“၂၀၂၆-၂၀၂၇ ပညာသင်နှစ်” အခြေခံပညာကျောင်းများတွင် ကျောင်းအပ်နှံရေးအစီအစဉ်ဆိုင်ရာ သိရှိရန်အချက်များ
News Image
MM-News-Category
ဆက်စပ်သတင်းများ
ကော့သောင်း မေ ၂၄တနင်္သာရီတိုင်းဒေသကြီး ကော့သောင်းမြို့၌ ကော့သောင်းမြို့နယ် အားကစားနှင့် ကာယပညာကော်မတီဥက္ကဋ္ဌဖလား အသက်(၂၃) နှစ်အောက် ဖိတ်ခေါ်ပိုက်ကျော်ခြင်း ပြိုင်ပွဲ ဗိုလ်လုပွဲနှင့် ဆုချီးမြှင့်ပွဲကို မေ၂၃ ရက် မွန်းလွဲပိုင်းက နဝရတ်အားကစားခန်းမ၌ ကျင်းပသည်။ဦးစွာ Polairsအသင်းနှင့် ဆယ်မိုင်အသင်း၊ ဖိုးရှမ်းအသင်းနှင့် Red Drivelအသင်းတို့က အကြို ဗိုလ်လုပွဲပွဲစဉ် ယှဉ်ပြိုင်ကြရာ Polairs အသင်းနှင့်Red Drivel အသင်းတို့က အနိုင်ရရှိပြီး ဗိုလ်လုပွဲတက်ရောက်ကြသည်။ ထို့နောက် အသက် (၂၃) နှစ်အောက် ဖိတ်ခေါ်ပိုက်ကျော်ခြင်းပြိုင်ပွဲ ဗိုလ်လုပွဲကို အကြိတ်အနယ်ယှဉ်ပြိုင်ခဲ့ကြရာ Polairs အသင်းက အနိုင်ရရှိခဲ့သည်။ ယင်းနောက်ဆုချီးမြှင့်ပွဲကို ဆက်လက်ကျင်းပရာ ကုန်းလမ်းပို့ဆောင်ရေးညွှန်ကြားမှုဦးစီးဌာန ခရိုင်ဦးစီးမှူး ဦးမင်းသန့်ဇင်က ဒုတိယဆုရရှိသော Red Drivel အသင်းကစားသမားများအား လည်ဆွဲဆုနှင့် ငွေသားဆုချီးမြှင့်သည်။ ထို့နောက် တာဝန်ရှိသူများက အကောင်းဆုံးကစားသမားဆုများအား ချီးမြှင့်ရာ ဆယ်မအကောင်းဆုံးဆုကို Red Drivel အသင်းမှ စိုးမိုးအောင်က လည်းကောင်း၊ ပစ်ထောင်အကောင်းဆုံးဆုကို Polairs အသင်းမှ ဇော်ဖြိုးပိုင်ကလည်းကောင်း၊ ခုတ်ရိုက်အကောင်းဆုံးဆုကို Polairs အသင်းမှ စောအေးမင်းသန့်တို့က ရရှိကြသည်။ ဆက်လက်၍ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီအဖွဲ့ဝင် ဦးဇော်မင်းဦးက ပထမဆုရရှိသော Polairs အသင်း ကစားသမားများအား လည်ဆွဲဆု၊ ငွေသားဆုနှင့် တံခွန်စိုက်ဆုဖလားများ ချီးမြှင့်ခဲ့ကြောင်း သိရသည်။ ခရိုင်(ပြန်/ဆက်)MDN
Mon, 25-May-2026
ဂျကာတာ မေ ၂၄အင်ဒိုနီးရှားနိုင်ငံ၏ အာဟာရပြည့်အစားအစာ ကျွေးမွေးရေးအစီအစဉ်သည် ကျောင်းသား ကျောင်းသူများ၊ ကလေးသူငယ်များ၊ ကိုယ်ဝန်ဆောင်မိခင်များ၊ နို့တိုက်မိခင်များအပါအဝင် နိုင်ငံတစ်ဝန်းရှိ လူပေါင်း ၆၂ ဒသမ ၄ သန်းကျော် အကျိုးခံစားခွင့်ရှိလာပြီဖြစ်ကြောင်း မေ ၂၃ ရက်တွင် ထုတ်ပြန် သော အစိုးရအချက်အလက်များအရ သိရသည်။အင်ဒိုနီးရှားအစိုးရသည် အသက်ငယ်ရွယ်ချိန်မှစတင်ကာ အမျိုးသားအဆင့် အာဟာရဖွံ့ဖြိုးမှုအားကောင်းစေရန်နှင့် လူသားအရင်းအမြစ် အရည်အသွေးမြှင့်တင်နိုင်ရန် အာဟာရပြည့်အစားအစာကျွေးမွေးရေးအစီအစဉ်ကို ဆက်လက်တိုးချဲ့ဆောင်ရွက်သွားမည်ဖြစ်ကြောင်း အမျိုးသား အဆင့်အာဟာရဆိုင်ရာအေဂျင်စီက ပြောသည်။အကျိုးခံစားခွင့်ရှိသူများအနက် ကျောင်းသား ကျောင်းသူများ အများဆုံးဖြစ်ပြီး စုစုပေါင်း ၄၈ ဒသမ ၃၅ သန်းရှိကြောင်း၊ ယင်းပမာဏမှာ အင်ဒိုနီးရှားတစ်နိုင်ငံလုံးရှိ ကျောင်းသား ကျောင်းသူ စုစုပေါင်း၏ ၇၆ ဒသမ ၁ ရာခိုင်နှုန်းအထိရှိကြောင်း အဆိုပါအေဂျင်စီက ပြောသည်။ ၂၀၂၅ ခုနှစ် ဇန်နဝါရီ ၆ ရက်တွင် စတင်ခဲ့သော အဆိုပါအစီအစဉ်သည် အင်ဒိုနီးရှားနိုင်ငံတစ်ဝန်းရှိ လုပ်ငန်းလည်ပတ်သော အာဟာရဆိုင်ရာဝန်ဆောင်မှုဌာနပေါင်း ၂၉၀၀၀ ခန့်မှတစ်ဆင့် ထမင်း အနပ်ပေါင်း ၈ ဒသမ ၃ ဘီလီယံအထိ ဖြန့်ဝေပေးခဲ့ပြီးဖြစ်ကြောင်း သိရသည်။အချက်အလက်များအရ ယင်းအစီအစဉ်သည် စာသင်ကျောင်းပေါင်း ၃၇၀၀၀၀ ကျော်အထိ အကျိုးခံစားခွင့်ရှိကြောင်း၊ အစားအစာပြင်ဆင်ချက်ပြုတ်ခြင်းနှင့် ဖြန့်ဝေဆောင်ရွက်ခြင်းတို့တွင် လုပ်သားပေါင်း ၁ ဒသမ ၂၈ သန်းဖြင့် လုပ်ကိုင်ဆောင်ရွက်ရကြောင်း သိရသည်။ဆင်ဟွာMDN
Mon, 25-May-2026
ဘာစီလိုနာနှင့် လိုင်ယွန်အသင်းတို့၏ အမျိုးသမီး ချန်ပီယံလိဂ်ဖလား ဗိုလ်လုပွဲစဉ်ကို မေ ၂၃ ရက် ညပိုင်းက နော်ဝေနိုင်ငံ အော်စလိုမြို့ရှိ အူလီဗားလ် အားကစားကွင်း၌ ယှဉ်ပြိုင်ကစားခဲ့ရာ ဘာစီလိုနာအသင်းက တိုက်စစ်ခြေစွမ်းပြကာ လေးဂိုးပြတ် နိုင်ပွဲရရှိပြီး ခြောက်ရာသီအတွင်း ချန်ပီယံလိဂ်ဖလားကို လေးကြိမ်မြောက် ဆွတ်ခူးနိုင်ခဲ့သည်။ လိုင်ယွန်အသင်းသည် ပွဲအစပိုင်းမိနစ်များတွင် ဘာစီလိုနာအသင်းကို ခြေစွမ်းအသာဖြင့် ကစားနိုင်ခဲ့သော်လည်း နောက်ပိုင်းပွဲချိန်များတွင် ကစားအားကျဆင်းလာကာ သွင်းဂိုးများ ဆက်တိုက်ခွင့်ပြုပေးခဲ့ရပြီး ဂိုးပြတ်ရှုံးပွဲကြုံတွေ့ခဲ့ခြင်းဖြစ်သည်။ ဘာစီလိုနာအသင်းသည် ပြီးခဲ့သည့်ရာသီတွင် ချန်ပီယံလိဂ်ပြိုင်ပွဲ နောက်ဆုံးဗိုလ်လုပွဲသို့ တက်လှမ်းနိုင်ခဲ့သော်လည်း အာဆင်နယ်အသင်းကို အံ့အားသင့်ဖွယ် ရှုံးနိမ့်ခဲ့သောကြောင့် ဖလားဆွတ်ခူးခွင့် လွဲချော်ခဲ့ရသည်။လိုင်ယွန်အသင်းသည် ၂၀၁၆ ခုနှစ်နှင့် ၂၀၂၀ ပြည့်နှစ်အတွင်း ချန်ပီယံလိဂ်ဖလားကို ငါးကြိမ်ဆွတ်ခူးရရှိထားသည်။မိုးဇက် - စုစည်းရေးသားသည်MDN
