်၍ အမေရိကန်အစိုးရဘက်က ကနဦးတွင် သမ္မတဒေါ်နယ်ထရမ့်ကိုယ်တိုင် "အီရန်နိုင်ငံကပဲ ဗုံးကြဲတာဖြစ်နိုင်တယ်"ဟု ထွက်ဆိုခြင်းအပါအဝင် လွဲမှားသော အကြောင်းပြချက်များ ပေးခဲ့သော်လည်း နောက်ပိုင်းတွင် မီဒီယာများနှင့် လေ့လာဆန်းစစ်သူများ၏ စုံစမ်းစစ်ဆေးမှုများအရ အမေရိကန်ထုတ် ဒုံးကျည်ဖြင့် ထိမှန်ခဲ့ခြင်းဖြစ်ကြောင်း ကောက်ချက်ချခဲ့ကြသည်။ စစ်ဘက်ဆိုင်ရာ အတွင်းပိုင်း စုံစမ်းစစ်ဆေးမှုများအရ အမေရိကန်တပ်ဖွဲ့ဝင်များသည် ခေတ်မမှီတော့သည့် ပစ်မှတ်အချက်အလက်ဟောင်းများကို အသုံးပြုခဲ့မိသဖြင့် အနီးအနားရှိ အီရန်တော်လှန်ရေးအစောင့်တပ်ဖွဲ့ (IRGC) ၏ ရေတပ်စခန်းနှင့် အဆိုပါမိန်းကလေးကျောင်းအား မှားယွင်းပစ်ခတ်မိခဲ့ခြင်းဖြစ်ကြောင်း သိရှိရသည်။ဖြစ်ပွားပြီး ရက်ပေါင်း ၈၀ ခန့်အကြာတွင်ပြုလုပ်သည့် အမေရိကန် အောက်လွှတ်တော် ကာကွယ်ရေးကော်မတီကြားနာပွဲ၌ ဒီမိုကရက်တစ်အမတ် အကြီးအကဲ အဒမ်စမစ်က ပင်တဂွန်စစ်ဌာနချုပ်အနေဖြင့် ၎င်းတို့၏ အမှားကိုဝန်မခံဘဲ ‘အဆုံးမရှိ အချိန်ဆွဲနေသည်’ ဟု ပြင်းပြင်းထန်ထန် စွပ်စွဲဖိအားပေးခဲ့သည်။ သို့သော်လည်း အမေရိကန် အလယ်ပိုင်း စစ်ဌာနချုပ် (CENTCOM) အကြီးအကဲ ရေတပ်ဗိုလ်ချုပ်ကြီး ဘရက်ဒ်ကူးပါး က အမေရိကန်အနေဖြင့် အရပ်သားများကို ရည်ရွယ်ချက်ရှိရှိ ပစ်မှတ်ထားတိုက်ခိုက်ခြင်းမရှိကြောင်း ကာကွယ်ပြောဆိုခဲ့ပြီး အဆိုပါကျောင်းသည် အီရန်တော်လှန်ရေးအစောင့်တပ်ဖွဲ့၏ ဒုံးကျည်စခန်းအတွင်း တည်ရှိနေခြင်းဖြစ်ကြောင်း ဗြောင်ကျကျ ထွက်ဆိုခဲ့သည်။ သို့သော်လည်း ကျောင်း၏တရားဝင်ဝဘ်ဆိုက်မှ မှတ်တမ်းဟောင်းများနှင့် ဂြိုဟ်တုဓာတ်ပုံများအရ ကျောင်းသည် စစ်စခန်းအတွင်း၌ရှိနေခြင်းမဟုတ်ဘဲ ဘေးချင်းကပ်လျက်တည်ရှိနေကာ ခြံစည်းရိုးဖြင့် အထင်အရှားပိုင်းခြားထားကြောင်း တွေ့ရှိရသဖြင့် အီရန် နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ အက်စ်မေးလ် ဘာဂါအီက အမေရိကန်၏ ထွက်ဆိုချက်ကို ဆိုးရွားပြီး အရှက်မရှိသောမုသားစကားဟုတုံ့ပြန်ခဲ့ကာ ၎င်းလုပ်ရပ် သည် စစ်ရာဇဝတ်မှုမြောက်ကြောင်း ရှုတ်ချခဲ့သည်။ ယင်းဖြစ်စဉ်ကြောင့် ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာရီယာ ဇာခါရိုဗာက အမေရိကန်၏ ရက်စက်ကြမ်းကြုတ်မှုကို ပြစ်တင် ရှုတ်ချခဲ့သကဲ့သို့ အီတလီဝန်ကြီးချုပ် မယ်လိုနီနှင့် စပိန်ဝန်ကြီးချုပ် ဆန်းချက်ဇ်တို့ကလည်း အဆိုပါ လူအစုလိုက်အပြုံလိုက် သတ်ဖြတ်မှုတွင် ထိခိုက်သေဆုံးခဲ့ရသူများနှင့်အတူ ထပ်တူထပ်မျှဝမ်းနည်းရကြောင်း ဖော်ပြခဲ့ကြကာ နိုင်ငံတကာတွင်လည်း ပြင်းထန်သောဝေဖန်မှုများ မြင့်တက် လျက်ရှိသည်။ကိုးကား- RTဘာသာပြန်ဆိုသူ - ဦးဝင်းဇော်ထွန်း၊ ဒုတိယညွှန်ကြားရေးမှူး
Wed, 20-May-2026
© Copyright 2024 SAC All Rights Reserved.