Mon, 25-May-2026
ရန်ကုန် မေ ၂၄ အားကစားနှင့် ကာယပညာဦးစီးဌာန မြန်မာနိုင်ငံ ရိုးရာလက်ဝှေ့အဖွဲ့ချုပ်နှင့် Myanmar Martial Art Group(MMAG)တို့ပူးပေါင်းစီစဉ်မှုဖြင့် မြန်မာ့စီးပွားရေး ဦးပိုင် အများနှင့်သက်ဆိုင်သော ကုမ္ပဏီလီမိတက်က အဓိကပံ့ပိုးကူညီကာ Myanmar Fight မျိုးဆက်သစ်မြန်မာ့ရိုးရာ လက်ဝှေ့ပြိုင်ပွဲကြီးပွဲစဉ်(၃၂)ကို ယနေ့မွန်းလွဲ ၁ နာရီတွင် ရန်ကုန်တိုင်းဒေသကြီး မင်္ဂလာတောင်ညွန့်မြို့နယ် သိမ်ဖြူအားကစားရုံ၌ တွဲဆိုင်း ၁၀ ဆိုင်းကျင်းပသည်။အဆိုပါပြိုင်ပွဲ ၃ မိနစ်ထိုး ၂ မိနစ်နား သုံးချီပြိုင်ပွဲ၌ ရဲမင်းအောင် (Smart Fight)နှင့်မိုးကြိုး (555 Sport)၊ထက်ဝေယံ (ကျားမနိုင်)နှင့်ခေးဘွေးထူး (ရိုးရာကျား)၊ရန်မျိုးအောင် (YMA)နှင့် ဝေါယောဇက် (ရိုးရာကျား)၊ ဗညား(Strong Westler)နှင့် ဟိန်း ထက်အောင်(ရွှေဒေါင်းဖြူ)၊ ရွှေထီး(YMA)နှင့်နိုင်ဇင်ဦး (ကျားဘုရင်)တို့ပြိုင်ပွဲများတွင် အလူးအလဲဖြင့်ပူးတွဲသရေများ ကျခဲ့ကာ ပရိသတ်အကြိုက် ပွဲကောင်းများဖြစ်ခဲ့သည်။ရဲမင်းအောင် (Smart Fight)နှင့် မိုးကြိုး (555 Sport)၊ ထက်ဝေယံ (ကျားမနိုင်)နှင့် ခေးဘွေးထူး(ရိုးရာကျား)၊ ရန်မျိုးအောင် (YMA)နှင့်ဝေါယောဇက်(ရိုးရာကျား)၊ ဗညား (Strong Westler)နှင့် ဟိန်းထက်အောင် (ရွှေဒေါင်းဖြူ)၊ ရွှေထီး (YMA)နှင့်နိုင်ဇင်ဦး (ကျားဘုရင်)တို့ပြိုင်ပွဲများတွင် အလူးအလဲဖြင့်ပူးတွဲသရေများ ကျခဲ့ကာ ပရိသတ်အကြိုက် ပွဲကောင်းများဖြစ်ခဲ့သည်။ဆက်လက်၍ သားသား (ဓနုဖြူ)က ချင်းသွေးရိုင်း (Top One)ကို ဒုတိယအချီ၌ လက်သီးတွဲဖြင့် အလဲထိုးနိုင်ခဲ့ပြီး ပြည့်ဖြိုး အောင် (ကျားဘုရင်)က စောကီးဒို (Nine Club)ကိုဒုတိယအချီမှာ အလဲထိုးနိုင်ခဲ့သည်။ထို့ပြင်စောမျိုးကျော် (ဓနုဖြူ)နှင့် ဒေးဗစ် (MK-1)တို့ပြိုင်ပွဲတွင် ဒေးဗစ်လက်သီး ခြေကန်ချက်များကြောင့် စောမျိုးကျော်ဒုတိယအချီမှာ အနားတောင်းခဲ့ကာ ဆက်လက်မယှဉ်ပြိုင်နိုင်၍ ဒေးဗစ်အနိုင်ရရှိခဲ့သည်။ ဖိုးခွားစိ (ပဲခူးကလပ်)နှင့် စောလင်းထက်နိုင် (ဓနုဖြူ)တို့ပြိုင်ပွဲတွင် ဖိုးခွားစိခြေကန်ချက်၊ လက်သီးတွဲလုံး တရစပ်များကြောင့် ဒုတိယအချီမှာ စောလင်း ထက်နိုင်အနားတောင်းခဲ့ကာ တတိယအချီတွင် ဆက်လက် မယှဉ်ပြိုင်နိုင်၍ အရှုံး ပေးခဲ့သည်။ စထက်လင်း (MK-1)နှင့်စောမောနီးရှိုင်း (DOJO 9) တို့ပြိုင်ပွဲ၌သူတင်ကိုယ်တင် တတိယအချီအထိထိုးကြကာ တတိယအချီမှာပင် စထက်လင်း လက်သီးကြောင့် စောမောနီးရှိုင်းထိုင်ကျကာ ဆက်လက် မယှဉ်ပြိုင်၍ အရှုံးပေး လိုက်ရသည်။ MWD
Mon, 25-May-2026
ရီယက် မေ ၂၄ အယ်နာဆာအသင်း တိုက်စစ်ကစားသမား ဂျာအိုဖီးလစ်သည် အသင်းဖော် စီရော်နယ်ဒိုကို ကျော်ဖြတ်ပြီး ယခုဘောလုံးရာသီ ဆော်ဒီပရိုလိဂ် ပြိုင်ပွဲ၏ တစ်နှစ်တာ အကောင်းဆုံး ကစားသမားဆုကို ဆွတ်ခူးနိုင်ခဲ့ကြောင်း သိရသည်။ဂျာအိုဖီးလစ်သည် ပြီးခဲ့သည့် နွေရာသီကစားသမား အပြောင်းအရွှေ့ကာလက ချယ်လ်ဆီးအသင်း မှ ပြောင်းရွှေ့ကြေးယူရို သန်း ၃၀ ဖြင့် အယ်နာဆာ အသင်းသို့ ပြောင်းရွှေ့ကစားခဲ့ပြီး အသင်းနှင့်အတူ ပထမဆုံး ဘောလုံးရာသီတွင်ပင် အကောင်းဆုံး ခြေစွမ်းပြနိုင်ကာ ဆော်ဒီပရိုလိဂ်တစ်နှစ်တာ အကောင်းဆုံး ကစားသမားဆုကို ဆွတ်ခူးနိုင်ခဲ့ခြင်း ဖြစ်သည်။အသက် ၂၆ နှစ်အရွယ် ဂျာအိုဖီးလစ်သည် အယ်နာဆာအသင်းနှင့်အတူ ဆော်ဒီပရိုလိဂ်ပြိုင်ပွဲတွင် ၃၃ ပွဲကစားရာ သွင်းဂိုး ၂၀ သွင်းယူနိုင်သည့်အပြင် ဂိုးဖန်တီးမှုလည်း ၁၃ ကြိမ်ပြုလုပ်နိုင်ကာ ဂိုးပါဝင် ပတ်သက်မှု ၃၃ ကြိမ်အထိ လုပ်ဆောင်နိုင်ပြီး ဂိုးဖန်တီးမှုအများဆုံး ကစားသမားစာရင်းတွင် ထိပ်ဆုံး မှ ဦးဆောင်နိုင်ခဲ့သည်။ဂျာအိုဖီးလစ်သည် အသင်းနှင့် အကောင်းဆုံး ခြေစွမ်းပြနိုင်ပြီးနောက် အသင်းဖော် စီရော်နယ်ဒို နှင့်အယ်အာလီအသင်းမှ အိုင်ဗန်တိုနေးတို့ကို ကျော်ဖြတ်ပြီး တစ်နှစ်တာ အကောင်းဆုံး ကစားသမားဆုကို ဆွတ်ခူးနိုင်ခဲ့ခြင်းဖြစ်သည်။ ဆော်ဒီပရိုလိဂ် ပြိုင်ပွဲ၏ တစ်နှစ်တာ အကောင်းဆုံးနည်းပြဆုကိုလည်း အယ်နာဆာအသင်းကို ချန်ပီယံဆုဆွတ်ခူး ပေးနိုင်သည့် နည်းပြ ဂျီးဆပ်က ဆွတ်ခူးရရှိခဲ့ကြောင်း သိရသည်။ MWD
Mon, 25-May-2026
ဘာလင် မေ ၂၄ ယခုဘောလုံးရာသီ ဂျာမန်ပိုကယ်ဖလားပြိုင်ပွဲ ဗိုလ်လုပွဲတွင် ဘိုင်ယန်မြူးနစ်အသင်းက စတုဂတ် အသင်းကို ၃ ဂိုး- ဂိုးမရှိဖြင့် အနိုင်ရရှိပြီး ချန်ပီယံဆုဖလားဆွတ်ခူးနိုင်ခဲ့ကြောင်း သိရသည်။အဆိုပါပွဲစဉ်တွင် ဘိုင်ယန်မြူးနစ်အသင်းက စတုဂတ်အသင်းကို အကောင်းဆုံး ဖိအားပေးကစား နိုင်ကာ ပွဲချိန် ၅၅ မိနစ်၊ ပွဲချိန် မိနစ် ၈၀ နှင့် ပွဲချိန် ၉၂ မိနစ်တို့တွင် ဟယ်ရီကိန်း တစ်ဦးတည်းက ဘိုင်ယန် မြူးနစ်အသင်းအတွက် သွင်းဂိုးများသွင်းယူနိုင်ပြီး နောက် ချန်ပီယံဆုဖလား ဆွတ်ခူးနိုင်ခဲ့ခြင်းဖြစ်သည်။ဘိုင်ယန်မြူးနစ်အသင်းသည် ယခုဘောလုံး ရာသီတွင် ဂျာမန်ဘွန်ဒက်လီဂါပြိုင်ပွဲတွင်လည်း ချန်ပီယံဆုဖလား ဆွတ်ခူးနိုင်သကဲ့သို့ ဂျာမန်စူပါ ဖလားပြိုင်ပွဲတွင်လည်း ချန်ပီယံဆုဖလားဆွတ်ခူး နိုင်ခဲ့ကာ ယခုအခါတွင်လည်း ဂျာမန်ပိုကယ်ဖလားကိုပါ ဆွတ်ခူးနိုင်သည့်အတွက် တစ်ရာသီအတွင်း ပြည်တွင်းဆုဖလား သုံးလုံးစလုံးဆွတ်ခူးနိုင်ခြင်းဖြစ် ပြီး ချန်ပီယံလိဂ်ပြိုင်ပွဲတွင်လည်း ဆီမီးဖိုင်နယ် အဆင့်အထိတက်ရောက်နိုင်ခဲ့သော်လည်း ပီအက်စ်ဂျီ အသင်းကိုရှုံးနိမ့်သည့်အတွက် ဆီမီးဖိုင်နယ်အဆင့် ဖြင့်သာ ကျေနပ်ခဲ့ရသည်။ဘိုင်ယန်မြူးနစ်အသင်းသည် ဂျာမန်ပိုကယ်ဖလား ပြိုင်ပွဲတွင် ၂၀၁၉-၂၀၂၀ ဘောလုံးရာသီက နောက်ဆုံး အကြိမ် ချန်ပီယံဆုဆွတ်ခူးနိုင်ခဲ့ခြင်းဖြစ်ပြီး ယခု ဘောလုံးရာသီမှသာ ပြန်လည်ဆွတ်ခူးနိုင်ကာ ၂၁ ကြိမ်မြောက်အဖြစ် ဆွတ်ခူးနိုင်ခဲ့ခြင်းဖြစ်သည်။ဘိုင်ယန်မြူးနစ်အသင်းသည် ဂျာမန်ပိုကယ်ဖလား ပြိုင်ပွဲတွင် ဗိုလ်လုပွဲအဆင့်သို့ ၂၅ ကြိမ်မြောက်တက် ရောက်နိုင်ခဲ့ကာ ၂၁ ကြိမ်ချန်ပီယံဆုဆွတ်ခူးပြီး လေးကြိမ်ဒုတိယဆုရရှိခဲ့ကာ ပြိုင်ပွဲတွင် အအောင် မြင်ဆုံးအသင်းအဖြစ် ရပ်တည်လျက်ရှိသည်။ဂျာမန်ပိုကယ်ဖလားပြိုင်ပွဲတွင် သွင်းဂိုး ၁၀ ဂိုး ဖြင့် သွင်းဂိုးအများဆုံး ကစားသမားဆုအပြင် ပြိုင်ပွဲ ၏ အကောင်းဆုံး ကစားသမားဆုကိုပါ ဆွတ်ခူးနိုင်ခဲ့ သည့်ဟယ်ရီကိန်းသည် ယခုဘောလုံး ရာသီတွင် နိုင်ငံအသင်းနှင့် ကလပ်အသင်း သွင်းဂိုး ၆၆ ဂိုးအထိ ရှိလာပြီး ဥရောပထိပ်တန်း လိဂ်များတွင် သွင်းဂိုး အများဆုံးကစားသမားအဖြစ် ရပ်တည်နေကြောင်း သိရသည်။ MWD
Mon, 25-May-2026